 |
  |
|
|
|
|
#11 |
|
|
رد: احترت مابين قلبي وعقلي
هذا الخطا الي ماتوقعت يخطيه . . شف كيف كشر طيب القلب نابه أثر الحسد لاعشعش بصدر راعيه . . يجعل من قلوب الحبايب ذيابه الي تعلم من سكوتي تماديه . . علمني استقبل خطاه برحابه والواجب انه لو جحد فزعتي فيه . . مايجحد حقوق النسب والقرابه وانا الي يوم ان المصايب تبكيه . . كنت اقرب إله بضيقته من ثيابه الي تعاف اوله ينعاف تاليه . . وانا كفا صدري من الغيظ مابه من لا وقف لي وقفة رجال مابيه . . يغني عن حضور المقفي غيابه من لافزع بالكايده مع بني خيه . . وقت الرخا مايحسب حساب لابه علمت غيري كيف لاصد ماجيه . . وانا تعلمت الصبر والصلابه لان الشجاع ان مالقى من يواسيه . . ان مانشدته ماعلمت بمصابه مادام بعدي عن رفيقي بيرضيه . . نذر علي اني فلا طق بابه عيب التفت في جاه مخلوق وادعيه . . ولمبتلي ساعة دعا مستجابه الضعف ماطيقه ولا طيق طاريه . . والدمع لايرقى ولا ينرقابه والحلم يغنيني عن الكبر والتيه . . والظلم محصيني كآبه كآبه ان ماجمعت وجيه مافرق وجيه . . ومن لابنيته ماسعيت بخرابه وانا لو اني بالتفت بالتفت ليه ! . . الرمح غالي والفريسه ذبابه بدري علي احسب لها حساب واوجيه . . وبدري عليه يشيلني من حسابه كأني عتقته بعتقه رأفت فيه . . الا الطلابه ماخشيت الطلابه مهب على شانه ! عشان المشاريه . . سامحت طيشه وابتليت بعذابه اليا كسر في خاطرك شخص تغليه . . حتى المعاتب تستحي من عتابه الي سكن صدري من الغيض يكفيه . . ملت تفاصيلي سكوت ورتابه الي بيدخل في مزاجي بسويه . . وباخطب الفض الفليض بخطابه مثل الغلا الي باخذه منه بعطيه . . ويسمع جوابي مثل ماسمع جوابه دام احترامي للقرابه مجريه . . ياشيخ ملعون امها من قرابه لو كل شخص بيحتقر في باخاويه ؟ . . ماكون حزت من المراجل مهابه ياهيه مثلي مايقولون له هيه . . مدري متى تتعلمون الذرابه الي معلمك الكتابه على ايديه . . لمحة بصر ويبعثرك من كتابه ومثلي لا من قلت لك قول بوفيه . . والقرم لا من وكد العلم جابه سمه تحدي سمه الي تسميه . . بس الوكاد انه مهوب استجابه الي مهب قد المواجه يخليه . . ومن لاقدرت تهيبه منك هابه الله يعز وجيه ويطمن وجيه . . وحنا بشر لكن بشر وسط غابه ومن لافزع بالكايده مع بني خيه . . وقت الرخا مايحسب حساب لابه |
|
|
#12 |
|
|
رد: احترت مابين قلبي وعقلي
لولا البكا ماينشرح خاطر ولاينزاح ويل خل الكدر يطفي سعير اليلتين الي خلت . دام العيون الي اهملت تشفي القليل من الغليل الله يبارك بالعيون الي ليا ضقت اهملت . دمعة قهر تثبت لي ان الي يحبوني قليل ولاضحكه بوجيه ناس لي تضايقت انكلت . البارحه يوم الهموم تحط بالصدر وتشيل والشاهد الله ماحبست بمحجري دمع وفلت . الدمعه الي ماتهز صدور ربعي لاتسيل اكنها مثل الجمر ولايقولون انزلت . الي وهو مافزلي كنه محملني جميل اجيه برجولي عشان اشكي له الحال ؟ اكملت . ماكل من شافك قوي يفرح ليا جيته ذليل الناس لي من حست بضعف الشجاع استذلت . بعيونهم بقى مثل ماللهبوب من النخيل على كثر ماضامها صفق الواهيب اعتلت . وشلون احس ان العذاب الي على متني ثقيل وانا ادري ان الي تصبرني على الحزن وصلت . معشوقتي لاضاق صدري من ليالي الحزن ليل ياكثر ماشربت معي من علقم الحزن وكلت . معشوقتي ما للفرح برجوعها يمي سبيل الا مثل ما للربيع من الزهور ليا ذبلت . معشوقتي من عمر جيل ومدرسة مليون جيل معشوقتي ورث السنين الي تجلت وانجلت . الي على كثر المصايب كل مافيها جميل الناس لي كبرت تشين وذيك لي كبرت حلت . لامن تثنت للهبوب تميل الي مايميل وان مالت عقول الخفاف من الرياجيل اثقلت. كن الكلام بثغرها مجرى سبيل للسلبي مسترسله لو ماضميت ولو ضميت استرسلت . تقبل على لون المسا لاجات مفتوله جديل غصبن عن عيون النسا مايرمشن اليا قبلت . عشقتها لاني من الي يعشقون المستحيل صدقتها لانها لي قالت القول : افعلت . الترفه الي تنطح الفريس وتفك الدخيل ما الرجال الي تحملني مثل ماستحملت. لو كل خلق الله ملو ماتمل وماتميل لان الرجال بهالزمن قلو هذيك استرجلت. ان كان وقفتهم معي من باب مايخدم بخيل !! هذيك ماهيب وقفت جنبي .. هذيك تبهذلت . خانوا وهي ماهونت عالو وعيت لاتعيل تبدلت كل الوجوه وذيك ماتبدلت . لانه ليا عز الرجا ما للخلي الا الخليل ماقد قرت في محجري قصة عن الحزن وسلت . كل الذي يجري معي يجري مع الطرف الكحيل اليا رضيت ترضى عشاني وان تزعلت زعلت . تدوي بخفاقي دوي لين احيت الحلم القتيل عشق بدويه لبدوي لاجت على البذل ابذلت . معها عرفت اني قوي حتى وانا مافي حيل واعدها بمية خوي كان الهموم استفحلت . دام الشدايد تكشف بصاحبك معدنه الاصيل ليت السنين الي حدتني على الضياع استعجلت . الشدخ الي تثبت ان الي يحبوني قليل ولا ضحكه بوجيه ناس لي تضايقت وانكلت . بنت اليا طحت تشيلك من القاع شيل ابرك من وجيه الرجال الي ليا طحت جفلت |
|
|
#13 |
|
|
رد: احترت مابين قلبي وعقلي
تذكر يوم أقولك جسد يحتوي روحين ~ وأوعدك ما أخليك وتوعد ما تخليني ~ أذكر يومها أشوف بالدنيا بس اثنين ~ قلبي الي يحبك وقلبك الي يحويني ~ بعدها بأيام شفت ايدك تحتضن ايدين ~ وانصدمت يوم شفت إنها غير ايديني ~ سكت لجل خاطرك وقلت مرحبا بالزين ~ مرحبا بالي القلب لجله حيل كاويني ~ مر يوم واسبوع وشهر وبعدها شهرين ~ وهو لازال مايدري بإني شفته بعيني ~ وأخاف إني أقوله له خاين وينجرح بعدين ~ وأخاف أسكت وبسكوتي صمتي حيل يشقيني ~ واجهته وأنا أبكي والعين تحتضنالعين ~ سألته : ليه تنساني ؟ وإلا ماكنت تغليني ؟؟ سكت ولفّ عني وخبى وجهه بالإيدين ~ الي كانت تحضني وغيرها ما تدفيني ~ سحبت وجهه و مسحت الدمع علىالخدين ~ وقلت له والله أحبك ولو إنك تخليني ..! سكت فتره وقال لي : لازلتي تحبين ؟؟ بعد الي تشوفينه لا زلتي تحبيني ؟؟ ابتسمت وقلت أجل ماعرفت للحين ~ إني أحبك حيل والي يرضيك يرضيني ~ سكت فتره وأنا أعاود فرحة بقت لسنين~ وتركته وتركت حبه الي بقى فيني ~ وصارت الدمعة إذا هلّت أقول أهلين ~ والبسمة هجرتني ونست دربها فيني ~ بعدها بأيام سمعت خبر والله شين ~ سمعت إنه مآآآآآت وهو يطلب يلاقيني~ ويوم إني رحت .. وصيته لي بورقتين ~ الأولى بها اسمي كتب بدمه { يغليني } ~ والثانيه يقول فيها: أبي أوضحلك شيئين ~ الأول أحبك حيل وماسكن غيرك شراييني ~ والثاني أمانه لا جيتي لأهلي تعزيّن ~ لا تنزل دموعك لي طلبتك لاتَبْكِينِي ~ كل الي أبيه إنك بالخير لي تدعين ~ وإنك بالشهر مره بقبري تزوريني ~ والي أبيك تعرفيه ومهم إنك تعرفين ~ الي شفتيها معي كانت بموتي تبشّرني ~ انا الي خليتك من كيفي عني تبعدين ~ لجل ما ينجرح قلبك بلحظة موت تحويني ~ تكفين لا تظنين إني خنتك يالغلا تكفين ~ وإذا لازلتي تحبيني دايم بالخير ذكريني ~ سكت وقلت : ياليتني ظليت معك يازين~ وشفت الموت ياخذك مني ولاكذا تخليني ~ تظنون إني نسيت أو الدمع جف بالعين ؟ لا والله إلين اليوم وهو معي يخاويني ~ لو تدور الدنيا ولو تمر بعدهاسنين |
|
|
#14 |
|
|
رد: احترت مابين قلبي وعقلي
تهب الريح ف اوراق الشجر ويغرد العصفور ...........وأنا تحت الهجير وصمتي أحياناً يكون ظلال وتكسر خلاخيل الرعد في بارق ٍ مغرور ...........وأحس اني تكسّرت وبقى في داخلي رجال أطش بفم هذا الضي حزن وبعض من ديجور ...........وأغمض جفن من تحته سديم ٍ واقف ٍ مامال يالارض أخذي سنابل وجهي الي مانبت فيْ البور ..........تعب حتى أساريره غدت بعد الغياب أطلال! خذي بعض الجهات ومن ملامح شاعر ٍ مجبور ........وهو يذبح من عروق الزمن ساعه على الترحال يالارض البارحه همّ الستاير والنجف والدور ............وحزن أمي وجوعي والفراغ ودفتر ٍ دجال خذت أغلى الدّموع مْن العيون وخاطري مكسور .........وصوتي ينسكب فوق الورق واحس به لاسال قبل ذيك المدينه والنعاس وبابها المبتور ............تعلمت البداوه والحضاره هي سراب الال أمانه قولي ل(عليا) قراح الما وطهر النور ...............تراني طفل مامل البكا لو ملت الأطفال! طفل مات بهدبها والخدود وشعرها المنثور ............قبل يمشي بزهو ويلبس الغتره بدون عقال! طفل كان يتشيطن فيْ السطوح ويدِّرج ف السور .............ويسرح فيْ النياق مواعد ٍ عشره وهو جمال يشوف بعين عليا صورته وبثغرها البلور ............ويْتنفس غلاها ويهذي لامرّته بالشال يالارض الوقت خليّته مزيف واحترف لي دور ...........وأنا مالي سوى عليا وحلمي والهوى القتال فبعض أحيان أحس اني كذا ..شاعر وله جمهور ........وأحس اني في بعض أحيان أقول أشياء ماتنقال ورى هذا الكلام يحسّب الشاعر بليد شعور ..........لوى معصم حديثه والقلم بيدينه الأغلال؟! وخيول ٍ تركض بصدري وتجمح ويْغشاها عثور ...........وتعاود ركضها عقب المطيح ويرتجل خيّال يجيني من قبل هالحال ..حال..وحالي المستور .....رضيت بقسمتي لو "نصف تفاحه" على ايّة حال يقولون البشر عنتر وهو عنتر يخاف الثور ...........وأنا أقول المخافه وارده في سيرة الابطال! أجل ..ملّيت أنوّخ حيرتي لعتابي المقهور .............ومليت آتسل فالسطور المظلمه واختال يالارض أخذي يديني مالقيت الي يمد الشور ..........وأنا تحت الهجير وصمتي احياناً يكون ظلال |
