 |
  |
|
|
|
|
#1 |
|
مبدعة تصاميم |
قصتي وانا في بطن امي
السلام عليكم .... << البنت مستعجله << هع هع
اليوم جبتلكم قصتي وأنا في بطن أمي في البداية يوم كنت نوطفه ظنيت إني من كريات الدم البيضاء ماعرفت إني من بني البشر إلا لما قالت( الدكتوره ) لأمي مبروك ياست هانم إنتي حامل عاد أمي من الفرحة حطت يدها على بطنها في المكان الي أنا كنت موجوده فيه عرفت إني المقصوده وفهمت إني مشروع بني آدمي . . بيني وبينكم ضاق صدري .. قلت وش لي بوجع الراس أطلع لعالم ثاني وأصير إنسانه وفي حساب وعقاب وأدرس . همس لي عقلي قال إحمدي ربك بتطلعين وبيصير عندك إيميل وماسنجر 8 صحيح أنه يطفش بس ماعليه وتشترك في منتديات ,, قلتله وأصير مشرفه في منتدى تعب قلبي قال كلي تبن إلا ذي ., فرحت أنا قلت أجل بطلع الحين قالي بدري باقي تسع شهور (تحطيم) ., ولما صار لي خمس شهور كنت حاسه إني بنت بس قلت يمكن أكون ولد - لحول جلست أقطع من الشعيرات الدمويه وأقول غلام فتاه.. صبي صبيه.. بزر بزره وأنا أفكر سمعت صوت أبوي يكلم أمي حاولت أركز ايش يقولها قربت إذني طلع أبوي يتغزل في أمي (تم تشفيره .....) كنت بتصل عليهم وأقول إستحوا أنا أسمعكم بس لم تسنح لي الفرصه بصراحه إستحيت من كلام أمي وأبوي قلت أنام أحسن لي عيب أتصنت عليهم بعدين يعاقبني ربي ويصيرولدي والا بنتي يتصنتون علي اذا قام رجلي يغازلني جلست أمص اصبع رجلي لين نمت وبعد فتره سمعت صوت قوي يتجه ناحيتي قمت بطولي إلا ويرتطم راسي بطن أمي آآآآخ بس قوة الصوت نستني الوجع الله لايوريكم كأنه شلال مدحدر علياأحاول أهرب منا ولا منا هنا ولا هناك مافيه مجال ربي ستر ومر من جنبي وماتأذيت طلعت أمي الي يهديها شربت مويا بكميه كبيره على غير العاده بس والله تونست جلست ألعب بالمويا برجولي كنت بسبح بس ماعندي مايوه .. لما جاء الشهرالسابع راحت أمي ومعاها أبوي للدكتوره تطمئن أمي على صحتها طبعا نامت أمي علىالسرير وابوي واقف جنبها ( بيحسها بالأمان ) قلت حشا ليه هو انتي حامل بوحش !! الدكتوره حطت جهاز على بطن أمي وبدأت تحرك يمين يسار فوق تحت وههم يشوفوني على الشاشه عاد أنا قمت أتدلع واحرك رجلي وأفتح عيوني وأغمضها بنعومه وأمص أصبعي ., وأمي وأبويا يتبادلون نظرات الحب والرومانسيه ويبتسموا ويوم شالت الجهاز وإنقطعت عن الرؤيه وأنا أقول فكه كأن عمرهم ماشافوا وحده حلوه >واثقه عاد سألت أمي الدكتوره متى موعد الولاده قالت باقي شهرين سمعت الخبر ويجيني إنهيار عصبي شهرين يامفتريه خلاص أنا طفشت أنكتمت الجو حار مافيه الامكيف صحرواي حتى مايبرد قلت مايصبرنا غير النوم ونمت شهرين (نومة أهل الكهف) صحيت من النوم وحسيت بملل وفراغ قاتل حاولت أرفه عن نفسي ورحت ألعب لعبة الحبل بإستخدام الحبل السري وأجلس أنط وأغني شبره أمره شمس نجوم كواكب هواء واحد اثنين ثلاثه هيه ... وفجأه من قوة ماأنط تزحلقت وأنقلبت وصار راسي تحت ورجولي فوق قامت أمي تصرخ ., أخذها أبوي على طول لأقرب مستشفى قال الطبيب هذي ولاده لما سمعت الخبر وأنا أفرح مابغينا نطلع وبديت أكشخ وارتب حالي أستعد للقاء الأول مع صديقي بالحضانه>داشره وأمي كل شوي تتعالى صرخاتها حطوها على السرير متوجهين لغرفة الولاده وأبوي يمشي جنبها ويقولها لاتخافي أنا معاكي ترد أمي أخاف أموت وانا اولد , أبوي رد عليهاوالدموع تنهمر من عينيه ياجعل يومي قبل يومك<===<< متأثره بالأفلام وأنا أقول ماوصلنا لغرفة الولاده إنكتمنا ياهوه هوّونا ., طبعاً نقلوا أمي لسرير الموجود بالغرفه وجاء الدكتور ومعاه النيرسات ., قال الدكتور لأمي زفير أمي فهمتها عكس أدتها شهيق واذا انا الي أنشفط وأدخل جوّوا دقيت أمي بكوعي قلتلها يقولك زفير زفير الظاهر أمي سمعتني وزفرت زفرة وتدفعني أمي بقوه وأنا طلع سرعتي 0 ميغابايت وطلع كل شي فيني الاخشمي قلت لحول هذا الي كنت خايفه منه إستدعى الدكتور الطاقم الطبي عشان يطلعون خشمي حاولوا المره الأولى والثانيه مانفع وبعد ثالث محاوله طلعوها ( الثالثه ثابته ) جلست أبكي وأقول للدكتور غض البصر وتشيلني النيرس علىيدها وتلفني بذاك الأبيض ياسلام وأخيرا انتهت معاناتي وأخذتني أمي الحنون ورضعتني وهي مبسو وطه وقالت لي طالعه مثل القمر وابتسمت ونمت ..... ها وش رايكم يلا كل واحد يتذكر شو سوى في بطن امه يقولنا ههههههه |
|
|
#2 |
|
|
رد: قصتي وانا في بطن امي
مش فاكرة ايش سويت في بطن امي بس اظن انه المكان كان زحمة لاني كنت قاعدة انا واخوي في بطن امي يسلمو
|
|
|
#3 |
|
|
رد: قصتي وانا في بطن امي
يسلمو غلاتي
|
|
|
#4 |
|
|
رد: قصتي وانا في بطن امي
اتذر كل دقيقه يانصبي ابكتب موضوع عنه
|
