ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر أصعب الحظات يوجد هنا أصعب الحظات القصص , الخواطر , الشعر قصائد حب و خواطر عشق و ما يبوح به قلمك


 
قديم 10-20-2010, 06:30 PM   #1

عيون بلا نوم

:: كاتبة مميزة ::

الملف الشخصي
رقم العضوية: 84800
تاريخ التسجيـل: Oct 2009
مجموع المشاركات: 764 
رصيد النقاط : 0

وردة متحركة أصعب الحظات


أصعب الحظات

صدقوني أصعب الحظات وأقسى ..لاغدا الرجال يكسر خاطر{أنثى}!!


الطفوله ..

أحلى مافي هالحياه
مرحله من غير هم
كنّا دايم نبتسم
كنّا حتى لو بكينا ... وجارت الدنيا علينا
بعد لحظات وثواني ...
بسمه فينا ترتسم

كنّا نركض
خلف كوره ... ( لا لا أنا ماكنت معهم؟ )
وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم( كوبري )...
صلّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزني كان حارق
كان يسألني براءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تثابق )؟
وراح عنّي ... !!


كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجابه...
أحظن الحيره وأنام .

مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...! وش يناظر ؟؟
وتفجّر في خفوقي
ألف ضيقه
وحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطور !!
قلت في نفسي ياهوه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيه أنا توي افتكرت
...
لي قصيده ...
كنت ناشر معها صوره
بس صوره ... ياسلا م
وفاجأتني ...
لمّا صارت لي قريبه ... كانت تتمتم بطيبه
{يكسر الخاطر حرام} !!!!!
وتركت دمعه غريبه ...
وضاعت بوسط الزحام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب الحظات وأقسى
لاغدا الرجّال يكسر ... خاطر انثى
كيف ينسى ؟؟؟
جاوبوني !

وزاد همّي ...
يوم فكّرت بوظيفه ... ثم زواج
أي وظيفه ... وأي زواج ؟؟
الي مثلي ...
مهما طالب ... لويلف ولو يدور
زين لو حطّوه كاتب
لا ... وعلى بند الأجور ....
ماهو رسمي !!!
صدقوني لو تدرّج ... وصار راتبه ايتصاعد
وابتدا وضعه يزين
ما أظنه بيتزوّج ... حتى لو بعد التقاعد >>!
>>وفي النهايه ...
يابلدنا... مهما كانت( تسميتنا )
عاجزين ...( معوّقين )
لك عهدنا... وذا قسمنا:
>>
أقسم بالله العظيم ... منزل الذكر الحكيم
أن أصونك يابلادي ... من شرور العابثين
من مطامع كل حاسد ... من نوايا كل فاسد
وإني لك حصنٍ حصين
إنتي ناديني وشوفي ... لا نويتي بالجهاد
والله أقهر لك ظروفي ... دامك إنتي لي بلاد
وباسم كل العاجزين ...
دام فينا أصبع يطول الزناد
لا يهمّك يابلادي ...
واهزليها
اعجبتني ونقلتها لعيونكم وابي رايكم فيها

 

أدوات الموضوع



الساعة الآن توقيت السعودية الرياض و الدمام و القصيم و جدة 04:13 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0