 |
  |
|
|
|
|
#1 |
|
㋡الادارةツالعامة㋡ |
كتير عجبنى الموضوع حبيت افيدكم بية  تحف من الجبس روعة  اولا المقادير : زى ماشايفين عباره عن : اى اشكال او مجسمات زجاجيه برطمانات بأى احجام +فلوت الى هو ورنيش + قواقع واصداف وخرز + اسبريه دهبى وفضى + تنر او تربنتينه + طبق + فرشاة +جليتر + ملعقه +ماء + كوب جبس + كوب رمل ابيض بتاع البحر + ونصف كوب اسمنت ابيض + وعاء لعجن المكونات انا اخدت زجاجة بيبسى وقصيتها عشان بعد الشغل حترمى . الطريقه : اولا :  نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو  وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا  بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه  وبعد مايخلص او جنب من جوانب المجسم نبدأ بتوزيع الخرز او الولى والقواقع بشكل عشوائى مع الضغط عشا يجف الخليط ويمسك كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى   وبعد مانخلص كل الشغل نسيبهم يجفو خالص ممكن اربع او خمس ساعات معايا لحد هنا ودا الشكل النهائى بعد الخطوات الى فات  نيجى بقى لخطوة الاسبريه وهى طبعا بالنسبه للالون حسب اختيارك ممكن ازرق مع دهبى او فضى وممكن اخضر يعنى حسب ديكور البيت عندك والوانه  هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه الى تعجبك وبعد ما تسيبى المجسمات تجف من الاسبريه تيجى الخطوه القبل الاخيره .......  وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه الى جه عليه اثناء الرش  حناخد الفرشاة والفلوت وندهن المجسم كله  وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرضو حسب رغبتك ممكن تستغنى عنه اصلا كل الخطوات دى منى مش حاجه اساسيه يعنى  ودا بقى شكل العمل بعد الانتهاء حسيبكم مع الصور     اتمنى ينال اعجابكم |
|
|
#2 |
|
|
رد: تحف من الجبس شي خطير
مشكوره
تسلمين حياتي |
|
|
#3 |
|
|
رد: تحف من الجبس شي خطير
 |
|
|
#4 |
|
|
رد: تحف من الجبس شي خطير
رائع
يسلمو عزيزتي بانتظار جديدك المميز |
|
|
#5 |
|
|
رد: تحف من الجبس شي خطير
|
تحف من الجبس شي خطير