 |
  |
|
|
|
|
#1 |
|
:: كاتبة محترفة :: |
التكسي والباكستاني وابو بنقل
أم الحاله صدق
الحين اللي مطلع هالمثل وش يحسبه من جد شكله صامخ زقارة حشيش ؟؟؟؟ (مد رجولك على قد إلحافك) ياخي أحد قالك إشتر لحاف صغير ومد رجولك ,, إشتر واحد كبير ومد سيقانك على كيفك وإلا مسويلي فيها راعي أمثال وحكم أنت وخشتك نخش بموضوعنا هالقصه هي من خيالي وإنتاجي وليست تمت للواقع بأي صله إربطوا أحزمت الامان ولنقلع في خيالات سبونج ولد بوب كما هو معروف عني بدون ماأعيد الشريط بالشجاعه والحنكه وعدم الخوف من البس و إلخ هالمره صارتلي سالفه غير وحبيت أحكيها لكم <,,,,,,, ماعليكم مافيها بس قدر الله علي في يوم من الايام كنت أبي أروح للجامعه جيت أبي أشغل سيارتي البورش >إذا جيت تنصب إنصب على قد إلحافك قصدي إنصب على قدك خخخ المهم دقيت السلف أبي أشغل السياره ولا أشتغلت قالت هذا محلي إنقلع وأركب تكسي قلنا الشكوى لله رحت وأمشي بكل ثقل وزرانه وماشاء الله علي فيني جمال سبحان خالقي حتى البس لو شافتني راحت وطي معي وقفت على الشارع راز صدري وفيني بعض من بهارات الهياط وأشر ويوقف هالتكسي والين فيه هالباكستاني عليه هالشنب اللي مغطي فمه وجهه كنه ركبتي قال كيف خالك خبيبي <,,,,,,,بحذف حرف الحاء من الكلمات السابقه وإضافت حرف الخاء بدلاً عنها جلست شوي في دهشه وحيره من امري أتمقل في خشته <,,,,,,, أول مره أشوف شنب كدش صرآحه شوي وينفخ علي هذيك النفخه قمت أهز وسط <,,,,,,,من الشجاعه طبعا قال ايش فيه قلت ولاشي قال اركب واركب معه وانا قامط ام العافيه قال وين تبغى واسكت شوي لازلت في دهشه من امري وانا اتمقل في خشته وأقول بنفسي سبحان اللي خلقك وصورك وينفخ مره ثانيه قال إنتا مجنون إنتا شراب وسكي <,,,,,,, أبوك حي اللي شارب وسكي ولا يشوف شنبك هاللي كنه عشة حمام قال وين تبغى قلت أبي جامعة الملك سعود قال عشرين ريال قلتله ليش عشرين ,,, ويقوم يتمقلني شوي قال تبغى وإلا إنزل قلت عشرين عشرين الشكوى لله شوي خلني أتاكد معي عشرين!!<,,,,,,,قاعد أقول بنفسي الله لايهنيك بها انت ونسافات الدسن اللي بلوزتك واجي أدور لبوكي ويجيني هاك الغصه بحلقي قلت بنفسي رحت فيها ياسبونج ,, طلع البوك بسيارتي ناسيه جلست شوي أهدي وضعي وأسترجعت النفس والتفت عليه بكل ثقه قلت في نفسي خربانه خربانه يامحمد أنا مافيه فلوس الحين فلوسي نسيتها بالسياره ,,, قلتها له والا ماقلتها ياجماعة الخير ويصرخ بوجهي هكالصرخه قال إيش شوي وتجيني حنكتي ودهائي وشجاعتي المعتاده وافتح باب السياره وانقز هكالنقزه وادعس ياولد وينك يالبيت فاصل ونواصل الحين بنات جده يسمونهم جداويات طيب بنات الرياض وش يسمونهم رياضيات مثلا<,,,,,,, جد والله مرسلي إياها واحد من العيال في حيره من أمره عدنا وصلنا يوم جتني الشجاعه حقتي ودعست رحت للحاره واقعد اراقبه من بعيد الين مشى وراح وارجع للسياره واخذ بوكي منها وارز نفسي ولا كن شي صار ويادار مادخلك شر وارجع للشارع واقف بكل ثقه واشر,, اذا جاني باكستاني قلت لا انتظر واحد بيجيني<,,,,,,,أجل بايع نفسي جايني واحد مركب عشة حمام بوجهه الثاني وش بيكون آخر شي وقف عندي هالبنقالي وش حليله وش زينه هو وهالزيت اللي على راسه (كنه رابح صقر بس مضلل أسود) ركبت معه بكل ثقه وشي من الهياط ,, قال وين قلت جامعة سعود بنفخه شوي ويرد علي قال مافيه كلام كذا اخ يالقهر ماسلمنا من ابو بكس ويجي هالبنقالي بعد ينافخ (مايدرون إني حاشر كل أبو قطاوة الحاره ولاعن خيرها) قلت هي اقول لاترفع صوتك <,,,,,,, بنقالي ضعيف قلنا نرد حرة الباكستاني فيه شوي ويقعد يناظرني ويبتسي انا انصدمت صراحه اول مره اشوف رابح صقر يبتسي خخ قالي من هالكلام المعروف عندهم ( ليش انتا كلام كذا انا مسكين بابا موت ماما موت جده موت ) <,,,,,,, أبوك خلاص مابقى احد من هلك الا وبحصته شوي وتخنقني العبره وبغيت ابتسي معه رحمته الضعيف اول مره احس اني قوي صرآحه ههههه وأعتذرمنه قلت خلاص ياصديق معك الكاميرا الخفيه نعرض قال اعرض ههههههههههههه ياليت القصه تنال على إعجابكم ورضاكم هي طبعا خياليه ومن راسي وليست تمت للواقع بأي صله كما ذكرت تحياتي سبونج ولد بوب وترقبوا كل جيد مواضيع ذات صلة |
|
|
#2 |
|
|
رد: التكسي والباكستاني وابو بنقل
ههههههههههههههههههههههههههه
ياحلو القصص بانتظار جديدك ياسبونج بوب |
|
|
#3 |
|
|
رد: التكسي والباكستاني وابو بنقل
|
