كل السوالف ياحزينه تناهيد
والصمت دمع ماتدله كفوفي
أحس به بين الجفا والمواعيد
عند المكان اللي تعب من وقوفي
مليت أصارح هالسهر حزن وأعيد
قصة غيابي مع متاهة ظروفي
حتى بدالي أقرب أصحابي بعيد
مدري قصر دونه مع الوقت شوفي
والضحكه اللي غيبتها التجاعيد
مابردت من ضيعت العمر جوفي
ياليت لو هامي على حيلتي جيد
ماكان زاد من المقابيل خوفي
ياليت في يدين الندم بالرجاء قيد
ما كان طار ت من ضلوعي شفوفي
وياليتها لاستنكرت وجهي البيد
يغيب صوتي وتكلم كتوفي
يافارقه في عين شوقي عن الغيد
أنسي تعب حالي وبحت حروفي
هاتي معك من فرحت الناس بالعيد
ودي أحس بهالزمن كيف يوفي