ازياء, فساتين سهرة
ازياء مول

العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات روايه العرس حلم يراود كل فتاه يوجد هنا روايه العرس حلم يراود كل فتاه روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية


الكلمات الدلالية (Tags)
روايه خذني بقايا جروح, رواية, روايه سعوديه كامله, العرس الفلسطيني, العرس, العرسة, حلم, حلمي بكر, dvi port, dvh 3150ub, dvh 3190ub, كلمه, كلمات حب, كليپ سوپر ايراني, tjhin, this, tj hill

 
قديم 06-16-2010, 02:36 AM   #1

بلسم الحياه

:: كاتبة مقتدره ::

الملف الشخصي
رقم العضوية: 117690
تاريخ التسجيـل: May 2010
مجموع المشاركات: 363 
رصيد النقاط : 0

روايه العرس حلم يراود كل فتاه


روايه العرس حلم يراود كل فتاه

..~.. روايه العرس حلم يراود كل فتاة ..~.. فكاهيه بحته

..~.. الجزء الاول ..~..

ودي اتزوج .. اوف ملينا من حياة العزوبيه .. تعرفين فلانه خطبها واحد شيك
اوف والله لو اتزوج خلاص ماعاد ابي شي من هالدنيا .. يوه متى ألبس الثوب الابيض
.. والله عجزت وانا ماتزوجت

كلمات وجمل دايمن تت على اذني وطبعا مايقولها غير العزابيه ..؟..
كأن مافي هم بالدنيا غير الزواج والخطبه والي يجي عمرها .. 20 ومانخطبت هذي كارثت
الكوارث وتنظم الى شلة العوانس الي اعمارهن ماجت 26 .. مدري ليه هم كل بنت انها تتزوج واذا تزوجت تقول ليتني ماتزوجت ياحليل حياة العزوبيه .. وتجلس تكرهنا بالرياجيل .. والزواج بعد << بس حنا مانتعقد .. خلونا نعيش تجربتهم ونكره خواتنا الصغار يتجربتنا يعني هم يجربون وحنا لا .. نعيش روح المغامره

يؤ انا نسيت نفسي بديت ارغي وماعرفتكم بنفسي ..

اعرفكم بنفسي .. انا اسمي (عذبيه) عمري 19 سنه تخرجت من ثانويه وجلست بالبيت
لاني ماجبت نسبه وكل الابواب سكرت بوجهي .. فقرت لاول مره بحياتي اقر قرار حطو تحتها خطين احمر وركزوا هذا قرار مش قريان عيال سيبتهم امهم يسرحوا بال <<ياحليلك يا ابله سهير لابغت تفهمن شي لازم هالجمله ,,, المهم قرت قرار
وماعلي من احد اني اجلس وانطر النصيب يجي لحد بابي .؟. الله يالنصيب

&&&&&&&&&

عندي اخت اكبر مني بسنتين (عهد )عمرها 21 سنه تخرجت من المعهد وتنطر اسمها ينزل مع الموظفين .. يبأه أبليني حمار الي يبي يوظفك

&&&&&&&&&

وعندي بعد اخت اسمها (عنود)عمرها 36 سنه مطلقه ربة منزل .. فتحت لها مشغل خياطه للملابس النسائيه < والحمدلله مدخل عليها فلوس واجد .. عندها بنتين ولدين ؟

• (عذاري) عمرها متخرجه من ثانويه دلوعه حيل ..؟..
• (ود) عمرها 9 سنوات .. جت بعد عناء طويل هاديه
• اما الولد فهذا عالم ثاني (ماجد) عمره 7 سنوات ملقبينه براعي غنم مع القصه بتعرفون ليه
• (حمود) عمره 4 سنين << وانتقابل بالعيون طاط طاط
&&&&&&&&&&

ناصر عمره 27 سنه هالانسان ماقدر اصوفلكم اياه غير بكلمه وحده الغموض دكتور طوارئ


&&&&&&&&&&

واخوي الغالي (امحق كل هواش معاه ) مشاري عمره 23 سنه .. رقله على عبيط على نكته
وفوق هذا جميل حيل والبنات يتخبلون عليه لو انه مو اخوي كان من زمان متزوجته بس يحمد ربه اني اخته على اني اكرهه بس احبه بنفس الوقت .. داخل كلية ضباط وباقي له سنه وتخرج ومأذينا كل يوم بحركات وتدريبات الضباط

&&&&&&&&&&

واكيد البيت مايخلا من امي العزيزه ’’’ وفاكهة البيت الحلوه الاموره جدتي صيته << غصبتني امدحها ..
وأما الوالد الله يرحموه .مات منذو مبطي تقريبا عقب ما انولدت بسنتين.؟.. يهب يالحظ
&&&&&&&&&&


من وين ابتدي لكم قصتي .. ايه صح بتدي من يوم انتقلنا لبيتنا الجديد .. وبداية تعرفي على
شلتي شلة (الداشرات)

...........

الموقع: بيتنا القديم ..
الحدث : جالسين نشيل قشنا نبي نشد
المشهد : حوش البيت
...

الحوش في حوسه وصراخ واصوات وازعاج ومناطح والناس تتطايرمن فوق
وامي بالمطبخ تصيح ومعها جدور وصواني .. وبهدوء جدتي تشرب قهوتها

امي : ياو عهد عنود عذبيه جعلي اخلا منكم وينكم تعالوا عاوني
عهد .. توها طالعه من الحمام تركض من الخوف والنعل ناشبه بثوبها الي كله ماء : جيت جيت يما

ومن دون سابق انذار تزلق من باب الحمام الى تحت رجول الوالده وطبعا الوالده وجدورها كلهم فوق عهد ..

عهد : اهي اهي اهي اأأأأأأأأأأأي يما بموت
امي : فوق عهد .. موت جدي الي مات تحت تريله ماي كبر طعس الي كان راعينا يرعي الغنم عليه ثم تدرج من اولها لين تاليها وعقب طقت وانكسرت رقبته
عهد: لحظه يما وقفي الدعاء قومي بعدين كملي كيفك
امي : وتقوم .. أي اقول لك وعقب ما هذين طاحت من الجبل
عهد: بس بس والي يعافيك يما الله يرحم جدك ويرحم راعي الغنم ماصارت دعوه
جدتي: أي ابج يا ملحه ماكملتي وابو معزي يوم يدعم ناقه ويموت ولده طلع من الدريشه والقزاز بجسمه و
عهد: ياو ماصارت دعوه اقول جده والي يعافيك ويرحم امك تفكين انا طالبتك لتسكتين
جدتي: أأأيه ياحزم الضامي قلبتي علي المواجع
عهد: وش مواجعه
جدتي .. وتحط شيلتها الي طلع من غبار على عيونها : ياحبيبي يا ابوي << ماجبنا طاري ابوها
انا .. جيت وجنطتي على ظهري وأغني : مفيد الوحش الي قطع ذنب الجحش
جدتي .. وتصب قهوه وتشرب .. والله ماجيتي ماجاه مفيد يوم انه يشيل الاغراض حتى شال جدته
انا : ومن قال اني بصير اطيب منه خلي طيبه له
عهد: ابج يالخبله تبيك تصير نفسه وتسنعين اغراضها
انا : واغمز لها فاهمه : ايه ياجده وانتي ما سويتي نفس ام فتحي العجوز الي شالت اغراض بنت اخيها وهي نايمه
جدتي..وتمسح رجولها : أه أه يارجيلاتي
الكل: هههههههههههههههههههههههههههه

مشاري : توه داخل الحوش ولا يشوف جدتي فارشه فرشه وتقهوى عليها : السلام عليهم
انا: مشاريوه ماشفتني وانا اشيل الجنطه طافك
مشاري: لا لا عيديها عيديها تفكين
انا : واشيل الجنطه وادور فيها نفس الحركه الي اوليه

مشاري: ينعنبو ذا الوجهه وموقفتني ساعه على هالحركه والله لو انك تنابحين ابرك من سالفتك هذي وانتي (يقصد جدتي) الناس معتفسه وجالسه تقهوين ابي مره وحده مره وحده جالسه من غير هالفنجال بس بس ذبحتي نفسك .. وياخذ لفنجال .. الله يهديك : ويصب لنفسه القهوه ويتقهوى
وجلس هو وجدتي يتناطحون على الدله الاثنين مدمنين قهوه

امي : عنود الله يقطعك ويقطع ورعانك تعالي ضبي قشانك اخلصي علينا
ماجد جاي يتمخطر وبيده عنزته ويهز راسه بنزعاج : الله يهدك ياجده روعتي درعان ماهو قادر ينام
امي: الله يقلع درعان الي اروح واخنز في بيتنا رح عجل على امك
راح وجلس جنب مشاري : الله بس يهدي امك
مشاري .. يبي يشكي له : حسيت بالي انا حسيت فيه تصدق ان جاني مرض نفسي
ماجد: كذوب من عرفتك وانت فيك هالمرض بس انت يا حضك
مشاري: ليه ياولد
ماجد: انت ماتشوفها غير اربعه وخميس يومين بالاسبوع وانا كل هالاسبوع مقابلها الله يعين
مشاري: اصبر انا الله مع الصابرين الله يعوضك بالجنه
انا: وامسح على روسهم : من يمسح على روس هالمساكين

ماوعيت الا وبحركه بهلوانيه انا والطوفه واحد .. وشعري يسحب بالارض وعيوني ضربت حول.. وخشمي تقطر منه مواد لزجه

عذاري توها داخله : يؤ يا جدتي الصراصير واجد هنا
امي : متروعه وينها فيه
عذاري: هذا الي بالطوفه
انا: واقوم من الارض وألم شعري : لا لا لاتخافين كنت انا امسح الطوفه
عذاري": يمه على بالي صرصور
انا: لالا لايغرك سوادي ومتني تراي انا عذبيه
عذاري: خلي هرجك عني روحي جيبي الاغراض
انا: وانتي شتسوين
عذاري: انا شسوي انا جالس اكوي الملابس

امي .. تصيح خلصونا نبي نشد أد أد أد << صدى الصوت

الكل استنفر حتى جدتي ودلتها ..
بعد اقل من جزء من الثانيه الكل واقف وخلاص قشه وركبنا قشنا الدنه
ويوم خلصنا انتقلنا بيتنا الجديد بكل سعاده وناسه ..؟..

اول مادخلنا البيت رحت اركض بحجز لي غرفه .. كنت اول من دخل البيت حتى دخلت برجلي اليسار رحت خذيت فوق تحت ودخلت باليمين ومع ذالك انا اول وحده.. كنت اركض وشكلي كأن عجوزتبي تلحق على معاش الشؤون .. وعباتي تكفخ وراي اصلن العبايه علي تقول عبايه على سيلانيه مضيعه أهلها .. أي وحده مو رزه الرزه بعيده عني بعد امريكي عن شرب حليب نياق .. كنت اركض واضحك بهستيريه وركضي بدون هدف بس بسبق اخواني .. المهم ماكملتي خطوتي لصعد الدرج إلا وانا اخبط انا والكاشي اصحاب .. واسمع خطوات فوج غنم يركض فوقي وسبحان الله صرت الاخيره رحت لغرفتي او بالأحرى غرفتنا وركزوا على نا نون النسوه المعزبه << قاعده من اختراعي .. المهم وانفرش بالارض واحوس بأغراضي ..

بيتنا الجديد لله يابيتنا كان بيتنا عباره عن دوين الدور الاول يظم دوانيه رياجيل مع مقلط وحمام كان مفصول عن البيت والي يربط بينا مر يطل على الحوش والي فيه باب هالباب يدخلك على غرفة المعيشه اليومه وكان في غرفه مخصصينها للضيوف الحريم يعني غرفه كشخه مانفتحها الا كل يوم جمعه نبخرها ثم نرد نقفلها وغرفه جانبهاغرفه جدتي وقدامها حمام وكان في باب يطل على مر يدخلك على حوطه الي فيها المطبخ كن مطبخنا خارجي وقدامه حوطه متوسطه فيها نخل وثيل يهبل المراد والدور العلوي الغرفه الرئيسيه للوالده حفضها الله ورعاها والغرفه الي قدامها غرفتنا انا وعهد وعذاري النشبه والي على اليسار غرفه العيال ناصر ومشاري ومجود والي مقابلها غرفه اختي عنود هي ورعانها الباقين ويتوسط الغرف حمام
والسطح كان العجيب فيه انه مشترك مع سطوح جيرانا

نرجع لمشهد ..

احوس بغراضي اخيرا لقيت الشي الي ابيه لقيت مذكراتي ..

انبطحت على كرشي ومسكت قلمي وافتح المذكره يعني بنت ذربه بسوي نفس الي بالافلام بكتب مذكرات فتشت باوراق المذكرات لقيت كلها ولد في مثل هذا اليوم او توفي في مثل هذا اليوم
والي يحر قلبك اني مو كاتبه التاريخ مو اقول لكم قمه الدشاره مجتمعه في ذا المخلوق الله بس لا يكثر من امثالي ... << تهبين اي والله ..

المراد

جلست اكتب بالصفحه .. في مثل هذا اليوم الي هو الاحد لحظه؟؟
انا: عذاري اليوم وشو
عذاري:وترتب ملابسها : ام اليوم الثلاثاء
عهد: خخخخخ يالخبله اليومالسبت
انا: يؤ حدوا
عذاري: مدري
انا: يوم ماتدرين شهوله تتلاقفين وتجاوبين مالت على ذا الشوشه الي تقول شوشه ام درعان
عذاري: عدال وجهك الي يقول وجهه جدتي صيته لا قامت من النوم
عهد: ههههههههههههههههههههاي حط حيلهم بينهم وشيلني من دونهم

انا وعذاري: قمنا على عهد بنتوطى على راسها
عهد .. وتحاول انها تقاوم وتمد ايدها لقدام مع تحريكها كأنها تسبح في بحر
انا: بكل نذاله وخبث هديتها وقامت تتدحرج الا وهي داخله الكبت رجولها فوق وراسها تحت وعيونها طق حول ويدور على راسها عصافير ونجوم خخخخخ
قام بنت الحلال ودعستني تحتها وجلست تمشع شعري وانا كنت متميتلها في بكس بضربه في بطنها الا والبكس في بطني جلست اتلوى ساعه وشعري كشه << اصل هو خلقه كذا
من القهرحت وسدحتها وجلست فوقها بكل سمني وطولي قدرت اني افخصها وهي العصقوله زيتونة باباي ترفس تحتي الا ان لفظت انفاسها الاخيره
قمت ورحت للمذكراتي وكتبت"اليوم والله مدري شنو وعناد فيك اني تهاوشت مع خواتي اليوم السبت ليلة الثلوث صباحية الخميس
المهم يامذكراتي العزيزه اليوم وصلنا بيتنا الجديد ويالله مت وناستي مع اني كنت احلم بغرفه مستقله لكني نعمت اخيرا بسرير لي وحدي وكبت لي وحدي بعكس بيتنا القديم الي كنت انام على الارض والكبت شراكه مع اختي المصونه عهد المهم وش اقول أي تذكرت اليوم ونحنوا متجهن لبيتنا ونحنوا بال صادفت بنت بنفس عمري مدري ليه قلبي رف لها كانت تمشي بال وعباتها تكفخ أأه كم ذكرني بصديقتي الغاليه خوله الله يرحمها الي تزوجت وسافرت للسعوديه كانت عباتها تكفخ وراها وكم لكفخه العبايه من ذكرى طيبه في قلبي فحسيت انها بنفس طبعي
و"

ماوعيت الا وامي ناطه فوقي بحركة مصارعين .. قومي يمال المرض رتبي المطبخ وسنعي لنا عشاء
انا : ومتروعه : نشالله

واركض من الدرج وتزحلق لين وصلت للدور السفلي وبعدها دخلت المطبخ وقمت ارتب المواعين بمكانها واسنع اثلاجه تو اخوي ناصر رايح للجمعيه وشاري اغراض الثلاجه وانا اتحلطم
كله انا كله انا الله يقلعك يا ورنيتي ليه يوم تسافرين وخلينا في وقت بدل ضايع ندور على غير
وكل ماجبنا وحده نحاشت مدري وش العله ..؟..

بعد م سويت العشاء وتقريبا بيتنا ترتب شوي لاننا قبلها بيومين شلنا الاثاث ورتبناه مثل الكنب وغرف النوم والمطبخ ..

فرشت سفره بالارض وحطيت عشي الي اهلي يحلمون فيه عشاء فاخر جدا وانا اسويه كنت اغني < نسم عليا الهوا من نضرات الوادي ياهوا دخل الهوا خذني على بلادي >

وكان عباره عن زيتون وجبن وقيمر ومربي وبيض عيون وخبز صاج وشاهي حليب
الله كم هو لذيذ يا عشاي الفاخر

المهم وانا جالسه انطر الاهل يشرفون وما كان جالس على السفره غيري انا وجدتي صيته الي كل ما مدت يدها على الخبزه بتقطع منها طقيت يدها واطالعها بحقد .. وانا اتحلطم أي بتخربين عشاي << والي يحرك اني اقطع من الخبز واكل خخخخخخ

المهم الاهل طولوا ما جو رحت اصوت عليهم دخلتي غرفتنا ومثل ماقلت ركزوا على نا
وياليتني مادخلت الا كلهم متجمعين امي وعنود وعهد وعذاري ومجود ياكلون وجبات من مادقوناز << ادري انها بدليه بس ماعرف انطقها عدل

انا .. واشاهق : يمال الحريمه الي تحرم كبدكم مسويه عشاء تحت وانتم هنا تاكلون وامي نطت على نطه خلت ضهري في سي دي مدري دسك وبالاخير جالسه تاكلين همنقرهنا
امي: انا سويت هالتمثليه عشان تنقلعين مانبيك تاكلين معنا
انا: ابي ابكي : ليش
عنود: عشان تنحفين عاجبك جسمك يمال الضعفه
انا" وقمت اناشق : لا لا انتهينا خلاص (وقمت اغني ) وش تبي فينا انتهنا روح لاتفكر تجينا
(وعقبها قلبت ) انا انتهيت والله انهيت وش ظال بيا
وبالاخير غنيت)) صبوحه خطبها نصيب أأه خطبها نصيب
عذاري: الله ياخذك يالبطه شكو صبوحه
انا: وامسح خشمي بطرف ثوبي: مدري زعلانه والهم كاسيني

ورحت اركض على الدرج وانا صاكه فيني الدنيا . صحيح اني بطه وزني 97 بس مو مشكله بيجي يوم واضعف تهي تهي الله يقلعكم جعلهم ما يحدرونه ابد

نزلت للأفسل (الاسفل) ولا ألاقي جدتي قضت على اخر نقطه من عشاي ..
انا: حتى انتي ياجده حتى انتي أهي اهي اهي اهي ماحبكم انا اكرهكم

طلعت للمطبخ وقمت اغسل الصحون واشطب على اخر الاعمال بالمطبخ ماهي الا نص ساعه الا انا خالصه .. كنت حزنانه حيل .. تهي تهي تهي

رحت لغرفه المعيشه وقمت ارتبها واضبط الاثاث واركب التلزيون عشان بسهر تحت ..

جدتي كانت تمارس عادتها اليوميه : وهي شرب القهوه ..
انا: جده جده
جدتي: دجوك عشره وشتبين
انا: جده انا زعلانه
جدتي: ماترضين وليه زعلانه
انا: جوعانه ومامعي قروش اطلب مطعم تصدقين اهلي طالبين ولا طلبوا لي كني بنت البطه السوده
جدتي: كان الاكل قدامك من اليوم وشهوله ماكليتي يمال الحريمه
انا: لاتقعدين تصيرين لي مريم نور على غفله جده الزبده ابي فلوس
جدتي: ماعندي
انا: يانعنبوا ذا الوجهه جالسه اشكي لك الحال ولا تعاطفتي معي
جدتي: تلعنيني بعد .. وتمسك العصى وتقوم تلسبها فيني ورسمت احلا علامات في ظهري

رحت اركض بخف الريشه وانافي قمت السعاده من طقت جدي الي بعثت فيني روح الامل من جديد وبكل قوه دخلت على اهلي مره ثانيه اخطف منهم الهمنقر والشبس والبيبسي ونحشت على طول للدوانيه وانا اضحك بهستريه وثوبي للبيت كان طويل بس سمنتي خلته يشمروشكلي وربي تقول خدامه وشعري منكوش صحيح انه طويل يوصل فوق الركب بشوي الا ان انه يخلو من النعومه كنت حاويه شعري قرنين يعني مجدلته ثنين قذلتي ماستها بماشات لورى ملونه يعني كاشخه مع هالوجهه هالكشخه ما اكشخها غير مرتين بالسنه صباحيه عيد الفطر والمره الثانيه لا كشتنا للبر ولا باقي الايام انا بوادي والمشط بوادي ..

أأه على طاري المشط ذكرتوني بأيام الخوالي يوم كانت جدتي صيته تطرحني وامي تتجود بشعري عشان تمشطه أأأأوه كان ال كله يعرف اني جالسه امشط شعري مدري ليه احس ان نهايتي بتكون وانا امشط شعري

المهم نرجع للمحور

دخلت الدوانيه بعد ماضفرت بغنيمتي من البلعه وجلست اكل على رواق واكلم نفسي وميته ضحك
على الشكل الجميل والرائع .. انفتح باب الدوانيه دخل اخوي مشاري ومعاه رجال
أأأأه ياقلبي على هالرجال ..

شنو طول شنو وسامه شنو جسم رياضي ومعضل بحكم انه مع مشاري بالضباط والتدريبات شاده جسمه وفوق هذا قرعه .. أأأأه ياقرعته مخلته جميل حيل العيون وساع وناعسه وسود
يعني 3 في 1 والخشم سل السيف ولا الفم شلون الشارب مرسوم فوق بدقه وفن وكان لابس دشداشه ضيقه عليه مطلعه جسمه وغتره وعقال وناسفها لي وره يوم شافني صد عني ورجع لي ورى << مالومه شاف جنيه مو بنت

اخوي مشاري يوم شاف شكلي قام يلطم من الفضيحه ولا لطم عجوز على ورعانها الي ماتو
طبعا انا انسانه بديهيه شلت اكلي وقمت وقفت قدام مشاري في انتظار حصتي من الضرب
طبعا مسكني من علباي وكم طراق على كم شلوتي بعدها تعدلت ودخلت داخل ولا كأني انضربت

وانا داخله البيت ولا يصيح علي قهوه قهوه ,, انا زين جعلكم للحريمه ..
كان صاحب القرعه البراقه يسمعني .. ضحك وبعدها سكت واخوي مشاري متفشل حيل منه
يحاول يرقع الموقف بس الموقف مايترقع ابد

المراد
دخلت للمطبخ وقمت اسوي القهوه وانا في قمة السعاده والفرح الله صاحب القرعه البراقه بيشرب من قهوتي واجلس اسويها وانا اغني..؟

<< بوصالح سرى ليله وهل الدمع من عينه
صبولي من الفنجال صافي من عسل الماخوذ << ناسيه الكلمات

تحسون اني بنت قمة في الرقه والنعومه الله يا حلوي وانا ناعمه
عقب ما سويت القهوه والشاي رحت للحوش وطقيت على الدريشه ماهي الا دقيقه
الا واخوي مرتز قدامي ارتزوا عليه جنون الدنيا << تسمع بعجايب الدنيا
المهم

مشاري:: متمسك بالصينيه : هديها يابنت
انا: اطالعه وشاقه الابتسامه ومبحلقه بعيونه ودي اعرف هذا منو بس الحياء ذابحني
مشاري: يابنت هدي الصينيه لا ألسبك بالعقال
انا: السالفه فيها عقال احترمت نفسي وهديت الصينيه

طبعا اخوي من الحره رفسني برجله وانا صابره لعيون صاحب القرعه البراقه
واودع اخوي واسوي له بيدي مع السلامه والابتسامه شاقه الحلج
اخوي: من بلاهتي .. قام يضحك ويقول: ياناس غباء

طبعا انا رحت عن اخوي ورفعت ثوبي الابيض المخط باصفر واحمر ومكفسه اكمومه ولابسه تحته سروال طويل لونه زيتي << عشان تعرفون اني ذويقه بس منتو مصدقين

ماقلت لكم قصه السروال الطويل هذا الله يسلمكم الوالد رحمة الله عليه
موصي الوالده وهو ينفض أنفاسه الاخيره

غبره يعني جالسه اتذكر الموقف ..

ابوي منسدح على الفراش ومتجود بيد امي : يا ملحه ماوصيك على عيالي والسروال الطويل
تكفين مابي بناتي يبان جسمهم عند العرب واخوانهم صونيهم يا ملحه
وبعدها طق مات
امي: لالالالالالالالالالالالالا غزاي لالالالالا .. وبعدها قامت تردد امي وراه ..طروال سويل

فلم مكسيكي مو ملحه وغزاي

وعقبها هالسروال لا يمكن ان نستغنى عنه حنا يبنات لو مالبسناه تقوم الوالده تدوس بخشومنا عيب البنت تمد ساقها وتطلع ساقها قدام اخوانها لازم سروال طويل والثوب يكون واسع حيل يعني اكبر من مقاسك مثال عهد مقاسها (s ) تلبس (l) والكم يكون طويل يعني املك اننا نلبس بناطيل او تنانير وبديات ضيقه والاحكام والقوانين علي انا وعهد اما عنود فاكيفها متزوجه واختي عنود بنت متفتحه وتخلي بنتها تلبس الي تبيه يعني ان بغت بناطيل ان بغت قصير عادي الحياة حلوه وانا وعهد كل ماشفناها زاد الغيظ بقلوبنا نطالعها من تحت لي تحت ياحظها امها تسمح لها المهم عقب مافضت لكم برجع لمحور الحديث ..؟..

رحت اركض وسروالي يسحب وراعي وانا اناقز بخفه الريشه ورجل قدام ورجل ورى واغني لاه لاه لا لالالاه وركضتي ولا هايدي راعية الغنم ..

رحت لغرفتنا . نا ركزوا عليها المراد ويوم دخلت وانسدح فوق سريري الله واحط رجل على رجل وسرحانه واطالع بالسقف وجالسه ألعب بقرنيني وانا بقمة الهيام ..

ولا تجي اختي عهد الملقوفه وتحط راسها جنب راسي وتطالع وين اطالع ومستغربه اول مره تشوفني بالهلحاله وبنت الحلال فاتحه فمها على الاخر وتطالع بغباء ..؟..

وتمسكني مع كتفي وتهزني: عذبيه عذبيه قومي قومي
انا .. وعصبت : يانعنبو ذ الوجهه الواحد مايسرح عندكم

وقمت وانا حدي معصبه .. ورحت طلعت مذكراتي الي نص اوراقها مشقوقه حق طلبات المطاعم ولا البقاله والباقي مثل ماذكرت لكم توفي في مثل هذا اليوم وعاش في مثل هذا اليوم
كنت احوس ادور لي على ورقه اعبر عن مشاعري الجياشه ..

كنت احس في شي يقرقع في قلبي قلبي يبي يخرج للعلن مدري شي اول مره احس فيه لاستغفر الله حسيت فيه قبل هالمره يوم شفت الاول مره راجو سايقنا << كانت تحب السايق
لان محد عطاني وجهه غيره

عاد الله والوجه الي عطاك اياه بس مره ابتسم بوجهي يوم شافني جايه ومحمله معي اغراض راح ركض وشال الاغراض عني أأأه كم كان تصرف نبيل ومن عقبه وانا احبه بس ابن الحلال سافر لزوجته وانا انصدمت طلع متزوج الخاين تهي تهي المواجع تتقلب علي ..؟..

المهم لاعت كبدي ورحت جلست على الارض وطلعت مسجلتي الي ورثتها عن خدامتنا ورنيتي
الي مالها باب للكاسيت يعني لا بغيت تحط الكاسيت اصقعه اقوى ماعندك بالجدار وعيش حياتك وانت تسمع الصوت الي متغير من قدم المسجله ولا وازين مافيها الوان تطلع من السماعه مو اقول لكم سوالف هنود رحت فتحت الرادوا وحطيت على الاف ام وانا اسمع الاغنيه بكل حب واريحيه ..

وكانت الاغنيه ..

(( سواها قلبي ياحبيبي وحبك ماطعني وانا عن الحب ناهيه
الظاهر انه مايبقي غير قربك عاف الجميع واول الناس راعيه
...
عليه ماوصيك لا صار جنبك صبح عليه بحب وبحب مسيه
نبضه والوفاء ((مدري شنو)) لا يعجيك
صافي ولا لقى من يصافيه
...
وسواها قلبي))

الله والله وصرت رومانسيه عقب ماكنت اسمع بو شنان وخالد الملا وبو صالح سرى ليله وصبوحه خطبها نصيب وبنات المدارس ليتني عندكم سواق واغاني اسامريه والفرحيه
صرت اسمع لاصاله ونجوى وام الثوم واغاني الحب والفرح وقبل لا كشخت يعني بغيت اسمع اغنيه حب
يعني لا ضاقت علي الوسيعه رحت سمعت اغنيه

(( الله وكبر ياحمام من صلاة العصر ناح ))

مو اقول لكم قمة الرومانسيه ..

++++++++++++++++++++++++++++++ ++++++++++
الجزء الثاني ..

عهد .. حاظنه المخده بخوف وتطالعني وعيونها تدمع : شنو فيك يا عذبيه
انا: أي والله اني عذبيه اني عذاب اني متعذبه
وقمت اقصد

(( ياعذابي منك ياموتي وياحرماني .. زابنك بالله تخف عني الي فيه
من عذابك وشهو الي باقين ماجاني .. في عيوني من عذابك صايره ماريه
وانتي تدري كل ماتحتاجني تلقاني .. يشهد الله عنك ماتقدر تشح ايديه
بس تكفه لاتعذبني ولا تنساني .. ضمني يانور عيني في حشاك شويه
كل ماشفتك تدخلني في عالم ثاني .. عين تنظر لك بشر والثانيه حوريه))
**تركي الميزاني**

عهد.. وبدت تصيح : أأأأأأأأه ياويلي وخيتي تحب أأأأأأأأأ
انا: وش الي احب بس وانا اختك تفجرت شيات في قلبي
عهد.. وتصيح : وبعد انفجارات أأأأأأه
انا: ياليل البكي خلاص ماعاد ابي اعشق
عهد: وتصيح : اختي ماعندها احاسيس أأأأأأأأأأأأأأه
انا: وقمت اصيح معها : ليش ياربي كل شي حرام علي أأأأأأأأأأأأأأأه

عهد.. وتظمني ولي اول مره احد في حياته يخمني حسيت اني بنت مسكينه
بالعاده يا ترفس يا تخمش يا طق بس احد يظمني فاقد للهشعور وصلن انا نفسي عمري ماهتميت فيه المراد وانا الي اشاخر بحظن اختي العزيزه . خ خ خ خ خ خ خ

عهد: يانعنو ذا الوجهه مو كفوا احد يخمك ...

وتقوم ترفسي وانا الي اتدربح على الارض واكمل نومتي

...................

قمت من النوم على اشعة الشمس < انتبهتوا للتغير ماقلت قمت الصبح لا على اشعه الشمس شفيكم صرت رومنسيه ياحليلي حليلاه ..؟..

وانا اقوم من الارض بسعاده ولا اختي عهد منبطحه على سريرها وحاذفه فراشها بالارض وصوت شخيرها واصل لسابع جار ومتهاوشه هي وثوبها الي وصل لي خصرها
توني افهم ليش الوالده تلزم علينا بالسروال الطويل عشان الفضايح الي تطلع تالي اليل ..

وشفت بالجهه الثانيه الا عذاري نايمه بكل رقمه ونعومه ولابسه بجامه نوم قصيره لونها وردي ومخطه بأبيض وعليها رسمت دبدوب يجنن وكان الثوب علاق ومبطله شعرها الي واصل لي كتوفها وهو مدرج وناعم وحاطه شباصه صغيره على جنب وريحه الفراوله طالعه منها والهدوء يعم منطقتها

لفيت على عهد مره ثانيه والي انا وياها نفس الطبايع شفت الشعر منكوش وهو مجدول والجدله طويله وبنت الحلال ماعندها قذله يعني الصنديحه ياكبرها كبراه انا في يوم كنت نفسها بس الله ستر وطلعت لي قذله بعد معناة اترجي امي تقص لي قذله لان الوالده اكره ماعندها المقص يطب شعورنا << بحكمه انه الشعر الطويل يستر يوم القيامه يوم الناس كلهم سلطن ملطن

المراد

قمت ورحت للحما وغسلت وجهي وطلعت ورحت للمطبخ اسوي الفطور وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها

المراد سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت والخم والكنس يوم خلصت الا جتني عهد تتمخطر تبي تفطر كذا بالساهل ..

انا: وامسكها : مافي فطور الا لما تغسلين الملابس
عهد: ابج قولي لا أله الله الله
انا: لا اله الا الله
عهد: محمد رسول اله
انا: محمد رسول الله
عهد: وتقلد الهنود : أشهدوا ان
انا: يبنت الحلال والله مسلمه وربي اخلصي علي
عهد: بغسلهاعقب الفطور
انا" لا هلحين

وتدخل علينا المطبخ عذاري عقب مالبست روبها الحرير الابيض ومرسوم عليه ورد جوري احمر واصل لتحت الركب ولابسه نعول ريش

عذاري: هاي
انا وعهد: هايات
عذاري: وتسحب لها كرسي وتجلس على الطاوله الي بالمطبخ البلاستيك عقب ماسكبت لها عصير بردقان من الثلاجه

انا وعهد: نطالعها بستغراب : اخص يالذربه تشرب عصير على الصبح << لاتستغربون يعني ليش مانعرف طبايعها من تطلقت امها وهي عند ابوها الدكتور وماجتنا عاشت عندنا الا قبل شهرين لان ابوها يموت عليها حيل ..

عذاري: ابوي ما اتصل
انا: وش درانا عنه
عذاري: طيب انا طالعه اخذ لي شور لو اتصل بلغيني
انا: حاظر مو انا سكرتيره عندك
عذاري: بغرور : اكيد

انا: وكنت بقعد فوقها واحاول ألحقها بس مسكتني عهد الي نفخت في بطني لين هديت
انا: ايتها الدلوعه الماصعه اجل حتى كوبها ماتغسله كوت لها كم ثوب وبغت تموت علينا هذا الي ناقص نشتغل لها ..

عقب فطورنا الصباح رحت انا وخيتي العزيزه لغرفه المعيشه نشوف برنامجنا المعتاد تلفزيون الاطفال خخخخخ

المهم ولا يرن التليفون وكل وحده فينا تعزم الثانيه تشيل التلفون

انا: ياوخيتك ردي عليه
عهد: يابنت انت اخف
انا: أي اخف والله اني شحوم متراكمه
عهد: تفكين خفيها وروحي ردي عليه
انا: يابنت انتي حركي دمك وردي عليه
عهد: ياحول ورى كل انا وانتي وش وظيفتك
انا: وظيفتي اكنس واطبخ
عهد: يامسكينه كني انا ماعونك في الشغل

مادرينا ولا يوقف رن التلفون

انا: جت منه احسن
عهد: طقت كبده ومحد رد عليه
انا: لا يكون ابو المفعوصه
عهد: ليته
انا:هههههههههههههههههههههههههه هههه

ويرن التلفون مره ثانيه ولا تدخل عذاري

عذاري: انتم ماتسمعون التلفون
انا: إلا نسمعه
عذاري: وليش ماتدردون
عهد: لعانه
عذاري: تلعنك انتي وياها وترفع السماعه

عذاري: أأألو
هاي باباي
مشتاقه لك حيل حيل حيل
ههههههههههههههههههههههههه
حبيبي باباي والله

انا وعهد كنا فاتحين فمنا على الاخر ياحلو الدلع حلواه

باي الله يخليك جيب لنا خدامه
أي أي ماعندنا
ههههههههههههههههههه
الله يخليك لا تكسر فيني
بتمرنا اليوم
طيب زين الساعه كم
خلاص راح اقول لمجودي ودي طيب
باي باي
وباست السماعه وعقبها ردتها

وحنا شهقنا خوش شهقه .. يافضحي تبوس ابوها
مو انا وعهد ماعرفنا الوالد رحمة الله عليه ولا عمرنا بسنا رجال حتى اخواني
ياو يافضحي اتخيل اني بس حبيت اخوي ...؟...

المراد

وتمسك عذاري الريموت وتقلب القنوات والي مافيها غير كويت الاولى وكويت الثانيه وكويت الرياضيه وكويت الرابعه << شخباري شالوها من زمان

عذاري: ماعندكم ستلايت
انا: لا حرام
عذاري: طاع هذي شنو حرام في قنوات زينه مو كل الستلايت حرام
عهد: عيب جيرانا يشوفون عندنا دش وشيقولون اهل البيت مارجين
عذاري: واي واي شنو هذا

المهم

انا وعهد متعودين على القنوات ولانطالب باكثر الحمد لله مستوره رحت نزلت مسجلتي ام ليتات
وحطيت على الراديوا ولا تطلع اغنيه
لي ثامر حصني << مدري هو صح ولا خطأ
الي اغنيته كلها يتارع
أأأع

<<كل مره بشوفك فيها يبأه نفسي أأأ أأه
اجيلك اقول لك انت عني بالحياه<<

ادري اني بدعت بالاغنيه بس ماعليه مشوها لعيوني ..

المراد وقامت عذاري تهز مصاري وترقص وانا وعهد منصدمات حنا غير ردح البدو مانردح حتى الدوسريات مانرقص

كان انتهيض انا وعهد على الاغنيه
قمت انا ألفح بشعري واردح بدوي
وعهد كنها عجوز تلعبني ناسفه العباة تلاعب
ادري ان شكالنا غلط بس حلو روح التجربه

يعني اغنيه مصريه وحنا ردح عجايز الله تخيلو معاي المنظر الحمد لله ماكان في هاك اليوم بلوتوثات كان تلقون المقطع منتشر بكل مكان << يادجه فيه بس انتي ماتعرفون شي

طبعا بنت اختنا الماقصه ميته ضحك علينا وتحاول تسوي نفسنا بس لو شنو ماتقدر تردح مثل ردحنا الي يدك القاع الي يزلزل الارض تحتنا الي ردح يخلي كل مافيك يرقص
حتى اكثر (اذكر) جارنا بو حمود الحظري طلع يهاوش مع هالفره

بو حمود .. عيب عيب في ناس بتنام
انا: احد ينام القايله
بو حمود .. من الحره قام يردح هههههههههه

.....................
المراد

دخل علينا اخوي ناصر الدختر ويطالعنا وحده ناقد مو اول مره يشوف هالمنظر الغريب كل مادخل يشوفنا بشكل جديد .. وقف وهو مكتف ايدينه ولابس بنطرون اسود فيه مخابي كبار على جنوبه وتي شيرت بيج عليه روسومات كريزي وشعره طويل يطير مع الهوا .

سبحان الله الوالده عيالها مزاين لكن سبحان البنات قمه في الجكر مدري ليه الي يشوفنا انا وعهد ويشوف اخواني ناصر ومشاري ينصدم يقول تخسون هذولا اخوانكم يعني فرق حيل هم شرق وحنا غرب ..

ناصر: امنيتي ادخل البيت وألاقيكم منثبرين بالارض يانايمات يا منهبلات
انا: وانزل راسي السموحه ياطويل العمر
عهد: نرفه عن مافي انفسنا
عذاري: أهلين خالي .. وراحت تركض له تحبه ( حبة الصباح )

انا وعهد نطالعها . بستنكار وش هالمصاعه روحي تستري عقب حبي راس خالك مو تحظنينه جعلك الساحق الماحق والبلا المتلاحق

ناصر: اهلين عذاري كيفك
عذاري: بطلع (دلع) : بخير
انا .. بصوت واطي .. حسافه
عهد: ليه
انا: هي بخير
عهد: شناويه عليه يامعلمه
انا: واضحك ضحكه شريره نهاهاهاهاهاهي قهزي الميه السخنه
عهد .. وترقص : يختي عليها ويختي عليها شمعه منور وحنطفيها
انا: والي معاها راحوا فيها يختي عليها ويختي عليها
ناصر.. بستغراب : ريا وسكينه مو عذبيه وعهد
عذاري:ههههههههههههههههه هم كل يوم جذي بس يضحكون ماعندهم هم غير الضحك
انا: ولا في هم العرس بعد
عهد: أي والله هم العرس
ناصر: استحوا على وجيهكم عيب انا قدامكم بنات اول مايقلون هالكلام صحيح ماعاد في بنات
وانا: افرقع بصابعي: بنات اول مو هالحين
عهد: هلحين البنات يخطبون الرياجيل مادريت
ناصر: والله تسونها
انا: هاه ماوصيك تجهز
ناصر: وليه
عهد: بنروح نخطب

ناصر: كانت معاه شنطه لحقنا فيها لين دخلنا غرفتنا كان بيضربنا لولا ربك ستر ...

..........................

انا: واجلس على السرير .. عهد
عهد: بخشونتها المعتاده : نعم << لا والله اكذب قالت بالحرف الواحد هاه
انا: وجعاه قولي نعم
عهد: نعم
انا: اخص يالذربه قولي هاه
عهد: هاه
انا: فجرتي اذني
عهد: تقوم وتوطي في كرشي .ان ماخلصتي لا اقوم اتوطى في بطنك ..
انا: خلاص بقول عهد ودي اصير ناعمه وحلوه
عهد.. تطالعني منصدمه وبعدها بدون سابق انذار:هههههههههههههههههههههههه هههههاي
ناعمه قال ناعمه قال هههههههههههههه ياحليك يا عذبيه مو لايق وربي مو لايق هههههههه
تكفين بطني
انا: واضحك .. تخيلي عاد شكلي قاصه شعري وحاطه مصاصه واتدلع بطه وتدلع هههههه
ههههههههههههههههههههه ياحليلي حليلاه
عهد: ههههههههههههههههههههههه يابنت تكفين غيري السيره
انا: وانتفض ..جتني نفضه
عهد: يهب مسكونه علامك
انا: تخيلت نفسي دلوعه واع
عهد: أي والله اقول ورى ما نروح للسطح نتحرش بسطوح جيرانا
انا: يالله يام الفكر

ونروح للسطح ونطينا بسطح جيرانا الي يطل على حوشهم كان معانا بطل ماي بارد وخدامهم تغسل ملابس بسطل .. نثرنا عليها ماي بارد وقامت ترتجف هههههههههههاي
شكلها تحفه

ونروح للسطح الثاني ولا نشوف جدتي بحوشنا تشرب قهوه ونرش عليهالماي

جدتي: ابك ابك مطر مطر امطرت
انا: يمال الدجه مطر بشهر 7 حنا صيف صيف
جدتي: جعلك ماتربحين عذيب انزلي لا اطلع عليك نويصر يلعن جدفك
انا: بعدين حرام عليك جده اعيش من غير جدف يرضيك هالشي ..

ورحنا نركض لاخر سطح سطح جارنا ابو نوير

وحنا نقز وتونا بنرش الماي ولا ينفتح الباب وتطلع لنا هاك البنت المعصقله الي معاها جدر وتصيح فينا انتم منو وشجابكم للسطح

انا وعهد : نصيح : أأأأأأأأأأأأأأ طاحوا علينا

وقمنا نغني ونصفق .. وطاحوا علينا وطاحو علينا وياويلنا ويلاه ويلي ويلي ويلي

مادرينا ولا هالبنت تنزل الجدر وترفع ايدها وترقص .. وتشيشنا : أأطلع أأطلع شيل روح
روح عاشوا عاشو

انا وعهد قمنا نلاعبها ونشيشها كود انها تنسى انا طبينا في بيتها ..

انا : واقصد .. ياليتني من بنات اليوم .. وعندي سايق وهنديه
ولساعه وحده وانا ماقوم .. وغداي كيكه وبيبسيه
عهد.. ياو اردح اردح

اما البنت فهذي بنت الحلال زيرت وقامت ترقص بهستريا انا خفت لا تكون ملبوسه فا سكت
ولا تلتفت علي

هي: كثر الله خيركم انتم من جيرانا الجدد
انا.. وامس شعري : أي حنا الجدد انا عذبيه وهذي زيتونه يوه اقصد عهد
هي: ههه ياحليكم انا نوير الا وش تسون
عهد: كنا نرفه عن نفسنا نتحرش بخلق الله
نوير: يالله مشينا نرفه عن نفسنا

وتمسك الجدر ونروح بيت جارنا الاخر

نوير: هذا بيت خويتي محيله لحظه اناديها تلعب معنا تراها داجه نفسنا ..
محيله محيله
محيله تطل مع الحوش .. حلوا بطنك من البلعه وش تبين
نوير: تعالي تعرفي على بنات جيرانا الجدد
محيله: الي اخوهم قرعه
انا: أي أي
محيله: لحظه اكشخ و اجيكم كود تخطبيني لخوك ..
انا وعهد ونوير: هههههههههههههههههههههههههههههه ههههههه

جتنا محيله هي واختها وضحه رحنا معنا طياسنا نطينا للسطح جارنا الي بعدوا

محيله .. لحظه انادي خويتنا جوزه ..
جوزه جوزه
جوزه.. يانعم ..
محيله: تعالي معنا بنات جدد نبيك تتعرفين عليهم
جوزه.. تهي تهي اليوم يومي بغسيل المطبخ انطروني بعد ربع ساعه اجيكم بطرش اختي خزنه عليكم
محيله: عجلي علينا

وماهي الا دقايق وجوزه وخزنه يوصلون لنا
ونسلم على بعض وكلنا اشكالنا دجهه من امه

جوزه تكفون خلونا نط بيت خالي تلقين بنته مريم قايمه نمرها تتونس معنا

يالله طيب

ومرينا مريم واخاذناها بعد دقايق

انا: الحين نرش على منو اذا خلصنا كل البيوت ..
عهد : على بعض

وماكملت البنت كلمتها الا وكلنا نرطش من الماء عليهم سرعه بديهيه هالبنات ..؟..
ههههههههههههههههههههههاي

مريم: يالربع مشينا بيت شلشبيل نزعجها هي وخواتها
انا: من شلشبيل
نوير: ذي بنت جارنا بنت المصريه يانا نكرهها كرره دايم هواش
خزنه: هي اسمها كوثر بس حنا نسميها شلشبل لشده شرها ..؟..

والله ونروح البيت ونغرق حوشهم ماء

مادرينا ولا الركض على الدرج عرفنا انها جت تبي تطقنا

وحنا كل وحد تجودت في طرف ثوبها ونحشنا لبيتها وتواعدنا عقب صلاه العصر نجي فوق السطح
...................

انا انزل من الدرج وثوبي يرطش ماء واضحك بكل سخافه عهدتها بحياتي
الا بستقبالي اخوي ناصر توه طالع من الحمام ولابس شورت سماوي وفنيله علاق بيضه
انا .. انصدمت مو متعوده اشوف اخواني بهلمنظر وعقبها غضيت البصر وقلت : حج يا حاج تستروا تستروا
ماوعيت إلا وناصر يضرب بالارض من كثر الضحك هههههههههههههههههههه
كان يضحك بهستريه

انا اطالعه بكل تعجب شلي يضحكه .. وبعدها راح غرفته وهو ميت ميت ضحك ..؟..

المهم كملت نزلت الدرج وليتني مانزلت
أأه كل ما اتذكر هاك اليوم احس بعوار في ساقي تهي تهي الله يسامحك يمه شوهتيني دمرتي مسقبلي المهني .. كنت ناويه اطلع طقاقه شلون اصير طقاقه وانا رجلي مشوه

 
قديم 06-16-2010, 02:43 AM   #2

بلسم الحياه


رد: روايه العرس حلم يراود كل فتاه


روايه العرس حلم يراود كل فتاه

أأأه بقول لكم السالفه هذا الله يسلمكم ..
يوم نزلت من الدرج وبضحكتي السخيفه المعهوده تفاجأة بوجود امي بالصاله تتفطر يوم شافتني
والماء يرطش مني وشعري مبل ولا مجنونه اهلها تاركينها تهيت بال

المراد

امي.. تشهق .. يامقصوفه الرقبه هذا وشو
انا: أأأ ههه ذ ذا ماي
امي: اجل عسل اشوفه ماي قالوا لك عميه ومنين جالك
انا: كنت أأأألعب بالصطح << من الخرعه نسيت حرف السين

امي: وتمسك كوب الحليب عقب ما شربت منه الحليب وترميه علي وانا الي انقز تفاديته

انا: ههههههههههههاي ماجاني هههههههههاي

ماوعيت ولا الصحن برجلي الي انشلخ شلخ كبير رحت اركض ركض ولا ركض بسه وراها كلب مسعور

الله ذكرني بالشاعر الي يقول

<< يامرحبا ترحيبتن اسبق من الفار .. يالي على دربها ثمنين بسه <<

الله يخلي له لسانه ويستر عليه اجل هذا ترحيب مالت على الفره بس ... بس والله انه شاعر ورجال

المراد

وامي تتجود فيني من ثوبي وياأله على متني ياعرب وسمني الا ان امي شالتني وحذفتني على الكنبه الي انكسرت وامي يزيد فيها الغيض الي خلها تخنفر وعيونها تقلب حمر وجهها صار الوان الطيف ه حتى في لحظتها كنت اتمنى لو عندي كامره كان صورتها وارسلتها لمجله يحطونها ابحث عن الاخطاء ه ..

المهم نكمل محور حديثنا ..

وكانت تبي تكمل ظرب لكني وقفت بشموخ وعزه وفخر اني مابكيت عند امي ومسكت امي
وانا اتعوذ من ابليس الي راكبها ..

انا: يمه تعوذي من بليس ماصارت ماي تغرقت فيه
امي: يوم انك ورع خليتيني اعصب
انا: يمه قولي لا أله الا الله
امي: لا اله الا الله
انا: ماصار ش هلحين بدل ملابسي وين الغلط
امي: الغلط الكنبه مكسوره قومي صلحيها
انا: نجار الله يهديك مو عذبيه بس ولا يهمك اصير لك كنبه ولا تزعلين وهذي حبة راس
امي: ياحول اعوذ بالله منك يابليس روحي بدلي ملابسك يالله انهجي ..

واروح اركض لغرفتي ابدل ملابسي وألبس دراعه خضراء مشجره بازرق ولبست تحتها سروال طويل احمر < صارقته من جدتي .. بس لا تعلمونها ...

المهم وانا نازله امي .. عقاب لك تروحين هالحين تغسلين الحوش
انا: بس الصبح كنسته
امي: انا وش قت اغسليه
انا: طيب

واروح اخذ المساحات .. واكفس ثوبي الاخضر واربطه حول خصري ويطلع سروالي الاحمر الي شاريته بفلوس عدياتي .. ياكذوب توك صارقته من جدتك عادي مشوها السوالف واجد

. المهم وامسك الهوز واغرق الحوش بالماء ثم مسكت الصابون وغرقت الحوش به المهم واقعد ألعب لكم خمسات بالمساحه واقحص فيها والصابون يزلق وكانت اخر وناسه ومادرت الا وماجد يدخل مسرع ومعاه درعان وخلى الباب مفتوح وانا اصيح عليه يا رجال سكر الباب ماكملت جملتي الا والولد داخل البيت

المهم رحت بسكر الباب لانه انفتح صرت مكشوفه ماسكه المساحه وانا أركض بسكر الباب ومن كثر الصابون وانا الي ازلق لكم من اول الحوش لين باب بيتنا ورجل فوق ورجل تحت واقوم وانا كلي الم بطه وطاحت شيقومني .. مادريت ولا سياره لكسزس قدام بيتنا كانت ليتاتها مفتوحه عقب طيحتي اليتات طفت ولا اشوف صاحب القرعه البراقه ميت ضحك حتى ان قام يضرب بيري (بوري) من كثر الضحك ..

كان ينطر اخوي مشاري بيروحون مع بعض للمعسكر معسكر الصمود
خلصت عطلتهم خخخخخخخخخخ

المراد

انا اقوم واسكر الباب بأقوى ماعندي ..
كرهته حسبي عليه بدل مايقول لي الحمدلله على السلامه اشوفه يضحك ..
ويضرب بيري مالت على هالقرعه ماعليه شرهه قرعه خخخخخخخخخخخ
اللهم لا شماته ..

عقب ماخلصت من الحوش رحت أركض داخل البيت بركض لغرفتي قبل ماتشوفني امي

مادريت وانا اصعد الدرج الا وشي يسحبني لي ورى
مدري ليه طرت على بالي بهذيك الحظه جاذبيه لبتون << هو صح ولا خطأ ياعمي مشوها
المهم واحد اسمه على شاي نشربه مدري اسمه ريد بيبل ولا ربيع والله مخبرش
نرجع للقصه.؟

وانا انسحب لي ورى ورفعت ايدي لسماء وانا ماده يدي بكل قوتي

انا .. يارب مو امي يارب مو امي ..ربي استر علي ربي امن روعاتي ..

امي: تعالي يا ملعونة الجدف ورع انتي جاهل ثوبك كله ماي ليه ليه ليه
انا.. واسوي نفسي ابكي واشاهق .. والله عظيم اني كنت ابي اسكر الباب ولا القرعه جالس يضحك وماجد يركض ويضرب بوري وانا زلقت كلي صابون وأأأأأأأأأأأأأأأأأأأأع
امي: كلمات متقاطعه هذي ولا شنو نعنبو دارك كم مره افهم فيك اذلفي معاد انتي مغيره ثوبك روحي عاوني اختك بالمطبخ ..

واروح اركض لختي عهد بالمطبخ وانا كلي ألم وحرقه ..؟..

+++++++++++++++++++++++++++++

الجزء الثالث ..

عهد.. علامك تلهثين
انا: امي طقتني
عهد: خخخخخخخخخخخخخ مسكينه انا نحشت وماقدرت تصيدني
انا: أي العصقوله تقدر تنحاش لكن وحده نفسي وش الي يخليها تركض
عهد : فكينا من هرجك وروحي قصي البصل وسنعي لنا الزلطه
انا: زين مطرح مايسري يهري
عهد: تهبين أي والله كلش ولا غداي لا تدعين عليه غداك كيفك بس انا لا

امي.. وتجلس جنب جدتي: يؤ يا يمه هالبنات بيجلطني ياربي دخيلك ..
جدتي: ماعليه ادري انهم مهبل بس استحمليهم لين ربي يرزقهم عيال الحلال وربي يفك من شرهم ..؟...
امي: وترفع ايدها : يارب يارب يالي ماتخيب ظن من رجاك انك تزوجهم وافتك منهم يارب..
اناوعهد نطلع روسنا من المطبخ : امين

مادرينا الا بالدله على روسنا

جدتي: تهبين مالقيتي الا دلتي
امي: يمه ذبحني كرفني جنني معاد استحمل غثاهم
جدتي: ياحول وغرتي عاد على دلالي جعلك ماتربحين
امي: والله اني ماربحت من هالدنيا شي من ورى دعاويك يمه زوجتوني شايب وجبت ورعاني الا هو ميت من 17 سنه وحط برقبتي 5 ورعان وانتي لاهلحين تدعين علي وين اربح يمه وين
جدتي: ياحول ماينضحك معك
وتقعد امي .. تطنها بكوه .. وتتحلطم على حالها ..؟
جدتي: ياحول هذ وش الي يسكتها

وانا مطلعه راسي من ورى المطبخ واغني ..

)) لابوج يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده((

امي .. ويزيد بكاها وتردد هالاغنيه وتلطم لطم والله ولا لطم ام خيبر على دجاجها الي صرقناه خخخخخخخخ

.............................. ........

العصر

جونا جيرانا يقهونا بسب نزول بيتنا الجديد ..؟..
جتنا ام نوير وام محيله وام مريم وام جوزه وكلن معه دلاله وانا اقهوي الحريم بفرح واسمع سوالفهم

بس طبعا عقب ماكشخت على سنقة عشره ..

لبست دراعه لونها فوشيا طويله وفيها حزام خصر واطي عليه احجار كرستال شوار فسكي ملون ومن تحته جايه كسرات الثوب طبعا هذا من مشغل اختي عنود ..؟.. ولافه شعري كبه وماحطيت مكياج مع اني وجهي يالله لك الحمد جكر ودك لو تضبطين فيه بس ياعيال الحلال ماعرف احط مكياج

واما عهد لبست دراعه بيضه وفيها قطع سوده مشكله من تحت ومن فوق عند الصدر مزمزم بشريط ستان اسود وعليه فراشه كرستال ابيض .. ورفعت شعرها نفسي .. ونفس الشي مو حاطه مكياج يبي لنا دورة مكياج ..

واما عذاري لبست بنطرون جنز سماوي برمودا وفوقه بدي لونه احمر كت ومركبه عليه كموم دانتيل سماوي ولابسه حزام جلد وعليه كرستال احمر وسماوي ولابسه شحطات ربط احمر
ولفت شعرها على صوب وحط ورده حمره ورسمت على جفونها شدو سماوي وداخل عيونها كحل اسود ومده لي بره كان شكله واو وحط مسكرا وكثرتها حيل وحط بعد روج احمر

الصراحه كان شكلها يجنن حتى العجايز طاحت عيونهم وهم يطالعونها وانا وعهد مالت على اشكالنا يقال لنا كاشخات مع الفره احمد ربي ان الحريم ماشافوا شنو لابسه تحت الدراعه
كنت لابسه سروال طويل كاروهات اصفر من الي يحبه قلبك
لازم اسوي شي عشان الكشخه تكمل ..؟..

انا اصب القهوه وعهد توزع الحلا على الحريم ومرات نتبادل الادوار انا اوزع الحلا وهي
وتصب القهوه بس مع ذالك فشلنا في لفت انتباه الحريم
الي حتى وانا اخذ منها الفنجال ماتطالعني تمده وعيونها على عذاري

الي كانت جالسه وحاطه رجال على رجل وتبتسم بوجيه الحريم .. صحيح ان عذاري قلبها ابيض وانا متأكده انها مليون بالميه ما كانت تفكر بالي حنا نفكر فيه .. بس من يلومنا بنت في نفس عمرنا مسموح لها كل شي وحنا محروم علينا كل شي مو شي يمصع الكبد ..

المراد راحن الحريم لبيوتهن بعد ماعزموا امي بكرى على العشاء الذبيحه..

رحت انا قطيت كشختي خفت عليها .. ورحت انا وعهد للسطح بعد ماراحت معانا عذاري

البنات كانو متجمعات وحاطات فرشه بوسط السطوح ويسولفون وها القهوه وهالحليب وهالشاهي وهالكاكاوات والخرابيط ويوم جينا جلسنا معهم والبنات كل وحده شكلها ألعن من الثانيه
يوم شافوا عذاري وهم الي يبطلون حلوقهم شالكشخه شازين
وجلسوا يمسحون عليها منبهرين كانت جميله بشكل يعور في البطن

جلسنا نسولف ..

محيله وعيونها بنتفقع .: ابج يا عذبيه هذي منهي
انا: يؤ نسيت اعرفكم في بنت اختي عذاري
خزنه: ياملحك ملحاه
عذاري: تسلمين هذي عيونك الحلوه
نوير: ولا تتكلم حلو بعد
عهد: علامكم كليتوا البنت .. وتقوم تضم البنت في حظنها : تتفل على البنات
قل اعوذ برب الفلق
عذاري: ههههههههههههههههههههههههههه
مريم: الي كانت شوي اذربنا مشطه شعرها ولابسه دراعه نظيفه مفصله جسمها :ماشالله
عليك كشخه حيل
عذاري: أي مو امي عندها مشغل وتفصل لي الي ابي
مريم: وتجلس جنبها وبدت رغي معاها وصاروا اصحاب

سبحان الله مريم ما ارتحت لها من شفتها تمشط شعرها وانا ناغزني قلبي

المراد ونجلس حنا نكملها سوالف وهبل وتعرفنا على بعض اكثر واكثر واكثر

انا: هههههههههههههههههههههههه الله يقلعك اجل يا محيله تطارحتي انتي والرجال
محيله: اجل يقول لي يا خالتي ملعون الجدف
الكل:ههههههههههههههههههههههههه ههههههههه
عهد: مالومه شاف عجوز مخثرقه تكلمه مو بنت عمرها 19 سنه
محيله: المراد علمته معاد ينطق كلمة خالتي
انا: ههههههه ياحليك يا محيله
محيله: ياحليلك انت
انا: لاتقلولين ياحليلك قل الله حلاك
نوير: خلوها
انا: هيه خليناها
نوير: لا خلاص ماعاد اني قايله
انا: والله لا تقولين
نوير: اقول بدال هالهرج ورى ماتقصدين لنا تخلينا نردح شوي
انا: واشمر عن ذاراعي وابد بالقصيد طبعا ملحنته .. محمد ابو نوير

يا محمد بيتكم مبني .. ومشيده مبانيه
ياعل البت مايخلى.. ولايدور العزا فيه
يا محمد ردي لي زملي.. من خليلن شرعت فيه
نطحني ناسف الغتره..يقول زملك اخليه
يامحمد ياجنين امه.. عسى ربي يخليه((

محيله: وانا وانا غني لي ..

انا: واخطفها بنظره خاطفه .. وكانت لابسه ثوب احمر واغني

)) هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير

جوزه . وانا دوري يعلك المرض .. وكانت جوزه عروس
انا: المرض الي ياخذك قبل عرسك بيوم
جوزه.. تهبا
انا,, واغني

(( عروسنا بالحلا محدن يعذربها ..عزالله الي خذاها ماخسر فيها
صفوا اهلها وصوا مع جماعتها .. والي حظر سطحنا كلن يهنيها))

كلولوش

وختمتها بقصيده محورفه شوي من تأليفي عن بيتنا ...

)) بيت غزاي معروف .. وبيت غزاي معروف << ابوي
وكل المطاعم تدله .. وكل المطاعم تدله
وريوقهن يطلبنه .. وريوقهن يطلبنه
وغداهن تال اليل .. وغداهن تالي اليل
والزين مايعرفنه .. الزين مايعرفنه

ادري بتقلون كلامات لا قافيه ولا شي بس وربي لما تسمعونها ملحنه بتعجبكم ..

المراد سلمنا على بعض ونزلنا وتوعدنا نشوف بعض المرات الجايه

..........................

يوم نزلت الا عذاري لابسه عباتها الكتف ولفت لفتها وطلعت قذلتها اكيد وراحت

انا: وين انشالله
عذاري: طالعه
انا: مع من انشالله
عذاري: وانتي شكو
انا: وشكو هذا شيطلع << على بوني صايده الحركه مال نعل تفرك وجهي
عذاري:ههههههههههههههههه وربي غبيه وتطلع وتخليني بحيرتي

شكو منو هذا .. وكل من سألته يطالعني بستغراب شكو منو .. يقول انتي غبيه ولا تستغبين
عاد بالاخير عرفت ليش يربطون اسم شكو بغبيه طلعت زوجته وانا مادري

المهم..

ورحت غرفتي انسدحت وكان البيت فاضي امي وجدتي رايحين لعرس بنت عمة خالة امي .. يعني تعالوا حكوا ظهري .. وعنود رايحه السوق ومشاري بمعسكر الضباط وعذاري واخوانها طالعين مع ابوهم يمشيهم ..

انا انبطحت بغرفتي اتقلب وعهد ماسكه مجلة المختلف الي من سنتين شرتها من عياديها وجالسه تقرى فيها لاهلحين مع اني عارفه ان مسكت المجله وسمعت لعهد وش مكتوب بالمجله بتقول على طول اجل سنتين وهي تقرى فيها ياحافظ ..

دخل ناصر علينا .: البيت ليش هدوء
عهد: كلن طالع
ناصر: وانتم
انا: وحنا شنو
ناصر: بس منثبرين بالبيت
انا: وين نطس
ناصر: تطلعون مع امي
عهد: امي تخلينا نطلع معها عشان تنجلط
ناصر : مالومها والله لانكم فضيحه
انا: طيب وش تبي
ناصر: بس زهقت وقلت اجي عندكم
عهد..وتعدل في جلستها حياك الله ..
ناصر.. واستحى : الله يحيك
انا: ورى ماتروح لربعك
ناصر: مالي خلق اطلع من البيت
عهد: دام انك فاضي ياوخيتك انا مريضه
ناصر.. وينسدح ..وش فيك
عهد: والله ياوخيتك احس بمراره بحلقي دايم ونومي قل ماعد انام الارق ذبحني
وعيوني لا جت الساعه 8 بدت تصي حمرا
ناصر: طيب وين المرض
عهد:وهذ شنو
انا: يمكن ماعجبه مرضك مرضي بيعجبه اكيد يختك اسمعني انا والله صايره مغير اتحك
جسمي بس يحكني و
ناصر : تسبحي يالجربانه
انا: هاه والله اني اتسبح
ناصر: انا وش مجلسني عند مهبولات اروح غرفتي ابرك لي ..

طلع ناصر وانا حطيت راسي وبسابع نومه وعهد ماطولت خمس دقايق الا وهي تشاخر وبدت معاناتها مع الثوب ..؟..

.............................. .......

قمت من النوم وانا اتمغط ورجل في كرش عهد والرجل الثانيه مرفوعه بالسماء ياحلو الذرابه ياناس .. وقفت قدام سريري ابي اطير النوم قمت انتفظ ابي النوم يطير وعقبها طقيت ظهري وصحت بأعلى صوتي .. أصبحنا واصبح الملك لله

عهد .. متروعه : هاه منهو جونا طرحوه
انا: وش تخربطين
عهد: الله بس يبيدك من البشريه مرجتي قلبي جعلك للمراج
انا: تهبين أي والله اصلن ان مت انا فقيده صج
عهد.. وتعدل: وليه ياوخيتك
انا: لان ربي ماخلق مني فصيلتي غير بنتين وحده مات بزلزلال باكستان والثانيه انا حفظني الله ورعاني
عهد: الله يالمعمره يعني انتي لا متى يطلع تحتك نفط
انا: اجل نفسك غاز طبيعي
عهد: بس لامتي ورينا قبرك ياملعونة الجدف
انا: بصير نذله ولاني معلمتكم
عذاري: بس يا ازعاج في ناس نايمين
انا: والله احسبه بهايم
عهد.. خخخخخخخخخخخخخخخخخ
عذاري: مالت على الكشره بس بنام والله مانمت الا الفجر
انا: أي والله من الدوجه تالي اليل ..
عذاري: موتي حره كل يوم اطلع اتمشى وانتي ماتطلعين مسكينه
عهد: لا حنا نطلع ياقلبي
عذاري: متى
انا: صلاة العيدين ولا بغينا نشتري بدال العيد
عهد: اجل تحسبينا نفسك مغير تدوجين بالشوارع
انا: أي حنا راعيات بيت
عذاري: طيب ظفوا وجيهكم

انا .. وانسحب بكل كرامه وشموخ .. امحق كرامه اجل امك خلت فيك كرامه .. يالله خلوها على الله .. اصلن الكرامه مايمدحونها هالايام ..

نزلت لدور السفلي وعهد راحت تغسل الملابس .. عقب كرفنا المعتاد في البيت رحنا ارتحنا انا وعهد عقب مافرشنا لنا فرشه بالحوش ماهي إلا خمس دقايق إلا جدتي صيته جلست ودلتها في يدها ..

صيته: عذيب انهجي ظفي الملابس وحطيها بصندوقي
انا: جدها انا طالبتك مالي غير خمس دقايق من جلست الله يرحم لك امك وابيك
خليها شوي
جدتي: لالالاع ابيها هلحين
انا: ياجده تفكين خليها بعد شوي
جدتي.. لالالالا مابي هالحين هالحين

عاد جدتي لا تنحت وش يفكم منها والله ينها تتنيحت صعيدي متريق فول مطمس

انا: زين < واهد فنجالي مسويه ويا ذا الفيس زعلانه وانا وجهي محدن درى عني

والله وادخل الغرفه واصفط الملابس وانا الهم كاسيني كل انا كل انا والله لو اني جحش حموني على الاقل اعطفوا عليه << والله يذا الجده لا حقوق الانسان نافع فيها ولاشي مافي غير اجيب حقوق الشغالات كود يعتقوني من مطالبها الي يجيب صداع بالركب ..؟..

عقب هالترتيب وانا اطلع من الغرفه واتجهه للحوش اكنسه وانا اغني وطربانه ..؟..

** يالله انك اتهون كل ماجاني.. تحسن الخاتمه وتزين النيه**
**اشهد ان الشباب اقفى وخلاني.. راح وماعاد له بالوجهه ماريه**
**عزتي لج وان جاك ماجاني.. أتقلب ولا ادري وش جرى ليه**
**صرت ماعاد أسير يم جيراني .. لطري البر والروحات والجيه **

ماوعيت ولا على صوت صيحه واحدن متهيض .. ياو

رفعت راسي للسماء ماهو غرور << يختك الهبال واجد .. رفعت راسي للسماء ولا اشوف زول
ورعن هاه تعطونة حروت 15 مدري 14 لا استخفر الله 13 المراد ورعن داجن مدجته امه

انا: ياعلك وش الي اقول كيف تطل على حوش جيرانكم جعلك ما تفلح
هو: بدال هالمطالب روحي تستري وجهك غبر

وقام يقصد ..

< مسكين ياعقدن على عنق شينه .. وجهن غبر خرب وهج الالماس
منهو الهبيل الي تبين تفتينيه.. والله يالولا العقد لقول عباس >

وانا الي ينصفق وجهي .. ياصباح التحطيمات .. قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
الرابعه
هو: بس بس السموحه ولا يهمك بنقصد فيك
انا: قل
هو:

< مية هلا بالي يكحل ثناياه .. الي يحط الديرمه في عيونه
الي حدا نهديه من خلف علباه .. والنهد الاخر روحوا يطردونه>

انا: يكون مرقعها مع هالوجهه اصبر علي اطلع لي كم بيت وارد عليك ايها الورع المورنع
هو: ههههههههههههههههههههههه

رحت للبيت وانا اتفكر بقصيده ارد على هالورع الشاعر ..

امي.. ابج ياعذبيه وش رايتس تروحين معاي العرس عنود تقول ماهي رايحه
انا.. سرحانه اركب بيتن على بيت
امي: ياعذيب وش رايتس
انا: ولاني يمها
امي.. والعداد ظرب حده والدخان يتصاعد من نافوخها بصراخ : عذاب

وانا .. الي ينمرج قلبي من التفكير وصحيت من الروعه << حتى الجمل قلبتها من الروعه ياو
لاتشفون امي تصيح .. اصلن مفروض اتعود على عصبيه امي بس بنت الحلال كل يوم لها صيحه غير وعصبيه غير يعني مايمداك تالف على وحده الا الثانيه جايه طردي وراها

ولا هلحين الوالده لها 6 عصبيات وصرخات

الاولى: لا قامت من النوم والبيت عفيسه
الثانيه: لا دعت عليها جدتي
والثالثه: لا كانت جوعانه
الرابعه: لا درت ان جونا ظيوف فجأه وهي ما استعدت
الخامسه: علي انا وعهد لا جلسنا مع بعض نسولف ونضحك ولا ردينا عليها
السادسه: لا انتثر شي او انكسر شي بفعلها هي .

على طاري لا انكسر شي افتكر مره امي طلبت مني اودي دولكة فيمتو< حيخلصوه
للدوانيه عشان الفطور المراد وانا الي انطلق بالدولكه كد المذن اذن وبلحق افطر ألا وانا الي ازلق والفيمتو كله علي والدولكه انكسرت منو الي سمع صوت الانفجار

صح قلتو الوالده .. ولا تجيني طايره انا من الروعه خفت لا تشوفه الدولكه انكسرت رحت جلست فوق القزاز خوف انها تشوفها وهي الي تلعن جدفي ليش كبتي الفيمتو وانا الي بقوم انحاش ولا تشوف القزاز متكسر وهي الي تنفجر انفجار خلى ام بخيت جارتنا تسخن خبيزاتها على النيران الي طالعه من البيت ..

طبعا انا عضيت على ثوبي وطيران لغرفتنا .. نا
وامي من الحره تمسك عهد وتمسح الفيتو بوجهها .. والحمدلله مشت على امي .. بس الله يسامحها جلست اسبوع وانا اطلع القزاز ..

المهم نرجع لمحور حديثنا الي هو عن ويش ياطويلين العمر أي تفكرت يوم امي تصيح ..

انا: موافقه موافقه
امي:وتحسبيني باخذ رايك قومي ألبسي وسنعي شعرك ..؟

رحت لغرفتي .. وجلست استشور شعري الطويل .. الي انكسرت ايدي وانا استشوره
والله يالربع من الساعه 2 الظهر إلى 6 المغرب وانا ماسكتها استشور

بس تخللها غسيل المواعين .. وتصفيط الفرش .. وكنس السطح .. وحنيت راس جدتي..
وتصليح أريل البيت والقائمه تطول ..؟..

المراد

وانتي ياعهد تفرك كبدها تبي تروح معنا راحت ريحها أي والله .. وراحت تزن على راس امي تبي تروح معنا

عهد .. وتفرك ايدها : تفكين يا يمه ودي اروح معكم
امي: لا بس وحده
عهد: الله يخيك يمه ودي اتونس من زمان ماطلعت من البيت
امي: لا عندك شغل روحي كملي شغلك
عهد: والله والله اني خلصت كل شي
امي: اكنسي السطح
عهد: كنسته وخلصت << الكذوب والله اني انا الي كنسته وهي ظلت تسولف مع جوزه
امي: اغسلي الفرش
عهد: والله اني غسلتها من اوليه الصبح
امي.. وتهد سكانتها : ياملعونة الجدف مانتي برايحه
عهد.. وتبكي: أأأأأأأأأأأأأأأع ودي اروح
امي: تمسك وجهها وتفركه بالنخله الي شوهه وجهها فوق ماهو متشوهه ..

تصدقون توني اعرف ان ليش حنا يابنات امي جياكر والله من كثر ماتفرك وجيهنا بالقاع وتحذفنا بالي عندها بعكس أولادها المدلين ..

المهم .. وعهد الفطينه تبي تفتك من طق امي .. سوت نفسها ميته ..

وامي .. على كثرطقها لنا وهبدها لنا إلا انها تخاف علينا يعني ماترضى احد يهينا غيرها هي
وهي الي ينمرج قلبها وتقعد تصيح ..

امي: وا قر جيبي قراه يابعيدي يابنتي ياويلي عليك
عهد.. ومطلعه لسانها .. يعني ميته اكسر الخاطر
امي.. وتهزها مع كتوفها: قومي يا عهيد وتروحين معنا العرس
عهد: وهي الي تفز : صحيح يماه
امي: وتهبدها هاك الراشدي : نعنبوا ذا الزول مرجتي قلبي عليك
عهد.. وتحظن امي : لهدرجه تحبيني يا أميمتي
امي: وتكزها ألا هي والجدار عيال عم : وش عدوتي انتي بنيتي ورى ما احبك

عهد: تلملم ماتبقى من عصاقيلها وتنهج تروح فوق تبي تكشخ ولكن ما أمداها
فا قرت انا تروح متبرقعه ..؟..

انا يوم خلصت من شعري واروح لختي عنود تحط لي مكياج ..

انا: عنود الله يخليك حطي لي مكياج
عنود: اسفه مشغوله حيل
انا: الله يخليك
عنود: ماتشوفين جالسه احط لنفسي مايمديني احط لك
انا: من يحط لي مكياج
عنود: يعني المكياج وش بيسوي فيك جيكره جيكره ..
انا: ألعن يوم التحبيط انا ما اصدق معنوياتي ترتفع وانتي بكل بساطه تحبطيني ..؟

ورحت اجر اذيال الخيبه .. وافكر من يحط لي مكياج قلت مافي غير اني اخبص بوجههي لا منة الناس.. مثل مايقول الشاعر ..

مانبي من ورى الناس منه .. رزقناعلى منشي الغيوم

صح السانه اشهد انه جابها اخو بطحه

المراد .. واروح لكبت عذاري واصرق منها كم كحيله على حميره على فلاش (تقصد بلشر) المراد وتوني بسكر الكبت ألا وعذاري حاطه يدها على خصرها وتهز رجلها

عذاري: وش تسوين بكبتي
انا: ماسكه الاغراض : اعوذ بالله يا عذاري تظنين اني اصرقك
عذاري: اجل هذا شنو
انا: مكياجك بس كنت بحط منه وبضربه عليك
عذاري: بس عقاب لك رجعيه ومافي مكياج
انا.. واقلب وجههي لوجهه يكسر الخاطر : تفكين ماعاد بقى غير انتي
عذاري. بكل حقاره وتكبر : رجعيه
انا: عناد فيها : أحذفهه بالارض واروح واخليها : ماعاد فيه مرجله تتناحس معي على شأفة كحيله على حميره ..

واروح أصرق كحل جدتي مافي غيرها واتكحل منه من غير لا شدو ولا كريم اساس ولا هم يحزنزن بس كحلت عيون حيل من فوق ومن تحت ومطيتها لي ورى .. ,

اروح ألبس ثوبي الاحمر الي عباره عن كت احمر وقصته لتحت الخصر مع انه مامن خصر ومن تحت الخصر كله بليسيه ومنثر عليه كرستلات صغيره وفوقه جكيت قصير يوصل للصدر دانتيل ذهبي .. لان الوالده مثل ماقلت لكم ماتحبنا نتفصخ ... وفكيت شعري على طوله عقب ما أستشورته وصل لي فوق الركب بشوي وكثافته اصراحه كان احلى مافي شعري واخذت من عنود ربطه حمرا وربطها فوق شعري ...

المهم كان شكلي يترقع شوي صحيح انها مو الكشخه الي يبيها قلبك بس مافي باليد حيله ..

وعقبها لبست عباتي الراس وبوشيتي .. وامي كشخت في برقعها اصقر وملفعها الزري الشيفون ودراعتها التايقر وخطت لها خطه كحل مع شدور بردقاني والله يا انك لو تشوفني انا وامي انك تقول انا الام وامي البنت المهم وراحت معنا عنود وعهد . واما عذاري راحت مع اخوانها لبيت عمانها ...

++++++++++++++++++++++++++++++ ++
الجزء الرابع ..؟..

في العرس ..

دخلنا مع الباب وفي استقبالنا اهل المعرس الي رحبوا بأمي حيل لان الوالده وجابه ماشالله عليها وبخرونا وجلسونا بأحسن الكراسي كانت امي جالسه وجنبها عنود وانا وعهد امي طردتني عقب ما انصمت بشكلي قالت اجلسوا وراي ولا جاء دوري في الرقص صوت عليك ..

المراد وانا ارتحت احسن عشان افصل على كيف كيف امي ..
ونجلس انا وعهد الي متبرقعه برقعها المحروق .. والله يا ان شكلي انا وياها تقل شكل هلعقديات الي يجن للعرس يبن العشاء...

بدت الطقاقه بأغنيه ترحيب بالحظور .. وبعدها بالقهوه ... وبعدها غنت بأهل المعرس
والمعرس وبعدها بقبيلته وبعدها بالحظور الي جاين لعرسهم يعني كل وحده وقصيده بأسمها..

مرت للي الفبنه الي توزع الحلا والقهوه وانا الي اخذ لي واحد .. وازرطه .. واشرب لي فنجال .. عشان اكيف الراس واضبط لي الرقصه ..؟..

ويجي دوري للرقصه وانا الي انفض العباة ال تقول عباة زورو ناقصني بس سيف وكملت يغنون لي باتمان .. شكو المراد مشوها ياكثر مامشيتوا بس اصبروا ان الله مع الصابرين ..؟..

وانا الي اضبط لكم الشعر وانزل يوم الطاقه نادت بأسمي واقف بالملعب عقب ماتراهنت انا وعهد اني والله لهيض الحريم واخليهم يلاعبني ... لان الرقص كان ميت ...

وتطق الطقاقه ..

طبي الميدان ياشمعة عربها .. واطلعي مثل القمر بين النجومي
ياهنوف بالعرب محدن عجبها ..

اطلع سرى ورى

وانا الي اقوم لكم لفح بشعري واخليه على وجهي .. عشان مايبان جكري واقوم وارفع يدي واهلي بالحظور وردح وردح والله ان دكيت القاع

ولا الغاليه اميمتي يوم شافت رقصي وهي الي تقوم تتهيض وتقوم اختي عهد ما استحملت تشوف الملعب فاضي ويقومن حريم جيرانا وبنات خاله امي واهل المعرس والله يا ان الملعب انترس ماتشوف الراقصه من كثر ولا تقوم عجوز تمسك عباتها وتحذفها فوق .. يعني ماعقب هالحركه شي << يعرفنا بنات البدو يعني انك عجبتيها بس ادعي يكون عندها ولد ..

وتخلص الرقصه ويقومن الحريم يصيحن .. كله لك كله لك ..
أي والله يا اني فرحت اخيرا احد قدر مواهبي .. وانالي اجلس

وعقبها طلبت لي ام المعرس اغنيه ورقصت بس والله اني نسيتها بس اذكر من كليماتها

ان هالبنت زينها مايتطوف .. تكفون بغلو رجال الدفاع والداخليه .. يعني يخطبنها

المراد .. وقربت دخلت العروس وتدخل وجلست بالكوشهه وبدوا هلها يرقصون بعد نص ساعه دخل المعرس يابعد حي

تصدقوا بالله اني رايحه العرس ومدري وشيقربون لنا بالاخير اكتشفت انه ابو المعرس خال امي من الرضاع .. يعني مو حكوا ظهري ألا اغسلو بكلوركس ..؟

المراد ويدخل المعرس معه ابوه وعمانه واخوانه الاثنين والي راح تنصدمون لو قلت لكم منو اخوه


طلع يامقصوفين الرقبه << تقصد ياطولين العمر .. (((القريعه )))

يا ان قلبي رف ..وعيني تسارعت نبضاتها.. وبطني يصدر اصوات << يالكذوب من الجوع
مو من الهيام ..

انا: اشهق .. عهيد عهيد
عهد: علامك
انا: القرعه القرعه خوي مشاري
عهد: وينه وينه << وتلفت العقديه
انا: اصقعها ابك عانيه قدامك تتلفتين ليه في رياجيل غيرهم بالصاله ..
عهد: ياملحه ملحاه يهبا وش هالزين

المراد امي راحت سلمت على المعرس وباركت له وباركت لخالها ابو المعرس

وقاموا اخوان المعرس يرقصون بعقلهم .. ويلاعبون حريم عجايز ألا القريعه الي كان واقف بشموخ وغرور ويبتسم وهو يطالع الحريم من تحت لي تحت .. ياعليه غمازات دميره ملعون الجدف

انا .. من الغيظ يشوف حريم .. وكنت قريبه شوي من الملعب الي هم واقفين فوقه .. فأشرت بيدي اني ... بط عيونك يا مقصوف الرقبه

ظل الورع يطالع فيني متروع .. وش هالخبله .. الي تبي بط عيوني ... بعدين ابوهم اخذهم من علباهم وطلعوا برى الصاله..؟..

المراد اخذ المعرس العروس وراحوا توكلوا على الله .. وحنا تعيشنا عقبها مشينا لبيتنا
وانا بالطريق افكر .. شلون القرعه طالع وهو محجوز بمعسكر الصممود مع مشاري
شلون هو طلع واخوي ماطلع << طلع ابن الحلال وصل عنده واسطه اجل نفس اخوك داج ماعنده غير الدجه

وقلت اليوم لازم اعرف كل شي ..

انا: يما العرس وش يقربون لنا
امي: عيال خالك
انا: أي يعني خالي الشايب
امي: لا المعرس اكيد الشايب اجل من
انا: اي يما مو كنه القرعه خوي مشاري اخوي
امي: من فارس أي خوي مشاري
عنود: هم مو جيرانا بعد
امي: الا جيرانا بيتهم لاصق في بيتنا
انا: والي تنفتح كشرتي وناسه طلعوا جيرانا ..
امي: مساكين : يتمينين ولا عندهم ام ولا اخت مغير3 عيال في بيت واحد مع ابوهم ومرت ابوهم
عهد: ياعيشه اكيد متعذبين
امي: يقولون ان مرت ابوهم قشره وماهي طيبه فيهم
انا: ايه يامساكين ..؟..
عهد.. وتكزني .. اسمه فارس فارس
انا: وألكمها بواحد .. دريت دريت انطمي

ورجعنا البيت وعقبها نمنا نومت العوافي ..؟..

.............................. ......

مرت سنه من سكنا في بيتنا الجديد ومامن جديد كل يوم نقوم اصبح نكرف في هالبيت
ونصلح دلال قهوه لجدتي .. وزادة خبالي مع شلتي الجديده شله الداشرات ..
وفارس القرعه ما عندي له خبر غير انه زاد غلاه في قلبي ..؟..

المراد

اليوم رايحن السوق مع شلتي الداشرت رايحين نشتري بدل حق العيد الي عقب يومين وهو عيد الفطر .. وكنا راكبين باص حق اهل نوير كان باص صغير ابيض تعرفون الي كان باص هو بس نقص على الي يصنعه حديده وخلاه مشروع باص ..


انا: نوير الله يخسك ومن اليوم باص وباص وبالاخير محول كهرب
الكل:ههههههههههههههههههههههه
نوير : تفتح الباب: يالله طسن للي مو عاجبه البعير ياسع للبا
عهد: والله ماهو عاجبنا بس ماباليد حيله
نوير: يانعنبوا ذا الوجيه صحيح انكم ماتستحن
محيله: عادي وجهننا مغسول بمرقه

وتونا طالعين من نا مرينا صوب بيت القرعه ولا عرفتوا اسمه فارس < يلبي قلبه
ولا توه نازل من سيارته البورش ولابس هاك الدشداشه الناصعة البياض الي غاسله بتايد للغسيل مفيس سمنتحيل (مستحيل) ..

المراد والله وكلنا لفينا نشوفه يعني تخيلو معاي المنظر
انا وعهد ونوير ومحيله وجوزه ومريم وخزنه وضحه كلنا لفينا روسنا نطالع فارس .. معاي يعني 8 حريم وراكبين باص وعيوننا تبي تتبق على الورع لو انتم مكان فارس وش تسون

كان فارس توه نازل من السياره وبيده كيس وجبه من برقع كينج (برقر كنق) واول ماشافنا من الروعه طاح الكيس منه وقام يشوفنا متروع .. شكنا الورع بنفسه

ومن عدينا ال ولا كل وحده فينا ترجع لوضعها الطبيعي الي تفصفص والي تهرج بالتليفون والي يتحاورون انا ومحيله كنا نقصد ونرد على بعض ولي تحق مع السايق والي تتكحل يعني كلن ألتهى بشغله بمجرد من طلعنا من ال يعني كأنه وحانا مارين من بيت فارس طاقينا صطب (ستب) وعقبها طاقينا بلي ..

دخلنا السوق .. وقرت اني انظم البنات اجل ندخل فوج تقل فوج غنم .. وصفينا طابور كل ثنتين مع بعض وندخل محل ونحوس فيه ونجنن الراعي وعقبها نطلع ..؟..

دخلنا محلنا الاخير وكل وحده تجودت لها في بدله ودخلت غرفه التبديل الي كانت بس اربع غرف واستحليناها ..؟...

انا.. من ورى باب غرفة التبديل : يالله جوزه عجلي علينا
جوزه: زين السحاب عيه لا يتسكر
انا: هذا وانتي عصاقيل اجل انا وش اقول
جوزه : روحي جيبي لي مقاس اكبر
انا : واروح اجيب لها مقاس اكبر

عهد .. تصيح ومحيله تحاول تسكر لها لسحاب بالغرفه الي جنبنا: أأأأأأأأأأأ
محيله: اصبري جعلك لساحق
عهد: عورتيني سكرتي على لحمي جعلك ما تكبرين
محيله : يحول اصبري اصبري
عهد: وترفس :أأأأأأأأأأأأأأأأأأأأأأ
محيله: والله ماني قادره اسكر من هسروال الطويل
عهد: وتصيح: لالالالا إلا سروالي
محله: يانبو من علمكم الستر

خزنه وضحه يتهاوشون مع بنت على الغرفه ..

خزنه: حنا جاين قبلك واختك هذي وينها
البنت: مالك خص بوقف على الباب لين تختار بدلتها
وضحه: ابك هديني عليها ألعن جدفها : هيه لا جت اختك تدخل هالحين ماعندكم شي بالغرفه
خزنه: وعلى ماتجي اختك يمدينا نخلص
البنت : سوري

ويمسكنها البنات ويدخلنها داخل الغرفه ويقفلن الباب عليها من برى وهم ميتات ضحك
جاء صاحب المحل بيطردنا معاه السكرتي عاد حنا من شفناهم وحنا ركض برى المحل
يعني اشكالنا حدث لا حرج .. الي متجوده بنعلها وتركض حافيه والي تركض ورافعها عباتها ولا تشوفون ثوبها تحت العباة والله بنقاليه اشكال حدث ولا حرج

المراد طلعنا من السوق وكل وحده متجوده في كيسها حق البدله وهي حدها مبسوطه
ورحنا لبيوتنا .. وتواعدنا من بكرى نروح لصالون عشان نكشخ للعيد ..

انا ماسكه الكيس واركض بحوش المنزل .. ورجل قدام ورجل ورى .. واغني لالالاله للهلوه لله << ولا فلونها بزمانها ..؟..

ويقطع علي حبل افكاري صراخ اخوي مشاري : سكوت
كان عنده رياجيل بالدوانيه .. وانا يمال الطفاقه الي تطفقني رديت عليه رد يدل على غباء راعيه

انا: حنصور خخخخخخخخخخخخخ
ومادريت ألا ومشاري طالع من الدوانيه جايني يركض : أأأأأأأأأأ << الزير سالم

وانا الي اعرط بطرف ثوبي وركض ولا ركض الارنب يوم تلحقه السلحفاة .. انكم والله ماتشوفون غير غبرتي <<عجاج عجه ان حتى من عقب ركضي نفضنا بيتنا من جديد من الغبره ..

واروح انخش ورى امي وانا اصيح : خشيني خشيني
امي: والله لو اني فيل ماقدرت ادسك
وانا: الي احط راسي ورى ظهر امي ويجي اخوي يرفسني من ورى ويوم خلص
وانا الي اقوم : الحمدلله ماجاء راسي شي
إلا والدله فوق راسي ..
جدتي: صلحي لي قهوه
انا: جده انتي شنو تتنفسي قهوه بسك حرام اعتقي الي يزرعون القهوه كانوا شالين بعضها حق الاجيال القادمه بس انتي جبرتيهم يبعونك اياها ماعاد فيه جيل قدام يوخيتك
جدتي: اقول بس فلفستك الي تمصع لبطن جهزي دلالي بيجيني ضيوف
انا: منو << يمال الطفاقه تستاهلين ماجاك
امي: وانتي شكو شكو روحي سوي الي جدتك امرتك عليه ..؟..

والله واروح اسوي هاك القهوه الي حكتها حوك خليت للي ماشتر يتفرق ..

واحط الدلال ولا اسمع رياجيل عند حوش جدتي ناظرت من ورى الباب ولا اشوف خالي ابو فارس ومعاها فارس ومشاري جالسين عند جدتي وامي ..

انا: اتنحنح وانعم صوتي .. قهوه
نط مشاري.. واخذ مني الصينيه : اقول لك اتركيها
انا: وابحلق فيه ومتجوده فيه : الله يحفظك يارب صب القهوه على رواق
مشاري: يا غبيه اتركي الصينيه
انا: واتركها .. واودع اخوي كأني ماني شيفته عقبها..؟..

ورحت نطيت لغرفتنا .. نا ولا عهد تفرك رجولها بفكس ..

انا: الله يروح فيك وش هالدهن وليه متدهنه فيه
عهد: بكرى لعيد وأبي اكشخ أي اصير بيضه
انا: والله انك بتصرعين الناس يمال المرض تبين البياض هاه
عهد: أي والله ودي به
انا: اقول والله هاك اليوم سمعت بالرادو يمدحون الفلاش يقولون انه يبيض
عهد.. وتحط ايدها على ذقنها : اي وانتي صادقه انا اشوف حمامنا يبرص اثره من الفلاش
انا: أي والله الفلاش ومايسوي
عهد: وتقوم تبي تحط فلاش .. بلحق عليه قبل مايخلص
انا: وكان تبين تصيرين انتي والمبه واحد حطي كلوركس
عهد/ انتي صادقه
انا: وهل عهدتي علي الكذب من قبل
عهد: وياوخيك هل عديتي الصحيح من قبل
انا: واقمط مكاني أي والله اني كذوب

واروح انسدح بفراشي بعد يوم طويل حافل بالتعب .. وتوني بغمض عيني .. وزانت النومه ولا تدخل عذاري تركض وحاطه ادينها على وجهها وتضحك بحراج كبير ..

عذاري: امبيه فشلها احراج

انا من شفتها تضحك وخدودها حمر ومتفشله وحاظنه المخده وتبتسم بخجل : وانا يطري علي فارس والله ان قلبي ناغزني ..

انا: وحاطه يدي على قلبي ..علامك متفشله
عذاري: وتعدل بجلستها .. وانا طالعه للحوش كنت بعطي جدتي التلفون ولا اشوف رياجيل عند جدتي جلست مصنمه ساعه من الاحراج وبعدها دخلت وانا متفشله
انا.. واغمض عيوني: بلبسك هذا الشنقوط والبدي العلاق
عذاري.. امبيه : أيه
انا:واطقها لكم بكيه ولا بقره متعشين ورعها : أأأأأأأأأأأأأأأأأأأأأأأأأأأأأأ ع عزالله غسلت يدي أأأ
عذاري: منصدمه ..شفيك ليش تبكين
انا: على موقفك الي يفشل
عذاري: يضحك مايبكي هذا
انا.. وامسح خشمي بطرف كمي : ابج انخشي لا يجي مشاري يلعن مترسك
عذاري: لا مشاري كان يضحك من الموقف
انا: ألعين ابو ذا الفيس ألحين انا بس طلع صوتي طقني طق 5 سنين قدام وانتي طلعتي بوجهه الرجال وماقال لك شي . صج دنيا حظوظ
عهد.. وهي جالسه تفرك وجههها بليمونه : أي يوخيتك عذاري بنت مزيونه حرام تنطق اجل على بالك جيكره نفسنا اطق محتوم علينا
انا:أي والله ياأنه حنا مظدهدات كله من امي الي خلت اخوان يمدون يدهم علينا
عهد:ههههههه ابج جايه الحين مسويه فيها ابو الكرم اصبري كلها سنتين ونروح لرياجيلنا ومعاد احد ماد يده عليك
انا: أي والله صبرت هالاسنين كلها وعجزانه عن سنتين
عذاري: وربي انكم مهبل مهبل ياناس مهبل
عهد: وش الجديد
انا: أنا ادري الي يقول مكتشفه لها اختراع غيرك قالوها من اول
عهد: وتطفي اليت : هالله هالله يالله بنات ارقدوا
انا: خمدوا نامو نامو خمدوا نامت عليكم طوفا
عهد: غانم الصالح هش ولا كلمه ..

......................

اصبحنا الصبح وكرفنا في البيت .. وعقبها يوم اذن المغرب وانالي اتصل على شلتي نبي نروح للصالون .. نتكشخ حق الحف والاستشوار والنقش والصبغ والقص كلن ومراده ..؟..

المهم ونركب هالمره سوبرنا الازرق الي بيبانه مهرقله يعني البيبان تتجود فيك مو انت تتجود فيها والي يقهرك كاتبين ورى السوبر .. ماشاء الله
يختكم على شنو والله لو ان بس عيني حاره كان هبدته هاك العين الي تخليه فحمه اجل ماشالله ..

تحاشرنا بالسوبر ورحنا للصالون الاول قفل الباب في وجهنا ورحنا للثاني كذالك بالاخير رسينا لنا على صالون مروح داج مافيه غير 4 الي يشغلون ولا فوق هذا زحمه بس شنسوي هم الي رضوا يستقبلونا

انا: وانطر دور الحف لاني ناويه احف واستشور .. والباقيات يبن يقصون شعورهن وانا وعهد متحطمات نبي نقصه.. المراد وانا ماسكه لي دور

ولا تجي عهد وعيونها متغورقه .. تفكين بقص شعري
انا: عشان الوالده تقرعك على الصفر
عهد: أأأأأأأأأأأأأأأأ اجل بصبغه
انا: يابنت تعوذي من بليس
عهد: بس بصبغه ماني قاصته
انا: يحول كيفك
عهد: ا
انا: علامك روحي اصبغي
عهد: تمد فلوسها : ماتكفيني الفلوس
انا: وش اسوي لك
عهد: عطيني فلوسك
انا: وانا ابي احف واستشور
عهد: تكفن مو لازم حف ملابسنا كمومها طوال انا احفك بالبيت واستشورك بس الصبغ مانعرف له

المراد ماطولت معي إلا وانا اقتنع وتروح تصبغ لكم شعرها نحاسي بس وربي ان لونه قمه

انا يوم اشوف عهد عقب الصبغ والاستشوار .. وربي ماعرفتها طلعت اختي حلوه وانا مدري.. لا الحمد لله في امل نصير حلوات .. ونرجع لبيت وانا مغير عيوني ناقزه على اختي .. من الفرحه اخيرا وحده تجرأت فينا وغيرت بشكلها ..؟..

دخلنا البيت ومكان فيه احد ورحنا ركض ..لغرفتنا نا ؟؟

ولا كانت عذاري جالسه بالغرفه وتلعب بالهيس الاربد (قصدها الاب توب )
انا.. مستغربه : علامك مارحتي للصالون تحورفين بعمرك مثل كل عيد
عذاري: حابه لوكي الجديد ومابي اغيره بالوقت الحالي ..

وتوها عهد تدخل الغرفه وتفصخ عباتها .. ولا تصيح لكم عذاري صيحه ولا صيحه ام عواد يوم تشوف فلم المرعب

انا: علامك
عذاري.. وتأشر على عهد : أأ عهد صابغه شعرها
انا.. وبنتصار: وش فيها
عذاري: ليش ماقلتوا لي انكم بتغيرون اشكالكم كان غيرت من شكلي

تقوم تتصل بصالونه اسمها شهيناز تجي تغير لها لوكها الحسوده ..؟..

انا: يالله نزلنا تحت نفاجئ جدتي وامي
عهد: هم جو
انا: يقولون
عهد: وتفتح شعرها على طوله يالله
انا: واركض وراها .. ونزلنا تحت ..

واول مادخلنا المجلس على امي وجدتي .. ويوم امي شافت عهد واعرفت انها عهد .. قامت تصيح : يافضحي فضحاه صابغتن شعرك
عهد:يما صبغته ماقصيته
امي: أنا الغلطانه الي خليتكم تروحون بروحكم للصالون
عهد: يما والله اخر مره والله وربي
امي: ليه كنتي ناويتن غيرها
عهد: أي كنت ناويه اشقر

وتمسك امي عهد من شعرها وتروح للمغسله حق المطبخ وتفرك شعر عهد بفيري .. صحيح انه يبض يا امي العزيزه بس ماقالوا انه يطير الصبغه

امي: عذبيه جيبي لي قاز بنوخر الصبغه
عهد.. وترفس : التوبه التوبه يما
انا..واركض احب راس امي وميته بكي على اختي : تكفين لا تحرقينها ترى كلها صبغه الله يخليك اتركيها الله يخليك
وجدتي.. تركض ورى امي .. ياملحه تعوذي من ابليس ماصار شي اتركيها يابنت ..
امي: وترك عهد : والله ان سمعت انك صبغتي شعرك مره ثانيه والله اني للعن ماترسك ..؟..

.............................. .....

ترن ترن ترن <<صوت جرس الباب

انا: يا جوهره قومي شوفي من على الباب
جوهره بنتي : يما تكفين كملي القصه اندمجت معاها حيل
انا: روحي يالله افتحي شوفي من على الباب يمكن ضيوف
بندر : يمه اخلصي كملي السالفه وش صار بعدين على خالتي عهد
انا: والله ماكمل لكم قصة حياتي إلا لين تفتحون الباب
بندر: سعود روح افتح الباب
سعود: كله انا كله انا
عهد: أي اصغر القوم مندابهم ..

يقوم سعود بتثاقل البطيطه ويمشي يتدربح فتح الباب حتى ماشاف منو .. وقام يركض يبي يلحق على القصه ..

انا: هاه منو
سعود: ويحك شعره.. مدري

مادرينا إلاوداخله عهد اختي علينا وكرشها متر قدامها .. وبيدها عيالها خالد وسيف ..

انا: يالله حيها ارحبي
عهد: وتجلس المهلي مايولي ..
انا: الله يسهل عليك ياوخيتك
عهد: اجمعين يابعيدي عهد عهد
عهد بنتي: خير خاله وش تبين
عهد: روحي تكفين غسلي ولدي مسفر طايح بالطين
عهد: يؤ خاله بسمع السالفه
عهد: صحيح بنت عذبيه تحب الهروج اخصي اغسليه
عهد.. وتمسك مسفر .. يؤه
عهد.. يؤه بعينك والله ان حرام فيك اسم عهد والطقمين الذهب الي جبته لمك يوم سمتك علي
انا: ذليتينا على ذهب يمال الدجه ..
عهد بنتي وتجلس : أي كملي يمه
عهد: وشتهرجين فيه
انا: اسولف لهم عن امي وعلومها فينا قبل
عهد: هههههههههههههههههههههههههههههه ههههه امي ياهي كفرت فينا
انا: وتوقعين وين واصله بالسالفه
عهد: وين
انا: يوم تصبغين شعرك
عهد:وهي الي ترفس ضحك : هههههههههه كانت مأساة أي كملي السالفه
انا: الله يسلمكم وتروح امي عن عهد

ونجلس اناوياها انتحاضن ونبكي ولا راجوا على فلم محبتهيه

 

أدوات الموضوع


روايه العرس حلم يراود كل فتاه


الساعة الآن توقيت السعودية الرياض و الدمام و القصيم و جدة 06:44 AM.

 

Powered by vBulletin® Copyright ©2000 - 2014,
يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0