رد: "مال الهوى عندي عذر ".
 

طلع محمد وحور وركبو السياره وشغل محمد السياره ومشى سريع وهو مايدري وين بيروح
وكان ساكت ومايتكلم وحور تلعب بجوالها..اتصلت على دانه تكلمها.
محمد::وين اروح حور؟
حور:انتظر وبتعرف وين.
وردت دانه على حور وصوتها فيه النوم
دانه:هلا حور.
حور:حيهم حيهم دندونه شنوووم؟
دانه وهي تتثاوب:الله يحيهم ..توني جالسه من النوم.
حور:الله صح النوم الساعه 8 ونص بالليل حنا وتوك تجلسين.
دانه:حلفي الساعه 8 ونص افكر المغرب برووح اصلي باي.
حور:هههه طيب دووين صلي وتجهزي ودقايق وانا جايتك اوكي.
دانه:ليش وين بنروح؟
حور:انتي الحين صلي وماعليك وين؟ يالله بايوو.
دانه:طيب بايوو.
قفلت حور والتفت على محمد الي كان يطالعها وفي وجهه الف استفهام
حور:عرفت وين بنروح الحين.
محمد:ابووي يدري بالسالفه؟
حور:لا ماايدري ولا كان فناك من هالدنيا.
محمد:يووه حوير رجعنا.
حور:طيب طيب روح بيت عمي قبل ناخذ اسوول.
وراح محمد لبيت عمه وحور اتصلت على اسيل عشان تجهز وهذيك مااصدقت اللبست
عبايتها ونزلت قالت لابوها الي عطاها محاضره طول وعرض على ماوافق تطلع
وبس وصلو طلعت لهم ومحمد نزل سلم على عمه وبعدها مشو عشان يروحون لدانه
وصلو وحور قالت هي بتنزل تناديها وتشوف اذا خلصت ونزلت حور ودخلت البيت
وشافت ام علي جالسه لحالها في الصاله ودخلت سلمت عليها وتوها ملتفه الا ابوها
داخل ويكلم ام علي.
بوجاسم:ام علي وين المفتاح الي عطيتك امس؟
ودخل وشاف حور في وجهه وسكت وضل واقف وحور مو عارفه شتسوي تروح تسلم عليه
ولا تمشي ولا شتسوي؟؟؟؟
حور راحت لابوها وحبته على راسه وهو مصدوم منها
حور:السلام يبا شخبارك؟
بوجاسم:بخير يابنيتي انتي شخبارك؟
حور:الحمدلله بخير..
ام علي:انتظر بروح اجيبه لك من الغرفه.
وراحت ام علي وتركت حور مع بوجاسم بروحهم وكانو ثنينهم بموقف ماينحسدون عليه
بوجاسم:حورانتي في أي سنه؟
حور تقول بداخلها من زود اهتمامك حتى في أي سنه ماتدري عني اااخ بس.
حور:ثالث ثانوي.
بوجاسم:اايه وشخبارك مع الدراسه؟
حور:ماشيه حلوه الحمدلله.
بوجاسم:الله يوفقك الله يوفقك.
حور:وينها دانه؟
بوجاسم:فوق في غرفتها.
حور:انا بروح لها تامر شي يبا؟
بوجاسم:سلامتك يا بنتي.
وراحت حور عنه وبوجاسم في داخله يردد سلامتك يابنتي سلامتك هذا الي اطلبه من الدنيا
راحت حور لدانه الي تجهزت والبست عبايتها وحتى لثمتها لابستها وشافتها طالعه
من غرفتها ورجعت نزلت بسرعه معها لانهم تاخرو على محمد واسيل في السياره
بوجاسم شافهم طالعين وناداهم.
بوجاسم:ووين يابنات؟
دانه:بطلع مع حور.
بوجاسم:وين بتروحون؟
دانه:ماادري.
حور:محمد عازمنا على العشاء وبنروح معه.
دانه التفت وهي فاتحه عيونها من طاري محمد:ماقلتي لي ان محمد.
بوجاسم:ليش وشفيك مع اخووك؟
حور ضربت كتف دانه عشان تسكت وماتفتح السالفه بلقافتها وتخرب عليهم
دانه:هااا ولا شي تامر شي بنمشي؟
بوجاسم:لا سلامتكم والله يستر عليكم ويحفظكم.
طلعت حور مع دانه وهم يتهاوشون هذيك ليش ماقالت ان محمد الي جاي؟والثانيه ليه توهقهم
مع ابوها واسالته بحركتها؟؟
وركبو السياره ودانه سكتت بس ركبت وشافت محمد الي كان يسولف مع اسيل بنت عمه
محمد:هلا دانه.
دانه:هلافيك.
حور:دووووين بلا حركات وفليها خلاص محمد ماكان قصده لاتعاقبونه كلكم يكفي جاسم.
محمد طالع اخته وعيونه تترجاها تسامحه على كل الي سواه ودانه ابتسمت لاخوها
دانه:طيب كل شي ولا بو جسووم.
محمد وهو يضحك:ههههههه فداك بوجاسم ياالدانه.
دانه:تسلم لي.
اسيل:الووو هاا نسيتوني؟؟
محمد:تكلمت الشينه .
دانه:ليش جايبينها معنا؟
محمد:انا ادري عن حور هي الي قالت.
اسيل:ااخ يالنذول انا اوريكم بتعرفون قدري.
حور:ههههه بس بس سكتو عن حبيبتي اسووله.
اسيل:يااحبي لك يا ام الحور.
محمد:ههههه خلصونا وين بتروحون؟
حور:بنروح المطعم نااخذ العشاء وعلى الكورنيش سررريع.
اسيل:حلوووو.
دانه:طيب انا جايعه وابي عشاء ثقيل.
محمد:بجيب لك عشاء كثيررر واكلي الى ان يطلع من عيونك ههههه.
دانه:طيب.
وقفو عند المطعم ودق تلفون محمد وكان سيف يكلمه وطلع بالصدفه سيف واقف بنفس
المطعم يااخذ له عشاء وقاله محمد يجيه ودانه بس سمعت اسم سيف طارت من الفرح
وفتحت نافذتها عشان تشوفه اذا جا
دانه:بنات بقولكم سر.
اسيل:شنو؟
دانه:تذكرون سيف اخو لمياء الي كلمه محمد وبيجي الحين؟
حور:اايه اذكره انا..شفيه؟
دانه:عندي صورته وانا الى صورته.
اسيل:صحيح وليه؟
دانه:اممممم هو قال لي صوريني وقلت له والصوره قال عادي تبقى عندك.
حور وهي متعجبه من السالفه:طيب ومتى هالكلام صار؟
دانه:في خطوبه لمياء وصراحه احس اني عاجبته وانا عاجبني مووت.
حور:الله يستر من جنونك يادوين.
اسيل:اقول انتبهي على حالك بس والله اذا شافها علي اوعمي يذبحونك والله بعد لو يوصل
الخبر لجاسم ومحمد هم الي بيعلموونك شغلك.
دانه:يوووووه كله تفاول بالشر سكتي.
حور سكتت وماعلقت وحست نفسها غاصه بريقها من كلام اسيل شبيصير لو يعرفون
اخوانها عن عبدالرحمن والله يذبحونها ومالهم في احد وخاافت بالحيييل.
دانه شافت سيف وسرحت فيه وهو وقف يسولف مع محمد وكان محمد ياشر على السياره
وهو يتكلم معه ورفع سيف عيونه يطالع السياره وشاف دانه تطالعه وعرف ان هي
وظل يطالعها ويبتسم وهي مو مصدقه الي يصير بعدها محمد جا ومعه العشاء ومشو
وهم في الطريق شغل محمد المسجله على اغنية سواها قلبي وكلهم قامو يغنون معها
ومنطربين والصدفه عجيبه جمعت ثلاث بنات كل وحده قلبها متعلق بحبيب
وصلو وانزلو عند البحر وجلسو عشان يتعشوون واسيل وهي ترتب العشاء دق جوالها
وشافت الرقم واستانست وقامت عنهم وردت على المتصل
اسيل:هلا.
علي:هلا بهالصووت.
اسيل:حياك علي.
علي:الله يحيك..شخبارك اسيل؟
اسيل بكل حيا:تمام اسال عنك؟
علي:تسال عنك العافيه بس شدعوه مااتتصلين تسالين عني؟
اسيل:عادي اتصل؟؟
علي:هههه اكيييد...طيب وين انتي؟
اسيل:انا في البحر مع حور والباقي شرايك تجي معنا مابعد نتعشى؟
علي:تعشو عليكم بالعافيه انا تعشيت ودقايق انا في الطريق جايكم.
اسيل:طيب عوافي ننتظرك.
ورجعت اسيل وجلست تتعشى ونفسها مفتوحه للاكل من بعد مااسمعت صوت علي
وكملو عشاهم ووصل علي الي استغربو بس شافوه وجلس معهم وظلو يسولفون ويضحكون
واسيل مع علي شاقين الفم من الضحك ومر الوقت وهم جالسين وصارت الساعه11 وحور جالسه
تضحك دق جوالها وكانت النغمه اغنيه اصيل(ايه احبك)وبس
سمعتها وقفت ضحك وتغيرت ملامحها وضااعت علومها شتسوي عبدالرحمن شلون
تكلمه واخوانها اثنينهم جنبها احتارت وبعدها قامت وراحت قريب البحر وجلست
واتصلت عليه وقلبها يدددق بقووه من الخوف
عبدالرحمن:مساء الورد يااحلى من انفاس الوورد.
حورودايخه من كلامه:مساء الحب حبيبي.
عبدالرحمن:وين انتي اتصل عليك وماتردين؟
حور:انا في البحر.
عبدالرحمن بس سمعها قال وهو مومصدق:صج حوور في البحر.
حور:صج شفيك مستغرب.
عبدالرحمن:طيب وين انتي بضبط دقايق وجايك.
حور:رحمانوو جنيت شنو تجيني؟مايكفي من شوي كان نهيتني.
عبدالرحمن:ليش شسوويت لك؟
حور:برسايلك كان فضحتني قدام زوجة اخوي ومن شوي وانت تتصل كنت جنب اخوي
علي ومحمد لو انتبهو او رديت واسمعو صوتك شبيسون فيني؟؟
عبدالرحمن:اسف حبيبتي ماانتبهت لهشي.بس انا بجي ووقف من بعيد اقلها اشوفك.
حور:لا حبيبي لاتجي اخاف لاتجي.
عبدالرحمن وخاب امله:اااه طيب عشانك موجاي ولاتخافين.
حور:سلامتك من الااه وبعدين ان شاء الله بنجي انا وياك البحر كثيرر ونجلس نسولف
ونضحك وبنبقى مع بعض صح؟؟
عبدالرحمن وصوته كله استسلام:صح.
حور:تامر شي؟؟في خاطرك شي؟؟
عبدالرحمن:سلامتك ياقلبي بس تو ماكلمتك.
حور:مااقدر اطول اخواني بيعصبون يالله بايوو.
عبدالرحمن:حوور..احبك.
حور ماقفلت وسمعت عبدالرحمن وغمضت عيونها واخذت نفس قووي
حور:وانا احببك.
عبدالرحمن:انتبهي على نفسك حبيبتي.
حور:وانت بعد..عارف رحمانوو نفسي اصرخ قدام البحر واقول احبك رحمانوووو.
عبدالرحمن:ههههه سويها وريحي نفسك.
حور:هههه مااقدر..عالعموم باي.
عبدالرحمن:باي..وكلميني اذا رجعتي طمنيني عليك.
حور:طيب.
سكرت حور وراحت جلست مع اخوانها الي كانت الجلسه عندهم عال العال
كلها ضحك ووناسه وفالينها على الاخر...
.............................. .................... ..........
نوره كانت متوتره شنو تلبس؟؟شتقول؟؟شتسووي وشلوون وشلوون ورايحه وجايه بغرفتها
وزوبا تلعب في جوالها وتطالعها وهي متوتره من حركتها.
زوبا:يووووووه نوير وجع جلسي لوعتي كبدي.
جلست نوره على السرير:اووووه مليت محتاره موعارفه شبسوي بكره.
زوبا:لاتكبرين السالفه كلها بيشوفك.
نوره:خاايفه زوبا اذا مااعجبته؟
زوبا:يحب يده لانك وافقتي عليه وبعدين خلصينا كلها ساعات وبتعدي.
نوره:الله كريم بس زنووب بكره بيملكون بعد.
زوبا:قولي والله من قالك؟
نوره:فطوم تقول حسين كلم ابوي وقاله يبي يملك بعد.
زوبا:هههه ياحليله مستعجل الاخو.
نوره:ياارب تعدي على خير وزوبا كلمي البنات يجون اقلها يجلسون معي يشجعوني.
زوبا:مباراه يشجعونك جنيتي اختي؟؟
نوره:انتي كلبه ولاتنعطين وجهه.
زوبا:ههه طيب ولاتزعلين اكلمهم.
ومسكينه نوره مو جايها نووم من كثر ماتحاتي شبيصير وشنو بيقول عنها حسين؟؟
بتعجبه او لا؟؟ جلست طول الليل تفكر في بكره.
.............................. ........
سعد ولمياء كانو بسووق لوقت متاخر وهم يتحوسون بهالاسواق لانهم كانو يجهزون اثاث
شقتهم الي بيسكنون فيها ويبون يخلصون سريع لان زواجهم تحدد بعد شهر
وسعد طاير من الفرح وهو يجهز مع لمياء الي مو مصدقه نفسها حلمها ويتحقق قدام
عيونها وبهالسرعه ايام وتكون هي وسعد بس ..سعد كان مختار غرفة نوم ولمياء مختاره
غرفة ثانيه وكل واحد معاند ويبي الي هو مختارها.
سعد:خلاص حبيبتي بلا حركات العيال وسمعي الكلام.
لمياء وتضرب الارض برجلها مثل العيال:لالا ماابي ناخذ هذي ولاتصير دكتاتوري.
سعد:مانبيهم ثنتينهم خلااص.
وكان مسوي نفسه متضايق وزعلان من لمياء وهي شافته وتلومت وخافت انه زعل صج
وكانت تكلمه وهو يكلمها بضيق ومن دون خاطر
لمياء:بتزعل علشان غرفه؟ولايهمك ناخذ الي اخترت وحتى لو ماشرينا غرفه انام معك
على الارض ولازعلك ياروحي.
سعد يطالع لمياء ويبتسم:طيب ماني زعلان بس عطيني بووسه.
لمياء:يووه سعد حنا في السووق.
سعد:انا هذا الي بيذبحني (يووووه).
لمياء:ههههههههه.
سعد:رحمتك ياارب قلبي عشان خاطر هالضحكه ماراح ناخذ الا الي اخترتي.
ورجعو واخذو غرفة النوم الي اختارتها وعلى كم قطعه اثاث ومشو بعدها
لانهم من زمان بالسوق تعبو وهم يمشون وجاعو مااكلو شي من طلعتهم للسوق
سعد وهو يسوق:جاااايع ومن كثر جوعي خايف اكلك.
لمياء:ههههههه حلالك اكلني.
سعد:طيب تعالي.
لمياء:لا.
سعد:مو تقولين حلالي تعالي.
لمياء مدت يدها في وجه سعد وغمضت عيونها وهو عض طرف اصابيعها وصرخت
هي بقوه من شده العضه وجلست تضرب في يده هو تركها وقام يضحك عليها
لمياء:ااااااه يالشرير.
سعد:ههههههههه قلت لك باكلك قلتي حلالك تحملي ماجاك.
لمياء:وانت مااكذبت خبر.
سعد مسك يدها:المك كثير حبيبتي.
لمياء:اايه.
سعد باسها على يدها:اسف حبيبتي ماكان قصدي.
لمياء بدلع:سامحتك بس بشرط.
سعد:تدللي؟
لمياء:تشتري عشاء عشان تاكل وانا بعد جايعه.
سعد:اوكي موافق برضو بشرط.
لمياء:امرني.
سعد:توكليني بيدك؟
لمياء:مااطلبت يالغالي.
واخذو عشاء وراحو للبيت وجلسو مع بعض للصباح وهم سوالف وضحك من بعد مااكلو
سمر كانت جالسه مع بدور الي كانت سرحانه وفي عينها الف دمعه وجالسه مثل الحجر
لاتتكلم وماينسمع الا صوت تنهيداتها بين كل لحظه وسمر تطالع في اختها وكاسرا خاطرها
الحاله الي وصلت لها بس لوتعرف شنو فيها عشان تخفف عليها بدور غمضت عيونها بقوه
ومدت يدها وشغلت المسجله الي صوت راشد كسر هدوء الغرفه باغنيه(عشان الحب)
بدور حطت راسها على رجول اختها وبدت دموعها تنزل شوي شوي وهي تمسحهم باصبعها
ماتبي سمر تشوف دموعها وشوي تكلمت بدور
بدور:الله يهديك يا راشد هو في حب عشان تقول عشان الحب؟
وبس قالت كلمتها جوال سمر يرن على نغمه(كلها ايام وليالي)وكان المتصل:حبيبي.
رفعت بدور جوال اختها تشوف من وابتسمت
سمر:شفيك؟
بدور وهي تضحك:اخذي الحب سمعني واتصل عليك ههههههه.
سمر:هههههه فديته دووم يتصل بوقته.
وردت سمر على احمد الي كان متصل عليها وخلقه ضايق ومالقى الا سمر يكلمها
وهي الوحيده المسكينه الي يحط كل حرته وخاطره فيها وماتزعل منه.
سمر:هلا حبيبي.
بدور تضحك على اختها:ههههههه انتبهي على فمك حبيبي.
سمر ضربت بدور على راسها وهذيك قامت بسرعه من على رجولها وهي تضحك
وبخاطرها مااتدري ليه تضحك؟وبقلبها الف جرح يتكلم ويفضحها
احمد كان متضايق :الوو هلا سمر.
سمر انسدحت على السرير زين:امرني قلبي.
احمد:يسلم قلبك بس متضايق شووي وقلت اكلمك.
سمر:من شنومتضايق حبيبي؟
احمد عصب فجاءه:مااادري احس مخنوق من دااخل وتعبان.
سمر:طيب طيب لاتعصب ..ليتني جنبك الحين.
احمد:ااخ الله يهدي عمي هو الي اجل الزواج.
سمر:انت الحين ريح نفسك ولاتحاتي ارتااح.
احمد:سمر ابي اشوفك بمر عليك ونروح شقتنا تجهزي.
سمر:بس مااتوقع بيرضون الوقت متاخر حموود.
احمد:مااحد له دخل فيك انا زوجك.
سمر:اوكي ثواني وجاهزه.
احمد:انا قريب بيتكم انتظرك سلام.
قفلت سمر وعلى طول قامت وبدلت البيجاما والبست عبايتها وبدور تشوفها وساكته
بدور:ووين على خير؟
سمر:احمد جاني وبروح معه تبين شي؟؟
بدور:سلامتك وسلمي عليه.
سمر:يووصل.
وطلعت من الغرفه بعد مااتجهزت وبدور تقول بداخلها الله يوفقكم.
سمر نزلت للصاله عشان تقول لأمها انها بتطلع مع احمد وماشافت الا عبدالله وخالد
مع عياله وزوجته سلمت عليهم وسالت عن امها وقالو نايمه ودق جوالها وكان احمد المتصل
وردت عليه وقال لها تطلع هو عند الباب وقفل.
سمر احتارت شتسوي قالت توصيهم يعلمون امها بطلعتها
سمر:عبدالله انا بطلع مع احمد قول لامي.
رحاب:الحين اخوك بو ريان قدامك تقولين لعبدالله؟
عبدالله:روحي ماعليك من احد وانا بقول لامي.
خالد:سمر وين بتروحين معه في هالوقت حتى المطاعم مقفله.
سمروهي تلبس لثمتها وترتبها قدام المرايا:بنروح الشقه انا واحمد شوي.
رحاب:وليش بتروحون الشقه في هالوقت؟
سمر:ام ريان مالي خلق نقاش ويالله باي.
خالد:سمرلاتتاخرين لان لو عرف ابوي بيعصب علينا وعليك.
سمر:ان شاء الله.
وطلعت سمرعالسريع عشان ماتتاخر على احمد ويعصب زياده وهي موناقصه تزيده.
رحاب منزعجه من خالد ومن طلعت سمر:وهذا الي طلع منك لاتتاخرين مفروض
ماخليتها تطلع من اساس ولا ليش بيروحون الشقه وهذا وقت طلعه؟
خالد واول مره يعصب ويصارخ على رحاب:ام ريان بس ماابي اسمع كلمه منك وسمر طالعه
مع احمد زوجها وقبل مايصير زوجها ولد عمها موغريب عنا وهم براحتهم.
رحاب خافت من خالد شفيه:انا مو قصدي كذا فهمتني غلط.
خالد:ام ريان خلااص ولاتكثرين قومي خل ننام واخذي عيالك نوميهم.
وقام خالد ورحاب مع عبدالله مصدومين من خالد اول مره يرد على زوجته وبهالاسلوب
شصاير له من وين هالتغير؟؟رحاب طالعت عبدالله بكل قهر الي كان مبتسم وهو يشوفها
واخذت عيالها ولحقت بزوجها وعبدالله بس راحو جلس يضحك عليهم..
سمر راحت مع احمد وكان ساكت في السياره ومايتكلم ومعقد حواجبه ويسوق بسرعه
سمر خافت من سواقته وماتبي تتكلم معه ويصارخ وهو يسوق ويسوي فيهم شي
احمد كانت بداخله امور كثيره مو عارف شنو سببها ووجود سمر زادها ماخففها خاصه
ان سمر اكبر هالامور محتار مره يقول ليتنا نتزوج سريع واشوف شالنهايه بينا ومره
يقول ليت يتاخر اكثر يمكن اتراجع عن هالجنون الي بسويه وطيبه سمر وحبها له جالسين
يحسسونه بالذنب كل ماشافها وشاف تعاملها معه وقف قدام مطعم وسال سمر الي كانت
تطالع فيه واساله كثير في بالها من تصرفاته الغريبه معها
احمد:تعشيتي؟
سمر:لا بس ماابي.
احمد:انا جايع شنو تاكلين؟
سمر:بس انا قلت لك ماابي.
احمد:اووووف سمر خلصيني شنو اجيب لك؟
سمر:براحتك أي شي.
احمد سكر باب السياره بقوه ودخل المطعم وطلب لهم عشاء وجلس متوتر ينتظره يخلص
وسمر في السياره قلبها من كثر مايدق تحسه بينفجر لاول مره تخاف من احمد وماتبي
تكون معه شفيه احمد؟؟
طلع احمد وفي يدينه اكياس العشاء ركب السياره وحطهم وكان انسان ثاني مبتسم
وشغل على طول المسجل الي كانت اغنية(سلامات)وجلس يغني ونفسه يكلم سمر
بس شنو يقول لها وهي مستغربه من هالانسان شلون بتعيش وتتفاهم معه؟؟
احمد التفت على سمر وهويبتسم:شرايك في هالاغنيه حبيبتي؟
سمر وصوتها من كثر ماخافت مخنوق:حلوة.
احمد:اها...اليوم جاايع ومن حظي ماراح اكل الا من يدك الليله.
سمر:احمد ماانبي نتاخر ابوي بيعصب ماايدري اني طالعه.
احمد ضرب الدركسون بيده وعقد حواجبه ثااني وكمل الطريق وهو ساكت وسمر
تلوم نفسها ليش قلت له كذا توه شحليله بيسولف ويضحك وانا خربت الدعوه.
وصلو الشقه ونزلو دخلو واحمد شغل الانوار وقط شماغه على الكنبه وجلس وسمر
فصخت عبايتها وجلست تحط له العشاء وهو يطالعها وقام جاب علبه ماي من الثلاجه
ورجع جلس يشرب فيها سمر خلصت وتنتظره يقوم يتعشى.
سمر:حبيبي قوم تعشى.
احمد:ماابي شي اكلي واذا خلصتي رجعتك بيتكم.
سمر:مايصير انت جايع وانا قلت لك ماابي عشاء.
احمد:وانا ماابي قطيه خلاص.
سمر قامت وجلست عند رجول احمد ومسكت يده وابتسمت وهو يطالعها بلا اهميه
ولف وجهه هي لفت راسه عليها وهو متعجب من حركتها
سمر وصوتها مثل الهدير:حبيبي قوم تعشى عشاني.
احمد:ماتفهمين عربي ماابي عشاء طابت نفسي.
سمر امتلت عيونها دموع وشوي تصيح من قهرها شنو يبي منها اكثر تعبت معه وهو
ماهمه احد بس نفسه ومزاجه تركت يدها وغطت وجها بيدينها وقامت تصيح وهي عند
رجولها واحمد مصدوم شفيها ؟؟بس لاني ماتعشيت.
احمد جلس عند سمر وحاول يشيل يدينها عن وجها وهي مو راضيه توخرهم
احمد وبكل هدوء:سمر شفيك؟
سمر مااردت زاد صياحه وعلت شهقاتها واحمد ماسك يدينها الي مغطيه وجها
احمد:سمر رفعي راسك وقوليلي شفيك؟سمر انا احمد.
سمر رفعت راسها ودموعها تطيح وجلست تتكلم وهي تشهق بقوه من الي فيها
سمر:شفيني؟؟؟؟انت الي شفيك؟؟؟ شنو تبي مني اكثر؟؟كل الي اسويه لك ولا عاجبك
تبيني اذبح نفسي عشان تفهم اني احبك؟؟اذا ماتبيني ارحمني وقول ماابيك وانا اخلي
ابوي يكنسل هالزواج الي انت ماتبيه يصير...
احمد ترك يدينها وفتح عيونه من كلام سمر الي ماكان يتوقع في يوم يسمعه منها
سمر تمسح دموعها:ااايه تفكر ماادري انك مجبور؟؟ادري وساكته كنت اقول بقدر
اخليه يحبني لاني احبه وبتحمل كل شي منه وبصبر عليه..بس احمد خلااص حرام عليك
والله حرام انا شسويت لك؟؟تفكر نفسك انت المظلوم وانا الظالمه؟؟ لا اصحى لنفسك
انا المظلومه شنو ذنبي احب انسان مايحبني؟؟شنو ذنبي ارتبط بشخص متزوجني غصب
وهو مايبيني؟تعرف هالشعور شنو يعني؟؟
تعرف كيف تحس نفسك انسان بلا اهميه عند الي تحبه تفرض نفسك عليه؟
الى هنا وبس ..خل تبقى عندي كرامه بسيطه ..انا تعبت تعبت من هالحياه.
احمد نزل راسه وعرف ان سمر صادقه في كل كلمه قالتها ليش ما سأل نفسه عن شعورها
اهتم في نفسه وبس.
احمد مسك وجه سمر بيدتينه :سمر انا اسف سامحيني انا اسف.
سمر وفكها كان يهتز من كثر الصياح قامت وقفت على طولها ومسحت دموعها بيدينها
سمر:قوم وصلني بيتنا.
احمد وقف قدامها:انا قلت لك اسف شنو تبين اكثر؟
سمر:وانا ماطلبت منك تقول لي ولا طلبت منك اكثر وصلني بيتنا.
وبعدت سمر احمد عن طريقها وراحت غسلت وجها بمويه بارده واخذت عبايتها بتلبسها
واحمد واقف مكانه وعاجز قدام حزن سمر الي حطمه راح لها يحاول فيها
احمد:سمر خلااص انا ماكان قصدي اجرحك سامحيني.
سمر:احمد قلت لك وصلني بيتنا.
احمد:سمر حبيبتي انتي زعلانه مني؟؟وانا عارف قلبك مايطاوعك تتركين حبيبك احمد.
سمر ودموعها رجعت على خدها:احمد حرام عليك بس.
احمد:قلبك يطاوعك؟؟انا مايطاوعني اتركك زعلانه.
سمرحطت راسها في صدر احمد ومسكت ثوبه وقامت تصيح وهي تقول:مايطاوعني.
احمد ضم سمر بين يدينه وخلاها تصيح لان حقها بعد كل الي سواه فيها
تمت سمر على هالحاله قريب الساعه وهي تصيح وبعدها سكتت لكن ماشالت راسها
من على صدر احمد ويدينها متمسكين في ثوبه بقووه ..مسح احمد على راسها
احمد:ها حبيبتي هديتي خلاص؟
سمر هزت راسها باايه.
احمد:طيب اتركي ثوبي ماراح اطير.
سمر مثل العيال هزت راسها بلا مااتبي تتركه.
احمد وهو يضحك:ههههه زين بموت من الجوع خليني اكل تعذبت وانا اطالع الاكل.
سمر رفعت عيونها تطالع احمد:طيب اكل براحتك.
وخرت عنه وهو قام فصخ ثوبه الي دموع سمر بللته ومااقصرت وجلس بياكل
احمد:تعالي جلسي معي.
سمر:انا ماابي عشاء.
احمد:اوكي لاتاكلين عطيني انا اكل بيدينك.
سمر ابتسمت وجلست جنب احمد وجلست تعطيه ياكل وتغير جو الحزن والعتاب الي مرو
فيه من ساعات الى جو ضحك وسوالف ورومنسيه حتى من بعد مااخلصو عشاء

رد: "مال الهوى عندي عذر ".
 

علي كان يتمشى مع اسيل على البحر ويسولف ويضحك معها وهي طايره من الفرح
ونفسها تقوله كل شي وعن كل الي بداخلها بس ساكته وتدور الوقت المناسب
علي:الجو اليوم حلو والي محليه الناس الي فيه.
اسيل:احم احم هههههه مشكور.
علي:هههههه طالع هذي مصدقه نفسها.
اسيل:واثق الخطوه يمشي ملكا وانا واثقه انك تعنيني.
علي:طيب يابنت العم.
جلسو جنب محمد ودانه الي كانو يسولفون هم الاثنين اما حور بدنيا ثاانيه بعيده عنهم
دنيا فيها عبدالرحمن وهي بس كانت سرحانه وتلعب بصبعها في الرمل الي كان رطب
وكانت تكتب اسم عبدالرحمن وتمسحه بيدها وتذكر كلامه لها وتبتسم دانه انتبهت فيها
هي ومحمد وطالعوها وقامو ياشرون لها وهي مومنتبها لهم دانه قربت من اذنها وصرخت
دانه:الووووووو.
وانتقزت حور من صرخه دانه الي رجعتها لمكانها من دنيتها الورديه
محمد:ههههه نحن هنا يا بنت.
حور وهي تطالعهم وللحين مو فاهمه السالفه:شفيكم؟؟
الكل:هههههههههههههه.
علي:لا ياحبيبتي صح النوم بس بنمشي بنروح البيت.
اسيل:ههه تعرفينه ولانسيتيه.
حور:هه هه سخافه .
وقامو مشو للبيت لان الوقت تاخر ووراهم مدرسه مايصير يتاخرون اكثر حور ركبت
مع محمد اما اسيل ودانه مع علي الي قال هو الي بيوصل اسيل ومن ركب وهو يضحك
معها ودانه تطالعهم ومستغربه منهم علي جلس يغني لهم غمض عيونك حبيبي ...
واسيل فرحانه ودانه ازعجتهم وهي تهذر
دانه:يووه اسكت وارحمنا يالفاشل.
علي:هههههه انا صوتي فاشل حااضر يا دانه بسكت.
اسيل الي كانت مندمجه معه:خليها عنك وكمل صوتك حلووو ويجنن.
علي التف على اسيل:مشكوره يالذووق ولعيونك بكمل.
وجلس يغني واسيل تتابع معه الى ان وصلت بيتهم ونزلت وهي قلبها مع علي الي مااخذه.
كمل علي الطريق وهو يغني ودانه تموت وتعرف شنو فيه اخوها يغني
دانه:شعنده اخ علي يغني؟
علي:ولاشي يغني.
دانه:لايكون يحب؟
علي:ههههههه يقطع شرك يادووينه انا احب؟؟وبعدين شفيها اذا حبيت؟
دانه تصفر:ايوووه طلع الكلام طلع.
علي:اقول اسكتي ونزلي وصلنا البيت .
دانه:يتهنووووون الي في قلبك.
طالعها علي وهي غمزت بعينها ودخلت البيت قام يضحك على اخته الي ماتترك لقافتها
ودخل غرفته واخذ شور عشان ينام لانه يحس بتعب وتوه بيحط راسه جلس يحول
جواله على السايلنت ووصلته رساله فتحها ولقاها من اسيل بنت عمه كانت كاتبه:
(اذا رعش قلبك ترى فيه ناس يطرونك..واذا سهى فكرك تذكر من يحبونك...كنت بتصل
واقولك تصبح على خير بس قلت اكيد بينام..فتصبح على خير).
علي قرا الرساله واخذه شعور ماله تفسير حس نفسه فرحان بهالرساله ومالقى نفسه الا
يتصل برقم اسيل بنت عمه ودقات قلبه تسبق دقات الجوال عند اسيل
اسيل:هلا علي.
علي:هلا وغلا بااسول.
اسيل:امر شفيك؟
علي مااعرف شيقول هو نفسه ماايدري ليش اتصل:هااا انا قلت اقولك تصبحين على خير.
اسيل وقلبها يذووب مع صوت علي:تلاقي خير.
علي:طيب اترك تنامين وراك مدرسه واختبار الله يوفقك فيه.
اسيل:ان شاء الله.
علي:يالله سلام.
اسيل:علي...........نوم العوافي.
علي:الله يعافيك....واكيد نومتي عافيه من بعد صوتك.
اسيل استحت من كلمته وداخلها نفسها تصرخ وتقول احبببببببببببببببببببببببببببب بببك بس
قالت له:باي.
وقفل علي الخط واسيل متحسفه ليش ماقالت له احبك وضيعت الفرصه وحطت راسها تنام.
دانه دخلت غرفتها تغني وحالتها حاله وفيها النووم بدلت ثيابها وجهزت ملابسها للمدرسه
ووقتت المنبه للصلاه وحطت راسها عشان تنام اخذت الكتاب الي عند سريرها
وافتحته طلعت صورت سيف وباستها وقالت:تصبح على خير ياقلبي.
حور الي نامت في السياره وصحاها محمد ووصلها غرفتها وهي من كثر التعب
اللبست البيجاما ونامت ونست تتصل على عبدالرحمن الي كان ينتظرها على اعصابه
لانها تاخرت وهي بسابع نوومه محمد هو الثاني راح لغرفته وحط راسه وفي قلبه
يقول:ليتك تسامحني ياجاسم وترجع معي مثل قبل.
عبدالرحمن تعب وهوينتظر حور وقرب اذان الفجر مايصير للحين بالبحر لايكون صاير
فيها شي؟؟حور مابتنام قبل ماتكلمني وانا قايل لها كلميني طمنيني وقالت بتتصل.
حط راسه على المخده وباله مشغول وماسك الجوال في ايده ينتظره يدق وشوي الا
باب غرفته ينفتح ودخل عبدالله اخوه وجلس وعبدالرحمن ماعطاه وجه
عبدالله:عبدالرحمن...اختك سمر للحين ماارجعت.
عبدالرحمن وهو ماله خلق يتكلم لانه على اعصابه :ووين رايحه هي؟
عبدالله:رايحه شقتها مع احمد ومن زماان ولا رجعت.
عبدالرحمن:وانا شسوي لهم؟؟وهي طالعه مع زوجها براحتهم.
عبدالله:شفيك انت ؟؟مااختلفنا زوجها وابوك اذا جلس وعرف بيقوم قيامتنا وقيامتهم.
عبدالرحمن جلس وقام يفكر في ابوه صح لو عرف بيسوي ازعاج ماله نهاايه
ودق جواله وعلى طول رفعه مثل الملحووق ونسى سمر وطاريها
عبدالرحمن:الووو هلا.
ناصر وجنبه ازعاج:هلا فيك ووينك انت يااخي؟
عبدالرحمن وده يصرخ على ولد عمه فكره حور متصله تطمنه:نصوور هذا انت.
ناصر:لا انت هههههه ووينك مااشوفك هاليومين ومن كم ساعه اتصل عليك مشغوول.
عبدالرحمن في ذاك الوقت كان يكلم حور وهي في البحر:هاا ايه كان واحد متصل علي.
ناصر:طيب بكره نبي نشووفك اتفقنا.
عبدالرحمن:احاول وهذا وقت تتصل فيه وقت نووم.
ناصر:أي نووم اسمع اذان الفجر يادايخ.
عبدالرحمن:بذمتك اذن الفجر؟؟؟؟؟؟
ناصر:ليش شفيك خايف تصلي؟هههههه.
عبدالرحمن:مووقت سخافتك ناصر احمد وسمر طالعين ومارجعو واذا جلس ابوي وعرف
والله ليقوم قيامة الجميع .
ناصر:قوول والله اجل يالله باي بشوف احمد اكلمه.
وقفل ناصر وعبدالرحمن قام يتوضا للصلاه وقال لعبدالله ينتظر ناصر يتصل عليهم
ودخل توضا وطوول شوي لانه اخذ شور بالمره للشغل لان ماباقي وقت وطلع
عبدالرحمن:هاا اتصل ناصر؟
عبدالله الي قام بيطلع يروح غرفته يصلي:لا بس اتصل واحد مكتوب اسمه(حوري).
عبدالرحمن بس سمع الاسم انصدم وارتبك في نفس الوقت لايكون عبدالله رد
او عرف بسالفه حور وتم يطالعه وقام اخذ الجوال وعبدالله طلع وتركه
هو شاف مكالمه لم يرد عليها يعني عبدالله ماارد عليها قام واتصل عليها وردت حور
حور:الوو هلا حبيبي.
عبدالرحمن:هلا فيك قلبي.
حور:وينك اتصل ماترد؟
عبدالرحمن:انا كنت اتوضا وانا الي ويني؟؟انتي الي وينك مااتصلتي؟؟انا جالس انتظرك.
حور:اسفه حبيبي بس غفت عيني قبل لااتصل ماارجعت الامتاخره.
عبدالرحمن:نوم العافيه ويالله تجهزي للمدرسه وراك اختبار.
حور:ان شاء الله .
عبدالرحمن:يالله باي ياقلبي.
حور:رحمانوو...احبك.
عبدالرحمن:وانا امووت فيك.
قفل عبدالرحمن وصلى وجلس ينتظر ناصر الي اتصل على احمد وماايرد عليه وتعب
وهو يحاول وهذاك مايرد ناصر صلى وبعدها حاول مره ثانيه ورد عليه احمد وكان
في صوته النووم :الوو.
ناصر وهو معصب:ووينك يااخي تعبتني؟
احمد:وشفيكم شصاير؟
ناصر:سلامتك مافيني شي انت وينك ليش ماجيت عبدالرحمن ينتظركم ارجع قبل لايجلس
عمي من النوم ويعرف ان سمر طالعه ويعفس الدنيا عليكم.
احمد فتح عيونه وطالع حولينه شلوون ماانتبه وكانت سمر نايمه جنبه وماسكه طرف
ملابسه مسح على وجهه بيده ومو عارف شيقول لناصر:انا نمت وماانتبهت
ناصر:مو وقته ارجع البيت ورجع سمر قبل مااعمي يحس.
احمد:ليش كم الوقت الحين؟
ناصر:اربع ونص اذن الفجر ياانايم.
احمد:بذمتك يالله يالله مع السلامه.
وقفل وجلس يصحي سمر الي كانت بسابع نوومه ولا بسامعته وهو يصحيها وبعدها صحت
احمد:سمر قوومي بسرعه.
سمر وهي مغمضه عيونها:ليش شفيك خليني انام؟
احمد:قوومي اذن الفجر ولا رجعتك البيت.
سمر فتحت عيونها وقامت بسرعه تطالع احمد:ليش ماصحيتني ؟؟بيذبحني ابوي بيذبحني.
احمد:مووقت نيااح قومي خليني اوصلك قبل لا يحس عمي ولا تخافين انا معك.
وقامت سمر لبست عبايتها واحمد ثوبه ووصلها البيت وكان عبدالرحمن ينتظرهم عند الباب
وبس وصلو سمر خاافت شافت عبدالرحمن معصب ومعقد حواجبه
سمر:احمد خاايفه ماابي انزل.
احمد:قلت لك لاتخافين نزلي صلي ونامي ومابيصير الا كل خير.
عبدالرحمن شافهم وجا فتح باب السياره الي عند سمر وطالعها وهو معصب عليهم
عبدالرحمن:شنو تنتظرين نزلي روحي البيت.
سمر نزلت وراحت من قدام عبدالرحمن للبيت وهي خايفه شبيصير؟؟
احمد:عبدالرحمن والله كنت ناوي ارجع معها بس غفت عيوني شوي حلها لنا وانا اخوك.
عبدالرحمن:الله كريم انت الحين روح ونام وماعليك من شي.
وتوه عبدالرحمن مسكر الباب الا طلع بو خالد من البيت وشاف احمد وولده وراح لهم
وهم علقت غصه في حلوقهم وهو جا مبتسم
بوخالد:السلام عليكم.
اثنينهم:وعليكم السلام.
بوخالد:شعندكم واقفين هالوقت بالشارع توكم جاين من المسجد؟
احمد:هاا لا مارحنا المسجد.
بوخالد:وانا اليوم فاتتني صلاه المسجد راحت علي نومه...اجل شفيكم واقفين؟
عبدالرحمن:لا بس كنت طالع مع احمد عندنا كم شغله وتونا مخلصين.
احمد:صح تونا مخلصين حتى مانمنا لهالوقت.
بوخالد:الله يعينكم اجل ماله داعي تجون الدوام اليوم ارتاحو.
احمد:ماتقصر ياعمي...تامر شي بروح اصلي ؟
بوخالد:سلامتك.
مشى احمد وقلبه شوي وينفجر من كثر مايدق من الخوف وراح لبيتهم وعبدالرحمن دخل
البيت وراح يشوف اخته الي دخلت وهي خايفه وراحت لغرفتها وبالطريق شافت عبدالله
الي طالع من غرفته::سمور وجع وينك لهالوقت؟
سمر:بسم الله خوفتني اسكت بعدين اقولك خليني اروح اغير واصلي قبل لايجلس احد.
وراحت لغرفتها وجاتها بدور ودخلت على طول وكانت سمرتفصخ عبايتها بسرعه
بدور باستغراب:توك راجعه البيت؟؟؟
سمر توضت واللبست مشمرها للصلاه :اايه وخليني اصلي .
بدور جلست:احمدي ربك دخلتي توه ابوي طالع من غرفته وطلع الشارع.
سمر سمعت اختها وقامت تصلي قبل لايصير شي زيااده خلصت واللبست بيجامتها
وعطتها بدور الجوال و كان احمد يتصل سمر انسدحت وردت عليه
سمر:الوو حبيبي.
احمد:هلا قلبي شاافك احد؟
سمر:لا مااحد وانت؟
احمد:سكتي طلع عمي وانا واقف مع عبدالرحمن واستلمنا اساله بالموت طلعت منها
ولا بعد قال لاتجون الدوام سوا خير فيني النوووم.
سمر:الحمدلله وهذي اخر مره نتاخر.
احمد:على خير الحين انتي نامي.
سمر:طيب باي.
احمد:سمر احبك وان شاء الله الي صار اليوم في الشقه بيغير كل شي.
سمر ابتسمت:ان شاء الله يالله باي.
وقفلت وبدورتطالعها تنتظرها تقول لها شصاير:هاا شنو صار؟
سمر:ولا شي جلسي اعلمك.
وجلست تعلمها بكل الي صار بينها وبين احمد ودخل عبدالرحمن بعدها عليهم مع عبدالله
عبدالله:وجع خوفتينا.
عبدالرحمن:سمر ماافكرتي باابوي قبل لاتتاخرين؟
سمر:ماكنت بتاخر بس هذا الي صار.
عبدالرحمن:خير يالله قومو نامو وراكم مدرسه.
وقامو كلهم نامو الا بدور الي جلست تتجهز للمدرسه وشافت رساله من زوبا في جوالها
استغربت هذا اول مره احد يرسل لها من بعد الي صار كان مكتوب فيها:
(سلاموو انتي معزومه على ملكت نوره على حسين اخو فطوم تعالي من الساعه 7
ضروري ابي اشووفك اوكي ).
جلست تفكر تروح او لا وبعدها قررت تروح واللبست للمدرسه وافتحت دولابها وطلعت
جلابيه شكلها رووعه لونها ازرق تركواز وفيها حركات حلوه وكانت فخمه وجهزتها لليل.
كانو جالسين في المدرسه بالساحه كلهم ونوره متوتره وحور تعلم فطوم بالي صار بينها
هي وعبدالرحمن ولمياء تعلم الباقي عن سعد والي جهزته معه ودانه تعلم زوبا عن سيف
وهذيك مندمجه معها بعدها قامت حور تهدي نوره وفطوم جلست مع اسيل
اسيل:مااتصدقين يافطوم شكثر تغير علي معي.
فطوم:قوليلي شكثر؟
وقامت تعلمها وفطوم تسولف عن ابوها لاسيل وهذيك مندمجه معها في السوالف
اسيل:يووووه ابوك يجنن احس يذكرني بعلي وحركاته.
فطوم:فديته ابوي يجنن شحلاته.
اسيل:للحق هو حلووو الي يشوفه ماايقول عنده عيال هالكبر.
فطوم:صح الكل يقوول.
اسيل:حتى ابوي مثله وطيب مووت ليتك بس تعرفينه.
حور تطالعهم والكل يسولف ونوره شايله هم الدنيا على راسها
نوره:شسوي حور.
حور:لاتحاتين وليش جيتي اليوم؟
نوره:عندي اختبار مهم شسووي حور والله خايفه حتى الاختبار ماادري شنو كتبت فيه.
فطوم:ههههههه لاتخافين اخوي مااياكل ولايعض.
نوره:فطيم مو وقتك.
دانه:سمعي نوير اذا بتسوين كذا انا باخذه بداللك.
نوره:لو تموتين ياحماره حسين لي.
فطوم:ايووووووووووووا من قدك ياحسين يحبونك.
حور:توك ماابعد تتزوجينه وهذا كلامك لنا.
نوره:يووه منكم.
لمياء:حاسبي على روحك يا نوري على بالك حسين سعد على غفله.
فطوم ونوره طالعوها وفي نفس الوقت قالو:احلى بعد.
البنات قامو يضحكون عليهم وهم يضحكون جات بدور وهي متردده وقربت منهم تكلمهم
بدور:السلام.
الكل رد ودانه بس شافتها صدت عنها وحور مع اسيل سكتو وفطوم ولمياء مستغربين شفيهم
لانهم ماايدرون بسالفه اما زوبا الوحيده الي انقذت الموقف
زوبا:هلا بدور حيااك.
بدور:هلا فيك بقيتك شوي زوبا.
نوره:طيب جلسي معنا ليش واقفه.
بدور:لا بس بغيت زوبا شووي وصحيح مبروك.
نوره:الله يبارك فيك بس لازم تجين؟
بدور:ان شاء الله.
حور هنا تمت تطالع في بدور وكاسره خاطرها تحس بعيونها حزن بسبب الي صار
وماحبت تظلمها اكثر وارفعت راسها طالعتها وابتسمت
حور:شخبارك بدور؟
وكلهم انصدمو واكثرهم بدور اما دانه افتحت عيونها والتفت على اختها بدور تمت تطالع
وبعدها ابتسمت لحور:تمام انتي شخبارك؟
حور:الحمدلله.
بدور:دووم ان شاء الله يالله زوبا تعالي.
وراحت مع زوبا والكل مابرح مستغرب من حركه حور بدور كانت مصدومه وهي تمشي
مع زوبا من الي صار ونساها شنو كانت بتقول من الصدمه
بدور:شفتي حور سلمت علي؟؟
زوبا:اايه شفتها حور قلبها طيب وتسامح سريع.
بدور:بس انا كنت خايفه اجي بيتكم بسبب انهم موجودين وانصدمت بحركتها.
زوبا:ماعليك من احد تعالي ولاتحاتين.
بدور:طيب ودانه كانت تطالعني ونفسهاتذبحني.
زوبا:الصراحه يحق لها الي قلتيه عن اخوها يقهر ويبط الكبد.
بدور تذكرت محمد وزاغت عيونها بالدموع:والي سواه فيني مايبط الكبد؟
زوبا وقفت وظلت تطالع في عيون بدور الي مجرد ماترمش بينزل سيل من الدموع
بدور حست نفسها ضعيفه وبس زوبا مسكت يدها بقوه حضنتها وجلست تبكي من حرتها
وزوبا تهديها وهي مااصدقت احد يواسيها عشان تجدد العزاء على حبها الي ذبحه محمد
بدور من بين شهقاتها:والله كنت احبه والله يازوبا ليش ماتصدقوني؟.
زوبا:انا مصدقتك خلاااص هدي نفسك.
بدور:ليش ليش يصير فيني كذا؟؟هذا جزاتي يوم حبيته وعطيته قلبي.
زوبا:الله كاتب عليك لاتعترضين.
بدور:انا غلطانه يوم حبيت واخلصت في حبي؟؟؟
زوبا:انت مو غلطانه بس اختيارك للشخص كان غلط وان شاء الله بتلقين الي يحبك.
بدور سندت راسها على كتف زوبا وهدت شووي وبين كل دقيقه ترفع يدها وتمسح دموعها بطرف
صبعها وفي قلبها الف سؤال عن حبها وعن الي بيستاهله في يوم
زوبا:هاا ارتحتي بدور؟؟
بدور:اايه انا بخير.
زوبا:الحمدلله ..بدور...شرايك بالحب؟؟
بدور:ماابي اكذب عليك بس تراه حلوووووووو.
زوبا:الكل يقول بس حنا بنات اذا حبينا ماانقدر نتكلم.
بدور رفعت راسها وطالعت زوبا:ليش تحبين؟؟
زوبا عيونها بتفضحها لفت وجها وقالت:لا مااحب من بحب مثلا؟؟
بدور ماابغت تضغط عليها عشان تتكلم:صح من بيحب قزمه مثلك.
زوبا:قوووومي يالبايخه انا قزمه يالعصقوله.
بدور:هههههههه هههههه عادي رشيقه مو انتي بطه.
زوبا:استريحي يالرشيقه...الرجال مايحبون الا الجسم المتعافي الحلو.
بدور:اتركينا من هالخرابيط وقولي لي شنو بتلبسين اليوم في الملكه؟
زوبا:اممم بلبس فستان تفاحي يكون قصير وجيبه عادي علقات بسيطه وعليه حزام
عند الخصر فضي شرايك؟
بدور:ناايس وشعرك شلون؟
زوبا:انا قلت بجعده وهو موطويل بالحييل بيكون شكله حلو.
بدور:اتخيل شكلك ونااسه بس شرايك تلبسين مع الفستان جزمه تربيطات تكون بيضه..
زوبا:مااعندي ولا بتكون الجزمه رهيبه مع الفستان.
بدور:انا عندي لبسيها وفيها كعبه على الاقل تطولك وترزك.
زوبا:يووووه بدير بسك تطنز علي.
بدور:هههه طيب اتووب خلاص اذا جيت بيتكم جبت الجزمه معي.
زوبا:اوكي..يالله قوومي نرجع لهم.
بدور:روحي انتي انا ماابي.
زوبا:بلا هالسخافه وقومي.
بدور:لا انا براجع للاختبار انتي روحي.
وقامت زوبا وتركت بدور لحالها وماكان عندها شي بس ماتبي تجلس معهم مالها خلق
لضغوطات نفسيه اكثر اما زوبا رجعت وجلست مع الشله ودانه مقهوره من اختها وصديقتها
لانهم كلمو بدور وهي مالها خلقها بالمره من بعد الي قالته عن محمد.
ولمياء على عادتها كل كلمه سعد قال وسعد قال وانا وقررت مع سعد والبنات متحمسين معها
لمياء:وقال حبيبي سعد ان شاء الله بكره بتكون الشقه جاهزه يعني كلكم بتجون تشوفونها
اتفقنا مو تكذبون علي؟
البنات:اتفقنا.
نوره:انا اسفه مااقدر.
اسيل:وليش ان شاء الله.
نوره وهي تلعب في خصله من شعرها:حسووني يمكن ماايرضى.
دانه:ههههههههههه زوبا لحقي اختك لايطيح فمها علينا.
زوبا:هههههههه.
فطوم مسكت يد نوره:ماعليكم من زوجه اخوي كلامها صح.
نوره:فديتك تفهميني ...صحيح مابيرضى لاااااا ابي اروح معهم الشقه.
البنات:هههههههههههههههههه ههههههههه.
حور:يالله بنات الفصل لانتاخر ونشوف بعض الليله ان شاء الله.
نوره:على خير ولاتتاخرون اذبحكم.
لمياء:مو على كيفكم مثل ماتاخرتو بملكتي تتاخرون بملكتها.
نوره:شوف الي ماتستحي وتقولها كااش في وجهي.
لمياء:اايه الحق ينقال حالك حالي.
فطوم:امشوو خلصونا اذا جا الليل صار خير.
وراحو البنات بعد مااتفقو على انهم يلتقون الليله في ملكت نوره وحسين.
.............................. .................... .............
كان يقراء في مكتبه بالبيت وحولينه اوراق كثيررر والمكان هاادي ومن طبعه
رغم كبر سنه يحب يسمع ميوزك كلاسيك وهو يشتغل بوحسين انسان تقليدي بطريقه
متحضره خليط غريب في شخصيته بين الانفتاح والحدود في الحياه وعنده داايم تقبل
لوجهة نظر الغير دراسته وشغلته صنعت منه انسان متزن صاحب مواقف
كان يدندن مع الميوزك ويرتب الاوراق ودخل زيد الي مااخذ كثير من شخصية ابوه
زيد:سلااام بوحسين ولانقول دكتور وليد ولا نقول ........اممممم...
بوحسين:رفع النظاره عن عيونه:قول ابوي لان هذا احسن لقب اخذته في حيااتي.
زيد:مااطلبت يبه تامر.
بوحسين:شخبارك مع الدراسه؟
زيد:الحمدلله بس في دكتور مليق واقف بحلقي ومخفس بالمعدل.
بوحسين:هههه الله يعين كل شي بالصبر والتفاهم بيجيك انت تحمله هالسنه.
زيد:طيب......وين حسين؟
بوحسين:في الدوام على مااعتقد.
زيد:الله اليوم ملكته ومداوم ولدك يبيله تكفخ.
بوحسين:ههههه كل انسان وله راي يمكن حسين يشوف ان ملكته لاتستدعي تغيبه وتعليقه
لايام شغله وهذا رايه ولازم نحترمه وانت تختلف عنه بالتفكير فلا تفرض رايك.
زيد:اوكي مااختلفنا لكن هذا يوم مميز المفروض يرتااح لانه لو جا بيكون تعبان
وبعدين يبه مااتعرف ولدك اذا تعبان يعصب على الكل وحراام بنت الناس الليله بتقابله.
بوحسين:هههههه لا تحاتي قدامها بيكون لين وهاادي ولاتنسى الرجال دايم يسيطرون
على اعصابهم وخااصه قدام الجنس الناعم فكيف بيفقد اعصابه وهو اول مره يقابلها.
زيد:ومنكم نستفيد ياابوحسين.
بوحسين:انت مااتجهزت لليله.
زيد:انا مااني رايح.
بوحسين:ليه هذا اخوك الكبير ووحيدك وهو عضيدك لاضاقت الوسيعه مابتحضر ملكته؟
زيد:انا عندي كم شغله اتصل ابارك له.
بوحسين:براحتك لكن اتمنى انك تااجل هالشغل عشان فرحت اخوك.
زيد:تاامر بروح معكم بس بشرط؟
بوحسين:يااكثر شروطكم قول شنوو؟
زيد:تخطبون لي انا بعد ....شفرق حسين عني؟
بوحسين:ههه ماافي فرق لكن حسين في سن الزواج انت انتظر كم سنه.
زيد:اممممم افكر بكلامك.
بوحسين:قووم قووم نلحق نمر اخوك نروح الحلاق ونرتب هاللحيه والشعر عشان مانتاخر
على الناس نبي نروح مبكر.
وطلع زيد مع ابوه للحلاق ومرو على حسين الي بالمووت وافق يستاذن من الشغل.
.............................. ..............
الكل صلى المغرب وجلس يتجهز والدنيا قايمه مو قاعده عند الجميع حور كانت تلبس
وترجع تبدل وكان عبدالرحمن يكلمها وهي تتجهز ومطلعته سبيكر وتكلمه وتاخذ رايه
وهو مطاوعها مره حلو ومره موحلو كانه يشوفها
عبدالرحمن:هاا حبيبتي بتلبسين شنو من الي قلتي؟
حور مااده بوزها وحاطه يدينها في خصرها وتطالع الملابس وتفكر:امممممممم
عبدالرحمن:هاا شنو قرري لااتتاخرين على صديقتك؟
حور:ماادري شرايك؟
عبدالرحمن:انتي شنو لابسه الحين؟
حور:ولاشي.
عبدالرحمن حب يجننها:يؤؤؤؤؤؤؤؤؤؤ ولاشي شلون؟
حور استحت من كلمته وحست كلامها غلط:لا قصدي بروب الحمام للحين.
عبدالرحمن:هههههه راح بالي بعييييد.
حور:رحمانووووويالله عاد شنو البس؟
عبدالرحمن:لبسي امممممم والله مو عارف لاني مو جنبك اشوفهم وكل شي تلبسينه حلو
عليك انا متاكد.
حور:خلااص بلبس فستان وردي.
عبدالرحمن:وكيف شكله قوليلي؟
حور:يكون وردي وقصير واكمامه حفره وبلبس عليه اكسسوار طوويل
يطلع شكله نااايس لانه ساادي وشعري اممممم بخليه مفتوح وبحط كلبسات صغيره ورديه.
عبدالرحمن:اااااااه باين شكلك حلو طلعي معي وخلي الملكه عنك.
حور:ههههههه اطلع معك تبيني امووت.
عبدالرحمن:مااحد بيقدر وانتي معي يلمسك وبعدين انتي زوجة المستقبل.
حور:ربك كررريم.
وقامت تلبس وتسولف معه وهو يجننها شوي ويوترها ومره هي تجننه وظلو على هالحال
وفجاءه في احد يضرب باب غرفتها حور خافت يكون الي يضرب سمع صوت عبدالرحمن
وعلى طول قفلت السبيكر وشالت الجوال بيدها تكلمه وافتحت الباب ولقت دانه وعلي
عند باب غرفتها يسولفون وينتظرونها
علي:شدعوه فتحي الباب لنا.
حور شافت علي وخاافت وعبدالرحمن يسالها شفيك؟
حور:اايه اكلمك بعدين اخوي جاا وبروح معه تامرين شي؟
عبدالرحمن:اوكي فهمتك...وامر على بوسه.
حور:ههه الله يسلمك.
عبدالرحمن:يااكذابه...قوليلي احبك عشان اقفل.
حور:لامااحد بس انا ودانه وعلي.
عبدالرحمن:احبببببك.
حور:وانا اكثر.
عبدالرحمن:مااتبين تقولينها اوكي باي.
حور:بايووو ياقلبوو.
وقفلت ودمها نشف من عروقها وخااصه لان علي بغرفتها مع دانه
دانه:حوير شكلك رهيب بس حطي مناكير باظافرك تطلعين كلك جناان.
حور:يسلمووو قومي حطي لي.
علي:ههههه تخربط عليك دووين وتصدقينها.
حور:وانت الصادق تاخرنا ماابي.
دانه:سمعي كلام اخوك ياحوير وطاوعيه.
حور:خلصينا شلابسه انتي؟
دانه:شوووفيه.
دانه كانت لابسه برمودا بيضه تكون ضيقه وفوقها تنوره جنز فاتح قصيرره وفيها كسرات
كثير وعليها بادي وردي ودانه فاتحه شعرها ورافعه خصلتين بربطات ورديه
من قدام شعرها وصايره مثل النحله وشكلها طفولي.
حور:هههه دووين وين نحوول عنك؟
علي:ههههههههههههههه قصدك زينه مو دانه.
دانه:اقوول بلا تعليق وامشووو.
طلعو مع بعض ونزلو للصاله وعلي راح يسلم على ام جاسم والبنات يلبسون عباياتهم
ودخل محمد وطاح هو وعلي طنز على شكل شعر دااانه وهي مطنشتهم جا جاسم
وكان بيروح الشغل ونازل مع بنته عبير وماسك يدها وعبير شافت محمد وتركت ابوها
وراحت لعمها الي شالها وتم يبوس فيها وجاسم يطالعه
محمد:حبيبة عمهااا هالقمره.
عبير:عموو حبيبي ابي مثل عمتوو.
محمد:شنو تبين؟
عبير:شعري مثل كذا.
وتاشر على شعر دانه وعلي ومحمد يضحكون على داانه وهي معصبه عليهم.
عبير:عموو ابي.
علي:عبوور من عاوج اللسانك ليش عموو قولي عمي.
عبير:ماابي.
جاسم نادى لبنته وراحت له:حبيبتي روحي لماما تسوي لك شعرك.
وراحت دانه تركض صعدت لامها وجاسم مشى للشغل وبعده طلع علي مع البنات يوصلهم
وهم بالطريق سال دانه عن اسيل
علي:واسيل مابتجي معكم؟
دانه:ماادري ماقالت.
علي شافها عذر واخذ الجوال واتصل عليها وقالها بيمرونها تروح معهم يوصلونها وحور
ودانه فرحانين لاخوهم وبنت عمهم والحب الي بينهم ومرو عليها وراحو لبيت نوره.
اما فطوم تجهزت واللبست فستان ازرق يكون تصميمه كلاسيكي وفي اطرافه فتحات
ولون ازرق قاتم وكان شكلها هااادي وراحت هي وابوها وخوانها.
لمياء اللبست بنطلون ويكون عليه حزام فضي وعليه بلوزه بيضه شكلها حلوو وسمبل
بس تاخرت بسبب سعد الي ظل يدور فيها بالسياره ومااوصلها سريع لبيت خالتها.
نوف كانت تعبانه ومااقدرت تجي واتصلت على نوره اعتذرت منها ومااجات
لان حرارتها والانفلونزا ذابحتها ومخليتها كل بالسرير..
بدور الوحيده الي مااجات للحين وكانت تجهز بغرفتها وكل دقيقه زوبا تتصل
بدور لبست جلابيتها الي جهزتها وعليها اكسسوارات نااعمه وشعرها طوويل افتحته
ورتبته واخذت الجزمه لزوبا معها وانزلت تخلي احد يوصلها ومالقت الا السواق
وكانت بتروح معه وعبدالله توه جاي للبيت وشافها وهي تلبس عبايتها
عبدالله: وين رايحه؟
بدور:ملكة صديقيي.
عبدالله:طيب ليش مااخذه جزمتك في كيس هههه.
بدور:هذي الجزمه بوديها لزوبا.
عبدالله بس سمع الاسم فز قلبه وجلس يتذكر وجه زوبا وحركتها بالسياره وابتسم
عبدالله:انا بوصلك.
بدور:صاير طيب شسالفه؟
عبدالله:مره في السنه اغتنمي الفرصه.
بدور:يالله اجل انا تاخرت عليهم.
وطلعت معه وراحو لبيت زوبا وكانت زوبا تنتظرهم عند الباب ومعصبه على بدور.
عبدالله كان يسولف مع بدور في السياره ويحاول ياخذ منها الي يبيه من هالسالفه كلها
عبدالله:ملكه أي وحده من صديقاتك؟
بدور:نوره اخت زوبا وبعدين انت تعرفهم تسال من؟
عبدالله:لااا.
بدور:اجل اسكت والي يرحم والدينك واسرع والله زوبا بتفضحني.
عبدالله سكت وكمل الطريق وهو يفكر وكان يتذكر شكل زوبا ويبتسم وصلو وعلى طول
نزلت بدور حتى ماقالت شكرا على التوصيله وعبدالله يطالعها ويقول بداخله ماتستحي
حتى شكرا مااتطلع من فمك يابدير.
بدور دخلت واستلمتها زوبا وهي معصبه عليها واخذت الجزمه ولبستها وطلعت عليها
حلووه وكملت شكلها ومثل ماقالت بدور طولتها شووي ..بدور فصخت عبايتها عند المدخل
ورتبت شعرها الي كان مفتوح وزوبا تستعجل فيها وبدور تحاول تتاخر لانها تدري خوات
محمد هناك وماتبي تجلس معهم تحس نفسها بتموت لو طولت معهم وهي ماجات الا عشان
زوبا وهم واقفين نزلت اسيل ودانه ينادون زوبا لان نوره تبيها
دانه:زوباااااا وووينك؟؟قزوووم؟
وراحو للمدخل وشافو بدور الي كانت تعدل بشعرها وزوبا جنبها ترتب ملابسها وانزعجو
وخاصه دانه الي مو جايه تتقبل بدور ثاني اما اسيل كانت تطالعها باعجاب

رد: "مال الهوى عندي عذر ".
 

اسيل:اااخ ماشاء الله عليها بدور تجنن لو محمد صحيح يحب بدوور يااحظه فيها.
دانه:سكتي يرحم والدينك ماادري شعليه بيكون يااحظه على هالسباله.
اسيل:حراام عليك دووين للحق بدور كانت حلووه وكانت طيبه معنا بس لوما الي صار
ولو انا ماكانها سويت مثلها وازيد من حرة مافيني.
دانه:خيير على هالحنيه امشي بس.
وراحو لعندهم وسلمو على بدور اسيل كانت مبتسمه في وجه بدور اما دانه مدت يدها
وسلمت بااطراف اصابعها وكانت تطالع بدور بجموود وزوبا مااتحب هالتوتر في الجو
زوبا:اقول بدور تاخرتي شفيك؟
بدوروكانت تتكلم بهداوه وحيا:كنت ادور احد يوصلني وبالموت شفت السوواق.
اسيل حبت تدخل بجو زوبا الي تحاول تغير هالتوتر بالجو:جيتي مع السوواق؟
بدور التفت عليها:لا وانا طالعه شافني اخوي عبدالله وعرض علي يوصلني ووصلني.
زوبا سمعت عبدالله وصار وجها احمر ورفعت راسها تطالع في دانه ودانه برضو
تطالعها ومبتسمه وزوبا ميته من حياها بدور استغربت شفيها زوبا انقلب وجها كذا بطاري
عبدالله دانه تكلمت:زوبا تعالي يالله نوره تبيك.
زوبا مسكت يد دانه وراحو وهم يسولفون وبقت بدور واسيل وكانت كل وحده كانها اول
مره تشوف الثانيه مو عارفين يكلمون بعض كيف
اسيل:تعالي نصعد لهم.
بدور:ووين؟
اسيل:غرفة نوره..شوفيها طالعه غيرر.
وصعدو ثنتينهم للبنات وكانت الغرفه زحمه كلهم جالسين الي تسولف والي ترتب مكياجها
وفطوم من دخلت وهي حاطه دوبها بدانه وشعرها الي كل من شافه ضحك على الشكل
وفي نفس الوقت يعجبهم لان شكله حلو عليها وفطوم مو عاجبها بالمره
فطوم:دووين قومي فتحي هالبقاره لاسطرك.
دانه تهز راسه مثل العيال:مااابي حره من قهره منهم انتي لاتنقهرين اسوي لك.
حور كانت ترتب مكياج نوره الي كانت في ذاك اليوم غيرر عن كل مره كانت لابسه
فستان لونه اصفر ليموني وكان علاق وفتحة الصدر واسعه وكان القماش فيه لمعه كثير
تميل على الذهبي وملفوف على الفستان شيفون اصفر ليموني وكان مغطي اللمعه ماتبين
منها الا اجزاء بسيطه من فوق وفي الذيل وكانت حاطه مكياج سمبل كم لون مطلعها
ناعمه وشعرها كانت قاصته طبقات متدرجه كثير وكانت لافتهم على فوق وكل من شافها
مااصدق ان هذي نوره الي بالمدرسه لان نوره من النوعيه الهاديه والي مااتحب تهستر
وتكشخ باكسسوارت وخرابيط وكلبسات بالمدرسه فالكل متعجب من شكلها الي تغير عليهم
حور كانت مطلعه جوالها وحاطته على الكرسي القريب منها وشوي الا يدق على نغمة
(ايه احبك)الكل سمع الصوت وسكت يشوف من جواله يدق وحور سمعت النغمه وضاعت
علومها هذا عبدالرحمن شلون ترد عليه والله حاله واخذت الجوال وابتسمت وطلعت برا
الغرفه وردت وهي تحس قلبها بيوقف من الخوف
حور:الوو.
عبدالرحمن:مساء الخير حبيبتي.
حور:مساء النور حبيبي ليش متصل؟؟في شي؟
عبدالرحمن يجننها:امممممممم اممممم لا مافي شي.
حور:طيب ليش متصل وانت تدري اني مشغوله مع الملكه كان فضحتني يوم اتصلت
كان الكل موجود وجلس يطالعني وانا ارد على الجوال.
عبدالرحمن:اايه في سبب متصل عشاانه.
حور:خير ان شاء الله شنو صاير؟
عبدالرحمن اخذ نفس وصرخ بقوه:احببببببببببببببببببببببب بببببببببببببببببببب ببببك.
حور انقلب وجها احمر وقامت تضحك بقوه على عبدالرحمن وهو يقولها كل لحظه
احبك وهي بس تضحك على جنونه وكان يحاول فيها تقوله احبك وهي مو راضيه
عبدالرحمن:قولي طيب احبك.
حور:لا ماابي اقول.
عبدالرحمن:لييييه حرام عليك.
حور:لاني مااحبك.
عبدالرحمن:افا افا ماتحبيني؟
حور بصوت واطي:انا امووت فيك اعشقك اهواك انا احببك.
عبدالرحمن:يوووووه رحميني مااقدر والله ادووخ كذا انا.
حور:ههههه يالله الحين قفل.
عبدالرحمن:لاا ماني مقفل وشرايك امرك وتطلعين معي احسن لك.
حور:هههه تنكت اطلع معك تبيني انقصب على يد اهلي ويالله باايوو.
عبدالرحمن:طيب انتبهي على نفسك باي.
قفلت حور وطلعت لها زوبا وفطوم في وجها زوبا نزلت لتحت تجهز لدخلة نوره للناس
وفطوم مسكت حورر على جنب
فطوم:عبدالرحمن الي متصل؟
حور وهي تضم جوالها لصدرها بقووه:اااااايه رحمانوو.
فطوم:شوووي على حالك وتعالي بتنزل نوره.
تجهزو البنات ونزلو اما بدور وزوبا هم الي نزلو نوره ودخلوها على الناس وكانت بدور ماسكه
المبخر وتمشي وراء نوره وزوبا كانت تنثر ورد وصارت زفه بسيطه لها وخااصه
لان صالة بيتهم كبيررره بالحيييل وكانو معازيم كثير غير خطوبه لمياء
جلسو البنات يصورون ويرقصون مده طويله والكل يضحك الا بدور تحس بينهم غريبه
نوره متوتره والتفت على بدور الي كانت جالسه جنبها وسرحانه وكسرت خاطرها
ونوره من طبعها قلبها طيب وحنونه على الجميع وضايقها منظر الحزن في عيون بدور
نوره:بدور شفيك؟
بدور انتبهت والتفت على نوره الي كانت تبتسم لها وبادلتها ابتسامه وهزت راسها
ان مافيها شي بس نوره ماتركتها ظلت تحاول تعرف شفيها
نوره:ليه متوتره؟انا الي مفروض اتوتر.
بدور:لا ولاشي ولاتتوترين حنا معك.
نوره:طيب بدور دامك قلتي كذا ابيك تدخلين معي وتصوريني وماابي غيرك.
بدور فرحت اخيرا احد معطيها اهتمام من الموجودين غير زوبا
فطوم راحت تقول لاخوها خلاص يدخل لان تاخر ولبسو المعازيم عباياتهم واسيل كانت
مع فطوم اللبست عبايتها وطلعت معها لبره وكان بوحسين ينتظر بنته تطلع
وجات فطوم واسيل وبو حسين شافهم وابتسم وجاو لعنده
فطوم:يالله يبه خلي حسين يدخل.
بوحسين:ان شاء الله اقوله.
اسيل كانت واقفه وتطالع في بوحسين بعدها قالت:شخباركم عمي؟
بوحسين سمع صوتها وعرف انها اسيل:تمام الحمدلله.
اسيل:مبروك وعقبال فطوم.
بوحسين يضحك:ههه الله يبارك فيك وعقبالك قبل فطوم فطوم انا بخليها عندي.
فطوم امسكت يد ابوها:يووه لاتحرجني يبه..لكن لازم تتخلى عني في يوم,
اسيل:هههههه فضيحه يافطيم ويالله تاخرنا.
راح بوحسين ونادى لولده ودخلو وحسين كان في ذاك اليوم جاامد حتى مايبتسم وخلقه
طالع من كثر ماهو متوتر من الي يصير ونوره مااهي بعارفه توقف من كثر مارجولها
ترعش والدنيا تدور فيها وكانت منزله راسها وهي واقفه حسين بس دخل وطاحت عينه
على نوره انصدم وقال بهمس:تبارك الرحمن.
سلم عليها وباسها على راسها وهي كانت ترجف وحسين كان طوويل قدام نوره جلس جنبها
واثنينهم ساكتين بس يطالعون الي يصورهم ويبتسمون على خفيف وفطوم شاده
اعصابها عليهم وجمودهم وتاشر لاخوها يكلم نوره الي بتنكسر رقبتها وهي منزلتها
حسين يدور كلام يقوله مو عارف يحس حلقه جف وصوته ماايطلع
حسين:مبروك نوره.
نوره رفعت عيونها تطالعه وردت عليه وقلبها ينبض في اللحظه ملااين النبضات
حسين:طالعه قمر ماشاء الله.
نوره بغباء:صحيح؟؟عجبتك؟
حسين:كثيرر ياخوفي انتي انصدمتي فيني.
نوره وهي تضحك:هههه لا بالعكس.
حسين اخذ بالكلام:يالبى هالضحكه انا.
نوره نزلت راسها وسكتت وكل شوي حسين التف عليها يكلمها وهي تضحك معه والكل
يطالعهم وفرحان وكانت بدور واقفه مع زوبا يصورونهم وشوي قامو المعازيم للعشاء
ونوره وحسين راحو للمجلس وراحت معهم فطوم الي لزمت على ابوها يصور مع ولده
وكان بوحسين مستانس بملكه ابنه الكبير وطول الوقت مبتسم ويسولف ونوره
بدل مايزيدها الوقت جرأه يزيدها خجل اكثر واكثر .
البنات تعشو وجلسو يسولفون ويعلقون على نوره وحسين..لمياء كانت متضايقه وانتبهت
فيها حور وكان نفسها تروح تسالها بس مااحبت تكلمها بزحمة البنات وبهالجو ولمياء
حالها متغير وهي الي قامت وجلست جنب حور عشان تكلمها
لمياء:حور قلبي فيه ضيقه.
حور:سلامتك وشفيك؟
لمياء:سعد مااتصل علي وهو قايل من نص ساعه بيتصل عشان يجيني.
حور:لاتحاتين ماافي الا الخير ..انتي اتصلي عليه.
لمياء:اتصلت ومايرد.
حور:حاولي ثااني اكيد بيرد عليك.
لمياء وحور طلعو بره عن الزحمه واتصلت لمياء بسعد وكان يرن ويرن وماايرد
ولمياء مع كل دقه خوفها يزيد اكثر واكثر وقطع الخط وماارد طالعت حور وعيونها
فيها الدمووع وقالت:ماايرد ماايرد.
حور اخذت الجوال واتصلت مره ثانيه ومن اول رنه رد سعد على جواله
سعد:هلا حبيبتي.
عطت حور الجوال للمياء ومسحت على يدها ومشت ولمياء كلمت سعد وهي فرحاانه
لمياء:حبيبي سعد خفت عليك.
سعد استغرب شفيها:شصاير لمووي ليش صووتك مخنوق؟
لمياء قامت تصيح:انت تاخرت مااتصلت وانا خفت عليك سعد لاتروح.
سعد وفي قلبه يحمدربه على الي عطاه:لاتصيحين دمووعك غاليه انتي الحين تموتيني
الا دموعك ماابي اشوفها ولااسمعك تصيحين وانا الحين بخلي سيف يمر عليك.
لمياء:سيف؟؟وانت ليش ماتجي؟
سعد:مااقدر انا اتصلو علي ناس عازميني ورحت لهم والمزرعه بعيييد بالحييل.
لمياء:طيب براحتك.
سعد حس ان لمياء مااخذه بخاطرها شووي:ااسف حبيبتي لاتزعلين عشانك اجي.
لمياء:لاا خلاص عادي اروح مع سيف.
سعد:زعلانه؟
لمياء:لا مو زعلانه.
سعد:احبك.
لمياء مازالت تستحي من سعد وكلامه سكتت بس سمعته وحطت يدها على قلبها
سعد:احببك..قوليها لي.
لمياء:احبك.
سعد:اااخ ياقلبي ياويلي انا.
لمياء:هههه سعد بس روح كلم سيف يجيني.
سعد:اوكي ولمياء من شوي قلتي لاتروح وين بروح؟
لمياء:لاتروح وتتركني ثاني.
سعد:هههه لاتحاتين انا معك داايم..يالله باي.
سكرت لمياء ومسحت دموعها ودخلت للبنات وشافتها حور وراحت لها تسالها شسوت
وشوي الا جات فطوم تدور بدور الي كانت جالسه لحالها ومن زود مللها اتصلت على
عبدالله يجي ياخذها وكانت متضايقه بالحييل من المكان شافتها فطوم وراحت لها
فطوم:يووه تعبتيني ادورك.
بدور استغربت شتبي منها:ليش شنو فيك؟
فطوم مسكت يد بدور وقومتها:قوومي نوره تبيك تصورينها.
بدور:هههه من صجها هذي الحين كلكم موجودين تبيني انا.
فطوم:تعااالي انتي الحين.
اسيل كانت تدور فطوم ومازالت لابسه عبايتها وراحت لمدخل المجلس تناديها وشافت
بوحسين قدامها استحت منه لكن هو تعود شوي عليها وشافها وعرف انها اسيل
اسيل شافته ورجعت ونادها
بوحسين:اسيل.
اسيل رجعت:امر عمي.
بوحسين:شفيك شبغيتي؟
اسيل:كنت ادور فطوم.
بوحسين:وانا ادورها بقولها تلبس عبايتها لان بندر اخو نوره بالمجلس يصور مع اخته.
اسيل:ان شاء الله اذا شفتها اقولها.
بوحسين:يالله اجل عن اذنك.
ومر من قدامها وطلع للشارع وهي رجعت تدور فطوم الي كانت مع بدور يجهزون بالكاميرا
وفطوم سبقت بدور للمجلس وتوها موصله للمدخل طلع بندر وهو يضحك
وهي مااعرفت شتسوي وقفت مكانه مثل التمثال هو التف وشافها ونزل راسه
اسيل ارجعت وشافت بندر وفطوم واقفين على طول سحبت فطوم من يدها للباب الثاني
وهذيك كانها توها تصحى من غفوه وبندر مشى ووجه احمر من الموقف المحرج
اسيل:فشلتينا.
فطوم حست ماافي شي وخاصه لانه كان بعييد عنها ومااشافها زين واسيل مكبرتها
فطوم:استريحي عاادي ولاشافني.
اسيل:انتي هبله وربي.
فطوم:المهم جيبي عباياتي خليني البسها عشان ماافشلك ثاني.
اسيل عطت فطوم عبايه والبستها وطلعت وكانت بدور تدورها وبيدها الكاميرا
وراحت معها يصورون نوره الي كانت تضحك وتسولف مع حسين وناسيه التوتر الي فيها
بدور ظلت تسولف معهم وكل شوي سوت لهم صوره غيرر ودق جوالها وكان عبدالله
متصل وقالها تطلع هي باركت لنوره وطلعت وهي عند الباب كانت تدور سيارة اخوها
وسيف اخو لمياء واقف ينتظركانت تطالعه وهو مستغرب شفيها هذي كانت بدور
بداخلها تفكر بمحمد وسرحت وهي مااتدري وماكانت تطالع سيف في الاصل
شخص جا من وراها وناداها باسمها وكان صوته متردد
...:بدور؟
التفت بدور وطالعت وراها ولقته زيد اخو فطوم
زيد:انتي بدور؟
بدور طالعته ورفعت حاجبها:ليش تسال من انت؟
زيد:انا اسف ماكان قصدي شي بس اخوك عبدالله ينتظرك وقال لي اخلي الاهل ينادونك
وقالو طلعتي وتوقعت انتي.
بدور:مشكور وين واقف؟
زيد كان في عالم ثاني وهو واقف قدام بدور ويطالع في عيونها الي كلها كبرياء مخلوط
بحزن تخفيه وراء قناع هالغرور ظل سرحان ومبتسم وهو يطالعها وهي تكلمه وماايرد
بدور:شفيك اقولك ووينه؟
زيد:هااا ....من الي وينه؟
بدور جاتها الضحكه على زيد الي كان مفهي:عبدالله.
زيد:من عبدالله؟
بدور:اخوي ووين واقف؟
زيد انتبه زين ومسح على جبهته بيده كانه يتذكر:تعالي واقف بعيد شوي.
وراحت بدور وراه وهي تضحك على شكله كيف فهى
ركبت السياره وهي تضحك بقوه وعبدالله مستغرب منها يوم كانت تكلمه متملله والحين
عبدالله:خيرر شعندك على هالضحك؟
بدور:هههه لا بس انتو تضحكون.
عبدالله:ليش شسوينا؟
بدور:ولاشي وديني البيت فيني النوم.
عبدالله كان نفسه يتكلم مع بدور ومتردد ظل يمشي وهو سااكت وبعدها التف على بدور
الي كانت فاتحه وجها وتطالع نفسها بالمرايا
عبدالله:بدور ابي رايك في شي.
بدور طالعت اخوها وهو محتار يتكلم او لا وهي تنتظره يقول شفيه
عبدالله:بسالك صديقتك زوبا.
بدور:شفيها؟
عبدالله:شرايك فيها؟قصدي يعني هي..؟
بدور قامت تضحك:ههههه عاجبتك زوبا؟
عبدالله عصب:مايحتاج تضحكين انا سالتك
بدور:اسفه اسفه وزوبا حليوه وطيوبه وبالعكس مابتلقى احسن منها.
عبدالله وقف السياره على جنب وجلس يسولف مع بدور
عبدالله:انا من شفتها بالسياره ذاك اليوم وماادري دايم افكر فيها
بدور:كل هذا سوته فيك قزوم.
عبدالله:مو قزمه بالعكس تجنن احسها بريئه مثل العيال وقلبها طيب.
بدور:الله الله هذا نظره وحسيت كل هذا.
عبدالله اخذ نفس قووي وزفر:واكثررر يابدور.
بدور:وشنو المطلوب؟
عبدالله:يعني لمحي لها لو بشي بسيط.
بدور:عبدالله زوبا بنت ناس لاتلعب فيها.
عبدالله:هذا ظنك فيني يابدور.
بدور:لا بس انبهك من الحين.
عبدالله:افا عليك انتي قولي بس لزوبا ولو عجبتها اعطيك الي تبين.
بدور:ماابي شي الله يوفقكم.
ابتسم عبدالله وبداخله يقول غريبه هذي بدور مااتوقعت اني بيوم اشكي لها وتساعدني
وبهالطيبه سبحان مغير الاحوال.
.............................. ..............
سيف اتصل على لمياء تطلع له وكانت تكلمه جنب البنات ودانه بس سمعت اسمه فرحت
لمياء سلمت على البنات وطلعت لاخوها ودانه اللبست عبايتها وطلعت هي بعد ووقفت
كانها تدور على احد وسيف شافها وعرف انها دانه ركبت لمياء ومشوا ووقفو عند دانه
فتحت لمياء وناداتها تشوف شنو فيها
لمياء:داانه داانه.
دانه راحت للمياء:هلا لوول.
لمياء:شفيك واقفه عند الباب؟
دانه سكتت وظلت تطالع سيف وهو كان يطالعها وبس سالتها لمياء ابتسم ورفع حاجبه
يبيها تجاوب لانه يدري ليش طالعه ودانه وخرت عيونها عنه وتجاهلته وردت على لمياء
دانه:بشوف اذا واحد من اخواني جا عشان يوصلنا؟
لمياء:اها ليش مااتدرون من بيوصلكم؟
دانه:الا علي بيجينا بس توقعت محمد يجي قلت اطلع يمكن اشوفه.
لمياء:طيب دخلي واذا واحد منهم جا بيتصل عليكم.
دانه:انا كنت بدخل لكنك ناديتيني.
لمياء:اوكي يالله باي وسلمي على البنات وقولي لحور تكلمني اذا رجعتو.
دانه لفت عيونها على سيف الي كان يسمعها ومبتسم:تامرين حبيبتي..في خاطرك شي؟
سيف سمعها وقال بشفايفه احبك ودانه مااعبرته ولاعطته اهتمام وفي داخلها بتجن
من الونااسه لمياء مستغربه شفيها على هالاسئله اليوم
لمياء:سلامتك.
دانه راحت وسيف عيونه وقلبه معاها وهي بعدت وقامت تضحك وسيف مشى وهو هاايم
لمياء:سيف الشباب اذا راحو المزرعه متى يرجعون بالعاده؟
سيف:وشعليك من الشباب انتي؟
لمياء:يوووه منك ابي اعرف متى بيرجع سعد.
سيف:تو الناس مايرجعون الا الفجر.
لمياء سكتت وانقهرت يعني سعد مابيرجع من هناك الا الفجر واكييد لو اتصلت عليه
ماراح يرد ولا ينتبه لجواله سيف شغل المسجل وجلس يقدم بالشريط ولمياء معصبه عليه
وتبيه ينتبه وهو يسوق ومااسمع كلامها الا بعد مااحط الاغنيه الي يبيها وكانت اغنية
بلغ حبيبك وجلس يغني معها ولمياء صدرها ضاايق على سعد.
دانه دخلت وشافت اسيل وتوها بتكلمها تعلمها بالي صار دق جوال اسيل وراحت بعييد
شوي وردت وكان علي متصل عليها واسيل ماصارت تستغرب لانها تعودت عليه
اسيل:الوو.
علي:مساء الـ...
اسيل:ههه الـ...شنو مساء الخير؟
علي:انا كنت محتار بس دامك قلتي الخير ولايهمك مساء النور ياانور هالدنيا.
اسيل:من ذوقك يالغلا.
علي:الله الله ان الغلا؟
اسيل:علي شفيك؟
علي:ولاشي بس اسولف معك.
اسيل:اها يعني متصل تسولف بس.
علي:لا..بسالكم اجيكم الحين او بعد شوي؟
اسيل:لا تعال الحين الكل جالس يمشي.
علي:تامرين كم اسيل عندنا؟
اسيل:وحده ودايم كاسرين بخاطرها ههههه.
علي:هههههه قصدك هي الي كاسره بخاطرنا.
اسيل:افا انا؟؟
علي:هههه المهم مع السلامه انا دقيقه بالكثير وجايكم تراني قريب لاتتاخرون.
اسيل:اوكي مع الف سلامه.
قفلت اسيل وهي تمشي غمضت عيونها واخذت نفس وهي تزفره قالت اااه وتوها بتفتح
عيونها سمعت احد يقولها: سلامة قلبك من الااه.
فتحت عيونها وشافت بوحسين واقف قدامها ويبتسم هي رتبت شيلتها
اسيل:الله يسلمك.
بوحسين:توك صغيره وااه شنو نقول احنا الي بهالسن؟
اسيل:والله شكلها ااه لنا احنا لان هالزمن تغير وصارت همومنا اكبر من همومكم.
بوحسين:طييب تبين تقنعيني ان همومنا قليله قدام همومكم؟
اسيل:ااايه همومنا كثيرر.
بوحسين جلس على الكرسي القريب منه وتم يطالع اسيل:العمر مايحدد هم الانسان وفرحه
نفسيت الانسان ومقدار تحمله وصبره على هالدنيا هي الي نقيس فيها.
اسيل:والله انت اعلم ومنكم نستفيد.
بوحسين:هههههه مو شرط انا اعلم وين فطوم عنك كان تمت تعاندني ولاتستسلم.
اسيل:هههه فطوم عنيده مااحد مثلها.
بوحسين:الله يهديها ويستر عليكم كلكم.
اسيل بتمشي لكن شكل بوحسين كسر خاطرها كيف جالس لحاله وعيونه مليانه حزن وكانه
يدور على احد وفتقده بالمكان وكان يتكلم والضحك يطلع بغصات ماهان عليها تتركه
اسيل:عمي بوحسين.
بوحسين انتبه من سرحانه:لبيه يالغاليه.
اسيل:تسلم..شفيك جالس لحالك؟
بوحسين:يعني اقوم اروح بيتنا طردونا خلاص ههه.
اسيل:هههه لا بس جالس لحالك مااحد معك.
بوحسين:فطوم ومع حسين ونوره ولا تروح عندكم وزيد مشى للبيت وراه مشاغل
وانا كنت بمشي بس فطوم من بيجيبها قلت انتظرها هنا واذا خلصت مشينا.
اسيل:طيب واهل العروس بو بندر وولده وينهم عنك؟
بوحسين:بندر طلع يقول مواعد ربعه وابوه مسكين جاه النوم وانا عذرته وقلت له بمشي
روح نام وراح ولا كان بيجلس معي.
اسيل:اوكي بتظل لحالك كل هالوقت؟
بوحسين:وين اروح لو المرحومه موجوده كان جلست معي.
اسيل انقبض قلبها من نبرت بو حسين وكان الجرح الي في قلبه يتكلم واخيرا لسانه
ترجم كلام عيونه واعترف انه يفقد شريكة حياته.
اسيل:الله يرحمها.
بوحسين نسى انه يتكلم مع صديقه بنته:عارفه ياابنيتي شنو الصعب؟
اسيل جلست بالكرسي القريب من كرسيه:شنو؟
بوحسين:حال حسين فرحته مااكتملت اليوم وامه ماهي معاه تبارك له ولعروسه وفطوم بعد
بدال ماتفرح وتجلس مع صديقاتها صايره هي الام لنا هي الي تقوم وتجلس وترتب
تحاول تغطي عن مكان امها لكن ووين ماكان ام حسين ضل خالي ومااحد ملااه حتى بزواج فطوم
مابيكون عنده ام تزفها مثل بقايا البنات وترقص بعرسها وتوقف تسمع تبريكات المعازيم.
اسيل قامت دموعها تنزل على خدها وبوحسين مااوصف حال بنته بس وصف حالها بعد
حتى هي مااعندها ام تزفها بعرسها مثل كل البنات.
بوحسين شاف اسيل كذا وانتبه لكلامه الي قاله وكسرت خاطره اسيل كيف حساسه
اسيل ودموعها تطيح:ابوي يقول ان امي بتفرح اذا فرحت واكيد في زواجي بتكون موجوده
بس ماراح اشوفها بس هي تشوفني دايم يقولي من كنت صغيره.
بوحسين كان يطالع فيها ومايشوف قدامه الا طفله صغيره تتكلم عن احلام وقصص
ابوها يسكتها فيها قبل ماتنام وفي نفس الوقت تتكلم عن بلسم خيالي يداوي جروحها.
اسيل وهي تمسح دموعها وتبتسم:لاتحاتي حتى ام فطوم بتجي عرسها انا بقول لامي
تقول لها واكييد فطوم بتحس فيها .
بوحسين كان يسمع لها ولسانه مربوط بسيل من الدموع العالقه بداخله واسيل تتكلم
مثل العيال:بتجي امي وام فطوم صح عمي؟
بوحسين مااقدر يتكلم ويااكد كلام اسيل الا بهزت راس منه يمكن ترضيها
قطع عزاهم صوت جوال اسيل الي مسحت دموعها وردت عليه
علي:يالله انا عند الباب.
اسيل:انتظر شوي وبنطلع.
قفلت الخط ونفسها وصوتها يضيقون بكل لحظه وقامت من عند بوحسين
بوحسين:اسيل انتبهي على نفسك ولاتشيلين بخاطرك الدنيا ماتسوى.
اسيل ابتسمت وهزت راسها وراحت داخل تدور حور ودانه وشافتهم وكانت دانه مع زوبا
اسيل وهي تاخذ شنطتها:دانه يالله علي عند الباب.
دانه:من قالك.
اسيل:خلصيني هو اتصل وقال عند الباب.
دانه:بس مااتصلنا وقلنا له تعال.
اسيل غطت وجها بالشيله بدال اللثمه:اتصل علي وقلت له يجي يالله انا بطلع قولي لحور
وزوبا باركي لنوره بدالي.
ومشت اسيل بدون مااتلتفت على احد وتوها بتطلع وقفت وشالت الغطى كانت فطوم
تسولف مع حور وتضحك تذكرت اسيل بوحسين وظلت تطالع في فطوم ورجعت دموعها
تنزل على خدها وهي تشوف نفسها بفطوم الي كانت فرحانه بخطوبه اخوها
اسيل مااستحملت اكثر وغطت وجها وطلعت وركبت السياره وسلمت وصوتها مبحوح
علي حس فيها شي:وين الباقي؟
اسيل تمسح دموعها من تحت الغطى:الحين بيطلعون.
سكت علي ومااحب يطول في الكلام لان باين عليها متضايقه طلع بوحسين
وشاف سيارة علي وجا يسلم عليه وعلي نزل من السياره عشان بوحسين واسيل كانت تطالعهم.
علي حب راس بوحسين وجلس وبارك له خطوبه حسين
بوحسين:الله يبارك فيك وانت شد حيلك نبي نفرح فيك.
علي:ووين انا توالناس.
بوحسين:العمر يركض وين تو الناس؟
علي:خير ان شاء الله.
جات حور ودانه وركبو السياره وكانو يسولفون ودانه كلمت اسيل ومااردت عليها
حور اشرت لدانه تتركها براحتها وعلي مااحب يتاخر على خواته واستاذن من بوحسين.
علي:تامر شي يابوحسين؟
بوحسين:سلامتك وسلم على اخوك جاسم.
علي:الله يسلمك ويبلغ ان شاء الله بس انت تشوفه اكثر مني هههه.
بوحسين:الله وكيلك بمستشفى واحد ولا نتلاقى الا بالصدفه لان دوامي غير دوامه.
علي:على خير يالله مع السلامه.
وركب علي السياره والتف على اسيل الي كانت مثل ماهي مغطيه وجها وساكته حور
فتحت وجها وجلست تدور بشنطتها ودانه فاتحه وجها وتعافس بالمسجل
دانه:اسوول شفيك متغطيه عاجبك الدفا؟؟هههههه.
علي:هههههه تحب الستر مو انتي واختك.
حور:يمه انا ساكته وجاني حقي.
اسيل تسمعهم ولا علقت باي كلمه كان الي بداخلها اكبر من انه ينسي بسرعه
دانه شغلت اغنيه (ليت ربي ماخلق لحظه وداع)
حور:الله دووين خليها.
علي:هالاغنيه قديمه بس حلووه صح؟
حور:صحين.
علي يطالع اسيل من المرايا:صح اسيل؟
اسيل انتبهت لكلام علي:صح كلماتها رووعه.
دانه وحور طالعو بعض وضحكو وعلي ابتسم بس مع خواته وباله مشغول في اسيل
وصلت اسيل بيتهم ونزلت بس قالت:مع السلامه.
وماانتظرت حتى يردون عليها مشت وخلتهم وكل الي في السياره يفكر بحالها الي انقلب
كمل علي لبيت حور وهم ساكتين ورن جوال حور على نغمه(ايه احبك) هي خافت وترددت
وردت على عبدالرحمن وكانت مرتبكه وتبي توصل البيت بسرعه
حور:الوو.
عبدالرحمن:هلا بالي شاغل القلب والروح.
حور:هلا فيك.
عبدالرحمن:جنبك احد؟
حور:اايه.
عبدالرحمن:اوكي وين انتي؟
حور:بالسياره ثواني واصل البيت.
عبدالرحمن:طيب اكلمك اذا وصلتي.
حور:طيب.
عبدالرحمن:حووور احبك وهالاغنيه الي تسمعينها على فكره احلى اغنيه عندي.
حور كانت تطالع اخوها ودانه وهي تتكلم وتحس انها تسوي جريمه وجالسه تتلفت
وهي ترد على عبدالرحمن وقلبها يدق من الخوف وعبدالرحمن يقولها بعد كذا
حور:صحيح حلوو.
عبدالرحمن:ههههه متوهقه صح طيب بااي.
حور:باي.
قفلت حور وقلبها ذاااب بين ضلوعها وسكتت ووصلت ونزلت مثل اسيل سريع
دانه تطالع في علي وهو يسوق وتحك راسها ومعقده حواجبها شافها علي
علي:شفيك؟
دانه:ماادري اسيل وحور الي شفيهم؟
علي:صاير شي لهم في الملكه؟
دانه:لا ماصار شي انقلب حالهم في السياره.
علي:لاتشغلين بالك مافيهم الا الخير.
دانه نزلت وراحت على طول لغرفتها ودخلت اخذت شور سريع وجففت شعرها واحتارت
تتصل على من حور ولا اسيل؟
في النهايه حطت الجوال واخذت صورت سيف وظلت تطالع فيها وباستها وقالت:وانا احبك
وتمت تتحلم وتكلم صوره الى ان ناامت.
حور دخلت وماانتظرت تبدل على طول اتصلت على عبدالرحمن وظلت تسولف معه
وتعلمه عن الملكه وهو يسمع لها وهي تتكلم وفرحاانه بالحييل
عبدالرحمن:وملكتنا كيف تبينها؟
حور:ابي اعزم ناس كثيرررر .
عبدالرحمن:ليش كل هالناس؟
حور:امممم ابي الكل يعرف اني احبك وابي الكل يفرح معي.
عبدالرحمن:حلوووانا ماابي احد في ملكتنا.
حور:يؤ مااحد؟
عبدالرحمن:اايه ابي بس انا وانتي لحالنا عشان اقولك كل الي بداخلي لك واعلمك
شكثر احبك ولااقدر اعيش بدوونك وابيك تكونين لي بس.
حور تنهدت:ونااسه ولايهمك مانعزم احد.
وظلو يسولفون ويتحلمون الى ان جاهم النووم وقفلو ونامو.
اسيل كان بيتهم كالعاده هاادي ابوها والخدم نايمين هي غسلت وجها من المكياج والبست
بيجامتها وانسحدت على السرير وكانت الغرفة ظلمه وهاديه ومايبين فيها الا لمعت دموع
اسيل الي كانت كل دمعه تحاول تسبق سيل الدموع الي قبلها وهي بهالحال دق جوالها
وردت عليه بدون مااتطالع الاسم او من متصل وكانت فطوم
فطوم:هلا اسوول فكرتك نمتي؟
اسيل:لا صااحيه شفيك؟
فطوم:ولاشي سلامتك بس ابوي قال اتصلي على اسيل تطمني عليها يقول كنتي متضايقه.
اسيل:يعطيكم العافيه ولامتضايقه ولاشي كان فيني النوم.
فطوم:اجل يالله تصبحين على خيرر مااعطلك عن نومتك.
اسيل:اوكي سلمي على ابوك وباركي للمعرس.
فطوم:يبلغ والمعرس ووينك عنه ماابرح عند نووير.
اسيل:ههههه الله يهنيهم.
فطوم:الجميع ان شاء الله يالله باي.
اسيل:باي.
قفلت اسيل وتوها بتغطي وجها باللحاف دق الجوال مره ثانيه وردت وهي منزعجه
اسيل:الووووو.
علي:الووين شكلي متصل بوقت غير مناسب.
اسيل سمعت صوت علي وحست بالراحه:لا عاادي.
علي:لا يبا شوفي وتصارخين علي.
اسيل:لا شدعوه ههههه.
علي:طيب شخبارك؟
اسيل:بخير.
علي:حرام الي يكذب.
اسيل:ادري.
علي:اجل لاتكذبين وقولي شفيك في السياره متضايقه؟
اسيل سكتت ورجعت تذكر كلامها مع بوحسين وكان نفسها تصيح بقووه وفي نفس الوقت
كان نفسها تصرخ وتقول لعلي انها تحبه وتبيه في هاللحظه جنبها لانها محتاجه له بالحييل
علي:اسيل لاتشيلين بقلبك بتتعبين تكلمي.
اسيل وصوتها تهدج:اشتقت لامي اليوم بالحييل.
علي سمعها وكان متوقع هالشي بس هو يدري ان في شي ذكرها بامها
اسيل:هذا كل الي فيني.
علي:وشمعنى اليوم؟
اسيل:لاني اليوم شفت فطوم لحالها بدون امها في خطوبه اخوها وانا بعدين بصير مثل
حالها هي واخوانها مااحد لي بكون لحالي,
علي وصوته كله هدوء وحنان:من قال لحالك معك حور ودانه وام جاسم وجاسم ومحمد
وامي وابوي وعمي الله يخليه لك وانا وين رحت انا معاك ولانسيتيني؟
اسيل بدا صوت صياحها يطلع:لا ماانسيتك.
علي تضاايق لانه مايحب يسمع بنت تصيح:لااا لاا اسيل بزعل منك.
اسيل:ليش؟؟
علي:لاتصيحين دموعك مااتهون علي دموعك غاليه يالله سمي بالرحمن وشربي مااي
واقري قران ونامي وخلي عنك هالوساوس.
اسيل مسحت دموعها:ان شاء الله.
علي:عفيه عليك ويالله ضحكي خليني اطمن عليك.
اسيل:ههههه احس نفسي بايخه اضحك على ولاشي.
علي وصوته يعطي اسيل كل راحه:لا انتي تضحكين علشان علي.
اسيل:صح علشان خاطرك يعني في شي.
علي:طيب تصبحين على خير وناامي وارتاحي.
اسيل:تلاقي خير.
قفلت اسيل وقامت غسلت وجها مره ثانيه وسوت مثل ماقال لها علي اما علي ظل ماسك
جواله ويفكر في بنت عمه الي للحين مو فاهمها.بوحسين ماكان حاله احسن من اسيل
حتى هو سهران ويفكر بس مو في عياله يفكر بااسيل ودموعها الي شافها اليوم.
زوبا من كثر التعب ناامت سرريع بس طلعو الضيوف ونوره وحسين ظلو سهرانين ومااحد
في ذيك الليله فرحان كثر فرحتهم كان حسين يتكلم ويتغزل ونوره مثل ماالكل
يعرفها ساكته وتجاوب بشي بسيط وتبتسم ومستحيه وهذاك ذاايب فيها ومذووبها فيه.
الى ان قرب الفجر وطلع حسين من عند نوره وكان بيمشي يروح بيتهم
حسين:اوكي نوره حبيبتي تامرين شي؟
نوره:سلامتك.
حسين:الله يسلمك انا امر شي.
نوره:تدلل.
حسين:لاكذا بتخربيني اتدلل مره وحده.
نوره:عليك بالعافيه انا موجوده وبدللك.
حسين:قد كلامك.
نوره:اايه قده.
حسين قرب خده منها وغمض:اجل عطيني حواوا وابيها كبيره.
نوره نزلت عييونها وجها صار احمر وسكتت ماعرفت شتسوي وحسين مغمض.
حسين:يالله تقولين قدها.
نوره:اييه قدها.
حسين:يالله وريني.
نوره:انت تبي حواوا والحواوا مايعطونها هنا.
حسين فتح عيونها وطالع نوره الي كانت رغم خجلها في عيونها جراءه
نوره رفعت يدها ومسحت بصبعها على فم حسين وقالت:الحواوا هنا.
حسين جلس يضحك واخذ يد نوره وباسها:ههه انا قايل من زمان بس خفت اموت
بين شفايفك ورحمت حالي بس الحواوا ابيها حتى لو كانت هي مووتي.
نوره قربت منه وباسته وحسين يطالعها وفجاءه قام يضحك بقووه ونوره مستغربه
حسين اخذ يدها وحطها عند قلبه وهو يضحك: سمعي قلبي كيف يدق يعني حواوا ثانيه
وينفجر ههههههه مااتوقعت في يوم بكتشف هالمعلومه.
نوره:سلامة قلبك بس شنو اكتشفت؟
حسين:هههههه اني استحي ولا منك.
نوره:هههههههه شكلي عاديتك.
حسين:هذا الي باين من اول يوم وصار بحالي كذا الله يعين.
نوره:الله يعينا كلنا.
حسين:يالله تصبحين على خيرر خليني امشي قبل لايصحى عمي ويشوفني فشيله.
راح حسين ونوره دخلت غرفتها وبدلت واخذت شور وراحت لزوبا تبي تسولف معها
وشافتها نايمه وانسدحت زهقانه وشوي اتصل حسين يقولها انه ووصل البيت
وظلت تسولف معه الى صلاة الفجر.
بدور بعد ماارجعت البيت دخلت بتنام وجلست تذكر زيد وملامحه ورجع لها اليوم الي
شافته فيه وهي بتروح بيت محمد عشان تشوفه وكرهت نفسها وكرهت محمد اكثر لكن
ماانزلت ولا دمعه لانها قررت تنهي شبح محمد من حياتها قطع افكارها دخلت سمر
لغرفتها دخلت وشغلت النور وجلست على السرير
سمر:يالله قولي بسرررعه شسويتي هناك؟
بدور وهي منسدحه:استانست بالحييل...وانتي وين طالعه؟
سمر انسدحت جنب اختها وتنهدت بقووه ورمشت بعيونها كانها تحلم:مع حبيبي.
بدور:وين رايحين؟
سمر:رحنا بيت عمي وشفت نويف مسككينه تعباانه بالحييل وبعدها رحنا تعشينا ورجعت.
بدور:دووم عليك انتي ويااه.
سمر:الله يسمع منك.
بدور:يالله قومي بنام.
سمر:تاامرين بس قالت بتنام علميني عن الملكه وكل شي ابي.
وظلت بدور تعلم سمر عن الي صار في الملكه وعن ملابس البنات وكل شي مثل مااقالت.

رد: "مال الهوى عندي عذر ".
 

لمياء تبي تنام بس قلبها يالمها وفيه ضيقه وتحس نبضها يضعف وروحها بتفارقها من كثر
الهم الي فيها تمت تسمي بالله وتهلل ودموعها كانت تنزل من عيونها اتصلت على سعد
تبي تقوله وماارد عليها واذن الفجر وهي على هالحال اتصلت على حور الي كلمتها وفيها النوم:هلا لمووي.
لمياء وصوتها فيه رعشه:حور سعد ماايرد علي وقلبي يالمني.
حور فتحت عيونها زين:سلامتك تعوذبي من ابليس والحين صلاه صلي
وجربي اتصلي مره ثانيه عليه واكيد بيرد عليك لاتحاتين.
لمياء:مشكوره حور بااي.
قفلت لمياء وقامت صلت وخلصت ورجعت تتصل على سعد الي ماارد عليها.
سيف كان مار من عند غرفة لمياء وطق الباب ودخل وشافها صاحيه وهي انتبهت فيه
لمياء:شفيك؟
سيف:صليتي؟
لمياء:اايه وشالمناسبه اليوم جاي تصحيني للصلاه.
سيف:ولاشي مار من عند باب غرفتك قلت اشوف صحيتي او لا.
لمياء:طيب...مشكور.
سيف:لمياء شفيك؟
لمياء:ولاشي بس انتظر سعد يتصل.
سيف:اها يالله اجل بروح انام.
قام سيف وطلع وراح لغرفته وحط راسه عشان ينام لانه ماانام طول الليل.
جاسم كان في ذاك الوقت بالمستشفى منااوب وكان تعباان وساعات بسيطه على مااتنتهي
مناوبته وهو جالس في الغرفه جاه نداء سريع على جهازه وقام وشااف المستشفى بحاله
طارئه لان حاادث صاير وجايبين المصابين ومن ضمنهم كان واحد حالته خطيره
لانه نزف كثير من الدم غير الكسور في جسمه جاسم راح يشوف ملف المريض وشاف الاسم
وانصدم والدم وقف في عروقه وعلى طوول اخذ جواله وماالقى الا محمد اخوه يتصل فيه
محمد كان سهران واستغرب لما شاف رقم جاسم لانه زعلان عليه من اسابيع
محمد:هلا جاسم.
جاسم وصوته كله رعشه:محمد تعال بسرعه المستشفى.
محمد خاف شصاير:ليش شفيك؟
جاسم:محمد سعد سوى حاادث تعال بسرعه.
محمد اهتزت الارض من تحت رجوله:جاسم انت شتقوول؟
جاسم وصوته ينذبح بالكلام:محمد سعد خلااص سعد ثواني ويعطيك عمره.
محمد قامت دمووعه تطيح وقام يصارخ على جاسم من الكلام الي يسمعه وماهو
قاادر يصدق أي كلمه يقولها:جااسم انت جنيت؟؟
جاسم والهم يخلط صووته:محمد اسرع تعال تكفى اسررع.
وقفل جاسم ومحمد مصدووم مو عارف شيسوي اتصل في سيف وهذاك
رد وسمع صوت محمد:سيف تعاال بسرعه المستشفى.
سيف قام بسرعه وهو مستغرب:محمد شفيك؟
محمد وهو يصيح وشهقاته تعلى:سعدد سعدد ياسيف .
سيف خااف:محمد تكلم شفيه سعد؟
محمد وهو يصرخ:سعد بيمووت سعد راح ياااسيف رااااااح.
سيف سكت وحس ان الدنيا وقفت عنده وموعارف يستوعب أي كلمه.
محمد:ياالله تعال المستشفى.
وقفل محمد وسيف ماانتظر بدل ملابسه وركب سيارته ودمووعه تسبق سيارته
ومحمد مثله طلع وشاافته حور كانت تناديه:محمدد محمدد شفيك.
وطلع وتركها ماارد عليها وشغل السياره وضغط بالنزين جاسم في ذاك الوقت كلم علي
الي جاه الخبر مثل الطعنه وعلى طوول راح المستشفى لهم جاسم قفل وراح يشوف سعد
الي كانت ملاابسه كلها دم وكان يوون بقووه ودمووعه تنزل وكان يتكلم وجاسم موعارف
شيسوي له وااقف عاجز قداام حالة سعد في ذاك الوقت بوحسين كان توه جاي المستشفى
ودخل وشااف جاسم طالع من غرفة الطوارىء ودمووعه على خده واستغرب وراح له
بوحسين:خيرر شفيك يااجاسم؟
جاسم:سعد بيرروح سعد بيروح.
وكان يااشر على الغرفه دخل بوحسين الغرفه وشاف سعد ودمه ينزف ومااحد جنبه الا كم
دكتور وممرضه وعاجزين يسون له أي شي وكان سعد يناازع وصوته وهو يوون يقطع القلب
وصل سيف ومحمد بنفس الوقت وجلسو يدورون جاسم وشافوه واقف سيف كان مثل المجنون
وهو يمشي وماايدري وين طريقه وراحو لجاسم
سيف:ووينه وين سعد؟
دخل جاسم الغرفه وطلعو كل الدكاتره الي فيها وتركوهم سيف راح لسعد وجلس يكلمه
ومحمد كانت دموعه تنزل وهو يمسح على راس سعد الي كله دم جاسم كلم واحد من الدكاتره
وقاله ان سعد خلااص ثواني ويفارق الحياه سيف كان ماسك يد سعد
سيف:سعدد قووم لميااء تنتظرك في البيت للحين مانامت قووم سعد.
سعد كان يوون ويتكلم ودموعه تسيل وتغسل الدم الي مغطيه:سيف دير بالك على لمياء..
سيــ..ف قولـ..ها انا كنت برجــ..ـع عشانها..قولــ..ـها سعــ..ـد
سـ..ـعد....يحبــ..ـك سيف لاتنسى .ابــ..ـوي ومحــ..ـمد صدقنــ..ني
جاسم بيسامحك والله بيسامــ..حك.
كانت كل كلمه وكل نفس وصيه للي حوالينه وكانت شهقاتهم تعلى مع كل ونه وكل نقطة دم
تنزل من جسم سعد بوحسين كان واقف ويشوفهم يودعوونه وقلبه يتقطع علي حالهم
بوحسين:اذكرو الله وانت ارتاح ياولدي واذكر الله.
سعد وهو يلفظ انفااسه:لا اله الا الله ....سيــف لاتنسى قــ..ـول للمياء اني..احبـ..ها
لاتنســ..ى ياسيــ..ـف لاتنسى امي قولها سـ....ـعــ..ـد...
......................اااااااه .
وقف سعد عن الكلام ووقف النفس معاه ووقف النور في عيون سعد وكان جسمه كله
مغطى دم الا وجهه الي كان فيه نوور وشفايفه الزرقاء ودموعه العالقه باطراف رموشه
في ذاك الوقت لميااء كان قلبها يدق بقوووه وكانت تصيح وتناادي سعدد.
بس سعد رااح سعد ماايقدر يرد على لمياء سعد فاارق الدنيا..فارق وترك سيف الي كان
يصاارخ ويناادي على سعد:سعدد قووووم سعد لااتمووت ابوك ماله غيررك سعد.
جاسم كان يشهق ويترحم عليه وراح لعنده وغمض عيونه وكان يبي يغطي وجهه
بس محمد ماارضى كان يلمس وجه سعد بيدينه ويترجى في جاسم
محمد:لاا ياجاسم خله سعد مامات انت بتخليه يقووم صح جاسم صح؟؟؟
جاسم نزل راسه وخل دموعه تشارك بالعزاء الي ماابينتهي:محمد سعد عطاك عمره
اطلب له الرحمه خلااص يامحمد.
محمد قام يصارخ:انت ماافي قلبك رحمه يقولك ابوه ماله غيره وكان بيتزووج تقولي مات
ماامات لانه..... سعد ســعـ...ـد.
وطلع محمد برى الغرفه وتسند على الجدار وهو يصيح وجلس مثل المذبووح ينعي سعد
بدمووعه وقلبه يمووت مع كل دمعه تنزل علي وصل وشااف محمد بهالحال وجلس على
ركبه جنبه يساله:محمد سعد ووين؟
محمد رفع راسه ووجه مثل الميت ماايدل على انه حي غير شفايفه الي ترعش من الالم.
علي:ووين سعد وووينه؟؟
محمد:سعد رااااااح سعد راااح راح ياعلي خلااص سعد ماات.
ورمى محمد نفسه في حضن اخوه مثل الطفل الصغير وقام ينتحب على صديقه
الي تركه وراح وعلي مصدوم من الي يسمعه من اخوه وتم ماسك اخوه وهو مغمض عيوونه
يمكن اذا رجع وفتحها يتغير الي حولينه لكن الواقع مستحيييل يتغير سعد ترك لمياء
وترك سيف ومحمد وامه وابوه سعد رااح واخذ معه قلووب كثيرر من الي حولينه وترك لهم
دموع بس ينعونه فيها علي ترك محمد ودخل الغرفه وشاف سعد جثه ماايغطيها الا البروود
الي قام يتلبسها لان الروح صعدت عند بااريها وماابقى الا هالجسد كان سيف ينتحب قدامها
وجاسم واقف ومااتقدر تفرق بينه وبين هالجثه الي قدامه علي قرب من سعد وبس شافه
تفجرت سيوله وبدت غيووم الحزن عنده تتجمع وتصب كل دمع تشيله بداخله وملامحه
اللبست ثياب العزاء مثل الي حوليه جاسم مااتحمل وغطى وجه سعد بالغطى الابيض
وسيف قاام يصيح اكثر ويبي يشيل الغطى وبوحسين وعلي مااسكينه وهو
يبكي مثل المفجووع الي مااتهون مصيبته:تركووني سعد قوووم قووم ولابتزعل منك لمياء.
وعلي يهدي فيه وبوحسين يهلل ويذكر الرحمن لكن ماافي شي يرجع سيف لعقله
محمد كل مااسمع صرااخ سيف وتهليل بوحسين وعلي الي يهدي سيف وجاسم وشهقاته
زادت اوجااعه وزادت دمووعه.
.............................. .................
سعد فاارق الدنيا والصدمه ذبحت قلووب الرجال شلوون اذا وصلت للباقي؟؟
شلون بتتلقى لمياء الخبر؟؟وشنو ردت فعلها؟؟ وهل بتعيش لمياء بمكان ماافيه سعد؟؟
اهل سعد شنو بيكون حالهم؟؟
كل من عرف سعد بيحزن عليه؟؟
عبدالله وزوبا بيعيش بينهم حب؟؟دانه وسيف الي مات بمووت صاحبه بينولد حبهم كذكرى
للحب من بعد سعد؟؟؟
حور وعبدالرحمن بيكون حبهم اقوى من حب سعد ولمياء وينسي الكل اسطورة سعد؟؟
بوحسين شنو دوره بالبارتات الجايه؟؟؟
اسيل وعلي؟؟؟؟
ولا موووت سعد بيوقف الحياة عند جميع الشخصياات وبيذبح كل شي اسمه حب بين
الناس الي تركهم مفجووعه عليه؟؟؟؟؟؟؟

البارت الثامن 888
لنفترق قليلا..
لخيرِ هذا الحُبِّ يا حبيبي
لنفترق قليلا
لأنني أريدُ أن تزيدَ في محبتي
أريدُ أن تكرهني قليلا
بحقِّ ما لدينا..
من ذِكَرٍ غاليةٍ كانت على كِلَينا..
بحقِّ حُبٍّ رائعٍ..
ما زالَ منقوشاً على فمينا
ما زالَ محفوراً على يدينا..
بحقِّ ما كتبتَهُ.. إليَّ من رسائلِ..
بحقِّ ذكرياتنا
وحزننا الجميلِ وابتسامنا
وحبنا الذي غدا أكبرَ من كلامنا
أكبرَ من شفاهنا..
بحقِّ أحلى قصةِ للحبِّ في حياتنا
أسألكَ الرحيلا
لنفترق أحبابا..
كُن مرَّةً أسطورةً..
كُن مرةً سرابا..
وكُن سؤالاً في فمي
لا يعرفُ الجوابا
من أجلِ حبٍّ رائعٍ
لنبكِ يا حبيبي
فقد نسينا
نعمةَ البكاءِ من زمانِ
لنفترق..
حتى يظلَّ حبنا جميلا..
أسألكَ الرحيلا..
(نزار قباني).
اعتذر للجميع على احداث البارت 7 بس هذا الواقع لازم يجي اليوم الي يرحل فيه احبابنا
واشكر كل من تفاعل مع موت سعد وكل من جاوبني على اسئلتي لكن اقول للجميع السؤال مازال يبحث عن ايجابه..هل صحيح الموت ارحم من الفراق بين الحبايب؟؟؟
الاهم من كل الاسئله القلب يتحمل جروح الدنيا ويؤمن بقضاء الله وقدره ومهما اخذت
الدنيا منا في يوم بيجي وتعطينا اكثر من الي اخذته ...
احيانا الانسان يفقد شخصيته وتفكيره بمغرياات ومشاعر غريبه تااخذه لبعيد عن التفكير
والمنطق وممكن يتحول الانسان من عاقل الى مجنون ومن شرير وقاسي الى طيب ورحيم
ومن انسان قد المسؤوليه الى انسان عديم المسؤوليه..
وممكن يتحول الانسان السعيد الى تمثال للحزن والانسان الساكت الى بركان ثاير..
اتمنى تستمتعون باحداث البارت الجديد....
.............................. .................... .......................
مرت ساعات في المستشفى والكل واقف مستسلم لحزنه مااحد يتجرا يتخطى بوابه
المستشفى ويكون هو الشخص النحس الي ينقل خبر وفاة سعد الشمس طلعت لكن بجروح
كلها تنزف دم والم والسما جمعت غيومها عشان تعلن من بدايه اليوم عزاء الغالي سعد
كل غيمه كانت تعصر الي بداخلها لكن كل هالمطر مايغسل حزن احباب الي راح عن هالدنيا
محمد من بعد ماخنقته دمووعه سكت كان جالس في استراحة المستشفى وجنبه جاسم كان يعطيه
مااي ويهدي فيه والماي بحلق محمد مثل السم يحاول يبلعه لكن روحه
وقلبه مو راضين يعيشون من بعد سعد ضرب محمد يد جاسم وطاح الكاس وندفق على كل
المكان جاسم مااقدر يتكلم حضن اخوه وجلس يمسح على راسه ومحمد دموعه تنزل على
خده بهدووء كانها تحاول ماتفتح جروح بطريقها صووت سيف زلزل المكان وهو يصارخ
سيف:شلووون اقولهم ماات؟؟ مااقدر مااقدر.
كان علي وبوحسين يكلمونه ويهدون فيه لكن مااينفع وكل مااصرخ سيف
زادت شهقات محمد على صديقه الي ماات وعلى سيف الي جالس يمووت من الحزن قدامه.
علي كان مااسك سيف:اذكر الله وهم اكيد بيتقبلون امر الله.
سيف من وسط دمووعه:امووت ارحم علي من اني اقول للمياء سعد ماات.
بوحسين هو الوحيد الي كان ماسك نفسه وحابس دموعه:تعوذ من ابليس ياولدي.
سيف:مستحيل مستحيل انا اقولهم.
جاسم كان قلبه يتقطع وهو يسمع سيف قام من مكانه ومحمد وراه وقبل لايوصلون لسيف
التف جاسم على محمد وقاله:امسح دموعك ويالله غسل وجهك سيف يكفيه مصيبته لاتزيدها
وخلك رجال مثل مااعرفتك سيف يحتاج وقفتك معه الحين.
محمد تكلم وصوته مبحوح:بس ياجااسم غصبا علي احس لو كتمت هالدموع بختنق.
جاسم مسح دموع اخوه بيده:لا انا واثق انك تقدر يالله روح وبعدين الحقني.
راح جاسم لعند سيف وجلس جنبه وكان سيف منزل راسه ومغطي وجهه بيدينه ويصيح
مثل الطفل الخايف جاسم رفع راس سيف وظل يطالع فيه
جاسم:انت الحين شفيك؟
سيف:جاسم تسالني شفيني؟ سعد ماات.
جاسم وبكل هدوء قدر يجمعه:وهذا لسانك نطق فيها سعد مات مو انت الي مت.
سيف:بس ياجاسم تدري شنو سعد بنسبه لنا.
جاسم:ادري لكن الله اخذ امانته وكلنا في يوم بنروح مثله..قولي شنو الي مضايقك؟
سيف:شلون بقولهم ماات؟صعبه صعبه.
محمد جا وقف سااكت ويطالع في عيون جاسم الي كان حتى هو سااكت ويفكر بعدها قال
جاسم:خلاص انا الي بقولهم.
الكل التفت على جاسم مصدوم من كلامه معقوله يتطوع ينقل هالخبر؟؟؟؟
سيف فتح عيونه بقووه وظل يطالع في جاسم اما جاسم وقف على حيله وحط يده على كتف
سيف:يالله قوم اهلك يحتاجونك انت رجال ولازم تكون قد هالمسؤوليه امسح دموعك
الدموع مو لرجال وهذا محمد معك.
وقام سيف ووقف ورجوله مو شايلته جاسم توه بيمشي الا ناداه محمد
محمد:جااسم.
جاسم التف عليهم:اامر.
محمد:الحين شنسووي؟
جاسم:انت وسيف روحو للمقبره وجهزو كل شي وكلمو احد عشان يغسل المرحوم
عشان ماتجي صلاة الظهر الا كل شي جاهز نصلي عالمرحوم وندفنه.
محمد:طيب وانت وين رايح؟
جاسم:انا بروح ابلغ بوسعد وعمي بو سيف عشان يتجهزون للصلاة وراجع لكم.
علي:انتظر جاسم بروح معك.
التف جاسم على بو حسين الي كان يسمعهم ومااتدخل بأي شي
جاسم:ياليت يا بوحسين تخلص اوراق الطوارىء حقت سعد عني عشان نطلع الجثه بسرعه
بوحسين:ان شاء الله اخلصها وانا بعد بروح البيت ابدل والحقكم المسجد.
مشى جاسم مع علي ومحمد راح مع سيف كل واحد راح يسوي الي قال جاسم عليه
جاسم ركب سيارة علي لان ماافيه حيل يسوق يحس كل اعصابه ترجف لانه شايل خبر
بيهز قلب كل واحد يسمعه حتى لو ماكان يعرف سعد كانو اثنينهم سااكتين في السياره
مو عارفين شنو يقولون لبعض بس انفاسهم تتكلم وصلو لعند بيت بو سعد وظلو واقفين
كانو محتارين ينزلون او لا ..كل واحد ينتظر الثاني يتكلم او يتحرك
علي:نخبر بو سيف قبل او بو سعد؟
جاسم:بو سعد هو ابوه ولازم يعرف قبل.
نزلو من السياره وراحو لعند الباب دق علي الباب ومامرت لحظات الا بو سعد طالع
وهو لابس ثووبه وكان مبتسم وجلس يرحب فيهم ويهلي وهم ساكتين صعب الموقف عليهم اكثر
بوسعد:ياحيالله من جانا.
علي:الله يحيك شخبارك؟
بوسعد:الحمدلله ياوليدي.
جاسم:بغيناك في سالفه ياعمي.
بوسعد:حياكم تفضلو.
جاسم:مشكور مستعجلين بس ياعمي انا ادري انك تؤمن بالله وبقدره والله كاتب علينا كل
شي في هالدنيا ومااحبيت اقولك انا هالخبر بس لازم تعرفه.
بو سعد تغيرت نظرته واستغرب من كلام جاسم:ونعم بالله ياولدي بس شنو صاير؟
توه جاسم بيتكلم الا بو سيف طالع من بيتهم وشافهم وجا لعندهم وسلم وجاسم طالع علي وقلبه يدق
بقوه يحس انه بيكسر ضلوعه ويطلع ويعلم الكل بالهم الي شايله بداخله
بوسيف:هاا شعندكم واقفين؟
بوسعد:جاسم بيقول شي تكلم ياجاسم.
رفع جاسم راسه وكانو كلهم يطالعونه نظراته تحولت عليهم واحد واحد بعدها اخذ نفس قوي
وذكر ربه علي مسك كتف اخوه من خوفه عليه وجاسم يطالع في بو سعد ويبلع ريقه
بعدها قال:البقيه في راسك سعد عطاك عمره اليوم الفجر.
بوسيف انصدم من الخبر وفتح عيونه وظل يطالع مستنكر اما بو سعد عكسه غمض عيونها
ومسك طرف الباب عشان يسند نفسه وهو يردد:ان لله وانا اليه راجعون..ان لله وانا اليه راجعون
..ان لله وانا اليه راجعون.
بوسيف مسك بو سعد وجلسه وجاسم محتار شيسووي؟؟يمشي ويخليهم بعد ماقط عليهم هالمصيبه...
جاسم جلس جنب بوسعد:ترحم عليه يااعمي والمرحوم كانت وصيته انت وامه وزوجته
مامات الا وهو موصي عليكم وذاكر ربه ادعي الله يرحمه.
بوسيف:الله يرحمه اذكر الله يااخوي اذكر الله.
بوسعد فتح عيونه ونزلت دموعه تغسل شيبته وفكه يرتجف:شااقول لامه وحيدها ماات
بعد شهر كان بيتزوج كنا نناديه المعرس من الحين اقوله ولدك المرحوم.
بوسيف وهو يقاوم دمووعه:ماافي احسن من رحمة الله يابوسعد.
بوسعد:ولمياء يابوسيف ولمياء شبتقول لها شلون بتقوله سعد ماات.
بوسعد ضرب على الوتر الحساس ولمياء من بيقولها شلوون يذبحونها بيدينهم هي جالسه
تنتظره ويقولونها لها راح ولابيرجع ماافكرو فيها في حال لمياء ماراح تفقد الزوج لمياء فقدت
حياتها وروحها وظلت جسد بس في هالحياه سؤال شالته عيوون الجميع لميااء من بيوصل لها الخبر؟؟؟؟؟؟؟؟؟؟؟؟
بو سيف حس هموم الدنيا كلها عليه:رحمتك ياارب رحمتك.
علي كان واقف ومحتاار مثل جاسم شيسوون من بعد مااوصلو الخبر؟؟؟؟؟
جاسم :هذا امر الله ياعمي.
بو سعد مسح بيدتينه على وجهه:طيب من راح يستلمه من المستشفى؟
جاسم:لاتحاتي ياعمي سيف ومحمد راحو المقبره يجهزون للدفن وعند صلاة الظهر
نصلي عليه انت قووم وبلغ الاهل وتجهز.
بوسعد:الله كريم يا ولدي.
وقام بو سعد دخل البيت وهو يقدم خطوه ويااخر عشر تمنى الطريق لمدخل البيت يطوول
عشان ماايوصل لزوجته وعلي وجاسم واقفين مع بوسيف عند الباب دخل بوسعد لصاله
وكانت ام سعد جالسه لحالها جلس على الكنبه الي في طرف الصاله وملامحه كلها حزن
ولسانه يردد:ان لله وانا اليه راجعون.
ام سعد انتبهت في زوجها الي كان معقد حواجبه وكل لحظه يمسح على وجهه بيدتينه
كانت تطالعه وتنتظره يتكلم ويقول شفيه حاله انقلب بس طلع ورجع ظلت سااكته
بعدها قام بو سعد وقال:ام سعد قومي غير ملابسك.
ام سعد مو فاهمه شي:ليش شنو صاير؟
دمعه خانت بو سعد ونزلت على خده وتهدج صوته:سعد عطاك عمره ياام سعد ولدك راح لربه
قومي غيري ملابسك.
ام سعد شلتها الصدمه وماانطقت باي كلمه عيونها كانت معلقه في عيون زوجها تدور
على الصدق في عيونه ولدهاا ماتركها سعد مازال حي ماماات كانت انفاسها الي تعلى شوي
شوي تترجى ابوه ينكر الخبر لكن هيهات ام سعد قامت تهز رااسها ودموعها تنزل
وبو سعد مشى من عندها صرخت من بعدها:ســــــــــــعــد يمه ولدي.....
ســــعــد...وكانت تشهق قامت بتلحق زوجها بس قوتها خانتها وطااحت على الارض
وهي تصاارخ ســـعـد...
بو سعد رجع بسرعه لها وشافها بهالحال شوي الا سكتت وغمضت عيوونها وكان
صدرها يرتفع وينزل بقووووه ونفسها يقطع هزها زوجها ومااترد قام بسرعه طلع للشارع
وكان جاسم وعلي واقفين نااداهم:الحقني ياجاسم الحقني..
وكان كل جسمه يرجف وهو ينااديهم هم شافوه وراحو يركضون علي مسك بوسعد
الي على طول طااح جاسم يكلم بوسعد:شصاير تكلم ياا بوسعد؟؟؟
بو سعد:طاحت من سمعت الخبر اكلمها ومااترد ماادري شصار فيها ماادري؟؟
جاسم:لاتخااف قوم انت الحين وخلينا نااخذها المستشفى..
علي رفع بو سعد وسنده بيده ودخلو للبيت وكانت ام سعد طاايحه في مكانها ومااتتحرك
شالها جاسم وناادى لعلي يشيلها معاه وبوسعد راح وراهم طلعوها وركبو السياره
وراحو للمستشفى دخلوها الطوارىء جااسم من كثر خووفه اعصاابه بدت ترجع تمووت
كان يمشي ويصاارخ على كل الي في طريقه حتى علي اخوه استغرب منه والحاله
الي وصل لها بس مااكلمه لانهم في موقف مايسمح للكلام دخلوها وظلو واقفين ينتظرون
الدكتور يطلع من عندهاا بوسعد كان جالس على الكرسي بس مثل الشبح الدنياا اخذت منه ولده
والحين زووجته بين حياه وموت كان بعيد عن هالعالم كبر عشر سنوات لقداام حس ظهره
ينحني من كثر الهم الي ينصب عليه الدموع بدت تحفر مجرى لها على خده كان غاايب
عن هالدنيا شنو بااقي اكثر يصير له؟؟؟
علي يطالعه وقلبه يووجعه عليه طلع جاسم من عند الدكتور وراح لعند بوسعد الي ماانتبه
في جاسم الا لما هز كتفه وهو يكلمه
جاسم:عمي عمي...
بوسعد يطالع في جاسم كانه توه صااحي من حلم:امرر ياولدي طمني عليها.
جاسم:بسيطه ان شاء الله صدمه عصبيه وبتقوم على خير منها.
بوسعد مااتكلم سند ظهره وحط راسه على الجدار وظل سرحاان يدور الصبر
على هالمصاايب كان دااخله جروح تنزف وتغرقه وهو يقااومها جاسم كلم علي وبعدها
طلع من المستشفى عشان يروح البيت وعلي ظل مع بوسعد كان واقف ويطالع سااعته وشوي
الا صوت جواله رفع علي الجوال وصوته كله حزن:الووو.
كان محمد اخوه المتصل:الوو علي.
علي:شفيك؟؟
محمد:حنا جهزنا كل شي حتى مجلس العزاء فتحنااه انتو قلتو لهم؟؟
علي:قلنا وياليتنا مااقلنا.
محمد:ليش شنو صاار بعد؟
طالع علي بو سعد الي يكسر الخااطر وبعد عنه شووي عشان مايسمعه وهو يتكلم
علي:ام المرحوم سمعت الخبر وجاتها صدمه عصبيه وحنا معها بالمستشفى.
محمد:قول والله ياارب شنو قااعد يصير.
علي:المهم الحين انا بااخذ عمي بوسعد وبجي لمجلس العزاء عشان نجهز معكم.
محمد:وجاسم وينه عنكم؟؟
علي:جاسم الله يرحم بحاله مسكين تعب وراح البيت وبيرجع عشان الصلاه على المرحوم.
محمد:طيب يالله انا بعد بروح البيت اغير ورااجع.
قفل محمد وسيف كان يسوق وسرحاان وبااقي دموع عالقه على طرف رمووشه محمد
بداخله كلاام كثير بس عااجز يتكلم وهو يشوف صديقه بهالظرف كل الي قدر يقوله
محمد:وصلني البيت..
سيف مااتكلم كمل الطريق من دون حتى مايلتفت على محمد وفي داخله لو التقت
عيونه بمحمد بيرجع شبح المووت والحزن له وقف عند باب بيت محمد وقبل مااينزل تكلم سيف
سيف:تبيني اذا خلصت امرك؟
محمد:لا بجي مع اخوي جااسم روح انت الحين.
سيف كان يطالع في محمد وشوي شوي ملامحه تبدلت ورجعت حواجبه تتعقد
وعيونه تمتلي دمووع محمد نزل من السياره وسكر الباب وقبل مايمشي قال لسيف
محمد:عشان المرحوم عشان سعد تحمل يااسيف تحمل.
ومشى عن صااحبه الي من سمع اسم سعد ترحم عليه ومسح دموعه.
محمد دخل البيت وكانت حور جالسه مع امها يفطرون وشافو محمد دخل حتى سلام مااسلم
استغربو مو من عاادته يدخل وماايسلم عليهم ناادته امه
ام جاسم:محمد محمد.
رجع محمد وسلم عليهم والاسى في خطوط وجهه حور اهتز قلبها من شكل اخوها
حور:محمد شفيك؟
محمد:سلامتك جااسم وينه؟
ام جااسم:من شوي دخل وسلم وكلمناه ماارد علينا راح لغرفته.
محمد راح عنهم وصعد غرفته ودخل عشان يااخذ شور ويغير ملابسه اما جااسم
حتى هو الثاني دخل واخذ شور وغير ملابسه وجلس على طرف السرير ساره كانت ناايمه وصحت
شافته كلمته وصوتها فيه النوم:حبيبي انت جيت.
جاسم واخلاقه طالعه:اااايه.
ساره قامت وتعدلت بجلستها التف عليها جاسم ومااكلمته ظلت تطالعه عاارفه ان فيه شي
وهو بيتكلم من نفسه هو كاابر على مشااعره ومازال يتحداها بنظراته وشووي الا حط رااسه
على رجولها وبدا يصيح مثل طفل صغيررر ساره مسحت على رااسه وهو مسك يدها وظل
يصيح مااعرفت شنو فيه بس مااتبي تساله وهو بهالانهيار ظلت تهديه رفع جاسم رااسه من على
رجولها وقال:مااشفتيه ياساره وهو يمووت كان..كان ملااك.
ساره حطت يدها على خد جاسم الي كان يرتجف:عن من تتكلم؟
جاسم:عن سعد سعد ماات والقهر انا الي قلت لاهله انا النحس الي وصلته..
وغرس راسه في صدرها وقام يشهق ساره حضنته بقوه ومامنعته ينزل دمووعه خلته يصيح
مثل ماايبي ولاتكلمت مر الوقت والصمت هو الي يتكلم في الغرفه غمض جاسم عيونه كانه يعصر
بااقي امطارها رفع راسه عن ساره طالعته وابتسمت مسحت ندى دموعه مسك يدها وضغط عليها
واخذ نفس قوي وطلع معه كل لحظه ضعف مر فيها
قام وغسل وجهه ووقف عند المرايا يرتب شمااغه طالع انعكاس صوورته قال بدااخله:
ثاابته..ثاابته..صورتي في المرايا ثاابته لازم تضل صورتي قدامهم ثاابته.
لف على ساره وقال لها قبل لايطلع:تجهزي بعد ماانخلص صلاه بمرك عشان اوصلك للعزا.
ساره قامت من السرير:ان شاء الله انت روح.
طلع جاسم وراح لغرفة محمد الي كان لابس وجااهز لكنه جالس مع حاله دخل جاسم
جاسم:يالله مشينا.
محمد ماتكلم طالع اخوه ورجع نزل رااسه غمض عيونه وهو يتمنى اذا فتحها يصحى
من هالكابوس الي جالس يعيشه ويرجع لعالمه الحلو الي تدهور بمووت صديقه.
محمد بضيق:تعباان مو عارف شلون بتحمل شوفته في القبر..ولا بتحمل دمعه ابوه عليه
صعبه مو قاادر احس اني انا الي ذبحته.
جاسم تنهد:الله كريم..مو وقت هالكلام قووم والله يكون بعون الجميع.
طلع جاسم وراه محمد كانو يمشون والجديه والثباات في مشيتهم لكن عيونهم بحور من الحزن
حور وامها مازالو جالسين في الصاله مرو عليهم وقفت حور تكلمهم
حور:شفيكم وين رايحين؟؟
جاسم:للمقبره.
ام جاسم ارتاعت:ليش؟؟؟؟؟
جاسم:سعد صااحب محمد عطاكم عمره.
حور وام جاسم:الله يرحمه.
حور راحت لمحمد ومسكت يده:عظم الله اجرك.
محمد:اجرنا واجرك.
حور ماكانت تعرف من سعد فالخبر كان بنسبه لها بسيط بس حزنت على حزن اخوها
صوت جوال محمد رفعه وصوته مازال مبحوح:الووو.
سيف يصيح:مااقدر ادخل البيت مااقدر.
محمد:سيف مايصير ادخل ولاتحاتي وابوك معك.
سيف:واختي ياا محمد شسووي؟
محمد:سيف اختك بتنصدم بموت المرحوم والله بيصبرها .
حور عقدت حواجبها شنو دخل لمياء فيهم بعدها فتحت عيوونها ورفعت راسها تطالع في امها
واخوانها وفتحت فمها والكلام عالق بحلقها محمد قفل وهو مستغرب من ملامح اخته
حور بحيره كانت تتلفت تطالعهم مسكت امها وبعدها راحت لاخوها جاسم كان مستغرب
حور:سعــد سعـد .. لميــ..ــاء.
جاسم مسكها:حوور شفيك؟
حور شهقت:سعد خطيب لميااء سعد ماات ولمياء شلوون؟؟
جاسم حضن اخته:اذكري الله.
حور وهي تصيح:لمياء بتموت لو عرفت...جاسم اخذني لها تكفى..
جاسم:انتي سكتي وهدي وانا بعد صلاة الظهر اوصلك لها.
حور وهي تصيح:لاا لا لمياء لازم اروح لها لازم تكفى جاسم.
جاسم تضايق وماله خلق حور:يالله محمد لانتاخر.
بعد حور عنه ومشى هو ومحمد وحور ضمت امه وجلست تصيح اخذت جوالها واتصلت
على فطوم تبي تقول لها لكن فطوم كانت نايمه لانها تعبت من بعد امس حور قامت تصيح اكثر
من القهر جلست تفكر واتصلت على نوف الي كان صوته رايح لانها مريضه وحالتها حاله
بسبب الانفلونزا ضلت تنتظرها ترد واعصابها متوتره وردت نوف
نوف وصوتها ماينسمع:الوو.
حور:نووف نووف تكفين..
نوف خافت شفيها حور تصيح ومتصله من الصباح؟؟؟؟
نوف:حور حبيبتي شفيك؟؟صاير لك شي؟؟
حور وهي تشهق:لميــ...ــاء يانووف لمياء.
نوف وجعها قلبها:شفيهاا لمياء تكلمي لاتخوفيني؟؟
حور:خطيبها سعد ...ماات ماات..
نوف انصدمت وجمدت احاسيسها:انتي شتقولين؟؟شلون ماات؟ولمياء؟؟حور لاتمزحين..
حور:وربي يانوف..
نوف:ان لله وانا اليه راجعون..ولمياء كيف حالها؟؟
حور:ماادري..عشان كذا انا اتصلت عليك تمريني الحين ونروح نشوفها.
نوف:طيب طيب انا ابدل واجيك اوكي.
قفلت نوف وراحت تركض لغرفة اخوها نااصر طقت الباب ماارد عليها ضربته بقوه عشان يجلس
وناصر كان ناايم واانزعج بس ماافتح الباب وظلت تطق الباب عليه بعدها قام وفتح الباب
وهو معصب بالحييل على الي يطق الباب بهالقووه
نااصر:وووجع.
نوف وشكلها مثل الضايعه:ناصر اسرع بدل ملابسك ابيك توصلني بيت صديقتي.
نااصر طالعها وتثاوب:مجنونه انتي توه الصباح وانتي مريضه.
نوف ودموعها بتطيح:تكفى ناصر انت مو فاهم شي.
نااصر:نويف شوفي غيري.
نوف:تكفى نااصر والي يسلمك لازم اروح لها ماابي اتاخر اكثر.
ناصر حس اخته فيها شي:ليش شعندك؟
هنا نوف جلست تبكي وفكها يرتجف وهي سااكته وتطالع في اخوها اللسانها مو راضي ينطق
بالمصيبه كانت تمسح دموعها الي بدت تطيح ناصر خااف بالحيل ومسكها
ناصر:نوف تكلمي ليش بتروحين لها؟فيها شي؟
نوف:خطيبها ماات لازم اروح لها تكفى نااصر مااقدر اخليها في هالوقت ناصر هي تحبه
انا خايفه عليها خااايفه.
ناصر مااعرف شنو يقول لكن حس بداخله انه تاافه شلون ماارضى يوصلها من البدايه وجلس
يسالها كل هالاسئله وتندم
ناصر:يالله اتجهز وانزل لك روحي لبسي عبايتك.
نوف راحت غرفتها وبدلت بيجامتها فتحت دولابها ولبست تنوره وبلوزه سوداء واخذت عبايتها
ونزلت تنتظر نااصر يخلص ويوصلها امها وابوها جالسين يسولفون وشفوها نازله بعبايتها
بوأحمد استغرب وسال زوجته
بو احمد:وين بتروح بنتك في هالوقت؟؟
ام احمد:ماادري يمكن المستشفى.
بواحمد ناادى نوف وراحت له طالعها وكانت نظراته كاافيه عشان نوف تتكلم
نوف:بطلع مع ناصر بروح بيت صديقتي.
بواحمد:في هالوقت ليش؟
نوف:حور اتصلت علي وتقول ان خطيب لمياء توفى.
بواحمد وام احمد:ان لله وانا اليه راجعون.
ام احمد:طيب متى هالكلام؟
نوف:اتوقع اليوم الفجر.
بواحمد:طيب يابنيتي وين عزاهم ومن ولده هو؟
نوف:ماادري من ولده وعزاهم ماادري انا بروح بيت لمياء.
ام احمد:طيب اذا رحتي وعرفتي اتصلي علي وقولي لي اجي.
نوف:ان شاء الله يمه.
نزل ناصر بسرعه ونادى نوف بعد مااسلم على امه وابوه وطلع هو وياها وركبو السياره
وشغلها ومشى نوف تذكرت حور
نوف:روح بيت حور.
ناصر:طيب.
وكانو ساكتين ثنينهم وقف ناصر عند باب البيت واتصلت نوف على حور الي نزلت عشان
تطلع لهم وظلت تتكلم مع امها الي لان ام جاسم مو راضيه لحور تروح تخاف جاسم يعصب
اذا راحت وهو قايل لها انتظري..طلعت حور وكانت مغطيه وجها بس شيلتها خفيفه ومالها خلق
تتلثم ركبت السياره وسلمت ومشى نااصر بس ماكان يدل بيت لمياء وجلست حور تدليه وهو
يمشي صوت جوال حور يرن طلعته من الشنطه وشافت رقم فطوم ردت عليها:الوو.
فطوم :هلا حوري شعندك متصله من شوي؟
حور:هلا فيك..بعدين اقولك؟
فطوم من طبعها عنيده:يوووه حوير تكلمي؟
حور قصرت صوتها:فطووم بعدين اقوولك.
فطوم:لااا تكلمي عبدالرحمن فيه شي؟
حور:لا ماافي شي.
فطوم:اجل شنو صاير؟؟والله قلبي يعورني ابي اعرف.
حور:فطوم تعالي بيت لمياء الحين.
فطوم:ليش؟؟هي قالت بنروح شقتها في الليل.
حور وجعها قلبها من هالطاري اليوم مفروض يروحون شقة لمياء بس خلااص ماعاد في شقه
ولا لمياء يمكن كل شي رااح مع سعد
حور:فطوم كلمي نوره اتوقع تعرف.
فطوم:لااا اكيد نايمه قولي وخلصينا.
حور فلتت اعصابها وصرخت في فطوم بقوه:شقوولك؟؟اقولك سعد مااات وان ماعاد في شقه
ولازواج للمياء.
من عظم صراخها لف عليها نااصر ونوف وحور قامت دموعها تطيح وكان وجها باين
من وراء الغطى الخفيف نااصر ظل يطالعها وفي باله يقول:هذي صحيح حور شكلها حلوو
حرام الدموع تنزل من هالملاك...بعدها انتبه واستغفر ربه ولف راسه نوف مدت يدها
واخذت الجوال من بين يدين حور اما حور غطت يديها بوجها وقامت تنتحب نوف كلمت فطوم
الي مو جايه تصدق كلام حور الي قالته لها وظلت تبلع ريقها وتنتظر احد يرد عليها
نوف:هلا فطوم.
فطوم:نوف وينها حور؟؟صحيح سعد ماات.
نوف:حور معي بالسياره..والي سمعتيه صحيح انتي الحين تعالي بيت لمياء.
فطوم:طيب قولي لحور انا اسفه ماكنت اقصد وربي....
وبدت فطوم تصيح وتلوم في نفسها وكل عين تذرف دموع على صديقه لمياء وحور.
نوف:مااصار شي حور تعباانه اعصابها انتي هدي وتعالي لنا يالله سلام.
قفلت فطوم ورمت نفسها على السرير وقامت تصيح بقوه بوحسين كان توه داخل البيت
وسمع التليفون يرن رد عليه وكانت اسيل المتصله
بوحسين:هلا بااسيل.
اسيل:هلا فيك؟
بوحسين:شخبارك يابنيتي؟
اسيل:الحمدلله ووينها فطوم؟
بوحسين:هي بغرفته..اتصلي على جوالها.
اسيل:اتصلت مااترد عليه.
بوحسين:انا اشوفها لك.
صعد بو حسين والسماعه بيده وجلس ينادي على فطوم الي ذبحت نفسها وهي تصيح
دخل غرفتها وشافها بهالحال وانصدم
بوحسين:فطووم شفيك؟؟
فطوم:يباااا لمياء وسعد الي كنت اعلمك عنهم.
بوحسين جلس جنب بنته:شفيهم؟؟
فطوم شهقت:يباا سعد مااات.....
اسيل سمعت هذي الجمله ومااصدقت نفسها اكييد كذب شلووون؟؟سعد ولمياء كانو املها
كانت تحسدهم كانت تتمنى تكون هي وعلي مثلهم شلون سعد يمووت مايصير...
بوحسين يكلم اسيل:فطوم نايمه اذا جلست تكلمك.
اسيل وصوتها كل صدمه:سعد ماات؟عمي سعد ماات؟
بوحسين توهق شيرد عليها سكت بعدها تنهد:ايه الله يرحمه يابنتي.
اسيل:قول لفطوم انا بروح للمياء.
بوحسين:ان شاء الله.
قفلت اسيل وكانت الدنيا تضيق عليها من الخبر على طوول اتصلت في علي وكان جهازه مغلق
ظلت تحاول بعدها راحت لابوها يوصلها لبيت لمياء...فطوم مازالت تصيح وابوها يهديها
الى ان سكتت وقامت تبدل عشان يوصلها معه بوحسين راح لغرفته وبس غسل وجهه
وغير ثوبه الي علق فيه شوويه دم من سعد جلس على الكرسي يفكر عرف ان سعد الي تتكلم
عنه فطوم هو نفسه سعد الي ماات بين يدينهم اليووم يالله شكثر المصايب قوويه لازم الموت
يلاحقني في كل مكان لازم اشوف جروح اهله في المستشفى وجروح خطيبته في عيون وصوت
صديقاتها ياارب رحمتك في عباادك.

رد: "مال الهوى عندي عذر ".
 

زوبا وصلها الخبر من امها الي اتصلت عليها ام سيف وهي تصيح وعلمتها وترجتها تخلي بناتها يجون
عشان يكونو جنب لمياء اذا سمعت الخبر او هم يقولونه لها زوبا الصدمه شلت فيها كل احساس
كانت تتكلم مع نوره وتعلمها بكل هدوء والدموع تنزل من عيونها نوره الخبر نساها فرحتها
ونساها حسين الي كانت نايمه وتحلم فيه جلسو يغيرون ثيابهم ويلبسون اسود نوره خلصت
وظلت تنتظر زوبا الي دخلت الحمام تغسل وجها من الدموع لكن كل مااغسلته رجعت اصداء الخبر
تصب من عيونها نوره منسدحه على السرير تنتظر اختها وهي سرحاانه دق جوالها وانتبهت
لانها كانت سرحانه ردت وهي بعالم ثاني
نوره:الووو.
حسين مايدري بالي يصير:صباح الورد لاحلى ورده ربي خلقها.
نوره نزلت دمعه من طرف عينها كان مفروض تسمع هالكلمه بظروف ثاانيه وتفرح وهي تسمعها
كان مفروض ترد على حسين بااحلى كلام تعرفه بس الكلام ندفن في قبور
وماعاد احد يقدر يقوله وكأن مووت سعد اخذ قواميس الكلام وترك لغة الحزن بس تتكلم
تنهدت نوره بقووه وكانها بتلفظ روحها مع هالنفس:صباح النور حسين.
حسين مستغرب شفيها كذا توها امس معه مثل العسل:صاير شي حبيبتي؟
نوره:سلامتك بس خطيب بنت خالتي توفى.
حسين:ان لله وان اليه راجعون...عظم الله اجرك.
نوره:اجرنا واجرك.
حسين:لاتتضايقين وروحي لها ووقفي معها.
نوره قامت تصيح :حسين احس خطوبتي هي السبب نحس عليهم كانو مع بعض وفي خطوبتي
يمووت انا السبب حسين احنا السبب.
حسين اهتال من الي يسمعه بس عااذر نوره ماتنلام صدمتها قوويه ولاتعرف شنو تقوول
حسين:حبيبتي هذا الله كاتبه ومااحد له دخل فيه تعوذي من ابليس.
نوره:اعوذ بالله من الشيطان الرجيم.
حسين:انا الحين امركم واخذكم للعزا شتبين بعد؟
نوره:يعطيك العافيه لاتتعب نفسك بندر يمكن بياخذنا.
حسين:لا انا الحين جااي يالله باي وانتبهي على نفسك.
نوره:وانت بعد انتبه يالله باي.
طلعت زوبا واخذت جوالها وكتبت رساله لدانه تعلمها وهذيك كانت ناايمه وصحت على صوت
المسج وبس قرته شهقت:ســــيـف.
ونزلت تركض تدور علي اخوها شافها ابوها مثل المجنونه تركض
بوجاسم:دندونه شالنشاط من الصباح؟
تجاهلت سؤاله:ووين علي؟؟
بوجاسم:طلع من زماان.
دانه:شسوي الحين؟؟
قامت تتصل على علي مقفل جهازه اتصلت على حور مااترد حاولت تتصل في فطوم وبرضو مااترد
اتصلت على زوبا وعطتها مشغول مالقت الا اسيل تتصل عليها اتصلت
دانه:الوو اسوول.
اسيل بنفس صوت الصدمه الي في دانه:انت سمعتيها؟؟
دانه:من قالك؟؟
اسيل:فطوم وانتي؟؟؟
دانه:زوبا ارسلت لي .
اسيل:طيب حور تدري؟؟
دانه:ماادري اتصل عليها ومااترد علي.
اسيل:انا في الطريق بروح لبيت لمياء.
دانه:طيب مريني انا انتظرك.
اسيل:لاتتاخرين يالله.
دانه اتصلت على بيت حور وردت ام جاسم وسالتها عنها وعلمتها بكل الي صار وراحت دانه
تتجهز بعد مااسئذنت من ابوها عشان تروح مع اسيل..
جات اسيل وعطت دانه رنه عشان تنزل وهذيك خلصت لبس عبايتها وطلعت سلمت على عمها
وضربت اسيل تكلمها
دانه:حور راحت من شووي للمياء مع نوف.
اسيل:قولي والله؟
دانه:والله.
اسيل:شنو ردت فعل لمياء مسكينه تتوقعين.؟
دانه:ماادري بس انا خاايفه ادخل اول مره اروح عزاء.
اسيل:الله يعين.
.............................. .................... .............................. ....
لمياء كانت منسدحه على سريرها وتتصل على جوال سعد وفي داخلها تدعي يرد عليها
تعبت وهي تتصل والجهاز يرن ومااحد يرد مايصير ناايم او نااسيه اوووف سعد بذبحك
بس اشوفك انتظر بس كذا تلعب باعصاابي انقلبت على جنبها الثاني وكانت دموع عالقه
باهدابها من تعب السهر ومن خوفها على سعد قطت الجوال بعييد عنها وقالت كيفه
اذا شاف المكالمات بيتصل والله لاوريه بزعل عليه وغطت وجها بالمخده وظلت دقايق
وقلبها ماطاوعها قامت ثااني واخذت الجوال ورجعت تتصل عليه...
علي وبوسعد كانو بيطلعون من المستشفى بعد ماتطمنو على صحه ام سعد وقبل مايطلعون
عطوهم اغراضه وكان من ضمنهم جواله وتوهم راكبين السياره الجوال بدا يرن
علي التف على بوسعد وظلو ثنينهم يطالعون في الجوال الشاشه يشغل نورها ويطفي
مكتوب عليها (روح سعد)كانت العبره تخنق بوسعد بس قرا الاسم ووين روح سعد؟؟
روح سعد عند باريها كان صوت النغمه عالي بوسعد حطه صامت وظل يطالع في الشاشه
الى ان قفل الخط قام وفتح الجوال كان فيه اكثر من 100 مكالمه لم يرد عليها وكلها من لمياء
علي كان يسوق ومد بوسعد له الجوال استغرب علي؟؟؟ليش يعطيه الجوال؟؟
بوسعد:قفل الجهاز واخذ الشريحه تكفى لوحها بأي مكان اهم شي يسكت هالخط.
علي وقف على جنب بالسياره واخذ الجوال وقفله وطلع الشريحه وكسرها بيده وبوسعد يطالعه
بعدين فتح النافذه ورماها ومشى كمل طريقه
علي:يالله ياعمي وصلنا المسجد.
بوسعد رفع عيونه يطالع في المسجد:وانت مو ناازل؟
علي:انا بروح اغير ثوبي فيه دم وبرجع ثاني لك.
بوسعد:يعطيك العافيه...انتبه وانت تسووق.
نزل بوسعد يسحب رجوله وكان عند المسجد بوسيف واقف ورجال كثير بس اقبل عليهم بوسعد
راحو يعزونه كلهم جاوو عشان يصلون على المرحوم بوسعد راح على طوول لابوسيف الي كان
معقد حواجبه ومكتف يدينه بلاحول ولا قوه.
بوسعد:قلت للمياء؟
بوسيف غمض عيونه وهز راسه بلاا.
بوسعد:من بيقول لها لازم تعرف.
بوسيف:اااه يمكن سيف يقول لها...انتو وين رحتو تاخرتو؟؟
وقام بوسعد يعلم بوسيف بالي صار لزوجته وشلون طاحت بس سمعت الخبر وبوسيف
يسمع وقلبه يرجف على بنته الي للحين الكل يدري الا هي...
سيف كان جالس مع امه الي تنوح وتصيح وهو يفكر جرس الباب يدق قام سيف فتح الباب
وشااف ناصر عند الباب مع نوف وحور ظل يطالعهم ناصر استغرب الميت يصير لسيف؟؟
سلم عليه وعزاه بمووت سعد ودخلت حور مع نوف وظل ناصر واقف مع سيف
ناصر:خطيب اختك؟؟
سيف:ااايه يمكن تذكره كان مع محمد في هذاك اليوم عند المسجد.
ناصر:اييه ابيض وضعيف.
سيف:اايه هو.
ناصر:الله يرحمه.
سيف:الصلاه في المسجد القريب من المقبره بعد صلاة الظهر.
ناصر:انا بروح الحين محمد موجود هناك؟؟
سيف:اتوقع.
ناصر:يالله تامر شي يااخوي؟
سيف:مشكور مااتقصر.
راح ناصر وسيف دخل وكانت حور تبي تصعد للمياء شافها سيف ووقفها
سيف:لاا هي ماابعد تدري؟؟انا بصعد لها انتظرو انتو هنا.
نوف وحور جلسو يهدون في ام سيف الي كانت تصيح وتنوح وشوي الا دخلت فطوم
بنفس الوقت مع زوبا واهلها وجلسو معهم وراحت ام سيف تصيح في حضن اختها والبنات
جلسو مع بعض سااكتين ويسمعون صوت شهقات ام سيف واختها
فطوم:ووين لمياء؟
نوف بهمس:ماابعد تدري توه اخوها رايح يقول لها.
سيف صعد وهو يقدم خطوه ويرجع خطوه رفع يده عشان يدق الباب بس مو مطاوعته يدينه يضرب
الباب ظل واقف ويجمع قووته ويحبس دموعه عشان مايزيد الصدمه على اخته اخذ نفس وزفره
ودق الباب وجاه صوت لمياء:اادخل.
دخل سيف ولمياء جالسه على سريرها ومغطيه بس رجولها باللحاف وماسكه جوالها
جلس سيف جنبها وهي تتصل بالجوال طلعته سبيكر وهالمره اختلف الرد الشريحه مقفله
لمياء استغربت وعصبت:اوووف.
سيف:شفيك؟
لمياء:سعد تعبني اتصل عليه من البارح ماايرد والحين الشريحة تقفلت.
سيف بلع ريقه وبخااطره يقول مسكينه يالمياء سعد ماراح يرد عليك انسي رقمه.
تنهد بقوه واخذ الجوال منها وحطه على الدرج الي بجنبه
لمياء:جيبه..ولااقولك اتصل انت عليه.
سيف بصوت كله حنان:لمياء سكتي شووي وسمعيني.
شفيه سيف؟؟نظرات لمياء تعجب صوته متهدج ومتغير شنو فيه؟؟؟ سكتت لمياء
وظلت تطالع اخوها الي تجنب انه يحط عينه بعينها كانه مذنب بحقها
سيف:انتي تعرفين ان الله كاتب علينا كل شي ومهما سوينا يصير علينا بدون ماانقدر نغيره.
.والله اذا اخذ يعطي...والي يصبر على مصيبته الله يجازيه بفرج عن هالكرب..
وانا واثق انك انسانه مؤمنه وبتتقبلين الي بقوله لك..واكيــ..
لمياء قاطعت سيف:لاتتكلم بمقدماات...سيف تكلم سعد فيه شي؟؟؟؟
كانت نظراتها كلها تساؤل وتترجى اخوها يطمنها على حبيب القلب الي خايفه عليه
سيف ابتسم وحس نفسه ضعيف وهز راسه:لاا ماافيه شي.
لمياء كانت ملامحها جاامده ماابدلته الابتسامه:سيف لاتكذب قول سعد شفيه؟؟
سيف:مااكذب عليك صدقيني.
لمياء رفعت راس سيف وثبتت عيونها في عيونه:اذا ماافيه شي ووينه؟؟ليش مايرد؟؟
وليش انت جالس تعطيني كل هالمقدمات هااا؟؟تكلم سيف لاتخبي علي شي.
سيف حنا راسه:لمياء سعد...ســعــ..ــد ..لمياء سعد سوى حادث اليوم الفجر و..
و...و..
لمياء دقات قلبها تتسارع لكن عيونها ثابته:و..شنو؟
لف سيف راسه وهو يقول:لمياء سعد يطلبك الرحمه سعد توفى اليوم.
لمياء سااكته وتطالع في اخوها مااصدقت الخبر ابتسمت وبعدها عقدت حواجبها وتجمعت
بزوايا عيونها الدموع كانت تتمنى سيف يكون يكذب عليها لكن سيف طالعها وهز راسه لاا
سيف:وصااني عليك..كثيرر قبل لايتوفى وقـ..
لمياء تهز راسها:انت شتقوول؟.سعد وعدني بيرجع ..سعد يحبني انا كلمته وقال انه
ماابيتركني.. انت تكذب علي....سيف انا ماانمت انتظره يتصل..
سيف:حبيبتي خلااص سعد ماراح يتصل.
لمياء كانت تتكلم مثل طفله:ليش؟؟انا ماراح انام والله بنتظره...هو زعلان مني؟؟
سيف ودموعه تنزل صرخ بوجها:لمياااء بس رحميني ...سعد شلوون يزعل عليك؟؟
ســعــ..ــد ربه خذاه عنده ..ماايقدر يزعل على احد.
لمياء مسحت عيونها بكم بيجامتها:لااا..مااخذه سعد هنا هنا.
وكانت تضرب على صدرها بقوه وسيف يطالعها مسك سيف يدينها وضمها لصدره
وجلس يمسح على راسها وهي ساكته تتنفس بقوه وتسمع صوت سيف وهو يصيح
لمياء ابتعدت عن اخوها:انت ليش تعاملني كذا؟؟انا مافيني شي..عطني الجوال بنتظره يتصل علي
..اطلع بره..انا كنت من الليل اتصل عليه..
سيف قلبه تقطع على اخته الي مو جاايه تصدق ان سعد راح عن هالدنيا كان يهمس في
داخله الله يرحمك يااسعد رحت وشكلك اخذت معك لمياء.
لمياء رجعت تبكي:سيف انا ماابعد اقوله اني احبه بالحييل...
سيف مسك يدينها:هو يدري انك تحبينه.
لمياء ودموعها تطيح:انا مو زعلانه منه بس كنت خاايفه عليه.
سيف:لمياء سعد يقولك:لاتزعلين منه وهو كان بيرجع لك بس هذا ربي الي كتبه وصااني
عليك وقال انه يحبك لمياء اخر شي قاله سعد اسمك وبعدين هو وصاك على امه وابوه
وانت لازم تنفذين وصيت سعد تبين سعد مايرتاح بقبره.
لمياء:لاا انا بسوي كل الي يبيه بس خل يرجع اشوفه.
سيف:لمياء شلون يرجع هو ماات خلاص ترحمي عليه.
لمياء وكأن توها تصحى من النوم:ووينها خالتي ام سعد ووينها؟؟
وقامت طلعت من الغرفه وسيف وراها نزلت تركض دخلت الصاله والكل بس شافها وقف
من مكانه كانت تطالعهم كلهم لابسين اسود بهالوقت فتحت دانه الباب ودخلت هي واسيل
وشافو سيف ماسك لمياء الي تطالع في الكل مستغربه منهم سمعت لمياء صوت الباب
وصرخت:سعد جااا.
وكانت بتروح بس سيف سحبها من يدها وحضنها بقوه وانهد كل ماافي الدنيا من حزن بين عيونها
قامت تصيح وسيف معها دخلت اسيل ووقفت جنب حور وكلهم ساكتين يطالعون المنظر قدامهم
ودانه متجمده مكانها لمياء مثل المذبوحه بين يدين اخوها كانت تصيح وكل مااشهقت الكل ذرف
دمووع راحت لها امها واخذتها من يدين سيف الي قام على طوول ولمياء مسكت يده وتعلقت فيها
وكانت تترجاه
لمياء:سيف لاترووح سيف لاترووح يككفي سعد راااح.
سيف كان يسحب يده ولمياء تتمسك فيه اكثر واكثر وامها تفك يدها وهي تتمسك اكثر وسيف
كل قووته راحت مو قاادر حتى يبعد يدين اخته عنه
سيف:مااني برايح مكاان انا معااك.
لمياء:انت بترووح مثله هو وعدني ماايروح ورااح سيف اخذني معك له.
سيف هنا خلاص قفلت معه:وخرووها عني يمه تكفين وخريها عني.
جات خالتها تسحبها من يد اخوها وهي تصيح وسيف يبعدها عنه وهي مو رااضيه
حور قربت منهم وجلست تكلمها:لميااء انا معاك قوومي.
لمياء شافت حور وتركت سيف الي على طول مشى وهو طالع ضرب بكتف دانه
والتقت عيونهم وطلع وخلاها دانه قلبها راح مع سيف كان نفسها تلحقه وتضمه وتخليه يبكي
مثل ماايبي بس هي مااتقدر تسوي هالشي لمياء حضنت حور وهي تصيح وتنادي بااسم سعد
اخذتها حور والبنات كلهم وراها لغرفتها دانه كلمت ام سيف
دانه:عظم الله اجرك خالتي.
ام سيف:اجرنا واجرك.
دانه:خالتي عطيني مااي للمياء مايصير مااتشرب بعد هالصدمه.
ام سيف قامت:وانتي الصادقه نسيت اسقيها مااي.
عطتها كاس مااي وصعدت دانه دخلت الغرفه وكان الكل سااكت وجالس وحور حاضنه لمياء
على سريرها ومايقطع هالهدوء الا شهقات لمياء وصوت حور وهي تهدي فيها
كانت حور ثاابته وماانزلت منها ولادمعه ولابينت الحزن الي بداخلها عطتها دانه كاس المااي
وشربت لمياء الي حطت راسها على حور وناامت قامت حور وجلست مع البنات بعيد عن السرير
وكانو كلهم دموعهم خانقتهم يطالعون في بعض حور تكلمت
حور:قومو توضو صلاة الظهر مااباقي عليها الا نص سااعه ومسحو هالدموع لاتجلس لمياء
وتشوفكم تصيحون يالله.
قامت زوبا مع داانه يتوضون اسيل لفت على سرير لمياء وضلت تطالعها وغصبن عليها
دموعها تنزل مااقدرت تتحمل منظرها كيف كان. بعدها قامو كلهم من الغرفه ونزلو تحت يصلون
وعشان يجلسون مع الحريم الي قامو يجون لبيت ام سيف خااصه لان ام سعد بالمستشفى فالعزاء
بيكون في بيت ام سيف.
.............................. ....................
سيف طلع وهو يصيح وضرب سيارته برجله بقووه وصرخ بقووه:ليييييييش؟
ركب سيارته كان فيها ثوب جديد معلق جلس يطالعه وكان فيه كرتون فيه ملابس وشماغ
جديد سند سيف راسه وضل يتذكر هذولا شاريهم للزواج والحين...كان يتذكر كلام سعد قبل مايموت
بيوم كيف كان يضحك عليه لانه خيط ثوب وشرا ملابس قبل الزواج بشهر
كان يقوله:انا المعرس مااسويت مثلك ولاخيطت.
قطع افكاره الجوال رفعه ابوه المتصل
سيف وصوته مازال مختلط بصياح:الووو.
بوسيف:هلا وينك وانا ابوك بنصلي على المرحوم.
سيف:الحين جااي بس يبه مااسبحت ولا لي خلق ادخل البيت.
بوسيف نزل راسه:شخبار لمياء؟
سيف:حالها ماايسر مو جاايه تصدق انه ماات.
بوسيف:ان لله.. الله يكون في العون..تعال انت الحين.
بوسعد كان واقف جنب بوسيف وساله شفيه وعلمه بالي صار كله اخذ بوسعد الجوال
بوسعد:مرحبا سيف..
سيف تضايق من صوت بو سعد:هلا فيك عمي.
بوسعد بكل جديه:البيت مفتوح ادخل واسبح وقفل البيت بعد مااتطلع ولاتتاخر يالله تعال.
سيف:بس ياعمي..
بوسعد:يالله مع السلامه.
قفل الجوال وسيف احتار لكنه مااحب يتاخر اكثر نزل ودخل بيت بوسعد وسبح وقفل بعدين البيت
وراح لهم وصل ودخل المسجد وكانو واقفين لصلاة الظهر صلو وبعدها صلو على سعد وشال النعش
محمد وسيف وعلي وناصر اما جاسم كان يمشي مع بوسيف وبوسعد قدام وكثير رجال وراهم
نزلوه بالقبر وبعد ماادفنوه رجعو لمجلس العزاء محمد وناصر كانو جالسين من ضمن اهل
المرحوم في بدايه المجلس كانو يسالفون جاهم سيف وهو مخنووق وشكله تعباان وجلس جنبهم
ناصر:هونها وتهون.
سيف:قهرر شايف هالثوب الي علي كان مفروض لزواجه والبسه في عزااه.
ناصر:ربك كريم لاتقول هالكلام الي صار صار.
محمد:كلام ناصر عدل وخلاص مااتوقع دموعنا بتريح سعد بقبره ترحمو عليه.
جاسم اقبل عليهم ووقف كانه يدور احد بعدها اشر لهم ثلاثتهم وقامو له يشوفون شفيه
جاسم:ووين علي؟؟
محمد:ماادري يمكن بره واقف يشوف ترتيبات الغداء.
جاسم:صح هو قال لي بيطلع يرتب الغداء...طيب انت روح اتصل على ابوي ودليه وين مكان
العزاء بالضبط توه مكلمني يبي يجي هو وعمي.
محمد:ان شاء الله عن اذنكم بطلع عن هنا.
وراح محمد يكلم ابوه
جاسم:سيف انت وخويك..
سيف:نااصر.
جاسم:اايه انت ونااصر روحو ساعدو علي الله يعافيكم واذا جهز كل شي قولو لي.
سيف:طيب.
طلعو الشباب كلهم والكل مشغول بالعزاء خااصه ان بوسعد وبو سيف معروفين فصارت
زحمه مااحد مااجى يعزيهم جاسم قال للناس تقوم عالغداء وماابقى في المجلس الا هو
وبوسعد وبوسيف الي كانت نفسهم صااده عن الاكل
جاسم:تغدو ماهوو بزين لكم انتو عندكم سكر.
بوسيف:انت اكل ولاتحاتينا مالنا نفس.
جاسم:لاتسمع كلامه يااعمي وقوم اكل.
بوسعد:انا خاطري اطمن على ام سعد واشوف حالها بس من بيوقف مكاني بالمجلس مايصير
اطلع واترك الناس.
جاسم:لاتحاتي انا الحين اروح واطمنك عليها بس اول قومو اكلو.
بوسعد:مااتقصر يااولدي اتعبناك معنا.
جاسم:شالكلام يااعمي انتو اهل والي مايوقف مع اهله في وقت الحاجه ماهو برجال.
بوسيف:بيض الله وجهك.
جاسم مااخلاهم الا لما يتغدون وهو طالع معهم من المجلس التقى في عمه وابوه الي توهم
واصلين وراح سلم عليهم وهم جاو وعزو بوسعد وبوسيف
بوجاسم:عظم الله اجركم.
بوسعد:اجرنا واجرك.
بوسيف مسك كتف جاسم:عز الله جبت رجال يابوجاسم جاسم وخوانه مااقصرو.
بوجاسم كان يحس بالفخر من موقف عياله وزاد لما بوسيف قاله
بوجاسم:ماعليك زود وهذا واجبنا.
تركهم جاسم ومشى راح للمستشفى دخل الطوارىء وسال عن غرفة ام سعد لانهم غيروها
وراح للدكتور حقها وساله عن صحتها اذا تحسنت او لا؟؟
بعدها اتصل على بوسعد طمنه وقاله ان بكره راح يطلعونها من المستشفى على خير.
.............................. .................... ........................
لمياء ناامت بس ساعه وصحت فتحت عيونها بثقل وكانو يالمونها وراسها مصدع مااشافت
احد جنبها رفعت نفسها وقاامت من السرير طالعت الساعه ودخلت تاخذ شور عشان تصلي
البنات صعدو يتطمنون عليها دخلو واستغربو ماشافوها؟؟؟
قامو يدورنها وشوي الا طلعت من الحمام وكانت تنشف شعرها طالعتهم وابتسمت
كان شكلها غيرر عن قبل صحيح الذبول في عيونها زاد بس نفسيتها غير استغربو ليه تبتسم؟
معقوله لمياء تبتسم في هالوقت؟؟شي غريب حيرهم..كانو مصدومين مرت من بينهم
وفتحت دولابها وتكتفت تطالع فيه
لمياء:اوووه شلبس؟؟عندي تنوره سوداء وعندي بنطلون...او البس جلابيه؟
كلهم سااكتين مااحد يرد عليها لفت عليهم ورفعت حواجبها كانها تستفسر شفيهم؟
لمياء:هاا شرايكم؟دانه شرايك؟
دانه:ماادري براحتك.
لمياء راحت لعند فطوم:ماافي الا فطوم تختار ذووقها احلى وحده.
وسحبتها من يدها وفطوم ابتسمت وطلعت لها من الدولاب تنوره طويله وبلوزه كمها طويل
والحلق طويل مغطي الرقبه وفضفااض خاصه لان الجو شووي برد ولونهم اسود.
لمياء:يعطيك العافيه نفس الي كنت بااختار.
اخذتهم منها ودخلت ثاني الحمام لبستهم وطلعت وجلست تمشط شعرها لفته ومسكته بكلبس
اسود برضو ولفت عليهم
لمياء:هاا شرايكم؟
حور:تمام صلي لاتتااخرين اكثر.
لمياء ضربت راسها بيدها:صح مااصليت.
وقامت فرشت السجاده وهي تلف مشمر الصلاه لفت على البنات وقالت:
هههه لاحظتو شي؟؟
اسيل:لاا شنو؟
لمياء لفت على فطوم:ولااانتي فطوم؟
فطوم:اممم اايه لاحظت انك مااصليتي هههه.
لمياء:ههه لا خطاء مالاحظتو اني كنت محتاره في خطوبتي شنو البس؟وفطوم اختارت لي
والحين في عزاء سعد برضو احترت وفطوم اختارات لي.
كلهم ابتسمو الا فطوم لفت وجها ودموعها بتنزل من الي قالته لمياء حور ضغطت على يدها
عشان تتحمل ولاتصيح قدام لمياء..لمياء وقفت تصلي وهم جالسين يسولفون
نوره:شفيهاا لمياء انقلب حالها؟
حور:مافيها الا الخير وبعدين خلوكم معها اوكي لاتضايقونها هي تبي تتحمل هالمصيبه.
اسيل:ماشاء الله عليها والله قلبها قووي.
وهم يتكلمون خلصت هي صلاه وشالت السجاده وجلست معهم
لمياء:شتقوولون؟
نوره:ولاشي.
لمياء:اكيد مستغربين مني صح؟

اسيل كانت اكثر وحده مصدومه بحالة لمياء:اايه كثيررر.
لمياء ابتسمت ابتسامه شبه ميته:لاتخاافون انا بخير وبعدين ماابيكم تصيحون وانا ماراح اصيح
سعد يمكن فارقني بجسمه بس روحه معي وموجود بقلبي ماراح انساه وبعدين انا وعدته مااصيح
لانه ماايرضى وسيف يقول انه وصااني على ام سعد ولازم اكون قوويه عشانها وعشان مااخيب
ثقه سعد فيني..وانا مااحسه غاب عني وطلبو لي الله يصبرني انا احتاجكم معاي تعطوني امل اني اقدر
اتخطى هالمصيبه الي ربي بلاني فيها.
نزلت دمعه من طرف عينها وعلى طول مسحتها ولفت على زوبا الي كانت سااكته
ومنزله رااسه ومدت يدها لها زوبا استغربت ورفعت راسها تطالع فيها
لمياء وهي يدها ممدوده:قوومي زوبا.
زوبا:ووين؟
لمياء:البنات اكييد جايعين خلي احد يصعد لكم غداء تاكلون.
زوبا:ماايحتاح انا مو جايعه وهم..
لمياء:يووه منك قوومي واذا ماافي غداء بتصل على سيف يجيب لكم وغصب بتاكلون.
نوف مسكت يد لمياء الممدوده وقامت وقومتها معاها
نوف:يالله حنا بنااكل عشانك بس انتي بتاكلين معنا.
لمياء:لاا انا ماابي.
فطوم وقفت بعد:خلاص كلنا ماانبي.
لمياء:طيب خلاص بااكل.
راحت نوف وفطوم لتحت وجابو غداء وجلسو ياكلون ويسولفون وكل وحده لابسه قناع الفرح وهي
بداخلها حزن الاكل ماله طعم بس يجاملون بعض ويااكلون عشان لمياء
قامت لمياء وغسلت يدها واخذت جوالها ونادت لحور وجات لها
حور:امري لمووي.
لمياء وفي عيونها حزن مدت الجوال:مو قاادره افتح الجوال ابيك تمسحين رقمه والسجل وتعطيني
الجوال ابي اتصل على سيف.
حور رفعت حاجب وظلت تفكر ولمياء تنتظرها:عشاني حور مسحيه.
مسحت حور رقم سعد من الجهاز والسجل وعطته لمياء وقالت لها
حور:مسحته من الجهاز بس لمياء من بيمسحه من هنا.
واشرت على راس لمياء هذيك نزلت عيونها واخذت نفس قووي
لمياء:مااحد... بيضل محفوظ.. الحين خليني اكلم سيف.
حور:طيب على راحتك.
لمياء:حوور شفتي خالتي ام سعد؟
حور:لاا مااشفتها ماجات.
لمياء اتصلت على سيف وانتظرته يرد هو شاف الرقم وذكر ربه قبل لايرد عليها
سيف:الووو.
لمياء وصوتها كله هدوء تكسر ذبذباته نبره حزينه:هلا سيف.
سيف:هلا لمياء شخبارك الحين.
لمياء بلعت ريقها:الحمدلله ...قولي وينها خالتي ام سعد؟
سيف ابتلش كل الصدماات تجي منه واحتار شيقول لها؟؟وضل سااكت ومالقى الا ابوه قدامه
ومد له الجوال ابوه استغرب واخذ الجوال وهو ماايدري من
بوسيف:الوو.
لمياء استغربت بس سمعت صوت ابوها:يبااا.
بوسيف قبضه قلبه بصوت لمياء ورجعت نبرته الحزينه:هلا بنيتي عظم الله اجرك.
لمياء عضت على شفتها من كلمه ابوها:اجرنا واجرك.
بوسيف:هااشخبارك يابنيتي؟
لمياء:الحمدلله يبه..خالتي ام سعد وينها؟
بوسيف سكت وطالع ولده سيف رفع حواجبه واشر لابوه يتكلم ويقول لها شي.
لمياء:مااشفتها مع الحريم تحت؟
بوسيف:خالتك ام سعد تعبانه شوي في المستشفى وبكره بيطلعونها.
لمياء ارتجف جسمها من الخبر مو كاافي سعد والحين امه شنو جالس يصير؟؟
بوسيف:لاتحاتين مافي الا الخير عمك بوسعد بيجي يشوفك بعد صلاة المغرب.
لمياء:طيب.
بوسيف:انتبهي على نفسك والي صار يابنتي الله قاسمه والله مايكتب الا كل خير.
لمياء:عارفه يبا ويعطيك العافيه مايحتاج هالكلام...
بوسيف وخاطره مكسور على بنته:الله يستر عليك ياابنيتي ويرضى عليك ويصبرك.
لمياء بلعت غصتها:يبا خلك مع عمي بوسعد تراه وصيه المرحوم.
بوسيف لف على بوسعد الي كان واقف يسلم على الناس والحزن سااكن في عيونه كان
مثل الميت من شدة شحووبه ذكر بوسيف ربه ورجع يكلم بنته
بوسيف:مايحتاج توصين يابنيتي بوسعد اخو وكتوفنا له سند.
لمياء:طيب يبا اخليك بنزل لامي اجلس معها.
بوسيف:فمان الله.
قفلت لمياء وظلت مااسكه الجوال سندت راسها على عامود السرير وغمضت عيونها
كانت تتنفس بهدوء لكن الراحه بعيد عن عيونها جاتها دانه وكانت متوتره حاسه نفسها تتعامل
مع مخلوق غريب انسانه ماتعرفها الكل تغيرت عليه لمياء بظرف ساعات لعب فيها القدر لعبته
وقلب موازين الصداقه والحياه دانه تلعب بطرف شعرها وفي فمها كلام لكن مااحبت تقطع على لمياء
لحظات الهدوء فتحت لمياء عيونها وشافت دانه وابتسمت لها
لمياء:دندونه شعندك؟
دانه بكل حيره:هاا سلامتك بس خالتي تقولك نزلي جلسي مع الحريم يسالون عنك.
لمياء قامت والهم مثقل خطاويها غطت شعرها وكان وجها يشع نور من وسط السواد الي
حولينها كانت الدموع تلمع في عيونها جلست لمياء جنب امها وهي سااكته وباقي الحريم يبكون
وهي تطالعهم كانها ضايعه بوسطهم الكل يعزيها والي تحضنها وتبكي تضايقت لمياء وماطولت
صعدت مره ثانيه للغرفه وجلست مع البنات كانت طول الوقت تتكلم مااسكتت حور كانت تسولف
ودق جوالها سمعت النغمه كان عبدالرحمن عطته مشغول ورجعت تسولف وشوي الا اتصل مره ثانيه
وعطته مشغول وضل يتصل وهي تعطيه مشغول لما تعبت قفلت الجوال انتبهت فيها فطوم وحست ان
فيها شي حور شافت فطوم وهي تطالعها وحاولت تتجاهل نظراتها شووي الا فطوم دق جوالها وبعدها
قامت وسلمت على البنات حضنت لمياء وباستها على خدها وقربت منها وهمست في اذنها
فطوم بهمس:الله ياخذ ويعطي والرابح الي يصبر وينال وانا واثقه منك انك قد هالمسؤوليه
والمرحوم يبيك قوويه مثل مااتعود يشوفك وحنا كلنا نحتاجك خليك قوويه.
وابتعدت عنها لمياء قرصت خد فطوم وهزت راسها باايه طلعت فطوم وشافت اسيل بره عند مدخل
البيت واقفه استغربت كانت اسيل مشغوله بالجوال مرت عليها وسالتها
فطوم:اسوول شتسوين؟
اخترعت اسيل:بسم الله خوفتيني...شسوي اتصل.
فطوم:ادري تتصلين بس على من؟
اسيل قفلت جوالها:اووف علي ماايرد من زمان اتصل عليه.
فطوم ضربتها على كتفها:بلاسخاافه اكيد مشغول بالعزاء مااايقدر يرد عليك وانتي يالله خلك
مع لمياء لاتجلسين لحالك وتتركينها.
تنهدت اسيل:طيب بروح وانتي على وين لابسه عبايتك؟
فطوم غطت وجها:بمشي ابوي عند الباب ينتظرني..
اسيل:توو الناس ماابعد يجي المغرب.
فطوم:مااباقي الا ساعتين وابوي تعباان يبي يروح يرتااح.
اسيل:اها اوكي سلمي عليه ويالله فمان الله.
فطوم:فمان الكريم.
طلعت فطوم لابوها وركبت السياره وهو على طول مشى لاحت راسها على وراء ونفخت
بقووه:اوووووووووووه تعبت.
لف عليها ابوها:سلااامات...شفيك؟
فطوم:لو تشوفهم يا يبا شلون يبكون يتقطع قلبك وربي خفت على لمياء شلون انصدمت.
بوحسين:ااايه ماينلمون فقدتهم مو هينه شباب توه الله يكون بعونهم موته هز الرجال شلون
الحريم الله يصبر امه المسكينه.
فطوم تعدلت بجلستها:صحيح وينها امه مااشفتها؟
بوحسين:امه الله يقومها بالسلامه من سمعت وهي في المستشفى.
مااتوقعت فطوم ان امه بالمستشفى ظلت تفكر في عظم المصيبه الي جات لمياء وقرايبها بمووت
سعد لفت تطالع الطريق وسرحت تفكر بحال لمياء شبيصير فيها؟؟؟
البنات ظلو مع لمياء ونوره رن جوالها وكان حسين مسكينه كانت تكلمه ومرتبكه من لمياء
قفلت واعتذرت من البنات ونادت اختها زوبا ولبست عبايتها
نوف:وين نوري؟
نوره وجها محمر:بمشي حسين بيمرني نوصل زوبا ترتاح البيت ونطلع.
نوف لاشعوريا لفت على لمياء وهزت راسها لنوره.
لمياء نادت نوره قبل لاتطلع:نورره.
نوره:امري.

لمياء:انتبهي على نفسك وسلمي على حسين.
نوره:وانتي بعد..ويبلغ ان شاء الله..وعظم الله اجرك مره ثانيه.
سلمو على بعض ومشو لمياء جلست وكانت تلمس ارقام الجوال باصابيعها بحركه اثيريه
وتحرك صبعها على الشاشه بداخلها تقول:مفروض سعد هالوقت يتصل..ياليت هالجوال يدق
بس اسمع صوته مره وحده حتى لو تكون اخر مره ااااااااه الله يهنيك يانوره.
دانه جالسه وصورة سيف مافارقتها ولا لحظه مازالت دموعه ومنظره شاغل تفكيرها
كانت حاطه يدها على خدها وسرحانه تنهدت بقوه وتململت بجلستها دورت اسيل ومالقتها
حواليها قامت تدورها شافتها جالسه عند الدرج وتلعب بجوالها جلست جنبها طالعتها اسيل
وماكلمتها دانه كانت مخنوقه وتبي تتكلم عن الي داخلها وخوفها على سيف مااقدرت تسكت
دانه بكل حزن:كسر خاطري شكله تعباان بالحييل.
اسيل وهي منشغله:منو؟؟
دانه:ولااحد انتي شتسووين؟
اسيل:اكتب رساله.
دانه طلت بجوال اسيل تقراء الي تكتب كانت كاتبه:
(اذا شفت الرساله ليت تتصل فيني انا انتظرك حتى لو كان الوقت متاخر عادي اتصل).
رفعت دانه حواجبها متعجبه وظلت تطالع شاشه الجوال تراقب اصابع اسيل وهي تضغط على
قائمه الاسماء ونزلت واختارات اسم علي وارسلت الرساله ظهر مربع حوار تم ارسال الرساله.
.زفرت اسيل وقفلت الجوال ولفت على دانه الي كانت تطالعها بتعجب
اسيل:شنو هالنظرات؟
دانه انتبهت على حالها:أي نظرات؟
اسيل:انتي تطالعني كذا...وبعدين شنو كنتي بتقولين منو كاسر خاطرك؟
قامت دانه من جنب اسيل وهي بتنزل الدرج قالت:ولااحد بس كنت ابي اسولف.
راحت دانه للصاله الي فيها الحريم وجلست عند ام سيف الي كانت دمعتها مااتفارق خدها
وبس صوت نحيب الي حوليها الي ينسمع مسكت دانه يد ام سيف وشدت على يدها بقوه
ام سيف طالعتها ومسحت دموعها بطرف يدها بلعت ريقها الي كان جااف بالمره
ام سيف:وينها لمياء؟
دانه:فوق بغرفتها مع حور.
ام سيف:شخبارها؟
دانه ابتسمت عشان تطمن ام سيف على بنتها:بخير انت لاتحاتينها لمياء راضيه بأمر الله.
ام سيف:خايفه عليها يا دانه سكوتها مو طبيعي على هالمصيبه.
دانه فكرت بحال لمياء وحست كلام امها صح سكوتها المفاجىء مو طبيعي.
دخلت حورمع اسيل وجلسو جنب دانه كانت حور ساكته ومعقده حواجبها ورايح بالها بعيييد
عن هالمكان الي هي فيه نادتها ام سيف وماانتبهت لها حركت يدها اسيل
اسيل:حور خالتي تكلمك.
رجعت حور لعالمها:نعم من؟
اسيل بشويش:خالتي ام سيف تكلمك.
حور لفت على ام سيف:اسفه مااسمعتك امريني.
ام سيف:مايامر عليك عدو بس يابنتي تعبتي معنا جالسه من الصباح اذا تبين روحي بيتكم عشان
امك مااتعصب لانك تأخرتي.
حور:لاعادي ماراح تعصب وانا كلمت اخوي بيمرني بعد صلاة المغرب.
ام سيف:براحتك يابنتي.
رجعت حور تفكر كانت تتسأل عن حال عبدالرحمن اكيد بيزعل بس انا ماكان قصدي اطنشه
واقفل الخط اووف يااربي ملل شالحاله.
لمياء منسدحه على سريرها لحالها في الغرفه وصوت الساعه يضرب في راسها كانت مثل
جسم بلا روح مثل الخرقه من ضعفها وحزنها الي مسح كل ملامح الفرح منها طول ماهي
تفكر سعد هو الي يشغل تفكيرها تذكر شكله وهو يتكلم ويضحك ويعصب ويسولف
هالذكرى تقطع قلبها ليش ياسعد تروح ليش؟؟؟؟؟؟؟؟؟؟؟
سمعت صوت المؤذن يرتفع والظلمه غطت على كل زاويا الغرفه مثل ماالهم خيم على قلبها
ذكرت ربها وقامت متثاقله تتوضا دخلت الحمام ووقفت قدام المرايا حواجبها متعقدين مسحت
بيدها عليهم لكن مافي فايده العقده ثابته غسلت وجها بالماي وتوضات وطلعت فرشت سجادتها
وصلت بعد مااخلصت قامت ثاني صلت ركعتين لروح المرحوم شالت سجادتها واخذت القران
وبدت تقراء بصوت كله خشوع حروفها تعتصر حزن وتضرع لرب العالمين دموعها نزلت
رجا الله يرحم ويغفر لحبيبها الغايب بللت دموعها صفحات القران اخذت منديل ومسحت عيونها
وظلت مغمضه تحس بالهدوء يتسلل بين اجزاء جسمها سكرت القران وضمته لصدرها الي دقاته
تتسارع فتحت امها الباب وراها حور واسيل دخلو صدمهم منظر لمياء الي كانت ضامه رجولها
والقران وجالسه بطرف السرير جلست ام سيف جنبها ومسحت على راسها واخذت من يدها القران
ام سيف:صليتي؟؟
لمياء هزت راسها وسندت جسمها على الوساده الي وراها ماارفعت حتى راسها تطالعهم
فضى البيت وكانت بس دانه في الصاله سيف رجع من العزاء ودخل البيت ونادى
سيف:يالله ياحريم يالله.
دانه قامت بسرعه عشان تاخذ شيلتها الي كانت بعيد عنها للبست عبايتها وتوها
مااخذه الشيله الا دخل سيف وشافها لفت بسرعه وعطته ظهرها ورفعت شيلتها على راسها
ارتبك سيف ورجع شووي برا الصاله:اسف ماكنت ادري.
طلعت دانه وهي مغطيه وجها وراحت للدرج نادها سيف وهو متردد وصوته متوتر
سيف:لوسمحتي ناادي امي.
دانه دقات قلبها تتسارع بس ناداها لفت عليه:ان شاء الله.
وصعدت الدرج جلس سيف في الصاله وحط يدينه على راسه بعد ماتسند وضل يفكر دانه اخت
محمد مايصير اني افكر فيها عيب علي لكن شاغله تفكيري موت الغالي كاسر ظهري ونظراتها
لي تزيد همي يااربي شالحل شسوي في نفسي اصحى يا سيف مو وقت اعجاب وحب وخرابيط
تراب سعد مازال رطب وانت تفكر في شي غيره..دخل بوسيف ومعه
بوسعد يمشي وراه وهو يرحب فيه ويسوي له طريق قام سيف على طوله
بوسيف:حيااك يابوسعد حيااك.
بوسعد:الله يحيك.
دخلو وجلسو وسيف قاله ابوه يروح يقول لامه تنادي لمياء عشان يسلم عليها بو سعد راح سيف
وصل لعند باب غرفتها وضرب الباب بخفيف:يمه.
لمياء رفعت راسها الي كانت حانيته بس سمعت صوت اخوها لفت على امها الي قامت وطلعت
لسيف برا الغرفه تشوفه.
ام سيف:شفيك امر؟
سيف وهو يطل من فتحت الباب الصغيره الي ورا امه:ابوي يقول خلي لمياء تنزل.
ام سيف:ان شاء الله.
سيف:من داخل؟
ام سيف لفت وسكرت الباب:خوات محمد وبنت عمه.
سيف:اايه.
انفتح الباب وطلعت حور وهي لابسه عبايتها ومعها اسيل ابتعد سيف عن الباب
عشان يمرون سلمو على ام سيف ونزلو الدرج ونزل وراهم سيف لمياء ناداتها امها وخلتها
تنزل نزلت تجر رجولها وجسمها يرجف وكانت دانه ماسكه يدها تركتها عند باب الصاله
دانه:يالله انتبهي على حالك ودخلي عندهم ولاتخافين نشوفك بكره.
هزت لمياء راسها ودخلت اول ماشافها ابوها وبوسعد وقفو لها على طول وهي جات حبت
راس بوسعد وراس ابوها وعزتهم وجلست جنب ابوها وظلت ساكته ومنزله راسها
بوسعد:شخبارك يابنيتي؟
لمياء:الحمدلله على كل شي.
بوسعد:الحمدلله يابنتي صحيح ماكان عندنا الا المرحوم بس تبقين انتي بنتنا بعد .
لمياء رفعت عيونها وظلت تطالع في شكل بوسعد كانت تشوف سعد قاعد قدامها كانت
ساكته وشوي شوي تعقدت حواجبها ومتلت عيونها دموع ولفت تطالع ابوها الي خاف عليها
نقلت نظراتها لكل زويا الغرفه ورجعت تطالع في بوسعد وبلا مقدمات انفجرت بحور الحزن
مره ثانيه عند لمياء وقامت تصيح وتشهق بقوه غطت وجها بيدينها بوسعد دمعت عيونه ووخى
راسه اما بوسيف حضن بنته الي تعلقت في ابوها وعلا صوت صياحها
لمياء بشهقات:راااح مااقدر اشووفه.
مااحد منهم تكلم شنو يردون عليها فيه ماافي أي كلمه تواسيها ومن حقها تنفجر وتنوح
على كل وقت يمر لان الي فقدته مو رخيص ولا بهين فقدت كل دنيتها بموت سعد.
بو سعد قام وجلس عندها ومسح على راسها كان يدور على شي يقوله يهدي فيه زوجة
ولده بوسعد بضيق:ذكري ربك كلنا نبيه بس الله كاتب علينا.
لمياء وهي تصيح على صدر ابوها:اتفقنا... نرتب شـ..ـقتنا الليله.. لان الزواج قرب
وووووينه سعد وووينه ياعمي؟؟
بوسعد طالع بو سيف وترجاه بعيونه يرحمه من كلام بنته الي جالسه ترش الملح على جروحهم
بدموعها وكلامها عن سعد وعن شوقها له بوسيف ساااكت مايتكلم
لمياء قامت ومسحت دموعها:اخذوني لخالتي ابي اشوفها.
بوسعد استغرب من طلبها وفتح عيونه تبي تطلع بهالوقت شلوون؟؟
بوسيف انقذ الموقف:بكره هي بتجيك بس تطلع بالسلامه من المستشفى.
لمياء بصوت عالي:وليش انا ماروح لها؟؟؟؟
بوسعد:مايصير يابنتي.
بوسيف:انتي هدي حالك.
لمياء وقفت على حيلها:شلون ااهدي؟؟وليش مايصير؟؟؟ لان سعد توه ميت صح؟
داست عالجرح مره ثاانيه بو سعد وقف على حيله وتجاهل وجود لمياء ومر من جنبها
بوسعد:مع السلامه يابنتي قوم يااخوي اخذ لي طريق.
بوسيف قام ومحتار يطالع في بنته وفي بوسعد وراح فتح الباب وطلع معه وتركو لمياء
لحالها واقفه بالصاله ودموعها واسئلتها عالقه باهداب عيونها رمت روحها على اقرب كنبه
وكملت موجه الصياح الي دخلت فيها من شافت عمها بوسعد..
ابوها وبوسعد طلعو بسرعه للشارع وكأن جو البيت خانقهم ووجه بوسعد مايبشر بخير
شكله تعباان محمد واقف مع سيف يتكلمون عند السياره وبس شافوهم طلعو راحو لهم
سيف:سلامات ياعمي وشفيك؟
بوسعد وهو يتنفس بصعوبه:الله... يــ..ـسلمك.
لف سيف على ابوه الي كان وجهه تعبان اكثر:شنو صار؟
بوسيف مثل طفل صغير حط ايده عالجدار وقامت دموعه تنزل وشهقاته تبين وبوسعد دموعه
تواسيه سيف احتار من حالهم ومحمد منحرج من الموقف الي قدامه
سيف بخوف:تكلموو شفيكم لمياء فيها شي؟؟
بوسيف رفع راسه يطالعهم:ااختك حالها مايرحم وكلامها ياولدي اختك ماسوت بحالنا خير.
سيف رجعت دموعه ومحمد توهق فيهم مسك بوسيف وجلس يهديه
محمد:الله يهديك ياعمي انت الي مصبرنا والحين تنزل دموعك.
ولف على بوسعد الي كان مثل طير مجروح يوون من جرحه بصوت خفيف وبعييد عنهم
محمد:وانت ياعمي بدل ماتنصحه تصيح معه؟
بوسعد:معذور بنته مارحمتنا ااااه.
دانه رفعت شيلتها عن وجها وظلت تطالعهم تبي تعرف شفيهم شافت سيف وهو يلف
ويمسح دموعه وشوي يحضن محمد حالهم مايطمن لفت على اسيل
دانه:طالعيهم اكيد صار شي؟
اسيل:الله اعلم شصاير.
حور لفت تطالعهم:تتوقعون لمياء فيها شي؟؟
اسيل:لا بسم الله عليها لاتفاولين حووير.
حور:انا اقول يمكن.
دانه:شرايكم انزل واشوفها؟
توها قايله الا الرجال مشو لبيت بو سعد ومحمد سلم على سيف وجاا للسياره ركب
وهو معصب وماله خلق يتكلم مشى وهو سااكت شوي وشال شماغه وفتح ازرار ثوبه
حور مااحبت تشوفه بهالحال وماتواسيه كسر خاطرها حاله الي هو فيه
حور:محمد لاتتضايق.
محمد معقد حواجبه ويدينه ضاغطه على الدركسون:ومن قايل لك متضايق؟
حور:شوف حالتك وخفف السرعه شووي.
محمد قام يصارخ:حوير مالي خلقك ولاتقعدين تتلاقفين طيب.
حور انقهرت منه وسكتت هي كافيها الي فيها وهذا جاي يزيدها لفت راسها وماتكلمت ثاني