 |
  |
|
|
|
|
#6 |
|
|
في مطعم شليز....
مشاعل:اجل شنو المفاجاه؟ شوق:اذا قلت لكم لا تصارخون ترى حنا بمكان عام هديل:اوه يلا عاد قولي؟ شوق(بتسامه عريضه):بمناسبة التخرج هديه مني لكم انا... مشاعل:ايه انتي شنو؟ شوق:انا... هديل:قسم بالله اذا ما تكلمتي بشيل اغراضي واروح البيت شوق(برود):كيفك روحي ماراح تعرفين المفاجاه مشاعل:اقول بلا سخافه شوق حبيبتي انتي يلا قولي شوق:زين,حجزت لكم على اسبانيا والاحد الجاي بنسافر مشاعل:No way من جدك شوق:لا من عمي اكيد اجل تحسبوني العب انا هديل:واو مشكوره حبيبتي على الهديه الحلوه شوق:وفي شي احلى بعد مشاعل:غير السفره بعد؟ شوق:ايه انا اقنعت ماما اننا نسافر لحالنا بس بيجي معنا عمي سلطان هديل:من هذا عمك ما عمرك تكلمتي عنه؟ شوق:هذا عمي فري وما لا علاقه مع احد بالعايله امس كلمته وقالي يبي يسافر بس مو عارف هو مشاء لله عليه زار كل دول العالم عاد جبت له طاري اسبانيا وقال انه من سنتين راح لها وقال بيرجع يمكن تغيرت عاد هنا انا قلت حلو نسافر معه بس هوقالي لما نروح هناك هو ما له علاقه فينا نروح المكان الي نبيه اسم بس ان رجال رايح معنا لاني ماما ما واقفت الا لما عرفت انه جاي معنا هديل:حلو بس ما ادرى اذا ماما توافق ولا لا؟ مشاعل:وليه ما توافق؟ هديل:يعني عشان بنروح لحالنا شوق:ما عليك انا بكلم امك وبقنعها مشاعل:طول عمري اسافر ولا فكرت اروح اسبانيا شوق:رحاب رايحه لها العام وتقول تهبل بنبسط هناك مشاعل:على طاري رحاب خليها تجي معنا وبما انها تعرف اسبانيا خليها تصير المرشد السياحي شوق:لا ما تقدر اهلها بيروحون هالسنه على سويسرا بس يمكن تمر علينا اذا امدها هديل:اوكي بتروحون السوق مشاعل:اكيد انا حاطه بالي اشياء كثيره بشتريها شوق(وهي تطالع ساعتها):اوكي انا بروح الحين هديل بكره كلمني وخبريني براي امك هديل:اوكي شوق(وهي تقوم من الطاوله):تصبحون على خير باي هديل ومشاعل:وانتي من اهله بعد نص ساعه تقريبا راحوا كل من هديل ومشاعل على بيتها وهم يخطون لسفرة اسبانيا... ****************************** رجعت شوق القصر على الساعه12 تقريبا طلعت بالاصنصير وهي ماشيه لجهة غرفتها سمعت صوت من غرفة ناصر.... كان الباب مفتوح شويه شافت ناصر يكلم بالجوال وصوته كان عالي شوي.... ناصر:جبته وخلاص طيب انتي ليه معصبه؟ يعني لازم تعرفين؟ ا... كنت بكلمك بموضوع مهم شفيك انتي لا خيانه ولا شي طلعي موضي بره الموضوع هي مالها شغل رحاب بليز اسميعني كانت صدمه بالنسبه لشوق لما اسمعت اسم رحاب ,معقوله ناصر يكلم رحاب ومن ورى موضي اكيد اخذ رقمها من جوالي بس شنو يبي فيها... ناصر:طيب تعالوا عندنا قبل السفر عشان اتفاهم معاك يابنت الناس ما ينفع بالتلفون انتي كله تبين تعانديني وبس رحابوا سمعيني عدل... سوري مو قصدي بس تخلين الواحد يعصب طيب تعالوا حتى لو يوم واحد طيب حاولي تكفين اوكي,سوري ازعجتك تصبحين على خير رمى ناصر الجوال على السرير ومسك راسه وتنهد بقوه رمى نفسه على السرير يفكر بالي سواه بس غلط وخيانه بالنسبه لموضي بس شيسوي بقلبه الي مو راضي يطيعه.... مشت شوق بكل هدوؤء عشان ما يسمعها شافت غرفة رغد مفتوحه قربت منها وسمعتها تكلم بالجوال,الظاهر اليوم مكتوب اكتشف اشياء كانت مجهوله بالنسبه لي... رغد:فهد خلاص والله اسفه فهد:وانتي ليش تسكتين عنها المفروض تعلمينها الادب رغد:حبيبي لا تعصب نفسك عشانها فهد:على قولتك يلا انا طالع عند الشباب اكلمك بكره رغد:اوكي,انتبه على نفسك فهد:تصبحين على خير رغد:وانت من اهله,باي سكرت رغد منه وهي تبتسم بس انقزت بمكانها على صوت شوق وهي معصبه... شوق(وهي معصبه):انتي كنتي تكلمين فهد؟ رغد(برود وهي تحرك كرسيها لجهة السرير):اظنك سمعتيني ماله داعي السؤال شوق:انتي غبيه ولا تستهبلين؟ رغد:انا ما اسمحلك تسبيني شوق(وهي تتنهد):رغ انتي ما تعرفين فهد كثري هذا بيقص عليك بيخدعك رغد(باستهزاء):لا مثلك يعني شوق(بلعت ريقها بصعوبه):موضعنا الحين عن فهد مو عني رغد:على طاري فهد ترى طلب مني انك تدقين عليه وتعتذرين منه شوق:نعم رغد:ايه ليش مو مصدقه اخر مره تهاوشت معاه ولا اعتذرتي شوق:هذا شنو حاقد اخر مره شفته كانت من اسابيع ويخسي اعتذر منه رغد:اجل تحملي الي بيجيك شوق:شقصدك؟ رغد:قصدي انتي عارفته ما له داعي الف والدوران شوق:انا مو عارفه انتي شلون متحمله تسمعين صوته كل يوم بعد الي سواه فيك؟ رغد:هو ما سوى شي انتي الي قصيتي عليه شوق:قصيت عليه ليه كم كان عمره 5ولا6 سنين اظنه كان رجال(وشدت عليها)ويفهم رغد:انا مالي شغل بالماضي هوقال دقي عليه واعتذري منه شوق:انتي تدرين ان فهد يبغى يتزوجني رغد(انصدمت):نعم فهد يبي يتزوجك؟؟ شوق:ايه ما قالك حبيب القلب رغد:انتي كذابه فهد مستحيل يسويها شوق:انا كذابه طيب دقي عليه واساليه مع اني عارفه مسبقا شنو بيقول رغد:اظن قلتي كل الي عندك اطلعي بره شوق:رغد صدقيني فهد يقص عليك هو ما يحبك ولا عمره حبك خذيها مني نصيحه ابعدي عنه رغد(عطتها ظهرها):انا مو محتاجه نصائح منك اطلعي بره شوق:بس... رغد(بعصبيه):انتي ما تفهمين قلت لك اطلعي بره شوق(وهو تتجه للبا بياس):تصبحين على خير اول ما سكرت شوق البا ب حطت رغد ايدها على وجها وبكت على اختها الي كل ماحاولت تقرب منها تبعدها هي اكثر ساعات تفكر تسامحها وتقول مهما كان هذي اختي بس كل ما شافت الكرسي الي حابسها تحقد عليها اكثر وتكرها من اول وجديد بس يمكن بيوم تسامحها بس بعد ما يفوت الاوان.... ************************* شوق دخلت الغرفه بدلت ملابسها وتذكرت كلام رغد عن فهد مالها خلق تكلمه بس خايفه ملي ممكن يسويه جلست على الكنبه ودقت عليه ..... فهد(اول ما شاف رقمها ابتسم):هلا بنت عمي شوق(بدون نفس):انا ما دقيت عشان ترحب فيني انا دقيت عشان خاطر رغد وبس فهد:طيب وانتي ليش داقه ؟ شوق:ياشين الاستهبال انت تدري ليش انا داقه فهد:فديتك انتي وعيونك الخضر بصراحه ما اعرف شوق:لا تقعد تتغزل فيني انا ما اسمحلك فهد:وتسمحين لغيري صح؟ شوق(استغربت):من غيرك؟ فهد(بحقد):طلال شوق:هههههه فهد:انكت انا شوق:شدخل طلال بالموضوع؟ فهد:ويوم كنتي واقفه معه وتضحكين كانك تعرفينه من سنين شوق:لانه خدوم وطيب فهد:ههه انتي ما تعرفينه كثري هذا واحد... شوق:خلاص طلال مو موضعنا الحين فهد:على قولتك,سمعني زين انا بجي عنكم مع اهلي عشان اخطبك شوق(مصدومه):تخطبني وانت توك مكلم اختي وتعرف انها تحبك شلون يجيلك قلب تسوي فيها كذا؟ فهد:مثل انتي ما جالك قلب شوق(جرحها كلامه لازم كل شوي يذكرها بغلطة الماضي):........ فهد:لا تغلطين على عشان ما اجرحك شوق(تنهدت):طيب ,بس موضوع الخطبه هذا شيله من بالك فهد:نعم انا اعطيتك خبر وخلاص شوق(طرت بالها فكره):طيب عطني مهله افكر فهد:هههه شتفكرين فيه غصب عنك توافقين شوق:قصدي يعني اجهز نفسي فهد:ماله داعي انتي طول عمرك حلوه شوق(ياشينك بس بجاريك):تسلم عيونك الحلوه فهد(ما استوعب شوق تقوله كلمه حلوه):غريبه من وين طالعه الشمس اليوم؟ شوق:هههههه ما الغريب الا الشيطان فهد:طيب متى اجيك؟ شوق:مم الاسبوع الجاي يوم الاحد فهد:بس مو كانه المده طويله, شوق:مو طويله فديتك كلها اسبوع وتشوفني فهد(مومصدق):معقوله الكلام الحلو هذا لي شلي غير رايك فجاءه شوق:ابد فكرت واقتنعت وبعدين انت ولد عمي اولى من الغريب فهد:شاطره كذا تعجبيني شوق(خير اصغر عيالك يالله نمشيها):اوكي كذا اتفقنا فهد:طيب اجيك يوم السبت شوق:لا ما اقدر عندي شغله ضروريه لازم اسويها يوم الاحد انسب شي فهد:طيب براحتك شوق(بدلع قبل لا تسوي فيه المقلب):فهد انا بروح انام الحين فهد:يا حلو اسمي من فمك اوكي قلبي تصبحين على خير شوق(الكلام بالاش عنده):وانت من اهله باي فهد:باي رمت شوق الجوال بعصبيه على الكنبه وراحت للسري تنام وهي بداخلها راضيه على الي بتسويه لفهد يستاهل عشان مره ثانيه يتادب ولا يفكر فيني... **************************** في الصباح الساعه 12 هديل وشوق تجمعوا في بيت مشاعل عشان بيطلعون مع بعض للسوق>متحين على السفره خخخ راوحوا مجمع الراشد تغدوا بعدين تسوقوا ومع انه الملابس ماليه الغرفه بس يحبون الصرف.... بعد الشوبينق قروا ياخذون بريك ويجلسون بكافيه ,جلسوا بستار بكس وخذوا طاولتين وحده لهم والثانيه للخدمات. شوق:ليندا ليندا(خدامه شوق):Yes شوق(مدت لها 500 ريال):جيبي 2 كابتشينو واحد كارميل ماكيتو و3 شيز كيك ستروبري,وخلي الباقي لك ليندا:Ok هديل:كان قلتي لها تشتري شي لها شوق:لا تخافين من غير ما اقول بتشتري مشاعل:انا تعبت من الشوبينق رجولي تعورني شوق:يعني خلصتي اغراضك؟ مشاعل:ايه اصلا انا اشتريت هالملابس احتياط ولا انا عندي كثير بالبيت هديل:انا بس باقي لي اشياء بسيطه واخلص شوق:لا انا بشتري ما صدقت اني اسافر عشان افسخ العابيه واتكشخ جاءت الطلبات وتقهوا البنات بعد كذا كملوا شويه الشوبينق ,وبعد العشاء طلعوا من الراشد وكل وحده ارجعت البيت تعبانه ونامت.... ************************ مر الاسبوع هذا كله بالسوق تجهيز للسفر ,وشوق ما صارت تشوف رغد كثير ارتاحت شوي من المشاكل والدموع تبي تسافر عشان تنسى شوي وتنبسط وما تبغى شي يخرب عليها وناستها.... رجعت شوق من السوق بدري شافت الابتوب على الطاوله,من زمان عن المسانجر والنت خليني ادخل اشوف يمكن في احد اسولف معه... راحت بدلت ملابسها ولبست بيجامه لونها بنفسجي ناعمه وخفيفه,رفعت شعرها وشبكت على النت... سوت تسجيل دخول بالمسانجر ولقت رحاب اون لاين وحده من بنات المدرسه وكم وحده من معارفهم... توها بتكلم مع رحاب الي هي تسلم عليها.... *اتمنى إختفاء ثلاثه للابدهمك).(وضيق صدرك).....والي ما عرف((قدرك))...* هاي وحشتيني يا القاطعه $على مثلك انا ما ابكي.........ومثلك ما يبكيني$ هلا والله بوخيتي وانتي اكثر *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* شخبارك؟وشخبار رغد وخالتي؟ $على مثلك انا ما ابكي........ومثلك ما يبكيني$ كلهم بخيرانتي شخبارك ؟ *اتمنى إختفاء ثلاثه للابدهمك).(وضيق صدرك).....والي ما عرف((قدرك)).....* تمام متى بتسافرين؟ $على مثلك انا ما ابكي........ومثلك ما يبكيني$ يوم الاحد الساعه 12 باليل *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* يو اجل بتصولون اسبانيا الصبح بدري $على مثلك انا ما ابكي.......ومثلك ما يبيكني$ مو مشكله اهم شي اروح وافتك *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* بحاول اقنع امي لما نرجع من سويسرا نمر عليكم $على مثلك انا ما ابكي .......ومثلك ما يبيكني$ ايه والله حاولي تقنعينها البنات يبون يشوفنك *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* تعالي النك نيم حقك حلو بس مين هذا الي ما تبكين عشانه شوق ما عرفت شنو تجاوبها تقولها ان قصدي اخوك الحقير الي ملوع كبدي خساره فهد اخوك.... $على مثلك انا ما ابكي .......ومثلك ما يبيكني$ ابد بس سرقته من وحده لانه عجبني نسيت اقولك اخوي ناصر سال عنك * اتمنى إختفاء ثلاثه للابدهمك).(وضيق صدرك).....والي ما عرف((قدرك))....* ليش يبي شي؟؟؟ $على مثلك انا ما ابكي......ومثلك ما يبكيني$ سالني عن اختبارتك شنو سويتي فيهم جد سخيف يسوي نفسه ما يدرى وهو داق على امس بس مدرى شيبي فيني انا تركت الشريقه عشانه يجي هو ويلحقني لين هنا اف ... شوق استغربت ليش رحاب تاخرت بالرد... *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* $على مثلك انا ما ابكي....ومثلك ما يبكيني$يرسل لك اشارة تنبيه يمه خوفتني شفيها خبله انا اوريها.... *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* شقيك رجيتي راسي $على مثلك انا ما ابكي....ومثلك ما يبكيني$ وين رحتي؟؟؟؟ *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* معاك,اختباراتي زينه يوم لك ويوم عليك $على مثلك انا ما ابكي....ومثلك ما يبكيني$ اوكي رحوبه انا بطلع سلمي على عمي وامك *اتمنى إختفاء ثلاثه للابدهمك).(وضيق صدرك).....والي ما عرف((قدرك))....* تو الناس وين رايحه؟؟ $على مثلك انا ما ابكي....ومثلك ما يبكيني$ بروح انام توني راجعه من السوق وتعبانه اشوفك على خير بايو توها رحاب بتكلمها لا تشوفها غير متصل ... هذي على طول ما عندها وقت انا بعد راسي يعورني بروح انام احسن.... *********************** قامت مشاعل من النوم وهي كلها نشاط وحيويه لان اليوم ((الاحد))اليوم المنتظر ,دخلت الحمام غسلت وجها وطلعت مستعجله مسكت تلفون الغرفه ودقت رقم7 حق غرفة الخدم... ريتا:Yes مشاعل:Reta come you and sozy to my eoom now ريتاk سكرت مشاعل السماعه وهي رايحه لغرفة الملابس سمعت طق على الباب راحت فتحته ولقت سوزي وريتا قالت لهم يطلعون الشنط ويرتبون الملابس وهي قاعده تطالعم وتشوفهم عشان لا ينسون شي طلعت الملابس الي بتلبسهم حق السفر ... قررت تنزل تحت ضيع وقت لين تجي الساعه8 وتروح عند هديل ,نزلت الصاله ولقت جدتها مع ابوها تتافت وندمت انها نزلت... مشاعل:هاي الجده(لفت وجها ):استغفر الله العظيم ابو مشاعل:هلا مشاعل متى بتروحين؟ مشاعل(وهي تجلس على الكنبه):الساعه8بروح عند هديل الجده:على وين انشاء لله؟ ابومشاعل:ب.... مشاعل(تقاطعه):بسافر اسبانيا الجده:مشاء لله ومع مين اذا ابوك مو رايح؟ مشاعل(وهي تلعب بشعرها):مع صديقاتي الجده:صدق ما تستحين تروحين بلاد بره بدون رجال؟ مشاعل:عادي انا طول عمري اروح امريكا بالصيفيه وDadعمره ما راح معاي الجده:اكيد ما يروح امريكا تبينه يشوف امك الخايسه مشاعل:لا تغلطين علىmom الجده:امك هذي اصلا... ابو مشاعل:يمه خلاص ماله داعي نتكلم بهذا الموضوع الجد(بعصبيه):الا بقول صارلك سنين ساكت عنها وعن سويها خلها تعرف امها الي فرحانه فيها شتسوي ابو مشاعل:بس انا.... مشاعل(وهي توقف وتقرب عند جدتها)ad خليها تقولي انتوا شنو خاشين عني؟ ابومشاعل:مشاعل حبيبتي روحي غرفتك الجده:لا انا بقولها ,امك الي شيلتها فوق راسك ابوك لمها من الشوارع عزها وكرمها وتزوجها ويالتها صانت العشره لا ماكفها ابوك تروح تلف حول عمك وتخون ابوك معه وعمك اصغر منها ما يفهم شي لاكن ليش استغرب بنت شوارع وبتظل طول عمرها بنت شوراع مشاعل ما صدقت الي سمعته طالعت ابوها تستنجد فيه عشان يكذب جدتها لاكنه طالعه فيها بكل برود كانها ياكد كلمها.... الجده:ابوك المسكين حبها بس ما تحمل الخيانه طلقها وجابك ويها شلون قادر يتحمل يشوفك تكبرين كل يوم وتشبهين امك اكثر وهو كل ما شافك تذكرها مسودة الوجه وعياله الباقين ما يندرى هم عياله ولا عيال اخوه مشاعل ما تحملت تسمع اكثر حطت يدها على اذنها وصرخت بوجه جدتها وهي تبكي.... مشاعل:بس خلاص يكفي انتي شنو مافي قلبك رحمه الجده:انا ولا امك الله لايوفقها مثل ما فرقت بين عيالي مشاعل:لاتدعين عليها هذي امي الجده:ايه لا عدوا الامهات عدوا امك وياهم,انا لو منك استحى على وجهي واطلع من هنا ولا ارجع مشاعل:dadانت متى طلقت mom ابو مشاعل(من دون ما يطالع فيها):من 3سنين ونص مشاعل:طول هذي المده وانا ما ادرى عن شي؟؟ الجده:كسرتي خاطره مع انك ما تكسرين الخاطر فاسخه وعوبه مثل امك الله لا يبارك في الساعه الي شفنها فيها مشاعل(وهي تبكي):عشان كذا كل ما شفتني تتهاوش معاي ولا تسال عني,طيب انا شنو ذنبي انا بنتك الجده:أي شي من هالامريكيه الكافره ينشك فيه مشاعل موقاردة تتحمل اكثر من كذا طلعت بسرعه بره القصر حاولت تمشي بس رجوالها ما شلتها من الصدمه معقوله امي انا تسوي كذا تخون ابوي ومع عمي واحد اصغر منها .... راحت للبا الخلفي للمطبخ ومسكت التلفون ودقت على غرفتها.... سوزي:Yes مشاعل:سوزي جبي اغراضي لتحت وحطيهم بالسياره وقولي لشاهين يشغلها بسرعه فاهمه سوزيk I will maek it doen now سكرت مشاعل السماعه بكل اسي تنطرد من بيت ابوها وقدامه وهو ولا يقول ولا كلمه وكانه راضي على الي يصير وده تطلع اليوم قبل بكره ,رجع لها كل كلام جدتها عن امها وان اخونها يمكن يطلعون عيال عمها هزت راسها بقوه عشان تطلع هالافكار من راسها وطلعت بره لقت السياره جاهزه وسوزي تدخل الشنط هي وشاهين... تقدمت عندهم مشاعل وهي منزله راسها ودموعها تطيح بالارض ... شافتها سوزي ومدت لها العبايه سحبتها منها بقوه ولبستها بالغصب تكره العبايه وتكره كل شي يحسسها بانها مقيده وتكره كل شي يذكرها باهلها الي طرودها وما يبونها... ************************* هديل:فيصل يعني لازم فيصل:أي لازم هناك في عرب وخيليجين بالتحديد هديل:بس شوق ومشاعل مارح يتحجبون فيصل:انا ما لي شغل فيهم لي شغل بس بحبيتي هدول هديل:اف فيصل:كأن الكلام مو عاجبك؟ هديل:لا عاجبني بس... فيصل(يقاطعها):لابس ولاشي مو كافيه اني ما راح اجي معاك هديل:بطول بالرياض؟ فيصل:مدرى والله ابوي عنده شغل ويبيني معاه هديل:طيب,بس انا ما جهزت غطاوي ملونه حق السفر فيصل:جهزي الحين باقي على موعد الطياره توها بترد الا تشوف باب غرفتها ينفتح بقوه وتدخل مشاعل وترمي نفسها على السرير وتبكي.... هديل(خافت عليها واستغربت دخلتها فجاءه):حبيبي اكلمك بعدين فيصل:ليه ؟ هديل:جتني ميشو تبكي مدرى شفيها فيصل:اوكي دقي على قبل لا تروحين الطياره هديل:اكيد باي رمت هديل الجوال على الكنبه وراحت عند مشاعل الي تصيح بصوت عالي وتشهق ... هديل(ترفع وجه مشاعل عشان توجها):ميشو شفيك ليه تبكين؟ مشاعل(تبكي وتشهق وكلامها مو مفهوم):جدتي...بابا...طرني وماما انا امي بنت شوارع هديل:مشاعل مو فاهمه شي ارتاحي انتي الحين وبعدين تنكلم مشاعل كانت ترجف من كثر البكي انسدحت بكل هدوؤء على السرير وغطتها هديل وباستها على جبينها على طول غمضت مشاعل عيونها ونامت مثل الاطفال.... هديل دمعت عيونها على صديقة عمرها ما تدرى ليش تبكي كذا وهي طول عمرها تضحك وتمزح طفت المبات وطلع عشان ما تزعجها.... *********************** طلال قاعد بالغرفه وماسك الجوال متردد يدق عليها ولا لا,معقوله ياطلال انت تخاف وتردد تكلم بنت بس هي غير عمري ما شفت وحده حلوه الاجميله مثلها مو بس الشكل كل شي فيها يعجبني يخليني اسرح فيها هي وبس ... بعد تفكير قر طلال ودق عليها وقلبه يدق طبول.... شوق(شافت رقم غريب بس ردت):الو طلال(حس ان قلبه بيطلع من مكانه بس حاول يتحكم بنفسه):مساء الخير شوق شوق(عرفت صوته مستحيل تنسى صوت منقذها):مساء النور شخبارك طلال؟ طلال(فرح لانها عرفته):بخير ,شلون عرفتيني؟ شوق:معقوله انسي صوت بطلي طلال:هههه انا ما سويت الا الواجب شوق:لا ياطلال لو واحد غيرك كان... طلال(يقاطعها):خلاص شوق انسي السالفه شوق:اوكي طلال:صار شي جديد مع فهد؟ شوق:ايه قبل كم يوم دق على وقال انه يبي يخطبني طبعا انا رفضت بس قال انه بيعلم امي وابوي عن الموضوع الي تعرفه,بس انا سويت فيه مقلب بخليه يتعلم درس عمره ما ينساه طلال:ههههه شنو المقلب؟ شوق:قلت له عطني فرصه اسبوع افكر ويوم الاحد تعال وبنتفق على كل شي,هههه بس انا اليوم بسافر طلال(باستغراب)مسافره؟؟ شوق:اوه نسيت ما قلت لك بسافر اليوم الساعه12 لاسبانيا طلال:بطولين هناك؟ شوق:شهر طلال:موكأن المده طويله؟ شوق:لا هذا اسبانيا شهر ويالله طلال:تروحين وترجعين بالسلامه شوق:تامر بشي من هناك؟ طلال(ودي ما تسافرين وتبعدين عني):ابي سلامتك وانتبهي على نفسك زين سمعتي شوق:من عيوني تامر امر طلال:ما يامر عليك عدو شوق:طلال انا مضطره اسكر الحين عندي مكالمه طلال:اوكي اذا بغيت شي دقي ما يردك الا لسانك شوق:انا مالي غيرك بالدنيا اكيد بدق عليك طلال(احبك وربي احبك):طيب ما ابي اعطلك بس ممكن طلب؟ شوق:امر طلال:قبل لا تركبين الطياره كلمني شوق(باستغراب):ليش؟ طلال:بسمعك شي شوق:اوكي ,اشوفك على خير باي طلال:باي سكر طلال منها وفكر شنو يسمعها قبل لا تسافر هو قال كذا كذبه لانه ما يقدر يقولها انه بيشتاق لصوتها ويبي يسمعه قبل لا تقفل جوالها بالطياره فتح الدرج الي حاط فيه كل الاشرطه والسيدايات للاغني وقعد يدور شي مناسب.... *************************** نزلت شوق وهي مستعجله من الدرج ورها الخدمات يشلون الشنط,دخلت للصاله لقت امها ورغد جالسين يسولفون.... شوق:هاي ام ناصر:هلا,وين رايحه؟ شوق:بروح بيت هديل ام ناصر:بس تو الساعه 9 انتي قليتي بتروحين الساعه10 شوق:ادرى بس صار شي ضروري ولازم اروح الحين وبطلع مع صديقاتي على المطار ام ناصر: دقيتي على عمك؟ شوق(وهي تحط الغطا على راسها):ايه وقلت له الساعه 10 يكون في المطار ام ناصر:لا تنسين كل يوم كلميني واذا احتجتي شي دقي على على طول فاهمه شوق(بملل):ماما شدعوه ترى عمي بيجي معاي ام ناصر:امحق عم اصلا هالسفره كلها مو داخله براسي بس شسوي طول عمرك مدلعه وما تعودتي احد يقولك لا شوق:ماما خلاص انتهينا من هالموضوع وانا بسافر اليوم ,المهم تامرين على شي؟ ام ناصر:سلامتك بس انتبهي على نفسك وسلمي على هديل ومشاعل شوق:حاضر(طالعت برغد )رغد تامرين على شي؟ رغد(ودها تركض لاختها وتودعها وتروح معها بس ما بي اليد حيله):شكرا ولا شي شوق(عمرها ما راح تسامحني):طيب,مع السلامه مشت شوق لجهة الباب بسقلبها خانها وخلها تلنفت على اختها... شوق:رغد رغد(باستغراب):نعم شوق(طالعت فيها بنظرات رغد افهمتها):انتبهي على نفسك,باي وطلعت قبل لاتسمع ردها او تشوف ردة فعلها برة ذمتها وسوت الي عليها ركبت السياره وهي تفكر بمشاعل ومكالمة هديل الي خوفتها .... **************************** طلال لقى الاغنيه الي بيسمعها لشوق اخذ السي دي مع جواله ونزل بالاصنصير لتحت ,قعد بالصاله الكبيره الي كان تصميمها شبابي مرره الونها بين البرتقالي والكحلي والسماوي مداخله مع بعض بشكل حلو.... مسك الريموت وشغل التلفزيون البلازما واشتغل معاه السمعات الكبيره الي جمب التلفزيون حط على روتانا خليجيه وكان فيها اغنية (راشد الماجد_صاحي لهم)... جاء له نزار الي يشتغل عنده... نزار:طال عمرك طلال(بدون ما يطالع فيه):نعم نزار:يقول الحارس في سياره فيها وحده واقفه عند البوابه الرئسيه طلال(باستغراب):وحده؟؟ نزار:ايوه طال عمرك طلال:وما قالت مين هي؟ نزار:تقول انها تعرفك وشكلها مو جايه تطر طلال(بتفكير):مم طيب خليها تدخل نزار:انشاء لله طال عمرك استغرب طلال مين هذي الي جايه تزوره بس الحين بتجي وبيعرف كل شي .... انفتح الباب الداخلي وشاف نزار وراه وحده اول ما شافها عفس وجه وقام يتحلطم.... ساره(بتسامه):اهلين طلال طلال(بدون نفس وهو يوقف):هلا,نزار روح انت توه نزار بيدخل الي طلال يناديه.... طلال:لحظه نزار,تبين تشربين شي؟ ساره(وهي تقعد على الكرسي جمب طلال):ابي عصير طلال(صدق قوة عين نشبه):سمعتها شتبي نزار:لو سمحت شنوع العصير الي تبينه؟ ساره(وهي تشيل الغطا وتفتح شعرها):أي شي عادي نزار:انشاء لله اول ما طلع نزار التفت طلال عليها بكل عصبيه... طلال:ممكن اعرف شتبين؟ ساره:شدعوه حبيبي ما تبي تشوفني طلال:اشوفك ما قلت شي بس مو بالبيت ساره(وهي تحط يدها على كتف طلال):شسوي ادق عليك ما ترد قلت اجيك يمكن فيك شي طلال(يطالع يدها الي على كتفه):لا تخافين ما فيني شي انتي فيك شي؟ ساره:ايه انت متغير على صاير شي؟ طلال:ساره انتي تعرفيني انا مزاجي مره حلو ومره مر يعني ما تعودتي ساره:ادرى انك مزاجي بس ... ما كملت لانه نزار جاء ومعاه العصير الكوكتيل حط قدامه بكل هدوؤء وطلع من الصاله... طلال:ايوه شكنتي تبين تقولين؟ ساره:مو مهم خلاص انا جيت هنا خلينا نبسط طلال(بتسامه خبيثه):ايه هذي سارونه حبيبتي ساره(وهي تقوم وتفسخ العبايه):يمه منك الحين مستانس ومساع مو طايقني طلال كان يطالعها مبهور بفستانها الاحمر القصير كان موديله كوكتيل ولفوق الركبه وفاتحه شعرها الاسود كانت قاصته الفروله وطالع حلو عليها.... ساره كانت تدري ان طلال مبهور فيها من نظراته راحت عند التلفزيون وغيرت القناه وحطت على مزيكا وكان عليها اغنية(روبي_مشيت ورا احساسي)... رجعت عن طلال وجلست جمبه بكل دلع .... ساره:هذي الاغنيه احلى طلال(قرب عندها ومسك ايدها وباسها):كل شي منك حلو ياقلبي ساره:عيونك الحلوه طلال(بتسامه ونظرات خبيثه):عمري شرايك نطلع بره عند البركه؟ ساره:من عيوني تامر امر ************************** وصلت شوق عند هديل ولقت هديل بالصاله قاعده بالكرسي وهي متوتره,اول ما شافت هديل شوق قامت وركضت لها.... هديل:اخير جيتي شوق:شصاير مشاعل شفيها؟؟ هديل(انتبهت للخدمات الي ورها ما سكين الشنط):لحظه,ماري ودي الشنط فوق عندي بالغرفه بس حطيها شوي شوي لا تزعجين مشاعل فاهمه ماريOk miss هديل راحت ماري لفوق وهديل سحبت شوق وقعدتها على الكنبه... شوق:قولي ميشو شفيها؟؟ هديل:ما ادرى جات عندي وهي تصيح وما فهمت منها شي حاولت افهم منها بس قالت كلام مو مفهموم خليتها تنام ولما تقوم افهم منها السالفه شوق:طيب هي شنو قالت لك؟ هديل:تقول جدتها وابوها طرودني وامي بنت بنت شوارع ما فهمت شي؟ شوق(مستغربه هي ما تعودت على مشاعل حزينه واصلا لو كانت متضايقه عمرها ما تبين حزنها لاحد):.......... توها بتكلم الاشافت مشاعل نازله تحت وشكلها واضح انها تعبانه .... وقفت شوق وهديل وراحوا عندها امسكوها لانها كانت تعبانه ومو قادره تمشي كويس جلسوها على الكنبه ... شوق:ميشو تبين تاكلين شي؟ مشاعل ما تكلمت بس هزت راسها بمعنى لا.... هديل:طيب اشربي شي على الاقل؟ مشاعل هزت راسها بمعنى لا.... شوق:ما يصير تقعدين كذا شكلك تعبانه؟ مشاعل:خلاص قلت ما ابي شي هديل:طيب خلاص اهدي لا تعصبين مشاعل تنهدت وسندت راسها على ورى وغمضت عيونها.... شوق(وهي تحط ايدها على كتف مشاعل):ميشو شفيك صاير شي بالبيت؟ مشاعل(اول ما سمعت كلمة بيت دمعة عيونها ):..... هديل(خافت عليها):ميشو ليش تبكين قولي شصاير؟ مشاعل(مسحت دموعها بسرعه هي الي طول عمرها تعتبر الدموع ضعف شلون تسمح لنفسها الحين انها تصيح):ولا شي شوق:شلون ولا شي وانتي كل شوي تصحين؟ مشاعل:اقولكم وما تعلمون احد شوق:اكيد انا وثقت فيكم وقلتلكم على سري انتي ما تثقين فينا؟ مشاعل:وانتي هديل لا تقولين لفيصل هديل:اكيد مهما كان في اشياء الواحد مفروض ما يقولها لاحد مشاعل(تنهدت بقوه):اليوم جدتي كانت عندنا بالبيت وتهاوشت معها وقالت شي على امي لحد الحين مو قادره استوعبه شوق:شنو؟ مشاعل(وكانها تشوف الموقف قدامها):قالت ان امي بنت شوراع وان dadهو الي ضفها من الشارع وتزوجها واخر شي تروح و...(ما كملت لانها قعدت تصيح وتشاهق مو متيخله امها تسوي كذا).... هديل:خلاص لا تبكين اذا ما تبين تقولين مو لازم مشاعل(وهي تمسح دموعها وتحاول تتماسك):ل بقول(سكت فتره بس تشجعت وقالت)امي خانت ابوي مع عمي الصغير وابوي مطلقها من 3سنين ونص ويقول انه مو متاكد اذا وائل وليد اخواني منه... شوق وهديل طالعوا بعض متفاجاين مو عارفين شنو يقولون من الصدمه.... مشاعل(بصوت مبحوح ودموعها متجمعه بعيونها):مو مصدقه امي الي كنت اعتبرها مثلي الاعلى واطمح اني اكون مثلها ام مثاليه تطلع تخون dadومع من مع عمي اخوه اصغر منها شنو كان ناقصها زوج يجبها وعندها عيال يعتبرونها كل شي بالدنيا وفلوس وبيت من احسن البيوت ومركز اجتماعي شكانت تبي اكثر من كذا ردوا على شنو؟؟؟ هديل:مشاعل خلاص الي صار صار وانتهى شوق:صدقني كلنا نتمنى يرجع كل شي مثل قبل ونصح اخطائنا بس الي فات مات والماضي عمره ما يرجع مشاعل:بس شلون معقوله امي تسوي كذا ليش؟ هديل:خلاص ميشو احنا الحين بنساقر ونبي نستانس خلينا نسافر وتنرك كل شي ورانا هنا روحي وانسى كل شي مشاعل:الظاهر اني محتاجه هالسفره شوق(تبي تغير الجو):ها جهزتوا اغراضكم ولا لسى؟ مشاعل:انا خلاص جهزت كل شي بس باقي ابدل ملابسي هديل:صح بنات بقولكم على شي بس لا تضحكون شوق:شنو؟ هديل:مم فيصل قال لازم اتحجب مشاعل:شدعوه من جده هذا؟ هديل:والله حلف على الا اتحجب شوق:هههه والله تحفه هالانسان احد يروح اسبانيا ويتحجب هديل:عاد المشكله اني للحين ما جهزت ولا شي بروح اشوف اذا عندي احجبه ملونه ولا اطلع للسوق واشتري شوق:يمديك الحين؟ هديل(وهي تطالع الساعه):ايه الساعه8 احنا بنروح 10 صح شوق:ايوه قبل الرحله بساعتين هديل:لا يمدني تعالوا معاي خلونا ندور فوق عشان اذا ما لقيت نروح السوق مشاعل:يو مالي خلق اروح السوق شوق(وهي تقرصها من خصرها):اقول قومي يا الدلوعه مشاعل:ههههه خلاص خلاص بقوم الحين راحوا البنات لفوق ولقوا كم واحد بس ما يكفون لبسوا عبايتهم بسرعه وطلعوا السوق عشان يرجعون بدري ويروحون المطار... ****************************** ** الساعه 9 باليل كان فهد قريب من الشرقيه دق على ناصر يبلغه.... . ناصر:هلا غلا بولد العم فهد:هلا فيك ناصر:شخبارك اخر مره جيت عندنا وقطعت ما عدنا نشوفك؟ فهد:انا دايم اجي تعال انت يوم الرياض وامشيك فيها ناصر:يعني بتصير المرشد السياحي حقي فهد:على هالخشم تامر امر ناصر:تسلم ما يامر عليك عدو فهد:عاد الحين جهز مجلسكم وجهز القهود وانا جايك الحين بالطريق ناصر:حياك الله البيت بيتك فهد:اهم شي ما ازعج زوجة عمي ولا خواتك ناصر:شدعوه خواتي بنات عمك وامي بالعكس بتفرح بشوفتك,الا عمي معاك؟ فهد:لا انا جيت لحالي ناصر(خاب امه توقع يشوف رحاب):مو مشكله الجيات اكثر من الروحات فهد:خلاص اذا وصلت كلمتك ناصر:اوكي توصل بالسلامه فهد:الله يسلمك ,مع السلامه ناصر:مع السلامه *********************** رجعوا البنات من الوق9ونص كملوا الاغراض الي ناقصه لهم ورتبوا الخدم الشنط وركبوا اسياره راحين طريق المطار.... اول ما وصلوا المطار جلسوا على الكراسي ودقت شوق على عمها عشان تشوفه وصل ولا لسى.... سلطان:هلا شوق شوق:ها عمي وصلت؟ سلطان:ايه استناكم من بدري شوق:طيب انت وينك احنا على الكراسي الي عند الباب سلطان:خلاص انا بجيكم شوق:اوكي باي سكرت منه والتفت على صديقاتها.... هديل:ها وصل؟ شوق:ايه واصل من بدري احنا تاخرنا عليه مشاعل:اف انا تعبت من الطريق ومالي نفس اقعد اكثر من كذا خلينا ندرو شوي الين يجي موعد الطياره شوق:راكبه سيارتي الكسز وتقولين تعبانه صدق ما تستحين مشاعل:ههه رايقه وانا مالي خلق اضحك هديل:بنات شوفوا هذاك الحلو الي جاي عندنا شوق:هههههههه هذا عمي سلطان مشاعل:احلفي هذا الي بيسافر معنا شوق:يمه منك توك تقولين تعبانه مشاعل:الحين صحصحت شوق:ههههههه طيب اسكتوا هذا هو قرب عندنا سلطان(وهو يمد يده لشوق):هلا بنت اخوي شخبارك؟ شوق:هلا فيك عمي بخير انت شخبارك؟ سلطان:تمام,ها جبتوا شنطكم كلها؟ شوق:ايه سلطان:طيب انا باخذ الشنط احملهم وانتوا انتظروا هنا لما اخلص اجيكم شوق:اوكي سلطان(وهو يطالع الشنط):شدعوه شوق كل هذي شنط؟؟ شوق:عادي كل وحده شنطتين سلطان:متاكد كلها خرابيط,تبون تروحون أي مكان دقوا على قبل شوق:طيب راح سلطان عنهم وراه العمال يدفون عربه الشنط ,وهديل ومشاعل للحين يطالعون فيه... شوق:ها وين رحتوا؟ مشاعل:يو عمك ثقيل حتى ما التفت يطالعنا؟ شوق:لا تخافين تلقينه خزكم عدل هديل:وين خزنا وهو اصلا ما التفت يطالعنا ولا عبرنا بكلمه شوق:صدقني عمي واعرفه كلها حركات خلينا نوصل هناك شوفي شلون يطالع البنات مشاعل:بس مشاء الله عليه يهبل هديل:يهبل وبس الا يجنن مشاعل:ها شفتي حتى هديل الا ما يعجبها احد غير فيصل انطقت شوق:بيني وبينكم ادرى انه حلو وانقهر منه كل ما مشيت معاه ولا رحت مكان يلتفتون له وينسوني مشاعل:هو متزوج شوق:هذا يتزوج اقولك ما يتحمل المسوؤليه وكل يدور من بلد لبد الله يعين الي بتاخذه مشاعل:حلو يعني عازب شوق:ايه والاماكن شاغره للي ب يحجز هديل:هههههههه مشاعل:هو ساكن هنا؟ شوق:لا بالرياض مشاعل:يو حسافه لو هنا كان قعدت عليه قعده شوق:انتوا ما شفتوه اذا لبس الثوب والشماغ والنظارات يطلع يخق مشاعل:يا ربي الحين بالبطلون الو وست والتيشيرت وانهبلت اجل كيف بالثوب شوق:احلى واحلى هديل:بس عاد شوق جننت البنت شوق:وانتي ما عجبك عمي؟ هديل:اكذب عليك اذا قلت ما عجبني,جسم طول بعرض وخشم سلة سيف ولا عيونه الملونه صح هو امه سعوديه شوق:لا اسبانيه هديل:كذابه شوق:والله ما تشوفينه خايس باسبانيا هديل:طيب لون عيونه ايش؟ شوق:مدرى والله كل ما ساله يستهبل على مره اذكر سالته قال لونهم بنفسجي بغيت اسطره هديل:هههههه وخفيف دم بعد شوق:شفتى كيف هذا موصفات فارس الاحلام هديل:ههههه شوق لحقي على ميشو شوفيها شلون تطالع بعمك شوق:ها انتي بسك عاد الحين بيحس فيك وتنحرجين مشاعل:شوفي شكله يهبل يا ناس شفايفه الورديه ولا شعره الاشقر ولا لبسه مررتب شوق:أي مرتب شعره منكوش مشاعل:موضه شعرفك انتي شوق:اقول ترى بدق على راشد الحين وبعلمه مشاعل:صح ذكرتيني دق على مساع يقولي مجهز لك مفاجاه مدرى شنو؟ طلعت مشاعل جوالها من الشنطه ودقت على راشد.... راشد:هلا وغلا مشاعل:هلا فيك,يلا قولي شنو المفاجاه راشد:اول اسالي عن اخباري مشاعل:توني كلمتك مساع يلا عاد قولي شنو المفاجاءه ما فيني صبر؟ راشد:هههه طيب لما تركبين الطياره بتشوفينها هناك مشاعل(باستغراب):ليش المفاجاه بالطياره؟ راشد:ايه وما اقدر لقولك اكثر من كذا لما تركبين انتي شوفيها بنفسك مشاعل:اوكي راشد:يلا انا بسكر الحين عندي شغله ضروريه مشاعل:شنو عندك؟ راشد:بجهز المفاجاه حقتك,يلا باي مشاعل:اوكي باي رجع سلطان عند البنات بعد ما خلص كل الاجراءت راحوا عند الكافتريه وجلسوا يشربون شي لين يجي موعد الطياره... سلطان:ها شوق ما عرفتيني على صديقاتك؟ شوق:ما عرفتك عليهم ولا انت الي ما تعبت نفسك تسال عنهم؟ سلطان:شوق شوق:طيب،هذي مشاعل وهذي هديل سلطان:تشرفنا,ومشاعل انتي سعوديه؟ شوق:لا حول كل ما شفها احد سالها انتي سعوديه ولا لا سلطان:اظن انسي سالت مشاعل,صح مشاعل؟ مشاعل(انهبلت وهي تطالع عيونه ورموشه الكثيفه):ها أي انا dad سعودي بس (سكت تذكرت امها)momامريكيه سلطان(لاحظ انها زعلت لما جابت طاري امها):وعندك اخوان ولا الوحيده؟ مشاعل(حست انها مضايقه من اسالته):انا بروح اجيب لي شاكلوت احد يبي شي؟ سلطان(وقف ):ايه انا بروح اجيب لي ماي مشاعل ما اهتمت فيه شالت شنطتها ومشت لجهة الحلويات تشتري .... سلطان راح عندها وقف جمبها وكان طويل بالنسبه لها لانها قصيره.... سلطان:زعلتي لاني سالتك عن اهلك؟ مشاعل(بدون ما طالع فيه):لا عادي سلطان:لما اكلمك طالعيني مشاعل(بدون ما تطالع فيه):غصب يعني؟ سلطان(وبحركه جريئه منه رفع راسها وخلها تطالعه):انا قلت تطلعيني مشاعل(طالعت فيه مستغربه من حركته ):انا مو زعلانه سلطان:شكلك زعلانه مشاعل(بعدت ايده عنها لانها حست بارتباك):طيب زعلانه انت شنو يهمك؟ سلطان(بنظرات ذوبت مشاعل):لا يهمني مشاعل(ما فهمت نظراته وخافت منها فقررت تبعد احسن,مشت لجهة الكاشير تحاسب من غير ما ترد عليه... سلطان مشى لعندها وقف وراها بالضبط,تحس بحرارة جسمه ما تعودت واحد سعودي وجرء كذا لا وفي مكان عام.... مشاعل(التفت عليه معصبه):تدرى انك بايخ تسوي هالحركه قدام هالمصري خليته يطالع فيني بنظرات كاني وحده حقيره... سلطان:افا عليك اذا تبين الحين افصله لك مشاعل:يعني انت مو ندمان على الحركه الي سويتها؟ سلطان:بالعكس احد حاصل له يكون بمكاني بيسوي اكثر مني بعد مشاعل جتها الضحكه من كلامه بس اكتمتها ومشت عنه عند طاولة البنات.... شوق:شفيك تاخرتي؟ مشاعل:ابد ما عنده شاكلوت حلو هديل:وسلطان وينه؟ مشاعل:مدرى كان وراى شوي الا سمعوا صوت الموظف ينادي على رحلتهم دقت شوق على عمها وكان بالحمام ... رواحوا عند البوابه حقت الرحله وكانت زحمه مليانه عوائل ,وصلوا عند المضيف واخذ تذاكرهم ودهام فوق عند درجه الافق ... هديل ومشاعل جلسوا جمب بعض وشوق جلست جمب عمها.... تذكرت مشاعل المفاجاه حقت راشد بس ما شافت شي غريب بالطياره ولا عندها بالكرسي... هديل(وهي كاتمه ضحكتها):مشاعل شفيك شنو تدورين؟ مشاعل:مدرى راشد قالي مجهز لي مفاجاه بالطياره بس انا ما اشوف شي؟ هديل:ما يحتاج التفتي وراك وتشوفينها التفت مشاعل وراها وشافت راشد واقف يطالعها ويضحك على شكلها المتفاجئ.... راشد:شدعوه ما عجبتك المفاجاءه؟ مشاعل(قامت من كرسيها وحضنت راشد بقوه كان معاهم حرمه وزجها استغربوا من حركة مشاعل بس قالوا يمكن اخوها مع انهم ما يتشابهون... راشد انحرج من حركتها كلهم يطالعون فيه وهي عادي عندها ما هما الناس... سلطان يطالعها مستغرب من هذا الي ركضت له وحضنته... سلطان:شوق منو هذا؟ شوق:هذا راشد سلطان:انا ما همني اسمه اقصد شنو يصير لها؟ شوق:ولا شي بس حبيبها سلطان:لا والله وتسلم عليه كذا قدام الناس عادي شوق:وانت شعليك منها كيفها هي حره سلطان(بصوت واطي):ومساع يوم اوقف وراها عصبت وسوت فيها شريفة مكه والحين ... شوق(ما سمعته عدل):عمي تقول شي؟ سلطان:لا سلامتك راشد بعد مشاعل عنه وجلسها على الكرسي .... راشد:ميشو شفيك احرجتيني قدام الناس وانتي حظنتني مشاعل:عادي كلهم صديقاتي وهذاك عم شوق وعادي عنده وذول الاثنين ما هموني راشد(وهو يقرص خدها):محلوه يا الخايسه مشاعل(بغرور):انا طول عمري حلوه راشد:الثقه مشكله مشاعل:قولي الحين انت بتسافر معانا؟ راشد:اكيد اجل كيف ركبت الطياره مشاعل:واو وليه ما قلتي قبل؟ راشد:قلت بسويها مفاجاءه احسن مشاعل:واحلى مفاجاءه وظلوا مشاعل وراشد يتكلمون ويضحكون وهديل كلمت فيصل بعدين قفلت جوالها عشان الطياره .... بعد مدة قصيره تكلم كابتن الطياره وعرف عن نفسه وطلب منهم يربطون الاحزمه استعداد للاقلع ... ربط الكل الاحزمه ,واستعد لاقلاع الطياره وبعد الاجراءت المعتاده من التعلميات وطليات المضيفين تحركت الطياره واقلعت طيارة الخطوط الجويه السعوديه عن مطار الدمام متجه لمطار مدريد عاصمة اسبانيا... |
|
|
#7 |
|
|
وصل فهد عند القصر وقر يدق على شوق عشان يخبرها انه وصل عندهم....
دق عليها ولقى الجوال مغلق استغرب وصل عند البوابه بعد ما فتح له الحارس دخل وقف السياره عند البوابه الداخليه .... دخل الصاله ولقى ام ناصر مع رغد قاعدين.... فهد:السلام عليكم ام ناصر ورغد:وعليكم السلام فهد(وهو يجلس):شلونكم خالتي؟ ام ناصر:بخير انت شخبارك وشخبار الاهل؟ فهد:كلنا بخير امي تسلم عليك ام ناصر:الله يسلمه فهد:شلونك رغد؟ رغد(موسيعتها الفرحه بشوفة فهد):تمام ,شخبار رحاب؟ فهد:بخير ,اقول خالتي وين الباقين ولا مافي احد بالبيت؟ ام ناصر:والله شوق رايحه المطار وناصر فوق الحين ينزل فهد(باستغراب):بالمطار شوق شتسوي بالمطار؟؟ رغد:اليوم بتسافر فهد:بتسافر؟؟ ام ناصر:ايه بتسافر شفيك ياولدي مستغرب؟ فهد(انتبه لنفسه):لا ابد سلامتك,بس انتوا ما راح تسافرون معاها؟ رغد:احنا بروح ايطاليا بعد بكره فهد:وليش كل واحد لحاله روحوا مع بعض؟ ام ناصر(وهي تتفرج على المجله):والله شوق راحت مع عمها سلطان واحنا بروح ايطاليا لان ابو ناصر هناك عنده شغل فبروح اشوفه فهد:الله يهداك خالتي عاد عمي سلطان بوديهم هناك وبهيتهم ام ناصر:لا انا قلت لشوق تدق على كل يوم واذا صار شي لا سمح الله تدق على على طول فهد:خير انشاء لله رغد:انتوا متى بتسافرون؟ فهد(بدون نفس بعد ما درى ان الي جاي عشانها مو موجوده):الاسبوع الجاي يوم السبت رغد:بتروحون سويسرا فهد(يعني كانها ما تدري سخيفه):ايه,اقول خالتي شوق وين مسافره؟ ام ناصر:اسبانيا فهد:مم طيب انا بطلع اشوف ناصر فوق شكله مطول ام ناصر:روح يمه البيت بيتك طلع فهد باصنصير وهو يتوعد بشوق اجل توعدني اجي اليوم واتفاجاء بانها مسافره بس لو اقدر اتهرب من سفرة سويسرا كان لحقتها هناك بس ابوي بسوي سالفه خليها ترجع هنا انا اعلمها ..... **************************** في الطياره....(بعد ساعه من الرحله)..... شوق:اقول عمي سلطان:سمي شوق:سم الله عدوك,بس بغيت اسال ليش حطتيتنا درجة الافق انا ابي درجه اولى سلطان:وشنو الفرق؟ شوق:لا فرق هم ينزلون قبلنا وانا ما تعودت اكون الثانيه سلطان:مالقيت حجز كان زحمه ,تبيني احطك سياحيه شوق:يو اعوذ بالله بس بالرجعه حطنا درجه اولى سلطان:تامرين امر مرت المضيفه تشيك على المسافرين... هديل:لو سمحت المضيفه:نعم هديل:ممكن عصير اورنج المضيفه:اكيد حالا يكون عندك هديل ابتسمت لها... مشاعل:اقول راشد انت زرت اسبانيا قبل؟ راشد:لا بس اصدقائي هناك مشاعل:يعني رايح عشانهم مو عشاني راشد:ههه لا والله عشانك بس هم رايحن اسبانيا قبل وبالصدفه انا بعد بروح هناك مشاعل:اها طيب هم كم واحد راشد:وليش تسالين انشاء لله؟ مشاعل:اسال بس لا حول راشد:ماتعرفين كم مدة الرحله؟ مشاعل:11ساعه راشد(وهو يطالع ساعته):يعني نوصل هناك الساعه10 الصبح مشاعل:Yap راشد:مشاعل انتي فيك شي؟ مشاعل:لا ليش؟ راشد:مدرى شكلك زعلانه مشاعل:لا عادي بعدت عيونها عنه عشان ما يعرف شنو فيها طاحت عيونها على سلطان الي كان لاف وجه يطالعها.... شافته يبتسم لها ابتسامه وترتها بعدت عيونها عنه عشان راشد ما يلاحظ... راشد(انتبه لسلطان):ميشو منو هذا؟ مشاعل:ها...هذا عم شوق راشد(طالع فيه بنظرات اشمئزاز وبادله سلطان نفس النظرات):وليكون بيلزق فيكم طول الرحله؟ مشاعل:لا هو قال بيوصلنى الفندق واذا احتجناه ندق عليه هو بتمشى لحاله راشد:وليش يطالع فيك كذا ؟ مشاعل:يعني شسوي اغمض عيون الناس خله كيفه راشد:انا هالرجال ما حبيته ابد مشاعل اكتمت ضحكتها على كلامه ... راشد:ليش تضحكين؟ مشاعل(وهي تخفي ابتسامه):انا ضحكت من قال؟ راشد:مبين انك تكتمين ضحكتك مشاعل:بصراحه(ما قدرت تتحمل وضحكت)ههههههه راشد(وهو يقرصها من خصرها):تضحكين على ارجوز قدامك مشاعل(وهي تبعد ايده):هههه راشد بس هههه الحين الناس يطالعونا خلاص ههههههه سلطان:اف شوق:شفيك عمي؟ سلطان:هذي صديقتك مسويه لنا مسرحيه شوق(وهي تطالعها مع راشد):خلها على راحتها سلطان:حلفي زين؟ شوق:عادي عمي انت متعود على هالحركات سلطان:مو هنا اذا وصلنا اسبانيا يسون الي يبونه شوق:وشنو الفرق؟ سلطان:لان الطياره هدوؤء وهم مزعجين بضحكهم شوق:هههههه شدعوه سلطان:حلاتك وانتي ساكته شوق:طيب قولي كم الفرق بين السعوديه واسبانيا؟ سلطان:11ساعه شوق:يو الله يعين سلطان:شرايك تنامين لين نوصل شوق:احلى طرده هههههه طالعها سلطان بنظرات خافت منها.... شوق:طيب لا تطالعني كذا خلاص بنام,تصبح على خير سلطان(بدون نفس):وانتي من اهله ************************ في القصر عند طلال..... كان طلال يسبح بالبركه وساره قاعده وحاطه رجولها بالماي .... طلال:سوسو حبيبتي انزلي اسبحي معاي ساره(بدلع):لا بعدين شعري يخرب طلال(وهو يقرب عندها):لا شعرك حلو ما راح يخرب تعالي بس ساره:طيب بس ترى ما اعرف مثلك طلال:مومشكله اعلمك قرب طلال عند ساره ومسكها من خصرها ونزلها للبركه .... جاء نزار عندهم وهو ماسك سماعة التلفون.... نزار:طال عمرك استاذ فهد يبي يكلمك ساره:يعني ما تشوفه مشغول خليه يكلمه بعدين نزار(وده يصفقها على لقفتها):هو يقول يبيك ضروري ساره:عادي ق.... طلال(يقاطعها):معليش حبيبي انا متعود على اتصالته ,نزار عطني اكلمه نزار:تفضل طال عمرك طلال:هلا والله فهد:هلا فيك,ليه ما ترد على جوالك؟ طلال:انا بالبركه والجوال داخل مو عندي فهد:تسبح لحالك؟ طلال:لا قاعد مع القمر فهد:ههههه وانت ما تخلص من سوالفك طلال:ههههههه فهد:اسمعني انا طفشان ومضايق وساكه فيني الدنيا طلال(عرف انه شوق سوت فيه المقلب):افا ليه بس فهد:خليني اشوفك اول بعدين اقولك طلال:اوكي وين تبي؟ فهد:مم تعال كوستا كافيه طلال:نص ساعه وانا عندك باي ساره:بتروح الحين؟ طلال:يعني ما سمعتيني اقوله نص ساعه وجايك ساره(وهي تحط ايدها على رقبته):حبيبي خلك معاي شوي طلال:معليش المره الجايه حبي انا بروح الحين(باسها على خدها)لاتزعلين طلع طلال من البركه وراح بدل ملابسه لبس بنطلون جينز وتي شيرت نشف شعره بالفوطه بسرعه لبس الكاب لبس نظراته واخذ الجوال والمفاتيح ونزل للصاله. طلال:نزار نزار:سم طال عمرك طلال:ساره في البركه خلها ساعه وبعدين طلعها الا اذا هي طلعت قبل بس على العموم خلها تطلع بره البيت واذا قالت لك شي قولها عمي طلال قالي كذا لا تخليها تجلس هنا انا ما اضمنها نزار:حاضر طال عمرك طلع طلال للparkingشغل سيارته البروش وطلع.... ************************** في الطياره كان وقت العشى.... سلطان:ما تبين تاكلين؟ شوق:لا شكرا سلطان:ترى الرحله طويله بتجوعين؟ شوق:خلاص اذا جعت باكل سلطان:ايه مو طيارة ابوك متى ما بغيتي تاكلين شوق:عمي انت ما عليك اصلا من يعرفون انا بنت مين بيجبون الكابتن بنفسه بيجيب لي الاكل سلطان:هذا مشكلتكم يا عايلة الهيماني كلكم مغرورين شوق:ليه انشاء لله انت مو من العايله؟ سلطان:لا شوق طالعت فيه باستغراب وسكت.... راشد:مشاعل ..ميشو...حبيتي مشاعل:مم راشد:قومي يلا بسك نوم مشاعل:اف خلني ابي انام راشد:انزين قومي بوريك شي مشاعل فتحت عيونها بثقل ورجعت شعرها لورى.... راشد:صدقوا لما قالو الحلو حلو لو قام من النوم والشين شين لو كحل عيونه مشاعل:راشد يلا عاد شنو بتوريني؟ راشد:ما تبين تاكلين؟ مشاعل طالعت فيه وهي منقهره ودها تصطره... راشد:هههه شفيك تطالعيني كذا؟ مشاعل(معصبه):قاطع على النوم وتحن فوق راسي عشان اكل راشد:ايه شفيها؟ مشاعل:والله ما اقوم من النوم عشان اكل راشد:انزين ليش تحلفين؟ مشاعل:اجل اقطع نومي واحلامي السعيده عشان اكل من جد سخافه راشد:هههههههه مشاعل:اسمع لا تقومني الا لما نوصل لفت عنه وغطت نفسها بالبطانيه ورجعت نامت... ***************************** في كوستا كافيه.... فهد:تو الناس كان ما جيت طلال:هههههه والله مو قصدي فهد:اكيد القمر على قولتك اشغلتك طلال:تخسي الا هي تشغلني انا بمزاجي انشغل فيها فهد:ليه ما تحبها؟ طلال:ههههههه احبها طبعا لا انا احب وحده مثل هذي فهد:ليه هي هالدرجه رايحه فيها طلال:هذي مستعده تنام بحضن أي واحد اذا بيعطيها فلوس فهد:هههههه الله يقطع ابليسك طلال:ما علينا منها,قولي شفيك مضايق؟ فهد:والله ياطلال منقهر طلال:خير انشاء لله فهد:أي خير يا عمي,تخيل وعادتني اجي اخطبها اليوم ولما اجي القها مسافره طلال:من هي؟ فهد:بنت عمي شوق منو غيرها طلال تذكر انه شوق المفروض تدق عليه قبل لا تركب الطياره طالع ساعته وكانت الساعه2ونص يعني الحين هي بالطياره.... فهد:شفيك تطالع الساعه عندك موعد مع احد؟ طلال:ها...لا بس اشوف الساعه كم فهد:اها تدري عاد مدرى شسوي فيها لما اشوفها طلال:ما عليك لا تسوي لها شي يا عمي انساها دام هي ما تبيك فهد(معصب):لا تبيني بس انت اطلع منها طلال:طيب شفيك معصب؟ فهد:لا معصب ولا شي بس انا تاخرت بروح طلال:تو الناس؟ فهد:أي تو الناس انا قاعد عند بيت عمي ما اقدر ادخل البيت باخر اليل طلال:اوكي فهد:انت وين بتروح الحين؟ طلال:يمكن اروح عند الشباب بالاستراحه فهد:أي ما وراك شي طلال:اصلا احسن شي سويته بحايتي اني سكنت بالحالي فهد:حق خرابيطك الي ما تخلص طلال:الله يسامحك كل شاك فيني فهد:اشك فيك يلا مو مشكله مع السلامه طلال:الله معاك اول ما طلع فهد دق طلال على شوق ولقى جوالها مغلق عرف انها بالطياره .... ****************************** * في الطياره ..... فتحت شوق عيونها بطء وشافت نور الشمس..... سلطان(بتسامه):صباح الخير شوق(رفعت شعرها وابتسمت):صباح النور وصلنا؟ سلطان:باقي نص ساعه شوق عدلت جلستها وربطت شعرها وطلعت المرايا تعدل شكلها.... شوق:والله اني حلوه حتى وانا توني صاحيه من النوم سلطان:ماخذه مقلب بنفسك شوق:لا انزين احلف اني مو حلوه سلطان:لا تزعلين حلوه وتهبلين شوق:ايه الحين هذا عمي الي احبه سلطان:المصلحه هههههههه بعد نص تكلم الكابتن معلن الوصول لمطار مدريد الدولي .... راشد:مشاعل ....ميشو قومي وصلنا لفت عليه مشاعل وهي مضايقه من ازعاجه.... راشد(بعد شعرها عن عيونها):انتي قلتي قومني لما نوصل مشاعل(ابتسمت):....... راشد:صباح الحب على احلى ميشو بالدنيا مشاعل:good morning راشد:يلا قومي صحصي شوي مشاعل(عدلت جلستها وحطت شعرها على جمب):طويله الرحله راشد:وين حسيتي فيها كله نايمه مشاعل:لا يعني انت ما نمت؟ راشد:ما قدرت انام انت كل شوي رفستني مشاعل:الحين انا رفستك راشد:ايه ليكون تحلمين انك تتهاوشين معاي؟ مشاعل:كذاب اصلا انا ما اتحرك لما انام راشد:علينا ترى خلاص شفت كل شي مشاعل:اقول عن الاستهبال راشد:هههههه يا حلوك وانتي معصبه مشاعل(وهي تطالع هديل):هديل ما قامت؟ راشد:لا من تحركت الطياره وهي نايمه مشاعل:بتعطيها عين خلها بعد عمري شكلها تعبانه راشد:لا وانا..... قاطعه صوت المضيفه .... المضيفه:لو سمحتوا تفضوا بالنزول الحمد الله على السلامه قامت مشاعل وفسخت العبايه والغطا وحطتهم بالشنطه الي معها ,كانت لابسه بلوزوه حمرا كت وفيها كتابه بالون الذهبي وبنطلون جينز ضيق وجزمه كعب حمرا .... راشد:لا صراحه اخاف عليك من العين اذا نزلتي كذا مشاعل:لا والله وخر خليني اقوم هديل راحت مشاعل عند هديل ..... مشاعل:هدول يلا قومي وصلنا هديل(وهي تتثاوب):كي,س بروح الحمام افسخ عباتي مشاعل:ليه افسخيها هنا؟ هديل:نسيتي الحجاب بروح البسه مشاعل:اف يا هالفيصل روح استناك هديل:لحظه راحت هديل الحمام ,التفت مشاعل على شوق لقتها تعدل شعرها وشافت سلطان يطالعها ابتسمت له غصب عنها لما تشوف عيونه ما تقدر ما تبتسم وهو رد لها الابتسامه .... شوق كانت لابسه تنوره بربري لنص الساق وبلوزه بنيه وجزمه كعب بنيه خلت شعرها مفتوح بس حطت النظاره فوق راسها... شوق:صباح الخير ميشو مشاعل:هلا والله وحشتيني شوق:me to مشاعل:الرحله طويله وتعب شوق:مرره,الا هديل وينها؟ مشاعل:راحت الحمام تلبس الحجاب شوق:عمي خلاص استنى تحت لما تطلع هديل بنجي سلطان:اوكي لا تطولين مشى سلطان جمب مشاعل ولان المكان ما كان وسيع فكان قريب منها مره حست بارتباك وتوتر بمجرد انها تشم ريحة عطره الرجوليه.... طلعت هديل من الحمام ولقت مشاعل وشوق ينتظرونها... هديل:فكرتكم روحتوا؟ شوق:شلون نروح ونخليك مجنونه انتي هديل:ههههههه مشاعل:على فكره طالعه تهبلين هديل:عيونك الحلوه كانت هديل لابسه بلوزه رماديه طويله فيها شريطه تنربط على الخصر وبنطلون جينز وجزمه كعب رماديه والحجاب كان بربري رمادي مع كحلي مرره مناسب مع البدله .... طلعوا البنات من الطياره ولقوا راشد وسلطان يستنونهم برى... هديل انحرجت من نظرات الكل لها لانها من جد كانت طالعه حلوه وخصوصا انها مو حاطه مكياج >>>جمال رباني خخخ هديل:مشاعل شفيهم يطالعوني كذا ؟ مشاعل:محلوه يا الخايسه هديل:مع اني مو حاطه مكياج ولا حتى قلوس مشاعل:بس بشرتك صافيه مشاء لله هديل:تسلمين وانتي احلى دخلوا على مطار مدريد الي كان حلو ونظيف.... سلطان:اكلتوا شي بالطياره؟ شوق:انا ما حطيت شي بفمي هديل:ولا انا ما شربت الا عصير مشاعل:وانا طول الوقت نايمه سلطان:ههههه اجل روحوا اجلسوا على الكافتريا واحنا بنجيب الشنط ونجيكم شوق:اوكي سلطان:لا تتحركون من مكانكم ترى ما تعرفون للمطار انتظروا لين اجيكم شوق:طيب هههه راحوا راشد وسلطان مع بعض والبنات مشوا لجهة الكافتريا… مشاعل:بنات اخيرا وصلنا Spain شوق:انا بروح اطلب شنو تبون؟ هديل:جبيلي أي ساندوش وعصير مشاعل:انا ابي عصير كوكتيل بس شوق:اوكي بعد دقائق رجعت شوق بالطلبات وجلسوا ياكلون ويتفرجون على الرايح والجاي.... كان في المطار شلة شباب خليجين واقفين يطالعون البنات .... هديل:بنات شفوا هناك الشباب الي ياشرون علينا شوق:من هذولا؟ هديل:الخليجين الي واقفين عند الجسر شوق:مم شكلهم عادي مشاعل:لا الي لابس كاب بيج شكله حلو شوق:أي صح هديل:شوفي ياشرلي افتح البلوتوث شوق:خليه يولي تونا جاين ما لنا عوار راس هديل:على قولتك مشاعل:شوفي الي لابس كاب بيج جاي عندنا جاء عندهم وقف عند الطاوله وهو يبتسم.... شوق:خير بغيت شي؟ هديل كانت تشرب العصير وما تطالع فيه.... نايف(وهو يطالع هديل):يالتني مكان المزاز هديل بس سمعت كلمته الاخيره غصت بالعصير وحطت على الطاوله بسرعه... هديل:كح كح نايف(وهو يبتسم):سم الله عليك شفيك؟ هديل:خير انشاء لله شاهالكلام؟؟ نايف(وهو يسحب كرسي جمبهم ويقعد حمب هديل):مو مشكله ما تبين مزاز نصير شي ثاني هديل(وقفت):صدق قليل الادب ومو متربي,بنات يلا نمشي نايف:افا زعلتي,طيب حتى ما عرفتك اسمك شوق(رفعت النظاره من عيونها وهي معصبه):انت شنو ما تفهم؟ نايف(انبهر من جمال عيونها وفكرها لابسه عدسات):هلا والله بالقمر شلون ما شفتك اول ما جيت شوق:لانك عمي,يا اخي روح وفكنا نايف:شلون اروح واخليكم لحالكم ما يصير من بلد وحده لازم نساعدكم مشاعل:لا ونعم المساعده نايف(تفاجئ):وانا الي فكرت امريكه مشاعل:ودريت اني مو امريكيه خلاص روح وفكنا نايف:تامرون امر بس مو قبل ما تاخذين الرقم مشاعل:اذا عطيتك تروح هديل(بصوتها الناعم بس تحاول تعصب):مشاعل انتي من جدك؟ نايف:الحين صوتك كذا وانتي معصبه اجل كيف لما تصيرين رايقه هديل:مالك دخل بصوتي نايف:اوكي بس وحده فيكم تعطي الرقم مشاعل:انا بعطيك عطني جوالك اسجل فيه مد لها نايف الجوال وسجلت فيه مشاعل الرقم وراح عنهم بعض ما تاكد انه رقمها.... هديل:انتي ليه اعطتيه رقمك؟ مشاعل(وهي تجلس):عشان افتك منه شوق:خلاص هديل لاتعصبين نفسك ما يستاهل هديل:اف تو واصلين ما قلنا بسم الله شوق:شنو ذمبنا اذا حنا حلوين مشاعل:هههههههه رايقه رجع سلطان وراشد مع الشنط ..... سلطان:ها خلصتوا اكل؟ مشاعل:ايه اكلنا سلطان(بتسامه جذابه):بالعافيه مشاعل:الله يعافيك راشد انقهر منه وحب يذكر مشاعل الي تطالع فيه بنظرات اعجاب بوجوده.... راشد:مشاعل مشاعل:هلا راشد:يلا ماراح تمشون مشاعل:الا يلا بنات قامت مشاعل ومسك راشد بيدها وطالع سلطان بنظرات وكانه يقوله ان مشاعل لي مو لغيري ,سلطان ابتسم له ابتسامة استهزاء ومشوا كلهم لبرى المطار... شوق:ها عمي حاجز لنا سياره ولا؟ سلطان :لا بنروح بسيارتي راحوا عند الparkingوقفوا عند سيارت سلطان كانت Tx4 ... مشاعل:واو حلوه سيارتك سلطان:عيونك الحلوين شوق:اذكر هذي تاكسي في برطيانيا ركبنا اخر مره كنا هناك هديل:مثلي ركبتها مشاعل:لا والله شمعنى انا ما ركبتها سلطان:الحين بتركبينها هديل:بس الشنط ما تكفي؟ سلطان:مو مشكله اجيب سياره تشيل الشنط للفندق شوق:طيب يلا خلينا نروح الحين تعبانه سلطان:يلا دق سلطان على شركة لحجز السيارات وجاب سياره تشيل الشنط وروحوا على الفندق .. السعوديه_الرياض كانت رحاب ترتبط الاغراض الي بتوديها للسفر مع الخدامه الا يدق جوالها بنغمة(سواها قلبي) طاحت الشنطه من يدها وانتبهت لها الخدامه... الخدامه:miss rhab aer you ok? رحاب(بارتباك):yes iam ok الخدامه(وهي تاشر على جوالها):your mobile رحاب ما ردت عليها راحت عند السرير وكانت عارفه ان ناصر الي داق لانها حاطه له نغمة خاصه... رحاب(ردت وهي متوتره):الو ناصر:ليه ما جيتي مع فهد؟ رحاب(مستغربه):فهد جاي عندكم؟ ناصر:ايه توه واصل وانتي ليه ما جيتي؟ رحاب:ومن انت عشان تقولي تعالي ولا لا تجين؟ ناصر(ارتبك):ها...انا.. رحاب:انت شنو,انت خاطب وانت وخطيبتك تحبون بعض و... ناصر(يقاطعها):لحظه خليني اتكلم رحاب(وهي تجلس على السرير):قول شعندك؟ ناصر:هي تحبني بس انا لا انا ا... رحاب:تكفي ناصر لا تنطقها ناصر:ليش؟ رحاب(والدموع بعيونها):لان ما ينفع انا وانت ...(سكت ما عرفت شنو تقول) ناصر:رحاب تكفين انا ادرى وانتي تدرين احنا .... رحاب(تقاطعه):ناصر تكفي لا تقولها ناصر:بس احنا الاثنين ن.... رحاب:طلبتك ناصر لا تقولها ناصر:طيب ليه فهمني ؟ رحاب(مو قادره تتحمل اكثر من كذا بكت غصب عنها تبيه يحس فيها يحس انها تعبت ومو قادره تتحمل):...... ناصر(عوره قلبه لما سمع صوتها وهي تبكى):تكفين لا تبكين خلاص ما راح اقول شي رحاب(ماصدقت انه حس فيها ما قدرت توقف بكى تحس انه معها جلست تبكي تطلع كل الدموع الي كانت حبستها):.... ناصر:انا بجيك الحين رحاب(مو مستوعبه):نعم وين تجي؟ ناصر:بجيك الرياض رحاب:لا لا لا تجي ناصر:انا لازم اتفاهم معاك مسافة الطريق وانا عندك توها رحاب بترد عليه الا يسكر الخط,ياربي هذا وين جاي انا طلعت من الشرقيه اهرب منه يقوم يجي عندي الحين ماما وبابا اذا شافوه شنو بيقول لهم اف انا لازم اقنعه انه ما يجي... دقت رحاب على ناصر اكثر من مره بس ما كان يرد ولا يعطيها مشغول رمت الجوال على السرير وهي معصبه مو عارفه شنو تسوي.... ************************** السعوديه_الشرقيه طلع ناصر من القصر مستعجل ومتجاهل اسئلة امه واخته عن سبب روحته للرياض فجاءه وهو ما عنده احد هناك ولا شغل... رغد(مستغربه):ماما ناصر شفيه؟ ام ناصر:مدرى عنه,ماعليك قومي خلينا نشوف اغرضنا كامله ولا لا رغد:متى بنروح؟ ام ناصر(وهي تدفها لجهة الاصنصير):بكره الساعه 6 المغرب رغد:وبابا بيكون هناك؟ ام ناصر:ايه حبيبتي هو قالي بنشوفه هناك رغد:تدرين مع انه مو اول مره نروح ايطاليا بس هالمره غير ام ناصر:ليه؟ رغد(براءه):لان بابا هناك مشتاقه له موت ام ناصر:كلنا اشتقنا له رغد:كان ودي اروح مع شوق ام ناصر:كان قلتي لها اكيد بتوديك رغد:لا خلاص انا ابي اروح معاك احسن ام ناصر(وهي تبوسها على خدها):فديت رغوده انا محد حنون على من خوانك كثرك رغد(لان محد فيهم حاس بالنقص كثري):اكتفت بانها تبتسم لها..... ************************* اسبانيا_مدريد وصلوا لفندق الhotel puerta merica . كان فندق فخم وخيال.... سلطان:هيا تفضلوا ايها القادمون من السفر شوق:هههههه مصدق نفسك حسبالك الفندق حقك تعزمنا عليه سلطان:افا وانا الي حاجر لكم احلى طابق بالفندق هديل:ليه الطوابق مختلفه؟ سلطان:ايه هذا الفندق فيه 13 طابق كل طابق سواها مصمم ديكور مختلف وكل واحد احلى واغرب من الثاني مشاعل:واحنا في أي طابق؟ سلطان(بتسامه جذابه):ادخلى وشوفيه بنفسك دخلوا عند الاستقبال واخذوا مفاتيح الغرف اطلعوا بالاصنصير لين وصلوا الطابق الي بيسكنون فيه... كانوا بالدور الخامس اول ما دخلوا الدور تفاجاوا فيه كان فخم وغريب ... مشاعل:واو شكله غريب سلطان:والادوار الثانيه اغرب من هذا بكثير بس خفت اوديكم ويصير فيكم شي شوق:ههههه اقول عمي لا يكثر سلطان:انا توقلي لا يكثر صدق المثل الي قال علمناهم على الطراره سبقونا على البيبان شوق:انا طراره معليش هالمره سماح لاني تعبانه عطني مفتاح الغرفه سلطان(وهو يعطيها المفتاح):تفضلي,انتوا الحين ارتاحوا وبعد ساعتين بيجي لكم مشاعل:نعم ساعتين اقعد اقابل الغرفه لا انا ابي اطلع راشد:انا استاذنكم بحط اغراضي وبروح عند اصدقائي مشاعل(بصراخ):نعم ما قلتلي انك بتروح راشد(وهو كاتم ضحكته لان صوت مشاعل كان عالي):طيب ماله داعي الصراخ ميشو نتكلم بهدوؤء هديل:اجل احنا بنروح الغرفه وانتي تفاهمي معه وقبل لا تروح هديل اشرت لراشد بحركه كانها تقوله الله يعينك عليها وراشد ضحك عليها… مشاعل:انت مع مين تضحك؟ راشد:ها..لا ابد تذكرت شي يضحك راحوا البنات مع سلطان وكل واحد دخل غرفته… هديل(بعد ما شالت الغطا):تصدقين من شفت الي بالمطار حسيت اني ما راح انبسط بالسفره شوق:شدعوه هذول ناس تافه ما عليك منها راحت هديل عند الدريشه وشافت المنظر كان يطل على الشوارع بمدريد.... هديل:شوق تعالي شوفي المنظر شوق:حلو شكل الشارع والمحلات صغار يضحك هديل:هههههه شوفي انا ما ابي اقعد بعد ما شفت المنظر ابي انزل اتمشى شوق:اوكي بدق على عمي اقوله طلعت شوق الجوال من الشنطه ودقت عليه... سلطان:الو شوق:عمي نبي نزل تحت سلطان:بسم الله توكم جاين ارتاحوا شوي شوق:بتنزل معنا ولا كيف؟ سلطان:خلاص انزلوا انا ما نمت بالطياره بنام لي ساعتين خذي الجوال معك اذا احتجتي شي دقي شوق:اوكي تصبح على خير سلطان:باي هديل:ها شقال؟ شوق:بنروح لحالنا تحت هديل:بس احنا ما نعرف شي هنا شوق:عادي بس هذا الشارع ما راح نضيع هديل(وهي تلبس الحجاب):اذا صار لي شي ترى بذمتك شوق:ههههه اقول امشي بس افتحتوا الباب ولقوا مشاعل توها جايه... مشاعل:على وين رايحين؟ هديل:بنزل نتمشى تحت مشاعل:اوكي يلا طلعوا البنات من الفندق على شارع اسمه(قران فيا)كان مليان مقاهي ومطاعم وسينمات ويعتبر اهم شارع في مدريد كان زحمه وفيه كثير عرب وخليجين كان شارع كبير ويحتاج وقت حتى الواحد يشوفه كامل... كان مليان محلات لمركات عالميه منها(Gran via_Warner Brwos )البنات ما تحملوا دخلوا نص المحلات وشتروا كل الي بخاطرهم بعد كذا قروا يرحون كافيه يرتحون فيه... مشاعل:بنات انتوا اجلسوا هناك انا بروح اطلب واجي راحت هديل وشوق وجلسوا شوق حطت الاكياس على الكرسي وجلست تتفرج على الداخل والخارج شافت واحد قاعد بطاوله بالزاويه ويقرا جريده ... هديل:شوق شقاعده تطالعين؟ شوق:هذاك الي قاعد هناك هديل(التفت على المكان الي تاشر عليه وشافت رجال كبير بالعمر وشكله خليجي):منو هذا؟ شوق(بتسامه):ما عرفتيه؟ هديل(دققت فيه ):لا ما عرفته مين؟ شوق:لحظه قامت من مكانها رايحه لمكان الرجال وقفت عنده ... شوق(بتسامه حلوه):صباح الخير شوق(وهي تضمه):لو بنتك الغاليه كان سالت عني شهر شهر يا الظالم ما اشوفك ابو ناصر:افا الحين انا صرت ظالم شوق(وهي تبعد عنه):سوري ما قصدت بس من جد مشتاقه لك موت ابو ناصر:وانا اكثر,اجلسي خلينا نسولف شوي شوق(وهي تجلس):افا عليك اذا تبي اجلس معاك اليوم كله ابو ناصر:اكيد ابي بس مابي اشغلك عن صديقاتك شوق(وهي تمسك يده):اذا انت بتشغلني مو مشكله,بس ليش ما قلتلي انك موجود باسبانيا ابو ناصر:انا ما كنت بجي هنا كنت بروح على ايطاليا على طول بس طلعلي شغله فجاءه واضطريت اجي هنا شوق:احسن عشان اشوفك قبل ماما ورغد ابو ناصر:هههههه قولي انتي جايه مع مين؟ شوق:انا وصديقاتي وعمي سلطان ابو ناصر:كويس طيب انتي شخبارك شمسويه مع الدراسه؟ شوق:انا بخير والدراسه خلاص خلصتها ابو ناصر:مشاء الله تخرجتي شوق:اجل مفكرني للحين بالثانويه ابو ناصر:شدراني الايام تركض بسرعه شوق:الا انت كله بالشغل وما تدري عن شي ابو ناصر:ها بدينا الحين بالعتب شوق:لا اعاتبك ولا تعاتبني,قولي متى بتروح ايطاليا؟ ابو ناصر:اليوم شوق:لا شدعوه ما قعدت معاك ابو ناصر:شسوي اذا ما رحت اليوم امك بتذبحني شوق:ماعليك منها ما راح تقول شي اذا عرفتك انك معاي ابو ناصر:معليش المره الجايه نتفق كلنا ونروح سفره مع بعض شوق:طيب متى بتروح؟ ابو ناصر:الساعه 6 المغرب شوق:الحين الساعه 11ونص باقي وقت ابو ناصر:خلاص بنتمشى مع بعض الين يجي وقت الطياره شوق(وقفت):حلو انا بروح اقول لصدقاتي وبرجعلك ابو ناصر:طيب راحت شوق عند مشاعل وهديل الي كانوا يطالعون فيها مستغربين.... مشاعل:شوق منو هذا الي سلمتي عليه وجالسه تسولفين معه؟ شوق(وهي تجلس):هذا بابا مشاعل:نعم ؟ هديل:وانا اقول ليه مشبه عليه بس لاني من زمان ما شفته مشاعل:الحين هذا ابوك؟ شوق:ايه شفيك مستغربه؟ مشاعل:ما تشبهينه شوق:ايه رغد تشبهله اكثر مشاعل:اجل رغد حلوه هديل:الا رغد حلوه مشاء الله عليها شوق:انا وناصر نشبه ماما اكثر هديل:طيب ليه ما قعدتي معه تسولفين؟ شوق:هذا الي كنت جايه اقوله انا بروح اتمشى مع بابا الين يجي موعد الطياره مشاعل:خذينا معاك ابوك شكله حلو كشخه الواحد يمشي معه شوق(وهي واقفه):اقول استريحي بس هذا سالفه بين الاب وبنته باي مشاعل:سخيفه هديل:هههههه تستاهلين انتي ملقوفه **************************** السعوديه_الرياض وصل ناصر الرياض وهو ناسي كل شوارعها لان صار له سنتين ما جاها .... قر يقعد كم يوم بالرياض بس ما يعرف الفنادق الي عندهم دق على رحاب يسالها... رحاب(معصبه):اخير تكرمت ورديت على ناصر:هههه انا داق اسالك عن الفنادق الي هنا رحاب:انت وصلت الرياض؟؟ ناصر:ايه وابغى اقعد بفندق رحاب:تعال عندنا بالبيت ناصر:بعدين شقول لعمي وامك انا ماعندي شغل هنا وبعدين بالبيت ما اقدر اشوفك ولا اتكلم على راحتي ولا فهد موجود بره احسن رحاب:طيب روح الفورسيزنز لان فيه مطاعم نقدر نقعد فيها ناصر:اوكي بس لاتتاخرين رحاب:اذا وصلت بدق عليك باي ناصر:باي راح ناصر للفورسيزن بعد مشقه من الزحمه الي شافها ما توقع الرياض زحمه لهدرجه وخصوصا الحين اجازه... دخل ناصر الفندق وسال عن المطاعم الي فيه وراح مطعم the grill شاف المكان حلو وعجبه استنى هناك الين دقت عليه رحاب.... رحاب كانت تكشف بس راحت متلثمه خايفه وحده من صديقاتها تشوفها وحتى لوقالت مع ولد عمي بعد بيطلعون اشاعات وهي مالها خلق عوار راس... شافها ناصر ودخلوا المطعم طلبوا لهم اكل خفيف لان كل واحد منهم متوتر وماله نفس ياكل... رحاب:ها شنو الي تبي تتفاهم عليه؟ ناصر:خلينا اول شي ناكل بعدين يصير خير رحاب:لا معليش قول الحين ناصر:ترى بعدين تنسد نفسك ولا تاكلين رحاب:هههه لا يعني خايف لا تنسد نفسي ناصر:اكيد هذي يبيلها كلام رحاب:زين اخلص ليه جايبني هنا؟ ناصر:اول شي سؤال ليش متلثمه وانتي تكشفين؟ رحاب:اخاف وحده من صدقاتي تشوفني وتسوي سالفه ناصر:ليه خايفه يقولون قاعده مع حبيبها رحاب(ارتبك منه ومن نظراته فحبت تغير الموضوع):قولي شرايك بالرياض ناصر(عرف انها تغير الموضوع بس قال يجاريها):متغيره صارلي زمان ما جيتها رحاب:اكيد انت صارلك سينتين ما جيتها ناصر:ما علينا انا مو جاي عشان تشرحين لي مدى جمال الرياض انا جاي اتكلم معاك رحاب:طيب شنو الموضوع؟ ناصر:لا تستهبلين انتي تدرين شنو الموضوع رحاب توها بتكلم الاجاء الويتر معاه الطلبات حط الاكل وراح.... رحاب:اذا جاي عشان الموضوع الي تكلمنا فيه بالجوال اعرف انه منتهى ناصر:رحاب شنو منتهى انتي تدرين بالي بقلبي لك وتدرين اني ما اخذت موضي الا عشان امي وابوي رحاب(حست ان الجو توتر جلست تلعب بكم العبايه بتوتر):يعني انت (سكت) ناصر(قرى افكارها وعرف شنو تبي تقول تنهد وجمع شجاعته):ايه انا احب رحاب حست كان مويه بارده انكبت عليها هي كانت تحس انه يجبها لا تدرى انه يحبها بس ما توقعت انه هالكلمه وخصوصا منه بتاثر عليها لهدرجه,ما عرفت شتقول حست ان لسانها انشل فرحانه وخايفه بنفس الوقت مو عارفه شلون تعبر عن شعورها... ناصر(انتظر ردة فعلها بس هي ساكته وتطالع فيه):ما عندك تعليق على الي قلته؟ رحاب(حست ان صوت ناصر صحها ورجعها للواقع):ه.نصر انا.. ناصر:انت شنو؟ رحاب(خايفه تنطقها لان اذا قالتها بتحس انها تخون بنت عمها وهي ما تعودت تلعب من ورى ظهر احد بس كلمة ناصر اثرت فيها بشكل كبير خلتها تتشجع وتقول الي بقلبها):وانا ... وانا بعد احبك ناصر ما صدق الي سمعه منها حس انه طاير من الفرحه حس انه وده يصرخ لكل الناس ويقول انه يحبها ويحب كل شي فيها... في هالحظه ما قدرت الكلمات توصفها كانت العيون ودقات القلب توصف الي يحسون فيه.... غمض عيونك حبيبي غمض عيونك بقولك شي بس اسمعني بقلبك احتاجلك بحياتي ما اقدر بدونك او بختصرلك واقولك احبك مجنونك بك واعترف لك صرت مجنونك لا الذنب ذنبي ولا ذنب الهوى ذنبك لو الكل هالناس بعيوني يشوفونك ان كان ذاب بغلاك العالم وحبك غمض عيونك حبيبي غمض عيونك بقولك شي بس اسمعني بقلبك اموت فيك وفؤادي ينبض بكونك و اوقف واحس بغرامي يمشي بدربك ون جيت افكر بنفسي كني اخونك يا كيف افكر بنفسي دامني قربك غمض عيونك حبيبي غمض عيونك بقولك شي بس اسمعني بقلبك احلف بربي احبك موت واصونك واحس انا بنبض قلبك يحلف بربك ياكل عمري خلاص افتح عيونك ما قلتلك شي والي قلته لقلبك غمض عيونك حبيبي غمض عيونك بقولك شي بس اسمعني بقلبك ***************************** اسبانيا _مدريد طلعت شوق مع ابوها لبره الكافيه ومشوا لحد ما وصلوا عند بداية شارع(قران فيا)وهو عباره ساحه كبيره اسمها(pIaza de Espana )ساحة اسبانيا .... شوق:بابا شنو هذا التمثال؟ ابو ناصر:هذا تمثال لكاتب اسباني اسمه سيرفانتس شوق:وتعرف اسمه بعد ابو ناصر:افا عليك انا اسبانيا حافظها شارع شارع من كثر ما اجيها شوق(وهي تمسك يده):تعال بابا خلينا نصور عنده راحت شوق مع ابوها وصورا جمب التمثال وعند نطاحات السحاب الموجوده كانت تبي تحفر هالذكرى السيده بالها عشان ما تنسها ابد طول الطلعه كانت ماسكه ايده وكانها خايفه انه يهرب منها او هي تضيع منه كان اسعد يوم بحياتها مع ابوها وما تظن انها بتشوف اسعد منه ... لما صارت الساعه 12 تغدوا بمطعم قريب سالفوا وضحكوا وقالوا كل الي بخاطرهم وكانهم اصدقاء ما شافوا بعض من سنين ... مر الوقت بسرعه ما حسوا فيها وصارت الساعه4... ابو ناصر(وهو يطالع الساعه):يو 6ساعات قضنيها مع بعض تصدقين ما حسيت بالوقت شوق:كانت احلى 6ساعات بعمري ابو ناصر:وانا بعد بس انا تاخرت ولازم امشي الحين يلا الحق على الطياره بالهزحمه شوق(بوزت):الحين عاد اقعد شوي ابو ناصر(وهو يمسح على شعرها):ودي بس امك واختك ينتظروني هناك بعد شوق:طيب سلم عليهم وقول لهم انك شفتني اوكي ابو ناصر:اكيد وانتي سلمي على صديقاتك وعلى عمك وقوليله ينتبه عليكم زين شوق:انشاء لله طلع ابو ناصر جواله ودق على السايق حقه عشان يجيه للساحه. 10 دقائق الا السايق وصل .. ابو ناصر:يلا حبيبتي انا بروح الحين تبين شي؟ شوق:سلامتك بابا بس انتبه على نفسك ابو ناصر:طيب تبين اوصلك للفندق؟ شوق:لا ابغى اتمشى شوي ابو ناصر:بس اخاف تضيعين؟ شوق:لا الفندق هنا قريب امشي سيده حفظت الطريق ابو ناصر:اوكي براحتك بس انتبهي شوق:من عيوني ابو ناصر:تسلملي عيونك,(باسها على راسها)مع السلامه شوق(وهي تاشر له بيدها):باي مشت سيارة ابو ناصر وظلت شوق واقفه مكانها لاحد ما اختفت السياره عن عيونها مشت على نفس الطريق الي جوا منه بطئ تتامل الشوارع والناس تحس بانها سعيده بس بعد وحيده بس تحس انها بهالبلد بتلقى الشي الي فاقدته بس شلون ومتى ما تدرى... ما حست شوق وهي تمشى بالعيون الي كانت تراقبها من بعيد من اول ما ودعت ابوها عند الساحه,حست شوق بان احد يطالعها ويراقب تحركتها ما حبت تلف تشوف مين او يمكن كانت خايفه تحس قلبها يدق بقوه من الخوف مشت بخطوات سريعه عشان توصل للفندق بس تحس ان الشخص للحين يلحقها كانت خايفه ومو عارفه تتصرف توها بتقرب عند الفندق الا بايد تلمس كتفها .... **************************** السعوديه_الرياض افتحت رحاب الدولاب مو عارفه شنو تلبس بتطلع اليوم مع ناصر لمطعم spazio والمطعم هذا رومنسي لازم تكشخ اخر شي قررت تلبس برمودا جينز فاتح وبلوزه سماويه فيها شك فيروزي مره مرتبه حطت مكياج فيروزي طلع روعه على عيونها وتعطرت لين فضت العلبه طلعت عبايتها الشفافه والمزينه مع الغطا وطلعت في الصاله تنتظر ناصر,بعد ربع ساعه دق ناصر عليها عشان تطلع... طلعت رحاب وتفاجات لما شافت ناصر كان كاشخ كانه بليلة عرسه فتح لها باب السياره ودخلت... رحاب:ماتوقعت ان عندك سيارة جاغور ناصر:اليوم قلت لراج يجيبها من البيت عشان اكشخ فيها وما افشل بنت عمي و.. رحاب:وايش؟ ناصر:وحبيبتي رحاب(حمرة خدودها بس من داخلها كانت طايره من الفرحه):يلا نمشي شغل ناصر الراديوا وطلعت اغنية(اميرة الورد_محمد عبده)وراحوا للمطع وقلبهم مليانه بالحب والسعاده... ********************* السعوديه_الشرقيه ركبت رغد وام ناصر للطياره بالدرجه الاولى ,جاء المضيف عشان يعطيهم الاكل... المضيف:تبين دجاج ولا لحم؟ ام ناصر:دجاج رغد كانت تقرا المجله ومنزله راسها ... ام ناصر:رغد تبين تاكلين شي؟ رغد(رفعت راسها ونزل الغطا على كتفها وما حست فيه):لا شكرا المضيف لما شافها قعد يطالعها وسرح فيها بعيونها السود الوساع وشعرها الاسود الفاحم وشفايفها الي تلمع من القلوس الوردي,رغد حست ان المضيف للحين واقف رفعت راسها وعدلت غطها وطالعت فيه مستغربه المضيف انتبه على نفسه ومشى رغد استغربت بس طنشت وكملت المجله... لما وصلت الطياره لايطاليا وقف المضيف عند الباب عشان يشوف رغد لما تنزل بس كانت اكبر صدمه له لما شاف المضيفه تطلع الكرسي من فوق وتساعد ام ناصر عشان تجلس رغد فيه رغد تحسف كل هالجمال ينحبس بالكرسي المتحرك,بالنسبه لرغد كانت عادي متعوده او تحاول تتعود بس الي يضايقها نظرات الناس لها وتعاملهم معها بكل شفقه او عطف عليها .... ************************** اسبانيا_مدريد شوق حست بايد على كتفها خافت مو عارفه شنو تسوي مسكت شنطتها بقوه وقررت تضرب الشخص الي وراها بالشنطه,لفت على ورى وغمضت عيونها وضربت باقوى ما عندها سمعت صوت صرخه من الالم افتحت عيونها بطء وانصدمت لما شافت الي قدامها... شوق(بصدمه):عمي؟؟ سلطان(وهو حاط ايده على راسه):غبيه انتي ليش تضربيني؟ شوق:ههههه تستاهل انت الي مسوي فيها المحقق كونان وتلاحقني فكرتك حرامي سلطان:والحرامي شيبي فيك من زينك شوق(وهي تمسك ايده):معليش انا ما راح ارد عليك لانك تعبان تعال نرجع الفندق رجعوا الفندق وطلبوا من الاستقبال اسعافات طلع لغرفة البنات وهو حاط كيس الثلج على راسه... هديل:سلامات سلطان شفيك؟ شوق:هههه ما فيه شي هذا هو مثل الحصان مشاعل(وهي تمسك كتفه):سلامات سلطان شفيه راسك؟ سلطان:لاتخافين بس شوق ضربتني على راسي مشاعل(وهي تضربه على كتفه):مالت عليك من قال خايفه عليك انا بس خفت لا يتعب مرشدنا السياحي وبعدين ما نطلع سلطان(انسدح على الكنبه وما رد عليها):...... هديل:وانتي ليش ضربتيه ؟ شوق:كان يلحقني وفكرته حرامي مشاعل(معصبه):وانتي ما تشوفين شوفي شلون عورتي راسه شوق:وانتي ليه معصبه هو الي يستهبل مشاعل(انحرجت):لا معصبه ولاشي عادي بعدت عيونها عن شوق وطاحت على سلطان الي كان يطالعها ويبتسم نزلت عيونها وهي ميته من الاحراج... بعد نص ساعه طلع سلطان من الغرفه وقروا البنالت ينامون لين وقت العشى... لما صارت الساعه 9 قامت شوق من النوم وبعد ما غسلت وجها وخذت شور سريع راحت تقوم البنات عشان يطلعون بتعشون... شوق:هديل هديل يلا قومي هديل(قامت وهي ماسكه شعرها من قدام):اف شوق:شفيك معصبه؟ هديل:شعري طفشني طول ما انا نايمه يجي على عيوني لازم اربطه ولا مستحيل يقعد ثابت شوق:اقول بس الحمد الله والشكر غيرك وانا وحده منهم يبغون مثل شعرك هديل(وهي ما سكه شعرها):ليه خبله شوق:روحي بس غسلي وجهك طبعا مشاعل نايمه وكل هالازعاج ما اثر فيها... شوق طالعت فيها منقهره وراحت عندها واسحبت الفراش,حست مشاعل برد فتكورت على نفسها وكملت نوم... شوق(معصبه):ياربي انتي مافي شي يقومك يلا بنمشى مشاعل رفعت شعرها وفتحت عيونها بثقل طالعت بشوق ورجعت كملت نوم... شوق(طفشت منها وقعدت تقرصها من خصرها):يلا قومي يلا مشاعل(بانزعاج):شوق بس ههههه ياربي خلاص قمت قمت بعدت عنها شوق وهي تضحك,قامت مشاعل وهي معصبه وطالعت بشوق بنظرات خافت منها.... شوق:هههههه يمه منك تخوف نظراتك الله يعين راشد عليك وقفت مشاعل فجاه لانها تذكرت راشد طول اليوم ما شافته ركضت بسرعه ونطت على السرير وسحبت الجوال ودقت عليه... شوق:الحمد الله والشكر بس جبت طاريه صحصحتي راشد:هلا ميشو مشاعل:لا والله انت وينك طول اليوم ما شفتك؟ راشد:ههههه شفيك نسيتي انا قلت لك اصدقائي عزمايني وانا طالع معاهم ولا عبد العزيز حلف على الا اتغدى عنده بالبيت مشاعل:sory hony it's your mistake بعد شوي بنطلع نتعشى تعال معانا راشد:أي بس.... مشاعل(تقاطعه):راشد plz I miss you راشد:وانا بعد اشتقت لك شكلك توك قايمه من النوم مشاعل:أي توني قمت وكلمتك راشد:الله اجل اكيد طالعه تهبلين مع عيونك العسليه مشاعل:هههه لا تضيع الموضوع تجي اليوم اوكي راشد:اكيد اوكي شلون انام وما اشوفك مشاعل:خلاص متى تجي؟ راشد:عطني نص ساعه وانا عندك بس وين بتروحون؟ مشاعل:ما ادرى بسال شوق او سلطان... راشد(معصب):نعم سلطان؟ مشاعل:اقصد عم شوق عموما بسال شوق احسن راشد:أي احسن يلا شوي وانا عندك انتبهي على نفسك اوكي حبيبي مشاعل:اوكي سكرت مشاعل منه وقامت تطلع لها ملابس.... شوق:بنات ترى عمي بيودنا مطعم راقي يعني لا تلبسون لبس عادي مشاعل:انا طول عمري كشخه حتى لو البس خيشه شوق:اقول لا يكثربس مشاعل:هههههه هديل البست بلوزه لونها اخضر عشبي فيها زم من الجنب وترتر من قدام ولبست بنطلون جينز غامق وجزمه خضراء وشنطه كحليه والغطا اخضر مع كحلي مناسب مع البس زودت شوي المكياج بس طلعت روعه... شوق لبست بلوزه ورديه تنربط على الرقبه مع بنطلون ابيض مره ناعم ولبست جكيت ابيض كانت البدله طقم من ديور بس مره راقيه حطت مكياج وردي خفيف طلع شكلها جنان مرره ناعمه وخلت شعرها مفتوح لبست جزمه ورديه كعب وشنطه ورديه مناسبه... مشاعل لبست فستان ذهبي موديله كوكتيل قصير لنص الفخذ وحطت مكياج ذهبي وقلوس بيج بلمعه ذهبيه طلعت روعه حطت لمعه ذهبيه علبى جسمها لبست جزمه ذهبيه كعب عالي وشنطه مثل المحفظه بس كبيره سوت خصل من شعرها كيرلي وخلت الباقي عادي كانت تهبل وكانها ممثله اجنبيه... شوق:شعندك متزينه overغريبه بالعاده انتي ما تلبسين كذا الا اذا رحتي حفله؟ مشاعل:عشان راشد بيجي وهو طول اليوم ما شفته تبينه يشوفني بالجينز والتي شيرت هديل راحت تفتح الباب الي انطق ولقت سلطان كان طالع جنان لابس بدله رسميه من غير كرفته سوداء وبلوزه بيضاء وشعره حاط فيه جل ومرجعه على ورى وغير عيونه الملونه مسويه تاثيرها وكانه عارض ازياء... سلطان:مساء الخير هديل(منبهره):مساء النور اول ما دخل سلطان الغرفه شوق ومشاعل اسكتوا... سلطان(مستغرب):لا يكون قطعت عليكم الحكي مشاعل ذايبه عليه لا ويتكلم نجدي خلاص قلبها وقف... سلطان بالمقابل كان منهبل على شكلها عندها جاذبيه غريبه عمره ما انجذب لبنت كثرها بس كان يقدر يمسك نفسه ويبين قدامها عادي... شوق:عمي بصراحه غطيت علينا وانا الي كاشخه بديور جيت انت وسويتني صفر على الشمال سلطان:اكيد البدله من جورج ارماني لا ومن لابسها سلطان سعود الهيماني شوق(بغرور):اكيد عايلة الهيماني دايم كشخه مشاعل:يو تجمعوا علينا الحين يلا هدول احنا بنمشي سلطان:تعرفون المطعم اصلا مشاعل التفت عليه وارتبكت من نظراته لها فحبت تغير الموضوع... مشاعل:صح احنا وين رايحين سلطان وقف وصل عند الباب... سلطان:اركبوا السياره وانتوا تعرفون طلعوا البنات وسلطان من الفندق ولقوا لومزين سوداء تنتظرهم... هديل:واو نفس الي بالmoves سلطان:تفضلوا ليش واقفين ركبوا السياره وراحوا على المطعم... كان سلطان حاجز لهم طاوله ل4 اشخاص جلسوا وكانت اشكالهم ملفته للنظر لان كل واحد احلى واكشخ من الثاني... طول القعده وسلطان يحاول ما يكلم مشاعل لانه اذا طالع فيها ما راح يقدر يشيل عينه من عليها وهو رافض فكرة الحب وما يبي يثبت لنفسه ولها ولكل انه في بنت ممكن تاثر عليه... من جهه ثانيه كانتمشاعل منقهره لان على زينتها هذى ولا فكر حتى يلتفت لها او يطاعها بس طنشت وسوت نفسها عادي وما رجعها للواقع الا صوت جوالها وكان راشد فكرت ليش ما تقهر سلطان الي مطنشها طول السهره... مشاعل(بدلع):هاي حبيبي...انت برى اوكي الحين جايه...سكرت منه والتفت على سلطان,عن اذنكم بروح ادخل راشد سلطان عرف انها تبي تقهره ابتسم على تفكيرها وكمل سوالف مع هديل وشوق... دخلت مشاعل وهي حاطه ذراعها تحت ذراع راشد وصوت ضحكهم واصل لاخر المطعم اول ما جلسوا وبعد ما سلم راشد على الكل... مشاعل(باسته على خده بكل جرئه):واحشتني حبيبي راشد(استغرب من حركتها بس الوضع كان عاجبه):هههه وانا اكثر سلطان لا عت كبده من المسرحيه الرومنسيه الي قدامه... سلطان(وهو ماسك المينو):يلا شنو بتطلبون الويتر يطالع فينا نادى سلطان على الويتر الي اخذ طلباتهم وبعد ربع ساعه كانت كل الطلبات على الطاوله جلسوا ياكلون بكل هدوء وبعد العشى اطلبوا الحلى... شوق:عمي ما تلاحظ البنتين الي هناك من قعدنا وهم يطالعون فيك سلطان(طالع البنات وكانت اشكالهم خليجيه):عادي متعود على المعجبات مشاعل(انقهرت من غروره):وع شوفي مكياجهم to much شوق:خليهم منك اشكالهم لحجيات سلطان طول السهره منقهر من مشاعل وراشد ورمنسيتهم الزايده في البدايه اعتقد انه ما راح يتاثر لاكن لما شاف راشد وهو يدلعها حس بنار الغيره بتاكله... سلطان:عن اذنكم قام وراح الحمام لما طلع وحده من البنتين قامت وكانت ماسكه شنطتها سوت نفسها تسكر الشنطه وصقعت بسلطان متعمده... البنت(بدلع):اوبس sory سلطان:لا ماله داعي تتاسفين انا الغلطان اجل بنت حلوه مثلك شلون ما انتبه لها البنت استحت وما ردت عليه... سلطان(وهو يمد يده):معاك سلطان البنت(وهي تسلم عليه):وانا ريما سلطان(بكل جراءه باس يدها):تشرفنا طلع كرت من المحفظه ومده لها .... سلطان:هذا كرتي انتظر اتصالك(وغمز لها قبل لا يروح) البنت داخت بغت تموت راحت عند صديقتها وهي مو مصدقه ان سلطان رقمها... رجع سلطان للطاوله والكل متفاجاء من الحركه الي سوها... شوق:عمي ياقوى قلبك خليت البنت تخق عليك سلطان:افا عليك ترى عمك دايم يشبهونه بمساري شوق:هديل شوفي الصاروخ الي فوقنا يا كبره هديل:هههههه سلطان:شوق وجع انشاء لله تتريقن على شوق:ههههه sory بس انت الله يهديك عليك سوالف احم احم مو طبيعيه مشاعل حست بالغيره من البنت ومن غرور سلطان الي مو قادره تتحمله اكثر من كذا... مشاعل:انا تعبت خلونا نطلع شوق:لا خلينا نجلس شوي وناسه هديل:أي تكفين ميشو خ... قاطعها صوت جوالها بنغمة فيصل... هديل(وهي تاخذ جوالها):عن اذنكم طلعت بره المطعم وتوها بترد الا تصقع بواحد قدامها... الرجال:I am sory هديل:no it's ok ابتسم لها الرجال وشال اغراضه الي طاحت ومشى.. انتبهت هديل لورقه طاحت منه شالتها كانت رسمه لنفوره في ساحة اسبانيا كانت الرسمه روعه وكان الي راسمها فنان مو رسام عادي انتبهت لجوالها الي دق مره ثانيه وكان فيصل... هديل:هلا حبيبي فيصل(بلهفه):هلا قلبي مشتاق لك موت هديل:وانا اكثر والله متى تخلص شغلك وتجي؟ فيصل:والله ودي اليوم قبل بكره بس ابوي معطيني اوراق صفقه ولازم نربحها هديل:اف طيب قولي تاكل زين وتنام زين ولا ؟ فيصل(شاف خوف هديل عليه وحب يدلع):يعني اذا فيه وقت اكلت شي خفيف والنوم في المكتب على الكنبه وكل يوم اقوم وظهري يعورني هديل(عورها قلبها عليه):ياعمري عليك ما ينفع كذا لازم تاكل زين وليش تنام بالمكتب نام بالبيت فيصل:الشغل حياتي ما عندي وقت هديل:العمر يخلص والشغل ما يخلص اهم شي صحتك فيصل:اجل اذا جاني شي من ابوي ترى بحط الحره فيك هديل:ههههه مو مشكله كل شي منك حلو فيصل:والله انتي الاحلى قولي في احد ضايقك واو تحرش فيك هديل:ها...لا ابد السفره للحين حلوه فيصل:كويس بس اذا صار شي قولي مو تسكتين هديل:اكيد انا مالي احد غيرك طيب حبيبي انا اخليك الحين فيصل:لا عمري ابي اسولف معك شوي هديل:لما ارجع الفندق بدق عليك الحين بتاخر عليهم وبعدين واقفه اكلمك بالشارع مو عدله فيصل:خلاص اذا كذا اوكي سلميلي عليهم وانتبهي على نفسك اوكي قلبي هديل: وانت بعد حبيبي انتبه على نفسك وانا بدق عليك كل يوم عشان اتاكد انك تاكل وتنام زين فيصل:يالله متى بس يجي اليوم الي تهتمين فيه فيني من غير تلفونات هديل احمرت خدودها وسكت... فيصل:فديت الي يستحون انا هديل:اقول انا بروح يلا باي فيصل:بس اذا انحرجتي تتهربين على طول هديل:باي حبيبي دخلت هديل للمطع وجلست معاهم... مشاعل:ليش وجهك احمر مين كلمتي(وهي تغمز لها)\ هديل(وهي منحرجه):لا كنت اكلم ماما وبعدين وجهي مو احمر شوق:ماما يالكذابه وجهك احمر كانك طماطه هديل:شوق خلاص عاد سلطان:ما عليك منهم غيرانين لانك احلى منهم لا والحين مستحيه وخدود حمر طالعه قمر هديل هنا خلاص ذابت من الحياء وجها من جد صار طماطم... شوق:هههههه عمي احرجت البنت مسكينه سلطان:خلاص ما راح احرجها شرايكم نطلع مشاعل:بس لانروح الفندق نروح نتمشى طلعوا من المطعم وراحوا لساحة اسبانيا وتمشوا هناك وصورا عند التمثال والبحيره... وبعد الساعه 1ونص رجعوا للفندق. *********************** السعوديه_الشرقيه فهد قر يرجع الرياض لان رغد وام ناصر سافروا ايطاليا وناصر اختفى فجاه ولما سال راج قال انه راح الرياض استغرب لانه ما عنده اصدقاء هناك بس ما اهتم دق على طلال عشان يقعد معاه قبل لا يروح... طلال:هلا فهد فهد:اهلين وينك انت؟ طلال:قاعد اتمرن بالجيم فهد:اوكي,اجل انا بجيك الحين طلال:حياك الله البيت بيتك فهد:مع السلامه سكر فهد منه وراح لعند قصر طلال... ************************ ايطاليا_روما طلعوا للمطار ولقوا عبد المحسن مدير فرع شركة ابو ناصر بروما... عبد المحسن:الحمد الله على السلامه طال عمرك ام ناصر:الله يسلمك السياره موجوده برى عبد المحسن:بانتظاركم طال عمرك نادى عبد المحسن على الخدامه عشان تدف رغد وتساعدها تركب السياره راحوا لعند ارقى احياء روما كان عندهم فيلا صغيره بس فخمه صحيح كلفة ابو ناصر ثروه بس كانت تستاهل بسبب موقعها المناسب القريب من وسط روما والعوائل الساكنه كلها خليجين وعوائل معروفه وغنيه دخلوا الفلا وقروا يرتاحون شوي بعدين يطلعون عشان يشوفون ابو ناصر الي كان عنده اجتماع في الشركه... رغد:ماما انا ابي اقعد للحديقه ام ناصر:على راحتك حبيبتي ريتا طلعي رغد بره للحديقه طلعت بره للحديقه الي كانت صغيره وما تقارن بحديقة القصر بس حلوه ومرتبه واحلى شي فيها النافوره الي عند الجسر وجمبها قعدة تحت المظله من خشب المزينه بورد الياسمين الابيض... جلست رغد تحت المظله قدام النافوره وهي تسمع بالipod اغنية (نوال_تبغى الصدق)... طلع تركي للبلكونه يشم هوى وهو ماسك جواله بيدق على صديقه لفت انتباهه وحده قاعده بالفيلا الي جمبهم ولانهم قريبين منهم قدر يشوفها ويدقق بملامحها كان يطالعها وهو سرحان بجمالها وهي تفتح شعرها الطويل وينتثر بكل نعومه حول وجها لونه اسود مثل اليل عكس بياضها الصافي,صحى من احلامه الورديه على صوت صديقه بالجوال... تركي:هلا نواف نواف:لا والله من مساع انادي فيك وانت لاحياة لمن تنادي تركي:اعذرني يا نواف من الي اشوفه قدامي مو مخليني احكي نواف:وليه انشاء الله وش شايف قدامك؟ تركي(وهو مبهور بجمال رغد):حوريه حوريه قاعده قدامي نواف:افا يا رجال ولا تقول ادق على خوي يجي يشوف معي تبي تاكل الكيك لوحدك تركي:ههههه أي كيكه انا اصلا ما اعرف اسمها نواف:شدعوه تتعرف ولا بتعجزك هالبنت؟ تركي(بغرور):افا عليك ما في بنت في العالم تعجز على وانا تركي ولد ابوي بس انا اول مره اشوفها نواف:غريبه هذا وحنا دايم بايطاليا وما عمرك شفتها تركي:مو مشكله على قولتك نتعرف يلا مع السلامه نواف:شدعوه عاد خذني معك تركي:احلف بس اذا ما عجبتني بحذفها عليك نواف:ليه هي مو حلوه مره؟ تركي:اقولك حوريه تقولي حلوه كلمة حلوه قليل عليها نواف:يو اجل ذي صيده سنعه تركي:اجل يلا اخليك الحين باي نواف:ول انت ما تصدق من تسمع طاري بنت تبيع الكل تركي:قلتلها بنت والدنيا من دون بنات ما تسوي يلا باي نواف:ههههههه باي اول ما سكر تركي من نواف نزل ينادي على اخوه الصغير... تركي:سعود سعود وجع وينك؟ الخدامه:yes Mr tarky do you want any think? تركي:wher is suod? الخدامه:he is out in the garden تركيk go طلع تركي لحديقه الفلا ولقى سعود يلعب بالكوره واخته حلا قاعده تلعب بالمرجيحه... حلا:تركي تعال العب معي طنش تركي حلا وراح عند اخوه الصغير الي كان يلعب بالكوره... |
|
|
#8 |
|
|
السعوديه_الشرقيه وصل فهد لقصر طلال ولقى نزار يشرف على الخدم وهم يحطون الغداء... نزار:مساء الخير طال عمرك فهد:مساء النور وين طلال؟ نزار:طويل العمر تحت بالجيم يتمرن نزل فهد بالاصنصير لتحت وشاف طلال يتمرن من الدريشه حقت الجيم وطلال شافه واشر له وابتسم.... طلال:هلا والله فهد:هلا فهد انت ما تعبت من التمرين؟ طلال:عادي متعود وقف طلال الاآله ونشف نفسه بالفوطه... طلال:شفتهم حطوا الغداء فوق؟ فهد:أي وانا داخل شفتهم طلال:اجل انا بروح اتروش وانت اسبقني فهد:اوكي بس لا تتاخر نزل فهد لتحت وجلس في الصاله ينتظر طلال سمع صوت الجرس يدق وشاف نزار يروح يرفع السماعه... نزار:مين...اهلين انسه ساره...بس طال عمره مشغول....طيب بقوله وبرد عليك....دقائق حط نزار السماعه وطلع بالدرج لغرفة طلال فهد استغرب مين هذي ساره واستغرب ان طلال يجيب بنات لبيته... نزل نزار ومن بعده طلال وشكله معصب وعاقد حواجبه... طلال:فهد ليه ما تغديت؟ فهد:انتظرك طلال:شدعوه البيت بيتك فهد:وانت ما تبي تاكل طلال:بجي بس عندي شغله اسويها واجيك فهد:خلاص انتظرك طلال:لا والله حلفت عليك تتغدى الحين فهد:خلاص بروح لا تحلف دخل فهد لغرفة الطعام وطلال طلع بره يشوف ساره... طلال دق على الحارس وقاله يدخل ساره دخلت ساره وهي معصبه ولقت طلال واقف بالحديقه... طلال:خير انشاء الله جايه بيتي الظهر الناس وقت غدى ولا تعودت رجلك كل يوم والثاني جايه وعلى بالك اني بستقبلك واضيفك ساره:طيب ليه نتكلم برى ندخل داخل ونتفاهم طلال:ما اقدر عندي ضيوف ساره:مين ضيوفك؟ طلال:مو شغلك خلصي الحكي الي عندك واطلعي ساره:ما اقدر الجو حار على الاقل نروح للملحق طلال طفش منها ومسكها من ذراعها بقوه ودخلها للملحق. طلال:دخلنا انطقي ساره(وهي تجلس وتحط رجل على رجل):وليه مستعجل؟ طلال(جلس على الكنبه بس بعيد عنها):اقولك عندي ضيوف اخلصي ساره(قربت عنده وجلست تلعب بشعره):طلول حبيبي... طلال(بعد ايدها وقاطعها):ساره انا مو فاضي لسوالفك الحين عندك شي تقولينه ولا جايه تستهبلين ساره(بعدت عنه وقفت):عموما انا جايه اقولك اني حامل طلال(طالع فيها بغباء):حامل شلون؟ ساره:شنو شلون بعد؟ طلال:اقصد يعني...حامل وبعدين ساره(باستغراب):شنو وبعدين اقولك حامل طلال:قصدك حامل مني؟ ساره:اكيد انا ما اعرف احد غيرك طلال:هههههه ما تعرفين احد غيري هذي قويه قويه يا...يا ساره ساره(انقهرت من ضحكته الي تنرفز):شقصدك؟ طلال(وهو يفتح الباب):قصدي روحي دوري على الي انتي حامل منه مو تقطين بلاك على ساره(وهي تطلع):طيب انا اوريك يا طلال طلال:يلا برى زباله طلعت ساره من القصر ودخل طلال غرفة الطعام عند فهد... فهد:ها خلصت شغلك؟ طلال(وهو يجلس):أي خلصت فهد:طيب وشفيك ما تاكل؟ طلال(وهويحط الاكل بصحنه):باكل الحين فهد:وشفيك معصب؟ طلال:هذي ساروة الزفته عكرت مزاجي فهد:ومين هاذي سارة؟ طلال:وحدة كنت اعرفها فهد:وشفيها؟ طلال:تقول انها حامل فهد(حط الشوكه على الصحن):حامل منك؟ طلال:تقول بس ما اظن فهد:وقاعد تاكل برود ويمكن يطلع ولدك طلال:ما اتوقع يكون ولدي ولو كان ولدي هي ما تقدر تفضح نفسها فهد:والله انت قصتك قصه طلال:خلك منها وكمل اكلك ****************************** اسبانيا-مدريد في الصباح اليوم الثاني اطلعوا البنات مع سلطان وراشد علالمتحف تيفرجون على الوحات والتامثيل , راشد اول ما دخل سلم على صديقه زياد الي يشتغل في المتحف كلهم راحوا مع زياد يوريهم المتحف والوحات الاشخص واحد ما راح الوحيد الي كان مو معاهم هديل اول ما دخلت المتحف انبهرت بالوحات الي فيه كل وحدة احلى من الثانيه ضحكت على نفسها لما كانت تسمع احد يقول عليها رسامه صارت تقارن رسومتها با الوحات الي هنا اصلا ما تقارن الي رسمواها الوحات يعتبرون فنانين خالدين وهي مجرد هاويه .... انتبهت ليد على كتفها لقت مشاعل تبتسم لها... مشاعل :انتي وين رحتى؟ هديل:ميشو الوحات هنا خيال بصراحه انا لو اعيش هنا طول العمر ما امل. مشاعل:هههههههه لا تبالغين تعالي معنا كلانا واقفين هناك وانتي جالسه لحالك. طالعت هديل لوين ما تاشر مشاعل ولقتهم واقفين مع واحد يشرح لهم الوحات... هديل:مشاعل من هذا الي واقفين معاه؟ مشاعل:هذا صديق راشد يشتغل هنا لانه يعرف الاسبانيه بطلاقه فيترجم للسياح العرب أي شي ما يفهمونه بالاسباني هديل(ابتسمت لانها عرفت صديق راشد):تعال خلينا نروح لهم لما وقفت هديل معاهم ظلت تتامل شكل زياد صديق راشد كان عادي بس احلى شي فيه رموشه مثل البنات وابتسامته الجذابه اول ما راحوا البنات مع راشد وسلطان راحت هديل عند زياد الي كان معطيها ظهره..... هديل(بكل هدوء):لو سمحت زياد سمع صوت كله نعومه ورقه وراه التفت يشوف صاحبة الصوت تفاجاء بالي شافه قدامه كانت مثل الورده المتفتحه كلها نعومه ورقه واحلى ما فيها ابتسامتها الي ترد الروح... هديل(شافته ساكت وسرحان مو معها):لو سمحت زياد(انتبه لنفسه):sory هلا بغيتي شي؟ هديل(بتسامه حلوه):ما عرفتني؟ زياد(طالع فيها بس ما قدر يتذكر):لو كنت اعرفك قبل كنت مستحيل انسى وجه ممكن ينرسم ليكون احلى لوحه معليش ذاكرتي خانتني ذكريني هديل(استحت من كلامه):انا الي امس صقعت فيني عند المطعم باليل تتذكر زياد(تذكرها بس لانها كانت مكثره مكياج فشكلها متغير بس بالمكياج الوردي الخفيف طالع احلى):اها...تذكرتك soryعلى هذيك المره بس انا كنت مستعجل وما انتبهت لك هديل:لا مو مشكله انا بس كنت ابي اعطيك هذي مدت له ورقه طلعتها من شنطتها اخذ زياد الورقه وفتحها وكانت رسمه له واكيد طاحت منه لما صقع فيها .... زياد:شكرا هديل:العفو بصراحه انا جلست طول اليل اتامل فيها رسمك رهيب مشاء لله عليك زياد:هههههه لهدرجه عموما شكرا على المجامله هديل(قربت منه وسحبت الورقه منها):مجامله شوف الرسمه... قعدت هديل تبين له جمال الرسمه وزياد ما كان معها كان يطالعها وهي مندمجه في شرح الرسمه كل شي فيها حلو من جهه ثانيه هديل كانت مندمجه في شرح الرسمه وطاحت عيونها على لوحه ورى زياد عجز لسانها يوصف روعتها... زياد(انتبه انها سرحانه):لو سمحتي يا...(سكت لانه ما يعرف اسمها) هديل:soryما عرفتك بنفسي انا هديل زياد:تشرفنا وانا زياد,بس شكنتي تطالعين وراى؟ هديل(تاشر على الوحه):هذي الوحه شنو اسمها؟ زياد:هذي اسمها وصيفات الشرف تعتبر احلى لوحه باسبانيا هديل:من حقها تعتبر احلى لوحه باسبانيا بصراحه تسلم ايده الي رسمها زياد:ههههه لهدرجه تحبين الرسم؟ هديل:اموت عليه اصلا انا مقره اتخصص رسم السنه الجايه زياد:طيب عندك لوحات رسمتيها؟ هديل(ارتبكت):عندي بس... زياد:لا بس ولا شي اذا انتي واثقه من نفسك توريني رسماتك هديل:اوكي بكره اوريك رسماتي زياد:حلو المتحف يفتح الساعه 9 هديل:خلاص اتفقنا الساعه 9 انا بكون موجوده هنا هديل انتبهت لجوالها الي يدق وكانت شوق... هديل:هلا شوق شوق:هديل انتي وينك؟ هديل:موجوده بغيتي شي؟ شوق:أي احنا بنطلع تعالي عند البوابه هديل:اوكي جايه هديل:خلاص زياد بكره موعدنا زياد:بكره dael (وهو يمد يده) هديل(مدت يدها ):هههه dael زياد اول ما لمس ايدها ارتعش كانت ناعمه مثل الحرير... اختفت هديل عنه بس ما اختفت عن قلبه الي حس بشعور غريب عليه اول ما سمع صوتها... ********************** ايطاليا_روما تركي:سعود عطني الكوره حقتك سعود(وهو يلعب):لا ابي العب تركي:تكفى يا كابتن ماجد اقول عطني الكوره سعود:لا عطني اياها اخذ تركي الكوره ورمها على فلة ام ناصر... سعود:والله لا اعلم ماما عليك ليه ترمي كورتي؟ تركي:اسمعني ابيك تروح معي عشان نجيب كورتك سعود:أي الحين عرفت تبي تروح معي عشان تشوف بنت جيرانا تركي(باستغراب):وانت وش دراك عن بنت جيرانا؟ سعود:شفتهم لما وصلوا بنت جيرانا حلوه بس هي... تركي(يقاطعه):اقول لا يكثر بسامش قدامي يمه منك سوسه تعرف كل شي سعود كان بيقول لتركي ان رغد ما تمشي بس هو قاطعه يمكن هالشي من حسن حظه عشان يكتشف هالشي الي بيغير حياته... وصل تركي وسعود عند الفلا ودقوا الجرس طلعت الخدامه تفتح الباب ورغد ما انتبهت لها لانها حاطه السماعات ومعليه الصوت ومو حاسه بالي حوالها... فتحت الخدامه وطالعتهم مستغربه.... الخدامه:yes do you want some thinking? تركي:is ther any one in the house? الخدامه(شافت رغد بالحديقه وفكرت تدخلهم يكلمونها):yes plz come in دخل سعود وتركي وشافوا رغد قاعده تلعب بشعرها ومو حاسه بشي... تركي:سعود روح جيب الكوره راح سعود يجيب كورته مشى تركي لعند رغد لين وصل عند الجسر وكان يفصل بينهم النافوره فما كان يقدر يميز هي قاعده على كرسي خشب او كرسي متحرك رغد كانت منزله راسها وتطالع الماي الي بالنافوره وتغني... انتبهت لصوره شخص معكوسه على الماي رفعت راسها وتفاجات لما شافت واحد قدامها يطالعها ويبتسم.. شالت السماعات بسرعه ورفعت شعره بارتباك وطاحت خصل من شعرها على وجها طلعتها اكثر جمال وبراءه... تركي(يطالعها بكل خبث وجراءه):بصراحه انا ما كنت احب اغنية كرمالك بس لما سمعتها منك عشقتها رغد(ارتبكت من نظراته):خير انت شلون دخلت هنا؟ تركي:الخدامه افتحت لي الباب رغد:انا اوريها الغبيه تركي:خير قلتي شي؟ رغد:لو سمحت انا ما اعرفك ولا عمري شفتك فممكن تتفضل من غير مطرود تركي انصدم من كلامها معقوله بنت تشوفني انا وتقولي هالكلام هي حتى ما سالت عن اسمي... رغد:ها..انت وين رحت اكلمك انا؟ تركي:شنو ها انا اسمي تركي رغد:تركي وخير يا طير انا شعلي من اسمك؟ تركي:على الاقل من الاحترام لما تحكين مع احد توقفين مو تتكلمين وانتي جالسه كاني اطر منك تركي ما يدري انه جرح رغد بكلامه لانها ما تقدر توقف ولو كانت تقدر كانت وقفت ومشت من زمان... توها بترد الا تشوف امها جايه لجهتها... ام ناصر:لو سمحت من انت الخدامه قالت لي انك تبي تكلم احد من اهل البيت؟ تركي:انا اسمي تركي ولد جيرانكم جيت انا واخوي سعود عشان يجيب كورته طالع تركي جهة سعود الي كان يلعب ولا على باله احد... ام ناصر:خير انشاء لله انت من أي بيت؟ تركي:هذي الفلا بيت العوادي ام ناصر:والنعم تركي:الله ينعم عليك وانا اسف يا خاله اذا ازعجتكم ام ناصر:لا البيت بيتكم سلم على امك تركي:يوصل سعود تعال بنروح البيت يلا يا خاله مع السلامه ام ناصر:مع السلامه قبل لا يطلع تركي التفت يطالع رغد وانصدم لما شاف ام ناصر تدف رغد لداخل البيت بالكرسي عشان كذا ما وقفت لما كنت احكي معها حرام كل هالجمال وفي الاخير تطلع مشلوله بس ليش حاس انها حزينه يمكن لانها مشلوله بس بعيونها فيه حكي كثير ودها تقوله ليش ابي اعرف كل شي عنها ليش؟؟ ****************************** * السعوديه_الرياض كانوا رحاب وناصر جالسين ياكلون بالمطعم وعايشين بالحب ومو حاسين بشي حولهم... ناصر:رحاب رحاب:عيونها ناصر:تسلملي عيونك, فرحانه؟ رحاب:دام معك اكيد فرحانه حتى لو باخر الدنيا ناصر(قرب عندها ومسك ايدها):متى بتسافرين؟ رحاب:بكرة ناصر(باحباط):بسرعه هذي ,تدرين ما كاني قضيت معك اسبوع كانه يوم واحد رحاب:واحلى يوم بعمري ناصر:احبك واحب كل شي فيك ومو متصور اني ممكن احب وحدة غيرك رحاب:وموظي وين راحت؟ ناصر:ليه تنكدين علي الحين خلينا مستانسين رحاب(بجديه):ناصر انت ها لاسبوع انبسطت بما فيه الكفايه بس انت نسيت موظي ونسيت ردة فعل عمي وابوي وعمي ماجد لما يدرون وشنو بيسون ناصر(تنهد):والله مافكرت بكل هذا ولا اعرف شلون افاتح امي وابوي با الموضوع رحاب (بياس):قلت لك من البدايه انا وياك مانفع مع بعض وحبنا هذا من البدايه غلط ناصر:غلطه حبي لك صار غلط؟! رحاب:ناصر انا مو قصدي لاتزعل بس انت تدري اذا عمي وابوي عرفوا شنو بيسون موظي بعد تظل بنت عمك ناصر:انا عمري ما ازعل منك بس انتي ماعليك خلي الموضوع علي رحاب:طيب وش بتسوي؟ ناصر:خلاص خلي الموضوع علي اهم شي انتي ترتاحين رحاب(ابتسمت له بكل حب):زلمزني ليه احبك الي يعرفك مستحيل مايحبك ناصر:وانا يهمني احد الا انتي انتي اهم شي بحياتي ومستحيل استغنى عنك رحاب (شدت على ايده):اكيد ماراح تتخلى عني؟ ناصر:اكيد اذا تخليت عنك يعني تخليت عن روحي واذا تخليت عن روحي يعني اموت رحاب:بعيد الشر عنك لاتقول كذا على نفسك ترى اموت ناصر:جعل يومي قبل يومك ,قومي خليني اوصلك البيت الوقت تاخر طلعوا من المطعم وهم ماسكين ايد بعض وشايفين طريق مستقبلهم مفروش با الورد لا كنه العكس مليان مشاكل ومصاعب الله يعلم شلون يتجاوزنها لكن با الحب كل شي ممكن يصير ..... ***************************** ايطاليا –روما راح تركي عند نواف في قهوة عربيه دخل القهوة ولقى نواف قاعد مع واحد ويشرب شيشه ... نواف:هلا تركي وينك طولت (وهو يغمزله) تركي ماله نفس يسلم على احد بعد ماعرف حقيقت رغد...... جلس تركي وطلب شيشه وجلس يشيش وهو ساكت.... نواف :شدعوة تركي يعني لهدرجه البنت ما عطتك وجه ؟ تركي قاعد يطالع صديق نواف الي قاعد جنبه نواف فهم شنو يقصد....... نواف :اقول خالد عن اذنك تركي عندة مشكله خاصه وحاب يحكيلي عنها على انفراد لا تاخذ المساله شخصي بس........ خالد :لا بس ولاشي شدعوة انا فاهم انا اشوفك بكرة مع سلامه نواف: الله معك نواف : هاذا خالد راح قول شنو عندك تركي :طلعت مشلوله نواف:مين البنت ؟ تركي :اجل مين هي طبعا نواف:وانت شلون دريت؟ تركي :شفت امها تدفها با الكرسي نواف:طلعت حلوة من قريب ولا من بعيد بس؟ تركي وربي طلعت احلى شي خيال عمري ماشفت مثله نواف:حسافه عموم يكمن خيرة شيلها من راسك تركي (ماقتنع بكلمه بس حب يسكته):اوكي خلاص نواف :وشو خلاص ؟ تركي:خلاص بشيلها من راسي نواف:أي كذا تصير رجال نلعب ايه بس على وحدة مثلها تركي مارد عليه لانه مو مقتنع بكلامه هو صحيح مايبي يلعب عليها بس مايقدر يشيلها من راسه لانه يحس انها ماراح تمر بحياته زيها وحدة ثانيه مر ها الاسبوع سعيد على البعض وحزين على البعض لكن الشي المشترك ان بعد ها الاسبوع فيه مفاجات للجميع لكن هل هالمفجات سعيدة او حزينه بس المهم النهايه وليس البدايه المهم الي بيصير مو الي صار المهم المستقبل مو الماضي ولاهم الي بيصير بالجزء الجاي.............. اسبانيا_مدريد الساعه 8 الصباح هديل كانت تحاول تقوم مشاعل الي مو راضيه تقوم... مشاعل:اف هديل ليش اقوم اقوم الحين؟ هديل:ابيك تدقين على راشد وتاخذين منه رقم زياد مشاعل(باستغراب):رقم زياد مين زياد؟ هديل:زياد صديق راشد الي يشتغل بالمتحف مشاعل:وليش تبينه؟ هديل:اف ياربي انتي دقي الحين على راشد وبعدين اقولك خذت مشاعل ودقت على راشد... راشد(باستغراب):مشاعل شفيك داقه الحين صاير شي؟ مشاعل:ليش ما يصير اشتقتلك هديل قزت مشاعل... مشاعل:أي زين خلاص راشد:مشاعل شفيك ؟ مشاعل:ههه راشد عندك رقم زياد راشد:وليش تبين رقمه؟ مشاعل:مو لي هديل تبيه راشد:وهديل ليش تبيه؟ مشاعل:مدرى عنها قالت لي ادق عليك واخذ الرقم منك راشد:اوكي لحظه اشوفه سكرت مشاعل منه بعد ما خذت الرقم وعطته لهديل ورجعت نامت... هديل دقت على زياد بعد تردد وخوف... زياد شاف رقم غريب رد عليه وهو مستغرب... زياد:holle هديل:زياد زياد(عرف على طول صوتها لانه ما غاب عنه لحظه):هديل هديل:ههههه شلون عرفتني؟ زياد(فز قلبه من ضحكتها):انتي مستحيل انسى صوتك هديل(انحرجت منه):زياد كنت بكلمك عن موعدنا اليوم زياد:ليه صار شي؟ هديل:اليوم بنروح بالتلفريك لاترا كيونيس زياد):اها اجل بتروحون تلعبون هديل:ايه سلطان يقول انها مدينه العاب زياد(باحباط):اجل بناجل الموعد هديل(بنفس الاحباط):والله انا كان ودي اشوفك(انتبهت لنفسها وانحرجت)اقصد كان ودي اوريك رسماتي بس انشاء لله مره ثانيه زياد(طار من الفرحه لما قالت انها ودها تشوفه):انتوا بتطولون باسبانيا هديل:شهر انشاء لله زياد:كويس اكيد بقدر اشوفك دام شهر هديل:يعني ما تقدر تجي معنا زياد:ما اعتقد بس بحاول هديل:اوكي ما ابي اطول عليك زياد:انا.... هديل:انت ايش؟ زياد:لا سلامتك ولا شي لما اشوفك اقولك هديل:اوكي اشوفك على خير مع السلامه زياد:الله معاك باي سكر زياد منها كان وده يقولها انا ابيك ما تسكرين ابي اسمع صوتك طول الوقت لكنه تراجع على اخر لحظه وفكر بالفاجاه الي بيسويها لهديل وشلون بتكون ردة فعلها... هديل سكرت منه وهي مستغربه من نفسها ليش قلت ودي اشوفك لو ما كنت افكر فيه كان ما قلت هالكلمه بس انا احب فيصل ومستحيل احب غيره بس ليش احس...لا يا هديل شيلي هالافكار من راسك .... زياد شخص عادي بيمر في حياتك من دون ما ياثر فيها فيصل هو حبيبك وبس... ياترى زياد بياثر بحياة هديل ولا بيكون شخص عادي ...؟؟؟ بعد ما البنات قاموا طلعوا ملابس مريحه ومناسبه عشان يركبون فيها الالعاب.... مشاعل لبست بنطلون جينز فاتح وبلوزه ورديه فيها صوره لميكي ماوس كبيره من قدام طالعت فيها مثل الاطفال خصوصا انها حطت بشعرها جل وحركته وصار مره شكله حيوي ومنعش... هديل لبست بنطلون جينز غامق وبلوزه سماويه فاتحه ولبست غطا خفيف ومناسب طلع شكلها مره رايق وهادئ... شوق لبست بيرمودا جينز غامق وبلوزه بنفسجيه فيها نجوم من قدام بالسماوي والابيض تلمع جعدت شعرها وطلع شكلها مره كيوت.... طلعوا من الفندق لشارع the painter Rosales لانها نقطة انطلاق التلفريك,سلطان وهديل وشوق ركبوا مع بعض وراشد ومشاعل لوحدهم مع بعض... في التلفريك عند مشاعل وراشد كانوا اثنينهم ساكتين راشد كان يشوف مشاعل سرحانه وتفكر بشي ثاني هو يدري ان فيها شي مو بس عشان سلطان شي ثاني مضيقها ولازم يعرفه,حط ايده على كتفها ينبها لوجوده.. مشاعل(حست بايد راشد ولفت عليه مبتسمه):..... راشد(ابتسم لابتسامتها):ميشو بسالك سؤال مشاعل:شنو؟ راشد(وهو يمسك ايدها):شنو الي مضايقك؟ مشاعل(وهي تلف وجها عنه):ما فيني شي راشد(حط ايده على وجها عشان تواجه):مشاعل انا احب مشاعل طالعت فيه متفاجاه هي تدري انه يحبها بس عمره ما اعترف دايم شي يمنعه بس ليش هالمره قالها بكل سهوله... راشد(عرف شنو تفكر فيه):انا ادرى اني عمري ما قلت لك اني احبك لان كنت اعرف انك تحبيني او على الاقل معجبه فيني لكن لما حسيت اني بفقدك حسيت اني بفقد قلبي قلت لازم تعرفين اني احبك لازم تسمعينها مني انا... مشاعل(حطت ايدها على فمه):خلاص كافي وانا بعد احبك بس ليش تقول انك بتفقدني؟ راشد:وسلطان؟ مشاعل(ارتبكت):سلطان راشد:أي سلطان يعجبك ولا لا؟ مشاعل(ما عرفت بشنو ترد وظلت ساكته تحاول تبعد نظرها عنه):..... راشد:طالعي فيني و قولي الحقيقه ما راح ازعل مشاعل(حطت عيونها بعيونه وجمعت شجاعتها):ما راح اكذب عليك بالايام الي راحت اعجبت فيه بس ما حبيته مثلك تدري ليش يمكن لانه بيني وبينه اشياء كثيره مشتركه امي اجنبيه وامه بعد هو عاش كل حياته بره وانا بعد هو ماله علاقه باهله وانا بعد عشان كذا حسيت ان مرتبط فيني بناحيه معينه فهمت الحين راشد(ابتسم لها وحط ايده على خدها):طيب ولحين معجبه فيه؟ مشاعل(حست انها تحبه من اول وجديد من لمسته):لا راشد:اكيد مشاعل(قربت منه وضمته باقوى ما عندها):اكيدين راشد(ضحك على حركتها وهو بدوره ضمها ):ويلومني ليه احبك مشاعل(ضحكت وبعدت عنه):هههههه من هذا الي يلومك؟ راشد:محد ,مشاعل توعديني بشي؟ مشاعل:امر عيونك لك راشد:تسلم لي عيونك بس توعديني أي شي يصير لك توقلينه لي على طول اوكي مشاعل:اوكي اوعدك وانت بعد راشد:اكيد وقف التلفريك لانهم وصلوا لحديقة كوستا أي ليلوبيرا كانت حديقه كبيره ومليانه بكل انواع النباتات.. لما انزلوا مشاعل وراشد كانوا الباقين نازلين قبل طول رحلتهم في الحديقه كانت مشاعل ماسكه ايد راشد عشان تحس بقربه منها تبي تحس بالحب وبالحنان الي هي فاقدته الكل شاف الحب المتبادل بعيونهم حتى سلطان لاحظ هالشي ولاحظ مشاعل الي كانت مطنشته طول الرحله ولا طالعت فيه حتى وكانها تبتعد عنه شوي شوي... ********************** ايطاليا_روما طلعت ام ناصر مع رغد بعد ما اكشخوا عشان يشوفون ابو ناصر راحوا لمطعم café de paris كان مطعم فرنسي ايطالي جلسوا هناك كانت القعده حلوه كلها سوالف وضحك خصوصا رغد كانت مشتاقه لابوها من يوم الحادث تغير وما عاد يهتم فيهم مثل اول يمكن بسبب احساسه بالذنب انه السبب بالي صار لها بعد الغداء قروا يتمشون في ساحة بياتزا سبانيا الي كانت ساحه كبيره بوسطها نافوره مزينه بالزهور والورد الملون ... وصلوا عند النافوره وصورا هناك مع بعض عشان تبقى هالذاكره الحلوه بالهم وصلوا عند النافوره الي يجتمعون عندها معظم السياح ابو ناصر وام ناصر راحوا ياخذون صوره عند الدرج الي في الساحه رغد جلست تستناهم عند النافوره كانت تطالعم وابتسامه حلوه على وجها تشوف امها وابوها بعد مده واخيرا مع بعض وكانها تشوفهم لاول مره... ...........:تدرين انك تطلعين مثل ال**** لما تبتسمين انتبهت رغد للصوت الي وراها والتفت وتفاجات لما شافت تركي... رغد:تركي تركي(طار من الفرحه لانها تتذكر اسمه):زين تذكرين اسمي رغد:انت كنت تلحقني؟ تركي:بصراحه ايه من طلعتي من بيتكم لحد هنا رغد(باستغراب):انت شتبي فيني؟ تركي(قرب منها ونزل لمستوها على ركبه وحده):تدرين ان هالمكان صور فيه كاظم الساهراغنية قولي احبك رغد طالعت فيه باستغراب مو قادره تفهم ليش يلحقها وليش يقول لها كذا يا ترى يلعب على ولا يمثل لان مستحيل يكون من جده مستحيل احد ممكن يعجب فيني انا واو حتى يحبني... تركي(لاحظ سرحانها):ليش الحزن؟ رغد:أي حزن؟ تركي:الي اشوفه بعيونك رغد(بعدت نظرها عنه للنافوره): مو حزينه تركي:لو كنتي مو حزينه كنتي حطتي عيونك بعيوني وقلتيها بكل شجاعه رغد(طالعت فيه مستغربه مو قادره تفهمه بس بنفس الوقت ترتاح لما تشوفه):يعني الكرسي الا انا فيه مو سبب كافي يخليني حزينه تركي(فز قلبه لنظراتها البرئيه والحزينه):ياليت لو اقدر اكون مكانك رغد(متفاجاه من كلامه الي حتى اختها ما قالته):تركي انت ليش مهتم انا ما فيني شي زود والبنات قدامك كثير واحسن مني انا ما عندي شي اعطيك اياه اذا تبي شي مني مع اني ما اعتقد قوله على طول ماله داعي تسوي انك.. تركي:اني ايش؟ رغد:انك مهتم فيني او كاسره خاطرك لاني ما احب احد يشفق على تركي:ومن قال اني اشفق عليك رغد:اجل ليش تسوي كل هذا؟ تركي:تصدقين اني نفسي ما ادرى بس عندي سؤال ودي تجاوبيني عليه رغد:شنو؟ تركي:ممكن اعرف اسمك؟ رغد(ابتسمت على سؤاله):اسمي رغد تركي:ليه تبتسمين؟ رغد:ولا شي انتبهت لامها وابوها الي خلصوا من التصوير ... رغد:تركي ماما وبابا بيجون عندي روح ما ابيهم يشوفوني وانا اكلمك تركي:اوكي بس تاكدي اني اشوفك طول الوقت ابتسمت له رغد وهو رد لها الابتسامه واختفى عن عيونها بين الناس,جو امها وابوها وتدفوها عشان يرجعون للفلا. التفت رغد ورها ما تدرى ليش بس يمكن تقدر تلمح تركي وبالفعل شافته من بين الناس ياشر لها ويبتسم لفت وجها عنه وابتسمت على شكله ترتاح له وهذا كل الي تعرفه..... ***************************** السعوديه_الرياض ناصر:يعني خلاص بتسافرين وتخليني رحاب:ناصر حبيبي لاتقول كذا ترى والله اهون وما اسافر ناصر:ههههه لا خلاص روحي حياتي تروحين وترجعين بالسلامه رحاب:الله يسلمك,ناصر هذا امي تناديني شكلنا بنروح الحين ناصر:انتبهي على نفسك واول ما توصلين كلميني اوكي رحاب:اكيد من غير ما تقول يلا مع السلامه ناصر:مع السلامه سكرت رحاب منه وطلعت من البيت للمطار على طيارة سويسرا ... ياترى بتتحق احلامهم بكل سهوله مثل ما يتمنون؟؟؟... *********************** اسبانيا_مدريد وصلوا لالعاب اتراكيونيس وهي تعتبر من اكبرواجمل مدينة العاب... لعبوا تقريبا كل الالعاب ومشاعل وراشد مره كانوا مندمجين مع بعض وخصوصا في لعبة في الماي كانت تنزل وتطلع فجاءه ومره نزلت بقوه طاحت فيها مشاعل على راشد من غير قصد ولاول مره تحس بالاحراج منه بزياده يمكن لانه اعترف لها بحبه... بعد الالعاب اكلوا شوي وبعدين ادخلوا لسينما أي ماكس الي كانت فريده من نوعها كانوا يابسون فيها نظرات خاصه وتعتبر من اكبر شاشه بالعالم لهذا النوع من السينما... بعد كل هالعب والمشي محد فيهم حس بتعب لانهم كانوا مبسوطين من الرحله قروا يقضون اليوم كله برى لانه اخر يوم لهم في مدريد وبعدها يرحون لبرشلونه فقروا يرحون مجمع اكسنديو البنات انهبوا على المجمع لما ادخلوا لانه كان من اكبرمجمعات اوربا وفيه الكثير من محلات الماركات العالميه بنات ما يتعبون من السوق خخخ بعد السوق ودهاهم سلطان لمنحدرات مغطيه بالجليد يعتبر الوحيد من نوعه في اسبانيا لانه بوسط المجمع دخلوا عند المنحدرات الجليديه وكانت كبيره ومليانه سياح يتزلجون طبعا بعد مالبسوا لبس الخاص للثلج عشان يدفيهم... البنات كانوا متعودين على الثلج لانهم دايم يسافرون برى ومتزلجين من قبل... شوق:ههههه ميشو شوفي وجهك احمر من البرد مشاعل:هههههه لا والله شوفي خشمك وخدودك حمررا هديل:خلاص لاتزعلون كلنا وجهنا احمر ظلوا البنات يتزلجون ويلعبون بالثلج... راشد:ميشو تعال بنصور مشاعل:مين بيصورنا؟ راشد:هديل هديل(وهي ماسكه الكميرا):يلا 123 شيز وقف راشد ورى مشاعل واول ما قالت هديل شيز باسها على خدها مشاعل تفاجات من حركته لانه ماقالها ... هديل:هههههه الصوره طلعت جنان راشد:ههههههاموت واشوف شكلك وانتي متفاجاه مشاعل(وخدها احمر من البوسه):لا والله شوف خدي احمر(وهي تاشر على خدها) راشد(قرصها من خدها):احلى خد احمر شفته بحياتي مشاعل:هههههه صورتهم هديل صوره ثانيه كان راشد شايل مشاعل على ظهره,هديل حست باحراج من صورتهم لانها مستحيل تسوي كذا مع فيصل لا وقدام الناس بعد بس مشاعل الوضع عندها easy وراشد تعود عليها وحبها وهي كذا وما يبها تتغير. شوق:هديل شرايك نتسابق؟ هديل:لا انتي تدرين انك راح تفوزين شوق:لا خلاص بخسر نفسي هديل:هههههههه لا والله شوق:طيب تكفين ابي اتسابق مع احد هديل:خلاص اوكي وقفوا عند بدايه المنحدر وعدت هديل وبدوا يتسابقون في البدايه كانت هديل سابقه شوق بس بعدين شوق سبقتها ... شوق(وهي تطالع وراها):تحداك تسبقيني ماحست شوق الا وهي تصقع باحد وتطيح على الارض .... حست ان جسمها كله تكسر كانها صقعت بجدار مو جسم رفعت راسها تشوف مين وشافت واحد عجز لسانها يوصف جماله لما حطت عيونها بعيونه حست قلبها يدق مثل الطبول ومع ان الجو بارد والثلج حولها الا انها تحس جسمها حار .... صدفه ومن بين كل الناس علقني من يوم شفته وعيني جت في عينه حسيت شي بعيونه حيل يجذبني ولما ابتسم بانت بوجهي تلوينه... مد الرجال يده لشوق عشان يقومها مدت شوق بيد مرتجفه واول ما حست بلمسة ايده ارتجف جسمها وحست بشي عمره ما حسته اتجاه أي واحد شافته بحياتها... الرجال:سلامات عسى ما صارلك شي؟ شوق(بتوتر):ها..الله يسلمك لا جت سليمه هديل راحت عند شوق لما شافتها طاحت... هديل(بخوف):شوق صارلك شي؟ عبد العزيز اول ما عرف ان اسمها شوق طالعها وابتسم اسمها انطبع بعقله وبقلبه.... شوق(بارتباك):لا عادي بس طحت شوي هديل:متاكده وجهك احمر عبد العزيز:عموما لو صار شي او احتجتي شي انا اسمي عبد العزيز وتقدرين تسالين عني في الريسبشين.... شوق:شكرا مشت شوق وهديل عن عبد العزيز الي ظل يطالعها وماشال عينه عنها لفت شوق عليه شافته يطالعها ويبتسم لها ابتسامه هزت كيانها ردت له ابتسامه احلى منها خلت قلبه يفز لها.... دخيل الحب من نظره دخيل عيونك الحلوين ترى قبلك كثير وما خبرت اني توسلته نعم جيت اعترفك والغلا في عيوني الثنتين كثر ماشالتك عيني سويبك طاح ما شلته قلبين وتعلقوا بعض من اول نظره ياترى هذا الحب من اول نظره .... شوق تحس نفسها ضايعه لما ابتعدت عنه مستغربه من نفسها ليش تحس بشعور غريب لما تشوف عيونه تحس انها محتاجه له وان هالشخص بيغير حياتها للابد. عبد العزيز ظل واقف مكانه ماقدر يتحرك يحس انه صار اسير شوق الي مايعرف عنها شي غير اسمها بس كانت احلى صدفه بحياته انه صقع فيها وعاش لحظه حس انها دهر ... راشد:عزوز انت هنا؟ عبد العزيز:هلا راشد راشد:انت جاي مع مين؟ عبد العزيز:جاي مع عماد ومنصور راشد:ميشو تعالي بعرفك على صديقي مشاعل:هاي عبد العزيز:انتي مشاعل راشد كلمنا عنك كثير مشاعل:ليكون يحش؟ عبد العزيز:لا بالعكس دايم يمدح فيك مشاعل:على بالي راشد:هذا ياميشو عبد العزيز الي كلمتك عنه مشاعل:انت ولد الوزير عبد العزيز:ههههه الله يهديك ياراشد فضحتني عند الناس راشد:احد يصير ولد وزير وما يبي احد يعرف عبد العزيز:ههههههه مشاعل شافت هديل تدور عليهم اشرت لها عشان تشوفها... هديل:وينك ادور عليك مشاعل:شوق وينها عنك؟ عبد العزيز اول ما سمع اسمها دق قلبه بسرعه.... هديل:ماتبي تلعب تقول انها تعبانه وبترتاح شوي مشاعل:اوكي,راشد انا بروح معها اوكي راشد:اوكي روحي اول ما راحوا هديل ومشاعل... عبد العزيز:راشد انا بروح اقعد شوي اوكي راشد:طيب عماد ومنصور وينهم؟ عبد العزيز:هناك (اشار له عند مكانهم وراح لهم راشد)... راح عبدالعزيز راح عند الكراسي ولقى شوق جالسه وسرحانه كان وده يعرف شنو تفكر فيه وما درى انه هو مالك تفكيرها... عبد العزيز:يقولون انك تعبانه؟ شوق(دق قلبها لما سمعت صوته):لا عادي بس حبيت اقعد شوي عبد العزيز يحس الجو متوتر مع انه شخص اجتماعي وحبوب الا انه ولاول مره مو عارف كيف يفتح موضوع او يقول كلمتين على بعضها... عبد العزيز(وهو يجلس جمبها بس يفصله عنها كرسي واحد لاكن يحس انه بعيد عنها باميال):تدرين لما صقعتي فيني فكرت انك لابسه عدسات بس طلع لون عيونك كذا شوق:دايم لما يشوفني احد لاول مره يقولي كذا عبد العزيز حس الكلام الي قاله ماله داعي ,شنو فكرت انك لابسه عدسات بالله هذا كلام تقوله... شوق متوتره اكثر منه لدرجه انها قامت تفرك يدها بتوتر ومو عارفه كيف تتكلم معها... عبد العزيز(شافها وهي تفرك يدها):شكلك بردانه؟ شوق(انتبهت لنفسها):ها..اي شوي عبد العزيز(بتردد):اذا تبين اعزمك نشرب قهوه عشان تدفين شوق مو متعوده تطلع مع واحد ماتعرفه بس مو بيدها هالانسان يسيطر عليها وافقت بدون تردد... راحوا لقهوه في المجمع طلبوا القهوه وجلسوا يشربونها بهدوء كل واحد فيهم ساكت ... عبد العزيز الي مسيطره عليه شوق بنظره من عيونها وشوق الي اول مره بحياتها تحس بهشعور الغريب ترتاح له وبنفس الوقت تخاف منه... عبد العزيز:تدرين اول مره اقعد مع احد وما اعرف كيف افتح موضوع معه شوق:وانا بعد عبد العزيز:الشي المشترك بينا هو راشد انا اعرفه وانتي بعد تعرفينه,الي حاب اقوله اني...اقصد ودي.. شوق:قصدك تبي تتعرف على عبد العزيز:بصراحه ايه بس خفت انك تزعلين شوق:لا بالعكس...اقصد هذا شي ما يزعل,طيب انت تكلم عن نفسك عبد العزيز:اوكي انا اسمي عبد العزيز العثمان حنا 4 بنتين ولدين وحده من خواتي متزوجه اسمها بشاير والثانيه في الجامعه سنه ثانيه اسمها منار واخوي اخرالعنقود اسمه حمد وابوي يشتغل وزير شوق تفاجات لماعرفت ان ابوه وزير بس هو مبين عليه ولدعز من شكله ولبسه وحتى طريقه كلامه... شوق:الله يخليكم لبعض عبد العزيز:تسلمين,وانتي كلميني عن نفسك؟ شوق:انا اسمي شوق الهيماني حنا 3بنتين ولد اخو ناصر اكبر واحد واختي اصغر مني اسمها رغد عمرها تقريبا 16سنه وابوي رجل اعمال بس عبدالعزيز:انتي خلصتي الثانويه صح؟ شوق:أي هالسنه عبدالعزيز:طيب شنو تبين تتخصين؟ شوق(بتفكير):مم والله مدرى مافي شي بالي الحين عبدالعزيز:طيب انتي كم نسبتك؟ شوق:هههه تبي تحرجني خلك من هالسؤال,انت شكلك بالجامعه صح؟ عبد العزيز(ياحلو ضحكتها):ايه انا اخر سنه شوق:شنو تخصصك؟ عبدالعزيز:ادارة اعمال شوق:تدرس في الشرقيه؟ عبدالعزيز:لا ادرس بره بس الحين معطل شوق:حلو وشلون تعرفت على راشد؟ عبدالعزيز:ماتلاحظين اني اتكلم عن نفسي وانتي لا شوق:هههه عادي انا اسالك وانت تجاوبني وكملوا باقي الجلسه سوالف وضحك ويتكلمون عن مواضيع مختلفه وكل واحد فيهم يحمل شعور غريب عليه للثاني. **************************** في التزلج كانت مشاعل وهديل يلعبون بالثلج ويرمون على بعض كانت مشاعل مندمجه بالعلب ماحست الا بكرة ثلج كبيره تنرمي على وجها ,هديل مات من الضحك عليها لان شكلها كان يضحك وهي متفاجاه... مشاعل:هديل وجع ليه ترمينها بوجهي؟ هديل:هههههه والله مو انا هذا راشد ههههه لفت مشاعل وجها ولقت راشد واقف يطالعها ويضحك على شكلها انقهرت منه اخذت كتله كبيره من الثلج ورمتها بوجه راشد الي قعد يلحقها وهو معصب... راشد:مشاعل تعالي بسرعه هنا شلون تتجرئين وترمين على وجهي ثلج مشاعل(وهي تركض بعيد عنه):ههههه مثل مانت تجرات وريمتها هههههه ركض راشد باسرع ما عنده ورمي الثلج على مشاعل وجا على خدها وقفت مشاعل لان الثلج كان مرره بارد وصار خدها احمرر... مشاعل:اي يعور راشد(قرب منها بس بعد شوي لان خايف ترمي عليه شي):شدعوه ترى كله ثلج مو صخر مشاعل:لا والله شوف خدي احمر يعورني راشد(كسرت خاطره لانها شكلها شوي وتصيح):حبيتي عورتك مشاعل(وهي تمسح دموع التماسيح):ايه عورتني راشد قرب منها وحط ايده على خدها يمسح عليها ماحس الا كرة ثلج جايه على وجه... بعدت مشاعل عنه وهي تضحك ... راشد:يعني ماعورك الثلج؟ مشاعل(وتنقز مستانسه انها ردت له الحركه):هههه على قولتك ثلج ما يعور راشد:خبله انتي خبله شلون تسوين هالحركه مشاعل:عشان مره ثانيه ماترمي على وجهي الثلج راشد(وهو يركض لجهتها):طيب انا اوريك مشاعل(وهي تركض):لا خلاص sory ما اعيدها راشد(وهو يمسكها من خصرها):هههه لا تضحكين على مشاعل:هههههه لا والله هههه تكفى ما اعيدها والله ما اعيدها راشد(وهو يهدها):طيب سماح هالمره خلك تعدينها مره ثانيه مشاعل(وهي تعدل شعرها):ههههه ما اعيدها بايعه عمري انا هديل كانت تطالع وتضحك تتمنى فيصل يكون موجود معها كانت بتعيش معه نفس هالحظات ويمكن احلى... طلعت من الثلج وشالت ملابس الثلج وجلست بالكافتريا تشرب لها قهوه... كانت تقرا مجلة وتشرب القهوه بكل روقان... ...........:ممكن اجلس معك؟ لفت هديل لجهه الصوت وتفاجات لما لقت زياد... هديل(وهي توقف):زياد اهلين زياد:تفضلي ليش واقفه؟ هديل(وهي تجلس):ماتوقعت بتجي؟ زياد:قلت اسويها لك مفاجاه هديل(بتسامه حلوه):مفاجاه حلوه زياد:زين فكرت انك بتضايقين هديل:بالعكس انا ابي اوريك رسماتي من حسن حظك اني جايبه معي دفتر وفيه شوية رسمات زياد(زهو ياخذ الدفتر):حلو فتح زياد الدفتر وجلس يتفرج على الرسومات وهديل متوتره ودها تعرف شنو رايه شكله جامد مو باين اذا عجبته الرسمات ولا لا.... بعد ما سكر الدفتر طالع هديل بكل برود... هديل(بتوتر):ها عجبتك؟ زياد:بصراحه هديل(واعصابها تلفت):ايه زياد(ضحك فجاه):ههههه بصراحه يبيلك صوره على شكلك وانتي خايفه هديل:لا والله زياد انا من جدي اتكلم وانت تمزح زياد:طيب خلاص بقول راي هديل(وهي تتنهد):قول زياد:بصراحه رسمك روعه هديل:لا شكلك تمزح زي مساع زياد:ههههه لا اتكلم من جدي وبعدين اصابعك الحلوه هذي شلون ماترسم شي حلو هديل(انحرجت من كلامه وظلت تلعب بطرف الغطا عشان ما تطالع فيه... زياد:انا اسف اذا احرجتك بكلامي هديل:لا...عادي بس زياد:بس ايش؟ هديل:بصراحه زياد انا.... زياد:انتي ايش؟ هديل(كانت بتقوله عن فيصل بس ما تدرى ليه تراجعت على اخر لحظه):لا بس شرايك نقوم مكان ثاني احس اني مخنوقه هنا زياد:اوكي براحتك راحوا هديل وزياد يتمشون في المجمع كل واحد مشغول بفكره هديل تحس انها تخون فيصل بالي تسويه بس بالوقت نفسه مو قادره تمنع نفسها من هالاحساس... وزياد مشغول بفرحته بهديل يحس ان وهو معاها يملك الدنيا وما فيها يحس ان كل الناس يحسدونه لان هديل معه كانت تمشى جمبه بكل هدوء ورقه وكانها **** يمشي على الارض... **************************** ايطاليا_روما رجعت رغد للبيت وهي مستانسه تحس اليوم غير بعد ما شافت تركي هي ما تدرى ليه يسوي كذا معها وليش مهتم فيها بس كل الي تعرفه انها مرتاحه له وتحس انه الشخص الوحيد الي يقدر يسمعها ويفهمها... سمعت صوت جوالها يدق شافت رقم غريب بس الرقم من ايطالي ردت عليه بتردد... رغد:yes تركي:انشاء لله انبسطتي بالطلعه؟ رغد:تركي؟ تركي:شرايك بهالمفاجاه رغد:من وين جبت رقمي؟ تركي:قلبي دلني عليه رغد(استحت من كلامه بس طنشت):احلف زين تركي:ههههه مو مصدقه رغد:مو مشكله امشي السالفه بس ليش داق؟ تركي:ممكن رغد ادق عليك كل يوم رغد:ليه؟ تركي:ابي اعرف كل شي عنك ابس اعرف متى تصحين ومتى تنامين وشنو تحبين وشنو تكرهين رغد:ههههه الله كل هذا تركي:حتى ضحكتك حلوه قولي شنو الي مو حلو فيك؟ رغد:تركي بس عاد انا..... تركي:انتي ايش ماتبيني اتكلم؟ رغد:انت فاهم انا شنو قصدي تركي:لا مو فاهم رغد:تركي تركي:عيونه رغد:ترا اذا ماتكلمت عدل بسكر تركي:هههههه خلاص بقول الي تبين بس لا تسكرين ظلوا تركي ورغد يتكلمون لساعات من غير ما يحسون بالوقت تركي اول مره بحياته يكون صادق مع بنت ويفتح لها قلبه ... ورغد الي من بعد فهد لاول مره تحس انها مرتاحه لاحد وما تبي ترجع للسعوديه عشان هالحلم الجميل ما ينتهي بس بعد خايفه لانها مو متاكده من تركي شيبي منها.... ************************** اسبانيا_مدريد رجعوا من المجمع للفندق بعد يوم طويل قضوه بره وكل واحد شايل بقلبه شعور بالحب او بالاعجاب واو بشعور غريب لاول مره يحس فيه... في الغرفه عند البنات كانوا منسدحين على السرير بس على الرغم من هالتعب محد فيه النوم... مشاعل(وهي تطالع شوق):شوق شفيك تطالعين السقف وتبتسمين؟ شوق(تنهدت):مدرى احس بشي غريب مشاعل:شي مثل شنو؟ شوق:ميشو لو قلت لك اني احب بتصدقيني مشاعل:قامت من السرير ونطت على شرير شوق):نعم؟؟ شوق:ههههه شفيك مشاعل:انتي تتكلمين من جدك؟ شوق:مع اني شفته اليوم بس ليش حاسه اني احبه ليش؟ مشاعل:تقصدين عبدالعزيز شوق:ايه ياحلوه وحلو اسمه مشاعل:هو حلو ايه بس اسمه عادي شوق:نعم لا حبيبتي هو كل شي فيه حلو مشاعل:وانت معقوله حبيته وانت الي دايم تكرهين الحب وتقولين ان مافي شي اسمه حب بالدنيا شوق:مدرى يا ميشو من اول ما شفته حست قلبي يدق وجسمي حار ومرتبكه لاول مره بحياتي انا عمري ما انجذبت لشخص مثله حتى طلال الي ساعدني ارتاح له بس ما حبيته مثل عبدالعزيز تعرفين لما اطالع فيه احس اني اشوف نفسي بعيونه بس بموت من الفرحه لو دريت انه يبادلني نفس الشعور مشاعل:لهدرجه معجبه فيه؟ شوق:لا مو اعجاب هذا حب مشاعل:شلون تحبينه وانتي ما تعرفينه؟ شوق:لما قعدت وتكلمت معه حسيت اني اعرفه من زمان مشاعل:اقول انتي اكيد مريضه اجل شوق تقول هالكلام سمي بالله ونامي وبتقومين بكره ناسيه كل شي راحت مشاعل عن شوق الي كانت تتكلم بطريقة رومنسيه لاول مره بحياتها طنشت كلام مشاعل لانها معذوره اذا هي نفسها مو مصدقه الي تحس فيه شلون مشاعل.... سواها قلبي ياحبيبي وحبك ما طاعني وانا عن الحب ناهيه الظاهر انه مايبي غير قربك عاف الجميع واول الناس راعيه عليه لا وصيك لا صار جمبك صبح عليه بحب وبحب مسيه نبضه وفاه وبتضحياته يعجبك صافي ولاكن مالقى من يصافيه سواها قلبي..... خل دروب الكل واختار دربك داريه تكفي قد مافيك داريه وابشر بقلب مايبي غير قربك يموت وغير محبتك ماسكن فيه عليه لا وصيك لا صار جمبك صبح عليه بحب وبحب مسيه نبضه وفاه وبتضحياته يعجبك صافي ولاكن مالقى من يصافيه سواها قلبي..... ************************** ابتدت قصة حب جديده بقصتنا يارترا بتكون سعيده مثل ما بدت ولا بتكون نهايتها حزينه وهديل هل بدت تحب زياد ولا حب فيصل ثابت بقلبها ما يهزه شي ومشاعل بتكمل سعيده مع راشد ولا اعجاب سلطان بيرجع يشدها من جديد وتركي شنو يبي من رغد هل بيحبها من جده ولا في شي ثاني باله؟؟؟؟ |
|
|
#9 |
|
|
السعوديه_الشرقيه بمطار الملك فهد كان طلال يودع فهد الي بيسافر عند اهله بسويسرا... طلال:اهم شي لا تنسى الهديه فهد:هههه اكيد من غير ماتقول طلال:هههه امزح هديتي رجعتك بسلامه انت واهلك فهد:الله يسلمك,عموما اذا صار شي بموضوع ساره بلغني اوكي طلال:ياعمي لاتشغل بالك هذي وحده تافهه فهد:اوكي بس انتبه لنفسك طلال:وانت بعد مع السلامه طلع طلال من المطار وهو بالسياره خطرت على باله شوق الي ماغابت عنه لحظه وحده دق قلبه لطاريها وفكر يدق عليها... ************************ اسبانيا_مدريد كانت شوق تحط المسات الاخيره لمكياجها استعداد للطلعه دق جوالها وشافت رقم طلال ردت بسرعه وهي فرحانه... شوق:هلا وغلا طلال(ارتاح لما سمع صوتها بس ماتنطفى نار الشوق الا لما يحط عينه بعيونها):هلابك,اخبارك لاتدقين ولا تسالين؟ شوق:ههههه sory بس والله اسبانيا تنسى الواحد نفسه عموما انا بخير انت كيفك؟ طلال:بخير دامك بخير شوق:تسلم,قولي شخبار الشرقيه ابيك تحرسها لي لين ارجع طلال:كم باقي وترجعون؟ شوق:مم باقي اسبوعين ونص طلال:مو كثير شوق:اصلا بيمرون من دون ماتحس فيهم طلال(بيمرون على مثل الدهر الله يصبرني على فراقك):انشاء لله مبسوطين بالسفره؟ شوق(وهي تتذكر عبدالعزيز):مرره السفره هذي احلى سفره بحياتي طلال:عسى ايامك كلها حلوه شوق:امين وانت بعد عسى ايامك دوم حلوه طلال(معاك يارب):تسلمين عموما سلمي على صديقاتك مابي اطول عليك شوق:اوكي تدرى عندي لك مفاجاه بس لما ارجع بقولها لك طلال:شنو؟ شوق:لما اشوفك بقولك خلها مفاجاه طلال:اوكي براحتك كل شي منك حلو شوق:تسلم يلا انا بروح الحين باي طلال:باي طلال قعد يفكر شنو بتكون المفاجاه اكيد اشتاقتلي مثل ما انا مشتاق لها خلاص لما ترجع بعترف لها بحبي واكيد هي تبادلني نفس الشعور ... سكرت شوق من طلال وجلست تعدل نفسها دخلت عليها مشاعل... مشاعل:كنتي تكلمين طلال؟ شوق:ايه مشاعل:وقلتيله عن عبدالعزيز؟ شوق(طالعت فيها مستغربه):وش المناسبه عشان اقوله؟ مشاعل:يعني لانه يحبك شوق:كم مره قلت لك طلال ما يحبني يعتبرني مثل اخته وبس مشاعل:بس من سوالفه ومساعدته لك واضح انه يحبك مع اني لا شفته ولا قعدت معه شوق:قلتيها انا قعدت معه وشفته واضح انه مايحبني الا مجرد صديقه واخت بس مشاعل:كيفك انا قلتلك وخلاص شوق:ماعليك امشي نطلع لانتاخر عليهم طلعت شوق ومشاعل من الفندق ولقوا الكل واقف يستناهم بره... اول ماطلعت شوق طاحت عيونها بعيون عبدالعزيز حست قلبها بيطلع من مكانه ابتسمت له ورد لها ابتسامه بارده استغربت بس طنشت بعدين.. راحوا لساحة الشمس(puerta del sol)تعتبر من اهم مناطق التسوق بمدريد ادخلوا واحد من المطاعم الي على الشارع وتغدوا فيه ... طول فترة الغداء وشوق مستغربه من عبدالعزيز الي يتعامل معها بجفاء وكانه يشوفها لاول مره شافت عبدالعزيز قام لانه خلص اكله فقامت معه عشان تعرف الموضوع... شوق:عبدالعزيز عبدالعزيز(غصب عنه لف عليها وابتسم مع انه زعلان منها):لبيه شوق(بهالحظه حست ان عبدالعزيز الي تعرفه رجع مثل اول):ليه تعاملني اليوم بجفاء وكانك ماتعرفني؟ عبدالعزيز(ضاع منه كل العتب الي بيقوله لها لما شاف عيونها):sory بس انا كنت متضايق شوي ليكون تضايقتي شوق(قربت خطوه منه):لا انا عادي بس..(نزلت راسها مو عارفه شنو تقول) عبدالعزيز(قرب منها ورفع راسها):قولي الي بخاطرك شوق(تحس انه يسيطر عليها بنظره منه شلون بلمسته):شلي مضايقك؟ عبدالعزيز(بعد عنها وعطها ظهره):لا بس اليوم لما قلنا بنطلع انا قعدت استناك تحت وانتي طولت فوق وكانك تتغلين شوق(راحت عنده واجهته):شدعوه عبدالعزيز انا اتغلى وبعدين ماتعرف ان من تغلى تخلى انا بس جتني مكالمه عبدالعزيز:مين كلمك؟ شوق(تعرف ان مو من حقه يسال بس جاوبت عليه):طلال..اقصد واحد سالفته طويله بعدين اقولها لك عبدالعزيز(وهو يحس بالغيره من طلال الي مايعرفه):تحبينه؟ شوق(طالعت فيه ولقته منزل راسه ويهز رجله بكل عصبيه حطت ايدها على خده عشان يطالعها):لا عبدالعزيز(ارتعش قلبه من لمستها الدافيه):وهو يحبك؟ شوق:لا هو يعتبرني مثل اخته عبد العزيز(قعد يطالع بعيونها وشاف الصدق كله الكلام يطلع من قلبها ويدخل قلبه على طول):شوق انا... قطع عليه صوت هديل الي كانت جايه تدخل الحمام... بعدوا عن بعض بمسافه مناسبه ودخل عبدالعزيز الحمام وشوق رجعت للطاوله. هديل عرفت انها قطعت عليهم الكلام بس ماهتمت لان تفكيرها كان منشغل بشي ثاني ... فجاها جوالها الي دق وكان فيصل ارتبكت لاول مره لما تشوف رقم فيصل.... هديل(وهو تحاول تخفى توترها):هلا فيصل فيصل(عرف ان فيها شي 3سنين حب اكيد بيعرف عنها كل شي):هلا حبيبتي فيك شي؟ هديل(تعرف انها مستحيل تخبي شي عليه):ولا شي بس مشتاقتلك فيصل:وانا اكثر والله كم باقي وترجعون؟ هديل:تقريبا اسبوعين فيصل:يالله ربي يصبرني ,انت شلونك صار معك شي؟ هديل(بخوف):صار معاي شي بشنو؟ فيصل:يعني أي شي احس في شي مضايقك؟ هديل:لا انا بخير بس والله مشتاقه لك ومحتاجتلك وكان ودي تكون معاي فيصل:انشاء لله السفره الجايه مع بعض بس بتكون شهر عسل هديل(ذابت من الحيا وكانها تشوفه قدامها):طيب انا بسكر مابي اعطلك عن شغلك فيصل:هههههه وانتي كل مره كذا عموما انا مجهز لك مفاجاه لما ترجعين هديل:اوكي انشاء لله نرجع بسرعه مع السلامه فيصل:انتبهي على نفسك حبيتي باي سكرت هديل منه وحط الجوال على قلبها والله احبك وعمري مارارح احب احد غيرك ابتسمت ودخلت الحمام... على الطاوله كان سلطان يطالع مشاعل بنظرات اربكتها بس حمدت ربها ان راشد مو ملاحظ لانه يسولف مع عبدالعزيز ومنشغل معها,قامت من مكانها تروح الحمام لانها ما تقدر تتحمل تجلس اكثر من كذا... توها بتدخل الحمام الا تسمع صوت سلطان وراها... مشاعل(وهي معطتيه ظهرها):نعم شتبي ؟ سلطان(قرب منها وقف وراها بالضبط وهمس باذنها):انا ادرى انك تحبيني مشاعل(انصدمت لما قالها هالكلمه وحست قلبها يدق بقوه):من قال انا احب راشد وبس سلطان:هالكلام تقولينه لراشد مو لي اصلا واضح عليك انك تموتين على مشاعل(انقهرت من غروره):وشلون واضح على؟ سلطان:لو ماكنتي تحبيني كنتي جلستي معاي عادي وسولفتي معاي عادي ولما اكلمك تطالعين فيني زي أي شخص ثاني مشاعل(خافت منه لان تاثيره عليها قوي):بالعكس انت اصلا ماتهمني بشي سلطان(بخبث):لو كنتي صادقه حطي عينك بعيني وقولي هالكلام مشاعل عارفه ان ثقتها كلها بتنهد لما تشوفه بس تشجعت ولفت عليه ويالتها مالفت كان قريب منها مره لدرجه تحس ان انفاسها وانفاسه وحده ضاعت في عيونه شجعتها وقوتها خاونها في الحظه هاذي كان ودها ترمي نفسها بحظنه وتحس بدقات قلبه بس تجاهلت هالرغبه ... سلطان(مسكها من ذراعها يصحيها من احلامها):مشاعل انا احبك قوليها قولي انك تحبيني مثل مانا احبك مشاعل كانت ضايعه محتاجه راشد يكون معها لما تشوفه تحس بالقوه لاكن مع وجود سلطان وتاثيره عليها تحس بالضعف خانتها ثقتها وقلبها الي ما طاوعها وتوها بتنطقها الا شافت الي كانت تستنه شافت راشد واقف يطالعها بكل عصبيه وغيره... مشاعل كانت تحاول تبعد ايد سلطان عنها بس هو ماسكها بقوه مو قادره تتحرك ماقدر يحركه الا ايد راشد الا بعدته عن مشاعل... سلطان تفاجاء بوجود راشد لانه قطع اعتراف مشاعل بانها تحبه... راشد(وهو ماسك بلوزه سلطان من قدام):انت شلون تسمح لنفسك انك تلمسها سلطان(برود):ليه حلال عليك وحرام علينا راشد(عصب من كلمته ):اسمعني عدل مشاعل لي انا ومره ثانيه اذا قربت منها ولا حتى كلمتها ماتلوم الا نفسك سلطان:اصلا قبل لا تجي كانت بتعترف لي انها تحبني راشد(طالع في مشاعل مو مصدق):.... مشاعل(خافت من نظرات راشد):لا راشد صدقني انا ماكنت بقول شي سلطان:خلاص مشاعل ليش تعذبيني وتعذبين نفسك قوليله الحقيقه ليش تخلينه مخدوع مشاعل:راشد لا تصدقه هذا يكذب عليك راشد(هد سلطان ومسك ايد مشاعل):مشاعل طالعي فيني وقولي انتي تحبينه؟ مشاعل(كانت متوتره طالعت في عيونه وشافت الخوف من جوابها):لا سلطان:كذابه كل مره تقولك كذا وترجع تحبني هذي الحقيقه يار اشد هي تحبني والكل يعرف هالشي راشد(طالع بعيون مشاعل ومالقى فيهم الي يبيه عرف لحظتها ان كلام سلطان صح ):عموما اتهنى فيه انا خلاص عافك الخاطر ابتعد راشد عن مشاعل وهو يلم بقايا حبه وكرامته الي انهدرت حس بالقهر في قلبه ليش حبها هو يعرف ان عمرها ما تتغير متعوده تلعب على اكثر من واحد ولا عمرها بتغير طلع من المطعم وظل يمشى تايه مو عارف وين يروح يحس انه انخدع منها ليش ليش حبيتها وانا الي كنت بنتقم منها اروح في الاخير واحبها ..... قهر ماكنت انا ادرى تعيش بفلبي كذابه قهر توي عرفت انك على الحبلين لعابه كذب كانت سواليفك وكل كلمه على كيفك وانا الي احسبك روحي والقلبي اقرب احبابه وفيت لقلبك بعمري ولك ضحيت بايامي لقيتك للاسف كذبه اعيش بها مع احلامي نعم صدقت كلماتك ولا ادرى بنياتك وهذا اليوم انا كلي ندم من راسي لقدامي خلاص الحين ابي ارحل وانا فيني الم غدرك اباخذ قلبي من قلبك وخلي قلبك بصدرك بداوي روحي بروحي وبكتم فيني جروحي بعيش بدنيا من دونك وعيشي بالقهر عمرك قهر ماكنت انا ادرى تعيش بقلبي كذابه.... مشاعل ما استوعبت الي راشد قاله ظلت خمس دقائق تستوعب... سلطان(خاف عليها لان شكلها ما يطمن):مشاعل انتي بخير مشاعل(طالعت فيه بعصبيه):بخير أي بخير انت شفت شنو سويت راشد تركني تخلى عني سلطان:واذا انا موجود مشاعل:انت شنو ما تحس تدرى ان اول كنت اظن اني احبك لكن بعد هالحظه انا اكرهك واكره اسبانيا لانك فيها اذا راشد ما رجع لى انا مالي قعده هنا ولا ابي اشوفك مره ثانيه انت فاهم... طلعت مشاعل من المطعم تدور على راشد ودموعها تنزل على خدها من دون ماتحس فيهم حست انها غبيه ولامت نفسها ليش ليش يامشاعل ضيعتي حب راشد منك هو الوحيد الي صادق معاك وهو الوحيد الي يهتم فيك انا محتاجه له مستحيل اخليه يضيع مني مره ثانيه بس خلني القاه وينك وينك ياراشد رحت وخلتني.... على الطاوله رجع لهم سلطان يحاول يخفي توتره بسبب كلام مشاعل.. عبدالعزيز:سلطان ماشفت راشد ؟ سلطان:لا عبدالعزيز:غريبه مدرى وين اختفى شوق:حتى مشاعل وينها؟ هديل:هههه خلاص اذا مشاعل وراشد مو موجدين اكيد اطلعوا مع بعض وخلونا عبدالعزيز:ههههه والله هالاثنين لايقين على بعض مره شوق:الله يخليهم لبعض سلطان(ماقدر يتحمل كلامهم):خلاص اجل هم بيرجعون بعدين خلينا نطلع نتمشى طلعوا من المطعم وقروا يرحون للحما المغربي عشان يسترخون بعد المشي بالسوق... دخلت شوق قبل هديل الي ظلت بره واول ما شافت عبدالعزيز نادت عليه... عبدالعزيز:هلا هديل بغيتي شي؟ هديل:بصراحه انا كنت ابي اكلمك بس مالقيت فرصه مناسبه الا الحين عبدالعزيز(استغرب):خير انشاء لله شفيه؟ هديل:انا ادرى بالي بينك وبين شوق عشان كذا بقولك هالشي عبدالعزيز:الي هو؟ هديل:شوق عيد ميلادها بعد بكره كنت بقول لمشاعل بس مدرى وينها فكرت اقولك عشان تساعدني عبدالعزيز(بحماس):والله عيد ميلادها بعد بكره هديل:ايه عبدالعزيز:خلاص انتي روحي الحين عشان ماتشك وانا بفكر بشي هديل:اوكي شكرا دخلت هديل للحما وظل عبدالعزيز واقف مكانه يفكر,مافي وقت انسب من عيدميلادها عشان اقولها على بقلبي ... دخل للحما وهو فكره مشغول بعيد ميلاد حبيبة قلبه وشنو الهديه الانسب الي يعطيها لها... ************************ ايطاليا_روما قامت رغد من النوم على صوت جوالها كانت نغمة تركي .... رغد:هلا تركي تركي:هلا والله شكلك نايمه رغد:هههه شلون نايمه واكلمك ماتجي هاذي تركي:وانتي خليتي فيني عقل ماقمت اعرف اقول رغد:اقول انت واحد فاضي وانا فيني النوم تركي:شدعوه رغوده اصلا المفروض يكون هذا الصباح احلى صباح بحياتك لانك قمتي على صوتي رغد:ترى الغرور ما يمدحونه تركي:هههههه طيب شرايك اعزمك اليوم؟ رغد:مم مدرى يمكن ماما ماترضى تركي:تكفين قوليلها ابي اطلع اتمشى لحالي وخذي الخدامه معك رغد:اوكي بس وين بنروح؟ تركي:انتي تعالي لساحة اسبانيا وخلي الباقي علي رغد:طيب وين بنروح؟ تركي:مفاجأه رغد:اوكي لما اجي اطلع بدق عليك تركي:انتبهي على نفسك حبيبتي باي رغد(استحت من كلمته ودق قلبها ينبض بحب جديد):باي نزلت رغد عند امها وقالت لها تبي تطلع وبعد اقناع شديد رضت بس بشرط تطلع معها الخدامه واحد من الحرس... طلعت رغد لغرفتها تتعدل قبل لا تطلع مع تركي لبست تنوره على حد الركبه لونها اصفر وفيها ورد زيتي وسماوي بشكل حلو وبلوزه صفراء مناسبه افتحت شعرها وحطت مكياج خفيف زادها جمال لبست صندل لونه زيتي وفيه سير ضعيف عليه فراشه سماويه صغيره طلعت مره حلوه ومرتبه .... دقت على تركي وطلعت مع الخدامه لساحه اسبانيا .... اول ما وصلت لساحة اسبانيا لقت تركي ينتظرها عند النافوره طالعت بالخدامه والحارس الي معها بطفش ودقت على تركي... تركي:رغد شنو الجدار الي وراك هذا؟ رغد:هههههه هذا الحارس الشخصي حقي ماما مارضت اطلع الا معه تركي:هذا شلون اصرفه الخدامه سهله بس هذا مستحيل رغد:لا مستحيل ولا شي انتظرني هنا وانا ربع ساعه واكون عندك تركي:طيب وش بتسوين؟ رغد:انتظر وانت تشوف انتظر تركي رغد وده يعرف شلون بتصرف الحارس والخدامه... بعد ربع ساعه دق جواله برقم رغد رد عليها بسرعه... تركي:ها وش سويتي؟ رغد:هههههه التفت وراك التفت تركي وراه ولقى رغد تطالع متفاجأ وتضحك... سكر جواله وراح لها... تركي(نزل لمستوها على ركبته):انت شلون صرفتيهم؟ رغد:مو الحين اقولك اول خذني للمكان الي بنروحله قبل لا يجي الحارس ويدور على تركي:اوكي قام تركي ودفها بسرعه وهي تضحك عليه لين وصلوا لحديقة فيلابورقيزي اجمل واكبر حدائق روما.... **************************** اسبانيا_مدريد رجعوا الكل للفندق بعد المساج الي خذوه في الحمام المغربي واستغربوا لما مالقوا مشاعل وراشد ارجعوا ولا دقوا عليهم.... هديل:شوق انا قلبي مقبوض احس ان مشاعل فيها شي شوق:ريحي بالك بس تلقينها الحين نايمه بالعسل وانتي تفكرين فيها هديل:انشاء لله الله يسمع منك بعد ساعه كانت الساعه 12 بنات خافوا لانهم تاخروا والجوال ماترد على الجوال ومره تعطيهم مشغول وحتى راشد مايرد عليهم واخر شي صار جواله مغلق... شوي الا سمعوا صوت الباب ينطق راحت هديل تفتح الباب وانصدمت لما شافت راشد لوحده... راشد(مستغرب):شفيك تطالعيني كذا؟ هديل(بخوف):مشاعل مو معاك؟ راشد:ليه هي ما رجعت الفندق؟ هديل:احنا من طلعنا من المطعم هي طلعت قبل فكرنها معاك لانك انت طلعت بعد الحين الساعه 12 ونص وين بتكون راحت؟ راشد كان سرحان يفكر بمشاعل وين بتروح وهي ماتعرف شي هنا... هديل:راشد انا اكلمك وين مشاعل هي ماكانت معاك صار شي؟ راشد ما رد عليها كان يفكر... هديل:راشد ردعلى مشاعل وينها فيه صار فيها شي؟؟ شوق:هديل شفيك تصارخين؟ هديل:هذا راشد ومشاعل مو معها اساله وينها مايرد على مدرى شيفكر فيه؟ شوق:راشد شفيك صار شي مشاعل وينها؟ راشد(تكلم فجاء لانه تذكر شي):عرفت عرفت وينها فيه توها هديل بتكلمه الا راشد يركض بسرعه لجهة الاصنصير... شوق:هذا شفيه؟ هديل:مدرى عنه بس انا قلت لك قلبي مقبوض وحاسه مشاعل فيها شي شوق:هو يقول عرف مكانها انشاء لله يرجع معها هديل:الله يسمع منك شوق:تعالي نتظره داخل طلع راشد من الفندق وهو مستعجل ومو شايف قدامه اخذ تاكسي وراح طيران على ساحة اسبانيا ... تذكر الموقف الي صار لهم هناك في اول ليله لهم في مدريد لما كانوا في ساحة اسبانيا... مشاعل(وهي واقفه عند البحيره):تدري ليه احب هالمكان راشد:ليه؟ مشاعل:لانه اول مكان جمعنا مع بعض باسبانيا واذا ضعت ولا صار لي شي بتلقاني هنا راشد:وشمعنى هنا؟ مشاعل(وهو تمسك ايده):لاني بحس بوجدودك فيه راشد(وهو يمسح على شعرها):دامك معاي مار اح تضيعين مشاعل:وعد راشد:وعد اسف يا مشاعل ادرى خنت الوعد وهذاني ضيعتك وانتي معاي ما وفيت بالوعد بس انتي الي خنتيني قبل بس قلبي هذا ما يقدر يقسى عليك لو مهما سويتي... اول ما وصل راشد لساحة اسبانيا نزل بسرعه وهو يدور عليها بقلبه قبل عيونه راح عند البحيره ولقها هناك جالسه على الكرسي الي قدام البحيره سرحانه تفكر... راح وراها وهمس باذنها... راشد:ليه رحتي وخليتني؟ قامت مشاعل مفزوعه من مكانها واول ما شافته نزلت دمعة فرح من عيونها.... مشاعل(وهي تركض له وتحضنه بقوه):راشد حظنها راشد بقوه يطلع كل الخوف الي فيه لما شافها بخير مسح على شعرها بكل حنان وكل دقه بقلبه تنطق باسمها اكتشف انه يحبها حب صعب يوصفه نص يوم ما قدر يتحمل بعدها شلون قدر يتخيل انه يتركها وممكن يتحمل... ياحبيب الدنيا ياعمري يادنيا الحب ياحب الكون ياربيع الورد ربيع الورد في عيني ولا له لون وانا اشوف ايامي بدونك وحشة قلب ودمع عيون انا عشت الدنيا عشانك عيش الدنيا عشاني اليوم انا احبك لحظه وساعه وساعه عمر واحبك دوم انا حلمي بقربك احيا خلني بقربك اغفى واقوم ولا كلمة حب تكفى لاني احبك حب كبير اذا قلت البحر الدنيا غرامي شي صغير سما حب وارض محبه طير بكل الشوق يطير انا احس الدنيا بدونك دنيا حزينه حيل بلا شوق وبسمه وضحكه وفرحه ونسمه وقت جميل على ذكرى في بالي ياغالي ابقى لحالي وليلي طويل ياحبيب الدنيا ياعمري يادنيا الحب ياحب الكون وانا اشوف ايامي وحشة قلب ودمع عيون..... مشاعل(وهي تصيح):راشد ترى الكلام الي قاله سلطان كذب انا ما احبه راشد:بس انتي كنتي بتقولينها مشاعل:كنت بس لما حسيت اني بفقدك اكتشفت اني احبك راشد:خلاص مو الحين نتفاهم روحي الفندق وبكره يصير خير مشاعل(وهي تمسكه من بلوزته):لا الحين تقولي انك مسامحني وبترجعلي راشد:خلاص مشاعل ب.... مشاعل(تقاطعه):راشد انت وعدتني ما تخليني والحين تاجل الموضوع راشد:انتي الي خنتيني مو انا مشاعل:والله sory خلاص انا قلت لساطان اني اكره راشد:وبعدين ترجعين تحبينه مشاعل:لا هذا اول بس الحين انا تاكدت اني ما احبه انا احبك انت راشد(ما رد عليها ومشى لجهة البحيره وقف يفكر):....... مشاعل(راحت عنده وهي تصيح ):تكفى راشد خلاص انسى الي صار راشد:وتبيني انسى كرامتي الي راحت على ايدك مشاعل:يعني تبي تودعني لحظة وداعك اه يا لحظه وداعك ياهي صعبه بالحيل صعبه وانا ابي قربك وابي قلبك وابيك بدنتي تبقى معي تبقى نسيت اني اعشقك ولا تنسى اني بفقدك لحظة وداعك ياهي صعبه بالحيل صعبه ****************************** **** ايطاليا_روما في حديقة فيلا بور قيزي كانت رغد مع تركي فرحانه ضحك وسوالف وناسيه كل الدنيا وراه لاول مره بحياتها تحس بالفرحه بقلبها من دون شي ينكد عليها.... قعدت رغد تطالع القوارب الي بالبحيره ... تركي:تبين تركبين في القارب؟ رغد:تعرف اني ماقدر اركب لاني... تركي(يقاطعها):لا تقولين هالكلام انا بسويلك أي شي تبينه رغد(طالعت فيه مستغربه):شلون؟ قرب منها تركي وشالها من الكرسي قدام الناس وتصارخ متعلقه فيه... رغد:تركي نزلني الناس فشله تطالعنا تركي:ماعلى منهم مو تبين تركبين بركبك راح عند القوارب واختار قارب وقعد رغد فيه وجلس فيه .... رغد ماتوقعت يسوي هالحركه بس حبته اكثر لانه ركبها وحقق لها الي تبيه... تركي يطالع فيها اهم شي انه قدر يفرحها بشي حتى لو بسيط... رغد:ادرى تعبتك معاي تركي:رغد لاتقولين كذا انتي ماتدرين شكثر انا افرح لما اشوفك تبتسمين رغد:طيب ممكن سؤال؟ تركي:امري رغد:انت ليه مهتم فيني مع اني ما اقدر اتحرك تركي:وهذا الي شدني لك رغد:شلون مافهمت ؟ تركي:لان احس دايم انك معتمده على ومحتاجه لي مثل ما انا محتاجلك رغد:طيب لو قدرت امشي ماراح تحبني تركي:يعني مو مثل اول رغد:تركي بلا سخافه تبيني اقعد طول عمري مشلوله تركي:لا تقولين مشلوله قولي مقعده رغد:وش الفرق؟ تركي:على الاقل بالفظ بس رغد:طيب شنو المفاجاه الي قلت عنها؟ تركي(وجها ومسك ايدها):رغد تتزوجين اسبانيا_مدريد رجعت مشاعل للغرفه من غير ما تكلم احد فسخت الجزمه ونامت على طول,هديل وشوق استغربوا منها قامت هديل لجهة سريرها .... هديل:مشاعل انتي وين كنتي؟ مشاعل:فيني النوم بكره يصير خير هديل:طيب على الاقل قولي صار لك شي؟ مشاعل:هديل هذاك تشوفيني قدامك مافيني شي خلاص بكره استغربت هديل منها بس قالت بكره بتعرف رجعت لسيريرها ونامت .... ********************** ايطاليا_روما رغد ترمش بعيونها بطء مو مستوعبه الكلام الي قاله تركي لها.... تركي:رغد شفيك ردي على تتزوجين؟ رغد:معقوله تركي انت تبي تتزوجني انا؟ تركي:أي انتي شفيك؟ رغد:تظن اهلك بيوافقون؟ تركي:انا اقدر اعتمد على نفسي واهلي مايهموني اهم شي انتي رغد:ارجع البيت وفكر زين بعقلك مو بقلبك وبتشوف ان الي تسويه هذا غلط تركي:زواجي منك غلط رغد:تركي مو قصدي بس ... تركي:رغد فهمني ليش موضوع زوجنا مو عاجبك؟ رغد:يعني كل الي فيني وتقول ليش اهلك ماراح يوافقون وحتى لو وافقوا غصب عنهم وامك اكيد تحلم تزوجك وحده احسن مني انا ما اقدر ابني ساعدتي على تعاسة الاخرين تركي:يعني امي تختار لي وانا ابتلش بعدين انا الي بتزوج مو امي وانا ابيك انتي انا عمري ماراح الاقى وحده مثلك بالدنيا رغد:طيب عطني فرصه افكر تركي:رغد شتفكرين فيه انا لما قلت بتزوجك مافكرت فيها رغد:شفت يعني لو فكرت بترجع عن قرارك تركي:عمري مارح اتراجع عن قراري خلاص بعطيك فرصه تفكرين بس اذا طولتي بروح اخطبك والي يصير يصير رغد:هههه مجنون تركي:فيك ههههه رجعت رغد للبيت بعد مادقت على الحارس والخدامه الي كانوا يدورون عليها وحمدت ربها انهم مادقوا على امها ولا ابوها لانهم خافوا انهم ينطردون لانهم ماراقبوا رغد عدل... ************************ اسبانيا_مدريد هديل:مشاعل ميشو يلا قومي مشاعل(تحس فيها بس مطنشه):...... هديل:مشاعل يلا قومي قولي بسرعه وش صار امس؟ مشاعل(قامت متنرفزه):اف خلاص قمت بس انتي وخري عني ازعاج هديل:يعني من مساع انتي جالسه ليه ماتردين على؟ مشاعل:مالي خلق هديل:انتي وين كنتي امس راشد رجع الفندق وسال عنك وبعدين فجاه قال عرفت مكانها وطلع يجيبك اذا ما كنتي معه اجل كنتي مع مين؟ مشاعل:كنت اتمشى هديل:تمشين طيب هذي امشيها,انتي امس تهاوشتي معه؟ مشاعل:أي تهاوشنا هديل:طيب تصالحتوا؟ مشاعل(بارتباك):ايه هديل:اجل ليه متضايقه لو تصالحتوا كان رجعتي امس مستانسه وجلستي تقولين تفاصيل القاء كله وش صاير ضربك سوى لك شي؟ مشاعل(قامت من مكانها وعطت هديل ظهرها):ياليت ضربني كان اهون هديل(خافت وراحت جلست جمبها):ليه هو وش سوى؟ مشاعل(طالعت فيها بارتباك):هو..... هديل:انطقي وش سوى؟ مشاعل:انزين اذا قلت لا تصارخين ولا تعصبين على؟ هديل:مشاعل خوفتيني قولي مشاعل(قامت من مكانها وبعدت عن هديل):هو باسني هديل(ما استوعبت الي سمعته):نعم وش سوى؟ مشاعل:يعني لازم اعيد الكلمه باسني هديل(قامت من مكانها وقربت من مشاعل):هو شلون تجرا وانتي شلون سمحتي له؟ مشاعل:يعني بصراحه امس تهاوشنى وكان بيتركني وانا ترجيته على اخر لحظه و....يعني الموقف كان يساعد وكنا لحلنا وباليل يعني شلون تبيني اوصفلك الموقف صار وخلاص هديل:انتي غبيه تدرين ان هذا حرام مشاعل:يو زاك في امريكا قعد يتراجاني وانا ماكنت اوافق واعتبر نفسي عربيه ومسلمه بس راشد غير لما اشوفه احس نفسي ضعيفه وبعدين كنتي تبينه يتركني انا كنت مستعده اسوى أي شي عشان لا يخليني هديل:يعني مستعده تنامين معه عشان ما يخليك؟ مشاعل:لا عاد مو لهدرجه هديل:توصل لهدرجه دامك سمحتيله يسوى كذا فيك مشاعل:هديل يعني بتقنعيني ان طول معرفتك بفيصل ماصار شي بينكم؟ هديل:طبعا لا مشاعل:طبعا لا 3سنين حب شنو يعني حب عذري هديل:أي حب عذري ولا مايصير؟ مشاعل:لا مايصير كل البنات الي اعرفهم والي تعرفينهم والي تعرفهم شوق والي البعض شفناهم بانفسنا كلهم يحبون بالطريقه هذي يعني بتقنعيني انك غير؟ هديل:مشاعل كل شي بالدنيا فيه منه زين وشين بس المفروض احنا نعرف نفرق مشاعل:طيب شوق وينها؟ هديل(عرفت ان الكلام ماعجبها وتبي تغير الموضوع):طلعت مشاعل:مع مين؟ هديل:مع عمها مدرى وين راحوا مشاعل:ياكره هديل:من هذا؟ مشاعل:عمها هذا ما اطيقه هديل:غريبه اول انت كنتي تقولين يعجبني ومدرى شنو مشاعل:اول وكنت غبيه بس الحين مو طايقه اشوفه ولو ودي كان ارجع لاول طياره للسعوديه هديل:لهدرجه يعني.... قاطعها صوت الباب الي انفتح ودخلت شوق ورها عامل بالفندق داف العربه الي مليانه اكياس... شوق:هاي مشاعل:هاي انتي وين رحتي؟ شوق:قمت الصباح ودق على عمي عشان يطلعني السوق هديل:ليه شالمناسبه؟ شوق:بمناسبه عيدميلادي يعني ما تدرين؟ مشاعل:هههه الا ندرى بس بنسوي لك مفاجاه مو زي عمك السوق احنا كل يوم نروح السوق شوق:ههههه محتره لان عمي وداني السوق مشاعل:يو الحمد الله والشكر دخلت مشاعل للحمل وقالت هديل سالفه مشاعل وراشد لشوق.... ****************************** ** ايطاليا_روما في الفلا كان تركي قاعد مع امه وابوه عشان يفتح معاهم موضوع رغد... ام تركي:تركي احكي وش الموضوع الي عندك ؟ تركي:يمه يبه انا قررت اتزوج ابو تركي:زين الحمد الله عقلت تبي امك تخطب لك ولا في بالك وحده؟ تركي:لا انا في بالي وحده ام تركي:من بنته؟ تركي:بنت جيرانا الي توهم جاين ام تركي:زين ما اخترت بيت الهيماني معروفين بس انا ماخبر عندهم بنت الي وحده و.....ليكون بتخطب بنتهم ال.... تركي(قاطعها):ايه يمه بخطبها ام تركي:انت مهبول تقعد طول عمرك ماتزوج ولا تاخذ وحده مشلوله تركي:يمه يقولون مقعده مو مشلوله ام تركي:وش الفرق؟ تركي(تنهد):يبه وش قلت؟ ابو تركي:تركي انت مفكر زين بالموضوع عارف يعني شنو تاخذ وحده مشلوله تركي(بجديه):أي يبه مفكر زين انا عارف وضعها ومو مشكله عندي ام تركي:انت من جدك تحكي معه انا لو منك اقوم اضربه مو كفايه المشاكل الي كان يسويها وكل يوم جايب لنا بنت شكل ولما جاء بيتزوج بياخذ وحده مشلوله تركي:يمه بتروحين تخطبينها ولا اخطبها بنفسي؟ ام تركي:روح اخطبها واكيد اهلها بيوافقون لانهم مبتلشين فيها تركي:يعني لو كانت بنتك كذا كنتي بتقولين عنها هالكلام؟ ام تركي:بسم الله على بنتي من هالمرض تركي:قلتيها يمه مرض والواحد لازم يتقبل الي الله اكتبه له ام تركي:وانت شلك تبتلش فيها؟ تركي:يمه انا بتلش اذا انتي خطبتي لي وحده ما ابيها ام تركي:يعني هذي الي بتسعدك الحين؟ تركي(قام من الكرسي):يمه هذاني قلت لك باخذ رغد وغير رغد ماراح اخذ طلع تركي من الفلا معصب من ردة فعل امه... ام تركي:ساحرته اكيد ساحرته ابو تركي:وش ساحرته الولد باين انه يبها ليش توقفين بطريقه مو يمكن يعقل على ايدها وربي يهديه ام تركي:انت عارف شنو ياخذ وحده مشلوله هذي بتعبه زياده هو يتزوج عشان يرتاح ويستانس وعمره مابيستانس مع وحده مشلوله ابو تركي:انا بصراحه ما ابي ولدي يضيع مني واذا هو يبي شي بسويه له انا بروح اخطبها له بتجين معاي ولا لا؟ ام تركي(ماعجبها الكلام بس هي ماتقدر تعارض زوجها):بروح واشوفها وان طلعت خايسه والله ما اخذها لودي ابو تركي:ههههه وش خايسه والله انك فاضيه قومي بس ندق على ولدك ونخبره اكيد الحين زعلان قامت ام تركي مع زوجها وهي مو عاجبها هالزواج اكيد كل ام تبي لولدها احسن وحده بالعالم بس كل شي بامر الله (وعسى ان تكرهوا شيئأ وهو خير لكم)..... **************************** اسبانيا_مدريد بعد الغداء بدى الكل يجهز لعيد ميلاد شوق الي مو عارفه حتى وين بيسون الحفله مشاعل وهديل ودها لاحسن صالون عشان تتجهز فيه للحفله وهم بيرجعون لها بعد ما يخلصون شغلهم.... بالنسبه لعبدالعزيز كان من امس متحمس للحفله ومن الصباح اليوم الثاني قام يجهز لها كل الغراض كان يبي يسوي لها عيد ميلاد عمرها ما تنسى لانه كان ناوى يعترف لها بالحفله بحبه لها.... في الصالون... شوق:طيب ميشو قولي لو شي صغير عن الحفله؟ مشاعل:لو تموتين ما اقول شوق:ادرى فيك نذله ماراح تقولين بسال هديل احسن هديل(سمعتها):لا تتعبين نفسك ماراح اقول شي شوق:اف يعني ما يصير كذا عيد ميلادي حتى ماعرف وين؟ مشاعل:بصراحه احنا ناوين نذبحك بس قلنا عيد ميلاد عشان ما تشكين شوق:ههههه لا يعني الحين ماقلتي الكوفيرا(الاسبانيه)lz miss I can't work can you stop move شوق:عشتوا هذا تقولي لا تتحركين هديل:انت كل شوي تتلفتين اقعدي مكانك عشان يطلع شغلها عدل شوق:اصلا شعري حلو من غير تعديل اسم اني رحت كوفيرا ولا هي مالها داعي هديل(تجاريها):ادرى حبيبتي ان شعرك حلو بس خذيها على قد عقلها واركدي شوق:كانك تتنطزي على؟ هديل:افا ولو شوق:ترى انا ساكته عنكم بس لانه عيد ميلادي مشاعل:ههههههه واضح على الساعه 10ونص طلعوا البنات من الصالون لانه كان زحمه مره هديل ومشاعل راحوا بسياره لوحدهم وشوق راحت بسياره لوحدها عشان هم بيسبقونها على مكان الحفل.... في السياره عند شوق كانت متشوقه تشوف الحفله حتى لو كانت بسيطه كانت بتعجبها لان عبدالعزيز فيها وصديقتها من الصبح مجهزين لها.... وقفت السياره فجاه وقف معها قلب شوق ماتدرى حست بشي غريب ... اخذت نفس واول مالمست مقبض الباب انفتح فجاه وشافت واحد يفتح لها الباب ابتسمت له من الخوف والربكه اول مانزلت من الموزين السوداء وكانها اميره... خافت لان المكان كان ظلام استغربت بس فجاه نور المكان شافت كاشافات كبيره تنور بالترتيب ولما فتحت عيونها كانت احلى مفاجاه لها لما شافت عبدالعزيز واقف قدامها ويبتسم احلى ابتسامه شافتها بحياتها... عبدالعزيز وقف مبهور بجمال شوق كانت من جد طالعه اميره بفستانها الابيض كانها عروس بليلة عرسها كان موديل الفستان كوكتيل طويل ومليان شك والي مزينه الورده الي على خصرها بالكرستال كانت تلمع ومعطيها جمال زياده كانت فاتحه شعرها مثل الحرير منثور حولها بلمعته الذهبيه ومزينه التاج الالماسي فوق راسها ليثبت اكثر بانها اميره وحلقها الي مكتوب فيه اسمها بانجليزي بالكرستيال... تقدم منها بدلته الرسميه مبهور فيها... عبدالعزيز:تدرين اليوم طالعه كانك اميره قلت مافي مكان انسب احتفل فيه بعيد ميلادك الا بقصر مثل كذا يناسب مستواك ويناسب وحده مثلك شوق ماقدرت تنطق بشي كانت كانها مخدره مو عارفه تعبر عن سعادتها عبدالعزيز واقف قدامها ويمدح فيها وهو الي مسوي لها عيد ميلادها... عبد العزيز(وهو يمد يده):تسمحيلي باهالرقصه عطته شوق يدها من غير ما تحس فجاه اشتغلت موسيقى هاديه وبعدها اغنية لتامر حسنى(الله يبارك لي فيك)... ياحبيبي من حبي فيك لا حتكلم ولا اغنيلك من اليوم بحبك حب جديد يخليني حبيبي ادعيلك الله يبارك لي فيك يا اغلى من عنيا الله يخليني ليك واجبيلك الدنيا ديا الله يحميك حبيبي ياعمري ياغالي ويخليك ليأ.... انا هو اقدامك وبين ايديك انا كلي على شانك وملك ليك سالت البي بيحبك اد ايه والى البي ده حب جديد عليك الله يبارك لي فيك يا اغلى من عنيا الله يخليني ليك واجبلك الدنيا ديا الله يحميك حبيبي ياعمري ياغالي ويخليك ليا... كانت شوق حاسه انها بحلم وماتبي تصحى منه تشوف الشخص الي ظلت عمرها تدور عليه واقف قدامها بين ذراعه يحسسها بالامان بالحب وبالحياه الي فقدتها.... بين ايديك انا بنسى روحي بين ايدك صعب اعيش بالدنيا ديا الا بيك كل يوم بيفوت عليا حبي ليك بيزيد شويه محتجالك جمب مني اوعى ليله تغبها عني معاك رجعتلي تاني حياتي ودنيتي معاك بعيش حبيبي في الدنيا جنتي وياك شوفت بعيوني طريقي وسكتي مليش غيرك حبيبي معاك حاسه بامان وطول مانت معاي ما بخفش من الزمان محتاجه ليك حقي اقرب مني كمان اقرب منى كمان...... خلصت الاغنيه وظلت شوق عايشه بالحلم الي رسمته بالها تشوف في عبدالعزيز الي كانت تدور عليه في كل الي عرفتهم بس هو غير اول مره طاحت عيونها بعيونه حست بقلبها انربط فيه ماتقدر تتخيل حياتها من اليوم بدونه لانها بدونه بتموت.... عبدالعزيز ظلت عيونه معلقه بعونها نزل على الارض على ركبه وحده وشوق تفاجات من حركته بس ماقدرت تتكلم. عبدالعزيز(بكل حب):شوق تقبلين قلبي هديه لك حتى بدون ما عرف اذا كنتي تحبيني ولا لا اهم شي ما انحرم من هالعيون ابد شوق(نبض كل عرق فيها ينطق باسمه تحبه وتموت فيه):وانا قبلت هديتك وبحافظ عليه الين اخر نفس فيني اهم شي عندي بعد مانحرم من عيونك ابد عبدالعزيز(طار من الفرحه لانها اعترفت بحبها له وتبادله نفس الشعور):احبك وبظل احبك طول عمري انا خلاص عفت كل شي من بعدك وماهمني الا اني اعيش معك وبس شوق(وهي تشد على ايده):عبدالعزيز انا قبلك كنت ضايعه بس لما شفتك لقيت نفسي فيك طلبتك لا تخليني اضيع عبدالعزيز(قربها منه وحط يدها على قلبه):والي خلى هذا ينبض عمري ما اخليك شوق دمعت عيونها من الفرحه عمرها ماتوقعت تلقى بحياتها انسان يحبها ويفهمها حمدت ربها في ذيك الحظه على انه عطها عبدالعزيز وحلفت تكون له ومو لغيره.... عبدالعزيز حس لحظتها انه ملك الدنيا وكل مافيها عمره ما توقع يحب ولما يحب يحب بكل مافيه يحس بكل نبض فيه يحبها تملك كل شي بنظره منها ولعيونها مستعد يشعل البحر ويسوي المستحيل.... اجمل نساء الدنيا قوى عيوني انتي اجمل نساء الدنيا انتي يا حبيبتي خدني الغرام خدني لحكاية حب حلوه عشت بيها شوفت فيها اجمل حياه انا مش مصدق نفسي انك بين اديا من يوم ما حبك خدني مش بتنام عنيا قوى شوق اد الحنان الي في عنيك روحي فيك نظره ليك هي الحياه اجمل نساء الدنيا في عنيا انا ادرت تخدني بسنى من روحي انا وعد مني ماحب غيرك في الوجود احساس جميل جويا اكبر من الغرام والي مابينى وبينك اكبرمن الكلام احساس جديد خدنا لبعيد مالوش حدود يا اجمل من كل النساء.... عبدالعزيز بعدها شوق عن حظنه وخلها تطالع السما رفعت شوق عيونها لفوق وفجاها صوت الالعاب الناريه قعدت تطالع مبهوره كان شكلهم جنان... بس الصدمه الاكبر لما قرت اسمها بالسما بالالعاب الناريه وبعدها (Happy birth day) وبعدها(I love you).. طالعت في عبدالعزيز مو مصدقه معقوله في انسان بالروعه هذي في شخص ممكن يحبك ويفنى كل عمره لك... شوق:تدرى هذا احلى عيد ميلاد بعمري لانك موجود فيه بس كلفت على نفسك عبدالعزيز:مو خساره فيك انت مافي شي بالدنيا خساره فيك حتى لو كانت روحي شوق:بسم الله عليك لاتقول كذا تبيني اموت عبدالعزيز:سلامتك من الموت يلا ندخل عندهم مسكت شوق بيده تحس بالدفا دخلت لداخل القصر ولقت الكل موجود ومتجمعين حست بالفرحه حست بالحب بعيونهم تحس بالحظه هذى انها اسعد وحده بالعالم... مشاعل(ركضت لشوق وباستها):happy birth day to you عقبال مليون سنه شوق:مشكوره حبيبتي وعقبالك بعد هديل:عقبال مليون سنه انشاء لله الف مبروك شوق:الله يبارك فيك بعد ماسلمت على الكل راحت عند الطاوله الكبيره الي فيها الكيكه ومكتوب فيها اسمها بالانجليزي كانت الكيكه روعه قربت شوق منها عشان تطفى الشموع انطفت المبات غمضت عيونها وتوها بتمنى الا تحس بلمسة عبدالعزيز ليدها ابتسمت وتمنت وطفت الشموع... اشتغلت المبات وصفق الكل لها حست ان قلبها بيطير من الوناسه عبدالعزيز وصديقاتها وكل الي تحبهم حوالها ياترى شتبي اكثر من كذا... مسكت السكينه استعداد لقص الكيكه.... على انغام اغنية عبدالمجيد قصة شوق الكيكه لما دقت الساعه 12 عشان تبدى يوم جديد بحيتها مليان سعاده وحب... نزلت البلونات من فوقها وسمعت صوت الالعاب الناريه بره كانت بالنسبه لها ليله ولا في الخيال صعب عليها توصف روعتها... بعد ما اكلوا الكيكه وعطى كل واحد هديته لشوق اشتغل الGD وكل اغنيه احلى من الثانيه... كان الجو داخل روعه والكل مبسوط هديل تذكرت فيصل وطرى على بالها تمنت يكون معها في ذيك الحظه طلعت بره وخذت معها الجوال تكلم فيصل... زياد اول ما شافها تطلع لحقها عشان يكلمها... توها هديل بتدق عليه الا سمعت صوت زياد ورها... هديل:هلا زياد بغيت شي؟ زياد(بارتباك):هديل بكلمك بموضوع هديل:قول شعندك؟ زياد:بصراحه ....اقصد انتي تدرين من زمان اني... هديل(عرفت قصده وحست ان هذا الوقت المناسب عشان تعترف له):زياد اسمعني زياد(فرح لانها اخيرا حست فيه):امري هديل:مايامر عليك عدو بس في شي بوريك اياه وابيك تحكم بنفسك اوكي زياد:اوكي قربت هديل منه ومدت له الجوال... زياد(باستغراب):الشي الي بشوفه بالجوال؟ هديل:ايه اضغط على الملف هذا وبتشوف ضغط زياد على الملف في الجوال وشاف هديل باكثر من صوره مع واحد وكان طبعا فيصل بس هو مايعرفه في البدايه فكره اخوها بس الصور تبين ان هذا الشخص حبيبها حس انه مو فاهم شي طالع هديل بكل استغراب عشان تشرح له هديل خذت منه الجوال بكل هدوء... هديل:هذا الي بالصوره معاي حبيبي فيصل سوري زياد انا كنت بقولك من البدايه بس كان دايم في شي يمنعني انا ما انكر اني اعجبت فيك بالعكس يمكن انت الشخص الوحيد الي عجبني بعد علاقتي بفيصل بس لما كلمته ذاك اليوم اكتشفت اني احبه وعمري ماراح احب شخص غيره فيص الانسان الي يخلي قلبي يدق وبظل احبه الين اموت وانحط تحت التراب انا متاكده انك بتلقى الي تحبها واحسن مني بعد بس انا اعتبرك مثل اخوي وصديق عزيز واتمنى انك تعتبرني صديقه واخت قبل كل شي زياد(كان مصدوم بس حبه لهديل خله يدفت الحب الي ما انولد ويدوس على قلبه):خلاص انا فهمت وكل الي تبينه بسويه ومن اليوم ورايح انت مجرد اخت بالنسبه لي هديل(فرحت لانه تفهم الموضوع وكبر بعيناها اكثر من اول):شكرا زياد بصراحه انت الاخ الي ما جابته امي زياد(وهو مجروح بس يكابر):تدرين انا الحين ما يهمني الا انك تبتسمين مو مهم اكون سعيد اهم شي انتي تكونين سعيده هديل:تدرى اذا تبي تخطب انا الي اختالك ولازم تكون بنت ناس وعاقله وتحبك زياد(كنت اتمنى تتكوني انتي):اكيد مو انتي اختي هديل:ههههه طيب تسمح لي اكلم فيصل زياد:اكيد خذي راحتك ابتعد زياد عنها وكل كلمه قالها نزفت من قلبه جرح مايعرف متى بيتوقف بس حبه لهديل خله يضحي بحبه عشان سعدتها وبالفعل هديل كانت سعيده.... دقت هديل على فيصل تنتظر رده وهي كلها شوق لسماع صوته.... فيصل:هلا وغلا بعمري كله هديل:فيصل فيصل:امري هديل:احبك داخل الحفله كان الجو بين مشاعل وراشد شوي متوتر راشد يحاول يمشى السالفه عادي بس كل مايحط عينه بعين مشاعل يتذكر الي صار ويرجع التوتر... راشد(بارتباك):مشاعل السالفه الي صارت امس... مشاعل(التفت له وهي فرحت ان اخيرا فتح الموضوع):ايه وش فيها؟ راشد(من دون ما يطالع فيها):يعني....اعتبريها ما صارت انا غلطان لاني سمحت بهالشي يصير بس انا ماقدرت... مشاعل:ماقدرت شنو؟ راشد(جمع كل شجاعتها والتفت لها):شوفي مشاعل انا احبك وما ابي اعتبرك مثل البنات الي عرفتهم قبل انتي غير وحطي بالك هالشي عشان كذا مابي علاقتنا تكون مبنيه على شي غلط مثلهم فهمتيني مشاعل:ايه فهمت راشد:كأن كلامي مو عاجبك؟ مشاعل:لا عاجبني بس توقعت انك بتفرح توقعت انك بتحس انك مرتبط فيني اكثر بعد الي صار والحين جاي تقولي اعتبري هالشي ماصار راشد(مسك ايدها وشد عليها):ومن قال اني مافرحت مشاعل(طالعت فيه مستغربه ولما شافته يبتسم ردت له الابتسامه):والله راشد:ايه والله ولا تطالعيني كذا ترى ما اضمن نفسي قدام الناس فخلينا نروح لهم احسن مشاعل:ههههههه بعد ما انتهت الحفله رجع الكل للفندق وهو يعتبر هاليوم مميز بكل مافيه من اعترفات ومصارحه لبعض والفرحه الاكبر انهم قربوا يرجعون السعوديه ةظلوا باقي الايام الجايه يشترون هدايا .... ************************* ايطاليا_روما في الفيلا عند المجلس حق الرجال كان ابو تركي قاعد مع ابو ناصر عشان موضوع خطبة رغد ام ناصر كانت جالسه على اعصابها في الصاله تبي تعرف الموضوع اول مادخل عليها ابوناصر قامت له وجلست جمبه... ام ناصر(باستغراب):خير انشاء لله من هذول الرجال؟ ابو ناصر:هذا ابو تركي مع ولده تركي ام ناصر:ايه قصدك جيرانا ابو ناصر:ايه هم ام ناصر:حياهم الله بس وش يبون؟ ابو ناصر:جاين يخطبون رغد ام ناصر(مو مصدقه):جاين يخطبون رغد لولده تركي ابو ناصر:اكيد اجل لابوه ام ناصر(تذكرت لما جاهم البيت):ايه لانه شافها عشان كذا خطبها ابو ناصر:متى شافها؟ ام ناصر:مره اخوه الصغير طاحت كورته على بتنا وجى هو واخوه يخذونها وكنت انا مع رغد وشافها ابو ناصر:ايه خير انشاء لله ام ناصر:هم يدرون انها.... ابو ناصر(يقاطعها):ايه يدرون ام ناصر:عموما رغد توها صغيره وما تعرف شي عن الزواج ابوناصر:لا صغيره ولا شي غيرها تزوجوا وهم اصغر من كذا ام ناصر:بس وضع رغد غير عن وضعهم ابو ناصر:عموما انا شايف ان الرجال زين ولده يشتغل معه وهم من عياله معروفه بعد وترفع الراس ام ناصر:وبترضى تعطي بنتك لرجال غريب وعيال عمها موجودين؟ ابو ناصر:اذا عيال عمها ما رضوا فيها هذا الغريب رضى وخليها تاخذه عشان نكسر خشومهم ام ناصر:طيب وهم وين ساكنين؟ ابو ناصر:بالرياض ام ناصر:نعم تبي بنتي تروح للرياض ابو ناصر:وش فيها الرياض اهلى واهلك من هناك وبعدين كلها داخل السعوديه ام ناصر:لا انا فكرة زواج بنتي للحين افكر فيها تبيني احذفها للرياض بعد ابو ناصر:وش تحذفينها فيه كلها كم ساعه وتكونين عندها ام ناصر:عموما حنا قريب ونرجع السعوديه لما نرجع يصير خير ابو ناصر:عموما انا قلت له عطني فرصه نفكر بالموضوع وهو قال لما نوافق انشاء لله بتجي زوجته وعمات الولد بيخطبونها رسمي ام ناصر:بعدين شوق للحين ما تزوجت وما يصير الصغيره تتزوج قبل الكبيره ابو ناصر:لا يصير بس بنتك شوق هذي مدلعه كل ما جاء واحد وخطبها احسن من الي قبله وهي ترفض وانا ودي اغصبها بس انا ما احب اغصب على عيالي شي ما يبونه ام ناصر:خلاص لا رجعنا للسعوديه يصير خير رغد كانت ورى الباب وسمعت كل شي تحس انها خايفه امها بتخرب السالفه كلها هي ما صدقت لقت واحد يحبها ويفهمها ودها تصرخ تقول ابيه احبه بس ما تقدر.... ****************************** *** اسبانيا_مدريد شوق:من جدك عمي ما راح ترجع معنا؟ سلطان:لا انا بجلس هنا شوق:طيب ليه بابا وحت ماما بيفرحون لما يشوفونك سلطان:ههههه تتريقن على شوق(تدرى ان اهلها مستحيل يفرحون بشوفته):طيب تعال هناك واجلس في بيتك هناك سلطان(وهو يطالع مشاعل بحزن ويأس):انا ما اقدر ارجع لازم اقعد هنا انا مالي غير هالمكان انولدت فيه وبموت فيه شوق:بعيد الشر عنك عموما براحتك بس بشرط سلطان:امري شوق:تجي تزورنا هناك ولا تقطع اتصالتك اوكي سلطان:من هالعين قبل هالعين شوق:هههههه سلامتك بس انتبهوا على نفسك سلطان:يلا تصبحون على خير الكل:وانت من اهله قبل لا يطالع مشاعل يمكن يشوف بعيونها النظرات الي تعود يشوفها لما تطالع فيه لاكنه شاف بعيونها برود خله قلبه يوقف لانه عرف لحظتها بالذات لانه عرف ان قلب هالانسانه صار لواحد اسمه راشد وعمره ما يصير لك يا سلطان .... هديل:يالله مو مصدقه اني اخيرا برجع السعوديه شوق:حتى انا بس ما ودي اهد اسبانيا هديل:وليه؟ شوق:هديل لا تستهبلين اسبانيا عشت فيها اجمل ايام عمري وصار لي فيها اجمل عيد ميلاد صار لي هديل:اسبانيا حلوه بس بدون فيصل ما تسوي شي شوق:أي صح شخبار فيصل؟ هديل:بخير ويسلم عليكم شوق:الله يسلمه وش قال لك لما قلتي بنرجع بكره هديل:ما قلت له بسويها مفاجاه صحيح بيعصب بس ما عليه منه مو متخيله ملامح وجه لما يشوفني داقه من رقم السعوديه شوق:هههههه صح حلوه المفاجاه هديل:مشاعل وين رحتي؟ مشاعل(انتبهت لهم):ها...لا ولاشي بس تعبانه من السوق وفيني النوم تصبحون على خير شوق وهديل استغربوا منها بس طنشوا لانهم بكره السعوديه وهذي الفرحه تكفى تنسيهم كل شي... من جهه ثانيه مشاعل كانت تصيح على سلطان صحيح هي ما صارت معجبه فيه بس اسم ان كان في شي بينهم نظراته لها مثل الواحد الي بيودع كانت تقدر تبتسم له بس فضلت ان تواجه بكل برود وجمود عشان لاتعطيه ولو امل صغير انها ممكن تترك راشد وترجع له بس كسر خاطرها بس ما عليش مثل ماهي تحاول تنسى خيانة امها لابوها هو بيقدر ينسى.... |
|
|
#10 |
|
|
اسبانيا_مدريد في مطار مدريد كانوا سلطان وزياد يودعون الكل قبل لا يركبون الطياره... شوق:والله عمي حسافه كان ودي ترجع معاي سلطان:مو مشكله تبين تفتكين مني بجيكم وبقعد على قلبك شوق:والله بتجي سلطان:أي بجي بس عطني مهله واكون عندك شوق(حاسه بعمها وتعرف انه زعلان ومجروح):عمي لا تتضايق وبنت بدالها مليون بنت وانا لو ما كنت عمي كنت صرت خويتك سلطان:وع انتي تصيرن خويتي كان اموت شوق:ههههههههه زياد:انتبهي على نفسك وسلمي على فيصل هديل:انشاء لله يوصل انت بعد انتبه على نفسك بس توعدني وعد زياد:تامرين امر شنو؟ هديل:توعدني تجي السعوديه واشوفك زياد:حاضر مع اني عمري ما جيت السعوديه بس عشانك بزورها هديل:تسلم بس اكيد زياد:اكيد واول ما اجي بدق عليك هديل:خلاصرقمي عندك لا تقطع زياد:انا ما اقدر اقطع بعد الوداع بالكلام ودعت مشاعل سلطان بس بلغة العيون ودعت اعجاب وتجربه حلوه عاشتها باسبانيا صحيح سلطان مجرد شخص مر في حياتها لاكنها عمرها ما راح تنسه لانه راح وترك له اثر.... في الطائره كانت شوق جالسه جمب عبدالعزيز تستغل كل لحظه معاه قبل لا توصل السعوديه ... عبدالعزيز:تدرين وش اكثر شي اتمناه الحين شوق:شنو؟ عبدالعزيز(بكل حب):ودي المسافه بين اسبانيا والسعوديه تطول عشان ما تغبين عن عيني ابد شوق:ومن قال اني بعد عنك؟ عبدالعزيز:بس هناك ما اقدر اشوفك كل يوم شوق:لا عادي انا مستعده اطلع كل يوم عشان اشوفك صحيح بنمل من المطاعم والكافيات الي بنقعد فيها بس مو مشكله اهم شي مع بعض عبدالعزيز:واهلك متى بيجون؟ شوق:بعد بكره عبدالعزيز:يعني الحين تروحين البيت وهو فاضي مافيه احد؟ شوق:ايه عبدالعزيز(بخبث):طيب شرايك اقعد عندك لين يرجعون اهلك شوق(استحت):اقول ترى يمدحون البيت اقعد في بيتكم احسن عبدالعزيز:طيب نص ساعه بس شوق:ولا ربع ساعه بصراحه ما اضمنك عبدالعزيز:شدعوه ما تثقين فيني؟ شوق:الا اثق فيك بس مو بالبيت عبدالعزيز:هههههه على راحتك انتي الخسرانه شوق:لا ههههههههه ظلوا طول الرحله سوالف وضحك وطبعا كلام بالحب.... راشد:ميشو بشنو سرحانه؟ مشاعل:ها...لا بس كنت افكر باسبانيا راشد:شفيها اسبانيا؟ مشاعل:ما كان ودي اتركها راشد:ليه مين لك هناك؟ مشاعل(فهمت قصده):محد بس البلد حلوه بس الاحلى انك كنت معاي يعني بدونك ما تسوى شي راشد:ايه على بالي شي ثاني مشاعل:هههههه راشد مسك ايدها وباسها.... مشاعل:راشد مو قدام الناس راشد:لا طيب حنا باسبانيا نسوي كذا مشاعل:باسبانيا غير وفي طياره مليانه بخليجين غير راشد:وانتي سويتي حساب لطياره تذكرين لما شفتيني وحضنتيني هههه مشاعل(وهي تحط ايدها على وجها):كنت مجنونه راشد(بعد ايدها عن وجها):واحلى مجنونه وربي مشاعل طالعت فيه بكل حب تحبه ومستحيل تتخلى عنه... راشد(خق على عيونها وابتسمتها):يالله عيونك ليه كذا حلوين مشاعل:هههههههه راشد:لو ما كنا بالطياره كنت سويت علوم مشاعل:هههههه اجل زين حنا بالطياره ههههههه هديل كانت مسنده راسها على الكرسي بالم كان راسها يعورها تحس بصداع رهيب اخذت من المضيفه بندول بس مافي فايده للحين تحس بالم وارهاق عمرها ما حست فيه تعوذت من الشيطان وغمضت عيونها تحاول تنام... ************************ ايطاليا_روما تركي:يعني امك مو موافقه؟ رغد:هي مو موافقه على فكرة الزواج ولا انت ما فيك شي ينعاب تركي:وانتي شنو رايك؟ رغد:انا طبعا موافقه تركي تركي:هلا رغد:اهلك موافقين على الزواج؟ تركي:اكيد اجل شلون يجون ويخطبونك رغد:طيب امك موافقه؟ تركي:اهم شي ابوي موافق رغد:يعني مو موافقه؟ تركي:لا رغد:شفت انا قلت من البدايه زوجنا هذا مستحيل يتم تركي:رغد لا تقولين كذا تكفين انا اذا ما اخذتك بموت رغد:سلامتك من الموت بس.... تركي(يقاطعها):لا بس ولا شي انتوا متى بترجعون السعوديه؟ رغد:بعد بكره تركي:خلاص بعد اسبوع من رجعتكم انا وابوي واهلي نجي نخطبك رسمي رغد:نعم لا مو اسبوع انا ادق عليك واقولك تركي:رغد ليه احسك مو راضيه عن زوجنا وكأنك تبين تدورين أي عذر عشان ما يتم رغد:بالعكس انا يمكن محتاجه لك اكثر منك بس انا اعرف وضعي زين واعرف اني بتعبك تركي:انا بتعب اذا ابتعدتي عني رغد:خلاص اجل تتحمل الي يجيك تركي:اكيد واذا تافت ولو مره وحده يصير عندك حق رغد:شكلك جدي تركي:اجل امزح رغد:توعدني وعد تركي:امري لو طلبتي عيوني رغد:انك ما تتركني ابد ولا تتخلى عني تركي:لو على قطع قربتي ما اخليك رغد:وانا صدقتك ************************ السعوديه_الشرقيه وصلت الطياره لمطار الملك فهد وبعد ما اخذوا النشنط طلوا كلهم بره يرحون لاهلهم... شوق:تصدق ما ودي اروح البيت عبدالعزيز:قلت لك اروح معاك شوق:هههه لا روح انت البيت عبدالعزيز:اول ما توصلين كلميني اوكي شوق:اكيد عبدالعزيز:بشتاق لك شوق:هههه مع السلامه طلعت شوق من المطار بعد ما سلمت على الكل وعيون عبدالعزيز عليها لين طلعت... طلعت من البوابه ولقت راج واقف عند السياره,فتح لها الباب وركبت سيارتها الرنج وعيونها على الي داخل المطار انتظرت لحد ما دخل الشنط وراحت على البيت... عبدالعزيز ودع الكل وطلع من المطار وركب سيارته البنتلي الفضيه وراح بعد هو على بيته.... مشاعل:هدول شفيك احسك تعبانه؟ هديل:لا مافيني شي بس يمكن من الطياره مشاعل:غريبه انتي متعوده على الطيارات؟ هديل:ادرى بس شوية ارهاق الحين اوصل البيت وانام واصير كويسه مشاعل:اوكي اذا وصلتي سوى لي call مو تنسين اوكي هديل:اوكي باي مع السلامه راشد راشد:مع السلامه وسلامات هديل(ابتسمت له بهدوء):الله يسلمك ركبت هديل السياره وراحت على البيت وهي مستغربه سبب هالتعب... مشاعل:الكل راح يلا انا بعد بروح اشوفك على خير راشد:وين وين بتروحين وبتخليني؟ مشاعل:رشود شنو بخليك انا بروح البيت واذا شفت نفسي بكره اوكي ادق عليك واقولك تشوفني راشد:طيب انا عندي فكره احسن مشاعل:قول انا ما اخلص من افكارك؟ راشد:شرايك اجلس عندك بالبيت مشاعل:what no حبيبي يمكن يكون dad بالبيت راشد:طيب plz دقي وشوفي مشاعل:لا خليها بكره راشد:لا بقولك شي ضروري مشاعل:قولي الحين ما تشوفنا واقفين نتكلم راشد:لا ما ينفع لازم بالبيت مشاعل:مم طيب بدق دقت مشاعل على شاهين عشان تساله.... شاهين:الو مشاعل:هلا شاهين شاهين:هلا طال عمرك الحمدالله على السلامه مشاعل:الله يسلمك بغيت اسالك شاهين:امري طال عمرك؟ مشاعل:dad موجود بالبيت شاهين:لا طال عمرك طلع مشاعل:وين راح؟ شاهين:البيت الكبير عند طويله العمر مشاعل(عوجت بوزها على سيره جدتها):اها هو ما يدري اني اوصل اليوم؟ شاهين:والله مدرى ماقالي شي طال عمرك مشاعل:خلاص اوكي هو قال متى بيرجع؟ شاهين:مدرى والله بس شكله بيطول كم يوم؟ مشاعل:طيب خلاص شاهين:اجي للمطار اخذك؟ مشاعل:لا ماله داعي خلاص انا جايه الحين شاهين:طيب تامرين بشي؟ مشاعل:ولا شي سكرت منه مشاعل وهي متنرفزه من برود ابوها الي حتى ما يدرى متى بتوصل ولا كلف على نفسه يتصل مره وحده هي تعرف ان المفروض ما تخلي راشد يجي البيت وهي لوحدها بس لانها مقوره من ابوها حبت تتنتقم منه وتخلي راشد يجي البيت وهي في الحقيقه ما تنتقم الا من نفسها... راشد:ها وش قال؟ مشاعل:محد موجود بالبيت تبي تجي ولا لا؟ راشد:الا بجي بس شفيك معصبه؟ مشاعل:ولا شي يلا نروح طلعت من المطار مع راشد على البيت... ************************** وصلت شوق للقصر دخلت وهي حاسه انها مشتاقه لكي شي فيه ظلت تتفرج على البيت ركبت الاصنصير ,حتى انت اشتقت لك ههههه..... وصلت للدور الثاني وشافت غرفة ناصر مفتوحه استغربت قربت عند الباب وشافته قاعد على السرير ويكلم بالجوال دقت الباب ودخلت.... ناصر(متفاجاء):شوق؟! رحاب:شوق رجعت ناصر:ايه خلاص اكلمك بعدين مع السلامه رحاب:باي سكر ناصر من رحاب وراح يسلم على شوق.... ناصر:هلا والله الحمدالله على السلامه شوق:الله يسلمك ناصر:ليه ما قلتي بجي اليوم كان استقبلك شوق(زين ما جيت كان شفت عبدالعزيز):اصلا ما كنت ادرى انك موجود فكرت مسافر مع ماما ورغد ناصر:لا مالي نفس اروح شوق:الحمدالله والشكر احد يعافي السفر ناصر:انا قولي انبسطتي باسبانيا؟ شوق(وعبدالعزيز بالها):يالله يا ناصر spain تجنن ناصر:زين وشخبار عمي؟ شوق:تدري مع اني علاقتي فيه قبل ماكانت ذاك الزود بس لما سافرت معه طلع فله ناصر:حلو يبيلي اسافرمعاه شوق:من جد يبيلك الا قولي ماما متى قالت بترجع؟ ناصر:بعد بكره شوق:وبابا بيجي معهم؟ ناصر:ايه شوق(مو مصدقه):احلف ناصر:والله هو كلمني وقالي بنفسه انه بيجي شوق:ياي وناسه ناصر:يلا انتي ارتاحي الحين وبعدين لي جلسه معك شوق:ليه تبي شي؟ ناصر:موضوع بس مو الحين ارتاحي اول شوق(باستغراب):اوكي يلا اخليك تكمل مكالمتك مع الي كنت تكلمه باي ناصر:هههه باي دخلت شوق غرفتها وهي مشتاقه لها موت لقت شنطها موجوده فسخت العبايه والجزمه ورمت نفسها على السرير حضنت مخدتها من زمان ما نامت على سريرها توها بتدخل الحمام الا يدق جوالها... شوق(بكل حماس):هلا وغلا رحاب:هلا بك وحشتيني يا الخايسه شوق:والله انا مشتاقه لك موت باركيلي اخيرا رجعت الشرقيه رحاب(تسوي نفسها ما تدرى):والله الحمد الله على السلامه شوق:الله يسلمك متى بترجعون؟ رحاب:بعد اسبوعين شوق:يو توالناس رحاب:شعليك رجعتي لارضاي ابو متعب شوق:واحلى ابو متعب رحاب:ههههههه ,وشخبار اسبانيا؟ شوق:واي رحابوا وناسه صارت لي اشياء واجد هناك بس لما اشوفك بقولك رحاب:لا تصيرين نذله احكيلي الحين شوق:لا بصير نذله بس تدرين استغربت شي؟ رحاب:شنو؟ شوق:لقيت ناصر بالبيت توقعت مسافر مع ماما رحاب:ايه ادرى شوق:وش دراك؟ رحاب(انتبهت لزله لسانها):لا اكلم فهد قصدي غريبه ليه ما سافر؟ شوق:مدرى يقول ماله نفس في احد يعافي السفر ويجلس بالحر والخيايس رحاب:كيفه المهم لما ارجع بسويلك تحقيق عن اسبانيا شوق:هههههه طيب يلا انقلعي انا تعبانه بروح انام رحاب:وجهك مغسول بمرقه ما تستحين تقولين لي انقعلي عموما انا بعد بروح اكلم باي شوق:تعالي مين تكلمين بس ما قدرت تكمل لان رحاب سكرت الخظ بوجها... شوق:تسكر السماعه بوجهي طيب خلك بس ترجعين دخلت الحمام تاخذ لها شور وتبدل وبعد كذا تدق على عبدالعزيز قبل لا تنام.... ************************ دخلت هديل للبيت بتعب بس اول ما شافت امها كل التعب راح.... ام هديل(وهي تحضن هديل):هلا والله بالغاليه وحشتيني حبيبتي هديل:وانت اكثر ماما ام هديل(وهي تجلسها وتجلس جمبها):الحمد الله على السلامه هديل:الله يسلمك ام هديل(لا حظت التعب عليها):حبيبتي هديل شكلك تعبانه فيك شي؟ هديل:لا ماما بس يمكن من الطياره ام هديل:تبين اوديك الدكتور؟ هديل:ههه لا وشدعوه دكتور السالفه ما تستاهل هي بس شوية صداع ويروح ام هديل:طيب انتي اطلعي غرفتك ارتاحي هديل:لا ماما انا مشتاقه لك ابي اجلس معاك ام هديل:معليه لا حقين على بعض انتي شكلك تعبانه روحي نامي هديل(باستسلام):اوكي بس اذا طولت قوميني مو تخليني انام ام هديل:تامرين امر طلعت هديل لغرفتها حتى ما قدرت على فيصل فصخت العبايه والجزمه ونامت على طول من التعب... ************************* وصل راشد لقصر مشاعل نادت الخدم وشالوا الشنط ادخلوا الصاله الداخليه واجلسوا فيها... راشد:واخيرا وصلنا البيت مشاعل(وهي تفسخ عبايتها):ههههه راحت مشاعل وجلست جمبه مسكت ايده وحطت راسها على كتفه وغمضت عيونها... راشد(طالع فيها مستغرب):ميشو حبيبتي شفيك؟ مشاعل(من دون ما تفتح عيونها):ولا شي راشد(وهو يلمس خدها):شلون ولاشي شكلك مضايقه؟ مشاعل(اول ما حست بلمسته ما قدرت تمسك دموعها وبكت):....... راشد:عمري شفيك تصحين؟ مشاعل ما قدرت تتكلم رمت نفسها بحضنه وجلست تبكي تطلع الضيقه والقهر الي فيها... راشد خاف عليها فكران في شي يالمها.... راشد(وهو يبعدها عشان يشوف وجها):حبيبي كلميني في شي يالمك؟ مشاعل(مسحت دموعها وردت بصوت مبحوح):لا راشد:اجل ليه تبكين قولي؟ مشاعل(طالعت فيه بحب قربت منه وحضنته):راشد لا تتركني انا معاك احس بالامان راشد(وهو يمسح على شعرها):خبله انتي من قال اني بخليك انتي روحي شلون تبيني اخلى روحي مشاعل:توعدني راشد:اوعدك مشاعل تنهدت بارتاح تحبه وتصدق كل كلمه يقولها تثق فيه وتعتبره اكثر من مجرد حبيب... راشد حاس ان فيها شي قوي تذكر سالفة امها بس هالسالفه مر عليها فتره بس يمكن للحين ماثره فيها... راشد:تبين تروحين فوق ترتاحين؟ مشاعل:واخليك لوحدك راشد:مو مشكله اهم شي توكنين بخير مشاعل:اوكي بس بشرط راشد:شنو؟ مشاعل:انت توديني غرفتي راشد تفاجاء لما قالت له يودها غرفتها ما توقع انها باعيتها للهدرجه هو صيحيح ما راح يسوي لها شي بس لوكان شخص ثاني ماكان بيفوت هالفرصه منه خصوصا مع وحده مثل مشاعل ومجرد فكرة انه يدخل غرفتها يحسسه ان يبي يقرب منها اكثر.... مشاعل:راشد شفيك بتودني الغرفه ولا لا؟ راشد:ها...يلا قومي طلعت مشاعل لفوق وهي متسنده على راشد لانها من جد كانت تعبانه دخلت للغرفه وحطها راشد على السرير وغطها ... مشاعل:بتروح الحين راشد:انتي تبيني اروح؟ مشاعل هزت راسها بمعنى لا... راشد(وهو يمسح على شعرها):خلاص اجل بجلس عندك الين تنامين مشاعل مسكت يده ولمساته وهو يمسح على شعرها خلتها تستسلم للنوم. شكلها وهي نايمه مثل الاطفال نايمه بكل هدوء وسلام وخصلات شعرها الاشقر طايحه على وجها ما قدر راشد يقاوم رغبته بان يبي يقرب منها... قرب منها مره مايفرق بينهم شي هي نايمه بكل هدوء وهو جالس يتاملها حس بدقات قلبه تتسارع وعرق برقبته انشد بعد الخصل الطايحه على وجها وصار يلمس كل شي بوجها انفها شفايفها كل شي فيها حس ان بيخون ثقتها فيه عض على شفايفه واخذ نفس وبعد عنها... غطها زين وقبل لا يطلع طبع بوسه على جبينها وتمنى لها احلام سعيده وطلع من القصر... ********************** قامت شوق من النوم بكسل حست انها مرتاحه لانها نامت بالبيت ما تدرى خطر بالها طلال بعد ما غسلت وجها خذت الجوال ودقت عليه... طلال(اول ماشاف رقمها ما مصدق):الو شوق:هلا طلال طلال:الحمد على السلامه توصك واصله؟ شوق:الله يسلمك ايه اول ما وصلت نمت ودقيت عليك طلال(فرح لانها فكرت فيه):زين طريت على بالك شوق:هههه شدعوه انت دايم على بالي والدليل اني ابي اشوفك الحين طلال:والله شوق:هههههه ايه والله وانت اختارالمكان طلال(يا حلو ضحكتك وحشتني):طيب شرايك نتقابل في كافيه امجيز شوق:يو مره قديم بس مكان كويس خلاص نص ساعه وانا عندك طلال:انتظرك شوق:باي طلال:باي سكرت شوق منه وراحت لغرفة الملابس تطلع لها لبس... *********************** قامت هديل متكاسله مسكت الجوال تدق على فيصل... فيصل:هديل انتي وصلتي؟ هديل(لما سمعت صوته ردت لها الروح):ايه وصلت ورحت نمت ودقت عليك فيصل:مشاء لله ليه ما دقتي على من المطار؟ هديل:كنت ابي اسويها مفاجاه فيصل:طيب لما وصلت البيت ليه ما دقيتي؟ هديل:لاني كنت تعبانه وما صدقت وصلت البيت واحط راسي على المخده فيصل(بخوف):سلامات عمري شفيك؟ هديل:شوية ارهاق عادي فيصل:اوكي بس انتبهي على نفسك هديل:حاضر قولي شخبارك مشتاقه لك؟ فيصل:انا بخير بس زعلان هديل:هههه ليه؟ فيصل:كنت ابي اكون اول واحد يشوفك لما توصلين السعوديه هديل:مومشكله تبي تشوفني الحين اجيك فيصل:لا انا الحين مشغول بدق عليك انا وبقولك متى اشوفك هديل(تدرى هالكلام من ورى قلبه لانه ميت ويشوفها بس زعلان ويكابر):اوكي براحتك فيصل:طيب انا بسكر الحين ابوي يبيني لما اخلص شغل بدق عليك هديل:طيب حبيبي مع السلامه فيصل:باي حطت هديل الجوال على الطاوله وقررت تسوى تمارين لانها تحس جسمها متكسر ومرهق ... لبست لبس التمرين وخذت الipod وطلعت بالحديقه هي متعوده دايم تمشى حول القصر بس السفره عطلتها عن التمارين مشت حول القصر تقريبا نص ساعه وبعدها حست ان دقات قلبها تتسارع ومو قادره تتنفس وقفت وتسندت على الجدار افتحت السحاب حق البلوزه شوي وشالت السماعات من اذنها وظلت تاخذ شهيق وزفير يمكن ترتاح حست بالحظه هاذي انها محتاجه فيصل اكثر من أي وقت ما تدرى ليه بس تبي تسمع صوته تمنت الجوال يكون معها بس هو موجود .... حست انها ارتاحت شويه ودقات قلبها رجعت انتظمت قررت توقف تمرين اليوم يمكن مرهقه من السفر بس استغربت هي طول عمرها تتمرن ليش اليوم ما هي قادره تكمل نص ساعه على بعضها رجعت لداخل القصر وخذت شور... *********************** خلصت شوق لبس دقت على السواق يجهز السياره عشان تطلع وهي نازله شافت ناصر بالصاله تحسفت انها تاخرت الحين بيشوفها وما راح يرضى لها تطلع... ناصر(مستغرب):شوق وين رايحه؟ شوق:هلا ناصر ناصر:شفيك ردي على وين رايحه؟ شوق:طالعه ناصر:ههه ادرى طالعه بس وين؟ شوق:رايحه السوبر ماركت ناصر:شتبين فيه؟ شوق(ياكرهك):يعني الناس شنو تسوي في السوبر ماركت عندي شوية اغراض ابي اشتريها ناصر:طيب خذي معك الخدامه شوق:نعم مو لازم خدامه ناصر:اجل شلون تدفين العربه؟ شوق:عادي انا ادفها ناصر:غريبه شوق بنت عبدالرحمن تدف العربه شوق:طفشت في اسبانيا طول الوقت يشلون الاكياس عني هالمره قلت اجرب وادفها انا وبعدين السواق بيكون معاي بخليه هو يدفها ناصر:تدرين خذي معك الخدامه واحد من الحرس شوق:نعم الخدامه وفهمت بس الحرس حق وشو؟ ناصر:انا ما قلت الحرس قلت واحد منهم شوق ما عجبها كلامه لانها بالفتره الاخيره صارت تطلع بدون حرس شمعنى الحين ولا يوم قالت بطلع مع طلال استلعن وقال الا يودي معها الحرس... ناصر:ليه واقفه نادي على الخدامه ورحي؟ شوق:سوزان سوزان سوزان:yes miss شوق:روحي البسي عشان بتطلعين معاي ونادى بعد واحد من الحرس سوزانk شوق:ارتحت الحين هذي الشغالة بتطلع معاي طلعت شوق وهي معصبه من ناصر,اف رجعت ورجع همك معاي هذي اولها الله يستر من تاليها... وصلت شوق لامجيز بعد ما طفشت من زحمة الشوراع اختارت طاوله حلوه وخلت الحارس ينتظر بره والخدامه خلتها تجلس على طاوله بره واذا احتاجتها بتناديها... بعد 10 دقائق دق طلال عليها... شوق:هلا طلال:هلا والله وصلتي شوق:ايوه انت ادخل وبتشوفني في الطاوله الي على يمينك طلال:اوكي دخل طلال للمطع والفلبيني لما شافه امنعه يدخل لانه قسم عوائل بس شوق اشرت له انه معها ودخله... طلال اول ما شافها نسى كل الكلام الي مرتبه لها هو يسمع سيرتها بس ويتخربط شلون لما يشوفها... شوق استغربت وقفته ونظراته لها قررت تبدا بالكلام... شوق(وقفت ومسكت ايده وجلسته):شفيك طلال واقف اجلس طلال حس بلمستها وارتعش قلبه هذي مجنونه تلمسني ما تدرى شنو يصير فيني ماتعرف تاثيرها على الله يستر على قلبي وما يوقف... شوق:طلال شفيك يعني جاي تطالع فيني وما تتكلم؟ طلال(انتبه على نفسه):ها...لا بس مشتاق لك شوق:هههه وانا بعد مشتاقه لك طلال:شوق بقولك على شي شوق:شنو؟ طلال:لحظه قام طلال وقال للفلبين يحط بارتشين شوق استغربت حركته بس ما اهتمت لانها واثقه بطلال وبعدين هي بمكان عام يعني مستحيل يسوى شي... شوق:شنو الشي المهم الي ما تقدر تقولي عليه الا مع بارتشين؟ طلال(مسك ايدها وحطها على قلبه):حاسه بدقات قلبي شوق ما كانت مستوعبه الي يسويه اكتفت بانها تهز راسها بمعنى ايه... طلال:عمر هالقلب ما دق الا لك وكل دقه فيه تنطق باسمك شوق(كانت خايفه تسمع باقي الكلام):بس... طلال(حط اصبعه على فمها بكل رقه):اش خليني اكمل شوق مو مصدقه ان الي قدامها طلال معقوله كلام مشاعل وهديل صح وطلال يحبها ويعتبرها اكثر من مجرد اخت... طلال(بكل حب وحنان):شوق انا اعرف كل شي عنك سالفة مع فهد ومع اختك وسالفه الاستراحه طبعا ادرى عنها ومع كذا حبيتك انتي غير غيرتني من داخلى خلتيني احس بشي عمري ما حسيت فيه ما انكر ان الي شدني من البدايه هو جمالك بس لما عرفتك وعرفت الي مريتي فيه اكتشفت انك من داخلك انسانه غير عن كل الكلام الي سمعته انك قاسيه وما عندك قلب وانتي قلبك ارق من الطفل كل الي ابيه منك انك تبادليني نفس الشعور وطلباتك كلها بتكون اوامر شوق حركت رومشها بطء تستوعب الي سمعته هي جايه تقول له اني حبيت واحد وهذا يجي يقولها اني احبك شلون ومتى وكيف وشلون انا عمري ما حسيت بحبه لهدرجه انا غبيه... شوق(سحبت ايدها من يد طلال بكل خفه):طلال...انا كنت جايه اقولك اليوم اني احب واحد وكنت باخذ رايك فيه لاني اعتبرك اخ وصديق عزيز طلال انت الوحيد الي وقف معاي بسالفتي مع فهد حسستني بانك اخوي الي عمري ما حسيت باخوته ابوي الي اغلب وقته غايب عني وما حسيت بابوته بس عمري ما قدرت اعتبرك حبيب انت تعرف كل شي عني ما اقدر احبك طلال(مصدوم):وهذا الي تحبينه يعرف كل شي عنك؟ شوق:لا اذا قلت له اكيد بيتركني طلال:لو كان يحبك ما راح يهدك شوق:انت نفسك كنت بتهدني لما عرفت سالفة رغد وبعد ما ترجيتك ظليت معاي شنو تتوقع هو بيسوي وانا ما اقدر ابعد عنه دقيقه وحده طلال انصدم بالي اسمعه هذي المفاجاه الي جايه تقولي عنها مفاجاتها انها تطعن قلبي وتدوسه برجوالها بس مع كذا احبها واحب كل شي فيها... شوق كانت منزله راسها ما تبي تشوف ردة فعله هي تعرف انه مصدوم لو هي كانت مكانه كان مات رفعت راسها لما حست انه هادي وشافت شي هزها من داخل... شوق:طلال ليه الدموع؟ طلال انتبه للدمعه الي نزلت من عينه من دون ما يحس توه بيمسها الا مسحتها شوق بايدها بكل رقه... طلال ما قدر يتحمل يحبها ويحب حنانها ويبغى تكون له... مسك ايدها وباسها وقف وباس جبينها... طلال:انتبهي على نفسك طلع طلال من المطعم مخذول ومكسور يحس انه ولا شي قدامها يحاول يلبس قناع القوه لاكنه يحبها صحيح الحب قوه بس بنفس الوقت هو ضعف لبس نظراته وركب سيارته وراح على الاستراحه... شوق ظلت بمكانها مصدومه ما توقعت لقاها مع طلال بيكون كذا تطالعت يدها الي باسها لمستها بكل حنيه ,ياليت ياطلال اقدر ياليت اقدر احبك... طلعت من المطعم وهي للحين مصدومه اخر شخص توقعته يحبها هو طلال حست انها اذا راحت البيت ناصر بيطفشها فكرت بمشاعل وقررت تروح عندها.... ***************************** بعد ما طلعت هديل من الحمام شافت جوالها يدق وكان فيصل... هديل(بكل نعومه):هلا حبيبي فيصل:يالله هديل مشتاق لك مشتاق لصوتك مشتاق لكل شي فيك هديل:دام مشتاق لي ليه ما رضيت تشوفني؟ فيصل:خلاص الحين ابي اشوفك هديل:وين؟ فيصل:مم شرايك نروح البحر هديل:اوكي البس واجيك فيصل:لا تطولين هديل:افا عليك دقائق واكون عندك فيصل:باي حياتي هديل:باي راحت هديل لغرفة الملابس تطلع لها لبس قررت تخلي شعرها مفتوح بيطفشها صحيح بس مو مشكله دام فيها فيصل مستعده تسوي أي شي تكشخت وطلعت تهبل لبست عبايتها وطلعت... ********************** وصلت شوق للقصر عند مشاعل دخلت وكالعاده القصر فاضي طلعت فوق لغرفت مشاعل واستغربت لما لقتها منسده على السرير وتطالع السقف عرفت النظره هذي نظرت الحب واضحه بعيونها قررت تخرعها دامها سرحانه... شوق(قربت منها):بو مشاعل(قامت مفزوعه)'my god شوق:ههههههههههه مشاعل:بسم الله الرحمن الرحيم انتي من وين طلعتي شوق:هههههههه مشاعل:ما تردين على انت شلون دخلتي البيت والله العظيم سالفه بيتنا صار سبيل كل من هب ودب ادخله شوق:انا كل من هب ودب مشاعل:ههههه أي عشان مره ثانيه ما تخرعيني شوق تذكرت هي ليه جايه لمشاعل بعدت عنها وانسدحت على السرير جمبها... مشاعل(استغربت قبل شوي تضحك شفيها الحين زعلت):شوق بغيت اسالك انتي ليه جايه عندي حنا تونا كنا مع بعض شوق:يعني ما يصير ازورك؟ مشاعل:بالعكس البيت بيتك بس انتي شفيك شكلك زعلانه؟ شوق:طلع كلامك صح مشاعل:بشنو؟ شوق:طلال طلع يحبني مشاعل:وانتي شلون عرفتي؟ شوق:اليوم دقيت عليه وقال يبي يشوفني ولما رحت اعترف لي انه يحبني مشاعل:قلت لك اصلا واضح من تصرفاته ,وانتي شنو قلتي له؟ شوق:قلت له اني احب عبدالعزيز مشاعل:غبيه انتي يقولك يحبك تروحين تقولين له انك تحبين عبدالعزيز شوق:شنو كنتي تبيني اقول اني احبك بعد انا العب على أي احد الا طلال مشاعل:شفتي يعني انتي تحبينه شوق:لا ميشو انا اعتبره مثل اخوي ابوي صديقي بس حبيب لا هو يعرف كل شي عني مشاعل:كل شي كل شي؟ شوق:كل شي كل شي مشاعل:والله كسر خاطري شوق:اجل انا شسوي تدرين قبل لايروح قالي انتبهي على نفسك وبعدين راح مدرى شنو سوى بنفسه مشاعل:ههههههه شوق:ليه تضحكين؟ مشاعل(وهي تحط يدها على وجها):تذكرت راشد شوق:ليه شسوى بعد غير حركته باسبانيا؟ مشاعل:هههه امس لما رجعنا من المطار جاء معاي البيت شوق:لا والله مجنونه انتي شلون تجيبينه البيت؟ مشاعل:عادي ماصار شي شوق:والله شكلك ناويه تسوين شي؟ مشاعل:لا لاتخافين ماني مسويه شي المهم شوق:ايه انا ابي المهم مشاعل:لما جينا البيت انا كنت مضايقه وقعدت اصيح عليه هههه وهو المسكين قالي شرايك تروحين تنامين قلت له اوكي بس بشرط انت تودني الغرفه شوق:قويه ههههه شلون تطلعينه غرفتك الحين شلون بيفكر فيك؟ مشاعل:يفكر فيني بالطريقه الي يبيها انا ما يهمني شي شوق:طيب وبعدين شصار؟ مشاعل:طبعا انا كنت تعبانه هو حطني على السرير ومسح على شعري وانا غمضت عيوني هو على باله اني نايمه شوق:حقيره يعني كنتي تضحكين عليه؟ مشاعل:yes شوق:مستانسه ايوه وبعدين كملي شصار؟ مشاعل:هههههههه متحمسه شوق:وجع انشاء لله وبعدين مشاعل:ولا اقبلين شوق:يعني سوى لك شي؟ مشاعل:كان هو صحيح قرب مني بزياده بس طلع شاطر وما سوى شي شوق:وانتي الحين يعني تبين تسوين اختبار له؟ مشاعل:yap شوق:وفرضا سوى فيك شي؟ مشاعل:انا كنت اعرف انه ما راح يسوي شي بس بيني وبينك انا كنت ابيه يسوى شوق:نعم انت تستهبلين انتي عارفه اذا سوى فيك شي ما راح تكونين.... مشاعل(تقاطعها):ادرى بس والله من الحره الي فيني شوق:ليه شنو الي حارك؟ مشاعل:تخيلي dadمايدرى متى ارجع ولا كلف على نفسه يدق ويسال عني كانه ما صدق اني سا فرت وبعد كل هذا اطلع انا الغلطانه طيب انا شنو ذمبي اذا momخانته انا شنو الغلطله الي ارتكبتها اذا هم مو قد مسؤلية اطفال ليش يجبونهم ماقدرت مشاعل تتحمل اكثر بكت من الظلم الي تشوفه من امها وابوها صحيح هي مدلعه وعمرها ما سمعت كلمة لا بس شنو فايدة تنفيذ الطلبات اذا مافي تربيه... شوق انصدمت ما توقعت في احد كثر مشاكلها وهمومها لكن طلعت مشاعل عندها هموم ومشاكل اكثر منها شافت ان مشاكلها ماتجي شي في حزن مشاعل على الاقل هي عندها ام وابو يسالون عنها لاكن مشاعل غايبه عن البيت شهر ولا فكر يدق يسال عنها معقوله لهدرجه ما تعنى له شي.... شوق(وهي تحضن مشاعل):خلاص حبيبتي كافي لا تبكين عليه دامه مو مهتم انتي بعد لا تهتمين مين الابو هو ولا انتي هو المفروض يسال مو انتي مشاعل:تدرين كلمة ابو او اب او dad انا ما احس فيها ما اعرف معنتها صحيح يكتبون بالجواز ولا في اوراق المدرسه ان صلة القرابه بيني وبينه الاب لكنها مجرد كلمه ما تعنى لي شي وامي الي جابتني ورمتني بالدنيا مشكلة ماما وبابا انهم يعتبرون اذا كبرت خلاص ما احتاج حب ولا حنان ولا حتى متابعه مع اني كل ما اكبر تزيد حاجتي لها وبعدين يلمونا اذا ضعنا ولا غلطنا يحمد ربه اني ما طلعت مدمنه مخدرات ولا مجرمه ولا حتى... شوق:خلاص مشاعل لا تصيحين انتي طول عمرك عايشه كذا شلي تغير الحين؟ مشاعل(وهي تصارخ):الا تغير اني تعبت ومو قادره اتحمل تعبت حرام عليهم يسون فيني كذا حرام عليهم شوق(وهي تمسك مشاعل وتحضنها):خلاص اهدي مشاعل(وهي تمسح دموعها):انتي عندك شي اليوم احس اني مخنوقه اذا جلست لوحدي بموت شوق:والله ودي بس بكره ماما ورغد بيرجعون وناصر يمكن يقولي نروح نستقبلهم مشاعل:والله اذا كذا خلاص روحي شوق:اكيد يعني مو زعلانه؟ مشاعل:ليه ازعل هذول اهلك على الاقل وحده فينا تحس ان عندها عايله مو كافيه هديل الي ابوها مات وانا اليتيمه وامي وابوي عايشين روحي انتي عيشي شوق(كسرت خاطرها مشاعل بس ما بيدها شي):اوكي اذا حسيتي انك مضايقه مره ولا صار لك شي دقي علي على طول فاهمه وماما ورغد لاحقه عليهم مشاعل:عموما اذا خلاص مره ما اقدر اجلس لوحدي بدق على راشد يجي عندي شوق:مشاعل شقلنا مشاعل:خلاص شوق انتي روحي شوق(مو عاجبها كلام مشاعل):اوكي تصبحين على خير(باستها)باي مشاعل:باي طلعت شوق وهي ودها تجلس عندها بس ناصر بيطفشها لانها توها راجعه من السفر وبعد تطلع راحت وقلبها معورها على صديقتها .... *************************** وصلت هديل للبحر وشافت فيصل واقف بس معطيها ظهره ويطالع البحر شكله مو حاس انها وصلت... طالعت بكل حب مشتاقه له ولكل شي فيه صار لها شهر ما شافته وهي متعوده كل يومين تشوفه... ظنت انها ممكن تنسى حبه او تخونه اكتشفت انها تحبه اكثر من نفسها... حسبت اشوقنا غابت واثرى الشوق تو ما بان واثر ى في قلبي الساهي حنين لك بعد ياقي انا ما كنت احسب ان القلوب الساهيه تشتلق ولا كنت احسبك في يوم تجي وتحرك اشواقي فيصل حس ان في احد ورها التفت وشاف الي طول عمره يتمنه ويحلم فيه وهو الي كان حاط باله ان اذا شافها بيزعل منها لاكنه شاف عيونها ونسى كل شي.... سهيت بصفحة اكتابي لقيتك باول الاوراق انا لاهي مع كتابي لقيتك كلك اوراقي هلا ياحبي الاول هلا ياغايتي مشتاق هقيت منت في قلبي واثرك داخل اعماقي فيصل قرب عندها وما شال عينه من عليها مسك ايدها وظل يتامل فيها مشتاق لها موت ولو يتكلم من اليوم لبعد سنه ما يوصف شوقه... هديل انحرجت من نظراته لها وحست الجو متوتر فحبت تغير الجو شوي... هديل:يعني جايبني هنا عشان تطالع فيني؟ فيصل ما تكلم اكتفى بانه يبتسم مشى معها لحد ما وصل للسور تفاجات لما شافته شالها وقعدها على السور وهو ظل واقف قدامها يطالعها... هديل(وهي منزله راسها):فيصل خلاص لا تطالع فيني كذا تحرجني فيصل ما كان يسمعها كان يسمع بس دقات قلبه الي تنطق باسمها شال الغطا من على راسها وفتح شعرها الي تناثر حولها وغطى نص وجها... هديل ظلت تطالع مستغربه من حركته بس تحبه وتحب كل شي يسويه... فيصل قعد يلعب بخصلات شعرها الناعمه ويبتسم... هديل(حست انها اذا ما تكلمت الحين بيتمدى اكثر):حبيبي مشتاقتلك فيصل ما كان يرد عليها يطالعها ويبتسم وكانه مو معها.... هديل:فيصل يعني بظل طالعني كذا ترى اروح البيت فيصل:لحظه بس طالعها فيصل بكل حب وشوق وكانها يشوفها لاول مره لمس خدها بكل حنان وباسها على خدها... هديل تفاجات من جراته اول مره يسويها ويبوسها على خدها احمرت خدودها من الحيا وبعدت نظرها عنه... فيصل(ضحك على شكلها):ههههه للحين تستحين مني؟ هديل:فيصل احنا جاين نتكلم مو... فيصل:مو ايش؟ هديل:ولاشي ولاشي فيصل:هههههههه هديل:قولي شنو المفاجاه الي مجهزها لي؟ فيصل(مسك ايدها):قلت لامي ابي اتزوج تدرين شقالت هديل:شنو؟ فيصل:قالت بتخطبك لي هديل(باستغراب):هي شدرها عني انت قلت لها؟ فيصل:لا بس هي تقول شافتك في حفلة استقبال حق اختي لما رجعت من السفر وعجبتيها قالت هذي ما تكون الا لولدي فيصل هديل استحت وما طالعت فيه... فيصل(وهي يرفع راسها):اخيرا يا هديل بنصير لبعض هديل:اخيرا ثلاث سنين مو شويه فيصل:اخيرا بتصيرين لي وزجتي وام عيالي هديل استحت منه ونزلت من السور عطته ظهرها وظلت تطالع البحر.... فيصل قرب منها وحط ايده على خصرها... فيصل(همس باذنها):احبك هديل(حست بانها قلبها وقف من لمسته بعدت يده عنها):فيصل احنا اتفقنا ما نسوي هالحركات لما اصير زوجتك سوى الي تبيه فيصل(طالعها بخبث):اصلا لما تصيرين زوجتي ما راح اعطيك فرصه تتنفسي هديل(انحرجت لفت وجها عنه):انا بروح البيت فيصل:نعم وين رايحه انت مالك طلعه من هنا هديل:شنو اقعد هنا طول اليل فيصل(وهو يمسك ايدها ):لسى ما شبعت منك ولا اظن بشبع بيوم ابتسمت له هديل وظاول اثنينهم ماسكين يد بعض ويتاملون غروب الشمس وهم يحلمون بمستقبلهم وعيشتهم مع بعض تحت سقف واحد... ************************ اليوم الثاني الصباح اول ماقامت شوق مسكت الجوال ودقت على عبدالعزيز... عبدالعزيز:هلا والله بقلب عزوز شوق:هههه هلا فيك صباح النور حبيبي عبدالعزيز:قولي صباح الحب تدرين كل يوم احمد ربي انه عطاني اياك شوق:وانا كل يوم احمد ربي ان صقعت فيك باسبانيا عبدالعزيز:كانت احلى صدفه في حياتي شوق:عبد العزيز عبدالعزيز:لبيه لبيه يالبيه روحي تلبي في كل نبض في شراين وعروق مجنون شوفتك جننتني كأن السما تحتي وهالارض من فوق شوق:احبك عبدالعزيز(وهو يمسك قلبه):قلبي قلبي وقف شوق(بخوف):بسم الله عليك شفيه قلبك؟ عبدالعزيز:من كلامك بيوقف انتي ما تعرفين تاثيرك على شوق(تنهدة برتياح):خوفتني على بالي فيك شي عبدالعزيز:ليه تخافين على؟ شوق:اذا ما خفت على روحي اجل اخاف على مين عبدالعزيز:شوق طلبتك قولي تم شوق:ههه تم بس على ايش؟ عبدالعزيز:ابي اشوفك شوق:اليوم ما اقدر لان امي بتجي بس بكره اوكي عبدالعزيز:امك متى بتجي؟ شوق:الساعه 11 رحلتها يعني توصل البيت باليل بس ما ادرى متى عبدالعزيز(باحباط):خلاص اوكي شوق:زعلت؟ عبدالعزيز:كان ودي اشوفك اليوم شوق:والي تقولك ان ما تغيب عنها لحظه وحده يرضيك عبدالعزيز:كل شي منك يرضيني حتى لو نظره شوق:تسلم حبيبي يلا انا بروح الحين افطر واجلس مع اخوي شويه اوكي عبدالعزيز:اوكي بس لما تملين من اخوك دقي على شوق:من عيوني باي عبدالعزيز:باي سكرت شوق منه ونزلت لاخوها تفطر معه... ناصر:اخير تكرمتي ونزلتي تاكلين معاي شوق:ههههه صباح الخير ناصر:صباح النور شوق:ليه ما تعرف لوحدك؟ ناصر:لا بس كنت بتكلم معاك بموضوع شوق:خير شعندك؟ ناصر([ارتباك):شوق انا قررت اتزوج شوق:وش الجديد انت اصلا خاطب ولا موظي قامت تحن عليك؟ ناصر:لا انا ماراح اتزوج موظي شوق:اجل مين بتاخذ؟ ناصر:مم....رحاب شوق:والله احلف ناصر:وشفيك فرحانه كذا؟ شوق:شلون ما افرح واخوي الغالي والوحيد بياخذ اعز وحده على قلبي(تذكرت عمها)أي بس.... ناصر(تقاطعها):هذا الي خايف منه امي وابوي شوق:ماما وبابا سهله الا قول عمي ماجد بيقلب الدنيا وماراح يقعدها عاد هذي بنته المدلله ما يرضى عليها ناصر:الله يعين شوق:انت شلون ما فكرت وبعدين دامك تحب رحاب تخطب موظي ليه؟ ناصر:يو يا شوق الحين انا ابيك عون صرتي فرعون شوق:انا فرعون قول امثال سنعه بالاول عموما ماما وبابا مقدور عليهم لاكن عمي ماجد عصبي وما اطيقه مدرى شنو بيسوي اذا عرف ناصر:خلاص اذا جت امي وابوي اليوم يصير خير شوق ظلت ساكته وتاكل بهدوء موضوع ناصر فجاها والي مستغربته ان رحاب ما قالت لها ولا مبين عليها اصلا وقررت تدق عليها لما تخلص فطور... ******************** طلعت هديل من الحمام وشافت جوالها يدق توقعت فيصل بس لما شافت الرقم طلع زياد استغربت ليه داق... هديل:هلا زياد زياد:هلا والله شخبارك هديل؟ هديل:تمام شخبارك انت؟ زياد:بخير عندي لك مفاجاه هديل:شنو؟ زياد:انا موجود بالشرقيه هديل بالفعل حست بالمفاجاه بس مو عارفه مفاجاه حلوه ولا لا.... زياد:شكل المفاجاه ما عجبتك؟ هديل:لا بالعكس بس تفاجات انك جيت باهالسرعه؟ زياد(لاني ما قدرت احبس اشواقي):فكرت بكلامك لما قلتي اني ازور السعوديه يعني هي بلدي وعمري ما شفتها هديل:زين خلاص يعني تبي تشوفني اليوم زياد:اذا ما كنت مشغوله هديل:لا عادي انت وين ساكن؟ زياد:في فندق الماردين الي بالكورنيش هديل:أي اعرفه طيب مم اطلب تاكسي من الرسيبشن وقوله يودك لمجمع الراشد عند بوابه 6 وانا بجيك هناك زياد:ليه ما راح نجلس بالراشد؟ هديل:لا الراشد زحمه ما ينفع فيه مكان ثاني احسن منه نقدر نجلس فيه على راحتنا ونسولف بس ما اظن بتعرفه عشان كذا قلت لك الراشد زياد:اوكي لما توصلين دقي على هديل:اوكي باي زياد:باي سكرت هديل منه وهي مو حاسه ان الي تسويه غلط من ورى فيصل خصوصا بعد ما قال لها انه خطبها يعني بتصير خطيبته بس مو مشكله زياد مثل اخوي وفيصل من وين بيعرف بقوله رايحه بيت مشاعل لانها تعبانه وما راح يقول شي... طلعت لها ملابس وطلعت من البيت على طريق الراشد... وصلت هناك ودقت على زياد الي كان ينتظرها.... زياد:وين بنروح؟ هديل:في سوبر ماركت كبير فيه مطاعم هناك نقدر نجلس زياد:اوكي راحوا لمجمع بنده وجلسوا في الكراسي الي عند جهة المطاعم... هديل:ومتى قررت تجي السعوديه؟ زياد:بعد يوم من سفركم هديل:ومو مفكر تستقر هنا؟ زياد:ما اظن شكل العيشه هنا ما راح تعجبني هديل:بالعكس المفروض ما تحس بالامان الي في وطنك زياد:وطني انا ما اعرف الي وطن واحد الي ولدت فيه اسبانيا فجاه دق جوال هديل خافت يكون فيصل بس بالاخير كان المنبه... زياد:اهلك داقين عليك؟ هديل:لا انا حاطه منبه زياد:ليه؟ هديل:عيد ميلاد فيصل بعد يومين وابي اجهز له زياد:وشنو مفكره تسوين؟ هديل:بصراحه ما في بالي شي بس ابي اعطيه هديه ما ينسها ابد يعني مو شي يستخدمه وبعدين يحطه شي يشوفه كل يوم فهمت قصدي زياد:ايه فهمت طيب شرايك ترسمين له لوحه؟ هديل:والله فكره عمري ما جربت ارسمه بس انا ما اقدر لوحدي ابيك تساعدني زياد(تبيني ارسم صورت الشخص الي خذى قلبي مني):موافق هديل:خلاص اتفقنا في مكان ثاني بره المجمع نزل فيصل من سيارته بيمر السوبر ماركت دخل السوبر ماركت واشترى الي يبيه توه بيطلع شاف محل اشرطه اغاني فكر يشتري له كم شريط بعد ما طلع من المحل وقف مكانه مصدوم مو قادر يتحرك شاف شي عمره بحياته ما فكر انه يشوفه.... هديل كانت تتناقش مع زياد على الرسمه حست بان احد يراقبها رفعت راسها تشوف مين وياليتها ما رفعته.... هديل(وهي توقف من الكرسي):ف...فيصل؟؟؟ فيصل جاء عندها وهو معصب ومومصدق ان هديل ممكن تخونه... فيصل:انتي شقاعده تسوين هنا ومنو هذا الي جالسه معه؟ هديل(بخوف):فيصل انا ...انا... فيصل(بصراخ):انتي شنو ما تردين؟ هديل:فيصل هذا زياد فيصل:ومستانسه تقولي اسمه,اسمع يا اخ زياد لا تفكر انها تحبك انا بعد ضحكت على و3سنين من عمري ضاعت مع وحده ما تستاهل هديل(وهي تمسك ايده):فيصل هذا.... فيصل(بعد ايدها عنه بقرف):لا تلمسيني يا الخاينه هديل(مصدومه):انا خاينه؟؟ فيصل:ايه خاينه واسمعني عدل ما ابي اسمع صوتك ولا اشوفك مره ثانيه فاهمه هديل:لا لا فيصل تكفى لا بس فيصل ما سمعها ومشى عنها هديل لحقته مستحيل تتخلى عن حبها بهالسهوله.... هديل:فيصل فيصل ارجوك اسمعني فيصل:اسمع شسمع اكثر من الي شفته هديل(برجا):فيصل انا احبك فيصل:انتي تحبيني لو تحبيني ما كنت خنتيني من يقول انك تحب من يقول انك وفيت كل هذا كان لعب يما خذت ولا عطيت كافي ما جاء منك كافي بان لي ما كان خافي كنت اظن الحب وافي واثر حبك خساره كم تناسينا خطاك ما يهمك وش يصير بعت قلبي الي عطاك صدق ما عندك ضمير غلطتي ارخصت نفسي يوم اضويتك بشمسي بكره ماهو مثل امسي قلبي وتغير مساره كان قلبي في يديك ضامنه لا ما يخون لا ولا بحلمك اجيك هذا في حكم الجنون اذكرك يالي انت ناسي واوقف بوجهك ياقاسي شموخ عزي واحساسي يسوى كوني ومدراه فيصل:اسمعني عدل موضوع الخطبه شيله من بالك بعد فيصل عن هديل وطلع بره المجمع كله كاره الدنيا وما فيها هديل وقفت مصدومه مو قادره تستوعب ان فيصل يصير قاسي لهدرجه لا وعليها يقسى على قلبها بكل سهوله.... هديل مستحيل تستسلم كذا وتخلي 3سنين من الحب تروح هدر ركضت عند زياد تترجاه. هديل(وهي تبكي):زياد روح قوله الحقيقه روح قوله تكفى زياد هو ما راح يسمع مني زياد(كسرت خاطره هديل شكلها مره متعذبه):خلاص هديل اهدي حنا بمكان عام هديل(بصراخ):اقولك روح كلمه تقولي حنا بمكان عام زياد(قرب عندها ومسكها من يدها يمشها):هديل خلاص انا بروح اكلمه هديل:صدق زياد بتروح تكلمه زياد(وكأن يكلم طفل):ايه بروح خلاص اهدي هديل:شلون اهدى وفيصل زعلان مني يقول عني خاينه يقولي شيلي موضوع الخطبه من بالك يعني 3سنين كلها خلاص طارت بالهوا زياد مارد عليها لانها ما تسمعه اصلا قاعده تكلم نفسها وكانها مجنونه اخذها للسياره وقال للسواق يودها البيت وده يروح معها بس ما يقدر ... هديل بالسياره كانت للحين مو مصدقه مسكت الجوال ودقت على فيصل... انتظرت ودقت اكثر من 10 مرات بس ما رد عليها وبعد اخر محاوله رد عليها وهو معصب... فيصل:قلت لك ماعاد بيني وبينك شي انتي ما تفهمين؟ هديل(وهو تبكى):فيصل تكفى انا كنت مع زياد عشان.... فيصل:لا تنطقين اسمه قدامي قاعده معه مستانسه تضحكين وتسولفين هديل:انا ما كنت اضحك معه انا كنت اتناقش عن ..... فيصل(يقاطعها):لا تقولي شي خلاص انا انتهيت منك معقوله ياهديل 3سنين وانت تخدعيني وانا الي كنت اعتبرك ارق مخلوق بالكون ومستحيل تجرحيني ولا بنظره وتطلعين تخونيني بس تهنى معه انا خلاص ما عاد ابيك ولا تدقين على هالرقم مره ثانيه هديل:فيصل انا .... بس سكت لانه سكر الخط بوجها طاح الجوال من يدها وهي مو مستوعبه الي صار العنت نفسها لانها طلعت مع زياد حست انها مخنوقه وبتموت فسخت الغطا وافتحت العبايه ونهارت من البكى ,السواق يشوفها وهي تصيح ويسمع شهقاتها شكلها يخوف كانها بتموت... السواق:miss do you want me to call madam هديل(من بين شهقاتها):no ودني البيت بس سكت عنها السواق مع انه كان خايف يصير فيها شي لان صوت شهقاتها وبكها ما يطمن.... ************************* كان طلال قاعد في الاستراحه ويشرب مع اصدقائه ... ياسر:طلال بسك شرب من جيت وانت تشرب خلاص طلال:خلني يمكن انسى ياسر:انت لو بس تقولي شصار يمكن القلا لك حل طلال:هههههههه حل سمعتوا يا شباب ياسر بيلقى لي حل ياسر:لا حول انت وش فيك مره زعلان ومره تضحك؟ طلال:ههههه اضحك على حظي الحلو ياسر:طلال قولي اهلك فيهم شي؟ طلال:اهلي اه يا ياسر قلبي قلبي الا فيه ياسر:شفيه قلبك؟ طلال(وهو يتذكر شوق):طلعت تحب ياسر:من هذي؟ طلال(بحزن ويأس وهو يأشر على قلبه):قلبي شوق الي سهرت عيوني ليالي وما تعبت نفسها تفكر فيني مره وحده ياسر:وانت للحين تحبها؟ طلال:وراسك بظل طول عمري احبها الله يلعنها من ساعه يوم شفتها وتعرفت عليها كل من خديجه هي الي عرفتني عليها اه ليش ما حبتني اصلا ليش تحبني شتبي فيني راعي بنات و24 ساعه يشرب وغير البلاوي الي ما تدرى عنها على وشو يا حسره بتحبني ياسر:طلال انت تعبان تعال امش طلال(وهو يدف يده):وخر عني للحين ما خلصت شرب ابي اشيلها من راسي ليش افكر فيها تعبت تعبت حرام عليها ياسر(كسر خاطره صاحبه الي ذابح نفسه من الشرب):طلال تعال معاي انت تعبان طلال:وين بتدوني؟ ياسر:بوديك البيت ترتاح شوي وبكره نتفاهم طلال:خلني راسي يعورني ليه ما تحبني يعني شكلي مو عجبها بس انا البنات يمتون على انا الحين اقدر اجيب احلى بنت تركع تحت رجولي ليه ما تحبني ليه ياسر مارد على طلال لانه واصل حده شاله بتعب لانه كان ثقيل ورامي نفسه لانه مو حاس بشي... تحسف على شكل صديقه كل هذا يطلع من بنت الله يلعن الحب وسيرته... وصله للبيت وشاله هو ونزار لغرفته وحطه على السرير وهو للحين يهذي باسم شوق.... نزار:طال عمرك طويل العمر صارله من امس تعبان وكل ما اقوله روح المستشفى ما يرضى وطول ما هو نايم يقول اسم شوق منو هذي؟ ياسر(ماله نفس لقافة الخدم):مو شغلك انت سوى الي عليك وطلال انا بكره بوديه المستشفى ************************** مشاعل دقت على هديل واستغربت لما ماردت على جوالها ودقت على شوق ولقت عندها انتظار... وبعد ربع ساعه دقت عليها شوق.... مشاعل:انتي مين كنتي تكلمين؟ شوق:عبدالعزيز مشاعل:انتوا ما تملون من بعض شوق:اه يا ميشو احبه اموت فيه مشاعل:طيب اسمعني انا دقيت على هديل وماترد على شوق:عادي يمكن مشغوله؟ مشاعل:لا مو مشغوله شدعوه انا دقيت عليها كثر من مره مو معقوله ما عندها وقت ترد شوق:غريبه طيب شرايك نروح لها مشاعل:بس مو اهلك بيجون اليوم؟ شوق:بيجون باليل والحين العصر تو الناس مشاعل:اوكي انا بسبقك هناك لا تتاخرين شوق:اوكي قلبو باي مشاعل:باي سكرت مشاعل من شوق وهي مبتسمه,انتي شكلك الوحيده فينا الي رايقه الله يوفقك... راحت تلبس عشان تروح لهديل بعد ما خلصت لبس نزلت تحت بتطلع وانتبهت لابوها موجود بالصاله الداخليه كانت بتطير من الفرحه مشتاقه له بس لبست قناع البرود وسوت نفسها عادي... مشاعل(بكل برود):هاي ابو مشاعل:اهلين انتي متى وصلتي؟ مشاعل:قبل يومين ابو مشاعل:قبل يومين ما حسيت فيك؟ مشاعل:يحقلك بصراحه الشغل ما يعطيك وقت تسال عن بنتك امك اولى خلك بار بوالديك وعيالك قطهم بالشارع ابو مشاعل:انتي شلون تتكلمين معاي بالطريقه هذي؟ مشاعل:شلون تبيني اتكلم معاك تبيني احب راسك ولا اشيلك وادور فيك ابو مشاعل:انا ابوك يلي ما تستحين مشاعل(بصراخ):ابوي انت عمرك ما حسستني بكلمة يبا ابو مشاعل عصب على مشاعل لانها قالت له كلام صحيح والي هو خايف يسمعه ومنها بالذات وعطها كف خلها تفقد توازنها بس مسكت نفسها وتسندة على الباب عشان ما تطيح... مشاعل(حبست دموعها وطالعت فيه بكل قسوة):تضربني هذا الي الله قدرك عليه بس تدري انت ليه ضربتني لانك تعرف ان كلامي صح ولو ما كان صح كان ماضربتني عشان تسكتني بس يلا على الاقل حسستني ان عايشه مع احد بالبيت بس اسمعني زين اذا غلطت لاتلومني طلعت مشاعل من القصر وهي حاطه ايدها على خدها تدرى انها غلطت بالكلام الي قالته بس هي تعبت وكان لازم ابوها يسمعها تحس انها على الاقل خفت شوي من الي بداخلها.... ************************ رجع فيصل للقصر وهو شايل هموم الدنيا على راسه الشي الوحيد في الدنيا الي كان واثق انه عمره مايتغر او يخونه هو هديل مو قادر يستوعب الي شافه معقوله هديل اذا هديل خانتني اجل اثق في مين بس شكلها صادقه صوت بكها لما دقت على احس من قلبها وكأن للحظه عرفت هديل الاوليه بس لا فيصل كرامتك فوق كل شي انت ما تسمح لاحد ان يعتبرك مغفل وبعدين تحس انك مخدوع ما اقول الا....حتى قلبي ما يطاوعني ادعي عليها... ام فيصل كانت بالصاله شافت فيصل واقف عند الباب وشكله مهموم... ام فيصل(بكل حنان الام):فيصل حبيبي ليش راجع مبكر من الشغل صاير شي ابوك فيه شي لا سمح الله؟ فيصل ما كان يسمع كلام امه كل شي قدامه يشوفه هديل وما يسمع الا صوتها طالع فيها برود ومشى طالع على الدرج... ام فيصل(باستغراب):يمه فيصل انا اكلمك فيك شي؟ فيصل(بتعب):لا يمه بس ما عندنا شي بالشغل قلت ارجع البيت ارتاح ام فيصل:زين سويت تعال بكلمك بسالفه فيصل ما كان له نفس يسمع شي ولا يتكلم مع احد بس مهما كان هذى امه يحبها ويغليها اكيد وما وده يكسر بخاطرها راح عندها وحب راسها وجلس جمبها.... ام فيصل:الله يرضى عليك يا وليدي دنيا واخره مثل ما ترضيني فيصل:الله يا يمه هذا احلى شي سمعته طول اليوم ام فيصل:اسمع عاد لا تقص على بالكلام هذا موضوع زواجك خلاص اتفقنا عليه وانا مقره اروح بكره انا وعمتك ونخطبها رسمي فيصل(حس بطنعه بقلبه كان ممكن هاليوم ينكتب اسعد ايام عمره بس انتي يا هديل الي خربتي كل شي الله يسامحك):خلاص يمه صرفي نظر عن الموضوع ام فيصل:وليه انت كنت موافق على الخطبه؟ فيصل:أي يمه انا موافق بس(خنقته العبره لا كنه كابر على نفسه):انا ما ابي هديل دوريلي وحده غيرها ام فيصل:بس انت ما شفت البنت اخلاق وجمال وتربيه وبنت اصل وفصل وتناسبنا فيصل:يمه اذا تبيني اتزوج دوري وحده غيرها ام فيصل:خلاص خلاص مثل ما تحب مع ان كان ودي اخطبلك هديل بس يلا البنات غيرها كثير قام فيصل من عند امه وهو يجر رجوله جر يدرى عمره ما يكون سعيد الا مع هديل ولو تزوج وحده ثانيه بيظلم نفسه وبيظلم بنت الناس معه بس كرامته وعزة نفسه فوق كل شي مستعد يدوس على قلبه ولا انه يعيش مخدوع بانسانه كان يعتبرها روحه وعمره كله... خيانه وانتهت اخر ليالي سوالف عشقي المجنون في ليله حلمي الوردي تحطم في نهايتها في ذيك اليله كان اهون على احيا بدون عيون ولا اشوف الي شفته من حبيبة قلبي ساعتها بعيني شفتها وياه تضحك له وهو مفتون سعادتها في قربه تشبه في قربي سعادتها بعيني شفتها ما هو حكي واشي وخيال بنون بعيني ليت عيني عمرها ما يوم حبتها وقفت لسانها حيالي يقول ليه ومن متى وشلون عسى القلبي سبب واحد يبرلي خيانتها انا ما كان عندي شك ولو واحد من المليون في صدق الي تقوله عن غلاي و عن محبتها خيانتها عطت حجه لكل الي يبي يخنون ومن هاليله كل خاين يتعذر بقصتها مادام اوفى البشر خانك حرام الباقي يلامون وكلمات الوفا لا عاد احد يطريلي سيرتها خيانه اه خيانه... ****************************** ** وصلت مشاعل للقصر عند هديل دخلت الصاله ولقت امها موجوده.... مشاعل:هاي خالتي ام هديل:اهلين شخبارك مشاعل؟ مشاعل:ماشي الحال انتي شخبارك خالتي؟ ام هديل:والله انا زينه بس هديل من رجعت من بره وهي حابسه نفسها بالغرفه ولا راضيه تنزل مشاعل(خافت):ليه خالتي انتوا متخانقين؟ ام هديل:ولا كلمتها بس هي مدرى شفيها؟انتوا صاير شي بينكم؟ مشاعل(باستغراب):لا انا اصلا من رجعنا من السفر ما شفتها عموما بطلع فوق وبشوفها وانشاء لله بتنزل معاي طلعت مشاعل لفوق وقبل لا تطق الباب سمعت صوت هديل تشاهق من البكي افتحت الباب بسرعه لقتها على الكنبه وحاطه راسها على ركبتها وتصيح... مشاعل(وهي ترفعها):هديل شفيك ليه تصيحن امك تقول انك حابسه نفسك بالغرفه ليش؟ هديل:مشاعل لحقي على مشاعل:طيب قولي شصاير خوفتني لا تصحين عشان افهم؟ هديل:فيصل فيصل تركني مشاعل:ترك شلون يعني ترك؟؟ هديل(وهي توقف):شلون يعني تركني قالي موضوع الخطبه شيليه من بالك وما يبي يسمع صوتي مره ثانيه ومايرد على (بصراخ) ادق عليه مايرد على ما يرد (وهي تضرب خدودها)كله مني انا غبيه كلي مني مشاعل(وهي تبعد ايدها عن خدها):هديل خلاص لا تضربين نفسك انسى الي صار هديل:انسى شلون تبيني انسى 3سنين من عمري 3سنين حب تروح كذا بلاش من غير ولا كلمه زياده قالي قالي اياه ما عاد يبيني مشاعل:طيب فهمني هو ليه ترك؟ هديل:انا دقيت على زياد مشاعل:مين زياد؟ هديل:الي كان معنا في اسبانيا مشاعل:طيب وبعدين شصار؟ هديل:جاء الشرقيه وقال يبي يشوفني لانه ما يعرف احد هنا ورحت وقلت لفيصل اني بجي عندك وشافني معه ما ادرى من وين طلع بس شافني(تشهق من البكي)وقال عني خاينه ومشى وخلاني شلون يروح هو ما يدرى اني بعده اموت ما اقدر اعيش ما اقدر مشاعل:خلاص طيب انا بكلمه لك بس انتي اهدي هديل:شلون اهدى فهمني شلون مشاعل:طيب شرايك تنامين عشان ترتاحين هديل ما سمعت كلام مشاعل وظلت تدور بالغرفه بتوتر وبخوف من الجاي... دخلت شوق عليهم فجاه ولما شافت شكل هديل استغربت... شوق:ميشو شفيها هديل شكلها كأنها مريضه؟ مشاعل(بصوت واطي عشان هديل ما تسمعها):فيصل تركها شوق:نعم فيصل تركها؟؟؟ هديل:شفتي شفتي شصار فيني يا وشوق فيصل الي كنا نقول عمره ما يخليني هذا هو راح وتركني وعشان ايش عشان غلطه مالها اساس شوق:مشاعل هو ليه تركها؟ مشاعل:شافها قاعده مع زياد الي كان معنا في اسبانيا شوق:وهذا وش جابه هنا؟ مشاعل:مدرى عنه شوق:حسبي الله عليه مشاعل:لا تدعين عليه هو ماله دخل شوق:شلون ماله شغل مو قلتي شافها وهي جالسه معه هديل:بس بس خلاص اسكتوا الي فيني مكفيني الي فيني مكفيني شوق ومشاعل مو عارفين شنو يسوين هديل ما تسمع لاحد تقول كلمات مو مفهومه وتصارخ وتبكي خايفين يصير فيها شي... فجاه هديل راحت عند السرير ومسكت جوال مشاعل... مشاعل:هديل شتبين بجوالي؟ هديل(بانهيار):بدق على فيصل لازم يرد على دقت هديل عليه وفيصل شاف رقم غريب ما كان بيرد بس خاف ان احد يبيه بشغل... فيصل:الو هديل:فيصل فيصل حبيبي اسمعني الو الو فيصل من الصدمه رمت هديل الجوال من يدها من غير لا تحس جلست 5 دقائق ساكته ما تتكلم. شوق(بخوف):هديل شفيك ساكته؟ هديل:سكر السماعه بوجهي حتى ما عطاني فرصه اتكلم مشاعل:ما عليك انا متاكده هو بيدق عليك هديل(وهي توقف وتضرب راسها):لا لا ماراح يدق واضح خلاص كل شي انتى ليش ليش ياربي انا شسويت شسويت شوق:خلاص حبيبتي اهدي.... هديل(تقاطعها بصراخ):اسكتي ما ابي اسمع شي فيصل تركني(وهي تسمك راسها) اه راسي ف...يصل وطاحت هديل على الارض مثل الجثه من غير احساس... ***************************** في مطار الملك فهد وصلت الطياره من ايطاليا وعليها قلوب محتاره وخايفه من الجاي ولكن مع كذا مليانه بالحب والوفا والاخلاص الي قليل ما نلقه بالزمن... وصلت رغد وامها وابوها مع اهل تركي الي كانوا على نفس الرحله.... كان في استقبال اهل شوق ناصر سلم عليهم واخذوا الشنط وراحوا على القصر.... في القصر كانوا كلهم مجتمعين في الصاله الداخليه لاكن فرد واحد من العائله ناقص... ام ناصر:يعني اختك شوق ما لقت تطلع الا اليه الي بنوصل فيها؟ ناصر:مدرى عنها جتني فجاه وقالت بتطلع ضروري وقالت بترجع بدري ام ناصر:أي بدري شوف الساعه كم ولحين ما رجعت؟ ابو ناصر(بكل برود):يلا انا بروح انام تصبحون على خير ام ناصر:شلون تروح تنام وبنتك للحين ما رجعت؟ ابو ناصر:يعني بنتي بزر وحده كبيره وتفهم وهي طول عمرها تطلع حبكت اليله واذا على شوفتنا بتشوفنا طول العمر انا اقول بس لا تشغلون بالكم ورحوا ناموا طلع ابو ناصر لفوق والكل يطالعه مستغرب من برود اعصابه الساعه صارت 10 ونص وبنته طالعه لوحدها بره البيت وهو ولا كأن في شي... ام ناصر:لا حول ولا قوة الا بالله ناصر:يمه هدي انتي عارفه طبع ابوي ام ناصر:على قولتك تعودنا ما دريت اختك انخطبت ناصر:مين؟ ام ناصر:رغد رغد استحت ونزلت راسها.... ناصر:والله الف الف مبروك تستهالين والله رغد:الله يبارك فيك ناصر:ومين هذا الي خطبها؟ ام ناصر:جيرنا لما كنا بايطاليا من عيايلة العويدي ناصر:ايه اعرف واحد من الشباب من جماعتهم ام ناصر:بس اشوف انها صغيره ناصر:يمه الله يهداك أي صغيره خلى البنت تفرح ام ناصر:زين خلاص دام ناصر قال كذا انا موافقه رغد:مشاء لله لما كان بابا يكلمك ما تردين عليه واول ما قالك ناصر على طول رضيتي؟ ناصر:عاد انا الغالي شلون تتكلمين الكل:هههههههه ناصر:ومتى يمه بتردون عليهم؟ ام ناصر:احنا قلنا لهم بعد اسبوع نبي نسال عن الولد واختك بعد لازم تفكر زين هذا زواج مو لعبه ناصر:كويس طيب يمه انا في موضوع بكلمك عنه ام ناصر:خير يمه قول؟ ناصر(بتفكير):ولا تدرين خلاص بكره احسن عشان اكلمك انتي واوبوي ام ناصر:على راحتك رغد:ماما انا بروح انام تعبانه ام ناصر:قومي حبيتي ارتاحي انا بستنى اختك لين ترجع رغد:تصبحون على خير ام ناصر وناصر:وانتي من اهله ****************************** تسمع اصوات صياح حوالها تشم ريحة تعرفها بس مو قادره تميز يمكن ريحة كلور هذي مثل ريحة المستشفيات الي تكرها تحس بالم فظيع براسها وتحس بتعب لما تتنفس افتحت عيونها بطء وبثقل شافت وجه تعرف ملامحه زين هذي امها وماسكه يدها لفت راسها للجه الثانيه بتعب وشافت شوق تطالع باسف وتصيح استغربت ليه الكل زعلان... ام هديل:شوق روحي نادي الدكتور هديل قامت روحي ناديه شوق:خالتي الدكتور من قبل قال انها بتقوم ماله داعي نناديه هو قال بكره بيجي وبيشوفها ام هديل:اه ياحسرتي عليك يا بنتي مو كافيه الي راح قبل بعد انتي تروحين شوق:لا تقولين يا خالتي انشاء لله بتصير زينه وبترجع ام هديل طالع شوق بخوف واستسلام هي عارفه هالمرض وعارفه شنو يسوي... هديل مو فاهمه شي من الي تسمعه رفعت جهاز التنفس عن فمها بتعب... هديل:ماما ليه تبكين انا شنو فيني؟ ام هديل مو قدرة تتحمل بعد عنها لاخر الغرفه وجلست تصيح.... هديل(بخوف):شوق ماما شفيها قولي شصاير كح كح شوق:خلاص حبيبتي لا تعبين نفسك (ورجعت جهاز التنفس على فمها)... هديل(وهي تبعده شوي لا نها ما تقدر تتنفس بدونه):قولي شصاير؟ شوق(وهي تحبس دموعها):انتي تعبانه شوي هديل(وهي تأخذ نفس بالجهاز):شلون تعبانه شفيني كح كح شوق:لا تشيلين الجهاز مو زين لك الدكتور يقول انك.... هديل:ايه شفيني؟ شوق:فيك blood cancer سرطان بالدم ************************* فتحت عيونها بتعب وطالعت المكان الي هي فيه اول شي ما عرفت هي وين بس بعدين استوعبت وتذكرت الي صار هديل مافي بالها الا هديل تذكرت كلام الدكتور... الدكتور(برود لانه متعود):بعد ما شفت التحاليل اكتشفنا ان بنتك عندها لوكيميا(سرطان بالدوم) ام هديل(مصدومه):بنتي مستحيل بنتي صحتها زينه وعمرها ما اشتكت من شي شلون يطلع معها سرطان فجاه؟؟ الدكتور:السرطان او الاورام عموما احيانا تطلع من غيرسبب وفي حالة بنتك مالقينا أي سبب يخلي السرطان يطلع بس تقدرين تقولين هذا بلاء من رب العالمين ام هديل(برجاء):بس اكيد لها علاج؟ الدكتور:طبعا لها علاج بي للاسف. ام هديل:قولي الحقيقه دكتور الحقيقه كامله الدكتور:لاسف السرطان منتشر في النخاع العظمي كنت فكر اعطيها ادويه وعقاقير بسيطه لاكن ما ينفع معها الا العلاج الكمائي بس اذا ما فاد العلاج الكمائي بنضطر نسوي لها عمليه ام هديل:عملية ايش؟ الدكتور:عملية زراعة نخاع عظمي لاكن انا احاول على قد ما اقدر اجل العمليه لانها خطيره على حياتها لان نسبة النجاح بسيطه بس انشاء لله ما نحتاج للعمليه قامت من السرير وطلعت من الغرفه وصارت تطالع في المستشفى وكأنها مضيعه شي... راحت عند الريسبشن تسال عن هديل... مشاعل:لو سمحتي غرفة هديل الجابري وين؟ الموظفه(استغربت تتكلم سعودي ومو لابسه غطا والعبايه مفتوحه):غرفه رقم 14 ركضت مشاعل لغرفة 14 وافتحت الباب ولقت هديل تصيح وشوق قاعده على طرف السرير... شوق:مشاعل ليه قمتي؟ مشاعل(ما ردت على شوق وركضت لهديل وحضنتها وقعدت تصيح معها):حبيبتي انشاء لله بخير؟ هديل(وهي تصيح):شفتي يا مشاعل فيصل راح واخذ معه كل شي اخذ صحتي مشاعل:لا انشاء لله الدكتور قال انك بتعالجين وبتصيرين زينه هديل(بيأس):أي اتعالج مشاعل هذا سرطان سرطان يعني بموت مشاعل(وهي تمسك ايد هديل)لا بسم الله عليك من الموت تكفين هديل كلنا نحتاج لك حاولي تصبيرين هديل:مشاعل الموت حق وبعدين خلاص انا تعبت مشاعل:هديل تكفين شنو تعبتي احنا طول عمرنا 3 انا وانتي وشوق ما يصير نصير اثنين تكفين هديل انتي لازم تقاومين هالمرض وبتعيشين حتى لو غصب عنك هديل:ومن قال اني ابي اعيش شوق:هديل انتي وش قاعده تقولين في احد يبي يموت؟ هديل:اذا عايشه جسد من غير روح شالفايده من اني اعيش اموت احسن ليش تبوني اتعذب كل يوم على فراقه شوق(بجديه):هديل اسمعني عدل فيصل خلاص راح والي يبيعك بيعه هديل:لا شوق لا تقولين عنه كذا انا احبه شوق:كلنا نحب وكلنا نغلط وفيصل لازم يعرف انك انسانه وغلطتي المفروض يتفاهم معاك مو يترك كذا ليه 3سنين ما تسوى شي عنده هديل(من تعطى كلام شوق أي اهميه):مشاعل شقال الدكتور على العلاج؟ مشاعل:يقول لازم من بكره تبدين العلاج لان كل ما تاخرنا السرطان بينتشر وفيه خطر على حياتك (برجاء)تكفين طلبتك هديل ساعدي الدكتور وساعدي نفسك قبل وحاولي تصمدين هديل(برود):الله يعين بنات ممكن طلب؟ شوق:اكيد حبيبتي انتي تامرين مشاعل:قولي شتبين؟ هديل:بما ان بكره بدا العلاج والعلاج اكيد بيطول ويمكن يستمر شهور ابي قبل لا ادخل المستشفى اشوفه ابي يكون اخر واحد اطبع صورته براسي مع ان صورته عمرها ما اختفت عن قلبي مشاعل:يعني لازم؟ هديل:مشاعل انتوا مو قلتوا تامرين خلاص هذا طلبي شوق:خلاص طيب اهدي انا بحاول اكلمه هديل:لا مو تحاولين اكيد انا لازم اشوفه ودقي عليه الحين شوق:الحين هديل الساعه 11 اول مره اكلمه وادق عليه الساعه 11 هديل:شوق تكفين كح كح مشاعل(خافت على هديل):خلاص شوق كلميه شوق(بدون نفس):اوكي اخذت جوال مشاعل لان فيه رقم فيصل راحت للصاله الصغيره في قسم هديل جلست على الكنبه ودقت عليه... فيصل(بدون نفس):الو شوق(من صوتك ما تبشر بخير):الو فيصل انا شوق فيصل:اذا بتكلميني عن هديل وفري على نفسك شوق:فيصل انا ابي اقولك ان هديل تعبانه وتبي تشوفك قبل لا تدخل المستشفى فيصل:لحظه أي مستشفى وهديل ليه تعبانه؟ شوق:هديل ....فيها سرطان دم وبكره بتبدا العلاج ويمكن ياخذ شهور عاد هي تبي تشوفك قبل لا تدخل فيصل:وهذي كذبه جديده واذا تبين تكذبين ماله داعي تفاولين على صديقتك شوق(عصبت منه):اذا ما تبي بكيفك بس انا ما كذبت وانا اصلا ما دقيت الا عشان خاطرها تبي تشوفها ولا لا؟ فيصل:موافق بس وين؟ شوق:مدرى راح اسالها وارد عليك مع السلامه رجعت شوق لهديل واول ما قالت لها ان فيصل وافق بغت تطير من الفرحه مجهزه له كلام كثير ودها تقوله قبل لا تدخل عالم الموت... ************************* كانت قاعده في غرفتها وماسكه صورت زوجها وبنتها حضنتهم وقعدت تصيح من الالم الي بداخلها... ام هديل:شفت يا حمد شصار فيني انت رحت وهذي بنتك بتروح الدكتور يقول بيعلاجها بس انا ادرى ان العلاج ما منه فايده بتتالم على الفاضي بس يارب يارب اشفى بنتي الله يخليك انا مال بالدنيا غيرها ابوها راح وخلها برقبتي امانه ليه ليش تمرض وانا اكبر منها ما صار لي شي استغفر الله استغفر الله اللهم اني لا اسألك رد القضاء ولكني اسالك الطف فيه... ما حست الا باب غرفتها ينفتح شافت امها داخله ركضت لها وارتمت بحضنها تبكي تبكي على سنين من عمرها قضتها وهي تعاني مع زوجها والتاريخ يعيد نفسه وترجع تعاني مع بنتها,امها حضنتها بكل حنان وحب من ام لبنتها... |
رد: رواية طلبتك لا تحاكيني