|
04-30-2011, 03:30 PM | #1 |
عضوة |
أفضل برنامج لتصغير مليون صورة في ثآنية مع كتابة الحقوق شرح بالصور ~
صبآآح // مسآآء الخير لأحلى عضوآآت في احلى منتدى لآحظت لدى الكثير من الفتيات مشكلة تصغير الصور لوضعها بالمنتدى ،، وانا كنت أعآني من نفس المشكله ،، لكن بعد ما اكتشفت هالبرنآمج .. صرت أبدا ما اشيل هم تصغير الصور أسمه PhotoScape ~ برنامج صغير وسهل الاستخدام وجدا بسيط وخفيف بشرح ان شاء الله باذن الله اهم اللي فيه ،، واذا عجبكم .. بحط رآبط التحميل في آخر الموضوع حجمه بس 16.3 م.ب يلآ بسم الله ~ المقدمة:~ هذي وآجهة البرنآمج ،، رقم (1): تقدرون تغيرون لغة البرنآمج من هنآ. رقم (2): المحرر .. يعدل صورة وحده .. مثل الفوتوشوب بشكل جدا مبسط ،، رقم (3): المحرر المتعدد .. وهو اللي يعدل المليون صورة في ثآنية رقم (4): ال Page .. ميزة حلوة بالبرنآمج .. لتجميع الصور بطريقة جميلة جدا ،، ** يتبع ~ اول شي ال EDITOR ~ تقدرون تفتحون الصورة من المربع الاحمر اللي على اليسار تروحون للملف اللي هي فيه .. وكل ملف يتم فتحه .. اذا فيه صور .. بتطلع في المستطيل اللي تحت المربع الاحمر .. ومنه تختارين الصورة اللي تبين تعدلينها .. وتفتح معاك .. أنا أفضل اني اروح للصورة عادي مو من البرنامج وسوي لها سحب واحطها في البرنامج ،، لأن مع حجم صور الكام من الميموري يطول ليما تفتح معي الصور والى ان ألقى الصورة اللي أبيها ،، فأفضل اسحب الصورة اللي ابغي أعدلها واحطها فيه وخلآص .. عن الحوسة - لما تفتح معاك الصورة .. راح يتفعل الشريط اللي تحت وتقدرين تعدلين الصورة من الخيارات اللي فيه ،، من خيآرات ال Home . 1- اذا تبين الصورة باللون الابيض والاسود او بالبني او ناجاتيف ،، مثال: 2- تقدرين تختارين اطار للصورة .. وفيه اشكال كثير حلوة مثآل: 3- لتغيير حجم الصورة ،، 4- لحفظ الصورة .. وتقدرين قبل ما تحفظينها تروحين لخيآر ال وشوفوا معاي شنو فيه من الخيآر 1 و 2 تقدرين تضيفين اسمك على الصور .. الفرق بينهم بسيط .. هذا رقم 2 .. محرر بسيط .. خيارات نوع ولون وحجم الخط وهذا رقم 1 .. محرر متقدم .. وفيه لو تبين تضيفين ظل او حدود للخط ورقم 3 .. وهو خيار ثالث في الشريط غير ال HOME و ال هذآ Crop .. وتختارين هالخيار اذا تبين تقطعين من الصورة .. و ما تبينها كلها ،، هذا اهم شي في ال Editor *** يتبع ال Batch Editor ~ التوقيع: نكمل .. نجي ألحين لل BatchEdior. وهذا أفضل شي بالبرنآمج .. هو اللي يعدل المليون صورة مع الحقوق في ثانية .. تحتاجين بس تسوين كم خطوة .. وبعدين كل اللي عليك تسوينه انك تسحبين المليون صورة وتسدحينها فيه .. وخلآص .. Mission compleshed ،، الخطوآت هي .. طبعا مو لآزم بترتيب الارقام الموجودة .. انا بس رقمتها عشان يسهل علي اني اشرحها .. أول شي في ال Home .. 3- اذا تبين لصورك اللي بتصغرينها اطار .. انا اختار الاطار الاسود مثل ما هو مبين .. 1- ويقع في خانة ال ReSize ~ وهنا تختارين اذا تبين التعديل يكون بالنسبة للعرض او الطول وانا اخترت العرض لأن اغلب صوري بالعرض مو بالطول 2- الحجم اللي تبينه يكون للصورة المصغرة .. هنا عندي راح يكون عرض الصورة المصغرة عندي 600 اذا اخترتي بالطول في الخانة 1 راح تقدري تغيري الرقم اللي موجود في خانة الطول اللي قيمته 400 .. وبعدين عشان تحطين حقوقك او اسمك على الصور .. نروح لل . 1- نحط صح جنب text .. 2- نضغط على رمز التحرير .. يطلع لنا بوكس في البوكس .. 3- تكتبين اسمك .. او اللي تبين تكتبينه 4- تختارين نوع الخط اللي تبينه 5- تختارين حجم الخط 6- لونه 7- عريض / مايل / تحته خط 8- درجة الشفافية 9- اذا خلصتي اللي تبين save .. واذا تبين تكتبين شي ثاني اختاري text اللي تحته نفس الخيآرات اللي فوق وزدت عليها 6- حدود 7- لون الحدود 8- لون الخط مع الحدود 9- حجم الحدود عريض او ضعيف 10- ظل للنص 11- لون الظل 12- المكان على الصورة .. فوق او تحت او وسط او يمين او يسآر 13- النص الثآني .. وخلآص خلصوا الخطوآت .. أدري تحسونهم كثيرة وصعبه .. لكنها سهله جدا وتحتاجين تسوينها مره وحده بس .. وألحين كل اللي عليك تسوينه .. انك تسحبين الصور اللي تبين تصغرينهم هنآ انا سآحبه 58 صورة من ملف ذاكرة الصور اللي في كامرتي وترآآآآ .. تصغروا الصور في ثآنية وحده بس .. وعليهم اسمي مع الاطار الاسود .. ألحين طريقة حفظهم .. 1- مكان وجود ال 58 صورة اللي ابي اصغرهم .. 3- احدى الصور المصغرة 4- حجم الصورة قبل. (قياساتها الاصليه) 5- حجم الصورة الآن. (قياساتها بعد التصغير) 6- نضغط على Convert All لحفظ الصور المصغرة يطلع لنا بوكس .. 2 ، 3 - انا اختار حفظ في ملف جديد .. 4- اسوي لهم ملف لو ما سويته قبل 5- اختاره 6- تقدرون تختارون اذا تبون تحفظونها بنفس اسمها الاصلي او باسم جديد الخيار اللي تحته .. رقم او الاسم الاصلي مع رقم .. الخ في عدة خيارات تقدرين تختارين منها 7- حفظ. وثوآني بس وتنحفظ الصور عندك بالملف مصغره وعليها اسمك وبدون تعب وكلهم نفس الحجم وبس هنا خلصنا ال Batch Editor ~ *** يتبع ال Page ~ نجي لآخر فصل .. ميزة حلوة بالبرنامج .. بكل سهوله تقدرين تجمعين كم صورة تبغينهم مع بعض 1- اختاري الطريقه اللي تبين تجمعين الصور بها .. على الشكل اللي يناسبك ويعجبك .. 2 ، 3 ، 4- قي كل خانه اضغطي على كلمة photo واختاري الصورة اللي تبينها فيها. 5- اذا بغيتي تسوين تعديلات على الصورة اللي طلعت وتبين تكتبين عليها اسمك مثلا اضغطيه وياخذ صورتك لعند رقم 7. 6- او اذا تبين تحفظين الصورة على طول اختاري الرقم 6 save وحفظيها مكان ما تبين. مثل ما سويت انا بهالمثآل .. وبس .. خلص درسنآ ان شاء الله يكون درس حلو وخفيف ومفيد لكم ويعجبكم ،، .. ان شاء ما اكون طولت عليكم ،، طبعا هذي نبذه مختصرة جدا عن البرنآمج .. فيه اشياء اكثر تقدرين تتعبثين وبتكتشفين اشياء جديدة يمكن انا ما اعرفها بعد ايه صح .. وتعمدت أخلي الصور كبيرة شوي هنا .. عشان يبآن أوضح .. وبنات بس حبيت تعرفون يعني اني تعبت حيل وانا ارتب وأنسق في الصور وأكتب وأرقم وأشرح .. وأرجع للصورة أكثر من مره .. يعني لآ تنسوني بدعوة حلوة منكم واللي يجي من الحلو حلو ارجو التثبيت وشكرا هذا رابط التحميل http:///ile/qzo9dh3/Program وهذا رابط التحميل اخر http://hotfile.com/dl/112634278/6288..._V3.5.zip.html مواضيع ذات صلة |