ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة محادثة ماسنجر تبكي من لايبكي!!! يوجد هنا محادثة ماسنجر تبكي من لايبكي!!! هنا توضع المواضيع المتشابهة


 
قديم   #1

فـــــراوله

:: كاتبة نشيطة ::

الملف الشخصي
رقم العضوية: 31929
تاريخ التسجيـل: Aug 2008
مجموع المشاركات: 60 
رصيد النقاط : 0

محادثة ماسنجر تبكي من لايبكي!!!


محادثة ماسنجر تبكي من لايبكي!!!



محادثة ماسنجر تبكي من لا يبكي.........



بسم الله الرحمن الرحيم





يارب يارب احسن خواتمنا
شي يخلي الواحد يبكي



السآعه 4 الفجر ..يوم الاربعاء جآلسة على النت سهرانه وصوت ضحكي مآلي بيتنا الي كل الي فيه نايمين الا انا ..
فآتحه المسن الي اربع وعشرين ساعه عليه .. فجأه دخلت ساره ..
ساره..اهلين دنو شخبارك؟



دانه..
هلا واله سوير



:ساره
دانه طفشانه.؟؟



:دانه
لآ عادي ليه؟



:ساره
بسوي لك انفايت مع هذاك الي قلت لك عنه



:دانه
مين ياسر؟



:ساره
هههههههههه لآ ياسر خلاص راح الغبي هذا نوآف الخاقوق



:دانه
ههههههه هذاك الملوح الابيضاني
:سآره



بالظبط



:دانه
امانه شلون جبتي ايميله ..
:ساره
مره حطه بالنت لوق حقه ولطشته



:دانه
سويت له آآد بالنت لوق ابغاه يصير من فرنديني عيا يقبل ياله ياله سوي انفايت خل اخليه يقبل
:ساره
اوك



**
:ساره
نوآف هذي دنو ..دنو هذا نواف



:نواف
يآ هلا واله بدنو
:دانه
هلا بك اكثر



..



مرت الساعه وحنا سواليف وضحك وحش وشوي شي مشفر
..



:دانه
يوه اذن مالي خلق اروح المدرسه
:نواف
غيبي ..خل نكمل سوالف مره انتي كيوت



:دانه
وانتي سوير ؟
:ساره
تصدقين انا نفسي اغيب
:دانه
اجل برب اسكر الباب عشان ما يزعجوني ..وه يا حلوك يا نواف انت وسواليفك
..
جلسنا تقريباً نسولف لين الساعه 7
..
:دآنه
يوه خلاص دخت بقوم انام ..نواف نور المسن
:نواف
بوجودك قلبو




:دانه



..
انسدحت على السرير وانا دايخه ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..اوه ما صليت الفجر برد مالي خلق اتوضى .. صح النائم حتى يستيقظ ..!! لا قمت ان شاله بصلي
..
السآعه9 ونص قمت من صوت مسج الجوال يوه من وقته هذا يرسل الحين .. فتحت الجوال كانت من ساره تقول فيها" بسرعه ادخلي في هوشه "بالمسن
تحمست بسرعه وفتحت لاب توبي وايميلي ما امداني دخلت الا ساره دخلتني انفايت فيه ناس كثار وفهمت من ساره السالفه بمحادثه ثانيه واستهبلت وانا اتهاوش لين روقت .. خلصت الهوشه بعد ضحك طويل واعتذار احد الشباب مع انه ما غلط .. فتحت النت لوق حقي لو احط صورة فمي بس محد عارفني !! فكره واله شبابنا يخقون على طرف عبايه وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
رجعت لاب توبي وانا فيني نوم بس شفت نواف داخل جلست اسولف معه شوي .. فجأه كل شي بدا يجمد فيني الدنيا بدت تظلم كل شي ظلام وش صار ..الاب توب فوقي وكأني نايمه بعمق ما اسمع الا صوت المحادثه بس



:ساره



دانه وينك؟



:نواف
وين رحتي دانه
*اشارة تنبيه*
:ساره
شكلها انشغلت المهم كمل السالفه
..
كل شي ظلام ابي اتحرك ابي اقوم .. لا ميته انا الحين ..ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونواف وعمر ومشاري وسعود الي في ايميلي؟ والفيس بوك ؟ ياربي رجعني يارب



مر الوقت طويل وانا بس اسمع مصوت المحادثه
الباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا اسمع تعالي يا تاتي تعالي بس بقول اسف على الصراخ الي تاخذينه مني كل يوم تاتي بس حليني ياربي قومني بس تحلني
دخلت امي وقرب الصوت لعندي اكثر



امي..
دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه
..
يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني



أغاني..!!
انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. ياربي رجعني اصلي ركعتين يارب
شالوا الاب توب مني وغطوني بشرشف الصلاه بعد ما انهارت امي
مر الوقت بطئ ودخل اخوي معاه ابوي يبكون شايلني اخوي وابوي وراه يبكي



اخوي ؟
والسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
ركبت السياره ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
رفع الدكتور راسه بعد ما غطاني بشرشف ابيض وقال:
تشخيص الحاله .. موت سكته قلبيه مفاجئه
سمعت نوحة ابوي وشهقة اخوي




:ابوي
لآآآآآآآآآآ حول ولا قوة الا باله لاآآآآ حول ولا قوة الا باله



:اخوي
يبه قل لا اله الا الله قل لا الله الا الله البكا ما يفيد شي
..
دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
مر الوقت وكل شي ظلام وهدوء
ياربي رجعني اصلي ركعتين بس يارب
شوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر
..
يارب رجعني بس اصلي الظهر بس اصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت
..
دخلت غرفة وانا اسمع صوت حريم غسلوني بمويه بارده وحطوا علي بعض الاشياء وقسمت شعري اربع اقسام بعد ما غسلته وجدلتهم بس من قصره ما قدرت تسوي شي وانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..
هذا صوت اختي الي ياما وياما تهاوشت معها ..
خآلاتي ..
بنت خالتي لينا
ايام الاستهبال على الشباب بالارقام والحش بكل خلق الله
هذي لمياء
ايام ما كانت تنصحنا لا علينا المسجل على الاخير ونعاندها نزيد الصوت
هذي مرت خالي احمد
لما كانت تربط على خصري وتعلمني كيف ارقص
وهذي وهذا وهذيك وذاك محد منهم راح ينفعني الحين يارب رجعني اصلي ركعتين يارب
وصلنا المسجد وحطوني قدام المصلين وانا اسمع الامام يقول
"الصلآآآآة على الميت يرحمكم الله "
بدوا يصلون علي واسمع شهقات اخواني واهلي ..خلصت الصلاه والكل قام يعزي
:عظم الله اجرك يابو فلان"
"اله يرحمها ويخلف على شبابها بالجنه"
وهمهمات ابوي واخواني من البكي ما ينسمع وش يقولون ..يارب رجعني لو استغفر بس
دخلوني في سيارة الاسعاف وصلنا المقبره وشالوني كثار واسمع اصوات رجال كثار والميز بينهم شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
شالوني واسمع دعاء الكل ..شالني اخوي وحطني في حفره ضيقه
تكفى يا اخوي انا اختك الي ياما وياما استهبلنا اخر اليل لا تروح تخليني في ذا الحفره
فتحو وجهي وطلع يديني وحط الحجر والتبن والبن ودفنوني والكل يدعي
"اله يرحمها بواسع رحمته يارب"
"اله يخلف على شبابها بالجنه"
"اله يرحمها ويصبركم "
"الهم بدلها بأهل غير اهلها واغسلها من الذنوب والخطايا"
هذا صوت خالي احمد
هذا صوت عمي سلطان الي كان يعلمني كيف اشرب الزقاره بالخش والدس وبعدها ما شربت
هذا صوت ولد عمي ثامر
ايام المراهقه كنا سوا
هذا صوت وهذا صوت وهذا صوت .. وش يفيدني الحين
راحوا وانا اسمع صوت رجولهم لا تروحون وتخلوني لا
وصوري بالنت لوق ؟! وكل شي سويته ؟!الاغاني؟ وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت
والبنات الي بالمدرسه؟ الي ما بقى احد ما حشيت فيه بيسامحوني ؟ معلماتي الي كلهم هبلت فيهم وتحسبوا علي بيحلوني ؟ ذنوبي كلها وش اسوي بها
يارب ارحمني يارب
**
بالعزا
**
صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
وين صديقاتها ؟!
وين الناس الي تكلمهم مسن؟!
وين وين وين وين ؟!
كل شي تغير فجأه ..
وين الي يحبونها ؟ وين حبيبها العاشق الهيمان؟وين وين وين ؟!
**
بالمدرسه
**
انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم قال بتسامه .."ايه الله يرحمها ويغفر لها على كل ما سوته لنا"
**
نواف؟!
ساره؟
عمر؟
مشاري ؟
سعود؟
الخ الخ الخ
ثلاث ايام.. بكو او مجرد حزنوا .. ورجعوا على حالهم
ولحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
وهذي هي الادعيه تنتشر ..من صديقتها يناشدون الناس يدعون لها ..



**
بس حطوا نفسكم مكان دانه وتخيلوها انتم بعيد الشر
محد يبغى يكون نهايتة زي دانه !!
طيب ليه نسوي زي الي تسويه دانه بالظبط؟
لو يصير لنا نفس الي صار لدانه وش بنسوي ؟!
وش موقفنا قدام ربنا؟!
قبل لا نسوي الشي ليه ما نفكر بالعواقف الدنياويه والاخره
صديقات دانه؟ كلها كم شهر وينسونها لانهم من نفس نوع دانه
..
ليه ما بعد ما يموت اي احد لنا ندعي له بالرحمه؟ ليه قبل ما يموت نصحه وندعي له بالهدايه؟!
كتبت هذي القصه كعضه وعبره فقط وارجوا نشرها لان في بنات كثير نفس حياة دانه .. يمكن على يدينكم يتوبون

 
قديم   #2

اغلى حبيبة


رد: محادثة ماسنجر تبكي من لايبكي!!!


محادثة ماسنجر تبكي من لايبكي!!!

جزاك اله خير
ياليت الكل يصحي
قبل فوات الاوان
جعل الله هذا الموضوع في ميزان حسانتك

 
قديم   #3

رهينةالدموع


رد: محادثة ماسنجر تبكي من لايبكي!!!


محادثة ماسنجر تبكي من لايبكي!!!

شكر ا

يسلمو قلبي

 
قديم   #4

زٍحَ’ـمةَ حَ’ـڪيّ..||≈


رد: محادثة ماسنجر تبكي من لايبكي!!!


محادثة ماسنجر تبكي من لايبكي!!!

الله يجزآك خير

بس

للأسف مكرر

ينقل

انتظر جديدك

 
قديم   #5

غروورأنثى


رد: محادثة ماسنجر تبكي من لايبكي!!!


محادثة ماسنجر تبكي من لايبكي!!!

جزاك الله خير

 

أدوات الموضوع



الساعة الآن توقيت السعودية الرياض و الدمام و القصيم و جدة 07:30 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0