دمعة قهر
شفتك ولا حطيت عيني بعينك *
خايف عيونك لا تنادي عيوني
واخضع وانا عندي خضوعي بيديك *
أكبر مصيبة فيك عالم جنوني
يا نور عيني لا تبين حنينك *
كلً يهون إلا انت لا ما تهوني
ودي بقربك بس ويني ووينك *
جور الليالي صار دونك ودوني
ابعد في امان الله والله يعينك *
قلبي على عهدك حشى لا ما يخوني
ونين قلبي ما يعادل ونينك *
همي كبير وغير الوقت لوني
اهين كل اللي يفكر يهينك *
حبك يداعب خافيات الشجوني
هذي يميني ضمها في يمينك *
هذي ديونك وانت عطني ديوني
|