 |
  |
|
|
|
|
#1 |
|
مشرفة فى فترة اجازة |
قلتلى زمان انك بتحبنى ومازلت بتحبنى وحبك ليا اكتر من حبى ليك بكتير بكتير ومع مرور الايام والسنين كنت بحس بحبك الكبير بحنانك بافعالك برغم اختلاف افكارنا وقتها لكن !! اكتشفت الان بعد السنين دى كلها ان حبك مختلف عن حبى برضو من حنانك وبافعالك! لما الدنيا تلعب لعبتها ويانا انا وانت ومرة تسايرنا وتفرحنا ومرات كتير لابد بتبكينا واتحير من كمية الاشواق اللى جوانا فى خضم الصراع اللى بينا وما بين هجران وجفاء وفراق لقيتنى عايزة افضفض وبفضفضة منى وغنوة من الست ندندن سوا لما تسالنى وتقولى الحب ايه ياعمرى اقولك الحب مش مجرد كلمة بنكتبها ع الجدران وعلى غصون الشجر علشان يبقى خالد مع مرور الازمان ولا كلمة تتقال فى مناسبات خاصة عشان نعبر للى بنحه وخلاص وافكره فى يوم هدية اديتهاله الحب باختصار روح مليانة دفى وحنان طيبة واخلاص الحب تلقائية وعطاء حالة من الجنون بعقل حالة من الرضا والتسامح الدائم على الحبيب بسخاء لما احتاج واشتاق احتاجلك انت واشتاقلك انت ما اعرفش طريق لاحتياج والاشواق الا طريق حضنك انت فكرى وانشغالى وحبى وتضحياتى ما يكونش الا ليك حتى لما ازعل منك روحى تشتكى منك اليك وتعاتبك ودموعى ما تنزلش الا وانا فى حضنك وبرغم زعلى وصدى وخصامى الا انى ما ارتاحش الا ولفة دراعك حوليا وايدك بتطبطب على راسى بحنية وانت بتوعدنى انك تاخدلى حقى من اللى مزعلنى وتعب قلبى وياه الحب كده حبيبي ..... لما يوعدني تبات الدنيا ضحكالي ولما وصله .. . يسعدني ما فكر باللي يجرالي ينسيني الوجود كله ولا يخطر على بالي ولما طبعه... يتغير وقلبي يبقى متحير مع الأفكار أبات في نار وفي حيرة تبكيني وبعد الليل يجينا النور وبعد الغيم ربيع و زهور الحب ايه ؟! الحب مش تملك ولا انانية لكن من حقى اقولك انك من قبل ما اتولد ولا عنيا تشوف النور انك مكتوب تكون ليا ومن حقك تقولى نفس الكلام واكتراشوية ومن غير ما تقول انا وهبت نفسى ليك هدية بس دا ما يمنعش تحب الناس اشوية واكيد حب الناس ياروحى مختلف عن حبك ليا * * * يعنى ما تجيش تقولى فى بلاد الغربة فى كام سفرية وفى بعدك عنى واشواقك ليا انك ممكن تبات فى حضن غير حضنى او حتى تفكر او تحلم مجرد حلم معدى ولو فكرت وحصل وضعفت مرة هزعل وهبكى وهحزن بس مين يمسح دمعتى فى بعدك ومين هشتكى له من بعدك وازاى هشتكى منك اليك وحضن مين هترمى وبحنية بايده يطبطب عليا الحب كده حبيب قلبي يا قلبي عليه ولو حتى .. يخاصمني ويعجبني خضوعي إليه وأسامحه وهو ظالمني وبعد الغيم ما يتبد و بعد الشوق ما يتجد غلاوته فوق غلاوته بتزيد وصله بيبقى عندي عيد وبعد الليل يجينا النور وبعد الغيم ربيع وزهور الحب مشاركة فى الفرح والاحزان تشيل عنى وعنك اشيل ما ندخلش حد بينا مهما حصل مهما امواج الحياة جرفتنا لبعيد والقدر باعدنا عن بعض لبعيد ومن ادينا نعمل جسر ما بين قلبى وقلبك عشان اوصلك وتوصلى وبالاحضان تاخدنى ولما الإله يقدر مماتى عنيا ما تشوفش غيرك شايلنى بين دراعاتك وبدمعة من عينك تغسل وتطهر جثتى واشوفك زعلان ومهموم على رحيلى وبعد ما أرحل عن دنيتك وبعد سنين ما تعدى وانا مش وياك تفتكرنى وما تنسانيش تشوف حوليك هتلاقينى معاك روحى بتطيرياما هنا وهناك هتلاقى صورتى فى كل ركن فى بيتنا زمان هتلاقينى فى كل زاويا وارجاء هنا كنت بضحك وياك وهنا ك كنت فى مرة مخصماك ومرة اكلة حلوة بتحبها طبخالك ومرة على ضوء الشموع سهرة جميلة عشناها سوا ومرة كنت بكى فى حضنك بشتكى منك اليك الحب كده يا سعد اللي عرف مرة حنان الحب وقساوته وياذله اللي طول عمره ما داق الحب وحلاوته تشوفه يضحك وفي قلبه الأسى و النوح قلبه عايش بلا روح والحب هو الروح حبيب قلبي وانت معاه بحبه في رضاه وجفاه أوريه الملام بالعين وقلبي الرضا ناوي بيجرح قد ما يجرح ويعطف ثاني و يداوى |
|
|
#2 |
|
|
رد: كل عيد وأنت بخير
يشرفني اني اكون اول من يرد عليك
يعطيك العافيه عالاحساس الرائع |
|
|
#3 |
|
|
رد: الحب ايه الحب كده
 |
الحب ايه الحب كده