قصةالبنت من صغرها الى المراهقة

:3_4_8[1]: قصةالبنت من صغرها الى المراهقة

--------------------------------------------------------------------------------

جيتي على هآلدنيآ .. مولوده بريئة .. أمك وأبوك فرحآنين إنك نورتي دنيتهم ..

والكل يبآرك لهم ويقول يآرب يحفظهآ ويجعلهآ ذخر لكم ..

مرت الأيآم وكبرتي .. إنتِ تكبري سنة وأمك وأبوك .. يشوفون حلمهم فيكِ يكبر ..

طفلتهم تكبر قدآم عيونهم .. ينآظرونها على أسآس إنهآ الملآك البريء .. اللي مهمآ كبرت تظل بعيونهم صغيرة ..

آمك وآبوك رآسمين بآلهم إن دلوعتهم حتكون شيء كبير بالمجتمع وحترفع رآسهم ..

رأسمين بآلهم يوم يزفونك على بيتك .. ويشوفون أحفآدهم ..

طفلة .. بعيونهم وآحلآمهم فيهآ .. كبيرة ..

مشيت الأيآم .. يوم ورى يوم .. وبنتهم تكبر قدآم عيونهم ..

ي الله دلوعتنا نجحت بالإبتدائي .. وطلعت الأولى على فصلهآ .. بدينآ نشوف ثمرة مجهودنا على دلوعتنآ .. وآول ثمرة نجآحهآ ..

عديتي من مرحلة الطفولة والإبتدئي ورحتي للمتوسط .. وكبرت أحلآمك وكبر تفكيرك .. تشوفين وتسمعين ..

بنظر نفسك كبيره .. لكن بنظر أهلك طفلتهم البريئة ..

وبدأ الغزو .. من أصدقآء السوء تسمعين فلآنة عرفت لها شآب وإنها تكلمه بدون محد يدري ..

وطلع لها جوآل ويشحن لهآ .. ولآ فلانة الثانية طلعت مع اللي تحبة 10 دقايق لفه بالسيارة ورجعت المدرسة ..

إحسآس غريب حسيتي إن في أشيآء كبيرة بالمجتمع إنتِ غآفلة عنهآ ..

وبدأ شعور ( الفضول) .. الرغبة ب إنك تجربي وتغامري وتشوفي .. لكن في آشيآء كثيرة تمنعك وآولهآ .. إنك مآتخوني أمك وأبوك وطموحهم ونظرتهم لكِ ..

ورجعتي عن فكرتك وقرآرك .. لإنك فكرتي بعقل .. فكرتي باللي شآيفين فيكِ دكتورة المستقبل أو معلمة المستقبل .. أو أم المستقبل ..

وبعدت دلوعتنا عن غزو صديق السوء .. وخلت حيآتها ومستقبلها أهلها ودراستها ومستقبلها ..

ودخلت صغيرتنآ مرحلة الثانوية وأمامهآ مستقبلهاآ ودرآستهآ ..

أول مآدخلته حست إنها بعالم كلة وحوش على هيئة أشخآص .. حست إن روح البرائة مآتنفع ولآ ( تأكل عيش ) بهالعالم ..

حست إنها كبرت وآحلآمها كبرت أكثر منهآ .. أصرت يكون هدفهآ وطريقهآ سليم .. مآتغيره ولا تغير نظرة أمها وأبوها ..

كآن شعآرهآ .. ( سأظل فخر والدآي ولن أتنآزل ..) ..

وبدأت تعيش مرحلتها .. والمعروف إن البنت بهالسن محتاجة حب وحنان ورعاية وسؤال .. أمها وأبوهآ قصرو معهآ .. عشآن آخوآنهآ .. ورعآيتهم ..

حست الطفلة المدلله إنها محتآجة للحب والرعاية .. حآولت تغطي فرآغ العاطفة اللي تعيشه بالدراسة ..

لكن .. بيئة ومجتمع الثانوية كآن آقوى منهآ .. وبدأت تسمع كثير وزآدت الرغبة عندها إنها تشوف العالم الثآني .. يقولون إنة عالم كله حنان وحب قآلت خليني أجرب وش ورآي ..

فكرتي كثير .. لكن رغبتك كأنت أقوى منك ... وداست اول خطوه وطاحت بسلم خطوه ورى خطوة .. هيا كذا تبدا بخطوه فضول احيانا ..

.. ي الله هديتي أمال ونظرة أمك وأبوك فيكِ .. هديتي أحلآمك وطموحاتك وأعتبرتيهآ أحلآم وردية لا محل لها من الإعراب ..

قررتي تجربين هالعالم وتدخليه .. بغرفتك ولوحدك محد يشوفك .. لكن نسيتي إن الله يشوفك

أخذتي رقم الشاب أو إيميلة .. من صآحبتك .. وبدأتي تكلمينة .. أول مرة كنتي ترجفين لأنك بنظر نفسك قبل دقآئق كنتِ البنت الطآهرة البريئة والحين لآ ..

بدأ الموضوع كلآم سطحي .. وبعدها بديتي ترتاحي له لأنة يشكي همه لكِ..

وبآدلتيه بالشكوىآ وبدأتي تشكي همك .. له

التشابة بينكم في التشكي لكن الإختلاف بالنوآيآ ..

وأستمر الوضع .. بدأ الشاب يهتف بعبارات الحب والعشق .. لكِ ..

أخذكِ لعالم تملؤه الأحلآم ..

وقدر يجيبك الذئب ويشبع رغبآتة الحقيره ..

هتكتي سترك .. وهديتي أحلآمك ..

رآح كل شيء بلحظة ..

أخذ منك اللي يبيه .. أشبع رغبآتة الشيطانيه بالكلآم حتى أخذ أغلى مآعندك ..

عرضك وعرض أهلك ..
.. يوم قلتي له تزوجني .. قال لا انا بنت عمي لي ...ايش الفرق بيني وبينها ...الفرق انها ماسمحت لنفسها تكلمني ..

..

لم يبقى سوى العار والخزي .. والسبب لحظة ضعف ومغامرة

مآفكر إنك كنتِ تتمنيه يجيك ع الحصان الابيض ويآخذك .. تكملون حبكم وحيآتكم .. لكن النوآيآ هي الفرق بينكم ..

و.. {آنتهت قصة ملآكنا البريئة ..~

إنتهت بالطريقة اللي ماتمنتها لعدوهآ حتى ..

.. آنتهت بنعدآم الثقة من أمك وأبوك ..

ي الله .. خسرتِ الثقة .. وبدل مآتكوني ثمرة نآضجه آصبحتِ ثمرة ( خربآنة )

لقآرئآت القصة القصيرة ..

ترضين تسلكين هالطريق .. وتكون نهايتك مثل نهاية البنت هذي ..

ترضين تكون نهايتك عار وخزي ..؟

يآما سمعنا عن قصص تخوف .. وما اتعظنا .. متى راح نتعض ونفكر ..

متى رآح نكون نآضجآت .. مآنلعب .. ولآ نتونس ولا نونس غيرنا على حساب ثقة أمنا وأبونآ

انتو عزيزات بعفتكم .. مصونات بكرآمتكم .. انتو اسمى واعلى من انكم تمشين بطريق نهآيته عآر ..

خليكم عفيفات وشريفات بكل مكآن وبكل زمآن .. وين مآ كنتم عطآءكم بالخير والايمآن معروف ..

وثقو ان الله رآح يعطيكم على قد نيتكم .. وربي مآيضيع انسآن خلقه ابدآ ..

ثقو إن الرسائل الخاصة اللي تجيكم بالمنتديات ( اسف اختي ع الإزعاج بس اسلوبك شدني ، أو ، ممكن نتعرف ، أو ، ممكن نصير أخوان ..)

كلهآ .. خطوة اولى .. لتعلق قلبك ِ به ..

حطو اهاليكم اللي شقوا عليكم وتعبوا حتى شافوكم كبار ومتعلمات ومو نآقصكم شي ..

حطوهم قدآم عينكم .. يرضون لحبيبتهم ومدلتهم هالشي ؟؟

أخيرا

لنضع الله تعالى امامنا في كل خطوه نخطوها .. ولنعلم هيا تبدا بخطوه قد تكون هذه الخطوه بدافع الفضول ..!!

الموضوع منقول وهو مفتوح للجميع ولكن خصصت العنوان للبنات فقط لأنه يهم البنت أكثر من الشاب ولا مانع من أن يذكر لنا الشباب موقفهم من فتاة قبلت بأن تتبادل معهم كلمات الغزل والحب وموقفهم من الفتاة التي تقبل بالخروج مع الشاب بحجة ما بينهم من علاقة ....وجزا الله الجميع كل خير وأبعد عنهم شياطين الأنس والجن...

هههه مرره حلوه يعطيك العافيه

شكرراياقلبي عل مررور

مسكينه البنت مشكوره على القصه

مشكوره

	#2
شموخي اكبر همومي	رد: قصةالبنت من صغرها الى المراهقة قصةالبنت من صغرها الى المراهقة هههه مرره حلوه يعطيك العافيه

	#3
ميمة الساعدي	رد: قصةالبنت من صغرها الى المراهقة قصةالبنت من صغرها الى المراهقة شكرراياقلبي عل مررور

	#4
الـبـرنـسـيـسـه	رد: قصةالبنت من صغرها الى المراهقة قصةالبنت من صغرها الى المراهقة مسكينه البنت مشكوره على القصه

	#5
ام الكتكوت	رد: قصةالبنت من صغرها الى المراهقة قصةالبنت من صغرها الى المراهقة مشكوره