لاهل جده .......واللي يحبها
لاهل جده .......واللي يحبها
بنات ايش رايكم في اللي صار بجده وكلام د.ابو راس قبل شهر انه يارب ينزل مطر ليزرل مخاوف اهل جده
ونفسي اسالكم!!!!!!
ايش رايكم في الوضع وانه انا افتكر لما كنت صغيره تنزل زي هذه الامطار بس ما يصير تسونامي
انا يوم الاربعاء الاسود كنت محتجزه انا واولادي في الاندلس مول وما ادراكم ايش صار في الاندلس
والله هذا المبنى كانه بسكوت المطر يصب من كل مكان وفاتحين كروانات بس تمتلي مويه حتى في الممرات
ومن فوق وربي يشهد من نفس اللمبات حوليها تصب مويه انا قلت المكان حيكهرب والله شئ مرعب ويخوف
في شباب وقفوا سيارتهم قبال الاندلس وجوا سباحه والله سباحه.............
وفي بنات ومدرسات اهاليهم امروهم يباتوا هناك واتجهوا للمسجد.تخيلن
المهم انا خرجت بطلوع الروح الساعه 10 في الليل
بس الين متى بنعيش زي كذا في ناس عايشه مستوره وفي يوم وليله صاروا بالشارع!!!!!!!!!!
في ناس صارت عندهم وفيات يا الله ارحمنا وارحمهم برحمتك..الخ الخ الخ
اتمنى اشوف الردود بس بعقلانيه وبدون تجريح في احد .......مع حبي الكبير لجده واهل جده
ياناس انا بنت جده اللي ولا مكان شفته او زرته في العالم يغنيني عن جده انا سمكة بحرها
لو خرجت بمو و و و و و و و و و ت والله ما ابالغ اعشق مدينتي عشق بلا حدود...
وسلمت يا جده لنا ولمملكتنا العزيزه..
|