قهوه للمصريات
انا بخير و شكرا على الترحيب اخت نور على نور وكل المصريات
احب اقترح موضوع للنقاش
و هو دور الفن المصرى فى نقل صورة مصر
انا شايفة ان الافلام المصرية و الاعمال التلفزيونية بتبالغ جدا بهدف جذب الانتباه
انا بشوف فى التلفزيون و السينما اعمال فى رأي كدابة جدا ولولا انى مصرية وطول عمرى عايشة فى مصر كنت افتكرت ان مصر دى غابة كبيرة لتجار المخدرات و الفساد و الاغتصاب و الحرمية لكن انا بقول ان البلد دى جميلة جدا و فيها ناس كتير كويسين و محترمين و لسة فيها خير كتير موجود
انا شخصيا اكره خالد يوسف و ايناس الدغيدى وباعتبرهم تجار مش فنانين و باحترم محمد صبحى وباعتبره فنان حقيقى
اعتقد ان جزء كبير من الصورة الخاطئة عن المصرين فى العالم العربى بسبب الاعلام السلبى الى هدفه الربح حتى على حساب سمعة بلدنا الجميلة و طبعا كلنا فاكرين موضوع هالة سرحان وده مثال على التجارة الى كنت باتكلم عنها
يا ترى ايه رأيكم؟
|