ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم مدونتي غروري ضروري يوجد هنا مدونتي غروري ضروري سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم   #1

غروري ضروري

:: كاتبة مقتدره ::

الملف الشخصي
رقم العضوية: 126139
تاريخ التسجيـل: Jul 2010
مجموع المشاركات: 439 
رصيد النقاط : 0

رسالة مدونتي غروري ضروري


مدونتي غروري ضروري

بسم الله الرحمن الرحيم


السلام عليكم ورحمة الله وبركاته


هنا سوف تكون مدونتي سوف اكتب فيها كل شي عني


ولايسمح لاي عضوه بالكتابة فيها ولكن مني جزيل الشكر:101xv6:

 
قديم   #2

غروري ضروري


رد: مدونتي غروري ضروري


مدونتي غروري ضروري

اسمي..منار

العمر...13


الدراسه ...ثاني متوسط


الهوايات..كتابة الخواطر والرسم


المدينه... المملكه العربيه السعوديه

السكن جده

 
قديم   #3

غروري ضروري


رد: مدونتي غروري ضروري


مدونتي غروري ضروري

خاطره كتبتها بنفسي عند قدوم والدي من السفر

القمر جاي واحنا بنتضاره......الساعات والدقايق تمر بسرعه


ياليته يشرف بنضرته الحلوه......اليوم قبل بكره

فديت الغالي وجياته

 
قديم   #4

غروري ضروري


رد: مدونتي غروري ضروري


مدونتي غروري ضروري


[ خفوق الغلا ] .. )


::: ودّي أسألك .. ! :::


إن كان ودي أسألك
في سؤالي كم هائل أسئله..

مدري أبدا بالسؤال الجوهري
ولاّ أخذ من سؤالي أسهله ..

وإن عزمت أرسل سؤالي
أتعب أنسج في الكلام واجهله ..

وشلون أبكتب صيغته وشلون ؟!!!
يا كيف ابسأل قلبك الي أمهله..؟!!

كلما كتبته أمسحه ثم
اكتبه ثم امسحه.. !! اعقبي يا مهزله!

يا ني عجبت لحال فعلي..!
كيف أبسأل سيدي ..وهذا سؤالي هجوله ؟!!

ياكم كتبته وامسحه إما بدمعي
أو كسير المرسمه أو مكحله ..!

وانته تناشدني أقول الي فبالي
وش اقول ؟!! والمعالي في جبالي أسفله!؟؟

خلني أرتاح تكفى لا تبعثرني
خلني وأدري بحالك يا عزيز المرّجله

مصعب حروف الشعر لكن ..
في غلاك أكتب قصيدي ومسهله ..!

الله .. الله يا حُسن القوافي فيك ..
ويا بخت البيوت الي باسمك تحمله !


أما سؤالي !! .. قلت لك
لو فيني حيل أكتبه من اوله !!

لكن جبانه !!.. ما يخوفني أبد
إلا حبيبٍ صعب واجد أزِعله !

لكن عزاي إني بشعري أكتبه
أسر حروفه بين حرفي وأهمله ..

وأرجع أحمله ثم اهلمه ثم ..
أحضن في خفوقي حب ساكن بأكمله

وإنت تدري وآنا أدري ..
وكلنا ندري ابزمان المشكله ..!

يمكن سؤالي صعب لكن الصعوبه ..
في عمود البيت ترفض أرسله !!,

فينا عوايد ما تكون إلا سلوم ٍ
ما لها بالدين ساس ولا لها من مدخله !!

وش حيلتي ..؟إلا خفوقٍ يا وليف ٍ
يا شموخٍ ما توازيك الصفوف المقبله

وش حيلتك في من يحبك وينتظر
إما وصالك أجمعه ولا شتاتك أقبله ؟




:
:

..........................

::: إنتبه يزعل :::

يا عيني كفي الدمع
دخيل الله كفيه ..!

حرام الي تساويه
ما نساك الي تناديه

فقد لأه وفقد هاه وفقد إيه !!
ويا عيني دموعك ما فقدتيه

عُقب حالت ..
رياح البعد في هالتيه!!

نذر بالله ..
باسجل مواقف تحتمل تنبيه!!

حبيبك أحذرك أصحى
يجي يومن تخليه !!

حبيبك انتبه يزعل
هواه إنك تداريه !!



تعارك إنت واظروفك
وهذب حرفك أقوالك

وصبّح في صباحه حُب
ومسّه شوق أحضانك

 
قديم   #5

غروري ضروري


رد: مدونتي غروري ضروري


مدونتي غروري ضروري

واحده من ثلاث قصائد لهذه المناسبه
:

بالأمس أنظم قصيدة مدح
واليوم أبهجو,, يوم ميلادي
مثل أمسي ..
نام وقام سيان ِ !!
شفت إشلون ..
شفت أيام تسعا بي ؟!!
و يا عمري ..
وبدري بدرها بادي ..
و ما أدري ..
وأنا وابخاطري باكي
ولكن فيني الضحكة
وبوسط روحي حسافاتي
أبوي ينسى يهنيني
وذاك الغايب السالي !!
وأمي ؛؛ ودها تقصد
ولكن قصدها ثاني !!
فديتج أقصدي فيني
ولو قصدج تسبيني !
أوريج العمر سارح
وبكره ؛؛
رايحن فيني
حروف الشعر ملتني
وأشد القاف عاندني !
I
i
i
فهل أبكي على ماكان ؟!!
أو إلي بالقدر ماهان؟!
أويلاه العمر خلّص
وحالي من رداته شان !
أصيح ودمعتن ناخت
على خدن ظناه الشوق
لدارن ف السما تلمع
ودارن ما بعد بانت!
I
i
i
فليتك يا موطنك قلبي
تكون أول مهنيني
أكون بكلمتك مبروك
كطفلن غرد ابضحكه
فعالم أزهر بروحي
واطير ودنيتي جنه
وقلبي حضّن الوردات
i
i
i
تعالوا عندي ما يكفي
بدمعن ما عرف ظني
أصبه من صباح الهم
وأضمه ضمّة المقهور
يبي يبكي .. يبي مدري
وهذا بس ليش إني
بتاريخ اليوم ......
ميلادي !! !!

.... .. ....

:: مدمنه ::

ناس أدمنت شرب شاي
تشربه .. عادي وهذي سواته

وسيء الحظ أدمن سيجاره
وضايع الدين أدمن الكاسه

ومن حبه الله تداوى ..
ومشفى الأمل موطن دواته

وأنا بري حالي أدمن الشوق
أدمن العشق وان شفت هاته

صرت آتفيا ظلال شمسه
أشري براده عن هبايب دفاته

أحبه وأدمنه ما يدمن العاشق
حبيبه إلا وهو أول هواته

ماخبرت القلب يهوى وفي هوته
طاح وتوهق في شتاته

أدمن الراهي شديد المهابه
أدمن طروبه لو لقمتي منه الفتاته

داو الي أدمن غلاتك بالغلا
ماخبرنا المشافي داوت سكاته

......

 

أدوات الموضوع



الساعة الآن توقيت السعودية الرياض و الدمام و القصيم و جدة 02:39 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0