الجاتوه السواريه من مطبخ الشيف مونى بالصور
السلام عليكم ورحمة الله
النهارده ان شاء الله هقدملكم اسهل طريقة للجاتوه السواريه وعملته بالكيك الاسفنجى العادى هنعمل 3 كيكات 2 فانيليا وواحدة كاكاو هقول مكونات الكيكة الواحدة وهنكررها مرتين مكونات الكيكة الاسفنجية: كوب دقيق نصف كوب سكر 3 بيضات كبار فانيليا نصف ملعقة صغيرة بيكنج بودر (وطبعا الكيك الاسفنجى مفيهوش اى مواد دهنية يعنى زيت او زبدة او حتى حليب) مكونات الحشو: 3 كوب كريم شانتى خام 2 ونصف كوب حليب بارد فانيليا 7 ملعقة كبيرة سكر بودرة مقادير صوص الكاكاو: كوب كاكاو خام كوب سكر 2 ملعقة كبيرة زبدة فانيليا كوب وربع حليب وللتزيين: فارمسيل الوان فوندان ملون شوكولاته بيضاء جوز هند اصفر (وطبعا التزيين حسب رغبتكم) الطريقة: فى اناء هنحط البيض والفانيليا http://i39.servimg.com/u/f39/15/33/51/98/115.jpg ونضربهم بمضرب البيض لمدة لاتقل عن دقيقتين وهيعملوا رغاوى http://i39.servimg.com/u/f39/15/33/51/98/216.jpg ونضيفلهم نصف كوباية السكر http://i39.servimg.com/u/f39/15/33/51/98/315.jpg ونضربهم على سرعة عالية لمدة لاتقل عن 5 دقايق متواصل هيبقى الخليط لونه فاتح وكريمى وكثيف http://i39.servimg.com/u/f39/15/33/51/98/415.jpg ونضيفلهم الدقيق والبيكنج بودر بعد ماننخلهم http://i39.servimg.com/u/f39/15/33/51/98/516.jpg ونقلبهم برفق بالاسباتيولا من تحت لفوق http://i39.servimg.com/u/f39/15/33/51/98/616.jpg لغاية ماتختفى كل كمية الدقيق وتمتزج المكونات http://i39.servimg.com/u/f39/15/33/51/98/715.jpg ونحط خليط الكيك فى صينية مربعة على ورق خبز ونوزعه بالتساوى http://i39.servimg.com/u/f39/15/33/51/98/814.jpg ودخلته فرن حرارته هادية وطبعا كل شخص فرنه غير التانى وطلعته لما استوى ولازم الكيك يبقى لونه ابيض ومنسيبش الجناب تحمر http://i39.servimg.com/u/f39/15/33/51/98/913.jpg وقلبته على ورق خبز ونشيل ورقة الخبز اللى استوى عليه بحذر وبرفق ونكرر كل الخطوات اللى فاتت وهيبقى عندنا كيكتين فانيليا http://i39.servimg.com/u/f39/15/33/51/98/1512.jpg وهنعمل كيكة الكاكاو بنفس المقادير اللى فاتت بس هنشيل معلقة كبيرة دقيق وهنحط بدالها معلقة كبيرة كاكاو خام وهنحط الدقيق والبيكنج بودر والكاكاو على خليط البيض والسكر بعد ماننخلهم http://i39.servimg.com/u/f39/15/33/51/98/1013.jpg ونقلبهم برفق بالاسباتيولا من تحت لفوق http://i39.servimg.com/u/f39/15/33/51/98/1112.jpg لغاية ماتختفى كل المواد الجافة وتتجانس المكونات http://i39.servimg.com/u/f39/15/33/51/98/1213.jpg ونحط الخليط فى صينية مربعة على ورق خبز http://i39.servimg.com/u/f39/15/33/51/98/1312.jpg وندخله فرن حرارته هادية ونخلى بالنا عشان الكيكة لونها غامق فمتتلسعش مننا ونختبرها ونطلعها http://i39.servimg.com/u/f39/15/33/51/98/1412.jpg ونقلبها على ورق خبز وبكده بقى عندنا 3 كيكات 2 فانيليا وواحدة كاكاو ودى من اسهل الطرق للكيكات الاسفنجية واحلاها طعما وفى الغالب بنريح الكيك فى التلاجة قبل مانشتغل بيه بس بما ان الجو بارد جدا فانا محطتوش فى التلاجة بس ريحته 6 ساعات قبل مشتغل بيه وهنحضر الكريم شانتى اللى هنحشى بيه الكيك هنحط كل المكونات بتاعته ونضربهم بالمضرب الكهربائى لغاية مانوصل للقوام المطلوب ونجيب كيكة فانيليا من اللى عملناهم نقسمها بالنص بالظبط وهيبقى عندنا شريحتين http://i39.servimg.com/u/f39/15/33/51/98/1713.jpg وهنحط على واحدة منهم كريم شانتى http://i39.servimg.com/u/f39/15/33/51/98/1813.jpg ونفردها بالاسباتيولا ونحط عليها الشريحة التانية ونفرد عليها كريم شانتى http://i39.servimg.com/u/f39/15/33/51/98/1912.jpg وهنجيب قطاعة على شكل دايرة ونقطع الكيك اللى حشيناه http://i39.servimg.com/u/f39/15/33/51/98/2012.jpg وهنجيب الفوندان الملون نفرده بالنشابة عشان نقطعه بالقطاعات ونزين بيه http://i39.servimg.com/u/f39/15/33/51/98/2111.jpg وكل قطعة قطعناها على شكل دايرة هنجلسها بالكريم شانتى ونزينها من الجناب بالفارمسيل ومن فوق بالفوندان الملون تااااااااااااااااااااااااااااا بعونى |
رد: الجاتوه السواريه من مطبخ الشيف مونى بالصور
وهنجيب الكيكة التانية الفانيليا ونكرر كل اللى فات بالنسبة للتقطيع والحشو بس المرة دى هنقطعها بالقطاعة اللى على شكل مربع
http://i39.servimg.com/u/f39/15/33/51/98/2212.jpg وبردو هنجلسها بعد مانقطعها بالكريم شانتى وهنزينها بالشوكولاته البيضا واللولى الالوان ودى هتبقى جاتوه سواريه وايت فورست وطبعا هتقلولى هيفضل كيك بعد مانقطعه بالقطاعات ده هقولكم فى اخر الموضوع هنعمل بيه ايه مفيش حاجة هتترمى او ملهاش لزمة كده خلصنا جاتوه الفانيليا وزيناه هندخل على كيكة الكاكاو فى كسرولة هنحط كل مكونات الصوص مع بعض وممكن نستبدل الحليب بميه http://i39.servimg.com/u/f39/15/33/51/98/2311.jpg ونحطه على نار هادية مع التقليب واول مايغلى هنطفى النار http://i39.servimg.com/u/f39/15/33/51/98/2411.jpg وهو سخن كده هنصفيه عشان ميبقاش فيه اى كلاكيع http://i39.servimg.com/u/f39/15/33/51/98/2511.jpg ونسيبه يبرد على جنب بس مندخلوش التلاجة وهنجيب كيك الكاكاو نقسمه بالنص بالظبط وهيبقى عندنا شريحتين http://i39.servimg.com/u/f39/15/33/51/98/2610.jpg وهنزود على الكريم شانتى شوية حليب ومعلقة كبيرة كاكاو خام وهنحط على شريحة منهم كريم شانتى كاكاو http://i39.servimg.com/u/f39/15/33/51/98/2712.jpg وهنحط عليه الشريحة التانية ونغطيها بالكريم شانتى http://i39.servimg.com/u/f39/15/33/51/98/2811.jpg وهنقطعها بالقطاعة اللى على شكل قلب http://i39.servimg.com/u/f39/15/33/51/98/2911.jpg وهنجلسها بالكريم شانتى وهنغطى الوش بصوص الكاكاو اللى عملناه http://i39.servimg.com/u/f39/15/33/51/98/3011.jpg ودى هنزينها من الجناب بجوز هند اصفر وعلى صوص الكاكاو هنعمل خطوط شوكولاته بيضا سايحة وطبعا هيفضل صوص كاكاو ده هنحطه مع بواقى كل كيكة اللى قلنا عليهم فى الاول عشان مفيش حاجة تترمى وهيبقى طعم الجاتوه واحلى وكل كيكة ياجماعة ادتنى بالظبط 8 او 9 قطع جاتوه وده الشكل النهائى دى اللى عملناها اول حاجة وزيناها بالفارمسيل الملون والفوندان http://i39.servimg.com/u/f39/15/33/51/98/3210.jpg http://i39.servimg.com/u/f39/15/33/51/98/3310.jpg http://i39.servimg.com/u/f39/15/33/51/98/3410.jpg وده جاتوه الوايت فورست http://i39.servimg.com/u/f39/15/33/51/98/3510.jpg http://i39.servimg.com/u/f39/15/33/51/98/3610.jpg http://i39.servimg.com/u/f39/15/33/51/98/3710.jpg وده جاتوه الكاكاو بصوص الكاكاو http://i39.servimg.com/u/f39/15/33/51/98/3810.jpg http://i39.servimg.com/u/f39/15/33/51/98/3910.jpg http://i39.servimg.com/u/f39/15/33/51/98/4010.jpg وبالهنا والشفا |
رد: الجاتوه السواريه من مطبخ الشيف مونى بالصور
تسلم ايدك حبيبتى
|
رد: الجاتوه السواريه من مطبخ الشيف مونى بالصور
تسلم ايدك
شكلهم بشهي الله يعطيكي العافيه |
الساعة الآن توقيت السعودية الرياض و الدمام و القصيم و جدة 04:53 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.