 |
  |
|
|
|
|
#21 |
|
|
رد: "مال الهوى عندي عذر ".
اسيل ودانه كانو هادين ويراقبون الي صار قدامهم بدون تعليق وصل كل وحده بيتهم وبعدها
راح هو وحور للبيت نزلت حور وضربت بالباب بقووه ودخلت البيت وسلمت على ساره وامها وصعدت لغرفتها دخل بعدها محمد وسلم وجلس معهم ام جاسم:شكلك تعبان يايمه؟ محمد:سلامتك يالغاليه بس مصدع شووي. ساره:وين جاسم؟ محمد رفع راسه وتلفت:ليش ماارجع؟ ساره:لا من طلع معك مارجع. ضرب محمد راسه كأنه تذكر شي وامه تطالعه متعجبه من حركته ام جاسم:مااتدري عن اخوك. وقف محمد على طوله:نسيت انا مااخذ سيارته وهو ماخذ سيارة علي ومفروض اروح له بعدين ااخذه من مجلس العزاء ونسيت امره اووف. وتوه بيروح الا الباب انفتح ودخل جاسم ومعه علي يسولفون شافهم محمد ورجع مكانه محمد:هذا هم جاوو اثنينهم. دخل جاسم مع علي وسلمو وظلو واقفين طالع علي محمد علي:مرتاااح وحنا ننتظرك. محمد ابتسم:والله ناسيكم. جاسم طالع ساعته:المهم ماصار الا الخير ....تصبحون على خير..ساره تعالي ابيك شوي. وقامت ساره ورا زوجها وعلي حتى هو استاذن ومشى راح لبيتهم دخل وماشاف احد موجود راح لغرفته وبدل ملابسه وحط راسه عشان ينام وتوه بيغمض تذكر يضبط منبه الجوال قام واخذ الجوال لقاه مخلص شحن البطاريه حطه في الشاحن وشغله كان فيه اتصالات كثير من اسيل ورساله فتح الرساله وقراها طالع الوقت ماكان متأخر كثير فكر يتصل او لا؟؟؟ حط الجوال وانسدح عشان ينام وضل يتقلب لكن مااجاه نوم. حور دخلت منزعجه ومعصبه على محمد وحركته معها اخذت شور بارد رغم ان الجو بارد لبست بيجامتها وجلست على سريرها اخذت الجوال واتصلت على عبدالرحمن يرن ولااحد يرد الى ان انقطع قامت واعادت الاتصال وبرضو مااحد يرد عليها خاافت وقلبها دقاته اضطربت شغلت كمبيوترها ودخلت ايميلها ماشافته متصل ووينه شفيه؟؟؟ قفلت الجهاز وانسدحت وكل شوي اتصلت على جواله وينقطع ومااحد يرد مرت ساعتين وهي على هالحال اتصلت ورنتين ونرفع الخط حور:الوو عبدالرحمــ.. وانقطع الخط استغربت من رد عليها وبعدين قفل ليكون احد من اهله؟؟؟ قامت واتصلت مره ثانيه وعلى طول عطاها مشغوول حور انقهرت وحطت الجوال ونامت وبداخلها غيظ كانت منزعجه بنومتها وبردانه لان الحاف طايح عن جسمها صحت على صوت جوالها فتحت عيونها وبدون ماتشوف الرقم ردت وصوتها فيه النوم. حور بثقل:الوو. عبدالرحمن بكل جفاف:صح النوم. حور سمعت صوته وفتحت عيونها وجلست زين وفرحت انه متصل عليها حور بشوق:هلا حبيبي ليش مااترد؟ عبدالرحمن بلا مباله:ليش شتبين؟ حور استغربت من اسلوبه:رحمانو شفيك تكلمني كذا؟؟ عبدالرحمن:وشلون تبيني اكلمك؟ حور تجمعت بعيونها دموع كذا ياعبدالرحمن تعاملني:براحتك تامر شي انا بنام. عبدالرحمن:بلاحركات العيال ومافيك النوم. حور بتصيح:اااايه انا عيال انا كذا تبيني حياك. عبدالرحمن:لاتكلميني بهالاسلوب والصراخ. حور قفلت عندها ودموعها نزلت:....بااااااي.. عبدالرحمن:حور انتظـ... قفلت الخط وقاامت تصيح على مخدتها وكرهت نفسها هي ماقالت له يحبها والحين جالس يقول لها حركات عيال مااتبي تكلمه ولاتسمع صووته ثاني اتصل عليها ومااردت ضل يتصل ومااترد ارسل لها رساله فتحتها(ردي علي وخلينا نتكلم الحين بتصل). وهي تقراء اتصل ردت وهي سااكته وهو مثلها مايتكلمون تنهد عبدالرحمن بقوه عبدالرحمن بصوت حنون وهاادي:حوري...حبيبتي.. حور:.............<<ودموعها تنزل على خدها. عبدالرحمن:حبيبتي... انا اسف ..وحقك علي...ولك الحق تزعلين. حور:.........<<شوي شوي شهقاتها تعلى. عبدالرحمن حس بالذنب على اسلوبه معها:حبيبتي والله ماكان قصدي بس انقهرت منك اتصل عليك وتقفلين الخط بوجهي وتخليني احاتيك ولاتفكرين ان في واحد قلبه عليك على الاقل لوكنتي مشغوله او مااتقدرين تردين طمنتيني برساله صح او لا. حور قامت تصيح وتشهق وعبدالرحمن سمع صووتها وقام قلبه يوجعه وجلس يلوم نفسه عبدالرحمن:لاا لاا ياقلبي الا دمووعك لاتنزل تراها غاليه وانا وربي ااسف. حور وهي تصيح:انا خفت عليك ماابيك تتركني مثل مااسعد راح عن لمياء. عبدالرحمن:ماراح اتركك وهدي حالك وقوليلي من سعد ولمياء؟ حور وسط دموعها:عبدالرحمن اوعدني ماتتركني تكفى اوعدني. عبدالرحمن:اوعدك مااتركك بس انتي لاتسوين بحالك كذا. حور:قول والله انا ماابيك تروح عبدالرحمن احبـ..ــك. عبدالرحمن ضل سااكت مده:وانا احبك وماني رايح عنك ويالله عشااني سكتي. حور مسحت دموعها وسكتت وضلت تتنفس بخفيف عشان تهدى اعصابها عبدالرحمن:هاا خلاص سكتي؟ حور بحشرجه:اا..اايـ..ــه. عبدالرحمن:طيب قوليلي شفيك اليوم ماتردين؟ حور:مااقدرت ارد عليك لاني كنت في بيت لمياء طوول الوقت. عبدالرحمن:لمياء صديقتك صح؟؟ حور:اايه صديقتي. عبدالرحمن:وليش كل هالوقت عندها؟ حور رجعت تصيح وهي تتكلم:لان خطيبـ..ـها سعد الفجر مــ..ـاات وانا رحت لها. عبدالرحمن حس بالذنب يوم عرف السبب:ان لله وانا اليه راجعون خلااص هدي. حور رجعت سكتت:كان يحبها..وزواجهم بعد شهر بس هو مااااات ولمياء مسكينه ماتقدر تعيش بدون سعــ... عبدالرحمن:طيب ذكري الله ولاتنفعلين وانتي تتكلمين. حور سكتت وظلت تتنفس بشويش وعبدالرحمن يهدي فيها ويسمي عليها عبدالرحمن:لاتشدين اعصابك واذا خطيب صديقتك توفى الله يرحمه ويكون في عونها لاتسوين بحالك كذا مايهون علي وبزعل منك هدي. حور:ان شاء الله انا بس ماابي اصير مثل لمياء ماابي يجي اليوم الي ابكي فيه عليك. عبدالرحمن:لا اله الا الله شنو قلنا؟؟ حنا غير وهم غير والي كاتبه الله بيصير. حور:طيب انا بس كنـ.. عبدالرحمن:هااا هاا بدينا تبيني ازعل منك..وبعدين انتي تفكرين بخليك والله اذا مااتزوجك مااكون عبدالرحمن ويالله حوير صيحتيني معك. حورمسحت دموعها وقامت تضحك:ههههههه ياصياح فشلتنا. عبدالرحمن:هههههههه انتي السبب. حور قلبت جد:انا مااحبك ياشين. عبدالرحمن:لييييييييييييييش؟؟؟؟ ؟؟؟ حور:كل منك اتصل عليك وتقفل في وجهي. عبدالرحمن:والله حبيبتي ااسف بس مااقدرت اتكلم حسيت نفسي مقهور. حور:امممممممم خلاص سامحتك. عبدالرحمن:طيب ياقلبي قومي ناامي وارتاحي وبكره اكلمك. حور:وانت بعد ارتاح. عبدالرحمن:حااضر بنام وبجلس مبكر وبصحيك معي بعد شرايك؟ حور:اوكي تصبح على خير حبيبي. عبدالرحمن:وانتي من اهل الخير فمان الله. حور تنهدت:عبدالرحمن احــــبـك. عبدالرحمن ابتسم وحس أن هالكلمه ردت روحه فيه:وانا احبك انتبهي على نفسك. حور:بااي. قفلت حور وهي مبتسمه مسحت دموع عالقه في عيونها وحطت راسها وعلى طوول راحت في النوم وعبدالرحمن قفل وحط راسه وكأن هم الدنيا الي كان فوق راسه انزاح كله نرجع لعلي الي كان يفكر يتصل على اسيل او لا ؟؟؟؟؟؟ علي مااقدر ينام وعرف انه ماراح ينام الا لما يتصل ويفك نفسه من هالتفكير وتوه مااخذ الجوال بيتصل الا رن الجوال وعلى طوول رد عليه وكأنه ملهوف او ينتظر هالاتصال علي:هلا. اسيل بحياء:هلافيك ...شخبارك؟ علي:انا الحين بخير انتي طمنيني عليك؟ اسيل:الحمدلله تمام. علي:اامري راسله ومتصله اكيد في شي. اسيل ارتبكت وضااعت شتقووله:هااا..انا..كنت..بس.. علي ضحك:ههه بس شنو؟ اسيل وجها صار احمرر:انا بس حبيت اسال عنك. علي:تسأل عنك العافيه لكن متأكده تسألين بس؟ اسيل:هاا اييه اسال بس. علي:طيب انا اخليك الحين بناام...فمان الله. اسيل حست دقات قلبها تتسارع وتتلعثم انفاسها وبكل جراءه جمعتها:علي....أحـ..ـبـك. الكلمه شلت علي جمدت أصابعه على الجوال والدم وقف من وجهه بلع ريقه وهو مصدوم علي:نعم؟؟؟أنتـ..ـي شنو؟ أسيل:.........أحــ..ــبـ..ـك. علي مااصدق الي يسمعه وتنهد بقووه:اسيل انتي توك صغيره على هالكلام ومشاعرك مجرد احساس مراهقه. اسيل قامت تتحشرج كلماتها:لاا علي اسمعني انا جد احبك ومن زمان انــ.. علي قاطعها بنبره حاده:أأأأأسيل انتهينا انسي الي تتكلمين فيه. اسيل:بس علي انا.. علي:بعتبر نفسي مااسمعت أي كلمه واسيل خلي عنك هالسوالف. اسيل قامت تصيح تبي تفهمه لكن ماعطاها فرصه علت شهقاتها وااهاتها وعلي يسمع لها وسااكت ينتظرها تخلص دروس الحزن الي ابتدتها وماانطق بحرف. اسيل:انا ااسفه لاني كنت غبيه وحبيت واحد مثلك. علي كسرت خااطره بس هو مصدوم بالخبر:ااسيل فهميني الي تتكلمين فيه كبيررر. اسيل هاجمته بالكلام:انت مااعندك قلب للذلك تشوفه كبير يالله بااي. علي برجا:ااسيل تعوذي من ابليس وناامي وصدقيني بتنسين كل هالموضوع. اسيل:خلصت كلامك؟؟مااحتاج نصايحك كلمه وقلناها واسفين عليها. علي:صدقيني في يوم بتعرفين ان كلامي صح. اسيل:علي تكفى حرااام عليك خلااص قفل. علي نزل راسه وحس انه خذلها:طيب انتبهي على نفسك مع السلامه. اسيل مازالت تبكي ولاردت عليه ظل ينتظرها تتكلم ويسمع انفاسها ودقات قلبها الي تفجر ذبذبات الاتصال بعدها قفل الخط هي قاامت تصاارخ وتبكي بقوه وضربت بالجوال على الجدار وطاحت في الارض و حالتها تكسر الخاطر اما علي انسدح وماانام ضل يفكر في كلام ااسيل ومازال مصدوم فيها اسيل تحبني؟؟؟؟ اخر شي توقعته ..ماافكرت فيها ابدد. .............................. .................... .................... لمياء من بعد ماارجعت لوعيها وانتهت مناحتها الكبيره صعدت لغرفتها وعطوها مسكن وماارضت تاكل أي شي كانت تشهق كل لحظه ودموعها تغسل وجها وتزيده برائه وطهاره اكثر من قبل جسمها كان مدد على السرير وتحس بالوجع في كل جزء منه قامت فجاءه تدور الجوال اخذته واتصلت على رقم سعد وقامت تنتظره وكل شوي اتصلت سيف دخل البيت متااخر وهو مار بغرفة اخته حب يطمن عليها دخل وشافها قاعده في الظلمه وبس شاشه الجوال ودموعها تصدر نور في الغرفه انتبهت فيه وقالت له لمياء:مااايرد علي ماايرد تعبت اتصل. سيف راح لعندها واخذ الجوال من يدها وحطه في جيبه ومسح على راسها وهي عيونها زايغه من كثر الصيااح لمياء:عطني الجوال. سيف:حبيبتي خليه عندي وبعدين اعطيك اياه. لمياء:واذا اتصل سعد؟ سيف عبرته خانقته:اذا اتصل بخليك تكلمينه يالله ارتاحي عشان يتصل. انسدحت لمياء وهي ترتجف من شده حزنها وغطاها سيف وجلس الى ان نامت وقاام دخل غرفته وراسه فيه الف فكره وفكره واولهم داانه الي مو قادر يبعدها عن تفكيره. دانه مثله كانت تتقلب على السرير وتفكر في حالته الي اليوم شاافته فيها. التعديل الأخير تم بواسطة هوازم ; 10-23-2014 الساعة 01:44 AM. سبب آخر: خطاء في الترتيب |
|
|
#22 |
|
|
رد: "مال الهوى عندي عذر ".
جا الصباح ثقيل على الكل اول من صحى فيه عبدالرحمن الي جلس حور مثل مااوعدها
وااخر من جلس بدور الي ذبحها اخوها عبدالله من هذرته واسالته وهي مطنشته قامت بدور من سريرها وهي معصبه:اوووه هو يحب وانا ابتلش. عبدالله يعفس شعرها:قوووومي كلميها. بدور:شقول لها؟ عبدالله:ماادري أي شي. اخذت جوالها واتصلت على زوبا وكان وقت الظهر وعبدالله مخليها تطلعه سبيكر ردت زوبا:هلا بدور. بدور:هلافيك شخبارك؟ زوبا بهم:زفت والحمدلله. عبدالله عقد حواجبه وضرب اخته عشاان تتكلم وتسالها شفيها؟ بدور مسكت يدها مكان مااضربها:ااه...ليش حبيبتي شفيك؟؟ زوبا:قهر يا بدور تدرين أن سعد خطيب لمياء توفى. بدور انصدمت ومااصدقت الي تسمعه معقوله الحب الملائكي بين هالاثنين يمووت شلوون بدور:من جد تتكلمين؟؟؟؟ زوبا وصوتها متهدج:لوتشوفينها كيف تبكي عليه؟؟ بدور طوول عمري لما كنت اشوف لمياء وسعد كيف يحبون بعض تمنيت احب بس الحين لااا... بدور مازالت مصدومه وعبدالله نضرب في وسط قلبه البنت مااتبي تحب شلوون ؟؟ اشر لاخته تقنعها وتغير الموضوع وبدور مو مصدقه من عظم صدمتها بدور بتلعثم:خلاص انا بجي العزاء اليوم ...<<تطالع اخوها الي يااشر بيدينه وحالته حاله بس زوبا لما تهدين انا عندي معك موضوع طيب. زوبا:ان شاء الله.. بدور:بااي حبيبتي. قفلت وعلى طوول عبدالله صرخ فيها:ليييييييييييييييييييييييي ه؟ بدور بانزعاج؟شنو الي لييه؟ عبدالله:انتي غبيه ليه ماسالتيها عن الي وصيتك؟ بدور انقهرت من انانية اخوها:شفيك انت مااتحس مااعندك قلب؟البنت تعلمني عن وفاة خطيب بنت خالتها اقولها شرايك في اخوي؟ عبدالله سكت وضل يطالع في بدور ومااعجبه كلامها:اايه مافيها شي انتي قلتي خطيب بنت خالتها يعني مو اخوها او ابوها لاسمح الله. بدور عصبت وقامت عنه:روح عن وجهي الكلام معك ضايع وفجأءه وهم يتكلمون صوت صرااخ في البيت بسررعه عبدالله وبدور طلعو من الغرفه وكان في الطريق سمر شافتهم واستغربت شنووو صاير. عبدالله:شفيكم؟؟؟؟؟؟ سمر:ماادري؟؟ عبدالرحمن كان يكلم حور وهو يضحك سمع صرااخ وهوواش سكت وضل يسمع عبدالرحمن:حبيبتي اكلمك بعدين اوكي؟ حور:اوكي..بايوو. قفل وطلع والتقى في اخوانه وشافهم مثل حالته ماايدرون عن شي وعن سبب هالصرااخ الصوت كان من الجناح الخاص في خالد وزوجته رحااب راح عبدالرحمن يركض وصوت رحاب تصارخ:انت انسان لاتطاااااااااق والعيش معك تقرف. وصوت خالد ولاول مره يعلى اكثر على صوتها:انا ولا انتي الي عديمه احساس.. قاطعته رحاب:عديمه احساس؟؟؟؟؟..اذا الاحساس انعدم مني كله بسببك وسبب عدم مبالاتك وسلبيتك.... وكانت بينهم مشاداه في الكلام عبدالرحمن ضرب عليهم الباب وجلس يناديهم يفتحون له عبدالرحمن:بوريان افتح الباب.......خالد..افتح الباب. صوت ضربات عبدالرحمن على الباب زادت وزاد معه هواشهم وصراخهم رحاب بكل جرأه:انت لو رجال وتعرف معنى الرجوله مااوصلت احوالنا الى هنا. خالد بعصبيه:رحاااااااااااااااااب جااااااااااااااااب مسكي اللسانك لاقطعه لك. رحاب راحت وفتحت الباب وصرخت فيهم:دخلوو شوفو اخوكم المحترم كانت ريما وريان واقفين عند باب غرفتهم والدموع في عيونهم وهم يشوفون حال امهم وابوهم وصراخهم الي زلزل كيان البيت عبدالرحمن سكت ومو قاادر يعلق انتبه في عيال اخوه وكسرو خاطره :سمر بدور طلعو ريما وريان واخذوهم غرفتكم. دخلت سمر واخذت العيال وطلعت وبدور واقفه ومتعلقه بكتف عبدالله وتراقب وهي متوتره عبدالرحمن ضل يطالع في زوجة اخوه واخوه الي حاني راسه وواقف مثل التمثال عبدالرحمن بتهزيء:عااجبكم حالكم وانتو تتهاوشون قدام عيالكم؟؟؟ رحااب باستهزاء:علم اخوك الكبير. خالد رفع راسه:عبدالرحمن لو سمحت لاتدخل بينا. بوسط هالازعاج لفت بدور وشافت ابوها جاي مع امها وهو معصب وجهه احمر شكله حيييل يخوف بعدت هي وعبدالله عن طريقه ودخل الغرفه وصرخ في خالد ورحاب الي كانو يتهاوشون:بـــــــــــــــــس. الكل سكت وكتم ومااتكلم بوخالد عيونه تضرب شرار من كثر عصبيتها على هالموقف بوخالد:ماتستحون ولاتحطون أي اعتبار لهالبيت والي ساكنين فيه. خالد تكلم يبرر موقفه:يا يبا الموضـ....... بوخالد لف على ولده:اسكت هذا اسلوب نااس متعلمه وكبيره وفاهمه؟ رحاب بكل وقااحه تكلمت:تكلم اشوف ابوك سكتك ولا مراجلك مااتطلع الا علي وعلى اخـ... وقبل ماتكمل رحاب كلمتها يد نمدت وعلى خدها من شده الكف طاحت في الارض الكل سكت وكتم انفاسه مااحد تحرك بوخالد جمد مكانه بدور شدت بلوزه عبدالله اكثر خالد والدم يتدفق في راسه:انتي انسانه حقيره وغلطتي استمريت مع وحده مثلك وكلمتك هذي بتدفعين ثمنها وشوفي مراجلي عشان تعرفين شلون تتكلمين. رحاب كانت طايحه في الارض ويدها على خدها والضربه شلتها بس لسانها مااسكت رحاب بنفس اسلوبها:شبتسوي بتضربني ثااني؟؟ خالد باحتقار طالعها:مااوصخ يدي بامثالك انتي طالق ولاابي اشوفك ثاني في هالبيت. بوخالد انصدم ومسك ولده الي تحول لشخصيه متلبسه بالعصبيه وكانه بركان وانفجر بوخالد:لا ياولدي الله يهداك مااتوصل لطلاق هذي تبقى ام عيالك. خالد:عيالي بيبقون عندي ولاابيها تقرب منهم ومن اليوم هي مو زوجتي. بوخالد:خلاص يبا النفس عافتها. رحااب مااتوقعت هالكلمه تطلع من خالد والندم بدى يسري في دمها ودموعها اعلنت توبه السانه بس ووين ومتى؟؟بعد ماحولت خالد لبركان ثاير يجرف كل الي بطريقه رحااب بندم:خالد انا اسفه صدقنــ.. خالد:جااااااااااب ماابي اسمع منك كلمه دوري لك على الرجال الي يملي عينك. عبدالرحمن اخذ اخوه وسحبه من المكان وهذاك يصارخ على زوجته خالد:ماابي ارجع واشوفك فااهمه ولا بتندمين قد شعر راسك. بوخالد:عبدالرحمن طلع اخوك يالله عبدالرحمن:ان شاء الله يبا.....<<مسك اخوه الي كان يرجف من شدة عصبيته يالله خالد تعال معي...تعال وهدي حالك. راح خالد مع اخوه ويحس نفسه وهو يمشي الارض تنطوي من تحت رجوله وخر عبدالله مع بدور عن الطريق وعلامات الاستفهام حوليهم ماتوقعو اخوهم الهادي المسالم في يوم يتعامل مع احد بهالاسلوب؟؟؟؟؟؟؟؟؟؟؟؟؟؟؟؟؟؟ بوخالد طالع رحاب وهي في الارض وقلبه يغلي عليها وحركاتها وكانت دموعها على خدها وطلع وتركها بدون مايكلمها او يطالعها حتى لانه كان منزعج منها رحااب بانكسار:عمي تكفى كلمه.. لف بوخالد عليها وطالعه بلا حيله:قومي الله يستر عليك...اخذيها ياام خالد. ومشى عنهم راحت ام خالد وقومتها وقامت تصيح معها ورحاب تندب حظها وحالها بدور واخوها راحو لغررفه سمر دخلو وكأن موويه بارده انكبت عليهم سمر كانت جالسه مع عيال اخوها تسكتهم وشافت وجه اخوانها وملامحهم سمر:شصار؟؟ بدور جلست وهي فاتحه عيونها:مااتتوقعين؟؟؟؟؟؟؟ سمر:بلاسخافه شصار؟؟ عبدالله متسند على الباب:خالد طلق زوجته......... سمر شهقت:شتقووول؟؟؟ وريان و.. بدور لاشعوري:ومااشفتيه وهو يضربها.. سمر عصبت:وجع اثنينكم مو قدام العيال. بدور قامت:اووه انتي الي تسالين. فتحت الباب وطلعت هي وعبدالله راحو لعندالدرج وشافو عبدالرحمن جالس يكلم خالد وماحبو ينزلون رجعو لغرفة بدور وجلسو فيها. عبدالرحمن اعصابه مضطربه لكن يحاول يرجع اخوه لوعيه عبدالرحمن:شسويت يابوريان الله يهديك. خالد بقهر:طلعتني عن طوري بكلامها. عبدالرحمن:وتحط عقلك بعقلها. خالد:يوووه...هي جاهل ماحط عقلي بعقلها. عبدالرحمن:اذا مو علشانها عشان عيالك. خالد:تعبت اتعذر بعيالي بس انا ماابيهم يتربون عند وحده مثلها. عبدالرحمن:هي امهم مايصير تسـ.. خالد قام وبكل جديه:خلااص قفل عالموضوع انا بطلع اغير جو واذا رجعت وشفتها مابتلوم الا نفسها ساامع وقول لهاهالكلام. طلع وضرب باب البيت عبدالرحمن حاول يلحقه بس صوت بوخالد وقفه مكانه بوخالد:اتركه خليه يرووح لاتلحقه. رجع عبدالرحمن وجلس مكانه وكان متوتر من هالربكه الي قلبت حال بيتهم صوت مسج رجعه ل دنيا فتحها كانت من حورحبيبي انا بروح للعزاء يعني ماراح اقدراكلمك..بايو). قفل الجوال وماله خلق نفسه نزلت سمر وشافته لحاله جلست معه وهي محتاره سمر:وين خالد؟ عبدالرحمن بضيق:طلع.. سكتت سمر وكانت تتململ في جلستها حس فيها عبدالرحمن وكأن على طرف اللسانها كلام عبدالرحمن:شعندك انتي بعد؟ سمر تحك راسها:انا خليت عيال خالد عند بدور...عشان.. عبدالرحمن:خلصيني عشان شنو؟؟ سمر:انا بطلع مع احمد. عبدالرحمن بلا مبرر:ماافي ناس بسخافتك وانانيتك. وقام عنها وهو معصب هذا وقتها تبي تطلع مع خطيبها مكأن بيتنا معفوس فوق تحت وماتفكر الا في نفسها اوووووف ناس تقرف صعد وشاف رحاب لابسه عبايتها وشايله شنطتها معها وتمسح دموعها عن وجها وكان خدها احمر مكان اصابع خالد وقفها عبدالرحمن:ووين ياأم ريان ذكري ربك لاتستعجلين. رحاب:مالي قعده بهالبيت وقول لاخوك ورقتي ابيها توصلني. عبدالرحمن:لاتزيدينها الله يهديك وجلسي وربك يحلها. رحاب بعناد:خلاص الي بيني وبين اخوك انتهى وكان مفروض من زمان ينتهي. مشت وخلت عبدالرحمن واقف كانت تجر شنطتها نزلت اغراضها مع الخدم وركبتهم في السياره حتى ماسلمت على عيالها او فكرت تشوفهم قبل مااتروح لاهلها ركبت وبصوت كله كبرياء صرخت في السواق:امش وخلصني. بدور طلعت وهي ماسكه يد ريان وشافت عبدالرحمن واقف في الممر بدور:ووين رحاب؟ عبدالرحمن تنهد بحراره:ااااااخ مشت وتركت العيال وخالد مثلها. بدور بعصبيه:وعيالهم؟؟ريما نامت وهي تصيح وريان كل شوي سالني عنهم. عبدالرحمن باهتمام:ومن مع ريما؟ بدور:عبدالله...اوووه والله حاله معهم ومشاكلهم الي ماتخلص. اخذت ريان ودخلت غرفتها وعبدالرحمن واقف حاير شيسووي قال بخاطره ليت اقدر اكلمك يا حور انتي الوحيده بتفهمين الي انا فيه مااحب يحرجها ويتصل وارسل لها مسج وصلتها وهي قاعده مع لمياء الي من شافت ام سعد بعد ماطلعت من المستشفى وهم ينوحون ثنتينهم حور كانت منزعجه وسمعت صوت المسج وامها كانت معها وعصبت عليها عشان تسكت الجوال قامت عن الصاله من وسط الحريم وفتحت الرساله: (اتعب ادور الامان واتوه ادور الحنان وكله في صدرك وبين احضانك ليت اقدر اوصلك وانسى الهم والاحزان..حبيبتي انا تعباان لاتحاتين بس احس بضيقه اذا رجعتي كلميني). حور خافت على عبدالرحمن ومااتقدر تتصل ضلت جالسه وجات لها فطوم ووقفت معها فطوم:ليش طلعتي؟ حور:رحمانو راسل رساله يقول متضايق واحاتيه. فطوم:تركينا منه اسيل شفيها جوالها مقفل ولا جات اليوم وحتى دانه تتصل عليها نفس الشي. حور تذكرت بنت عمها:صحيح اسوول ماجات خليني اتصل على بيتهم. اتصلت حور وضلت تنتظر احد يرد عليها ردت الخدامه الخدامه:الوو. حور:وينها اسيل؟ الخدامه:اسيل في تعبان ويوديه بابا مستشفى. حور انصدمت:شتقوولين في المستشفى من متى؟؟ الخدامه:الصباح..يروح مستشفى. حور:طيب يالله مع السلامه. قفلت وقالت لفطوم وهذيك استغربت شفيها اسيل امس ماكان فيها شي شزينها شصار لها فطوم:اتصلي على عمك واساليه. حور:فكره ماطرت على بالي. اتصلو في عمها ورد عليها وهو خاايف:الوو هلا بالحور. حور:هلا عمي...شفيها اسيل؟؟؟؟ بو اسيل بخوف:ماادري رحت اجلسها الصباح لقيتها طايحه ماتتحرك واخذتها للمستشفى. حور:وشخبارها الحين؟ بو اسيل:من جينا وصحت ماتتكلم بس دموعها تطيح وساااكته. حور:بيطلعونها من المستشفى؟ بواسيل:اايه الحين بنرجع البيت. حور:طيب اذا رحتو قول لي اجيكم. بواسيل:ان شاء الله مع السلامه. قفلت حور وقامت على طول علمت امها ودانه بسالفه وكلهم انصدمو شفيها اسيل؟؟؟ دانه اتصلت على علي يجيهم وماقالت له ليش وجاهم واستاذنو رغم ان لمياء ماارضت حور تمشي بس بعد محاولات وقالو لها عن طيحت اسيل رضت تخليها تروح علي كان متناسي الي صار امس بينه وبين بنت عمه وتجنب انه يسال عنها أي شي وكان يسوق وساكت مايتكلم وتوه بيلف على البيت يوصل ام جاسم وحور قالت له ام جاسم:ودينا بيت عمك بو اسيل الله يعافيك. علي وكانه مومهتم:ليش شعندكم؟ دانه بخوف:اسيل في المستشفى وتوها طالعه بنروح نشوفها. علي بس سمع لف بالسياره وكان انقلبو دارت فيه الدنيا كل هذا هو سواه فيها صرخت حور:عـــــلي انتبه. علي ضبط اعصابه لكن الحيره في عيونه والتوتر عقد لسانه مو مصدق الي صار وقف عند باب بيت عمه ونزلو الا هو ضل قاعد ماانزل رجعت حور تشوفه حور:مو نازل. علي:هاا الا بنزل انتي روحي. دخلت حور ودانه وام جاسم على طول صعدو غرفة اسيل وكانت مفتوحه واسيل جالسه على السرير مثل الشبح الدموع تمطر من عيونها وابوها جنبها منزل راسه ومستسلم قدام حالتها وهي بمعزل عن هالدنيا مااتحس بالي حولها انفاسها بس الي تنسمع شافهم ابوها وقام وقف نظراتهم كلها تساؤل فتح يدينه ان ماافي فايده حور تكلم اسيل:اسيل انتي تعبانه؟؟فيك شي؟؟ ماترد ولاحتى لفت عيونها مثل التمثال ظلت ثاابته وغارقه بعالمها الي هي فيه دانه راحت لها وهزت كتفها ونادتها ولا ردت عليها حالها ماتبدل صوت علي هو الوحيد الي خلى جفونها ترتعش وعيونها تتحرك كانت زايغه وكانها تطلب احد يساعدها ويبعد صوته عنها انتبهت دانه لاسيل وردت على علي الي كان ينادي علي:يالله يالله. دانه:علي انتظر لاتدخل. علي كان عند الباب وتوه بيتراجع الا ام جاسم فتحت الباب وطلعت له ولمح اسيل وانصدم من الي شاافه شسوى في بنت عمه ماكان مفروض يعاملها بهالاسلوب..شسويت ياعلي. ام جاسم تكلمه وهو عيونه معلقه في باب الغرفه كانه ناايم يسمع صوت ام جاسم بس مايشوفها قدامه... ام جاسم:مسكينه تعبااانه بالحييل. علي بشرود:هاا...شفيها؟؟ ام جاسم:ان شاء الله كل خير. علي:ماتشوف شر ..يالله مانبي نتاخر وراي مشاوير. ام جاسم:انادي لخواتك ونجي لك. علي:طيب انا تحت وخلي عمي يطلع بسلم عليه. دخلت ام جاسم والكل يحاول في اسيل ترد عليه لكن ولامحاوله انفعت معها ام جاسم نادت عليهم يلبسون عشان علي يبي يمشي قلبهم مايطاوعهم يتركونها ام جاسم:لاتتأخرون الرجال وراه شغل. بوأسيل:حياكم الله ووينه علي اسلم عليه؟ ام جاسم:ينتظر تحت. توهم بيطلعون ناادت اسيل بحزن:حوووووووور. لفت عليها حور وراحت لها وحضنتها وقامت تبكي بالحيييل وتهز براسه بلاااا استغربو ليش شفيها؟؟؟؟ حور بهدوء:سكتي خلااص حبيبتي. اسيل:لاتروووحين معاه لاترووحين عني. حور:انا معك لاتخافين. ضلت متعلقه برقبه حور وتصيح وحور كانت مصدومه تطالع الكل باستفهام عن الي صار بو اسيل:خلاص جلسي ياحور معها. حور تطالع امها وتنتظرها تقرر ام جاسم ماتعودت بنتها تنام برا البيت لكن بنت عمها تحتاجها:براحة حور اذا بتجلس؟ حور:بجلس معها. تركو حور معها ونزلو لعلي الي كان جالس مهموم وقف اول مااقبل عمه وسلم عليه وبعدها مشى مع اهله وصلهم البيت ورجع طلع الدنيا ضايقه فيه وزهقان من كل الي حوله وقف قدام البحر وضل هناك لليل ماكان وده يرجع البيت ويشوف دانه وبتسأله اكيد عن اسيل وهو عارف بغلطته...بس الي سويته مو غلط انا ماابيها تصدق الي هي فيه... .............................. .. رجع خالد البيت عند الليل وكانت اعصابه رايقه وهااديه دخل البيت وسمع صوت اهله في المجلس تردد يروح لهم ولا يفك حاله من نصايحهم ؟؟؟ كان عبدالله وعبدالرحمن ومعهم ناصر ولد عمهم وابوه وبوخالد في المجلس يسالفون في الي صار لخالد سمعهم وضل واقف سند راسه على اقرب جدار وغمض عيونه يفكر احمد توه داخل موصل سمر انتبه في ولد عمه مو على طبيعته الي تعود عليها وقف قدامه:شخبارك يا بو ريان؟؟؟؟ فتح خالد عيونه وهو معقد حواجبه ومكتف يدينه وشاف ان احمد الي يكلمه ومااحب يبين له شي:هلاا..بخير انت بشرني عنك؟ احمد مارتاح لصوت ولد عمه بس تجاهل:تمام..تسرك علومي. خالد:تفضل داخل حيااك. ودخل معه المجلس وبو خالد بس شاف ولده قفل عالموضوع وابتسم في وجهه وجاهم احمد سلم على ابوه وعمه وجلس بجنب عبدالرحمن ورجع الكل يلتهي بسوالفه ضرب احمد ذراع عبدالرحمن:بو ريان مو عاجبني؟ عبدالرحمن ضاق صدره:خليها على الله اليوم قامت قيامه في بيتنا. احمد لف طالع خالد ورجع:ليش شصاير؟ خالد طالعهم وحس ان الكلام عليه وانزعج وهم راعو مشاعره وسكتو عن الموضوع الكل قام يسمع لناصر:ونزلناه القبر والله خفت على ابوه يصير بصحته حاجه... كان يصيح ويرتعش قريب القبر.. خالد:عن من تتكلمون؟ عبدالله:عن سعد نسيب سيف صاحبنا. بو احمد:متى متوفي؟ ناصر:امس الفجر مات في حادث. بواحمد:ان لله وانا اليه راجعون. بو خالد:الله يكون في عون اهله. ناصر:مجلس العزاء انزحم معارفهم باين كثير وماقصروا قامو في الكل بكره اخر يوم روح يا عبيد سالو عنك. عبدالله:توي ادري انه توفى مر علي بكره واروح معك. بواحمد:هو ولد سلمان الي بيتهم قريب الحي الي فيه بيت خالك؟ ناصر:اايه في الحي الي وراء بيت خالي. بواحمد:ذكرته والله رجال طيب والنعم فيه حتى انا بروح معكم. بوخالد:ليه بعد؟كلنا نروح ونقوم بالواجب. انفض المجلس لان الوقت تااخر عبدالرحمن انسدح وضل يتقلب على سريره ينتظر حور ترد على رسالته مايصير لهالوقت في بيت صاحبتها اتصل عليها واذا مشغوله بتعطيني بزي اجرب ماني بخسران اتصل ومااردت الى ان انقطع قفل جواله ودقايق الا اتصلت فيه كانت تتكلم بشويش:هلا رحمانوو.. عبدالرحمن:هلا بهالصوت هلا بالغاليه. حور:طمني عليك بخير الحين؟ عبدالرحمن والهم زال بصوت حور:افا عليك عال العال بس انا ادلع. حور:اوكي تامر شي؟ عبدالرحمن مايبي يقفل:سلامتك...ووين مستعجله. حور:انا في بيت عمي لان اسوول تعبانه مااقدر اطول معك. عبدالرحمن عرف انها بضيقه مثله:طيب قلبي انتبهي على نفسك باااي. حور:ان شاء الله ...بايوو قفلت حور ودخلت الغرفه لاسيل الي مازالت على حالتها لكن دموعها جفت نفس الشرود والحزن الي انرسم في حياتها من حطم علي حب طفولتها ومراهقتا. البارت السابع (7) (بعد 3 شهور)... يــالـلــي دعيتينــي وانــا قلـت لبيه لــو تطـلـبـين القلـــب قلـــت ابشريبه.. نـــادتني عيــونك وانــا قـلــت لبـــيه لبــيـــــه والـلــي تطلبــين أبشريبه.. طوت زوبا الورقه وهي مبتسمه ودخلتها بكتابها وبدور تطالعها ومبتسمه معها بدور:طيب خليني اقراها معك. زوبا بحركه دلع:لااا توك صغيره على هالكلام. بدور ضربتها على راسها:ااه يالنذله الحين تدلعين علي. زوبا:وانا متى تنزلت لهالاشكال. بدور:طيييييب شوفي من يوصل رسايلك لحبيب القلب عبوودي. ارتعشت زوبا وتعلقت في يد بدور الي قامت من جنبها وهذيك تسحب يدها ومسوي نفسها زعلانه:وخررري عني الحين تترجين. زوبا ترمش بعيونها وتبتسم:انا زوووبا حبيبتك تقولين لي كذا. بدور طالعتها بطرف عينها:بس عشان اخوي عبدالله بسامحك. زوبا صرخت :يـــــــمــــه فديته حبيبي. بدور ويدينها في خصرها:هــي استحي على وجهك قلنا يحبك وتحبينه بس حشميني انا اخته ولا مافي حياء راااح كله. زوبا بشاعريه:عبوودي اخذ كل شي معه اااااااه. تعدلت بدور في جلستها واشرت لزوبا لان نوف كانت جاايه قبالهم جلست معهم وكانت تبي تكلم بدور ومنحرجه تقول لزوبا تتركهم لحالهم نوف:عليكم فتره وحده صح؟ زوبا:اايه ماده وحده انتو الي مادتين. نوف:قدمتو زيين؟ بدور تضحك:هههههههههههههههههه تبين نكذب عليك او...... نوف:هههههه قولو الصدق خربتو الدعوه اكيد. بدور:بسم الله علينا الا مانقصنا ولا حرف من الاجابه. نوف:اجل ليش كل الف والدوران. زوبا بمزح:خفنا من عيونك. نوف:وووووووجع ياقليله الادب. بدور:المهم وين باقي الشله؟ نوف:هناك يذاكرون انا تعبت قلت اشوف وين اختفيتو دانه جات وانتو لا. بدور:اايه كان عندي سالفه مع هالطيبه. نوف:اممممم مايصير اعرفها. زوبا:اللقافه مو زينه يابعض الناس. نوف:هههههههههههه انا اعلمك ياشينه. بدور:تجون معي البيت عشان سمر بتحط اليوم الحناء لزواجها. زوبا:ليه متى الزواج؟ بدور:بكره نخلص اختبار الخميس الزواج. زوبا صفرت :اوووف قريب. نوف:بجي معك بس من بياخذك الحين؟ بدور:خالد اخوي. نوف:خالد؟؟الا بدور اسفه وادري مالي دخل لكن خلاص خالد طلق زوجته؟ بدور:خبرك قدددديم من زمااان طلقها رسمي بعد اسبوع من الي صار. زوبا بنظرات اسف:وعياله عندها؟ بدور:لا عند امي. قطع سوالفهم صوت فطوم وهي تنادي نوف من بعيييد لان فتره الامتحان بدت استاذنت نوف ودخلت القاعه مع الباقي واختبارهم كان صعب اسيل الشهور ماغيرت صدمتها صارت انسانه ثانيه ماتضحك ولاتمزح مع احد حتى بيتهم ماتطلع منه مثل قبل نوره مو عارفه اجابه السؤال الثاني ومحتاره وكانت تأشر لفطوم وهذيك مو منتبها والتقت عيونها بااسيل وبنظرات رجا تبيها تنادي فطوم الي منكبه على ورقتها اسيل لفت على فطوم ونادتها بصوت خفيف وبرضو مااحست فيهم ونوره متوتره نوف متوقفه بنفس السؤال وكانت جالسه جنب فطوم اليسار وبعد ماتعبو ياشرون نوف قامت سريع من مكانها وضربت راس فطوم ورجعت هذيك انقزت من قوه الضربه وحور الي كانت في بدايه القاعه ماتت من الضحك على حركتها لفت فطوم وهي ماسكه راسها وانتبهت لنوره وهي تاشر ثاني لها وعلمتها اجابه السؤال وباقي نوف الي شوي وتفضحهم وهم ينقلونها حرف حرف وهي يا ماتسمع يا بطيئه وهي تكتب انتهت فترة الاختبار وطلعو وكانت فطوم تتهاوش مع نوف ليش تضربها وهذيك تعاندها وتضربها ثاني حور طلعت مستانسه لانها مجاوبه زين وكل وحده عندها انطباع الا اسيل تمشي معهم وساااكته ماعلقت على أي شي من الي صار حولها طول اليوم نوره:ههههههه انتي حفله يافطيم. نوف:قصدك صمخه. حور:ههههههههههههههه كلن يرا الناس بعين طبعه . نوف مسكت حور من ياقتها:انا ياحوير انا صمخه قد كلمتك تبيني اذبحك. فطوم:ايوه صمخه تعبتينا على ماانقلك هالكلمتين. نوره:لااا عاد ماارضى على نوفا هي كانت تختبر صبركم بس ههههههه فطوم:صبري يانوير اذا ماقلت لحسين عنك يالغشاشه. ضربت نوره صدرها وشهقت:ااخ يانمامه. فطوم:خليك مع نويف. حور:يافضيحتك يانوير قدام المعرس هههههههههه. نوره تطالع فطوم ببرائه:مااتوقع اهون على فطوم ويطاوعها قلبها. نوف:خليها عنك ولاتخافين واذا قالت له شبيسوي يعني؟؟ فطوم:بيعصب ويلين ظهرها بالعقال. نوره مسويه نفسها خايفه:لاااا اترجاك لاتقولين له ماابي اموت ابي اتزوج. نوف:ههههههههه افا عليك اذا عصب ناديه بس حســــــــين بلمسه سحريه احم قصدي انثويه ويذووب مكانه. نوره:ااااااه فديت حسووني مايحتاج اناديه هو ماايقدر يرفع يده علي. اسيل كسرت صمتها ونظراتها التايها بين صديقاتها بأسئله بسيطه اسيل:شخبار لمياء؟ سكتو كلهم ولفو عليها شنو مدخل لمياء بسوالفهم هالوقت ؟؟؟ حور مرتبكه:بخير انا مكلمتها امس. اسيل بنفس نبره الهدوء:راح ترجع المدرسه السنه الجايه ولا؟؟ نوف:اكييد بترجع هذا مستقبلها وحياتها ماتوقفت بـ.. اسيل:صح ماتوقفت بموت سعد. فطوم ماكان قصدها تجرح اسيل لكنها قالت:والي يحب يسوي كل شي عشان الي يحبه وسعد كان يتمنى يشوف لمياء تخلص الثانويه وتكمل دراستها. اسيل تجمعت الدموع في عيونها:الي يحب يسوي كل شي عشان الي يحبه. ومشت من جنبهم ودموعها تنزل على خدها واستغربو شفيها اسيل ماكان في الكلام شي يزعل بس بنسبه لها فتح جروح ماالتأمت طول هالشهور حور ودانه بس الي يدورن عن اسيل وعلي ولحقو البنات اسيل ينادونها وهي ماترد عليهم ودموعها تبلل جفونها دانه كانت واقفه قريب من زوبا وبدور وشافت بنت عمها وصديقاتها ينادونها اعترضت طريقها وقفتها. دانه:اسوول شنو فيك؟؟ليش تبكين؟؟ اسيل تمسح دموعها باكمامها:مافيني شي وخري عن طريقي. دانه مسكتها من اكتافها:اسيل هدي حالك ..جاوبتي زين في الاختبار؟ اسيل:ماادخل الاختبار فيني وخري عني قلت لك. دانه بعصبيه:لا مو قبل ماتقولين لي شنو فيك؟ وصلو كل البنات في نفس الوقت واسيل حضنت دانه وهي تشهق ودموعها رجعت تنزل اسيل:فطوم تقول الي يحب يسوي كل شي عشان الي يحبه....وانا سويت له الي يبيه وتركته ودست على قلبي بس حراااام انا تعبت انا احبه وهو ولا حاس فيني تعبت اكذب عليكم وعليه وعلى نفسي واقول ناسيته متى بيفهمني ويحبني؟؟؟؟؟ الكل نصدم من كلام اسيل الي نفجرت في وجه دانه لفت اسيل على فطوم وهي تصيح اسيل:نسوي كل الي يبيه حتى لوكان يبي موتنا وعذاابنا انا مستعده اموت واتعذب عشانه لكن بعدين يحبني؟؟؟يرجع لي؟؟ فطوم مصدومه والكلام مو جاي يطلع غير كلمة:انا اسفه اسفه. اسيل:انتي اسفه بس هو لااا. حور ماهانت عليها بنت عمها ومسكتها واخذتها بعيد عن البنات وحضنتها وهذيك تصيح حور بحنان:اسوول خلاص شفيك انهرتي بهالطريقه. اسيل وهي بين احضان بنت عمها:لاني احبه واشتقت اشوفه وهو ولا يحس فيني كل يوم اقول بيحس ويرجع يبني الي هدمه بداخلي.. حور:اوووش اووش بس انسيه وانسي طاريه. دانه جاتهم وهي منزعجه وجلست تطالع في بنت عمها وكاسره خاطرها وكرهت اخوها بسبب الي يصير في بنت عمها وحالها الي مايسر احد دانه وهي معقده حواجبها:مو اتفقنا الي يبيعنا نبيعه ؟؟ اسيل:مااحد فاهمني حاولت بس مااقدرت. حور:الحين انتي هدي حالك وبعدين يحلها الف حلال. دانه:ياأسيل مايصير الي تسوينه في نفسك. حور:دانه قلنا قفلي عالموضوع. فطوم جات من وراء دانه وهي منزله راسها وجها احمر وتلوم نفسها على الي صار وكانت محتاره شنو تقول وكل الي قدرت عليه نادت اسيل بصوت خفيف فطوم:اسيل. رفعت اسيل راسها من على كتف حور ولفت دانه وطالعو فطوم اسيل:نعم فطوم. فطوم وهي ندماانه:انا اسفه ماكنت اقصد وتوها دانه علمتني بالي صار لك انا اسفه. اسيل:لا عادي ماصار شي انا اسفه صارخت في وجهك. فطوم قامت تصيح :كل مني مااسكت . قامت اسيل ومسحت دموع فطوم :والله عادي وانتي ماسويتي شي. حور مااحبت هالجو الي هم فيه :هي انتو لاتقلبونها صيااح وافلام هنديه انا جاايعه خلونا نروح نااكل وكل وحده تصيح في بيتهم. كلهم:ههههههههههههههههههههههههه هههههههههههه ورجعو جلسو مع البنات ولا كأن شي صار بس طول الوقت فطوم حست بالذنب زوبا نفسها تروح تجلس معهم لكن بدور واقفه معها وضلت تسمع سوالفهم من بعييد وتضحك عليها بدور حست في صاحبتها ومااحبت تثقل عليها. بدور:روحي معهم انا بروح انتظر يفتحون البوابه واشوف اخوي جا اولا؟ زوبا: تو الناس انتظري. بدور بضيقه:اجل بروح اشتري شي اكله تبين حاجه؟ زوبا:اايه لكن قبل تعالي نشوفهم اذا يبون شي معنا. بدور تبي تتهرب من زوبا:روحي ساليهم وتعالي. زوبا عارفه قصد بدور وماراح تتركها الا لما تجي معها وضلت تحاول فيها وعناد بدور مااقدرت عليه زوبا واستسلمت وراحت بروحها تسالهم اذا يبون حاجه زوبا:يااقوووم شنو تبون تاكلون؟؟ نوف تستهبل:شنو عندك؟؟شنو الطبق الرئيسي؟؟ زوبا:امممممم مندي لحم. نوف:حلو والسلطات. زوبا مستمره معها:كل الانواع انتي بس تدللي. نوف:والعصيرات؟؟ زوبا:برتقال و رمان ومانجا ووووكل الي بخاطرك. نوف:شرايك نوره ناخذ مندي؟ نوره حبت تستهبل معهم:لا انا ابي برياني ولو سمحتي السلطه بدون طماطم مااحبه. زوبا:هذا الي تامرون فيه؟؟ نوف:ههههههه كنسلي الطلب وعطينا واحد شورما لحم واحد دجاج. نوره:هههههههههههه واثنين شاي. الكل:ههههههههههههههههههههههههه هههههههههههه. بدور كانت تسمعهم من بعييد وتضحك على حركاتهم وانتبهت حور فيها وهي مبتسمه وكسرت خاطرها:زوبا ليش بدور ماجات معك؟ زوبا لفت وارتبكت:هاا عادي انا جيت. حور:زوبا علينا. دانه بعصبيه:مالنا خلق احد لاتجي. اسيل وشوي تغير مزاجها:انت ماتستحين يالحقوده. دانه:انا حقوده؟؟طيب. فطوم:هي هي بنقلبها هوشه خلاص سكتو. حور عناد في اختها نادت بدور بصوت عالي :بدووووووووووووووووور. بدور استغربت شفيها حور وليش تناديها وكانت حور تاشر لها تعالي تقدمت بدور ووقفت عندهم وهي مستحيه وساكته بس جاوبت على حور الي كانت تصارخ بدور بحيا:هلا حور. حور:هلا فيك ووينك ليه واقفه من بعييد؟ بدور:انتظر زوبا. اسيل:شخبارك بدوور؟ بدور:تمام اسال عنكم؟ نوره وهي تضحك:ههههه حرام الكذب. نوف:لا احيانا عادي.. بدور:وربي سالت زوبا عنكم. حور:طيب ليه ماتجين معنا؟ بدور رفعت راسها وطالعت دانه الي كانت تطالعها من طرف عيونها ولفت على حور حور انتبهت لاختها وضربتها على راسها حور:اقول دوينه فكينا من حركاتك وجاااب وقومي سلمي على بدور. دانه:سلام بدور. بدور:هلا دانه وعليكم السلام. فطوم:لا لا نبي بوسه وابتسامه. دانه ضلت ساكته وبعدها ابتسمت وقامت سلمت على بدور الي ابتسمت لها وباسو بعض بدور:صافي يالبن؟ دانه:حليب يائشطه. نوف:خلصوونا ولا ابيض يا روب نبي نااكل خلو زوبا تروح تشتري. الكل:هههههههههههههه. حور:مااحد بيشتري غير من...............؟؟ نوف:هي هي لاتطالعيني انا مافيني حيل. حور:اجل مااحد بيروح الا انتي و اممممممممممممم.. بدور:نوف وفطوم. فطوم لفت سريع على بدور وفتحت عيونها بقوه:يانــذله. دانه:ههههههه خلاص قووومو اشترو مافي مفر. نوف:والله ظلم. اسيل ضربت على ظهر فطوم:قوومي الله على ظالم. نوره:نويف فطوم المظلوم في الجنه. فطوم:اجل قومي انتي. نوره:يؤيؤ انتي عمة عيالي يرضيك اتعب وبعدين اموت ويصيرون عيالي ايتام. نوف سحبت يد فطوم:امشي لاتسوي لك نوير فيلم بهذرتها. دانه:انتو تدرون شنو نبي تروحون والسلام؟ فطوم ويدينها بخصرها:شنو تبون تبلعون؟ حور:ووووجع شالاسلوب؟؟ نوف:انا تعبت وانا واقفه وبلا سخافه شنو بنشتري يعني فطاير وعصير في غيرهم يعني؟ اسيل:ايه والله ماايبيعون غيرهم وحنا ناكل نفس الاكل كل يوم. نوره:مثل الخرفان هههههههههههههههه. زوبا:عاد بدت نوير سخافتها. نوره:يالله استحي انا اختك الكبيره. دانه:انا ابي كاكاو بعد. سحبت نوف يد فطوم وراحو يسولفون بدور كانت جالسه بوسط زوبا ودانه وتذكرت زواج اختها الي بعد يومين وحبت تعزمهم كلهم وخاصه لانهم تصالحو بدور:بنات اليوم حناء سمر تجون؟؟ حور:امممممم مااتوقع اليوم بروح انا ودانه السوق. اسيل:وليش ماقلتو لي اروح معكم؟ دانه:كل نقولك وماتروحين. اسيل:عناد فيكم بروح هالمره. بدور:يوووه يعني ماراح تجون؟ حور:لا ماانقدر. نوره:مانكفي انا وهالقزمه؟ بدور:ههههه الا تكفون. زوبا:قزمه بعينك. بدور:طيب الزواج الخميس لااازم تجون. حور:افا عليك اكيد بنجي وبعدين نويف مزعجتني من قبل اسبوعين تذكرني فيه. بدرو:يالله عسى تجون مو تنسون او تنشغلون. اسيل:اذا الدعوه فيها طقطقه ونااسه انا ودوينه اول الواصلين. بدور:هههه اجل ضمنتكم. حور:باركي لسمر عني. بدور:لا انتي اتصلي وباركي لها. حور:ماعندي رقمها. اسيل:نتصل على جوالك بدور ونكلمها كلنا اوكي؟ حور:فكره...بس حتى رقمك ماعندنا. طلعت بدور قلم ومسكت يد حور وكتبت عليه رقمها ورقم بيتهم بدور:هذا جوالي وبيتنا. اسيل:طيب متى بنروح السوق؟ دانه:االساعه 8 تمام. اسيل:حلو بكره الاختبارنحو سهل يعني اكون مخلصه مذاكره. دانه:اوكي اقول لاخوي علي السـ.... اسيل لفت على دانه وتطالعها بنظرات استفهام علي الي بيوديهم؟؟؟؟؟؟؟؟؟؟؟؟؟؟؟؟ دانه تذكرت الي صار وماعرفت شنو تقول وظلت تطالع في حور تبيها تتكلم لفت على زوبا وهذيك ساكته ومنزله راسها وتلعب باصابيعها اسيل تطالع دانه بعتاب نوره تكلمت:اسوول لاتروحين معهم تعالي معنا عشان نحط حناء مع بعض. لفت اسيل على نوره وفي عيونها انكسار كانت العبره خانقتها شنو تجاوب عليها حور:لا محمد اخوي بيوصلنا انا اقوله وبيوافق. بدور تململت بجلستها من طاري محمد وتنهدت الكل حس فيها وبدل مالجو يهدى توتر اكثر وفي نفس الوقت وصلت فطوم ونوف وشافو الكل ساكت ومنزل راسه فطوم:شفيكم؟؟؟ نوره:ولاشي شنو فينا؟؟ دانه:عطوني الي شريتو. نوف:يالله شصاير قوولو؟ نوره:هاا الا فينا شي... فطوم:والله مااعطيكم تاكلون الا لما تتكلمون. زوبا:والله انا جايعه وبعترف. نوف وفطوم جلسو جنب زوبا والكل يطالع في زوبا ينتظرها تتكلم عن الي جالس يصير زوبا بتردد:اسيل زعلت ان الي بيوديهم السوق علي و...... كل البنات لفو على اسيل الي طالعتهم وهي مستحيه ومسكت فطوم كتفها تواسيها زوبا:وقامت حور بتنقذ الموقف قالت نخلي محمد يوصلنا كان... نوره قطعت سالفتها:كان حنا نجوع وتطفي فيوزاتنا. دانه ونوره:هههه هههههه. الكل طالعهم ومااضحك وهم سكتو وانحرجومن الموقف بالحيل بدور مرتبكه في جلستها بدور:كان انا شوي اتضايق هذا كل السالفه يالله ناكل. فطوم لفت على نوف وابتسمت:ها نويف سامحناهم؟؟نعطيعهم ياكلون؟ نوف:امممممم هههههه طالعو وجه نوير يكسر الخاطر عطيها لاتموت علينا. الكل:هههههههههههههههه وجلسو البنات ياكلون ويسالفون وتناسو الي صار بينهم من لحظات لكن كل وحده شايله بخاطرها حزن على هالذكرى الي تجرحهم كل مانذكرت قدامهم.. بعدها كل وحده طلعت عشان تمشي البيت نوف اللبست عبايتها عشان تروح مع بنت عمها وفي نفس الوقت طلعت دانه وحور واسيل وكانو يسالفون مع بعض نوف نست شنطتها نوف:يووه انتظرو نسيت شنطتي عند نوير. ورجعت نوف لداخل المدرسه وهم كملو طريقهم..محمد كان جاي ياخذ خواته بدل جاسم وهو واقف عند السياره ولابس نظارته الشمسيه وكان شكله جنان بالشماغ والثوب الاسود لانه كان شتاء والجو بارد شوي وكان يكلم سيف جوال ويضحك على سوالفه وانتبه في خواته من بعيد وأشر لهم وماانتبهو له لانهم بعيد شوي وراح يمشي لهم ونادهم قريب محمد:ياهووو تعالو منا. التفتو البنات وبدور سمعت صوته وجمدت مكانها وقلبها يدق بقوه وقامت تتنفس بصعوبه وبحركه سريعه ومضطربه ؟أسيل كانت تحس بأحساس بدور وكلهم علق الكلام ومااقدرو يردون على اخوهم ووقفو يطالعونه وهو مستغرب منهم ليش يطالعونه كذا؟؟ محمد:هي انتو اكلمكم. وكان مبتسم ولفت بدور معهم وعيونها مليانه دموع ومعقده حواجبها بحزن محمد مااعرفها ولاشعوريا ظل يطالع في عيونها وشوي شوي نمسحت الابتسامه من شفاته ونزل راسه بدور بغصه:مع السلامه بنات. وبس سمع صوتها رفع راسه وقلبه يعتصر من الالم عليها وطالعها بقهر اسيل ردت عليها اسيل بخوف:نشوفك بكره بدور. بدور وهي تعدي من جنب محمد ومتجاهله نظراته:على خير. محمد دارت فيه الدنيا وهو يحس بجسم بدور يعدي من عنده وكانها شبح من الماضي يزوره ويرجع له ماضيه الاسود وطاريه مشى محمد بدون ماينطق ولاكلمه وركب السياره والدنيا تلف فيه وضايقة عليه النفس حور بسرعه الحقته وركبت جنبه ودانه واسيل وراها حور بخوف فتحت وجها وطالعت اخوها الي وجهه متغير من شوفت بدور قدامه حور:محمد سلامتك. محمد وهو يمسح على وجهه:الله يسلمك... دانه:لاتضايق وانسى كل الي صار.. اسيل بعصبيه لانها حست بظلم لبدور:شنو لايتضايق؟؟لازم يتضايق ويحس بالذنب وموهو الي لازم نواسيه بدور المسكينه الي قلبها منكسر بسبب محمد. دانه لفت على بنت عمها وبنفس العصبيه:والله اخوي مااجبرها تقط نفسها عليه. أسيل ومتنرفزه على بنت عمها:يعني البنت لما تحب بصدق وتضحي بكل شي تكون قاطه نفسها وماتستحي؟؟ ليش مانلوم محمد يعني ؟ محمد كان مغمض ويهز راسه وحور بالعه خوفها وموقادره تتكلم وبخاطرها بس اسم عبدالرحمن وحبها له وكانت تفكر لو وصلت حالتها لهالدرجه دانه:والله هذي ماتعد تضحـ... محمد صرخ فيهم :بــــــــــــس انكتمو ثنتينكم وخلصونا من هالموضوع. دانه باصرار:لكن مايحق لاسيل تقــ.. محمد هو ينفخ:قلنا خلاص وكلام اسيل صحيح انا الي انلام على كل الي صار... وتعدل بجلسته ورتب شماغه من جديد وشغل السياره ومشى التف على حور:سكري الباب زين . حور فتحت الباب وسكرته بقوه بدون ماتتكلم وضلت ساكته طوول الطريق ودانه واسيل مثل حالها واسيل منقهره من كلام بنت عمها ومعصبه عليها ومالها خلق تطالعها.. بدور من شافت محمد وحالها مقلوب ركبت سيارة اخوها خالد وضربت بالباب وحتى سلام ماسلمت خالد استغرب من اخته وخالد تبدلت شخصيته كثير من بعد رحاب وصارت شخصيته الكل يحترمها ويمدحها على حنانها وطيبتها ظل يطالع اخته خالد:مافي سلام ياقمر؟ بدور واخلاقها طالعه:السلام. خالد:الله الله القمر زعلان شدعوه؟؟ بس السلام وبدون نفس. بدور:اوووف بو ريان مالي خلق لاتكلمني. خالد قرب من اخته ولف وجها عليه وظل يطالعها بدور فتحت لثمتها وظلت تطالع في اخوها وهو ساكت كان ينتظرها تتكلم وهي ساكته تركها وشغل السياره ضربت بدور راسها:يوووه انتظر نوف بتجي معنا. خالد:نوف بنت عمي؟ بدور:ايه بتجي عشان حناء سمر. ونزلت من السياره وشافت نوف مسكينه واقفه مثل الضايعه تدور عليهم اشرت لها نوف كانت معصبه ومنقهره بالحيل من بدور ركبت السياره وسلمت وسكتت خالد:كيف حالك نوف؟ نوف بحياء:الحمدلله...اخبارك بوريان واخبار العيال؟؟ خالد:تمام الله يسلمك..هاشلون اختبار اليوم؟ بدور طالعته بطرف عينها:حلو قدمنا زين. نوف:الاسئله صعبه شوي بس الحمدلله. خالد:انتي ثالث يا نوف؟ نوف:ااايه ثالث. خالد:شنو ناويه تتخصصين بعد التخرج؟ نوف:الى الان ماادري بس يمكن انجليزي. خالد:ههههههه عاد جيتي للي افهم فيه. نوف:هههه ليه لهدرجه بالانجليزي. خالد يطالع بدور ويضحك:هههه ولا افك حرفين. نوف متعجبه:صحيح؟؟؟؟؟ بدور ضحكت على وجه بنت عمها:هههه تركيه عنك هو احسن واحد في البيت بالانجليزي بعد عبدالرحمن. نوف:انا اقول سامعه انك من كم شهر مااخذ دورات بالانجليزي للعمل وتقول ماتعرف تفك حرفين خوفتني. خالد:اختيارك للانجليزي حلو صدقيني ممتع ومفيد. بدور:خليها تحصل نسبه وبعدها يصير خير. خالد:الله الله ليه التحطيم هذا؟ ان شاء الله بتجيب نسبه معقوله. نوف:يارب الله يسمع منك. وصلو البيت ونزلو البنات وخالد ضل بالسياره وقبل مايمشي نادى بدور ورجعت له خالد:مهما الي كان فيك صدقيني يهون واي وقت تبين تتكلمين فيه انا موجود. بدور وهي حايره:بس السالفه كبيــ.. خالد:حتى لو السالفه كبيره اكيد لها حل. بدور:خالد انا..انا.. خالد:انا عندي اجازه لزواج سمر اخذي وقتك وفكري وماجبرك تتكلمين. بدور:مشكور..خالد. خالد:على شنو؟؟...وبعدين استحي انا اخوك الكبير قولي بو ريان. بدور:ههه طيب يا بوريان. خالد:فمان الله. بدور:وين رايح؟ خالد:بجيب امي مع ريان من بيت خالتي والبيت كله حريم شسوي اجلس؟ بدور:طيب سلام. دخلت بدور البيت وشافت كل بنات عايلتهم ونست محمد وطاريه وشوفتها له اليوم كلها. |
|
|
#23 |
|
|
رد: "مال الهوى عندي عذر ".
اخر من طلع من المدرسه كان فطوم ونوره واختها زوبا وحسين هو الي جاي ياخذهم
ركبت نوره جنب حسين وفتحت وجها وسلمت عليه وحسين كان لابس ثوب بلون قاتم وشماغ ابيض ومغير لحيته مسويها سكسوكه وباين كشخه نوره شافته وشهقت نوره:الله الله حبيبي شالزين؟؟ حسين وهو يضحك:ههههه وين الزين كلها غيرت اللحيه. نوره:عارفه طالع قمر ياقلبي اخاف عليك من البنات بسم الله حوليك. زوبا:اقول استريحو وخلونا نروح البيت تعبانين. نوره:جااب جااب اذا بتركبين معنا ركبي ساكته. زوبا:افا افا تشوفني انهان يا بوعلي وتسكت؟ حسين:هههههه مايهون علي تنهانين لكن هذي حكومه يالغاليه مااقدر اتكلم. فطوم :ياحسايف عالرجال يااخوي ماتقدر ترد على الــ... وطالعت نوره وغمزت لها وقامت تضحك وتتوعد فيها وهذيك تخزها بعيونها عشان تسكت حسين:الـ... ايش كملي؟ فطوم:شوفها شلون طالعني شوي وتذبحني. التف حسين على نوره الي طالعته برائه وترمش بجفونها سريع حسين:شوفيها كلها برائه. نوره:خليهم عنك ماسويت شي. فطوم:من الي غش في الاختبار اليوم يا زوبا؟؟ انتي؟؟او انا؟ زوبا:ماادري يمكن انا يمكن مو انا. نوره طالعت حسين مسويه نفسها مصدومه بالكلام وهو يطالعها بنص عين يبيها تتكلم نوره غطت وجها:لاتطالعني ماغشيت يكذبون. حسين:قلبي غشيتي؟ نوره:بس كنت اتاكد من الاجابه صح او خطأ. حسين:نوري طالعيني عينك بعيني وجاوبي غشيتي؟ نوره:اممممممممم يمكن. حسين:جاوبي ايه او لا ...غشيتي؟ نوره رجعت فتحت وجها وطالعت حسين وهو يهز راسه لها عشان تتكلم وهي متردده غمضت عيونها:اايه غشيت سؤال واحد بس. حسين طالعها بعتاب:طيب خلاص. وسكت ماتكلم نوره عقدت حواجبها وعصبت على فطوم وزوبا الي نقعو ضحك عليها فطوم:اسرع اخوي عشان نلحق نخلص ونروح ليلة الحناء. حسين:ان شاء الله لاتهذرين كثير. نوره مثل البزارين تعتذر وهي تقرب من حسين:حبيبي اسفه. حسين بدون مايطالعها:وين الي واعدتني ماتغش وتسمع كلامي؟ نوره:حبيبي انا سمعت كلامك لكن الاسئله صعبه. حسين:انا زعلت عليك وخلاص قفلي الموضوع. زوبا:لاتنسين ملابسنا ناخذهم من المغسله نوره. نوره:صحيح جلابيتي الي بلبسها اليوم روح حسين المغسله ناخذها. حسين:ليش وين بتروحين اليوم؟ نوره:ماسمعت فطوم بنروح ليله الحناء. حسين:مافي روحه بتجلسين بالبيت. نوره انقهرت وانصدمت بكلام حسين:يووووووووه حسين شتقول؟؟ حسين برود:الي سمعتيه مافي روحه. نوره تترجاه:حسووون قلبي ليه مافي روحه؟ حسين:قلت مافي روحه يعني مافيه بدون ليش. نوره:عشان سالفت الغش؟ حسين:لا مو عشانها انا ماابيك تروحين وعالغش حسي بالذنب شوي. نوره وهي معصبه:ماايصـــير. حسين بعصبيه:نـــوره خلصنا قفلي هالسالفه الحين. سكتت نوره وهي معصبه على كلام حسين وحركته معها فطوم ماحبت الي صار وزوبا خايفه من اختها لانها اكيد بتحط حرتها فيها وبسبب الي سوته هي وفطوم. فطوم بندم:نوره لاتنسين الي وصتك عليه بدور. نوره بعصبيه:فطيم سكتي ولاتتكلمين مالي خلقك. فطوم ماتكلمت وحسين لف بعيونه طالع نوره ورجع مره ثانيه انتبه لطريق وظل ساكت ونوره تاكل باظافيرها من القهر وتطالع حسين وتهز رجولها بقوه حسين حب يغيضها اكثر وبرود اكثر من عادتها:غطي وجهك. نوره ماردت عليه وغطت وجها وهي شوي وتنفجر من الغيض الي داخلها عليه وصل فطوم البيت ونزلت وكمل لبيت نوره والجو في السياره مثل ماهو هدوء ومااحد يتكلم وصل حسين وقف على طول نزلت نوره وضربت بالباب بقوه وزوبا سلمت ونزلت وراء اختها. حسين قام يضحك على شكل نوره وهي معصبه وكان يكلم نفسه يااربي احبها هالمجنونه ان شاء الله مازعلت صحيح الله يعيني على زعلها. عبدالرحمن كان جالس في الاستراحه مع الشباب ويحاول يتصل في حور وهي كانت طالعه السوق ونست ماقالت له وكل مايتصل ماترد عليه وعصب وظل يحاول يكلمها ناصر كان جالس يشوي ويسولف ويضحك هو واخوه احمد وانتبهو في حال عبدالرحمن المعتفسه وحالته حاله مع هالجوال الي من وصل مانزله من يده ناصر حب يجننه ناصر من بعيد:والله ياربع كلنا عندنا جوالات ونعرف لها. كان من ربعهم واحد اسمه بندر وطبعه مثل ناصر بايع الدنيا وشقاها وجالس يلعب بالوت مع الشله وسمع ناصر وهو يكلم ولد عمه وقام لهم وجلس جنب احمد بندر:ها ماخلص العشاء جايعين؟؟ احمد:تو الناس الساعه 8 وربع وين خلص؟ ناصر وهو يحرك الشوي:بالله قوم بندر نجنن هالخمه عبدالرحمن. بند:مافيني حيل على ولد عمك. ناصر:احمد قوم انت. احمد:لا ياحلو انا وراي زواج بعد يومين مو ناقص ازعل اخوها. ناصر:اجل مافي الا انت قووم. واخذ بندر وجلسو عند عبدالرحمن الي شوي ويكسر الجوال بيده احمد يطالع اشكالهم ويضحك عليهم ناصر يطل بجوال عبدالرحمن ويستهبل عليه ناصر:شتسوي؟؟ عبدالرحمن وخلقه طالع:شنو تشوف اتصل. بندر:ومايردون عليك افهمها خلاص لاتقط وجهك. ناصر يمسح على كتف ولد عمه:الاحساس نعمه لاتفشلني وانا اخوك. عبدالرحمن خزهم بعيونه:قومو عن وجهي ولامابتشوفون طيب . بندر:شدعوه كل هذا لانهم مطنشينك. وشوي الا حورعطت عبدالرحمن بزي لاول مره وجن جنونه معناتها تسمع الجوال وعارفه اني اتصل حضرتها ومطنشه ياسلام عليها اشوف النهايه ياحور معك. وقفل الجوال وتركه جنبه وقام عنهم وجلس عند احمد وهو اعصابه مشدوده ناصر يضحك مع بندر وظلو يتلفتون يدورن عن احد يجننونه ومالقو بو جهم احد شوي الا صوت مسج من جوال عبدالرحمن اخذه ناصر له وهو يصارخ مع بندر ناصر:اسرررررع يابو طلو الي مطنشك ارسل. بندر:شوف المسج وخبرنا شصاير. اخذ عبدالرحمن وحاول يصد عنهم لكنهم ماعطوه فرصه وفتحه لقاها رساله موجود رقم ابوه وطالعهم واعصابه فلتانه زياده عن الازم وحط حرته فيهم عبدالرحمن:ضفو وجهكم عني لا اطلع حرتي فيكم. بندر:هههههه قوم نصور لا نتكفخ. وتوه ساكت الا صوت مسج ثاني قطعت كلامهم وعبدالرحمن متوتر من كل صوت يسمعه فتح المسج وعلى طول بس شافه قام على طوله وطلع بره يقراه وناصر يناديه ناصر:تعااااااال بشر من راسلك كول مي؟؟هههههه. بندر:هههههه اما نكته لو تكون الرساله صحيح كول مي. احمد وهو يضحك معهم:اعقلو عن الرجال وبلا هالربشه. ناصر:خلينا نتسلى. بندر:الا وين عبود مااشوفه هو الثاني؟؟ ناصر يتلفت حوله يدور عبدالله:ووينه؟؟قوم ندوره نجننه بعد ماخلصنا على اخوه. بندر:عليهم هههههههه. وقامو ثنينهم اطلعو يدورون عبدالله..عبدالرحمن يقرا المسج الي وصله وكان من حور مكتوب فيها اسفه حبيبي انا بسوق مااقدر اكلمك لاتتصل انا بتصل عليك اذا رجعت البيت) عبدالرحمن مو عارف يرتاح ويهدي اعصابه ولا يعصب اكثر المهم ان الرجال عزم على الزعل. عبدالله مسكين يكلم بدور ويترجاها وهي تجننه بحركاتها وهو يحاول فيها وهي ولا معبرته عبدالله:يالله قولي لي جات حبيبتي ولا مابعد؟ بدور:استغفر الله اهتدي بالله ياخوي ونادها باسمها على الاقل قدامي. عبدالله:طيب جات زوبا؟ بدور تلعب فيه زياده:هــــي قول اسم البنت زين..زينب وبالحركات والقواعد النحويه. عبدالله فلتت اعصابه من استهبالها:بدور بجي اتوطى في بطنك. بدور خافت:زين زين يمه اكلتني ماينمزح معك قول شتبي؟ عبدالله بنفاذ صبر:جات زوبا؟ بدور:اممممممم لا.. عبدالله:ماجات متاكده؟ بدور سمعت صوت سلام وضحك من بعيد والبنات قامو طلت براسها على الموجودين بره بدور:هذا هي وصلت توها داخله. عبدالله وكان فرحان:صحيح قولي والله؟ بدور باستهزاء:فشلتنا لاتموت علينا وجات يعني شنو بيصير؟ عبدالله:امانه بدور سلمي عليها وبوسيها عني وقولي لها من عبدالله ولا اقولك روحي جنبها خليني اسمع صوتها وهي تتكلم تكفين بدووور. بدور:عطيتك وجه يالله مع السلامه. عبدالله:بدور انتظـــ... وقفلت الخط قبل لايتكلم وهو عصب عليها ورجع اتصل عليها وعطته بزي وانقهر ناصر تعب وهو يدوره مع بندر ومالقوه ورجعو للمجلس وعبدالرحمن جالس عند النار مع احمد وجلسو معهم يسولفون ونفخ بندر بقووه من التعب وهو يحوس على عبدالله. بندر وهو منسدح:اااااااخ تعبنا ومالقيناه. ناصر:ماادري وين اختفى؟ عبدالرحمن من غير نفس:احسن لكم تستاهلون التعب. ناصر يطالع ولد عمه بنص عين:الله الله كل هذا كره؟ ودخل عبدالله وحاله ماهي احسن من حال اخوه وجلس معهم وهو ماسك جواله في يده بندر:هاا اخيرا جيت عبوود تعبتنا ندورك؟ عبدالله:اقول مالي مزاج لمزحكم اسكتوعني. ناصر:شسالفه عيال العم بو خالد ماسكين هالجوالات ومايبون احد يكلمهم؟ وتوه منهي جملته الا بدخله خالد وسلم على كل الموجودين في المكان خالد:السلاام عليكم ياشباب. وجا جلس مع اخوانه بجنبهم ونط في وجهه ناصريستهبل عليه ويكمل الي بداه فيه ناصر:يالله حيه ولد العم. خالد:الله يحيك يالغالي. ناصر:توني اقوله احسن بيت عمي بو ريان ياجعله مانخلى منه. خالد عارف طبع ناصر لكن مسايره:تسلم يالغالي فيك الخير. طلع خالد جواله من مخباته وبنفس الوقت اخذه منه ناصر سريع وحطه عنده ناصر:خليه عندي صايره لكم سالفه ياعيال بوخالد مع هالجوالات. خالد:هههه ليه؟ بندر:اسال اخوانك ....من يطلعون هالجوال ويمسكونه يقلب مزاجهم. خالد:لكن انا مطلعه عشان احطه جنبي بس مابكلم احد. ناصر:خايفين عليك تصير مثل اخوانك والاحتياط واجب. عبدالله:وشفيك علينا يا نويصر؟ ناصر بتحدي:هي انا نويصر قول العم ناصر وجع. عبدالله:تخسي. قام ناصر وقف وثنى اكمامه وضرب ظهر بندر يقوم يوقف معه وهذاك طاوعه وقام ناصر:يالله قوم وريني ياعبيد ان ماسدحتك هنا. عبدالرحمن ضحك على شكل ولد عمه:ههههه استريح تراني بفزع لخوي. خالد:وانا مع اخوي عبوود ثلاثه على اثنين. ناصر:افا مايهم يا اشرار انا معــ.. احمد تكلم سريع:لاتطالعني انا مع خوال عيالي في المستقبل القريب. ناصر نزل كمومه:اجل ماني بقدكم هونا يا بندر اجلس لكن ياحسايف على الرجال. عبدالرحمن يغيض ناصر:أي والله ياحسايف على الرجال يانويصر. .............................. .................... ................. حور كانت متوتره وتتمشى بالمجمع مع دانه واسيل الي ناسين نفسهم يطلعون من محل ويدخلون في الثاني وهي تمشي وراهم بس دانه شافت جاكيت عجبها بالحييل وحبت تاخذ راي اختها فيه لان اسيل مو عاجبها دانه لفت على اختها:حوور تعالي شرايك بالجاكيت؟؟ حور مالها خلق:حلو. دانه:بس حلو قولي شرايك فيه كله لونه شكله؟ حور:قلت لك حلو شتبين اكثر. اسيل تدخلت بينهم:شفيك حور انتي الي تبين تجين السوق والحين متملله تونا واصلين ؟ حور انتبهت لنفسها صح ليش بهالمزاج عبدالرحمن وارسلت له يعني ليش الخوف وكل هالخلق الطالع تتسوق وتفرفش احسن لها. حور وهي مبتسمه:مافيني شي بس تعبت وجعت. دانه:ايه والله من اكلنا بالمدرسه ماكلنا شي ثاني. اسيل:طيب نشتري كم حاجه وعالساعه 8 نتعشى شرايكم؟ حور:امممم تمام دانه:طيب اخذ الجاكيت او لا؟؟ مسكته حور وضلت تطالع فيه:برايي لو تاخذينه بس لون احمر يكون روعه. دانه:خلاص بشتريه وانتي ماتبين مثله؟ حور:لا باخذ غير واذا ابي باخذ حقك. دانه:براحتك بس لاتصدقين بفكر اعطيك اياه اذا بغتيه او لا. شرو الجاكيت وطلعو من المحل وكملو يتمشون بالمجمع واخذو اغراض كثير حتى صار الوقت الساعه9 ونص وهم بالمجمع اسيل طالعت الوقت وصفرت بخفيف اسيل:هي تاخر الوقت وماتعشينا يالله نتعشى عشان نمشي. حور:اشوف كم الساعه اوووووف جد تاخرنا يالله نروح نتعشى. دانه:يووه تو الناس مابعد اخلص كل الاغراض الي ابيها. حور واسيل مشو واتركوها وهي مدت بوزها وراحت وراهم جلسو على طاوله وطلبو لهم عشاء وهم ينتظرونه حور كانت تطالع حولها وانتبهت في محل يبيع ساعات رجاليه وفي ساعه شدتها بالحيل وحبت تروح تاخذها لفت على اختها وبنت عمها وقالت لهم يقومون معها يشترونها ويرجعون حور:يالله عاد بس ناخذها ونرجع. اسيل:بس حنا طالبين العشاء انتظري نخلص ونشتريها. حور:قومي معي ودانه تنتظر العشاء هنا. دانه:لالا يبا جلسو معي. حور زعلت:دووووووينه بلا نذاله وانتظرينا. دانه لفت وجها:سوري يا اروح معكم يا مافي. اسيل:ليش مستعجله؟ لمن بتشترينها هالساعه؟ حور ارتبكت وهي بخاطرها تشتريها لعبدالرحمن صحيح ماراح تقدر تعطيه اياها لكن بتفكر بطريقه او انها تحتفظ فيها المهم تشتريها واحتارت لمن تقولهم؟؟ حور:لـــ…لــ…لــجاسم. دانه:طيب جاسم مايحب يلبس ساعات. حور:اوكي بشتريها لمحمد. اسيل طالعتها وهي حاسه بشي في بنت عمها:محمد عنده ساعات كثير. حور مصره تشتريها:بشتريها لعلي. اسيل سكتت من طاري علي وحور تحسفت انها قالت لعلي ودانه مو عارفه تغير الموضوع حور:اسفه بس انا عاجبتني. اسيل تجاهلت السالفه:بس هذي جلد وعلي عنده حساسيه شوي من الجلد. دانه فتحت عيونها بقوه وظلت تطالع في اسيل مستغربه من كلامها دانه:وانت من قالك؟ اسيل بحياء:علي عطيته هديه ساعه هذيك المره في عيد ميلاده اخذها وقال انه عنده حساسيه من الجلد. دانه:انا اخته وماادري. حور:طيب شلون تقدمين له الهديه ومافهم انك تحبينه. اسيل والدموع تجمعت بعيونها:لاني قلت الهديه من ابوي. دانه:ااايه كذا اجل. اسيل غيرت الموضوع:خلاص روحي انتي ودانه وانا انتظر. حور تاثرت:لا نروح بعد العشاء. اسيل سكتت وظلت تلعب بأظافرها وحور حاطه يدها على خدها وسرحانه ودانه تلعب بجوالها شوي وصل العشاء وجلسو يتعشون ويسولفون صوت جوال دانه في الشنطه طلعته وكان ابوها يتصل عليها ردت عليه دانه:هلا ابوي. بوجاسم:هلا بالغاليه …وينك مارجعتي البيت؟ دانه:تو الناس يبا. بوجاسم:اي تو الناس الله يهداك الساعه 10 رجعي يالله. دانه:طيب اخلص عشاء وارجع. حور تخطت حساسيتها بموضوع ابوها من حبت عبدالرحمن وتعلقت فيه وكانت تسمع دانه وتبتسم ونفسها تسمع صوت ابوها هي بعد اسيل وهي تاكل:سلمي على عمي. دانه:تسلم عليك اسوول يبا. بوجاسم:الله يسلمك ويسلمها والله مشتاق لها هالبنيه من زمان ماشفتها. حور اخذت الجوال من يد اختها وظلت تسمع صوت ابوها وهو يتكلم وعيونها شوي وتدمع من الفرح وجمعت كل قوتها عشان تتكلم واخذت نفس حور بحياء:شلونك يبا؟ بوجاسم سمع الصوت وسكت مو مصدق الي يسمعه حور تكلمه وسرت رجفه بجسمه بوجاسم:بخير الله يسلمك اخبارك ياحور؟ان شاء الله بخير؟ حور وشفايفها ترجف من الفرحه بصوت ابوها:بخير مو ناقصني الا شوفتك. بوجاسم:خلاص يابنيتي تعالي خل نشوفك من زمان مابينتي. حور:طيب اذا خلصنا اختبارات. بوجاسم:بكره اخر يوم ان شاء الله نشوفك. حور:ان شاء الله. بوجاسم:لاتتاخرون بسوق وراكم بكره دوام يالله فمان الله. حور ودموعها تطيح من الفرح:فمان الله. قفل بوجاسم الخط وحور مازالت ماسكه الجوال وتتلفت على دانه واسيل. دانه:حور شفيك؟ اسيل ردت عنها:شفيها يا غبيه ماسمعتيها اول مره تكلم عمي. دانه:حور شنو قالك؟ حور وهي مو مصدقه كانها بحلم:يقول يبي يشوفني. دانه:صحيح خلاص تعالي بيتنا بكره. حور مسحت دموعها:يصير خير قومو نشتري الساعه ونمشي. دانه:زين نتصل على محمد على مايجي نكون خلصنا. وقامو ادخلو محل الساعات وعلى طول حور اخذت الساعه الي شافتها وكانت جلد بني ولون اطارها نحاسي ومن داخل نفس اللون واختارت علبه هاديه رجاليه وهي تنتظر شافت ساعه ثانيه وكانت كلها فضيه وعاديه بالمره وباين عليها عمليه وتنلبس دايم وفكرت تاخذها وشوي شالتها وحطتها قدام البياع يغلفها دانه محتاره:هي ليش كل هالساعات؟؟ حور:باخذها لبوي شرايك حلوه؟ اسيل اعجبتها بالمره:والله تجنن حوير. دانه طالعتها:تسوين خير من سنين ابوي ماغير ساعته صارت تراث. اسيل كانت شاريه حاجه من نفس المحل وماشافوها بنات عمها على طول حطتها باغراضها وطلعو من المجمع وكان محمد ينتظرهم ركبو السياره وهم يسولفون ويضحكون ومحمد يطالعهم ومتعجب من الاكياس الي بيينهم محمد:ماخليتو شي بالسوق. دانه:وابشرك ناقصتنا اغراض. محمد:من جدكم تتكلمون؟؟ أسيل:خواتك فشلوني كل ماشافو شي بيشترونه. حور:اقول يالله البيت تأخرنا بلا هذره. ومشو عشان محمد يوصل كل وحده بيتهم لان وراهم اختبارات. التعديل الأخير تم بواسطة هوازم ; 10-23-2014 الساعة 01:52 AM. سبب آخر: خطاء في الترتيب |
|
|
#24 |
|
|
رد: "مال الهوى عندي عذر ".
في بيت بوخالد كان زحمة بنات وصوت أغاني وسوالف وضحك وكانت سمر كاشخه
بجلابيه لونها أخضر وفي يدينها ورجولها حناء وكانو البنات يصفقون والكل يبارك لها وبس فطوم وزوبا الي حضرو وكانت فطوم تحط حناء هي ثانيه بعد ماخلصت نوف فطوم:صرت مثل العروس يازيني بالحناء. نوف تطالع يدينها:والله قصيتو علي حقي مو حلو فطيم أحلى. بدور كانت جالسه ومتكتفه:تستاهلين قايله لك لاتحطين وربي ريحته تلوع الكبد. نوف تحب الحناء عكس بنت عمها:رووووحي عرس أخوي ولا احط مثل خبله. سمر قامت من عند الحريم وجلست جنبهم وظلت تدور ماشافت نوره معهم سمر:ووين النوري؟؟زوبا وين أختك؟ زوبا تبرد بأظافيرها:ماجات. سمر:ليش؟هي قايله بتجي. فطوم:حسون مارضى لها تجي. بدور رفعت حاجبها:وسمعت كلامه؟ سخافه اسمحو لي ماله الحق يتحكم فيها. فطوم صرخت:هـــي زوجها لازم تسمع كلامه. بدور ضربت كتف فطوم:قـومي عني خطيبها مابعد يصير زوجها. نوف تدخلت:خلصونا ليش عا ماخلاها تجي؟ فطوم وزوبا طالعو بعض وقامو يضحكون لانهم يدرون ليش ماراح تجي نوره نوف:وشفيكم؟ زوبا تطالع فطوم:لان فطوم قالت لحسين ان نوره غشت بالاختبار وهو عصب عليها ههههههه. البنات:هههههههههههههههههه. بدور وهي تضحك:هههه ماقلت لكم ثنينهم فاضين. فطوم:يالله عاد بدير اسكت لا تشوفين شر. وهم يضحكون دخلت وحده المجلس وكانت لابسه عبايتها وفي يدها باقة ورد وانتبهو فيها البنات وظلو ينتظرون يشوفون من هذي وبس لفت عليهم صرخو بصوت واحد: نوووووووووره. وهي جاتهم تضحك وسلمت عليهم وباركت لسمر وعلى طول غطت العبايه وجلست زوبا تطالع اختها:ماعرفناك مغيره عبايتك. نوره كانت ترتب شعرها باصابعها:ااايه توني شاريتها رحت السوق وبعدين جيتكم. زوبا:لييييش؟ بدور:حركات عيال على طول تلبسينها. نوره بدلع:بعد شسوي حبيبي حسين يبي يشوفها علي لبستها عشانه. زوبا:الحين هو قايل مو جايبك شنو غير رايه؟ نوره طالعت نوف وابتسمت:سويت مثل مانصحتني قلبي نوف بس اتصل قلت له حسووني وذاااااااب عاد سويت نفسي زعلانه وكم كلمه من حسين ورضيت طلعنا السوق شريت عبايه على فكره حسون مختارها وبعدها تعشينا و..... فطوم:وجع تعشيتي بعد والله ظلم غشاشه ويدونها السوق ويعشونها. نوف سكتت فطوم:اسكتي فطووم عفيه على النوري كملي. نوره كملت:وبعدها قلت لحسين يمر بي على لمووي وصحيح تسلم عليكم وتعتذر ماراح تجي. وقامت نوره واخذت باقه الورد وعطتها سمر:وهذي منها وتبارك لك وتقول عقبالك بدير. سمر وهي مبتسمه وكاسره خطرها لمياء:الله يبارك فيك وفيها والله ماتوقعتها تذكر زواجي الي هي فيه مو هين عليها الله يعينها. نوره تنهدت:المهم بدلت عبايتي عندها وجيتكم. زوبا لفت وجه اختها:انا اقول كل هالكشخه مو عشانه عشان حسين. نوف:نوري حري قلبهم وتعالي حطي حناء. نوره مدت بوزها:ياليت حسين مو راضي. بدور متنرفزه من سالفه حسين:يوووووه والله ماعندكم سالفه. ام خالد كانت تجهز للعشاء وانتبهت فيها زوبا وقامت لها تساعدها زوبا بنعومه:اساعدك خالتي. ام خالد رفعت راسها وشافت زوبا وابتسمت:لاتعب نفسك الله يعطيك العافيه. زوبا وهي تساعدها:تعبك راحه خاله. بدور تطالع في زوبا:ايوووه يا حلوه تميلحي عالوالده اكثر ايووه ايوووه. زوبا صار وجها احمر والبنات يضحكون ام خالد سكتت بدور لانها احرجت زوبا بدور:الله يهديك يمه تعلميني في زوباا انا اكثر وحده عارفتها. ومسكت يد زوبا وراحت معها وهذيك معصب عليها وصعدو لغرفه بدور وبس قفلت بدور الباب انفجرت فيها زوبا من القهر على حركتها زوبا:انتي ماتستحين على وجهك. بدور:اسفه كنت امزح معك لاتكبرين السالفه يالله عاد. زوبا:طيب...اخبار عبوودي؟ بدور:يسلم عليك..انتظري اتصل عليه اجننه شوي. اتصلت بدور على عبدالله الي كان جالس على العشاء وشاف رقم بدور وماله خلق يكلمها لكن بندروناصر ماتركوه لحاله حتى بالعشاء يجننونه هو وعبدالرحمن ناصر كان يسولف مع خالد وسمع صوت الجوال وطالع بندر وهذاك ياكل ومانتبه له ناصر ماسكت:رد يا عبدالله على جوالك يمكن امر مهم. عبدالله لف عليه وهو مصدوم:وانت مانسيت هالسالفه ماني براد عليه شعندك. خالد واحمد وعبدالرحمن يضحكون على عبدالله الي معصب على كلام ناصر احمد:يانويصر اتركه في حاله. عبدالرحمن كان جنب عبدالله وشاف رقم بدور هي الي تتصل عبدالرحمن:قوم رد عليها وخلك من نويصر. عبدالله يكمل اكله:عناد فيه مو قايم. خالد:بلا حركات عيال وقوم رد. قام عبدالله وهو معصب وناصر يضحك وطلع برا وهو معصب ورد على بدور عبدالله:الوو بدير. بدور خافت من صوت عبدالله:شوي شوي تعال طقني احسن. عبدالله:اقول انطمي انا مقهور منك كفايه. بدور طلعت الصوت سبيكر:انتبه ترى حبيبة القلب تسمعك الصوت سبيكر. زوبا ضربت يد بدور عبدالله سمع وانحرج وعدل صوته ورد بهداوه عبدالله:يالله بدور شعندك بروح اكمل عشاء. بدور بنذاله:سلامتك بس زوبا كانت تبي تكلمك دامك مشغول خلاص مع السلامه. زوبا فتحت عيونها وهذيك سكتتها عبدالله ستانس عبدالله وهو متلعثم:لا انا فاضي. قفلت زوبا السبيكر وعصبت على كلام بدور وبدور تضحك بدور:زين اخوي هذي هي بتكلمك. عطت زوبا الجوال وزوبا متوهقه وعبدالله ساكت ينتظر زوبا تتكلم وقلبه يدق زوبا تتكلم بصوت خفيف مع بدور:جنيتي شنو اقوله؟ظ بدور:سلمي عليه واخبارك ومع السلامه بس..يالله ينتظر. وطلعته ثاني سبيكر عشان تتكلم زوبا مع عبدالله زوبا تكلمت وهي متردده ويديها ترتعش:هلا ...عــ..ـبدالله. عبدالله سمع صوت مو مصدق نفسه تنهد بقوه:هلا والله ..أخبارك؟ زوبا وصوتها رايح من التوتر:بخير..انت اخبارك؟ عبدالله:دوم عليك..انا بعد ماسمعت صوتك اكيد بألف خير يالغاليه. بدورمسويه نفسها معصبه:هي هي يالله مع السلامه لاتخسروني وعيب يالله.. عبدالله تنرفز من اخته ونفسه يذبحها:بدور خلاص بلا هالحركات..وزوبا قولي لي حطيتي حناء؟؟ زوبا بحياء:لا بس عشانك راح احط. عبدالله:يصير اشوفه اذا حطيتيه؟؟ زوبا:امممممم لا مايصير تشوفه لكن بحطه عشانك. عبدالله وصوته زعلان:افا يعني ماراح اشوفه..طيب اكيد بيطلع عليك حلو.. بدور رجعت تجننهم:اسمع عبوود زوبا تتميلح على امي عشانك بعد. عبدالله قام يضحك وزبا منقهره من حركتها وضربتها بقوه على رجلها بدور:يالله يالله مع السلامه لاتذبحني هالشينه. عبدالله:يالله عاد سكتي عن شيخة البنات واذا زعلتيها ياويلك. زوبا ابتسمت من كلامه وبدور جنت:اقول مع السلامه. عبدالله مايبي يقفل:طيب تامريني حاجه زوبا؟ زوبا بحياء اكثر:سلامتك. عبدالله:الله يسلمك انتبهي لنفسك اوكي. بدور ماخلته يكمل:استريح مع السلامه. وقفلت الخط وزوبا مبتسمه وصرخت بقوه:اااااااااااه احبه. عبدالله مو مصدق انه سمع صوت زوبا وضل واقف مده طويله مغمض عيونه وبعدها رجع داخل وعلى طول دخل وباس خالد على راسه وجلس جنبه وحضنه بقووه خالد وهو يضحك:شوي شوي شفيك؟ ناصر سحب خالد من عند عبدالله:هي استح هذا بو ريان. عبدالله:يعطيك العافيه يوم خليتني ارد على الجوال لو مارديت كان خسرت نص عمري. ناصربلقافه:ليش شصاير؟؟ عبدالله جا دوره يجنن ناصر:او تموت ماراح اقولك. خالد قطع هواشهم الي بيستمر لساعات:اقول عبدالله قوم بنمشي البيت امي توها متصله. وقام عبدالله وخالد ومشو للبيت بعد ماسلمو على الشباب.. ريما كانت جالسه مع البنات ولابسه جلابيه بنفس جلابيه سمر وتترجى في بدور تمشط شعرها الي كانت مقابله زوبا وهي تحط حناء. بدور:اسكتي ريووم...وانتي يا القزمه الحين بتحطين حناء ومن شوي ماتبين. زوبا وهي ماده يدها:ماعليك مني. نوف تسولف مع نوره وكسرت خاطرها ريما الي تترجى بدور وهذيك جاطلتها ولا ترد عليها وردت عليها هي بدلها نوف:ريووم حبيبتي وشفيك؟؟ ريما جات لعند نوف الي جلستها على رجولها:ابي اسوي شعري كذا جدلتين. نوف حضنتها:بس شعرك قصير. ريما براءه طفوله:عادي اربطيه لي بس. نوف فتحت شنطتها:تامرين ياحلوة. وربطت شعرها ورتبته بعدها قامت ريما وباست نوف وراحت تلعب ثاني مع العيال نوف لفت على نوره:وربي تكسر خاطري هي مع اخوها. نوره بهتمام:والله امهم ماتستاهلهم حرام عليها. قطعت كلامهم فطوم:يالله نوري مشينا حسين تعب وهو يتصل عليك ومقفل جهازك. نوره قامت تلبس عبايتها:اايه فاضي الشحن..يالله زنووب. زوبا تنفخ على يدينها:ماابعد يجف حناي. فطوم:قومي خلصينا. وقامت زوبا البست عبايتها وسلمو على الكل وطلعو بدور تحاول فيهم يجلسون زياده وهم بيركبون السياره وصل خالد مع عبدالله وزوبا شافتها وشهقت خوفت فطوم فطوم وهي مرتاعه:يلعن شكلك وشفيك؟ زوبا مرتبكه:لا بس عبدالله يجنن. فطوم طالعته:أي والله حتى خالد حلو يالله دخلي السياره وبلا قله ادب. ركبو السياره ومشو وعبدالله يطالعهم وكان متوقع ان زوبا معهم وضل سرحان وارتاع بصوت بوري من وراه وبس لف لقاه ناصر ولد عمه يكبس بنور سيارته عبدالله ضرب على السياره:ووجع نويصر بموتك اليوم. وهذاك نزل من السياره وهو يضحك وقف وراء خالد وعبدالله يبي يضربه ناصر:انا دخيلك يابو ريان ابعد اخوك عني. عبدالله:لاتحاول ذابحك ذابحك. خالد وخر عنهم وهو يضحك ودخل البيت ونادى:يالله يالله ياحريم. وطلعت ريوم بنته تركض وشاله على طول وقامت تسولف عليه ريما:حلو شعري بابا؟؟ خالد:حلو من سواه لك؟ ريما:خاله نوف سوت كذا انا قلت لها. طلعت ام خالد لو لدها:ادخل يمه مافي احد داخل الا بنت عمك. دخل خالد ونوف لابسه عبايتها عشان تطلع وسلم عليها وجلس هو ريما خالد:حياك الله يانوف ويعطيك العافيه على شعر ريوم. نوف بحياء:الله يحيك ويعافيك ..خلاص في العرس انا امشطها. خالد بمزح:لالالا مايصير بنتي بتصير احلى من العروس بوديها الى مشغل. نوف:افا طلعتو تدلعون بنشوف بنتك الخسرانه..يالله مع السلامه. ام خالد:فمان الله يابنتي وانتبهو لطريق. نوف وهي طالعه من الباب:ان شاء الله خاله. طلعت نوف وركبت السياره وبس خلص ناصر سوالفه مع عبدالله ركب ومشو للبيت. .............................. .................... ......................... حور كانت تسولف مع لمياء بالجوال والوقت متأخر وهي تكلمها وتعلمها عن اخبار البنات حور:والله مشتاقين لك لمووي ليت ترجعين. لمياء وصوتها مازال حزن سعد يصبغه:الله كريم..وبعدين يكفي عندك رحمانو شاغلك. حور ضحكت:هههههه كل من فطيم هي الي علمتك وابلشتني. لمياء:ههههه اخباره؟؟ حور تنهدت:ااه حبيبي ماادري نسيت اكلمه؟ ان شاء الله موزعلان. لمياء نبرتها تحولت للجد: ان شاء الله...حور حلو وفي نفس الوقت يتعب لكن قوليلي السالفه مو حب وبس شنو متفقين عليه انتي وعبدالرحمن؟ حور عقدت حواجبها:شلون يعني؟؟ لمياء:ماقالك متى بيتقدم لك؟؟ ولا فاكر حب وسوالف وانتهينا. حور متوهقه لانها مافكرت بسالفه:ماقال وكل مافتحنا السالفه تعذر يا انه تو ماايبي يتزوج الان او يقول يشوف حالة اهله وكل مره يقفل السالفه. لمياء بجديه:حور انتبهي لحالك اذا بيتسلى اتركيه. حور تبرر لعبدالرحمن:هو يقول انتي لي مو لغيري. لمياء تواسي صاحبتها:مايكفي ياحوري لازم تكلمينه بجد في الموضوع. حور:طيب. لمياء:يالله تامرين شي؟عارفه انك تبين تكلمينه. حور:سلامتك..انتي تامرين حاجه؟ لمياء:اايه لاتسهرين وانتبهي لاختبار بكره وسلمي على البنات ولاتنسين الي وصيتك عليه. حور:ان شاء الله سلاموو تصبحين على خير. لمياء:وانتي من اهل الخير سلام. قفلت حور وطالعت الساعه وكانت الساعه12 ترددت تتصل على عبدالرحمن او لا؟ طلعت الساعه الي شرتها وحطتها قدامها وقررت تكلمه تربعت على سريرها واتصلت عليه عبدالرحمن كان بغرفته بينام وسمع صوت الجوال وعرف انها حور ورد عليها برود عبدالرحمن:الووو. حور بهمس:حيهم حيهم حبيبي. عبدالرحمن بنفس النبره:هلا حور. حور بزعل:ليه تكلمني كذا؟؟ عبدالرحمن:اسف حبيبتي لكن مشتاق لك مووت وزعلان منك انا تقلين بوجهي. حور تبرر له:كنت بسوق ومعي خواتي. عبدالرحمن:طيب ماصار شي المهم اخبارك قلبي؟؟ حور:تماموو مشتاقه لك. عبدالرحمن:دووم حبيبتي..شنو شريتي لي من السوق؟؟ حور:شريت لك ساعه حلوه وبتكون احلى على يدك. عبدالرحمن:وبتكون احلى واحلى لانها منك وانتي ان شاء الله بتلبسيني اياها. حور وهي خايفه:عبدالرحمن متى؟ عبدالرحمن استغرب من سؤالها:مافهمتك؟شنو الي متى؟ حور:انت دوم تتكلم عن حياتنا مع بعض متى بيصير؟مافي مره قلت لي انك بتتقدم لي؟ مامره طلبت مني انتظرك؟يعني مو عارفه انا شنو؟ عبدالرحمن علق الكلام في فمه هو عارف ابوه وهو نفسه مايبي يرتبط بهالوقت وتعب يدور اعذار لحور لكنه رد عليها:هذا شي راجع لك تنتظريني او لا؟ لما يجي الوقت الي بتزوج فيه وانتي لسى ماتزوجتي ان شاء الله بتكونين اول وحده اتقدم لها. حور انصدمت من كلام عبدالرحمن:يعني انت تتسلى فيني طول هالوقت. وبدت دموع تنزل على خدها وعبدالرحمن عصب من كلامها وذكر ربه قبل مايتكلم عبدالرحمن:شالكلام حور انا احبك وعمري مافكرت هالتفكير ولا ابي اسمعه مره ثانيه طيب وتو الناس على هالموضوع باقي قدامنا سنوات كثير يالله حبيبتي خليني اسمعك تضحكين وتوافقيني على كلامي وحنا اذا لبعض مااحد بيفرقنا اوكي قلبي..؟؟؟ حور وهي تمسح دموعها وتبتسم:اوكي بس تو عدني انك ماتتخلى عني وانك لي؟ سكت عبدالرحمن وحور وقفت قدام نافذتها تنتظره يرد وشوي كانت الشبكه تقطع الصوت انفاس حور اربكت عبدالرحمن:حور ..أحبك بس لاتلزميني بهالوعد..اخـ..ـأف مااقــ..ـدر انفذه.. حور:.......... حور مقتنعه بكلام عبدالرحمن بس لمياء هي الي اصرت عليها انها تفتح معه هالموضوع ولا هي كانت راضيه بس بالحب والحلم الي هي فيه. عبدالرمن يقطع عنده الصوت:حور...ردي علي...طيب قلي احبك..حور.. في صوت بغرفه حور باب غرفتها فتح وشخص يتحرك من وراها حور ردت على عبدالرحمن لكن صوتها مايوصل له:أحـــــبك عبدالرحمن وسامحني حبيبي لاني فتحت هالموضوع ووعد مانتكلم فيه الا بالوقت الي تبيه يالله لله رحمانو قلبي وربي آسفه... شهق طلعت من حلق حور ويد نزلت بكل قوه على وجها وطاح الجوال من يدها كان جسمه يرجف وأنفاسه متقطعه أسئله كثيره بعيونه ونظرات قهر وعيون حور فيها ندم وذل وانكسار حاولت تتكلم تبرر موقفها بس شلون وكيف؟؟؟؟؟ عبدالرحمن كان ينادي حور وهي ماترد عليه عصب عبدالرحمن وجلس يصارخ وشوي أنسد الخط في وجهه وضرب هو بالجوال وال بداخله:طيب ياحور انتي الي بعتي أنا تقفلين الخط بوجهي وانا الي اعتذرلك...يعني الا اوعدك بالزواج اووووووف هالدنيا قرف.. وحط راسه على المخده وماغمضت جفونه كان زعلاان بالحيييل... حور؟؟؟شنو صار فيها ومن الي دخل واكتشف سر حور الكبير؟؟؟ شنو بيكون موقفها قدام الجميع؟؟؟ بوجاسم له دور؟؟يساعد حور في وقت حاجتها له؟؟ او هو ضدها مع الكل؟؟ عبدالله وزوبا في احد يعيش الحب مثلهم؟؟ لمياء ترجع للحياة بعد سعد؟؟ عبدالرحمن شنو ردت فعله بعد الي يصير؟؟ سيف ودانه ينبت الحب بينهم او؟؟؟يضل خامد؟؟ يعدي زواج سمر واحمد على خير؟؟؟ نعرف بالبارت الجاي؟؟ البارت الثامن (8) لأنكم اجتهدتوا في الاختبارات ويارب كانت سهله عليكم بقدم لكم البارت ولاتلوموني عالاحداث الجايه هذا الواقع انا نقلته لكم وياليت يعجبكم .... .............................. أتـحـبني بعد الذي كانا إنـي احـبك رغم ما كانا مـاضـيك لا انوي إثارته حـسبي بأنك هاهنا.. الآنَ تـتبسمين وتمسكين يدي فـيـعود شكي فيكِ إيمانا عـن أمس لا تتكلمي أبدا و تـألّـقي شِعرا وأجفانا أخطاؤك الصغرى أمّرُ بها واحـوّل الأشواك ريحانا لـولا المحبة في جوانحهِ مـا أصبح الإنسان إنسانا عام مضى وبقيتِ غالية لا هنتِ أنت ولا الهوى هانا إني أحبكِ كيف يمكنني أن أشعل التاريخ نيرانا (نزار قباني). مسموح لنا نحب بعد الحب الأول اذا رحل وتركنا بلا رجعه وفينا له لكن ا لقلوب ماتتقيد بوعود قيودها زجاج تتكسر...أخطائنا في الحب مغفوره وفي من يقدم لنا الحب مره ثانيه لأن دموعنا غسلت خطاينا واعلنت توبتنا...يمكن نهرب من تجربه الحب مره ثانيه لكن لازم نجرب مره ومرتين وثلاث لان بالنهايه بننجح...يمكن قلوبنا طاهره بس احيانا برائتنا تخونا وياليت الكل يسامحنا...والصعب؟؟؟والي اختلف في الحكم عليه خذلان الحبيب لحبيبه نقدر نسامح عليه؟؟؟شرايكم نسامح؟؟؟ كل الي ابيه منكم تحطون في بالكم أن كل خطأ بامكانا نسامح عليه لان السماح موجود وهو اساس قلوب العشاق....تحياتي لكم... .............................. .................... .............................. كان فمها يرتجف ودموعها تنزل على خدها ونظراته كلها لووم وعتاب مازالت يده مقبوضه بعد ماسجدت على خدها بهموم وحزن وصحتها من أحلامها... .....بكل قهر صرخ:لـــــــــــيش؟؟؟ حور بأسف:صدقني كنت.... نزل راسه والدموع تلمع في عيونه:بس سكتي ماأبي اسمع ولاكلمه للأسف ماعدتي حور الي أعرفها أنتي... حور تتوسله:خليني أقولك.. بحزن يقطع قلبه:شنو بتقولين؟؟في شي يذل وينزل الراس أكثر من الي سمعته؟؟ ماراح أسالك من هو؟؟ ولا شسمه؟؟ولا شلون عرفتيه؟؟ قاطعته حور:أنت اسمعني قبل... رد عليها بحزم:لا لا لا سؤالي...ليش ليش سويتي فيني كذا؟؟ليـــــــــش ياحور ليــــــش؟؟ردي علي...ماخذتي عبره من الي صار فينا؟؟...من اليوم لالا من هاللحظه ماابي اشوفك وأنا ماعندي أخت أختي بنسبه لي ماتت ... وانسحب من قدامها صرخت حور بصوت شهيد من الحزن:جــــــــــاسم.. وقف جاسم ماسك الباب وجفونه تبللت من دموعه مااقدر يلف يطالعها ضرب بالباب وراح لغرفته وهو ينزف من المعركه الي خاضها داخل غرفة أخته مصدوم ساره شافته ووقفت مصدومه بشكله الصدمه شلت كل احاسيسه ضيعت حب حور بقلب جاسم الكبير ضيعت الأخو والأبو والصديق والحبيب ضيعت الصدر الحنون ضيعت جــاسم وحبه لحور... ساره بتسأول:جاسم وشفيك؟؟؟ دموعه هي الي جاوبتها عطاها ظهره ووقف عند الستاره ساره وبكل حنان تقربت اكثر منه:حبيبي جاسم علمني وشفيك؟؟ كان الصمت والسكون جوابه قبضت ايده على طرف الستاره وكل اعصاب يده ترجف ساره مسكت يدينه وحضنته وانفجرت براكين احزانه على صدرها ظل ينتحب على اخته الي ماتت بنسبه له بكى على ضياع اخته دم بدل الدموع كان سؤال واحد يرن براسه طول الوقت ليــــــــــــــش ياحور؟؟ |
|
|
#25 |
|
|
رد: "مال الهوى عندي عذر ".
ساره رجعت تسأله:تكلم حبيبي طلع الي بقلبك لي أنا ساره حبيبتك بشيل عنك همك.
جاسم وهو يرتجف بين يدينها:شقولك؟؟أقولك أن حور بنسبه لي ماتت وضاعت راحت ومااتوقع ترجع حور ياساره خانت ثقت الكل فيها خانت امي ومحمد ودانه وخانتني وخانت حبي وثقتي فيها حور آآآآآآآآآآآآه ياساره آآآآآآآآآآه.... ساره وبخوف من كلامه:مافهمت حور شمسويه؟؟ جلس جاسم وهو ضام يدينه:دخلت بتطمن عليها اذا نامت للاختبار دخلت اقولها تصبحين على خير دخلت امسح على راسها دخلت اطمنها ان هي مافقدت ابوها دخلت اشجعها للاختبار دخلت اعلمها اني حاط كل امالي فيها وآآآآآآآآآآآآآآآه ليتني مادخلت ولاخطت رجلي لغرفتها ....كانت..كانــ..ــت تكلمه تقوله حبيبي واسمه عبدالرحمن... ...كانــ..ـت ..تعتذر منه وأنا....وأنا ...واقف وراها انذبح بكلامها..ماكان قصدي اضربها بس غصب عني ساره انا مابي اضربها...ساره انا .....انا..انا.. وطالع ايده وضمها بكل قوه وبعدها حط راسه على رجل ساره ونزلت دموعه وقبض على ايده اكثر وشهق:انا ..ولا شي..بعد الي سوته حور..ولا شي ولاشي..آآآآآآآخ.. حور شنو كان حالها؟؟ماكان ارحم من حال أخوها؟؟قلبها انكسر لقطعه والف قطعه كانت منسدحه على الأرض وتنتحب على اخوها الي تدري انها ماراح تقدر ترجعه جاسم انتهى من حياتها وهي ماتت في حياته كرهت نفسها لكن قلبها ضل يردد موال عبدالرحمن وضل متعلق بحب عبدالرحمن الي مايدري عن حال حور ولا الي صار فيها كل الي في خاطره انه زعلان منها لانها قفلت بوجهه وكان معصب عليها....... .............................. .................... ................... زوبا جلست الصباح تتجهز للمدرسه وكانت ترتب شعرها ونوره اختها تلبس سمعت صوت جوالها استغربت من يتصل الساعه6 الصباح؟؟ راحت لسريرها واخذت الجوال الي كانت راميته عليه رقم غريب ماتعرفه ترددت ترد او لا؟؟ وبعدها ردت بصوت عذب زوبا:الوو... صوت نفس وبعدها جاها الصوت الي جمد الدم بعروقها:هلا حبيبتي... زوبا فتحت عيونها وقفلت الخط سريع وضلت حيرانه عبدالله متصل؟؟ من وين له الرقم ؟؟ مايصير يتصل شنو ناوي عليه يبي يذبحونها اتصل ثاني طالعت الجوال بخوف قلبها يذوب تبي تسمع صوته بس خايفه وهو ضل يتصل وهي متردده نوره اخذت جوالها تكلم حسين وصحته من نومته:صباحوو حبيبي.. حسين وفيه النوم:صباح الورد لاحلى ورده بحياتي.. نوره بدلع:حسوني نايم يالله قوم عشان توصلنا المدرسه.. حسين مسح على وجهه بيده:تامرين حبيبتي بس شنو لي اذا طاوعتك؟؟ نوره حطت صبعها قريب فمها تفكر:اممممممممم بوسه كبيره. حسين قام من سريره:بس بوسه لا لا ماابي بس بوسه. نوره احتارت:امممم بوستين؟؟ حسين وهو مبتسم بخبث:لا..تتغدين معي بعد المدرسه.... نوره بفرح:اوكي حبيبي اتفقنا.. حسين رجع لنبرة صوته الجديه:يالله عاد خليني اخذ شور واتجهز سلام. نوره بكل رومنسيه:اموووووح سلامو حبيبي. قفل حسين وتنهد بكل مافيه من انفاس:آآآآآآآآآآآآآآآآه احبها.. زوبا كانت متوتره من اتصالات عبدالله نوره خلصت واخذت عبايتها واغراضها وبتطلع من الغرفه وشافت اختها:بروح افطر موجايه معي؟ زوبا برتباك:لا مابعد اخلص. نوره طالعتها:شنو باقي هذا انتي جاهزه. زوبا بهدوء:انتي روحي وانا شوي وجايه. طلعت نوره وماردت على اختها عبدالله اتصل وزوبا محتاره ردت عليه وصوتها يرتعش من الخوف:الوو. عبدالله بكل لهفه:صباحك سكر ياسكر اخيرا رديتي.. زوبا معصبه وبحياء:ليش تتصل من وين لك رقمي؟؟ عبدالله:سرقته من جوال بدور وانتي تحسبيني مجنون اسمع صوتك امس وانساه .. زوبا سكتته:عبدالله انا بروح المدرسه الحين لازم اقفل. عبدالله تضايق:طيب الله يوفقك ومتى اكلمك؟ زوبا:انا اذا جيت من المدرسه احاول اكلمك..باي. عبدالله ناداها:زوبا.......قوليلي احبك. زوبا بحياء ضلت ساكته وبعدها همست له:أحـــبك. عبدالله صرخ بقوه:ياويـــلي وانا احبك واموووت فيك. زوبا ضحكت على جنونه:ههههه عبوود خلاص يالله باي. عبدالله وهو ملهوف:ياروح عبوود تامرين يالله باي وانتبهي لنفسك. قفلت زوبا الجوال وطلعت تفطر مع اهلها وهي طايره من الفرح. دانه صحت على صوت ابوها الي تعب وهو يصحيها وهي مو راضيه تقوم صحت معصبه واخذت شور وكل شوي بوجاسم جاها يشوف خلصت او لا؟؟ دانه لبست عبايتها وهي متملله:الله يهديك يابوجاسم تعبتني. بوجاسم يضحك:ههههههه ياكسوله تاخرتي هذا نتايج الحوسه بالسوق. دانه بتطلع من باب الشارع وعلي وراها:يالله مع السلامه ماابي فطور. بوجاسم نادى لعلي:علي...انا باخذ البنات اليوم من المدرسه.. علي:ان شاء الله يبا. علي بستغراب من اخته:هي هي غطي وجهك حطي لثمه على الاقل. دانه ويدها بخصرها:يوووه ماابي. علي عصب:دووينه وعمى لاتعاندين وغطي وجهك. دانه لفت على ابوها وماده بوزها:يباااااااااا. بوجاسم بجديه:سمعي كلام اخوك واستحي. دانه عصبت وغطت وجها وبعدها طلعو ولااحد منهم تكلم ركبو السياره وهم ساكتين مرو على حور ونزل علي ينادي لها دخل البيت وشاف الكل يفطر سلم عليهم وعيونه تدور حور بينهم مالقاها سأل باستغراب:وين حور؟؟ ام جاسم:في غرفتها قوم يامحمد ناديها لاتاخر اخوك. وتوه محمد واقف الا جاسم طالعه بكل جديه وقال:اجلس انا بناديها. ساره نزلت راسها من خوفها والكل محتار بشكل جاسم المتغير عليهم صوته وطبعه حور كانت جاهزه دموعها تنزل وهي تشكي للمياء في التلفون وتعلمها بكل الي صار وعن خوفها وهذيك تهديها وحور خايفه من كل الي يصير فيها حور:وعبدالرحمن يا لمياء؟ لمياء تهديها:لاتحاتين ركزي على اختبارك وعبدالرحمن كلميه بعدين وفهميه بكل الي صار. حور تنهدت:مايرد علي تعبت اتصل يعطيني مشغول..وجاسم شلون بقابله. لمياء بصوتها مثل الهدير ينبع حنان وحزن: حبيبتي جاسم بيفهمك ويسمعك اذا مو اليوم بكره ومااحد بيدري عن الي صار اوكي؟ حور مسحت دمعه عالقه على طرف جفنها ومسكت خدها بيدها: ان شاء الله...بس لمووي خدي احمر بالحيل وباين مكان ضربة جاسم بيلاحظون. لمياء حست بهم صديقتها:الله يعينك انتي انتبهي لنفسك.. حور كملت همومها للمياء:وأبوي يبيني اروح له اليوم. جاسم سمع صوت حور فتح الباب ودخل عليها وهي شافته وخافت منه وعلى طول اعتذرت للمياء وقفلت ضل يطالعها ويهز رجله لان اعصابه متوتره نزلت راسها جاسم:من كنتي تكلمين؟؟ حور بصوت خفيف:لمياء صديقتي. مد جاسم يده قدامها:عطيني الجوال انا الي غلطت ووثقت فيك وسلمتك جوال.. حور عطته الجوال ويدينها ترتعش من صوته وكلامه الي يطعن في قلبها جاسم اخذ الجوال وقالها قبل يطلع:نزلي بسرعه علي ينتظرك تحت. وضرب بالباب من وراه حور ماكان عندها فرصه تدافع عن نفسها اخذت عبايتها ولفت شيلتها ونزلت وهي مغطيه وجها عشان مايشوفون خدها سلمت عالجميع وطلعت مع علي وكانت ساكته طوول الوقت في السياره ودانه تسولف وتضحك شافت مااحد عطاها وجه شغلت المسجل وملت مافي حاجه قفلته وسكتت علي في خاطره اسئله كثير وتشجع يسألها علي بلامبالاه:أخبار اسيل؟ دانه ردت عليه بعصبيه:وليش تسأل؟ علي برود:بنت عمي مايصير اسال عنها؟؟..وبعدين لاتكلميني بهالاسلوب فاهمه؟ دانه انقهرت منه:فاهمه وبنت عمك انت تعرف حالها ماله داعي تسأل طيب. علي رتب شماغه ووقف السياره:نزلي وصلتو والله يوفقكم وحور ركزي زين اوكي باين عليك تعبانه لاتشيلن هم شي خليك باختبارك. حور بصوت مبحوح:ان شاء الله... دخلت حور المدرسه تجر نفسها من الهم الي بداخلها ودانه مانتبهت لها وللي فيها زوبا كانت جالسه تعلم بدور بتصال عبدالله وهذيك انصدمت من الي صار لكن زوبا فرحانه وصديقتها عصبت وشجعتها توقفه عند حده حتى لوكان اخوها نوره تعلم نوف انها بتتغدى مع حسين واسيل كانت تسولف مع فطوم عن بوحسين وعن اعجابها فيه وفطوم تضحك معها وتعلمها عنه اكثر وهذيك متحمسه لسوالف حور متردده تشيل الغطى ورفعته عن وجها وشافتها دانه وشهقت ولفو كل البنات عليها عيونهم تشيل استفهامات هي الدموع تجمعت بعيونها:السلام عليكم. البنات ردو بدهشتهم:وعليكم السلام. بدور وزوبا قامو لان وحده من صحباتهم نادت لهم ودانه ماراحت معهم مشغوله بأختها فطوم مسكت حور وجلستها:حور شفيك؟من سو فيك كذا؟ نزلت دموعها وشهقت:جاسم سمعني اكلم عبدالرحمن وضربني وأخذ الجوال جاسم راح وعبدالرحمن راح يافطوم. مااحد فاهم شي من عبدالرحمن؟؟وليه جاسم ضربها لانها كلمته؟؟ أسيل سئلتها:من عبدالرحمن؟؟شنو صاير؟؟ حور كانت تصيح ولاقادره ترد فطوم تكلمت عنها وعلمت الكل عن عبدالرحمن وحب حور له وحبها له دانه كانت تسمع مو مصدقه أن اختها سوت كذا كانت تهز راسها بلوم كلمت حور:ليش ياحور سويتي كذا؟وانتي الي زعلتي على محمد بسبب هالسالفه؟ حور حاولت تبرر:احبه يادانه فهميني لاتزيدين علي؟ اسيل مسكت دانه:مووقتك الحين ولا وقت لوم خلينا نعرف شنو صار؟ حور وهي تصيح:كنت اكلم عبدالرحمن امس بالليل وسمعني جاسم وماحسيت الا بيده على خدي حاولت اعتذر ابرر ماعطاني فرصه والصباح اخذ الجوال حتى ماراح اقدر اكلم عبدالرحمن واعلمه بكل الي صار... دانه بخوف:وشنو سمع جاسم كلام بسيط ولا؟ حور:هوايل كنت اناديه حبيبي عبدالرحمن وسمعني وانا اعتذر له واقوله احبك.. اسيل ضربت على راسها وحست أن بنت عمها صحيح في مصيبه صوت الجرس لفترة الاختبار فرقهم وكل وحده جلست تختبر وتتناسى الي صار نوره راحت فرحتها من خوفها على صديقتها ونوف كل دقيقه تلتفت على حور تطمن عليها وفطوم واسيل عيونهم تتكلم بخوف اما حور دموعها غطت على اسئله الاختبار كانت تكتب ولا هي منتبها شنو تكتب خلصت الاختبار وسلمت الورقه وطلعت وكلهم وراها حور لبست عبايتها استغربو منها ليش البست العبايه سريع وقفتها نوف نوف:وين بتروحين؟ حور بحزن:جاسم موصي محمد ينتظرني بس اخلص اطلع له.. دانه شافت اختها من بعيد وجات تركض لها:ووين ابوي بياخذنا اليوم؟ حور رفعت راسها محتاره:لا انا بروح مع محمد يكفي الي فيني مو ناقصه امي وجاسم. دانه بتساؤل:واذا سألني ابوي عنك؟ حور غطت وجها وبتطلع:قولي له أي شي؟ وطلعت لمحمد ركبت وهي ساكته محمد يكلمها ويسولف لها لفت عليه حور برجاء طلبت منه:محمد خليني اروح بيت لمياء؟ محمد وهو محتار:بس جاسم معصب و.. حور تتوسله:تكفى محمد بس دقايق ونرجع البيت. سلم محمد الامر ووصل حور بيت لمياء نزلت وضلت تدق عالباب طلع لها سيف وشافها قدامه ابتسم في وجها لانه عرف انها اخت محمد لكنه فكرها دانه سيف:امريني. تكلمت حور:ممكن تنادي لمياء؟ سيف نزل عيونه بعد مااعرف انها حور:تفضلي هي بصاله. وطلع هو لمحمد يسولف معه دخلت حور وشافت لمياء جسمها نحلان اكثر وعيونها فيها شحوب وحزن وضعفانه اكثر ولابسه اسود مازالت وعلى راسها شال اسود شكلها كله حزن لكن جمالها مازال بارز كان جنبها امها وام سعد يسولفون ويفطرون مع بعض دخلت حور وسلمت عليهم وطلعت مع لمياء لتهويه البيت حضنت حور صديقتها وبدت تعلمها لمياء:من وصلك الحين؟ حور:محمد اخوي. لمياء:روحي البيت ولاتتوترين وهدي حالك. حور:يالله مع السلامه بمشي. محمد وسيف دخلو ولمياء واقفه والتقت عيونها في محمد كان مبتسم شفايفه ذكرتها بسعد الفرح والتعب الي في عيونه مثل سعد كل شي فيه يشابه سعد الا صوته وجسمه لكن ملامحه تخفيفته لسكسوكه ضلت واقفه تطالعه مصدومه ومبتسمه بنفس الوقت محمد مو مصدق عيونه جمالها شده لها بالحييل نزل عيونه بعد مده طويله وهي دخلت بسرعه لداخل وهو غمض عيونه وفتحها بعد مده وسلم على سيف وسيف انحرج من الموقف محمد طول الطريق ساكت ماستوعب الي صار له او الي شافه قدامه اما لمياء كانت يدينها ترتعش وحرارتها ارتفعت وهواجيسها بسعد رجعت لها.. نوره جاها حسين للمدرسه وطلعت على طول معه اما زوبا بتروح مع فطوم مع بوحسين واسيل قالت بتروح معهم لان اسيل صايره تتعلق بشخصية بوحسين كثير وخاصه من الموقف الي جمعهم في خطوبه حسين ونوره صارت تهتم في كلام بوحسين وتستشيره بامور كثير وصارت تروح بيتهم وتزور فطوم كثير لكنها انقطعت فترة الاختبارت فحبت تروح معهم عشان تسلم عليه وتعلمه باختباراتها دانه عصبت مااحد بيركب معها بدور ضحكت:ههههههه صرتي مثلي انا ونويف. نوف بحسره:ياويلي مااحد مستانس الا نوير.. دانه ضربت على كتف بدور:يالله الحال من بعضه سلاام. تفرقو كلهم وطلعو نوره كانت ذايبه في العسل مع حسين الي وصلها البيت تبدل وعلى طول طلعو ثاني يتمشون في المجمع لانها تبي تاخذ هديه لزواج سمر اما الي ركبو مع بو حسين في جو ثاني سوالف وضحك وزوبا بعالم ثاني ينتظرها اذا وصلت البيت اسيل من ركبت وماسكتت هي وفطوم يضحكون وبوحسين معهم بوحسين:انا اليوم ماخذ اجازه قلت مايصير انتو تخلصون وانا اشتغل. فطوم لفت على ابوها:صحيح يبه وناااسه. اسيل تنهدت:حظنا طايح اااخ عليك يانوره شتسووين الحين؟ بوحسين ضحك:هههههههه عليها بالعافيه زوجة وليدي. فطوم:وحنا من لنا يا اسوول. اسيل:لنا عمي بوحسين الله يخليه مابيكسر بخاطرنا صح عمي؟ بوحسين لف يطالع اسيل الي كانت متحجبه بس:صح انا بغديكم بره خليني اكلم ابوك واستأذنه لك واكيد بيوافق. طلع جواله واتصل على بواسيل الي عرفته عليه اسيل من كم شهر بواسيل :هلا دكتور وليد؟ بوحين:هلابيك يالغالي.. بواسيل:شخباررك وشخبار حسين وباقي العيال؟ بوحسين:الحمدلله بخير انت طمني عليك؟ بواسيل:تمام بخير من بعد صوتك.. بوحسين:زين انا متصل اخبرك ان اسيل معنا بتتغدى شقلت يااخوي؟ بواسيل رد بعفويه:اخاف تثقل عليكم. بوحسين:شالكلام حنا عازمينها.. بواسيل غير نبرة صوته:بوحسين طالبك انتبه عليها وابيك تحاول تعرف شنو فيها. بوحسين انشد للموضوع وطالع اسيل بخوف:ليش شنو صاير؟ بواسيل:تراها بالليل تصيح على شنو ماادري ؟؟واذا سالتها سكتت حالها مايسر تضحك وتسولف لكن بعيونها حزن مو عارفه؟ بوحسين يطمنه:لاتحاتي ان شاء الله اطمنك ومافي الا الخير.. بواسيل:يعطيك العافيه يالله سلام. بوحسين:طيب انا عندي ملفها من زمان ومثل ماقلت تطمن مع السلامه. قفل بوحسين وسالته فطوم:ها شنو صار؟ بوحسين:وافق تروح. اسيل:ونااسه بس لقافه من ملفه وش ملفه تتكلمون عنه؟ بوحسين باعصاب هاديه:سالفه بيني وبينه...وانتي يا زينب بتروحي معنا زين؟ زوبا انتبهت:لا مشكور عمي وراي كم شغله في البيت. فطوم:يالله زوبا تعالي معنا؟ زوبا تعتذر:لا مشكوره مره ثانيه على خير. بوحسين:خليها على راحتها. وصلها البيت وراح لبيتهم عشان فطوم واسيل يغيرون ملابسهم وبعدها قرروا يطلعون للغداء بعد مايروحون البحر. .............................. ................. بوجاسم كان متلهف لشوفة بنته وصل قدام باب المدرسه وانتظر بداخله فرحان تحقق حلمه في بنته الكبيره واخيرا صار يقدر ياخذها من المدرسه بس متى اخر يوم بدراستها طلعت له دانه لوحدها وركبت جنبه كان ساكت ينتظر حور تجي تركب لكن مااحد جا ركب بوجاسم مبتسم:وين اختك؟ماقلتي لها اني باخذكم؟ دانه مو عارفه شتقوله:قلت لها بس جاسم.. بوجاسم عصب:شفيه جاسم؟؟ دانه خافت:ولاشي كان مخلي محمد يجيها مبكر ومااقدرت تنتظر. بوجاسم سكت شوي ومشى بالسياره:نروح لها البيت ناخذها لاني قايل بطلعكم نتغدى. دانه:براحتك يبه. وصلو لعند البيت ونزلت دانه واستغربت بوجاسم نزل معها وطالعها عشان تمشي بوجاسم:اتصلي على جوالها علميها ان حنا جينا. دانه:ماعندها جوال. بوجاسم رفع حواجبه:وين جوالها؟ دانه:اخذه جاسم. بوجاسم لف عليها:وشفيه هالجاسم اليوم؟ دخل بوجاسم من بعد دانه وماكان في الا ساره الي لفت شيلتها زين وبنتها عبير في الصاله دانه سلمت وضلت واقفه اما بوجاسم سلم وجلس وكان يطالع في ساره وقلبه مو مرتاح وخاصه لان هي بنت خال جاسم الي سبب كل العداوه بينهم ساره مبتسمه وترحب فيه ساره:هلا عمي تو مانور البيت.. واخذت عبير تسلم عليه اخذها وباسها وحطها على حضنه وجلس يلاعبها دانه نادت ساره تبيها تقول لجاسم بالي صار:ابوي جاي يشوف حور. ساره بلعت ريقها:شلوون يشوفها وهي بهالحال؟ دانه: انا خايفه. جا محمد وكان يغني ودخل وانصدم بشوفته لابوه وخاصه ان محمد يدري ان جاسم ضرب حور بس ليه هذا الي ماقدر يسال عنه جاسم جلس محمد جنب ابوه بعد ماحب راسه بوجاسم يضحك:ووين حور؟ ...:حور بغرفتها وماتبي تشوف احد. لف الجميع على صاحب الصوت كان ام جاسم:بنتي تعبانه.ط بوجاسم يهدي اعصابه:نسلم عليها ونمشي. ام جاسم طلعت وماردت عليه وهو تجاهل الموقف وطلب من ساره تنادي جاسم وقبل لاتطلع ساره دخل جاسم لان امه نادته قبل جاسم بهدوء:هلا يبه حيااك. بوجاسم وقف على طوله:الله يحيك. عبير راحت لبوها الي جلسها بحضنه:شخبارك يبه؟؟ بوجاسم بنبرته المعتاده:بخير الحمدلله؟ جاسم:نور المكان. بوجاسم:تسلم..جاي بشوف حور ليت تناديها؟ محمد يبي يصرف السالفه هو ودانه قالو بنفس الوقت:يمكن نايمه؟ جاسم سكتهم بنظرات ثابته:محمد نادي حور خليها تسلم على ابوي.. محمد تردد:بس هي... جاسم على نبرته وقاطعه:محمد نادي حور. قام محمد وصعد لغرفه حور الي كانت جالسه على الابتوب وترسل ايميلات يمكن يشوفها ويفهمها ويعرف الي صار فيها..نادها محمد تنزل واستغربت رتبت شعرها ونزلت وبس دخلت انصدمت في ابوها وقفت عاجزه عن الكلام عيونها تتنقل من ابوها لجاسم لدانه ونظرات رجا لمحمد وساره مسكها جاسم وقدمها وسلمت على ابوها وجلست بوجاسم انتبه لخدها ومسك طرف وجها وعقد حواجبه وهي نزلت راسها والدموع بعيونها بوجاسم بنرفزه:وشفيه وجهك ياحور؟؟ محمد ودانه بلعو ريقهم وحور نزلت دمعتها:مافيني شي؟ بوجاسم وقف يصارخ:من ضاربها فيكم؟ مااحد تكلم وحور غطت وجها وقامت تصيح وابوها يصارخ وهي تتمنى الموت بعد هالموقف بوجاسم مازال يطالع في ولدينه ويسالهم من الي ضرب حور حور تهدي ابوها:مااحد ضربني.. بوجاسم:من فيكم مطلع مراجله عليها؟؟ دانه من زود خوفها طلعت واتصلت على علي يجي وخبرته بلي يصير وهو كان قريب طلعت فتحت له الباب ودخل وسلم ولااحد رد لان الجو متكهرب وابوه يصارخ علي مسك ابوه:اذكر الله مافيها شي؟ بوجاسم بعصبيه بعد علي:لا اله الا الله...بس من ضارب البنت شوف خدها؟ وقف جاسم ورفع راسه وبهدوء قال:انا الي ضربتها انا يبه.. بوجاسم رد عليه باعصاب فلتانه:وبأي حق ترفع يدك عليها.. صراخ بوجاسم خل ام جاسم تدخل معه بالسالفه جات وبنفس عصبيته هي الي ردت عليه ام جاسم:اخوها ومسؤول عنها مااحد يدخل فيها. بوجاسم:انا ابوها ودام انا حي ولا واحد منكم يلمسها فاهمين؟؟؟؟؟ ام جاسم بعتاب:ووينك عنها كل هالسنين الحين تسأل عنها؟ بو جاسم تجاهل كلامها:جاوبني ليش رفعت يدك عليها؟ جاسم بقهر:غلطت وانا عاقبتها. بوجاسم:وشنو غلطتها شوف شسويت بوجها؟ جاسم طالع حور بنظرات لوم وهي خايفه ودموعها تجاوبه تدور الرحمه الي كانت في قلبه بيوم لها بس مالقت شي الي سوته بدل جاسم عليها وضيعه منها جاسم:غلطت وبس. بوجاسم:يالله حور قومي.. رفعت حور راسها مصدومه من كلامه وين تقوم؟؟ دانه تمسكت بطرف قميص محمد الي واقف ومهتال من الي يصير حوله علي يبي ينقذ الموقف بأي طريقه علي:وين تقوم يبه؟ بوجاسم سحب حور من زندها:باخذها البيت معي. شهقت ام جاسم:ماتقدر تاخذ بنتي مني. جاسم انصدم ويبي يمنع ابوه:شتقوول يبه حور بتبقى معنا؟؟ بوجاسم:عشان تذبحها على يدك؟ قامت حور وهي ساكته جاسم طالعها وقال بتهديد:لو حاولت تاخذها غصب سامحني يبه على الي بيصير.... بوجاسم يصعد الدم لراسه:تقول هالكلام لابوك ياجاسم؟؟ جاسم وطى راسه:انا اسف يبه بس حور ماتطلع من البيت. علي وقف بحيره بين نار اخوه ونار ابوه:حنا نسأل حور هي الي بتتكلم وتختار؟ بوجاسم واسلوبه متلبسه الغضب:بتروح معاي ومااحد بيفتح فمه. علي لف على حور وهي بدموع تجاوبه الكل وقفت انفاسه ينتظرها تتكلم وتقفل القضيه حور انهارت قدامهم بدموعها وشهقاتها بوجاسم كان ثاير ونظراته لجاسم وحور تحرق مسك حور من يدها ووقفها وصرخ:بتروح معاي ولاتعارضني ياجاسم مو يكفي عاصيني مره. وبكل غضب طالع ساره الي كانت واقفه وبيدها بنتها عبير والرجفه تسري باطرافها منه كمل بوجاسم:عصيتني بزواجك من بنت خالك وسكت لكن اليوم لا كلامي الي بيمشي فاهمني ولاانت ولا الي اكبر منك بيوقفني. جاسم طالع حور كيف ترجف بين يدين ابوه الي مارحم دموعها وحيرتها وقلبه تقطع |
