 |
  |
|
|
|
03-04-2010, 08:21 AM
|
#1 |
|
:: كاتبة مقتدره :: |
السلام عليكم ورحمة الله وبركاته
اليوم جيبتلكم قصة واقعيه حدثت لابن عمى وزوجته (صديقتى) حيث كنت انا السبب فى هذه الزواجه وياليتنى ما كنت فكلما يحدث بينهم شجار او مشكلة اجد نفسى بقدرة قادر داخل الموضوع وفى النهايه وكما تعلمون لاينوب المخلص الا تقطيع هدومه وانا كل هدومى اتقطعت بسببهم المهم احد الايام وكالعادة رن الموبايل كانت صديقتى تبكى منهارة - مالك؟ - شوفيلك صرفه فى ابن عمك ده حسبى الله ونعم الوكيل زى ماكنتى السبب فى جوازنا لازم تشوفيلك صرفه عايزة اطلق احسن اولع فى نفسى وتتحملى ذنبى ( الكداب الغشاش ال.....وال......وال......طبعا انهم فاهمين) لبست هدومى وذهبت اليهم وكالعاده لم افهم شيئا فقد كان اساس المشكله زميله له فى العمل اسمها باين (سوسو ) مسجلها على موبايله باسم (سيد شعبان ) -وياله من تناقض بين الاسمين- بالصدفة اكتشفت صديقتى وزى ما انتم عارفين المهم انتهى الموضوع بخناقه كبيرة بينهم وخصام وظلوا لا يتحدثون معا مده وفى احدالايام اتصل ابن عمى وقاللى - شوفيلك صرفه - فى ايه تانى - صالحينا - افندم؟ - وحشتنى وكل ما اجى اكلمها تبوز وتعاند وتقولى يا بتاع سوسو - ماهى عندها حق - طب خليكى جدعه وصالحينا انتى برضه مش هاتغلبى المهم حاولت بكل الطرق التفاهم مع صديقتى لكنها كانت رافضه واقسمت انها سوف تظل نائمه فى حجرة منفصله حتى يحدث الله فى امرهم شئ . وجدت صديقتى مصممه على خراب بيتها بيدها فقلت فى نفسى والله ما ينفع غير كيد النسا اخدت ابن عمى ورحنا الى احد محلات بيع الحيوانات الاليفه وقمنا بشراء 3 فئران نعم فئران بيضاء صغيرة دفعنا ثمنها ثم جعلنا صاحب المحل يقتل اثنين منها بالسم وابقى واحد حى بيلعب اتصلت بصديقتى وجعلتها تخرج معى وتترك الشقه بعض الوقت حتى قام ابن عمى بوضع الفأر الحى فى الغرفه التى تنام هى بها بينما اخفى الاثنين الميتين عنده فى حجرته عادت صديقتى للمنزل وتظاهر هو بالنوم فى حجرته دخلت صديقتى حجرتها وبدلت ملابسها ولكنها سرعان ما سمعت صوت الفار وطبعا هربت مسرعه لحجرته لتستنجد به طبعا نظر اليها ببرود ودخل حجرتها بعد ان اتهمها بانها بتعمل حركات علشان تتمسح فيه.......هههههههههه المهم بعد ان سمع صوت الفار بيلعب تظاهر بالجسارة و القوة ونظر تحت السرير صارخا فيها فار حجمه مثل العجل روحى انتى ادخلى المطبخ واقفلى الباب على نفسك احسن عضة الفار وحشه انا هاموته ما تخفيش طبعا هى جريت ع المطبخ تستخبى راح هو اتسحب وطلع فار من الاتنين الميتين اللى عنده ومسكه من ديله وقعد يكركب ع الارض ثم خبط عليها ففتحت له باب المطبخ فوجدته ماسك الفار ميت من ديله فى قوه وجسارة . الشجعان..............ههههههههه ههههه نظرت اليه باعجاب ونظر اليها ببرود وتخلص من الفار الميت ثم دخل ليغسل يده بينما ذهبت هى الى حجرتها فى كبر وتمنع طبعا بعد 5 دقايق طلعت تجرى على حجرته - فى ايه تانى؟ عايزة ايه منى؟ - باين فيه فار تانى فى الاوضه سامعه صوت خربشه - مابلاش الحركات دى و اعترفى انك عايزانا نتصالح - بقولك فيه فار هتيجى تشوفه ولا لاء؟ المهم طبعا الاخ راح يشوفه وتكرر فى المرة الثانيه مثل الاولى والاخت مبهورة بجوزها اللى الفار ما يخدش فى ايده ثوانى ويكون مسلم نفسه ومرفوع من ذيله المهم تكرر ما حدث فى السابق ودخل على حجرته وهى لحجرتها ثم مالبثان عادتى له مرةاخرى مرعوبه - الحقنى الظاهر الشقه اتملت فران انا سامعه صوت فار تانى - يمكن يا حبيبتى عيله اب وام والعيال وانتى عارفه الفران بتخلف كتير هذه المرة كان التحدى الحقيقى حيث ذهبت هى للمطبخ واغلقته على نفسها بينما هو ذهب لحجرتها واغلق بابها على نفسه و كانت المعركة الحقيقيه التى استمرت لاكثر من ساعه ونصف انتهت بفار مقتول وغرفه مقلوبه وكل شئ على الارض ولكن فى النهايه خرج ابن عمى منتصرا كالابطال حاملا خصمه المقتول بيده فى بطوله وعظمه هذه المرة بدت هى مشفقه عليه ,ومعجبه به لانه جعلها تغلق على نفسها باب المطبخ خوفا عليها من عضة الفار بينما هو واجه 3 بمفرده . دخل هو ياخذ حمامه ويغتسل من اثار المعركه ودخلت هى لحجرتها وبعد قليل بعد ان دخل لحجرته جاءت تطرق الباب ثم فتحته مفزوعه - فيه فار تانى اندهش قريبى هذه المرة اندهاش حقيقى لان عدد الفيران 3 من اين جاء الرابع؟ وقبل ان يقول هو اى كلمه نظرت اليه بمكر قائله - بس انت تعبت النهارده اقولك انا حطيتله المصيده فى الاوضه هنام جمبك النهارده لحسن خايفه قوى انام لوحدى هناك وطبعا كانت ليله عسل يا افكارك يا استحاله...........هههههههههههه هههههههههه ياريت ماتنسوا ترودوا ياحلوات :0108::0108::0108::0108::0108: :0108::0108::0108::0108: |
|
03-04-2010, 10:11 AM
|
#2 |
|
|
رد: ليله عسل
والله فكره حلوه فعلا مكنتش اعرف ان للفار فايده كده بس انصحيه ميزعلهاش تاني لحسن يجي يوم تفضل تبات مع الفران عن البيات معه وربنا يخليكي فحياتهم موضوع دمه خفيف جدا
|
|
03-04-2010, 09:50 PM
|
#3 |
|
|
رد: ليله عسل
هههههههههههههههههههههههههههههه هههههههههههههههههه
لا لا لا الحيوانات و الحشرات المزعجة بقى ليها فايدة في حياتنا و لا ايه يااا جمااعة |
|
03-04-2010, 09:57 PM
|
#4 |
|
|
رد: ليله عسل
ههههههههههههه شاطرة يا استحالة والله
المهم انهم اتصالحوا ... |
|
03-04-2010, 10:01 PM
|
#5 |
|
|
رد: ليله عسل
ههههههههههههه
مشكوره بس فكره روعه |
ليله عسل