 |
  |
|
|
|
|
#1 |
|
:: كاتبة فضيّـة :: |
يوميات موطن
 يوميات مواطن ---------------- الشوارع لا يستطيع إنسان أن يتحدث عنها إلا إذا كان ممن يعانون ويلات المرور بها يوميا ذهايا وإيابا… وأنا أحد هؤلاء للأسف أرى يوميا ما أرى وأفقد بصفة يومية جزء من صبرى وجزء من أعصابى ويتحرق شوية من دمى حتى أوشكت أن أجن .. فلا يكاد يمر يوم إلا وتأتى على ساعة أجدنى أتحدث إلى نفسى كالمجانين وبصوت مسموع.. آخرها كان بالأمس حيث وجدتنى أدخل إلى بعض اصدقائى مشوحا بيدى ومهللا بصوتى الذى سمعوه من مسافة أكثر من عشر أمتار فكرت أن أشارككم خواطرى وأحاديثى إلى نفسى كنوع من تنفيس الغضب وفك الكبت ----------------------------------------------------------------------------------- الناس ما بتفهمش لغة النور والإشارات .. تبقى جاى من آخر الشارع وبسرعة كبيرة وماشى قدامك واحد بيشم هوا . بيتفسح يعنى .. ومع نفسه كدا وع الشمال وسايق على 40 مثلا .. ومش بعيد يكون بيشرب شاى كمان .. تقوم انت تبدأ تقلب نور .. تقلب نور .. ولا حياة لمن تنادى تبدأ تتعصب … تدى كلاكس .. برضه .. تحس ان البنى آدم اللى فى العربية ميت. لحد ما خلاص .. بينك وبينه أمتار .. ولا مفر من إنك تعدى من اليمين وهذا ما يحدث بالفعل .. فى الوقت دا بتلاقى أحد ردود الأفعال التالية: تبص له .. يطنش .. ولا كأنك موجود أو يطلع لك إيده من الشباك بمنتهى البرود ويشاور لك ما معناه "بالراحة .. مستعجل على إيه؟ هى الدنيا طارت؟" الله؟ وانت مالك يا بارد .. قدر إن ورايا مصيبة .. كارثة .. حد بيموت أو تلاقيه يشوح لك وهاتك يا شتيمة .. آه والله .. وتلاقيه يقول لك "ما الدنيا قدامك واسعة هى حبكت من هنا؟ ----------------------------------------------------------------------------- الإشارات بقى والانتظار إنت راجل محترم .. رايح يمين تدى إشارة .. رايح شمال .. تدى إشارة .. وهكذا طيب .. إنت ماشى لا بيك ولا عليك .. وماشى وراك على اليمين واحد .. ووراه واحد كمان .. إنت قررت تدخل يمين .. عادى .. حقك .. صح؟ تقوم تيجى قبلها بمسافة وتدى إشارة .. اللى وراك يشوف بقى الإشارة من هنا .. وتيجى له هلاوس سمعية وبصرية من هنا.. ويقوم كابس بنزين وزانق وحاشر علشان يعدى قبل انت ما تدخل وأخذا بمبدأ السلامة .. بتسيبه يعدى .. عادى يعنى الدنيا ما طارتش على رأى أخينا اللى فوق لكن اللى يغيظك بقى .. إن اللى وراه كمان لما شاف الإشارة اتجنن هو كمان .. وهووووب قام لازق فيه علشان برضه يعدى قبلك. الله؟ ما انتوا يا جدعان ماشيين ورايا من أول الشارع .. ومش مستعجلين يعنى ولا حاجة إشمعنى دلوقتى؟ وأخيرا تلاقى نفسك بقدرة قادر عديت الشارع اللى كان نفسك تدخله ومضطر تلف لف الإبل علشان ترجع له تانى لما سألت أحد العالمين ببواطن الأمور .. قالى "تدى إشارة؟ .. إنت اتجننت؟ لا طبعا غلط الصح انك تعمل عبيط .. وهووووووووووووب فجأة وبدون مقدمات تقوم حادف ولو انت راجل محترم يعنى هاتبص فى المراية قبلها" يا ترى انا صح ولا غلط؟؟؟؟؟؟؟؟؟ |
