 |
  |
|
|
|
|
#6 |
|
|
رد: توائم ولاكن اغراب
(بالمستشفى .... أم تولين جالسه في مكتبها وهي تعالج حالتها النفسيه من كل مريض ومريض يدخل عليها ...
بعد كذا مريض سمعت صوت تكسير قزاز ... طلعت بسرعه وهي تطالع ريان مصدومه من حالته الي من اسوء الى اسوء هالأيام ماتدري ليش ماعاد صار ينتظم للأدويته ... مسكوه الأمن بسرعه بس ام تولين علطول قالت :~ هذا مريض وعنده انفصام يعني مايحتاج كل هالضجه .. الحين بيرجع لحالته الطبيعيه .. هدوه يالله هدوه ... (لما تركوه مسكته ام تولين مع ايده بقوه عشان يهدى ودخت معاه بالغرفه ... ريان لما جلس عالكرسي .. ساكت مايتكلم ... -(ابتسمت ام تولين وهي تقول :~ ريان ...شنو تبي تشوب ..!!! (رفع راسه لها وعيونه ذبلانه واظح عليه التعب ... بحركه من حواجبه على انه حزين وهو يقول :~ دكتور هانا تعبان .. انا مليت من حياتي مليت وربي مليت .. كل يوم من شخصيه لشخصيه ولله ماهي حاله .. لما حبيتا لحياه وتمسكت فيها وتمنيت اني موب مريض عشان بنيه .. بنيه يادكتوره من لحظه ولحظه قاعده تكرهني بنيه احبها بس موب قادر اعترف لها بمرضي .. دكتور هانا خايف لو اقولها تبتعد اكثر ماهي الحين تبتعد عني وماعادت تهتم فيني مثل قبل ... دكتوره اخاف تحب غيري ولله انجن ولله اموت لو تحب هذاك الولد ... دكتوره انا مليت مليت وربي مليت ساعديني تكفين ... قولي لها قد شنوا حبها وماأبي اخسرها ولا حتى أأذيها ... انا صرت اخاف من نفسي عليها .. اخاف يوم اساوي لها شي موب قصدي وبدون ماأحس ... دكتور هانا مليت ساعدين والي يعافيج أنا صرت اكره روحي من هالحياه الي اعيشها ... ماهي حاله من شخصيه لشخصيه ... ياريت كنت للحين بمصحة الي من نفس حالتي ولا اني جدام بنت احبها وخايف عليها من روحي واتعذب بين العالم ... دكتوره حتى بالكلاس صرت اساوي اشياء جدام الطلبه بدون شعور ... بعضهم يضحكون والبعض يخاف مني .. دكتوره شساوي بحالتي شساوي ... ياريت ربي ياخذ روحي وافتج ... يارب يا ... (قطعت عليه وهي تحاول تكتم عبرتها :~ استغفر ربك وربي بيطول بعمرك وصدقني هالبنت بتكون من نصيبك وموب من نصيب حد ثاني ... ولا تسمح للأي حد ثاني ياخذها منك ... بس انت استمر على علاجك وصدقني راح تكون طبيعي مثل غيرك .. بس انت الله يهديك صاير تترك علاجك وعشان كذا شخصيتك دوم تنقلب لانك موب نضامي مع الدوآ ... اذا صج تحب البنت استمر وانتظم على ادويتك ولا تترك احد ياخذها منك ... ومنو قالك انك ماتقدر تعيش حياتك لأن فيك هالانفصام .. بالعكس تقدر تتزوج الي تحبها وتحافظ على دواك بكل اوقاته ... صحيح راح يكون فيه اعراض بس راح تكون اعراض جدا خفيفه وموب مخيفه موليه للدرجة انك تخاف من نفسك على حبيبتك ... استمر على دواك والولد الي تتحجى عنه لا تسمح له ياخذ منك حب حياتك والي انشالله تكون من نصيبك .. ريان حبيبي انت تقدر تعيش حياتك مثل غيرك ومع الي تحبه ... ريان انت قول لها عن مرضك ولا تخاف اذا هي تحبك راح تستمر وياك وتخاف عليك وبتنتبه لك ... وبتكونون حق بعض ... بس ماقلت لي شنو اسمها __^ ... -(هدى ريان شوي من كلماتها الي ريحته كثير وقال :~ نارا ... اسمها نارا ... -(ابتسمت :~ حتى اسمها مميز وحلو ... -(رفع عيونه عليها وهو يقول بابتسامه صفرآ :~ تصدقين دكتوره هي تكره اسمها بس انا اقولها حلو ... وهي موب مصدقه .. قالت شنو قالت الكل يتريق عليها ويقول نار ... ههه (ثم سرح بنارا بحب وحنان ... ريان يحب نارا بشكل جنوني وغير طبيعي .... لدرجة خوفه من نفسه عليها ... حب مافيه آدمي يحب مثل حبه ... ريان من اليوم عزم ان نارا تكون له ومول لغيره ...والفضل يعود لله ثم الدكتوره ام تولين ... (ام تولين اكثر شخصيه تهتم فيها هي ريان ... تحس فيه رجوله وبنفس الوقت طيبه مافي زيه أحد ... وفي جدا للكل ... يحب الناس وغير اناني نهائيا ... ابتسم للدكتوره ثم قام عنها بعد ماعطته الادويه بالترتيب وعلمته كيف ياكلها بشكل انتظامي بأوقات خاصه ..... لما وقف بال تذكر استنشق الهوآ وهو معزم بحياة جديده .... نآرا لي أنا وبس ... (بسرعه رآح للبناية نارا ودق عليها عالجوال ... نارا وهي جالسه بغرفتها كالعاده منسدحه على السرير بدون أي حركه وكأنها ميته ومافيها أي حياة نهائيا ... بس مثل ماهي تفكر بريان ... ريان ونارا للبعض رغم كل المصاعب .... بس انشالله ابطالنا يقدرون يتخطون هالمصاعب ويكونون للبعض ... بدون ماتتحرك خذت الجوال جمبها وردت بدون ماتطالع المتصل :~ -ريان :~ آلو ... -نارا :~ منو ؟ -أنا .. آآآآ ... أنا ريان ... -شتبي ؟ -طلي من دريشتج ... -(وقفت وطلت من الشباك ... شافت ريان واقف تحت بال وهو مبتسم ويأشر لها ... -ريان :~ نارو ممكن تنزلين .. ابي اراويج شي __^ .. -(بتردد :~ ثواني بس ... (سكرت الخط ... لبست بوتها السبورت وطلعت بخطوات أسرع .... ماكان أي أحد موجود بالشقه .... لما طلعت بال ... لقت ريان واقف يطالعها بابتسامه ... نارا تذكرت ايام طفولتهم مع بعض ... ياه شقد اشتقت لهذيك الأيام ... هي وهو وبس ... مشت عنده بهدوء ... (ريان مد يده لها وهو يقول بابتسامه حللوه :~ يالله مسكي ايدي وخليني اوديج لمجان تحبينه ... بتردد مدت يدها .. علطول سحبها وهو يركض ... نارا بتوتر وهي تركض معه وقفت وسحبت يدها منه وهي تقول :~ ريان ممكن تفهمني شسالفه ... انا صج موب فاهمتنك ... (حس بقلبه يعوره لأن مرضه السبب ... تقدم لها وهو يمسك بيدينها بحنان ويقول :~ نارا خليك واثقه مني وبس ... نارا اذا شفتي مني أي تصرف يضايقج تكفين تكفين لا تزعلين مني او تشيلين بخلطرج مني لأنه اكيد موب قصدي وغصب علي ... -وليش غصب عليك تجرحني دوم ... -(ضغط على يدينها وهو يقول :~ نارا انتي تدرين اني احبج وأموت فيج وأعشق الهوآ الي تتنفسي منه ... نارآ انتي ماتدرين قد شنو انا احبج .. لو احجي من اليوم لين بكره والله ماراح تصدقين حجي ... بس خليج واثقه فيني ولا تخلينا نبتعد عن بعض مثل هالأيام اليطافت صايره مثل السجين بقلبي ... يالله خلينا نروح الحين وبراويج مجان انا وانتي نحبه وذكرانا دوم ولأبد ... للأول مره بحياتها من بعد ماتركها بذيك السنين ,,,, تبتسم .... مسك يدها وركض معاها متشوق للمكان وهي معه ... نارا تطالعه وهي تحس براحه من زمان ماحست فيها من بعده .... (نروح للشخصيه لطالما اشتقتو لها .... عبدالمحسن .... وهو بالقصر ... صارت اخلاقه زفت وكل شي يتنرفز منه ... صقر كان جالس يطالع له فلم وبنفس الوقت يفكر بليان ... -(بعصبيه من عبدالمحسن :~ صقر شتسوي !!! (صقر رفع راسه مستغرب من عصبية عبدالمحسن فجأه عليه وعلى كل الخدم ... -خير اخوي شفيك ؟؟ -بالله انت ماوراك اختبارات كل يوم على ذالحاله جدام التلفزيون ..!! و24 ساعه برآ برآ برآ ... متى بتصير مسؤل عن تصرفاتك متى ..؟؟ صقر قوم جدامي بسرعه قوم ... (صقر فز بخوف من عبدالمحسن الي صاير ماينطاق ابدا ... عبدالمحسن مسك اخوه مع ذراعه وسحبه للبرآ القصر في الكراج ... وقفو قدام سيارة صقر وعبدالمحسن يأشر على العفط البسيط ورى السياره وهو يقول بهواش يخوف :~ صقر انت ياهل للحين تصدم سيارات خلق الله !!! اليوم داقين علي يقولون شنو ادفع تكاليف السياره الي انت حظرتك صدمت فيها ... انت معطيهم رقمي بكل بجاحه قايل شنو دقو على اخوي وهو بيتفاهم معكم .. بالله شنو تسمي هالتصرف هاه ... يهال ولا مراهقه !!! (صقر تذكر السالفه اليوم لما صدم بسياره وهو يرجع لورى بيطلع من ملابق الجامعه ... كان طفشان مره وعشان كذا عطاهم رقم اخوه وهو راح ... بس ماتوقع من عبدالمحسن هالردة الفعل العنيفه ... عبدالمحسن صاير يخوف وعصبي هالأيام ليش مايدري ... -(صقر بالرتباك :~ماكان قصدي ولله ... -(حط يدينه على خصره يتنهد بقوه وهو يطالع السقف وكأنه يقول يارب انك تعطيني الصبر الي نفذ بسبب هالولد ... -(بدون مايطالع صقر قال بحزم :~ روح عن ويهي وقسم لو تعيد هالحركات راح اتصرف وياك تصرف ثاني ... (صقر معقد حواجبه مصدوم من اخوه اول مره بحياته اخوه يرفع صوته عليه ... يعرف اخوه حنون للآخر درجه بس ليش صايركذا ماينطاق ابدا ويخوف اليوم حيل ... راح بدون مايقول أي كلمه ... عبدالمحسن ركب سيارته وطلع يشم له هوى شوي وهو يبي ينسى العم الي بقلبه ... وهو يفكر بشكل مشوش .... الله ياخذ الساعه الي عرفتج فيها ... خذتي مني كل شي ورحتي مره وحده ... وينج يالخسيسه وينج ... وينج يامايا وينج !!! (جت على باله ليان وحس بقلبه يضعف ويدق بقوه .... ليان آآآآه شكثر اشتقت لج حيل ... وينج انتي الثانيه وينج ... يارب بس من هالحاله الي انا فيها ... مايا من جهه وليان من جهه ... وماني قادر الاقي ولا وحده منهم ... (نرجع للصقر الي دخل غرفته وهو يفكر بحالة اخوه الغريبه .. رمى روحه على السرير وماحس بنفسه الا وهو نايم بسابع نومه من التعب بالجامعه اليوم ... """""""""""""""""""""""""" " نرجع للعاشقين نارا وريان ... ريان غطى عيون نارا بيدينه وهو يقول :~ واحد ثنين ... ث .. ثآآآ ... هههههه ...ثآآآآ -(نارا :~ يالله عاد قول ثلاثه بسرعه حمستني .. -هههه طيب بعيد ... 1 2 ثآآآ ههههههههه خلاص خلاص صج عاد ىخر مره ... 1 . 2 . 3 . (بعد يده عن عيونها ... نارا وهي تشوف نفسها بين بحيره مليانه ضفادع وخاليه من أي شخص ثاني لأن هالمكان هم الي مكتشفينه من لما كانو صغار ...وهادي جدا وأصوات الصراصير بالمكان عاليه ... ابتسمت وهي تتنهد براحه كبيره وتذكر ايمهم وهم يحاولون يمسكون الضفادع ... -(ريان :~ هاه شرايج نعيد لحظات طفولتنا ونشوف منو الي بيجمع اكثر عدد من الضفادع ... -(التفت عليه وهي تبتسم :~ وكالعاده انت تهايط وبالأخير ماتمسك ولا واحد عالأقل ... -مشكلتي ان يديني ناعمه وتزلق منها الضفادع بسرعه ... -(رفعت حاجب وهي مبتسمه :~ لا عاد احلف بالله .. اموت انا عالي يصرفون ههه ... -(وهو يقول بصوت عالي يصرخ رفرحه :~ يانآآآس فديت انا هالضحكه ياعالم ... وه ياربي ضحكه تجنني انا (ثم طالعها وهو يقول باستهباله الي لطالما اشتاقت له :~ الرحميني يابنت الأوآدم وخفي على شوي ماعاد فيني حيل أكثر ... (ضحكت نارا على شكله وهي تقول علبالها مغروره :~ ؤكي ؤكي خلاص رحمتك .. نعفي عنك ليوم واحد ياغلام ... يالله لجمع الضفادع هجوم هههه ... -(وهو يوقف علباله متحمس :~ هجوم هجوم واي نوت ... (طبو بالبحيره الي اطرافها تزحلق ... ونارا وريان حالتهم صعبه كل واحد مايمديه يمسك ضفدع الا ويزلق على مقفاه ويفلت منهم الضفدع ... (نروح عنهم الحين ونرجع للبطلتنا ... ومنزمان عنها فديت قلبها ... ليونه ... وهي تمشي راجعه من عملها للبيت المهجور .... فجأه طلعو قدامها شخصين ومسكوها بقوه .... ليان تحاول تصارخ بس هم مسكرين على فمها ويقولون :~ أمشي جدامنا بسرعه .... ليان تحاول تقاوم بس دموعها نزلت بسرعه وقلبها ينادي بأسم بأمها وعبدالمحسن ... (بنهاية الدوام .... ... أميره وهي تطالع فيصل من بعيد ... تروح له وتعطيه الجوال ولا لا ..؟ رآحت بسرعه وبدون تفكير عشان تفتك من الجوال لا بعدين يقول انها سارقته منه ... -(على بعد خطوات وهي تنادي فيصل :~ فيصل خذ موبايلك بسرعه ... (ماأمداه يلتفت الا البنت حاذفته عليه من بعيد ... فيصل الرتاع وبالصدفه مسك الجوال ... عصب منها بغت تكسر الجوال من طفاقتها ... بس أميره ماعطته فرصه علطول اختفت مالقاها ... .............................. .. السآعه 10 ونص اليل ... فيصل منسدح على كرسي قدام البحر ... وهو يطالع السماء والنجوم الي صايره واظحه لأن انوار ال خفيفه ... داخل تفكيره >>>> لو أنا الحين بين عايلتي الي دمي من دمهم ... شكان راح يختلف ... بتكون أسوء من حالتي يعني الحين ولا بتكون أحسن ... طيب يوبه ليش ساويت جذي ..!!! عندك سبب بالي ساويته فيني ولا لا ...!!! يمه من انتي وينك ... انتي يبتيني بالحلال ولا بالحرام ... هه .. أكيد بالحرام ولا لي شانا الحين مشت بالشوارع لا عايله ولا اصدقاء ولا أي احد يوقف بجمبي ... عندي أسأله كثيره لهالناس الي وصلوني لهالحاله الحين ... آآآآه ياعبادي ... ياليت لو أقدر أسألك هالسؤال بس ... ليش خنتني .. وخذت مني الي احبها .. والي تكون حبي الاول والأخير ... ولا يدي (جدي) ... ليش ساويت فيني جذي ... ليش تكرهني ... وآنا شكوا ذا اهلي يابوني بالغلط ... وتركوني يعني خلاص انطبقت السما على الارض لأني بدون أصل .. يعني جذي تعاملوني لأني بدون أصل !!! والسؤال الي محيرني أكثر ... هل انا صج مثل ماقال الكل ... عرقي موب عربي !!! معقوله يكون صحيح هالحجي ..!!! طيب لو كنت موب عربي اكون شنو عيل !!! ياربي وش هالعيشه الي كلها أسأله بدون أجوبه !!! ... (فتح جواله ودق على منى ... (من جهة منى كانت جالسه على الكرسي وهي مع أهلها بالصاله ويسولفون ماعداها هي الي صايره تسكت كثير من لما راح عنهم فيصل ... صحيح يدق عليها دوم بدون علم اهلها بس ولو مشتاقه تشوفه ... رفعت جوالها ولما شافت المتصل فيصل راحت عنهم وهي مبتسمه مستانسه ... أمها زينب شافتها وشكت بوضعها !!! بس علطول شالة فكرتها السيئه وهي تقول بقلبها ... لا شنو تحب أحد .. من الي بيعطيها ويه وهي بهالحاله ... بس مين هالي شاغل لها بالها دوم ..!! منى ردت وهي بعيد عن أهلها ... -آلو ... -(ابتسم :~ يافديت ولله هالصوت ... وحشتيني موت يادوبى ... -فصول صج ولله لك فقده بالبيت ... طيب مارديت علي لو بمسج انك ترجع لنا ... -(تنهد :~ منى كيف تبيني الرجع لذل مره ثانيه ..؟؟ ماأقدر وبعدين انا الي تاركهم وهم ماصدقو على الله ... بالله اسألج فيه أحد ياب خبري وسأل عني أو حاتاني ..!!! فيه أحد فكر فيني من بعد مارحت ... صدقيني تلاقين كل واحد منهم يقول هذي الساعه المباركه الي راح ... رغم اني ماكنت مثقل على أي أحد وبالعكس موب مقصر مع أحد ... بس خلاص بما اني مالي أصل .. يحكم علي الكره من الناس ومن أهلي الي ربوني على الذل بكل شي ... ماكنت متصبر الا عشانج .. بس خلاص بالنهايه ماعاد قدرت استحمل وانا اسمع كل هالاهانات لي ... منى كل واحد وبقله كرامه مايقدر يهينها عشان أحد .... ... منى !!! انتي وياي بالخط .؟ -(بين دموعها :~ طيب انا شذنبي تتركني ..!! -(سكت شوي ثم قال بهدوء :~ شرايج نتقابل بمجان !!! صج واحشتني ياشينه ... -(تمسح دموعها :~ بس أهلي ماراح يتركوني الروح لحالي الا بحاله وحده ... -شنو ؟ -مع العنود .. وأكيد هي ماراح تفظح سالفتنا ... فيصل تدري العنود مرضت من بعد ماتركتنا ... -منى بليز لا تكملين ... -فيصل ... ولله العنود تحبك .. ماتشوف حالتها صايره قليل تتحجى ودموعها تنزل بسرعه على اتفه الاسباب ... حالتها من أسوء لأسوء .... -منى يكفي لا عاد تكملين ... -طيب ماراح أكمل بس ماقلت لي وين نتقابل ... -العنود بتي وياج !! -أكيد ولا مستحيل يهدوني الروح لحالي ... -(فيصل مشتاق لمنى عشان كذا ماقدامه حل الا انه يتقبل الوضع :~ ؤكي شرايج بكافي ال ..........!! -ؤكي خلاص ... بكره عالعصر ... -خلاص عيل اشوفج بكره ... __^ -فديت قلبك ولله موب مصدقه اني بشوفك ... -ههه اصبري لا تصيبيننا بعين بعدين تتفركش الخطه __^ .. -لا انشالله خلاص ماشالله ههه ... -يالله عيل روحي نامي ليش صاحيه لحد هالوقت .. بالعاده تنامين من الساعه تسع شصارلج ..؟ -مدري خربت الظاهر __^ ... -لا عيل انظبطي لا اصطرج بكره ... -يؤ علطول بتصطرني .. -أي شعبالج هههه .. يالله ياحلو انتبهي لروحج ... -انشالله وانت بعد ... يالله فمان الله ... (سكر الخط وحطه على صدره وهو لازال على نفس سدحته ... رجع بتفكيره لكل الامور الي مرت بحياته وكيف يقدر يوقف نفسه على رجوله ويعيش حياته عدل بدون مايحتاج للأي احد ثاني .... آآآآآآآآآآآآآآخ بس متى أتخرج ... يوم مناي اني اتخرج وبعدها اكيد راح الاقي الوظيفه الي اتمناها ... (في مركز الشرطه ... ليان واقفه وهي تحاول تحبس دموعها .... -(الضابط بعصبيه :~ شنو اسمك بسرعه .. تحجى وقول لنا وين مجان الي وياك بالتهمه ... -(ودها تقول تهمة شنو بس ماتقدر من خوفها تحس لسانها انربط ماعادت تقدر تتكلم ... -(بعصبيه أكبر :~ قلت لك شنو اسمك ولله بتندم ... -(بالويل قدرت تنطق اسمها بين دموعها وشفتها الي ترتجف :~ لي .. ليان ... -شنو ..!!! ماسمعتك .. -ليان ... -(صقع بالطاوله بعصبيه وهو يقول :~ تتغشمر وياي ولا تستعبطني ؟؟ قول اسمك ولا ولله بتخيس بالسجن .. -(ودها تجلس لأن رولها ماعاد تقدر شيلها من الخوف ... :~ انا اسمي ليان ... -شنو هذي ليان ..؟؟ اذا بتجذب اجذب صح موب تيب لي اسم بنيه .. يالله قول لي اسمك الكامل ولله ولله لو بتجذب مره ثانيه بتشوف شي مايسرك ... -آآ ... أنا بنت موب ولد ... وأسمي بس ليان ... -(وقف الضابط وهو الي ماعاد قدر يتحمل اكثر من كذا صبر .. له ساعتين وهو يحاول ياخذ منها معلومات .. بس ماأخذ لا حق ولا باطل ... شدها بقوه مع بلوزته ورفع راسها من جهته ... استغرب من ملامحها ... صج هذي بنت ملامحها بنت بس ليش مسويه كذا بحالها ... -انتي بنيه ..!! -(هزت راسها بنعم ... (حك دقنه شوي وهو يفكر ثم قال :~ وحده حلوه مثلج تدخل بهالمواضيع واتهم ..!! انتي شنو الي مدخلنج بالمخدرات وياهم ..!!! -(رفعت عيونها برعب وهي تطالعه ... :~ مخدرات ..!!!!! -(ابتسم بسخريه :~ عبالج ماتدرين انج تشتغلين ويى مهربين مخدرات ..؟؟؟ -م .. م ... مهربين ..!!! مخدرات ..!! (طالعته مره ثانيه وهي تهز راسها بالنفي وتقول بصوت كله خوف وتوسل :~ و .. ولله ماأدري عن شنو تتحجى ... -قولي لي اسمج الكامل ولا تدرين عطيني هويتج ... (نزلت راسها بأسى ... بنت بدون هويه بدون أصل بدون عياله لين متى بتتحمل هالعبئ بروحها قدام الكل ... -(قال لها بصوت أعلى خشن :~ قلت لج عطيني بطاقتج ... (ليان تعبت نفسيتها ماعاد تدري وش تقول ماتقدر تنطق بحاجه اسمها .. انا بدون هويه ولا اصل ... شلون تقدر تقول كذا للمره المليون عند الناس ... نزلت دموعها بضعف .. هذا الي تقدر عليه .. تبكي وبس ... -(مسك راسه بقل صبر ثم قال بهواش :~ طيب عطيني رقم أي أحد من أهلج ... وقولي لي الي وياج غ ...... (قطع عليه صوت شرطي يقول :~ لقينا ثلاثه من الي معها .. ومن بينهم رئيسهم بالعمليه التهريب ... -دخلهم ... (لما دخلو .. التفت ليان وهي تمسح دموعهم تحاول تميز من هذولي ... واحد منهم رئيسها بالشغل ... والثاني والثالث يشتغلون مثل شغلتها عند هالرئيس .... -(الضابط بقول بحده واظحه :~ وين الرئيس بالتهريب بينكم ..؟؟ (كلهم ساكتين ... الضابط سعود بتهديد :~ قلت لكم وين الرئيس ولا وقسم بالله كلكم بتتحملون عقاب أكبر من العقاب حقكم ... (الثنين رفعو روسهم على رئيسهم ... سعود فهم ان هذا هو الرئيس بتهريب المخدرات ... بعد التحقيق الطويل .. وليان من جهه ثانيه جلست على الارض ماعاد قدرت توقف أكثر رجولها ماتشيلها ابدا ... وهي تبكي وترتجف ... الثلاثه كلهم قال وان ليان معهم بالتهمه .. ليان ماتقدر حتى تدافع عن نفسها ... لسانها فجأه تحسه انشل ماعادت تقدر تتكلم لو كلمه بس تبكي وتهز راسها بالنفي ... الضابط أمر انهم ينسجنون كل واحد بسجن انفرادي علبال مايكتمل الاجرائات والتحقيق ... لأنها مو أي كلام هذي مخدرات موب لعبه ... ليان وقفوها شرطين .. علطول جى في بالها عبدالمحسن .. بس شلون ماتقدر توصل له ويحل لها هالموضوع الي مضلومه فيه ... تذكرت صقر ... بدون ماتحس وبدون تفكير طلعت الكرت ومدته للضابط ... تحاول تتكلم بس لسانها مربوط ماتدري وش جاها فجأه ... سعود أخذ منها الكرت ولما قراه فهم ان هذا أحد تعرفه او من اهلها ... أشر لهم انهم يودونها للسجن .... لما دخلوها السجن جلست بسرعه لأن رجولها بعد ماتحس فيها من الخوف ... تبكي وتبكي ... وتبكي ... بس لين متى ياليان وانتي على هالحاله ... من مصيبه الى مصيبه .... سعود دق على الرقم ... (صقر كان يلعب بلياردو بمقهى ... لما رن جواله حطه على السايلنت علطول بدون مايطالع الرقم لأنه توقع عبدالمحسن هو الي داق وهو موب رايق لتهزيئه مره ثانيه ... خاصتا انه شايل بخاطره على اخوه من التهزيئه بذاك اليوم ... سعود لما فقد الأمل انه يرد ترك الكرت على جمب وبدى يحق بهالتهمه ... وعلى واحد واحد من المجموعه ... (بالجآمعه ... يوم الاثنين __^ ..) راكان وهو جالس بالصاله المعروفه عندنا تحت ... أعجبه الهدوء الي فيها وهالصاله الوحيده وم تكون خاليه من أي الزعاج واذا أحد كان فيها يكون هادي وبس يرسم ... جلس يقرآ له كتاب من مواده .... سمع صوت ازعاج جاي من الجهه الثانيه .. تنرفز وقام وهو رايح صوب هالازعاج .... لقى أميره تطالع جوالها واسماعات على اذانها وهي تغني بصوت عالي بدون ماتحس انه عالي .... راكان كشر يوم شافها وهو حاس انه البنت مشاغبه درجه اولى ... وقف قدامها وهو متكتف ويقول :~ ممكن تقصرين صوتك ... -(بس أميره منزله راسها وتهزه بشكل هستيري وتغني يقالها متحمسه الحين .. ومانتبهت له ... مد يده وسحبها مع خصله من شعرها وهو يقول بحركه شفايفه بدون صوت :~ قصري صوتك ... -(لما شافته وخرت اسماعات بسرعه وهي مبتسمه وتقول :~ أحلى صباح بالي توه يعرف قيمتي ... هاه شتبي امر .. قول عادي يمكن اقدر اساعدك ..؟ -(بهدوء :~ قصري صوتك ... -بس هذا الي تبيه ؟؟؟ من عيوني ... (حطت السماعات على اذانها وكملت نفس الازعاج ... تنهد بقل صبر وسحب من اذانها اسماعات وهو يقول :~ لا تعاندين وقصري صوتك ... (سحبت اسماعات وهي تقول :~ ماراح اقصر صوتي الا لما تقول لي من وين انت ..؟؟ -من السعوديه .. شبعتي فضولج الحين ... -(ابتسمت بقوه :~ لا توه ماشبع ... شنو اسمك ... -(لف عنها وتركها ... رجعت على نفس الازعاج ... راكان طفش وطلع فوق عن هالصاله .... أميره نقزت بتلحقه بس لما شافت ساعتها ... يؤ الحين محاظرتي ... وهي تركض مرت على نارا وهي تطالع الي رايح والي جاي ... ريان مر من عندهاولا كأنه يعرفها ... نارا بغت تلحقه بس ماتدري ليش ترددت خافت تنصدم منه مره ثانيه ... مامداها توقف الا وصقعت براكان وطاح منه الكتاب ... لما رفع كتابه طالعها ... نارا وقفت تطالعه بهدوء وهي تقول :~ ماتشوف طريقك ؟؟ -(طالعها من فوق لتحت وهو متقز من شكلها وقال :~ للأسف جبتي لي عمى الوان ... -تستظرف حظرتك ؟؟ -(قال بصوت واطي وكأنه يحاكي روحه متقرف :~ شلون عايشه هذي جذي ... -(سمعته :~ خلك بعيشتك واترك الناس تعيش على كيفها ... هه ولله عالم ... (راكان لف عنها بهدوء وتركها وكأنه موب رايق لها وكالعاده هادي جدا ... رايح صوب محاظرته لما جى بيدخل بالقاعه لقى بنت واقفه عند الباب وكانها ماتبي تدخل ... وهي تولين ... لما شافت راكان بيدخل قالت بسرعه :~ لو سمحت ... -(بدون مايطالعها وقف ..) -قول لهذيج البنت الي جالسه ورى تفتح بلوتوثها ... -(بقلبه يقول ... حتى ماكلفت حالها تقول اذا ممكن .. موب كذا تأمر علطول ... :~ قولي لها بنفسك ... (ثم دخل القاعه وهي كانت محاظرة ادكتور طلال .... تولين انقهرت من الولد ... قرت انها تدخل ولا تسحب ... فتحت الباب ودخلت ... طلال لما شافها تذكر كلامها بالمزرعه مسويه بتسحب بالاخير جت ... ابتسم ابتسامعه خفيفه فيها نوع من السخريه ... راكان وهو جالس رفع عيونه بهدوء على تولين بالصدفه ... لما وخر عيونه وقف شوي مصدوم ... رجع عيونه بسرعه عليها ... عقد حواجبه يحاول يستوعب ... هالوجه موب غريب عليه ... تذكر نارا ... فيها لمحه من هذي ... شسالفه ... وش هالجامعه ... كل الي فيها عجائب ولله ... متى اتخرج ورجع للسعوديه ... تولين التفت على راكان وهي تطالعه بغرور ... راكان بعد عيونه عنها برود يطالع طلال ... ((أميره بالقاعه الي جمبهم ... فيها النوم مره رغم انها مهستره تو بالاغاني من صباح الله ... كل شوي يطيح راسها وترفعه بسرعه وتبتسم كن عقلها مصقوع شوي ... كانت فيه وحده على يسارها حاسه بوضع اميره وتشوف شكلها ... استغربت بالبدايه اذا كانت تستهبل اميره ولا من جدها .. بس الضاهر هالبنت صادقه ماتستهبل ... خبله حتى وهي بروحها ... البنت ماعاد قدرت تمسك روحها ونزلت راسها وهي تضحك ... الدكتوره قالت بسرعه :~ انتي يالي عم تتضحكي ؟؟؟ (أميره فركت عيونها وتثاوبت بقوه حتى بدون ماتسكر فمها بيدها .. لتفت تطالع البنت الي جمبها تضحك ... وهي تقول بقلبها .... وهذي فاضيه تضحك على هالصبح ... ولله ناس رايقه من جد .. <~ وكأنها تو ماهسترت بالاغاني ... (البنت محمر وجهها .. رفعت راسها وهي تحاول تكتم ضحكتها :~ للآ مافيه شي دكتوره ... (كملت الدكتوره شرح ... البنت لفت راسها تطالع أميره تبي تشوف هذي للحين خبيله ولا ..!!! أميره حست ان أحد يطالعها .. التفت بسرعه على البنت وهي تتحويل بعيونها مسويه بتروعها ... البنت بالأول الرتاعت من حركتها السريعه ... بس بسرعه ضحكت بصوت عالي غصب عليها .... (أميره لفت رايها ونزلته وهي مطلعه لسانها وبقلبها تتريق ... هاهاها الحين بتطردها الدكتوره .... -(الدكتوره من جد وصلت معها :~ انتي شو اسميك ... !!! -(تحاول تتكلم بس موب قادره من الضحك .... الدكتوره قالت بدون صبر :~ ازا راح تتمي على هالحاله اطلعي برآ وضحكي أد مابديك برآ ... (البنت موب قادره تسكت عشان كذا وقفت بتطلع .. التفت على اميره .... أميره ترفع حاجبها وتنزله وهي تطالع البنت .. لما طلعت البنت وهي تتذكر شكل أميره هالزاحفه وترجع تضحك ... أول ماطلعت البنت أميره نزلت راسها على الطاوله ونامت لانها ماعاد قدرت تشيل راسها أكثر .... (نارا وهي بالمحاظره جالسه وتطالع الشباك وهي مسرحه بريان ... شوي الا وشافت ريان بالحديقه وهي تطالع من الشباك ... ريان لما شافها لف ولا كأنه يعرفها ... سرحت بوضعه هذا مره ثانيه ... الدكتور لاحظ نارا الي سرحانه ... -نارا قاوبيلي الفئره دي بئه ... (نارا مانتبهت له ... -الدكتور :~ نارا .... نآرا ... (حست ان الدكتور يناديها .. لما التفت عليه قال :~ سمعتيني تو ولا بعيد ليك الكلام مره تانيه ..!! -..................... -طيب مش حتروديش ... قاوبيلي الفئره دي .... -(بدون ماتطالع الفقره قالت :~ ماعرف ... -(الدكتور المصري متعود على نارا كذا دوم ... بس أصر وهو يكمل :~ -طيب الفئره دي ... -(وبدون ماتطالع قالت بهدوء :~ ماعرف ... -لئه حتقاوبي هالمره انتي بس أأريها كزا مره وحتعرفي القواب ... -(عادتها وكأنها تسمعه زين بهالطريقه :~ مآ ...... أعرف ... -لئه مش حاله دي بئه كول مابسألك بتئولي مابعرفش .. انتي داخله القامعه ليه بئه ..!!! عشان تدرسي ولا بتطنشي كول حاقه ... -(لفت عيونها عنه للشباك تطالع ريان وهي حدها طفشانه من هالدكتور ... الدكتور المصري تحمل وكمل المحاظره ... (على الساعه 10 ............. أميره طلعت بس ماحست بنفسها الا وأحد يقولها :~ انتي أميره صح .. -(التفت ولقتها نفس البنت الي تضحك بالمحاظره اليوم ... ابتسمت وهي تقول :~ طلعت مشهوره وأنا مدري ... -ههه يمكن ... أنا اسمي نجود.... -طيب شرايك اسميج نجوده ..!! -(غمزت لها :~ يكون أفضل ... -خلاص عيل قولي أميرتي وأنا بقولج نجوده .. ؤكي .. -(عقدت حواجبها بتعجب :~ أميرتي !!! شنو هالتدليعه الغريبه ... -اذا ماتبينها بلاش نجوده عيل ... -لا خلاص اميرتي اميرتي __^ ... -كفو ولله ...(أميره شافت من القاعه الي جمبهم راكان طلع ... بسرعه جحدت نجود وراحت عنده بس نجود لحقتها ... -(وهي مبتسمه :~ شرايك أعزمك على كوب كافي ..!! -(مارد عليها وكمل طريقه ..) -أم طيب شرايك أعزمك على كوبين كافي .. انت شكلك مشيفيح شوي ولا ..!! (نجود ماسكه ضحكتها وهي تمشي معهم ) -(راكان التفت عليها بقل صبر وهو يقول :~ وتاليتها وياك .. انا لو اني داري انك علك كذا كان ماتدخلت فيك انتي والي مد يده عليك ... -(وهي تغمز له :~ ولله محد طلب منك مساعده ... بس يالله مشيتها لك ... قلت ؤكي خليه يبرز لنا عضلاته شوي من أول لقاء ... وعموما شسالفة العلج الي بحلجك شكلك من أمس وانت عليه ... -(بقلبه ... هذي صدق هبله ... بس مارد عليها ...) (يزيد كان واقف عند باب المبنى ... راكان طالعه وهو يقول :~ ممكن شوي ... (يزيد التفت عليه وهو يبعد عن الطريق ... لما شاف أميره وهي تلاحق راكان مسك ضحكته وهو يقول بقلبه :~ الله يصبر هالولد عليها ... أميره لما شافت يزيد يبتسم وهو ماسك ضحكته وقفت عنده وهي تقول :~ ضحكنا وياك..!! (راكان التفت على أميره ويزيد ثم راح عنهم ... يزيد لف عنها وهو يقول :~ ترى الولد سبقج لحقي عليه قبل لا تضيعينه .. -وانت شكو ...!! -شكو انج تطالعيني الحين .. لا يكون الدور ياي علي بعد أنا ..!! -(طالعته من فوق لتحت وهي تقول :~ مشكله الثقه الكبيره فيكم .. اذا شافو البنت محترمه معهم قالو ذي تحبنا لا أنت ولا الي تو ولا فصيل أفكر في واحد منكم بس المسأله ان هذي طريقتي وكذا اسلوبي عايبكم أهلا وسهلا موب عايبنكم غصب عليكم يعيبكم ... (لفت عنه ومشت بطريقها .. بس حست ان نجود للحين تلحقها .. التفت عليها وهي تقول :~ وانتي للحين وياي !!!! -(ابتسمت نجود وهي تقول :~ صراحه انتي فضيعه ... تحاجينهم بكل جرأه وماتخافين ..!!! طيب لو احد منهم حقد عليج شبتساوين ساعتها ... -عادي بعلم جراح ... -منو جراح .. لا يكون بعد واحد ثاني تعرفينه ... -هيه شنو شايفتني وسخه كل يوم مع واحد ... لا هذا اخوي ... ..................... يزيد وهو جالس عالكرسي داخل المبنى ... لقى ريان توه طالع من محاظره ... وقف وراح له بسرعه ... مسكه مع ذراعه وهو يقول :~ عطني شوي من وقتك اذا ممكن ... -(ريان التفت على يزيد وهو معقد حواجبه ويقول :~ منو انت .؟؟ -(يزيد طالعه بستغراب بس تذكر انه الولد فيه انفصام شخصيه وأكيد راح يكون مايعرفه الحين ومافيه فايده لو يكلمه لأنه اكيد بيقول منو نارا بعد ... ترك يده وراح ... ريان التفت بدون اهتمام وكمل طريقه .... صقر وهو توه طالع من المحاظره دق جواله ... رفع الجوال يطالع المتصل ... استغرب هالاتصالات من أمس ... قر انه يرد ... -آلو ... -آلو مرحبا صقر .. معاك المخفر ... تعرف وحده اسمها ليان ..!! -(سكت شوي يبي يستوعب الي يسمعه ... ثم قال :~ ليان عندكم ..؟ -(مع الأسف أي وياريت تي وتبلغنا افدتها لأنها موب راضيه تتحجى موليه ... -(بلع ريقه وهو يقول بصعوبه :~ أي مركز ؟؟ -مركز ال................ (صقر سكر الخط وهو جامد بمكانه يحاول يستوعب ... رنا بهالوقت جته وهي تقول بدلع :~ صقوري عندي لك خبر مره روعه ... (صقر مايسمعها وهو يحاول يستوعب ليان بالشرطه ... شوي الا وركض تارك رنا لحالها مرتاعه من تصرفه ..!! ليآن بالشرطه .. كيف وليه وشلون ... لا يكون ساولها شي ... (وهو يركض يدف كل الي بطريقه ... ركب السياره وبسرعه توجه صوب المركز (بالمركز الشرطه ... ليان جالسه على الارض عند سعود وهي تبكي من قلب وتردد كلمة :~ انا مالي شغل بأي شي ... أنا مالي شغل باأي شي ولله ... (سعود طفش .. صرخ بوجهها وهو يشدها مع بلوزتها ويوقفها :~ قلت لج لو ماتعترفين ولله لا اسوي معج اسلوب التعذيب وانتي براحتج .. الي وياج قالو انج مشتركه معهم بالتهمه التهريب وانتي الي توصلين للناس الكيس والجرعات .. اعترفي احسن لج اعترفي ... (زاد بكيها وهي تحاول ماتبكي بس موب قادره ابدا ... بهالحظه دخل الشرطي :~ الأخ صقر وصل ... -دخله بسرعه ... (لما دخل صقر ... فتح عيونه مصدوم من حالة ليان الي تبكي من قلب وضابط شادها مع بلوزتها ... -(بدون شعور من صقر بسرعه سحب ليان من الضابط وهو يقول :~ هيه انت شتساوي لها ...!!!! -سالم .... (دخل الشرطي سالم وقال له سعود :~ خذ النت للسجن بسرعه ... (صقر ضغط يده أقوآ على ليان وكأنه يقول ماراح اتركها ... -سعود :~ ياريت تتركها وخلنا نتفاهم لحالنا احسن ... -بس ليش تسجنونها شنو ساوت ؟؟؟ (سالم سحب ليان غصب على صقر ... ليان وكأنها دميه بينهم موب قادره تتحرك بس كل واحد يجرها من جهه وهي كله تبكي ومنزله راسها ... -سعود :~ تفضل اجلس وخلنا نتفاهم شوي ... -اقولك البنت شنو ساوت وانت تقول نتفاهم !!! -طيب انت ايلس واسمعني شوي ولا ترفع صوتك المره اليايه ... -(صقر يحاول يضبط اعصابه التلفانه وجلس ...-البنت محجوزه عندنا بتهمة تهريب المخدرات مع الي تشتغل معهم ... -شنو ...!! مخدرات ..!! تستعبط انت وياي ولا شنو ..!! -أخ صقر كم مره بقولك لا ترفع صوتك .... الي وياها يقولون انها وياهم وهي تقول انا ماسويت شي وموب راضيه تقول أي شي ثاني ... وانا استدعيتك عشان تعرف حالة اختك ... -أختي ... مخدرات ... تهريب ... انت مينون تتوقع من ليان اصلا تقدر تقتل عصفور عشان تقول تهرب مخدرات ..!! -عموما الاجرائات مابعد انتهت ... وليان عندنا لين يثبت كل شي ... وبعدين اسمها موب موجود بالسجل .!!! لقينا بس اسمك وأسم اخوك عبدالمحسن بس .. بس اختكم موب موجوده غريبه ..!! -(بتردد :~ موب اختي ... -(عقد حواجبه :~ موب اختك !!! عيل شنو تصير لك .. -(بلع ريقه وهو يقول بالرتباك :~ خ ... خطيبتي ... -خطيبتك ..!!! طيب شنو اسمها عشان اطلع سجلها ..!! -(نزل راسها وهو يبلع ريقه الي جفف ... بصعوبه نطق :~ مالها أصل ... -شنو ..!!! شلون يعني .؟؟ -(وهو يحاول يجمع قوته الي راحت فجأه :~ البنت مالها اهل ولا اصل .. والي ربتها مات .. وهي وحيده بهالدنيا ومالها الا الله ثم .... ثم .... أنا ... وأنا واثق انها ماساوت أي شي ... -(سكت شوي وهو يحاول يستوعب الكلام ... ثم قال بعد صمت طويل :~ طيب ماعندنا أدله تثبت انها موب الفاعله بس حجي الي وياها يقولون انها معهم بالتهمه ... -(رفع راسه بقهر وهو يقول ..:~ أقدر اشوفهم الي اتهموها هالتهمه ..!! -تقدر عندي .. سالم ... روح يب الثلاثه الي بتهمة التهريب ... -حاضر ... (صقر وهو يفرك يدينه ويحاول يهدي نفسه من الحقد على هالعيال ... لما دخلو ... التفت صقر وهو عاض شفته بقوه وكانه يبي يهحم عليهم ويطلع كل الحقد الي بقلبه عليهم ... -سعود :~ بامكانك تتحجى وياهم الحين ... -صقر وهو واقف قدامهم قال للاول واحد :~ تعرفون وحده اسمها ليان ..؟؟ -(بلع ريقه ثم قال الاول :~ لاء ... -عيل منو الرابع الي وياكم وشنو اسمه ..!! -(كلهم قالو :~ سلطان ... (وفعلا ليان قد قالت لهم ان اسمها سلطان وهم مايدرون انها بنت ... ابتسم صقر بخبث وهو يقول :~ طيب من بينكم فيه بنيه ..؟؟ -الأول :~ لا .. -الثاني :~ أم لا مافيه ... -الثالث وهو الرئيس :~ لا ... (الفت صقر على سعود وهو يقول شفت شلون ... هم يقولون مابينهم بنت وانت ضالم ليان بتهمه مالها شغل فيها ... (التفت عليهم وقال :~ ومنو الي وياكم عيل ... -(قالو :~ سلطان ... -(التفت مره ثانيه وهو مبتسم :~ شفت شلون ظلمت البنيه ... -سعود :~ بس هم يقولون انها معهم ... -وانت سامعهم بأذانك يقولون ماعندنا بنت بيننا وهي بنت .. وقال وان اسمه سلطان موب ليان !!! وتقدر تنادي ليان الحين ... (سعود التفت على سالم وأشر له انه يجيب ليان .. -صقر :~اذا تسمح ودي احاجي ليان قبل لأن وضعها شكله مايطمن وماراح تتحجى عندكم انا راح أطمنها وأخليها تتحجى كل شي لكم ... ياريت ماتردني .. -(سكت شوي ثم قال :~ طيب بس بيكون سالم وياكم .. -(هز راسه بالموافقه ... طالع برآ الغرفه وهو يطالع ليان الي ماسكها سالم وجايبها .. يطالع كيف حالتها تكسر الخاطر وكان فيه أحد ميت عندها وهي في عزى أو هي بتموت من حالتها وكأنها مريضه .. وجهها شاحب ولونه اصفر ... وحالتها صعبه ... تقدم لها وهو يمسك يدها بقوه يحاول يطمنها ويقول :~ ليان سمعيني عدل ... (ليان مارفعت راسها وضلت منزلته بس تسمعه ..) -ليان انا اقدر أطلعج من هني بسهوله بس على شرط .. -(رفعت راسها وكأنها تقول أي شي تبيه انا حاظر بس طلعني .. فهمها من عيونها ثم قال بصعوبه وتردد :~ آآآآآآآآآآآآآآآآ ... ليان ... أنا ... أنا اقدر .. اقد .. اقدر اطلعج بس ب .. بشرط ابيج ... توافقين ع .. عليه .. واذا ماوفقتي .. م .... م ... ماراح أطلعج وخليج بهالتهمه ... -(رفعت راسها مره ثانيه وهي تهزه بالنفي وتقول بصوت موب واضح :~ موافقه موافقه على أي شي .. بس طلعني (ثم كملت تبكي ..) -(صقر ماوده يكمل كلامه وحاس انه بطلبه راح تكرهه اكثر من الحين ... بس هذا الشي الوحيد الي يقربها منه ... وأخيرا قال :~ -ت .... ن ... نتزوج .... (جمدت مكانها مصدومه من الي يقوله ... علطول جى في بالها عبدالمحسن ... لا مستحيل توافق مستحيل .. قلبها معلق بشخص ثاني ... عبدالمحسن الي بقلبها وتحبه موت ... ماتقدر تاخذ احد غيره حتى لو ماتزوجها .. ماتقدر ... لا ومن بعد باخذ .. صقر.. الي حرمني من امي وعبدالمحسن .. أغلى ناس على قلبي ... ياربيه شنو الحل .. شساوي انا الحين ... مستحيل مستحيل اوافق .. (تردد آخر جملتين بصوت واطي وهي تهز راسها بالنفي بقوه .. -(هذا الي كان متوقعه وأكيد راح تقول كذا .. أكره انسان عندها أنا .. كيف بتوافق يعني ... مستحيل ...بس لازم توافق وموب بكيفها ... ثم قال وهو يحاول يكون قوي ومايبين ضعفه لها :~ عيل خلاص خيسي بهالسجن لحالج ... (لف بيروح .. بس مسكته ليان وهي جالسه على الارض موب قادره توقف على رجولها أكثر من الي صار لها هاليومين .. وهي تبكي وتوسل له :~ تكفى طلعني تكفى .. أطلب أي شي ثاني .. لو أصير خادمه عندك عادي موافقه بس الا الي قلته .. تكفى لا تتركني تكفى انا خايفه خايفه اعيش حياتي بهالسجن الي يخوف ... تكفى لا تتركني تكفى .... محد لي ... محد لي غي .. غيرك ... لا تتركني تكفى تكفى .. (انفجرت بكي ... صقر ماسك روحه لا يضعف .... جمع شجاعته بصعوبه ثم قال وهو يسحب يده الي هي ماسكتها وتوسل له :~ هذا الي .. الي عندي ... موب موافقه على شرطي .. خلاص مقدر اساوي لج أي شي ... وافقي و ..... وأطلعج ... -(سالم يقول وهو يوقف ليان :~ يالله دشو داخل ... (ليان سحبت يدها منه ورجعت تجلس وهي تتوسل صقر :~ تكفى لا تعذبني اكثر من الي ساويته فيني تكفى تكفى .. دخيلك لا تساوي جذي فيني ... -(غمض عيونه وهو يبلع العبره الي بتطلع ... مايدري وش يقول بس هذي الطريقه الوحيده الي تخلي ليان له ... هذا الحل الوحيد الي يمكن توافق عليه لأنها لا يمكن بعدين توافق عليه .. لأنها تكرهه .. وهو يدري انه الشرط كرهته أكثر وبتكرهه اضعاف اضعاف كرهها له ... بس هو بيها بأي طريقه لو بالغصب ... اهم شي ليان تكون لي انا وبس ... -(طالعها وهو يقول :~ صدقيني توسلج ماراح يغير أي شي ... وافقي وينتهي الموضوع ... (رفعت عيونها الي غرقانه دموع وهي تطالعه بنظرات ضعف وحزن ... سالم وقفها وهو يقول :~ يالله آخر مره اقولكم دشو داخل .. (وهم يمشون ليان ساكته ... ماتدري وش تسوي ... ماتدري .... وهي بقلبها ذاقت طعم الذل كل حياتها ... بس مثل يومها هذا الي معلق مصيرها مع عدوها ماتوقع فيه أكثر من هالذل وهي تتوسل الشخص الي روحها وكل مافيها يكرهه ... وهم عند الباب التفت صقر وقال :~ آخر مره .. موافقه ولا لا ... -(منزله راسها وساكته ... صقر تنهد لأنه مايبيها تجلس بالسجن وماعاد يدري وش يقول الحين ... لما دخلو .... -(سعود قال :~ تعرفون هالبنت ..!!! -(التفتو الثلاثه وهم يقولون :~ هذي ولد موب بنت ... -(سعود :~ شنو يعني بتلاعبون وياي انتم ..!!! تعرفونها ولا لا قولو وخلصوني ... -(الثاني :~ أي هذا سلطان بس موب بنت مثل ماقلت ... (سعود عض شفته بقهر وعدم صبر من هالثلاثه ... بهواش معصب :~ تحجى عدل واعترف هالبنت وياكم ولا لا ... (ليان الرتجفت من صوت سعود بخوف .. صقر ماهان عليه يشوف ليان تنتفض من هالمتوحش سعود ... طالعها بنظره وكأنه يقول وافقي تكفين ابي اطلعج .. مايهون علي تقعدين هني بالضلم .. (ليان رفعت عيونها عليه بضعف وحزن مايساوي أي حزن بهالدنيا أو ضعف ورضوخ للي تكره ... بقلبهآ وهي تطالع صقر :~ ليآن .... من اليوم وانتي محكوم عليج العذاب المؤبد مع الي تكرهينه ... عبدالمحسن .. سامحني ... أحبك بس صج ص جانا ماستاهلك لأني ماملك ذره من شخصيتك القويه والواثقه ... انا بدون كرامه الحين ... انذليت جدام صقر ... ماعاد يفيد لو رجعت لك بهالشكل ... وهذا اذا رديت ل كوانا بالسجن ماتدري عني ... يمه شتقتلج موت ... ليش تركتيني ...ياريتني مت أنا ولا الموت خذج عني ... صقر أكرهك حتى لو تزوجنا أكرهك وربي أكرهك كره موب طبيعي ... بس حياتي بين يدينك الحين ... وماجدامي غير .............. (بحركه منها وهي تطالعه ويطالعها ... هزت راسها بطيئ يدل على الموافقه .... صقر فتح عيونه بقوه وهو مصدوم انها وافقت أخيرا ....البنت الي اتمناها وافقت .. ليان وافقت .. ياناس وافقت ليان ... لا موب مصدق وربي موب مصدق .. ليان بتكون لي ... لي انا وبس ... (الفت بسرعه على الثلاثه وهو يرفع راس ليا لهم ويقول :~ هذي اسمها ليان .. بنت .. بنت فاهمين شنو يعني بنت .!! ماعاد تعرفون تجذبون وقلتو انها ولد ... وأصلا هي تقول ان سلطان الي تتحجون عنه ماشافته من اسبوع .. وانتم الحين تقولون انها سلطان وهي اصلا بنت ... عندكم أي دليل انها سلطان !! قولو يالله قولو ... (سكتو الثلاثه لأن السنتهم انربطت مايدرون وش يقولون وكيف يثبتون انها سلطان على قولتها قبل .. وهم الحين مصدومين انها بنت ... -(بس الرئيس المخدرات قال :~ وشنو يثبت اصلا انها بنت ... (ليان خافت من قلب لا يساون لها شي او يقربون منها ... بس صقر ماترك هالخوف يدوم بقلبها وقال بثقه كبيره :~ لأنها خطيبتي ... (التفت على سعود وهو يقول :~ أطلب شرطيه وخلها تكشف عليها اذا هي بنت او ولد ... يالله شتنطر ... (سعود هز راسه بالنفي وهو يقول :~ اصلا واظح انها بنت بدون مانطلب أي أحد ... وانتم جذبتكم ماطولت ... سالم خذهم من ويهي وزتهم بالنضاره .... (لما خذهم سالم وطلعو ... التفت سعود على صقر وهو يقول :~أعتذر لك على سوء التفاهم ... وانتي ياأخت ليان كان بامكانج تتحجين من قبل وتركين عنج الخوف والبجي ... لولا خطيبج جان ماطلعتي الحين ... بس لو انج متحجيه من البدايه بالحقيقه جان ماصار كل هذا ... وصقر نعم الريايل الي ماهج بهالحاله ... عموما لازم انهي الاجرائات بعدين اسمح لكم تطلعون ... (ليان جلست على الكنبه ودموعه تزيد وتزيد لأنها بالنسبه لها ... رآح تطلع من سجن وبتروح لسجن ثاني مع صقر ... صقر جلس جمبها بس ماألتفت عليها لأنه حاس بكرهها العميق له بس مايقدر يستغني عنها للأحد ثاني غيره ... في قلبه بقول ... ليان مشكلتج بس اني حبيتج ... وتحملي مايج ... بس راح أحاول اخليج تحبيني لو يكلف عمري راح احاول ... وانسيج كل همومج و ..... والي تتحجين عنه <~ المقصود عبدالمحسن لكن هو لا يعلم من بقلب ليان ... ............. (نرجع للجامعه مره ثانيه .... نارآوهي تمشي طالعه من الجامعه .... طالعت يزيد واقف بعيد ويطالعها ... لفت عيونها عنه لجهه ثانيه ولقت ريان واقف جمب سيارته يطالعها ... وقفت شوي تفكر فيهم ... يزيد ............ ريان تنهدت ثم كملت طريقها لل تمشي على الرصيف بطريقها للبناية شقتهم ... وهي تاركتهم وراها يطالعونها ... فكرت لو تروح للريان .. يزيد ماراح يتركها ابدا الظاهر وبيراقبهم .. ولو راحت لليزد ريان بيتدخل وبتكبر المشكله ... وبكذا تركت الثنين وراها ... طلعت سماعات الآي بود وشغلت لها أغنيه أجنبيه من لهيلاري دوف ... يزيد التفت على ريان .. ريان لما راحت نارا لف وركب السياره ومشى ... لما لف بيروح يزيد كان راكان واقف بالرصيف ينتظر أي تاكسي يمر بس الظاهر ماحصل ... يزيد وقف عنده بالسياره وهو يقول :~ تحتاج توصيله ؟؟ -لا شكرا ... (يزيد ماأهتم وحرك السياره بطريقه ... فيصل وهو جاي من بعيد بيركب سيارته ... صقع بكتفه كتف راكان الي لاف بيروح ... التفت راكان على فيصل ... فيصل بدون مايطالعه قال :~ سوري ... (راكان رفع حاجب بدون اهتمام وكمل طريقه بيمشي على رجوله أحسن حل بدل ماينتظر سياره تاكسي ... تولين وهي تمشي كانت تناديها جوجو من بعيد ... التفت عليها ... جوجو وهي توها بتوصل تولين طلع سعد بوجه جوجو وهو يقول لها بعيد عن تولين الي ماتسمع وش يقولون .. -جواهر ممكن دقيقه من وقتج ... -آه سعد سوري اليوم ماحصل وقت اقابلك فيه ... -لا ولو عادي __^ ... -طيب بنادي تولين (لما التفت مالقت تولين بالمكان الي كانت فيه .. سعد التفت يدور على تولين مثل ماقالت بس مالوقها اختفت فجأه .. -(ابتسم سعد وهو يقول :~ الظاهر مكتوب نكون بدون تولين هالمره ..__^ -(وهي تتنهد وتقول بصوت واطي بس يسمعه سعد :~ مدري شصاير لها تولين هالأيام ... -(وهم يمشون ابتسم سعد :~ عادي أزمه وتمر ... ابتسمي للحياه تبتسم لج __^ (التفت عليه وابتسمت على كلماته الطيفه ... لما وصلو كافتيريا جامعتهم ... جلسو .. بعد ماطلبو لهم عصير ... -(سعد :~ ماقلتيلي شخبار مذاكرتج بهالأختبارات .. -آآآه بليز ماتذكرني بهالاختبارات .. صج صج تعبت منها ... وبكره بعد علينا اختبار ... ولي يقهرني تولين ماتذاكر بس تيب علامات حلوه ... -هههه فيه ناس جذي ودج تعرفين وش السر فيهم .. واذا قلتي لهم ليش جذي يقولون ولله ماندري جذي بالصدفه ... عاد الله اعلم اذا هم خايفين من العين ولا ذكاء بالفطره ههههه -شكله جذي الدعوه ههههه ... -(سكتو شوي ثم قال سعد :~ حبيت اقولج شي بس ماأدري اذا انتي بتقبلين هالشي ولا لا ... -(عقدت حواجبها ثم ابتسمت بحيره :~ قول وبعيدن نحكم ... -خواتي ... -شفيهم !!! -وحده منهم يابت بنوته حلوه ... -صج مبروك __^ -ابتسم :~ وأنا ابيج تين وياي للسوق ونختار هديه سوآ بما انكم يالبنات تعرفون أذواق بعضكم .. وانا حاب اساوي لها مفاجأه وبنفس الوقت حاب اساويلج مفاجأه .. هاهم وافقه نروح للسوق ... -(برمت شفتها بيأس :~ ماتوقع أبوي لو يدري بيوافق .. مهما صار تظل زميلي بالجامعه بس موب برآ .. -(نزل راسه ثم ابتسم عالخفيف :~ كنت متوقع .. وعادي أي بنت عوائل محترمه بتقول جذي .. بس انا كنت طالب هالطلب كطلب عفوي موب للأي شي ثاني ولله .. -أدري __^ ... وأنا واثقه فيكولا ماكان صرت زميل لي بالجامعه انا وتولين ... -طيب شنو تقترحين علي أشتري لها ... -أم يعني مثلا سله حلوه فيها كذا لبس للبنوته بشكل مرتب وأنيق .. -لا ودي بشي غريب ... -أم ولله ماأعرف لهذي الامور بس يمكن اقترح لك تشتري لها ألبوم وتجمع لها صور هي وبنوتها بدون ماتدري ثم تجمعها بالالبوم ويكون شكله حلو وتهديها اياه .. مدري يمكن الفكره بايخه شوي بس هذا الي جى بالي __^ -(سكت شوي ثم قال :~صراحه .... -ايوه __^ -أم أعجبتني الفكره ..__^ -(وهي تتنهد بمزح :ْ~ ريحتني عيل هههه .. -(ابتسم وهو يطالعها :~ اقول جواهر .. -سم .. -سم الله عدوج شرايج تزوريننا بالبيت ولله اهلي ودهم يشوفونج __^ -ههه ليه انت تحجي لهم عني ولا عن كسالتي الظاهر ... -تدرين حركات الخوات.. منو تعرف بالجامعه من بنات وأقولهم تولين وجوجو بس موب مصدقين يقولون اكيد فيه اكثر ... هو صحيح بس زملاء سطحين فقط يني سلام وعليكم السلام لا جديد __^ -آها خلاص عيل بقول لتولين يمكن تي وياي ... -حلو عيل بقول للأهلي __^ ... ومنها ينعرفون اهلي عليج وعلى تولين ... -اقول سعد .. هلا آآآآآ.. أنت اليوم مع تولين موب طبيعين يعني بينكم شي صار شي ؟ -لا ليش __^ -مدري بس حسيت انكم تتفادون بعض ... -بالعكس تولين مثل اختي ولا يمكن الزعل منها أو الزعلها بأي شي ؟؟؟ (نروح لتولين الي تمشي بخطوات سريعه وهي تفكر بسعد لو يقول لجوجو وش بيصير وضعها قدام جوجو .... ؤف انا ليش قلت له اصلا .. تولين وقفت لما شافت طلال توه طالع من المبنى وماسك مفتاح سيارته ... شوي وشافت أميره طالعه بوجهه بس مشكلتها انها بعيده وماتسمع حديثهم بعد ... -اميره :~ مرحبا دكتور __^ -(لما شاف أميره ابتسم لها وهو يقول :~ اهلين ... -شحالك يادكتورنا الغالي .. -ههه غالي مره وحده .. جني مدرسج عشان تقولين جذي ... -لا يعني للمستقبل يمكن تدرسني .. قسمج غير قسم مادتي __^ ... -طيب بغيت أسألك فيه واحد اليوم دخل متأخر شوي تعرف شنو اسمه ..! -دخل وين ؟ -بحاظرتك اليوم الي على الساعه ثمان تقريبا ... -(سكت شوي يتذكر ثم قال وهو يضحك :~ أي عرفته قصدج راكان الظاهر ... -أي ياكل علك 24 ساعه .. -ههههت وانا بقعد اراقب الولد ياكل علك ولا لا !! -لا هذا بالزياده عاد .. وع شكل علكه من أول يوم شفته فيه .. -لا تحشين بالولد هه __^ .. يالله خليني ارد للبيت حدي يوعان ... -صحه صحه يارب ... فمان الله .. (أشر لها بيده يعني مع السلامه وهو يضحك بقلبه ويقول بنفسه :~ مهضومه هالبنت .. بس الي يقعد وياها يقول ذي بعمر المتوسط من استهبالها ..!! ههه (أميره وهي تطالع الدكتور رايح .. حست بأحد جمبها واقف ... تولين تطالع أميره من فوق لتحت وهي تقول :~ هدي هدي يابنت لا تذوبين علينا الحين .. عدال ياحلوه .. جان خذتي رقمه أحسن ... -(أميره لفت عليها وهي متكتفه بقل صبر :~ وانتي شكو ... آخذ رقمه ولا لاء كيفي حره .. لا يكون غايره وانا مدري ... اصلا انتي منو بيعطيج ويه يالمغروره ... -عدال يالمتواضعه ... انتبهي بس لا تختفين علينا يوم من الايام وانتي مستحيه من الدكتور طلال ... -كيفي أختفي ولا لا ... دامه يحبني شوراني اختفي ... -(تولين انقهرت من اميره وقالت :~ احلمي على قدج ياعسل ... -(أميره وهي تطالعها قالت :~ انتي تدرين ان فيه واحد هني يشبه لج ..؟ -(بستهزاء وهي رافعه راسها للسماء وتقول :~ صج تعرف تصرف هالبنت .... (لفت وراحت عن أميره الي تفكر شكبر الشبه الي بينها وبين فيصل ... هذولي صج يتشابهون !!!! يالله مثل ماقالو يخلق من الشبه 40 ... انا شعلي منهم يتشابهون ولا لا ... أرد للبيت احسن لي ... ... ياربيه ليش يحرموني من السياره مدري ؤف ... """""""""""""""""""""" رآكان تعب من المشي وقف يجلس على كرسي بالرصيف ... وهو يطالع السيارات رايحه وراده .... جذبته وحده واقفه من بعيد تلعب مع قطوه بيدها ... أول شي تقرف كيف ان البنت تلمس قطوه من ال أكيد قذره من بين الزبايل ... بس البنت هذي موب غريبه عليه ... دقق فيها شوي ... لما رفعت وجهها عرفها علطول وهي نارا ... وأصلا كان متوقع انها نارا بما انها أسود x أسود ... نارا التفت عليه ... لما تقابلت عيونهم بعض للدقاي وبينهم السيارات تمر بسرعه ... نارا حست بقشعريره تسري في جسمها من نظرات هالولد لها ... من أول ماشافته وهي مارتاحت له ... هادي بالزياه ونظراته بارده خاليه من أي معنى أو غموض ... ماتدري وش سالفته ... وخرت عيونها عنه شوي ... بس ماتدري ليه ودها تلتفت مره ثانيه اذا هو موجود او لا ... لما التفت غصب عليها مالقته ... لفت وجهها علطول حواليها بس مالقته ... غريب هالولد من جد !!! وهي تمشي واصله للبنايه ... طلعت بوجهها نوف ... -(نوف بتوسل :~ نارا ممكن احاجيج شوي .. -(تنهدت بملل ولا ردت عليها بالعكس كملت طريقها ولا كانها قدامها أحد .. -نوف :~ بليز نارا اسمعيني بس دقيقه من وقتج صدقيني ماراح اطول عليج .. نارا بليز سمعيني بليز .. -(مالقتها وجه وكملت طريقها لحتى وصلت للبا البنايه :~ -(نوف مسكت ذراع نارا وهي تقول بترجي :~ نارا الله يوفقج سمعيني بس دقيقه .... يزيد بيطردني من الجامعه ولله أهلي بيموتوني .. طلبتج ساعديني طلبتج .. -(سحبت يدها بقوه ثم التفت عليها بثقه :~ لج عين تطلبين مني شي بعد الي ساويته يا .. (ثم سكت شوي وكملت :~ وحتى الواحد خساره يتكلم بكلمات بذيئه عشان وحده من فوق لتحت وسخه وحقيره مايفيد فيها كل الكلمات ... (بتوسل مسكت يد نارا :~ نارا تكفين تكفين انا ندمانه عالي ساويته لج ولله ندمانه وايد ..... انتي بس قولي له مايطردني ...هو له معارف كبيره واسطات يقدر يقولهم السالفه وبيصدقونه علطول بما انهم يوثقون فيه وبيطردوني .. قريب عرفت كل هذا وخفت لا صج يساويها ويطردني ... -(لفت عنها ومشت برود وهي تقول بصوت واطي :~ تستاهلين كل مايج انتي بالذات .... (وهي تمشي نارا ابتسمت ابتسامه ساخره على حال نوف كيف هي الحين تترجاه ... نوف جلست عالرصيف وهي خانقتها العبره ماتدري وش تقول للأبوها خاصتا ... يمكن يموتها .. هو من النوع الفلتان مره بس من ناحية المستقبل والدراسه يكون شخص ثاني ومتشد ... (نرجع للصقر وليان لما انتهو من كل الاجرائات .. التفت عليها صقر وابتسم وهو يقول :~ يالله خلينا نطلع من هالمجان ... (ليان بعد ماسكت .... تتنهد بضيقه وهي تشوف مستقبلها الي راح يكون سيئ وهي مع عدوها صقر ... طلعو من المركز ... صقر بسرعه فتح لها الباب وهو يقول :~ تفضلي بوصلج لمجان ترتاحين فيه ... -(سكت شوي ماتدري تركب ولا لا ... بس الضاهر ماعندها مكان تروح له غير مع صقر .. وهي اصلا ماعاد تهتم بأي شي يصير لها بعدين .. فقدت الامل بالحياه والاستمرار فيها دامها بين يدين أكره مخلوق لها بالارض صقر ... هو كان فاتح لها الباب الي جمب مقعده الامام ... بس ليان فتحت الباب الخلفي ودخلت ... صقر بهدوء سكر الباب وبقلبه يقول يحاول يضبط اعصابه الي يمكن تفلت .. صقر هد شوي ... هد .. شي طبيعي الي تساويه دامها تكرهك ... الي تبيه بيصير .. قريب بيتحق مرادك وبتكون لك .. تحملها شوي تحلملها مايخالف ... (لما مشى بالسياره قال وهو يطالعها بالمرايه بس هي منزله راسها :~ بوديج للشقه لي اخليج تعيشين فيها وأنا اصلا ماعاد صرت اي هالشقه .. بخليها لج انتي وبس ... الشقه قريبه من يم الجامعه مره ... (ماردت عليه ولا فهمت وش قصده بالجامعه ... بس فضلت السكوت على انها ترد وبقت بهمها لحالها ... تفكر في شخصين بس ... عبدالمحسن وأمها ... لما وصلوا لشقه ... نزل صقر بس لاحظ انها مانزلت من السياره ولا فتحت الباب حتى ... تحمل وراح فتح لها الباب وهو يقول :~ يالله وصلنا ... نزلي اراويج شقتج ... (لحظآت صمت ... وهدوء ... شوي وقرت ليان تنزل بدون ماتعاند هالبغيض صقر.... لما دخلو البنايه ... فتح الفت (الأآصنصير) بس لما التفت لقى ليان رقت بالدرج وهي ماتبي تكون معاه بمكان ضيق لحالهم .. فضلت ترقى بالدرج للأعلى طابق خاصتا ان البنايه فخخخخخخخمه وعباره عن 25 طابق ... صقر بسرعه ركض وسحبها مع يدها بقل صبر وهو يقول :~ لا تعاندين وصعدي بالفت وأنا بالرقى من ناحية الدرج دامج ماتتحمليني للثواني بس ... (ليان بدون ماترد عليه رغم انها تألمت من سحبته القويه مع يدها ... وهي بالفت ماعاد تحملت الصمت .. جلست بالزاويه ولمت رجولها وطلعت كل الي بقلبها بالدموع الي حابسته طول الطريق ... هي أعلى طابق بالخامس والعشرين .... ماأبي صقر ماأبيه اكرهه ... يارب انك تاخذه ولا تاخذني .. ماتحمله ماطيقه موليه ماطيقه ... مدري شلون بتحمل وجوده وانا الحين مابيه ولو للثواني بس ... يارب وش السوات وياه وش السوات ..!! (وضلت تبكي أكثر ... لما وصلت للدور انفتح الفت .. صقر رقى بالفت الثاني لما طل عليها مستغرب ليه ماطلعت ... انصدم لما شافها بهالحاله مره ثانيه وكأنها بعزى وفاقده كل شي بهالحياه .. ضغط على قبضة كفه بقوه وهو موب متحمل منظرها تتعذب بسببه ... ماوده يصير فيها كذا بس هو يبيها ... وناوي يسعدها بس الضاهر هي ماراح تعطيه فرصه وكانها رايحه معاه للقبر ... تنهد وهو يشجع نفسه ويتقوى مره ثانيه ولا يضعف قدام دموعها وحالتها الي تكسر الخاطر ... تقدم لها ومسكها مع يدينها ورفعها ... ليان بعدت روحها عنه بسرعه ماتتحمل قربه منها ... مشت بنفسها وهو وراها واقف مقهور من حركتها ... بس لحقها وهو يحاول يتحلى بالصبر وراه مشوار طويل عشان تحبه هذا الي يتوقعه ... وهو ناوي فعلا يخليها تحبه لو غصب عليها بالزواج وبعده ... لما دخلوا لشقه الفخمه ... ليان رفعت عيونها للزواي الشقه مبهوره من هالمكان ... صحيح انها تتذكر كيف انبهرت بقصر صقر هذاك وماراح عن بالها جمال هذاك القصر ... بس مثل هالشقه تحس انها ماقد شافت احلى منها .. وهي الفقيره من لل ومن حي لحي ومن بيت أردى من الثاني وأقبح وأقذر منه ... صقر شاف بعيونها قد ماهي انبهرت بجمال الشقه ... ابتسم براحه وراضي عن الي سواه أول خطوه لها وهي هذي الشقه ... حس براحه كبيره وبنفس الوقت فرحه لانها اعجبت بهالشقه حتى لو ماقالت لأنه واظح من عيونها وهي تطالع بانبهار ... وقف قدامها وهو يبتسم يبي يحسها بالراحه والامان وهو يقول :~ خليني اروايج غرفتج ... أنا دقيت على واحد من الخدم الي عندنا وقلت له يرتب كل شي ويب لج فرش يديد وكل الاحتياجات قبل واحنا كننا بالمخفر __^ -(نزلت راسها وهي تقول :~ ممكن تتركني لحالي .. ؟ -(سكت من بعد كلمتها وهو جامد مكانه موب متحمل اسلوبها وكلماتها الجافيه معه ... رغم الخوف يشوفه فيها للحين وهذا الشي يضايقه أكثر .. هي للحين تخاف مني وماتطيقني .. يالله شي طبيعي ولازم اتعود على هالشي بما نا وراي مشوار مره طويل وياها ... (هز راسه بالموافقه وهو يقول بصوت واطي :~ خذي راحتج ... انتي بشقتج وهذا هو المفتاح ... (لما عطاها وجى بيروح .. ليان ترددت شوي بخوف بس قرت أخيرا تتكلم بسرعه :~ عندك نسخه ثانيه من المفتاح ..؟ -(وهو ملقيها ظهره وقف شوي .... لهدرجه ماعندها ثقه فيني أبدا ولو ذره شوي ... (بخشونه وهو يحس بالألم بقلبه الي يحبها :~ لاء .. (ثم طلع علطول بدون ماينتظرها تقول أي شي ثاني .... سكر الباب وتسند راسه عليه وهو يطالع السقف ... لمس صدره من ناحية قلبه .. حس بنبضاته مره قويه ... غبي وربي غبي ياصقر ... هالبنت شف شلون وصلتك لهالحاله ... حتى نبضات قلبك تزيد أكثر واكثر بمجرد انها واقفه جدامي ... آآآآآآخ بس ليش هي من بين كل البنات حبيتها وانا ادري بكرهها الكبير لي ... (نروح داخل الشقه .... ليان جلست على كنبه بتعب وهي تحس جسمها متكسسر ... نزلت دموعها وهي تتذكر امها وعبدالمحسن ... شقد اشتاقت لهالثنين حيل ... تموت فيهم بشكل غير طبيعي .... |
|
|
#7 |
|
|
رد: توائم ولاكن اغراب
مكرر للاسف
|
