صينية رز مع فيليه سمك
صينية رز مع فيليه سمك
بسم الله نبدأ
المقادير
سمك فيليه يكون خفيف ومافيه ريحة / رز / زيت / زيت زيتون / صوص الصويا / نص فنجان خل
زنجبيل مبشور تقريبا ملعقتين / بصل حول 3 حبات / بصلة صغيرة مقطعة نص حلقات
ثوم مطحون / 2 طماطم مسلوقة ومقشرة أنا حطيت 3 بس طلع كثير / كزبرة مقطعة
الرز
نكشن البصل ونضيف له الثوم لين يصفر ثم نضيف ملعقة كبيرة زنجبيل
نضيف حبتين ماجي والبهارات (ملح-فلفل أسود-عصفر-كمون- كزبرة ناشفة)
نضيف الرز والموية ونخليه لين يستوي الرز
الصوص
نكشن البصل والثوم مع فنجان زيت زيتون
ثم نطحن بالخلاط الطماطم المبشورة - الخل - ملح - عصفر - شوي موية - فلفل قرون أو مطحون
وبعدين نضيفها للبصل ونتركها تتسبك زين وبكذا يكون جهز الصوص
السمك
نكشن البصل والثوم ثم نضيف الزنجبيل المتبقي ونضيف السمك وانقلبه عشان ياخذ النكهة
نضيف البهارات (كمون - كزبرة مطحونة - ملح - فلفل أسود)
نضيف صوص الصويا ونقلبها ثم نضيف الكزبرة الخضراء
نغطيها مدة دقيقتين لا تطول وبكذا يكون جهز السمك >>>انتبهوا ترى كل مدة الطبخ حول 12 دقيقة
للتزيين
نحمر حلقات البصل اخيرا
نجهز صينية ونحط فيها الرز وبعدين نضيف عليه السمك ونوزعها فوق الرز
نضيف شرايح البصل المحمرة وكزبرة خضرا مقطعة ثم نغطيها بقصدير وندخلها الفرن بس شوي عشان ياخذ الرز طعم السمك
وبالهنااااء والعافية
وانتظر ردوووودكم
|