 |
  |
|
|
|
|
#11 |
|
|
رد: "مال الهوى عندي عذر ".
حور بعد مامشت دانه واسيل راحت غرفتها تنام وتوها حاطه راسها سمعت احد يطق الباب
ودخل بعدها جاسم وفي يده كيس وجلس جنبها وعطاها الكيس جاسم:سمي..افتكرت نايمه. حور:لا صاحيه..بس شنو هذا؟ جاسم:فتحيه وشوفي شنو؟ حور فتحت الكيس ولقت فيه كرتون وكان كرتون جهاز جوال هي فرحت ولمت اخوها وباست خده وهي طايره من الفرح وطلعت الجوال وشغلته وهي مستانسه حور:مشكووور يااحلى اخو بالدنيا كلها. جاسم:العفو كم حور عندنا؟وحده. وقفت حور على طولها وفتحت كام جوالها حور:انت اول واحد بصوره وبحطك خلفيه بعد. جاسم:ههههههه تصوريني كذا بالبيجاما لا سارونه ماترضى. حور:ليش تخاف عليك من البنات؟ جاسم:ههههه يقطع شرك بس ليه انا اول واحد وبتحطيني خلفيه؟ حور:اممم لانك انت الي شاريه فرد للجميل بحطك خلفيه. جاسم:لا ياحلوه مو انا هذا هديه من اخوك علي شاريه لك مع دانه بس ماعطاك اياه. حور:صحيح قول والله علي شاريه لي. جاسم:ههه والله هو عرف انك لو شفتي دانه تبين مثلها وهذا هو شرا نفس الجهاز لك. حور جلست جنب اخوها وهي تفكر وتقول بداخلها الله عوضني فيكم بدل ابوي الله يخليكم لي يااارب وبالحييل استانست لان اخوها علي الي شرا لها ومانساها. جاسم قام بيطلع عشان يروح ينام وترك حور تلعب بهالجوال وترسل لدانه واسيل وفطوم والشله كلها وماكان هذيك الليله لها خاطر تنام من كثر فرحتها بالجوال. ...................... طلع الصباح والكل جلس مبكر حتى الي نام متاخر صحو لان بهاليوم الكل عنده شي واول من صحى اسيل الي متغير نظامها كثيررر وعلى طول بس جلست وبدلت وراحت تفطر مع ابوها الي مومصدق بنته تجلس تفطر وتاكل مثل الناس بو اسيل:عسى دووم يابنيتي. اسيل:هههه دوم اني افطر. بواسيل:اايه تاكلين وتضحكين وتسولفين دووم يابنتي. اسيل نادت الخدامه تشيل الفطور وطلعت هي مع ابوها لحديقة بيتهم وجلسو بره وكان ابوها يشرب قهوته ويقراء الجريده اما هي كانت تشرب عصير ليمون وهي جالسه اخذت الجوال وارسلت لعلي رساله وكانت الساعه 8 الصباح وهو في بيتهم مابعد يروح الشغل وكان يفطر مع اهله سمع صوت المسج واستغرب مافي احد من ربعه يرسل له الصباح اول مره تصير من الي مرسل من الصباح فتح الرساله وشافها من اسيل كانت كاتبه حبيت اسبق سكان هالكون واقول حق احلى مافي الكون صباح الخير). علي ابتسم وهو يقراء الرساله وتعجب من الرساله في نفس الوقت ودانه كانت تطالع اخوها الي راح عنهم دنيا ثانيه وحبت تعرف من راسل له وهو يتبسم وهو يقراها دانه:من راسلك من الصباح اعترف؟ علي:هاا لا رساله عاديه؟ دانه:عااديه وانت متشقق عليها وريني اياها. علي:ماني موريك اسرار لاتدخلين فيها. دانه:توك تقول عاديه استريح وجيب الجوال. علي:ضفي عن خلقتي دووين لاتشوفين شر وعطيني جوالك بااخذ منه شي. دانه:ليش شنو بتاخذ؟ علي:عطيني مسج للصباح. دانه:لمن بترسله؟ علي:اووف ماابي هونت. دانه:خلااص برسلك افتح بلوتوثك ولا بعد بتخسرني رصيد. علي اخذ رساله من دانه وارسلها لاسيل بنفس الوقت وكان مكتوب فيها: (ولهت في لحظه عليك وماارضى قلبي غير يصبح عليك..صباح النور ). ودانه ماتركته الا لما شافت الرساله الي وصلت وبس قرتها قامت تضحك وتقول بخاطرها الله يستر منك يا اسوول طلعتي راعيتها ماانتي بهينه وشكلك بتجيبين راس اخوي. اسيل سمعت صوت المسج ونقزت من مكانها واخذت الجوال ابوها اخترع منها بواسيل:بسم الله الرحمن الرحيم خرعتينا على رساله واصله لك. اسيل:مااتدري يبه انتظرها وتعبتني على ماوصلت. فتحتها وقرتها وتشققت يااربي شكله يحبني ونااسه امووت فيه احبببببببببببه ياعالم وقطعت فرحتها نغمه الجوال(اجمل مافي الكون انا انا وهالمجنون..)وعرفت من متصل بس سمعتها وقالت بخاطرها هذا وقتك يادووينه مالي خلق تقطعين فرحتي اسيل:الوو. دانه:هلا بالي ماخذه عقل اخوي. اسيل قامت من عند ابوها تتمشى في الحديقه وعشان تقدر ترد زين على دانه اسيل:جب يا سباله من قالك؟ دانه:علينا والرساله الي خلت اخوي يقوم من فطوره ويروح الشغل مبتسم. اسيل استانست:صج..فددديته. دانه:هههه طلعتي مانتي بهينه. اسيل:هههه اعلمك بس. دانه:شفتي حوير طلعت رقم. اسيل:صح ذكرتيني ارسل لها امس رسلت لي وكان فيني النوم ماارديت عليها. وجلسو يسولفون ويهذرون الى وقت متاخر وعن شنو بيسون في السوق واتفقو يروحون لحور الساعه 5 عشان يتجهزون معها للسوق ويكونون موجودين من وقت في بيتهم. ..................... حور جلست قريب صلاه الظهر وصلت وجلست على كمبيوترها ودخلت مسن تشيك وكان عبدالرحمن اون لاين باسم(هامة العز)وهي مسجله باسم(مضيعه السالفه) عبدالرحمن حاط نفسه اون لاين مع انه كان بشغل لكن كان فااضي وخلص صلاته وعنده بريك للغداء وكان جوعان فطلب لنفسه ساندويش وجلس يااكل انتبه بالجهاز وحور تسجل دخولها وشاف النك نيم وجلس يضحك عليه وعلى طول ترك الي في يده وكلمها (هامة العز):ههههههههه سلام على المضيعه. (مضيعه السالفه):هههه سلاموو حيهم حيهم رحمانوو. (هامة العز):الله يحيك هاا شلون مضيعه السالفه. (مضيعه..):جلست من النوم وهي ضاايعه المهم اخباروو؟ (هامه العز):بخير والحمدله انتي شعلومك ولا مضيعتها بعد؟؟هههه (مضيعه..):هه لا انا تماموو بس بارك لي؟ (هامة العز):مبرووك بس على شنو؟ (مضيعه..):طلعت جوال ونااسه. (هامة العز):مبرووك ومتى تعطيني الرقم؟ (مضيعه..):ههه الله يبارك فيك بس قلت لك مضيعه مو هبله اعطيك رقمي. (هامة العز):لا محشومه بس افا عليك مافي ثقه؟ (مضيعه..):لا ماافيه. (هانة العز):هههه قوويه ماتجاملين. (مضيعه..):ههه الصراحه زينه..شتسوي انت الحين؟ (هامة العز):انا جوعان وجالس اكل. (مضيعه..):انت في بيتكم. (هامة العز):لا بالشغل وانتي شتسوين؟ (مضيعه..):ولا شي بس صحيح صديقتي خطبوها ووافقت وناسه. (هامة العز):صحيح مبرووك عقبالك انا جلست احاتيها امس وحاتي خطبتها ههه. (مضيعه..):هههه الله يبارك فيك وعقبالك انت بعد. (هامة العز):الحمدلله دخلتي جالس ومتملل مافي شغل ودخلت المسن فااضي. (مضيعه..):اها عارف بروح السوق اليوم انا والشله. (هامة العز):صحيح حساافه امس اختي تبيني اوصلها السوق اليوم وماوفقت لو اني موافق كان شفتك اليوم حساافه بس. (مضيعه..):طيب وليش ماوفقت؟ (هامة العز):مشغوول مع الوالد بيجونه الرجال ولازم اجلس معه. (مضيعه..):اجل بفوتك ههههههه. (هامة العز):لا على كذا بترك ابوي واجيك. (مضيعه..):ومن قال بخليك تشوفني استريح بس. جا محمد ودخل عند حور وشافها قاعده على الكمبيوتر محمد:يالله تعالي غداء. حور:طيب بس شنو الغداء؟ محمد:وانا الي طابخه قومي خلصينا. حور:طيب دقايق ونازله . وراح محمد وتركها هي كان ودها تجلس مع عبدالرحمن بس كانت بتموت جووع (مضيعه..):تامر شي انا طالعه؟ (هامة العز):ووين؟ (مضيعه.):غداء وانا جوعاانه. (هامةالعز):وانا بكمل غداي عووافي عليك. (مضيعه..):الله يعافيك بايووو. (هامة العز):باي. انزلت تتغدى وجلست تاكل وتسولف مع اهلها وشوي الا جوالها توصله مسج رقم غريب فتحتها وكان مكتوب فيهاسلام يالغاليه اشوفك اليوم على خير اوكي حور.. وخلي جاسم يكلم علي يبيه ضروري ) حور استغربت من هالرقم وقالت لجاسم وخلته يقراء الرساله هو استغرب من رقمه هذا بس كانه يعرفه ومشبه عليه شافه محمد وقال محمد:هذا رقم ابوي. حور انصدمت ابوها راسل لها مايصير وبعدين ليش راسل لها هي ماارسل لجاسم وشنو قصده بنلتقي اليوم وحتارت وانقلب حالها جاسم:اقوم اتصل على علي اشوف شفيهم. وقام وقامت من بعده حور الي انسدت نفسها من هالرساله .............................. ....... بدور جا الليل وتجهزت هي واختها وحالتها حاله ومتوتره تبي تروح سريع ومحمد كل شوي اتصل يسالها متى بتجي وهي تعصب على سمر بعدها مشت مع السواق وخلت سمر يوصلها عبدالله وراحت لفطوم اول شي لان بيتهم اقرب شي واتصلت عليها وماترد قامت ونزلت تدق الباب وهي متوتره اعصابها لان كلها دقايق وتشوف محمد كان زيد طالع من البيت والتقى في بدور بوجهه وكان صدمت فيه بدور وقفت تطالع فيه وهو يطالعها كان زيد طويل واسمر وعنده عقده بحواجبه وجسمه حلو لا دبدوب ولا معصقل وشعره اسود بالحييل مثل فطوم ويلبس نظاره تعطيه ستايل رسمي بطابع حلو اما هو متجمد مكانه بس شاف بدور الي كانت حاطه لثمه خفيفه وباينه عيونها بالكحل تجنن ورفعت حواجبها موسعه عينها زياده وعبايتها وكشختها مطلعتها بستايل جناان وخاصه لانها عصقوله فتخصيرت العبايه صايره عليها مووت وريحه العطر الي واصل لاخر الدنيا هو فتح فمه وفها عليها وهي محتاره شتسوي لانها شافته وارتبكت وخاصه ان جذبها شكله بالحيل تمت سااكته وهو يطالع فيها بدور:فطوم موجوده. زيد:هاا ايه موجوده انادي لها؟ بدور:اذا ممكن قول لها بدور تنتظرك بالسياره. زيد:بدور؟ بدور:ايه. وراحت للسياره وركبت وهي مستانسه من شكل زيد لما شافها كيف ذااب فيها وظل واقف ياارب يصير محمد مثله حلو كذا وان شاء الله يذووب فيني مثله بس شكله عجيب وخااصه لحيته كيف مسويها ياااربي حلوو. زيد دخل وهو ضاايع من الي شافه قال لاخته تطلع وطلع ركب سيارته ومشى ومااعرف وين بيروح نسى طريقه وظل يمشي على الفاضي وبعدها تذكر انه بيروح المكتبه راحو فطوم و بدور لبيت حور الي انقلب مزاجها من المسج الي وصلها وكانت متضايقه وكانت معها اسيل بدور عطت محمد مس كول وطلع عند الباب وهي نزلت له وراحت عند الباب وتوه بتطق الباب فتحه وشافها وفتح عيوونه مو مصدق الي يشوفه هذي بدور طلعت كلها جناان وانا مفتكرها أي شي بس صوتها قلبه طاح وهي كانت تطالعه ومصدومه فيه متغير عن اول مره شفته فيها يوم اخذت رقمه كنت بسياره وهوبسيارته مااشفته زين بس طلع رووعه لكن ليته طوويل مثل اخو فطوم كان بيكون احلى بس يالله برضو حلو محمد:حيالله القمر. بدور:الله يحيك شخبارك؟ محمد:انا من بعد شوفتك مااظن ببقى صااحي . بدور تضحك:ههههه محمد حنا في بيتكم بلا هالكلام ويالله نادي حور. محمد:لااااا شنو حور وريني وجهك يالله عاد. بدور:هذا شفتني. محمد:لا شيلي اللثام عنك يالله. بدور:محمددد لا عاد ويالله نادي حور. محمد::ااه ياقلب محمد تامرين بس مااشبعت من شوفتك. بدور:والله محمد خايفه نادي لحور. وهم واقفين وصلت دانه لانها توه تجي متاخره وشافت بدور واقفه مع محمد عند الباب وراحت لهم وهم بس شوفها تغيرت علومهم ثنينهم دانه:سلامووو ردو عليها:وعليكم السلام. دانه:حياك بدور ليش واقفه. بدور وهي مرتبكه:الله يحيك بس نادي لحور انا انتظركم بالسياره. وراحت اما محمد خااف ان دانه تصير شافته وهو واقف من زمان مع بدور محمد:نادي لحور انا بطلع. وطلع وراح وراء بدور وكان يمشي جنبها ويكلمها محمد:حساافه بتروحين. بدور:اسكت ياشيخ وقف قلبي بشوفت دانه ويالله هذا نفذت طلبك بايوو. محمد:يالله بايو وراحت للسياره وهي متوتره وسكتت ولاتكلمت ولاكلمه اما دانه دخلت البيت تنادي لحور وشافتها متضايقه وخلقها معفوس وشكلها ماتبي تروح السوق دانه:يالله جات بدور تنتظر بالسياره..شفيك حور؟ حور:مافيني شي يالله البسي اسيل عبايتك لانتاخر. وراحت عنهم عشان تلبس عبايتها دانه استغربت واسالت اسيل عنها اسيل:جاتها رساله من عمي واعتفست اليوم ..انتي معطته جوالها؟ دانه:هههههه هههههه لا وبعدين من قالكم ابوي الي مرسلها ههههههه جات حور ودانه تضحك وحور معصبه وتبي تتهاوش وبس حور:دووينه مالنا خلقك سكتي. دانه:هههههه الحين انتي من صجك تفكرين الرساله من ابوي؟ حور:اجل من من؟ دانه:ههههه هذي انا راسلتها لك من جواله. حور:يلعن شكلك ياشيخه قهرتيني. اسيل:وليه كذا؟ دانه:رصيدي خلص ومااحد شحن لي وارسلت لك من جواله بس. حور:كررريها امشي بس خل نروح لبدور. وطلعو البنات وحور ارتاح بالها وهدت شووي يوم عرفت ان دانه الي راسله ركبو وسلمو وفطوم شافتهم وجنت تسولف وتضحك معهم اما بدور خاايفه ان احد لاحظ شي فسااكته حور:بدور وين سمر؟ بدور:هاا.. بتتاخر وبتجي مع اخوي هي وزوبا ونوره. حور:طيب ونوف؟ بدور:ذكرتيني امرها. وكلمت السواق وراحو لنوف بيتهم وهذيك كانت واقفه تنتظر واحمد طالع عند الباب وصلو وركبت وهي معصبه عليهم ليش تاخرو؟ نوف:انا اوريكم تخلوني واقفه. بدور:هههه لاتعصبين والله نسيناك. حور:هههههههه انا تذكرتك. دانه وفطوم يطالعون احمد ونفسهم يعرفون من هذا قلبهم يعورهم دانه:ومن هالزين الي عند الباب؟ نوف:قصدك الشين لايغرك المنظر. اسيل:هههههه حلوه منك. بدور:دانه ماعليك منها هذاا احمد خطيب سمر. دانه:يااحظك يا سمور بالحلوو. فطوم:ههه راح علينا دووينه تتهنا فيه سمور. بدور:ههههههه وينها عنكم تذبحكم لو تسمعكم كل شي ولا عريس الغفله. نوف:جب يالله كلكم ماتستحون انا اخته قاعده جنبكم وتتكلمون فيه. ووصلو السوق ونزلو مع بعض وهم سوالف وضحك وحالتهم حاله وجلسو في اول مطعم لان حور ونوف جايعين وموراضين يمشون يقولون ماافيهم حيل بهالجوع وجلسو كلهم عشان ياكلون هالثنتين ومنها ينتظرون سمر والباقي. سمر خلصت وراحت قالت لعبدالله يوصلها وبالموت رضا وهي بالسياره اتصلت على احمد تقوله على روحتها للسوق عشان مايعصب سمر:الوو احمد. احمد:هلا بسماسم...توني بمرك البيت. سمر:صحيح حبيبي بس انا طالعه بروح السوق. احمد عصب:وليش ماقلتي لي بسلامتك. سمر:هذا انا قلت لك ماابعد اروح توني. احمد:اجل رجعي لاني بمرك الحين. سمر:حبيبي البنات وبدور كلهم ينتظروني في السوق انا افتكرتك تدري لان نوف معنا. احمد:دامك تبين تروحين ليش متصله تقولين خلاص وانا الي متعب حالي ومفضي نفسي عشان امرك ونتعشى مع بعض بس خلاص مايحتاج. سمر:لاتقول كذاخلاص انا 11 عشانك بكون في البيت ونروح نتعشى شرايك؟ احمد:خلاص مايحتاج خليك بالسوق. سمر:يووه حموود خلاص انا مشتهيه اتعشى معاك وعندي كلام نفسي اقوله لك. احمد:طيب احاول. سمر:فديتك احبك حموود. احمد:هههه خلاص بمرك 11 وياويلك اذا ماكنتي موجوده باي. سمر:بايوو. عبدالله يسمع اخته ويضحك عليها هي وخطيبها وحركاتهم الي كانهم بزارين يتزاعلون ويتراضون في نفس الوقت وكمل طريقه وهويضحك وسمر معصبه عليه. وصلو ونزلت نادت لزوبا ونوره وارجعت نوره ركبت وسلمت اما زوبا متاخره شووي وكانت تفكر سمر جايه مع السواق وبس ركبت السياره وهي تضحك وفتحت اللثامها وسلمت على سمر زوبا:ههه سلام سمور تصدقين وانا نازله كان طحت كل هذا بسببك. نوره تاشر لاختها ترجع لثمتها وهذيك ولامنتبها اما سمر مااعرفت شتقول سكتت عبدالله مارفع عيونه عنها ظل يطالعها من المرايا ومبتسم على شكلها الطفولي وخااصه زوبا شوي قصيره لكنها حلووه وملامحها طفوليه وكلها برائه. نوره ضربت اختها على كتفها عشان تحس ان هذا مو السوااق زوبا:ااه شفيك؟ نوره:ياغبيه حطي لثمتك هذا اخوها فشلتينا. وعبدالله تنحنح:احم احم. زوبا مسكينه الدنيا دارت فيها ودموع تجمعت في عيونها وغطت وجها سريع وسكتت وتمت تسب وتلعن في نفسها على غباائها الحين شلون تقابل سمر يافشيلتها سمر:عبدالله خلاص وصلنا السوق. عبدالله:مااباقي احد. سمر:لا .تقدر ترجع لي الساعه 11 وترجعني البيت؟ عبدالله:طيب انا بكون في السوق اخذك معي وانا مااشي بس اذا خلصتي عطيني مس كول زوبا بتصيح من فشيلتها ونفسها ترجع البيت ومالها خاطر تتنفس عشان مااحد يسمع لها أي حس بعد الي صار ويدق جوالها ويوهقها زيااده وكان على نغمه(صدفه)وكانت دانه المتصله ردت عليها وصوتها رايح:الوو دندونه. دانه:ياحماره وينك تعبنا ننتظركم حوير ونويف كلو المطعم كله. زوبا:طيب حنا عند البوابه الحين بننزل باي. دانه:طيب وحنا عند جلسات المطعم الي بالدور الاول باي. تعدلت زوبا عشان تنزل بس توقف السياره وبس وقف عبدالله نزلت اول وحده وراحو وهو يمشي قدامهم ودخل معهم من عند البوابه وبعدها هو راح في جها وهم في جها وشافو البنات وجلسو معهم يسولفون ويضحكون الا زوبا الي فشيلتها مسكتتها دانه:زوبا فااتك شفنا عنك احمد خطيب سموور ايش حلو. سمر:احم احم هذا حقي لاتحطون عينكم عليه هههه. دانه:يووه شوي شوي على حالك محمد اخوي على غفله يذب الطير من السما صح بدور؟ بدور بس جا طاري محمد ارتبكت:اايه صح حلو اخوها. سمر:ياحمااره واحمد؟ بدور:ههه موقصدي بس حتى اخو فطوم حلو. فطووم:فديتك كلك نظر زيد اخوي يجنن وانا قايله ماله الا زوبا الي ساكته ماادري شفيها؟ دانه:صحيح شفيك زوبا؟ نوره:خلوها الله يفشلها فشلتنا بالسياره ولا عاد اروح معها مكان. حور:هههه شنو صار؟ زوبا:ماصار شي وانتي سكتي كل شي تقووله. سمر:ههه زوبا اركبت السياره وافتحت لثمتها على بالها ان السواق ماتدري انه عبدالله اخوي وانحرجت يوم عرفت انه اخووي ومنها وهي ساكته. نوف:يووه ياحليلك عبدالله ومستحيه منه مااعليك انسي. دانه:انسي اهم شي انتي كنتي مترتبه ولا غبااء؟ زوبا قطت الهم:لا كنت قمر اشووه ولا هذا الي بنقهر منه اكثر هههههه. وضلو البنات شوي وبعدها قامو يحوسون بالسووق وحالتهم حاله من محل الى محل ويشترون وناسين نفسهم اما عبدالله كان جالس مع سيف في المطعم وطالبين لهم عشاء من الطازج الموجود بالمجمع وبعدها خلصو وقامو يتمشون وعبدالله يعلم سيف عن الي صار وميتين ضحك من السالفه عبدالله:هههههه بس ياشيخ تبي الحق ملااك ماشاء الله عليها حلووه وتنحب. سيف:هههههه ماعلمتك محمد اليوم خويته بتجي بيتهم بيشوفها وبعدها بيسحب عليها لانها صديقة اخته وتوه يعرف ومايبي يتوهق ماادري شنو صار معه؟ عبدالله:هههههههه صحيح تووهق والخبله هذي الي مطاوعته الحمدلله مالي بسوالفكم. سيف:وانت من يبيك ؟كان من اول كلمه تخق يبا انت قلب رهيف. عبدالله:ههههه طيب تعال ندخل هالمحل ودخلو وكانت زوبا مع دانه في نفس المحل لانهم تاخرو عن الباقي وعبدالله بس شاف نوره اشر لسيف ان هذي هي وهذاك ضحك وزوبا انتبهت فيه وانصدمت وقالت لدانه يمشون وعلمتها السالفه دانه:ياقلبي انا صج عذااب بس تركي عنك الي جنبه ماعليه كلام. زوبا:دووينه مو فاضيه لك والله احسه عرفني . وحاسبو وطلعو وبرضو سيف كان شاري وحاسب وطلع مع عبدالله دانه فتحت الكيس بس طلعت ومالقيت فيه الي شرت لقت غيرر ورجعت بسرعه وسيف توه طالع كلمه راعي المحل وطلع سيف اخذ غرضها طلعت وشاافته واقف عند المحل الثاني زوبا:دووينه شنسوي؟ دانه:نروح ونقوله شصار يعني؟ زوبا:لا فشله خليه يولي. دانه ماسمعت الكلام وراحت لعند سيف وعبدالله بس شافها مقبله استغرب وقال لسيف دانه:لو سمحت. سيف شافها وتزلزلت الارض من تحته ااخ ياقلبي شنو هذا هالقمر تكلمني ماصدق سيف:يالبيه. دانه:الغرض الي في كيستك حقي وهذا حقك ومدت له الكيس الي بيدها وسيف راعي غزل ماخلاها تمشي بدون كلام سيف:صحيح ااسف بس الكيس وراعيه تحت امرك في أي وقت. دانه:ممكن غرضي لو سمحت. سيف:شدعوه كل هذا مالك خلق وقفتنا انتظري شووي. عبدالله:سيف عط البنت الكيس وخلينا نمشي. سيف:طيب سمي. دانه اخذت الكيس وقالت قبل لاتمشي:مشكور. سيف:العفو حيااك في كل وقت. عبدالله:سيفوو الله يرجك احرجت البنت وبعدين يمكن تكون تقرب لهذي صديقه سمر سيف:عاادي شنو صار؟ عبدالله:ياسلام عليك ماادري شنو؟ دانه علمت زوبا بكل الي صار وهذيك جنت على عبدالله وموقفه الحلو زوبا:جد صحيح رجال مو هذاك البايخ. دانه:ياشيخه كلامه عسسسسسسل ولا اسمه سيف. زوبا:وانتي من قالك. دانه:سمعت عبدالله يناديه امشي بس خلينا نلحق على البنات. ............... سعد مااخلى ابوه في حاله الا يقوم يتصل في ابو سيف يساله شنو صار معه بوسعد:اركد ياولدي . سعد:يالله يبا والله قلبي يعورني. بوسعد:بسم الله عليك الحين اكلمه ولا اقولك قوم نروح اكيد موجود . وقامو راحو بيتهم طقو الباب ولمياء هي الي كانت ماره وسمعت صوت الباب وردت عليهم لمياء:مين عند الباب. بوسعد:بوسيف موجود؟ لمياء:اايه دقايق بس. سعد حب يحرج لميااء وتكلم:قولي له بوسعد وولده سعد. لمياء سمعت صوت سعد وانحرجت جد منه لانها عارفه ليه هو جااي. نادت لابوها وقام فتح الباب ودخلهم المجلس وجاب القهوه لهم وظل يرحب فيهم بوسعد:والله اني فشلان فيك بس هالولد ماارضى الا اجي واعرف ردكم. بوسيف:لا يااخوي حياك في أي وقت وان شاء الله حنا نسايب بنصير. سعد:هاا شقلتو ياعمي؟ بوسيف:هههه صدق مستعجل..بس خير ياولدي موافقين وحياكم في أي وقت البنت بنتكم. بوسعد:مبروك ياسعد ومبروك يا بوسيف. بوسيف:الله يبارك فيك. سعد:الله يبارك فيك..ويالله الملكه يوم الخميس. بوسيف:ههههههه يقطع شرك ياسعد بس ولاتزعل يوم الخميس. بوسعد:الله يعينك عليه يا بوسيف. وقامو راحو بعد ماتفقو على كل شي للملكه وبوسيف قال للمياء الي عصبت على سعد وبعدها رضت بس كلمها وفهمها انه مو قادر ينتظر اكثر . .............. نرجع للبنات في السوق الي جات الساعه11 وهم ماخلصو اما سمر بس انتبهت للوقت اتصلت في اخوها وقالت له يوصلها وزوبا كانت تبي هي بعد تروح معها لانها تعبت من الحواسه جا سيف وعبدالله للمكان الي فيه البنات وبس دانه شافت سيف قالت دانه:بنات شوفو هذا من شووي جنني عشان يرجع اغراضي. نوف وفطوم:ااخ هذا حركاات. اسيل:تدرون من هذا؟ دانه:لا بس اسمه سيف. نوره:اسمه جناان. حور:هذا اخو لمياء سيف. نوره:هههه بذمتك هذا ولد خالتي سيف. دانه:مالت عليك ماتعرفينه. نوره:هههه مااعرفه لان مانزورهم ومن زماان ماشفته. فطوم:يااحظك فيه يانوير. نوف:بخلي زوبا ماتخليه يروح منها. دانه:يووه هذا مايصلح لزوبا راعي كلام حده. راحت زوبا مع سمر عشان يمشون البيت وركبو مع عبدالله الي طلع مع سيف بنفس الوقت سيف:شعليك حبيبة القلب معك. عبدالله:هههه حبيبه القلب عاد .. وركب السياره وجلس يسولف عن السوق مع سمر وزوبا سااكته وصلها بيتهم وهي قلبها يدق كل ماتكلم سمر:بايوو زوبا وخلينا نشوفك. زوبا:طيب . سمر:واذا رجعوالبنات عطيني مس كول من جوالك. زوبا:ليش هم بيجون بيتنا؟ سمر:ايه يالله بايووو. ومشو بعد ماادخلت بيتهم وعبدالله وصل سمر البيت الي بس نزلت الا احمد جاها وركبت معه حتى ماادخلت البيت عشان تحط اغراضها الي شرتهم من السوق البنات بعد ماحاسو وتعبو رجعو مع بعض وكلهم نزلو بيت نوره الا بدور ماارضت وراحت بيتهم وقبل ماتفصخ عبايتها كلمت محمد بدور:الوو. محمد:هلا بدور. بدور:اخبارك حبيبي؟ محمد كان يتكلم بسلوب جد ورسمي:بخير انتي اخبارك؟ بدور:الحمدلله..شفيك حبيبي لايكون مااعجبتك؟ محمد:لا ماشاء الله عليك قمر. بدور:عارفه اني قمر بس بعيونك صرت احلى وانت بعد جناان شكلك رهيب. محمد:مشكوره من ذوقك. بدور:يووه محمد وشفيك تتكلم بهالبرود فيك شي؟ محمد:بدور انا بقولك حاجه وياليت ماتزعلين او تعصبين وانا ماكان قصدي اسوي فيك كذا بس خلاص لازم اقولك. بدور:محمدانت شنو شفيك؟ محمد:بدور انا اسف ماعمري حبيتك وكنت اتسلى وااسف واتمنى تسامحيني والله يستر عليك وعلى الجميع وابيك تنسين هالرقم ولاتتصلين محمد اعتبريه انتهى. بدور مااصدقت الي سمعته وقامت دموعها تنزل وشوي شوي قامت تبكي وتشهق بقوه ومحمد يهدي فيها وهي تبكي بدور:محمد شتقول انا احبك وسويت كل شي عشانك ليش محمد؟ محمد:صدقيني يابدور لانك طيبه مااحبيت العب عليك والله بيوفقك باحسن مني. بدور:لااا انا ابيك انت ماابي غيرك احبك انت. محمد:انا مااستاهلك وان شاء الله بتحبين غيري بتلقين الي يحبك وتحبينه ويستاهلك. بدور شوي وتموت روحها وهي تبكي وتشهق وتترجى محمد وهو محتار معها ومايبي يطول لانها كسرت خااطره وحس نفسه نذل وكره نفسه بالي سواه فيها محمد:مع السلامه بدور. بدور:محمد لااا لاترووح محمد. قفل الخط وضرب سيارته برجله بكل قوه وجلس عند صخره قريب من البحر ولام نفسه على الي سواه حس نفسه نذل وحقير واتصل فيه سيف وعلمه بمكانه وجا له سيف:شفتها؟ محمد:اايه. سيف:ايوووه من قدك وها حلوة او لا؟ محمد:سيف البنت مثل القمر وانا خلاص قطعت علاقتي فيها من ساعه. سيف:وشفيك الحين ندماان انك قطعت علاقتك فيها. محمد:لاا بس حرام كانت تحبني شقد انا نذل ياسيف ومااستاهلها. سيف:اذكر ربك ليش كل هالعصبيه والهم الي انت فيه. محمد:انت ماسمعتها وهي تترجاني وهي تصيح انا مستحيل اتعرف على بنات او اكلمهم ثااني خلاص تووبه ولو يصير شي في بدور يا سيف والله مااسامح نفسي انا غلطاان غلطان رحمتك وعفوك ياارب. سيف تاثر بحال صديقه وكيف تغير كل هذا بسبب بدور الي كان يتسلى فيها محمد:اسمعني ياسيف من اليوم ماافي بنات ولا طاريهم واذا بتكلمهم اوبتتحرش فيهم لاانت صديقي ولا انا اعرفك فااهم. سيف:اووف اووف هدي حالك وتامر يااخوي ماالنا بالبنات والله يستر عليهم وصحيح الي نسويه غلط بس لاتعصب انت وصدقني هذا جوالي وشوف. واخذ جواله وفتحه وقط الشريحه من الجوال في البحر واخذ شريحة محمد ورماها بعد سيف:شرايك بدايه جديده..بس انت قوم وهونها وماراح يصير في البنت شي. محمد:ان شاء الله. سيف:يالله نروح بيتنا. محمد:انا جاايع وابي اتعشى مافيني حيل. سيف:طيب بس انا تعشيت مع عبوود بس ولاتزعل اتعشى معك. وراحوثنينهم لاقرب مطعم واخذو العشاء وراحو لبيت سيف واتصلو على سعد يجيهم وجا لهم عشان يتعشى معهم ورجع محمد على طبيعته لكن قلبه يعوره على بدور سعد:هاا حمود مطوول هنا؟ محمد:وانت شعليك مني بيتك؟؟وبعدين انا ناوي اخذ بنتهم. سعد:هههه الا تخسي انت . سيف:يبه ماعندنا بنات والحين سعد نسيبي. محمد رفع حاجبه:ومن متى بالله؟ سعد:من اليوم والملكه الخميس الجاي. سيف:مااحد قالي عن الملكه. محمد:هههههههه خوش اخو بالله. سعد:ماعليك منه اليوم حددنا انا وابوك. وظلو يسولفون ومن بعدها مشى كل واحد بيته عالساعه 1 وحده من الليل ...................... البنات رجعو كل وحده بيتهم ونامو واسيل قبل لاتنام ارسلت لعلي رساله قبل النوم وهو شافها ورد عليها وبعدها نام . وسمر تعشت احلى عشاء مع احمد وكان غيرر يضحك ويتغزل فيها ومايناديه الا حبيبتي على غير عاادته وكان انسان ثااني بهالليله وسمر مااصدقت رجعت البيت وراحت لعبدالرحمن تدوره ومالقته في غرفته وشافها خالد وهي طالعه من غرفه عبدالرحمن سمر:ووين رحمانو؟ خالد:توني جاي من عنده بالمزرعه وقال بينام هناك. سمر:يووه حساافه. خالد:ليش شعندك؟ سمر:سلامتك. وراحت لبدور تعلمها وبس فتحت الباب انصدمت بدور كانت على سريرها وعبايتها عليها وتصيح وتشهق بقوه وتقول بصوت يقطع القلب:لا لا . سمر راحت لعند اختها ولمتها وسالتها شفيه بهالحال بدور شالت نفسها واخذت الجوال وضربت فيه بالجداروتكسر قطعه قطعه ورجعت تصيح بين يدين اختها وهذيك متعجبه من حالها شفيها بدور؟؟ سمر:بدور بسم الله عليك شفيك؟؟احد زعلك؟تهاوشتي مع احد؟احد صار فيه شي؟ بدور:اكره شي اسمه محمد مااحبه ذبحني محمد ذبحني. سمر مستغربه:من محمد ؟؟بدور جاوبيني من محمد؟ بدور:محمد كان كل شي والحين ولا شي محمد ولاشي. سمر:تكلمي فهميني شسالفه؟ بدور جلست ومسحت دموعها واخذت نفسي قووي وبعدها طالعت اختها بنظره غريبه وقالت:ماافيني شي بس تعباانه خليني بروحي. سمر:من محمد؟ بدور:ولاشي انا تعباانه وهلوست شوي هههه. سمر:هههه خوفتيني افتكرت فيك شي. وقامت سمر عشان تطلع من الغرفه ونادتها بدور ثاني بدور:سمر. سمر:امري. بدور:ماابيك تكلمين حور ولا اسيل ولا دانه فاهمه. سمر:ليش؟؟شفيك معهم توك اليوم مااخذتهم معنا السوق وحالتك حاله والحين ماتبيني اكلمهم ليش شنو صاير؟؟تهاوشتي معهم؟ بدور:سمر خلاص انا مااحبيتهم وماابيك تكلمينهم. سمر:اسفه انا عاجبيني ومااشوف فيهم شي ماتبين تكلمينهم انتي براحتك. بدور:يووه خلاص براحتك اما عني ماحبهم ولابي اكلمهم. طلعت سمر وهي متعجبه من الي صار من شوي شفيها بدور جنت؟؟وهي تفكر على سريرها اتصل فيها احمد ونست بدور وطاريها بعد دام حبيب القلب يكلمها اما بدور رجعت تبكي وبعدها مسحت دموعها طيب يا محمد مو بدور الي تتسلى بقلبها انا بكون لك غيرر الي تسليت فيهم وجرحتهم وانا الي بعلمك الجرح الحقيقي. .............................. .................... ............. لمياء وسعد>>بتم ملكتهم ولا بيصير شي ياخرها او ينهيها ؟؟ بدور ومحمد>>شنو بيصير بينهم وشنو ناويه بدور عليه؟؟ حور وعبدالرحمن؟؟؟؟؟؟؟؟؟>>في شي ؟؟ علي اسيل>>هل من الممكن يكون علي ابتداء يحب اسيل؟؟ زوبا ـ عبدالله ـ سيف ـ دانه ـ والباقي كلهم شنو بيصير لهم؟؟ والسؤال المهم زيد شنو دوره في البارت الجاي؟؟ |
|
|
#12 |
|
|
رد: "مال الهوى عندي عذر ".
(6)
لا تقلقي . يا حلوة الحلوات ما دمت في شعري وفي كلماتي قد تكبرين مع السنين .. وإنما لن تكبرين أبدا .. على صفحاتي (نزار قباني). عبثا ما أكتب سيدتي إحساسي أكبر من لغتي وشعوري نحوك يتخطى صوتي .. يتخطى حنجرتي عبثا ما أكتب .. ما دامت كلماتي .. أوسع من شفتي أكرهها كل كتاباتي مشكلتي أنكِ مشكلتي. (نزار قباني). كل يوم نستعد لخسران شي في حياتنا او فقدان شي...الاصعب؟؟ خسارة الحب في حياتنا. او خسارة الثقه من اقرب الناس لنا؟؟؟..ومثل مافي انسان يستعد للخساره في ثاني يستعد للفوز وكسب شي مهم في حياته ممكن يكون الحب..او الثقه؟؟. .............................. .................... ........................ العرق ينزل منها ومتوتره ملت وهي تنتظر احد يجيها ويجلس معها من صلت المغرب ولاشافت احد هاليوم جالس يمر عليها بطيء وبيموتها قبل لايمر ويكمل مو عارفه شتسوي تروح تتصل على البنات تسالهم ليش تاخروا؟؟ لا مايصير اكيد شوي وياصلون بس هي خاايفه وتبي تتكلم يااارب رحمتك مااحد يحس فيني ومكياجي احسه خفيف بالحييل قامت فتحت دولاب ملابسها تطالع ملابسها ماتبي تلبس شي رسمي ولاشي بسيط تبيه حلو وعادي يناسب مكياجها شنو اللون؟؟اوووف انا اوريهم بس يجون حتى الملابس مو عارفه شنو بلبس..انفتح باب غرفتها ودخلت زوبا واختها نوره وعلى طول انفجرت لمياء فيهم من كثر ماهي مقهوره. لمياء بعصبيه:مااحبكم ووينكم تاخرتو علي؟ زوبا:هههههه وشفيك كذا للحين ماالبستي ولاتجهزتي؟ نوره:ياحبيبتي اخوي بندر كان نايم ويالله رضا يجلس يوصلنا وبعدين ليه مالبستي؟ لمياء:انتظركم انتو وحور ..وروني شنو لبستو؟ زوبا كانت لابسه بنطلون جنز وعند الخصر حزام بني عريض وعليه بلوزه بنيه نعوومه وكات عند الظهر وشعرها كان بني وطوويل ومقصوص اطرافه بطريقه حلوه ومخليته مفتوح..ونوره كانت لابسه فستان اسود حرير نااعم ويكون علاق ولابسه عليه اساور فضيه كثيره وعقد فضي ناعم وحاطين مكياج ناعم وصاير شكلهم روووعه زوبا:هاا شرايك فيني؟ لمياء:حلوو صاير شكلك امممممم. زوبا:شنو؟ لمياء:شكلك مريح يعني مو رسمي وبسيط. نوره:وانا؟ لمياء:انتي رهيب الفستان عليك بس رسمي شوي. نوره:يووه لاتقولين كذا ..ابي اغيره ماابيه. لمياء:بلا بقااره وخليه قلنا لك حلو. زوبا:بكلم دانه ليه تاخرت؟ دانه كانت توها بتدخل لحور عشان توصلها معها هي واسيل ونزلت ونست جوالها بسيارة علي الي بيوصلهم وكان جوالها يرن سمعه علي وشافه جوال دانه وطنشه دانه دخلت البيت وراحت تنادي لحور وماادخلت الغرفه الا وكل الغرفه ملابس ومعفووسه طلعت لها حور وكانت لابسه تنوره قصيره لونها اسود وفيها تطريز ناعم بالابيض وعليها بلوزه بيضه تكون نازله شوي عن الاكتاف وفيها علاق بلون الاسود وشعر حور اسود وطوله حلو فكانت رافعته بمشبك بشكل حلو ومنزله خصله طويله على وجها شافتها دانه وقامت تصفر وهذيك تضحك على اختها وحركتها دانه:شالكشخه ياحور اليوم خطبت لمياء مو انتي. حور:ههههه دندونه يقطع شرك شكلي فااشل. دانه:والله عيونك الفاشله ملابسك صايره تجنن وشنو حاطه بعيونك صاير شكلها واسع؟ حور راحت لعند المرايا تطالع شكلها:كحل توه جديد شريته يوم نروح السوق مع بدور. دانه:والله حلو حوري ..الا على طاري بدور كل مااتصل جوالها مقطوع تتوقعين اعزمتها لمياء على الخطوبه؟ حور:مااتقدر تجي نوف قالت لسمر وقالو مشغولين وماراح يجون. دانه:براحتهم..طيب وين اسول تاخرنا على علي في السياره ؟ حور:في غرفة امي تتحوس ..يالله بلبس عبايتي. دانه فتحت عبايتها :حور شوفي ملابسي حلوه. دانه كانت لابسه مثل حور تنوره لكنها اقصر من تنوره حور ولونها احمر ولابسه عليها بلوزه بدون اكمام او شي تبين صدرها كله ولابسه عقد احمر ناعم وشعرها قصير فيعني مفتوح . حور:اوووف دووين جناان ياحماره صايره احسن مني . دانه:هههه من زمان احلى منك والكل يقول. حور:الا طويله وهبله الكل يفكرك انتي الكبيره مو انا. دانه:من الحره تقولين هالكلام..حوير خاايفه لو علي شايف ملابسي ماخلاني اركب السياره. حور:لانهم كذا..تعالي شوفي اسول شنو لابسه اعظم منك. دانه:ليش شنو لابسه ؟ حور:لابسه الفستان السماوي القصير ولابسه عليه جزمتها الي كلها تربيط بنفس لونه وماقلت لك امس صبغت شعرها اسود والحين فاتحته ومجعدته صاير يجنن عليها. دانه:ابي اشوفها ..يووه تاخرنا وانا بعد نسيت شنطتي في السياره بيعصب علي . طلعت دانه عشان تروح السياره وعلي تعب ينتظرها وازعجه جوالها الي كل دقيقه يرن ونزل وشايله لها دانه سكرت عبايتها ولفت الشيله وتوها بتطلع الا واسيل نازله من الدرج تركض وتنادي لدانه. اسيل:دنددددددون وقفي. دانه رجعت لها:شفيك ..ااوف شالحلاه صايره حلوة. اسيل:صحيح ؟؟حور تقول فستاني قصير بالحييل. دانه:عاادي جيبي عبايتك وخلصينا. اسيل:هذي هي على الدرج. وراحت اسيل اخذت عبايتها ورجعت تركض وتوها جايه لدانه الا دخل علي البيت وهو معصب على دانه ليه نست الشنطه وتاخرت عليه. علي:داانه تاخرتي وجوالك من ................. علي سكت ومااقدر يتكلم واسيل مصدومه ولاهي عارف وين تروح وظلت واقفه مكانها ودانه واقفه بوسطهم وتطالع في الاثنين ولاهي بعارفه شنو تقول وظلو واقفي ولااحد منهم مستوعب الي صار. حور نزلت وهي مو عارفه شنو صاير نزلت لابسه عبايتها وتنادي لاسيل تفكرها مازالت فوق عند امها حور:اسووول وجع نزلي لايعصب علي اسووووول. صوت حور صحاهم من وقفتهم الي كانو فيها علي بس انتبه نزل راسه واسيل تذكرت ملابسها شلون علي شافها بهالملابس وراحت صعدت الدرج بسرعه وضرب كتفها في حور وكملت لفوق دون ماتوقف ودانه مازالت على وقفتها ولاتكلمت بس سااكته علي منحرج علي:دانه جوالك كان يرن وانا ..قلت ..يمكن..خذي الجوال انتظركم بالسياره. وعطاها الجوال وطلع وهو مو شايف قداامه ومازال مصدوم هذي اسيل بنت عمه؟؟ معقوله كل هالجمال فيها؟؟هالكثر كبرت اسيل وصارت حلوه؟ حور تكلم دانه وهذيك مسبها هزتها من كتفها عشان تصحى حور:داانه الوو وشفيكم؟ دانه وكانها توها صاحيه من النوم:هااا شنو شفيك؟ حور:دووين شفيكم ؟ دانه:حوير ماشفتي شنو صار اسيل كانت موجوده تكلمني ودخل علي وشافها وهي بلا عبايه ولا غطى. حور:شافها وهي لابسه كذا؟؟!!!!! دانه:ااايه وانتي جيتي وبس هو راح وهي راحت. حور:يووه الحين شلون اسيل بترضى تروح اكيد بتعند. دانه:انا بروح لعلي وانتي كلميها. وطلعت دانه وراحت ركبت السياره علي كان جالس ومنزل راسه على دركسون السياره وسااكت ولاحتى لف وجهه عليها وهي ركبت وهي سااكته وماتكلمت وظلو على هالحال وبعدها علي رفع راسه ومسح بيدينه على وجهه وجلس يعدل في ملابسه ويشغل نفسه بعدها قال:شفتي من متصل على جوالك؟ دانه:لا ماابعد..الحين بشوف. علي:طيب ووينهم عشان نمشي؟ دانه:الحين بيجون. علي:اها. ورجع نزل راسه على دركسون وسكت ودانه شافت 5 مكالمات لم يرد عليها من زوبا علي رفع راسه وقال وهو متردد:اسيل الي كانت من شوي؟ دانه:الي مساعه؟ علي:لاتستهبلين يعني متى؟ايه الي مساعه. دانه:ايه اسيل ليش شفيك؟ علي:ولاشي ..بس اسال. وفتح النافذه وظل يطالع البيت وسرحاان ولاتكلم بعدها اما حور لحقت اسيل الي جلست في غرفه حور وشوي وتصيح من الاحراج شلون بتركب مع علي الحين؟؟ دخلت حور وشافتها جالسه على السرير وجها لونه احمر وعيونها ممتليا دموع حور:قومي يالله فكينا لانتاخر. اسيل:روحو انتو انا مستحيل اركب معه بعد الي صار. حور:ليه طيب؟ماصار شي وعاادي ماانتبه فيك زين قوومي. اسيل:قلت لك ماابي مااني رايحه. حور:بتزعل عليك لمياء. اسيل:خلاص اكلم ابوي ويوصلني. حور رن جوالها وشافت فطوم الي متصله وردت عليها حور:هلا بطه وشفيك؟ فطوم:هلا بحوري. حور:رحتي انتي للمياء؟ فطوم:لا انا قريب بيتكم ابوي مايدل بيتهم قلت امرك تروحين معي انتي تدلينه. حور:انا بروح مع دانه واخوي بيوصلنا. فطوم:يووه وانا شلون اروح. حور:انتظري شووي. حورتكلم اسيل:شرايك تروحين مع فطوم وابوها وتدلينهم البيت مايدلون وينه؟ اسيل:طيب. حور:البسي عبايتك هي قريبه . ورجعت حور تكلم فطوم :اسيل بتروح معك هذي هي تنتظرك باي تاخرت على دانه. فطوم:طيب انا دقيقه وعندها. سكرت حور ونزلت مع اسيل الي البست عبايتها وجلست تنتظر فطوم حور راحت ركبت السياره وسلمت وسكتت لانها حست الجو متوتر. علي ظل واقف ينتظر مامشى على باله اسيل بتجي معهم وماشاف احد طلع من البيت حور:خلاص امشي. علي:واسيل مابتروح؟ حور:بتروح مع وحده من البنات بتمر عليها. علي:وليه بعد ماتجي معنا شالدلع؟ دانه:لا بس يمكن هي واعدتها تروح معها. حور:فطوم مااتعرف البيت وهي بتعلمها. علي تضايق من اسيل :براحتها. ومشى وطول الطريق سااكت ومايتكلم ودانه وحور مثله ساكتين. فطوم وصلت واتصلت على اسيل الي طلعت وركبت معها وسلمت بهدوء اسيل:السلام. فطوم وابوها:وعليكم السلام. فطوم:شخبارك اسوول؟ اسيل:تمام الحمدلله. فطوم:مشت حور من زمان ولا توها؟ اسيل:توها. فطوم:شفيك اسوول مستحيه من ابوي هههههه. اسيل مااردت وبو حسين حس ان بنته احرجت صديقتها شكلها صحيح مستحيه منه بوحسين:فطوم خليها على راحتها يكفي غاصبينها تجي معنا. اسيل:لا عادي مو غصب. بوحسين:يالله تحملينا يابنيتي. اسيل:بالعكس عاادي. بوحسين:زين شخبارك يا..؟ فطوم:اسيل يبا شفيك نسيت. بوحسين:ههه شخبارك يااسيل؟ اسيل:الحمدلله بخير. بوحسين:الحمدلله.يالله عقبالك انتي وفطوم. فطوم:يااارب. بوحسين مع اسيل:ههههههه. بوحسين:هاا يا اسيل علميني عن شطانه فطوم اكييد شيطانه؟ فطوم:يووه يبا . اسيل:ههههه لا فطوم عااقله وهااديه. فطوم:نجيتي مني بكلامك هههههه. بوحسين:هههه اسيل لاتخافين منها انا احميك قوولي شتسوي؟ اسيل:ههههه لا مو خوف بس فطوم صحيح هااديه وشاطره. بوحسين:زين زين يالله دوم هاديه. فطوم:الوعد في البيت يا بوحسين. بوحسين:هههههه اها يابنتي هذا الهاديه شفتي بنت تقول لابوها الوعد في البيت؟ اسيل:هههههه اايه فطوم. الكل:هههههههههههه. وصلو البيت ونزلو لبيت لمياء وهم يدخلون وصل معهم سعد وابوه واهله صعدو لغرفه لمياء وشافو كل البنات هناك وكل وحده تسولف مع الثانيه وتشوف ملابسها والي تعدل شعرها ولمياء الوحيده ماالبست لمياء:هي وانا شنو اللبس؟. فطوم:انا اقولك تعالي اشوف دولابك. وراحو كل البنات يدورن لها ملابس واتفقو تلبس فستان احمر يطلعها حلووه لكنه قصير مثل اسيل ويشبهه شووي لكنه باين احلى بسبب لونه ولان جسم لمياء احلى من اسيل اسيل ضعيفه بالحييل وطلعو لها اكسسوار ورتبوها وتجهزو كلهم وطلعت لمياء تجنن لمياء:يووه والله مااتوقع بترضى امي يشوفني سعد كذا. زوبا:لا بترضى والله شكلك يجنن. نوره:الا صحيح سعد جا مع اهله ولا لسى؟ اسيل:لا.. شفناه جا معنا هو واهله. حور:بناات وحده تنزل تنتظر نوف ماتعرف وين حنا هي تحت عند الباب. دانه راحت لها وماكان عليها عبايه وعصبت اسيل عليها قبل لاتنزل اسيل:دووين ناويه تتفشلين مثلي لبسي عبايتك. دانه:بسم الله علي . زوبا:ليش شنو صاير؟ قامت حور تعلمهم بالي صار واسيل تضحك معهم على الموقف المحرج الي مرت فيه لمياء:ههههه عاادي دانه بيتنا ماافي احد روحي. دانه:متاكده؟ لمياء:ااايه متاكده. زوبا:هههه حسافه متاكده ولا كنت بنزل معك دوين. دانه راحت تحت وشافتها ام سيف وسلمت عليها وخلتها غصب تدخل تسلم على الحريم الموجودين ودانه مااقدرت تقول لا ومااعرفت تنحاش منها فدخلت سلمت وطلعت وراحت لعند الباب ووقفت قدام المرايا الي في المدخل ومااشافت نوف وشوي الا نوف متصله تقولها هي عند الباب وموعارفه وين مدخل النساء. دانه راحت بسرعه تفتح باب المدخل وهي تمشي ماانتبهت الا وهي صاادمه بشي ومن قوه الصدمه رجعت على وراء وماارفعت راسها الا سيف قدامها وهو الي ضربت فيه وهو مصدوم مثلها شلون ضربت فيه ومن هذي؟؟ ودانه تلعن في نفسها يااربي اعايب على اسيل وصرت مثلها سيف رجع شووي وقال:ااسف ماكنت ادري ااسف. دانه مالها وجه ترد وحلجها كتم صوته وظلت واقفه مكانها وسيف طلع من الباب وتركها وهي راحت لنوف وهي بتمشي انكسرت كعبت جزمتها وتعورت رجلها وانقهرت زياده وتوها فاتحه لنوف شافت اخوها محمد واقف مع سيف الي صدمت فيه ونوف دخلت وشالت الغطى وتكلم دانه الي سرحانه وشايله جزمتها بيدها نوف:هي داانه شفيك اكلمك؟ دانه:هااا لا مااسمعتك. نوف:امشي نروح للبنات وبعدين ليش جزمتك في يدك؟ دانه:انا هاا لاا ماادري. نوف:دووين شفيك امشي بس امشي. وصعدو للبنات وداانه في عالم ثااني مو حااسه بالي حواليناها وتفكر بسيف الي صدمت فيه شايفته بمكان ووين فيه وووين فيه؟؟ اايه بالمجمع لاثنين الي فات هذا هو نفسه بس صاير احلى هنا واسلوبه غيرر . اسيل شافت دانه واستغربت من حالتها شفيها تسبهت ونست نفسها جلست جنبها تكلمها اسيل:شصاير؟ دانه:اسوول صار لي مثلك صدمت في اخو لمياء ذاك الطوويل الي ذاك اليوم بالمجمع. اسيل:بذمتك قولي والله صدمتي بسيف؟ دانه:اايه وربي. اسيل:وشاافك كذا؟؟ دانه:اايه . اسيل:ههههههههه هههههههه تستاهلين طلعت حرتي هههههههه. دانه:ياحماره ولاتقولين لااحد اذبحك. اسيل قامت وراحت لنوره وزوبا الي واقفين مع نوف وحور وقالت لهم وهم جلسو يضحكون على داانه وهذيك عصبت على بنت عمها ولقافتها لمياء كانت جالسه مع فطوم وهذيك ترتب مكياجها واستغربو ليه يضحكون وشوي الا ام سيف دخلت على البنات الغرفه عشان تستعجلهم لانهم تاخروا على الناس ام سيف:يالله يابنات تاخرتو. فطوم:خلصنا خالتي لاتحاتين. ام سيف:طيب ووين لمياء اشوفها؟؟ لمياء راحت لامها الي شافت فستانها وعصبت عليها ليش تلبسه وقالت لها تغيره لمياء:يمه تكفين ماابي اغيره. ام سيف:جنيتي شنو بيقولون الناس؟ نوره:خالتي الله يسلمك عاادي كل البنات كذا. حور:لمياء كبرت وعروس عادي تلبس الي تبيه. وام سيف مو راضيه بنتها تقابل اهل زوجها بهالفستان وعصبت عليها نوف امسكت ام سيف وجلست تقنعها انها تخلي لمياء تنزل بهالفستان نوف:يااخالتي هذولا مو ناس اغراب بيصيرون اهلها ولازم تتعود عليهم ويتعودون عليها. ام سيف:بس يانوف ابوها لو شافها بيصارخ عليها. نوف:لا ان شاء الله انتي لاتحاتين وبوسيف ماراح يصارخ ويخرب فرحت بنته. ام سيف: هاا يالمياء انا قلت لك وقدام صديقاتك اذا صارخ ابوك وزعل مالي دخل فيك. لمياء:طيب بس انتي قولي اايه. ام سيف:خليه عليك بس ياويلك من ابوك. لمياء:طيب . وتجهزوا البنات وكل وحده رتبت نفسها ونزلو كلهم مع لمياء وشغلو زفه عاديه عشان يسون جو في المكان ولمياء دخلت وسلمت على ام سعد وحبت راسها وعلى جدته بعد وجلست في مكانها وكانت سااكته ومستحيه ومنزله راسها وام سعد كل شوي قالت قولو ماشاء الله عليها بسم الله الرحمن الرحيم . ولمياء تستحي اكثر والبنات يضحكون عليها لان وجها صاير احمر من الحيا زوبا شغلت اغنيه وقامت ترقص هي ودانه وشوي شوي كل البنات رقصو حتى لمياء قامت معهم ومر الوقت سريع عليهم وجات الساعه 11 وسيف نادى امه لان سعد يبي يدخل خلاص وام سيف قالت للحريم يتغطون لان سعد بيدخل لمياء خاافت وقام قلبها يدق بقووه ورجولها ماتشيلها من خوفها شلوون سعد يشوفني؟؟صحيح انتظرت هاللحظه كثيرر الحين ماابي هونت يااربي شسوي لايدخل لايدخل.. ارفعت راسها تطالع وشافت كل صديقاتها البسو عباياتهم وحطو لثمتهم ولااحد معها واشرت لحور الي جات لها تشوف شنو فيها حور:شفيك؟ لمياء وصوتها فيه غصه:مابيه يدخل لاتخلونه يدخل. حور:ليش مايدخل؟ لمياء:خاايفه احس بيغمى علي لو دخل. حور:هههه لاتخافين ماراح يصير الا الخير انتي بس ذكري ربك. لمياء:حور وقفي معي لاتروحين وتخليني لحالي. حور:لااا مايصير وبعدين ابوك واخوك بيدخل معه شلون اوقف معكم. لمياء انصدمت:سيف بيدخل؟؟؟؟!! حور:اايه امك تقول . لمياء تضرب على خدها:ياوويلي ياحوير بيذبحني سيف لو شاف الفستان ولا قدام سعد. حور:بضربك على وجهك قلت لك لاتخافين وبعدين سعد خلاص زوجك واخوك ماله دخل فيك ولابيتكلم انتي الحين رتبي شعرك سريع. جات دانه وفيي يدها عطر واخذت لمياء وعطرتها وخنقتها وهي ترش كثير لمياء: دووين خنقتيني. دانه:يالغبيه العطر الكثير ززين خلي بس يدخلون يشمون ريحته اااه تجنن. حور:المهم خلصينا امشي بيدخلون الحين. وراحو جلسو مع البنات ولمياء تطالع صديقاتها وعيونها كلها دموع وحرارتها مرتفعه دخل سعد مع ابوها وسيف وقامت ام سعد وام سيف يلالشوون ويهللون مع باقي الحريم وسعد كان جناان لابس ثوب وشماغ ابيض مطلعه حلو وكان مبتسم واول ماادخل طاحت عينه على لمياء وقلبه خق من مكانه ماشاء الله كل هالحلا يالمياء الله يهنيني فيك وابوها كان يمشي ومبتسم لان خطوبه بنته الوحيده وعلى ولد صديقه وسيف كان بعالم ثاني من دخل وهو يطالع في جهة البنات ويدور الي من شوي صدمت فيه ووينها؟؟ اووف كلهم لابسين هالعبايات شيلو على الاقل الغطى حنا في فرح فرحو قلبي. وصلو لعند لمياء الي حاولت توقف على رجولها مااقدرت ومسك سيف يدها وقومها ورجولها ترجف ويدينها وقلبها بيطلع من مكانه حتى سعد مااشافته لانها من دخل منزله راسها |
|
|
#13 |
|
|
رد: "مال الهوى عندي عذر ".
سلم ابوها عليها وباسها على راسها ومسح على شعرها وبعد عشان سعد يسلم عليها
وبس مسك سعد يدها وحست بيده تضغط على يدها الي كانت ترجف رفعت راسها وظلت تطالعه وهو يطالعها وباسها على خدها ومسك يدها وجلس معها وسيف بارك لاخته سيف:مبروك لمياء. لمياء وصوتها مااحد يسمعه :الله يبارك فيك. وبعدها بو سيف طلع مع ولده وتم سعد بس الي من دخل ماشال عيونه عن لمياء الي منزله راسها وضامه يدينها من كثر مايرجفون وسعد هاايم بالملاك الي جالس جنبه اخذ يدها ومسكها بيدتينه وباسها وظل يطالعها وهو مبتسم سعد:الله الله كل هالحلا ياحبيبتي لو عارف انك قمر كان ماانتظرت لهالوقت. لمياء:تسلم. سعد:طيب ماافي كلمة مبروك ولااماستاهلها من فمك الحلو. لمياء استحت:مبروك. سعد:مبروك بس. لمياء:اجل شنو؟ سعد:يعني ماافي مع المبروك بوسه ولا حبيبي؟ لمياء قلبها كسر ضلوعها من كثر ماايدق:سعد خلاص حولينا ناس. سعد:وشعلينا من الناس ؟زوجتي وحر فيها..وبعدين بسك لاترجفين. لمياء:موكيفي هي من حالها ترجف شسوي؟ سعد مسك يدينها وظل يمسح عليهم ويسولف معها الى ان خف توترها ورجفتها قالو للضيوف يتفضلون على العشاء وسعد و لمياء قامو هم بعد للمجلس الثاني والبنات ماايبون عشاء فضلو جالسين يسولفون اسيل:ااااااه قلبي شفتوه وهو ماسك يدها. دانه:الله يهنيهم يااحظهم بس لايقين على بعض. زوبا:الفال لنا ياارب. نوره:يستاهلون بعض هو حلو وهي حلوه واثنينهم طيبين. فطوم:خلصوناا انا جايعه وانتو مسوين فيها دعوه ابي اكل. حور:هههه ومن ماسكك قومي . فطوم:استحي لحالي. نوره:اروح معك قومي. وراحو ثنتينهم ياكلون لانهم جد جايعين وزوبا ودانه مازالو يرقصون لحالهم ونوف معهم دخلت ام سيف عليهم تبي وحده من البنات ونادت لدانه دانه:يااربي ام سيف اليوم كل تناديني ماادري شفيها علي ؟ زوبا:استحي على وجهك ولاتتكلمين عن خالتي. نوف:يوه ماقالت شي وانتي دندون روحي شوفي شنو تبي ام سيف. راحت دانه لام سيف وكانت تبيها تروح تصور لمياء في المجلس لانهم ماصوروها هنا ولبست دانه عبايتها وراحت وفي طريقها شافت اخوها محمد بيطلع ونادته وهو ماعرفها وكان مستحي منها ومستغرب شتبي هالبنت تناديه محمد:امرري. دانه:بتمشي الحين حمود؟ محمد:دووين يقطع شرك ماعرفتك ههههه. دانه:هههه صحيح ليتني مستهبله ومهببه فيك. محمد:اها يالله ضفي خلقتك انا بمشي . دانه:يمه اخوي صاير حلوو اليوم. محمد:ادري اني حلو. وهي تتكلم معه شافهم سيف واستغرب من هذي الي تكلم محمد ؟؟الله عليك ياحموود توك من كم يوم مااتبي طاري البنات مااسرع نسيت كلامك والتفت دانه وشافها سيف زين وانتبه في عيونها نفسها الي صدمت فيه هذي هي وبس راحت هو جا لمحمد سيف:يااكذاب يامنافق. محمد:الله الله ليه؟ سيف:من كم يوم لاانت صديقي ولااعرفك اذا جبت طاري البنات ومسوي عاقل والحين واقف مع بنت ولا في بيتنا ااخ يااخوان. محمد:ههههههه الله يرجك يااسيووف هذي اختي . سيف ضحك على نفسه وفي نفس الوقت فرح انها اخت محمد:ههههه صحيح محمد. محمد:هههه صحيح يالله امش معي. سيف:ههه طيب شسمها؟ محمد:دانه....تعال انت ليش انا اقولك اسم اختي. سيف:انا ادري عنك يالمجنون ههههه. محمد:الشرها علي واقف معك خلصني بتجي معي ولا؟ سيف:لا ولااقولك بدخل اصور مع سعد وابدل ملابسي واطلع لك وانت انتظرني بالسياره. طلع محمد للسياره وسيف دخل المجلس وكانت دانه تصور وماانتبهت بسيف الا بعد ماسلم سيف:سلام. سعد:هلا سيف. سيف:حيالله النسيب. سعد:الله يحيك. سيف:طيب ليه لازق في اختي وخر شوي بصور معها. سعد:لا مابيك تصور مع زوجتي. سيف:هه هه ضحكتني انت وجهك يالله انا بوقف في الوسط ولو سمحتي صوريني. وقف سيف جنب لمياء وسعد وصورتهم دانه وكل شوي سيف وقف بمكان وصور وظل يسولف ويضحك وناسي محمد الي ينتظره في السياره دانه خلصت وطلعت وسيف راح وراها وقبل ماتدخل ناداها سيف:لوسمحتي. دانه وقفت والتفت عليه:هلا. سيف:انتي دانه صح. دانه استغربت شنو عرفه في اسمي:اايه دانه شنو بغيت. سيف مبتسم ويطالع في دانه وهي تطالع فيه شوي وصوت جواله ورفعه يكلم وكان محمد ومعصب ويصارخ على سيف الي ولاهمه لامحمد ولا صراخه كل باله مع الواقفه معه سيف قفل من محمد ودانه مشت عنه ورجع نادها سيف:دانه. دانه:لو سمحت يااخ... سيف:انا سيف اخو لمياء وصاحب محمد اخوك اكيد سمعتيه نسيته وعصب. دانه تطالعه ببرود:طيب وبعدين؟ سيف مرتبك ولاول مره في حياته مايعرف يتكلم مع بنت وحاس نفسه ضاايع قدامها سيف:اها ممكن تاخذين لي صوره لحالي؟ دانه نست نفسها وهايمه بسيف ومااعرفت تمسك لسانه وكالعاده فضحت حالها دانه وهي تبتسم:اوكي بس بشرط الصوره مو لك. سيف:ههه ههه تفداك الصوره وصاحبها. دانه انتبهت من كلام سيف وتوترت شنو قلت انا صحيح غبااء فيني ياارب بس شلون اصرفه هذا ؟خليني اخذ له صوره وارتاح ..وهو صادق باخذ الصوره ..ااه يجنن سيف واقف وينتظر دانه ترد وهي ساكته وتطالع سيف:هاا بتصوريني؟ دانه:الي تامر فيه. وقف سيف وكان مبتسم وشكله باين جنان في الصوره صورته دانه سيف:يعطيك العافيه. دانه:الله يعافيك يالله عن اذنك. سيف:دانه انتظري شوي انا... دانه:سيف وقفتي معك ماهي صح وحنا في بيتكم فيعني لو سمحت خليني اروح. سيف سكت هو عارف ان كلام دانه صح مايصير يوقف معها مده طويله وخاصه انها ماتقرب له دانه مشت وخلته وبس دخلت وشالت شيلتها وراحت للبنات وهي تضحك وتصارخ من الونااسه والبنات ماعطاها بال جالسين طق ورقص. سيف بدل ملابسه وطلع لمحمد الي شوي ويذبحه ومشو مع بعض سعد كان مع لمياء واخيرا جلسو لحالهم بدون مااحد يزعجهم ويتكلمون براحتهم سعد:ااه ياقلبي مو مصدق انك جالسه معي. لمياء بكل حيا:لا صدق انا جنبك وبضل جنبك طول العمر ان شاء الله. سعد:لا انا في حلم اكييد في حلم. لمياء:ههه سعد وشفيك تبيني اقرصك عشان تصدق؟ سعد قرب من لمياء اكثر وقال لها في اذنها بهمس:لا عطيني بوسه عشان اصدق. لمياء ذابت من الحيا والونااسه:سعدد سعد:يالبى قلبي امري على سعد. لمياء:سعد خلاص والله استحي. سعد:ههه اموووت فيهم الي يستحون بس لاتتهربين والله مااني طالع اليوم الا بوسه. لمياء قربت منه وعطته بوسه على خده سعد:ههه الله يرحمك ياسعد. لمياء:ههههه سعد:دووم هالضحكه وتسلم لي هالشفايف التوت. لمياء:لا كذا انا الي الله يرحمني. وضلو يسولفون وسعد طول وقته يتغزل في لمياء وهي تذووب حياء من كلامه وحركاته البنات حسو الوقت تاخر ولازم يمشون واول من مشى نوف الي جاها سواقها وراحت معه وبعدها اتصلت حور على اخوها علي يجيهم وابتدت معانات اسيل مره ثانيه شلون بتروح وقالت لفطوم بترجع معها فطوم اتصلت على ابوها وكان مشغول اتصلت في اخوها حسين يجي ياخذها وقالها دقايق وراح يجيها فطوم:اخوي حسين شوي ويجي. اسيل:يووه ماابي اروح مع اخوك ابوي مايرضى. فطوم:بلا هالحركات وتعالي معي. اسيل :لا مااقدر. حور:اسوول بلا سخافه وتعالي معنا ليه تسوين سالفه على الفاضي. زوبا اتفقت تروح مع دانه عشان بتعطيها كم حاجه هي ناسيتها عندها نوره قالت بتروح مع فطوم توصلها بطريقها واسيل الوحيده مو عارفه مع من بتروح ومحتاره علي جا وراحو له واسيل لابسه عبايتها ولاهي راضيه تروح معهم وبس ركبو السياره علي استغرب ووينها اسيل ماجات معهم من بترجع معه؟؟ علي سال حور الي كانت راكبه جنبه:وين اسيل؟ حور:ماتبي تجي معنا. علي عصب:ان شاء الله بترجع مع من؟ حور:ماادري يمكن مع فطوم. علي:وليش؟راحت معها عشان توصلها البيت الحين ليه تروح معها؟ حور سكتت مااعرفت شتقول لعلي عن اسيل وهو عصب من حركه اسيل الي مالها داعي ونزل من السياره وظل واقف شوي بره وزوبا ودانه يطالعونه زوبا:يجنن اخوكم بس مسكين معصب. دانه:ههه يقطع شرك يا زوبا علي يعصب هذا ماعنده في القاموس شي اسمه العصبيه. حور:اقول مو وقتكم يكفي اسوول وحركتها. دانه:صح اسيل زودتها مايحتاج كل هالدعوه. زوبا:الله يهديها عنيده ومااتسمع الكلام . دانه:شسوينا الحين مع هالاثنين؟ حور:بعد شسوينا؟ننتظر علي يوصلنا. علي ظل واقف بره السياره وبعدها اخذ جواله واتصل على اسيل الي شافت رقمه وقلبها خق من ضلوعها شيبي علي متصل عليها؟مامشو للحين؟ اسيل وصوتها كله توتر:الوو. علي:هلا اسيل. اسيل:هلاا فيك. علي:يالله طلعي ننتظرك في السياره. اسيل:انا ماراح اجي معكم امشو. علي:انا قلت طلعي ماقلت بتجين او لا. اسيل خافت من اسلوب علي:بس انا. علي وصوته تغير ورجع مثل قبل كله هدوء:اسيل شفيك؟ليه ماتبين تركبين معي؟ اسيل:علي انا موقصدي كذا بس انا مااقدر. علي:اذا على الموقف الي صار المغرب انسيه خلاص مايحتاج تذكرينه. اسيل:بس علي مايصير انا.. علي:طيب علشان علي؟ اسيل سكتت مااعرفت شنو ترد..حلم ولا حقيقه علي يكلمها كذا ويترجاها تطلع يوصلها علي:هاا ولا مالي خاطر عندك؟ اسيل:طيب دقيقه وطالعه لكم. سكر علي وركب السياره ومامشى والبنات مستغربين شفيه مازال واقف؟ دانه:علي شفيك واقف؟ علي:انتظر اسيل الحين بتجي. حور:بس هي قايله مو جايه. علي:كلمتها وبتجي. وشوي الا اسيل صحيح جات وركبت السياره وسلمت وعلي بس سمع صوتها التفت عليها وهو مبتسم ورد السلام ومن بعدها مشى واسيل من ركبت وهي سااكته وماتكلمت بس قلبها الا يدق ويتكلم من بين ضلوعها ..علي وصل الكل بيته وبقى هو ودانه بس علي:دانه تكلمي لي عن اسيل. دانه:عن شنو مثلا؟ علي:اممم هوايتها؟شنو تحب؟شفيها عنيده كذا؟ دانه:وانت شعندك تبي تعرف عنها كل هذا؟ علي:ولاشي من باب المعرفه لانها اليوم عصبتني بحركتها وحبيت اعرف شخصيتها. دانه:اايوه طيب اقولك. وقامت تسولف له عن اسيل وشخصيتها طول طريقهم للبيت. |
|
|
#14 |
|
|
رد: "مال الهوى عندي عذر ".
فطوم جاها اخوها حسين وراحت هي ونوره معه وحسين من طبعه جريء شووي
يعني مايسكت دايم يسولف حتى لو ماايعرف الي راكب معه حسين:شرفتي اخت فطووم لهالوقت بره البيت. فطوم:هههه لاتقول ولهت علي. حسين:هه هه قصدك مرتااحين في البيت. فطوم:المهم انا جاايعه مااكلت شي . حسين:ليش ماحطو لكم عشاء؟ فطوم:حطو بس رحت انا ونوره ومااحبيناه ومااكلنا. حسين:والمطلوب؟ فطوم تضرب على كتف اخوها:المطلوب يالسبع تشتري لنا عشاء. حسين:طيب بنشتري لك. فطوم:مشكوور يااخوي ادري تحبني ولاترد لي طلب. حسين:لا والله مو عشانك عشان ضيفتنا الي معنا. نوره من طبعها هااديه وتستحي كثير غير اختها زوبا الي فيها جراءه شوي عشان كذا من ركبت وهي سااكته وماتكلمت غير السلام وسكتت من بعده فطوم:حسووون هذا مطعم حلوو اشتر لنا منه. حسين:طيب كسرتي كتفي وانتي تضربين فيه. وقف حسين عند المطعم وسالهم شنو يبون عشان يشتري لهم. حسين:هاا شنو تبون؟ فطوم:امم انت بتشتري لنفسك؟ حسين:اايه خلصيني شنو تبين؟ فطوم:اممم ابي شورما ودجاج ومعها قوطي بيبسي. حسين :طيب وصديقتك يالقوطيه؟ فطوم:هههههه انا قوطيه الله يسامحك ..نوري شنو تبين؟ نوره وكان صوتها ناعم وهاادي:ماايحتاج ماابي عشاء. فطوم:يووه مايصير لازم تاكلين. حسين:طيب اشتري لك مثل فطوم؟ نوره:لا مشكور مااكل الشورما. حسين:طيب بطلب لك على ذوقي. وراح عنهم ونوره تطالع حسين بكل اعجاب ولاول مره نوره تعجب بشخص رغم جرائته كانت طول عمرها تفضل الانسان الهادي بطبعه وتنزعج من الجريء لكن حسين غير فطوم انتبهت في نوره وهي سرحانه تطالع في حسين وهو يطلب لهم العشاء فطوم:شرايك فيه؟ نوره:هاا من؟ فطوم:حسين. نوره:عاادي. فطوم:بس. نوره:يووه بطه شفيك؟ فطوم:سلامتك يااقلبي مافيني شي. حسين رجع وهو شايل العشاء وفطوم ماانتظرت جلست تاكل في السياره مااعندها أي وقت حسين اخذ كيسه كانت لحالها وعطاها نوره حسين:طلبت لك بيتزا مثلي..تاكلين بيتزا لحم؟ نوره:عاادي. حسين:طيب..شريت لك بيبسي تشربين بيبسي ولا اغيره؟ نوره:عاادي. حسين:ههههههه عادي سمي العشاء. نوره استحت من تعليق حسين على كلامها ولامت نفسها شالبقاره فيها علقت على عادي حسين هو الثاني مثل اخته جلس ياكل وهو يسوق وشوي شغل المسجل وكان فيها اغنية هاديه وجلس يغني معها وحسين صوته حلو وكان حافظ الاغنيه ويغنيها فطوم:ممله هالاغنيه غيرها. حسين:صحيح ماعندك ذوق يعني لازم صراخ وطقطقه عشان تحبينها. فطوم:هذا الاغاني مو هذي تجيب المرض هااديه. حسين:انتي وشلتك هذا اغانيكم اما انا غير ماتعجبني الا الاغاني الرايقه والهاديه. فطوم:اايه صح بس نوره تحب الاغاني الهاديه فينا ولا كلنا نحب الونااسه. حسين:صحيح نوره؟ نوره:شنو؟ حسين:لانوره ماهي بمعنا في دنيا ثانيه..صحيح تحبين الاغاني الهاديه؟ نوره انحرجت:اايه صحيح. حسين:حلو. وصلت نوره بيتهم وانزلت من السياره واخذت العشاء معها فطوم:نووري اشوفك السبت على خير. نوره:اوكي. وراحت نوره ومشى من بعدها حسين وراح لبيتهم ودخلو البيت وماكان في احد وجلس هو وفطوم يكملون عشاهم ويسولفون حسين:فطوم وين بتروحين السبت؟ فطوم:بعد وين؟ المدرسه السبت تبتدي. حسين:صحيح. فطوم:شفيك احس عندك كلام؟ حسين:أيه عندي كلام خلصي عشاء واقولك. فطوم حطت الي في يدها:خلصت قوول. حسين:فطوم شرايك اكلم ابوي عشان اتزوج؟ فطوم فتحت عيونها بقوه:ونااااااسه تتكلم جد؟ حسين:اايه شرايك؟ فطوم:اكييد كلمه وانا من الحين بخطب لك وعلى ذوقي. حسين:طيب بسالك نوره مخطوبه؟ فطوم:تبي نوره ؟تصدق انا على طول فكرت فيها هي. حسين:انا ماقلت ابيها سالتك مخطوبه؟ فطوم:لا مو مخطوبه. حسين:طيب خير ان شاء الله. فطوم:يعني تبي نوره ولا غيرها. حسين:تقدرين تكلمينها وتشوفين رايها؟ فطوم:ايه اسالها بس مو الحين. حسين:ساليها السبت. فطوم:شفيك مستعجل وبعدين انت للحين ماقلت لابوي. حسين:انا مستعجل وابوي بيوافق اكيد بكره اكلمه وماراح يقول شي. فطوم:اوكيك تامر يالمعرس. حسين:هههههه يقطع بليسك يافطوم. في نفس الوقت كان بوحسين يتصفح ملف اسيل لانه من شافها اليوم وعرف انها نفسها الي عنده ملفها في المستشفى وهو يفكر في وضعها . سعد ولمياء مر عليهم الوقت من احلى مايكون الى ان بو سعد ماارضى لولده يطول في بيت الناس اكثر وقاله يرجع البيت وكمل الليل مع لمياء وهو يكلمها. اسيل نامت وهي مستانسه وتحس ان حبها لعلي جالس يزيد اكثر واكثر عن كل يوم. حور بس راحت واخذت شور باارد وكان فيها النوم لكن دخلت تشيك على الايميل وكان عبدالرحمن اون لاين وعلى طوول خشت عليه تكلمه. حور كان نك نيمها(احبك)وعبدالرحمن مسجل بنقاط بس(...) (احبك):سمسم سماسم سلامووو حوري وصلت. (...):هههه وعليكم السلام ياهلا بالحور. (احبك):ياهلا فيك اخباروو؟ (...):بخير الحمدلله انتي اخبارك انتظرتك اليوم الظهر مثل كل يوم مادخلتي؟ (احبك):دووم انا بخير واليوم كنت مشغوله خطوبه لمووي صديقتي. (...):صحيح انتي قايله لي ان خطوبة صديقتك..طيب وشخبار بنت عمك اسيل مع جنونها على قولتك؟ (احبك):يمه وانت تعرف كل شي عني اسماء اهلي وربعي. (...):ههههه انتي قلتي لي تبين بعد اقولك شنو لبستي اليوم في الخطوبه؟ (احبك):اتحداك؟ (...):تنوره وبلوزه لونهم اسود وابيض. (احبك):يؤيؤ شنو دراك؟ (...):هههه اتي امس اخذتي رايي في ملابسك وقلتي بتلبسين الاسود والابيض ولانسيتي؟ (احبك):هههه صحيح لاتلومني فيني النوم. (...):طيب نامي. (احبك):مااابي انام وانت موجود. (...):اها وليه. (احبك):امممم عبدالرحمن اقولك حاجه وتصدقني فيها؟ (...):اكيد قولي شنو؟ (احبك):عبدالرحمن يمكن تقول مجنونه لكن احس اني متعلقه فيك واحبك. عبدالرحمن انصدم من كلام حور ومااعرف شنو يرد عليها لكن شلون سبقته في الي بيقوله كان ناوي يقولها الليله انه متعلق فيها وصارت جلساته على المسن عشانها صحيح حور تبادله نفس الشعور ؟؟مااصدق نفسه والي يقراه. (احبك):اسفه عبدالرحمن بس انا تعودت اقولك كل شي . (...):حور حتى انا عندي كلام بس ماراح اقوله لك في المسن عادي تعطيني جوالك. (احبك):بس عبدالرحمن ااخاف اعطيك رقمي وانا ماادري. (...):عارف ان الي طلبته صعب عليك لكن فكري براحتك وقولي لي. (احبك):طيب انا بنام الحين. (...):طيب ماتبين تشوفين صورتي؟نزلتها بالجهاز علشانك؟ (احبك):اوكي وريني اياها. عبدالرحمن حط صورته وكان شكله فيها رهيب كان لابس ثوب وشماغ احمر ومصور على مكتبه الي في الشغل وكان مبتسم فيها وكان عبدالرحمن طويل وفيه شوي من ملامح بدور وكان مسوي سكسوكه وشكله صاير هاادي وعيونه كان فيها لمعه ونظره قوويه والي يشوفه يقول عنه انسان رسمي وحياته كلها جد حور شافت الصوره وهامت اكثر في عبدالرحمن لكن حست نفسها شايفته بس ووين؟ (...):لايكون مااعجبتك؟ (احبك):لا بالعكس ماشاء الله عليك طالع حلو بالحييل. (...):حلو بعيونك بس. (احبك):مو مصدقه هذا انت صاير جناان احس قلبي بيوقف وانا اطالع الصوره. (...):هههه سلامتك ياقلبي اغيرها خلاص. (احبك):هههه لا خليها..بس عبدالرحمن ليه ناديتني قلبي؟ (...):حوري انتي الحين طلعي نامي وفكري بعدين في الي طلبته منك وبعدها بتعرفين كل شي بس انتي فكري في الي طلبت وانا بطلع الحين بعد لكن حور خليك متاكده ان الي في قلبي لك اكثر من الي في قلبك واكثر من كل شي بهالدنيا. (احبك):عبدالرحمن تحبني؟ (...):تصبحين على خير . (احبك):وانت من اهل الخير. وطلع عبدالرحمن وترك حور بحيرتها معه جلست تفكر ليه قلت له احبك صحيح انا غبيه بس انا جد احبه واحسه كل شي كل شي بس شنو قصده يشيل لي بقلبه اكثر من الي اشيله له؟يحبني يعني؟يااربي محتاره ورقمي اعطيه اياه او لا ؟ اممممم بعطيه اياه بس بقول لفطوم قبل واشوف شنو تقول. ونامت حور وهي تفكر عبدالرحمن اما عبدالرحمن ماجاه النوم وجلس يفكر بالي يسويه. مر يوم الجمعه روتيني على الجميع ماعدا لمياء وسعد وبدور الي تنتظر يوم السبت على جمر وجا السبت سريع والكل صحا وراح لمدرسته والكل عنده في قلبه اسرار يبي يفضحها ويعلم احد فيها ويمكن السبت يفضح اكثرها كانو البنات جالسين يسولفون مع بعض الا لمياء ماجات كانت متاخره عنهم حور بس شافت فطوم اخذتها على جنب وقالت لها بكل الي صار وهذيك فرحت فطوم:صحيح حوور ونااسه عطيه رقمك. حور:خاايفه فطوم لكن احبه ولو شفتي صورته امس كان جنيتي اكثر. فطوم:دامك تحبينه وتحسين انه يحبك خلاص لاتفكرين كثير. حور:انتي تشوفين كذا. فطوم:اايه الحين خلينا منك انا بروح لنوره ابيها في موضوع. حور:اممم يصير اعرف شنو؟ فطوم:اكيد بس لاتقولين لااحد اذبحك. حور:طيب قولي. فطوم:شرايك في نوره؟اخوي حسين شافها ويبي يخطبها وقالي اكلمها. حور بس سمعت لاشعوريا صرخت بقوه:ونااااااااااااسه. فطوم:جب جب ياحماره فضحتينا. حور حطت يدها على فمها:يؤيؤ نسيت. قامت فطوم وراحت لنوره واخذتها على جنب عشان تكلمها بعييد عن البنات في نفس الوقت جات بدور وكانت حور ودانه واسيل ونوف وزوبا جالسين مع بعض وبس دانه شافت بدور قامت لها عشان تسلم عليها وبدور ماكانت نيتها السلام بدور وقفت عند حور وقالت لها بدور:اقول ليت توصلين الكلام يامحترمه لاخوك وتقولين له بنات الناس مو لعبه. حور مستغربه شفيها بدور وليه تكلمها بهالاسلوب ومااعرفت ترد عليها. دانه الي تكلمت:هي هي شنو شالاسلوب وشالكلام؟ بدور وبكل عجرفه زايده:لاتسوين نفسك ماتدرين عن حركات اخوك الحقيره مثله بس مو بدور الي يرميها من بعد مايخلص ولايظن اني مثل الوسخ الي مرو عليه لا انا غيرهم انا بدور وهو مااعرف من بدور وبنت من وشنو تقدر تسوويه؟ دانه:ثمني كلامك وعن الغلط. حور وقفت :انتظري دانه انتظري أي اخو تقصدين؟ بدور:من غيره محمد. بس قالت اسمه كلهم فتحو عيونهم وشهقو اسيل مسكت حور الي انصدمت في اخوها من كلام بدور صحيح محمد كذا؟؟ونوف محتاره توقف مع بنت عمها ولا مع صديقتها وزوبا مااقدرت غير تنطق بكم كلمه تهدي فيهم الوضع زوبا:ذكروا الله ماصار شي وبدور انتي شتقولين؟ بدور:انا شنو اقول خليهم يروحون يسالون اخوهم المحترم ويعلمهم كل شي خل يسالونه شنو يسوي في بنات خلق الله اايه ومااستغربها يكونون مثله هم بعد عشان كذا ساكتين عنه. هنا دانه ماتحملت كلام بدور ورفعت يدها وسطرتها والكل سكت واستغرب من دانه. دانه والدموع في عيونها:جااااب اخوي محمد اشرف منك انت الي طالعي نفسك وشوفي حركاتك لاتظنين نفسك فوق الجميع. حور مسكت اختها الي ضمتها بقوه وقامت تصيح بكل قهر نوف وقفت في وجه بدور:هاا ارتحتي قلتي الي تبين خلاص امشي . بدور:لا ماارتحت ومابرتاح الا لما محمد يعرف قدره. اسيل مااقدرت تسكت وتسمع ولد عمها والي تعده اخو لها ينقال عنه كذا وهي ساكته اسيل:محمد قدره فوق ولا انتي ولا اشكالك تهمينه. حور كانت تتكلم بكل هدوء:طيب اخوي شنو سوى لك؟ بدور وعيونها ممتليه دموع وهي تتكلم: ذبحني وكذب علي خلاني احبه وقالي انه يحبني كان يكلمني ويرسل لي رخصت نفسي له وبعد ما مل مني قال بس هو مايبيني وقفل شريحته وابتعد رماني مثل أي شي انتهى منه وانا الغبيه الي صدقته وحبيته بس اخوك حقيررر مايستاهل شي اسمه حب. حور:بس بدور لاتزيدين والله يسامح الجميع. اسيل:لا خليها هي جالسه تتكلم عن العيب وليش ماعرفتي العيب يوم كلمتيه واخذتي رقمه ولا العيب تعرفينه في وقت وتنسينه في وقت؟يبا تستاهلين انتي الي اخترتي هالشي. حور:اااااااسيل بس وانتي بدور ياليت الحين تروحين. بدور طالعت اسيل ودانه وحور بكل استخفاف ومشت ودانه كانت تصيح بقهر دانه:مااصدق محمد مايسويها. نوف:اتركيها عنك هذي هبله. زوبا:دانه بس لاتتعبين نفسك على انسانه مثل بدور. حور كانت سااكته وداخلها غصه محمد محمد اخووي يسوي كذا في بدور؟؟ لمياء جات والجو مشحون ولا هي عارفه شي من الي صار سلمت وردو عليها برود لمياء:شفيكم؟ حور طالعتها وابتسمت:ولاشي انتي شفيك تاخرتي؟ لمياء:سعد ووصلني وماارضى يجيبني المدرسه على طوول. الكل بدا يحاول يغير الجو زوبا:ااايه شعليك يابنت الخاله؟ لمياء:هههههههه. في نفس الوقت كانت فطوم تكلم نوره عن حسين اخوها وتااخذ رايها في الموضوع فطوم:هاا شقلتي؟ نوره وهي مصدومه:ماادري شقولك بس اخوك حسين. فطوم:اايه اخوي حسين وهو الي طالبك قال ابي نوره. نوره بداخلها طايره من الفرح:طيب انا عادي بس ماادري عن اهلي. فطوم:انتي قولي موافقه ولاتحاتين. نوره:طيب موافقه. فطوم لمت نوره وباستها على خدها بقووه وجلست تبارك لها ورجعو لشله الي جوها كان مشحون ونوره اخذت اختها وعلمتها بسالفه وهذيك فرحت لاختها مر اليوم على الكل طوويل والكل كان ساكت وماله خلق الثاني دانه واسيل انزلو مع حور وراحو على طول بدلو ملابسهم وجلسو ينتظرون محمد عشان يكلمونه اسيل جاها ابوها واخذها لان صار العصر ومحمد الى الحين ماابين وحور ودانه ماتغدو مع ان جاسم مو راضي لهم يجلسون بدون اكل وبعد ماتعبو وهم ينتظرونه جا محمد وبس سمعت دانه باب غرفته طلعت تناديه وجاها لغرفه حور محمد وهو مبتسم:هايووو حواري هايوو دندونه. لكنهم ماردو عليه وكان وجه حور وجه دانه يشيل الف سؤال وسؤال محمد:شعندكم؟ دانه وصوتها بدا عليه الحزن:محمد صح انت كنت تعرف بدور؟ محمد بس سمع الاسم ضاقت عليه الدنيا ونزل راسه وغمض عيوونه بدور شنو جابها الحين؟ ياارب رحمك وسترك شنو قالته هالمجنونه لدانه وحور؟ حور وصوتها ضعيف:محمد صحيح انت قلت لها تحبها وكذبت عليها من بعد ماكلمتها؟ محمد:ومن قالكم هالكلام؟ دانه وبدت تصيح:بدور اليوم قدام كل البنات قالت لنا. وجلست تعلمه بكلام بدور وهو مستغرب بدور تقول كذا مااحسب حساب كل هذا. محمد:بس انا اعلمك فيها. حور:محمد كلام بدور صحيح؟ محمد وبدا صوته يعلى:وانت شنو دخلك صحيح ولا لا؟ حور:محمد قول. محمد وهو يصارخ:ااايه صحيح ليش بتحاسبين على افعالي؟ دانه هنا حطت يدها على فمها من عظم صياحها وحور مصدومه تطالع في اخوها معقوله محمد يقول كذا ويعترف بكلام بدور؟؟ جاسم سمع صراخ محمد وقام هو وامه على طول وراحو لهم يشوفون شنو فيهم ودخلوا ومحمد يصارخ:مالكم دخل فيني والكلام الي سمعتوه صح ايه انا كلمتها وتركتها. جاسم:شصاير شفيكم؟؟ ام جاسم راحت لدانه الي قطعت روحها من الصياح وجلست تسكتها وحور مازالت تطالع محمد وعيونها مليانه دمووع بعد مااكذبت بدور مو قاادره تصدق الي تسمعه. جاسم:محمد لاتصاارخ بس وقولي شفيكم؟ محمد مازال يصارخ ومنفعل بالكلام:مااحد له دخل فيني سمعتو. حور تكلمت:لا علمه شنو مسووي قوله ولا مستحي منه.؟ محمد:حوير سكتي احسن لك. جاسم:حور تكلمي محمد شمسوي؟ حور:سلامته بس اليوم صديقتنا بدور جاات وسمعتنا كلام عن اخوك المحترم وعن تاريخه مع البنات طلع اخوك مكذب على بنت الناس وقايل لها احبك وبعدها تركها وهي قدام الكل جات وقالت لنا وبعد ماسالناه جلس يصارخ واعترف على نفسه. حور بدا صوتها يختنق وقربت تبكي:مااتعرف كيف كان الموقف جاارح بنسبه لنا قدام الكل. جاسم التف على اخوه وساله:محمد الي تقوله حور صح؟ محمد لف وجهه عن اخوه ومااقدر يرد شنو يقوله صح انا العب على بنات خلق الله. جاسم:محمد تكلم. محمد:هي الي اخذت الرقم مااغصبتها انا. صفعه من جاسم على وجه محمد خلت الكل يسكت من بعد شهقه كل شي توقعوه الا ان جاسم يضرب محمد شنو جالس يصير؟؟؟؟؟؟؟ حور شهقت بقوه وصرخت:جاسم لااااااا. جاسم:انت انسان قمة الوقاحه وجالس تبرر افعالك الي مثلك بس من هاللحظه صدقني طحت من عيني الاول كنت .....للاسف بس. محمد طلع من البيت وجاسم راح لغرفته وهو مو قادر يشوف قدامه بسبب الي صار |
|
|
#15 |
|
|
رد: "مال الهوى عندي عذر ".
وام جاسم مصدومه بالي صار قدامها وحور ودانه دموعهم تكفي وصف لحالهم
علي جا يااخذ اخته نادى ومااحد رد عليه صعد لهم فوق وشاف حالهم كذا علي:خالتي شفيكم؟ ام جاسم:جاسم ضرب اخوه يا علي. وقامت حتى هي تصيح مع حور ودانه وعلي مو فاهم شي من الي قاعد يصير. علي:حور شفيكم تكلمي؟ حور قامت تعلم اخوها بالي صار وقالت له السالفه كلها وعلي انصدم في محمد مثل الكل علي وهو مصدوم:محمد مسوي كذا؟؟ دانه:اايه محمد مسوي كذا. علي:طيب الحين جاسم ومحمد وينهم؟ حور:محمد طلع وجاسم بغرفته. علي:طيب الحين انتو هدو حالكم وانا بروح اشوفهم طيب؟ حور:طيب. راح علي لجاسم وجلس معه يكلمه وجاسم ماله خلق يسمع حتى طاري محمد جاسم:والي يسلمك ياعلي اخوك ذا لاتجيب طاريه. عليك:الله يهديك يا جاسم ليه عاد؟ جاسم:فشلني واكثر شي فشل خواته وبكل وقااحه يعترف. علي:طيب انت الحين هدي نفسك وبعدين نتفاهم معه. جاسم:انا من اليوم ماابي اكلمه الا لما يعرف غلطته. علي:الله كريم الله كريم. وقام اخذ دانه وراح لبيتهم وقالها ماتعلم ابوه بالي صار عشان ماتكبر السالفه اكثر اما محمد راح على طوول لسيف وعلمه بكل شي وكان محمد مقهوور من قلب على كل شي واكبر قهر بدور شلون قدرت تسوي كذا فيه؟ سيف:من جدك تتكلم قالت لخواتك؟ محمد:اايه ياسيف انكسرت يوم جاسم ضربني ماانقهرت لانه ضربني الضرب قليل علي انقهرت لاني سويت في اخوي كذا طحت من عين اخوي ياسيف وعشان شنو عشان وحده ماتستاهل اااخ بس ااخ. سيف:لاتقهر نفسك يارجال وكل شي بينحل انت هدي نفسك وربك كريم. محمد:ونعم بالله. علي كان مطلع الصور للفيلم الي صورته دانه لسعد ولمياء وتذكرهم وراح يعطيها الصور طق عليها باب غرفتها ودانه كانت سهرانه من بعد الي صار وماراح تروح المدرسه لان مالها خلق لشي. علي:هذي الصور الي تبينها. دانه:مشكوور. علي:دانه بس لاتسون في نفسكم كذا هونوها وبتهون. دانه:طيب. وراح علي عنها وجلست تطالع صور لمياء وسعد يالله شكثر يحبون بعض يااحظهم وهي تطالع في الصور شافت صورة سيف الي صورته هي وقامت تضحك ودخلت الصور في المجلد الا صورته اخذتها وحطتها بكتاب جنب سريرها ونامت. في هذاك الوقت بدور كانت من رجعت المدرسه تبكي ولا وقفت دموعها على محمد ليش يامحمد خليتني اسوي كذا؟انا احبك والله احبك شنو سويت لك كل شي عطيتك اياه؟ الله يسامحك انا اكررهك واحبك في نفس الوقت لا انا اكررهك اكرهك.. فطوم بس راحت البيت وقالت لاخوها الي طار من الفرح بس عرف ان نوره وافقت وعلى طول راح قال لابوه الي فرح بكلام ولده حسين:متى نروح يبا لهم؟ بوحسين:قريب ان شاء الله. حسين:مانبي نطوول حتى الزواج سريع. فطوم:صح يبا متى اقولهم بنجيهم؟ بوحسين:كلمي البنت وان شاء الله الاربعاء نروح نكلم ابوها واهلها. فطوم:ونااااااااسه بروح اقولها. دخل زيد وشاف اخته تصارخ وحالتها حاله واخوه وابوه يضحكون شفيهم زيد:هاا شصاير وانا ماادري؟ بوحسين:بارك لاخوك بنخطب له الاربعاء الجاي. زيد:صحيح مبرووووووك وانا متى؟ بوحسين:ههههههه انت باقي لك كم سنه. حسين:انت توك صغير. فطوم قامت واتصلت على نوره وقالت لها وذيك فرحت وراحت علمت امها عشان تقول لابوها عن جيت اهل فطوم لهم عشان ابوها يستعد لهم. نوره:مااني مصدقه زوباا انا بتزوج. زوبا:هههههه الفال لي نوير. نوره:ياارب الله يعطيك مثل ماعطاني. زوبا:انتبهي على نفسك ترى توك ماابعد يجون. نوره:اااااه يازوبا ماشفتيه يجنن حلوو ولا عاد كلامه عسسل احببه. زوبا:ههههه من متى تحبينه يالكذابه؟ نوره:ههههه قصدي قمت احبه. زوبا:الله يهنيك. نوره:تدرين انه هو الي قال يبيني؟ زوبا:صحيح ؟؟وناسه. وجلست نوره طول الوقت تسولف وتتمنى وتتحلم وزوبا تسمع لها الى ان جاهم النوم . حور في ذيك الليله كانت متضايقه دخلت وشافت عبدالرحمن وعلى طول بدون مقدمات ولاحتى سلام خشت عليه وحطت رقمها هو استغرب وسالها سؤال واحد. عبدالرحمن:متاكده؟ حور:اايه. عبدالرحمن :طيب. حور:انا مااقدر اقعد على الكمبيوتر تعباانه احس نفسي ابكي ابي اتكلم مع احد بااي. وطلعت وعبدالرحمن اخذ ارقم وسجله بجواله باسم(الحور) وحور قفلت الكمبيوتر وحطت راسها على المخده ولاشعوريا بدت تصيح وهي ماسكه الجوال وضامته لصدرها عبدالرحمن انسدح على سريره وهو متردد يتصل ولا لا؟ بعدها اتصل حور انتقزت بس اسمعت صوت الجوال الرقم غريب ترد ولا لا؟؟ استسلمت وردت وكان صوتها هاادي ومخلوط بحزن قووي حور:الوو. عبدالرحمن كان صوته كله ثقه وفيه شويه خشوونه تعطيه طابع رجولي حلووفوق هذا يعطي الامان . عبدالرحمن:هلا حور. حور:ياهلا فيك. عبدالرحمن وصوته كله متردد:شخبارك؟ هنا حور بدت تصيح حست نفسها مخنوقه ولازم تصيح عشان ترتاح من كل الي بداخلها عبدالرحمن قلبه انقبض بس سمع حور تصيح حس نفسه متعلق بهالانسانه وكل دمعه من عيونها تذبحه وتعور قلبه مااقدر يسمعها تصيح عبدالرحمن:حور حبيبتي واسمحيلي اقولك حبيبتي لاني ياحور احبك . هنا حور سكتت بس سمعت عبدالرحمن والدموع وقفت بطرف رموشها يحبني؟ عبدالرحمن يحبني؟؟ حور:عبدالرحمن انا انا. عبدالرحمن:انتي تحبيني.وانا مستعد اسوي كل شي بس عشان هاللحظه الي اسمعك تقولينها عبدالرحمن احبك تكففين قوليها وريحي قلبي صار لي كم يوم افكر في هالشي. حور:ااه مااقدر اقولها مااقدر. عبدالرحمن سكت وحور مثله وكان يسمع صوت انفاسها الي كلها حسره وتعب ومحتار حور همها مغطي قلبها ولا بداخلها نفسها تصرخ وتقول لعبدالرحمن احبك وبعد مده حور تكلمت وبصوت متقطع وقريب من الهمس:احبك. عبدالرحمن مااصدق الي يسمعه وجلس يبتسم وسكوته مسيطر عليه من عظم الفرح عبدالرحمن:قوليها ثاني. حور:احبببك. عبدالرحمن:وانا احبك. حور:اسفه لاني ازعجتك وصحت اول مااتصلت . عبدالرحمن:لالا ومن اليوم اسمحي لي بناديك حبيبتي اسمعيني الحين تهدين نفسك وتقولين شنو الي صار وكل شي بخاطرك. حور:طيب. عبدالرحمن:عفيه على الشاطره. حور:ههههه. عبدالرحمن:اايه خليني اسمع هالضحكه ياارب مانحرم منها. وجلست حور تتكلم مع عبدالرحمن وتسولف وهو كل شوي يتغزل بصوتها وفيها كان في ذيك الليله غير غير عبدالرحمن الي يخفي مشاعره عن الكل و جدي بطبعه كان يضحك مع حور ويتكلم بكل الي بقلبه بدون أي حواجز. ظلو يتكلمون الى ان جات صلاة الفجر وهم مانتبهو على حالهم حور وهي تطالع الساعه انصدمت بالوقت شلون توه من شوي كانت 12 متى صارت 4 ونص الفجر حور:رحمانوو الوقت تاخر. عبدالرحمن:ليش كم الساعه. طالع الساعه وقام يصفر مااتوقع ان الساعه هالكثر كل هذا نسى نفسه مع حور بالكلام. حور:يالله انا بقوم اصلي وانام . عبدالرحمن:الله يتقبل مقدما ونوم العوافي ولاتنسين كل احلامك فيني طيب؟ حور:هههه ليه الاحلام بكيفي؟ عبدالرحمن:مالي شغل وبعدين تعالي وين بتنامين والمدرسه؟ حور:فيني النوم ماابي اروح. عبدالرحمن:السموحه ياقلبي اخرتك. حور:لا عادي انا الي اخرتك. عبدالرحمن:لا بالعكس وبعدين الله يعيني وراي دوام وفيني النوم. حور:الله يعينك..اوكي يالله باي. عبدالرحمن:اوكي باي......بس حور. حور:عيون حور. عبدالرحمن:احبك. حور:وانا احبك ويالله بلا سوالف زايده ماتبيني اقفل. عبدالرحمن:ههه طيب بخاطرك شي؟ حور:سلامتك. عبدالرحمن:الله يسلمك باي. حور:باي. قفلت حور وقامت تصلي ورجعت تنام لانها تعباانه وكانت فرحااانه والدنيا مو سايعتها وعبدارحمن طاير من فرحته وكان فيه نشاط غير طبيعي يسولف مع الكل من الفجر ويضحك ومن راح الدوام وهو في نشاط وعلى الساعه 9 الصباح ارسل لحور رساله اجلست من النوم على صوت المسج وافتحته وشافته بسم عبدالرحمن الي كانت مسجله اسمه(تؤام الروح)كان كاتب في الرسالهصباح الورد ياانفاس الورد) حور قامت تضحك وارسلت له صباحك سكر يااحلى من السكر)وقامت انزلت وشافت جاسم وامها يفطرون وكان جاسم مع بنته سلمت حور وجلست معهم عالفطور وكان الكل ساكت عالفطور وشوي الا دخل محمد وسلم عليهم والكل رد برود وجاسم بس شاف محمد قام من مكانه واخذ بنته وكان بيطلع يوصلها لامها بيت اهلها ومحمد تضايق من حركة اخوه ولحقه يكلمه. محمد:جاسم انتظر جاااسم. جاسم تجاهل اخوه وماارد عليه وفي نفسه يبي يرد عليه وركب السياره ومحمد يكلمه محمد:جاسم انت ماتدري انا تغيرت عشان كذا تركت بدوور جااسم. جاسم مشى بالسياره وترك اخوه محمد ودخل البيت وضرب باب البيت بقووه وصعد لغرفته وهومقهور من الي يصير له. عبدالرحمن شاف الرساله واستانس ورد على حور برساله فيها كم بيت شعر. وحور شافتها قامت من عند امها عشان تكلمه.. .............................. .................... ...... حور وعبدالرحمن السؤال المهم؟؟؟؟؟ محمد بيقدر يخلي جاسم يسامحه؟؟؟ سعد ولمياء شنو بيصير بيستمر هالزواج؟؟ سيف ودانه بينهم بدايه ولا كله نسج اوهام؟؟ علي واسيل؟؟؟ ومن بيتم زواجه حسين ونورة البارت الساابع 7 منوعة انتِ من الدخول ياحبيبتي عليه ممنوعه ان تجلسي او تهمسي او تتركي يديك في يديه ممنوعه ان تحملي لي دمية احضنها او تقرئي لي قصه الاقزام والاميره الحسناء والجنية ممنوعه انتِ (نزار قباني). إني أحبك عندما تبكينا وأحب وجهك غائما وحزينا الحزن يصهرنا معا ويذيبنا من حيث لا أدري ولا تدرينا تلك الدموع الهاميات أحبها وأحب خلف سقوطها تشرينا بعض النساء وجوههن جميلة وتصير أجمل .. عندما يبكينا (نزار قباني). اهدي سطوري في هذا الجزء لصديقتي الغاليه؟؟؟؟؟؟ تعرف الاحساس اذا فقدت الي تحب اذا رحل وقلبك معه كيف تعيش؟؟ كيف تحلم؟كيف تبتسم؟؟كيف تضحك؟؟ لكن سؤال اتمنى الجميع يجاوبني عليه... وين الاصعب لما حبيبك يفارق الدنيا؟؟ او حبيبك يكون في الدنيا بس يفارقك؟؟ كم دمعه ننزفها على الحب؟؟لكن هل في الدنيا حب عشان نبكيه؟؟ رغم سطوري واسالتي اتمنى يبقى عند الجميع امل في الحب.. .............................. .................... ................... كانت تكلمه وهي تسمع صوته يتكلم كانها تعيش في حلم وردي تسمعه يناديها ومغمضه عيونها تخاف تفتحهم وينقطع عنها صووته مااتدري شنو بتقول له لكن مااتبيه يقفل الخط حتى لوكان السكوت بينهم اهم شي تعرف انها معه ضحكته رجعتها للواقع عبدالرحمن:ههههههه حبيبتي وين رحتي؟ حور:ههه معك اسمع كلامك. عبدالرحمن:اها وشنو كنت اقول؟ حور:امممم كنت تقول انك انك..... عبدالرحمن:اني احبك. حور استحت من كلامه ومنحرجه لانها ماسمعت كلامه ولااعرفت ترد عليه حور:وانا احبك. عبدالرحمن:ااه ياحور نفسي اسمعها منك كل لحظه كل لحظه. حور:وانا اتمنى اقولها لك كل لحظه. عبدالرحمن:طيب قوليها. حور:احببببببببببك. عبدالرحمن:اااااااه قوليها ثاني. حور:احبببك. عبدالرحمن:قوليها اخر مره. حور:هههههه احببببك. عبدالرحمن:فدييتك وفديت ضحكتك. حور:رحمانوو تصدق بس تقفل الخط اشتااق لك. عبدالرحمن:صحيح؟ سمعيني حور. حور:عيون حور كلي لك. عبدالرحمن:تسلمين لي ياارب. حور:طيب قول. عبدالرحمن:بعطيك وعد وابي منك وعد. حور:وعد لشنو؟ عبدالرحمن:انا اوعدك اني مااحب غيرك طوول عمري وابيك توعديني انتي بعد. حور:اممم طيب وعد ماايسكن قلبي غير رحمانوو. عبدالرحمن:فدااك رحمانوو صدقيني حور انتي ان شاء الله لي. حور:ان شاء الله. عبدالرحمن:اذا لاسمح الله مو لي ماراح تكونين لغيري. حور:ههههه الله ليه بتذبحني؟ عبدالرحمن:ههههه لا ماراح اذبحك بس مستحيل اشوفك لغيري اموت ولايجي ذاك اليوم. حور:بسم الله عليك من الموت ياقلبي وان شاء الله مو لغيرك. في احد يطق باب الغرفه على حور من هالوقت يبيها هذا وقت مذاكرتها والكل يعرف ومااحد يزعجها بهالوقت اكييد في شي.. حور:من عند الباب.. صووت ساره زوجة جاسم تكلم بنتها:عبور قولي انا عمتو. عبير:انا عمتوو. حور:طيب حبيبتي انتظري شووي. رجعت حور تكلم عبدالرحمن:اسفه حبيبي لازم اخليك الحين بنت اخوي تبيني. عبدالرحمن:يوووه بشتاق لك لاتروحين لها. حور:مايصير لازم اشوف شنو تبي. عبدالرحمن:حرااام وربي مايكفيها تشوفك وانا حتى الكلام كثيرر علي. حور:ههههه رحمانوو قلبوو شفيك كذا؟ عبدالرحمن:لاني اموووت فيك وماابي اقفل. حور:خلاص حياتوو اذا فضيت اكلمك. عبدالرحمن:امممم طيب انا بكلمك مثل كل يوم قبل النوم اوكي؟ حور:اوكي. عبدالرحمن:بخاطرك شي حبيبتي؟ حور:سلامتك انتبه على نفسك. عبدالرحمن:وانتي بعد. حور:اها بايوووو. عبدالرحمن:بااي. سكرت حور وافتحت الباب لساره وبنتها عشان تشوف شفيهم ساره:مرحبااااااا. حور:مرااااااحب حيا الله سارونه وبنتها. ساره:الله يحيك اسفين ازعجناك. حور:لا عادي دخلو جلسو داخل. ودخلت ساره و بنتها مع حور الغرفه وجلسو معها وكانت كتب حور واقلامها منثوره بكل مكان وبس دخلت عبير قامت تلعب فيهم ساره:خلصتي مذاكره؟ حور:اممم يعني تقدرين تقولين خلصت. ساره:ايوا حور بقولك حااجه. حور:تفضلي. ساره:حال محمد وجاسم مو عاجبني هذا اسبوعين مرو على السالفه وهم مايكلمون بعض مايصير كذا في بيت واحد وبس بينهم السلام وبالصدفه بعد. حور:شسوي امي زعلانه علي تقول انا السبب سويت ازعاج يوم قلت لجاسم وهذا هي ماتكلمني ولاتكلم محمد وجاسم ماله خلق احد حتى علي حاول فيه وماارضى يسمعه والسالفه صعبه علينا كلنا ياساره. ساره:صح كلامك السالفه صعبه بس لازم نلقى لها حل..ودانه وينها مااشوفها لاهي ولا اسيل مايبينون هاليومين؟ حور:اسكتي ياشيخه دانه ماتبي تجي عشان ماتشوف محمد واسيل تذاكر بهاليومين تدرين فصل الاختبارات ابتدا وعمي مايخليها تطلع كثيرر لانه عارف ماراح تذاكر الا بالحبسه. ساره:ههههه ياحليلكم ذكرتوني باول ايام الدراسه والطفش. حور:يووه هذي السنه وافتك من المدرسه. ساره:الله الله وين الطموح؟ حور:مافهمتيني قصدي بفتك من مسمى طالبه مدرسه بصير كبيره وفي الجامعه وناسه. صوت مسج في جوال حور قطع كلامهم وحوربس سمعت الصوت ارتبكت لانها تدري المسج من راسله..واحتارت تفتحه ولا تطنشه دام ساره موجوده جنبها. ساره:حركاات توصلك مسجات ياحوير شوفي من. حور بحيره:هاا لا خليه يولي اكيد كول مي ههههه. ساره:براحتك شنو كنا نقول؟ حور:عن الدراسه. ساره:ايه صح عن دراستك في الجامعه... ومره ثانيه صوت المسج قطع كلامهم وحور مطنشه الرسايل وقلبها يعتصر تبي تفتحها بس ماتبي ساره تشوف الرسايل. حور:ها ساره شنسوي عشان محمد وجاسم؟ ساره:والله انا اقوول كلمي محمد وانا بحاول في جاسم ونشوف شيصير. صوت مسج ثالث هذي المره حور خافت بالحييل شفيه عبدالرحمن يبي يوهقني يصبر علي ناووي على زوالي برسايله. ساره:اقول اخليك الحين وشوفي عبووره شسوت في اوراقك الي منثرتهم. حور قامت على طول ومسكت عبير من يدها ورفعتها عن الورق وهي معصبه لانها شققت شوي من الورق حور:وووووجع ياعبير. عبير:عيب تقولين ووجع بابا مايرضى. حور:اقوول براا براا انتي وامك. ساره قامت واخذت بنتها وهي تضحك:ههههه الله ياحوير تطردينا. حور افتحت الباب:اايه ولاتجوني ثااني. ساره:طيب نخليك مع رسايلك ومعجبينك. حور:هه هه يالمطرودين يالله روحو وسلمي على جسووم اليوم مااشفته. ساره:طيب يووصل ولاتتاخرين بالمذاكره نزلي شوي جلسي معنا. حور:اوووكي. قفلت حور باب غرفتها وتربعت على السرير تشوف الرساييل الي وصلتها. كانت اول رساله من عبدالرحمن كاتب فيها حلفت بلي كون الكون واحصاه..انك على بالي ولاتغيب لحظات..غديت مثل الدم تجري مجراه..لوغبت ينقص بنبض قلبي نبضات.. في خافقي وحدك ولاغيرك اهواه..وافرح بقربك وارفض الهجر لحظات..). حور قرات الرساله واستانست بالحيييل وكملت الرسايل وكانت ثاني رساله من فطوم كاتبه ياسخيفه تعبت اتصل عليك مشغووول بسك مغازل انتي ورحمانوو حقك شوي واكلمك لاتشغلين الخط ولا والله بذبحك وافضحك). حور قامت تضحك على رساله فطوم وفطوم هي الوحيده تعرف عن عبدالرحمن ووجوده في حياة حور..فتحت الرساله الثالثه كانت برضو من عبدالرحمن كاتب: (....&&& أحــــــــــــبـــك مـــــوووووووووت&&&...). حور قرتها وقامت تصارخ بقوه:وانا احبببببببببببببببببببببببببببب بببببببببببببببببببب بببببببك. وانسدحت على سريرها وهي تضحك وتقول احبك ودق جوالها وسريع ردت عليه على بالها عبدالرحمن اتصل مره ثانيه عليها حور:حيهم حيهم حبيبوووو. فطوم:الله يحيك ومشكوره احم احم توني ادري اني حبيبتك. حور:فطيييييم شتبين؟ مالت عليك فكرتك حبيبي رحمانووو. فطوم:صج ماتسحين على وجهك الحين انا فطوم تقارنيني بذاااك. حور:وشفيه ذااك عنده اسم واسمه عبدالرحمن يمه فديته. فطوم تعايب على كلام حور:واسمه عبدالرحمن..اقول جب جب وخلصيني قولي شخبارك؟ حور:تمامووو من بعد ماسمعت صوت حبيبي..انتي اخباروو؟ فطوم:ههه دووم ياحووري وانا بعد تماموو وبكذب بقول من بعد ماسمعت صوتك لان ماعندي حبيب مثلك. حور:امم مشكوره الكذب احيانا مسموح. فطوم:اايه كثري منها. حور:خلصتي فطوم مذاكره ولا مابعد؟ فطووم:من زماان وانتي؟ حور:انا باقي بس احفظ الرموز بس بخليهم يولون بحفظهم الصباح. فطوم:احسن لك..حوير ماقلت لك؟؟ بكره مو الربوع؟ حور:اايه. فطوم:بنروح نخطب نوره لحسين رسمي وبكره بيشوفها. حور:صحيييييييح قولي والله. فطوم:والله. حور:ونااااسه زين عادي اقول للبنات؟ فطوم:هههههه خبرك قديم انا من شوي نشرت الخبر في مسجات. حور:يالملقوفه انا قايله بقولهم قبلك. فطوم:يا سلاام خطوبة اخوي ولااخوك. حور:يمه ازعجتنا على اخوها اقولك استريحي انا الحين بقوم اشوف اهلي تحت. فطوم:طيب بايووو. حور:بايوو يالبطه. طلعت حور من غرفتها وسمعت صوت جاسم مع علي يسولفون تحت في الصاله وصوت امها بعد وراحت بتنزل لهم ومرت على غرفة محمد ورجعت ودقت الباب عليه محمد وصوته كله ضيق:من؟ حور:انا حور. محمد استغرب شفيها كلهم مايكلمونه في البيت شتبي جايه لغرفته غرريبه. محمد:شتبين؟ حور:عاادي ادخل؟ محمد:تفضلي. دخلت حور وشافت محمد لابس برمودا بيضه وتي شرت احمر ومنسدح على سريره وضام المخده لصدره وجهه كله حزن والجو في غرفته كئيب حور:امممممم شخبارك؟ محمد وهو مغمض عيونه:زفت والحمدلله مثل ماتشوفين. حور:اها طيب علي مع جاسم تحت ليش ماتجلس معهم؟ محمد فتح عيونه وطالع حور بطرف عينه ونفسه يصفعها بشي لانها جالسه تستهبل عليه وهو ماله خلق أي شي ولا هذا سؤال تساله. محمد:حويرر شتبين؟والله مالي خلقك تستهبلين علي هالوقت. حور جلست على السرير:انت شفيك بس سالتك ليش ماتنزل تجلس معهم تحت؟ محمد:يعني تسوين نفسك مااتدرين ..انزل اجلس مثل الكرسي لاخوك جاسم يكلمني واخوك الثاني بيبتدي بنصاايحه الي ماتخلص وبيضيق خلقي اكثرر. حور ونبرة صوتها تغيرت:محمد انت ليش سويت كذا؟ محمد:يوووووه لاترجعين لي على نفس الموال قلت لكم غلطنا ونطلب السماح انتو ابدد ماعندكم احد يغلط كان طيش وبعدين انا خلاص من تركت بدور وانا مالي في شي اسمه بنات نااسيهم وانتو مقومين قياامتي على هالغلطه. حور:انا اسفه ماكان قصدي .. محمد:عاادي متعود عليكم كل مايجيني واحد يفتح هالسالفه. حور طالعت محمد وابتسمت:طيب انا فاهمتك وعاذرتك وسامحتك بس قوم معي. محمد:صحيح حور؟ حور:صحيح بس قووم انت الحين. محمد:ووين اقوم معك ؟؟ حور:اشوفك لا لبسك حلو وستايل قوم وجيب معك مفتاح سيارتك. قام محمد واخذ مفتاح السياره وطلع مع حور من غرفته. حور:انت انزل تحت وانا دقايق وجايتك اوكي؟ محمد:اوكيك بس ووين بنروح؟ حور:يووه منك شكثر عنيد رووح انت الحين. محمد نزل وهو يضحك على اخته وبس سمع صوت اخوانه ضاق صدره شووي دخل الصاله عندهم وسلم والكل رد عليه وجاسم بس رد السلام وسكت وامه مومعطته وجهه ابدد مابرحت زعلانه منه محمد:يمه تامرين شي؟ ام جاسم:سلامتك ماابي شي. علي:ليش انت بتطلع؟ محمد:اايه انا وحور. وبس قال حور كلهم التفتو عليه واكبر صدمه كانت لجاسم شلون بتطلع معه وهي زعلانه عليه والله ماينعرف لك ياحوير شنو ناويه عليه؟؟اماعلي ابتسم وحب فكرت طلعتهم مثل قبل وحس ان الزعل راح من بينهم. ام جاسم:ووين بتروح انت وحور؟ محمد:ماادري عن حور قالت قوم بتطلع. ام جاسم:هي وراها اختبارات اتركها عنك. علي:الله يهديك ياخالتي اتركيهم على راحتهم بتمل من كثر المذاكره وجلست البيت. ام جاسم:على هواك يا وليدي. ونزلت حور لابسه عبايتها وفي يدها شنطتها ومتجهزه وحالتها حاله وسلمت عليهم حور:سلاموووو. الكل:وعليكم السلام. ام جاسم:وانا كم مره قايله لك سلمي مثل خلق الله. حور:يووه يمه وشفيك علي...هلا جاسم. جاسم تكلم بجديه باينه على صوته:هلا فيك. حور:ووين سارونه من شوي معاي؟ جاسم:تسبح عبير. حور:ايووه. علي:هاا حوري وانا مااتشوفيني مالي سلام خاص؟ حور قامت لعند اخوها وباست راسه حور:حيهم حيهم. علي:هههه الله يحيك. حور:يسلموو اخوي علاوي. وااشرت لمحمد يقوم خلاص ومحمد وقف على طوله وراح لعند حور بيمشون علي:عاد وين بتروحون؟ حور:سبرايس. علي:ههههه زين. محمد قبل لايطلع التف على اخوه وقال:جاسم تامر شي من برا؟ جاسم طالع اخوه ولا رد على سؤاله ولف وجهه الجها الثانيه ولا كانه يسمعه وفي قلبه الف سكين تطعنه على حركته لكن ماايقدر مقهوور من اخوه والي سواه وكيف برر موقفه باشياء سخيفه وحجج مااتشفي صدمت جاسم في اخوه. محمد نزل راسه والدموع تجمعت في عيونه لان اخوه مازال زعلان. علي حب يغير الجو علي:سلامتك يا بو جسووم بس انتبه على نفسك وعلى حور واستانسو. محمد بصوت كله حزن:ان شاء الله مع السلام |
