 |
  |
|
|
|
|
#11 |
|
|
عشنكم حلوين راح أنزل جزء كمن هاهاهاهاها مفاجاة صح " هاهاهاها يا بنات تكفوا أدعولي عندي أختبار """" رميت شماغ أبوي تكفوا " متاثرها با المسلسات البدوية هاهاهاها |
|
|
#12 |
|
|
بسم الله الرحمن الرحيم كيف حالكم ؟ وحشتوني موت ----------------------------------------------------------------------------- الصفحة 3 في غرفتهم... مريم بعصبية:ليش ما قلت لي يا محمد إن فيه أحد خطب أختك؟ محمد وهو تعبان متمد على فراشه:نسيت... مريم:ولو هذا مو عذر... محمد معصب:خلاص نسيت يعني ما أنسى؟.... مريم:زين تدري إنهم بيجون يوم الخميس هذا؟ محمد:من قال لك؟ مريم:شذى قالت لي...(كذابة تتصنت عليها).... محمد بينام خلاص:حلو...خلاص مادام شذى قالت لك خل تقولك الباقي... مريم بقهر:ليش ما تقولي إنت؟ مو إنت زوجي؟ محمد: بكرة وراي سفر لجدة والمدينة خلاص خليني انام... مريم مقهورة:زين...بس بكرة نكمل كلامنا على الفطور ... محمد بضيق:خير إنشاله... وبعدها نام محمد لأنه تعبان طول اليوم في المطار وباليل راح المستشفى يزور خوية...وبعدها معزوم وما وصل البيت إلا متاخر ولقى مريم تنتظره يدري غنها صاحبة مشاكل بس حبوبة... محمد عصبي ويحب اهلة ومرته وما يرضا لهم المهانة وبنفس الوقت ما يبيهم يغلطون.... .............................. .................... ................ في الصباح على الفطور......... ام بندر: تركي لا تزال مصم على رايك؟... تركي زهق من هالسالفة: يمه خلاص كفاية خلاص خطبنا وبنروح نشوف العروسة.... ام بندر:بس انا... يقاطعها تركي:على عيني وراسي بس بلاها سالفة إنتي تبيني ارتاح خليني على ما انا عليه... ام بندر:ناس ما نعرفهم مهوب احسن من ناس نعرفهم منا وفينا... تركي وهو يشرب الشاي:يمه...لما سألتك بالبداية وافقتك وألحين تعترضين ما يصلح يمه بعد ما كلمناهم ترضينها لبشاير؟؟ ام بندر:لأ.... يا تركي خالتك هي الي دلتنا عليهم ويمكن بعدها ما تعجبك العروس وبعدين بس هي الي تعرفها؟ تركي:وانا اعرف اخوها...مشاله عليهم....وانا استخرت و ربي ريح قلبي لهالشي.... ام بندر:بس عندي سلمى بنت عمك احسن ...او جواهر بنت خالتك... تركي وهو قايم من الفطور:ما ابي لا الاولى ولا الثانية انا اعرفهم واحس ما بقدر اعيش معهم.... ام بندر:كمل فطورك؟ تركي:الحمدله شبعت...بعد وراي دوام... ام بندر :اله يحفظك....... بعد ما طلع تركي... قعدت ام بندر تفكر صح هي الي غلطت في البداية ما اعترضت يوم الخطبة صارت رسمي توها تتكلم بعد ما يصير هذا مو من الأصول... .............................. .................... .... مريم:انا اشوف إن شذى مهوب صغيرة على الزواج خلها تتزوج ونفتك مو كل ما يجيها عريس تدور لها حجة وترفضة محمد:كيفها....إنت شيخصك؟.... مريم بعصبية:كيف ما يخصني؟ محمد وهو يعدل شماغة: شوفي حبيبتي هذا وانا اخوها ما تدخلت فلا تدخلين احسن لك...انا وإنت مالنا شغل... مريم تحرضه:بس هذي اختك؟ محمد وهو يناظرها:وهذي حياتها لوحدها إذا استانست لوحدها وإذا حزنت بعد لوحدها فلا ندخل فيها....... مريم:............ محمد: زين إنك عرفت إذا انت فاضية اقعدي مع بناتك شوي مو قاطتهم على الشغالة مريم:مين قال قاطتهم اصلا انا طول اليوم معهم... محمد:باين...وهذا انا اشوف بعيوني... |
|
|
#13 |
|
|
يا بنات راح أنزل أخر صفحة من الجزء الاول و انتظر الردود أذا ردود حلوه حنزل الجزء الثاني بسرعة اتجهزوا """" اليوم رايقة مره """" قولوا : ما شاء الله """" هاهاهاهاهاهاها خوائفة نفسي أكتب نكته بس أخاف تضبحوني """"" عشن الرواية هاهاهاها |
|
|
#14 |
|
|
سلام يا بنات واحشتوني موت --------------------------------------------------------------------------------- الصفحة 4 يوم الخميس... بغرفة شذى..... شذى بارتعاش: يمه انا خايفة يا ريم احس خلاص بموت من الخوف... ريم وهي تمسك يد شذى:خلاص يا بنت ايش هالحركات كلها نص ساعة وتشوفين المعرس؟ شذى: ريم لا تقولين كذا لك ثلاث ساعات الحين وانتي تحسبين الوقت باقي ساعتين باقي ساعة باقي نص ساعة يعني وبعدين؟؟ ريم:زين وليش ما احسب لك الوقت انا بعد تراني متوترة مثلك اذا هذا الشي يوترك يا.........يا عروسة... شذى وهي معصبة: جب زين....عروسة بعينك... ريم وهي حاطه يدها على صدرها: بسم الله علي وشفيك معصبة حد ضربك؟؟ انا ما قلت شي يزعل؟؟كل بنت تتمنى انها تصير عروس شذى:ريم تكفين خلاص...انا متوترة مرة ...واحس ماني قادرة افكر واله كأني بامتحان آخر السنه إلا اشد من كذا... ريم: شي طبيعي إنك تكونين متوترة وخايفة...بس(وتناظر ريم شذى من فوق لتحت) انت وجهك ايش رح تلبسين لا تقولين... تقاطعها شذى: إيه بدخل وانا لابسه كذا...عندك مانع؟؟؟ ريم: إيه عندي مانع...من جد هذا لبس انتي وجهك...واله كأنك داخلة عزى بأحد ميت... كانت شذى لابسه تنورة سوداء طويله مع بلوزة كم طويل تدرجات البني والبيج و رافعة شعرها بطريقة شوي رسمية وحاطه ماسكرا خفيفه على عيونها... شذى بعصبية: واله؟؟؟ انا عاجبني شكلي كذا...وبعدين عشان مايظن إني انا مو مصدقه فيه وطايره فيه...خليني كذا احسن ... ريم: اتوقع لو يشوفك ينحاش...ابد بيقول داخله علي هذي بالغصب وما تبيني لا تصيرين خفيفه بس لا تسيرين كذا مره ثقيله... شذى: الثقل زين...والبنت الخفيفه ماحد يبيها... ريم: ماقلنا صيري خفيفه... بس شذى تكفين نزلي شعرك عشاني...بيني له انك حلوة...يله نزلي شعرك لا ترفعينه كذا... شذى بعناد: لأ يعني لأ ... ريم: باله عليك نزليه و هالعناد ماله داعي يا بنت الناس...فلي شعرك وامسكي نصه من فوق بكليب احلى من هذا... شذى:................... ريم باقناع: واله شكلك كذا يقول عمرها 29سنه مو 19.... شذى: لا...لا تقولين كذا...امانه شكلي كذا اكبر من سني بكثير؟؟؟؟ ريم بمكر: إيه واله شكلك على حافة الثلاثينات...بس عدلي شكلك شوي عشاني...ياله مو عشاني عشانك نفسك انتي... شذى:.......................... ريم تزيد: شذى واله اذا دخلت كذا احتمال99% انه يرفضك... كذا كأن احد مصفقك...أكيد بيقول هي مجبورة علي وانا ما ابي وحده ما تبيني...فراح ينسحب بنفسه ويعتذر.... شذى: ريم رجاء لا تخوفيني...لهالدرجة شكلي رايح فيها...زين ياله شوري علي وش اسوي..بس لبس ماني مغيرته لو إيش... ريم: بس غيري يا ش.... تقاطعها شذى: ريم ملابسي مارح اغيرها لو يكون من يكون خليني كذا احسن وعن شعري بغير تسريحته عشانك... وراحت شذى عند درجها وقاد تدور كليب احلى من الي هي لابسته وطلعت كليب لونه بني موج بيج حلو وناعم... ولفت على ريم وقالت لها: ريم وش رايك في هذا؟؟؟ ريم: إيه هذا أحلى من الي قبله...ألحين فلي شعرك من تحت وامسكي بس اطرافه من فوق.. وفكت شذى شعرها وقعدت تعدل فيه...وعملت مثل ما قالت لها رفيقتها ريم وبعد ما خلصت... ريم بفرح: إيه كان كذا احلى من الأول ...بس شذى مقاطعتها بعصبيه: بس إيش بعد ؟؟؟.... ريم: بس كنت ابي اسأل ألحين انتي بتحطين مكياج ولا ايش السالفه؟؟؟... شذى: طبعا لأ...انا بس حطيت ماسكرا وبس ....خليه يشوفني على طبيعتي أحسن... ريم: زين حطي بس غلوس لا تحطين مكياج كامل... شذى:ريم رجاء بلى حنه زيادة على راسي...كذا وبس... ريم: زين بس اخر شي أنتي بتلبسين اكسسوارت ولا لأ....بس لا تقولين لأ لأنك بجد بتثبتين لي إنك عجوز... شذى: زين إنك ذكرتيني تصدقين واله نسيت... وراحت شذى لعلبة اكسواراتها وتبي تطلع شي تلبسه...إلا سحبت ريم العلبه منها وقالت لها: انا الي بختارك يا حلوة...لأن اليوم شكل ذوقك فيه زفت من كثر ما تفكرين... شذى بابتسامه: ريموه...اعطيني العلبه تراني مهوب ناقصه لفلسفتك... ريم برجاء: شذى الله يخليك انا خليني اختار لك واله انك اليوم رفعت ضغطي من لبسك... شذى بمزح: لا تغلطين انتي وجهك ولا تشوفين الباب هاه؟؟....((تقصد تطردها))... ريم: اقول يله اقلبي وجهك يا الحولا انا الي باختار لك... وتجرها شذى من شعرها بمزح: ريم انا حولا يا الحولا لا تخليني الحين احذفك برا.... ريم بصراخ: آآآي....آآآي....عورتيني يالخايسه...ولا تخليني انا ألجأ للسلاحي الخاص اظافيري والعب بوجهك هاه...آآآي شذى تفك ريم: امزح معك يا الهبله...وبعدين انتي من جدك انك تبين تشوهيني واليوم شوفتي؟؟؟.... ريم وهي تعدل شعرها: طبعا لأ...بس عشان تفكيني...وبعدين خليني أنا الي اختار لك وش تلبسين من اكسسوارات بليز؟؟؟... شذى تناظرها بابتسامه: اوكيه....خلاص اختاري لي ريم....بس هاه يكون ناعم ما فيه دفاشه... بليز ريم... ريم وهي تحوس بالعلبه وتدور لها: خير انشاله...بما انك تبين ناعم باختار لك شي حلو... .............................. .................... ............ بالصاله بيت ابو محمد اهل شذى... كانت مها زوجة خالد ومريم زوجة محمد وام محمد قاعدين... بينما الرجال قاعدين بالمجلس مع اهل تركي الي جو لما صارت الخطبه رسمي.... مريم: مها...ايش قال لك خالد عن خطيب شذى؟؟؟ مها تعرف حشرية مريم ردت عليها: مثل الي تعرفينه ما شي جديد... مريم: وش دعوة؟؟؟ المعرس من طرف خالد وانت زوجته أكيد قال لك شي عنه... مها: هو قال لي انهم مشاله عليهم اخلاق وسمعه طيبه... مريم: وفلوس كثيره... مها: مشاله عليك يا مريم هذا انتي تعرفين اجل ليش تسألين هاه؟؟.... مريم: الي قلتيه شي معروف... وهم معروف عنهم فلوسهم الكثيره.... مها: اطمني من هالناحيه...خالد يقول إنه ما ياخذ ريال من اهله...هوالي يصرف على عمره من راتبه.... من شقاه... مريم:يعني ما ياخذ من اهله فلوس؟؟؟؟... مها:ولا ريال....وبعدين انتي وش يهمك لو ياخذ او لأ... انتي بتاخذينه ولا شذى؟... مريم:لأ مو قصدي كذا...بس كان ودي اعرف عنه اكثر...لأن محمد قال لي انهم ناس هوامير بالرياض... مها ما حبت انها تكمل كلامها مع مريم فقعدت تكلم خالتها ام محمد الي كانت ساكته وتناظرهم... مها: اقول خالتي وينها العروس شذى هاه ؟....لي ساعه ونص من جيت ولا شفتها؟؟؟... مريم تقاطعهم: وينها يعني..اكيد بغرفتها مع صديقتها ريم فوق من جات وهم الثنتين بالغرفه ماطلعت لهم 3ساعات... مها وكأنها ما سمعت مريم: واله يا خالتي إني فرحت من قلبي بشذى وبنفس الوقت حزنت عليها مره... ام محمد: ليه حزنت؟؟؟... مها:لأن خالد قال لي ان تركي المعرس ساكن بالرياض واكيد إذا الله كتب نصيب بتروح الرياض وبنفارقها واله... ام محمد بحزن:واله نفسي يا مها امس باليل كانت سهرانه معي ولما راحت تنام قعدت ابكي من بعدها لان فراقها صعب علي... مريم بخاطرها((إلا ابركها من ساعه خليها تذلف وتفكنا هالعله واحسن مافي زوجها انه بعيد منا)) مريم تكلم ام محمد: إي واله يا خالتي فراقها صعب علينا كلنا...وما اقدر اتخيل البيت من دون شذى حتى بناتي بيفارقونها... ام محمد تناظرها باستغراب لأن المشاكل بين مريم وشذى ماتوقف فكيف رح تحزن عليها... فهمت مريم القصد من نظرة ام محمد لها ومن متى هم حبوا بعض فقالت: تدرين يا خاله إن العشرة ماتهون لو يوم فما بالك بسنين... ام محمد باقتناع:صدقت يابنتي العشرة ماتهون...وكل بنت لها يوم تفراق فيه بيت اهلها... مها: خالتي اليوم تركي بيشوف شذى؟؟؟... ام محمد: اليوم إيه بيشوفها وتشوفه...واله انها يامها مره مرعوبه من هاليوم... مها: كل البنات كذا يا خاله واتذكر يوم جا خالد بيشوفني سويت بامي العيد من الخوف... ام محمد: بس انتي تعرفين خالد من قبل وشفتيه وشافك بس هي مسكينه ما عمرها شافته ولا شي... مها: وانتي صادقه يا خالتي...بس بعدين بتقعد تضحك على نفسها لما تتذكر. وفي هالحظه يدق جوال مريم وترد مريم....وبعد ما سكرت.... مريم: اقول خالتي هذا محمد يبي يكلمك هناك بالصاله الي بقسم الرجال.... وتقوم ام محمد لولدها.... مها: مريم محمد وش يبي بخالتي؟؟؟.. مريم: شكله يبيها تعدل شذى عشان تدخل تشوفه...لأنه سألني اذا شذى خلصت او لأ.... مها وهي تقوم: اجل خليني اطلع لشذى اشوف اذا خلصت او لأ.... وقامت مها عن مريم..... وراحت مريم لام محمد ومحمد عشان تشوف وش صار بالمجلس عند الضيوف... .............................. .................... ............... ....:انتي وش يعجبك؟؟...ما يعجبك العجب شذى وهي تلبس عقد ناعم عندها: انا ما يعجبني العجب بمزاجي زين الحمدله والشكر انتي من جدك ألبس الهبال الي طلعتيه ريم: أي هبال انتي يالهبله؟؟؟هذا اغراضك انا ماجبت شي من عندي... شذى:أدري...بس واله لو اسمع كلامك بروح فيها...حشى كأني بعرس مو نظره عاديه... ريم بنص عين: نظره عاديه؟؟؟((وتكمل بعصبية)) هذي يا مجنونه بتحد مستقبلك وباقي عمرك...((وتقلدها)) نظره عاديه... شذى: يعني انتي وجهك تبيني اكشخ كأني رايحه عرس...اما عليك هبال مو طبيعي... ريم: الصراحة يا شذى ياليتني اليوم ما جيت لأني ما استفدت غير انك رفعت الظغط والسكر عندي.. شذى تجاريها:إي واله...وانا بغيتك عون صرت فرعون... ريم تبحلق بعيونها: انا فرعون يا شذى؟؟؟؟؟؟؟؟؟... بهالحظة دق باب غرفة شذى... ريم وهي تطالع شذى وتقول بصوت واطي:هذي مريم؟؟..وش عندها صايره مؤدبه وتدق الباب خبري فيها انها تقط اذنها... شذى وهي تضحك:انتي يالهبله هذي امي اكيد....الدنيا بتعدل ومريم عمرها ما تعدلت... وقامت شذى وفتحت الباب.... شذى بصراخ: مها....هلا واله متى جيتي...واله انك جيتي بوقتك...انا موت محتاجتك... مها وهي تسلم على شذى: لي اكثر من ساعه تحت...بالبدايه بغيت اطلع لك بس قلت خليها تتعدل على راحتها... وقامت ريم تسلم على مها: هلا مها شلونك؟؟؟... مها: تمام وانتي... ريم: بخير بس شكل شذى مطنشتنا.... مها: ليه؟؟؟.. ريم: من لقى احبابه نسي اصحابه...انا لي معها اكثر من ثلاث ساعات واول ما شافتك نست قعدتي معها طول اليوم... شذى وهي تضحك:ما عليك منها يامها انتي بس قولي لي وش رايك بشكلي كذا......حلو؟؟؟؟؟. مها وهي تتأملها: إيه كذا حلو ...بس ما ادري احس ناقصك شي؟؟؟.... شذى بثقه: ابتسامتي.... ريم : اوه يالثقه... شذى وهي حاطه يدها على خصرها: اكيد واثقه اذا شذى ماهي واثقه بنفسها...أجل مين الي يثق؟؟؟ مها:اقول خلصيني...استعدي ترى محمد يقول جهزوا...عشان تدخل... وقتها تحولت ثقة شذى إلى خوف: تتكلمين من جد يا مها بلا مزح؟؟؟..... ريم وهي تضحك: اقول يا الواثقه...وين الثقه الي قبل شوي شكلها تبخرت من سمعت طاري انه يشوفك... شذى: ريم...تكفين خليني إلى ما ادخل وارجع اسوي فيك يوم ما تنسينه... ريم شافت توتر شذى فقالت: شذى حبيبتي لا تتعبين عمرك لأنك بتدخلين من هنا وانا بروح لبيتنا من هنا.... شذى تبي تقهر ريم: احسن شي بتسوينه من يوم عرفتك... ريم:اوكيه يا حلوة حطي يدك ورجولك بماي بارد...لأني بقعد عندك إلى ما يروح تركي الرياض زين؟؟؟ وهنا دخل ام محمد على شذى وريم ومها ومعها ريم الصغيره بنت محمد... ام محمد:اقول حبيبتي شذى خلصتي محمد اخوك تحت ينتظرك عشان تدخلين تشوفين تركي... شذى برعب: لا يمه باقي ما خلصت انتظري شوي... وقتها تشيل ريم صديقة شذى ريم بنت محمد:احلى ما فيه هالبنت اسمها ...تهبل يا شذى طالعه علي... شذى: طالعه عليك إلا على اخوي محمد يا الذكيه... ريم تبي تلطف الجو: لأنها ماخذه نفس اسمي عرفت ليش؟؟؟ ابتسمت لها شذى ابتسامه سريعه وقالت لأمها: يمه ما ابي اشوفه خلاص هونت... ام محمد باستغراب: إيش هونت؟؟؟.... شذى برعب:إيه هونت خليه يرسل صورته وانا بشوفها...كذا احسن... ريم: هين انتي توافقين عليه...بس المشكله هو رح ينصدم يوم العرس لمن يشوفك... شذى بضيق: كلي تبن زين... ام محمد: شذى بلا دلع البنات ذا وقومي معي...ولا ترا انادي لك ابوك ياخذك... مها: شوي شوي عليها ياخاله...كل البنات كذا...((وتلف على شذى)) شذى ليه ما تبين تدخلين؟؟؟.... شذى: مها تدرين إني ميته رعب وانا ما دخلت...فما بالك لو دخلت اتوقع يغمى علي من الخوف... مها وهي ماسكه يدين شذى وتبي تطمنها: كل البنات كذا وبعد الزواج تتذكرين نفسك وصدقيني بتضحكين عليها... شذى: ولو احس انا غير...... ما أدري لأني لا اعرفه ولا هم يحزنون... هنا رق قلب ام محمد على وحيدتها فلمتها بحظنها وقالت: سمي بالرحمن ياشذى وتوكلي على الله واخوك محمد بيكون معك شذى:ما ادري شأقول يمه .... ام محمد: زين ياله نزلي معي..... شذى بتوتر: زين يمه بس اعدل نفسي و انزل معك... ام محمد: وطول الوقت الي فات وش تسوين؟؟؟.... شذى: اجهز نفسي.... وراحت شذى لعند التسريحة وتعدل نفسها.... ريم: لا تحاولين يا شذى خايسه خايسه........ شذى: بعينك خايسه........ مها: لا تخافين تمزح واله تهبلين....... وشذى وهي طالعه مع امها: اعرف ريم ومزحها.... وهنا تشد ريم شذى من يدها وتقول لها بصوت واطي: اقول شذى هاله هاله بالقز قزيه من راسه للرجوله زين؟؟؟.... شذى تفكها وتقول:زين إذا قدرت اشوف...تبيني اقز.... ونزلت شذى مع امها..... ريم: تتوقعين يا مها ان تركي حلو؟؟؟........ مها: ما ادري...... ريم: زين ما سألت خالد زوجك؟؟؟........ مها باستغراب: اساله عن إيش؟؟؟؟.... ريم بضيق:إذا تركي حلو او لأ..... مها بابتسامه: تتكلمين من صدقك انتي،عشان خالد يذبحني... ريم:ليه؟؟؟... مها:لأنه زوجي وبيغار علي منه.... ريم بمزح: اموت بالغيره انا.... مها:إيه خليك كذا بنت مؤدبه... وضحكت ريم من كلام مها... وقعدت ريم ومها فوق بغرفة شذى يسولفون.... .............................. .................... ....................... بالمجلس عند الرجال كان جالس تركي وابوه ابو بندر وابو محمد وعياله كلهم محمد وخالد و سعود ... ابو بندر: وإذا ما عندكم مانع يابو محمد نبي تركي يشوف بنتكم ؟؟.... ابومحمد:ابد ما عندنا مانع...وهذا من حقه إنه يشوفها لو يبي ألحين...... ابو بندر:تسلم يابو محمد... ابو محمد: ابد يابوبندر ما جبنا شي من عندنا هذا من الدين والسنه.... ابو بندر: اصيل وتعرف الأصول يابومحمد...وماعليك امر لو يشوفها ألحين.... ابو محمد:مايامر عليك عدو....وشوف يا سعود لتركي طريق عشان يشوف اختك... سعود:تامر يباه...((ويلف على تركي ))وحياك ياتركي معي... تركي بابتسامه:اله يحيك.... ويقوم سعود من المجلس ومعه تركي للمجلس ثاني بجنب مجلس الرجال عشان تركي يشوف شذى وتشوفه..... .............................. .................... ...................... بالمجلس الثاني.... سعود لتركي: حياك يا تركي البيت بيتك... تركي: الله يسلمك... ويروح تركي يجلس بالمجلس ويدخل سعود ينادي أخته.... تركي بخاطره((يارب اكتب لي الخير وفقني باختياري))... ويقعد تركي يحاول يرسم صورة تقريبيه عن شذى من خلال وصف خالته عبير لها....... .............................. .................... .............................. .. سعود: اقول شذى يله قدامي بسرعه..... شذى بخوف وهي متمسكه بأمها: يماه خايفه تعالي معي... سعود يقلدها:يماه خايفه تعالي معي....اقول انتي هي بلا دلع يلا امشي قدامي انا الي بدخل معك... شذى متفاجأه: انت؟؟؟؟.........ليه وين محمد وخالد؟؟؟.... سعود يخزها: مع ابوي بمجلس...ليه انا مهوب عاجبك يا آنسه شذى؟؟؟....... شذى: بصراحه انا كان ودي محمد او خالد....كبار ويعرفون بهالسوالف مهوب انت بزر باقي.... ام محمد: لا سعود فيه الخير والبركه.... سعود يعصب من كلام اخته ويقرب منها ويمسكها مع شعرها ويجرها على فوق إلى ما وقفت على اطراف اصابيع رجلها... سعود بمكر:تبيني أدخلك يا شذى على تركي كذا???????... ام محمد: سعود فك اختك.... شذى:آآآي....سعود حرام عليك فكني احس خلاص شعري بيتقطع في يدك...آآآي حشى هذي مو يد انسان... ام محمد تفك شذى من سعود: سعود بس اترك اختك هذا بدال ما تطمنها... سعود: امزح يمه معها وش فيك.... شذى وهي تعدل شعرها ونفسها: ألحين انت تمزح انت وجهك؟؟؟...هذا وقت مزح... سعود بابتسامه:وش رايك بمزحي حلو خفيف صح؟؟؟.... شذى بطنازة: إيه مزحك موت خفيف... سعود:أوه نسيت الرجال بالمجلس...يله شذى امشي معي... شذى: يله هذا انا معك... ام محمد:اله يكتب لك الخير كله ياشذى... سعود:اله عليك يماه تبين الخير كله لشذى وتنسين عيالك ... ام محمد: كلكم يا سعود ولا تزعل... سعود: اقول شذى يله ابطينا على الرجال بالمجلس... وتمشي شذى مع اخوها والخوف متملك قلبها......................... ........ .............................. .................... .............................. ...... ......:شذى حبيبتي تراه انسان مثلنا ما ياكل آوادم ...وش الي يخوفك منه؟؟؟...... شذى وهي واقفه عند الباب:...انت ماتفهم خايفه... سعود: اقول واله لو ما تمشين لأجرك بشعرك مثل قبل شوي احذفك عنده داخل... شذى بنظرات حقد:............. سعود بضيق:لنا ساعه عند الباب ليه ما تدخلين؟؟.. شذى بعد ماجمعت باقي قوتها: يله ادخل توكلنا على اله... سعود:إيه خليك كذا.... ودخل سعود ومعه شذى الي تمشي بخوف وارتباك.... سعود: حياك يا بنت فيصل... ولما شاف تركي سعود وهو داخل وكان وراه طيف امرأه ما لمحها زين وقف... سعود: ارتاح يا تركي...هذي اختي شذى... وقعد تركي وسعود...وراحت شذى وقعدت بجنب اخوها سعود وهي عيونها بالأرض ماهي قادرة تشيلهم... تركي:شخبارك يا شذى؟؟؟... شذى بارتباك: بخير.... وقعد تركي يقز بشذى ويناظرها... تركي وهو ما شال عينه من شذى:شخبار الدراسه معك يا شذى؟؟؟... شذى: بخير... تركي يسألها:انشاله ناجحه هالسنه؟؟؟... سعود يتدخل: من هالناحيه لا تخاف بالدراسه مصريه شذى... تركي بابتسامه عريضه: صدق يا شذى الي يقوله أخوك سعود؟؟؟.... شذى بخاطرها((هين يا سعود تقوله إني انا مصريه وتفشلني خل الناس تروح ويصير خير))وكل هذا وهي ما رفعت عيونها... تركي: هاه شذى انتي بالدراسه مصريه ولا إيش يقصد سعود؟؟؟... شذى بخجل: يبالغ سعود.....مهوب للدرجة المصرين عاد... وقعد تركي وسعود يضحكون عليها.... و قعدت شذى تفكر((مشاله على الأخ تركي طايح فيني قز من أول مادخلت وانا ما لمحت شي منه غير ثوبه ياربي ابي اشوفه)) وقعدت تقول بخاطرها((لازم ارفع عيني واشوفه هالرجال باعيش معه طول عمري يارب عطني الشجاعه إني اقدر اشوفه واطالعه بس)) تركي حب يحرك الجو شوي وقال:وإذا شذى موافقه علي أباخذها اليله معي الرياض مره وحده وبلاعرس بلازحمه؟؟؟... من صدمة شذى بهالكلام رفعت عينها وقعدت تطالع فيه من الصدمه...وش هالكلام؟؟؟ حلوة ياخذني بلوشي كذا؟؟؟.... سعود يبي يقهر شذى: وإذا علينا إحنا اهلها ماعندنا مانع....اله يستر عليها... هنا كل تفكير شذى وقف وقعدت تطالعه وما قدرت تنزل عينها من الي شافته... كان حلو وسيم....كان أحلى ما توقعت بكثير...لدرجه حست إنه هو أحلى منها بواجد ...وفيه جاذبيه لها مهوب طبيعيه... تركي بمكر:هاه شذى...وش قلت،سرينا اليله على الرياض؟؟؟... شذى لا إيراديا: طبعا لأ......وبعدها استحت ونزلت عيونها.... هنا قعد يضحك سعود ومعه تركي على ردت فعلها... تركي وهو يناظر شذى: لا تخافين امزح معك ومارح تمشين انشاله معي من الشرقيه للرياض إلا بعرس اهل السعوديه كلها تتكلم عنه. حست شذى من كلامه إنه موافق عليها وراضي عنها....ويبيها... بالصاله.... مريم: خالتي...وين شذى من رجعت ما شفتها؟؟؟.... ام محمد:اول ما دخلت طلعت فوق لغرفتها عند ريم صديقتها... مريم: ومها وين؟؟؟.... ام محمد:مها قاعده تكلم أهلها داخل من الجبيل... مريم منقهره: وشذى بتقعد طول اليوم كذا بغرفتها؟؟؟.... ام محمد: براحتها....هي دخلت وطارت على فوق حتى ما اعطتني فرصة اكلمها وسألها.... مريم:أكيد بتقول البير وغطاه لريم...مشاله ريم كل شي تعرفه... ام محمد تبي تسكتها:صديقتها ورفيقتها...إذا ما قالت لها بيتقول لمن؟؟؟.... مريم تبي تشعلها:لك انتي...امها.... ام محمد:في اليل لمن الكل ينام اروح لها بغرفتها وتقول لي عن كل شي بعيد عن الزحمة.... مريم:....................... .............................. .................... ............................ .......:ريم يجن يجن يجن.... ريم بحماس: يجن...من هذا تركي؟؟؟.... شذى:إيه....أجل مين يعني مثلا سعود؟.... ريم:ماعلينا من سعود..... وش رايك فيه؟؟؟......... شذى متحمسه:الصراحه احلى ما توقعت جميل وسيم ياريم للدرجه ما توقعتها... ريم: يعني أحلى من اخوك سعود؟؟؟ شذى: مافيه مجال للمقارنة أحلى بمليون مرة... ريم: يعني مثل خالته عبير؟؟؟؟ شذى بحماس:أحلى احلى..... وتكمل شذى كلامها:تصوري ياريم أحلى مني.... ريم: من جد تتكلمين؟. شذى: واله العظيم احلى مني وانا ميتة خوف... ريم: من إيش خايفة؟؟؟...... شذى:إنه يرفضني لأنه أحلى مني... ريم:.......................... .............. شذى:انا حسيت من كلامه إنه راضي عني ويبيني بس خايفه.... ريم :شوفي شذى انا ما بطلع من عندك إلا وقلتي لي وش صار من طلعت من الغرفه إلى ما رجعتي لي ألحين... شذى: تآمرين آمر.... وقعدت شذى تحكي للريم من اول مانزلت إلى ما جا اخوها سعود و وسالفتها معه إلى ما رجعت يعني من طقطق إلى السلام عليكم... وباليل بالفندق..... كان تركي وابوه ابوبندر حاجزين جناح كامل لهم بفندق الميريديان.... تركي:هلا يباه....وش بغيت؟؟؟... ابو بندر:سلامتك يا تركي....بس بغيت أسألك وش رايك بالجماعه اليوم؟؟؟... تركي : انت قول رايك بالأول يابو بندر؟؟؟ .....رايك يهمني؟؟؟.... ابو بندر:الصراحه ما توقعت إنهم كذا؟؟؟..مشاله عليهم شكلهم رجال أصول و يعجبونك... تركي وكأنه ارتاح من كلام ابوه: حتى انا يابوبندر مثلك...اعرفهم ....ناس حسب ونسب...وطلعوا بعد اصحاب شهامه وخير ابو بندر: انا في البدايه كنت مترد...بس ألحين توكلنا على اله... تركي:يعني افهم من كلامك يايباه انهم عاجبينك ....وموافق عليهم.... ابو بندر:لو كنت رافض ماكنت جيت معك وخطبت لك...بس انا اقول إني مترد وكنت ابي الي يريحك... تركي وهو يبتسم لأبوه: طول عمرك يابو بندر حكيم وصاحب كلمه وانا ما اخترت هالعائله إلا لمن سألت عنهم وجاني الي يسرك... ابو بندر: وانت يا تركي يوم شفت البنت...اعجبتك؟؟؟... تركي بابتسامة رضى:الصراحه يباه ارتحت لها مبين انها حبوبه... ابو بندر: ومزيونه؟؟؟.... تركي بثقه:أكيد...لو خايسه ماخذيتها... ضحك ابو بندر من كلام ولده وقال: تركي ترى الجمال مو اهم شي ...الجمال يروح...وتبقى الأخلاق والعشرة الحسنه... تركي: وانت صادق... ويزيد ابو بندر:جمال الوجه بتمل منه بعد شهر شهرين...سنه سنتين...ومايبقى من زوجتك إلا عشرتها الحسنه... تركي وهو مقتنع:معك حق يباه..بس ترى انا ماكنت ادور على الجمال لوحده لو كنت ابي وحده حلوة يا كثرهم بنات اقاربنا... ابو بندر وهو منتبه... تركي يكمل كلامه:بس انا كنت ابي وحده مميزه في كل شي وبكل شي وتكون حبوبه....وجذابه... ابو بندر: وبعدين.... تركي: المهم هذا الكلام قلته لأمي وفاطمه اختي وخالتي عبير وعمتي حصه، في البدايه كان يقولوا لي عن بنات اقاربنا وحده وحده بس انا مافيه وحده داخله مزاجي بنات اخوالي...بنات اعمامي...بنات صديقات امي...الجيران...ولا وحده.... انتبه تركي لنظرة ابوه المستغربه له... وفهم قصده... تركي: وقالوا لي سلمى...بس سلمى خلاص ماصرت أبيها مثل اول...صدق كانت تشد انتباهي بس هذا من زمان قبل 8سنين واكثر.. ابو بندر: بس كنت يا تركي تبيها وتبكي علشانها والدنيا كلها بكوم وسلمى عندك كوم ثاني...الصراحة ماتوقعت تاخذ غيرها... تركي:هذا الكلام يوم كنت بالثانوي وقبل لا ادخل العسكريه يباه هذا حب مراهقين وكنت احبها لأنها الوحيده الي في عمري من اقاربنا وهي اصغر مني بسنه...وكانت هي الوحيده الي اشوفها قدامي...بس الحين انا اعتبرها مثل اختي بشاير وبس مو أكثر... ابو بندر: سبحان الي يغير ولا يتغير.... تركي حب يغير السالفه: بس يباه انا مستغرب من شي ليه ماخليت امي تجي معنا... ابو بندر: انا قلت هالمرة رجال...وإذا فيه نصيب المرة الثانيه تجي معنا... تركي: وانت صادق...بس مسيكينه كانت تبي تشوف العروس... ابو بندر بابتسامه:من ألحين عروس... تركي:أكيد...هي تطول تركي... وهنا دق جوال تركي... تركي:هلا...هلا بخالتي عبير........انا........اوكيه.. ........زوجك وين..........نص ساعه واجيك.....ياله في امان اله... ابو بندر:مين؟؟؟....خالتك عبير.... تركي:إيه يباه......شكلك يباه تعبان تبي تنام... ابو بندر:إي واله تعبان وهلكان ودي انام... تركي:أجل انا استأذن يباه بروح لخالتي عبير الحين... وناظر ابو بندر الساعه وقال:بس الحين الساعه11وين تروح وزوجها بيكون نام... تركي وهو قايم: هي عزمتني...وسألتها عن زوجها قالت نام من الساعه ثمان وهي عازمتني على سهره عندها لما عرفت إن رحلتنا بكره ابو بندر: خلاص...بس لا تتأخر تدري ...سبع الصبح وحنا بالمطار... تركي:لا توصي حريص....تآمر على شي؟؟؟.... ابو بندر وهو رايح لفراشه: ابد....سلامتك... تركي:مع السلامه ... ابو بندر: في حفظ اله... ويطلع تركي من غرفة ابوه ويروح لغرفته يعدل نفسه ويلبس ثوبه...و خطرت على باله شذى وابتسم لما تذكرها... هو صح توقعها أحلى من الواقع بكثير...بس دخلت مزاجه وبقوة بعد...حس إنها جذابه اكثر ما هي حلوة "اله يهديك يا عبير عليك مبالغات في شكلها مهيب طبيعية" وابتسم لما تذكر كيف صورتها خالته في باله ملاك مامثلها في البشر صدق انها حلوة...بس مومثل وصف عبير لها...بس شافها تناسبه ولايقه له.... وبعد كذا طالع الساعه إلا شاف نفسه تأخر على خالته الي ساكنه بالمباركيه والي تنتظره......... .............................. .................... .............................. ............. ........:لا يا يمه كان رحنا معهم مايصير كذا.... هذا اخوي موغريب عني... ام بندر: وانا امه بس ما رحت معهم......خلاص يابشاير فكيني والي يرحم والديك.... بشاير بزعل: واله قهر....كان رحنا وش رح يخسرون اليوم الصبح سافروا وبكره الصبح بعد بيرجعون... ام بندر:زين وانا وش بيدي.... بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها.... ام بندر:حاولت فيه بس رفض....وقال المهم تركي يشوفها مو انتي...مش هو الي بيتزوجها.... بشاير:اوف قهر كان ودي انا بعد اروح وأشوفها......بس حسافه إن شاله بالخطبه اروح واشوفها.... ام بندر:يصير خير..... بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه... ام بندر: دايم مايلعب براسكم انتي واخوك تركي ومتعب غير هالعبير.... بشاير ولا كأنها سمعت كلام امها وتكمل:وتقول بعد إنها أكبر مني بسنه....اله وناسه وأخيرا بألقى أحد بالعايله بسني... ام بندر:ليه وين الباقي؟؟؟.... بشاير:مين يمه تقصدين....عايشه مرة أخوي بندر الي ولدها فارس بعمري...او مرة اخوي سارا الي أكبر مني بثمان سنوات... ام بندر: عندك فارس.... بشاير :فارس يمه الله يهداك هذا ولد ابي بنت وحده بعمري....تقولين لي فارس.... ام بندر: عندك نوف بنت اختك فاطمه..... بشاير:يمه نوف؟؟؟....حرام عليك عمرها 14سنه توها بزر.... ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض.... بشاير: يمه...نوف بزر وانا كبيره عنها...حتى تفكيرها عن تفكيري غير..... ام بندر:تدرين يا بشاير إن أختك فاطمه ماهي راضيه على هالزواج.... بشاير:أدري....اصلا من متى كانت فاطمة موافقه على زواج تركي من غير سلمى... ام بندر: وهي صادقه مافي أحسن للولد من بنت عمه.... بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات ام بندر: وبعدين؟؟؟.... بشاير بضيق: وش بعدين يمه شكلك زهقتي مني؟؟؟....... ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر.... بشاير بضحكه: قولي كذا....شوق الحبيب لحبيبه.... ام بندر: اقول يله اذلفي عن وجهي...ماتستحين وانتي تقولين كذا.... بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي.... ام بندر: اقول....... بشاير هربت وصكت الباب وراها.... ام بندر:اله يهديك ويصلحك يا بشاير......... .............................. .................... .......................... في بيت عبير وبالتحديد بالمجلس الخاص بالضيوف... تركي:الصراحه يا عبير ماتوقعتها كذا....... عبير بابتسامه:أكيد أحلى ما تصورت....صح؟؟؟...... تركي: تبين الجد؟؟؟...الصراحه توقعتها أحلى بكثير ما شفت.... عبير بابتسامه باهته:.......يعني؟؟؟.......... ......... تركي: الله يهداك صورتيها لي ملاك متلبس بصورة انسان....والي شفته العكس.... عبير انبهت زياده: وبعدين......يعني ماتبيها؟؟؟....... تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه.... عبير بعصبيه:تبي تنسحب؟؟؟ تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها.... عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى واله وهذا أنا أحلف إنها بنت مافيه أحسن منها....بس ما أقول إلا إن الله يعطيها الي أحسن منك بألف مره وجعلك ما تلقى احسن منها... تركي بعد ما شاف كيف خالته تأثرت قعد يضحك عليها وعلى موقفها بالسالفه... عبير عرفت إنه كذاب: تكذب علي أنت وجهك هاه؟؟....أقول لا تمزح معي كذا زين؟؟؟....من جد خرعتني يا الأهبل... تركي وهو يضحك:أنا أهبل؟؟...بس مقبوله منك يا أخت امي..... عبير: تركي تكلم جد وش رايك بشذى؟؟؟..... تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس واله إني مرتاح لها وأبيها... عبير باستغراب: ليه شذى مهوب حلوة؟؟؟....واله إنها تهبل... تركي يماشي خالته: حلوة ما اختلفنا...بس انتي من وصفك لها توقعتها ملاك... عبير: تقصد يا تركي إني مبالغه بوصفي لها... تركي: بصريح العبارة إيه وبقوة بعد....بس لا تخافين شذى أبيها وعاجبتني وداخله مزاجي بعد.... عبير: داخله مزاجك ليه هي كورة؟.... تركي ضحك من كلام خالته ومن تعليقه عليها... عبير: تضحك....بس يله ما علينا...أبيك تقول لي وش صار معك لما رحت لهم... تركي:أدري ما عزمتيني إلا عشان اقول لك.... عبير : اخلص علي وقول.... تركي بابتسامته الفاتنه: تآمرين آمر....يا أحلى خطابه شفتها... وقعد تركي يحكي لخالته وش صار معه لما راح لهم وشاف شذى العروس وصف لها شعوره ناحية شذى واهلها الي ارتاح لهم..... في الصباح يوم الجمعه..... وبالتحديد في بيت ابو بندر.... ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا... بشاير وهي تعدل شعرها : لا تخافين مامي كل شي تمام واوكيه.... ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان... بشاير ولا كأنها سمعت كلام امها:يمه شعري كذا حلو؟؟؟.... ام بندر: انتي سمعت الي قلته ولا لأ؟؟؟.... بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص الي يشوفك يقول إني بزر... ام بندر:أعرفك اول مايجي ابوك تنسين كل الي قلته... بشاير: خلاص خلاص فهمنا واله فهمنا....بس ماقلتي لي شرايك بشعري ؟؟؟... ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل... بشاير: بالعكس شعري وهو مجعد شكل احلى ويعطني لوك اجنبي...الشعر الناعم ما احبه... ام بندر: كيفك....بس هذا راي... بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا... ام بندر: لا متعب انا كلمته من أمس...ورح يجي هو وزوجته .... بشاير: زين طمنتيني...بعد خفت سارا تزعل مني... ام بندر: لا سارا اعرفها قلبها ابيض وطيبه ما تشيل بخاطرها.... وبعد كذا طلعت بشاير لغرفتها وقعدت ام بندر بالصاله تنتظر زوجها ولدها وأخبارهم.... .............................. .................... .............................. . ........:ليه مو عاجبك ؟؟؟..... محمد: ما أدري يامريم احسه مغرور ومتكبر...وانا هالفئه ما اطيقها... مريم: ولو هذا مو سب....اخوانك وابوك الكل يمدح فيه.... محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي... مريم: احسن شي لشذى إنكم تزوجونه لها....بيعيشها بنعيم ماحلمت فيه... محمد: الغنى والفلوس موسب يخلينا نزوجه لاختي.....تركي هذا ما عمرنا شفناه إلا لما جا يخطب... مريم انقهرت من محمد الكل موافق على تركي حتى شذى الي ما يعجبها احد موافقه عليه إلا هو وهي ما تصدق متى الفكه من شذى ام المشاكل برايها... مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك.... محمد بضيق:إيه كلامي...بس ابوي طلب راي بالموضوع...ورح اقوله الي بخاطري... مريم: محمد....قول لأبوك راي من رايك يا يباه.... والراي المهم للشذى وابوك... محمد: وأنا...ولا تكونين ناسيه إني اخوها الكبير... مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله... محمد:بس يا مريم هذا ما نعرفه.....ولو نزوجها واحد من اقاربنا أحسن وافضل.... وقعدت مريم تقنع في محمد إلى ما حست إنه مش رافض بس بنفس الوقت مهوب موافق.... .............................. .................... ..................... كانت الساعه تدق على الواحده ظهرا.... كانت شذى قاعده بالصاله الي بالطابق الثاني بيتهم وتطالع التي في وحاطه على مسلسل مصري تابعه، وهي بنفس الوقت سرحانه بعالم ثاني ولا هي حاسه بالي حواليها.... شذى بخاطرها تفكر بصالح ولد صديقة امها فوزيه الي كانت بينهم قصة حب ملتهبه بس المشكله كانت إنها من طرف واحد بس الي هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد الي بسنه يخافون منه وهو وحيد امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صالح كان ماخذ عقل شذى من أيام الطفوله إلى أيام الصبا...كان في نظرها الحبيب والصديق...بس الي صدمها لما عرفت إنه ينظر لها كأخت وليس كحبيبه...كانت تشوف إنه شريك حياتها المستقبليه وإيش أحلى من حياه تقضيها مع صالح...بس الي جرحها زياده هو لمن قالت أمه فوزيه صديقة ام محمد إنه مايفكر يتزوج بوحده غير بنت خاله...ولحظتها عرفت إنه حتى ما يفكر فيها وبكت على حظها الي خلها تحبه وتعرفه...وحاولت تتنسى حبها الأولاني، وقعدت تفكر بتركي الي شاغل هو تفكيرها ألحين و حياتها معه إذا بتزوجه...وكيف رح تقدر تعيش بعيد عن أهلها وتصير متزوجه وترك عالم البنات و أحلامهم وتدخل الحياة الزوجيه....... وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون.... شذى: من غير القناة وحط على سبيس تون؟؟؟...... ريم:ماما.... شذى: وبعدين مع امكم...ماتشوفيني قاعد اتابع التلفزيون تجي تغير القناة.... وتدخل مريم بهالحظة وسمعت كلام شذى.... مريم: اولا المسلسل هذا الي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني... شذى:اوكيه خلاص...وين محمد؟؟؟.... مريم: راح المطار من قبل نص ساعه لأن عنده رحله لدبي.... شذى:يرجع بالسلامه إن شاله.... مريم:ليه بغتي منه شي؟.... شذى تبي تقهرها:سالفه خاصه بيني وبينه.... وقامت شذى من الصاله ونزلت تقعد مع ابوها بالطابق الي تحت، وهي ماكان عندها لا سالفه محمد ولا شي بس كانت تبي تقهر مريم لأنها فضوليه.... بالرياض بيت ابو بندر...... وبعد ماقام الكل من الغدا.... فاطمه لأبوها: مشاله عليك يباه رحت خفيف انت وتركي ورجعتوا خفاف.... ابو بندر: إيه يا بنتي كذا أحسن و أفضل في امور مثل كذا..... فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها... و خزها تركي بقوة على كلامها... فاطمه تكمل: أنا قلت شي غلط يا تركي؟؟؟.... تركي:إيه لأن خلاص خطبنا وقضينا....فكلامك هذا ماله داعي... عصبت فاطمه من كلامه: تركي...انا ماقلت كذا إلا عشان مصلحتك...... تركي:اقول كلامك مامنه فايده....فعشان كذا ياليت تسكرين هالسيرة.... فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتحسف او تقول إنك استعجلت... تركي:آسف يافاطمه ولا تزعلين...وإعرفي إنك عزيزة وغاليه بس هالكلام من جد مامنه فايده.... يتدخل متعب:بس أما يا تركي شذيت عن القاعده وأخذت وحده من برا العايله..... فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا... وقعد الكل يضحك من كلام فارس ولد بندر.... تركي بابتسامه: سمعت يا فاطمه هذا الكلام ولا بلاش..... متعب بمزح: مافيه ...فارس ياخذ بنت عمه نجود الي هي بنتي.... ابو فارس بندر: عزاله كدينا خير إذا بزوج بنتك ولدي...بنتك هذيك ولد اعوذ باله مو بنت قشرا ومفترسه... متعب وهو يمدح بنته:أقول لا يغركم مظهرها من برا تراها كلها نعومه ورقه... ابو بندر: ما علينا ألحين من انجود المهم....ترى إذا تركي بياخذ بنت ابو محمد بتصير الخطوبه بعيد الأضحى والزواج بالصيف.. ابو فارس: مشاله يباه اتفقتوا بعد على كل شي....كان جبتوا البنت معكم مرة وحده... تركي:بندر اقول اترك عنك الطنازة انت وجهك....ابوي نفسه بكذا.... الخطبه بعد شهرين بعيد الأضحى والزواج بالصيف... متعب:أنا اقول بعد كذا أحسن...إذا ردوا بجواب اهل العروس اتفقوا معهم على كذا... تركي وهو يناظر اخته فاطمه الي حس إن الكلام مو عاجبها: وش رايك يا فاطمه براي ابوي؟؟؟.... فاطمه من غير نفس:وش لي كلام وراي من بعد كلام ابوي...الي يبيه ابو بندر يصير..... ابو بندر:بارك الله فيك يافاطمه وانا دايم اقول ماحد في الحريم مثل فاطمه...... تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه.... فاطمه بثقه: تطمن ناصر يعرف مكانتي زين..... .............................. .................... .............................. ........ سارا:هاه بشاير وش قال تركي عن العروس لمن شافها؟؟؟..... بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته.... سارا:اسمع خالتي ام بندر تقول إن عبير هي الي دلتكم عليها وإنها مستخفه على البنت وهي الي قعدت ورى تركي لين خطبها... بشاير:إيه صادقه امي...بس تركي بعد يوم راح دورته العسكريه الي بالشرقيه شاف اخوها وتعرف عليه عن طريق زميل له.... سارا بتعجب: سبحان اله...صدفه خير من ألف ميعاد... بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي.... سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها... بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها.... سارا:لا تقولين كذا هذي بنت عمك..... بشاير: روحي زين...أصلا هي ترد المعاريس من زمان عشان حجة هالدراسه والقرف حقها.... سارا: بس بيرجعون بعد سنه وهي مشاله عليها بتصير الدكتورة سلمى...يعني هي مهوب هينه... بشاير: ما علينا من هالسلمى....تدرين عن مرة تركي اسمها شذى؟؟؟.... سارا:إيه اعرف تو خالتي ام بندر قالت لي....اسمها ناعم ودلوع.... بشاير قعدت تضحك من سارا.... سارا: ممكن اعرف وش الي قلته يضحك.... بشاير بضحكه: وش دلوع؟؟؟....اول مره بحياتي اشوف اسم دلوع.... سارا بابتسامه: وانتي انشاله تقعدين تعلقين على كل كلمه اقول لها....انا اقصد إنه اسم دلع... وهنا دخلت عليهم عايشه مرة بندر وسكتوا.... عايشه لبشاير: مبروك يا بشاير على خطبة تركي.... بشاير:اله يبارك فيك...وعقبال ولدك فارس... عايشه:آمين.... وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي بس الأمور سارت عكس هواها وهذا الشي قهرها............ |
|
|
#15 |
|
|
رد: ... يا عيونه بس يكفيني عذاب ...
للأسف غلاتي مكرر
أنتظر جديدك |
رد: ... يا عيونه بس يكفيني عذاب ...