افيدوني من فضلكم
السلا عليكم
انا مشكلتي كبيره قوي ومضيقاني جدا
وهي في شعري
شعري وحش جدا ومن النوع اللي لازم يتكوي عشان
يكون شكله كويس ولو سبته من غير مكوي او سيشوار
بيبقي وحش وبيهيش وخشن ومكعبل وشكلي يخلي جوزي يهرب
من البيت وهو بيحب اكوي شعري عشان يكون شكلي حلو
ولازم في الدين اتجمل لزوجي
انا الحمد لله بعرف اكويه بنفسي في البيت مع انها عمليه متعبه وبتاخد
ساعه او اكتر لان شعري طويل وجوزي مخليني اطوله لانه مش بيحب الشعر
القصير
المشكله بقي عندي في الغسل بعد الجنابه
انا دورت في الموضوع ده كتير ولقيت انه المفروض اغسل شعري
طب انا ممكن اكون مع جوزي اكتر من مره في اليوم ومقدرش اقوله لاء
لانه حرام لكني برضه لازم اصلي
فانا وانا بغتسل من الجنابه بابلل صوابعي بالميه وادلك بيها فروه راسي
وابلل ايدي وامسحها علي شعري فبيكون مندي كده لكن مش بصب ميه فوقيه
لاني عرفت اني لو مسحت بس عليه من غير ميه بيبطل الغسل
فانا بعتبر بوصله الميه لكن مش بصبها فوقيه عشان لو غرقته ميه كده يبقي لازم
اكويه تاني وجوزي بيبقي قاعه معايا بعد الغسل فمش حاسيبه واكوي شعري
ومش حاقعد من غير غسل عشان اصلي
مع العلم اني لما ببله كده برضه لازم انشفه بالمكوي لاني لو سبته ينشف
لوحده يبقيي معملتش حاجه
انا بجد مش عارفه اعمل ايه
هل صلاتي وغسلي صح
انا مقدرش اقعد اكوي شعري كذا مره في اليوم وكل مره تاخد ساعه
انا ورايا تنضيف واكل وجوزي يبيقي عايزني اقعد معاه وورايا صلاه
الفتاوي اللي شفتها بتتكلم في حاله الشعر الطويل متكلموش ان لو الشعر
محتاج يتكوي عشان يكون شكله مقبول للزوج نعمل ايه ساعتها
انا كتير برفض طلب زوجي وبيزعل ويسبني وينزل لاني ببقي لسه
كاويه شعري ومش حاقدر اغسله تاني وورايا حاجات مع اني عارفه ان
رفضي حرام بس انا حاتيجي عليه الصلاه ولازم اصلي
ياريت تفيدوني في الموضوع ده وانا عارفه ان ديننا يسر الحمد لله
كمان صاحبتي سمعت شيخ في احدي القنوات جاله سؤال زي ده
قالها تاخد خصله من الشعر وتغسلها بس انا مش متأكده ده صح ولا ايه
معلش طولت عليكم بس انا بجد محتاره ومتضايفه وعلاقتي مع جوزي متلخبطه
بسبب الموضوع ده
لو حد يعرف المفروض اعمل ايه يقولي او لو اللي بعمله كده صح اني بمرر ايدي
المبلوله علي كل شعري من غير ما اصب ميه عليه بالكاامل
او اذا غسل خصله واحده حاجه صح
مستنيه ردكم وربنا يخليكم
|