ليه الدمع ياقلبي
ليش الدمع يا قلبي ترى دمعك عَلَي غالي
أنا مالي بهَالدنيا سِواك أحدٍ يواسيني
دخيلك حتى لُو صاحَت جروحك ترفُق بحالي
أخاف صياحَها يحي جروحٍ مَيِّتَه فيني
صِعيبه و الله هالدنيا على مثلك و أمثالي
صغارٍ عَالحِزن لكن أبَت تستوعِب سنيني
سِقَتني المُر في عُمرٍ شرَب بَه غيري الحالي
و كِل ما صِحت يادِنيا ذِبَحني المُر..تسقيني
وحيد عِشت اْنادي الفَرح لِجروحي و لا جالي
رَحَلت بكِل صُوب و ما لقيت إلي يداويني
و تراها ما غدَت تَفْرِق مَعِي لُو طال تِرحالي
أنا أصلاً سِكَنت الجَرح و ضاعت بَه عَناويني
عَشقْت الحزن مُو برضاي.. عيَّا الوقت يصفالي
و يوم إنه رِجَف دَمعي ذِبَحتَه في وَسَطْ عيني
لَك الله أيش يفيد الدَّمع و لُو هُو سِيل مِتوالي
دخيلك تمسح دموعَك ترى ها لدمع يشقيني
مِصير جروحِنا تذبَل قِصَر هالعُمر أو طالي
و إذا جرحك أبَى يبرى بَضمِّده بشرايني
|