ستآآرتي مجروره
ستآآرتي مجروره
ستآآرتي مجروره
,
لاجاء المطر وستارتي مجروره ..
وشفت الغيوم وصحصح استرخائي !!
وأصبح مداج الرجل يغلب شوره ..
وتسابقت الآراء قبل ادلائي !!
وروّحت صوب الرجم لأجل آزوره ..
بأشوف قريتنا وأجرّ غنائي !!
ياكثر ما آجي الحارة المهجوره ..
لاميّلت قبله وثقل ردائي !!
أجي لها لأجل استعيد الصوره ..
وأشاهد الباب القديم المائي !!
هذا المكان وذي دريشة نوره ..
وهذا الممّر الّي بدأ به دائي !!
والمدرسه وألواح قول الكوره ..
والمسجد الي كان عندي نائي !!
وهذا مكان الصّف والسبّوره ..
ودرج عليه كتابتي وامضائي !!
مع بيتنا المتواضع بديكوره ..
وسراجه المتهالك الحربائي !!
وذي غرفتي وأشيائي المنثوره ..
والدفتر الّي به ضعيف املائي !!
وهذا الزّمان الي مضى بشهوره ..
يهدم وكّنه بالنشاط مرائي !!
وهذي تضاريس الزمان ودوره ..
تنحت وكنها في صميم أحشائي !!
اشتقت ياريف العمر وزهوره ..
ياراحتي يامختزل ضوضائي !!
اشتقت لأعذاره وزود قصوره ..
وتمريري التقصير باستغبائي !!
وسوست من طول الفراق وجوره ..
مابين قاسي صحوتي واغمائي !!
رتّلت في القرآآن سوره سوره ..
ابغي بذكر الله يزول اغوائي !!
يخزي العذول والالسن المأجوره ..
لامن حكوا بك زاد فيك اطرائي !!
في زعلتك في ضحكتك أمّوره ..
حتى الزعل منك يزيد اغرائي !!
أحب روغة عينك المشهوره ..
وافهائتك واسلوبك التلقائي !!
من كلّ شيّ فيك نار ونوره ..
ياضيقتي لاجات يافيحائي !!
ماكنك الا بقعة ممطوره ..
صباحها غيم طغى بأرجائي !!
زهر الرّمال وعندب الجافوره ..
شكل وطعم والعود سامرّائي !!
ثقل الشّيوخ ونخبة المقصوره ..
نجدي الطبايع والدلع تيمائي !!
يا انعم من الديباج ياديجوره ..
ياخلّي المذكور ياعنقائي !!
يمين وصلك بالعطاء مقصوره ..
أما الحكي كنك حفيدة طائي !!
انتي الغرام البكر والباكوره ..
وانتي الغلا من الألف حتى يائي !!
مستقبلي وروايتي المأثوره ..
حبيت لكن حبك استثنائي !!
الشوق عندي لك تفوح قدوره ..
ريح اشتياقك بعثرت أشيائي !!
ياحي زولك يالغلا الأسطوره ..
مشتاق لمناجاك ياغنّائي !!
حبك زعيم في الحشاء له ثوره ..
شعب اشتياقي لك نوى باقصائي !!
اشتقت عند الباب اناجي نوره ..
الازرق الي صار لونه مائي !!
//
ل/ شآعرهآ:
.. محمد آبن فطيس ..
|