كحك العيد بالملبن على الطريقة المصرية من مطبخ الشيف مونى بالصور
 

السلام عليكم ورحمة الله
كل سنة وانتو طيبين
وأخيرا نزلت الكحك بناءا على طلبكم
المكونات:
كيلو دقيق
نصف كيلو سمنة بلدى سايحة(انا استخدمت سمنة الحلوب)
كوب ونصف ماء دافىء (ممكن استبداله بحليب)
نصف ملعقة كبيرة خميرة فورية
2 ملعقة كبيرة سكر
5 ملعقة كبيرة سمسم مش محمص
ملعقة كبيرة ريحة كحك(وريحة الكحك دى من المكونات الاساسية للكحك المصرى وهى عبارة عن خلطة بهارات مكونة من حبهان وقرنفل وجنزبيل وقرفة وشمر مطحونين واحنا بنشتريها جاهزة من عند العطار)
مكونات الحشو:
نصف كيلو ملبن(الملبن نفسه هو الراحة )
2 ملعقة كبيرة سمنة
3 ملعقة كبيرة سمسم
نقطتين ماء زهر
الطريقة:
هنبدأ فى تحضير عجينة الكحك ودى صورة ريحة الكحك للى ميعرفهاش
http://i39.servimg.com/u/f39/16/73/51/37/122.jpg
فى اناء هنحط الدقيق ومعاه ريحة الكحك ونقلبهم ونعمل حفرة فى النص نحط فيها السمسم ونقدح السمنة وننزلها على الدقيق وهتعمل فوران لأنها لازم تكون بتغلى وطبعا غليانها ده هيخلى السمسم يتحمص
وفيه ناس بتحط السمنة باردة من غير ماتقدحها بس انا بعمل الكحك بالطريقة المصرية التقليدية طريقة جدتى الله يرحمها
http://i39.servimg.com/u/f39/16/73/51/37/222.jpg
ونقلب الدقيق مع السمنة كويس بالمعلقة لأن السمنة سخنة يعنى نبس العجينة زى مابنقول فى مصر لغاية ماالدقيق يشرب كل كمية السمنة
http://i39.servimg.com/u/f39/16/73/51/37/322.jpg
ونسيبهم يبردوا خالص وفى الكوب ونص ميه هندوب الخميرة والسكر وننزل بيهم على الدقيق والسمنة
http://i39.servimg.com/u/f39/16/73/51/37/422.jpg
ونبدأ نعجن بايدينا او بالمعلقة ونلم العجينة بايدينا
http://i39.servimg.com/u/f39/16/73/51/37/529.jpg
ونغلفها ونسيبها تخمر فى مكان دافى من مدة ساعة لساعة ونص ولأننا فى صيف هتخمر بسرعة وفى الوقت ده هنجهز حشوة الملبن
هنقدح السمنة على النار ونطفى النار ونحط السمسم يتحمص فى السمنة على السخونية ونقلبه

http://i39.servimg.com/u/f39/16/73/51/37/622.jpg
ونقطع الملبن قطع ونحطه على السمنة والسمسم
http://i39.servimg.com/u/f39/16/73/51/37/722.jpg
ونشغل النار ونقلبهم كويس لغاية ماالملبن يمتزج مع السمنة والسمسم ويبقوا كتلة واحدة واخر حاجة نضيفلهم ماء الزهر وطبعا الخطوة دى اختيارى
http://i39.servimg.com/u/f39/16/73/51/37/820.jpg
نرجع لعجينة الكحك هنلاقيها اختمرت كويس
http://i39.servimg.com/u/f39/16/73/51/37/921.jpg
هناخد جزء من العجينة نكوره
http://i39.servimg.com/u/f39/16/73/51/37/1020.jpg
ونعمل حفرة فى النص
http://i39.servimg.com/u/f39/16/73/51/37/1118.jpg
ونكون مكورين الملبن ومجهزينه للحشو
http://i39.servimg.com/u/f39/16/73/51/37/1217.jpg
ونحط فى الحفرة دى كورة من كور الملبن
http://i39.servimg.com/u/f39/16/73/51/37/1321.jpg
ونقفل العجينة
http://i39.servimg.com/u/f39/16/73/51/37/1416.jpg
ونكون محضرين فورم تشكيل الكحك او المناقيش زى ايام زمان اللى بترتاحوله
http://i39.servimg.com/u/f39/16/73/51/37/191010.jpg
نحط العجينة فى الفورمة ونضغط عليها
http://i39.servimg.com/u/f39/16/73/51/37/1614.jpg
وننزلها من الفورمة على صينية مدهونة
http://i39.servimg.com/u/f39/16/73/51/37/1712.jpg
ونرص الكحك فى صوانى مدهونة سمنة
http://i39.servimg.com/u/f39/16/73/51/37/1916.jpg
http://i39.servimg.com/u/f39/16/73/51/37/2014.jpg
http://i39.servimg.com/u/f39/16/73/51/37/2114.jpg
وندخل الكحك فرن حرارته عالية ومسخنينه قبل كده ونطلعه لما وشه يحمر ويستوى
وفيه ناس بتسيبه يختمر بعد ماتحطه فى الصوانى بس ده هيغير شكل الكحك والنقشة بتاعته هتختفى وده بردو لأننا فى صيف ودرجة الحرارة عالية
ولما يبرد خااااااااااااااالص نرش عليه السكر بودرة ونقدمه
وده شكله بعد التقديم
http://i39.servimg.com/u/f39/16/73/51/37/2213.jpg
http://i39.servimg.com/u/f39/16/73/51/37/2316.jpg
وده شكل الملبن جوة الكحك
http://i39.servimg.com/u/f39/16/73/51/37/2413.jpg
الكحك طلع طعمه اكثر من رائع بس ناعم جدا ودسم لأننا بنحبه كده لو انتو عايزينه اخف ممكن تستبدلوا السمنة بزبدة

ويارب موضوعى البسيط ده يكون عجبكم

رد: كحك العيد بالملبن على الطريقة المصرية من مطبخ الشيف مونى بالصور
 

يعطيك الف الف عافيه

موضوع رااائع

وجهود أروع

ننتظر المزيد

بشوووق ...✿

رد: كحك العيد بالملبن على الطريقة المصرية من مطبخ الشيف مونى بالصور
 

رد: كحك العيد بالملبن على الطريقة المصرية من مطبخ الشيف مونى بالصور
 

روووووووووووووووووووووعه ياقمر