(هذا انا وهذا قصتي؟!)
 

==============
بدات يوم عمري عشرين سنه تقريبا...
بيوم من الايام كانت الساعه12باليل.. تقريبا؟ كنت راجع من احد المدن جنوب السعوديه بتجاه قريتي.كان الجواء ممطر وبارد وكنت مع واحد من اخوياي..وصلنا تقريبا لجسر خطير وكان الى يميز مناطق الجنوب انه حولها جسور وكذا....وحنا بالطريق تفاجات انا وخويي كان في حادث عباره عن قلاب صغير؟ وكان فيه ثلاثا اشخاص كانو من الجنسيه الهنديه؟...صدمهم واحد من اصحاب الشاحنات وهرب تركهم يصارعون الموت بوسط هالطريق باليل..وقفت انا وخويي ونزلنا بسرعه من السياره ركض خويي بتجاه السياره وطلع كشفات صغيره..بعدها انصدمنا .؟!!من الى شفناه؟!! كان في مثل رجول متكسره ومتقطعه وكان في صراخ يهز الوادي كله وبرغم ان كان في صوت المطر والرعد ..الاني ماقدرت اسمع الا صوت صراخهم؟...حولنا انا وخويي نسحبهم بس ماقدرنا...قال: خويي..اسمع اسمع انت انزل تحت السياره وحاول انك تفتح الهوايه الى تحت وحاول انك تدفهم لفوق وانا بطلع من فوق القلاب نفسه وبحاول اني اسحبهم واطلعهم لفوق.....وبالفعل كان هو اكبر مني جسم وكان اقوا ومااكذب عليكم لو قلت لكم اشجع شخص شفته بحياتي وملتزم بصلاته...ركب خويي فوق القلاب وشال الزجاج المكسور وحشر نفسه بين المصابين علشان يعطي نفسه امكانيه علشان يرفعهم..اما انا انسدحت تحت القلاب نفسه وفتحت التهويه الى كانت تصب دم ابكميات مو طبيعيه..اول مره في حياتي اشوف دم بالمنظر هذا ..كان الدم يختلط مع المطر نفسه الاسفلت قلب لونه احمر ملابسي طبعا كلها دم ..حولنا نطلع اول شخص وهو الى كان جالس بجنب السواق من الجها الثانيه بدا خويي يرفعه وانا ماسك رجله من تحت وارفعه. طبعا لاحظت انه لابس جزمه كبيره جلد ؟..اتوقع انكم تعرفونه يلبسونها العمال.فاصرخ على خويي وقول له لحظه ابي افسخ هالجزمه وانتم(بكرامه)فسخته وبديت ادف رجله ولحظت.؟انه يدف بسرعه ولحظت ان رجله تتحرك بسرعه فاقلت لخويي؟..يلاا اسحبه الحين توقعت يعني انه مو حاشره شي ف انا اقول لخويي يلاا اسحبه وخويي يقول والله اني اسحبه مو راضي يتحرك.بدينا نصارخ على بعض بشكل جنوني ماكنا نسمع بعض من قوه المطر والرعد..مسكت الكشاف وبدات انور على رجل الشخص نفسه وانصدمت من الى شفته؟!!! كانت رجل المصاب مابقت فيها الى قطعت جلد ماسكه الرجل يعني كانت مكسوره لدرجه ان العظم نفسه بارز.صرخت على خويي وقلت له:..لا لا لا لا تسحبه لا تسحبه رجله بتنقطع رحت بسرعه لمصاب وسالته كيف الالم قوي.تحس برجلك انت ؟..والغريب بالموضوع انه يقول لا انا مااحس بها..رحت لسياره وجبت ماء بدات اغسل وجيهم واشربهم ..بلحظه هذا بدا المطر ينزل اكثر كان كلما يطلع البرق نحزن اكثر لن كنت اشوف من نور البرق الحزن بوجه المصابين...كنا نصارخ بحاله هيستريه لعل احد يسمعنا.كان حالنا مياوس منه وبحاله استسلام وضعف بدا خويي يصارخ ويقول:.؟؟ خلاص خلاص طلعت جسمه من بين الحديد..يعني؟!! خويي طلعه من السياره وسحبه لبرا ...طلعت على طول من السياره وانا اصارخ ..كان رجل الشخص بيدي يعني انقطعت بيدي كان العظم بارز وواضح بعده وقفت ووانا مدري وش اسوي وخايف.اكثر شي خوفني باليله ديك البرق نفسه .كان كلما ضرب البرق ونوره شق السماء كنت اقدر اشوف الرجل كنت اشوف تفاصيلها كامله كنت اشوف العظم كيف متكسر وبرضو كنت اشوف الدم وقطع الحم..بديت اشوف كل شي من حولي يتحرك رجولي ماكنت تشيلني جسمي بدا يصير حار..وبدات الافكار تمشي بمخي..بالحظه دي كان في مثل احد يوسوس لي ارمي هالرجل وانحاش وبلحظات ثانيه كنت افكر امسك الرجل وارميه في الجسر وينتهي كل شي..بدات اسمع صوت الاشجار تتحرك من حولي دخلت في حاله هيستريه وبادت اضحك ...؟التفتت لى خويي وانا اناظره كان خويي يسحب الاشخاص ويصارخ على يبيني اساعده..ماكنت اقدر اتحرك..النوبه الى جتني كانت غريبه مره واتوقع انه من الضروف الى مرت فيني انا مو متعود على المناظر هذي بديت التفت حولي وبلحظات سريعه بديت اسمع مثل صوت ؟ الانين.من جه اليمين لفيت بسرعه وكان في مثل الكلب الاسود عن الشجره.؟.كان يناظر للرجل الى بيدي كانه يقول ارميها لي..لفيت عنه بجها خويي الا وفجاه؟؟؟!!!!.................. ....:e023:







(يتبع؟!,,,,)...........

رد: (هذا انا وهذا قصتي؟!)
 

!!!!!

رد: (هذا انا وهذا قصتي؟!)
 

اكمل ولا مايحتااج لاني تعبت من جد ولا لقييت اي احد عبرني

رد: (هذا انا وهذا قصتي؟!)
 

قصه‍ مؤثره‍
يعطيگ العاافيه‍
بآنتظأرگ

رد: (هذا انا وهذا قصتي؟!)
 

أكملي شوقتينا حبيبتي

رد: (هذا انا وهذا قصتي؟!)
 

باذن الله قريبا تعبانه هالايام شوي دعواتكم^ـ^

رد: (هذا انا وهذا قصتي؟!)
 

| اللهم إني أسألك من عظيم لطفك وكرمك و سترك الجميل أن تشفي أختي " ندى الصباح " و تمدها بالصحة و العافية ..

رد: (هذا انا وهذا قصتي؟!)
 

حدكـ لأبوس خدكـ..
اللهم امين حبيبتي ربي يسعدك ويحفظك^ـ^

رد: (هذا انا وهذا قصتي؟!)
 

طلع شخص قدامي؟..جمدت اطرافي كان الى يبعد عن وجهي ووجه شعره واحده بس....كان قريب مني مرره تحولت مشاعري من انهيار الى رعب وخوف.لمع مره ثانيه البرق لحظت ان ملابسه قديمه وكلها ماء..وبرغم انا وجه مرعب ولحيته بيضاء كان يبتسم لي؟بيده مثل العلبه الخضره؟ وبيده اليسار قطعه خبز..كنت انتظره يتكلم ويسالني وش صاير هنا؟..بس كان ساكت ويناظر لي...بسم لله الرحمن الرحيم .بسم لله الرحمن الرحيم.بسم لله الرحمن الرحيم..كررته بقلبي ثلاث مرات..التفتت لوراي ابي اتاكد الكلب موجود ولا لا...وقتها جاتني قشعريره الكلب اختفى ...والغريب؟؟..ان الشخص الى كان واقف قدامي طلع بمكان الكلب؟..غمضت عيوني وانا اسم بالله ماكنت اقدر اتحرك ولا اقدر اصارخ وانادي خويي..ومن الجها الثانيه من الطريق كنت اسمع صوت سياره؟..فتحت عيوني لفيت وعطيتها ضهري وتوجهت لطريق الثاني عند السياره.مرت اليساره وماوقفت لنا او انه هو اساس ماانتبه لنا بسبب الرطوبه والامطار..طبعا خويي بالوقت هذا طلع شخصين..رحت لشخص الى رجله مبتوره حطيت رجله وراه من باب الرحمه.كان الشخص يبكي وبصوت عالي مااكذب عليكم..لو اقول ماقطع قلبي 💔.. قربت منه وحاولت اني اشجعه حطيت نور

الكشاف على المصابين كان واحد من هم لابس مثل الجنز وكان مقطع.والواضح ان الجروح كانت جدا عميقه لدرجه ان كنت اشوف العظم نفسه.البرق يرجع مره ثانيه ويكشف لى الشخص الى كان واقف كان مثل وقفتها ماغيرها كان يناظر لى ويبتسم. بعده قربت سياره من الاتجاه الثاني وطبعا كانت سياره الدوريه ..خلال لحظات بس لما التفتت لسياره الدوريه ورجعت اناظر لشخص ؟...بس ماكان موجود؟؟....بديت التفت حولي وادوره وبرضو ماكان موجود؟..اناظر من تحت القلاب يمكن يكون وراه ؟...وبرضو ماهو موجود؟..سالت على طول؟..نفسي معقول الجن يخافون من الشرطه ..لاني اقتنعت اساس الى انا شفته مو جني ولا انسان..قطع تفكيري رجل الامن نفسه..كان يسالني وش علاقتي بالحادث ..بديت اقول لهم القصه من البدايه؟!!..الرجال الثاني بدا يساعد خويي ويطلع اخر مصاب
من السياره...طبعا الرجال الامن يكلمني وانا ادور واتلفت ادور الرجال والكلب الاسود..بعده بديت انتفض كان الشرطي نفسه يسمع صوت اسناني.ماكنت ادري هل هو خوف..او من ملابسي الى كلها ماء ...او من نفس الجواء البارد....طلب مني؟.ان اعطيه اثباتي ورقم جوالي(..................)..وقا ل لنا خلاص روحو وماقصرتو..والواضح انه مشانا من حالتنا الى يرثى لها كنا نرجف من البرد وملابسنا كله دم..وصلت سياره الهلال الاحمر.وبدو يسعفون المصابين نفسهم..هنا قلت لخويي ..خلاص انتهى دورناا ركبنا السياره.قلت لخويي يوصلني القريه ومايوقف عند البيت؟..يوقف مسافه بعيده عنه لاني خفت الوالده تسمع صوت السياره وتقوم وتشوفني على هالحاله وتخاف وتحسبني انا الى سويت االحادث..نزلني خويي وبديت امشي رايح للبيت .قررت امر لسيارتي الى كنت حاطها قرب البيت وتذكرت اني حاط ملابسي فيها ..فتحت شنطه السياره وخديت ملابسي وغيرتها على طول فكرت ان ارمي ملابسي بحكم انها وسخه وخفت اني احطها عن الباب ويشوفونها اهلى واخاف احطها بالسياره وتوسخه بحكم الموياء والدم الى فيها...خديتها ورحت مثل الارض الفاضيه قدام البيت وحطيتها بين الحجر؟..بين حجار كبيره يعني كذا؟..اقصد الارض الفاضيه مثل البرها او البراها الى تسموونه يعني؟...وانا راجع لسيارتي علشان اقفلها ؟..مالقيت المفتاح .جلست ادوره بجيوبي برضو ماحصلته ..دخل السياره.وما حصلته..توقعت اني رميته بالغلط مع الثوب ركضت بسرعه مره ثانيه وهنا كانت الطامه الكبرى؟!!.......ثوبي ماكان موجود ؟..ماكان في الا ملابسي الداخليه؟..هنا خفت؟..رجعت البيت ركض لان كل الى جا على بالي على طول ؟..الرجال الغريب والكلب الاسود..بس الغريب حصلت مفتاح سيارتي معلق مع مفتاح البيت في الباب..فتوقعت اني انا سهيت وحطيته ومع اني متاكد ماحطيت المفتاح ولا قربت اصلا من الباب ..فدخلت البيت وبديت اتسحب الييييييييييييييين ماوصلت الغرفه علشان ماحد يسمعني .دخلت الغرفه وقفلت الباب وخديت لي شوره على السريع.....رحت لفراشي ابي انام..اول ما؟رفعت البطنيه شفت مثل العقرب الاسود..عقرب اسود على فراشي ركضت بسرعه ابجيب النعال وانتم(بكرامه)علشان ادبحه بس اول مارجعت ماحصلته ؟..جلست ادور تحت

السرير حول الغرفه وبرضو ماحصلته ؟.بعده جلست على الكرسي وبديت افكر؟ لسببين طبعا ..السبب الاول اني كنت خايف.من العقرب نفسه كنت انتظر على الكرسي علشان يطلع ..والسبب الثاني كنت اساس مايجيني نوم واعتقد لو انتو مريتو بالحاله هذا مستحيل يجيكم نوم.منظر الحاله والحادث كان يخوف الدم منتشر بكل مكان غير كذا اول مره بحياتي امسك رجل شخص واشوف رجله مقطوعه قدامي والى خوفني اكثر وشتت تفكيري الكلب الاسود والشخص الواقف..طيب لو هو بشر ليه ماتكلم ليه ماجا يساعدنا ليه كان واقف يناظرني كانه يبي مني شي؟...بس الى ريحني بالوقت داك انه ماقدر يسوي شي لاني كنت اذكر الله..قررت اني اروح لجاري كان مهندس ويشتغل بمحل خاص بالقريه نفسها كنت ادري انه ماينام بالوقت هذا لانه كان يسهر ويشتغل مخططات وماعرف ايش؟؟..رحت له ودقيت عليه الباب وردت على زوجته ...قالت انه راح سكن العمال عند السد وانهم تعرضو لمشاكل بسبب الامطار ومنى عارف ايش فطلبوه....قررت اني اركب السياره واروح له ركضت ليسارتي ورحت له كان الجوء يخوف من الامطار..وصعب السواقه بحكم انه امطار وان السياره كل شوي تسلق علي؟..وصلت لمقر السد وقريب من بيوت العمال بديت ادق البوري (بيييب بيب)....مافي احد رد علي كانهم تركو المكان من مده طويله ..قررت اني ارجع البيت كنت احاول اني امشي بس مو قادر اشوف من الرطوبه فتحت الدريشه علشان اشوف الي وراي وعلشان مااصدم.......اول مافتحت الدريشه انخرعت.......كان في شخص جنب سيارتي وكان كبير بالاعمر كان ملصق وجها بالدريشه .الثواني حسيت قلبي طاح من مكانه بسبب الخوف.بعدها سالته بحكم انه بدا يبتسم وكذا..... عمي في احد هنا :قال:لاوالله انا مليت وانا انتظر هنا يفتحولي علشان المطر ودقيت عليهم بس محد فتح لي تقدر تساعدني علشان اقدر افتح الغرفه؟؟...قالت:له ياعم انت وين تبي اوصلك لن مااظن نقدر نفتح الغرف وخفت انه يقولون؟ نسرق ولا شي ...قال:طيب ابيك توصلني ياولدي بمكان قريب من هنا؟..لفيت على السياره من جها اليسار وقفلت الدريشه وكنت انتظره يطلع من باب اليسار ..بس طول؟؟خفت انه طاح ولا شي بحكم ان الارض تتسلق وهو رجال كبير بالعمر..نزلت بسرعه ولفيت عن السياره؟..بس؟؟..مكان موجود؟؟..جلست اناظر حولي كنت اقدر اشوف المسافات الطويله بحكم انه مافي شي ولا في لفات غير الغرف الي قدامي وهو لف عن السياره من الجها الى ورا والجها الى ورا كانت مكشوفه كامله اقدر اشوف مسافات طويله ؟....بس الغريب انه برضو مكان موجود؟....ومن المستحيل يمشي هالمسافه كلها ويوصل لاخر الطريق ويلف بدقيقه بس؟!!!....ركضت بسرعه لسيارتي ومشيت على طول ..مكان عندي تفسير لشي الى صار؟..وانا مسرع نازل لشارع كان في رجال واقف بنص الشارع وياشر لي سحبت فرامل باقوا ماعندي وبالموت وقفته وبيغت ادعسه لن الارض كانت تتسلق بس الي ريحني اني شفت سياره واقفه بنص الطريق وفيها اطفال وانهم اكيد خربت عليهم السياره ووقفت هنا ومنى عارف ايش؟...قرب مني الرجال وقال:معلش خوفتك كنت واقف هنا ويتعدوني بالسيارت

ومحد ينتبهلي ممكن توصلني واهلي لمكان قريب من هنا....بعد دقيقه قلت وانا متردد..اااهااااه اييه ايه تفضل تفضل معاي...بعدها نزل اغراضه كامله وركبو الاطفال معاي ....بيني وبينكم استحيت بحكم ان في حرمه معي وماقدرت اخد راحتي بس الى فاجعني؟..ان الرجال ركب معاهم ورا؟!!!...قالت : له تعال اركب قدام..قال: لا لا لا لا اخاف احرجك واضايقك وانت رجال ماقصرت وركبتنا معاك..وحنا ماشين بالطريق العام قال: لي؟.. روح لليسار يافلان؟...نداني باسمي؟...لحظه.......كيف عرف اسمي؟..سالته على طول......ااا كيف عرفت اسمي انت؟..بدوا الاطفال يضحكون اصواتهم كانت قريبه لخشونه الرجال نفسه؟.كان ضحكهم عالي جدا لدرجه انه غطو صوت المطر والبرق ...بدت السياره من داخل حاره مره لدرجه انى ودي افتح الدريشه من كثر الحراره..سالت وخففت ترددي وخوفي وقلت:انت كيف عرفت اسمي؟..انا مااعرفك ولا شفت وجهك اصلا وش سالفتك انت.؟...قال:لي؟..انا احد هالبدوي وكنت بالمنطقه هاذي العصر وكنت اتفقد السد نفسه وانا راجع خربت سيارتي ....بيني وبينكم حسيت الموضوع فيه بلا وانه كذب في كذب ..مصار لي وانا جاي بالطريق نص ساعه بس ..معنه طريق واحد يوديك لسد ويطلعك من السد وماشفته واقف ويقول لي انه واقف من العصر؟..قطع افكاري وهو يقول:لو سمحت روح من هنا يسار؟.كان مثل مخرج بوسط الطريق العام دخلت لليسار وبديت امشي الين ماوصلت لشارع واحد مزفلت وكان طريق زراعي ..قال:الرجال حنا جواعنيين ومااكلنا من فتره ممكن توقف هنا؟ بالاستراحه القريبه...قلت:له مافي استراحت على الطريق هذا؟؟بحكم انى اجي له كذا مره؟...قلت:اصلا مافي استراحت؟..قال: الا الا في استراحت عن اليمين تجيك خمس دقايق..وبل فعل كانت في استراحه ..كنت

(يتبع؟..)....

رد: (هذا انا وهذا قصتي؟!)
 

قووووي قلللب ووووالله
لو انا تلقوني الحين من الوفيات



عندي استفساار :e011::e011:

انت رجال؟؟؟

رد: (هذا انا وهذا قصتي؟!)
 

مييين تقصدي اختي انا؟؟؟؟
هاه انا بنت اسمي ندى وهذا روايتي؟^^

رد: (هذا انا وهذا قصتي؟!)
 

مييين تقصدي اختي انا؟؟؟؟
هاه انا بنت اسمي ندى وهذا روايتي؟^^
وعلى مااظن هالمنتدئ مايظم رجال حنا كلنا هنا نساء بس؟؟

رد: (هذا انا وهذا قصتي؟!)
 

هههههه ادري بس كان استفسار
لان قلتي تسوقين واضن هناك ممنوع المراءه تسوق
ما شاء الله عليج قويه قلب كيف قدرتي تتحملين هالمواقف

رد: (هذا انا وهذا قصتي؟!)
 

**هالمنااظر

رد: (هذا انا وهذا قصتي؟!)
 

ههههههههههههه سووري سووري صارت عندي لخبطه شووي انا عبالي تتكلمين عن نفسج رجعت اقراء واكتشفت انه شاب ويقول قصته السموحه يا الغاليه
=)

رد: (هذا انا وهذا قصتي؟!)
 

ههههههههههههههه عادي حبيبتي ربي يسلمك

رد: (هذا انا وهذا قصتي؟!)
 

يلااا عاد نبي التكمله

رد: (هذا انا وهذا قصتي؟!)
 

ان شاء الله قريبا باذن لله^^

رد: (هذا انا وهذا قصتي؟!)
 

|لا تطولي تحمست اعرف ايش بيصير بعدها

رد: (هذا انا وهذا قصتي؟!)
 

باذن الله انزلهااا التكمله قريبااا^^ كنت مسافره عن خالتي وتوي امس جيت

رد: (هذا انا وهذا قصتي؟!)
 

| الحمدلله ع سلامتك

رد: (هذا انا وهذا قصتي؟!)
 

الله يسلمك غلاتي^^

رد: (هذا انا وهذا قصتي؟!)
 

هلا والله
اخبارك
الحمدالله ع السلامهه

رد: (هذا انا وهذا قصتي؟!)
 

اهلين فيك حبيبتي طبعي وفي
والحمدلله بخير الله يسلمك 😊

رد: (هذا انا وهذا قصتي؟!)
 

اميز نورها من بين الاشجار ...قال: لي ادخل من هالطريق طبعا كان الطريق تراب دخلت من الطريق وبعدت عن الطريق العام بعدها قال:ايوه وقف هنا ..دقيقه بس وارجعلك واعدرني اذا طولت عليك...قلت: لا لا خد راحتك اخوي وانا انتظرك..نزل وبدا يركض بين الاشجار رايح للستراحه وترك معاي عياله وزوجته كان عياله بس يضحكون تمنيت بس لو الف واشوف وجيهم لان ضحكاتهم كانت غريبه بس خفت اني الف بحكم ان في حرمه ورا..وخفت ان يعتبروه ك تحرش ومنى عارف ايشش....وانا رجال اساس مالي بهالخرابيط ..امور كثيره كنت افكر فيها بالوقت هذا الرجال تعمد وجلس ورا علشان مااشوف وجها حتى لما نزل حاول بالي يقدر عليه علشان برضو اني مااشوف وجها وبعدها بديت اشجع نفسي واقول طيب وااذا كانو جن انا رجال حافض اكثر الايات التحصين وطرد الجن...بعدها رجع الرجال ومعه رجال ثاني قال:هذا صاحب الاستراحه وهو خويي الامطار اغرقت الاستراحه ونبي ناخده معناا وترى جبنا معنا اكل وماء....استسلمت لامر الواقع وقلت:خلاص اخوي ماعندي مشكله..كنت انتظر صاحب الاستراحه يطلع قدام بحكم انا داك الرجال راكب ورا؟.. هنا دريت ان الموضوع فيه بلاء الرجال وخويه ركبو وراااا؟.....كيف يخلي رجال غريب يركب مع زوجته وراا؟؟..قطع تفكيري صاحب الاستراحه بصوت متقطع وهو يقول:خ خ خ خد ا اا اااششررربب م مماء.....اخدتها وماشربتها بحكم مفتوحه وناقصه وخفت انهم حطين فيها شي ؟.حطيتهاا جنبي وبديت ااسوق..فجااااا 😳 اختفت اصواتهم ؟؟ 😳 حتى ضحك الاطفال اختفى كانا مافي احد معي بالسياره.خفت التفت لورا بس هالمرا مو عشان خايف في حرمه..كنت خايف صدق انهم جن ولما التفت يصير لي شي او يدخل فيني لاسمح الله ....بديت امشي اليــــــن ماقطع طريقي ماء وكان الشارع.غرقان وقفت مكان الا وفجه تمر سياره الدفاع الرباعي من الجه الثانيه وكانت الدوريه تعم فجه شفت زوج الحرمه يوقفه ويكلمه؟؟..انا مدري متى اصلا نزل من السياره؟.كنت اناظر من الدريشه وهو يكلمه والواضح؟وافق فقرب من سيارتي وربط السياره وانا فاتح الدريشه واناظره كنت اسمعه يقول:لزوج الحرمه ؟..اذا عندكم مكان ثاني حاولو انكم تروحون له ولا تقطعون هالطريق لو انى انا رجال ماكنت غمرت بحياتي وقطعت هالسيل اكثر المناطق الى ورا هالسيل كلها غرقانه ماء.. جاتني افكار ان انزل بسرعه واركض اوقف رجال الامن واقوله بالى صار بس خفت انه يخاف ويتركني لحالي معاهم ..كان يعدل السياره وجاء نور السياره على سيارتي؟..كنت اتمنى لو الف بسرعه واشوف من الى راكب وراي؟..تمنيت بلحظات بس ان اعرف من هدول؟..بس كنت خايف ومنحرج لان لو ماكنو جن بحرج نفسي معاهم لان الحرمه موجوده ويمكن اصلا مايكونون جن؟....سحبنا الرجال وتعدينا الماء...بدينا نمشي وكانت في سياره ثانيه بنفس الطريق الى حنا نمشي فيه؟..قال:لي زوج الحرمه لو سمحت وقف هنا هذا اخو زوجتي ؟..وتبي تركب معاه وانت تدري سياره واحده ماتكفينا..وكمل كلامه قال:اعدرني ثقلت عليك بس بخليك توصلني لمكان اقرب ..وقفت ونزلت الحرمه هي وعيالها قال لي صاحب الاستراحه خلاص امشي..الى حيرني ان حنا بالموت نشوف بسبب الرطوبه وماكانت واضحه السياره وكيف يبيني امشي بسرعه وحتى الحرمه وعيالهاا مايمداهم يركبون ؟...قلت طيب طيب ومشيت ...مشينا وبعد ماتعدينا مثل جبل ولفينا حوله..ونزلنا الى الوادي وكان في بيت ب دورين؟ مخلاص بس باقي البويه والالوان.ف قال: خلاص وصلنا وقف وبعده طلب مني انزل معه واكل واريح الين ميهدا الجوء..في البدايه رفضت واعطيتهم عدر انى خايف اتاخر على اهلي ومنى عارف ايش؟...بعده لزم علي وقال لا لا لازم تنزل ....نزلنا ورحنا مثل سلم تسلق السلم و داخل درشيه لدور الثاني ونزل وفتح الباب الى حيرني كيف بيته وماعنده مفتاح؟...دخلنا البيت؟.البيت ريحته كانت كريه مرره ومستحييييييييل احد يتحمل هالريحه طلعنا لدور الثاني وكان في مثل الفنوس وجنبه مثل فرش وبطانيه ..قال:لي ارتاح هنا وانت رجال ماقصرت واعتبر نفسك في بيتك...وطبعا كان ظلام ماكان في الا فنوسين؟..يعني حتى وجه ماكنت اميزه الفنوس الاول عند الفرشه والثاني كان معاه ...على فكره كان الرجال لابس مثل العبايه ومغطي راسه فيها..يعني وحتى هو ماسك الفنوس وبعيد عني شوي ماكنت اقدر اشوف وجه ولا ملامحه ...بدا يمشي الين ماوقف نهايه الغرفه ووقف عن الدريشه كان معطيني ضهره كان واقف بشكل غريب وكانه ينتظر احد؟..فجه سمعت صوت سياره توقف برا؟...انا تحركت وبديت اوقف بالدريشه القريبه مني وبديت اشوف وش هالسياره ؟..وقفت السياره جنب سيارتي حطو الكشفات على الباب الى ورا بسيارتي ....وهنا كانت الطامه الكبرا شيشن شفتهم خلوني انهاار انا اصلا امحيت فكره الجن من بالي؟...الشي الاول؟.....شفتهم ينزلون مثل جثه؟......وكنت بكفن ابيض ........بدا جسمي يعرق لان عرفت ان انا اصلا ورطت نفسي بموضوع قوي وان هم استغلوني لما استحيت وماانظر بحكم ان الحرمه كانت موجوده معنا ...والشي الثاني الى خوفني اكثر السياره الى جاو فيها هي نفسها الى كانت خربانه عن السد وركبتهم معاي؟..والرجال الكبير بالعمر الى قبلته عن سكن العمال هو اصلا الى كان يسوقهااا؟...بدات الامور تتعقد من حولي رجولي مو قادره تشيلني بلحظات تمنيت اني اصارخ واقوم من هالحلم ..معقوله ورطت نفسي بهالامور ..رجعت بسرعه وجلست على الفراش ....رجع لى الرجال وقال:صديقي دق على وقال ان السياره الى ركبت معاه زوجته خربت بروح لهم الحين؟.........وتركني بسرعه حتى مااعطاني فرصه ارد عليه بديت اسمع خطواته وهو ينزل لدرج؟...ركضت بسرعه لدريشه واشوف هل صدق راح معقوله رااح....لمحته يركب السياره وشغلهاا على طول ومشى.؟..انتظرته شوي الين مااختفى؟..على طوول ركضت لتحت بسرعه حولت افتح الباب بس ماقدرت حولت اكسره برضو ماقدرت كان قوي مره ركضت بسرعه للباب الى ورا عند المطبخ وبرضو كان مقفل حولت اضربه اكسره حولت بكل قوه اعطاني ياه الله بس ماقدرت بديت التفت حولي بالمطبخ ادور شي اكسر به الماب او احصل مفتاح على الاقل ...لقيت دولاب قديم فتحته بسرعه ؟...وهنا؟؟ ايقنت وتاكدت من الريحه الى شميتهاا كان الدولاب كله اكفان واحناط الاموات ومعه بخور وكان الريحه الى شميتها ريحه اكفان وكلها دم؟.....طلعت بسرعه ركضت لسطح وكان الباب مفتوح بديت اتلفت ادور شي يخلصني وهنا لقيت الفرج من الله كانت مثل شجره وكانت في الواح خشب صفيته لين الشجره وبديت امشي الين وصلت الشجره تسلقت فيها ونزلت بتجاه عكسي لين وصلت الارض ورجليني المستهاا هنا بدات الافكر تتصارع براسي كنت ودي اركض وانحاش من هالمكان بس كانت المسافه بعيده قررت انى ارجع لسيارتي قبل مايجون ركضت لسيارتي وركبتها وانا اصلا مدري كيف اصلا ركبتها وبديت ابتعد عن المكان كانت مشاعري كلها فرح وخوف كنت كل شوي اناظر من الدريشه احس ان في سياره تلحقني؟..وكل خمس دقايق ارجع اناظر ورا في السياره احسبهم راكبين معاي؟..مرت كل الشخصيات قدام عيني كنت اسمع ضحكات الاطفال كاني بحلم....بنفس الطريق الى كنت امشي فيه حصلت سياره كنت افكر اوقف واخلي هالسياره توصلني لقريتي لان شعور ثاني وراحه لما يكون شخص ثاني معاك بعكس انك لحالك وتصارع افكارك وخوفك .....وبعد تفكير قررت انى اوقفه قربت منه واشرله الين ماوقف وقفت قدامه وصار وراي هو نزلت بسرعه وانا اركض علشان المطر ...وانا اقول:له....ا ااا اا السلام عليكم معليش على الازعاج اخوي بس سيارتي رح تطفى فيني وانت عارف مافي محطات هنا تقدر توصلني على طريقك؟...وافق الرجال ..ركبت سيارتي مره ثانيه ووقفتهاا بين الاشجار علشان الحراميه وماتنسرق ..بعده ركبت معاه ....يالله وش اقول لكم اول مره احس اني مرتاح ومو خايف والى ريحني اكثر الرجال شكله كان ملتزم وحاط قران؟؟....وبعدها تعدينا الماء الى تعدينها انا والعائله الى ركبو بسيارتي..نزل الرجال وكان معاه مثل العصا يعني كان يقاس ارتفاع الماء ويعرف وين يمشي بالسياره؟.لما قطعنا الوادي وتعدينا حسيت براحه حسيت كل شي انتهى ..سالت انت ساكن بالمنطقه هذه؟...جاوبني على طول وقال:لي ايه انا ساكن هنا..قلت:له طيب وش سالفه الاستراحه الى هنا اا جديده هي؟...؟...قال: ياولدي مافي استرحات بالطريق هذا؟...بعده مريت بالمكان الى انا مريت منه علشان الاستراحه؟..قلت :له ايوا ايوا ايوا هنا هنا انا متاكذ في استراحه هنا جديده؟...فوقف وحط نور السياره على بدايه الطريق هنا انا استغربت كل شي شفته غير؟..كانت في شاحنه لنقل الاغراض والواضح انه خربانه وواقفه هنا من فتره طويله ماكن في شي حولها ابد ولا كان في استراحه ؟...فاستغربت وسكتت مشينا انا وياه الين ماوصلنا طريق الجنوب الرايسي ..يالله هم وانزاح عني؟...ماكنت اصدق ان كل شي انتهى ..وصلني البيت وبديت اشكره واعزمه على الغدا من بكره ^^...ومن الامور هذا واعتدر مني الرجال ومشى؟..وبعدها دخلت البيت ودخلت غرفتي وحطيت راسي ونمت؟...حتى ماكنت افكر بالعقرب الى كان بفراشي كنت الشي الى اهتم له وابيه انى ارتاح وانام..اول ماصحيت رحت للمهندس ؟..قلت له انى امس رحت سكن العمال وادوره وماحصلته حتى العمال ماحصلتهم؟؟..قال:لي انا ماطلعت من بيتي من يومين علشان الامطار؟..........وكمل كلامه وقال:والعمال غيرو مكانهم علشان السد والامطار خايفين يصير لهم شي؟..........فقطعت كلامه وقلت:لا ياخي انا امس جيت وفتحت لي زوجتك وقالت انك مب موجود وانك بمانطقه السد ....قال: وهو مستغرب كلمت زوجتي؟.....ياخي زوجتي مسافره لها اسبوعين ..انعقد لساني وماقدرت اتكلم؟........سكت شوي وبعدين قلت:ابيك توصلني لسيارتي بالله عليك تركتها بمكان بعيد وماقدر اروح له مشي؟....وافق وخلاص قال:انتظرني عن الجامع...رحت صليت وانتظرته عن الجامع؟..بعده مر احد اخويي ووقفته قلت:له يوصلني وانى ماابي اتعب المهندس نفسه ..فوافق وكلمت المهندس نفسه واني ماابي اكلف عليه وان خويي جا ومن من الامور هذا؟....مشيت انا وخويي بالسياره؟..بدا الخوف يدق بقلبي مره ثانيه لان انا بالموت كنت احول اطلع من هنا امس...وصلنا لسيارتي حولت اشغلها بس مااشتغلت والى وقفها هو انى تركت انوارهاا شغاله فضعفت البطاريه ومصارت تشتغل؟..ف الحلو بالموضوع ان خويي كان معاه اشتراك سوينا السياره ومشينا طبعا خويي يمشي قدامي وانا وراه وكل واحد طبعا بسيارته بعده لقاء المخرج الى يبيه ودق لي بوري ويسلم وانه يبي يطلع من هنا....دقيت له بوري انا وكملت طريقي؟..جات ببالي فكره اني اروح لسد عن المهندس بحكم انه قالي بيروح هناك واساس ماجا الليل ف مافي خوف ان شاء الله...رحت السد وحصلت المهندس ومعه عمال..وفتحت معه موضوع تخطيط الملعب وانه يخطط لنا ملعب انا والشباب...من الامور هذا..ف بدات اسولف معاه الين ماجا وقت صلاه المغرب الشمس بدات تغيب فاعتدر مني وقال:انه يبي يروح..ركبت سيارتي انا وبديت امشي بالطريق؟..كنت في افكار براسي الافكار هذه خلتني اضحك بطريقه هستيريه وغبيه؟...كنت احس ان في احد يراقبني كنت احس اصلا في احد راكب معي داخل السياره جسمي احس انه مسطلب احس بقشعريره؟...تمر بجسمي كله وكان في واحد يلمسني بيده؟.بديت اسم بالله واتعوذ من الشيطان .كنت اعتبره اخر انفاس اتنفسه الحين كيف لو كل شي يتكرر قدامي الحين وبنفس الطريق شفت السياره شفت السياره وفيها اطفال كنت اقراء المعوذات واعيدها كل شوي تعديت بالسياره وانا مسرع ماابي اوقف حتى من قوه التفكير احس اني اتصرف بتصرفات غير طبيعيه ومو مستوعب انا وين؟..تعديت مخرج البيت وانا افكر ادري ان الاطفال كانو يضحكون على الجثه الى كانت معاهم ....بعد ماتعديت مخرج البيت او مخرج القريه نفسه رحت للقريه الى جنبنا وقفت عن المسجد نزلت بسرعه وصليت ....اول ماخلصت الصلاه وانا راجع لقريتي كانت قريتي ماتبعد عشر دقايق عن القريه الى جنبنا حصلت شباب المسجد مجتمعين وقريب من بيتنا كانو يخططون لطلعه طبعا كل فتره يجتمعون ويطلعون طلعه حقت الصيد وكذا ف قررت انى اطلع معاهم هنا جمعنا الاغراض وظبتنا الوضع وطلعنا وصلنا المكان الى نبيه خيمنا وظبتنا الوضع بعدها قررو الشباب انهم يصتادون ويستخدمو بنادق صيد هوائيه وللعلم يستخدمونها في صيد القمري ؟...(القمري) نوع من انواع الطيور..كانو يبون ينقسمون الىمجموعتين طبعا انا كنت بحاله خوف؟...ف قلت:لا لا انا ماابي اجي معاكم بجلس حول النار وعن الخيم مالي خلق؟..جلست ف شفت اخوياي يبعدون عني؟.... بعدها حسيت بشعور غريب كنت اسمع صوت انفاس الاشجار؟..قلت لحالي انا غبي اجلس لحالي هنا بديت اركض واصارخ على اخوياي علشان ينتظروني لدرجه حتى انى ركضت وراهم بدون كشاف ..وصلت المجموعه الاولى وقالو: لا لا لا روح مع المجموعه الثانيه ...حنا كثير الى هناك اثنين بس؟..رحت لهم وبدينا ندور بهالغابه مااكذب عليكم لو ماقلت لكم كنت خايف؟..كانت الغابه تخوفني كانت شكل الاشجار تخوفني حتى صوت الهوا يخوفني وبرضو حتى اخوياي يخوفوني كان كل شي بالغابه يخوفني؟..اول مره يجيني هالشعور منننا متعودين نجي هالمكان ومو انا اساس اول مره اجيه ...وصلت لشجره وحطيت نور الكشاف عليها صوب خويي يبي يطلق .............بس لحظه كنت اسمع صوت انفاس وراي كانت من جها اليمين لفيت بسرعه بالكشاف بس ماكن في احد....زعل خويي وبدا يصارخ علي لا لا لا حط الكشاف هنا لما اطلق خويي وصاد القمري لفيت بسرعه بالكشاف وكانت في افعى كبيره كنت تنزل من الغصن نفسه بدينا نرمي عليها بالحجر علشان ندبحها لين مااطلق عليها خويي بالبندقيه الهوائيه وماتت..خدها خويي طبعا وعلقهاا على احد هالاغصان وخلاهاا ........اجتمعنا بالمخيم مره ثانيه كل واحد من اخوياي يستعرض عضلاته ومبسوط من الاشياء الى اصطادها ..بس حصل شي غريب بدا يمر ثعلب من حولنا والغريب انه ماخاف بدا يناظر فينا بنظرات او بالاصح كان يناظر فيني انا بنظراات........الشباب بدو يضحكون واحد منهم قال:يقلع شكله والله انه قاادح هذا ....ف نقز خويي الثاني وكان معروف عليه عندنا بدقه التصويب ؟..بسلاح نار يعني لاسمح الله لصار لنا شي في الغابه ندافع به عن انفسنا ...خد السلاح واطلق طلقتين على الثعلب ....والغريب انه واقف وم مات؟...نقز واحد من اخوياي ومسك السلاح وقال:اسالك بالله ماتطلق؟..هذا جني ..وقف خوينا وطبعا كان ملتزم بدا ادعيه وسور من القران الين ماراح الثعلب واختفى بين الاشجار قررنا ان مانجلس وشلينا عفشنا ومشينا نزلوني العيال بالبيت وانا داخل شفت عمي في الحوش استغربت وش جايبه في القوت هذا سلمت عليه وسالته عمي وش جابك هنا امك مو قادره تدبح الثعبان اللي هنا فدقو علي علشان ادبحه ودبحته ولما شفت الثعبان استغربت كان مثل الثعبان اللي بالغابه وابصم بالعشره انه هوو!!!!شكله وطوله ولونه اللي قدامي هذا نفسه ياللي بالغابه تركت عمي بالحوش ودخلت جلست عند التلفزيون كنت وقتها خايف حتى افكاري بدت ترجعلي واللي سؤته اكثر ان الثعبنين نفسهم.....غفيت في الصاله عند التلفزيون بعده صحيت على اهلي كلهم حولي مثبتيني بالارض كانو يرجعوني داخل استغربت انا كنت بالصاله يوم غفيت وش وداني عند الدرج ياللي برا...ف على كلامهم بعد مااصحصت وفهموني الموضوع اني انا كنت بالسطح وكنت احاول اطلع عا الجدار وكنت انادي باعلى الصوت يااخوي المسافر وبعدها جلست امي وابوي حولي بالصاله فسويت نفسي نايم وكنت اسمع ابوي يقول لامي:يا فلانه اتوقع لاسمح الله انه مصاب بمس ولاشي الامور اللي سواها تخوف لازم نجيب شيخ ويقرا عليه ..انا بيني وبينكم كنت اتوقع ابوي يبالغ بالموضوع ....صحيت من النوم جلست تقريبا ساعه كامله بالفراش وانا افكر كنت افكر بكل صغيره وكبيره صاارت فيني من وقت الحادث اللين اخر شي ()....بعدها قررت ادق على خويي اللي كان معي وقت الحادث فقلت يمكن صار شي وانا مدري عنه او اني ما انتبهت دقيت عليه وسلمت .... فبدا يضخك معي ويسلم واضح ان حالته كويسه ومافيه شي.... سالته:يااخي ابسالك انت صايرلك شي غريب في الليله ديك لاني كنت خايف انا وحزين على اللي صار ومو مركز..... قال: لا واالله لان انا كنت خايف عليك لاني كنت اشوف خوفك واسمع صرااخك وتذكر انت يوم سحبنا الرجال وانقطعت رجله كنت تصارخ علي ...انا بالوقت هذا قطعت كلامه وقلت ::لالا يااخي انا صارت معي امور بذيت اقوله سالفه الثعبان والعقرب بذيت اقوله اني انا تعبان واحس بالالم واني انا مريض....فقال لي:ياخي يخي لحضه لاتقطع كلامي اذكر الله انت اللحين..... بذيت اذكر الله..... وبعده كمل كلامه وقال:ياخي اللي خوفني شي واحد شي غريب تذكر يو كنت انا اسحب المصاب وانت كنت تدف اللي انقطعت رجله ....قلت له ايه...قال : انت قلت لي وانت تصااارخ "ووقف وقف جني ياخدك ياشيخ قطعت رجله" انت قلت الجمله هااذي!!! فخويي بدا يسولف يكمل السالفه ...........انا مخي راح للجمله اللي انا قريتها وكنت افكر فيها الواضح اني استعنت باحد الجن بالغلط الجن كانو يطلعون اكثر شي باجواء المطر وتجدبهم اكثر ريحه المطر نفسه الدم وكان يجدبهم اكثر شي الخوف وكانت اكثر مراحل الضعف انك انت تنسى ان تذكر الله ............بعدها قطع تفكيري خويي قال: يااهووه انت معي ولا اكلم نفسي......قلت له هااه ايه ايه معك معك...عموما لحضه بسالك كان في احد معانا بالوقت هذاك وقت الحادث قال: لا مافي احد معانا ا لا انا وانت والمصابين نفسهم !!! تقصد دوريه الا من قلت :لالا يوم وقت الحادث على طول يوم وصلنا.... قال: لا ماكان في احد.... بس هذا اللي كنت انا خايف منه كنت خايف انه يقول لي الكلام هذا كنت اتمنى انه يقول ايه شفت شخص وكلب اسود بس دريت انو انا الوحيد اللي شفته...........فقلت مااعلي حبيبي حبيت اسلم عليك وكذا ....وبعده قفلت الخط... جلست افكر معقوله انا مريض نفسي او انا موسوس بالجن ...اسئله كثيره كانت تدور في مخي معقوله ان الليل والمطر وارعد والبرق له دوركبير باللي صار ...معقوله انا الخوف الالم والدم اللي كان بالطريق او اني انا ناذيتهم باسمااهم على حسب كلام خويي وانا اللي خليتهم يجووني لازم ادور الاجابه لاسئلتي ...........بعد يومين من مكالمه خويي وطول هاليومين وان اتعدب وخايف ومو قادر اطلع من البيت....دخلت للغرفتي وسكرت الباب وقفلته.. بدلت ملابسي وانسدحت على السرير ابي انام..الا وفجاااااااه!!!...حرمه عجوز واقفه عند الباب وشعرها ابيض وكانت ملابسهاا كلها سوداء ...وقالت: وخر الاطفال عن المستودع الحطب ترى سببولنا الازعاج ونبي ننام,...ماانبي نوذيكم..مااكنت اقدر ارد عليهاا لساني حسيت اني بلعته كنت خايف كان كلامها مجرد ثواني بس ....فتحت الباب وقتها وطلعت على طول ...جلست على السرير وانا خايف كل شوي اتعود من الشيطان نفسه وشو هذي من هذي كل الاسئله برااسي تدور.....ركضت بسرعه لبرا رحت المستودع حقنا القديم كنت اشوف العيال الصغار يلعبون عنده خديتهم على طول دخلتهم...فت عن الدريشه وانا انااضر مستودعنا القديم كان المستدع قديم مررره كنا نحط فيه الحطب ونحط فيه لاشياء القديمه قررت اني افتحه اكيد الحل هناك بهالمستودع القديم رحت له وفتحته لماا فتحت الباب.....شفت كل المجموعه اللي عيشتني بالرعب كانت جالسه بالنص بين الحطب والفحم بين الاغراض القديمه كانت زوووج الحرمه وصديقه صااحب الاستراااحه وكانت الحرمه تلبس الكفن ومعهاا الولدين الصغار وكان الكلب الاسود نايم جنبهم...صرخت باقوا ماعندي واغماء علي هذا الشي الوحيد اللي كنت اتذكره صحيت واهلي حولي بالمجلس وكان عندنا شيخ يقراء علي عرفت ان انا موسوس حاولت اتذكر بعض الاحداث اللي صارت جلست افكر منو هالرجال الكبير بالعمر اللي قابلني عند السد واختفى معقوله هووو الكلب الاسود!!! وش العلبه الخضره اللي كانت معااهم معقوله كل شي صار لاني قلت مقوله بالغلط وقت الحادث جاابتهم لي معقوله اني بجمله وحده بس بوقت غلط وبخوف استدعيت الجن علي ............!!!!!!!!
>>>>>>انتهت القصه<<<<<<<<
اشكركم على القراء المستفيد من القصه ان الجن حولنا بكل مكان حاول انك اذا كنت باماكن لحالك ان تذكر الله لان بحاله الضعف يحاول يتملكك الجن وتتلبسك حاول انك تعود لسانك بحلات الخوف والضعف تسمي بالله وابيك تثق ثقه تامه انك اذا كنت تصلي وتحافظ على صلاتك صدقني مرح يصيبك الا ماكتبه الله لك...
<<<<<<<<<<<<<
ندى الصباح^^

رد: (هذا انا وهذا قصتي؟!)
 

قصه رووعهه
عضاامي تيبست اقراها وانا مشغله قران<<< هههه من الخوف

رد: (هذا انا وهذا قصتي؟!)
 

ههههههههههههه