رد: يا رب تخليه وتبقيه لعنين ترجيه
يا رب تخليه وتبقيه لعنين ترجيه كامله
فواز: تسلم عليك ياجدة ... وخاطرها تزورك ... بس تعبانة شوي ... ان شاء الله بكرة تصير احسن
نورة:سلامتها ... ايش فيها؟؟؟
فواز: ما ادري عنها ... كم يوم نايمة في الفراش ولا تقدر تقوم
ام محمد: زوجتك وما تدري ايش فيها؟؟؟
فواز: هي مو راضية تتكلم ... ولا راضية تروح المستشفى ... تقول صداع ويروح
نورة: ما تشوف شر
فواز: الشر ما يجيك
نواف: شهد
شهد: هلا
نواف: مين يتصل عليك وتقفلين الجوال كل شوي؟؟؟
شهد: ها ... وحدة من البنات مزعجة ومالي نفس لسوالفها
نواف: اها ... لا بس فكرت واحد يزعجك قلت أشوف لك حل معه
شهد: الله يخليك ما تقصر
رجع فواز البيت ودخل جناحه بهدوء ... سمع صوتها وهي تتأوه وتتألم وتبكي
ركض جهتها وشافها تدور حول نفسها على الفراش من الألم ... مسكها فواز من كتفها: رؤى ... ايش فيك؟؟؟
طالعت في عينه: ..............................
فواز: وين يألمك؟؟؟ لا تقولين لي صداع؟؟؟ مو معقولة كل هذا صداع!!!
رؤى وهي تبكي: ليش تسأل؟؟؟ يعني مهتم؟؟؟
فواز: رؤى هذا سؤال بالله عليك!!!
رؤى: ايه سؤال ... فواز انت ليش تزوجتني؟؟؟
فواز: رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤى؟؟؟
رؤى: لا تقول لي رؤى ... انت ليش تزوجتني؟؟؟ بس بتنتقم لاني عاندتك وكنت ابي اتزوج ابراهيم صح؟؟؟
فواز وهو يحط يده على جبهتها: ما في حرارة ... ليش تخربطين بالحكي؟؟؟
رؤى: فواز بعد عني ... جننتني ... قربك مني يذبحححححححححححححني
دفت يده عنها وبعدته
فواز لا شعورياً قرب منها وحضنها بقوة وما اهتم بمقاومتها
رؤى وهي في حضنه: فواز تكفى ... لا تقرب مني وتحسسني اني اهم مخلوق بالنسبة لك ... وفجأة تبعدني وترميني ولا تسأل فيني
فواز: متى رميتك يا رؤى؟؟؟
حط يده تحت فخذها وحطها في حضنه: اييييييييييييييييييييييييييييي ييييييييييييييييي
فواز: ايش فيك؟؟؟
رؤى: فواز لا تلمس الحرق ... بموووووووووووووووووووت
نزلها فواز وحطها على جنب: خليني اشوفه!!!
حطت رؤى يدها على يده: لا تشوفه ... ما ابي منك شي
ولفت بترجع على ظهرها
رجعها فواز على جنبها: مو بكيفك ... بشوف يعني بشوف
وما عطاها مجال تعارض ورفع بجامتها ... وانصدمممممممممم من لون الضماد من برا ... مبين انه قديم بالحيل
فواز: رؤى انتي متى آخر مرة غيرتي الضماد؟؟؟
رؤى: لا تسأل ... قلت لك لا تسأل ... انت آخر واحد لك الحق انك تسأل
فواز: رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤؤؤى
رؤى: هذا اللي فالح فيه ... العصبية وبس
رجعت على ظهرها: بعد ... ما ابيك تشوف شي ... ولا تسأل عن شي
فواز بعصبية: مو بكيفك ... سامعة !!! مو بكيفك
لفها على جنبها بقوة وفتح الضماد ....
انصصصصصصصصصصصصصصصصصصصصصصصصصصصص صصصصصصصصصصصصصصصصصصصص صصصصصصصصصصصصصصصصصصصصصصصصصصصصصص صصصصصصصصصصدم
بعصبية: انتي ما غيرتي الضماد بعد المستشفى؟؟؟
رؤى: .............................. .................... ......
فواز: اكلمك انا ... لا تطنشيني!!!
رؤى: لا
فواز: ليييييييييييييييييييييييش؟؟؟ يالغبية ... الحرق ملتهب بشكل فضيع!!!
دخلت راسها بالفراش وهي تبكي ...
لف لجهتها ورفع راسها: ليش ما غيرتي الضماد؟؟؟
رؤى من بين دموعها: مين يغيره لي؟؟؟
فواز: ليش تنتظرين احد يغيره لك؟؟؟ ليش ما غيرتيه بنفسك؟؟؟
رؤى: فواز بالله عليك شلون اغيره؟؟؟ الجرح في فخذي من الخلف ... ما اشوفه ولا اقدر اوصل له!!!
فواز بعصبية: وليييييييييييش ما قلتي لي اغيره لك؟؟؟
رؤى: انت ... انت تغيره؟؟؟ انت لو مهتم كان سألتني شخبار الحرق اللي برجلك؟؟؟
فواز: رؤى ... انا مفكر انك تغيرينه ... ابد ما توقعت انك مهملته كذا ... ليش ما قلتي لي انك ما تقدرين تغيرينه؟؟؟ شلون بعرف انك ما قدرتي؟؟؟
رؤى: يعني ما تعرف اني ما اقدر اوصل لفخذي من ورا؟؟
فواز: طيب انا ما تبين تقولين لي ... البنات ليش ما قلتي لهم؟؟؟
رؤى: استحيت منهم ... بيسألوني ليش فواز ما يغيره لك!!! ايش اقول لهم؟؟؟
فواز: تقومين وتهملين نفسك؟؟؟ رؤى ... هذا حرق ... تعرفين يعني ايش حرق؟؟؟
رؤى: .............................. ......
فواز: قومي البسي عبايتك بسررررررررررعة
رؤى: ما اقدر اقوم
فواز: لييييش بعد؟؟؟
رؤى: اذا مشيت الحرق يألمني بشكل فضيع
فواز: اييييييييييييييييييييييييييييي يييييييييييييييييييي ييييييييييش؟؟؟؟ وساكتة!!!
رؤى: ايش تبيني اسوي؟؟؟
فواز: رؤى من جد ودي اقوم واكفخك!!!
رؤى بعصبية: انت الغلطان وانت اللي بتكفخني بعد؟؟؟
فواز من بين اسنانه: رؤى بجد مو وقت دلعك ... مهملة نفسك لهالدرجة وتقولين لي انت الغلطان؟؟؟ انا ايش عرفني اذا انتي ما قلتي؟؟؟ مو اسألك كل يوم وتقولين لي الحمد لله ... ولما تعبتي هاليومين تقولين لي مصدعة؟؟؟
رؤى: اول يوم رجعنا من المستشفى وعطيتني الأدوية قلت لي غيري الضماد كل يوم ... يعني كأنك تقول لي ما عندي استعداد أغيره لك ولا تفكرين تطلبين مني!!!
فواز: انتي غبية ولا تتغيبين؟؟؟ تفسرين الكلام على كيفك وهواك ؟؟؟ شي طبيعي لما اعطيك الادوية بقولك كذا ... ولما تحتاجين شي بتقولين لي!!!
قام من عندها بعصبية واخذ عبايتها وعطاها اياها: بسرعة البسي عبايتك
رؤى: فواز خلاص غير الضماد وبيصير احسن
فواز: شووووووووووف ... شكله موتك على يدي!!! قومي بسرعة لا اذبحك ... تحملي الألم وانا بساعدك
رؤى: طيب واخلي الحرق مكشوف كذا؟؟؟ انت نزلت الضماد؟؟؟
فواز باستهزاء: لا الصراحة معك حق تخافين على هالحرق ... الحرق منتهي خلاص ... الجلد ملتهب بشكل فضيييييييييييييييع وما في فايدة من الضماد
رؤى بخوف: يعني بتشوه؟؟؟
فواز: هذا اللي هامها ... تتشوه؟؟؟ قووووووووووووووووووومي البسي عبايتك
قامت رؤى ولبست عبايتها بمساعدة فواز ... ومشى معها ووصلها للسيارة وراحوا للمستشفى ... الدكتور بس شافها عصب وهزأهم مع بعض ... نظف لها الجرح وكتب لها على أدوية ثانية وحرص عليهم بتغيير الضماد
فواز متضايق بالحيل ... حاس بتأنيب الضمير ... هو قال الجملة تلقائياً ... وما توقع انها مفسرتها على كيفها .... وصلوا البيت وهو ما تكلم بولا كلمة ... وصلها للفراش وغطاها ... وراح الحمام وغسل ورجع حط راسه ... بس ما جاه نوم من تأنيب الضمير
اليوم الثاني ... في المستشفى ...
فواز ونواف في مكتب نواف ... فواز قال له على السالفة كلها
نواف: لا حول ولا قوة الا بالله ... الى متى بيظل حالكم كذا؟؟؟
فواز: ما ادري ... ولا تفتح لي هالموضوع
نواف: طيب انت عطني وقت ما افتح فيه الموضوع؟؟؟ يعني عطني حد ونهاية للقصة هذه كلها؟؟؟
فواز: نوااااااااااااااااف!!!
نواف: لا تقول لي نواف ... تدري أحس بتأنيب الضمير؟؟؟
فواز: ليش؟؟؟
نواف: لأني السبب في هذا كله ... قمت اشور عليك شلون تأدبها وتخليها تحبك ... ولما حبتك وتعلقت فيك تسوي فيها كذا وتعذبها؟؟
فواز بعصبية: يعني انا اللي مو متعذب ؟؟؟ انا امووووووت كل يوم ... تعرف ايش يعني اموووووووووت؟؟؟
نواف: بس بيدك تنهي الموضوع كله ... مو مثلها المسكينة ... لا حول لها ولا قوة
فواز: ما اقدر يا نواف ما اقدر !!!
نواف: انت تحس انها تحبك؟؟؟
فواز: حاس بكل نظرة وهمسة ودمعة وكل شي!!!
نواف: طيب ليييييييييييييييش هالتعذيب؟؟؟
فواز: ما ادري يا نواف ما ادري
نواف: طيب ليــ ................
: نواااااااااااااااااااااااااااا اااااااااااااااااااا اااااااااااااااااااااااف ... الحقني
وقفوا نواف وفواز: وععععععععععععععععععععععععععععع ععععععععععععععد!!!
وعد: الحقوا على شهد بسرعة
ركضوا فواز ونواف وراها ... وطلعوا من المكتب ... وراحوا ورا وعد ... شافوا شهد واقفة في الممر وبندر واقف عندها وماسك يدها بالقوة وكأنه يبيها تروح معه
ركض نواف عنده ولفه جهته وعطاه بكس على وجهه ... وفواز استلمه من الجهة الثانية ... شهد ووعد واقفين على جنب ويبكون
شهد: فواز ... نواف ... خلاص
وهم ولا كأنهم يسمعون ... التموا الناس والدكاترة والممرضين ولا قدروا يفكونهم ... ركض واحد من الممرضين ينادي ابوهم واعمامهم ... شوي الا وتركي وصل ... على طول مسك الاولاد وفكهم طبعا بمساعدة الناس الملتمة
نواف: اتركني عليه يا تركي!!!
تركي: نواااف ... خلاص ... يكفي!!!
فواز: تركي ايش يكفي ... فضحنا الله يفضحه!!!
تركي: قدامي عالمكتب بسرررررررررعة ... يكفي فضايح!!!
لف نواف على شهد: اطلعي للبيت انتي ووعد
لف تركي عليها وشافها واقفة مع وعد ومبين انها ميتة من البكي تحت النقاب ... فهم الموضوع وانه يتعلق بشهد
هزت شهد راسها من غير لا تتكلم ...
في المكتب ...
دخلوا الشباب مع تركي وبندر معهم ...
واول ما دخلوا المكتب التموا على بندر مرة ثانية ... بس وقفوا بصرخة من تركي
تركي: فواز ونواف ... اطلعوا برا
فواز ونواف طالعوا فيه باستغراب ...
تركي: لا تطالعون فيني كذا ... اذا بتتصرفون بهبل اطلعوا برا
فواز: الصراحة ما استحمل وجود هالحقير قدامي ... بطلع
تركي: يكون احسن ... ولو تاخذ نواف معك يصير احسنين
سحب فواز اخوه وطلعوا برا ...
تركي لبندر: وانت ... لا تفكر اني زعلان من اللي سووه الأولاد ... تراه قليل بحقك
بندر: ليش طلعتهم ... كان تركتهم يكملون!!!
تركي: لاااااااااااا ... انا قلت لك ... طريقتي تختلف تماما عنهم
بندر: .............................. ........
تركي: ايش اللي صار؟؟؟
بندر: شوف ... مع اني ما اعرف الصفة اللي تكلمني فيها بس يمكن تخدمني
تركي: مع اني كارهك ومو طايقك ... بس ما تعودت ارد من يطلب عوني .. بس اعرف اللي صار بالاول!!!
بندر وهو منزل راسه: صار لي فترة ادق على شهد
تركي بنص عين: ليش؟؟؟
بندر: ابي اتفاهم معها
تركي: طيب!!!
بندر: وهي مرة وحدة ردت ولما سمعت صوتي قفلت بوجهي ... ومن بعدها ما ردت علي ولا ردت على أي رقم غريب احاول اتصل منه
تركي: وبعدين؟؟؟
بندر: صار لي فترة منتظرها تطلع من البيت ... بس للأسف ما تطلع الا مع امها ... واليوم بس طلعت مع وعد بروحهم ... ولما لحقتهم طلع عندها موعد في المستشفى ... انتظرتها لين خلصت وحاولت اوقف اكلمها بس هي ما رضت
تركي بعصبية: في المستشششششششششششششفى؟؟؟
بندر: ايش اسوي؟؟؟ لو انتظرتها عند السيارة السواق بيفضحني
تركي: تقوم تفضحها بالمستشفى؟؟؟
بندر: ما لي الا هالحل!!!
تركي: وليش تبي تكلمها؟؟؟ مو طلقتها؟؟؟
بندر: ابي اراضيها
تركي: نععععععععععععععععععععععععععععع عععم
بندر: لا تستغرب ... انا تعدلت وندمت كثر شعر راسي ... بس للأسف بعد فوات الأوان
تركي: والمطلوب مني اصدقك!!!
بندر: هي زوجتي وابي اردها قبل لا تنتهي العدة
تركي: واذا ما رضت؟؟؟
بندر: هي تحت تأثير اهلها ... لو كلمتها بروحها بقدر اقنعها
تركي: اهلها اللي مو عاجبينك كانوا بعرفون عنك قبل لا يصير اللي يصير ... بس شهد كانت مسكتتهم ومستحملة وتقول زوجي وما اتخلى عنه
بندر: بتعلمني فيها ... شهد بنت رجال
تركي: واذا انت عارف انها بنت رجال ليش اذيتها؟؟؟ بنت الرجال مكانها في العين!!!
بندر: آخر فرصة ... واذا شفتوا شي يكدركم انا حاضر باللي تبون
سكت تركي شوي .... وبعد فترة: عندك رقم شهد؟؟؟
بندر: ايه
تركي: عطني اياه
بندر: ما بترد عليك ... ما ترد على رقم غريب!!!
تركي: عطني الرقم ومالك دخل بشي
طلع بندر الرقم: تفضل
تركي: اجلس وانتظر شوي
في السيارة ... شهد ميتة من البكي ... ووعد معها تبكي من الخوف ... وصلها مسج فتحته ( ممكن ترجعين المستشفى ضروري ... اذا واثقة فيني ارجعي ... ابي رد بنعم أو لا ..... المرسل تركي الـ .......... )
استغربت شهد من المسج ... وبعد تفكير ( نعم )
( اول ما توصلين المستشفى اسألي الاستقبال عن مكتبي وتعالي عندي على طول)
هنا خافت شهد ... بس ماعندها حل ... هي وعدت الرجال انها تروح له
تركي جالس في المكتب وسط الأوراق ... بس باله مع هالحقير اللي جالس قدامه ينتظر ... لو بيده يقوم ويكفخه لين يذبحه ... بس مسك نفسه بالقوة ... عشر دقايق وسمعوا صوت الباب: تفضل
دخل السكرتير: استاذ تركي ... في بنتين برا يبون يدخلون عندك
تركي: خلهم يدخلون
قام تركي واستقبلهم من عند الباب ... دخلت شهد واول ما شافت بندر لفت: هذا العشم يا تركي؟؟؟
تركي: لا تستعجلين ... ادخلي واجلسي
شهد: ما اجلس في مكان واحد مع هالقذر ... ومشت بتطلع من الباب
سد الباب بيده: انا استحملت اجلس مع هالقذارة ربع ساعة لين توصلين عشانك ... اول ما توصلين تطلعين
نزلت شهد راسها: ايش يبي؟؟؟
تركي: يقول يبي يتفاهم معك
شهد بسرعة: وانا ما ابي اتفاهم معه
تركي: اتفقت معه انه يجلس معك عشر دقايق ... تطلعين من هنا وتعطيني قرارك ... والقرار اللي تقررينه يمشي على الكل ... اذا قررتي ترجعين مع اني مو مقتنع بس يمشي كلامك ... واذا قررتي انك تنهين الموضوع بندر يقوووووووووول انه ما بيتعرض لك ... واذا تعرض لك انا اللي اوقف بوجهه
سكتت شهد فترة ...
نزل تركي يده: القرار بيدك
لفت شهد على بندر اللي منزل راسه طول الوقت: ايش عندك؟؟؟
تركي: وعد ... تعالي ننتظرهم برا
شهد: تركي
لف عليها تركي: هلا
شهد: وعد تنتظر بروحها برا ... انت تجلس معي لين يخلص كلامه
بندر: لا يا شهد ... بكلمك لوحدك
شهد بتجاهل لبندر: تركي ... حتى لو ما تشاركنا الحديث ... اجلس معنا
تركي: امرك يا شهد
لف وجلس على المكتب: خلصوا حكي على ما اخلص الشغل اللي بيدي
جلست شهد على الكنب اللي بالمكتب: ايوه يا بندر ... ايش عندك؟؟؟
قام بندر من مكانه وراح عندها وجلس تحت رجلها: شهد
شهد: تصدق اذا قلت لك تحوم كبدي اذا سمعت اسمي من فمك؟؟؟
نزل بندر راسه: معك حق ... بس صدقيني تغيرت
شهد: اذا تغيرت فهذا يسرني ... بس لنفسك مو لي انا
بندر: شهد اسمعيني!!!
شهد: ايش اسمع؟؟؟ ايش تبيني اسمع يا بندر؟؟؟؟ اسمعك بعد ما خليتني اشوف حرمة ثانية عارية بين احضانك؟؟؟؟ وليتها كانت زوجة او شي بالحلال كان ما تكلمت ... بس وصلت بك لحد الزنا؟؟؟ الزنا يا بندر؟؟؟
بندر: تبت يا شهد ... تبت
شهد: الله يهدي الجميع بس الموضوع ما يخصني
بندر: اللي تبينه انا حاضر بس اهم شي ترجعين معي
شهد: اللي ابيه؟؟؟
بندر: اللي تبينه
شهد: ابيك ترجع ولدي اللي ذبحته
بندر: الله يحيينا ونجيب غيره
شهد: بهالسهولة؟؟؟ بهالسهولة يا فواز؟؟؟ نجيب غيره؟؟؟ كنت اعد الأيام والدقايق لليوم اللي بشوفه واشيله بين يدي ... كبر في بطني وحسيت فيه وفي حركته ... لو كان من البداية يمكن ما تعلقت فيه ... كنت حاطة أمل انه يرجعك ويصلح حالك ... كنت اشتكي له كل يوم منك ... محد يسمعني ويحس بدموعي غيره ... بالأخير وبكل بساطة تذبحه يا بندر ... تذذذذذذذذذذذذذذذذذذذذذذذذذذذذذ ذذذبحه
بندر ودموعه بدت تنزل: يكفي يا شهد ... يكفي!!!
شهد: تألمت ... انجرحت ... انكسر خاطرك ... انا ايش اقول؟؟؟ وليتك سألت عني او حتى زرتني ... واذا زيارتي بتاخذ منك وقت ارسل باقة ورد من أي محل في طريقك ... على الأقل احس اني انسانة على هالدنيا ولي احترامي ووجودي
بندر: شهد ... انسي ... واعيشك احسن عيشة ... عيشة ولا كنتي تحلمين فيها
شهد: انت عيشتني يا بندر العيشة اللي ما احلم فيها ... عيشة النكد والكدر وانا مو ناوية ارجع لهذا كله ... عن اذنك
وقفت بتطلع ومن غير ما تحس حست بيد تلفها وتضمها لصدره بقوووووووووووووووووووووووووووو وووووووووووووووووووو وووة
شهد وهي في حضنه: بعد يا بندر
بندر وهويبكي: سامحيني يا شهد
شهد: ...........................
بندر: ما ابي منك شي ... واوعدك اني اتركك ... بس ابيك تسامحيني
شهد: ..........................
بندر وهو يشد على ظهرها: سامحيني!!!
شهد بهمس: سامحتك
بندر وهو يرخي يده: اذكريني بالخير يا شهد ... اذكريني بالخير
فكها ومشى بيطلع وقف عند الباب: شكرا يا تركي ... ما قصرت ... وعد مني ما تشوف شهد وجهي مرة ثانية ... عن اذنكم
طلع من هنا ورمت شهد نفسها على الكنبة ونزلت راسها تبكي ...
هنا تركي ما عرف يتصرف ... وقف قدامها: شهد ... شهد؟؟؟
شهد: .............................. .......
تركي: آسف اذا ضايقتك بهالمواجهة ... بس كانت ضرورية ... ما بيتركك الا اذا سمعها منك ... صدقيني ابي مصلحتك ... ولو اعرف انك بتتضايقين كذا ما حطيتك بهالموقف البايخ
رفعت شهد راسها: ما قصرت يا تركي ... انا اللي دخلتك بمواضيع مالك دخل فيها ... شكراً ... ووقفت وطلعت من المكتب
فواز ونواف رجعوا البيت طبعا ما حصلوا تهزئية محترمة من ابوهم على اللي صار بالمستشفى ... وكالعادة رجاجيل طول بعرض والتصرفات تصرفات بزارين ومن هالكلام اللي حفظوه ... ما تأثروا كثير لأنهم عارفين انهم غلطانين ... بس بردوا حرتهم في بندر
دخلوا وباسوا راس امهم: مساء الخير والاحساس والطيبة
منيرة: مساء النور ... هلا بالغاليين
ليان: اقترح عليكم تشتركون بستار اكاديمي او سوبر ستار على هالاصوات
نواف: ادري فيك منقهرة من اصواتنا
|