|
#1 | |
:: كاتبة مميزة :: |
كل وحده تدخل تكتب موقف من طفولتها
صباحكم / مسائكم ورد ...
من احلى مرحله من مراحل العمر هي الطفوله ... و كل واحد عاشها بمواقف حلوة ... و كنا تنصف بالبراءة و الغباء ... و كل حد عاش مواقف في طفولته كل ما تذكرها يظحك ... فحبيت اني اسوي موضوع و كل وحده تدخله تكتب موقف يظحك عن طفولتها ... و انا بدأ . . . اذكر يوم كنا صغار في العيد دايما نجتمع في بيت يدتي " الله يرحمها و يغمد روحها الجنه " و نبات هناك اسبوع ... طبعا نحن مسوين سداسي مرح ... كنا 6 بنات اعمارنا متقاربه ... و عاد طول الوقت لعب و ظرابه ... المهم ... و مرة يوم كنا في بيت جدتي الله يرحمها في ثاني يوم للعيد ... جو من ناس يزورونها ... و كان عندهم بنت بعمرنا و وللد كمان بعمرنا ... المهم قالولنا ادخلو و العبوا معاهم و عاد نحن ناوين عالشر ... دخلنا و سمعنا البنت تكلم اخوها و تأشر علينا شكلها تحش ... و ما اعرف اي لغه بيتكلمو ... شكلهم مب عرب ... المهم و نحن اوننا عاد ما نرضا يحشون فينا ... و كان في الغرفه كبت مررة قديم من خشب و الباب مقشر و عالزاويه شبكه عنكبوت و الريحه تجتل الواحد مررة عفن ... المهم كل انواع الارف ... فجينا اونه بنلعب معاهم الغميضه ... وحده تطلع برع و الباقين يستخبو (( اكيد كلكم تعرفونها )) ... المهم وحده منا طلعت و لما جينا نستخبا قلنا لهم ادخلوا الكبت ( طبعا اشرنالهم لانهم ما بيفهمو ) و هم و حلينلهم دخلوا و نحن على طول ركظنا و قفلنا عليهم الكبت و هم بيصرخوا و بيدقو الباب تبع الكبت و نحن نظحك ... الين ما جت جدتي و شافتهم و فتحت لهم الكبت و قعدت تظرب فينا و تهزأنا و نحن نبكي و هم بيظحكوا ... و هذا الموقف ما انساه ابدا و كل ما نجتمهع نحن السداسي و نتذكره بنموت من الظحك و اتمنى الموضوع ينال اعجابكم:084: ... و يلا عطونا من مواقفكم و عاد ابغي تفاعل ....:11_1_123[1]: مواضيع ذات صلة |