 |
  |
|
|
|
|
|||||||
| قصص و روايات قصة سبع بنات يوجد هنا قصة سبع بنات روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة فضيّـة :: |
السلام عليكم ورحمة الله وبركآته ..
اخبآركم ..؟؟ هذي قصه سبع بنآت .. ..... هذي القصة الله يسلمكم قصة سبع البنات (طازجة من امي بدون اضافات) نبدا بالقصة يقال ان فيه سبع بنات امهم وابوهم متوفين المهم كانو البنات يعيشون في فقر وقلة حال : فقالت البنت الكبيرة-صيته:يالله ياوضحى تكفين مافي غيرك يروح يدبرلنا اكل تعرفين انتي اجرأنا البنت الصغيرة –وضحى:ياربي وانا دايم اروح واتعب هذا وانتو اكبر مني واشد فيكم الظهر صيته:اقول عاد لاتذلينا بتورحين ولا رحنا منة الله ولا منة خلقة وضحى:بعد بعد اشوف من بيروح يدور لكم عيشة شمة البنت الثانية:يالله عاد وضوح لاتاخذين بكلامها انت الخير والبركة وضحى :يقطع ابو المصالح بس طيب انا الحين بروح السوق وتروح وضحى للسوق وهي طاقتها الهواجيس وشلون بدبر لها مؤونه تكفيها فترة طويلة هي وخواتها المهم وتدخل السوق وزحمة وعالم وتشوف ذيك المره الي تبيع اقط(نوع من مشتقات الحليب مجفف)وزبد ولبن وعندها ولدها نشف حلقة مسكين من الصياح حر وظما عاد وضحى راحت للحرمة وقالتلها بامسك ولدتس لين تبيعين الي معتس( يوه عاد فرحت ذيك المرة)وقالت اذا بعت عطيتس اجرتس وضحى تقول لا والله ماخذ شي هذا لوجه الله(واضح) وشكرتها الحرمة وهي خذت الولد وعطته موية ونضفت وجهه وتمشت فيه المهم وصلت عند بقاله وقالت لراعي البقالة وضحى:اسمع ياذا الرجال الطيب انا عندي عيال ونسيت فلوسي في البيت وشيلتي ثقيلة مع ذا البزر عاد انا بحطه عندك وبتقضى واروح اجيبلك الفلوس وحط ذا الولد عندك لين اجي عاد البايع على نياته وافق وقال:بس اخاف تاخرين وهي بتقوم الصلاة بعد شوي وضحى:لا لا لاتخاف بيتي قريب بجي بسرعة البايع:طيب خلاص وتروح تركض لبيتهم وتخلي البزر وتدخل بيتهم بالمقاضي والخيور صيته :يو ياوضحى وين جبتي هذا كلة وضحى:اسمعوا اذا تبوني اجيبلكم تسكتون ولا انتوا الي روحوا صيته:لا لا مدام السالفة فيها روحة خلاص سكتنا ونرجع للبايع جلس يحتري الحرمة الي نست ولدها والولد قام يصيح واذن وهو لازم يصك محله يوم شاف الناس راحوا للصلاة سكر المحل على الصغير وراح يصلي المهم فضى السوق والحرمة الي تبيع البن خلصت بضاعتها وتدور الي خذت ولدها مالقتها وراحت تدور وهي تدور تسمع صوت صغير يصيح يوم شافته تقطع قلبها عليه(ولدها) وتنتظر البايع متى يجي عشان يفتح عن ولدها المهم طلعوا من الصلاة وجا البايع وقالتله طلع ولدي قال البايع اول جيبي قيمة الي شريته قالت الحرمه ماشريت شي(ماتدري وش السالفة)قال ما اعطيتس الولد الا اذا عطيتيني الفلوس ومسيكينه هالحرمة عطته كل الفلوس الي كسبتها من بيعها عشان ولدها ونرجع للوضحى وخواتها الي ياكلون ولا هامهم( بس كل شي يخلص) واليوم الي خلص فية الاكل الي عندهم قالت صيته:يالله ياوضحى مابقى شي ناكله روحي دوري العيشة لنا وضحى:لا لا خايفة صيته:خايفة؟؟؟وش منه وضحى:هاه لا خايفة اطلع لحالي (تصرف النصابة) صيته :يوه ياوضحى من يومتس وانتي ماتخافين يالله شوفي خواتس كيف جواعا وضحى:خلاص امري لله بس هذي اخر مره صيته :طيب طيب وتطلع مرة ثانية للسوق وكان يوم جمعة وتشوف ذاك الرجال الي يحرج على بقرته وقالت في نفسها هذي فرصتس ياوضيح وتروح لذا الرجال وتسوم منه البقرة وهو فرح يحسب انها وراها خير وقالتله تعال مشها لين بيتي وراح وراها وتوصل بيت مهجور له باب خلفي قالتله اصبر ادخل البقرة واجيب فلوسك قال طيب وبعدها دخلت البقرة وطلعت من الباب الثاني وراحت تستعجل وهي خايفة لبيتها والرجال يحتري ويحتري ومر عليه رجال وسالة قاله:وش تسوي يابو راشد ابو راشد:والله احتري حرمتن شرت مني البقرة وبتجيب الفلوس الحين : الرجال :طيب وش موقفك هنا ابو راشد:هذا بيتها والحين بتجيب الفلوس الرجال:بس هذا يابو راشد بيت مهجور تعال اوريك ويدخل معه البيت ابو راشد:افا والله انا رجال تلعب علي حرمة طيب خلني اشوفها والله ماخليها (مسكين راحت عليه هههههههههه) ونرجع لوضحى بعد ماوصلت لبيتها خواتها مبسوطات منها بس مايقدرون يسالونها(خايفين) المهم انها جالسة يومين وكن احد يلاحقها من الخوف ومرت الايام واضطروا انهم يذبحون البقرة عشان مافي علف يعيشها وخلص الحم وطلبومن وضحى انها تروح تدور لهم اكل وضحى:يوه ياصيته خلاص انتي روحي مو كل يوم انا صيته:انتي تدرين يوم رحت ذاك اليوم ماحصلت شي وضحى :عشانك غبية ماتعرفين تتصرفين صيته:اها قلتيها غبية يالله عاد وضوح وضحى:طيب خلاص خلني اكسب اجر فيكم (امحق اجر) وراحت للسوق وتوها داخلة الا ذاك الرجال الي عرفها ومسكها ابو راشد:ايا الخسيسة تلعبين علي والله الي رفع سما وطمن ارض لاخذ فلوسي غصب عنتس يالحرامية وضحى:انت وش تبي ا..ا..نا ابو راشد:انتي اسكتي ويسحبها ويدخلها على القاضي الي في الديرة وتجي تدخل قبلة ومسوية مناحه وضحى)وهي تتباكى ) اهئ اهئ مابيه ياشيخ اهلي اغصبوني عليه الزواج مهوب غصب وفي هالحظة دخل ابو راشد وتوه بيتكلم القاضي:اسكت ولا كلمه هو الزواج بالغصب روحي يابنتي الله يستر عليتس واذا تعرضلتس علميني ابو راشد:بس... القاضي :ولا كلمة وانتي روحي بيتس وضحي تركض لبيتها ركض من الخوف وابو راشد يزبد من الغيض ويتوعدها (راسه يابس الا ياخذ حقه مايلام بقرته هههههه) دخلت وضحى البيت وهي خايفة وسالوها خواتها وحلفت ماتطلع من البيت لو ماتو جواعا واليوم الثاني تروح اختها الكبيرة(صيته) ولا حصلت الا خبزة يابسة جابتها لخواتها وخواتها يترجون وضحى انها تروح تجيبلهم اكل ولا بيموتون المهم عطفت عليهم وطلعت للسوق بس متنكرة عشان مايعرفها ابو راشد الي ماتدري عنه وضحى ان ابو راشد كل يوم يحتريها في السوق يوم دخلت عرفها (بسم الله سكني) ويمسكها ويسد فمها ويدخلها على الشيخ ويقوله القصة كامله وبخها القاضي وسجنها (وفي السجن)مافي الا اهي لحالها والحارس وضحى:اقول ياعبيد الحارس :انا سعيد مهوب عبيد وضحى :ايه ايه سعيد وشلونك وشلون امك عساها بخير تدري ان امك صديقة امي الله يرحمها من مات امي معد شفنا امك اهئ اهئ (مسوية متاثرة) الحارس:لا تصيحين الحين امي تعرفكم ؟؟؟ وضحى:ايه كل يوم تجينا بس الحين معد جتنا لو تدري امك انك حاطني هنا بتزعل عليك الحارس :بس انا ماقدر اطلعتس وضحى :الا تقدر افتح الباب وخلني اطلع .. الحارس : لا .. لا .. اخاف يدرون عني .. وضحى :وش دراهم قل هربت مادريت عنها لا تصير خواف وانت رجال الرجال مايخاف من احد الحارس يوم سمع هالكلام طلعها على طول (مسيكين على نياته) وطلعت وراحت مع الباب الخلفي وتشوف ذاك الغنم تبع الشرطة وقالت اكيد خواتي ينتظروني لي يومين ماجيتهم ولا لقو شي ياكلونه وتاخذ هالغنم وتجرجرها في حواريهم الضيقة وهي خايفة لحد يشوفها في تالي اليل للان لو احد شافها راحت ملح وتدخل البيت وتدخل الغنم في الحوش الخلفي ويقومون خواتها مرتاعات وهي منقهرة الحين انا غايبة عن البيت يومين وانتوا ولا همكم نايمين صيته وهي تتثاوب :ياوضحى من امس واحنا نحتريتس ولا جيتي وضحى وهي معصبة :ايه هين تحتروني لكن والله معد اطلع للسوق لو تقطعوني سمعتوا صيته :الا صدق ياوضحى وين كنتي وضحى :صح النوم اقول روحي كملي شخيرتس تصدعت جدرانا من صوته وتدخل وتخليهم وهم راحوا كملوا النومه ولا كن شي صار وتمر الايام وكل يوم ذابحين خروف لين في النهاية خلصت الخرفان ورجعت ايام الجوع من جديد وبدو خواتها يحنون عليها وضحى :لا تحاولون لو تموتون مارحت السوق قالت وحدة من خواتها سعيدة : وضحى شفتي بيت جيرانا وضحى :ايه وشفيه؟؟؟؟ سعيدة:بيتهم كله شباب ومافيه ولا حرمة وضحى:وش قصدتس يعني سعيدة : يعني لو كل يوم وحدة منا تطب لبيتهم وتنظفه وتطبخلهم وتاخذ نص الغدا منهم يستفيدون وانا نستفيد وضحى:والله فكرة بس اكيد احد بيشوفنا منهم سعيدة:لا هم سبع عيال وكلهم يشتغلون يعني وراهم خير بس يبون احد يهتم فيهم وضحى :خلاص نبدا من بكرة وانتي ياصيتة اول وحدة صيته : خلاص صار و راحت صيته نظفت البيت (عاد بيت عزوبية )وطبخت لهم الغدا وخذت نصه وراحت لبيتهم (بالسلم –ياحياة الشقا) المهم الشباب الي في البيت استغربوا وكل واحد يسال الثاني اذا كان أهو الي طابخ بس ولا واحد فيهم هز شعرة (عزوبية ماعليهم شرهه) المهم تغدوا ذاك الغدا الي ماقد ذاقوا مثله (قريصات تحبها قلوبكم) قال الصغير-عبيد : لازم نعرف منهو الي يجي ويطبخ الغدا وينظف البيت قال الكبير(مبارك) خلاص انا باشوف بكرة من الي يجي يوم جاء بكرة وجت البنت الثانية ونظفت وطبخت وخذت نص الغدا وراحت والولد (ماصدق يقعد الا خذاها نومة وماقام الا يوم اخوانه قوموه ولا عرفوا من الي جاء وصار كل يوم يجلس واحد وفي الاخير ينوم يوم جاء دور الصغير(عبيد) قال :والله انكم دلوخ الحين احد يشتغل فوق روسكم ولا تحسون فيه قاله واحد من اخوانه (مرزوق) :اقول اسكت بس قالوها قبلك سته وكلهم نامو عبيد : نشوف المهم هذا دور وضحى طبت ونظفت البيت وطبخت الغدا وعبيد يراقبها ومنبهر فيها بنت وحلوة وتنظف بيتنا بدون مقابل عاد يوم توها بتروح لبيتهم مسكها قال : اكيد انتي الي كل يوم تجين وضحى في نفسها (الله ياخذتس ياسعيدة مهوب دارين عني هاه عبيد:وشفيتس ماتردين وضحى :انا وخواتي كل يوم نجي نظف البيت ونطبخ وناخذ نصة عشان ماعندنا احد يصرف علينا قلنا نفيدكم ونستفيد عبيد سكت وجازتله الفكرة وخلاها تروح وقبل ماتروح قال لها اذا بغيتوا تجون تعالوا مع الباب مهوب الجدران ويوم انها تقفي قال (ماهقيت ان البراقع يفتني آآآآآآآآآه ياقلبي) يوم جو اخوانه:هاه بشر عرفت الي يجي عبيد: اجل انا دلخ زيكم راشد واحد من اخوانه : اقول لايكثر بس منهو الي يجي عبيد:بنت كلهم بصوت واحد: بنت؟؟؟؟؟؟؟؟؟؟؟ الولد :ايه بنت وعندها ست خوات غيرها كل يوم تجي وحدة تنظف وتطبخ وتروح وانا قرت اتزوج الي جت اليوم (وسرح آآآآآآه يالي خذيتي قلبي) مبارك:ياسلام تتزوج وانا اكبر منك عبيد : والله عندهم ست بنات اطلب وتخير بس لاحد ياخذ الي شفتها خلاص حبيتها بعدها تزوجوا الاولاد البنات وجابوا بزارين واجد وعاشوا في سعادة وهناء (وخلصت القصة وملصت ) يعني النهاية .............. م ن ق و ل .. تحيآتي .. |
|
|
#2 |
|
|
رد: قصة سبع بنات
يسلمو
|
|
|
#3 |
|
|
رد: قصة سبع بنات
يسلمو القصة كتير حلوة
|
|
|
#4 |
|
|
رد: قصة سبع بنات
يسلمو
|
|
|
#5 | |
|
|
رد: قصة سبع بنات
اقتباس:
|
|
قصة سبع بنات
