ازياء - فساتين سهرة و مكياج و طبخ - "مال الهوى عندي عذر ".

كانت الساعه الي شرتها بيده عيون حوور قتلت الباقي في عبدالرحمن
من صبر خلته يثور على الجميع واولهم نفسه
احمد بعصبيه:اكلمك انا.
عبدالرحمن:موفاضي لك وخر عن وجهي وين ابووي؟
دخل عبدالرحمن ومعصب ومعقد حواجبه كان يدور على ابوه الي جالس مع عمه وعياله
كان الشيخ معهم عشان يملك كلهم ينتظرون عبدالرحمن يجي بوخالد بس شافه
تطمن عرف ان ولده مابيخيب ظنه وبيحضر الملكه عبدالرحمن دخل وجلس جنب ابوه
بوخالد براحه:تأخرت ووينك ننتظرك؟
عبدالرحمن يفرك يدينه ببعض ويطالع في أبوه بوخالد يحاول يفهم نظرات ولده.
الكل يراقب عبدالرحمن يتكلم يبونه ينطق بكلمه أحمد على أعصابه.
عبدالرحمن حط عينه بعين ابوه وقال:انا مابتزوج نوف.
بوخالد فتح عيونه:شنووووو؟؟
عبدالرحمن بنفس النبره الجاده:انا ماابي نوف بنت عمي يبا.
بواحمد دارت فيه الدنيا:ليش توك تجي تقول اليوم؟
عبدالرحن لف على عمه:انا من زماان قايل لأبوي غير الي في بالي ماباخذ.
أحمد بعصبيه:وشنووو فيها أختي ماتبيها منت احسن منها ولا الي تبيها احسن منها.
عبدالرحمن:انا اكلم ابوي وعمي وبنت عمي ماعليها كلام وبنت رجال ونعم بس انا ماابيها.
بوخالد بعصبية احمد:نلعب حنا بتاخذها وخلصنا.
عبدالرحمن وقف:بس يبا مايصير تظلم البنت معي انا ماابيها.
بوخالد:اجلس وانتهى الكلام البنت مابياخذها غيرك.
عبدالرحمن:بس يبا..انا...
بوخالد صرخ:عبدالرحـــــــــــــــــــ ـــمن.
طالع ابوه بنظره اصرار بواحمد انكسر قدام المصيبه الي جالسه تصير شنو بيصير
في نوف اذ عرفت وهو الي اقنعها توافق بعد ماكانت رافضه شنو يقوول لها اذ سألته ليش يبا؟؟
بواحمد بحزن:لا بنتي ماتنباع لواحد موشاريها.
بوخالد واعصابه خلاص فلتت:شتقوول انت بعد.
بواحمد وقف قدام عبدالرحمن:رووح ماعندي بنت لك.
عبدالرحمن نزل راسه قدام عمه حس انه كسر قلب عمه بالي سواه لكن هو مايبي يظلمها
هو يحب حوور ومابياخذ غير حوور.
احمد:ماتمشي من هنا الا محمل على يدي ياكلب.
وضرب احمد عبدالرحمن حاوول خالد وناصر يخلصونهم من يدين بعض وماوقفو
الا لما بوخالد رفع يده وضرب احمد الكل سكت الكل انبهر شنوو يصير بهالمجلس؟؟
احمد انقهر وغضبه يحركه:انا تضربني انا ياعمي ولدك يغلط وتضربني انا؟؟
بوخالد:لانك قليل ادب مااحترمتني ولااحترمت ابوك.
احمد بعصبيه:طيب يااعمي طيب انت تملك الكل الا احمد زين الا احمد.
بوخالد لف على ولده:وانت ومن هالبنت الي سودت وجهي بسببها؟
عبدالرحمن بتردد:حور اخت صاحبنا محمد عيال بوجاسم.
نااصر دارت فيه الدنيا وضاقت الارض قدامه:شنوو من تبي؟
كلهم انصدمو ناصر توه يتكلم بلي يصير شفيه معصب بطاري هالاسم.
نااصر وقف قدام عبدالرحمن واشر بصبعه بتهديد:البنت ذي تنساها فااهم انا كلمت
ابوها وهو وعدني يرد لي خبر واذ فيك خير رووح تقدم لها ونشوف كلمتي ولاكلمتك.
عبدالرحمن مستنكر الي يصير:البنت تبيني انا واسلوب التهديد مااينفع معي.
.............................. .................... .............................. ..................
نروح عند البنات الي وصلهم الخبر من صرااخ الرجال برا حور كانت موقفه موفاهمه
شي لماسمعت شهقت نوف وهي تقول:عبدالرحمن مايبيني مايبيني.
انصدمت معقوووله كان بياخذ نووف شلوون فكر بهالشي مايدري انها اعز ربعي انهيت كل
شي ياعبدالرحمن انت قتلت كل شي شسووويت؟؟مالقيت الا نووف؟؟
كانت نوف تبكي والكل ساااكت من بعد ماسمعو صراخ احمد مع عمه سمر طاحت عليهم
والكل يحاوول يصحيها والصدمه الي شلت الكل وهدمت الصداقه والحب بينهم اسم حور
بلسان عبدالرحمن نوف انهارت من الخبر مااقدرت تتحمل اكثر فطوم الي ماهانت عليها حور
والي يصير فيها لكنها برضو انذبح حبها نااصر الي توقعته يفكر فيها تقدم لحور بدالها شنوو
هاليوم الي قتل بسمة الكل بعد ماكان فرحه للجميع؟؟؟
حور تبرر لنوف:انا ماادري صدقيني مااحد قال لي انا نسيته من سنتين ...انا..انا..ماابيه..
نوف..سامحيني...انا ماادري ان عبدالرحمن...بيسوي كذا..
نوف بحزن:رووحي من قداامي الحين ماابي اشووفك رووحي.
حوور:نوف لاتفهمين غلط....انا مالي يد بهالشي..
نوف بتعب غمضت عيونها:طلعي برا غرفتي انتي اخذتي خطيبي وكسرتي قلب اخوي شنو
بتسوين اكثر طلعي براااا.
دانه عصبت واخذت حور من الغرفه:تعاالي نمشي مالنا بهالمكان جلسه.
حوور من الصدمه:انا والله ماسويت شي.
لمياء تطالع بدور بلووم وشوي وقربت منها:كنتي تدرين ان اخوك بيسوي كذا؟؟
بدور تطالع لمياء وبداخلها اوجاع لان لمياء خطيبة محمد محمد الي كان بيوم حبيبها
والحين لمياء تعاتب بدور على حب هذا حق بدور تصرخ وتلوم بس بدور اكبر من هالشي
بدور بخوف:كلنا ماتوقعنا اخذي حور البيت وانا اعلمك بالي يصير.
لمياء سلمت على بدور ومشت هي وحور ودانه محمد مستغرب شفيهم
رجعو بسررعه وحوور تبكي بصوت عالي والكل حالته معفووسه شفيهم؟؟
محمد يطالع لمياء:شنوو شصار؟؟
لمياء من حزنها سهت وقالت:سعد حبيبي مو وقته.
محمد لمعت عيونه سعد؟؟سعد؟؟انا محمد يالمياء للحين مازلتي تخطين باسمي؟؟
لمياء انتبهت وحطت يدها على فمها حاولت تصلح غلطها:محمد انا..
محمد لف عنها وماعطاها فرصه كان قلبه يتقطع ليش يالمياء؟؟ليش؟؟
وصلو البيت ولكهم نزلو اسيل الي ماراحت لان ولدها يبكي شافتهم وانصدمت من حال
بنت عمها راحت لها وحضنتها بقووه
اسيل بخوف:داانه شصاير تكلموو حوور شفيها؟؟
دانه نزلت راسها وعلمت اسيل بكل الي صار وحور مثل المذبوحه تنازع موتها
بين يدين اسيل محمد موقاادر يصدق الي سمعه كل هذا يصير وانا ماادري؟؟
كلهم نسو وجود محمد حور تصيح:لاتقولون لجاسم وربي لوعرف بيذبحني مابيسامحني
مثل اول مره مابيسامحني.
محمد جلس مهتاااال الحين عرفت السالفه القديمه عرفت ليش جاسم كان يلوومني اااخ ياعبدالرحمن
طلعت انت شسوويت فينا شسوويت؟؟
اسيل:حبيبتي انتي ماسويتي شي خليهم عنك؟
حور :نوف مومصدقتني نوف زعلاانه.
محمد بجديه:لمياء يالله اوصلك.
لمياء راحت مع محمد وطوول طريقه سااكت مايتكلم هي مستحيه تكلمه بعد الي صار
قبل لاتنزل بيتهم:محمد اسفه ماكان قصدي.
محمد حالته صعبه بخبر اخته:شنو اسامحك عليه تدرين كم رساله بجوالي باسم سعد؟؟
تدرين كم ؟؟مافي مره عاتبتك لكن تناديني باسمه هذا اخر شي توقعته.
لمياء ودموعها تنزل:محمد سامحني انت تدري بكل حاجه.
محمد منزل راسه:ايه ماادريت اني ببقى اعيش مع طيف سعد.
لمياء بوسط دموعها:محمد انا احبك انت سعد الله يرحمه بيبقى ذكرى احبك انت.
محمد مومصدق الي يسمعه معقوله:لميااء متاكده من كلامك؟؟
لمياء تهز راسها ودموعها تتناثر من اهدابها حضنها محمد بقوه وهي تمسكت بصدره
حست بحنان سعد الي فقدته لكن صوت القلب داخل هالضلوع غير غير عن قلب سعد
تمتمت لمياء:ساامحني.
محمد بطيبة قلبه:مسامحك ولاتبكين تعورين قلبي.
لمياء مسحت على وجها:اووعدك انتبه ومااغلط بالكلام ثاني ولااطري هالاسم.
محمد يمازحها:لالا عاادي سعد بيكون ولدنا لازم تطرين اسمه.
لمياء بفرح:صحيح محمد لو جبنا عيال بتسمي سعد؟
محمد شاف الفرح بعيونها:اكيد سعد غاالي وبيبقى غالي وشرف لولدي يشيل اسمه.
لمياء باست خد محمد:الله لايحرمني منك حبك يحسسني بتقصيري معك.
محمد تذكر سالفة حور:انسي هالكلام ويالله بشوف سالفه حور.
لمياء وهي بتنزل:انتبه لنفسك ماابي افقد قلبي مره ثانيه.
محمد:ان شاء الله.
مشى بعد مادخلت البيت وعلى طوول راح لبيتهم واخذ جاسم معه لعند حور الي كانت مع دانه
جاسم الي جاه الخبر مثل كاس ماي باارد مااستوعب الي يسمعه الا لما شاف اخته وحالها.
في بيت بواحمد مازال الجو متكهرب وانتقل الهواش لداخل البيت احمد دخل يصاارخ
احمد:سمررررررر وووووجع سمرررر.
سمر مسكينه كان مغشي عليها وتو صااحيه ام احمد ماسكتها وهي تمشي
سمر بتعب وقفت قدامه:سمعي بعد الي سواه اخوك مالك قعده فاهمه.
سمر:شنوووووو؟؟
احمد سحبها من كتفها:ترووحين مع ابوك وورقتك توصلك وبشوف ياانا يااخوك.
سمر بضيااع:وانا شنوو ذنبي؟؟
احمد ترك يدها:مثل مااهو مايبي اختك انا ماابيك.
خالد يسمع الكلام ودخل بدون يحاسب لاي شي ومسك سمر الي انهارت ثانيه بين يدينه
خالد:اذ صار فيها شي ياويلك فاهم .
شال سمر بين يدينه:بدوور جيبي عبايتها وتعالي انتي وامي يالله.
طلع خالد وسمر بيدينه الكل يشووفها مصدوم بوخالد خااف على بنته
بوخالد:شفيهاا سمر شفيها؟؟
خالد:احمد طلقها.
عبدالرحمن حط اللوم على نفسه ماتستاهل سمر الي يصير فيها ماتستاهل..
بواحمد وبوخالد:طلقها وليش؟؟؟؟؟؟
خالد يطالع عبدالرحمن:يقول اذ اخوك مايبي نوف انا بعد ماابيك.
بواحمد:هذا اكيد مجنون.
راح لداخل ومااشاف احمد لانه اخذ نوف للمستشفى مع امه وناصر برضو مشى وتركهم.
خالد اخذ سمر وبدور للمستشفى وعبدالله وصل اهله البيت اما عبدالرحمن ماضمه الا البحر
رااح هناك وقعد حس الدنيا ضاايقه عليه حاول يبكي ومااقدر عجز تنزل دموعه تاخر
الوقت وقربت الشمس تطلع وتمحي هالظلمه الي غطت قلوب الجميع واعمتهم راح بيتهم وقعد
بغرفته الى ان جاه النوم ونام..
خالد رجع الصباح مع بدور تعبانين وسمر مومعاهم دخلو وبوخالد وزوجته يفطرون
سالو عن سمر:ووين سمر ماجبتوها.
بدور مااردت صعدت لغرفتها لانها تعباااانه وتبي ترتاح خالد جلس وشرب كاس مويه
خالد بضيق:بيخلونها بالمستشفى يومين.
ام خالد:ليش بسم الله على بنتي.
خالد وهو قايم:لانها حامل واحتمال تسقط.
بوخالد:حاامل ومن متى؟
خالد تنهد:اااخ مسكينه توها تدري انها حامل.
مشى وتركهم راح لغرفته وتروش عشان ينام وجاه عبدالله يساله عن سمر وعلمه
عبدالله:والله سمر مسكينه تحبه وهو مايستاهلها.
خالد:حالها صعب كانت تنظر هالحمل والحين بتسقط.
عبدالله:لاان شاء الله خير.
خالد انسدح وغطى عيونه بيده:وشنو نفعه يضل وولد عمك بيطلقها تتعذب اكثر؟
عبدالله سكت وطلع ماعنده جوااب على كلام خالد ابد.
نوف هدت اعصابها شووي ورجعت البيت لكن احمد الوحيد الي مازال معصب البيت
جووه كئيب كل واحد بغرفته يتذكر احداث امس ويفكر بموقفه الجاي.
بعد اسبوعين احمد طلق سمر رسمي الخبر خلاها تسقط الي في بطنها وطبعا احمد مايدري
انها حاامل لانه ماافكر يسال عنها او يعلم حد انه راح يطلقها....وسافر بنفس اليوم.
بوخالد:حسبي الله عليه ذبح البنت.
عبدالرحمن سااكت ومايتكلم وخالد يهونها:يبا سمر تقبلت الامر وهذا اسبوع مر وهي تحسنت
حالتها لاتتعب نفسك واتركه عنك.
بدور:الله يسامح الي كان السبب.
طالعت اخوها وعبدالرحمن بعد كل الي صار ويصير ماوقف عن الي في باله
عبدالرحمن:انا اليوم رايح اخطب.
بوخالد طالعه:مالنا شغل فيك سوي الي تبيه بس انا مابروح لابو البنت.
عبدالرحمن قام ووراه خالد لانه كان متفق يروح معه اذ قرر يتقدم لحور
راحو بيت بوجاسم ثنينهم وكان الوقت ليل رحب فيهم وبطلبهم
بوجاسم:هذا الساعه المباركه ووين ابوكم؟
خالد:شووي تعبان.
بوجاسم:مايشوف شر.
خالد:شقلت ياعمي بموضوعنا.
بوجاسم بحيرره:ناصر بعد طالبها والقرار بيد البنت موعندي.
عبدالرحمن قام وسلم على بوجاسم:زين فمان الله وننتظركم تردون باقرب فرصه.
طلعو كانت اسررع خطبه صارت حوور طبيعي رفضت واصرت على رفض الاثنين
ناصر وعبدالرحمن بعد مااعرفت من فطوم انها معجبه بناصر بالحييل.
دانه تبي تقنع حور:وافقي هذا حبيبك.
حوور تمشط:ماابيه خذلني اكثر من مره وشنو موقفي من نوف؟
لمياء:نوف بتفهمك وافقي.
حور:قلت لكم لا انا رفضته وانتهيت.
اسيل وولدها على رجولها نايم:بس هو تقدم ثااني لك.
حور:ماايهمني برفضه ثاني وثالث.
دانه:يووه منك عنيده.
حور:قفلو الموضوع رجااء ماابي اسمعه.
نوف الي صارت صفراء وخملانه من بعد الي صار كانت جالسه مع ناصر ويتكلمون بسمر
واحمد والي صار بينهم
نوف:حرام عليه الي سواه.
ناصر:اخوك مايفهم يقهر بتصرفاته.
نوف:انا السبب.
ناصر:اسكتي بس ومن قال لك دخل اخوك متخلف.
نوف ابتسمت:لايسمعك يذبحك.
ناصر تنهد:ااه مايهمني ..تصدقين حوور ارفضتنا اثنينا.
نوف متعجبه:صحيح بس هي تحب عبدالرحمن وهو بعد ليش رفضت؟
ناصر:بس هو جرحها انا وربي حبيتها بصدق مابنساها من يوم زواج احمد لما صدمت فيني
وانا ماتفارقني لحظه.
نوف عقدت حواجبها:عيد الكلام.
ناصر:من زواج احمد يوم اصدم فيها تذكرين لما اقولك صارخت علي.
نوف فهمت السالفه وجلست تضحك بهستيريه:ههههههههههههههههههههه ههههههههههههه
ناصر مستغرب ليش تضحك؟؟؟؟؟؟
نوف:تدري جد نكته السالفه ههههههههههههههههه.
ناصر عصب:هذا جزاي اعلمك بمشاعري.
نوف:ههههه اااه ضحكتني انت يعني خاطب حور لانك صدمت فيها.
ناصر متكتف:ايه موهي الي ردت علي لما اتصل ذاك اليوم معصب وموهي الي راحت الرياض.
نوف:هههههههههههههههههههههه ياشيخ انت مضيع الدعوه.
نااصر:بلاسخاافه.
نوف:لهدرجه نااصر دووم مفهي الي تحبها اسمها فطووم ياذكي موحور.
ناصر مصدوم:من قال؟؟
نوف حطت يدها عليه:موانت خطبتها على اساس حبيتها من هالمواقف والاتصالات؟
ناصر:ايه.
نوف:بس الي شفتها وكلمتها هذي فطوم مو حور.
ناصر ضحك على نفسه:ههههههههههههههههههههه من جدك تتكلمين؟
نوف:والله.
ناصر:فطوم مابترضى فيني لاني تقدمت لحور شسوي؟
نوف:اممممم شوف انا يمكن مااعرف معنى الحب لكن مابوقف بوجهه ابشر بسعدك ياخوي.
ناصر:شنو بتسوين؟
نوف رفعت السماعه واتصلت على فطوم وردت بحزن
فطوم:الوو.
نوف:هلا بطه شخبارك؟
فطوم متعجبه نووف معقوله بهالمرح:نووف.
نوف وتخبي حزنها:اايه انا ليش مستغربه.
فطوم بتردد:لان بس انتي..
نوف:بختصر المكالمه اخوي بيتقدم لك وحااب يعرف رايك قبل.
فطوم زعلانه:هو خطب حور ورفضته مستحيل اوافق.
نوف تذكرت وضحكت:هههههه سمعي السالفه وبتوافقين.
فطوم:مستحيل تدريني اني للحين ماكلمت حور.
نوف:اسمعي هو تقدم لها يفكرها انتي.
فطوم وعليها تعجب:صحيح؟؟
نوف:وربي كان يعتقدها انتي يعني الاسماء ضيعته.
فطوم وقلبها فرحان:طيب ابوي وتعرفونه وبيتنا بعد والكلام عند ابوي.
نوف:ولايهمك يومين وجاين.
قفلت وقالت لناصر الي على طوول علم ابوه وترجااه يوافق على طلبه.
بواحمد:شلوون وعمك بيعصب.
ناصر يحك راسه:مابيعصب وعياله رايحين خاطبين.
بواحمد خاف على خاطر نوف الي جالسه جنبهم:ناصر اسكت.
نوف بطيبه:عاادي يبا واتمنى صاحبتي توافق هي تستاهل الخير.
بواحمد حضن بنته:الله لايحرمني منك.
محمد وجاسم مايبون حور توافق على عبدالرحمن لكن علي وابوها يبونها توافق
نوف ماقصرت كلمة حور وقالت لها انها مسامحتها وتتمنى انها توافق وانها مابتزعل لو
تزوجت عبدالرحمن هذي قسمتها ونصيبها وحراام تعترض عليها.
حور:صعبه وهو كان يبيك.
نوف:وانا ماكنت ابيه يعني الي صار خيره.
حور تو بتتكلم قاطعتها نوف:بلادلع وكلمي بدور وخبريها وترى بعد اسبوع خطوبة
فطوم على ناصر اقنعناها توافق.
حور:صحيح مبرووك فديتها مشتاقه لها ماكلمتها هذا 4اسبوع.
دانه:كملنا الشهر الله يعين.
دانه علمت بدور بالي صار وعبدالرحمن الارض ماوسعته من الفرح الكل فرح له
الا ابوه الي مابارك له الا بنهايه بعد محاولات من خالد حتى عمه نسى الي صار وبارك له.
احمد الي كان مسافر رجع وعرف وتنرفز لكن ابوه اجبره يجي معه خطوبة عبدالرحمن
لانهم مهما صار يبقون اهل احمد معصب وراح ناوي شر
طبعا فطوم كانت مع حور بنفس الليله لانهم مستعجلين مايبون يعطلون دراستهم الي ماخذينها
صيفي فتفقو كل شي يصير بنفس الليله احمد جالس على اعصابه وخالد مقهوور منه
بوخالد:ومقابلني بعد الي سواه في بنيت الله يجازيه.
بواحمد:تراه مايدري عن سقاطها.
احمد بستهزاء قال لعبدالرحمن:ههه تتهنى.
خالد هنا انفجر:مابتبطل حركاتك يعني.
احمد:من كلمك ولاتبي تطلع حرة اختك.
خالد:انت لوفيك خير مااطلقتها وهي حامل وخليتها تسقط.
احمد مومصدق الي يسمع كاانت حاامل:تكذب على مين؟
بوخالد:بس فشلوتنا في رجال اسكتو وانت استح وبنتي سقطت ومافي شي يربطها فيك.
احمد: عمي سمر لازم ترجع لي طيب.
بوخالد:مااظن انسى انت طلقتها وهي ماتبيك خلاص.
احمد:بس لازم تسالونها.
عبدالله بنفعال:لازم بوجهك تقول ماابيك.
احمد:اايه لازم.
ناصر ياشر:فشلتووني وطو صوتكم.
عبدالرحمن:خلو الليله تعدي على خير جاين لمشاكل انتو.
محمد الي معارض ورضى كان يدري بالخلاف الي جالس يصير ولمح لجاسم وعلي
جاسم:ماعليك من حد.
محمد:بس اقول لكم.
سيف الي سمعهم:شننوو شفيكم؟
محمد:جا الملقوف.
سيف:انا خال عيالك احترم.
محمد:ههههههه قوم زواجك بااقي سنين عليه.
سيف:ااه بس لاتذكرني.
بوحسين كان جاي يبارك هو وعياله لبوخالد وبنفس الوقت زيد مكلمه عن بدور وشافها فرصه
بوحسين:ياجماعه من فيكم بوخالد؟
بوخالد متعجب:انا امري يالطيب.
بوحسين:انا ولدي زيد كبر وماباقي عندي الا هو عااد نبي نزوجه وبصراحه هو طالب يد بنتك الصغيره.
عبدالله:من بدوور.
زيد بحياء:ايه بدور.
بوخالد ابتسم:ونعم فيكم ولو هي ذبيحه ماعشتكم.
بوحسين:تسلم تسلم...بنزوركم باقرب وقت وليت تحددون لنا موعد.
احمد على اعصابه يقول لخالد:قووم نشوف سمر.
خالد:انت جنيت ماتبيك.
احمد قصر صوته اكثر:نحاوول ابي اسمعها.

خالد قام واخذه معه احمد راحو للبيت لسمر لانها بفترة عده ناداها خالد وسالها قدام احمد
خالد:احمد يبي يرجعك تبينه؟
سمر نزلت راسها:ماابيه وطلعه من هنا ماابي اشوف وجهه.
احمد:انا اسف ماادريت وين حبك لي؟
سمر:انتهى سقطته يوم انت سقطت ولدي مني...انا سامحتك كثير يكفي ذل واهانه من
البدايه انا كنت ادري ماتبيني وعمي جاابرك كنت غبيه لماصدقت كلامك انك بتتغير
طلع كل شي خدااع انت اناني وبتضل طوول عمرك انااني مستحيل ارجع ارتبط بانسان ذلني
رووح انسى بيوم ارجع لك انسى.
احمد يتعذب:انا مادريت.
سمر وبتنسحب من قدامه:اظن هالكلام مايفيد بشي روح من هنا...الي فيني مكفيني
والي سويته موقليل انت ذبحت الي في بطني وخسرتني اطلع من بيتنا.
وطلع احمد بعد مااخسر كل حاجه زوجته وولده وحبه واحترامه ويمكن اهله بسبب تصرفه
خالد:مابترجع معي؟
احمد:لا وسلم على الباقي وبارك لهم.
راح خالد وجلس يكمل الخطوبه والكل فرحاان بهاليوم الي جمع فيه الحبايب وضمد
جروحهم مرت الليله مثل الخيال على حور وعبدالرحمن التقو بعد ماعذبهم الفراق اول
مادخلوه حضنها بقوه كانت ترجف بين يديه باس جبينها واعتذر على كل غلطاته بحقها
شوفته كفتها عذر فكرت تعاتبه تساله ليش؟؟لكن ماشافت شي ينفع هو اليوم جنبها وهذا المهم
عبدالرحمن حبيبها وحلمها تحقق ماتبي تمحي فرحتها بماضي صعب.. فطوم وناصر اجمل ثنائي
كانو بنفس خفة الدم والمزح والضحك استمتعو بليلتهم وماطلع نااصر من عند فطوم الا وحسين
مقومه من المجلس الفجر...نوف كبرت بعين الكل حضرت الخطوبه وباركت للكل كان قلبها
يوجعها لكن قلبها الطيب تعلم الصبر والجرح ماحبت تقتل ابتسامة الكل على حساب فرحها.
عبدالرحمن رجع البيت متاخر وفرحان كان يكلم حور جوال ويتغزل فيها
مااحد صاحي بالبيت الا سمر كانت جالسه لحالها تفكر بشكل وموقف احمد معقووله
ندم لالا هذا انسان مايحس مابيتغير طوول عمره بيبقى بطبعه..
مر عليها وسلم:سلام سموور
سمر:هلا.
عبدالرحمن:اوكي حبيبتي نوم العافيه بشتاق لك ترى الغداء برى اكلم عمي ونطلع اوكي باي.
سمر بداخلها قهر:وبتضل مقابلها..طوول اليوم ماصارت ندري تحبها.
عبدالرحمن:ولابمل ..ووين مبرووك مافيه؟
سمر قامت:مبرووك على شنو على الانانيه الي فيك اخذت مني سعادتي بس عشان نفسك.
عبدالرحمن:سمر لاتفكرين كذا انا.....
ضربت بباب غرفتها بوجهه وهو سكت انهارت ورا الباب ماكان قصدها تكون بهالقسوه
لكن هي معذوره هي فقدت كل شي رااح منها زوجها وحبيبها راحت منها امانيها وخيالها
صارت شي بلاروح يتحرك لكن مااحد يحس بوجوده صعد عبدالرحمن غرفته وانسدح يفكر
الى انا جاه النوم لكن كلام سمر يتردد باذنه ماراح ينساه اابد ارسل لحور مسج:"احبك"
هي فرحت فيها ضمت الجوال وبعدها غطت وجها بالوساده وصاارخت بقوه...
ناصر الي ماوسعته الارض بشوفته لفطوم مااوده يقفل الجوال هي جاها النوم وهو موراضي
فطوم نعسانه:حبيبي بناام تعباانه.
ناصر بحماس:يووه تو الناس خلك معي شوي ماابي اقفل.
فطوم:هههه بكره اكلمك ولو تبي نطلع بس تكفى خل انام.
ناصر بزعل:طيب بس تذكري كسرتي خاطري.
فطوم متعجبه:يؤ انا؟
ناصر:ايه ولاحد يقول لحبيبه قفل.
فطوم:يهون عليك اضل نعسانه ومانام؟
ناصر:اااه فزتي علي نوم العوافي وبجلسك انا اوكي؟
فطوم:اوكي بايو.
قفلت ونامو وهي الي صحته بدل مايصحيها.
بعد 3سنين في بيت بوجاسم متجمعين ازعااج كثيررر وعيال عبير بنت جاسم الي صار عمرها 7سنوات
وتؤامه الي جاب ريم وراكان يلعبون عزوز ولد علي الي عمره 4سنوات المدلل عند الجميع
كلهم موجودين ساره تبخر المكان
جاسم:سررعي حور شوي وتوصل مع عبددالرحمن.
اسيل:هههههه موشهر عسل قربو يكملون 3شهور وهم مسافرين.
دانه:خليهم يتهنون شنوو عندهم.
صوت لمياء تناادي:سعد سعد لاتطيح حبيبي روح لبابا..
دخلت وهي مبتسمه ووراها محمد شايل ولدهم سعد بيده بعد مانحرمت من سعد
والفرح رجع لها محمد الاثنين الفرح وسعد..
دانه:هلا بسعوودي.
سعد الصغير:عمتوو
دانه:حبيب عمتوو تعال.
لمياء:شخباركم؟
اسيل:الحمدلله تاخرتو.
محمد:سعد مشورنا كل شوي وناسي شي ومرجعنا.
دانه:اايه يحق له الدلووع.
علي:على بالكم ولدي المدلل رجااال والله عزوز رجاال.
عزوز جا بحضن ابوه وباسه وجلس على رجوله.
بوجاسم:اقوول امسكو عيالكم خربو المكان.
دانه:خلهم يبا حلالهم.
محمد:ايه بنشوف اذ جاو عيالك الشياطين.
دانه بخاطرها انت زوجوني كل شوي ماجلينه الي معي جابو عيال وانا للحين موقفه..
علي:هههه سكتت تدري ان هذا الحق.
دانه مدت بوزها ومااردت عليهم.
حور بسياره مع عبدالرحمن وعبدالله الي جايبهم من المطار كان يسولف
عبدالله:شخبااركم؟
عبدالرحمن:بخير الحمدلله طمني على البيت؟
عبدالله:الكل بخير ويسلمون عليك.
عبدالرحمن:وشنو جديدهم ماصار شي؟
عبدالله رفع نظارته الشمسيه:امممم مافيه جديد غير ان امي واخيرا حست فيني ووعدتني
نتقدم لزينب اذ كلمت ابوي وبندر صاحبنا نسيبي ههههههه.
عبدالرحمن وحور:هههههههه شفيه.
عبدالله:تقدم لسمر وللحين هي ماوافقت.
حور:الله يوفقها ان شاء الله بتوافق.
خالد:والله خبر يفرح وماينتفوت ابو البنادر رجال ونعم لكن الله يعينها عليه.
حور:ياارب يكتبها من نصيبه.
عبدالله:اذ عوتك مستجابه طلبي لي هههههه.
حور:ان شاء الله من عيوني.
عبدالله:واحم احم خالد طلع لنا بفكره غريبه.
عبدالرحمن:شفيه بوريان؟
عبدالله:ابوي ساله اذ بيتزوج عشان عياله هم كبرو يبون حد يراعيهم تتوقع من قال يبي؟
حور بلقافه:من يبي؟
عبدالله:يقول نوف بنت عمي.
عبدالرحمن وحور طالعو بعض مصدومين:صحيح مااتوقعنا.
حور:تدري حبيبي انا احس بتوافق لوتقدم لها.
عبدالرحمن:حرام عليك كبير عليها بالحيييل.
حور هزت كتفها:ماادري بس هي اذكر بيوم قالت انه عاجبها.
عبدالرحمن:الله يكتب كل خير ماعلينا منهم اذ راضين ببعض.
حور:صح ياقلبي.
وصلو ودخلت حور بيتهم سلمت على اهلها كان شكلها متغير ومحلووه بزياده جمعتهم
اكتملت بحور وزوجها عبدالرحمن الكل يحسدهم على حبهم الي توجه زواج اسطوري...
بوجاسم يارش لبنته:تعاالي جنب ابووك.
حور:طيب تامر.
بوجاسم:ماتاكلين ضعفاانه.
عبدالرحمن:كذا خليني ابوك يشك اني مجوعك.
حور ماسكه سعد:هههههههه لا يبا اكل انت بس يتخيل لك.
دانه:صح محلووه موضعفانه انت بس تتخيل.
بوجاسم:يمكن يصير.
علي عطاها عزوز واخذ سعد.
علي:شووفي هالقمر خلي عنك هذا.
محمد:ياظاالم تشيل ولدي وتحط ولدك هالمعصقل.
علي:هههههه ولدك خذ حقه جا دور ولدي.
ضلو يسولفون ومجتمعين من بعدها راحت حور وعبدالرحمن لبيت بوخالد رحبو فيهم
بترحيب قووي سمر تحاول تغير معاملتها لكن صعب عليها بنفس الوقت تتعود بدور
ماكانت موجوده طالعه مع زيد الي صار خطيبها رسمي كان عند البحر بسيارته وهو يلعب
باصابعه على خدها:احبك بدوور مااصدق اني قدرت اخذك
بدور عيونها تلمع بفرح:انا محظوطه ربي رزقني فيك الله لايحرمني منك.
زيد:ماودي ارجعك البيت تروحين بيتنا؟
بدور:هههههه زيد لاتتهور ويالله حرك اخوي اكيد رجع من السفر ابي اشوفه.
زيد مشى بسياره:امري لله تامرين ياقلب زيد
وصلها وراح بيتهم حتى هو عشان يقعد مع اختها الي من عادتها تزورهم بهاليوم.
فطوم الي كانت تتمشى مع زوجها ناصر كانو كالمعتاد يتززاعلون ويتراضون ويمزحون
ويضحكون كانو من اجمل الازواج ثنائي مميز الكل يعشق مجالسته واخباره
راحت فطوم بيتهم وبس دخلت شافت امل بوجها وباستها
ناصر مسك يدها:لاتبوسينها انتي بس لي.
فطوم بحيا:هههههه اعقل اقوول اهلي هنا.
ناصر:واذ هنا زوجتي وحلالي.
قامت عنه واخذت وليد الملفوف بالمهد هذا ولد حسين الثاني من بعد امل تو عمره شهرين..
وعطته ناصر الي كان يحب العيال كثير
ناصر حط يده على بطن فطوم:اقول حبيبتي وحنا نبي مثله دوري في بطنك يمكن فيه
هههههههه يمين شمال.
بوحسين:ههههههههه ووين تدور هو ضاايع.
حسين:لاتحاولون مااحد بيجيب بحلات عيالي.
ناصر:لايكثر يالمغرور.
زيد:مابعلق لاني واثق من عيالي بالمستقبل.
الكل:ههههههههههههههههه
ناصر:نشوف باقي عليك كم شهر وتتزوج.
فطوم:انتو صدقتو عمركم قومو بس ونصوور تو الناس علينا شنو تبي بالعيال.
ناصر:شنو ننتظر بعد نبي صغيرون اكشخ فيه اطلعه معي عند الشباب.
حسين:وهو سااعه تكشخ فيه.
فطوم:علمه يتعبني 9شهور وغيرهم عشان يكشخ فيه...
ضلو يضحكون ويسولفون وناصر وفطوم ماوقفو مزح وضحك..
سيف ودانه الي تحدد زواجهم وكل الاهل يستعدون له من بعد مااجلوه 3مرات واخيرا راح يتزوجون
كانو اول من انخطبو واخر من تزوج.......
....خاتمة القصه مقتطفات لنزرا قباني يختصر قصص الهوى الي عشناها.