مدونتي ..بيشو..
هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..
حرمني النوم في ليلي حرمني النوم عقباله ..
يحس الشوق في صدره ذبحه وزاد في همه ..
احب امه .. احب عمه .. احب جده .. واحب خاله ..
اموت بنظرة عيونه وأعشق حروف اسمه ..
احب جده واحب هزله .. اذوب وحالتي حاله ..
واذا يطروه قدامي احس بداخلي صدمه ..
ذبحني كثر ماأشتاقه .. ذبحني بكثرة اشغاله ..
شغلني جنن قليبي فصلني من على الخدمه ..
ياليت اقدر اصير بيوم شي (ن) دايم قباله ..
وراه بكل مكان يروح شي(ن) غالي يهمه ..
ياليتني ساعة(ن) بيده وارقام(ن) بجواله ..
يطقطقني على كيفه ولا أحفظ سوى رقمه ..
انا أدري انه يعاني وادري صعبه احواله ..
قلبي مايطاوعني يبي دايم اهو يمه ..
انا مايهمني ربعه وعذالي وعذاله ..
احبه بكل جنون الحب والإحساس والذمه ..
صحيح انه يكذبني وظنونه دوم على باله ..
لكني بعلمه كيف هو دمي وانا دمه ..
يقول اني انا أنسى؟! فال الله ولا فاله ..
لو باأنسى انا نفسي ماأنسى ابد رسمه ..
ياقلبي شوف لي حل(ن) بحب(ن) صار لي عالهـ ..
ياإما تجيبه لعندي .. ولا أطلبه من امهـ ..
|