رد: ارجوالنصيحةاريد ان اعود للطاعات ساعدوني سريعا
ارجوالنصيحةاريد ان اعود للطاعات ساعدوني سريعا
أولا / ربنا يهدينا ويهديكي وينور لينا الطريق السليم
ثانيا / أحسن حاجه إنك حاسه بالذنب وده أول الطريق للتوبه وهي 3 خطوات (الاحساس بالذنب , الاقلاع عن الذنب , النيه الصادقه علي عدم العوده للذنب )وطبعا كل ده بالدعء والإستغفار
ثالثا / أنا مش هقولك إبدئي صلي كل الفروض وفي ميعادها أنا هقولك إبدئي واحده واحده يعني إبدئي بصلاه الصبح ولما تثبتي صلاه الصبح وتتعودي عليها ومتقدريش تفوتيها صلي الظهر في ميعاده وكملي علي كده لحد ما تثبتي الخمس صلوات وبعد ما الخمسه يثبتوا أكيد إبدئي صلي الصبح في ميعاده يعني صليه فجر ومع صلاه الفجر صلي السنن لكل صلاه وبردو واحده واحده لحد ماتتعودي علي كل سنه
رابعا / تصدقي ولو بأقل عمله معاكي - بس مش أقل حاجه أوي - وإنشاء الله ربنا هيقبلها منك وخليكي عارفه إن الصدقه تطفئ غضب الله
وأتمني اني مكنش طولت عليكي ويارب تستفادي وإبقي طمنيني عليكي
|