جلسة
باللهجة الخليجية
بيوم اجتمعنا بجلسة وكل عاشق يوصف حبيبه
وبدا الحوار بينهم والتحدي من هو يكمّل ويجمّل عشيقه
سألنا الأول انت ويش يعجبك فيها؟
قال بصوته العالي الجريء:
احب روحها الطيبة الزينه
وما يهمني شكلها..حتى لو كانت ظعيفه ولا متينه
واحب ماتنام اليل..اعذبها بحبّي..وان يوم بعدت عنّي...اقتلها وبتصير جريمه
وسألنا الثاني..وانت ايش يعجبك فيها؟
قال:
احب جمالها وخصرها النحيل
وكلامها العذب وشعرها الطويل
ولبسها الظيّق الشفّاف والقصير
وماحب تقول عن كرامتها وعزّتها وماحب تكتب ليّا تقرير
وسألنا الثالث (بعد مالخجل تملّك شعوره).. وانت ايش يعجبك فيها؟
قال:
مدري يا ساده ويش اقول
كيف اتغزّل فيها ولا هي ليلى ولا انا المجنون؟
وهي اكبر من كل الصفات
واطهر من ايّة ظنون
اعذروني
ماقدر اوصف مَن أحب وهذا التحدّي
أكيد جنون
وسلامتكم.
|