 |
  |
|
|
|
|
|||||||
| التعامل مع الزوج و العلاقة الزوجية مستحضرات العنايه الشخصيه بالمنطقه الحساسه بالصور يوجد هنا مستحضرات العنايه الشخصيه بالمنطقه الحساسه بالصور العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
|
04-09-2010, 11:03 PM
|
#1 |
|
من كبار عضوات ازياء |
بسم الله الرحمن الرحيم
المنتجات الازمة لكل فتاة انسة او متزوجة مافي اختلاف كبير في العناية ... تابعي معي لتعرفي على كل مايلزمك ... بداية حكتب المنتجات او الادوات والشرح لها وفائدتها بعدين حقلكم طريقة العناية ان شاءاله ... فوط الاستعمال اليومي ::: بتكون رقيقة جدا ومابتحسي فيها وظيفتها لحتى تعطيكي راحة وجفاف في الاوقات الي تكوني بحاجة الها ... يعني ازا كان في افرازات نسائية عادية او الايام الي تكتر فيها الافرازات العادية الي مش التهابات يعني الايام الي كلنا عارفينها وكمان للحوامل لانو فترة الحمل تكثر الافرازات بشكل طبيعي ولا تكون التهابات بالاغلب فهية تمتص الافرازات وتعطيكي جفاف و تحافظ على ملابسك نظيفة  ملاحظة لا يجب الاكثار من استعمالها على مدار اليوم بمعنى ... وقت متحسي انو لازماكي فقط لانو كثر استعمالها يؤدي لكتم المنطقة وتكون بكتيريا ... يعني لو تشتغلي او طالبة او هيك في الدوام ياريت في اليل وقت النوم ماتستعمليها ... وان حاسة انك مش محتاجاها اتجاهليها ومافي داعي منها انت وضعك يعني لكن هية حلوة ومفيدة وهي الانواع الاكثر شهرة و حسب تجربتي ايضا هاي كير فري ... حلوة ومريحة وحجمها مناسب في منها احجام هادا اكبر حجم لزيادة الراحة قدرة امتصاصها فائقة بحيث تكفي 12 ساعة متواصلة وفيها نظام تهوية هي برضو كير فري بس فريش فيها ريحة حلوة ريحة زهور او انتعاش خفيفة تمتص وتعمل على امتصاص الرطوبة  في انوع اخرى من كير فري بس جربت اغلبهم و من تجربتي هادول احسن اتنين والافضل الفريش يعني حجم مناسب وبنفس الوقت ريحة حلوة .... هاي freshdays من برايفيت حلوة ناعمة جدا وامتصاصها فعال جدا و مريحة...  هاي كل انواعهم وشرح بسيط للانوع من اليمين للشمال كالتالي::: اول وحدة النوع العادي مش معطر ولكن اكبر حجم ب20% من الاخريات ... حلوة وامتصاصها حلو التانية لو لبسك الداخلي الstring ماجربتها ...بس اكيد كويسة التالتة 2×1 ماجربتها برضو ومابعرفها بس حسب الصورة واضح انو هية تنفع عادية وتنفع للstring الربعة نفس الاولى ولكن حجم اصغر قليلا وريحتها حلوة عطرة جدا ورود على انتعاش على عطر عجبتني ... الخامسة نفس الاولى ولكن حجم عادي السادسة والاخيرة عادية ولكن مخزنة بشكل singles يعني كل فوطة لوحدها حلوة عملية لو رايحة جامعة او شغل يكون في شنطتك كم وحدة بالكيس تبعها عشان تحافظي عنظافتها وتعقيمها طيب ليش ماعرفو يعملو نوع و احد يجمع الجميع ههههه اغراض تجارية طبعا الفوط الصحية للدورة الشهرية ::: غنية عن التعريف ولاتحتاج شرح وعن نفسي جربت انواع كتير واكتر ماريحني من حيث الامتصاص والراحة وعدم الحساسية هي اوليز للبشرة الحساسة الزهرية المعطرة اكبر حجم رائعة جدا ومريحة... جربت فام ماعجبتني بالمرة في نوع اخر اسمو ria اعتقد تركي يعادل نوع اوليز الي قلت عليه مريح جدا ولكن للاسف بطلت الاقي منه في الاسواق ... نصيحةانو لاتستعملي الا نوع قطني تماما عشان ماتعملك حساسية او التهابات او حكة وكتمة الغسولات ::: غرضها تطهير المنطقة وازالة الافرازات الزائدة والروائح الغير مستحبة ... للنظافة والانتعاش ... تستخدم حسب الحاجة لو في التهابات طريقة لو مافي طريقة اخرى تابعي لتعرفي اكتر ... في انواع كتيرة سوف ادرج لكم افضل الانواع حسب مجربت وكلها تكون على شكل شامبو تعمل رغوة زي الصابون غسول كير فري حلو ومنعش انا ماجربته بس معروف جدا هادا الغسول هادا بالصبار اعتقد سامحوني مالاقيت احسن من هالصورة  وهادا النوع العادي  هادا من اشهر الغسولات على الاطلاق وافضلها وهو سيتيال حلو جدا ينظف ويطهر بشكل فعال ومريح حتى توصفه اغلب الدكتورات خاصة بعد الولادة للخياطة عشان زيادة تطهير بس عيبه ريحته زي المطهر يعني قوية تحسي انو دوا مطهر ... لكن هوة رائع فعلا  سيباميد ماجربته بس بقولو كتير حلو وريحته حلو وفعال جدا  فيم فريش كتير حلو ريحته حلوة وخفيفة وبنفس الوقت مطهر و منظف   غسول من نيفيا ناعم وحلو وفي ريحه خفيفة وفي منو الون الزهري للبشرة الحساسة والون الاخضر عادي بالحليب والبابونج هوة صناعة المانية وحلو كتير اناجربت الاخضر حلو وريحته حلوة منعشة   الغسولات المركزة ::: هاي اكثر شي استعمالها للمتزوجا لانو المتزوجة تكون معرضة اكتر للالتهب والبكتيريا طريقة استعمالها سادرجها بعد قليل تكون على شكل غسول يود مثل افلون او ايودين هما بيكونو على شكل قزازة صغيرة زي المطهر ولون السائل مثل اليود تماما ويجي معها مقياس حيث يتم تخفيفها مقدار غطاء للتر ماء ... شفتو يعني مركزة لاتستخدم مباشرة ابدا وانا اسفة مالقيت صورة لاي منهم للاسف او توجد على شكل بودرة مثل فاجيل اشهرها نفس الاستعمال تكون بودرة في اكياس تفرغي الكيس في لتر ماء المناديل ::: فايدتها للانتعش اليومي يعني لو كنتي برة او في الصيف او نظافة سريعة وخفيفة النوع الوحيد الي لاقيته فيم فرش وجربته حلو ولطيف  البودرة ::: تكون للمناطق الخارجية من المنطقة الحساسة لامتصاص الرطوبة الزائدة بعد الحمام او الاستحمام ويجب الحذر ان لا تاتي على المناطق الداخلية او المكشوفة عشان ماتسب حساسية بودرة فيم فرش حلوة كتير معطرة وخفيفة ومخصة للمنطقة  |
|
04-09-2010, 11:07 PM
|
#2 |
|
|
رد: مستحضرات العنايه الشخصيه بالمنطقه الحساسه بالصور
 |
|
04-09-2010, 11:08 PM
|
#3 |
|
|
رد: مستحضرات العنايه الشخصيه بالمنطقه الحساسه بالصور
مكن بودرة جونسون كمان بكافة اشكالها لطيفة وناعمة وريحتها حلوة وغنية عن التعريف
 الشفرات ::: لازالة الشعر الزائد في المنطقة ... ولن اتطرق للازلة بالحلاوة لان السنة والصحي اكتر الازالة بالشفرة والموس ماعندي اي خبرة بازالة المنطقة بالحلاوة وصدقوني لابخمل الشعر ولا غيرو والا كان الي بتشيل بالموس صار عندها اشواك مش شعر هي عيبها بتطلع الشعر بسرعة فقط لاغير وهية تكون شفرات نسائية خصوصي للنساء مو تروحي تستعملي رجالية في فرق النساء الهم شفرات خاصة تكون انعم واخف من شفرات الرجال انتبهي لهالنقطة اشهر نوع من جيليت فينوس    في عاد من جيليت طلع نوع جديد بيكون 2×1 شفرة وفيها جل حلاقة ماتحتاجي الا بل المنطقة ... ا وفي هادا النوع اسمو سيرين برضو حلو  . . . ملاحظة اخيرة عالمنتجات ... فيم فريش الها مجموعة كاملة للمنطقة الحساسة شوفي الصورة فيها غسول و بودرة والمناديل و معطرلمنطقة للمتزوجا فقط ... حلوة المجموعة خديها كلها  والان حقلكو شو يلزمك للعناية بالخطوات ::: حقول للمتزوجا بعدين الانسات الطيفات ::: هادا طبعا في حال مافي مرض او التهابات او حالة ولادة او خياطة او عملية تخص المنطقة وقتها يصير في كلام دكاترة ::: يلزمك عزيزتي :: 1-فوط صحية يومية و فوط للدورة الشهرية 2-الغسول العادي الخفيف 3-الغسول المركز 4-البودرة 5-الشفرات 6-والمناديل و المعطر لو حبيتي في الأيام العادية ::: •استخدمي الفوط اليومية في حال احتجتي اليها مع مراعاة تركها وقت النوم او في المساء حيث يكون انتهى يومك والافضل تهوية المنطقة •حافظي على جفاف المنطقة جيدا بعد كل دخول للحما اكرمك الله و ابدلي ملابسك الداخلية دوما واستخدمي القطني منها فقط اي ان تكون 100% ومريحة وابتعدي عن الضيقة او النايلون •الغسول العادي الخفيف يتم استخدامه 3 مرات اسبوعيا فقط بان تاخذي قليلا منه وتغسلي المنطقة وتشطفي جيدا ومن ثم تجفي وسب انو 3 مرات فقط او يوم بعد يوم يعني زي متحبي يعني في حدود ماكس لل4 المه انو في بكتيريا مفيدة في المنطقة استخدام الغسول بشكل يومي يقتل هذه البتكيريا ويسب التهابات •الغسول المركز يستخدم مرة واحدة في الاسبوع وفي حال استخدمته تقلي عد استخدام الغسول العادي الى مرتان فمثلا السبت والاربعاء غسول عادي والاثنين استخدمي المركز وفائدة المركز نظافة اعمق و قتل البكتيريا الي قد تسب التهابات ممكن تستغني عنه وتكتفي ب 3 مرات من الغسول العادي وخلص حسب متحبي لو بتحسي عندك افرازات كتير او هيك استخدميه لو بتحسي انو كثرة التنظيف بتسبلك جفاف مزعج اكتفي بالغسول الخفيف وكل امراة ادرى بنفسها صح؟ •استخدمي البودرة بعد الاستحمام وذلك بان ترشي القليل منها على مناطق البل الخارجية فقط بعد تجفيفها كحدود البس الداخلي واعلا المنطقة اما اسفلها فلا تقربي منها بالبودرة ابدا حتى لا تعمل التهابات •استخدمي المناديل لو احبتي في الجو الحار او وقت الدوام فتعطيكي نظافة فورية وعموما هي ليست اساسية ويمكنك الاستغناء عنها حسب رغبتك بس حلوة للسرعة •بالنسبة لحلاقة المنطقة فافضل طريقة بعد تجربتي العديد منها و استقراري على واحدة وهي اثناء استحمامك تستخدمي الغسول تبعك بان ترغي المنطقة و تحلقي بالشفرة حتلاقي سرعة وسهولة ونظافة سريعة ولا تنسي بعد الاستخدام تطهري الشفرة بالكحول الطبي حتى لاتصدأ او تتكون عليها بكتيريا ولاتنسي ايضا تطهير وغسل المنطقة بالغسول قبل البدء في الحلاقة •وبعد الحلاقة بامكانك استخدام مرهم ضد الالتهاب بطبقة رقيقة لو خايفة يطلع حبوب مثلا وافضل مرهم فيوسيكورت او فيوسيدين هما مراهم روعة جدا للاكزيم والحساسية الجلدية و لو شلتي حلاوة بمنطقة زي الظهر وخايفة يطلع حب او في وجهك لو اول مرة لانو مضادات حيوية انا بستعمل فيوسيكورت وقت الزوم ولكن خلي استخدام الهم وقت الحاجة الضرورية فقط وطبقة رقيقة جدا وجدا وجدا لانو قوي ومركز وفيه كورتيزون ... كثرته مضرة خليه وقت الحاجة الشديدة فقط مابعرف بالزبط شو الفرق بينهم واله نسيت ... اسالي الصيدلي لكن اعتقد فيوسيكورت اقوى يمكن ولو كنتي حامل ابتعدي عنهم تماما وبشكل عام انت لو متعودة عالحلاقة وتطهري دايما مابطلعلك حبوب وقتها مفي داعي للمراه يعني انا مابستعمله الا نادر جدا ... صحيح على فكرة الكريمات الي فيها كورتيزون ممكن تسرع نمو الشعر ... •الغسول المركز لايتسخدم ابدا اثناء الحمل لانها قد تضر الجنين خاصة البودرة ممكن يعمل تشوهات لا قدر الله هادا حسب علمي والي قرأته وسمعته من الدكاترة والاحتياط واجب ... •استخدمي المعطر لو حبيتي في الاوقات الخاصة ... لكن انا ماعمري استخدمته واهم شيء المحافظة عالنظافة •وقت الدورة الشهرية :::: استعملي الفوط المريحة لك وحافظي على جفاف المنطقة جيدا بعد كل دخول للحما وبدلي الفوط اكبر قدر ممكن واتبعي النظافة الي ذكرتها في النقاط الي فوق ولكن بدون الغسول المركز يعني اعتمدي الطريقة العادية 3 مرات بالاسبوع ... ولكن اخر يوم في الدورة او وقت الطهارة استخدمي الغسول المركز خاصة الي عشكل يود لازالة البقايا و الروائح الغير مستحبة و قتل البتكيريا وتطهير كامل لا تطيلي وقت الاستحمام في الدورة الشهرية اكتفي ب 10 دقائق على الاكثر ولا تتبعي كلام الخرافات الي يقلك مو كويس التحميم وقت الدورة لانو لاساس له من الصحة ولكن كمان لا يفضل الاطالة بامكانك الاستحمام بالماء الساخن فهو مريح و لكن اسرعي لانو الرحم وقت الدورة بيكون مفتوح ومكن يدخلك برد فاحسن اشي الاسراع و دفي حالك حتى لو الدنيا صيف وكنتي في بيت زوجك مثلا لاتزوديها في التصيف مو كويس ابدا على جسمك والرحم وقت الدورة ... اما لو كنتي بنت انسة اتبعي نفس الخطوات ولكن استغني عن الغسول المركز لانو المتزوجات يتعرضن للافرزت والبكتيريا والالتهابات اكثر فمافي داعي تستعمليها وتنشفي المنطقة بزيادة وايضا لايلزمك معطر المنطقة الحساسة مع العلم كل الخطوات السابقة تنفع للمتزوجة والانسة عادي يعني مافي اي خوف ولا قلق من ناحية تاثيرها عالعذرية ابدا فالغسول كله خارجي وعادي جدا وانا كنت استخدم غسول احيانا قبل الزواج ماصار شي يوجد دوشات مهبلية لها اداة خاصة ويتم ادخالها هاي مخيفة ومنوعة منعا باتا للانست وبالنسبة لي ماعمري استخدمتها ولا يمكن استخدمها رغم اني متزوجة لكن شكلها بخوف ودمها تقيل فاكتفي بالي سبق وهادا نظامي ماشي عليه من سنين والحمدله مرتاحة ... ماشاءاله لاقوة إلا باله تبارك الله ماعمري جربت اعشاب ولا خلطات او بخورات والاشياء هاي لا أؤمن غير بالاشياء الطبية والمطهرة لانو هاي منطقة حساسة جدا في يحطو بابونج واعشاب ومابعرف حجات غريبة استغرب صراحة وانتبهي المية والملح خطر عالمنطقة عالمدى البعيد بيعمل تسلخ والتهابات عندك الشيء الطبي الواضح ليش المية والملح والاعشاب؟ واي وقت ياختي تحسي في عندك حرقة او افرازات بلون ورائحة كريهة مثلا او غير طبيعية توجهي للطبية لتصف لك طريقة العلاج والادوية المناسبة وان كنتي انسة ماتخافي حبيبتي توجهي للدكتورة مع امك او اختك المتزوجة واخبريها انك انسة وقتها حتصف لك دواء لا يشكل اي خطر عليك من ناحية العذرية يعني علاج المتزوجة بيكون تحاميل مهبلية وهيك امور لكن الانسة ممكن كبسولات بالفم او مرهم خارجي فقط وغسول خاص وفقط ولا شيء داخلي فما تخافي ابدا ابدا ابدا... اقول هذا لاني بشوف كل الانسات بخافو يروحو دكتورة النساء والولادة كانها حتضرك غصب عنك او حتعمل فيكي مصيبة او كانها مابتفهم وبخافو جدا تاثر على المنطقة الخاصة لكن انا بقلك اطمني فهي تعرف شغلها وروحي مافيها خجل ولا خوف ابدا احسن متضلك مريضة و تعاني وانت ساكتة فقط اعرفي لمين تروحي دكتورة كويسة ومشهورة بالسمعة الحسنة * ملاحظة مهمة جدا للمتزوجة ::: ان كنتي تبحثي و تخطي عن الحمل ابتعدي تماما عن اي غسول قبل او بعد العلاقة الزوجية لانها تقل فرصة حدوث الحمل بان تقتل الحيوانات المنوية وتجف المنطقة قبل العلاقة فتعيق سير الحيوانات المنوية فانتبهي جيدا خلي وقته في الصباح او بعيد تماما عن وقت العلاقة حتى لا تتاثر فرص الحمل ... ولكن غسول البودرة على فكرة مكون من بيكربونات الصوديوم حسب علمي يستخدم قبل العلاقة الزوجية للي حابة تحمل في ذكر لانه بيعمل وسط قاعدي الي بيزيد فرص حمل بولد واله اعلم تاكدي من دكتورة منقول لعيونكم دمتم فى حفظ الله |
|
04-09-2010, 11:15 PM
|
#4 |
|
|
رد: مستحضرات العنايه الشخصيه بالمنطقه الحساسه بالصور
 |
|
04-10-2010, 12:35 AM
|
#5 |
|
|
رد: مستحضرات العنايه الشخصيه بالمنطقه الحساسه بالصور
|
مستحضرات العنايه الشخصيه بالمنطقه الحساسه بالصور