"مال الهوى عندي عذر ".

(3)
حبك طفل اشقر..
يكسر في طريقه ما يكسر ..
يزورني .. حين السماء تمطر
يلعب في دفاتري و أصبر ..
يلعب في مشاعري .. واصبر
حبك..طفل متعبٌ..
ينام كــــل الناس يا حبيبتي ويسهر
طفلٌ ..على دموعه لا أقدر (نزار قبااني)...
البشر قسمين فيهم الي يدور عن الحب ويطارده مثل المجنون...
وفيهم الي يتخبى من الحب ويهرب منه...
لكن الحقيقه والكل يعرف ان كل البشر يتمنون الحب في حيااتهم...
والحب نعمه ولازم نرعاها لان الحب مو كل يووم يفتح لنا احضاانه ويدينه..
.............................. ..
يحبني ؟؟.....مايحبني؟؟؟... يحبني؟؟...مايحبني؟؟؟
كانت اسيل في الفسحه تشخبط في دفتر ملاحظاتها وهي سرحاانه بعيييد.
وكل شووي انفخت بقووه من الملل:اوووووووف.
دخلت داانه وبدور الفصل وهم يسولفون وراحو لحور ولمياء الي كانوا جالسين يكتبون
وبس جاو لعندهم قامت حور وسكرت الدفتر:ااااه واخيرا هاا لمووي؟
لمياء خلصت وسكرت دفترها هي بعد وقااموا وتوهم بيطلعون انتبهت داانه في اسيل
داانه:نسينا بنت عمنا ههه تعالوا الله يعينا نرجعها من هناااك.
بدور باستغراب:من ووين ترجعينها؟؟
حور:ههههههه هههه من بعيييد من هنااك محل ماهي وااصله.
دانه:يووووه شيووصلنا الحين لها.
لمياء وهي تعلق معهم وتضحك:ههههههه الله يعينكم زحمه تكاسي وهنوود.
البنات:ههههههههههه هههههه.
راحو لعندها وهي بدنيا ثاانيه طلت حور ودانه بالدفتر وشاافوها تكتب:
يحبني؟؟..مايحبني؟؟.يحبني؟؟...م ايحبني؟؟...
طالعوا بعض وقالت حور:هبله؟؟..
ودانه من بعدها:موهبله؟؟
وردت حور:هبله؟؟
ودانه:موهبله؟؟
وقاموا يضحكون عليها وهي عصبت وسوت نفسها زعلانه وقاالت: انا هبله؟
داانه :لالا محشوومه ولاتزعلين انتي مو هبله لا انتي ...
حور:انتي امممممم مجنونه؟؟
وردت داانه تضحك:ههههه مومجنونه؟؟ هههههههه
وعصبت اسيل وقاامت عليهم بتضربهم وهم تخبوا وراء لمياء ومن بعدها مشوا للساحه
الخارجيه وهم يسولفون وشافوا نوف وفطووم وزوبا من بعييد وقامت زوبا تصفر لهم
وتناديهم:ياهووو هنا تعالوا هنااااا.
وراحوا لعندهم وقاموا يسلموون عليهم وفطووم حضنت حوور وهي تسوي نفسها
مشتااقه لها ومن زماان مااشافتها ومييته من الشووق
فطووم:يمه حوووور اشتقت لك من 10 دقايق بس مااشفتك ههههه.
حور:هههه وانا احس قلبي يقوول فطووم فطووم.
والبنات:ههههههههههههههه.
لمياء كان اسلوبهم جديد عليها لكنها مرتااحه منه واكثر وحده حور وفطووم
لمياء سالت نوف:نوف بااين فطووم وحور اكثر ثنتين ربع في الشله؟؟
نوف:اممم حور مع الجميع وهي الماما للكل بس يمكن صح مع فطوم اكثر؟؟
لمياء:وليه شمعنى؟؟
نوف:على فكره فطووم صديقه حور قبل الكل من ايام الابتدائيه ومن كم سنه فطووم
توفت امها وحور تاثرت بالحييل من السالفه ومن ذااك اليوم وهي علاقتها بفطووم
قوويه واكثر وحده تجلس معاها.
لمياء تاثرت ونصدمت بهالخبر وظلت تطالع فطووم وهي كااسره خااطرها
بس حتى اسيل متوفيه امها مو بس فطووم وردت تسال
لمياء:نوف ادري ازعجتك بس حتى اسيل متوفيه امها صح؟
نوف:ااايه حتى اسيل لكن اسيل من هي صغيره يعني ياادوب شافتها سنه سنتين
مااعاشت معها اما فطووم عااشت معها وماتوفت الامن سنتين كذا.
لمياء حست ان هالبناات عندهم قلب كبير كيف يضحكون ويسولفون وكل هالهم
في قلووبهم وظلت تطالعهم وتبتسم ومعجبه فيهم وفي اسلوبهم وصبرهم
وتذكرت كلام سعد ورجعت تقول بدااخلها:صدقت ياسعد لقيت لي صديقاات احسن
من كل شي في هالدنيا وقلووبهم كبيره...وبعدها تذكرت سعد وكيف طنشته امس
وكسر خااطرها وبعدهاا قامت تضحك وهي تتخيله معصب عليها اذا كلمته بعد
ماتروح البيت لكن قررت بعد ماتكلمه وتطنشه وتخليه على اعصاابه
حور شاافت لمياء تضحك وجاات جلست مقاابلتها عند رجولها
حور:لمووي صديقتي الحلووه..
لمياء:ههه شتبين يااحلوة؟
والبنات قاموا يضحكون على حور لانهم عاارفين طبعها واكييد تبي شي حور جلست جنب
لمياء وقالت:مااعليك منهم بقولك سر انا .
لمياء قربت من حور عشاان تسمعها لانها قصرت صووتها عشان مااحد يسمع
حور:ليه تضحكين من شووي لحالك؟
لمياء:اممممم تذكرت شي وضحكت.
حور:وامممم ممكن اعرف شنو هالشي؟؟
لمياء:اممم ليه؟؟
حور:لقافه...
لمياء:تامرين بس مو ووقته اقولك بعدين في وقت ثااني ان شاء الله.
حور قالت بصووت اعلى من الي كانت تتكلم فيه:اوووووف وانا شيصبرني؟؟
لمياء:ههه فضحتينا وبعدين تعلمي الصبر.
فطووم:شنو شفيكم؟؟
حور:نطت الملقووفه مااعليك منا اسرار يالله عيب ماايصلح هالكلام للصغار.
فطووم:عشتوا اقول شنو تكلموا دام النفس عليكم طيبه؟
لمياء تضيع السالفه:الا ووين نوره مااشفتها من طلعنا؟
نوف: راحت تشتري لنا ايس كريم ولا رجعت طوولت.
داانه:بتصنعه نوير على هالتاخير.
حور:لا هي بطه لازم يعني تتاخر وهي تمشي ههههه.
زوبا:هي انتوا كل شي عاد الا اختي الشيخه نوره وانتي تضحكين معهم يا لميوو
ماتدافعين عن بنت خالتك.
لمياء:سكتي والي يرحم والدينك بس.
داانه مسكت زوبا من يدها وجلستها:استرريحي بس مسوويه فيها تدافع.
بدور كانت سااكته وماتعلق على أي شي حدها تضحك وثواني الا نوره جات وفي يدينها
ايس كريم كثيرر وقامت تصارخ:اخذووه باااااارد.
واخذوه منها وجلست معهم تااكل الايس كريم والكل مستمتع بالجلسه
فطوم:تاخرتي نوري.
نوره:زحمه وانتوا حضرتكم ولاوحده جات معي جالسين هنا بسلامتكم.
داانه:الله يعطيك العافيه انا قلت لهم ماتستحون تتركون نوري لحالها؟
زوبا:ياكذااااااابه ياادوينه.
داانه:ماعليك منها انا نوري احبك وحتى مقرره اخذك لاخوي في المستقبل.
اسيل تطالع داانه بنص عين:أي اخوو ان شاء الله.
داانه:بعد من فديته اخووي علاوي.
اسيل فتحت عيوونها وقالت:ياحمااره.
حور:لالا مااعليك منها نوره لمحمد.
دانه:لاااااااا يبا اخوك شرير والله تتاخر نوره يتوطا في بطنها حرام عليك نبيها حنا نوره.
والبناات:ههههههههه ههههههههههه ههههههه
اما بدور بس جابوا الطااري قاامت من عندهم وتغيرت ملامحها وهم استغربوا
حور:بدور وين وشفيك؟
بدور:بروح الفصل قريب تبتدي الحصه .
زوباا:اووه ياعيني على الطالبه النشيطه.
البنات:هههههه ههههههههه
نوره:برااحتك بدور مالك في هالهبلان رووحي.
ومشت بدور ونوف تطالعها وبس رااحت بعيييد التفت نوف وقالت
نوف:غرور يااعم عليها.
داانه:صح عليك ززين مااسوت افتكينا ثقيله مثل :الدبس.
وحور معصبه من كلامهم:يااسخافتكم الي يشووفكم الحين ياا.
نوف:عسسسسسسسسل انا و دندوونه.
دانه:هههههه صح عليهم جف مي فايف .
ومدت يدها لنوف وهذيك ضربت فيها وحور مازالت معصبه على كلامهم
حور:والله الفايف بتجي على وجهكم يوم من الاياام.
وهم مطنشينها ويضحكون وكلها دقاايق وقاموا كلهم على فصوولهم وحور
متعجبه شفييها بدوور انقلبت كذا سرريع ؟؟؟
وتمت طوول الوقت تفكر في بدوور وحالها الي نعفس وتغير 180 درجه مره وحده.
وشاافتها وهي بتطلع تركب السياره ولحقتها قبل لاتطلع وحبت تسالها شفيها
حور:بدووور انتظري.
بدور:هلا شفيك.
حور:ماافيني شي انت الي شفيك اليوم احسك تعباانه؟
بدور:لا سلامتك ابدد بس شووي مزفته بالاختبار.
حور:اها يالله لاتحاتين يتعووض في غيره.
بدور:ان شاء الله.
حور:اوكي سلاموو.
بدور :حور وقفي بسالك شي؟
حور ارجعت ووقفت قبالها:امرري.
بدور:اخوك محمد كم عمره؟
حور:امم 22 تقريبا وكم شهر يدخل 23 سنه.
بدور:اها العمر كله هو يدرس صح قسم هندسه؟
حور:ايوا .
بدور:كم بااقي له ويخلص؟؟سنتين؟
حور:امم على مااعتقد اذا نجح في هالسمستر يكون بااقي له سنتين.
بدور:ايوا مشكوره.
حور مستغربه من اسالت بدور وشتبي في محمد اخوي تسال عنه كل هالاسئله.
حور:ليه بدور في شي؟
بدورر ارتبكت وحست ان حوور شااكه بشي:لا سلامتك بس من شووي تتكلمون عنه
واعتقدته يا من سن عبدالرحمن اخوي يا عبدالله وحبيت اعرف بس هذا كل السالفه.
حور:ايوا يالله اخليك تامرين حااجه؟
بدور:سلامتك بااي.
ومشت بدور عنها وحور مرت على اسيل وداانه الي كانوا كالمعتاد في حرب داائمه
واخذتهم ومشوا للبيت وهم في السياره حور سرحاانه ومن بعدها قالت لاسيل
حور:اسوول تصدقين اليوم بدور فيها شي؟
اسيل:شفيها يعني مثلا؟
حور:ماادري بس اسالتها غريبه.
اسيل:ليه هي سالتك عن شي؟
حور:ايوا عن اخوي.
اسيل ضربت بيدها على صدرها وشهقت وهي مفتحه عيوونها
اسيل:اخوووووك؟؟من ان شاء الله علي؟
حور:لاااااا ياغبيه بس راح بالها لعلي .
جلست اسيل عدل وتنفست بقوه وقالت:زيين لو علي كان ذبحتها.
حور:جد انتي فااضيه.
اسيل:طيب أي اخو قولي لي؟
حور:محمد.
اسيل:محمد؟؟وشعندها تسال عنه؟
داانه كانت جالسه قداام وقااطه اذنها عندهم والتفتت عليهم
داانه:يمكن تحبه ؟؟ والله اخوي ينحب حموود.
اسيل:هههههه تنكتين علي على غفله.
حور:سكتي زيين اذيتينا مع علي حنا ووين وانتي ووين؟
داانه:هي هي والله اخوي شحلاته.
حور:طيب مااقلت شي ايوا اخوي وشحلاته بس يالاغبياء انا اسال شعندها بدور على محمد؟ فهمتوا.
دانه:ايوا صح لايكون تحبه وتبيه ؟انا اشووفها تتلزق فيني ههههههه.
اسيل:هههههههه بااين تتلزق فيك.
حور:الكلام معكم ضاايع.
اسيل:ههههههه بس حور السالفه عااديه لاتكبرينها وبعدين انا ابيك بساالفه ابي راايك.
حور:اوكي شنو عندك؟
اسيل:لا مو هنا في البيت انا بنزل معك اقول لك.
داانه:هي هي وانا ابي اسمع قولي لنا.
اسيل:وانتي وشدخل اهلك بالسالفه؟؟ملقووفه.
حور:دانو تعالي بعد انتي البيت معنا.
اسيل:ومن قالك نبيها؟
داانه:تبيني وبيتنا وبكيفي وفي الاصل ماراح اجي؟
اسيل:ليه بسلامتك.
دانه:ماابي اول شي جاسم وبنته متوعديني وخاايفه اروح.
اسيل وحور:ههههههه ياخوافه.
داانه:احم احم مو خووافه ماسمعتوا ثانيا.
حور:شنو ثانيا قوولي؟
داانه:ثانيا ...ابوي فديته عازمني على ماكدونالز وواعدني يوديني اليوم على الغداء .
حور رجع الجرح انفتح ونزف وجرف كل شي معه تفكيرها وابتساامتها وامتلت عيونها
دمووع من هاالطاري الي صاير هاليومين معاناه بنسبه لها وانقهرت من كلام داانه
حور وصوتها مخنوق:خلاص فكينا وروحي مع ابوك .
داانه:اكييد بروح معه اجل بجلس مع اسيل وخرابيطها.
اسيل:خرابيط في عينك.
داانه:حوور حبيبتي روحي معاي ونااسه وربي.
حوور:مااقدر.
داانه:يالله عاد حوري رووحي بس بنكون انا وانتي وابووي وتراه في الطلعات فلله.
حور تقول في دااخله انا عرفته في شي عشاان اعرفه في الطلعات او غيرها
داانه:يالله قولي ااايه.
حور:افكر اقول لامي مع جااسم.
داانه:انتي بتطلعين مع ابوك ليه بعد كل هالدعوه؟
حور اخنقتها كلمة ابووك اكثر وحست بتموت من هالكلمه صحيح هو ابووي؟؟ اذا هو
ابووي ووينه؟ ليش احتاج لاذن عشاان اطلع معه؟؟ ليش انا في بيت وهو في بيت؟
داانه:هاا شقلتي؟
حور:داانه بس ..قلت لك افكر واقول لهم خلاص لاتكثرين.
داانه:طيب طيب لاتعصبين برااحتك.
وسكتت حور تعد الثوواني تبي تووصل بيتهم اسيل جلست تفكر بعدين قالت
اسيل:اوكي حور اجل انا اجيك بعد المغرب اتفقنا؟
حور وصووتها كله حزن:اتفقنا.
داانه تضحك وتطاالع:ههههه ونااسه يعني بعرف شنو بتقولون؟
اسيل:وهذا الي هاامك؟ بس اقول يااويلك خل يشوفك جااسم الحين راكبه قدام جنب السواق
بيذبحك ماايرضى هو احد يركب جنب السوواق تجهزي لتهزيء.
داانه:عادي وبعدين انا مااحب الا هنا قداام تبيني وراء مثل العيال والبزارين؟
اسيل:صج حماره الاتكيت يجلسون وراء بس استريحي انتي الي بتتهزئين.
داانه مااهتمت من كلام اسيل وظلت جالسه قدام وبس وصلوا انزلت حور من السياره
ولاحتى قالت بااي ودانه تطالع البيت جااسم موجود او لا وبس شاافته طلع افتحت الباب
وجلست وراء مكان حور واسيل تطالعها وتضحك على حركتها الي سوتها وكيف خافت
اسيل:هههههه ياخوافه كان ظليتي قداام.
داانه:ماعليك مني وماابي جنب بو هنوود.
وانتبهت داانه في حور وهي تمشي وطلعت راسها من النافذه الي جنب اسيل ونادتها
داانه:حوووور.
التفت حور عليها وماتكلمت...!!!...
داانه:ليش نزلتي تعالي مو رايحه معنا تعالي وكلميهم تلفون عشان مايقولون لا.
حور:لا بقوولهم واذا وافقوا بقولك تمرين علي.
داانه:اوكي اتفقنا بايوو.
اسيل نطت من النافذه هي بعد وشاافت جاسم وهي تعتبره مثل اخوها ويعاملها مثل حور
اسيل:هاااااااي جااسم؟
جاسم انتبه انهم يناادونه ورفع يده ياشر لهم انه جااي ومرت من عنده حور وماسلمت
وحالها متغير مسكها جاسم من يدها:هي هي ووين شفيك؟
حور وصوتها مخنوووق وضاايع وسط حزنها:ولاشي بس متضاايقه .
وسحبت يدها ومشت وهو استغرب من اخته وشووي الا داانه حتى هي تناديه
داانه:جسوووم شخبارك؟
وراح لعندهم وقف عند النافذه:بخير يا وجه الخير انتوا شخباركم؟
اسيل:دووم.. حنا بخير بشووفتك.
داانه تضرب اسيل:هي انتي استحي تراه اخووي وحنا بخير ياالغالي.
اسيل دخلت من النافذه وهي تقوول:اقوووول ولا مااقول؟
داانه طلعت اكثر وباست خد جاسم وقالت:خلها عنك لاتسمع كلامها هذي من العذال
لاتصدقها في أي شي تقووله.
جاسم:اقول بس ثنتينكم تيسرو في طريقكم وحطوا الغطاء على وجهكم احسن لكم
و انتي يادووينه شغلك بعددين بينا جلسه و محكمه.
دانه:هههههههه هههه حلوة محكمه بس داامك انت القااضي عاارفه اخوي وقلبك طيب
اكييد انا برائه .
اسيل:هه هه انتظري يعرف شمسويه قبل؟
داانه:اسكتي انتي بس ولا لك دخل في الامور الخااصه.
جاسم ضرب داانه على جبهتها عشان تدخل راسها وقال
جاسم:دخلي ولاتطوولين لسانك وبعدين انتي بحكم مني(نات غلتي) الى ان استمع
للجريمه والشهود والمدعي واحكم.
جلست داانه مكانها وهي تضحك مع اسيل وجااسم مازال يفكر بحال حور
جاسم:يالله تغطوا وسلااام تامرون شي.
اسيل:لاسلامتك يا بو عبور.
داانه:اايه قول لحور لاتنسى الي اتفقنا عليه.
اسيل:صح صح وانا بعد قلها لاتنسى موعدنا.
جاسم:طييييييب أي اوامر ثاانيه.
ثنتينهم:لا مشكوور سلام.
ومشوا وهو على طوول راح للبيت وماشاف الا ساره مع بنته وامه معهم وجلس
ونزل محمد وجلس وكلهم سااكتين ويطالعون التلفزيون
محمد:شفيها يمه بنتك علينا ؟
ام جاسم:من هي حور؟
محمد:في غيرها الله يسلمك .
جاسم:شفيها حور؟
محمد:نفسها خاايسه شفتها في طريقي واكلمها ومااترد علي.
جاسم:بقوم اشوفها انا اكييد متضاايقه.
ساره بطيبه قلبها واسلوبها المعتاد:لا خلها على راحتها اكييد بعد شووي بتنزل بروحها
اذا ارتاحت هي اكييد تعبانه من المدرسه.
عبير قامت وبتصعد فووق وناداها جاسم:عبور حبيبتي ووين رايحه بابا؟
عبير:عمتو حور.
ساره قاامت لها واخذتها وجلست:لاحبيبتي عمتو نايمه.
عبير:ننا عمتو.
جاسم:ايه ننا.
وشوي الا نزلت حور وهي عليها بيجامه وشافها محمد وقال
محمد:شرفت هذي هي نزلت.
حور:السلام.
الجميع:وعليكم السلام.
جلست قريب من جاسم وبنته وقامت عبير وجلست بحضنها وهي سااكته
ام جااسم:حور شفيك يمه؟
حور:ماافيني شي سلامتك.
ام جاسم:اجل قوومي يابنيتي حطي معي الغداء.
حور تذكرت داانه ورجعت ملامحها تغيرت وتلخبطت في الكلام وراحت جلست جنب
امها:يمه.
ام جاسم:امري.
حور مو عارفه شتقول :يمه انا داانه عازمتني على الغداء وتبيني اروح معها عادي؟
ام جااسم:ووين؟في بيتهم؟
حور:لالا في المطعم.
ام جاسم:روحي بس لاتتاخرين .
حور مازالت مرتبكه:يمه ابوي الي بيودينا.
ام جااسم بس اسمعت طاري بو جااسم وعصبت على حور وقالت لها:ماافي روحه
جلسي تغدي في بيتنا.
حور:لييييش؟توك موافقه وقلتي ايه.
ام جااسم:لاتناقشيني وقلت لك لا خلاص تبين تروحين المطعم خلي واحد من اخوانك يوديك.
حور:بس يمه انا بروح مع ابوي مو احد غريب.
ام جااسم عصبت:ووينه ابوك؟خليه يعرف شكلك كيف صااير يعزمك على غداء؟
حور:بس يمه داانه قالت ...
وقطعت ام جااسم كلامها:حووير لاتزيدين وقلت ماافي روحه.
حور انقهرت من امها واسلووبها وساره حبت تخفف الوضع وحدته
ساره:ذكروا الله ماصار شي وحبيبتي حور بكره انا وجاسم نوديك.
حور قاامت على طولها وعيونها ملياانه دمووع
حور:انتوا مااتفهمون ولاعمركم بتفهمون.
وراحت تركض على غرفتها وعلى طوول محمد راح وراها جااسم طالع امه وهو
مو عارف شيقوول حس امه جرحت حور من دوون مااتدري وهو اكثر واحد يعرف
حساسيه موضوع ابوه لحور وعلاقتها معه وتذكر حالها هذاك اليووم
اما محمد راح وظل يطق الباب على حور وهي مااترد عليه
محمد:حوور فتحي الباب؟ حور حبيبتي فتحي الباب؟
وهي منسدحه على سريرها ودموعها سيل يفتح معه كل جرح في قلبها
محمد:حور يالله فتحي الباب وانا اقنع امي لاتزعلين فتحي الباب.
وحور مااترد على اخوها شوي الا جااسم جا بعد وشااف محمد يضرب الباب بقوه
جاسم:ماافتحت؟
محمد هز راسه وهوواقف ومكتف يدينه وساند ظهره على الجدار وكانه مستسلم.
جاسم جا وقام حتى هو يطق الباب ويكلم حور
جاسم:حوور فتحي الباب انا جااسم .
وحور من سمعت صووت جااسم رجعت تصيح بس بدون صووت دموعها تتكلم
جاسم:حوور اذامااتبين تفتحين الباب كلميني قولي؟
جاسم:حوور تبين ترتاحين وبعدين تتكلمين؟
ولا ترد وشووي الا صوت نغمه جوال(القلب سلم لك امره في حالتي انت ادرى يالي
حنانك وطيبك تنحط عالجرح يبرى.....)جاسم طالع محمد ومحمد طلع جواله وشااف
الرقم وراح بعيدد عن اخوه شووي ورد وهو ماله خلق الي متصل
محمد:الوو.
صوت بنت:هلا حموود حبيبي.
محمد:هلافيك وشفيك؟
البنت:شفيك حبيبي كذا؟ فيك شي؟
محمد:لا بس متضاايق شووي اكلمك بعدين اوكي؟
البنت:اوكي بس قوولي شفيك؟
محمد وبكل عصبيه:اووووه بدور ماتفهمين قلت لك بعدددين مالي خلق اتكلم هالوقت.
البنت:اوكي لاتعصب باي وانتبه على نفسك.
محمد:ان شاء الله بااي.
وسكر الخط ورجع لجااسم الي مازال يحاول في حور تفتح لهم الباب وهي مااترد
جاسم:من متصل؟
محمد:واحد من الربع..مااردت عليك؟
جاسم وبكل ضيق:لا مااردت.
ورجع يطق الباب وحور جواابها الصمت والدمووع الي تزيدها جروح على جرحها.
...........
بدور كانت جالسه في الصاله وبعييد عنها رحااب وخالد مع ولده رياان
بدور من قفلت من الي تكلم ومزاجها منقلب على الجميع
رياان:عمتي من تكلمين؟
بدور:وانت شدخلك من اكلم روح عن وجهي؟
رحااب:الولد مااقال شي عشان تعصبين؟
بدور:مااعليك مني ومسكي ولدك وريحينا؟
خالد:بدور عيب خلاص مااصار شي يستاهل هالعصبيه.
بدور:قوول لزوجتك هي الي بدت.
رحااب:شيقوولي؟ اذا الي تكلمينهم طنشوك لاتحطين حرتك في ريان.
بدور انقهرت بس تذكرت الي صار وقامت وقالت
بدور:مااهمتيني اقوم غرفتي احسن لي.
رحااب:مااترد على اختك؟
خالد:شقول يعني؟ثنتينكم مثل البزارين اقوم انام احسن لي انا تعبان من الشغل.
وقام خالد وتركهم وبدور صدت بوجها عن رحاب وقاامت هي الثانيه وظلت رحاب
لحالها مع ولدها.
.............
دانه بس ووصلت بدلت وراحت لابوها وطقت باب غرفته
بوجاسم:ادخل.
دخلت داانه وسلمت على ابوها وحبته على راسه وجلست
داانه:يبه متى نروح؟
بوجاسم:ووين؟
دااانه:لايكون نسيت المطعم ؟
بوجاسم:ايييه المطعم خليه يوم ثااني.
داانه:لا انا قلت لحور تروح معنا.
بوجاسم بس سمع طاري حور قرر يروح يمكن يشووف بنته الي ماايعرفها من سنين.
دانه:هاا شقلت؟
بوجاسم:امري لله استعدي سااعه ونروح وقولي لها لاتتاخر.
داانه قاامت وحبت راس ابوها ثاني وقالت له:مشكوووور يا بو جاسم.
وطلعت اما بو جاسم ضحك على بنته وجلس يفكر بحور شلون بيكلمها ؟بتقولي يبه
ولا شنو؟؟ وقام من بعدها حتى هو يتجهز.
.............................. ..
جاسم صار له ربع سااعه مع محمد يحاولون بحور تفتح ومااهي راضيه ولاترد حتى.
محمد:خليها بعدين بتفتح.
جاسم:لا ماراح امشي الا اذا فتحت الباب وشفتها.
جاسم:حوور حبيبتي يالله سمي بالرحمن واهتدي فيه وفتحي الباب.
حور امسحت دموعها وجرت رجولها للباب وافتحته ورجعت جلست على سريرها
ودموعها على خدها دخل جااسم ومحمد وجلس جااسم جنبها ومحمد واقف على طوله
جااسم:حور طالعيني لاتصيحين وقوليلي شفيك؟
حور طارت لحضن اخوها جااسم لمته بقووه وجلست تشهق وعلى صووتها وهي تصيح
محمد من شااف حال اخته ودموعه بتنزل ولف وجهه ومسح دموعه وجااسم مااسك
حور وهي تصيح بكل قووتها وتشهق وكل ماسالها شفيك او قال سكتي زاادت.
وظلت على حالها بعدين قالت من وسط دموعها
حور:ليشش مااتفهمني انا ابي اشووفه.
جاسم:هي فااهمتك بس.
حور:بس شنو؟هي مااتحبني مثله انا بعد اكرهم هي ويااه اكرهم.
محمد:لا حوور لاتقولين كذا هم يحبونك؟
حور رفعت راسها من على صدر اخوها وهي تصيح
حور:يحبووني؟؟تضحك علي محمد هم ماايحبوني ودامهم ماايبوني ليش جاابوني لهالدنيا؟
ورجعت دفنت رااسها بصدر اخوها الي كل من شهقت زاد وجعه عليها
حور:انا ماابيهم ولاابي منهم شي جاسم قولهم يخلووني بروحي قولهم ماابيهم.
وجاسم سااكت ويمسح على راسها ويطالع في اخوه الي محتار شيقول
محمد:لاتصيحين انت هدي واذا على طلعت اليوم مع ابوي انا اوديك المطعم والحين؟
حور وهي تشهق:محمد انت مو فااهمني انا مو على المطعم كنت ابي اشووف ابوي
اجلس معه مثل داانه يضحك معي يسولف اقوله يبه انا بس قالت لي داانه احترت
لو رحت شنو اناديه شقووله مو عاارفه محمد افهمني.
محمد خانته دموعه ونزلت دمعه من طرف عينه على كلام حور الي يبكي الصخر
جاسم:انا هنا معك وبكون لك مثل ابوي بس لاتصيحين.
محمد:صح لاتصيحين جااسم وانا مو جودين.
حور شالت نفسها من حظن اخوها وقالت
حور:قلت لكم ماابتفهموني هو غيرر غيرك يامحمد وغيررعنك ياجاسم.
وجلست تصيح على مخدتها وشوي الا تلفون غرفتها يرن ورفعه محمد لانه قريب منه
كانت لمياء متصله ومااتدري مسكينه بلي يصير.
لمياء:الوو.
محمد:هلا.
لمياء:هلا حور مو جوده؟
محمد مااعرف شيقول لها:والله هي موجوده بس مشغوله شووي من اقولها؟
لمياء:اوكي قولها لمياء .
محمد:ان شاء الله.
لمياء:مشكور سلام.
محمد سكر التلفون ورجع يشوف حال اخته الي كل شووي زاد صياحها ولام محمد
امه وابوه على كل الي جالس يصير في حور وعلى دموعها الي ماوقفت
وشوي الا التلفون يرن ثااني اشر جاسم لمحمد يرد ورد محمد وكانت داانه متصله
محمد:الوو.
دانه:هلا حموود شخبارك؟
محمد:هلا بك انا الحمدلله بخير.
دانه:طيب ا ذا حور جنبك قولها تنزل انا وابوي تحت ننتظرها.
محمد انصدم وسال داانه:انتوا عند الباب من وين تكلميني؟؟
دانه:من جوال ابووي يالله خليها تنزل لاتتاخر.
محمد:داانه حور ماراح تروح معكم.
بو جاسم بس سمع محمد انقبض قلبه واخذ الجوال من دانه
بوجاسم:هلا محمد .
محمد:هلا يبه شخبارك؟
بو جاسم:انا بخير والحمدلله..ليش اختك مو جاايه معنا؟
محمد مااعرف شيقول لابوه
محمد:هاا لا بس هي مااتبي تروح شوي تعباانه؟
حور سمعت محمد ورفعت راسها وقالت بصوت عالي سمعه بو جاسم
حور:لا قوله الصدق ان امي ماارضت وقووله اني ماابيه وماابي اشووفه مثل مااهو
مايبيني قوله حور خلاص مااتبي تروح مع احد قوله حور مااتبيك مثل ماانت بعتها
هي بتبيعك.
محمد يسكت اخته وجااسم يهديها وهي بس خلصت رجعت تصيح وتشهق بو جاسم
سمع الكلام وانصدم من بنته بس ماانتبه لدموعها الي كانت تنزف وهي تقول هالكلام
وقال في داخله هذي الي احاتيها طلعت مثل امها وخالها بس الشرها علي متعني وجااي
محمد:تامر شي يبه؟
بو جاسم:لا سلامتك بس ماتشوف شر حور.
محمد:الشر مايجيك .
وسكر الخط بو جااسم مشى من قدام البيت بسيارته وهو معصب وداانه مو فاهمه شي
داانه:وحور؟
بو جاسم: اختك مااتبي احد.
دانه:بس هي قايله بتروح؟
بو جاسم عصب جد:دااااااااااانه بسك من الكلام وماافي روحه بنرجع البيت.
ودار بالسياره ورجع ثاانيه البيت وداانه انقهرت ولامت حور على الي صار.
وهي ماتدري بحال حور مسكينه والي يصير فيها.
جاسم اخذ محمد وطلعوا وتركوا حورمن بعد مانامت وهي تصيح وراحوا للصاله وجلسوا
جاسم:الله يهداك يمه شسويتي؟
ام جاسم :شسويت؟انا ماسويت شي؟ هي بس تدلع.
محمد انفجر على برود امه واسلوبها الي مبينها بريئه ومااسوت شي
محمد:لا ماسويتي شي اسلوبك كان جارح بنسبه لحور وانت عارفه يمه هالشي
وعارفه ان حور حساسه وبتنجرح من كلامك.
جاسم:محمد بس هذي امك لاترفع صووتك.
ام جاسم:لا خله هو بيسوي نفسه رجال على امه كل هذا عشان ابوه.
محمد حس لو بيطول بيتهاوش اكثر وهو مايبي يغلط او يقول شي لامه فحب يمشي
احسن له وارحم وقام على طوله بيمشي
محمد:انا رجال من زماان ولا ادعيت رجولتي عشان احد وبعدين يمه كلمه وسمعيها
مني حور بنتك الوحيده واذا هي الى اليوم تشيل لك شي في قلبها بيجي اليوم الي بتكرهك
فيه انتي وابوي وبعدها شوفوا من فينا كلامه غلط الله يسامحكم .
ومشى محمد ولحقه جااسم ومسكه من كتفه وحس في اخوه الي دموعه محبوسه
جاسم:محمد ووين؟
محمد سحب نفسه من عند اخوه ومشى وهو يقول بصوت عالي
محمد:لجهنم ارحم من هالحال.
جاسم سكت ونزل راسه اما محمد ركب سيارته ومايشوف قداامه من زود الي فيه
واخذ طريق الاستراحه الي يجتمعون فيها هو والشباب.
اما دانه وابوها رجعوا البيت وماتغدوا
ام علي :دانه شصاير؟
دانه:انا وشدراني عن زوجك؟
علي كان جالس يقراء كتاب وسمع دانه واسلوبها
علي:اقول استحي تراه ابوك ولاتتكلمين عنه كذا.
دانه:استريح علي مااتدري شسوى؟
علي:شسوى؟؟
وعلمتهم انهم راحو يااخذون حور ومن كلم ابوها محمد وحاله منقلب علي استغرب
شفيهم وشقايل محمد هلي ابوه اعتفس مره وحده على الكل؟؟وشوي الا صوت بو جاسم
يناادي زوجته :حصه حصه ياام علي.
وهي قامت على طول:جاايه جاايه.
علي وداانه ساكتين ويطالعون بعض ودانه جاايعه بس مااتبي تقول لعلي يعصب
داانه:مااتبي غداء؟
علي حس في اخته:اممم اقول دندون قومي لبسي عباتك وخلينا نروح المطعم بدل جو البيت
دانه:اوكي بس بعدها نروح المول نتمشى؟
علي:على خير روحي انتي لبسي ولاتاخرينا.
وراحت داانه لبست وعلي وداها المطعم وتغدوا وبعدها راحو المول يتمشون اخذت لها
كم غرض من هناك وشرت لحور دفتر من الي تحبهم الي يكون بالوان وحركات
وصلوا مره وحده هناك في مسجد المول صلاة المغرب وبعدها قاموا بيروحون البيت
في السياره علي:دانه شرايك نروح لحور؟
داانه:فكره عشان اعطيها الي شريت لها.
طالع علي سااعته شافها 8 واليوم ربوع يعني تو الناس
علي:نااخذ عشاء لنا ولهم ونروح ونشوف اذا يطلعون نتعشى برا على الكورنيش او
في البيت؟
دانه:وناااااااسه يالله اتصل قول لجاسم.
علي:لا خليها سبرايس.
حور مااصحت من نومتها الا متاخره وراسها مصدع اخذت شور ولبست بيجامه ثانيه
وصلت وجلست على سريرها تفكر بالي صار الا شووي والباب ينطق
حور:ادخلي ساره.
ومااحد دخل والباب ينطق
حور:جااسم ادخل وبلا حركاتك.
انفتح الباب وكانت اسيل ودخلت وشغلت باقي انوار الغرفه لانها كانت شووي ظلمه
وفصخت عبايتها وجلست علىا السرير قبال حور
اسيل:انا جييييييت يا هلا فيني.
حور ابتسمت:هلا وغلا بااحلى بنت عم.
اسيل كانها تذكرت شي وقفت ودارت على نفسها وبعدين قالت
اسيل:شرايك بلبسي جديد توني شاريته؟
حور:اممم حلو بس مااذكر اليوم في مناسبه؟
اسيل جلست وضربت حور على كتفها:ياا ثقلك وماانلبس جديد الا بمناسبه المهم مو هذي
سالفتنا بقولك.
حور:شنو قولي؟
اسيل انسدحت واخذت نفس قووي وسكتت.. حور انسدحت جنبها وظلت تطالعها تبيها تتكلم
حور:شفيك اسول ؟
التفت اسيل وفي عيونها نظرة حيره غريبه وظلت سااكته وفي خاطرها كلام وبعد سكوتها
اسيل:شرايك اقول لعلي اني احبه؟
حور انصدمت من بنت عمها ومااعرفت شتقول لها وهي تعرف اخوها علي ماايحب هالحركات
ويمكن يعصب ويمكن يجرح اسيل بجوابه او ردت فعله
حور:ماادري؟انتي تبين تقولين له؟
اسيل:ايه ابي اقوله وارتاح ولا اخاف اقوله ويطلع مايحبني؟
حور: ضيعتيني معك شوفي لك بر .
اسيل:وانا ليش جاايه لك واقولك عشان تساعديني.
حور:امممممم والله انا متضاايقه ولاعندي أي فكره.
واسكت حور وجلست تذكر كل الي صار لها اليوم والدموع الي ذرفتها وليش وضااق
خاطرها وحست الدموع ارجعت لها والهم والضيق خنقها من هالطاري
اسيل شافت بنت عمها وكسرت خااطرها وسالتها
اسيل:حور انتي شفيك؟
حور:ولاشي متضاايقه.
اسيل:من شنو؟
حور:تكفين اسيل الكلام ماينفع.
اسيل:حور يالله قولي شفيك ماراح اتركك الا اذا قلتي.
حور:اليوم داانه بغتني اروح معها هي وابوي المطعم .
اسيل:ايه عاارفه كنت معكم بالسياره.
حور:بس امي ماارضت وصارخت علي.
وقامت حور تصيح وغطت وجها بيدينها واسيل حضنتها وقامت تصيح معها
حور من وسط دموعها:انا احتاجه اسول ليش هو بعييد ؟
اسيل مااعرفت ترد الا بدموع مع بنت عمها الي ذبحت روحها من الصياح
حور امسحت دموعها وابتسمت لبنت عمها وقالت من بعد مده
حور:ههه بس اسوول لاتصيحين خلينا نفكر فيك مع علي.
اسيل مسحت دموعها:حور تتوقعين بيحبني؟
حور ابتسمت ولمت بنت عمها لصدرها:اكييد بيحبك هو بيلقى مثلك ياالخبله.
وانفتح الباب ودخلت عليهم داانه وصفقت بيدينها وهي تقول
دانه:فيلم هندي حسافه انتهى فووت الباقي.
اسيل ضربت داانه بالمخده:سخيفه دووينه.
حور:دانه شعندك جاايه؟
داانه:لعنبوكم طرده هي استحوا على وجيهكم وانتي حوير مو يكفي بسببك تكنسلت الطلعه
وابوي عصب علي مع هالوجه.
حور اسكتت ومااردت كلام دانه سكتها ومستحيل تنطق أي شي من بعده.
دانه:حور قومي علي يبيك.
اسيل تعدلت بجلستها وطالعت حور بكل رجا انها تنقذها براي
حور:دووينه بقولك شي.
داانه:شنوووووو؟
حور:اسيل محتاره تقول لعلي انها تحبه او لا؟
داانه:صج بتقولين له؟؟
اسيل:ماادري.
داانه:ولايهمك انا اجيب لك العلوم الطيبه ولاتحتارين.
اسيل:صج دندونه.
داانه:افا عليك صج.
حور:اجل قوموا نشوف علي.
وراحو البنات للصاله وسلموا على علي واسيل مستحيه وجالسه هااديه
علي:اخبارك اسيل؟
اسيل:الحمدلله اسال عنك؟
دانه:اووه من قدك.
علي يضحك:هههه تسالين عني؟ يعطيك العافيه.
اسيل:الله يعافيك.
جاسم دخل وشاف اخوانه موجودين وحور معهم تضحك وتسولف وارتاح باله.
جاسم:السلام.
الجميع:وعليكم السلام.
حور قامت عن مكانها عشان اخوها:حيهم حيهم جسوم اجلس.
جلس وظلوا يسالفون واسيل كل شووي طالعت داانه تبيها تتكلم وهذيك تجننها
من بعدها دانه اشرت لاسيل تقوم من مكانها وتروح عشان تعرف تتكلم وهذيك قامت
علي:وووين اسيل؟
اسيل:بروح عند ساره ولهانه على عبور.
علي:ايوا.
وراحت وحور ودانه يتهاوشون وكل وحده تبي الثانيه تتكلم وعلي وجاسم مستغربين
حور:علي بسالك شي؟
علي:تفضلي.
وتضرب دانه تبيها تتكلم عنها وهذيك تضربها وتقولها انتي تكلمي.
علي:شعندكم؟
داانه:علي بصراحه يعني متى بتتزوج؟
علي:ههههه وانت شدخلك؟
حور:صح متى؟
علي:قريب انشاء الله ليه لاقيه عروس؟
دانه:امممممم مايحتاج فيه الي تموت عليك وتدور وتنتظر اشارتك.
علي تعجب من كلامهم من هذي الي تنتظر اشارتي
علي:ومن هذي؟
حور:علي انت شرايك باسيل بنت عمي؟
علي سكت وحس بغرابه اسيل مااعمره فكر فيها تكون زوجه له او لا
جاسم:صح كلامهم اسيل بنت عمي وبعدين مااعندها ام وحيدة عمي وانت احق فيها
من الغريب وحلوه وهااديه.
علي:الله يهديكم بس اسيل اختي ومثل حور ودانه .
اسيل كانت تسمعه من على الدرج وانهارت من كلامه انا بس اخته يعني ماايحبني
مايحبني مايبيني لاااااااااا علي لي انا بس انا بس ماراح تااخذه غيري علي لي
ورجع صوت جاسم:أي اختك مااعندنا هالكلام.
علي:ومن قالكم بتزوج يعني لا اسيل ولا غيرها انا اذا جيت بتزوج بقولكم.
حور ودانه:بس علي اسيل.
علي:قلت لكم خلااص لاتكثرون وماعليكم من اسيل.
اسيل ضاقت فيها الدنيا ورجولها ماشالتها واسحبت نفسها لغرفه حور ورمت بحالها
على السرير وجلست تصيح وتضرب في صدرها بيدينها
كل منك ليش حبيته ليش ؟؟ يقول اخته انا ماابي اكون اخته هو حبيبي وروحي
وقلبي وكل شي وانا اخته بس بس دخلت حور على صوت صياح اسيل وشافتها ونادت
لدانه وجاو لعندها دانه اخذت راس اسيل وحطته على رجولها وتهدي فيها
دانه:اسيل حرام عليك تسوين في حالك كل هذا.
اسيل:يقول مثل اخته مثل اخته.
ورجعت على حزنها وهمها وحور تهدي من جها ودانه من جها ولا ناافع معها
اسيل:انا احبه والله احبه بمووووت قهر احبه فهموني احبه.
حور:فاهمينك حبيبتي وماصار الا الخير هو ماقال مايحبك.
دانه:صح ماقال مايحبك.
اسيل ترفع صوتها :يقول اخته يعني ماايبيني ماايبيني وانا انا .
ورجع صوتها يمتلي من جرحها الي ينزف من سمع علي وكلامه الي ذبح هالمسكينه
اسيل اخذت جوالها من شنطتها واتصلت في ابوها وحور تحاول فيها ماتتصل ورد عليها
اسيل:الووو يبه.
بو اسيل:الوو هلا ياعمر ابوك.
اسيل وهي تصيح:تعاال تعاال لي تكفى يبه.
بو اسيل خااف على بنته:اسيل شفيك حبيبتي ليش تصيحين؟؟
اسيل:يبه بمووت تعال.
بو اسيل:بسم الله عليك من الموت هدي وانا جاايك الحين.
اسيل:انتظرك .
سكرت وداانه عصبت عليها ليش تسوي كذا وتروع عمها على هالسالفه
دانه:اسيل تصرفك باايخ.
اسيل اخذت عبايتها ولبستها وبتمشي ولا معطيه احد بال وطلعت من غرفه حور وهم
وراها وهي تصيح ولاترد عليهم مرت على جاسم وعلي وقاموا هم بعد وراها
حور تناديها:اسيل اسيل انتظري .
داانه:اسيل اسيل لاتسوين كذا.
طلعت من البيت وهي تصيح ولاترد على احد جاسم سال حور :شفيها؟
اما علي لحقها وجلس يناديها وهي كل ماسمعت اسمها بصوته ماتت الف مره ومره
علي:اسيل اسيل رجعي ولاتفشلينا.
مسكها من كتفها ولفها بقوه وشاف وجها احمر وعيونها كلها دمووع صرخت اسيل
في وجهه واول مره تسويها:شتبي مني؟؟مايكفي الي سويتها؟
علي مو عارف عن شنو تتكلم وليش تصيح؟؟
اسيل وهي تتنفس بضيق:خلني بروحي كاافي شتبي مني؟
علي:اسيل انتي شفيك؟
اسيل:انت الي شفيك؟متى بتفهم اني انا انا علي انا.
علي:انتي شنو؟
اسيل مااقدرت تتكلم واغمى عليها في الشارع بين يدين علي وهو مصدوم جاسم
طلع وشافهم وعلى طول شغل السياره وركبوها وراحوا المستشفى ودقايق الا ابوها
وصل البيت ودخل يناديها مثل المجنون:اسيل يبه ووينك؟
داانه كانت لامه حور ويبكون ثنتينهم شافهم وقلبه انقبض على منظرهم
بو اسيل:ووين اسيل ووينها؟؟
دانه:عمي اسيل في المستشفى.
بواسيل:شنوو ليش شفيها؟؟
وحور مع داانه يصيحون وهذاك يصارخ عليهم:ردووا في أي مستشفى؟؟
حور:مااندري اخذها جاسم مع علي.
هو اخذ جواله واتصل على جاسم وساله هم في أي مستشفى؟
وعلى طول طلع وراح لهم ودخل وشافهم بقسم الطوارىء
علي:هلا عمي.
بو اسيل وهو من هد حيله من الي عرف عن بنته ومثل المجنون
بو اسيل:ووينها اسيل ووينها؟
جاسم:عمي هدي حالك بسيطه بس عندها انهيار عصبي وبتقوم بالسلامه.
بو اسيل:أي بسيطه يا ولدي ؟هي من مزعلها؟
علي:مااحد هي كانت جالسه معنا بعدها قامت ورجعت لابسه عبايتها وتصيح .
بو اسيل ودموعه تتحدى سنه وشيبته:بنتي الوحيده مالي غيرها شصار فيها؟
ياارب تقووم بالسلامه ياارب.
طلع الدكتور وعلى طول راحوا له طمنهم وسمح لهم يدخلون لها ويشوفونها دخلوا
وكانت اسيل نايمه على السرير والمغذي بيدها وعيونها حمره من الصيااح
بو اسيل شاف حالة بنته وقعد جنبها على السرير ولمس خدها بيده وحس بنته
بعييده عنه وعن عالمه جاسم وعلي حبوا يتركونه معها
جاسم:ماتشوف شر يااعمي.
علي :الله يقومها بالسلامه.
بو اسيل:الله يسلمكم.
طلعوا وتركووه معها بو اسيل مسك يد بنته ورفعها وحطهاعلى وجهه وقام يكلمها
قومي يااحبيبتي والله مالي غيرك لاتركيني بس فتحي عيونك وقولي شفيك؟
من زعلك؟ في احد مضاايقك؟
وكلها دقايق واسيل فتحت عيونها وشافت ابوها ونادته
اسيل:يبه انت هنا.
بو اسيل:روح ابوك ايه انا هنا.
اسيل:وليش انا هنا؟
بو اسيل:انت قولي لي من مضايقك؟
اسيل تذكرت ونزلت دموعها:مااحد يبه مااحد.
بو اسيل:مايصير تتعبين كذا.
اسيل:انا ابي اطلع من هنا.
بو اسيل:ان شاء الله بس يخلص المغذي.
وبس خلص واخذ بو اسيل بنته وراح معها لبيتهم اما جاسم وعلي برضوا مارجعوا
الا متاخرين قريب الساعه 1 بالليل وهم دااخلين شافوا محمد توه رااجع للبيت
محمد:هلا علي هلا جسووم وين رايحين؟
علي وجاسم:هلابك .
علي:جااين من المستشفى.
محمد:ليش شصاير؟
علي:ولاشي بس اسيل تعبت شوي علينا واخذناها المستشفى والحمدلله طلعت.
محمد:الحمدلله ودخلوا علي نادى داانه وراحو بيتهم وجاسم طمن حور الي مااقدرت تنام
من خوفها على بنت عمها ومحمد دخل ينام وشوي الا جواله يرن
محمد:هلا.
بدور:هلا حبيبي.
محمد:حبيبتي انا اسف على الي صار اليوم بس كنت متضايق.
بدور:لا عادي ماصار الا الخير.
محمد:مشكوره ياقلبي.
بدور:بس انا زعلانه منك .
محمد:الله الله ليه؟
بدور:اسال نفسك ليه؟
محمد:ههههههه هههههه اموت على الزعولين.
بدور:محمد.
محمد:عيوون محمد انتي
بدور:تسلم لي العيون وراعيه بس حبيبي تصبح على خير.
محمد:وووين تو الناس.
بدور:من عمرك بس انا كنت متصله اطمن عليك.
محمد:اها يعطيك العافيه .
بدور:تامر شي حبيبي؟
محمد:سلامتك يا حبيبه محمد.
بدور:اوكي انتبه على نفسك باي.
سكرت الخط وهي فرحاانه وبدت تصارخ من فرحتها اما محمد سكر وحط راسه
وقال بدااخله:الله يهديك يا بدور ويعيني.
...................
اسيل بس راحت بيتهم حطت راسها الي شايل هموم الدنيا ونامت من التعب الي فيها.
اما علي ودانه وصلوا البيت وكل واحد دخل غرفته دانه نامت وعلي باله مشغول في اسيل
والي صار لها والي محيره كلامها
شنو كانت تقصد فيه وشو كانت تبي تقول قبل مااتنهار؟؟
اما بو جاسم في ذيك الليله ماجاه نوم وهو يفكر بحور وقلبه تشتغل فيه حرب بين انه
ظالمها ولازم يتقرب منها اكثرر وبين انها ماتستاهل يتقرب لها بسبب كلامها اليوم
وحاط في باله انها تكرهه والحيره مضيعته بين وبين..
والي عايش بعييد عن الهم وعايش بدنيا كلها حب وهياام هو سعد ولمياء
سعد:انا زعلاان ومستحيل ارضى.
لمياء:من زعلك حبيبي؟
سعد:قلبي .
لمياء:ههههههه قلبك مزعلك شبتسوي انت الحين؟
سعد:بتم زعلان حتى قلبي يراضيني.
لمياء:اها وياقلبي شنو يرضيك؟
سعد:بووسه .
لمياء:ههههههههه سعد.
سعد:روح سعد قلبه انتي.
لمياء:حبيبي يلله عاد انا فيني النوم تامر شي؟
سعد:افا اقوك زعلاان.
لمياء:وانا مستعده اراضيك بعيوني.
سعد:اجل يالله تعالي عند باب بيتكم وانا بجي وعطيني بووسه.
لمياء: ههههههه شوف غيري يراضيك.
سعد:اموت بالضحكه طيب خلاص بتنازل عن البوسه قولي لي احبك.
لمياء:احبك مووووووووت.
سعد:ااااااه ياقلبي رحمتك يارب فيني .
لمياء:اوكي حبيبي انتبه على نفسك ونوم العوافي وتغطى زين.
سعد:تامرين حبيبتي وانتي انتبهي على نفسك.
لمياء:ان شاء الله بايوو.
سعد:بايات ياقلبي.
سكرت الجوال وكتبت رساله لسعد بدل الي ارسل من كم يوم وهي طنشتها
وصلت الرساله لسعد وكان في الحمام ياخذ شور طلع وشاف مسج فتحه لقاه من لمياء
مكتوب فيه: (لك مني سلام قبل المنام ولك طيور تغرد ماتنام وتقول تصبح على
احلى الاحلام...احبك لمياء ).
سعد قراها وضحك يالله شكثر احب هالبنت وشوي الا يوصله مسج ثاني
منها وفتحه يقراه ( انت يمكن تنام وتترك الدنيا وراك بس انا لما انام يبتدي حلمي معاك ).
وجلس يكتب هو بعد لها مسج عشان يرسله لها وكتب ورسل لها
وهي كانت تنتظره بس وصل فتحته وكان مكتوب فيها:
(مر طيفك في منامي قمت ورديت السلام كيف لو شفتك قدامي تفتكر اقدر انام)
لمياء اتصلت على سعد وهي تضحك ورد عليها
سعد:حي الله هالصوت.
لمياء:هههههههه الله يحيك بس شتقصد برسالتك؟
سعد:اقصد اني مو قاادر اصبر اكثر.
لمياء:تصبر على شنو؟
سعد:انتي فاهمتني لمياء بتوافقين؟
لمياء استحت من كلام سعد وسكتت ومااردت عليه الا بضحكه
سعد:يااعمري يعني ايه.
لمياء:بااي.
وسكرت وهي طاايره من الونااسه ونفسها تقول لاحد عن الي في داخلها
ومالقت الا حور هي كانت مفكره تعلمها عن حبها لسعد وتاخذ رايها حطت راسها
ونامت وقررت تقول لحور بس تلتقي فيها اما سعد هو الثاني نام وهو مقرر يشوف
يوم يقول لامه تخطب له لمياء.
.............................. .................... ..................
بدورو محمد شنو سر علاقتهم؟؟ وهل صحيح الي بينهم حب ولامجرد كلام؟؟
علي بيلقى جواب لحيرته بكلام اسيل؟؟
اسيل بتستسلم وتستبدل حبها وتنسى؟؟او بتستمر حتى توصل لقلب حبيبها علي؟؟
حور مع بو جاسم؟؟؟بتلقى الصدر الحنون عنده ولا بتلقى حب ينسيها احتياجها لابوها؟؟
عبدالرحمن بيدخل الحب لقلبه؟؟ ومن هي؟؟
نعرف جواب اسالتنا في البارت الجاي على خير.

01:11 AM

(4)

تلومني الدنيا إذا أحببتهُ
كأنني.. أنا خلقتُ الحبَّ واخترعتُهُ
كأنني أنا على خدودِ الوردِ قد رسمتهُ
كأنني أنا التي..
للطيرِ في السماءِ قد علّمتهُ
..
تلومُني الدنيا إذا..
سمّيتُ منْ أحبُّ.. أو ذكرتُهُ..
لو كنتُ أدري أنهُ..
نوعٌ منَ الإدمانِ.. ما أدمنتهُ
لو كنتُ أدري أنهُ..
بابٌ كثيرُ الريحِ.. ما فتحتهُ
لو كنتُ أدري أنهُ..
عودٌ من الكبريتِ.. ما أشعلتهُ
هذا الهوى.. أعنفُ حبٍّ عشته
وليتني من قبلِ أن يقتلَني.. قتلتُهُ..
أراهُ منقوشاً على مشاعري
لو أخبروني أنهُ
طفلٌ كثيرُ اللهوِ والضوضاءِ ما أدخلتهُ
وأنهُ سيكسرُ الزجاجَ في قلبي لما تركتهُ
فليتني حينَ أتاني زائراً
بالوردِ قد طوّقتهُ..
وليتني حينَ أتاني باكياً
فتحتُ أبوابي لهُ.. وبستهُ..
(نزار قباني).
لازم داايم نتذكر ان الحب مايفتح يدينه لنا كل وقت ولازم نعرف كيف نوصل لحضنه
وكيف نبقى في حضنه لان في أي لحظه ممكن يضيع منا ويضيع معه كل الدفا
وكل طعم للحياة وكل شعور بالحب وممكن حتى حنا نضيع معه ومانلقى نفسنا..
.............................. .................... ................

كانت نايمه وفي الحقيقه تحس نفسها ميته لان الانسان مايعيش الا بقلبه وكيف تعييش
وقلبها مذبوح؟؟ كل مابلعت ريقها تحس بطعم الموت بفمها والهوى الي يدخل صدرها
يخنقها بدل مايساعدها تحركت بتعب على سريرها كانت صاحيه بس مااحبت تفتح
عيونها ..الغرفه كانت ظلمه والنور يدخل من بين الستاير بصوره اثيريه وكانه اوتار تعزف حزنها
..خايفه شلون تجلس من حلم عاشته سنين غمضت عيونها بقووة
وبدت تصيح شوي شوي صوتها بدا يعلى وتحول للصراخ .
اسيل:لااااااااا لااااااا حرااام.
ابوها سمع صوتها وجاها يركض فتح الباب وشاف بنته على سريرها تصارخ
راح لعندها وضمها لصدره وهي مازالت تصارخ وتصيح
بو اسيل:بس بس حبيبتي.
اسيل:لااا.ليش ليش؟
بو اسيل:شنو الي ليش؟
اسيل:انا شسويت يبه عشان يصير فيني كذا؟
بو اسيل:شنو صاير فيك يايبه؟
اسيل جددت دموعها واحزانها ومااردت على ابوها الي حال بنته قطع قلبه
بو اسيل:انتي لو تقولين شنو صار فيك ؟ من وصلك لهالحال؟
اسيل سكتت وهدت ورجع الهدوء للغرفه مايكسره الا شهقات اسيل بين كل لحظه ولحظه
وصوت ابوها وهويسمي عليها كان راسها على صدر ابوها ومتعلقه بثوبه بيدينها
رفعت راسها وعيونها مثل البحور تشيل كل هموم الدنيا غارقه بدموعها
اسيل:انا ابيها الحين ليش راحت وخلتني؟
بو اسيل:من هي حبيبتي؟
اسيل:امي ووينها؟ انا ابي اقولها اتكلم معها.
بو اسيل توه يعرف كبر جرح اسيل هي مااذكرت امها من سنين ليش هالوقت بالتحديد؟
كان طاري زوجته المرحومه اصعب عليه من حال بنته الحين ضااع الكلام منه
شيقول لها شنو يجاوبها وهو بعد يبي احد يجاوبه مثلها
اسيل:انا احتاجها قولها تجي.
بو اسيل دموعه جاوبت بنته كل دمعه كانت تشيل معنى حتى هو يحتاجها لو كانت هنا
ماصار في اسيل كل هالشي؟
بو اسيل:امك عند ربها ترحمي عليها وبعدين انا مو جود قوليلي.
اسيل اسحبت نفسها من بين حضن ابوها ووقفت على طولها وهي تصرخ بوجهه
اسيل:لاااااا انت غير غيرر ابيها هي انت مااابيك مااااااابيك.
بو اسيل انصدم من بنته وخااف عليها بنفس الوقت شصار باسيل بنته مريضه وهو
مايعرف شيسوي ظل يناظرها وهي تصارخ وبعدها رجعت هدت ثاانيه وجلست
في الارض بزاويه سريرها وضمت رجولها لصدرها وغمضت عيونها قرب منها ابوها
وجلس عندها مسح على شعرها وهي بس تتأوه وتون وكانها بتفارق الدنيا من وجعها
قام بو اسيل من عند بنته وجلس بالصاله وهو محتار في حال بنته طرت على باله زوجته
وبللت الدموع وجهه مره ثاانيه محتار يصيح على بنته الي ماايدري شنو صار فيها؟
ولا على زوجته الي توفت وتركته وهو الحين يحتاجها جنبه؟
....................
في هذاك الوقت كان علي ياكل فطوره وباله مشغول بكل الي صار شفيها اسيل؟
حتى داانه من طيحت اسيل وهي متغيره وكلامها معي قليل ونظراتها تشيل
اتهامات لي يااربي شمسوي انا؟؟ انتبه فيه ابوه الي كان معه على الفطور
بو جاسم:علي.
علي:هاا امر يبه؟
بو جاسم:مايامر عليك ظالم..شفيك اليوم؟
علي:سلامتك ولا شي ليش تسال؟
بو جاسم:لا مافي شي بس انت جالس وبالك بعييد واختك داانه مو عوايدها
مااتفطر معي قوم شوفها وقول لها ابوي يبيك.
علي قام:ان شاء الله يبه.
راح لغرفه اخته وظل وااقف يفكر يسالها عن سبب الي صار ولا مو وقته طق الباب
علي:داانه داانه.
داانه كانت صاحيه وجالسه تجفف شعرها لانها كانت مااخذه شور وبس سمعت صوت
اخوها فتحت الباب وكان مالها خلق تشوف احد وخااصه علي
طالعته بضيق:نعم.
علي استغرب من اسلوب اخته:نعم الله عليك ليش تكلميني كذا؟
داانه ودها تذبح اخوها على كل الي صار بااسيل المسكينه بسببه ويسوي نفسه مايدري
علي:دووينه ردي؟شفيك انتي اليوم؟
دانه:ليش تشوف فيني شي؟شاكيه لك الحال.
علي عصب من اخته شفيها هذي مو اسلوبها ولا عوايدها تتكلم معي بهالطريقه لايكون
من السالفه اكيد متضاايقه على اسيل بس انا شدخلني تحط حرتها فيني؟
علي:المهم يالله تعالي ابوي يبيك تفطري معه.
داانه:مالي نفس.
علي:اقول قصري الشر ومالنا شدة ابوك ونزلي.
دانه:غصب يعني؟
علي:مو غصب بس اذا ماتبين قولي له بنفسك ويالله بلا هالحركات وتعالي.
دانه:اوووووف اوكي دقايق ونازله.
مشى علي عنها وهي واقفه عند بابها دخلت تكمل وهي تفكر علي اكييد مااعرف؟
لا لو عاارف ماسكت مو طبعه يسكت عن هالشي..يااربي يقطع الحب وسااعته
ومالت على هالغبيان يحبون وانا ابتلش اوووف وابوي شيبي هذا وقته؟
خلصت ونزلت لقت ابوها يقرا الجريده وعلي جالس معه وبعالم ثااني
داانه:صباح الخير.
بو جاسم:صباح النور هلا بالدانه.
دانه:هلا فيك يبه..امر شفيك يقولون بغيتني؟
بو جاسم حط الجريده الي بيده واشر على الكرسي الي جنبه
بو جاسم:سلامتك يبه بس تعالي جلسي فطري معي.
جلست دانه وعلي قام طالعته ام علي وقالت
ام علي:ووين اختك تجلس وانت تقوم؟
علي:مشغول شووي.
بو جاسم:روح الله يوفقك.
علي:ان شاء الله يبه ..يالله تامرون شي.
ام علي:سلامتك ياوليدي.
بو جاسم:علي متى شفت عمك بو اسيل انت؟ من زماان مااشفته؟
علي طالع داانه وطالع ابوه وسكت ماايبي يقول لابوه عن اسيل لانها غاليه على ابوه
واكيد بيعصب وبيصير ازعاج وهو مابيعرف يرد عليه لانه ماايعرف شفيها اسيل.
علي:من كم يوم يبه.
داانه هنا تكلمت:شافه في المستشفى.
علي طالع اخته عشان تسكت لكنها مااطاعته بو جاسم انصدم المستشفى ؟؟
اخوه بالمستشفى ولااحد قاله؟وليش بالمستشفى؟.
بو جاسم:علي شفيه عمك؟
علي:عمي ماافيه شي ماافيه الا الخير لاتخاف يبه.
بو جاسم:اخوي شفيه قووول؟
دانه:يبه مو عمي الي مريض.
بو جاسم:من اجل من المريض؟
دانه:اسيل.
بو جاسم قام من الفطور:اسيل؟؟اسيل شفيها؟
دانه سكتت وطالعت علي بنظرات كلها عتاب ولوم وعلي نزل راسه شيقول مو عارف.
بو جاسم:تكلموا بنت اخوي شفيها؟
علي:ماافيها الا الخير يبه انت بس لاتعصب وتتعب حالك.
بوجاسم:شتقول انت هذي اسيل قولي شنو فيها؟
علي:انهيار عصبي بسيط طاحت علينا ووديناها المستشفى.
بوجاسم:وهي للحين بالمستشفى؟
علي:لا طلعها عمي.
بو جاسم اخذ اغراضه وقال لولده يشغل السياره على ماايجهز عشان يروح لاخوه وبنته
داانه قالت تبي تروح معهم وابوها وافق وركبوا السياره ومشوا وهم في الطريق
جوال علي يرن وهو يسوق ومايبي يرد لانه متوتر وبعدها رد على المتصل
علي:الوو.
حور:هلا علي
علي:هلا حور شفيك؟
بو جاسم بس سمع اسم حور التف على ولده وجلس يسمع له شفيها من الصباح ؟
الله يا بوجاسم رايح لبنت اخوك ومااتدري عن بنتك؟ بدل ماتتصل فيك تتصل باخوها؟
علي:بعدين ولاخلي جاسم يجيبك.
حور:علي يااالله عاد والله مانمت من امس وانا احاتيها ماراح تتاخر.
بو جاسم:شفيها اختك؟
علي:تبيني امرها عشان تروح لاسيل.
بو جاسم:خلاص نمرها.
علي:يالله حور تجهزي انا الحين جاي.
حور:مشكووور يااحلى اخو بايو.
سكر علي وغير طريقه للبيت عشان ياخذون حور معهم وهي تجهزت والبست عبايتها
ووقفت تنتظر بالشارع وبس وصلت السياره اركبت وشالت الغطى عن وجها وسلمت
حور:سلامووو صباح الخير.
الجميع:صباح النور.
بو جاسم:يالله علي لانتاخر.
حور انتبهت في ابوها وانصدمت ليش جاي معنا؟ شنو يبي ؟؟رايح لاسيل وانا بنته
ماافكر يوم يشوفني ويجلس معي؟وبوجاسم كل دقيقه يلتفت يطالع بنته وقلبه يتحسر
حتى ماقالت يبه شخبارك؟ الله ياحور تغيرتي؟وانا من متى شفتك زين عشان اقول
تغيرتي او ظليت مثل ماانتي؟ الله يعين الله يعين كان يسمع صوتها وهي تتكلم مع دانه
يحاول يحفظه لانه يدري بيغيب عنه مثل كل مره يبي يذكر شي ولو بسيط من بنته
داانه:تتوقعين شخبارها؟
حور:ماادري الحين نوصل ونشوفها.
دانه:كنت متوقعه بيصر فيها شي من هاالسالفه.
حور:وانا.. بس شنسوي معها؟
وصلوا ونزل الكل طق علي الباب ومااحد فتح اتصل على عمه عشان يفتح وشوي الا
بو اسيل فتح الباب ودخلهم وهو يرحب في اخوه الكبير وعياله
بو اسيل:هلا حيا الله من جانا.
الكل:هلا فيك الله يحيك.
راحت حور وحبت راس عمها وسالته شخباره؟ وبو جاسم يطالعها وداخله يقول
الحين انا مااسلمتي علي؟ وتسلمين على عمك؟انا ابووك نسيتيني؟
حور:عمو وينها اسيل؟
بو اسيل:بغرفتها فوق.
دانه:نايمه ولاعادي نروح لها.
بو اسيل:لا يبه قوموا روحو لها شفوها.
وقاموا يروحون لها وعلي كان سااكت من دخل لاتكلم ولا علق وبو جاسم بس قامو بناته
قال:ماتشوف شر يااخوي وان شاء الله بتقوم لك بالسلامه.
بو اسيل تذكر حال بنته وتهدج صوته:الله كريم يااخوي بس البنت مريضه..مريضه .
بو جاسم:لاتحاتي ماافيها الا العافيه.
بو اسيل:اول مره تذكر امها مانامت وهي تصارخ وتنادي امها قطعت قلبي يااخوي.
بو جاسم:اذكر الله يااخوي اذكر الله.
دانه وحور دخلوا لاسيل وشفوها في الظلمه وجالسه بزاوية غرفتها وعلى حالها تصيح
دانه شغلت النور وحور راحت لعند بنت عمها الي حالها يكسر الخاطر جلست عندها
حور:اسوول شفيك ؟
واسيل مااترد بس تطالع في بنات عمها وساكته حور و دانه يسالونها وهي ابدد ماترد
بعدها حضنت حور وقامت تصيح وهذيك ماتحملت وبدت تصيح معها
اسيل:حور شسوي احبه؟
حور:انسيه في غيره لازم هو؟
اسيل:شتقولين انتي؟مااقدر انساه مااقدر.
دانه تمسح على راس بنت عمها:بس هو ماقال ماايبيك او ماايحبك؟
اسيل:قال مثل اختي مثل اختي مااتفهموون.
حور:مايعني شي ليش انتي متعبه نفسك؟
اسيل:علي ماايبيني ماايبيني وتقولين ليش؟
دانه:يابنت الحلال وقفت الدنيا عليه وبعدين كم مره نقولك ماقال مايبيك قال مثل اختي.
اسيل:شاايفه مثل اخته يعني مستحيل في يوم يفكر فيني او اصير حبيبته.
حور:ومن قال يمكن قال كذا لانه مستحي انتي تعرفين علي وطبايعه.
دانه:صح اكيد استحى يقول قدامنا ..ايه ابيها.
اسيل اقتنعت بكلام بنات عمها وسكتت وهدت حالها وحطت في بالها ان علي يمكن
يكون لها وانها للحين تقدر تخليه يحبها هي ماقالت له اكيد اذا قالت له بيحبها.
حور:يالله قومي اخذي شور وروقي وبلا حركات الافلام.
دانه مسكت يد اسيل وقومتها من مكانها
دانه:يالله ابوي جاي عشانك ويبي يشوفك .
اسيل: اوكي .
حور سمعت طاري ابوها وضااق خاطرها شلون بتجلس تحت معهم وهو موجود
والله سالفه شسوي الحين انا؟اجلس هنا وبعدين اخلي عمي يوصلني ولا علي يرجع لي؟
وجلست متحيره ودانه شافت المرايه ونست نفسها وهي تلعب شعرها وتنتظر اسيل تخلص
وهذيك تااخذ شور وهي كلها اصرار ان علي رجع لها وماعمره بيكون لغيرها
بس لازم تطنشه وبعدين تبين حبها له لازم يحبها ولا اذا مااحبها بتموت.
طلعت ولبست وراحت مع بنات عمها الي رموا عباياتهم في غرفتها وتوها بتطلع تذكرت
حور ان علي تحت مايصير تنزل اسيل كذا شلون نسوا يقولون لها الحين شلون يعلمونها
حور:اسوول.
اسيل:هلا وشفيك؟.
حور:اسيل لبسي شيلتك لان علي تحت .
اسيل رجعت الدموع لعيونها شلون تجلس معه؟ هي صحيح قررت تقوله عن كل شي
بس مو الحين وماطاب جرحها مااتقدر تقابله بنات عمها يطالعونها وينتظرون ردها
اسيل:اوكي بالبسها.
دانه:يعني بتنزلين تجلسين معنا؟
اسيل:ايه.
دانه:ياااعمري انتي تعالي اعطيك بوسه.
وراحت لعندها وباستها على خدها والبست اسيل شيلتها ونزلوا تحت عشان عمها
وبس دخلوا راحت وسلمت على عمها وابوها وجلست هي وحور ودانه جنب بعض
اما علي بس دخلت نزل عيونه وماارفعها وظل على سكوته الي من جا وهو عليه
بوجاسم:شخبارك خوفتي ابوك عليك؟
اسيل وصووتها ماينسمع:الحمدلله.
بو جاسم:الحمدلله لاتحاتيها يااخوي ماقلت لك مافيها الا الخير بس تدلع.
دانه:ايه خليها تدلع بو جاسم عمها.
بو جاسم واخوه:هههههههههههههههه هههه
دانه:شفيكم اتكلم جد يحق لها الدلع بو جاسم عمها والدانه بنته.
بو جاسم:ههه في هذي صدقتي من عندنا غير الدانه كلنا نتدلع فيها.
كلامه كان سكاكين تقطع حور وقلبها الي من جلست وهو يدق بقووه قامت من مكانها
اسيل عرفت بحال بنت عمها وليش متغير والي سببه بو جاسم.
بو اسيل:ووين حور؟
طالعت عمها والتقت عيونها في ابوها الي ماتكلم معها من شاافته ولا كلمه حتى
قومتها مااعلق عليها ويتكلم كان ماعنده بنت غير دانه وانا يبه ولا مو بنتك؟
حور:بس بروح اخذ عبايتي..علي و صلني البيت؟
علي رفع راسه وشاف اسيل تطالعه بنظرات عتاب ولوم التف على اخته الواقفه
علي:يالله روحي لبسي عبايتك.
بو اسيل:لاا يبه جلسي تغدي معنا مااصدقنا تجون بيتنا وتمشين بسرعه.
حور:مشكور عمي بس انا مااقلت لامي واخوي جااسم بيعصب ماايرضى اتاخر.
بو جاسم يسمع كلام حور ويقول الحين معاي وخايفه من امك واخوك وانا شنو شغلي
طالعه مع غريب تتاخرين والله مايمشي كلام امك واخوك واول مره يكلم حور
بو جاسم وبلهجت امر:جلسي نتغدى وبعدين نوصلك ومااحد بيعصب.
حور طالعت ابوها وكلها خوف ارتعبت بس كلمها وجلست مكانها وسكتت ولا ردت
علي:اسيل شخبارك؟
التفت حور واسيل ودانه كلهم مره وحده على علي ومستغربين من سؤاله
اسيل:الحمدلله.
علي ارتبك من نظراتهم له ومااكثر على الكلام رجع سكت ومنزل عيونه ماايبي يشوف
نظرات بنت عمه وخواته الي منقلبه عليه وصايره نظرات قاسيه.
ظلوا للغدى وجلسوا على الغدى والجوكله توتر بين حور وبو جاسم وعلي واسيل
خلصوا وقاموا وحور تحاول في اخوها يوديها بيتهم لانها تاخرت واذا عرفت امها
ان ابوها معهم بتعصب وتسوي لها سالفه وهي الي فيها مكفيها وزياده. راحت اسيل معهم
مشوا ووصلوا حور عند بيتهم وكان محمد واقف مع سعد وسيف عند الباب هي نزلت
مع اسيل حور:يعطيكم العافيه مع السلامه.
وسكرت الباب ومروا من عند اخوها وربعه ومحمد بس شاف ابوه في السياره راح له
اما سيف شاف اسيل الي كانت بس متحجبه وتعلقت عيونه عليها وظل يطالعها انتبه فيه سعد
وضربه عشان يوخر عيونه عن البنت
سعد:انت ماتستحي.
سيف:ياعم مااصدق هذي بنت ملااك.
سعد:سيف هذي قريبه محمد مايصير عيب عليك.
محمد سلم على ابوه ورجع لهم وسيف عقله راح مع الي دخلت البيت شلوون حلوه كذا
محمد:شفيك سيفووو؟
سيف:هاا بس الي دخلوا من شوي من ؟
محمد:اختي وبنت عمي ليش؟ سيفوو حاسب على نفسك لاتشوف.
سيف:مااقلنا شي يبه بس سالنا شفيك علينا؟
محمد:سيف انا عارفك وعارف حركاتك.
سيف:ان لله وانا اليه راجعون شسويت الحين انا؟
سعد:بسكم انتم الاثنين ومحمد خلااص ماصار الا الخير.
قطع كلام سعد صوت جواله على نغمه(يسالوني ليه احبك حب مااحبه بشر؟......)
شاف الرقم وتغيرت ملامحه ومشى بعييد شوي عن ربعه ورد
سعد:حي هالصوت وراعيته.
لمياء:هلا سعد.
سعد:هلا بقلبي وليش سعد بس؟.
لمياء:يااكذاب انا قلبك؟
سعد:قلبي وروحي وكل شي؟عندك شك تعالي شوفي نفسك داخل قلبي؟
لمياء:ياااكذاب ووينك اتصل عليك واررسل لك من كم يوم ومااترد؟
سعد:يااعمري والله كنت مشغوول وبعدين الغايب عذره معاه.
لمياء:وشنو عذرك؟
سعد:اتغلى على حبيبتي ولا مايحق لي؟
لمياء:يااربيه منك امووت عليك ياالشين.
سيف توتر الجوو بينه وبين محمد وظل سااكت وتملل ويطالع في سعد الي يضحك
ولا همه شي وماايبي يكلم محمد لانه عارف انه معصب عليه مالقى الا انه ينادي سعد
سيف:سعددد سعدد.
وسعد سوالف مع لمياء ولا معطيه خلق ولايرد راح سيف له وهو معصب لانه مارد عليه
سعد:هههههههه من عيووني من عيووني.
سيف:سعد ووجع بسك ضحك.
سعد:ثواني ثواني...هاا شنو تبي؟
سيف:يالله خل نمشي قفل هالجوال.
سعد:وانت شنو عاجلك؟ ولا عاارف بغلطك ومفتشل؟
سيف:اقول لا يكثر وخلصنا.
سعد:طيب انت روح عني الحين.
رجع سيف مره ثاانيه لمحمد وسعد رجع يكلم لمياء الي خاافت من سمعت صوت اخوها
سعد:ايه حبيبتي شنو كنتي تقولين؟
لمياء:كنت اقولك اني بطلع الليله.
سعد:اها
لمياء:سعد اخوي سيف الي كان جنبك من شوي؟
سعد:هو.. ليش في شي؟
لمياء:اووه تصدق مت من الخوف بس سمع صوته؟
سعد:الله الله ليه الخوف؟
لمياء:شرايك؟ اخوي لو يدري اني كنت اكلمك يذبحني.
سعد:مااحد له دخل فيك وماايقدر انتي حبيبه سعد وقريب زوجته.
لمياء:سعددد.
سعد:هههههه قلب سعد انتي.
لمياء:خلاص حبيبي انتبه على نفسك وانا بعدين اكلمك اوكي؟
سعد:اوكي اتفقنا.
لمياء:بشتاق لك.
سعد:وانا اكثر بنتظر اتصالك على جمر.
لمياء:بايو .
سكر الخط وراح لمحمد وسيف الي كانوا متضايقين من بعض شاف حالهم وضحك عليهم
سعد:انتو من صجكم زعلانين على بعض؟
سيف:ومن قال زعلانين وبعدين هو مايتحمل كلمه.
محمد:انا..شوف نفسك واسالتك.
سيف:بس ماقلت شي سؤال.
محمد:لاتسالني كذا انا مااحب هالاسئله.
سيف:السموحه ماادريت بيضايقك لهدرجه.
سعد:محمد سيف يالله اتركو عنكم الفضاوه انت وياه وامشوا نروح الاستراحه لانتاخر.
ومشوا مع بعض وحور مع اسيل من دخلوا البيت وهم خايفين ام جاسم تدري وتعصب

راحو على طول غرفه حور وجلسوا يسولفون عن الي صار وعن علي
اسيل:بس انا بنسااه وهو الخسران.
حور:ومن متى هالقرار.
اسيل:من الحين مااشفتيه ولا كان الي صار لي بسببه.
حور:وهو مايدري عنك.
اسيل:المهم براحتك.
صوت التلفون قطع سوالفهم ردت حور عليه
حور:الووو.
لمياء:الوو..هلا حوري.
حور:هلاااااااا وغلااا حيهم حيهم لموووي.
اسيل قامت على طول واخذت السماعه من يد حور عشان تكلم امياء
اسيل:لمووي هلاا يالغاليه.
لمياء:هلا اسوول سلاامات سمعت تعبانه.
اسيل:الله يسلمك..ووينك اشتقنالك من اخذنا اجازه عيد الاضحى وانت غايبه.
لمياء:كله اسبوع ماشفتوني المهم اخباركم؟
حور رجعت اخذت السماعه من بنت عمها
حور:خلي هذي عنك انا تماموو اسال عنك؟
لمياء:تسال عنك العافيه حوري انتي فااضيه الحين؟
حور:اايه ليش تامرين شي؟
لمياء:سلامتك بس بصلي المغرب وبجيك عندي سالفه وباخذ رايك فيها.
حور:اوكي انتظرك لاتتاخرين تعالي عادي اسيل معي موجوده.
لمياء:شدعوى عاادي ناخذ رايها هي بعد.
حور:اوكي اتفقنا.
لمياء:يالله باي.
حور:بايوووووو.
سكرت حور واسيل تطالعها وتبيها تقول لها شنو قالت لها لمياء
اسيل:شفيها؟
حور:بعد شوي بتجي لنا.
اسيل:صحيح وناااااااااسه..ليت دانه بعد معنا.
حور بضيق:هه خليها مع ابوها دلوعه ابوها.
اسيل كسرت بنت عمها خاطرها ليش ياحور يصير فيك كذا وانتي قلبك كبير؟
اسيل:حوور لاتشيلين بخاطرك.
حور:لا عاادي بس قهرر انا شفيني ماايحبني؟
اسيل:ماافيك شي ومن قال ماايحبك؟انتي صبري وبتشوفين انه يحبك ليش متسرعه.
حور:ههههههه شوفوا من يتكلم سكتي بس سكتي.
اسيل:قوومي نصلي قوومي ولايكثر.
وقاموا يصلون عشان ينتظرون لمياء الي وعدتهم تجي لهم بعد الصلاه
عبدالرحمن خلص صلاته وجلس على كمبيوتره المحمول وعلى طول فتح ايميله يشيك
شاف رساله جايته غريبه كلها ايميلات كثيرر مااعرف ليش هالايميلات اختار
واحد منه وسوى اضافه عشان يسال راعيه عن هالرساله اذا يدري
جلس يتصفح كم صفحه ومن بعدها حط بزي وقام عن جهازه وتركه مشغل
وراح يجلس مع اهله الي ماعمره حب جلستهم الي كلها توتر وازعاج
وتعارض في الراي وعبدالرحمن طبعه تفاهم وهدوء وهم يختلفون عنه بس
مايحب يزعل ابوه لانه دايم يناديه يجلس معه راح عبدالرحمن للمجلس الرجال
وكان عمه وولده احمد موجودين مع ابوه
عبدالرحمن:السلام عليكم.
الكل:وعليكم السلام.
جلس عند ابوه وقاموا يسالفون ويتكلمون في زواج احمد وسمر
بو خالد:انا اقول نااجله شهرين ولا ثلاثه احسن.
احمد:لاا ياعمي شنو ناجله.
بو خالد:قلت نااجله احسن وبعدين ليش مستعجل مااوراك شي.
بو احمد حس بعصبيهاخوه وولده وحب يلطف الجو
بو احمد:نأاجله عشان اعرس معك ياولدي.
عبدالرحمن:هههههه افا يااعم وام احمد ووين راحت؟
بو احمد:ههه موجوده بس خلاص انا ابي اصير معرس مثل احمد.
عبدالرحمن:قد هالكلام ياعمي؟
بو احمد:اسكت بس لااحد يسمعك ماافيني شده.
عبدالرحمن:هههههههه هاا شكلك هونت.
بو احمد:ههههههههه
بو خالد الي مازال متمسك بكلمته ولازم ينفذها ويمشيها على الكل
بو خالد:تركونا الحين من سواليفكم وشقلتو الزواج بعد شهرين احسن؟
احمد:يااعمي مايصير.
بو احمد:احمددد خلااص قال عمكم بعد شهرين يعني بعد شهرين.
احمد:ان شاء الله يبه.
بو احمد:الي تشوفه يااخوي مثل ماتامر.
بو خالد:مشكور يااخوي .
احمد ضاق صدره من عمه وتسلطه وقراراته الي مالها مبرر ومااحب يطول قام بيمشي
احمد:يالله سلام انا بمشي.
عبدالرحمن:ووين؟
احمد:لا بس واعد سمر نروح السوق ياليت تناديها.
عبدالرحمن ان شاء الله.
احمد:مشكور..يالله تامر شي يبه؟
بو احمد:سلامتك.
عبدالرحمن:وانا وراي شغل بعد تامر شي يبه؟
بو خالد:لا سلامتك بس ناادي اختك لايتاخر احمد.
عبدالرحمن:ان شاء الله.
وطلع احمد وعبدالرحمن وهم يسولفون
عبدالرحمن:الا ووين نصور مااشوفه هالايام؟
احمد:بعد مااتعرف نصور واخوك عبيد مع سياراتهم.
عبدالرحمن:هههه ههه وانت الصادق كان مااحد ساق سياره الا هم .
احمد:ههههه هههه مفشلينا الله يقطع شرهم.
عبدالرحمن:يالله عن اذنك انادي لك سمر.
دخل وشاف سمر لابسه عبايتها وجااهزه.
سمر:طلع احمد؟
عبدالرحمن:ايه وانتي مااسرع جهزتي ولبستي .
بدور:هههه الحمدلله والشكر لابسه من سااعه كل هذا تنتظر احمد كانه بيطير.
سمر:انتي سكتي ومااعليك مني.
عبدالرحمن:المهم لاتاخرين الرجال ينتظرك في السياره.
سمر:ان شاء الله يالله سلام.
طلعت لاحمد الي كان ينتظرها في سيارته ركبت سمر وعلى طول مشى
سمر:سلام حبيبي.
احمد ماله خلق ومعصب من عمه:وعليكم السلام.
سمر:شفيك احمد؟متضايق من شي؟
احمد وبكل عصبيه:سمر سكتي مالي خلقك ابدددد.
سمر خافت وانقهرت فينفس الوقت:براحتك.
سكتت والعبره خانقتها ليش يعاملني كذا؟شسويت له انا وهذا اسلوب يكلمني فيه؟
هذا وتونا ماابعد نتزوج واسلوبه سخيف شلون بعددين؟ ربك يعين ياسمر على بلواك.
احمد:ابوك هذا ملقووف ويحب يمشي الكل على راايه.
سمر:اول شي ابوي يصير عمك وبعدين شصاير؟شمسوي ابوي لك؟
احمد:اقول بس لاتكثرين شمسوي بسلامته يبي يااجل الزواج.
سمر:شنوو؟؟مااحد قال لي.
احمد:سالي ابووك.
سمر مسكينه على نياتها ومااتحب العصبيه ومسالمه
سمر:خلااص حبيبي ماله داعي تعصب ولا كل هذا مو قاادر تصبر
ماادريت تحبني كذا؟
احمد طالعها بنظره استخفاف ولا رد عليها وهي مسكينه لامت نفسها وغباائها
بس سمر مسكينه كاانت تحب احمد للذلك تتحمل منه كل شي اما هو ماكانت تعني له
أي شي زواجه منها كان قرار اتخذه بوخالد وطاوعه فيه بو احمد وطبعا هو ماايقدر\
يقول لا لابوه وعمه للذلك وافق.
.............................. ............
لمياء تجهزت واتصلت على سيف يجي يوصلها بيت حور وهذاك مو راضي
سيف:لمووي مو فااضي لك انا مع الشباب.
لمياء:يااالله سيف بس دقايق وارجع لهم.
سيف:شفيك انتي ماتفهمين؟اقولك مااقدر.
لمياء:وانا من يوصلني؟
سيف:وانا شسوي لك مااقدر اجي لك.
لمياء:اووف سييييف.
سيف:اوكي احاول.
لمياء:يعني انتظرك؟
سيف:اايه دقايق اشوف احد يوصلني البيت لاني مو جاي بسيارتي.
لمياء:اوكي باي.
سيف سكر الخط وراح لسعد الي كان جالس مع الشباب في ضحك ولعب
وقاله يوصله بيتهم في البدايه ماوافق بس عرف ان سيف بيروح عشان لمياء
وافق وفكر مره وحده يوصلها هو بنفسه مع اخوها عشان يشوفها وراح مع سيف
ووصله البيت وراح سيف ينادي اخته الي تنتظره وبس شافته طلعت له من البيت
سيف:يالله تعالي ركبي.
لمياء:ووين سيارتك مو موصلني فيها؟
سيف:اقول ركبي وبلا هذره سعد بيوصلك وبرجع معه الاستراحه مره ثاانيه.
لمياء فرحت يعني بتشوف سعد وبتركب معه بس حساافه سيف معهم متى تفتك منه
وتركب مع سعد لحالهم وراحت وركبت السياره بالكرسي الي وراء سعد وهو من
ركبت وعينه على المرايا يطالعها ويبتسم سالها سيف عن بيت صديقتها
لمياء:قريب من بيت خالتي ام فهد.
سيف:يعني في نفس الحاره؟
لمياء:ماادري.
سيف:شلوون ماتدرين؟اجل ليش بتروحين لهم؟
لمياء سكتت وانقهرت من اخوها عديم الاحساس شلون يكلمها كذا وقدام سعد لكن سعد
حس بلمياء وانها زعلت من اسلوب اخوها فحب يخفف عليها
سعد:ماصار الا الخير خلينا نوصل وبعدين نلقى البيت .
وكملوا طريقهم وهم ساكتين وشوي سعد وسيف يتكلمون وشوي يسكتون اما لمياء
ملت وهي ساكته اخذت جوالها وكتبت رساله لسعد وكانت خايفه لان اخوها قريب منه
لكن ارسلتها سعد بس وصلته المسج فتحه عشان يشوف من راسله وجلس يقراه
(احبك كثر ماضاقت من اسباب الفراق صدور ..احبك كثر من سمى يتيم وخاطره مكسور
..احبك كثر ماتنقال هالكلمه بدون شعور..احبك كثر ماضاق المكان بواحد مقهور..
مشكوور حبيبي والله لايخليني منك ياارب).
سعد طالع في المرايه وابتسم للمياء الي كانت عيونها عليه من ركبت وحب يرد عليها بمسج
بس مو عارف يكتب لانه يسوق قفل الجوال وحطه وسيف كالعاده بلقافته
سيف:اقول من وين المسج؟
سعد:من واحد من الربع.
سيف:اشوف عطني الجوال بقراه.
هنا لميااء خاافت وحست ان هلاكها قررب على يد اخوها وسعد احتار شيرد على هالملقوف
يقوله مو معطيك اياه فشيله بس لواخذه بيعرف الرقم والله حاله
سعد:لا خله عنك شي خااص فيني.
سيف:براحتك.
ارتاحت لمياء وسعد الي الدنيا لفت فيه وضاقت بس قال سيف يبي الجوال يشوف
المسج ولو كان قاريه شبيسوي فيهم؟والله لايذبح اخته وصديقه.
سعد:هاا هذا هو البيت هنا؟
لمياء:لا قدام شووي لون الباب بني.
سعد:هذا هو ولا؟
لمياء:هذا هو ..يعطيكم العافيه .
ونزلت من السياره وقلبها يرقع من الخوف وحست بتموت لو مطووله اكثر مع اخوها وسعد
بس الله ستر ووصلت ارتاح بالها
سيف:ياهوو..متى اجيك؟
لمياء:هاا..انا بتصل عليك اذا خلصت.
سيف:اوكي سلاام.
ومشوا بعد ماادخلت بيت حور وعلى طول كانت اسيل هي الي افتحت الباب وبس شافت
لميااء حضنتها وهي تصاارخ وتبوس فيها
اسيل:لموووووووي ياالشينه اشتقت لك ماطرت تجين تعبتينا.
لمياء:سكتي اذا عرفتي شصار مابتلوميني.
حور نزلت وشافت صديقتها وصلت وواقفه مع بنت عمها وراحت لعندهم
حور:حيهم حيهم.
لمياء:الله يحيك..عاش من شافك.
حور:تعيش ايامك..تعالي تفضلي دااخل ليش واقفه عند الباب.
لمياء:بنت عمك موقفتني حتى ماقالت حياك.
اسيل:ياااشينه انا ولا انتي مسويه نفسك ذربه ومستحيه.
لمياء:انا ولاانتي الي..
حور قطعت كلامهم:اقوول قدااامي وبلاهذره زايده ثنتينكم.
دخلوا وهم يضحكون ومااحبوا يجلسون تحت على طول صعدوا فوق لغرفه حور وجلسوا
فيها وبدوا يسولفون ويضحكون وكل وحده تتكلم عن الي صار لها وبدت اسيل تعلم
لمياء بالي صار وشلون صارت مريضه ولمياء متاثره وحاطه يدها على قلبها
اسيل:يعني اتوقع كل حب فااشل.
لمياء:لالا لاتحكمين على الحب من تجربه وحده خضتيها بحياتك.
اسيل:بس ماعمري شفت اثنين يحبون بعض ويضل هالحب او يبادلون بعض بنفس الشعور
.. داايم البنت تلحقه وهو ضااربها تطنيش.
حور:يوووه اسيل ليش متشائمه؟ خلي عندك تفاؤل بالحياه والحب.
اسيل:حوير سكتي والي يرحم والديك الي يشوفك خبيره في الحب.
حور:عشتوا شوفوا من يتكلم ..وبعدين انا صحيح مااحبيت بس متاكده بيجي اليوم الي
احب فيه واعيش بسعااده وبيعوضني عن كل شي افتقده.
اسيل:ههه لاتحلمين كثيرر.
لمياء:كلام حور صح ليش التشاؤم عطي الحب اكثر من فرصه وان شاء الله بتلاقينه.
اسيل:اايه هين ..نشووف.
انسدحت لمياء على السرير واخذت نفس قووي وتذكرت سعد وحبه الكبير لها
حور واسيل على طول انسدحوا معها كل وحده من جنب يبون يعرفون شنو سر هالتنهيده
الي طلعت من دااخل قلبها وهالابتسامه الي ماليا فمها وانتظروها تتكلم وهي مانطقت
حور:هي لمووووووي الله بالخير.
لمياء:شنوو؟
اسيل:ذبحتينا وانت ااه واااه قولي .
لمياء:ههه شنو اقول؟
حور:لاتستهبلين وقولي.
لمياء:هههه شفيكم انتو شنو تبوني اقول؟
اسيل:لموي انتي قلتي بااخذ رايكم بحاجه قوولي شنو؟
لمياء:اايه صح بقولكم الحين.
اسيل:يالله شنو تنتظرين؟
لمياء:حلقي نااشف استحوا جيبوا عصير مااي بيبسي ويفضل بيبسي.
حور:ههههه ههه صحيح نسينا..تامرين الحين اجيب لك .
وقامت حور عشان تجيب لهم شي يشربونه لكن لمياء مااخلتها نادتها
لمياء:حوووور.
حور:هاا.
لمياء:شنو هاا؟؟صحيح ماتستحين؟
حور:خلصينا شفيك؟
اسيل:لمووي تبين تضيعين السالفه وماتقولين لنا.
حور:قولي شتبين؟
لمياء:هههههه هههه كا هذا متحمسين..بس بقولك نبي بعد شي نااكله نبي كاكاو.
حور:ابتلشنا فيها جايه بيتنا وتدلع.
اسيل:جيبي لها وخلصينا انتي الثانيه.
لمياء:ههه هههه ابي مارس.
حور:ان شاء الله عمتي.
وراحت حور ولمياء تضحك عليها وحست نفسها مرتااحه لطيبه قلب حور واسيل
وانها مااغلطت يوم جات لهم عشان تستشيرهم وتاخذ رايهم وفرصه تتقرب منهم وتدخل
عالمهم وتدخلهم عالمها الي كله حب واحلام بطلها سعد.
لمياء:اسيل شنو شعورك مع علي؟
اسيل:امممم مره حلو بس ليته يحس فيني.
لمياء:شنو حسيتي يوم ابتعدتي عنه قصدي يوم حسيتي حبك له بيضيع؟
اسيل:اااااه لاتذكريني والله الموت ارحم حسيت ان روحي تنسرق مني مت في اليوم
الف مرره الله لايوريك الي شفته..بس شنو الفايده هذا هو مابرح مايحس فيني.
لمياء:انتي صبري وربك كريم..صدقيني ووعد مني بيجي اليوم الي يترجاك تحبينه
وتتزوجينه بعد..بس انتي صبري ولاتستعجلين.
اسيل:ونعم بالله ..الله يسمع منك.
جات حور وفي يدها تراي فيه بيبسي وكاكاو على بطاطس وحطته على الارض
وجلست قابلته تنتظرهم يجون
حور:بعد تبون عزيمه قومو عن سريري وجلسوا في الارض.
لمياء:ان شاء الله.
اسيل:حوير البيبسي باارد؟
حور:والله تعالي اخذيه وشوفي.
جلسوا مع بعض على الارض ياكلون ويسولفون وحور مع اسيل يترجون لمياء تعلمهم
حور:ذليتينا تكلمي يااالله.
اسيل:صج حماره تقهرين الواحد.
لمياء:ههههههه بقول يمه كلتوني .
حور:كلنا اذان صاغيه.
لمياء:اها..ياطولين العمر حنا عندنا جيران طيبين مووت وحليوين وعلى نياتهم
وماعندهم الا ولد واحد اسمه سعد وهذا سعد صديق اخوي سيف بس اكبر منه بكم سنه
المهم هو داايم يجي بيتنا وانا وامي نروح لامه بس لو تشوفونه عسسل يجنن
وفي يوم من الايام انا حنيت على ابوي الا يطلع لي جوال وبالمووت رضى
وبس حطيته جلست العب على اخوي سيف اتصل واذا رد اسكت اخوي الغبي
اخذ رقمي واتصل من جوال سعد وانا شفت رقم غريب بس رديت وبس رديت
عرفني سيف وصارخ علي.
اسيل:ززززين وبعدين شنو صار؟
لمياء:طيب انتظري..انا عرفت ان الرقم لسعد قمت ومسحته والغريب ان بعد كم يوم
جتني رساله بنفس الرقم كلها غزل انا طنشت وبعدها وصلتني اكثر من رساله
انا رديت عليها وصارت الشغله هو يرسل وانا ارد ويوم كنت سهرانه هو يرسل وانا
ارد بعدها دق علي خفت وارتعبت شسوي؟
حور:رديتي؟؟؟؟؟؟؟؟؟
لمياء:ايه رديت قلت :هلا.
قال:حي هالصوت وراعيته.
قلت له:خير تبي شي؟
قال:لمياء فهميني والله ماللعب عليك انا.
انا سويت نفسي ثقيله ومعصبه عليه:خير انت شنو شفيك؟
قال:لمياء والله انا احبك.
انا طررت من الونااسه لاني كنت احبه بعد بس مااحبيت ابين له اني خفيفه.
قلت له:اسفه شوف غيري.
قال:لمياء..حرام عليك والله بمووت لو قلتي تحبين غيري؟
قلت:لاانت ولاغيرك انا مو الي في بالك.
قال:شنو الي في بالي انا ولد جيرانكم وانتي عاارفه اني كبير مو راعي هاللعب .
قلت:بس سعد مايصير؟
قال:شنو الي مايصير؟الحب لابعيب ولابحرام.
قلت:عارفه بس ياسعد..
قال:قلب سعد انتي..ليش معقده الامور صدقيني لو تسوين شتسوين انا احبك يعني احبك.
قلت له:بس انا..
قال:تحبيني صح انتي تحبيني؟
انا خفت اقووله بس كان ودي اصرخ واقوله :احببببببك ومن زماان بس سكت
قال:لمياء ردي انتي تحبيني؟
اسيل وحور متحمسين قالوا بنفس الوقت:شقلتي له؟
لمياء:قلت له افكر وسكرت الخط.
حور:ماالت عليك يالغبيه هذا رد زي وجهك.
اسيل:والله حظ ناس يتمنون ونااس حاصل لهم وغبيان يضيعونه.
لمياء:هههههه ههه عاد سمعوني اكمل لكم بااقي ماخلصت السالفه.
حور:كملي.
لمياء:وضل من بعدها يتصل ولاارد ويرسل وماارد بعدها كسر خاطري خليته اسبوع كامل
مطنشته وحتى اذا شفته في الشارع عند بيتنا احسه بيجن وهو يطالعني.
اسيل:حراااااام عليييك ..مايصير تسوين فيه كذا مسكين.
لمياء:مااحد ضربه وقال له يحبني..المهم ليله اتصل ورديت عليه وجن علي
سعد:كذا تخليني بين الحيا والموت.
لمياء:انا شسويت لك؟
سعد:يابنت الناس رحميني.
لمياء:امرني شتبي؟
سعد:بس كلمه والله كلمه.
لمياء:والي هي؟؟
سعد:انتي عارفتها تكفين قوليها وريحي قلبي.
لمياء:اممممممم افكر.
سعد:والله بمووت .
لمياء:سلامتك من الموت في عدوينك.
سعد:اجل قوليها.
لمياء:يالله باي انا فيني النوم.
وسكرت الخط وهو يامسكين تعب يتصل وانا ماارديت بس بعدها قبل مانام ارسلت له
رساله صغيره وكتبت فيها(احبك يامجنون..لموي).
وبس وصلته اتصل علي مثل المجنون وجلس يسولف ويضحك تخبل الرجال وماخلاني
اسكر الخط الا لما سمعها مني بصوتي يقول مايكفيه رساله وبس منها وانا كل يوم
اكلمه وارسل له ومثل السمنه على العسل ومستحيل يمر يوم مااصبح او امسي على صوته
وهو بعد لازم يرسل لي او يكلمني.
اسيل:الله وناااااااسه ..يااحظك لمووي.
حور:ليتني مثلك.
لمياء:تصدقون من شوي كان مت من الخوف هو الي وصلني مع اخوي سيف وانا
بغبائي ارسلت له واخوي لزم يقراها والله لو شايفها ذبحني والله دمي نشف من عروقي.
حور:هههههههه ههههههه تستاهلين.
اسيل:ههههه اتخيل اخوك وهو ماسكك من رقبتك.
لمياء:هههههه هههههه ماايقدر وحبيبي سعد مو جود يبه وراي رجال.
حور:اااايه شعليك يا جوليت.
لمياء:واكثر.
اسيل:الحين انتي تبين راينا بشنو؟
لمياء:ايه صح سعد من كم يوم سالني يبي يتقدم لي وطلب رايي وانا مارديت.. شرايكم؟
اسيل:ماقلت لك حماااره وبظلين حماره.
حور:صح شغلها خل تصير ثقيله مو مثلك رجه وهيلق.
اسيل:بس هو يحبها وهي تحبه ليش كل هالحركات الي مالها داعي.
شوي الا صوت جوال لمياء شالته وشافت مسج واصلتها افتحتها لقتها من سعد كان كاتب
فيها انا من دونك عين مافيها نظر..انا بغيابك غيمه ماتحمل مطر..انا في بعدك
قلب من تحته جمر..الله لايجيب بينا فرقى حبيبتي واشتقت لصوتك ياقلبي).
حور واسيل نطوا يقرون معها وبس شافوها تسدحو وكل وحده تلعن حظها وتحسد لمياء
على حبها وحب سعد لها .
اسيل:ردي عليه.
لمياء:مايحتاج.
اسيل:شنو مايحتاج؟
حور:ليش ملقوفه ؟ تركيها براحتها..ويالله خل اجيب الابتوب نجلس على المسن
اكيد البنات مو جودين ابي اشوفهم عشان احرهم وعلمهم ان حنا مجتمعين.
اسيل:فكره يالله قومي.
جابوا الابتوب وجلسوا كلهم على السرير وقابلوه وفتحت حور ايميلها ومالقت أي رساله
لكن شافت اضافه جايتها من ايميل غريب
حور:بنات شرايكم اسوي قبول ولا رفض؟
اسيل:سوي قبول خلينا نشوف من؟
لمياء :يمكن وحده من البنات.
حور:يمكن..خل نشوف.
سوت قبول وكان الايميل اون لاين بس بزي لكن حور راحت وفتحت محادثه
عبدالرحمن كان موجود عند جهازه وشاف الايميل الي سوى له ادد سوى قبول
وسجل اون لاين وجاه على طول محادثه
حور كانت حاطه نك نيمها(حب ومضيع طريقه ليت يلقى في صدرك ملجا)
اما عبدالرحمن كان نك نيمه(احسب الناس مثلي في طيبي وعلى نفسي ابديهم ومليون
مره انصدم فيه).
(حب ومضيع..):حيهم حيهم.
(احسب الناس..):الله يحيك..من معي؟
(حب ومضيع..):انت الي مين ؟؟..انت الي مسوي لي ادد.
(احسب الناس..):اها طيب..معك عبدالرحمن ..وانت من؟
حور استغربت وقامت تضحك شيبي هذا مسوي لها ادد
حور:هاا اخليه ولا اسحب عليه ببلوك محترم.
اسيل:لا خليه تسلي عليه.
حور:ياشاطره ..انا مجنونه اضيف ولد كان اخوي جاسم يذبحني.
لمياء:انا مااعرف بالكمبيوتر بس شنو يدريه؟
حور:لانه يجلس جنبي احيانا.
اسيل:حووير لاتكثرين شوفي الرجال يكلمك.
(احسب الناس..):ماقلت لي من انت؟
(احسب الناس..):اسف ازعجتك..باين مشغول.
(حب ومضيع..):لالا عادي..شدعوه عاشت الاسامي عبدالرحمن.
(احسب الناس..):عاشت ايامك.
(حب ومضيع..):ماقلت لي كم عمرك؟
(احسب الناس..):24سنه..بس ماقلت لي من انت؟
(حب ومضيع..):العمر كله ..وانا حور 17 سنه.
(احسب الناس..):تسلمين وانتي العمر كله..بس اسف ماكنت ادري انه ايميل بنت.
(حب ومضيع..):اجل من وين لك الايميل؟
(احسب الناس..):والله يالطيبه جايتني عدة ايميلات من موقع ومن ضمنهم
ايميلك وانا سويت ادد وقلت اسالك عن المسج.
(حب ومضيع..):اها..وانا جاتني بعد بس مااعرفت ليه؟
(احسب الناس..):برب..لحظه شوي.
(حب ومضيع..):تووت لاحلى توت.
عبدالرحمن كان جواله يدق رد عليه:هلا ناصر .
ناصر:هلا بو طلو ..وينك انت ياعم؟
عبدالرحمن:موجود..انا الحين في البيت ليش تامر شي؟
ناصر:تعال لي انا والشباب ترانا في مزرعتكم واخوك عبودمعنا.
عبدالرحمن:اوكي احاول.
ناصر:اها يالله سلام.
سكر الخط اما حور راحت تسولف مع دانه الي كانت اون لاين وعصبت بس عرفت ان
لمياء معهم وما قالوا لها تجي رجع عبدالرحمن مره ثانيه
(احسب الناس..):باااك.
(حب ومضيع..):ولكمووو حيهم حيهم.
(احسب الناس..):تسلمين..بس انا حاب اتعرف عليك اذا ممكن؟
(حب ومضيع..):ممكن ليش لا؟؟.. نتعرف.
(احسب الناس..):طيب يااحور تصدقين اسمك مار علي بس ناسي وين؟
(حب ومضيع..):مااتوقع لان ماافي كثير بااسمي.
(احسب الناس..):طيب انتي من وين؟؟
(حب ومضيع..):انا من المنطقه الشرقيه.
(احسب الناس..):يا هلا وغلا بااهلنا وانا من الشرقيه وبالتحديد الدمام.
(حب ومضيع..):يا هلا فيك وانا من الدمام طلعنا قريب من بعض.
(احسب الناس..):اوكي ياالغاليه انا بطلع الحين لكني ارتحت لك ممكن يعني اشوفك ثاني؟
(حب ومضيع..):على خير ان شاء الله.
(احسب الناس..):تامرين شي؟
(حب ومضيع..):سلامتك..انت تامر؟
(احسب الناس..):لا سلامتك..يالله باي.
(حب ومضيع..):بايووو.
وطلع عبدالرحمن وقفل الابتوب وقام عشان يروح لناصر لكن هالبنت شغلت باله
اسمها حور..وين سامع هالاسم؟؟ اذكر سامعه بس نااسي ووين؟
اما حور استبعدت فكرة كون عبدالرحمن نفسه اخو بدور الي اسمعت صوته وجنت عليه
خلصوا البنات ولمياء اتصلت على اخوها عشان يجيها وجلست تنتظره
اسيل:بيجي معه؟
لمياء:من؟
حور:بعد شنو من..حبيب القلب سعد.
لمياء:هههههه اكييد بيكون معه..بس بنات ماابي احد يعرف بالسالفه.
اسيل: افا عليك لا توصين.
حور:وصلوا لمووي ..مو هذي سيارتكم.
لمياء:اايه هذي سيارة سعد.
اسيل تطل من فتحت الباب:اشووف وينه؟
لمياء:الي لابس شمااغ..شفتيه.
حور واسيل شافوا سعد وذابوو كان طويل وبشرته بيضه وملامحه هااديه ومسوي
سكسوكه خفيفه لكنه ضعيف بس ستاايل وباين عليه دمه خفيف لانه كان يضحك.
حور:اووووووف شالحركات لموووي؟
لمياء:نعلمك يبه مانحب وبس.
سيف كان معه لكنه كان لابس تي شرت احمر وبنطلون جينز وكان شكله مووت وخاصه
جسم سيف شوي معضل واكتافه عريضه ومسوي له هيبه ورزه اكثر من سعد ومسوي
لحيه بس ومخفف الشنب بالحييل وباين ستايله شبابي مره
اسيل:ياااااااااااه من هذا الي جنبه؟
لمياء :هذا اخوي سيف.
اسيل:صدق من سماه سيف يذبح من الحلى ياشيخه.
حور:صاادقه وربي.
لمياء:هههه عارفه من زماان بس سعد احلى.
اسيل:هين...روحي بس لايعصبون عليك.
لمياء:صح خليني امشي لايعصب سيف.
وراحت لمياء للسياره اما حور ولمياء كان الوقت متاخر الساعه 12 وهم فيهم النوم
وراحت لمياء للسياره اما حور واسيل كان الوقت متاخر الساعه 12 وهم فيهم النوم
راحو للغرفه وشافوا بطريقهم ساره مع بنتها بيدخلون حتى هم للقسم الخاص فيهم
ساره:هلا اسوول شخبارك؟
اسيل:الحمدلله.
ساره:خوفتينا عليك ياشيخه.
اسيل:يعطيك العافيه..لاتخافين مافيني الا الخير.
حور: الا جاسم ووينه مااشفته اليوم؟؟
ساره:هو الليله عنده مناوبه بالمستشفى.
حور:اها طيب تصبحين على خير .
وراحت ساره مع بنتها وحور مع اسيل توهم بيدخلون الغرفه الا سمعوا صوت باب البيت
رجعوا شافوه محمد راجع للبيت سلم عليهم وهو يكلم جوال
اسيل:محمد توصلني البيت؟
محمد:نامي هنا..انا مشغول .
اسيل:طيب .
وراحت نامت مع حور وكل وحده بالها مشغول حور في الي ضافها بالايميل
واسيل في سيف من شافته وهي بدنيا غير دنيتها.

اما محمد فكان لليلته كلها مع بدور الي للفجر سوالف وضحك معها.
سعد وصل سيف ولمياء ودخل هو بعد بيتهم اتصل على لمياء وسمع صوتها وناام.
وهي مثله حطت راسها وناامت.
سيف باله مشغول في اسيل الي من شافها وهو عقله ماهو معه.
..............................
اسيل؟؟هل حب ثاني بيدخل قلبها ولا الحب مره وحده ؟؟
حور وعبدالرحمن ؟؟بتجمعهم الدنيا ولا بتفرقهم؟؟
لمياء وسعد؟؟؟؟؟
احمد وسمر والحياه المقبلين عليها؟؟
سيف هل صحيح اعجابه حقيقي؟؟
البارت الجاي يبين كل شي.
ــــــــــــــــــــــــــــــ ــــــ

البارت الخامس (5)
مزقيها..
كتبي الفارغة الجوفاء إن تستلميها..
والعنيني .. والعنيها
كاذبا كنت .. وحبي لك دعوى أدعيها
إنني أكتب للهو.. فلا تعتقدي ما جاء فيها
فأنا - كاتبها المهووس - لا أذكر
ما جاء فيها ..
اقذفيها ..
اقذفي تلك الرسالات .. بسلة المهملات
واحذري..
أن تقعي في الشرك المخبوء بين الكلمات
فأنا نفسي لا أدرك معنى كلماتي..
(نزار قباني).
ممكن نتعلق في شخص ونعتقد بحبنا له ويمكن الايام تبين لنا ان هذا الشخص هو سبب
شقانا في الدنيا او سبب جرحنا..الكثير منا يجرب دخول عالم الحب مره وحده وبعد
فشل واحد يتوقف ويلعن الحب ..بس الصح نعطي قلبنا فرصه حتى لو مالقى الحب
الا بعد 100 جرح بس في النهايه لقى الحب...اتمنى الكل يلقى الحب وبدون جروح...
.............................. .
كان جالس في مكتبه ويفكر شلون الايام والسنين مرت وكبروا عياله حسين اكبرهم تخرج
ويشتغل وقريب ان شاء الله بيكلمه يتزوج , زيد وملتهي في جامعته وبحوثه الي ماتخلص
ماابقى عندي الا فطوم ااه يافطوم حتى انتي بيجي اليوم الي تروحين عني وببقى بروحي
ااخ لو تشوفين عيالك ياأم حسين ظل سرحان في تفكيره دخلت الممرضه ونبهته وهي تناديه.
الممرضه:دكتور وليد.
د.وليد:هلا.
الممرضه:خلصت المناوبه وشفيك لهالوقت جالس؟
د.وليد:الحين مااشي بس عندي كم شغله وخلصتها ..وانتي مااخلصت مناوبتك؟
الممرضه:لا انا توها مبتديه..
د.وليد:الله يعينك ياابنتي ومن معك منااوب؟
الممرضه:الدكتور جاسم.
د.وليد:ههههههه لا اجل ليليتكم حلوه الجلسه مع جاسم ماتنمل ..هو موجود الحين؟
الممرضه:ايه بغرفه الاطباء الي بدور3 .
د.وليد:اجل يالله بمر اسلم عليه وامشي.
(د.وليد او بوحسين دكتورمتخصص بالنفس ومدير الاطباء بالمستشفى ابو حنون زوجته
متوفيه مااعنده االا ولده الكبير حسين الي يشتغل وزيد شاب نشيط ومثقف وهمه كتبه
وبحوثاته اصغر عياله فطوم طالبه في الثانويه هي المدلله عند ابوها ).
د.وليد:هلااا جاسم ..شخبارك؟
جاسم:ياهلا فيك ..بخير انتي شخبارك؟
د.وليد:والله الحمدلله عايش بهالدنيا.
جاسم:ههههه انا كل خايف عليك من هالحالات الي تجيك.
د.وليد:هههههههه هههههه لا لاتخاف كلهم حالات بسيطه بس عندهم ضغوط نفسيه.
جهاز النداء الخاص بجاسم اشتغل واستدعوه يبونه استئذن من د.وليد وراح عنه وهذاك
راح للسيارته عشان يروح بيتهم وكان شايل في يدينه اوراق للشغل ويقراء فيها
كانت لحالات النفسيه الي دخلت المستشفى خلال هالشهر وكان من ضمنهم ملف اسيل
قرائه د.وليد وهز راسه بضيق ان لله وانا اليه راجعون عمرها 17 سنه ويصير لها كذا.
ووصل البيت ودخل ومااشاف احد مااهو باالعاده يكون البيت فاضي
راح لغرفه بنته وفتح الباب وشاف النور مطفى وفطوم جالسه على سريرها بلابتوبها
بوحسين:مساء الخير للحلوة.
فطوم كانت حاطه السماعات في اذانها ومنتقله لعالم ثااني ومن زود الصوت المرتفع
ماسمعت ابوها الي كان يكلمها ومااهي حااسه فيه الا بعد ماجا وشال السماعات عنها
فطوم:هلااااااااا بباتي.
بوحسين:هلا باالغاليه...ليش ماانمتي؟
فطوم طالعت الساعه 1 وطالعت ابوها مااعرفت شنو تقول.
فطوم:اممم وانت ليش لهالوقت ماانمت؟
بوحسين:توني جاي للبيت.
فطوم حطت يدينها على خصررها وقالت
فطوم:ماشاء الله عليك يا دكتور وليد لهالوقت حواسه بالشارع تفكر مافي حسيب ولارقيب؟
ولا متى وقت مااتبي جيت ؟لا هنا في نظام وراح تتعاقب.
بوحسين:هههههه هههههه يقطع شرك يافطوم وشنو عقاابي؟
فطوم:عقاابك قااسي .بوووسه كبيره من فطوم.
واخذت ابوها وعطته بوووسه على خده وهو يضحك وهي متعلقه في رقبته ولا بتاركته
بوحسين:ههههه هههههه بس بس درينا تحبيني تركيني عاد.
فطوم:ماابي ابوي وكيفي فيه.
بوحسين:ههه ابوك تذبحينه عااد.
فطوم تركت ابوها :لا بسم الله عليك خلاص ساامحتك روح بس لاتعيدها.
بوحسين:هههه ههه طيب انتي تعشيتي؟
فطوم:لا وانت تعشيت ؟
بوحسين:لا ..اجل قومي نتعشى .
فطوم قفلت كمبيوترها وقامت مع ابوها الي مسك يدها ونزلوا للمطبخ وقاموا يحوسون فيه
وماالقو شي ياكلونه واثنينهم ميتين من الجووع
فطووم:جااايعه وحتى بيض مالي خلق اسوي.
بوحسين:وانا جاايع ..وماافي شي نااكله.
فطوم:كل منك تعبتني لو انك مخليني على كمبيوتري احسن لي ولا معرس كان الحين
في احد طاابخ ومسوي العشاء على كيف كيفك يابوحسين.
بوحسين:ااقولك اقصري الشر والهذره الزايده ويالله روحي بدلي ولبسي عبايتك.
فطوم:لييييييش؟
بوحسين:عاازمك على العشاء.
فطوم:اها عازمني بس الحين الساعه 1 بالليل مو الظهر.
بوحسين:وشنو بيصير يالله لبسي ولا بروح لحالي.
فطوم:لاااااااااا سريع اجيك بس انتظر انت.
وراحت فطوم تركض لغرفتها وبدلت بيجامتها الي كانت لابستها والبست عبايتها وارجعت
لا بوها الي كان ينتظرها في السياره وعلى طول مشوا
بو حسين:هاا وين تبين نتعشى؟
فطوم:ماادري بس شرايك ناخذ بيتزا وبيبسي.
بوحسين:فكره وشرايك نااكلها على الكورنيش الجو حلو هالوقت.
فطوم:هههه شفيك يبا اليوم صاير حركاات طلعه الساعه 1 والكورنيش شسالفه؟
بوحسين:لا سالفه ولاشي بس ابو ومشتهي يطلع مع بنته.
فطوم:ومااتخاف الهيئه تمسكنا هههههههه.
بوحسين:ههههه لاا مااخاف ويالله عن الهذره الزايده ولابرجعك البيت.
فطوم:لااااااا لااااااا بسكت بس انا قلت انبهك.
مر بوحسين على مطعم قريب واخذلهم بيتزا وبيبسي مثل ماقالت فطوم وراحو للبحر
الي كان الجو فيه حلوو وهادي والي محليه اكثر صوت الموج وهو يتحرك بخفيف
خلصو عشاء ومشو شوي على البحر ومن بعدها اثنينهم حسو بالتعب لانهم من الصباح
صااحين ومانامو لهالوقت والوقت تاخر رجعوا البيت وناموا على طووول.
...............
لكن الليل مااينتهي مع لمياء وسعد الي كانو في عالم وردي اثنينهم وسوالفهم الي ماتخلص
لمياء:وانا مشتااقه لك اخر مره شفتك فيها يوم توصلني مع سيف لبيت صديقتي.
سعد:ااااه ياقلبي انتي انا الدقايق الي اشوفك فيها مااتكفيني .
لمياء:سلامتك من الاااه حبيبي وبعدين انا تكفيني لحظات مو دقايق.
سعد:لا ياقلبي ماتكفي بس قريب اذا ماكان هالاسبوع بعد .
لمياء:شنو شفيه هالاسبوع؟
سعد:بخطب وبتزوج عشاان افتك من هالتعب.
لمياء عصبت على سعد وكلامه وهي الي ذابحه عمرها عليه وهو يقول بيتزوج.
لمياء:يالله باي.
سعد:هههههه وين ؟؟زعلتي.
لمياء:وليش ازعل؟بتتزوج الله يوفقك وانا شنو دخلني.
سعد:هههه ياازعول...طيب ماتبين تعرفين شلون شكلها ولامن هي؟
لمياء:لاا.
سعد:تراها قمر مااتصدقين لما تشوفينها بهدوئها ونعومتها وطيبه قلبها مااتصدقين نفسك
تقولين ملاك بين البشر ولا عاد ضحكتها اااه مو ضحكه هلااااك وعيونها مااعمرك
شفتي مثلهم انا شفتها ومن شفتها وحالي يبكي الصخر.
لمياء:سعدددددد يالله باي.
سعد:هههههه وقفي وقفي.
لمياء:خير تبي شي؟
سعد:مااسالتيني شسمها؟
لمياء:شسمها؟ خلصني.
سعد:اسمها لمياء حبيبه سعد.
لمياء استحت وصار وجها احمر وكانت في نفس الوقت بتجن من الونااسه على كلامه
سعد:هاا اذا جات الوالده بتقولين موافقه؟
لمياء:افكر.
سعد:شنو تفكرين تبين تموتيني انتي.
لمياء:هههههه سلامتك بقول موافقه ارتحت الحين.
سعد:يااربي رحمتك بقلبي الا توني شايف الراحه.
لمياء:طيب حبيبي تاخر الوقت تامر شي؟
سعد:سلامتك وانتبهي على نفسك.
لمياء:اوكي وانت انتبه على نفسك بايوو.
سعد:انتظري انتظري.
لمياء:وشفيك؟
سعد:ماافي تصبح على خير حبيبي ماافي بوسه قبل النوم على طول بايوو؟
لمياء:هههههههه تصبح على خير حبيبي.
سعد:بس والبوسه وينها؟
لمياء:سعددد خلااص قلت تصبح على خير.
سعد:يااقلب سعد وانتي من اهله بس بعدين ماراح اخليك الا بوسه.
لمياء:ههههههه بااي.
سعد:باي ياقلبي.
بس الليل مانتهى والعشاق كثير والليل يجمع كثير منهم في الي مازال صاحي ولاهمه
وقت ولا نوم في محمد الي طوول وقته بهالجوال مع بدور حتى صار يومهم كله يكلمون
بعض في كل وقت ياتتصل او هو يرسل لها
محمد:نفسي اشووفك لو مره حبيبتي.
بدور:انت عارف مااقدر.. ولا حتى انا نفسي اشوفك.
محمد:طيب شنو يمنع مااشوفك؟
بدور:اشياء كثيررر.
محمد:بس انتي قلتي عندك سواق وعادي تطلعين لحالك نص سااعه اشوفك فيها ماراح
يصير شي ولا انا مااستاهل تلبين لي طلبي؟
بدور:لا مو كذا تستاهل حبيبي بس صعبه.
محمد:لاتخافين انتي مع محمد حبيبك يعني لاتحاتين نص سااعه بالمطعم ولا المجمع
شنو بيصير بس اشوفك ومن بعدها امشي.
بدور:ماادري خاايفه محمد.
محمد:بدووور قلت لك لاتخافين..وانا مااقدر اتحمل اكثر لي 3شهور معك ولاشفتك
وانا مااحب اتعلق بشي واحبه ولااشوفه او اعرف شكله.
بدور:شسوي حبيبي؟
محمد:قلت لك خليني اشوفك بس مرره صدقيني.
بدور سكتت وظلت تفكر شتسووي لو قالت لا بيعصب ولابيكلمها واذا قالت ايه شلون
تشووفه لو يدري ابوها او احد من اخوانها يذبحها محتارره.
محمد:هاا شقلتي؟اذا خاايفه لاتضيعين وقتي وانسي انك عرفتي واحد اسمه محمد.
بدور:لااا محمد لاتقول كذا والله اموت ولاتبتعد عني.
محمد:اجل خلااص خليني اشووفك.
بدور:طيب شرايك بعد كم يوم اقول للبنات نروح السوق واجي بيتكم ااخذ حور وااشوفك؟
محمد شنو عرفها بحور اختي يااذي البلشه طلعت تعرف حوير والله وراحت عليك
3 شهور تعب ياامحمد حساافه بس شقولها هذي بعد يااربي بس انا ابي اشوفها
محمد:طيب انتي من وين تعرفين اختي حور؟
بدور:من المدرسه زميلتي.
محمد:يعني انتو حييل مع بعض ولا معرفه بسيطه.
بدور:لا حنا بالحييل مع بعض يعني داايم اجلس معها هي وصديقاتها.
محمد ضرب راسه بيده شلوون تطلع منها يامحمد ماالقيت تخاوي الا صديقه اختك والله
حاله لو عرفت حوير وجاسم بتصير سالفه وامي بتسوي لي ازعاج والكل بيعصب
محمد:طيب خلااص.
بدور:اتفقنا حبيبي على يوم الاثنين الساعه 7 بالليل راح اجي لحور ولاازم اشوفك .
محمد:اتفقنا بس لاتقولين لااحد انك تعرفيني او تعلمينه بسالفتنا.
بدور:اكييد مايحتاج تووصي.
محمد:اجل يالله اخليك باي.
بدور:ووين تو الناس شفيك مستعجل الليله.
محمد:لا بس مشغوول تامرين شي؟
بدور:سلامتك حبيبي.
محمد:اجل يالله باي.
وسكر الخط وهو يلعن في نفسه شلوون مااعرف انها صديقه اخته وهو معها من 3 شهور
والله حاله الحين شيسووي معها هذي وتم يفكر شلون ينهي السالفه ويطلع منها بسلام.
اما بدور نامت وهي مرتااحه وتفكر متى وشلون وشبتسوي اذا شافت محمد وكانت
فرحاانه وبنفس الوقت شغل بالها محمد وليش متغير الليله عن عوايده.
محمد ماالقى الا سيف يروح له ويشكي له الحال وراح وعلمه بالسالفه
سيف:اااااااخ ياالدلخ شلون ماادريت؟
محمد:سيووووف مالي خلقك قلي شسوي الحين؟
سيف:اسحب عليها ..ولا صدقت حالك انك تحبها.
محمد:لااا مااصدقت وتدري مستحيل احب وبعدين لو بحب ماراح احب وحده مثل بدور
شاايفه نفسها ..وفوق هذا مزعجتنا في ابوها بس والله خاايف يا سيووف.
سيف:من شنو خاايف؟
محمد:هي مصدقه اني احبها واخاف اسحب عليها وتعلم اختي حور وتصير لي مشكله.
سيف:لااا يارجال مااتوقع تسويها.
محمد:وش يخليك متااكد؟
سيف:ماراح تقول لاختك يعني شنو بتقولها اخوك رقمني في المجمع وانا كلمته وحبيته.
محمد:وانت الصادق وانا ليش موجع راسي..بس خاطري اشوفها.
سيف:هي قالت بتجي بيتكم شوفها وبعدين اسحب عليها.
محمد:هههههههه فكره والله جبتها.
سيف:اقوول يالله نروح نصلي في اقرب مسجد وننام ورانا سهره بالليل.
راحو يصلون في المسجد القريب من بيت سيف وبس دخلوا التقو بسعد وكان في وجهه
النوم ومسكوها ضحك عليه وهو عصب عليهم ليش يضحكون خلصو صلاه وطلعو
وكل واحد بيروح بيتهم وشوي الا في اثنين شباب حتى هم طالعين من المسجد وشافو
سيف ونادو له وكان شكله يعرفهم راح سلم عليهم ووقف معهم ومحمد وسعد واقفين
ينتظرونه.
سعد:من هذولا؟
محمد:ماادري مااعرفهم اول مره اشوفهم.
سعد:سيووف يصادق نااس وبس مااتدري من وين.
محمد:ههههههه لا ياشيخ ذول شكلهم عيال رواهي سيارتهم بورش واخر موديل.
سعد:صحيح هذا هم مشو تعال نسأل سيووف.
محمد:يالله .
وراحو لسيف عشان يسالونه
محمد:من ذولا؟
سيف:هذا ناصر مع ولد عمه عبدالله.
محمد:ااايه ذكرتهم اقوول كل هالعز والحركاات من؟؟ طلعو هم.
سعد:ومن ناصر وعبدالله؟
سيف:نااصر دارس معي انا ومحمد سمستر واحد بالجامعه وبعدها غير القسم ومن زماان
مااشفناه عاد شافني وجا يسلم وصحيح يسلم عليك حموود ويقول تعال المزرعه.
محمد:الله يسلمك ويسلمه يقصد مزرعتهم .
سيف:اايه ماانتبه فيك الا يوم قلت له هذا محمد قال تغيرر .
محمد:ههههههه اايه انا حلو وصرت احلى.
سعد:هههههه فكونا يرحم والديكم..سيف قوول للوالد اذا فااضي بنجيه الليله.
سيف:ان شاء الله بس ليش؟
سعد:ياملقوف اذا جينا بتعرف ليش.
محمد:طييييب فيني النوم يالله نمشي.
وراح كل واحد لبيته وناام على عكس بااقي الناس الي هالوقت تصحى من نومتها
اسيل من سمعت سالفه لمياء وسعد وهي تخطط لشي بس شنو؟
بو اسيل كان جالس يفطر لحاله كالعاده وجو البيت هاادي وشوي الا اسيل جات وجلست
معه هو استغرب شفيها جالسه مبكر وهم في اجازه
اسيل:صباح الخير ياااحلى واطيب ابو في الدنيا.
بو اسيل يطالع بنته ويبتسم:صباح النور..خير اللهم اجعله خير.
اسيل:هههههه خير ان شاء الله يبه بس اسمعني قبل.
بو اسيل حط كوب الحليب من يده وجلس يشوف شنو تبي بنته
اسيل:اابي جوال.
بو اسيل:شنوووو وليش؟
اسيل:يالله عاد تكفى كل صديقاتي عندهم ابي مثلهم.
بو اسيل:لااا هذا حور ودانه مااعندهم.
اسيل:يبااااااا يالله عاد.
بو اسيل:افكر.
اسيل:لاا ابيه اليووم.
بو اسيل:ااااااسيل ليش هذره.
اسيل مدت البوز وسكتت ومالمست شي من الفطور وشافها ابوها على هالحال
بو اسيل:ولااتزعلين مايجي الليل الا احلى جوال عندك.
اسيل:صدق يبا فددددددديتك خلني اعطيك بووسه.
بواسيل:ههههههه كم اسووله عندي؟
اسيل:وحده.
بو اسيل:والله يخليها لي.
اسيل :ويخليك لها ياارب.
؟؟؟ليش اسيل تبي جوال وشنو هاالجوال بيغير في حياتها؟؟؟؟؟؟؟؟؟
حور جلست من نومها وعلى طول مثل كل يوم اتصلت على فطوووم لكن ووين هذيك
بسابع نوومه ولا بحول احد التلفون يررن ولا ترد وظل على هالحال حسين كان في
الصاله يااكل الفطور وانزعج من التلفون ورد عليه
حسين:الووو.
حور سمعت صووته وتفشلت شبيقول الحين من هالفاضيه الي متصله الصباح الله ياخذك
يافطيم ليش ماارديتي علي مثل كل يوم يااربي شسوي.
حسين:الوو.
حور:الوو هلا.
حسين:يا هلا فيك.
حور:فطوم موجوده؟
حسين:ناايمه من يبيها؟
حور:قول لها حور.
حسين:طيب اذا صحت من النوم قلت لها.
حور:مشكور سلاام.
سكر حسين الخط وهو يضحك والله فاضين هالبنات من الصبااح يتصلون ويهذرون
بس صوتها عجيب اايه كذا الواحد يصبح على صوت يجيب الخير.
وجلس يكمل فطوره وشوي الا دخل زيد وجلس على الفطور معه والتعب باين عليه
حسين طالعه وعرف ان توه جااي من بره واكييد يذاكر ويدرس وووو.
زيد:تعبااااااااااان.
حسين:مااحد ضربك على يدك وقالك سوي في نفسك كذا.
زيد:اووه انت مابتفهم يااخي طموحي في الا محدود يعني فووق.
حسين:انتبه على نفسك بس يافووق.
زيد:منتبه بس انت لاتدخل.
حسين:تصدق يااخوي خوفي تاخذ وحده مثلك بس وين نلقالك معقده هههههههه.
زيد:هه هه ياادمك واذا بتزوج بااخذ وحده ام الراحه بس تكشخ وتتزين لي واكحل عيوني
فيها ماابيها تدخل عالمي .
حسين:وليش ماتبيها تدخل عالمك؟يااستاذ زيد؟
زيد:لانه يتعب وانا ابيها مرتااحه.
حسين:الله يعين ماابعد تتزوج وهذا كلامك.
زيد:اااخ المهم بقوم انام احس نفسي منتهي ومالي حيل اتحرك او افتح عيوني اكثر.
حسين:طيب قووم.
زيد:ووين الوالد ؟؟وفطوم وينها؟
حسين:ناايمين لانهم ماارجعو من بره الا متااخرين.
زيد:ليش هم وين رايحين؟
حسين:ههههه دكتور وليد معشي الانسه فطووم على البحر .
زيد:هههههههه ههه وشفيه الوالد من ووين هالرومنسيه طالعه .
حسين:عسااه دووم بس مو على فطيم .
زيد:من تبي انا ولاانت؟هههههه اقول بس تمسي على خيرر لااحد يجلسني بناااااااام.
زيد راح لغرفته وماافي وقت يغير حتى ملاابسه انسدح ونام بملابسه وراح في ساابع نومه
اما حسين كمل فطوره وقرا الجريده وطلع لشغله .
...........
سعد ماانام الليل وجلس الصباح وهو متوتر اليوم بيروح يخطبون لمياء له وهو متاكد من
موافقتها بس خاايف ولا فاهم ليش خووفه وصاير على اعصابه وماله خلق احد حتى نفسه
ومنقهر من لمياء الي كل ماايتصل عليها تطنشه ولاترد حتى الشغل ماراح من كثر
مااخلقه ضااق على هالسالفه .
اما لمياء كانت اسوء من حالته متوتره وتحس حالها بتصيح وماتبي احد يكلمها كل هذا
لان اليوم سعد واهله بيجون يخطبونها رسمي طقت امها عليها الباب عشان تقوم تفطر
ومااشتهت تااكل حتى بيجامتها مااغيرتها لان عيونها مااذاقت النوم بس منسدحه وتفكر
دق جوالها وتوقعت سعد وطنشت بس بعدين اخذته وشافت رقم حور وردت عليها.
لمياء وصوتها متغير:الوو.
حور:الوو هلا بلموووي.
لمياء:ياهلا بحوري شخبارك؟
حور:انا تماموو انتي شخبارك الي يسمع صوتك يقول ميت عليك احد لاسمح الله؟
لمياء ودموعها تنزل على خدها:حووور خااايفه.
حور خافت على صديقتها شفيها من الصباح وتصيح وصوتها متغير اكييد في شي
حور:لمياء شفيك خوفتيني تكلمي؟
لمياء:سعدد
وتكمل تصيح وهذيك مو فاهمه شسالفه ولا شنو صاير فيها
حور:سعد شفيه في شي؟
لمياء:لااا سعد بيجي اليوم يخطبني.
حور عصبت وحست ان لمياء بااايخه ونفسها لو هي جنبها تصفقها على وجها
حور:ماااااالت عليك خوفتيني وليش تصيحين ومسويه لنا ازعاج بالعكس مفروض تفرحين
جاي يخطبك وبيصير زووجك الا وناااسه يالخبله سكتي بس سكتي.
لمياء:ماافهمتيني ..انا خايفه ابوي ماايوافق ويقول توها صغيره .
حور:اها لاتشغلين بالك اذا سعد من نصيبك مااحد بيقدر يوقف بطريقك.
لمياء:حور انا خاايفه والله لو ابوي يقول لا بمووت بمووت حوور.
حور:اذكري ربك ولا تقعدين تفاولين بالشر استبشري خير وربك كريم وان شاء الله بيوافق
انتي بس قومي الحين غسلي وجهك واكلي لك شي يخفف جوعك وشيلي هالفكره من بالك.
لمياء:لا اله الا الله ..الله يسمع منك حور.
حور:يالله الحين انا اخليك قومي وسوي الي قلت لك ولاتفكرين.
لمياء:طيب .
حور:تامرين شي حبابه؟
لمياء:سلااامتك ..حور مشكووره.
حور:لا شدعوه مااسويت شي وخلينا نفرح يارب فيك قريب.
لمياء:اوكي باي.
حور:بايووو .
قامت لمياء واخذت شور وبدلت ملابسها ونزلت عند ابوها الي كان جالس يطالع التلفزيون
وجلست معه وكانت طول الوقت تلتفت تطالع فيه وبعدها تلف وجها استغرب شفيها لمياء؟
بو سيف:لمياء.
لمياء انتبهت لابوها الي كان يناديها:هلا يبا.
بو سيف:شفيك ؟ تبين تقولين شي؟
لمياء:لااا شنو بقول ماابقول شي.
بو سيف:اذا في خاطرك حاجه قوليها لاتستحين وانا ابوك.
لمياء:لا مشكور مااتقصر يبا بس شوي بالي مشغول.
بو سيف:ااايه اجل الله يريح بالك يابنيتي.
لمياء مااحبت تطول مع ابوها وشافته يكثر اساله وهي مو قدها تجاوبها فانسحبت من عنده
ورجعت اعتصمت في غرفتها تنتظر الليل الي مو راضي يجي.
ما في بيت بو خالد كان طابع الجو ككل يوم كل واحد في دنيا ولااحد له خلق الثاني
سمر مسكينه جالسه ومتملله اخذت جوالها وارسلت لخطيبها احمد رساله حق الصباح
كتبت فيها صباح الورد يا غالي كثر ماجيت في بالي..احبك لو بعدت عني..احبك يابعد حالي ).
هو كان في مكتبه في الشركه وسمع صوت المسج وفتحه على طوول وقراه احمد
شاافه وابتسم لكن حس بضيقه وهو يتذكر الرساله ليش يااربي؟
حرام الي اسويه في البنت مطنشها ودايم اصارخ عليها مسكينه ياسمر؟
والله مو قصدي بس انتي غير طبعي وشكلنا انظلمنا في هاالزواج؟
الله يعينك علي انا صعب وحتى لنفسي ماافهم شبي شلون بتفهميني؟
كان نفسه يرد عليها فتح الرسايل وتوه بيرسل تراجع وقفله ورجع لشغله الي كان فيه.
اما سمر ظلت تنتظره يرد عليها هي تعرف طبع احمد وجفاه الدايم لها بس تحبه
ومو قادره تتخلى عنه او تتنازل عن حبه ..راحت لغرفه بدور وهذيك كانت جالسه تحط مناكير
في اظافيرها وترتبهم جلست معها سااكته بدور شافت اختها كذا مزاجها معكر
وهي مزاجها كوول مااسالتها شنو فيها عشان ماتتضايق سمر ملت ومن قهرها من احمد
حطت حرتها في بدور الي جالسه وكافه شرها
سمر:وانت شالسخافه من الصباح تحطين مناكير .
بدور:وانت شنو حاارك كيفي شتبيني اسوي؟
سمر:ماادري لكن دوري لك شي مفيد.
بدور:اقول حبيبتي اختي لاتحطين حرت احمد فيني.
سمر عصبت :اووه شنو دخل احمد الحين بسالفه ومن قالك انا حاطه حرتي فيك.
بدور وبكل رووقان:سمر لاهنتي قضبي الباب مالي خلق هوشه من الصباح.
سمر عارفه ان هي الغلطانه للذلك قامت وسكرت الباب وراها بقووه من زود الي فيها
وكانت تمشي وماتشوف قدامها وهي تمشي اصدمت في رحاب وهذيك مااصدقت خبر
رحااب:عما ماتشوفين.
سمر:مالي خلقك انتي الثانيه.
رحاب:صحيح قوية عين انتي الي تصدمين فيني وتصارخين علي.
سمر:يووووه اسفين اسفين ارتحتي.
رحاب مااردت ومشت ولا كان صار شي وزادت نار سمر الي كملت طريقها
للمطبخ دخلت وماكان مو جود الا عبدالله يااكل وعلى طول قالت
سمر:اوووووووف.
عبدالله:ليش تتاففين؟
سمر:اسكت انت الثاني .
عبدالله:برااحتك .
سمر جالسه على اعصابها وتفكر ليش ماارد على رسالتي اقلها اتصل يااربي منه بيموتني.
سمر:عبوود.
عبدالله:هااا؟
سمر:شنو هاا قول نعم ..بس المهم شفت احمد امس او كلمته؟
عبدالله:اذا تبين الحقيقه لا ..لان احمد ماينتكلم وطبعه ممل.
سمر:عبووود اسكت لاضربك بهالصحن الي قدامي.
عبدالله ضحك على شكل اخته الي عصبت بدون سبب وهو ماايدري شسوى فيها
قامت وخلته يولي بروحه لكنه ناداها
عبدالله:سمووووووووور.
سمر:خير.
عبدالله:جلسي معاي.
سمر:مابي.
عبدالله:اها براحتك وانا بقوم انام مانمت ..اخذي العصير معك لعبدالرحمن.
سمر:عبدالرحمن هناا ماراح الدوام.!!!!!
اخذت العصير وراحت لغرفه عبدالرحمن وطقت الباب ودخلت وهو كان ينشف راسه عن
الماي ومشغل كمبيوتره دخلت سمر وحطت العصير ومااطلعت جلست
عبدالرحمن:صباح الخير.
سمر:صباح النور.
وكان حالها يكسر الخاطر شلون كان الكل معصبها من جها وماترتاح الا مع اخوها
عبدالرحمن ترك الكمبيوتر الى ان يشغل وشاف حال اخته المعتفس
عبدالرحمن:شفيها الحلوة اليوم؟
سمر ابتسمت لاخوها:سلامتك خيرر.
عبدالرحمن:ياارب بس شفيك مااسكه هالجوال وكل شوي طالعتيه؟
سمر:هه بس انتظر رساله وماوصلت.
عبدالرحمن:اااهاا ومن بيرسلك؟
سمر:احمد.
عبدالرحمن:طيب ان شاء الله يرسل.
عبدالرحمن كان يعرف طبع ولد عمه واسلوبه اكسرت خااطره سمر كيف تحب احمد
وهو مجافيها ضاق خاطره عليها بالحيييل.
سمر:رحمانوو متضايقه اااااه.
عبدالرحمن:لان احمد ماارسل ورد على رسالتك.
سمر:مو بس كذا متضايقه من كل شي من احمد وطبعه والبيت والكل ومن نفسي
ليش احبه ومتصوره حياتي معه بتكون من اجمل واروع ماايكون بس خايفه العكس.
عبدالرحمن:انت بس متوتره اذكري ربك وبالعكس احمد طيب وبيسعدك ان شاء الله.
سمر:تتوقع رحمانوو؟
عبدالرحمن:الا اتوقع ونص..بس انتي لاتشيلين هم.
سكتت سمر ومن بعدها طلعت من عند اخوها اما هو التف على كمبيوتره ودخل ايميله
يشيك عليه وماكان في احد فااضي جلس يقراء رساايله وشوي الا في احد سوى تسجيل
راح يشوف من لقاها حور اون لاين مااصدق غريبه الى الحين مااحذفتني.
كانت مسجله بنك نيم(ضمني وضمد جراحي) اما هو (دامك معي انسى الهم وطاريه)
كلمها وكتب لها على طول
(دامك معي..) :صباح الخير للحور.
(ضمني..) :صباح الورد والفل والياسمين.
(دامك معي..) :ههههههه الله الله كل هذا لي شسالفه؟
(ضمن..):لا سالفه ولا شي بس سامعه خبر حلوووو مووت.
(دامك معي..): تمام فرحيني معك شنو هالخبر اذا ممكن؟
(ضمني..):اليوم صديقتي وبعد قصه حب طويله بتنخطب وناااسه صح.
(دامك معي..):ههههه الله يوفقها وعقبالك.
(ضمني..):عقبالك انت انا ابي احب مثلها قبل.
(دامك معي..):تحبين..الحب يعذذب ويبكي شلك فيه.
(ضمني..):امممم حتى عذابه حلو..بس ماعلينا اخباروو انت؟
(دامك معي..):تمام انتي بشريني عنك؟
(ضمني..):انا بعد هالخبر تماموو عال العال.
(دامك معي..):دووم عليك يارب والله يتمم لهم بخير.
(ضمني..):ياارب الله يسمع منك.
(دامك معي..):طيب حور انتي شنو طموحك غير الحب؟
(ضمني..):سؤالك غريب بس من قال طموحي حب لا انا طموحي ادخل مجال علم النفس
وابو صديقتي فيه وان شاء الله بنصير انا وهي مثله.
(دامك معي..):حلو اختيارك بس شنو الهدف منه؟
(ضمني..):احول قوة الخوف السلبيه الى قوه ايجابيه تدفع الانسان الي يمتلكها الى الامام.
(دامك معي.):بس بس تراني ماافهم كل هذا لكن الله يوفقك.
(ضمني..):ههههه اوكي وانت قولي.
(دامك معي...):شنو اقول؟..انا خلصت دراسه اعمال والحين اشتغل مع الوالد بالشركه.
(ضمني..):حلوو..ومااحبيت في يوم من الايام؟
(دامك معي..):لا مااحبيت ولا انحبيت على ايدك خلي احد يحبني.
(ضمني...):طيب ادور لك بس وريني صورتك خل احكم على شكلك قبل.
(دامك معي..):اها في هذي بخااف عليك من نفسي.
(ضمني..): وليش خاايف اخترع منك؟
(دامك معي.):ههههه لا خايف تنعجبين فيني وتحبيني .
(ضمني..):اخس ياالواثق ههههه..جد وريني.
(دامك معي..):طيب بس مو اليوم لما يكون عندي صور على جهازي .
(ضمني..):متى يعني؟
(دامك معي..):لاتستعجلين متى مااشفتك وريتك.
(ضمني..):يعني بنتظر يوووووه شيصبرني انا.
(دامك معي..):هههههههه الصبر زززين.
وتمو يسولفون ويضحكون ساعتين على بعضها وهم مو حااسين بوقت وحور نااسيه نفسها
وهي جالسه على سريرها دخل جاسم وتوه جاي من المناوبه حور بس شافته واخترعت
وقفلت الابتوب وخاافت وهو مااحس فيها بس استغرب ليش سدت الابتوب
جاسم:صباح الخير لاحلى بنووته..شفيك قفلتي كمبيوترك لايكون ازعجتك؟
حور:صباح الفل ياافل وماازعجتني انا تعبت منه .
جاسم:اها اجل يالله انا بروح انام.
حور:نوم العوافي.
طلع جاسم وهي ارتااااحت بعد مااوقف قلبها وتذكرت عبدالرحمن وافتحت الابتوب
على طول ودخلت مسن.وعبدالرحمن كان ينتظرها وبس دخلت كلمها
(دامك معي..):ووينك طلعتي فجاءه.
(ضمني..):اسفه بس فصل عندي شوي.
(دامك معي..):لا عادي ماصار شي.
(ضمني..):اوكي شنو كنت تقول؟
(دامك معي..):ههههههه ولا شي انتي كنتي تسولفين لي.
(ضمني..):ههه ههه صح.
(دامك معي..):طيب حور ليش حاطه هذا النك نيم؟
(ضمني..):امممم عاجبني وثاني شي محتاجته يضمني ويضمد جراحي.
(دامك معي..):اها اذا ممكن اسال ..ومن سبب هالجروح؟
(ضمني..):هو سبب الجروح لذلك صدره وضمته بتداويني.
(دامك معي..):اها ياااحظه اذا بيضمك ههههههه.
(ضمني..):هه بس هو مستحيل يضمني.
(دامك معي..):حور انتي تحبين؟
(ضمني..):ههههههه انا احب لا مااحب ليش سالت هالسؤال؟
(دامك معي..):اسف كنت وقح بس من كلامك وجروحك تحبين .
(ضمني..):صح كلامك وماالومك في توقعاتك وانا احب بس مو الحب الي في بالك.
(دامك معي..):شلون مو الحب الي في بالي؟الحب واحد.
(ضمني..):عارفه بس قصدي مااحب واحد وكذا انا الي اقصده بكلامي ابوي.
(دامك معي..):اااسف الله يرحمه ماكنت اقصد.
(ضمني..):بس هو حي مو ميت وليش تعتذر عاادي بس يمكن كلامك صح هو حي وميت.
(دامك معي..):مريض؟؟
(ضمني..):لا الحمدلله بخير وعافيه.
(دامك معي..):حيرتيني معك فهميني عدل.
(ضمني..):ابوي حي بس بنسبه لي ميت لاني مااشوفه ولااعرفه حتى لو التقيت فيه مااقدر اتكلم معه
مااقدر اضحك معه انا.....
حور استغربت من نفسها من هذا؟ عشان اتكلم معه عن اموري الخاصه اااه ياربي في
كل شي طالع ضعفي قدامه وابتدت دموعها تنزل وتحسها بدون سبب
اما عبدالرحمن تلوم على نفسه شنو هالاسئله الي اسالها فتحت جروح البنيه توها شزينها
وبلقافتي قلبت حالها ان لله وانا اليه راجعون الله يرحم حالها
(دامك معي..):انتي بخير ..ماكان قصدي اناقشك بهالموضوع.
(ضمني..):انت مالك أي ذنب انا مااعرفت اتحكم بمشاعري.
(دامك معي..):انتي نفسك تتكلمين بهالموضوع ولا بيضايقك؟
(ضمني..):ماادري ليه عبدالرحمن لكني مرتاحه لك واحس نفسي اتكلم معك.
(دامك معي..):وعبدالرحمن مو جود عشان يسمع لك باي وقت وعلى فكره حتى انا ارتحت لك
واحس امرك يهمني ونفسي اعرف كل شي عنك.
(ضمني..):تبي تعرف شنو؟
(دامك معي..):كل شي واوله ابوك ليش كل هالجروح بداخلك عليه؟
(ضمني..):اااه ياقلبي تبي تعرف عن ابوي.
(دامك معي..):سلامة قلبك من الاااه ..قوليلي كل شي يمكن اساعدك او اقلها ترتاحين.
(ضمني..):طول عمري احس بثقه والقوه بس قدامه او قدام طااريه نفسي اتخلص من هالشي لكن
عااجزه تعبت ولا بقادره اتصرف.
(دامك معي..):اها قوليلي من البدايه ليش ابتعد وشنو السبب؟
حور لا شعوريا جلست تعلم عبدالرحمن كل شي عنها وعن ابوها وخالها وامها وكل مواقفها
مع ابوها وكيف مشتااقه له كيف صاحت يوم ماارضت لها امها تروح معه المطعم
ارتاحت حور لعبدالرحمن وقالت له كل الي داخلها وكانت دموعها تتكلم معها وهي تكتب
عن الي داخلها وعبدالرحمن كان اسلوبه روعه سمع منها كل الي بخاطرها دون مايقاطعها
وتمت تكتب له مده طوويله وهي مو حااسه الا بالراحه في الشكوى لهالانسان.
(ضمني..):وبس هذا كل السالفه .
(دامك معي..):اها تصدقين ماكنت اعتقد بوجود انسانه يهمها ابوها في حياتها مثلك.
(ضمني..):يمكن انا ابالغ بردت فعلي وكلامي لكن الحقيقه اني محتااجه له.
(دامك معي..):ربك كريم وبيجي اليوم الي يضمك ويضمد جراحك بس صبري وبتشوفين.
(ضمني..):انا خلاص مااعدت ابي منه شي الي اعرفه ان مااحد بيعطيني الحب
غير شخص واحد الشخص الي بحبه وارتبط فيه بلقاه في دور الابو والاخو والصديق
والزوج بشوفه هو الحياة وبس اعتقد حبه بينسيني دموعي على ابوي.
(دامك معي..):الله يوفقك لكن بيبقى احتياجك لابوك لابد لك منه.
(ضمني..):هو مايبيني خلااص شلون لابد لي منه.
(دامك معي..):من قال مايبيك ؟؟يمكن هو مثلك مشتاق لك ويوقفه نفس السبب الي موقفك
عنه لاتحكمين عليه وانتي مااتعرفين كل شي.
(ضمني..):ان شاء الله ..يالله انا بطلع تامر شي؟
(دامك معي..):سلامتك..وانا طالع تاخرنا على صلاة الظهر.
(ضمني..):الله كيف جلسنا نسولف كل هالساعات ومانتبهنا للوقت.
(دامك معي..):صح السوالف اخذتنا يالله الله يوفق صديقتك وعقبالك مره ثانيه وماابيك
تحكمين على موضوع ابوك بهالسلبيه.
(ضمني..):هههه تامر وعقبالك انت بعد.
(دامك معي..):يالله مع السلامه.
(ضمني..):عبدوووووو انتظر.
(دامك معي..):امري ياالغاليه.
(ضمني..):مايامر عليك ظالم بذكرك بصورتك لاتنساها المره الجايه.
(دامك معي..):هههه ومانسيتي لكن ان شاء الله ماني بناسي.
(ضمني..):اوكي بايووو.
(دامك معي..):باي.
حور قفلت المسن والكمبيوتر وعلى طول قامت تتوضا للصلاه وتحس براحه غريبه
اما عبدالرحمن قفل كمبيوتره وتم جالس يفكر بحور وقصتها الغريبه شلون بنت بهالسن
فيها كل هالحزن وكل هالانسانيه الشديده امر عجيب..كان سرحان وهو جالس على كرسي
مكتبه الي بغرفته وسمع صوت احد يضرب على الباب وانتبه
عبدالرحمن:حيااك مفتوح.
بوخالد فتح الباب وسلم على ولده وقاله يقوم معه يروح المسجد قبل لاتبتدي الصلاه
عبدالرحمن قام وتوضا وبدل ملابس البيت وطلع لابوه
عبدالرحمن:وين بو ريان مو رايح معنا؟
بوخالد:اخوك شنطة زوجته حتى المسجد عطلته عنه بمشاويرها وهو مطاوعها.
عبدالرحمن:الله يستر على الجميع.
بو خالد:امين..اخوك عبيد ووينه مااشوفه هاليومين هوينام بالمزرعه؟
عبدالرحمن:لاا هو نايم في البيت توني شاايفه الصباح فطر وشكله من بعدها نام.
بوخالد:ابتلشت بهالعيال ذاك مع زوجته وهذاك طاير مع نصور ولد عمه ليش مااقلت لي
انه موجود في البيت ونايم كان صحيته يجي معنا.
عبدالرحمن:ماادريت انك تفكره برا البيت.
بوخالد:يالله ماصار الا الخير خليه يصلي صلاته في البيت وكاافي.
دخلو المسجد وصلو وخلصو صلاتهم وجلس بو خالد شووي مع ربعه الي يعرفهم
وعبدالرحمن تملل يبي يرجع البيت ومستحي يقول لابوه تاخرنا لكن بو خالد خلص سوالفه
واشر لولده يشغل السياره ومشو وكانو طوول الوقت ساكتين عبدالرحمن يطالع ابوه
ويتذكر حالةحور كان يسال نفسه هل هو معطي ابوه التقدير الكافي؟
كانت اساله تدور في باله بس اهمها حور..من هي حور؟؟امرها غريب هالبنت !!
حس نفسه لازم يعرف كل شي عن هالبنت واسلوبها وقصتها شاغله تفكيره.

جلس محمد من النوم وهو يحس ثقل في جسمه وظل على سريره مده طويله من بعدها
اخذ جواله وحوله من السايلنت وكان موجود رسايل فتح اولها شافها من بدور كانت
كاتبه فيها اتخيلك وانت صاحي واتخيلك وانت غافي وادعي ربي يخلي لك القلب دووم
يالغالي وافي..صح النوم حبيبي).
ماكان له خلق بدور لان موضوعها اتعبه وهو يفكر فيه فحب يطنش قراء الرساله الثانيه
وكانت من رقم غريب فتحها وشاف مكتوب اخذت رقمك من سيف وياليت تمره اليوم
وتجون عندنا انتم والربع ..ناصر ). شاف محمد الساعه وكانت 7 بالليل وتذكر الصلاه
اخذ له شور سريع ولبس ملابسه وصلى اتصل في سعد مايرد عليه غريب ماهي عوايده؟
اتصل في سيف عشان يقوله يتجهز لانه بيمره ويروحون لناصر والشباب وكان يدق
مده طوويله من بعدها رد سيف وكان صوته مستعجل
محمد:هلا سيوف.
سيف:هلا بو جسوم شنو بغيت؟
محمد:اووف على هالاسلوب شنو ذا؟ تجهز بمرك نروح لناصر عازمنا..يالله ولاتتاخر.
سيف:لا يابوجسوم الليله مااقدر روح بروحك.
محمد:ليش مشغول؟شنو عندك؟
سيف:بيجونا ضيوف وفشيله اطلع ابوي محرج علي مااطلع.
محمد:ايوا ..وانا من يروح معي ؟
سيف:ماافيها شي روح لحالك.
محمد:طيب ماادل الطريق نسيت وين.
سيف:محمد الوالد يناديني اتصل في ناصر وهو بيقولك يالله سلام.
محمد:اوكي سلم على الوالد سلام.
سيف:يوصل وانت سلم على الربع واعتذر لي منهم.
محمد:تامر.
سكر محمد الخط وطلع من غرفته وشاف غرفه حور مفتوحه وهو مار من عندها وتذكر
بدور وحب يتكلم مع اخته يمكن يااخذ منها كلام او يعرف شي راح وطق الباب ودخل
وكانت حور تمشط شعرها وتتجهز استغرب وين رايحه؟؟
محمد:مساء الخير ياحوري.
حور:مساء الطيبه يااطيب.
محمد:هههههه ههه متاكده طيب؟
حور:متاكده اذا انا اختك اكيد طيب.
محمد:اوكي ماعلينا..قوليلي وين بتروحين على التمشط والتلبس؟
حور:ولا مكان في بيتنا بس اسيل راح تجي ويمكن دندونه معها.
محمد:شنو صار؟؟كل يوم في وجهنا هالثنتين.
حور:ولاشي بس انا نفسي اتكشخ اليوم ...محمد انت طالع؟
محمد:اايه ليش تامرين شي؟
حور:اممم بس بغيت تاخذ بعد كم يوم لابتوبي تشيك عليه.
محمد:طيب ..حور انتي بتطلعين الاثنين مكان؟؟
حور:لا ليش يعني شمعنى هاليوم تسال عنه؟
محمد:ولااحد عازمك؟
حور:لا مااحد.
محمد:ايوا افتكرت بتطلعين او معزومه المهم يالله سلام.
وطلع حور مستغربه شفيه يسال عن يوم الاثنين ؟ بعدها كلم محمد ناصر عشان يروح له
وشوي الا اسيل جات بيت عمها وكانت فرحاانه بجوالها الي طلعه لها ابوها وبس
وصلت وهي تصارخ في المكان حور سمعت صوتها ونزلت لها تشوف شنو فيها
حور:ووووووجع شفيك؟
اسيل:حووووور حووور ونااسه.
حور:وجع ياحماره شفيك؟
اسيل فتحت شنطتها وطلعت جهازها ورفعته بوجه حور
اسيل:طلعت جووال طلعت جوال.
حور:يااحظك متى طلعتيه؟
اسيل:اليوم قلت لابوي وطلعه لي ونااسه حوير.
حور:اشوفه طيب عطيني اياه.
جلسو على الدرج ثنتينهم يلعبون بهالجوال ولابحول احد من كثر ماهم مفهين عليه
حور:مااعلي منك ابي جوال.
اسيل:والله طلعي لك قولي لابوك يطلــ...
حور طالعت اسيل وعيونها كلها لوم لاسيل وكانت تنتظرها تكمل كلامها
اسيل:حور انا اسفه والله ماكان قصدي.
حور:عاادي ماقلتي شي بس صح لازم ابوي يطلع لي وانا ابوي مااشوفه يعني ماافي جوال
اسيل:حوور لاتتكلمين كذا.
وشوي الا قطع كلامهم صراخ داانه الي دخلت برجتها هي الثانيه وعلى طول قطت العبايه
والشيله بالطريق على الكنبه وجلست معهم على الدرج وفي يدها شنطتها
دانه:اتحداكم تعرفون شنو عندي؟
اسيل:الناس يسلمون اول.
حور:علمي نفسك يابعض الناس ..وبعدين وجع في حلوقكم ماتدخلون الابصراخ.
داانه:المهم سلاموو وفكونا قولو شنو بالشنطه؟
اسيل:ماادري خلصينا قولي لنا انتي.
دانه:لااا توقعو .
حور:امممممم اممممم ماادري.
دانه:مالت عليك ..شوفو شنو فيه.
فتحت شنطتها وطلعت يدها شوي شوي من الشنطه
دانه:دن دن جوااااااااااااال طلعت جوال.
اسيل:ياااقلاده بس قلت لها سوت مثلي.
حور:وانتي قايله لها قبلي.
دانه:اايه وانا مااصبرت اسول يصير عندها وانا لا .
حور:طيب وانا اخر من يعلم.
اسيل:مو كذا بس تعبت على مااقنع ابوي ونسيت اقولك ودوينه متصله خبرتها.
دانه تربعت على الدرج وتلعب في جوالها وقالت
دانه:ولاتعبت ولاشي بس قلت لابوي وقال تامرين وقال لعلي اخوي وشراء لي.
حور:يالله مبروك عليكم الجولات وعقبالنا.
جاسم نزل من فوق وشافهم على الدرج وسلمو عليه واسيل مو مصدقه ان عندها جوال
اسيل:جااااااسم شوف جوالي.
دانه:وانا بعد شووف جوالي.
جاسم:ياسلاام مبروك مبروك متى طلعتو جوال؟
اسيل:اليوم ثنتينا.
دانه:واول من خزنت رقمه انت .
اسيل:صح وانا بعد بس قبل ابوي.
جاسم:طيب نسيتوني علي عند الباب بروح اشوفه انتظرو.
وراح عنهم اسيل بس سمعت علي واستانست وابتسمت غير عادتها اذا جابو طاريه تتغير
الوانها وتسكت وحالها ينقلب.. هالمره غير ودخل علي مع جاسم وهي على طول رتبت شيلتها زين
وجلست على الكنبه وقامو كلهم معها وجلس علي وسلم عليهم
علي:مرحبااا بنات شعلومكم؟
كلهم ردو عليه:مرااحب تمام والحمدلله.
ولاول مره اسيل تكلم علي من بعد الي صار وشوفتها له في بيتهم
اسيل وهي تبتسم: شخبارك علي ان شاء الله بخير؟
علي تعجب من اسيل لكنه رد عليها:الحمدلله اسال عنك؟
اسيل:صحيح تسال عنك العافيه ووينك من زمان ماشفتك اشتقنا لك.
علي وحاس مثل الكل بتغير اسلوب اسيل معه كيف تكلمه بجراءه اكثر غير عن سكوتها الاول
وكيف كانت ماتتكلم بس يدخل وتجاوب على قد سؤاله.
علي:تشتاق لك العافيه بس كنت مشغول شوي.
دانه:علي اسووول طلعت جوال مثلي.
علي:اووه صحيح مبرووك .
اسيل:الله يبارك فيك وعقبال حوور.
علي:حور عاقله مو مثل دووينه مالها بالجوال.
حور:شنوو من قال قصدي صح كلامك بس انا..
جاسم:هههههه وهقت البنت ياشيخ ولايهمك اذا تبين اطلع لك جوال.
حور:صج جااسم قول والله؟
جاسم:هههههه والله.
علي:وانا علي الجهاز شتبين بعد؟
حور:ونااااااسه اجل ابي جوال.
جاسم:ان شاء الله.
اسيل:شعليك ياحوير الكل يلبي لك .
حور:بسم الله بلا حسد ذكري الله.
اسيل:هههه لا اله الا الله ماقلنا شي.
قام جاسم عشان بيبدل ملابسه ويطلع مع اخوه علي وحور مع دانه قامو لغرفه حور اسيل
كانت بتلحقهم بس ضلت شوي مع علي تبي تكلمه
اسيل:علي.
علي:هلا.
اسيل:ممكن اخذ رقم جوالك يعني عشان ارسلك وكذا وجوالي فااضي مافي أي رقم.
علي:ههه عادي سجليه عندك.
اسيل فرحت وعلى طول اخذت الرقم من علي وشكرته وراحت لفوق اما هو طلع مع جاسم
ودخلت وهي فرحاانه ومتشققه من فرحتها
دانه:شوي شوي على روحك فاتحه الفم.
اسيل:اخذت رقم علي هو عطاني اياه.
حور:الحمدلله الله يهديك بس.
اسيل:جب ثنتينكم وماعليكم مني.
حور:مااعلينا منك ..صحييييييح ماقلت لك لمووي اليوم سعد بيجي هو واهله يخطبونها.
اسيل:قوولي والله ونااااااسه من قدك يا لمووي واخيرا بتاخذين سعد.
دانه:هي هي شسالفه شتقولون ثنتينكم ومن سعد؟
اسيل:سعد يحب لموي وهي تحبه وتموت فيه واليوم بيخطبها.
دانه:ومن قالكم انتو؟
حور:من بعد لمياء.
دانه:وليش ماقلتو لي يالي ماتستحون.
حور:هي قالت لاتقولون لااحد وهذا علمناك يوم صار شي وتقدم لها بس ادعو ابوها يوافق.
اسيل:وليش مايوافق حرااام.
حور:ماادري بس لمياء خايفه وكلمتني وهي تصيح وانا قلت لها تهدي.
دانه:لاتحاتون ان شاء الله بيوافق وبيصير ونااسه لمووي وتتزوج.
حور:ههههههه والله وكبرت لمووي.
اسيل:عقبااااااااالي .
دانه:استريحي انتي من يبيك؟
اسيل:حبيبتي الكل يتمناني بس ااشر.
دانه:يوه يوه شوي شوي على روحك اشوف علي يطيح ويقوم وهو يتمناك.
اسيل انقهرت من كلام دانه:علي لي وبتشوفين بس انتظري مااكون اسيل.
حور:هي هي ان شاء الله لك بس عاد شفيكم بتتهاوشون.
دانه:ولا بنتهاوش ولاشي عاادي.
اسيل:عاادي بس نتناقش انتي شفيك؟
حور:المهم الحين قومو نكلم لمووي نشوف شتسوي.
اتصلت اسيل من رقمها على لمياء عشان تكلمها وفي نفس الوقت عشان تعرف رقمها
لمياء:الوو.
اسيل وحور ودانه في نفس الوقت:هلا بالعرووووووس.
لمياء:ههههه يقطع شركم يالسخيفات ماصار شي للحين.
دانه:اقول لمووي ماعنده اخو.
لمياء:ههههه دندونه من متى تعرفين بعد انتي؟
دانه:توهم علموني اليوم ماتستحين ماقلتي لي انا اوريك بس المهم بشري شنو صار.
لمياء:ولاشي ماصار شي .
اسيل:طيب لمووي سجلي رقمي عندك.
حور:اقوول وخروو سمعي حبيبتي اذا جاو اهله ودخلتي وخلصتو كلمينا اوكي.
لمياء:ان شاء الله هم جاو بس ماابعد ادخل .
داانه:حبيبتي بتصل عليك وخزني رقمي انا بعد اوكي؟
لمياء:حتى انتي طلعتي مبرووك.
دانه:يسلموو بس شفتي سعد وهو يدخل ولا لا؟
لمياء:ههههه يقطع بليسك مااشفته.
دانه:ولا اخوه؟
لمياء:هههه ماعنده اخوان وحيد..
دانه:طيب ولا..
حور:ولا سلف فكينا خلي البنت تشوف ضيوفها يالله لموي حبابه تامرين شي؟
لمياء:سلامتك بس بنات متوتره.
حور:لاتتوترين حبيبتي ولاتخافين توكلي على ربك.
لمياء:الله كريم بايوو بنات.
البنات:بايووووو.
دانه سوت مس كول للمياء ومن بعدها قعدو البنات يسولفون ومرت ساعه وهم على هالحاله
دانه اتصلت على زوبا وجلست تسولف معها و حور شغلت كمبيوترها ودخلت مسن ماشافت احد
وجلست تتحوس بالنت واسيل تلعب في جوالها
وارسلت رساله لعلي كتبت فيهالاتترك الايام تمر من دونك والله لو تدري بغلاك وقدرك
كان تدمع عيونك).
ارسلتها وهي مستانسه وجلست تنتظره يرد عليها علي كان مع جاسم في القهوه وسمع
صوت المسج وفتحه شافه من اسيل وجلس يقراءه استغرب من الكلام شقصدها بس لازم
ارد فشيله ماارد وجلس يدور رساله في جواله يرد عليها ولقى رساله حلوه ورد عليها
اسيل بس شافت الرساله مااصدقت وطارت من الونااسه وخايفه تفتحها واعصابها متوتره
فتحتها ولقته كاتبمصير الليالي تجمع الحي مع حيه تموت القلوب الخاليه بين زين وشين وتعيش
القلوب اللي على الحب مبنيه ترى البعد بعد القلب ماهو بعد العين اليا صار
من ودعك يوعدك بالجيه).
فرحت بالرساله وعجبتها احتارت ترسل ثاني له بس شنو بيقول لو ارسلت له هالكثر رسايل
وجلست تفكر ترسل او لا وقررت ترسل ثاني وماهمها شنو بيقول وارسلت له
هو بس سمع صوت المسج فتحه وشاف اسيل ضحك شوي واستغرب منه جاسم شفيه
جاسم:شفيك تضحك
علي:هههههه لا بس واحد راسل لي رساله وشوي ضحكتني.
فتحها يقراها ويشوف شنو كاتبه له هالمره بعد
(ليتك تمر اليوم عندي واحاكيك واقول لك من كثر شوقي
وعلومي حتى القمر لو تطلبه قال لبيك يخضع وتخضع وراه النجومي مايسر قلبي غير
حبك وطاريك اشتاق لك حتى وانا في حلومي).
علي كان يظن ان اسيل ترسل له عشان جوالها جديد بس انصدم من كلمات الرساله
مايصير ترسل لي كلام مثل هذا لو دانه ممكن بس هي مااتوقع تعتبره عادي اكيد تقصد شي
احتار في بنت عمه قام من عند جاسم وبعد شوي عنه واتصل على اسيل
هي بس شافت رقمه مااعرفت شتسوي وقامت طلعت من الغرفه عشان ترد وردت عليه
اسيل:الوو.
علي:هلا اسيل.
اسيل:هلا فيك امر وشفيك؟
علي:هاا سلامتك متصل اسمع صوتك وعشان ماتقولين مااتصلت على جوالك الجديد.
اسيل:هههه لا شدعوه ماراح اقول.
علي:مااخلى من هالضحكه ياارب.
اسيل انعقد اللسانها من كلام علي وشكت علي الي يتكلم ولا غيره وهو لام نفسه على كلمته
واعتقد ان اسيل استحت من كلامه وضاع منه الكلام
علي:ااسف اسيل ماكان قصدي.
اسيل:على شنو ؟؟ماصار شي.
علي:اها مشكوره على الرسايل.
اسيل:تسلم وانت مشكور.
علي:العفو بس اهم شي اعجبتك؟
اسيل:اكيد دامها منك.
علي:ليش تفرق اذا مني او من غيري؟
اسيل سكتت شنو قلت انا صج خبله وهو بيقعد يسالني عن كل شي يااربي شقول له الحين
اسيل:قصدي انك اول واحد يرسل لي على الجهاز.
علي:ايوا حلو دامي انا اول واحد.
اسيل:وان شاء الله ماتكون اخر رساله.
علي:لا ماراح تكون اخر رساله بينا.
اسيل:ووعد.
علي:هاا ماتصدقيني..هههه ولايهمك وعد يالغاليه.
اسيل:اوكي بنشوف.
علي:طيب تامرين حاجه؟
اسيل:سلامتك بتقفل خلاص.
علي:الله يسلمك..ايه ليش بخاطرك حاجه؟
اسيل:لا مشكور فمان الله.
علي:فمان الكريم.
قفل الخط ورجع مكانه والحال عند اسيل الله الوحيد عالم فيه بتطير من الونااسه مو مصدقه
هي سولفت وضحكت مع علي مستتتحيل رجعت للغرفه وعلى طول راحت لحور وحبتها
على خدها بقووه وقالت:حور انا احببببببببك.
وانسدحت على السرير تحت رجول حور وغمضت دانه ماتت من الضحك وهي تكلم
بهالجوال على الموقف الي صار قدامها اما حور ماستوعبت شسالفه ورجعت للكمبيوتر
كانت ترسل لعبدالرحمن وتوها راسله الا تم تسجيل دخول(لاتبعدي) حور قرات النك نيم
وراحت تشوف من الي دخل مسن وشافت الايميل وعرفت انه عبدالرحمن
(لاتبعدي):ممكن اقول مساء الخير.
(النظره الخجوله):ممكن انا اقولك مساء النور والسرور.
(لاتبعدي):اها واخبارك ان شاء الله تمام؟
(النظره الخجوله):اممم تمام الحمدلله اسال عنك؟
(لاتبعدي):دووم ههههه من سالتني عني؟يارب تسال عنك العافيه.
(النظره الخجوله):سالت عنك الهوى والعصفوره.
(لاتبعدي):شنو قالو لك ؟
(النظره الخجوله):قالو انك بخير ومشتاق لي هههههه.
(لاتبعدي):هههههه اخس يالواثقه لكن اصدقو اشتقت لك.
(النظره الخجوله):يسلموو وانا مس يووو.
(لاتبعدي):طيب شتسووين الحين جالسه؟
(النظره الخجوله):ولاشي اتحوس بالنت وانت شتسووي؟
(لاتبعدي):انا وراي كم شغله بخلصها وطالع.
(النظره الخجوله):ايوا يعني مشغول.
(لاتبعدي):اايه يالغلا بس جيت اسلم.
(النظره الخجوله):مشكور والله يسلمك تامر شي؟
(لاتبعدي):سلاامتك سلام.
(النظره الخجوله):سلامووووو.
حور قفلت الجهاز وشافت اسيل نايمه ودانه على حالها وانزعجت منها
حور:دووووينه بسك خلاص.
دانه:زين بايوو زوبا.
حور:قومي ناكل جعت انا؟
دانه:جلسي هالبطه.
جلسو اسيل ونزلو تحت ياكلون وينتظرون لمياء تتصل عليهم.
لمياء الحاله عندها غيرر عن كل البشر حرارتها مرتفعه ويدينها ترجف ومو قادره توقف
من كثر خوفها عطت سيف القهوه للرجال وتوها بتجلس نادتها امها عشان تدخل
دخلت لمياء وسلمت على ام سعد وجلست جنبها وطول الوقت منزله راسها ومستحيا
سعد الجو عنده احسن منها كان شاق الضحكه وطول الوقت سوالف مع سيف الي للحين
مااعرف شنو سبب هالزياره الرسميه لبيتهم
بوسعد:ياابو سيف اليوم انا جاي اطلب يد لمياء لولدي ومايحتاج ازيد كلام مثل مالبنت بنتكم
سعد ولدكم وانتم مربينه ها شقلت؟
بو سيف مااتوقع هالطلب وتعجب بدايه الامر منه لكنه راجع نفسه
بو سيف:سعد ولد والنعم فيه ومااعليه كلام ومايحتاج نسال عنه.
بو سعد:النعم بحالك يااخوي اجل نقرا الفاتحه.
بو سيف:هي لو ذبيحه ماعشتكم بس لازم قبل ناخذ راي البنت وانت عارف توها صغيره.
بوسعد:براحتك يااخوي وحقكم.
بوسيف:بس ان شاء الله خير اقرو الفاتحه.
سعد تشقق من الوناسه وسيف الي فرح لاخته وصديق عمره وحضنه وباسه وبارك له
سيف:مبرووك.
سعد:الله يبارك فيك عقبالك.
سيف:الله يسمع منك واتزوج دامي بفتك من لموي.
سعد:هاا لاتغلط على ام العيال.
سيف:هههههه مسرع صارت ام العيال انا مو موافق على هالزواج وانا اخوها الكبير.
سعد:وانت من طلب رايك؟
سيف:هااسعد لاتخليني اتهور هههههه.
سعد:هههههههههههه .
باركو لبعض وضلو شويه عندهم من بعدها مشو وبو سعد بس طلعو راح لزوجته وبنته
مع سيف
وجلس يسولف من بعدها قال :انا وافقت بس قلت بناخذ راي البنت وسعد رجال وماينعاب
ونعم فيه ها شرايك يا لمياء؟
لمياء مستحيه من ابوها ومنزله راسها ونفسها تصرخ تقول اااااايه موافقه بس مو قادره
كانت ساكته ولاتتكلم وبعدها قالت كيفك يبه.
بو سيف:لا يابنتي الله يستر عليك انتي الي تختارين يا ايه يا لا.
سيف:توها صغيره لا .
لمياء ارفعت راسها وودها تسطر سيف الي جالس يصعب الامر عليها بدل مايهديه.
بو سيف:ها يا بنتي شقلتي؟
ام سيف:خلو البنت على راحتها تفكر بس يا لمياء سعد رجال ونعم فيه.
بو سيف:ولا بنلقى رجال مثله ومثل ابوه وحنا جيره معهم من زماان وعارفين اخلاقه
ومعدنه وسعد ماينتفوت .
لمياء:براحتك يبه الي تشووفه.
سيف:فهموها مووافقه بس يعني مستحيه ليش تحرجوني هههههه.
لمياء عصبت وجلست تطالع اخوها بنظرات تهديد وهي طالع خلقها عليه من حركاته
البايخه الي قاعد يسويها بس هين ياسيفوو انا اوريك بيجي لك يوم.
ام سيف:اسكت عن اختك ولا تجننها.
بو سيف:ها يالمياء نقولهم موافقين؟
لمياء مرتبكه:اايه.
بو سيف:على بركه الله بكره اكلم بو سعد وان شاء الله مايصير الا الخير.
ام سيف:الله يقدم مافيه الخير.
لمياء قامت على طوول لغرفتها وهي تحس جسمها بيذوب من كثر حرارته وقلبها يدق
بقووه ونفسها متقطع وكانت فرحااانه وبس دخلت غرفتها قامت تضحك ولمت وسادتها
وهي تضحك وتصاارخ اخيرا سعد لي سعد لي الحمدلله ياربي الحمدلله.
تذكرت حور واخذت السماعه واتصلت عليها وردت دانه
دانه:الووو.
لمياء:هلا دندونه حور جنبك؟
دانه:لموووووووي بشري شصار؟
اسيل وحور كانو يسولفون وبس سمعو اسم لمياء قامو على طول وراحو لدانه الي طلعت
سبيكر عشان يسمعون ويتكلمون كلهم
حور:هاا لمووي بشري.
لمياء:هههههه شوي شوي علي كلتوني يمه.
اسيل:مو فاضين لك قولي شصار؟
لمياء:اول شي شخباركم شخبارالجو عندكم؟
اسيل:لموووووووووي وجع تكلمي.
لمياء:ههههههه ماصار شي .
دانه:شلون ماصار شي؟
حور:تكلمي مثل الناس لا اذبحك وربي.
لمياء:هههه طيب جاو وكلمو ابوي وابوي وافق وسالني عن رايي.
اسيل ودانه:وشنو قلتي؟
اسيل:اكيد مو افقه.
لمياء:لا مااقلت سكت وقلت كيفكم.
حور:حمااره كان قلتي اايه.
لمياء:ابوي قال مو افقه قلت اييه.
دانه:الحمدلله ريحتيني ههههه
اسيل:مبروووك لمووي وعقبالنا يااارب.
حور:مبروك ومتى العرس؟
لمياء:هههه الله يبارك فيكم وتو الناس.
دانه:يؤيؤ صحيح مبرووك لموي.
لمياء:الله يبارك فيك يارب وعقبالكم كلكم.
حور:مااتصل عليك للحين ولا ارسل لك؟
لمياء:الا ارسل.
اسيل:شنوو كاتب فيها؟
لمياء:شدخلكم؟
دانه:لموووي اها عاد قولي لنا شكاتب؟
لمياء:اممم كاتب تكفين حبيبتي ردي على اتصالاتي تعبت مشتاق لصوتك وعندي لك كلام.
اسيل:الله ونااااااسه.
دانه:يااحظك لمووي.
حور:رديتي ولا ارسلتي له.
لمياء:لاذا ولا ذا طنشت.
اسيل:حراام مسكين ردي.
لمياء:ههههه الطيب عند ذكره هذا هو يتصل يالله بنات.
البنات:بايوووو.
دانه:سلمي عليه هههههه.
لمياء:مووتك يالله باي.
سكرو منها وهم يضحكون والي تصارخ من الونااسه وكل وحده بتتصل على الربع تعلمهم
فضحو البنت وشوي الا جا علي مع جاسم ومحمد في نفس الوقت وشافو حالهم كذا
الي بتلفون والي الجوال وتهذر
علي:شسالفه يا حلوات؟
دانه:لمووي بتتزوج ونااااسه.
محمد:هههههه يعني هي فهمتنا من لمووي؟
دانه:صديقتنا بتتزوج اليوم خطبوها.
جاسم:وانتم تنشرون الخبر ياسلااام على الشطار.
حور:يووه لازم نقول للبنات.
علي:ههه طيب مبروك.
حور:الله يبارك فيك.
اسيل طالعت علي:عقبالك علي.
علي طالعها وابتسم وكان يشوف نظره غريبه في عيونها حسها غير عن كل مره تطالعه فيها
مااعرف يفسرها لكنه تجاهل هالنظره ورد عليها
علي:وعقبالك انتي ياررب.
محمد:وانا ياارب,
الجميع:هههههههههه.
قطع ضحكهم صوت التلفون وردت اسيل على المتصل
اسيل:الوو
بدور:هلا اسوول حور هنا؟
اسيل استغربت شتبي بدور من حور بعد:اايه انتظري.
ونادت اسيل لحور وسالتها من وقالت لها بدور وهذيك برضو استغربت اما محمد بس سمع
الاسم تعدل بجلسته وقلبه قام يدق والسالفه قربت عنده
حور:هلا بدوور.
بدور:هلاا بحور..شخبارك ؟
حور:تماموو اسال عنك؟
بدور:تسال عنك العافيه يارب.
حور:ااامري شفيك؟
بدور:فااضيه انتي بكره؟
حور:اايه ليش؟
بدور:قلت اذا تقدرين امر عليك انتي واسيل ودانه وتروحون معنا انا ونوف وسمر السوق
عشان ناقصنا كم غرض لزواج سمر وقلت فرصه نلتقي ونروح مع بعض تقدرون تجون؟
حور:والله ماادري انتظري شوويه.
حور:جااسم عادي اروح السوق بكره مع بدور؟
جاسم:ليش وشعندها بدور في السوق؟
حور:بنجهز لزواج اختها هاا شقلت؟
دانه:صحيح اخوي قول اايه خلينا نروح.
اسيل:صح جاسم خلينا نروح.
محمد:وانتي عزمتي نفسك معهم يادووينه وانتي الثانيه شدخل اخوي فيك قولي لعمي.
دانه:ماعليك مني.
اسيل:ابوي عاادي بيرضى اذا رضى جاسم ها جاسم؟
علي:يالله ياجاسم علشان اسيل وافق.
استغربو البنات علي يقول كذا شصاير من متى هالكلام ودانه الله خير ماتسكت عن شي
دانه:اووه شالحركات عشان اسيل.
اسيل استحت ونزلت راسها وقلبها طاير من الفرحه ومن كلام علي المتغير معها
علي:اقول دووينه لاتروح خلوها هنا.
دانه:لااااا علي لاا لاتسوي كذا.
حور:اووووف خلصونا شقول للبنت؟
جاسم:طيب روحي بس لاتتاخرون من الحين اقولكم.
حور:ان شاء الله.
ورجعت تكلم بدور الي تنتظرها وهي خاايفه ماتوافق ويزعل محمد عليها
حور:خلاص اتفقنا متى بتجين؟
بدور:الساعه 7 بالضبط عند بيتكم اوكي؟
حور:اوكي.
بدور:تامرين حاجه؟
حور:سلامتك وسلمي على العروسه ههههه.
بدور:ههه يوصل باي.
حور قفلت ورجعت جلست مع الباقي وبدور ارتاح بالها كلها يوم وتشوف محمد وتخلص.
لمياء بس قفلت من حور ردت على سعد الي ذابحها اتصالات
لمياء:الوو
سعد:حي هالصووت.
لمياء:الله يحيك امرر شنو بغيت؟
سعد:افاااا شلون شنو بغيت؟
لمياء:جالس تتصل شنو تامر فيه؟
سعد:امر على قلبك يحن علي شووي وتعطينا وجهه.
لمياء:هههههه سعد بلا هالكلام قول شفيك؟
سعد:اااه ياقلب سعد من هالضحكه.
لمياء:سعدد.
سعد:يالبى قلبي.
لمياء:خلااص عاد.
سعد:ان شاء الله الحين قوليلي شخبارك؟
لمياء:الحمدلله انت اخبارك؟
سعد:انا من بعد هالصوت بخير.
لمياء:شقلنا خلاص.
سعد:هههه طيب شنو قال عمي؟
لمياء:مااوافق قال مانبيه.
سعد:كذاابه هو وافق يعني بس باقي انتي؟
لمياء:انا قلت لا توني صغيرره.
سعد:لميااء حبيبتي جد قولي.
لمياء:قول لسيوف الملقوف قال صغيره لاتزوجونها.
سعد:ااخ يانذل دواه عندي.
لمياء:انا وافقت وابوي بيكلم ابوك بكره.
سعد:جد ياافرحتك ياسعد.
لمياء:طيب الحين اخليك فيني النوم من امس مانمت.
سعد:اوكي وانا مثلك.
لمياء:نوم العوافي حبيبي.
سعد:الله يعافيك تامرين شي؟
لمياء:سلامتك وراحتك.
سعد:تسلمين لسعد ياارب.
لمياء:بايوو.
سعد:باي.
قفل من عندها وحط راسه ينام عشان تمر الساعات الي تفصله عن بكره ولمياء
من حطت راسها وهي تحلم بسعد وحياتها مع سعد وشلون بتكون ونامت وهي تفكر في حبيب قلبها.
.................
بدور تذكرت انها لو بس اعزمت حور بيشكون قامت واتصلت بباقي البنات واول من كلمت فطوم
وخااصه لان فطوم ذووق بسوق وستايل فحبت تكون معهم اتصلت عليها
بدور:الووو.
وزيد الي رد عليها:الوو هلا والله.
بدور انزعجت من اسلوبه ليه يقول هلا والله يعرفني هو عشان يقول كذا.
بدور:السلام عليكم.
زيد:طيب وعليكم السلام.
بدور:موجوده فطوم؟
زيد:موجوده.
بدور:ممكن تناديها اذا ماعليك امر؟
زيد:من عيوني من اقولها؟
بدور:قول لها بدور .
زيد:طيب
وراح ينادي فطوم وقلبه متولع بالصوت الي رد عليه يااسلوبها رهييب وكله دلع تجنن
ياويلك يا زيد ملااك شكلها هالبنت ااخ بس ياقلبي وينك يا فطيم ونادى لاخته وجات
فطوم:هلا بدوور.
بدور:هلا بك يالغاليه.شخبارك؟
فطوم انا الغاليه شسالفه؟؟:تماموو انتي بشري شحالك؟
بدور:بخير الحمدلله بس بقولك اذا بكره فاضيه بنروح كلنا السوق ومعنا حور والبنات عشان
نشتري الناقص لزواج سمر وقلت لازم فطوم معنا هاا بتجين؟
فطوم:ونااااااااسه اكيد بجي احد يفوتها ومشكوره.
بدور:العفوو نلتقي الساعه7 اوكي؟
فطوم:اوكي تامرين حاجه؟
بدور:سلامتك بس من رد علي من شوي؟
فطوم:هههه اخوي زيد اكيد ازعجك.
بدور:لا بالعكس بس انا حبيت اسال من.
فطوم:عادي اذا ازعجك قولي لي؟
بدور:هههه لا مازعجني يالله نلتقي بايو.
فطوم:بايووو.
وكملت بدور اتصلت على باقي البنات زوبا واختها نوره وكلمت لمياء واعتذرت منها
لانها يمكن بكره تكون مرتبطه ومااتقدر تطلع معها
اما فطوم راحت على طول لابوها تاخذ رايه واكييد بيوافق لان فطوم تبي هالشي
وشوي وهي جالسه مع حسين وزيد وابوها جاها مسج من رقم غريب فتحته ومكتوب فيه:
(مشتاق لك يااحلى قمر.مشتاق لك وعيوني تعبها السهر..حن وارحم قلب مات من القهر
سجلي رقمي ياالدبه انا الدانه).
فطوم قامت تضحك على خبال دانه وسجلت رقمها وشوي الا يوصلها مسج ثااني:
(مساء الحب ياضحكه عمر من قلبي اغليها مساء النور ياشمعه عسى الله لايطفيها....
فطوم انا اسوول هذا رقمي)
وهنا فطوم رجعت تضحك واهلها يطالعونها مستغربين وشفيها
حسين:الحمدلله والشكر لك يارب.
زيد:شفيها يبه بنتك جنت؟
بو حسين:فطوم ضحكينا معك شفيك؟
فطوم:هااا لا بس جايتني رسايل من البنات توهم مطلعين جوالات وضحكتني.
بو حسين:طيب.
حسين:عاد الحمدلله مراهقات واستلمو جوالات الله يعين بس.
فطوم:استريح بس وماعليك من المراهقات.
زيد:فطيم الي مساعه اتصلت ماعندها جوال؟
فطوم:من قصدك بدور؟؟عندها ليش؟
زيد:ياشيخه هذي هلاك عطيني رقمها هههههههه.
فطوم:قوم عن وجهي.
حسين:لا يا زيد مو هذي الي صوتها هلاك عندك صديقتها حور تحييك وتموتك بصوتها .
زيد:مااسمعته عطينا رقم حور طيب؟
فطوم:هي انتو استحو وبعدين انت شنو عرفك بصوت حور؟
حسين:هي متصله ورديت وقالت تبيك وكنتي نايمه.
زيد:غرريب ياحسين اختنا هالفاشله صديقاتها هالحلووين.
فطوم عصبت عليهم:يباااااا شوف هالسخفين.
زيد وحسين:ههههههههه ههههههههه ههههه.
بو حسين:هههه شفيك ماصار شي يمزحون معك؟؟وانتو بسكم عيب خلو بنات خلق الله.
فطوم:سخفين ولا بجالسه معكم بقوم.
حسين:لا ارجووك.
زيد:بالناقص تريحينا.
بوحسين:لا جلسي انتي شمعتنا.
زيد:فطيم شمعتنا؟
حسين:عادي روحي مركبين كهرب لاتصدقين حالك.
زيد وحسين:هههههههه هههههه.
فطوم تركتهم ومشت راحت لغرفتها وهم يضحكون عليها وعلى عصبيتها الي مالها داعي.