عطيني خمس مئه واقولك زوجك تزوج عليك ولا لا

السلام عليكم ورحمة الله وبركاته

يقول احدهم

هذه قصة سمعتها ويقول ناقلها انها حقيقية .

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلوها المدرسات سلامات وينك يامديرة ؟

قالت لهم باركولي تزوجت .

قالوا مبروك يامديرة ولكن منهو زوجك ؟.

قالت لهم بصراحة زوجي هو زوج وحده منكم 0.

المدرسات تكفين علمينا أي وحدة منا ؟

قالت المديرة والله ما أعلمكم 0

المهم لزموا عليها فقالت لهم أنا منيب متكلمة اللي تبي تعرف هل هو زوجها وإلا لا تجيب بكره معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقوا المدرسات على الطريقة .

ويوم جاء بكره وكل وحدة مزهبه معها الدراهم .

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أوه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلوا بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلوا عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالوا لين الحين مابين شي والمديرة عيت تاخذ الفلوس لين نحضر كل المدرسات ( يلعبون عليها بس يبونها تجي عشان يتطمنون إنها هي لأنه مابقى إلا هي ) وقالوا المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدوا يسمون على المدرسة ال 24 عشان ماتنصدم .

دخلت المدرسة الأخيرة غرفة المديرة وحطوا باقي المدرسات ايديهم على قلوبهم وحطت المدرسة الخمسمية على الطاولة وضفتها المديرة .

يوم طلعت لقوها عايدية وماصار شي وفلوسها أخذتها المديرة .

قالوا يابنات فيه وحده منكم ماخذت المديرة دراهمها ؟

قالوا لا والله كلنا اخذت دراهمنا .

ودخلوا المدرسات على المديرة وقالوا اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية والله كنت مريضة هاليومين . ولكني اطلبكم قبل شهر تدفعون على مية ريال نصلح المصلى ولا وحدة منكم دفعت قلت والله لأدفعكم 500 ريال نصلح المصلى ونشتري مصاحف وقف للمسجد .

قالوا المدرسات بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .

انتهت القصة واتمنى تكون اعجبتكم .
منقول:sdfsd::5_1_123v[1]::11_3_2[1]::11_3_2[1]:

صدق تهون الدراهم

سلمت يداكي

هههههههههههههههههههههههههههههه ههه

عجبتني كتير

بس بستاهلو المعلمات

يسلمو ياعسل

	#2
نور المسأ	رد: عطيني خمس مئه واقولك زوجك تزوج عليك ولا لا عطيني خمس مئه واقولك زوجك تزوج عليك ولا لا صدق تهون الدراهم سلمت يداكي

	#3
♥نسمة حريه♥	رد: عطيني خمس مئه واقولك زوجك تزوج عليك ولا لا عطيني خمس مئه واقولك زوجك تزوج عليك ولا لا

	#4
ام عبدالله ترضينا	رد: عطيني خمس مئه واقولك زوجك تزوج عليك ولا لا عطيني خمس مئه واقولك زوجك تزوج عليك ولا لا ^_^

	#5
سندس القدس	رد: عطيني خمس مئه واقولك زوجك تزوج عليك ولا لا عطيني خمس مئه واقولك زوجك تزوج عليك ولا لا هههههههههههههههههههههههههههههه ههه عجبتني كتير بس بستاهلو المعلمات يسلمو ياعسل