السينابون بصوص التوفى وصوص الجبنة الكريمى من مطبخ الشيف مونى بالصور
عملت السينابون بطريقتين مختلفين عن بعض بالنسبة لطريقة العجينة وبالنسبة لصوص التزيين والاتنين طعمهم احلى من بعض وانتوا عليكم تختاروا الطريقة اللى شايفنها اسهل بالنسبالكم
مكونات العجينة: 3 ونص كوب دقيق بيضة كوب حليب ملعقة صغيرة خميرة فورية ملعقة صغيرة سكر ربع كوب سكر فانيليا 4 ملعقة كبيرة زبدة طرية فانيليا مكونات الحشو: سكر بنى(ممكن نستبدله بسكر ابيض) قرفة زبدة طرية مكونات صوص التوفى: كوب سكر بنى 4 ملعقة كبيرة زبدة طرية نصف كوب فريش كريم(كريمة لبانى) الطريقة فى كوباية هنخلط ملعقة الخميرة الفورية مع ملعقة السكر http://i38.servimg.com/u/f38/15/33/51/98/113.jpg وندفى كوباية الحليب ونضيفهالم http://i38.servimg.com/u/f38/15/33/51/98/213.jpg وندوبهم ونسيبهم على جنب 10 دقايق يختمروا وفى اناء هنحط البيضة والفانيليا والزبدة http://i38.servimg.com/u/f38/15/33/51/98/313.jpg ونقلبهم بالويسك او اى معلقة خشب http://i38.servimg.com/u/f38/15/33/51/98/413.jpg وفى اناء تانى هنحط الدقيق مع الربع كوباية سكر http://i38.servimg.com/u/f38/15/33/51/98/513.jpg ونخلطهم ونعمل حفرة فى النص نحط فيها كوباية الحليب والخميرة http://i38.servimg.com/u/f38/15/33/51/98/613.jpg ونعجنهم http://i38.servimg.com/u/f38/15/33/51/98/713.jpg ونضيفلهم خليط البيض والزبدة http://i38.servimg.com/u/f38/15/33/51/98/814.jpg ونعجنهم كويس لغاية ماكل المكونات تمتزج وهيبقى عندنا عجينة طرية وفى نفس الوقت متماسكة http://i38.servimg.com/u/f38/15/33/51/98/915.jpg ونسيبهم يختمروا لمدة ساعة http://i38.servimg.com/u/f38/15/33/51/98/1013.jpg ونفردها على ترابيزة مرشوشة بالدقيق على شكل مربع وندهنها بالزبدة الطرية ونضيفلها السكر البنى http://i38.servimg.com/u/f38/15/33/51/98/1211.jpg والقرفة http://i38.servimg.com/u/f38/15/33/51/98/1311.jpg ونلفها على شكل رول http://i38.servimg.com/u/f38/15/33/51/98/1411.jpg http://i38.servimg.com/u/f38/15/33/51/98/1511.jpg ونقطعها قطع متساوية ونحط فى صينية مدهونة على مسافات متباعدة http://i38.servimg.com/u/f38/15/33/51/98/1611.jpg ونسيبهم يختمروا شوية على الصينية بس مش كتير وعلى فكرة الشيف فى محل سينابون مش بيسيبهم يختمروا خالص على الصوانى بيدخلهم الفرن على طول انا دخلتهم فرن حرارته متوسطة ومسخن مسبقا وكل واحد حسب فرنه وهبدأ احضر صوص التوفى تاااااااااااااااااااااابعونى |
رد: السينابون بصوص التوفى وصوص الجبنة الكريمى من مطبخ الشيف مونى بالصور
وبعد ماأستوى السينابون واحمر وشه طلعناه من الفرن وهنبدأ نحضر صوص التوفى
فى كسرولة هنحط الفريش كريم والزبدة والسكر البنى مع بعض http://i38.servimg.com/u/f38/15/33/51/98/1712.jpg ونقلبهم على نار هادية http://i38.servimg.com/u/f38/15/33/51/98/1811.jpg وهتمتزج كل المكونات مع بعض http://i38.servimg.com/u/f38/15/33/51/98/1912.jpg ونسيبه يغلى على النار http://i38.servimg.com/u/f38/15/33/51/98/2010.jpg وهنطفى النار بعد مايغلى وبكده صوص التوفى بقى جاهز عندنا http://i38.servimg.com/u/f38/15/33/51/98/2110.jpg والطريقة دى من اسهل طرق صوص التوفى واحلاها طعما بدل ماتحطوا السكر فى كسرولة يتحرق لوحده ويطرطش عليكم وممكن ميوصلش للون المطلوب وبالنسبة للسكر البنى ممكن نستبدله بسكر ابيض بس انا حبيت ان الصوص يكون غنى ومتميز ولما يبرد الصوص هنحطه على السينابون ومعاه عين الجمل المجروش وده شكله النهائى http://i38.servimg.com/u/f38/15/33/51/98/2210.jpg http://i38.servimg.com/u/f38/15/33/51/98/2310.jpg http://i38.servimg.com/u/f38/16/73/51/37/2410.jpg تااااااااااااااااابعونى مكملة المشاركة الجاية الطريقة التانية للسينابون |
رد: السينابون بصوص التوفى وصوص الجبنة الكريمى من مطبخ الشيف مونى بالصور
عدنا كما وعدنا والطريقة التانية للسينابون ودى الطريقة المعتادة اللى معظمنا بيعمله بيها
مكونات العجينة: 3 وربع كوب دقيق كوب الا ربع حليب بودرة ملعقة كبيرة سكر ملعقة صغيرة خميرة فورية بيضة فانيليا 2 ملعقة كبيرة زيت ماء للعجن للحشو: زبدة طرية قرفة سكر بنى صوص الجبنة الكريمى للتزيين: 4 حبات جبنة كيرى كوب سكر بودرة 3 ملعقة كبيرة زبدة طرية ربع كوب ماء الطريقة فى اناء هنحط كل المقادير الجافة مع بعض http://i38.servimg.com/u/f38/15/33/51/98/2511.jpg هنحلطهم مع بعض ونضيفلهم البيضة http://i38.servimg.com/u/f38/16/73/51/37/2610.jpg ونعجنها معاهم ونعمل حفرة فى النص نضيف فيها ماء العجن بالتدريج http://i38.servimg.com/u/f38/15/33/51/98/2710.jpg ونعجنهم ونضيفلهم معلقتين الزيت ونعجنهم كويس لغاية ماتتماسك العجينة وفى نفس الوقت هتكون طرية http://i38.servimg.com/u/f38/16/73/51/37/2810.jpg ونسيبها تختمر لمدة ساعة وبعد ماتختمر نفردها على سطح مرشوش بالدقيق على شكل مربع وندهنها بالزبدة الطرية ونضيفلها السكر البنى http://i38.servimg.com/u/f38/16/73/51/37/2910.jpg والقرفة http://i38.servimg.com/u/f38/16/73/51/37/3010.jpg ونلفها على شكل رول http://i38.servimg.com/u/f38/16/73/51/37/3110.jpg ونقطعها قطع متساوية http://i38.servimg.com/u/f38/16/73/51/37/3210.jpg ونرصهم فى صينية على مسافات متباعدة http://i38.servimg.com/u/f38/16/73/51/37/3312.jpg ونسيبهم يختمروا شوية وندخلهم فرن حرارته متوسطة ونطلعهم لما يستووا ووشهم يحمر http://i38.servimg.com/u/f38/16/73/51/37/3410.jpg ونحضر الصوص فى اناء هنحط كل مكونات الصوص مع بعض http://i38.servimg.com/u/f38/16/73/51/37/3510.jpg ونضربهم بالمضرب الكهربائى او فى الخلاط وبكده يبقى جاهز عندنا http://i38.servimg.com/u/f38/16/73/51/37/3610.jpg طعمه خفيف وجميل وممكن بردو نزين السينابون بالحليب المكثف المحلى وده الشكل النهائى للسينابون بعد ماحطينا عليه الصوص http://i38.servimg.com/u/f38/16/73/51/37/3710.jpg http://i38.servimg.com/u/f38/16/73/51/37/3810.jpg http://i38.servimg.com/u/f38/16/73/51/37/3911.jpg يارب يكون عجبكم وبالهنا والشفا |
رد: السينابون بصوص التوفى وصوص الجبنة الكريمى من مطبخ الشيف مونى بالصور
مشكووووررررةةة اوي اوي اوي اوي اوي اويييييي عالوصفة الجميلة دي
يعطيك العافية وان شالله صحتين وهنا |
الساعة الآن توقيت السعودية الرياض و الدمام و القصيم و جدة 10:33 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.