 |
  |
|
|
|
|
#1 |
|
:: كاتبة نشيطة :: |
بليز تقولوا لى رأيكوا فى "مذكرات جنا"
أولا دى أول مرة أكتب فيها رواية ليا فى منتدى قدام ناس كتير فياريت يا جماعة تغفرولى ذلاتى فى الكتابة , ثانيا ياريت بلاش حد ينقلها لأى مكان تانى بليز
ونبدأ القصة البطلة هى جنا وهى بنت لذيذة أوى بس عيبها انها عصبية جدا وحساسة جدا وزى القمر وأهم حاجة انها نساية جدا جدا يعنى بتنسى بسرعة هى البنت الوحيدة وهنعرف السبب بعدين وبنبدأ بأول صفحة : أهلا أنا جنا النهاردة أول مرة هبدأ أكتب فيها مذكراتى بصراحة أنا شايفة ان مفيش حاجة مهمة فى حياتى ولا هيكون بس فيه أوقات سعيدة بنساها كتابتى ليها هتخلينى قادرة انى افتكرها بعدين بصراحة لحد دلوقتى مفيش حاجة حصلت مهمة عادى رحت المدرسة الاعدادى وزى كل مرة راجعة و دماغى الى عالم بيها مصدعة أوى بسبب المدرسة بتاعتى عمالة تتكلم بسم الله ما شاء الله لسانها مش بيوجعها وياريت فى حاجة مفيدة أو حتى فى المنهج انما دى بتحكى لى قصة حياتها . صوت أم جنا من المطبخ : جنا تعالى بسرعة . جنا : حاضر يا ماما جاية اهه. مع السلامة دلوقتى يا مذكراتى راجعة ليكى بعدين . فى الصالة : والد جنا : جنا انتى لسة مش غيرتى هدوم المدرسة ليه يا حبيبتى؟ جنا : اسفة يا بابا بس كنت فرحانة شوية ب...................ز جنا حست انها كانت خلاص هتكشف سرها الوحيد والصغير وهو مذكراتها لأنها مش حابة انها تقول لحد عليه بس الحمد لله أنقذها صوت أمها الى قالت: كويس انها مش غيرته لأنى عاوزاها تروح السوبر ماركت وتشترى لى كيسين رز علشان الغدا. جنا: حاضر يا ماما هاتى الفلوس وهروح على طول . جنا أول ما أخدت الفلوس طارت على السوبر ماركت لأنها كانت عاوزة ترجع بسرعة عاشان تكمل مذاكرتها وتكتب عن المشوار ده مع انه عادى جدا بس هى هتحب تفتكر أى حاجة لأنها من وجهة نظرها لازم تكتب الحاجات دى لأنها مش هتلاقى حاجات تانية تكمل بيها الدفتر الكبير جدا الى معاها ده مسكينة مش عارفة انها لسة هتقابل حاجات كتير أوى أوى المهم هى راحت فعلا بس وهى راجعة شافت الولاد جيرانها متجمعين وباين عليهم هيلعبوا ماتش مهم أوى و"جنا" بتحب الكورة جدا وقالت مش هيحصل حاجة لما تتفرج شوية عليهم لأنهم كانوا بيلعبوا فى ال بالرغم من ان اصحاب المحلات حالوا يبعدوهم عن المنطقة دى بس مش قدروا عليهم لأنهم بدأوا يتمسكنوا ليهم وعدوهم انها هتبقى نص ساعة بس المهم بدأ الماتش و"جنا بدأت تشجع وفى قمة الحماس طارت الكورة من جارها "حسام" و خبطت فى وجهها اكياس الرز وقعت على الأرض واتقطعت والرز كله اتبعتر فى المكان و"جنا" لسة مش مستوعبة الى حصل اخر حاجة فاكراها وجه"حسام" وهو بيخبط الكورة فيها اديرت على طول وبصت فى فاترينة المحل الى وراها ولما شافت وشها وعلامات الكورة باينة عليه بدأت بالصراخ والعياط و"حسام" جارها جرى عليها حاول انه يهديها عارف انها الوحيدة وانها دلوعة باباها ومامتها وأكيد الموضوع مش هيعدى بالساهل ده غير انه من زمان معجب بيها ولقى انها فرصة علشان يكلمها بس أول ما قرب منها ومد ايده ومسح دموعها "جنا" ضربته بالقلم بقوة كبيرة لسببين انه ضربها والسبب التانى انها عمرها ما سمحت لأى ولد انه يقرب منها فلمسه ليها كانت حاجة كبيرة أوى بالنسبة ليها (اه نسيت اقول لكم ان سمير اكبر منها ب4سنين) وبعدين "جنا" بعد ما ضربته جريت على البيت وحكت الى حصل لأمها وقالت لها على ضربها ليه لأنها عمرها ما اتعودت انها تخبى أى حاجة عن أمها , و بالرغم من ان أمها كانت متضايقة من الى حصل ل"جنا" الا انها كانت عاقلة ونصحت بنتها بعدم تكرار الى حصل سواء كان ضربها لابن الجيران أو تأخيرها فى المشوار و"جنا " وعددت أمها بانها مش هتتاخر فى أى مشوار لكنها مش قدرت توعدها بعدم ضربها لأى حد يقرب منها ويلمسها وبرت ليها ده بانها لازم تحافظ كويس على نفسها وانها لو كانت سكت ليه المرة دى قدام كل الولاد كانت هتسمح لأى واحد انه يكرر نفس الحركة أم "جنا" مش قدرت تعمل أو تقول حاجة قدام كلام بنتها اكتفت بالابتسامة الخفيفة وقالت لها: ماشى يا جنة دنيتى ممكن تيجى تكلمى بابا محضر ليكى مفاجئة انما ايه . جنا: ماما لو سمحتى ممكن تحكى لبابا على الى حصل؟ أم جنا: حاضر جنتى يلا بقى. جنا كانت عاوزة أمها تحكى لوالدها وده ذكاء منها لأنها كانت متأكدة ان كمان دقايق و حسام و والده هيجوا ويشتكوا لوالدها فلازم والدها يبقى عارف كل حاجة منها أحسن من انه يعرف من حسام لأنه أكيد هيألف ويزود من عنده . وفعلا هى دقايق وكان حسام والده كانوا عندهم وقتها كانت رجنا والدها وأمها فى الصالة بيتكلموا فى الموضوع والدها كان مبسوط من كلامها بس كان شايف ان ردة فعلا كانت عنيفة شوية ونبهها لكدة ولما رن الجرس "جنا" جريت جوة غرفتها وأمها فتحت الباب وبعد كلام والد "جنا " مع والد "حسام" الحكاية هديت بس "حسام" الحكاية كانت صعبة اوى بالنسبة له لأنه خلاص بقى شاب والسنة الجاية هيدخل الجامع مع ان شكله مش كان بيدل على كدة خالص لأن جسمه صغير وقال فى نفسه( صدقينى يا "جنا" مش هعديها لك وبكرة هوريلك يعنى ايه تضربى حسام بالألم ) وبعد ما مشيوا والد "جنا " نده عليها وكانت هى لسة مخلصة كتابة الى حصل فى مذكراتها وجريت على والدها وباسته وعدته انها عمرها ما هتعمل مشاكل مع "حسام" تانى أبدا (مسكينة مش عارفة نيته) والدها بقى مبسوط وقال لها: على العموم بكرة ان شاء الله الجمعة يعنى أجازة فساعدى ماما "جنا" استغربت وقالت: ما أنا بساعد ماما ايه الجديد فى مساعدتى ليها بكرة يا بابا يعنى؟ والدها بابتسامة : بكرة هتقابلى واحد لولا ربنا ثم هو كنتى بعد الشر يا حبيبتى مش قدرتى تعيشى لحد دلوقتى هيجى هو عيلته يعشوا هنا فى نفس العمارة فى الشقة الى مقابلة لينا على طول وأنا مبسوط لأنهم كانوا جيراننا زمان وهما بصراحة أحسن ناس من حيث الأدب والأخلاق وكمان اخواته قريبين من سنك وصدقينى هتبقى مفاجأة حلوة ليكى ايه ده الوقت اتأخر أوى يلا "جنا " ميعاد النوم علشان تجهزى البيت حلو مع ماما بكرة ان شاء الله . "جنا ": حاضر يا بابا . تصبحوا على خير. وبعد ما باست بابا و ماما راحت علشان تنام وطبعا كتبت عن المفاجأة فى مذكراتها وبعد كدة عانتها فى الدولاب تحت هدومها وراحت تنام وهى متخيلة منقذها ده راجل كبير فى سن والدها وكمان مش عارفة ايه الى هيحصل بكرة وهيغير حياتها بليز الرد يا جماعة والتشجيع لأن عدم ردكم معناه انها مش عجبتكم وبالتالى مش هكملها فيا ريت الرد |
|
|
#2 |
|
|
رد: بليز تقولوا لى رأيكوا فى "مذكرات جنا"
منتظرة ردودكم
|
|
|
#3 |
|
|
رد: بليز تقولوا لى رأيكوا فى "مذكرات جنا"
 كتبتي فابدعتي لا استطيع أن اقول انكي مبدعة لانكي تخطيتي الحدود وحلقتي في سماء الكون لتسطري لنا أحرفا في أبهى حله و أروع كلام دام نبضك وقلمك........... |
|
|
#4 |
|
|
رد: بليز تقولوا لى رأيكوا فى "مذكرات جنا"
ميرسى جدا يا قمر على ردك والكلام الحلو والله أنا كنت خلاص بدأت أفقد الأمل بس انتى رفعتى من روحى المعنوية والله
|
|
|
#5 |
|
|
رد: بليز تقولوا لى رأيكوا فى "مذكرات جنا"
يسلمو
|
