ازياء - فساتين سهرة و مكياج و طبخ - طاجن البامية باللحمة

” طاجن البامية باللحمة “
طبعا كلنا عارفين ان البامية اكلة شعبية ولكن هناك الكثير مش بيحبوها مع انها مفيدة جدا لانها من الخضروات ولكن دلوقتي مع الطريقة دي نقدر نقول انها هاتكون مرغوبة عند كل الناس وهاتكون من الاكلات المفضلة لدي الجميع .
مقادير طاجن البامية باللحمة
– 1 كيلو بامية ( وتفضل البامية الطازجة الصغيرة او متوسطة الحجم) .
– نصف كيلو لحمة .
– 1 بصلة كبيرة .
– 3 فص ثوم كبير .
– 1 كيلو طماطم .
– ملعقة صغيرة فلفل اسود .
– ملعقة صغيرة ملح .
– نصف ملعقة صغيرة بهارات .
– ملعقة كبيرة عصير ليمون .
– 2 ملعقة كبيرة سمنة او زيت ( حسب الرغبة ) .
طريقة التحضير طاجن البامية باللحمة
– تقمع البامية يعني نقطع اعلي واسفل البامية بالسكين , ثم تغسل بالماء فقط وتوضع في مصفاه وتترك .
– تغسل اللحمة جيدا وتقطع الي قطع صغيرة يعني كيلو اللحمة يقطع الي 10 او 12 ويصفي جيدا ويترك .
– ناتي بالطماطم ونغسلها جيدا ونقطعها ونضربها جيدا في الخلاط .
– نفرم البصلة والثوم ونضعها في اناء به سمن او زيت علي نار متوسطة لمدة دقيقة واحدة.
– ثم نضع اللحمة والملح والفلفل والبهارات ونقوم بالتقليب جيدا حتي تتشوح ويتغير لونها يعني حوالي 10 دقائق .
– ثم بعد ذلك نسكب الطماطم علي البصل واللحمة ونتركها لمدة 5 دقائق علي نار متوسطة .
– وبعد كده نقوم بوضع البامية وعصير الليمون علي الطماطم ونتركها لمدة 15 دقيقة .ملحوظة يجب عدم تحريك البامية بكثرة حتي لا تتكسر وتتهرس .
– ثم تاتي باناء من فخار وده طبعا اهم حاجة الوصفة دي لازم الطاجن يكون فخار وده افضل كتير وتضعي به الخليط وضعيه في الفرن علي درجة حرارة 140 حتي يتم طهيها تماما وقومي بتحميرها من الوجه .
– وبعد الانتهاء قدميها علي سفرتك ساخنة . ” بالهنا والشفا “
منقول