رد: "مال الهوى عندي عذر ".
"مال الهوى عندي عذر ".
ثلاث ايام وماارجع البيت كان متردد ضايع بين افكاره ومحتار شنو يقول لو رجع ؟؟
من الغلطان ؟؟هو مظلوم مااغلط الحيره ذبحته اول مره يحتار بشي بهالطريقه كان منسدح
على السرير وغاارق بافكاره انفتح الباب ودخلت فاتن برقتها كانت جلست على طرف السرير
وماتكلمت تطالع في بوحسين وتنتظره يرجع لها من بحر افكاره وحزنه حطت يدها على كتفه ولف
عليها ابتسم لما شافها وسند راسه على رجولها وضم يدها له
فاتن حضنت حزنه:بوحسين شفيك؟؟صاير حززين وبالك مو معي ابد؟
بوحسين تنهد:اااه معك صدق ماابي اخسرك يافاتن ولاابي اخسر عيالي.
فاتن بتفائلها:ليش تقول هالكلام انت ماتدري عن رايهم انتظر وشوف جرب
توصل لهم الخبر بعقلانيه وشكل حلو واكيد بيتقبلونه ولا اعذرني يالغالي انا تعبت
من شوفتك بضياع هذا.
بوحسين يطالعها:ردت فعلهم من كم يوم رجعتني الف خطوه وخطوه بموضوعنا يافاتن
شسووي مو قادر اروح لهم البيت واصارحهم ولا قادر اعيش معك براحه كم يوم.
فاتن:شيل هالافكار من راسك قووم معي مسويه لك احلى فطور.
بوحسين مبتسم:طيب بقوم بشرط في عالطاوله عسل؟
فاتن بدلع:افا عليك مااكفيك انا عسل؟؟
بوحسين:هههههههه تكفيني يالله قومي ياعسل.
وراح معها يفطرون وهو متناسي همه وحيرته وهي اسعد انسانه بوجوده بحياتها.
.............................. ..........
حور مشغوله بالمطبخ ودانه بالصاله واسيل تجهز غرفة علي كانت حاطه عند السرير
ورد وبطاقه كاتبه فيها بكل جرأه:"أحــــــــــــــــــــــ بك....اسيل"
كانت تشم الغرفه الي ريحتها جنان من البخور والعود ام علي كانت معها ترتب دولابه
وملابسه اسيل جلست على السرير وكانت تمسح على المفرش وتحلم ببعيد ام علي بكل حب
تطالعها ونطقت:الله يهني ولدي فيك.
اسيل لفت على ام علي وهي مستحيه وخدودها حمرا:خالتي شتقوولين؟؟
ام علي:ااقول الحق يابعد خالتك.
اسيل وزاد حياها:يووه خالتي تو الناس على هالكلام.
ام علي:يالله بس مو علي هالكلام عاارفه كل شي وقولي لي يمه ولا بخلي علي بعدين يوريك
شغل الله اذ ناديتني خالتي.
ضحكت اسيل وضمت ام علي بكل حب شافت الحنان في صدرها اليوم بس لقت صدر بدل
المرحومه امها يضمها ويعيش معها فرحها.
صعدت داانه تصارخ ومعصبه:ياسلاااااااااام انا بهالغبار بصاله انظف مع الخدامه وانتو بالعسل
والله ظلم يبي لكم حد يطقكم.
ام علي:بلا طوالة لسان الله يفكنا منك بسرعه يا دووين.
دخلت حور مع ابوها وهم يسولفون وبينهم الحب باين
بوجاسم:الله الله شالزين كل هذا لعلي الله لي.
حور:افا عليك يبا حنا كلنا لك.
بوجاسم:ماتقصرين ياحور.
دانه متخصره بيدينها:هي هي لاتبيعين كلام على حسابنا.
حورر:جااب ماعليك مني.
اسيل راحت لعند عمها:شرايك عمي بعد ماغيرنا ترتيب الغرفه له؟؟
بوجاسم بحماس بنت اخوه:حلوووه دامها فكرتك يا اسووول مسوين علي معرس.
ام علي تضحك:وان شاء الله قريب بيصير معرس.
وطالعت اسيل الي نزلت راسها وهم ضحكو عليها وهي ماتت بحياها وكلامهم
طلع بوجاسم وزوجته وضلو البنات جلست حور متربعه على السرير ودانه منسدحه عليه
حور:ااااااااااه.
دانه:اوووووووووووووووف لمتى انا بهالحال بمووت؟
حور:سلامتك وسلامتي ههههه شفيك؟
دانه:متى هالسيف بيحس فيني؟؟ودي اقول للموي خليه يحس.
حور والدمع بعيونها:احسن لك دامه بعيييد اقلها عندك امل.
دانه:لاتقولين كذا وانتي بعد مو بتعطينه الساعه بتلين قلبه شووي.
حور نزلت دمعتها:شتقوولين يادانه انا وعبدالرحمن انتهينا خلااص.
دانه جلست تربعت:شلوون من متى هالكلام؟؟
حور بغصه:لما حاولت اكلمه بحادث علي ماووقف معي تركني مادارى دمووعي.
وشهقت بصوت عالي وضمت اختها وظلت تبكي وتبكي نزفت عبدالرحمن وخذلانه.
اسيل كانت عاجزه تتكلم تسمع وقلبها يتحطم كانت دموعها توضي وجها وتغسل الحزن
من بين دموعها ابتسمت وعقدت حواجبها:يالله قومو عن سرير علي لاتخربونه.
دانه:كيفنا مابنقوم وانت شدخلك؟
اسيل:والله هذا سرير زوج المستقبل يالله اشوف انقلعو بره.
حور تمسح دموعها:ههههههههههههههه من الحين بتسوين كذا مانبيك لاخوي.
اسيل:افا عليك انتي غير هذا الاسلوب لدووينه.
حور:بنات طلبتكم لاتجيبون طاريه قدامي خلووني انساه.
دانه:بس بتتعبين حوور مو سهل ولاتستسلمين شووفي اسيل.
اسيل ببتسامه:صح يمكن الله يكتبه لك.
حور مقهوره:مستحيل اقبل فيه حتى لو جاني جرحني هالمره بقووه ماابقدر اسامحه
دانه تقنعها:خلينا نحاوول فيه يمكن يحس بذنبه.
حور:افهمووني هو هانت عليه دمووعي تخلى عني شنو بااقي اكثر يسوي عشان افهم
اني مو له هاا جاووبو.
اسيل سكتت ونزلت راسها وماعلقت بكلمه كلام حور كان حق مايقدر حد ينكره
دانه مصره:انتي خلك من الكلام وبعدين يصير خير ويالله فليها عااد.
وطلعو البنات يتهاوشون ونزلو تحت كان بوجاسم بيطلع بعد
حور:ووين يبا.
بوجاسم:عند الباب يقولون علي جا من المستشفى مع اخوانه.
لبست اسيل شيلتها وقلبها طااير من الفرحه دقات قلبها ترقص على نغمات الشوق
والحب الي اجتمع بهاليوم ورجع لها حبيبها
كانت تطالع الباب وتنتظر لحظة دخووله انفتح الباب وهي مبتسمه ودخل محمد بيده
اغراض كلهم عقدو حواجبهم لما شافوه داخل لحاله
دانه:هذا انت مع ووجهك.
محمد برود:ليش شفيكم؟
دانه:ووين علي؟
محمد:بيجي.
ودخل جلس معهم وهو ساكت ومرت دقايق وانفتح الباب مره ثانيه وقفت اسيل
وخااب املها ثاني دخل ابوها وسلم وهي استسلمت بمكانها انفتح الباب ودخل بوجاسم
وبيده عبير ومعه ساره وراهم علي الي كان عكاز بيده واخوه جاسم ماسك يده يساعده
كلهم راحو لهم يسلموون عليهم الا اسيل تجمدت مكانها ودموع الفرح معها جاامده كانت
تطالعه وهو يطالعها عيوونه حولينها هالات سوده من التعب وضعفان شووي لاول مره تصير
له عوارض مطلعه وجهه نااعم ومعطيه له متن بوجهه كان مبتسم بوسط شحووبه ام علي
نادت عليها تجي
ام علي مبتسمه:اسيل تعااالي سلمي على ولد عمك.
اسيل راحت وبحيا نطقت:الحمدلله عالسلامه.
علي رد بحنان:الله يسلمك.
الكل يراقبهم ونظراتهم وبداخله فرحااان لهم جلسو يسولفون واسيل وعلي قلوبهم ودقاتهم
وارواحهم بعالم ثاني علي يحاول يشيل عيونه عنها مو قاادر وهي مستحيه منه لف على عمه
علي:عمي انا طالبك اليوم طلبه.
بو اسيل:امر يالغالي شنو عندك
علي:مايامر عليك عدو بس انا.. انا..
قاطعه بوجاسم:تعطينا بنتك يااخوي لعلي؟
اسيل قامت لان الفرح والخجل ذبحها وعلي يطالع ردت فعل عمه
داانه ضحكت:ههههه استحت ووقفي سمعي الرد
محمد:استحي دووين.
دانه مدت بوزها:كيفي والله يهديك يبا كان خليت علي متوهق بالكلام.
بوجاسم:هههه مايصير لازم اساعده ابوه انا.
حور مبتسمه:خلونا نسمع راي عمي شنو قلت؟؟
بواسيل:بعد شنو اقوول الله يوفقهم ويهنيهم البنت بنتكم وبشوركم.
بوجاسم:تسلم يااخوي.
ام علي تلالش وعلي مستانس ومحمد يجننه ويطق على كتفه ويغمز له دانه وحور راحو
يركضوون لاسيل يبشروونه وهي مو مصدقه قلبها يدددددددق من الخووف والفرح كانت
مثل الحلمانه مو جايه تصدق الي تسمعه ودانه تصاارخ من الفرح
جوال اسيل يدق وهي مو حاسه ردت بتفهي
اسيل:الوو.
نوف:مبرووووووووووووووووووووووو ووووووووووووووووووك.
اسيل مستغربه:الله يبارك فيك من قالك انتي؟؟
نوف تضحك:هههههه قريت بالجريده يااذكيه.
اسيل رفعت حاجب:بلا بقاااره عااد من قالك؟
نوف متعجبه:شفيك والله قريت بالجريده عطيني حوير ابارك لها بعد.
اسيل:على شنو..؟؟
نوف:على النجاااح ياغبيه على شنووو غيره.
اسيل ضحكت:ههههههههه راح بالي بعيييد عن قصدك.
نوف:ووين راح؟
اسيل بفرح:فكرت على خطوبتي احم احم.
نوف:ومن متى هاااا؟
اسيل:من اليوم .
حور اخذت الجوال بسرعه:الوو نوووف شخبارك؟
نوف بفرح:تمامووو حوير مبرروووك.
حور:الله يبارك فيك على شنو؟
نوف:على النجاح اسمائنا بالجريده.
حور :قوولي والله مع السلااامه بروح اشوفه.
نوف:تعااااااالي ووين شنو خطوبته الي تقول عناها اسوول؟
حور:ااايه مااعلمناك علي خطب اسيل اليوم.
نوف:قووووووووولي قسم ونااااااااسه حركاات باركي لها بروح ابث الخبر بايووو.
قفلت حور وراحت تركض تحت وباخر درجه طااحت وصرخت بقوه
حور:اااااااااااااااه.
جا الكل لها وشافوها بالارض طايحه ودانه تطالعها من فووق الدرج وتضحك
دانه:هههههههههههههههه ماتشوفين ههههههه
بوجاسم مسك بنته:بسم الله عليك قوومي
علي:دوووينه ووووجع نزلي
دانه ماوقفت ضحك:ههههههههههههههههه ههههههههههههه زين جاايه.
ام علي:ماتشوفين شر يمه.
حور ماسكه يد ابوها:مشكوره خالتي.
دانه وهي نازله باخر درجه زلقت وطاحت هي الثانيه ونقعت من الضحك على روحها
دانه:ههههههههههههههههههههههههه ههههههههههههههههه
علي:ههههههههههههههه هههههههه هذي لحوور تستاهلين هههه.
محمد:هههههههههههه دووينه نكته صرتي ههههههه.
جاسم:يالله بس وانتي قووومي ماتشوفين.
دانه:هههههه مو قاادره اوقف من الضحك وشفينا كلنا تكسرنا؟
ساره:لان في مااي عالدرج تو الخدامه كانت تمسحه قبل لاتجون ثنتينكم.
بوجاسم:كان تكسرتو الحمدلله ماجاكم شي.
اسيل نزلت وانتبه فيها علي وبسرعه قال
علي:اسيل انتبهي في مااي لاتطيحين.
دانه وهي مازالت بالارض:ااايه من الحين يخاف على هالعصا لاتنكسر.
علي:سدي حلقك وقوومي ولا عاجبتك الارض.
راحو كلهم لصاله ودانه تهمز في نفسها وتضحك على الي صار بجنون
حور:ماعلمتكم.
بوجاسم:بشري شنو
حور بفرح:انا واسيل نجحنا اسمائنا بالجريده من شراها؟؟
كلهم:مبرووووووك
جاسم:الجريده بسيارتي محمد قووم جيبها
راح محمد وثواني رجع وهي بيده وجلسو يقرونها كانت اسمائهم مكتوبه ومسجلين النسب
جنبها كانت فطوم اشطرهم بنسبة 98 وحور من بعدها 97 اما نوف ونوره مساكين 90 اسيل
كانت وسط 92 يعني احسن منهم حور مو مصدقه معقووله هذي نسبتها رااحت تكلم فطووم
اتصلت بيتهم وردت فطوم بحزن
فطوم:هلا.
حور:هلا فطووم شخبارك؟
فطوم:الحمدلله.
حور بقلق:فطووم حبيبتي شفيك صوتك متغير شصااير لك؟
فطوم بدت تبكي:ابوووي من طلع ماارجع من حادث ولد عمك ماارجع يااحور
حور خاافت:ذكري الله هو اكييد بخير وبيرجع وكل شي تمام لاتحاتين
فطوم:والله مخنوقه احس بموت بدوونه ماايرد على جواله حتى
حور:طيب صبري وبيرجع وانا اتصلت افرحك مو اسمعك تبكين
فطوم:شنو الاخبار الي تفرح؟
حور:اممممم اول خبر علي خطب اسيل.
فطوم:مبروووك فرحتيني بهالخبر وربي.
حور:الله يبارك فيك الفضل لابوك الله يعافيه.
فطوم:مشكووره والخبر الثاني؟
حور بصراخ:نجحناااااااااااااااااااا اااااااااااااااااااا ااااا مبرووووك.
فطوم تصارخ معها:قولي والله ونااااااااااااااااسه كم النسبه ومن اكثر وحده قووولي؟
حور:انتي يادفووره اشطرنا 98 ماشاء الله.
فطوم:ههههههههه بسم الله علي لاتصكيني عين.
حور:هههههههههههههه
فطوم:وباقي البنات؟؟
جلست حور تعلمها وفرحت لربعها قفلت من حور وهي فرحاانه جاها زيد وجلس قبالها بكتابه
فطوم:بارك لي نجحت.
زيد مابرح زعلان عليهم:مبروك.
فطوم تجمعت الدموع بعيونها بسبب برود فرحته انقهرت حسين دخل الصاله ولبس نظارته
الشمسيه اكيد بيطلع وكان يكلم جوال ولا معطي حد وجه يكلم نوره ويبارك لها
بوحسين عند باب بيتهم متردد بدختله فتح الباب ودخل وبيده الجريده ويده الثانيه
صندوق فيه حلاوه وعلبه صغيره ثاانيه فطوم شافت ابوها مقبل ومااصدقت
راحت تركض له حسين وزيد شافوها وانتبهو واستغربو بدخلة ابوهم فطوم حضنت
ابوها وهي تبكي
فطوم:يبااااااا اشتقت لك ووينك؟؟
بوحسين بحنانه:تشتاق لك العافيه وانا بعد مشتاق لكم.
زيد بجديه:وووينك يبا خوفتنا عليك؟
بوحسين:موجود ولاتخافون مابضيع
حسين يطالع ابوه وابوه يطالعه مااحد عارف يبتدي يكسر الحاجز الي انبنى بينهم
حسين باس راس ابوه وباسف قال:سامحني يبا غلطت بحقك
بوحسين:مسموح وانسى الي صار.
حسين:ان شاء الله يبا.
بوحسين عطى فطوم الهديه وباسها على راسها:هذي لنجااحك يالغاليه.
فطوم:شكراااااااااااااا.
فتحت الصندوق وقدمت لخوانها حلاوه منها وانتبهت بالعلبه الصغيره تو بتفتحها
قال بوحسين:لالالا لاتفتحينها
فطوم:ليش؟؟؟
بوحسين هنا توتر:ماتبين تشوفين راعيتها قبل؟
فطوم مستغربه:ومن راعيتها.؟
بوحسين خذ نفس:بقولكم حاجه وابيكم تفهموني ولاتعصبون
زيد:قوول يبا
جلسو حولينه وهو متردد:ياعيال انا حبيت امكم والله يشهد علي لكن مهما الواحد
عاش ماايقدر يكون لحاله صعب عليه الفراااغ يحتاج حد يهتم فيه وانا ياعيال من سنتين
حسيت بهالفراغ ..
فطوم عيونها متشتته من كلامه وقلوبهم كلهم تددق وكانهم خايفين من قصده بالكلام.
بوحسين تنهد:عشان كذا انا تزوجت وماني قاادر اخبي اكثر عليكم وياليت تسامحوني.
زيد مصدووم:معقووووووووله يبا؟؟
حسين بهدوء:اهم شي راحتك يبا انت كان مفروض تتزوج وكلنا كنا حاسين فيك
فطوم محتاره الكلام عالق بلسانها ماتدري شنو تعطي رايها فيه؟؟
بوحسين:مشكور ياحسين وانت يازيد وانتي يافطوم؟؟
زيد ابتسم:هه انا ماادري لكن الفكره غريبه
بوحسين ابتسم بقلق:وانتي يافطوم؟
فطوم وقلبها مقبوض:مااتوقعت بيوم وحده بتاخذك مني.
بوحسين:مااحد خذني يالغاليه انا دووم لك يابعد ابووك.
فطوم:بس ليش ماقلت قبل؟؟
بوحسين:خفت ماتوافقون بس اليوم قلت ماايصير اسكت اكثر
فطوم:زين من هي شلوون شكلها؟؟
بوحسين وقف على طوله:تبين تشوفينها؟؟
طالعو بعض وعلامات استفهام وتعجب كبيرررره على وجهم من كلامه راح بوحسين
لبرا ورجع بعد ثواني دخل ومن بعده دخلت فاتن كانت مغطيه وجها رفعت الشيله وجها
ينبع طيبه وصدق وحنان دخلت وراه وهو مبتسم ويقرا العجب بعيون عياله
بوحسين:هذي فاتن.
زيد:هلا خالتي.
فاتن بصوت هاادي:هلا فيك.
حسين:يامرحبا فيك خاله
فاتن:ياهلا فيك.
بوحسين:وانتي يافطوم؟
فطوم تقدمت ومدت يدها تسلم:انا فطوم حيااك خالتي.
فاتن كانت متوتره وبرود فطوم زاده كلهم يطالعونها مثل الغريبه بعيونهم حيره واساله تدور
هي عاذرتهم لكن خاايفه من الي يصير كانت متمسكه بيد بوحسين الي من عرفو عياله
وهو فرحان بلي سواه وارتااح من هم شاله سنين فطوم مستنكره تحاول تاخذ صوره عن
هالمراه الي سرقت ابوها منها ماصدقت واقعها فرحتها بالنجاح راحت وضلت هي بينهم ساكته
زيد يلطف الجو:شالحركات يبا يازين الخاله تعرف تختار يابوحسين
بوحسين:هههههههههههههههه
حسين بجديه:اايه هذا بوحسين مو أي كلام يابختك فيه خالتي.
فاتن:مشكوور
لفت فاتن على فطوم وهي تحاول تتقرب منها لو شووي:مبروك النجاح فطوم.
فطوم بزعل:الله يبارك فيك.
بوحسين حس بالحزن الي بصوت بنته:ماتبين تشوفين الحين الهديه؟
فطوم قامت واخذت معها الحلاوه:لامايهمني اعرف شنو؟؟بعدين اشوفها عن اذنكم.
وراحت فطوم لغرفتها وهي تبكي مو مصدقه الي يصير
كانت صدمه لها راحت امها وجا الدور على ابوها؟؟ ابوي بس لي مايصير وحده ثانيه تاخذه
مني ليش يبا؟؟ شنو كان ناقصك شنو قصرت انا فيه؟؟
جلست باقرب زاويه وحضنت صورة امها بهاللحظه تمنتها معها تشيل من همومها وتمسح
بابتسامه حزنها طول السنين فطوم صبرت وشالت تعب اخوانها ومااطلبت شي ماتبي غير
راحتهم والحين هي طلبها تشوف الغاليه ومااحد يقدر يجيبها لها؟ صرخت بصوت مبحوح
كله عذااب وشوق:ووووووينك يمه بنتك محتاجتك ووووينك؟؟
زيد ضرب الباب وفطوم على حالها كان يبيها تجي تجلس معهم وهي ماترد رجع لهم
زيد:مااترد.
حسين طالع ساعته وقام:يمكن نايمه هي صار لها ايام تعبانه ..
بوحسين بحب لبنته:وشفيها تعباانه؟؟
زيد يطالع اخوه:لا ولاشي خله عنك مافيها الا الخير.
حسين:عن اذنكم انا رايح وخالتي حياك بينا.
فاتن بصوت خافت:الله يحيك.
بوحسين:على وين؟
حسين باسلوب حبوب:ووين بعد لعند زوجة المستقبل.
بوحسين:هههههههه الله يستر اذ جات بنشوف هالحب.
حسين ضحك وتو فاتح الباب رجع لف عليهم:ووين اغراضك خاله؟
فاتن تطالع بحيره مااتوقعت سؤاله:هاا ماجبت اغراضي.
زيد نظرات لوم لاخوه مهما كان الخبر صعب ليش يتعامل معه بهالمرح والامبالاه
حسين:ليش مو ناوين تجلسون هنا؟
بوحسين :ان شاء الله بكره نجيبهم روح انت الله معك.
زيد جلس يحاول يسولف مع فاتن يلعب باصابعه من زود التوتر الي هو فيه
مو جاي يتقبل الموضوع هو كبير لكن مازال يفقد حنان امه ويرفض حد ياخذ مكانها..
فاتن قربت من عند بوحسين وهمست باذنه:قوم شوف فطوم.
بوحسين تذكر بنته وكيف كانت اخذ هدية فاتن بيده وراح عند الغرفه طق الباب وماردت
دخل وشافها عند الزاويا ضامه رجولها والصوره بيدها وتبكي راح بسرعه لعندها وجلس
على ركبتينه اخذها بحضنه وهي انفجرت اكثر دموع وشوق لحضن ابوها تعلقت فيه
فطوم بجنون:لاتتركني يبا لاتتركني .........
بوحسين :مابترك اذكري ربك انا معك فطووم ابوك طوول عمره معك.
فطوم تشهق:لاتخليها تاخذك منا مااقدر اعيش بدونكم انت وامي كاافي هي راحت.
طاري زوجته احزنه:الله يرحمها رربك خذاها ترحمي عليها وانا ببقى دووم معك.
فطوم وهي تبوس يد ابوها:تكفى اوعدني ماتتركني.
بوحسين مسح على راس بنته:اووعدك ياروح ابوك اووعدك.
فطوم وهي تبوس يد ابوها:تكفى اوعدني ماتتركني.
بوحسين مسح على راس بنته:اووعدك ياروح ابوك اووعدك.
فطوم تركت ابوها ورجعت تضم صورة امها وتنتحب تنزل سيول عرم مخلوطه باحزانها
فطوم:وووووينك يمه؟؟وووينك؟
بوحسين موطي راسه للارض مو عارف يحتوي بنته وانهيارها عاجز يصحيها من ثورانها
فطوم صرخت بوجه ابوها:انت مااتحبني شلوون قدرت تنساها شلوون؟؟
زيد وفاتن سمعو الصراخ وراحو يركضون للغرفه دخلو وزيد على طول عند اخته
بصوت عالي:شفيها فطوووم؟؟...فطوم حبيبتي شفيك؟؟
يرفع راس اخته بيدتينه وهي تبكي وتطالع ابوها بلووم وبوحسين جالس على ركبه
وحاني راسه وهي تلومه بكل نفس ونظره ودمعه حسته استبدلها بالغير ليش؟؟
فطوم:زيد ابي امي ابيهااااا خذني لها.
زيد يحضن يد اخته:فطوم شنو هالكلام؟؟
بوحسين:كلنا معك حتى المرحومه لاتسوين كذا بنفسك.
طالعته فطوم بعتاب ولفت على فاتن الي كانت واقفه من بعيد وصرخت بوجها
فطوم:انت شنو تبين؟؟ طلعي برا غرفتي طلعي..
فاتن ارتعبت وتراجعت بوحسين يحاول يضيط اعصابه لكن مااقدر ضايع بوسط نارين
مسك فطوم من كتفها وهزها:فطوووووم اصحي لنفسك شفيك؟؟
فطوم وهي تشهق:خليها تطلع ماابي اشوفها ...
لفت على فاتن:ماتفهمين ماابي اشووفك اكرررهك انا اكررهك لاتظنين اذ خذتي ابوي
بتاخذين مكان الغاليه لاااا لاتحاوولين اذ ابوي نساها وبدلها انا لاااا.
بوحسين من غضبه رفع يده في وجه بنته ومسك يده زيد بسررعه ووقف بينه وبين فطوم
زيد متوتر:لا يبا مو انت الي تضرب فطوم وهدي نفسك هي ماتقصد..
فطوم تتنفس بقوه وعيونها جااحظه:خليه يضربني خليه يمكن يعرف خطاه..
بوحسين نزل يده وعقد حواجبه:فطوم حبيبتي ماكنت قاصد ليش تسوين فينا كذا؟؟
فطوم لفت وعطتهم وراها وتنهدت اطلع انت وياها برا اطلع ماابي اشوفكم.
تو بوحسين بيتكلم مسكه زيد:يالله يبا بعدين يصير خير تعاال يبا.
وطلع هو وابوه وفاتن وراهم كانت تجر رجولها من الرعشه الي كانت فيها ومن الي صار
زيد باسف:ماعليه خالتي فطوم ماتقصد هي متعلقه بالمرحومه كثير وبأبوي.
بوحسين ضام راسه بين يدينه ومايرد على حد حاس هموم الدنيا جبال وتكدست فوق راسه
فاتن واقفه وتهز رجلها من التوتر وزيد منزل راسه ومستند على الجدار وكلهم يسمعون
صوت فطوم وهي تصارخ وتبكي وقلبهم يذووب من الالم عليها.
بوحسين قام:فاتن تعالي اوصلك البيت
قامت فاتن بطوع وغطت وجها وزيد يطالع في ابوه والي صاير فيه وكاسر خاطره
زيد:ننتظرك يبا انت وخالتي بكره واغراضكم.
بوحسين رفع حاجبه:ان شاء الله كل شي نجهزه بكره.
فاتن طالعتهم متوجسه:طيب وفطووم مابترضى؟
زيد ببتسامته غصه:تطمني خاله فطوم قلبها طيب وبتعرف غلطها عطيها وقت تتفهم.
فاتن مشت مع بوحسين وراحو لبيتهم وطول الوقت هو سااكت ومانطق باي حرف بدل
ملابسه وطلع للمستشفى اما فطوم مازالت بعزاها تنتحب على الي سواه ابوها
اتصلت بدور لانها شافت النتايج تبارك لفطوم يرن جوالها ماترد قامت واتصلت عالبيت
تنتظر حد يعبرها ويرد زيد ماله خلق التلفون رفعه واخلاقه طالعه
زيد:الوووو.
بدور بداخلها(شدعووه كفخني احسن):هلا.
زيد قلل من حدته:هلافيك.
بدور بصوتها الناعم:لوسمحت فطوم موجوده؟
زيد مشكك بالصوت:ايه موجوده انتظري اناديها.
بدور:اوكي.
وتوه بيقوم يكلم فطوم رجع لها:لوسمحتي من اقول لها؟
بدور استغربت شعنده:قول لها بدور.
زيد تلعثم وقلبه انقبض من اسمها بلع ريقه:ان شاء الله.
وراح لفطوم بسررعه يركض وفتح الباب ناسي حال اخته وتعبها وصرخ بقوه
زيد:فطوووم بدوور اتصلت قوومي ردي عليها.
فطوم رفعت راسها متعجبه من اخوها الي ناسي الي فيها وضلت تطالعه مستغربه
زيد تذكر:اسف بس لان بدور تبيك وانا لما ردت انا....
فطوم رغم حزنها ضحكت على اخوها الي مثل المجنون صاير وضايع من صوت بدور
فطوم ضحكت ودموعها عالقه:هههه انتبه زين كل هذا على بدور.
زيد نزل راسه وانحرج وضحك على نفسه:هههه طيب قومي.
فطوم بنذاله حتى بحزنها:قفل السماعه برد من غرفتي.
زيد: بس سماعتك مافيها سبيكر؟؟
فطوم بترفع السماعه:وليش مفكر اطلعه سبيكر؟
زيد:فطووم تكفين بمووت.
فطوم نذله رفعت السماعه وماعبرت طلب زيد ابد وهو انقهر وراح يقفل السماعه بسرعه
فطوم تحاول تزيل الحزن:هلااا بدوور.
بدور:هلا بطه شخبااارك؟
فطوم وزيد حاط اذنه معها عند السماعه:بخير بس غيري مااتوقع بخير.
بدور فاهمتها بس تحب تلعب باعصاب زيد لانها توقعت يسمعها عارفه هالحركات من عبود
وزوبا حبت تجننه بدور:دوم عليك وسلامة غيرك.
فطوم تطالعه:ربي يسلمك ويسلمه.
بدور:طيب مبروووك النجاح قلت اتصل ابارك لك اول وحده بعد ماشفت الجريده.
فطوم:ربي يبارك فيك وعقبالك.
بدور:مشكووره قولي لي ليش ماجيتي صباحية سمور؟
فطوم:والله كنت معزومه ومشغوله كافي جيت الزواج شخبارها هي؟
بدور:بخير سافرت لشهر العسل امس.
فطوم:ترجع بالسلامه ووين راحت؟
بدور:ناوين على تركيا وماليزيا...وزوجها يبي يروح بعد فرنسا بس سمر مو كثير عاجبها
فطوم:ماعندها سالفه شنو وراها تروح تستانس.
بدور:ههههه خبله قلت لها.
فطوم:وانتي اخبارك واخبار النتيجه؟
بدور:انا الحمدلله بخير والنتيجه حلووو السنه بكثير.
فطوم:الحمدلله هذا اهم شي حلووه بس كم؟
بدور:99وشوي.
فطوم تصافر:حركاااااات مبروك.
بدور:ربي يبارك فيك.
فطوم تبي تجنن اخوها زيد الي ساكت ويسمع:اايه عيني عليك بارده دافوره مثل زيوود
اخوي ولاتنقصه درجه.
زيد ضرب فطوم على راسها وهي ضحكت:ههههههه ااه
صوت زيد بان شوي وسمعته بدور وضحكت بداخلها عليه
زيد بخفيف:ياحمااره اوريك انكتمي الحين .
بدور:المهم اخليك بكلم الباقي ابارك لهم.
فطوم:اوكي تيك كير بايو.
قفلت السماعه وزيد انسدح على السرير وهو يتنهد بقووه
زيد:ااااااااااه ياويل حالك يازيد.
فطوم:شعنده قيس؟؟
زيد قام وضربها:اوريك يافطيم انا تضحكين علي قدامها.
فطوم:عاادي هههههههه
زيد:عادي بعينك.
فطوم جلست عالسرير واخذت السماعه:يالله برا بكلم ربعي يالله.
زيد تذكر ابوه:فطوم حبيبتي ليت تفكرين شوي ؟
فطوم:بشنو؟؟
زيد قبل لايطلع:لاتظلمين ابوك.
فطوم لفت وجها واتصلت على نوف وماردت بشي على اخوها الي طلع من عندها ومن البيت
كله لانه طاير من فرحته بصوت بدور الي مو حاسه فيه ابدد..
ناصر كان بصاله وسمع صوت التلفون وماله خلق يرد لانه يلعب بجواله ضل يررن ويرررن
وهو يسوي نفسه مايسمعه ابد مل من صوته ورد برود
ناصر:الووو هلا..
فطوم بصوت هادي:مرحبا نوف موجوده؟
ناصر حس يعرف هالصوت او مشبه عليه وفطوم قلبها فز وابتسمت داخلها من الصوت
لانها عرفت صاحبه وتذكرت لما صدم فيها بالزواج وطالت انفاسها عالسماعه وناصر ساكت
ناصر:انتظري اناديها ممكن؟
فطوم:ان شاء الله.
راح ناصر وهو يضحك وينادي لنوف بصوت عالي :نوووووووووووووف..
نوف كانت تمشط شعرها لانها تو متروشه وصوت المسجل مغطي على غرفتها وماتسمع ناصر
وهو يناديها من عند درج البيت
ناصر بصراخ:نووووووووويف وجع تعااااااالي.
ماردت عليه صعد لها وفتح باب الغرفه بقووه ونادى:نووويف.
نوف فزعت:وووجع شنو هالهمجيه ماافي استأذان.
ناصر:ماابطول لساني عليك مالي خلق يالله قوومي تلفون.
قامت نوف مع ناصر وردت على فطوم وهي تتهاوش مع ناصر
نوف:الووو نوفا تتكلم.
فطوم وكانها تو صاحيه من حلم:الوو هلا نووف.
نوف:هلا وغلا بحبيبة ئلبي.
فطوم:اخبارك نوفا عرفتي النتيجه؟
نوف تربعت:يوووه انتي قدديمه انا اول من شافهم.
فطوم عقدت حواجبها:طيب اممممممم عندي خبر ماتعرفينه.
نوف:ههاي اسيل خطبها علي صح؟
فطوم شهقت:ووووووجع كل شي تعرفينه.
نوف:ههههههه يبا انا نوف بنت بو احمد.
فطوم:هههههه طيب بقولك يمكن انا وحور نسجل برا بقترح عليها ندرس بالرياض
نوف:ااايه ياحوير يادافوره.
ناصر بس سمع الاسم وتململ بجلسته وقط اذنه اكثر عند اخته.
فطوم:حتى انتو حلوه نسبتكم.
نوف:هه تضحكين فطوم وحور حديث الساعه الله لنا حنا.
فطوم:المهم بتصل على نوري ابارك لها.
نوف:صح مرت ابوك يؤيؤ هههه قصدي مرت اخوك قوويه هذي.
فطوم تذكرت فاتن وسالفه وانزعجت:يالله مع السلامه نوف.
قفلت وانسدحت على السرير تفكر بتعب وضلت على هالحال الى ان غفت عينها.
نوف بتقوم ومسكها ناصر:نوف من هذي؟
نوف بتعجب:صاحبتي
ناصر:ادري شسمها؟
نوف وخرت يده عنها:وانت شدخلك فيها.
ناصر:تعااالي يالهبله قوولي من؟
نوف مدت لسانها وضحكت:ماابقول وهذي الي طيرتها بزواج احمد هههههه.
ناصر تنهد وجلس مكانه وغمض عيونه وهو مبتسم وهمس:ااه حور.
بدور زهقانه مالها الا زوبا وهذيك مشغوله ضلت تفكر بمنو تتصل محتاره وفكرت تكلم دانه
او حور اتصلت بيتهم وردت ام جاسم عليها
ام جاسم:الووو
بدور :هلا خاله شخبارك؟
ام جاسم:بخير الله يسلمك.
بدور بادب:خالتي حور ولا دانه موجوده؟
ام جاسم:لا والله في بيت ابوهم تبينهم ضروري؟
بدور فكرت:اايه عطيني الرقم ممكن؟
عطتها الرقم وفغلت واتصلت على بيت ابو جاسم الي كان الكل العصر يسولف ويضحك
وعلي واسيل بجو ثاني يتبادلون نظراتهم وانفاسهم تختلط من بعيد لا بعييييييد.
صوت التلفون مااحد يرد بوجاسم انزعج وقال لمحمد يرد رد محمد بصوته المميز
محمد:هلا.
بدور شلتها الصدمه وسرت بجسمها رعشه:مرحبا.
محمد عرف الصوت وتغير لونه بلع ريقه:هلا والله.
بدور متوتره:حور هنا؟
محمد سااكت ورايح بدنيا ثاانيه:هاا انتظري ايه.
نادى لحور وحاله متغير استغربت دانه من وجهه هي وحور
ردت حور:هلا
بدور تخفف توترها بضحكه:هلا بالدوافير هههه.
حور عرفت على طول السالفه:ههه هلا غلاي بدوور.
محمد يطالعها وهي تتكلم ومتوتر يبي يصم اذانه ومايسمع اسمها
حور بهمس:اسفه عالموقف ادري صعب عليك.
بدور وبغصتها:لا عاادي وانتي شنو دخلك وانا نسيت وبعدين انتي لو صرتي بموقفي ورد
عبدالرحمن بتلوميني؟
حور انقبضت ضلوعها من طاريه:لا بس حبيت اقدم اعتذاري.
بدور:يالله خلاص انا متصله ابارك لك النجاح.
حور:مشكووره قلبو.
بدور:شخبارك بعد بشريني شنو جديدكم؟
حور:مااعلمتك؟؟؟؟؟ اسيل خطبها علي وملكتهم قرريبه كثيرر.
بدور فرحت من قلب:قووووووولي قسم مبروووك من قدك يااسول والله وتحققت امنية عمرك.
حور:هههه الله يبارك فيك وعقبالك.
بدور بمزح:يالييييييييت.
حور:هههههههه اعقلي يالله .
عبدالرحمن دخل على بدور وهو معصب وشايل الدنيا على راسه وصوته مرتفع
عبدالرحمن:بدوور بدوور.
بدور:انتظري حور بشوف هالمزعج.
لفت عليه تطالعه وهو يكلمها ويسالها عن عبدالله وين راح؟
بدور:وشايفني سجل حضور وغياب ماادري.
عبدالرحمن نفخ بقوه وجلس على السرير جنبها:اووووف شلون اطلع الحين.
بدور ابتسمت:ليه شصاير؟؟
عبدالرحمن بملل:مسكر على سيارتي بسيارته اتوقع متعمد وخالد مو هنا اطلع بسيارته.
بدور رجعت لحور:حوري حبيبتي اكلمك بعدين طيب.
حور بلعت غصتها وتجمعت بعيونها الدموع :هو الي جنبك؟
بدور تطالعه:اايه حوري لاتهتمين.
حور نزلت من هدبها دمعه:هه لا بس اسال.
بدور:على همان يافرعون خليك قدها.
حور:قدها اكيد ويالله بكلم فطوم عشان خططنا.
بدور بستهزاء:وشنو هالخطط بالله؟؟
حور:احم احم ناوين نسجل طب نفس مثل ابوها بالرياض يمكن ندرسه.
بدور:حركتاااااااااااااااات ومتى النيه؟
حور:باقرب فرصه بنطيررر عنكم ههههه.
بدور:لايكثر بس ههه موفقين يالله تامرين حاجه؟
حور تقاوم ضعفها من سماع صوته:سلامتك سلمي بس.
بدور بملاقه:ربي يسلمك يوصل من عيووني يا حلووو.
حور:اها بلا ثقاله دم بايوو.
قفلت بدور ولفت على اخوها الي ماسك مجله كانت عند سريرها ويتصفحها
بدور بخبث:يسلمون عليك.
عبدالرحمن بلامبالاه:ربي يسلمك ويسلمهم من ذولا؟
بدور:اممم صاحبتي.
عبدالرحمن بنرفزه:وليش تسلم علي صحيح ماتستحي وانتي اكثر اعرفها تسلم علي؟
بدور انقهرت منه:اكلتنا وهي قالت سلمي وبس ماحددت وعلى فكره ايه السلام لك
بالاخص.
عبدالرحمن رفع حاجب:وشمعنى انا؟
بدور ضربته على صدره بخفيف ومبتسمه:لانهم رواعي هذا الي هنا؟
عبدالرحمن لاشعوريا قال:حور؟
بدور هزت راسها وهو تغير مزاجه وقام من قدامها وطلع وهو حاس نفسه مخنووق من
الي صار وده سال عنها وعن اخبارها بس ماايقدر ضل عاجز اخذ السياره من السواق وطلع
من البيت للبحر وضل هناك اتصل على خالد يجيه.
حور سرحانه من سكرت الخط ورايحه بعيد محمد جلس جنبها ويبي يكلمها
محمد بخفيف:حوور.
حور انتبهت:هاا امر حمود.
محمد بحيا:بطلب منك طلب؟
حور:شنو؟
محمد متردد بس قال:ابيك تسالين لمياء صاحبتكم توافق علي او لا؟
حور شهقت وفتحت عيونها بقووووه وهو سد فمها وضربها على راسها
محمد:ووجع لاتفضحيني.
حور:انت شتقوووول صدمتني؟
محمد:اكلمك جد انا عاجبتني وراح اخطبها الى ان اخلص.
حور:ماادري بس قلت انت لابوي؟
محمد هز راسه:لاا اذ وافقت بقوله.
حور:ماادري وربي عنك.
محمد:تكفيين ساليها هالاسبوع تكفيين.
حور طالعت اخوها وحست بغرابة الفكره:ان شاء الله احاول.
باس محمد خد حور بقوه:فديتك اختي
حور:وانت ليش مستعجل؟
محمد:عشان مره وحده مع علي اكون وقتها ابوي بيوافق فهمتي
حور بقلق:محمد انت فكرت بالموضوع تعرف انك باقي سنتين على ماتخلص.
محمد عقد حواجبه ونفخ:اووف منك السنتين كانوا درسات عليا راح اتنازل عنها..يصير بس باقي
لي اختبارات صيفيه قليله.
|