رد: متى ياحزني تتركني وانا إجازيك بالهجران
متى ياحزني تتركني وانا إجازيك بالهجران
دفعني ظلام الوقت والبارق اللي لاح
لعله ينورلي طريقي بمسرايه
بديت اتفقد واقعي والظلام انزاح
عن الكون لكن داخلي ماله نهايه
شيكت الظلام اللي دخل خافقي واجتاح
بقايا الامل لكن على الله مشكايه
متى تنجلي ياهم من داخلي وارتاح
وتصبح ترفرف داخلي للفرح رايه
رسمت العداء بيني وبين اصغر الافراح
وصبرت وصبرت وجيت كلي من اقصايه
عطيت الزمن لكن يدين الزمان شحاح
قتل فرحتي واغتال حلمي بدنيايه
وضعلي على مبدا طريق النجاح اشباح
وعزلني وغربني لوحدي وانا تايه
بعد تهت ياباب الامل لو معي مفتاح
تموت الوسيله كل ما ماتت الغايه
ولا يازمن يكفي من الماضي اللي راح
معاد احتمل طعنه من ايامي الجايه
مصيبه جنيت الشوك وانا اغرس التفاح
حكاية زمن لو الزمن كله حكايه
مناخ الزمان اللي بشتى الهموم اجتاح
وسط خافقي ماغّير اصلي ومبدايه
|