ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة "مال الهوى عندي عذر ". يوجد هنا "مال الهوى عندي عذر ". روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم 10-23-2014, 12:31 AM   #1

هوازم

:: كاتبة نشيطة ::

الملف الشخصي
رقم العضوية: 241427
تاريخ التسجيـل: Oct 2014
مجموع المشاركات: 38 
رصيد النقاط : 0

قلب جديد "مال الهوى عندي عذر ".


"مال الهوى عندي عذر ".

"مال الهوى عندي عذر ".
الشخصيات:
حور بنت عمرها 17 سنه نعومه وحبوبه قلبها طيب ورومنسيه ودايم تحلم بالحب امها ام جاسم
امراءه طيبه ورثت هالصفه لبنتها حور , جاسم الاخ الاكبر لحور وهو بدل الابو لحور
بحنانه وتدليعه لها لان ابوهم منفصل عن امهم وحور اصغرهم ولازم يعطيها هالاهتمام
عمره 30 سنه يشتغل دكتور اطفال وداايم يشجع اخته على هالمجال متزوج من بنت
خاله ساره عندهم بنوته اسمها عبير عمرها سنه ,محمد اخو حور عمره 22 سنه ولد فري
مرح ودايم كوول
وسيم بالمرره ويدرس بالجاامعه ,علي اخو حور من ابوها عمره 26 سنه
مثقف وهااادي فيه من ملامح حور
ويااخذ من طيبه قلبها , دانه اخت حور الصغيره عمرها 15 سنه
مغروره شووي ودلووعه وابوها مسوي لها
قدر ارفع من الكل , بوجاسم رجل عصبي ومتحكم شخصيته
قوويه ومااحد يعصي له كلمه , زوجته حصه
مسالمه وخاتم بيد بوجاسم.
بو اسيل اخو بو جاسم الوحيد متوفيه زوجته وماعنده الا بنت اسيل 17 سنه صديقه حور ومجنونه علي
بنت مشااغبه بس متسرعه في كل شي وحلوة مره وراعيه كشخه .
عبدالرحمن عمره 24 سنه شاب قد المسؤوليه ودايم ياخذ الامور بجديه
قلبه حساس بس يخفي هالشي عن الي
حوليه الاوسط بين اخوانه بس ابوه بو خالد يعتمد عليه في كل شي
اكثر من اخوه خالد بسبب ضعف شخصية
عبدالرحمن يدير اعمال ابوه بعد تخرجه من ادارة اعمال في بريطانيا,
بو خالد رجل اعمال كبير متشدد بعادات عايلتهم
ومايرضى حد يطلع عن شوره لكن يحب عياله ومقدم لهم كل شي , خالد 34 سنه متزوج وعنده ولد اسمه
ريان 5 سنوات وبنت ريما سنتين شخصيته ضعيفه كثيرر وانسان سلبي
وخااصه قدام زوجته رحاب المتسلطه
والي تحب كل شي يمشي بمزاجها , سمر 21 سنه قريب تتزوج من ولد عمها احمد
متواضعه وتحب الضحك
والطلعات واكبر رجه, عبدالله 20 سنه فري وماشي لحاله ولايتدخل باي شي همه الاكبر سيارته وربعه
بدور اختهم الصغيرة 15سنه مغروره وشايفه نفسها على الجميع تختلف عن اختها سمر.

بو احمد اخو بوخالد وشريكه بنفس الوقت رجال حبوب ودمه خفيف , ام احمد مثل زوجها في بسااطته,
احمد يشتغل مع ابوه وخطيب سمر متشدد بافكاره مثل عمه , ناصر الولد المزعج 23 سنه دايم متطلب


التعديل الأخير تم بواسطة هوازم ; 10-23-2014 الساعة 12:44 AM. سبب آخر: خطاء في الترتيب
 
قديم 10-23-2014, 12:36 AM   #2

هوازم


رد: "مال الهوى عندي عذر ".


"مال الهوى عندي عذر ".

ودايم يحس نفسه مظلوم بس يااخذ كل طبايع ابوه , نوف اصغرهم 17 سنه صديقه حور الروح بروح
وكاتمه اسرارها رجه ومتهوره .
(1)
كانت حور ناايمه ورايحه بساابع نومه وتتحلم باحلام ورديه شووي الا اسيل بنت عمها تفتح باب الغرفه
وتدخل وهي تصارخ وتصحي حور من نومتها الي كانت مرتااحه فيها.
اسيل: حوووور قومي يالله تاخرنا وانتي نايمه .
حور وهي مو قادره تفتح عيونها من النوم وفي نفس الوقت معصبه ومنقهره من بنت عمها وحركتها
حور: شفيك انت غبيه شتبين جايتني من صباح الله خير؟؟ وقومي قومي.
اسيل: انتي الغبيه نايمه بالعسل ونااسيه اليوم اول يوم درااسه .
حور فتحت عيونها وقامت سريع كيف نست ان اليوم اول يوم درااسه طالعت الساعه 7 الصباح
حور: ليه مااصحتيني قبل؟ مااصليت ولااخذت شور ولا مشطت شعري شسووي بتااخر؟؟
اسيل: يالله عاد حوري لاتاخرينا الان بيروح .
حور: من بيروح شفيك انتي اقولها كذا تقولي كذا؟
اسيل: تسوين نفسك ماتدرين من ؟
حور: ماادري انا بريئه قوليلي من؟
اسيل وهي ظامه يدينها بقوه ومااخذه نفس قووي: من غيره ؟ علي فديته انا.
حور: هي انتي استحي اذا مااتدرين يقولون يصير لي اخووي ؟ وبعدين من قالك ماراح الشغل الى الان؟
اسيل : حوير يالله عاد هو الي بيوصلنا ابوي قاله وهو ينتظر تحت يالله خلصينا.
حور وهي تقوم ببرود عناد في بنت عمها : اسفه انا يبلي وقت كثير خليه يمشي وانا بخلي حمود يوصلنا
اسيل انقهرت وجلست تطالعها وهي رافعه حاجب حور: شفيك تطالعيني كذا؟ اذا مو عاجبك كلامي روحي
معه لحالك اما انا اسفه ماااقدر اجهز سريع.
اسيل هنا عصبت وقامت بتطلع قالت وهي تسد الباب : سخيفه.
وسدت الباب بقوة اما حور انقعت من الضحك
افتحت الباب وجلست تناديها: اسوول يالهبله امزح معك تعالي بجهز الان .
اسيل مشت وتركتها وراحت اجلست مع ام جاسم وهي منقهرره مره مرت نص سااعه وحور ماانزلت لهم
واسيل شووي وتصيح دخل علي وطبعا باسلووبه الهادي سلم عليهم: السلام عليكم ..صباح الخير.
ردت ام جاسم عليه: وعليكم السلام وصباحك النور حيااك .
اما اسيل مسكينه قلبها فز من مكانه ونزلت عيونها وجلست تلعب في طرف شيلتها وماارفعت عيونها
ولانطقت بكلمه علي جلس وطلع سااعته: تاخرتوا يالله وراي شغل اسيل وينها حور؟
اسيل خلاص ماتت حيا بس ناداها وارتبكت : حوور جالسه تتجهز لانها تاخرت شووي بنوم .
ام جاسم تضاايقت من حوور وتاخرها: بقوم انادي لها .
اسيل جلست تفكر بتخليني بروحي معاه والله اموت وقامت من مكانها: لا خالتي انا اروح لها.
وصعدت لغرفه حور وهي مو عارفه طريقها ووين افتحت الباب تدور حور مااشفتها جلست تناديها
ومازال قلبها يدق بقووه والوانها متغيره: حوور حوور وينك؟
طلعت حور من غرفه تبديل الملابس وهي شايله شيلتها وعبايتها في يدها وطالعت شكل اسيل كيف صااير
حوور: هاا اشوفك رجعتي؟ وشفيك متغيره خلقتك لايكون مشى ؟
اسيل جلست على طرف السرير : حوير شفيك كذا؟
حور وهي تدور حولين نفسها قدام المرايا: شفيني ماافيني الا الخير قمر .. قمر .. فديت نفسي .
اسيل نفسها تقوم وتصفقها: شفيك؟..حماره ماتحسين ابدد.
حور تخصرت بيدينهاووقفت قدام بنت عمها: شنو شنو اخت اسيل عيدي كلامك ؟
اسيل قامت ومسكت حوور من يدها وجرتها: اقول امشي تاخرنا لا الحين اذبحك هنا.
حور: اوكي بس انتظري اخذ شنطتي ولااقولك شيليها عني .
اسيل خلاص وصلت عندها شالت الشنطه وجرت حور من الغرفه وهذيك ناقعه ضحك ونزلوا ثنتينهم وهم
في هوشه ورجه كانت ام جاسم تسولف مع علي وشافوهم جاوا بازعاجهم ام جاسم طالعتهم بتانيب على
ازعاجهم: استحوا شالازعاج؟؟ وبعدين اخرتوا الرجال كل هذا تتجهزون ولا بتروحون عرس كلها مدرسه.
اسيل اسكتت بس شافت علي يطالعهم ويضحك اما حور تلبس عبايتها وتهذر: اووه يمه الله يهديك
مااتاخرنا وبعدين تو الناس ليه تبينا نروح مبكر وعلاوي اخوي الي احبه مااخرناك صح؟
وتغمز له قول أي لكن علي قام وحب راس ام جاسم وطالع حور: امي صاادقه اخرتيني وبلاهذره وامشي
دام النفس طيبه والناس صباح لاتخليني امشي عنك.
حور اخذت شنطتها من اسيل وحبت راس امها ومن بعدها اسيل سلمت على ام جاسم وطلعوا وحور تهذر
وتمشي قدام علي : ليه انت شرير ؟ ويقولون اخوي بعد ..اخو كل يقهر اخته مسكينه .
وطلعوا الشارع الا وقفت سياره عند البيت ونزل منها واحد طوله متوسط وشوويه دبدوب وجهه صبوح
كان مبتسم لكن التعب مبين عليه قفل سيارته وجا صوبهم علي: هلا بو عبير .
جاسم: يا هلا فيك شعندك لهالوقت ماارحت الشغل؟
علي يطالع حور: بنوصل بعض الناس المدرسه عاد تدري هي ماتبي تروح الا معي تقول بتكشخ فيني قدام
صديقاتها يعني هاا شوفوا اخوي حلوو.
حور طالعت علي بنص عين: هه هه ضحكتني مصدق نفسك وبعدين انا مااحب سيارتك لونها مااحبه فااشل
وماايعجبني احد يركب سياره لونها ابيض ياالقديم ؟؟
علي طالع سيارته وطالع حور: اقول يحصل لك تركبينها بس هذي توها جديدها موديل السنه ياالفاشله .
حور امسكت جاسم : حااصل لي وماابي وبعدين انا هونت بروح مع اخوي الغالي جسوم.
جاسم نقع ضحك على حور وحركاتها من الصبااح: ههههه حور حبيبتي من عيوني بس تو جاي من
مناوبه بالمستشفى يعني الليله بطوله مانمت يعني مالك الا هالسبع اخوك.
حور تسوي نفسها بتصيح ووتعلق اكثر بيد جاسم: يالله عاد اخوي لاتسوي فيني كذا انا حور حبيبتك
ماابي اروح مع هذا ؟
جاسم: وليه ان شاء الله؟ عطيني سبب مقنع.
حور: اول شي من الصباح ويصارخ علينا , وثاني شي اممم مااحب سيارته هاا بتوصلنا اقتنعت باسبابي؟
جاسم يشيل يد حور عنه ويمسكها : اقول اول شي على قولتك مااتوقع صاارخ لانه اخوي واعرفه مايسويها
ثاني شي ماتحبين سيارته يالكذابه وانتي قاايله لي من كم يوم تحبين الاند كروزر واشتر لك مثل سيارة علي
وثالث شي روحي ركبي السياره لان المدرسه بتقفل ابوابها وانت هذرتك مااخلصت يالله.
حور مدت البوز وتركت اخوها وركبت السياره اما جاسم سلم على اخوه ودخل البيت ركب علي السياره
ومشى والكل سااكت قامت حور تحارف بالمسجل وعلي مطنشها شغلت الراديو وعلى طول كانت اغنيه
طولت عليها والتفت على اسيل :سمعي اغنيتنا المفضله وناااسه اخيرا احد برد كبدنا.
وجلست تغني معها (حبيتك تنسيت النوم ويااخوفي تنسااني حاابسني..) شوي ودق جوال علي طفى الراديو
وعصبت حور : لـــيه؟؟
علي وهو ياخذ جواله من جنبه : من صبااح الله خير الناس يسمعون قران شي مفيد وبعدين بكلم جوال
ماتسمعينه يدق؟ وتوك تقولين سيارتي تفشل وماتحبينها شلك فيها تعفسين بالراديو هاا؟؟
ورد على الجوال وطنشها وحور سااكته من بعدها قالت: ماانبي شي منك ولانبي نسمع بس وصلنا.
وعلي يسولف بجواله وضاربه تطنيش :ههه ههه ماامرتي ياالغاليه دقايق وعندك شلون بعد حبيبتي تامرني
ولا البي لها يالله تجهزي دقايق وانا عندك اوكي هههه تامرين حتى لو كل يوم ولايهمك يالله باي.
اسيل جنت خلااص بتموت قهر من يكلم جالس ويضحك معها وهزت كتف حور وهذيك مسوي نفسها
زعلانه التفت عليها:نعم شتبين انتي بعد؟ كل منك نروح معاه نروح معاه وشوفي حبيبك روميو المصون.
اسيل والعبره خانقتها ومو قاادره تتكلم: حور من يكلم؟ يقولها حبيبتي ولابعد بيمرها بمووت انا خلاص.
حور وهي تقصر صوتها اكثر: بموت.. انت بغبائك مااشفت انتظري.
علي كان يطالعهم وشااف وجهه بنت عمه الي متغير وعيونها الي مليانه دموع تركهم عنه وطنش
من بعدها قال: احم احم... نحن هنا لايتناجى اثنان دون الثالث شعندكم ثنتينكم تتساسرون؟
التفت عليه حور وتعدلت بجلستها: ندري انت هنا..وبعدين كيفنا سوالف بنات ..انت الي قول من هذي
حبيبتك الي من الصباح متصله؟؟ وبعد تضحك معها وتقول لها بمر عليك اعترف يالله من هذي؟
طالعها علي وجلس يضحك من اسلوبها:ههههههه وانا كيفي ههه ومن هذي بتشوفينها الحين بتركب معنا
وبعدين تفضلي من غير مطرود وراء لاني ابيها جنبي يالله اشوفك قوومي.
حور فتحت عيونها وشهقت: انا اقووم وبتركبها معنا قيام مااني بقايمه وانت اخوي الكبير
مايصير اقولك عيب
بس الي استحوا ماتوا يااسيل يابنت عمي.
واسيل مسكينه نار بداخلها وعلي يضحك وقف السياره عند بيت وطلعت بنت نايس وباين عليها صغيره
شايله شنطتها وافتحت باب السياره الي عند حور وعلى طول قالت: حووور ماادريت انك هنا.
وسدت الباب وركبت من الباب الثاني الي وراء علي وبس مشت السياره واسيل وحور على اعصابهم
شالت البنت الشيله الي كانت مغطيه وجها صرخت حور: حيييهم حيييهم دانه مااعرفتك .
اسيل ارتاحت بس شافت داانه وسلمت عليها اما حور ابتدا تعليقها: ههه هاا دانه مغطيه وجهك والله وكبرتي
وصرتي تتغطين هههههه.
دانه : ماعليك مني وبعدين الحكومه فارضه علي هاالقرار لو بيدي حتى عبايه مااللبس.
لف عليها علي وطالعها: لا تنكتين كثير صايره وعادين نفسكم لابسين عبايات شوف عبايتك انتي وذولا
كلها اللوان وضيقه جلابيات مو عبايات كااشخين فيهم والله حاله معكم.
حور تطالع عبايتها الي كان مرسوم عليها طاووس من وراء وعلى الاكمام والتفت على عبايه اسيل
الي كانت هي ودانه نفس الشكل وخااصه ثنتينهم عصااقل وشوي طوال وكل وحده محدده عبايتها
الي بلون فضي والي باازرق وطالعت اخوها: شفيهم عباياتنا حلووين وتوهم جدد
اول مره نلبسهم.
دانه: هذا موديل السنه كذا وصراحه حلوو وخااصه عبايتك ياحوير كذبتي علي خذتيها وعطيتيني هذي
واانا ماابي اللون الفضي .
حور: اووف ذلتنا يبا قلنا لك بس بلبسها اليوم وبعدها ببدل معك ماابيها مااعجبتني
طالعهم علي وهو ناافر من تفكيرهم: اقول بس لايكثر دام هذي عباياتكم .
رفعت دانه كم عبايتها الي كان كله بس عباره عن اسواره فضيه بسيطه قريب من علي وجلست تحرك
يدها:وشتبي نسوي لك دام مااعندك ذووق بالعبايات شووف ونااسه تلمع وربي حلوو مااعندك سالفه ياشيخ.
علي سوى نفسه معصب: دووينه سكتي وبعدين له شاايله الشيله عن وجهك غطيه احسن لك.
داانه مدت البووز: مو بس انا كلهم شاايلينه شمعنى انا.
علي: بلا حركات المبزره وانتو يالله معها ولاتبون عزيمه؟
حور:يؤؤ علاوي اذا على العبايات انا واسيل كلها اسوود بس اسواره ولاهي بضيقه عليك من دووينه.
دانه: الله الله من لابسها الحين هااا؟
علي:سمعوني عبايتكم براحتكم فيهم بس ياادانه عبايتك هذي مو عبايه هم عااديه وانتي ياارب سترك
وحور ليه لابستها وانتي عاارفه انها كذا هاا؟؟
سكتوا كلهم حور حست بغلطها هي وداانه اما اسيل من ركبت وابتدا النقاش غطت وجها وسكتت
اعتذروا من علي على عباياتهم ومن طبيعته هاادي وماايحب يزعل احد
حور: شسوي شلون اروح المدرسه كذا؟ دووينه عطيني عبااتي .
داانه: وانا ماابيها هالعباايه ولو تموتين مااعطيتك اياها.
علي: ليه مااشريتي مثلهم من البدايه والله شوفوا عباية اسيل جناان وحلوه حتى السوار لونه هاادي مو انتو
ماافي ذووق وحده فضي والثاانيه طااوس وبعدين خلاص امر البيت وبدليها يالله خلاص.
سكتوا البنات واسيل تشققت من مدح علي لها وحور بداخلها تقول الله يرحم بحالك يااسيل وياخذ عمرك
يادانه كل منك وافكارك.
وصلوا البيت وانزلت حور تبدل عبايتها دخلت شاافت جاسم وزوجته وبنته يفطرون سلمت وسالت عن امها
جاسم: هلا.. امي بغرفتها ليه مارحتي المدرسه؟
حور: هاا نسيت شي ورجعت.
جاسم: ههه اكيد نسيتي عبايتك ولاهذا عباايه احد يسمع كلام دانه اكييد علي انتقدك ورجعك البيت صح؟
حور انحرجت وحست بذنبها: صح بس خلاص يكفي كلام علي مااقصر.
صعدت وبدلت وتوهاا ناازله بتطلع دق التلفون وحور ملقوفه ردت عليه.
.
حور: الووو مين؟
المتصل: الووين نوف تتكلم.
حور: ههه هلاااا وغلااا ليه ماارحتي المدرسه يا اذاعه المملكه؟
نوف وهي متاففه: اووف انتظر بنت عمي المصون بدور بروح معها مااطيقها بس ابوي الله يهديه الا روحي
معها وانتي عارفه هي سنه اولى يعني لازم معي بجلس ارعى بزران .
حور:ههههه هدي ياشيخه انا مثلك اختي دانه معي السنه وافرحي حنا ثالث بنتخرج ونرتاح منهم.
نوف: صحيح بس كيف بتحملها سنه كاامله واكيد كل يوم بروح معها يالله وصلت الاميره بايوو.
حور:ههه بايو
قفلت وطلعت حورعشان تروح المدرسه وصلوا المدرسه وكانوا متااخرين في نفس الوقت
وصلت نوف وبدور
وكانوا راكبين سياره bmwولونها اسود وكان الي يسوق طويل وعريض شويه لكنه نحيف ومملوح
وستاايل وطالع جناان ولابس شماغ وثوب شاافته دانه وحور وهم يدخلون المدرسه ووقفوا
دانه: فديته حلووووووووو.
حور رفعت الشيله عن وجها ومازالت عيونها عليه: عذاااااب ااه يا قلبي بس.
اسيل مشت: مو احلى من علاوي امشوا تاخرنا.
داانه وهي تااشر:مو هذي نوف الي نزلت من سيارة الحلو.
حور تطالع الى وين اشرت دانه: والله صحيح نويف بسالها بعدين من هذا يالله ندخل.
دخلوا البنات وعلى طول شالوا عباياتهم وجلست كل وحده ترتب نفسها وكالمعتاد حور تعدل كحل عيونها
الي ماتستغني عنه وكانت عيونها جناان واسعه وحلوة والكحل يحليها اما اسيل بشعرها الي كل شوي
جايبته جهه وشكل وكل يوم مغيره لونه خصلاته وداانه تلبس بعقودها واساورها الي مالهم نهايه
وجاو ا 3 بنات من بعيد وشافوهم وقامو يصارخون:هلااااااااااااااااااا.
وقفوا عندهم وجلسوا يسلمون عليهم ويضحكون حور: هلاا بنوير هلا بفطووم.
نوره: هلافيك واختي زينب ماتستاهل سلام.
طالعت حور كانت زينب واقفه ويدينها على خصرها : زوبااااااا هلا ماانتبهت معنا السنه بالمدرسه اقول
منورين طلع النور منك .
زوبا: لا بدرري انت ودووينه مسووين ماتعرفوني شدعوه؟
داانه تلعب بشعرها الي كان لونه بني وقااصته بوي طالعت زوبا: ماانعرفك حنا ماانكلم الا الي طوولنا يالقزمه
جلسوا يضحكون شووي الا نوف من وراء حور توقف:صبح صبح بالخير.
التفت حوور وصرخت بنفس الوقت هي ونوف واحضنوا بعض مده طوويله فطوم تطالعهم وسوت نفسها
زعلانه: الله لنا وانا يا حووير نسيتيني حتى
ماقلتي ضعفتي شوويه شووفيني.
حور تركت نوف وراحت لفطووم وحظنتها بقووه فطوم صديقه حور اكثر من نوف وعقدتها انها شوويه
متعافيه وجسمها مليان غير بااقي الشله حور متعلقه بفطوم لان فطوم فاقده امها ومااعندها خوان غير اولاد
حوربنسبه لها كاخت قبل صديقه , داانه تطالع فطوم وحور: خلصونا من الافلام الهنديه سالي نوف سريع.
نوف: شنو تسالني شفيكم؟؟
حور تركت فطوم: صحيح من الي موصلكم عذاااااب يانوف من هذا اخوك؟
نوف ماتت ضحك: هههههه ياليت اخوي هذا ولد عمي عبدالرحمن موصلني انا واخته.
دانه:متزوج نووف؟
نوف: لا شعندك؟
دانه تصفر بقوة: ونااااااسه بيوصلكم كل يوم؟
ماتوا من الضحك عليها نوف وهي تضحك: ههههه لا بس اليوم.
داانه: حساافه.
نوره: نوف في بنت تناديك .
نوف التفت شاافتها بدور واشرت لها تجي عندهم جات بدور وسلمت من دون نفس عليهم انحرجت نوف
من حركات بنت عمها لكن حور حست فيها وانقذت الموقف: هلا اكييد انتي بدور.
بدور: ايوا انا بدور.
جلست حور تعرفها عالجميع بعد مااخلصت اخذت زوبا بدور ومشت لانها كانت تعرفها من قبل ونوف
ساكته اما داانه تطالع بس بعدوا قالت: والله حاله من هذي ياحليلها؟
قالت نوف وهي تضحك: ههه هذي اخت الحلو الصغيره.
قامت داانه سريع: اجل سلاام خل اروح معهم لايضيع اخوها مني.
وراحت وراء بدور وزوبا والبنات ناقعين ضحك عليهاوعلى حركاتها.
اجلسوا البنات يسولفون عن الاجازه والي صار فيها الى ان ابتدات الحصص وقاموا لفصولهم
كانوا بدور الاول
يمشون الا دانه تنادي من بعييد: ياهووووو ياهووو.
وقفوا لها يناظرون شكلها وهي تاشر وتصارخ حتى وصلت عندهم دانه: تعبت راح صووتي ماتسمعون؟
اسيل: بنات هذي تفشل بالله ذي بنت سوو نفسكم ماتعرفونها وامشوا عنها .
هنا دانه عصبت والبنات ضحكوا عليها وتركوها بيمشوون الا زوبا تنادي حتى هي من بعييد: ووويت جيرل.
ارجعوا وقفوا ثااني هالمره تكلمت حور: شفيكم ثنتينكم تصاارخون فشلتونا الله يفشلكم.
زوبا: النجده ..انقذونا..
دانه وهي تتقدم لعند زوبا وتمسك كتفها وتسوي نفسها مسكينه: صح انقذونا.
اجلسوا يضحكون على كلامهم زوبا: جد ترى مااعرف ووين اجلس وفصلي.
اما داانه مخربه الدعوه كثيرر: وانا اعرف فصلنا بس ضعت المدرسه هنا غير كبيره.
والبنات شادين بطونهم ضحك من هبال دانه وزوبا نوف:ههههههههههه ماقلت لكم بنرعى بزران الله يعين؟
داانه: بزران بعينك .
زوبا: الشرها علينا بس دووينه سكتي محتاجين لهم بعدين نتهاوش .
وهم واقفين جتهم المرشده وعصبت عليهم ليه واقفين وماادخلوا فصولهم وقالت لهم يروحون الفصل
ومشت عنهم بعدها مشوا ا وتركوا دانه وزوبا لحالهم وهذيلك ينادون: هي وحنا؟
التفت حور عليهم: خلوا حليب السعوديه يابابا ينقذكم.
وراحوا عنهم طالعت دانه زوبا وهي معقده حواجبها ومتخصره :ووين الان؟
زوبا:ووين بعد؟ بنمشي الى ان نعرف سجنا الجديد امشي.
وراحوا يحوسون على المدرسه الى ان شافوا بدور جالسه وعرفوا فصلهم دخلوا وجلسوا معها وكانت سااكته
اما زوبا من دخلت شغاله تتعرف على كل وحده ودانه وراها لكن بعدين جلست عند بدور ونفسها تهذر
لكن ملامح بدور ماتشجع بس دانه اللسانها مايسكت: اقول بدور شخبارك؟؟
بدوروخلقتها فووق: بخير.
داانه :الحمدلله ..ونااسه صح كلنا في نفس الفصل وجالسين قريب بعض؟
بدور بنفس الاسلوب الجاف: عادي.
هنا داانه حست نفسها متحمسه على الفاضي مع هالسخيفه ومالها داعي تتكلم مع الطاوله احسن لها
طالعت بدور وابتسمت لها وقامت حق زوبا الي ماتم بنت مااعرفت اسمها زوبا شافت دانه سااكته
مو عادتها : الوو شفيك؟ سااكته.
داانه: ياربي مااشفت بارده وسخيفه مثلها شلون صادقتيها زوبا.
زوبا:ههه من؟ بدور بالعكس طيوبه مااعرفتيها زين.
داانه وهي متنرفزه: أي طيوبه الله يسلمك هذي الطيبه تشوفها تنحاش.
زوبا ضحكت من كلام صديقتها:ههه ههه اكييد مااعجبتك لانها مااعطتك وجهه هي طبعا كذا هااديه وماتحب
تتكلم كثير غير عنك.
دانه مااقتنعت بكلام زوبا ومازالت متنرفزه من حركات هالبدور الي شاايفه نفسها:استريحي بس قال هااديه.
شوي الا بدور جات لعندهم وهي مبتسمه ومسكت كتف زوبا وداانه ووقفت بوسطهم: هاا شتسولفون فيه؟
زوبا تبتسم وتطالع داانه: ولاشي سلامتك .
بدور: عادي بسولف معكم؟
داانه تطالع في بدور وتبتسم وتقول بداخلها ياكرهك وثقل دمك.
اما زوبا ردت عليها: حيااك.
وضلو يسولفون مع بعض ومن بعدها اتفقوا يروحون للباقي راحوا ولقوهم جالسين برا وجلسوا معهم
دانه وهي ترفع صووتها: عرفنا فصلنا ولا منت بعض النااس يازوبا.
وهم مطنشينا وطايحين سوالف ونوف مستغربه من بدور الى جالسه معهم خلص اليوم وكل وحده بتروح
لبيتهم زوبا ونوره اول من مشى ومن بعدها نوف وبدور الي جااهم سواق بدور والباقي مااوصلت سياراتهم
اسيل: اووف حرر ومااحد جا يوصلنا شالحاله.
حور ولابمهتمه في الوقت وتسولف مع فطووم اما داانه فالحر والملل مسكتها جالسه وتمسح وجها بمنديل
كل شووي
طالعت حور: شفيكم كذا؟
اسيل: ولاشي بس بنموت حرر ومااحد جا لنا.
داانه: انتوا قلتوا لمن يجي يااخذنا؟
طالعوا بعض وتذكروا هم ماقالوا لااحد يجي انصدموا طالعت اسيل حور: قلتي لااحد يجينا؟
حور وهي متوهقه: لا انتي قلتي علي بيوصلنا فكرت خلااص بيجي بعد يااخذنا.
داانه: ياسلاام على الغبااء يعني مااحد بيجي؟
فطووم: عادي روحوا معي ماصار شي؟
دانه: هه هه ضحكتيني والله لو يدري بو جاسم يذبحنا.


التعديل الأخير تم بواسطة هوازم ; 10-23-2014 الساعة 12:49 AM. سبب آخر: خطاء في الترتيب
 
قديم 10-23-2014, 12:53 AM   #3

هوازم


رد: "مال الهوى عندي عذر ".


"مال الهوى عندي عذر ".

حور تضاايقت من طااري ابوها لان علاقتها فيه شبه معدومه وقالت:عادي بنروح مافيها شي.
داانه واسيل استغربوا من كلامها داانه: على كيفك وابوي؟
حوور تحولت لانسانه ثاانيه: ابوك بروحك ولايدري رحت جيت ميته قال ابوي انا بروح ولاعلي من احد.
الكل انصدم من حور واسلوبها في الكلام عن ابوها صحيح هي ماتميله بالحييل بس مو لدرجة التبري منه
ولاكأنه ابوها سكتوا كلهم ومااحد علق اما داانه زعلت وعصبت لانها كانت متعلقه في ابوها ومااحبت
كلام حور وفطووم ضااعت في الموقف وحور الحزن خلاها تروح لعالم ثااني ماكسر هالصمت الا اسيل
الي قامت عنهم نادتها فطوم: ووين تعالي؟
اسيل تطالع حال بنات عمها كيف اعتفس : بروح اتصل على احد يااخذنا؟
فطووم محتاره: يعني ماراح تجون معي السياره فااضيه والحين بيجي ابوي؟
اسيل طالعت حور وداانه : مشكوره ماايحتاج.
فطووم حست بتوتر الجو ومااحبت تطول في الكلام: براحتكم انا بقوم بعد اكييد جاني الان.
وراحت اسيل تتصل وفطووم مشت لبيتهم بعد ماجاها ابوها وحور وداانه على حالهم جالسين وسااكتين
الى ان جات اسيل : يالله قوموا هذا ابوي دقايق ويوصل.
قاموا وشوي الا عمهم وصل وركبوا وهم سااكتين على غير عوايدهم واسيل كل دقيقه طالعت حور الي
عيوونها شووي وتمطر دموع من الحزن الي فيها بو اسيل حس بالتوتر وحب يكسره
بو اسيل: شخباركم يابنات مع اول يوم؟
حور ودانه بهمس: الحمدلله.
شاف ان ابدد الجو مايساعد وحالهم مقلوب سكت وصلوا لبيت حور ونزلت هي واسيل اما داانه سااكته
اسيل: داانه نزلي معنا وكلمي البيت قولي لهم انك معنا؟
حور تكلمت هنا: انا تعباانه بنام وبعدها بكون مشغوله ماافي يعني أي جو في بيتنا اعتقد.
داانه انقهرت من كلام حور وحبت تقهرها هي بعد: انا ماابي انزل وبعدين ابوي ماايتغدى الا معي؟
حور خلاص ماتحملت وسدت باب السياره بقوه بواسيل يكلم اسيل: وانتي ركبي روحي معي البيت يالله.
اسيل كان نفسها تروح مع بنت عمها بس مااحبت تعترض على كلام ابوها وحال بنت عمها معتفس
ركبت ونادت حور: حوور نلتقي في المسن الليله اوكي.
حور هزت راسها ومشت عنهم ومن بعدها مشى عمها ومااحد تكلم بعدها الى ان وصلوا شالت داانه شنطتها
وبتنزل ناداها عمها: داانه سلمي على ابوك وقوليله بمر عليه انا العصر.
داانه: ان شاء الله عمي .
وراحت بواسيل منصدم من حال بنات اخوه سال بنته: شفيهم بنات عمك؟
اسيل وهي متضاايقه : شقولك اليوم دانه جابت طاري عمي وحور اعتفس حالها وتهاوشوا بس.
بو اسيل كسر خاطره حال بنات اخوه وقال في داخله الله يهديك يا بو جاسم كل منك .
نرجع لحور مسكينه الي دخلت البيت وهي مو شايفه قداامها شافها اخوها محمد كذا وسالها:شفيك؟
حور بعصبيه مالها أي تبرير:ليه تشوف فيني شي؟
محمد متعجب:داخله لاسلام ولاكلام ونفسك بخشمك.
حور مو قاادره تتحمل تبي تروح غرفتها:اووه محمد مالي خلق هالوقت.
محمد سكت وماارد عليها صعدت للغرفتها وبطريق شافها جاسم وكان شاييل بنته على يده وبرضوا
نادها:حوور.
حور خذت نفس قووي ولفت عليه وحاولت تبتسم :هلا جاسم هلااا عبوره.
وباست بنت اخوها في خدها جاسم حس بنبره الحزن في صوتها لكن ماحب يسالها
وعرف انها تبي تكون لحالها واذا تبي تتكلم بتجي مثل عاادتها
جاسم: ماتبين غداء؟
حور: لا مو مشتهيه وفيني النوم.
جاسم مااطول ومشى وترك حور وهي راحت لغرفتها وبس قفلت الباب طاحت على سريرها وقامت تصيح
وهي مقهوره من الي صار من قلب لامت نفسها على كلامها لكن هي مااتحبه تكره مااعمرها حست
باتجاهه بعاطفه بس شنو ذنب داانه تعاملها كذا انهارت حور بدموع مالها نهايه
وهي تصرخ بدااخلها: اكررررررهك اكرررررهك.
ونامت وهي بعبايتها وثياب المدرسه عليها وماجلست الا على اذان المغرب حست راسها بينفجر من الصداع
وعيونها مازال فيها دمووع قامت اخذت شور سريع وصلت واشغلت نفسها بكتب المدرسه خلصت منهم
وماالقت شي تسوويه وماتبي تنزل عند اهلها لان اكييد جاسم بيسالها شفيها احتارت شتسوي؟؟
طالعت السااعه وشافتها 9 اخذت الابتوب وجلست على سريرها ودخلت الماسنجر
شافت اسيل بنت عمها ونوف اون لاين وكانت مسجله باسم
( ليتني بسمه رسمها الخالق بشفاهك) وحور كانت باسم (قهر ماكنت ادري انا اعيش بدنيا كذاابه)
اسيل ترددت تكلم حور وتسالها عن اليوم او لا ضلت محتاره الى ان حور جات بنفسها تكلمها
(قهر ماكنت ادري انا اعيش بدنيا كذاابه): حيهم حيهم.
( ليتني بسمه رسمها الخالق بشفاهك): هلا وغلاااا بالحور اخبارووو؟
(قهر ماكنت ..):تماموو الحمدلله .
(ليتني بسمه..): دووم يالغلا..تاخرتي علي قلت اكييد مازالتي تعباانه.
(قهر ماكنت..): يسلموو ماتاخرت ولاشي بس كنت اجهز للمدرسه.
(ليتني بسمه..):يوووووه منك تعكرين الجو بهالطاري اسكتي بس لاتغثينا.
نوف كانت قايمه عن الجهاز وجات وشافت حور اون لاين وعلى طوول دخلت عليها تكلمها
( اتحدى من وصل قلبي وهز بااسي): مسيهم بالخيرررر .
(قهر ماكنت..):مسيهم بالنور والسرور..هلا رجه.
(اتحدى من..):هلابك وحاطه وجه معصب>>الرجه انتي.
(قهر ماكنت..):هههه ولايهمك رجه بس احلى رجه ولاتزعلين.
(اتحدى من..): ايوا خليك كذا سنعه وتكلمي زين مع عمتك.
(قهر ماكنت...): تخسين وضفي عني اكلم اسوول احسن منك.
(اتحدى من..):معك هي سوي لي دعوه.
وشوي الا اسيل معهم في المحادثه دخلت بازعاجها(ليتني بسمه..):هايووووو انا جييت اخبارك نوواف؟
(اتحدى من..):عليك الهااي ونوااف بعينك يا..
(ليتني بسمه..):يا..شنو كان في خشمك خير قولي ؟
(اتحدى من..): في خشمي خير وبقولها.
وعلى طول في احد سوى تسجيل دخول باسم(ماتهمني الاسباب قلبي انجرح منك ونزف عتاب)
استغربوا من هذي؟ حور شافت الايميل كانت اختها داانه مااحبت تطوول وعلى طول كتبت للبنات
(قهر ماكنت..): يالله بايوو انا طالعه.
(اتحدى من..):ووووين ؟؟ تو الناس.
بس حوور ماسمعتها وعلى طول طلعت وقفلت المسن ورجعت لها الضيقه اما نوف استغربت من حور
وسالت اسيل(اتحدى من..):شفيها حوور مو عوايدها؟؟
اسيل مااعرفت شنو تقول لها(ليتني بسمه..):هاا ولاشي بس يمكن مشغوله ..حتى انا بطلع بايوو.
وطلعت هي الثانيه علشان ماتسالها نوف اكثر نوف استغربت منهم ومالقت الا داانه تكلمها راحت لها
(اتحدى من..):هايووو دندونه اخبارك؟
(ماتهمني الاسباب..):عليك الهااي تماموو بشوفتك انتي بشريني عنك؟
(اتحدى من..):دووم انا بخير الحمدلله.
وجلسوا يسولفون مده طوويله الى ان صار الوقت متااخر وطلعوا من النت لكن حور مازالت بغرفتها
والساعه الان 12 وهي مااجاها نوم وعشاء ماتعشت حست بالجووع وقررت تنزل تاكل لها شي وتحاول تنام
نزلت للمطبخ واخذت لها ساندويش وكاس عصير وراحت للصاله الي كانت هااديه ولافيها احد جلست
شووي الا جاسم نازل للصاله وانتبه فيها وراح لعندها وشافها تاكل وسرحانه
دخل وتنحنح:احم احم .
حور انتبهت رفعت راسها وشافته جاسم خلاص ارتبكت وقامت على طول وشالت كاس العصير
وقفها جاسم بيده واشر لها ووين؟؟
حور وهي مرتبكه وصوتها مخنوق: بروح المطبخ ارجع الكاس.
جاسم مااقدر يتركها وقالها بامر: جلسي ابيك.
حور عرفت ليه يبيها ونفسها تتهرب بس ماابتقدر جلست ساكته وجا جاسم وجلس جنبها وضل ساكت هو
الثااني ومن بعدها تكلم:حور شفيك احد مضاايقك؟ قوليلي الي بخااطرك؟
حور تذكرت السالفه ورجعت لها دموعها ثاني وما ردت على اخوها رجع جاسم يكلمها:حور انا جاسم.
قالت وهي موطيه راسها: ماافيني شي.
جاسم :طيب طالعيني اشوف وجهك.
حور رفعت عيونها وبس التقت في عيون اخوها نزلت دموعها وبدت تصيح وتشهق بقووه جاسم عرف
ان الي فيها شي كبير وضمها لصدره وهي تعلقت فيه وزاد صياحها وكل شووي شهقت وبعدها بدت
تقول من وسط دموعها: اكرررهه اكررهه ماابيه ابوي ابيك انت بداله انا احبك انت.
كلام حور بنسبه لجاسم سكانين تطعن في صدره خنقته العبره ودموعه الي ملت عيونه من عرف سبب
حزن حور ضمها بالحييل وقال:لا ياحور مهما كان هذا ابوك مايصير تكرهينه عيب عليك.
حور وهي تشهق وتتعلق بجاسم اكثر:ماابيه مااحبه هو تركني وانا بعد ماابيه.
جاسم يهون عليها: حبيبتي هو ماتركك ولاتقولين مااحبه ازعل منك.
حور زاد صياحها وجاسم مو عارف كيف يهديها:حور خلااص هدي شووي .
حور مو قادره توقف موجة الدموع الي جاتها قالت:جاسم انا اشتقت له ابي اشوفه مثل داانه ليه ماايعاملني
مثلها يخاف عليها يطلع معها يسولف معها شمعنى انا من زماان مااشفته حتى يمكن شكلي ماايعرفه
انا مااسويت له شي ليه يسوي فيني كذا انا احبه وابيه بس هو ماايبيني يكرهني وانا بكرهه.
وارجعت تصيح وتشهق وجاسم ماتحمل يشوف حال اخته رفع راسها له وقال لها: انا احبك وابيك ولا ماتبيني
وماتحبيني انا بعد؟ انا قصرت معك بشي ؟انا بضل معك خلااص وهو مايكرهك وماتدرين عنه اكييد يحبك
انت بس ذكري ربك وتعوذي من بليس .
حور سكتت لكن دموعها ماوقفت وتمت بحضن اخوها مده طوويله ومن بعدها سالت جاسم
حور: هو طلق امي بسببي صح؟
جاسم:لا من قال طلقها بسبك؟
حور:هو مااطلقها الا يوم ولدتني يعني انا السبب .
ورجعت تصيح من جديد جاسم سكت وجلس يمسح في دموع حور الي مو راضيه توقف
جاسم:حبيبتي ابوي ماطلق امي الا بسبب خلاف بينهم مو بسببك والي هو خالي وانت عارفه هالشي
وعارفه بعد ان ابوي زعلان علي لاني تزوجت ساره بنت خالي وهو على خلاف معه.
حور سكتت:وليه ماايحب خالي؟
جاسم: خالي من ابوي تزوج امي وهو مايحبه وماكان راضي بابوي والسنين زادت البغض.
حور لاول مره تسمع هالسالفه بدت تنشد وسالت جاسم:طيب ليه ابوي طلق امي؟
جاسم بعد عن حور وقام وقف على طوله وتم سااكت من بعدها قال: يوم امي كانت حامل فيك صار هواش
بين ابوي وخالي وامي وقفت مع خالي الي قال امي ماتتم مع ابوي الا لمن يطلق خالتي ام علي ابوي رفض
وخالي وامي زادو في عنادهم وابوي مثلهم وتطلقوا وصار الي صار ومن بعدها ابوي زعل مني
لاني اخذت ساره وانا كان مستحيل اتخلى عن الانسانه الي حبيتها من صغري .. بعدها سكت جاسم
واخذ نفس والتف على حور وهو مبتسم وقال: يعني مو انتي السبب وتركي عنك هالكلام وقومي
ناامي اخرتيني واخرتي حالك وراك بكره مدرسه يالله.
حور قامت وباست جاسم على جبهته بقوه وراحت لغرفتها وهو جلس والدموع محبووسه في عيونه
كان يقول بداخله:الله يسامحك يبه حور ماتستاهل كل هالجفا منك الله يسامحك.
اما حور انسدحت وهي تفكر في كلام اخوها وحست انها ظلمت دانه لانها مالها سبب بالي يصير
وماجاها نوم الا بعد ماقررت تعتذر منها بكره .
اما دانه نامت وهي مقرره ماتكلم اختها بكره في المدرسه بسبب الي سوته.


التعديل الأخير تم بواسطة هوازم ; 10-23-2014 الساعة 12:54 AM. سبب آخر: خطاء في الترتيب
 
قديم 10-23-2014, 12:56 AM   #4

هوازم


رد: "مال الهوى عندي عذر ".


"مال الهوى عندي عذر ".

في نفس الوقت كانت سمر جالسه مع اخوها عبدالرحمن بغرفته تسولف معه وتتحلم وهو يستمع لها
ولتخيلاتها الي ماتنتهي سمر علاقتها قوويه باخوها وتتكلم معه بكل شي يخصها
سمر وهي جالسه على السرير ومقابله عبدالرحمن:ااه يااخوي بس ومحسوب عندي اخت
عبدالرحمن عارف قصدها بس حب يستهبل عليها ويجننها:ليه؟
سمر طالعته وعقدت حواجبها:ليه يعني ماتدري ليه؟ماتعرف اسلوب اختك بدور تحطم الانسان واللسانها سم.
عبدالرحمن يهون على اخته:طيب شلك فيها عندك ام ريان اتوقع بتفهم عليك اكثر من بدور .
سمر:هه هه صاير تنكت يعني غيرت هذيك اكبر نذله باالتاريخ تبيني اتكلم معها ومن بعدها تسويلي سالفه
شفيك انت اليوم؟ تتكلم ولا كانك تعرف طبايع ام ريان وبدور نفس الطينه.
عبدالرحمن طالع اخته ولا رد عليها وانسدح وغطى وجهه باللحاف هي عصبت وضربته بقوة
واسحبت اللحاف:ووجع اكلمك ماتستحي تغطي وجهك ولاترد؟
عبدالرحمن طالع اخته وقال:والله حاله في الدوام مقاابل وجهه احمد وافكاره المتحجره وباللبيت
اجلس استمع لحرمه المصون وكلامها الي على الفااضي ياارب رحمتك.
سمر قامت عنه وهي معصبه:الشرها علي اتكلم معك واحمد يجنن وشحلاته .
وطلعت وسدت الباب عبدالرحمن طنشها وتلحف ثااني ونام وهي اتصلت على نوف بنت عمها
وجلست تسولف معها عن الزواج وتجهيزها له
نوف:بااقي بس شهر وبتتزوجين وتصيرين معي في البيت ونااسه.
سمر: بس شهر احسه قليل بالاول انتظره والان احاتي وربي خاايفه.
نوف:شدعوى بالعكس جوو ليتني بدالك.
سمر:ههه صحيح خبله استحي بس.
نوف تصفر:اووه من متى صارت سمر مراه وتقول استحي؟
سمر وهي تضحك: ههههههههههههههههههههه من زماان .
نوف:بااين المهم بااي بنام للمدرسه وبعدين بو احمد عصب علي يالله.
سمر:قولي ابوي مو بواحمد وصحيح تاخر الوقت وراك دوام.
نوف:بكيفي مع ابوي وشدخلك ومااخرني الا انتي يالله سلاام.
سمر :سلاام وسلمي على حوور اشتقت لها.
نوف :اوكي يوصل باي.
وقفلت التلفون وقامت قبل لايرجع ابوها ويشوفها يكفي معصب بسبب ناصر الي متاخر وماارجع البيت
والاخ نااصر كان مع ربعه في الشوارع وكانت هذي عوايده مايرجع الا الفجر والكل صار عارف
طبعه ومايسال ووينه الا ابوه الي بين كم يوم يعصب عليه.
.......
جا الصباح و جاسم قبل لايفطر راح لحور غرفتها عشان يجلسها من النوم ويطمن عليها دخل وشافها نايمه
جاسم:حوور حوور اصحي استوى الصبح حورر.
حور مانامت الا متاخره فمالها خلق تقوم حور:بغيب اليوم ماابي اروح المدرسه.
جاسم يسحب اللحاف عنها:قوومي ماعندنا احد يغيب ويالله انا اليوم بوصلك بنفسي.
حور قامت سريع وجلست:صحييييح انت بتوصلنا الحين اجهز سريع ونمشي وقامت من سريرها.
جاسم حتى هو قام بيطلع من الغرفه:يالله انتظرك على الفطور.
حور:اوكي يالله دقايق.
راح جاسم وجلس على الفطور مع اهله ودقايق الا جاتهم اسيل وابوها دخلت وعلى طول جلست
معهم للفطور هي وابوها
اسيل:ووين حوري؟
محمد وهوياكل ويذكر اسلوب اخته امس:فووق امس هدت جنانيها علي ومااشفناها.
جاسم:الحين بتنزل .
ونزلت حور وهي متجهزه حتى عبايتها لابستها طالعها جاسم:الله كل هذا نشااط ؟
حور سلمت على الكل وجلست :يالله نمشي.
جاسم:ووين فطري قبل ويصير خير يالله.
فطروا كلهم ومن بعدها طلع عمهم ومن بعده محمد الي راح جامعته وبعدين مشى جاسم والبنات
حور في السياره:جاسم ماعليه تمر داانه تروح معنا؟
جاسم:تامرين.
اسيل ابتسمت وهي تقول بداخلها :داايم قلبك طيب ياحور وتسامحين ياحليلك بس ليتني مثلك.
وصلوا ونزلت حور تنادي لدانه دخلت البيت وشافت ام علي وسلمت عليها وسالتها عن دانه
شووي الا داانه نازله وشافت حور استغربت شتبي مني جاايه من الصباح
حور:داانه هلا
دانه:هلا خير ؟
حور عرفت ان داانه مازالت مااخذه بخاطرهها من امس:دانه تروحين معنا جاسم بيوصلنا.
دانه ساكته وماترد حور ارتبكت وحست انها لازم تعتذر لاختها
حور:انا اسفه ماكان قصدي امس اسوي كذا.
داانه:لا عاادي ماصار شي.
حور تبتسم لاختها:يعني بتجين معنا ؟
دانه بادلت اختها الابتسامه:ايوا بس اجيب شنطتي.
وراحت عنها مشت حور بتطلع الا دخل ابوها الصاله الي هي فيها وكان اصدمت فيه رفعت راسها ولقته
هو وراحت فرحتها ولمعت دموعها سلمت عليه ببرود حتى مامدت يدها وكملت طريقها وهي بتطلع للشارع
شافت داانه تبوس خده وهي تضحك وتسولف معه وتمزح وهو يضحك معها حست بالظلم في داخلها
ومااعرفت شتسوي وطلعت اركبت السياره وهي سااكته من بعدها ركبت داانه ومشوا
وتمت دانه واسيل وجاسم في سوالف وحور رايحه بعالم ثاني فيه هي وجرحها بس.
وصلوا المدرسه ودخلوا واول من شافوا نوف الي كانت جالسه مع نوره وفطوم راحوا لعندهم وجلسوا معهم
داانه::ووين زوبا.
نوره:مع بدور هناك.
قامت داانه عنهم نوف جلست جنب حور واحتارت في سكوتها فطوم انتبهت فيهم وتركت نوره واسيل
يسولفون وهي التفت على حور تسالها:شفيك؟
حور بضيق:ولاشي سلامتك.
نوف:كذاابه من امس مو على بعضك وليه طلعتي سريع من المسن؟
حور:ولاشي بس كنت مشغووله .
نوف: خليها على راحتها بس المهم سمور تسلم عليك.
حور:الله يسلمك ويسلمها .
دق الجرس وقاموا وحور ماجاوبت احد على اسالته ومر اليوم عليها مثل الدهر
جلست في الليل تفكر ومتضايقه مرره قامت واتصلت على نوف
حور:الوو
نوف:هلا وغلا الووين
حور:اخباروو؟
نوف:تماموو بخير بس حور اكلمك بعدين انا مستعجله تامرين حاجه؟
حور ماكان ودها تقفل تبي تسولف:امم اوكي بس عطيني رقم سمر .
نوف:اوكي اخذيه *******
حور:شكرا بايووو.
قفلت واتصلت على سمر وتوقعت هي الي ترد للذلك بس نرفع الخط صرخت
حور:سبراااااايس سمور .
...:من معي؟
حور انصدمت صوت رجال فشيله بس كان صووته حلو مره احتارت شتسوي
حور:السلام.
..:وعليكم السلام .
حور:موجوده سمر؟
...:لا طالعه بس من اقول لها؟
حور استحت من حركتها الغبيه:قول لها حور ولو سمحت ممكن تخليها تتصل فيني؟
..:اوكي.
حور:شكرا.
وقفلت الخط اما الي رد كان عبدالرحمن الي سمع صوت حور وانتقل لعالم ثااني حس بشي غريب بداخله
وجلس يفكر من هذي واول مره اسمع عنها ماتكلمت سمور عنها حور اسمها حلوو وصوتها رووعه
وتم جالس يفكر ودخلت بدور وشاافته:سلاام
عبدالرحمن :هلاا
بدور:شفيك جالس لحالك مو من عوايدك؟
عبدالرحمن قام بيروح غرفته قال:سلامتك بس اذا شفتي سمر قوليلها وحده اتصلت عليها اسمها حور.بدور
استغربت كيف حور تعرف سمر:اوكي بس متاكد حوور؟
عبدالرحمن:ايوا.
وراح لغرفته وهويحس بشي غريب دااخله وحور مسكينه انقلب حالها من اسمعت الصوت وجلس يتردد
في راسها نبرته وتذكرت الموقف انحرجت ولامت نفسها بس ذيك الليله من يجيه النوم حور الي نفسها
تتصل ثاني عشان تسمع صووت الي رد عليها ولا عبدالرحمن الي نفسه يروح يسال اخته من حور هذي؟
- حور عبدالرحمن؟؟؟>>>شنو بيصير
-من البنت الي بتنضم للشله ؟؟
-من الي بينزف جرحه ؟؟
-وهل الجميع بيتم حاله مستقر مثل ماهو؟؟؟؟؟
-ومن يخبي اسرار؟؟
البارت الثاني..
(2)
احتجت اليك..لكنك عني تخليت .
احتجت اليك..تضمني الى صدرك وتوقف حزني انت .
احتجت اليك..لكي انام بعد البكاء كالاطفال بين ذراعيك .
احتجت اليك..تتحدث معي تمسح بؤس دموعي اذا من الدموع مليت.
احتجت اليك..ااااه.. وكم تمنيت ؟؟
لكنك اين كنت؟؟.. عني تخليت.
مسحت دمعه نزلت من عينها وتنهدت وسكرت الدفتر وجلست تفكر يااربي ليه انا؟
ووينك يبا كل هذا ماتهتم بوجودي؟ يبا انا محتاجه لحبك وحضنك مثل داانه انا مالي
ذنب في ماضيكم متى يجي اليوم الي تنتبه لي فيه وتعطيني شووي من حنانك هه
بتزفني في عرسي اكييد مثل كل البنات ولا برضوا ماراح اشووفك ولاتبارك لي
هزت رااسها عن كل هاالافكار وطالعت الساعه 11 اكييد سمور ماراح تتصل
وتذكرت الي رد عليها من قبل ساعه وانحرجت بس صووته مازال يعزف دااخلها
من الي رد؟؟ أي واحد في اخواانها ؟؟هههه الي يشوفني اعرفهم كلهم بس لازم
اعرف من بسال بدور بكره لا شنو بدور هذي بروحها مالها خلقنا بعد اسال عن
اخوانها بسال نوويف الحماره الي طلعت تحووس ومخليتني بهالزهق والملل
ابي اعرف بمووت لو مااعرفت وليه اللقافه واذا عرفت من شنو بيصير
وشنو الفرق ؟؟ ياااربي بقوم اتصل مره ثاانيه يمكن يرد هو وبستهبل بقول من معي؟
لا مايصير اساله لا بقوله يعطيني بدور . اخذت التلفون ومسكته مده طووويله متردده
تتصل او لا ومن بعدها اتصلت وهي متوتره يرن ومااحد يرد ماايصير ناموا
مايردون انرفع الخط:الوو
حور مشبها على الصووت بس مضيعه:الووو
..:الووين من معي؟
حوور عرفت راعيه الصووت واستغربت: هلااا فطووم شتبين؟
فطووم مستغربه من هالسؤال الي كله غباء:هااا شنو ابي؟ انتي الي متصله شتبين
هههه حوير لاتستهبلين شعندك فيني النوم وقطعتيه علي؟
حور فهمت السالفه وجلست تضحك على نفسها:هههههههههههههههههههه هههههه
فطووم وهي فاتحه فمها تتثاوب من النوم ومستغربه من حور واتصالها
حور: ههه فطيم نسيت بتصل بيت بدور اتصلت بيتكم ههه يالله ضفي وجهك عني ههه
فطووم حبت تطوول مع حور: ماادريت ياحوور تحبيني هالكثر حتى رقمي تهلوسين فيه
حبيبتي لاتخاافين مابتركك جنبك ومعك على طوول ههههههههه.
حور: ههه مصدقه الي جاابوك يالله انقلعي بس.
فطوم وبكل خبث: اممم حوير شعندك مع بدور؟؟ مو خابرتك صدااقه معها هاا اعترفي؟
شناويه عليه ؟؟
حور احتارت تقول لفطووم بالي بتسوويه ولاتسكت قامت تفكر تقول ولا لا
فطووم:الوو هي الله بالخير شكله سر خطير اعترفي ياحور لا وراك بكره عقااب.
حور تضحك من كلام فطووم : ههه ماافي شي سالفه عااديه ههه.
فطووم:يالله عاد حوير قوولي لي.
حور :يالله بايوو انت قايله فيك النوم شلك بالسوالف يالله .
فطووم:لااااا حوور النوم رااح ماافيني قوولي.
حور سكتت ومن بعدها قررت تقول ماافيها شي فطوم نفس هبالها ماراح تفرق لو قالت
لها :امممممم سمعي ياطويله العمر انا اتصلت بيتهم ابي سمر تذكرينها اخت بدور.
فطووم: وشلك فيها انتي؟؟
حور تنرفزت من فطووم: ببارك لها الخطووبه يالغبيه ولااتقطعين كلامي ولا بسكت.
فطووم: اها اسفين عمتي كملي بننطم.
حور: زين اكمل لك اتصلت ورد علي وااحد شكله اخوها بس صوووته حلوووو
ذبت منه وبس كلمته شووي وسكر التلفون وانا من سمعته مو جاايني نوم وابي اتصل مره
ثاانيه يمكن يرد فطيمم ابي اعرف من هذا؟
فطووم بدا حسها للشطاانه يشتغل:اممم ونااسه اتصلي وشوفي من يرد عليك وسالي
سمر هي رجه ولابتسالك شفيك تسالين عنه شراايك؟
حوور:امم ماادري انا فكرت اسوي كذا بس اتصلت وغلطت اتصلت بيتكم مع هالوجه.
فطووم طنشت حوور: المهم سكري سريع الحين واتصلي ياارب يرد عليك يالله .
حوور: اوكي بايوو.
فطووم:بايات وبس تسكرين منهم اتصلي علي انتظرك .
سكرت التلفون وهالمره تاكدت من الرقم واتصلت عليه يرن ومااحد يرد ردووا شفيكم
ياارب يرد هو مااحد يرد واخيراا رفعوه :الووو
حور:الووو..الخداامه ردت اووف شقولها هذي الحين .
الخداامه:الوو
حور:هلا ووين سمر؟
الخداامه: ماما سمر دااخل من يبغى؟
حور:نااديها قولي حور.
راحت الخدامه وحور تنتظر خااب املها تمنت هو يرد عليها شووي الا في احد رفع
السماعه حور انتبهت وجلست ترحب:حيهم حيهم سمور تو الناس تردين؟
...: هلا من معي؟
حور تغيرت الوانها وجلست تدعي على نفسها شالحظ مرتين بنفس الي اليوم اتفشل معه
يااربي شسووي البنت مالها وجه:الوو اسفه بس سمر موجوده؟
عبدالرحمن انتبه للصوت زين هي نفسها يالبى قلبي خل اطوول معها قلبي مو مطاوعني
تتصل مره ثااني ولا اسمعها صوتها زين
عبدالرحمن:لا عادي بس من اقول لها؟
حور تقول بداخلها يستهبل يعني مااعرفني: قولها حور.
عبدالرحمن قلبه فز وهي تقول اسمها :ايوا هلا تبيني اناديها لك؟
حور سكتت استغربت من سؤاله اكييد يعني ابيك انت ولا ليه الكذب والله ابي اسمع
صووتك انت كانك تدري وانتبهت لنفسها: هاا ياليت تناديها لو سمحت .
عبدالرحمن يدور أي شي عشاان يطوول:هي توها جاايه من السوق بس تامرين
انتظري شووي.
وحط السمااعه وقام ينادي لاخته وحور خلااص بتموت من الونااسه لانه رد ولابقادره
تنتظر اكثرر شووي عبدالرحمن راح لسمر غرفتها وطق الباب
سمر: هلا ادخل
عبدالرحمن دخل: سمر تلفون لك في وحده تبيك قوومي.
سمر: ان شااء الله
وطلع ورجع ثااني للسماعه وجلس يفكر ورفعها:الوو
حور بس تكلم ارتبكت:الوو هلا
عبدالرحمن: دقايق وجاايه.
حور:اوكي.
عبدالرحمن حط السمااعه وهو حااس ابدد ماعنده سالفه وكلامه ماله دااعي وجات سمر
سمر: الوو
حور:حيهم حيهم .
سمر بس عرفت صووت حور وجلست تصاارخ :حوووووووووور
وحور تصاارخ معها:سموووور
وعبدالرحمن جالس قريب سمر ويطالعها وسمر تصاارخ وترحب بحور وشايله المكان
بصراخها وازعاجها
سمر:ياالقاطعه ووينك ماالك حس ولاخبر
حور: لا والله انا ولاانتي؟ الي انخطبتي ونسيتينا مبرووك يالعرووس.
سمر من يطرون زواجها يصير وجها احمر:الله يبارك فيك وعقبالك وتو نااس تتصلين
تباركين .
حور:ههه ياارب ههه كثري منها عقبالي ههه
سمر:هههه استحي بس .
حور: هاا سمور متى الزواج ان شاء الله؟
سمر: اممم بعد شهر بالكثير لازم تجين حوير اذبحك اذا مااجيتي.
حور:اوكي بحاوول وان شاء الله بجي كم سمر عندنا.... وحده.
سمر: ايوا كذا الكلام اوكي .
حور:يالله تامرين شي اخليك الحين؟
سمر::ووويت مااسولفنا انتظري؟
حور:بعدين الحين 12 وانا وراي مدرسه مو مثلك اشوفك في المسن.
سمر:صحيح الوقت تاخر بس تعالي متى انت اون لاين؟
حور:اممم بكره الساعه 8 انا والشله كلنا موجودين نلتقي اوكي.
سمر:اوكي ورقم تلفونك عطيني اياه؟
حور: اوكي اخذيه*******
سمر:اها يالله بايوو
حور:بايات نلتقي على خير.
وسكرت التلفوون وتوها حاطه السماعه مكانها الا يرن وترفعه
حور:الوو.
فطوم:ياانذله حرقتي اعصاابي وينك مااتصلتي ؟هاا رد عليك؟
حور:كلتيني يمه توني مسكره و رد شتبين؟
فطووم:اقول بس خلصيني من طلع؟
حور ضربت رااسها:يؤيؤؤؤ نسيت اسال سمر
فطووم:ابو الدلاخه وانتي متصله ليه؟
حور:اووش اووش بس مسوويه انت الذكيه وماابي اعرف من زيين.
فطوم: عادي ماايهم براحتك يالله بااي بناام تاخرت.
حور وهي منقهره كيف نست تسال عنه وحطت عصبيتها بفطووم مسكينه
حور: روحي خمدي مع وجهك.
فطوم:هي انتي شفيك علي.
حور:اقول بس يالله يالله بايو.
وسكرت الخط وانسدحت وتلحفت وهي تفكر ومنقهره على غباائها كيف نست
جلست تفكر من هذا وتتذكر صووته وكلامه وكيف رد عليها وعقلها طااير فيه
كيف صووته فيه خشوونه ورجووله وفي نفس الوقت هاادي ونبرته رايقه
وظلت تفكر الى ان ناامت ........

 
قديم 10-23-2014, 12:58 AM   #5

هوازم


رد: "مال الهوى عندي عذر ".


"مال الهوى عندي عذر ".

عبدالرحمن مو احسن منها حال بس سكرت اخته واستلمها راح لها الغرفه وجلس محتار
عبدالرحمن:سمر من كنتي تكلمين؟
سمر وهي ترتب ملابسها الي شرت من السوق في دولابها ومااعطت الموضوع أي بال
سمر: حور.
عبدالرحمن: اها ادري حور بس يعني من هي؟
سمر:وانت شدراك انها حوور ومن قالك؟
عبدالرحمن ارتبك شيقول لها هذي الحين:هااا لاهي قالت لي قول لسمر تبيها حور.
سمر:ايوا.
عبدالرحمن:ماقلتيلي من هذي حور؟
سمر اتركت الكيس وجلست على السرير مع عبدالرحمن حست السالفه يبي لها قعده
سمر: شنو تبيني اقوولك؟
عبدالرحمن:يعني كم عمرها من هذي؟ من بنته يعني اول مره اعرف عندك صديقه
بهالاسم واشوفها تتصل عليك؟
سمر:وانت ليش مهتم يعني شعندك رحمانوو؟
عبدالرحمن مااعرف شيقول وكيف يتهرب وقام :اووه الشرها علي جااي اسولف معك
بس انتي مااتستاهلين يالله اروح انام ابرك لي منك.
وطلع وتركها وسمر متعجبه من اخوها شفيه هذا ؟
عبدالرحمن راح لغرفته وهو يقول صحيح مااعندي سالفه خل انام احسن لي ..
وحط رااسه وناام سريع لانه كان تعباان وبكره وراه دووام مع ابووه.
........
بالليل الكل يناام بس في عيوون تبقى صااحيه لان قلوبهاا مااتطيع سلطان النووم وهي
مشغووله وتعباانه مهما كان الانسان قااسي قلبه يلين بيوم في ذيك الليله كان بو جاسم
سهراان وتعبااان وهو يفكر ليش قلبي قااسي عليهم ولاكانهم عيالي ؟؟حراام الي اسوويه
بس مايصير ارجع لهم وامهم مع هوى اخوها هي الي اختارت لهم هالشي
بس حوور شنو ذنبها انا اعاملها بسطحيه لمعت الدموع في عيوون بو جاسم وهو
يتذكر بنته حور ياااالله شلون كبرت وصارت عرووس؟ من زماان مااشفتها وحتى
يوم شفتها مااعرفتها الا بعد مااقالت لي داانه انها حور شكثر تمنيت ياحوور
تسلمين علي زيين وتحبين خدي اخذك بحظني اعطيك الي شاايله لك في قلبي سنين
شكثر تمنيت بنت لي ويوم جيتي ياحور انحرمت منك وحرمتك مني ااه ياالحظ
شلون الدنيا مااترحم ماادري هي تعرفني ولا هي بعد مااعرفتني يوم شاافتني؟؟
نزلت دمعه من عين بوجااسم وهو جالس لحاله في ظلمه وكان سرحاان
نزلت داانه وانتبهت فيه جالس لحاله وراحت لعنده
داانه:ابوي شفيك جالس لحالك؟
بو جاسم انتبه لبنته وطالعها وابتسم ودااخله الف جررح على بنته الثاانيه
داانه: السااعه 12 ونص وانت صااحي غريبه يا بو جااسم؟
بو جاسم مسح على وجهه بيده وقاام
بوجاسم:لابس كان ماافيني نوم وجلست شووي هنا انتي ليه صااحيه لهالوقت؟
داانه وهي تلعب في اصابيعها:انا كنت ناايمه وحسيت بالجووووع قلت انزل واكل.
بو جاسم مسك يده بنته ومشى للمطبخ:يالله نااكل وناام حتى انا جاايع.
ودخل معها المطبخ وجلس وداانه افتحت الثلاجه وطلعت عصير وصحن معكرونه
كان موجود وحطته بالمايكرويف لما يسخن وجلست قبال ابوها وهو يطالعها
وقلبه يعووره لو حور معنا الحين ماكنت احاتيها ؟؟
داانه صبت عصير بالكاس وعطته ابوها اخذه وشرب منه وقاام
داانه:ووين؟؟مااكلت معي؟
بو جاسم:لا بس بناام اكلي انتي عليك بالعاافيه.
ورجع للدانه وسالها: داانه شخبار اختك حور؟
دانه:بخير الحمدلله.
بوجاسم: الحمدلله وشخبار دراستها؟
دانه:مااينخاف عليها هذي يمه ماشاء الله .
بو جاسم:الحمدلله.
وطلع دخل غرفته حط رااسه بيناام لكن وووين يناام وبنته بعييده عنه
واليوم يشووفها ولاحتى يسلم عليها ويااخذها بحظنه.
...................
كانت تكلمه في جوالها وتضحك:ههههههه لا بعييد الشر عنك.
سعد:ههه تسلمين حبيبتي بس كل هذا تخاافين علي؟
لمياء: وشرايك؟اذا مااخاف عليك اخاف على من؟
سعد وهو يرفع صووته:الرحمه ياااربي امووت فيها انا.
لمياء استحت وجلست تضحك:ههههههه بس عاد خلااص.
سعد: يااقلبي تضحك بتموتني .
لمياء :سعددد خلااص.
سعد:عيوون سعد قلب سعد امرري تدللي؟
لمياء ذاابت حيا:بس يالله انا متوتره من بكره المدرسه اول يوم لي فيها جديده علي
شسووي؟ احس ماعندي احد هناك؟
سعد:لاتحاتين بتلقين هناك ربع وانت يااعمري تنحبين سرريع.
لمياء: جد تتوقع؟
سعد:ايوا وبعدين موتقولين بنات خالتك نوره وزينب معك؟
لمياء:ايوا بس مااعرفهم
سعد:ياحبيبتي لو عندي اخت كان خليتها تروح معك بس مااعندي احد لااخو ولااخت
لمياء:ليت عندك بس خلك انا اختك واخوك وامك وكل شيييي.
سعد:يااااقلبي انا يالله دام تحبيني كذا قولي لي؟
لمياء:شنو اقوولك؟
سعد:قوليلي احبك سعد.
لمياء صار وجهه احمر واستحت:سعد يالله باي تاخرت وراي جلسه الصباح.
سعد:لااا لااا قولي لي سعد احبك.
لمياء:لا
سعد:تقولين ولا وربي...
لمياء:ولا شنو شبتسووي؟
سعد:شبسوي؟امم انا ولد جيرانكم الحين اخطر هاالجدار الي بينا واجيك ومااطلع من
بيتكم الا لمن تقولين لي احبك وتعطيني بووسه بعد.
لمياء:هههههه اقوول يالله باي يالمتهور.
سعد:يعني مو قاايله يالله تصبحين على خير يااقلبي.
لمياء:وانت من اهله انتبه على نفسك.
سعد:تاامرين وانتي بعد.
لمياء:سعدد احبك.
سعد: يااعمري وانا احبك يالله احلام سعيده فيني هههه.
لمياء :اوكي بايوو حبيبي.
سكرت منه وهي تبتسم وتحس قلبها من كثر ماايدق بيطلع من مكاانه لمت مخدتها
لصدرها بالحييل وطالعت صورته في جوالها وقالت:تصبح على خير حبيبي وباستها
وحطت الجوال وناامت وانتقلت للدنيا كلها احلام فيها هي وسعد..
( لمياء بنت عمرها 17 سنه تصير بنت خالة نوره وزينب بس مايعرفون بعض كثير
بسبب تفرق العايله لمياء بنت رومنسيه وطابعها الهدوء والحيا مااتحب تناقش أي
شي يخصها وحسااسه مره وسريع تنجرح تحب سعد ولد جيرانهم 25 سنه وحيد
امه وابوه وقريب يتقدم لها رسمي عندها اخو واحد اسمه سيف 22سنه نايس وكوول
همه ربعه وطلعاته)..
سعد بس سكر من لمياء ويدق جواله ثااني رد عليه
سعد:هلااا حموود.
محمد:هلا وغلا باكبر مغازلجي في الديره.
سعد:هههههههه يقطع شرك يا حموود.
محمد:علينا ياالبريء يالله قوولي من كنت تكلم كل هالمده؟؟
سعد: مااحد وانت شعليك مني؟
محمد: زييين نشوف يا سعد المهم ووين سيف مااشفته تعبت اتصل فيه؟
سعد: ماادري عنه هو معك بالجامعه ولامعي؟
محمد: معي بس ولد جيرانكم .
سعد: وولد جيرانه ماادري عنه انا ابتلشت فيك ليت سيوف مااعرفك علي .
محمد:هههههه هههه ادري تحبني مو من قلبك.
سعد:هههه هههه هين بس وينك انت الحين هاا؟
محمد:بالاستراحه مع الشباب تجي معنا؟
سعد: الوقت متااخر بس بشووف وينه سيوف واكلمك اوكي .
محمد:اوكي يعني انتظرك مع الشباب.
سعد:اايه دقاايق وحنا عندكم.
سكر الخط واتصل في سيف وهذاك حااطه على السايلنت وناايم اتصل فيه مره ثاانيه
وماارد طنشه واخذ مفاتيح سيارته وراح للشباب الاستراحه وبس دخل
سعد: سلااااام عليهم.
الشباب:هلااااااا وعليهم السلام .
محمد جا وفي يده قوطي بيبسي وبس شااف سعد راح له يسلم عليه حضنه وقام يرحب
محمد:هلاااااااا سعد اشتقنالك اخيرا نور المكاان.
سعد: تشتاق لك العافيه يابو جسووم وبعدين منور المكان فيك.
محمد:هههه انا عاارف يااخوي ماايحتاج.
سعد: اها بس لايكثر.
محمد:طيب ووينه سيف مااجبته معك؟
سعد: اتصلت عليه ماايرد خله عنك تلاقيه ناايم .
وراحوا وجلسوا مع بااقي الشباب وابتدا الضحك ولعب الورق وحركات الشباب
معسل وغيره الى 4 الفجر سعد طالع سااعته وجلس يصفر بقووه
سعد:يااابووي تاخر الوقت وبكره وراي دووام .
محمد: استريح بس ووراك دوام حتى انا وراي جاامعه بس عاادي.
سعد: والله انت فااشل شسووي لك؟
محمد اها بس ياا...خليني سااكت .
سعد:قم بس يالله نمشي وفي طريقنا نصلي بالمسجد.
محمد: يالله سرينا.
وسلم سعد ومحمد على الشباب ومشوا كل وااحد بسيارته ووقفوا عند المسجد
قريب بيت محمد ودخلوا المسجد على اذان الفجر وكان هناك جااسم اخو محمد
جااسم شاف محمد وراح له وانتبه في سعد معه
جااسم:هلااااااا سعد.
سعد:هلابك ياالغالي.
جااسم:شخبارك من زماان مااشفناك ولاسمعنا عنك؟؟
سعد:الحمدلله بخير نسال عنك؟
جاسم:بااين اشووف جوالي ماايوقف من اتصالاتك.
سعد:ههههههه ههههههه شدعوه ياطيب.
محمد: اووه خلصونا بس وبلا زيااده هذره خل نصلي.
جااسم طالع محمد : ينقال مهتم الشيخ بصلااته اسكت حساابك بعدين ياحلو
وليه الى الحين ماارحت البيت شغلك بعدين صلي الحيين.
سعد:ههههههه هههههه جاك المووت ياتارك الصلااه ههههه.
محمد:هههههههه سعد لاتكذب انا في المسجد بصلي هههههه.
جاسم وسعد:ههههههه.
واقام الشيخ الصلاه وصلوا وطلعوا مع بعض محمد وجااسم راحوا للبيت وسعد
راح بيتهم وتوه وواصل حب يااخذ له غفوه لو بسيطه حط رااسه وتجييه رسااله
اخذ جوواله وفتح الرسااله الي واصله له
( صبااح الخير لوجه الخير بحيااتي وصبااح السرورياغنااتي ...لمياء).
ابتسم سعد لما قرا الرساله وشاافها من لمياء وجلس يفكر شنو يرسلها ويصبح عليها
فيه قام وكتب:
( صبااحك خيرات ربي ورحمااته وصبااحك نوور يالي سكنتي القلب ودقااته).
وحط الجوال وناام اما لميااء وصلتها المسج وطارت من الفرح بس قرتها
طبعا ماراح ترجع تناام فقامت اخذت لها شوور سريع عشاان المدرسه وتجهزت
ومشطت طالعت السااعه 6 راحت لغرفة اخوها سيف وضربت الباب ماارد عليها احد
قامت ودخلت وشاافته ناايم لهالوقت وراحت تجلسه
لمياء:سييييييف سيييف قووم يالله.
سيف وصووته كله نوووم:هاااا شتبين؟
لمياء وهي تسحب اللحاف من عليه: قوووم تاخر الوقت ابيك توصلني المدرسه.
سيف سحب منها اللحاف ورجع غطى وجهه ولا رد عليها.
لمياء:سييف قووم السااعه 9 ابووي معصب يبيك يالله .
وبس سمع الوقت قاام من مكاانه سرريع وعلى طوول قط اللحاف
سيف: جد والله لمووي الساعه 9 ليش ماصحيتيني يالله انا بروح اخذ شوور.
وقاام ودخل الحمام ودقاايق الا هو طالع وجلس يصلي الفجر الي تااخر عليها
بس خلص انتبه في الساعه 6 ونص وعصب على لمياء
سيف: هين يالمووي تكذبين علي ياحماره اوريك شووفي من يووصلك.
ولبس واخذ جواله شااف اتصالين من سعد و4 من محمد قال بدااخله:
اكييد نايمين بعدين اكلمهم وااخذ اغراضه وطلع للصاله وجلس يفطر وبس شااف
لمياء وصرخ عليها:وووجع ياحماره شووفي من يووصلك؟
لميااء:شفيك شسويت انا؟
سيف:لالا سلامتك مااسويت شي تدرين شسوويتي وتستهبلين.
لمياء قامت تضحك:هههه اخوي الطيب معصب عشاان كذا ولاتزعل.
دخل بوسيف وشااف عياله مثل كل صبااح يتهاوشون وبس دخل اسكتوا
بو سيف:صباح الخير.
ردوا عليه:صباح النور يبا.
لمياء راحت وجلست جنب ابووها:يباا شووف يقول ماراح يووصلني المدرسه.
بو سيف:وليش ان شاء الله؟
سيف جالس يشرب حليب ويفطر: تستاهل عشان تتادب.
بوسيف طالع لمياء:وشمسويه بعد؟
سيف: هي تعرف اسالها.
بو سيف: هاا لمووي شمسويه ؟
لمياء: ولاشي هذا جزاي اجلسه من النووم عشان يصلي لانه تااخر .
بو سيف: صج ماتستحي انت وبعد معصب مااعليك منه انا اوصلك تامرين بس.
قامت لميااء وحبت راس ابوها :مشكووور ياالغالي مااتقصر حره يابعض النااس.
سيف خلص وقاام وماارد عليها وتوه بيطلع ونااداه ابوه
سيف: هلا يبا امر؟
بو سيف: ووين بتروح؟
سيف:عندي كم شغله وبعدين بروح الجامعه ليش تامر شي يبا؟
بو سيف:لاسلامتك وانتبه وانت تسووق.
سيف: ان شاء الله يبا يالله سلام.
بو سيف: سلاام وانتي يالله قومي لبسي خل اووصلك لاتتاخرين.
وقاامت لمياء تلبس عشان ابوها يووصلها وطلعت ركبت السيااره وتو ابوها
بيحرك الا طلع سعد من بيتهم وهو كااشخ بثووب وشمااغ وسلم على بو سيف وحب راسه بو سيف: الله يعافيك ياولدي.
سعد: تسلم ياعم.
بو سيف: شخباره الوالد مااشفته امس بالمسجد؟
سعد: لا سلامتك بس هو راايح لعمتي الريااض كم يوم وراجع.
بو سيف: الله يجيبه بالسلامه تامر شي؟
سعد: الله يسلمك لا سلامتك انت تامر؟
بوسيف: لا الله يرضى عليك.
وركب بوسيف السياره ومشى وسعد عيوونه على لميااء وهي مااشالت عيونها عنه ابدد
وصلت المدرسه وهي متوتره وتحس نفسها غريبه دخلت وهي متردده
حطت اغراضها وجلست لحالها ولاعندها شي تسوويه شووي الا دخلت الفصل
شلة بناات كبيره وهم يضحكون ويسالفوون وهي تطالع فيهم
وحده منهم جلست جنبها لان مكانها هنا وجاوا كلهم لعندها وهم يسالفوون
زوبا ضربت نوره بيدها: نووير هذي مو كانها لمياء بنت خالتي.
نوره: أي وحده؟
زوبا: يعني من كثر الموجودين هذي الي جنب فطووم.
واشرت عليها ونوره مشككه فيها انتبهت فيهم داانه وسالت زوبا ونطت بسالفه معهم حور اما فطوم ونوف كانوا يسالفون
داانه: شفيكم تهذرون وتاشرون؟
حور: من هذي الي تااشرون عليها ؟
زوباا: هذي شكلها لمياء بنت خالتي !!
داانه: الحمدلله والشكر شلون شكلها؟؟ في احد ماايعرف بنات خالته؟
نوره: أي احنا سكتي بس وبلا لقافه دووينه.
حور ابدد ماعندها مقدمات راحت لعند لمياء وجلست قبالها وعلى طوول كلمتها
حور: هلا حيااك.
لمياء: الله يحيك.
حور: انا اسمي حور جالسه جنبك وانتي شنو اسمك؟
ونوره وزوبا متعجبين من حور اما داانه مع اختها راحت وابسطت
داانه: وانا داانه بس باول سنه اخت هالحلوه صحيح وانت شسمك؟
لمياء استغربت من جراتهم بس انبسطت
لمياء: انا لميااء توني اول يووم ومااعرف احد هنا.
حور: عااشت الاساامي .
داانه تااشر لزوبا ونوره يجوون
داانه: تعالوا هي هي تعالوا .
وجاوا وسلموا عليها وعرفوها وقاموا يسالفون ويعرفونها على الشله ولميااء انبسطت
لانها لقت احد ولا ظلت بروحها
داانه: وهذي فطووم وهذي نوف.
لمياء: هلا
نوف وفطوم: هلا بك
زوبا: والله فشله مااعرفناك تصدقين؟
لمياء:ههههه حتى انا مااعرفتكم.
حور: الله يخليني جمعت شملكم .
البنات: ههههههههههههههه ههههههه
داانه وهي تطالع اختها وتضحك: تكفين ياا الشيخه شوي شوي على حالك.
نوره: خلصونا وقوموا نطلع من هنا نخلي لموي تشوف المدرسه بدل القعده بالفصل
وقاموا طلعوا زوبا تذكرت بدور مااجات معهم
زوبا:يؤيؤ خلينا نروح الفصل نااخذ بدور.
داانه: اوووه ياشين مااطريتي بس.
نوف:هههههههه صاادقه يا داانه.
حور عصبت عليهم: استحوا وربي حليوه وطيوبه .
فطووم :صح كلام حور وبعدين انتوا قدام نااس بسكم.
دانه: ووين ناس والي يسلمك سكتي ماافي غريب لمووي وصارت عضو رسمي.
نوف ونوره وزوبا ولمياء:ههههههههههههه ههههههههههه
حور: هه هه مايضحك امشي بس خل نروح لها .
وراحوا لبدور وكانت جالسه في مكانها لحالها واخذوها معهم ومن طلعوا
وداانه متعلقه في لمياء وتحقق معها والغريب بدور فالتها مع الجميع وبالاخص حور
بدور: اقول حور انتي تعرفين اختي سمر ومتصله عليها امس؟
حور تذكرت امس والي صار وفز قلبها: ايوا ليش وشفيك؟
بدور: لا سلامتك بس امس اخووي عبدالرحمن قالي اقول لسمر ان تبيها حور فشكيت
اذا انتي اولا بس.
حوور ابتسمت وقاامت تفكر اسمه عبدالرحمن عرفت اسمه وناااسه يصلح على
صووته بس الله يعين من شكله بس اتوقع حلوو لان بدور وسمر ماشاء الله عليهم
وتمت سرحاانه والبنات يسالفوون وهي مع لمياء في دنيا ثاانيه غير دنيتهم
نوره تضرب نوف وتقول بصوت عالي: يتهنى به ياانويف.
نوف استغربت وبعدها افهمت وفطووم تطالعهم وتضحك ونوف رفعت صووتها
نوف: يتهنى به يافطوووم .
وانتبهت حور ولمياء بنفس الوقت والبنات يضحكون على اشكالهم
حور: سمعناكم يتهنى به ويتهنى به بس.
داانه: مااعليه ياحور بس من قوولي لنا؟
البنات:هههههههههههه
حور: من بعد على بالكم انا اسيل هههههه
اسيل عصبت على حور لان الكل يدري بحبها وجنونها في علي ولد عمها
اسيل: اووش جب جب يالله مع هالوجهه .
داانه تجنن اسيل: علي علي اووو علي اوو علي.
وعصبت وقامت عليها وهذيك انحاشت من قدامها وهي تلحقها بتضربها والبنات يضحكون
لمياء تقول بخاطرها صدقت ياسعد لقيت ربع واحلى من السكر ااه ياحبيبي
اشتقت لصووتك بس متى اروح البيت عشان اكلمك؟؟)
لمياء مااعرفت من علي يقصدون فسالت حور عنه
لمياء: من علي؟
حور: ههه علي اخو داانه واخوي من ابووي؟
لمياء: وشفيكم على اسيل معه؟
حور: ههه هذا سر بس دامك دخلتي الشله بقولك يااطويله العمر اسيل بنت عمي
ومجنونة اخوي علي تموت فيه وحنا نجننها .
لمياء:ههههههههههه حراام مسكينه.
حور: مااقلنا لها تحب هههه.
لمياء : بس الحب حلو ومااحد يختار الحب على كيفه هو الي يختارك ليش
انت ماتحبين حور؟
حور تعجبت من سؤال لمياء بس ردت عليها
حور: لا مااجربت.
لمياء: حساافه الحب تراه حلوو.
حور: ليش تحبين؟؟
لمياء: امممم (وجلست تضحك) مااقدر اقوولك بس صدقيني حلوو.
حور: على كذا قريب انا احب يمكن .
لمياء:ههههههه الله يوفقك.
حور: الجميع ياارب.
حور على طوول طرى في بالها عبدالرحمن وجلست تفكر بتحبه في يوم وهو بيحبها
ولا بس كذا عاادي بس تحس ان قلبها يدق له بس يطري على بالها ومن بعدها
طالعت لمياء وهي تسولف وقامت تفكر بكلامها صحيح الحب حلوو؟؟
كملوا البنات يومهم ومن بعدها كل وحده راحت بيتهم داانه راحت مع حور بيتهم
وبتنام معها واسيل مسكينه حااولت في ابوها لكنه ماووافق وانقهرت
داانه من جاات وهي مسوويه ازعااج مع عبير بنت جااسم
داانه: عبوور يالهبله مو كذا تلعبين لالا لاتكسرينها.
محمد: دووينه وشعليك منها تراها جااهل كيفها بلعابها كسرتهم او لا.
داانه: ادري بس حراام هالغبيه دفش لعبها.
ساره:اقوول بس ماعليك من بنتي وهي حرره .
جا جااسم وعلى طوول داانه راحت له وتعلقت بيده ومسوويه نفسها مسكينه
داانه:جاااسم شايف شيسون فيني وانا اختهم الصغيره؟
جااسم: شنو مسووين وانا اعلمك فيهم بس اشري ؟
داانه: حموود وزوجتك بعد.
ساره: ااخ يالمفتريه شنو سووينا فيك؟
جااسم:اعترفوا شنو مسووين ولا العقال بيصيح عليكم؟
محمد:ههههههههه خوفتنا ..احد يسمع كلام هذي.
داانه: وشفيني.. جااسم انا مظلوومه.
جاسم جلس وداانه مازالت متعلقه فيه وهو يتوعد الي مزعلها
ساره: اقوول شمسوويه ؟
داانه: قوولي .
ساره :ههههههه اخس ياالقوويه يعني مو خاايفه؟
داانه:لا مادام اخوي جسووم معي مااخاف.
ساره: وجسوم يدري انك ملعوزه بنته على الالعاب.
جااسم طالع داانه ومسك رقبتها وخنقها وهي مو قاادره تفك نفسها بسبب ضحكها
جااسم: والله جسوم الي بيذبحك ياامجرمه.
داانه:ههههههه هين ياسوير اوريك انتي وبنتك هههههه
محمد: لا خلك ياالقوويه.
جات حور وشافت داانه كذا وجاسم ونطت معهم راحت وعضت داانه في يدها بقووه
وهذيك تصارخ:يمممممممممه ااااه حوير ووجع.
وحور عااضتها ولاهي بتاركتها وهذيك تصاارخ وتضحك بنفس الوقت
دانه:ااااااه محمد انا اختك سااعدني شدعوه؟
محمد قاام وسحب حور عنها وفتحها من يدينهم وهو يضحك حور ضربت في يد
جااسم : وناااسه انتصرنا عليها.
جااسم: انتصرنا وكسرنا عصاقيلها.
داانه:ااه اوريكم مشكوور حمود بس تااخرت شلون هنت عليك؟
محمد: اقول لايكثر مادام فزعت لك يالله روحي شووفي شغلك ابي مااي.
داانه:لاوالله استعباد ولا بجي بيتكم تووبه.
الكل:ههههههههههههههههههههههه ههههههه
وجلسوا من بعدها على الغدااء وحور نست سالفه عبدالرحمن وراح عن بالها
عبدالرحمن من جلس الصبااح وهو في الشغل مع ابوه ولا له خلق أي شي من بعد
هالتعب راح البيت وحط رااسه وناام وجلس عند المغرب عشان يصلي اخذ له شور
وصلى ولبس عشاان يطلع جلس شووي بالصاله مع اهله وكان ماله خلق بدور اخته
وحركات رحااب زوجة خالد دخل وسلم وجا ريان جلس جنبه
رياان: عمي ووين بتروح؟
عبدالرحمن: بطلع ليش وشفيك ؟
رياان: خذني معاك.
عبدالرحمن مسح على شعر ريان وقاله: ثااني مره الحين مااقدر.
رحاب كانت جالسه وشياطينها راكبتها وبس سمعت ولدها قالت
رحااب: تعال بس خل ابوك يصير فيه خير ويطلعك تبي عمك يطلعك قم
ماايبونك تعال اجلس هنا.
وقاام رياان جلس عند امه وخالد سااكت مااتكلم ولاعلق عبدالرحمن انزعج منها
شووي الا بدور صرخت على ريما
بدوور: وجع ماتشوفيني ضربت يدي .
ريما خاافت من بدوور وراحت لأبوها ومسكها
خالد: بس حبيبتي لاتخاافين.
بدور مازالت تصاارخ: هالغبيه ابدد ماتنتبه.
رحاب: بسك عااد ماصارت ضربه بسيطه وانت هذا الله الي قدرك عليه بس حبيبتي
سكت هاالنذله الي ازعجتنا بس على طقه بسيطه من جااهل.
خالد كالعاده بسلبيته سااكت وماسك بنته ولايرد اما عبدالرحمن وعبدالله منزعجين
من الجوو كثير وبدور مااتقصر اللسانها مايرحم
بدوور: اقوول بس لايكثر ياا بعض الناس اقوم غرفتي احسن من مقاابل وجيه
تجيب الهم.
وقاامت بدور عنهم اما رحاب حطت حرتها في خالد هالمسكين وبدت اسطوانتها
رحاب: ايه من زود احترامها لك شووف شتقول لك وانت سااكت
قاايله لك ماابي اجي عندهم مخليني فووق بشقتي ابرك لي .
خالد وبكل برود: خلاص انا قلت لك شووي بس نجلس.
رحااب: ثااني مره تبي انزل لحالك فااهم ولاتقول لي نزلي معي
خل نشووف نااس عدله نجلس معهم انت ماايفرق عندك جالس وبس.
هنا عبدالرحمن مااتحمل وقاام عنهم ولحقه عبدالله
عبدالله:ووين بتروح؟
عبدالرحمن: طالع بروح للناصر تجي معي؟
عبدالله: يالله نروح ليش لا.
وراحوا للناصر الي كان جالس يغسل في سياارته وينظف وحالته حاله معها
عبدالله: سلااام نصور.
وشاافهم نااصر : هلااااااا بعبود هلا عبدووالثااني
عبدالرحمن: هلابك وانت بسك من هالسياره.
نااصر: جالس اغسلها.
عبدالله: كان وديتها مغسله اصرف لك؟
نااصر: وديتها بس حسيت مااغسلوها زين.
عبدالرحمن:ههههههه خله عنك هذا مجنون .
وشوي الا احمد طلع وشاافهم وسلم عليهم.
احمد:هلا تفضلوا ليش برا؟
عبدالرحمن:هلابالنسيب .
عبدالله:اخوك ماايستحي موقفنا بره مع هالشوورت الي لابسه.
احمد وعبدالرحمن:هههههههههههه
نااصر طالع ملابسه: شفيه مو عااجبك ولامنقهر من رجولي وجاذبيتها؟
احمد:ههههه امشوا بس خلوه عنكم .
ودخلوا المجلس وهم يسولفون وجلسوا
عبدالله:اجل بعد شهر بتصير معرس هاا حركات؟
احمد:هههههه ايوا بعد شهر.
عبدالرحمن: عاد ربي يعينك عليها رجه وازعااج.
عبدالله:صدقت والله يااخوي الله يرحم بحالك.
احمد: اها بس لااقوم اوريكم عرفوا عن من تتكلمون عن الشيخه سمر.
عبدالله : لا غيرت كلها سمر الرجه.
عبدالرحمن:مااني متخيلكم معاريس اثنينكم.
الا بدخله نااصر بعد مااخذ شور وبدل ملابسه جلس جنب عبدالرحمن وساله
ناصر:شنو عن منوتتكلمون؟
عبدالله تليقف وجاوب:عن زواج احمد
ناصر:صحيح بعد شهر.
نااصر يضرب عبدالله ويغمز له يجنون عبدالرحمن.
ناصر:وانت يابوطلال متى نااوي؟
عبدالرحمن :لا انا تو الناس علي وماابي اتزوج مو نااقص.
عبدالله: شدعوه يااخوي مايصير لازم تتزوج.
ناصر:صح لازم ماافي احد في البال.
عبدالرحمن: هههه لا ماافيه وبعدين انتم وشدخلكم؟
نااصر: ااوف يبا اعرس نبي نشووف نصيبنا انا وعبوود نتزوج .
عبدالرحمن: هههههه وانتم موقفين على زواجي.
عبدالله:اايه اكييد.
عبدالرحمن:اجل انسووا الزوااج وطااريه ياحبايبي.
وجلسوا يسولفون الى وقت متااخر وعبدالرحمن بعد ماارجع البيت شااف اخته سمر
وكان امس مقرر يسالها عن حور بس اليوم نسى وراحت كل السالفه عن باله.
....................
سعد:هلا بهالصووت هلا وغلا.
لمياء:هلا فيك .
سعد:اخبارك ياعمري بعد اول يووم ان شاء الله ارتحتي؟
لمياء:اممم حلو بخير عدا علي وتعرفت على شله كبيره.
سعد: انا قاايل لك بس ماتسمعين الكلام شسوي فيك؟
لمياء بدلع:شتسووي فيني امممممم حطني بعيونك وغمضهم علي.
سعد:ااااه ياقلبي بس لوااقدر مااحطك بس بعيوني الابقلبي وعيووني .
لميااء:وانت حبيبي اخبارك؟
سعد:من بعد هالصووت انا بخير والحمدلله.
لمياء تضحك:هههههه سعد بس يالله الليله ماابي اتاخر بنام.
سعد:ويهون عليك حبيبك لحاله ؟
لمياء:ماايهون بس انت عاارف ياقلبي مااقدر اطوول في السهر .
شووي الا انتظار عند سعد شاافه سيف ورجع يكلم لميااء
سعد:اااه انتي واخوك بتذبحووني اكلمك وهو انتظار.
لمياء:صحيح اجل يالله بايوو حبيبي.
سعد:والله قلبي مايطااوعني اقولك باي بس يالله نكلم سيوف فيه من رحتك ياالغاليه.
لمياء قامت تضحك:ههههه هههه اوكي باي وانتبه على نفسك.
سعد:ااااه بتذبحني تضحك وتقول سكر خلااص انتحر ياناس .
لمياء:هههههه ههههه.
سعد:يااقلبي ارحمي خلق الله.
لمياء:ههه اوكي باي.
سعد:باي حبيبتي.
قفل منها ورد على سيف الي كان معصب عليه.
سيف:انت مااتستحي كل هذا انتظار كل تهذر مع من؟
سعد يقول بدااخله والله لو تدري من ذبحتني بس رد عليه
سعد: وانت شمدخل اهلك فيني شتبي متصل؟
سيف:تروح معنا الاستراحه للشباب؟
سعد:لا وراي دووام يكفي تاخرت امس.
سيف:براحتك يالله تامر شي؟
سعد: لاسلامتك سلم على الربع.
سيف:يوصل ان شاءالله سلام.
قفل منه وحط راسه بيناام لكن قبل مسج للمياءمسج وبس وصلت لها افتحتها كان مكتوب
فيها احسد سرير يضمك واحسد اللحاف يغطيك ليتني جنبك والمك وبالخير امسيك).
لمياء قرته وحبت تتغلى وماارسلت له أي شي قفلت الجوال وناامت.
.............................. ....................
>>ماذا يحمل الجزء الثالث من مفاجات؟؟
ام الحيااه ستكون رتيبه وعااديه بدون أي طارىء؟؟
حور؟؟ عبدالرحمن؟؟ لمياء؟؟ سعد؟؟
والاهم علي واسيل هل لحبهم بداايه ولا بيقتل الحب وهو في مهده؟؟؟


 

أدوات الموضوع



الساعة الآن توقيت السعودية الرياض و الدمام و القصيم و جدة 01:55 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0