 |
  |
|
|
|
|
#6 |
|
|
رد: حملة إيه يعني السلفية ؟؟ مين هم السلفين والسلفيات؟
 همستنا الأخيرة  فوالله إن من دواعي سرور النفس ما نراه من تنامي التيار السلفي وزيادة المنتسبين إليه علمًا وعملاً،  والحمد لله رب العالمين، ولا شك أن هذا مما يثلج صدر كل محب للكتاب والسنة، وكل حريص على تمسك الناس بهما، ولا يكدر على المرء فرحته هذه إلا ما يقع من وقت لآخر ممن يتحاملون على السلفية والسلفين بجهل أو بسوء قصد؛ ليثير حفيظة العوام ضدهم، ويزرع في القلوب الأحقاد، بث الشبهات والتهم حول السلفية ونحن ما صُغنا هذه الحملة ، ولا بذلنا هذا الجهد المتواضع وفكرنا في عمل هذه الحملة وجعلناها للتعريف بالسلفية إلا لأنه ظلمت السلفية -وظلم السلفيون- ظلمًا شديدًا ولكن لم يمنع ذلك الظلم استمرار السلفين على نهج من سبقهم من أهل السنة والجماعة، فيقومون بنفس ما قام به سلفهم الصالح من نشر الحق، والرد على شبهات الباطل، ونصر السنة وقمع البدعة، والحرص على وحدة المسلمين على الحق ونبذ التفرق، وكان لابد من مشاركة في دفع الشكوك والتهم، والزود عن المنهج السلفي بالحجة والبرهان. لذا فدفاعنا هنا عن السلفية دفاعًا عن منهج قبل أن يكون دفاعًا عن أفراد،  هو جهد مقل تعرضنا فيه لبعض القضايا التي تدور في فلك السلفية بالإيضاح والبيان، ولبعض الشبهات والأباطيل حول السلفين بالدحض والإبطال. وكلمة لكل من هي على المنهج السلفي : جاهدي وجاهدي وجاهدي في ذات الله.. مهما ستكون ردّات أفعال من يهاجم السلفية ..ابقي ثابتة قويّة في الله... وكوني ممن لايلومها في الحق لومة لآئم... سنواجه صعوبات وستنتابنا الضيقة نشعر بالغربة... ولكن عندما يطرق اسماعنا (طوبى للغرباء) (القابض على دينه كالقابض على الجمر) (والذين جاهدوا فينا لنهدينهم سبلنا) ينتابنا السلوان والفرح ..ونعلم أن كل شيء في مرضاة الله يهون ... فلنعقد النيّة أن نتمسك بمنهج سلفنا الصالح قولاً وعملاً وأخلاقا ًودعوة في الختام / لكل من مرت من هنا وقرأت وتبين لها الحق وعلمُته ودعت له ودافعت عنه ونشرته لكنّ بطاقة شكر قلبيّة..ودعوات صادقة في ظهر الغيب.. جعلكنّ ربي داعيات إليه على علم وبصيرة..وجمعني بكنّ في الفردوس الأعلى.. واثابكنّ من فضله... اللهم آمين..  وشكر وامتنان لصاحبة الفكرة وهي الأخت الكريمة الغالية طالبة النجاة وبفضل الله تعالى ثم بفكرتها...تمّ هذا العمل المتواضع جدا. . . وشكر وتقدير للغالية : أم عاصم وفقها الله لكل خير على تصميم الشعارات والبطاقات  نسأل الله -تعالى- التوفيق والقبول، ونرجو ممن تنتفع به أن تدعو لنا بظهر الغيب دعوة صالحة تنفعنا وإياها يوم القيامة. |
|
|
#7 |
|
|
رد: حملة إيه يعني السلفية ؟؟ مين هم السلفين والسلفيات؟
 وآخيراً نترك لكن حرية متابعة مسلسلنا الشائق والماتع {{ الحلقة الأولى }} محمد : إيه ده؟ مين؟ أحمد باشا عندنا يا مرحبا يا مرحبا (أحمد ولا كأنه شايفه) محمد: مالك يابني؟ أحمد بعد ما انزنق ولازم يرد بقى أحمد : أهلا يا معلم إزيك محمد: طيب نبدأها بالسلام عليكم طيب أحمد : (في سرّه : أهلا من أولها؟) وعليكم السلام (من تحت ضرسه) محمد : مالك ياعم؟ أحمد : ماليش .. إلا قولي يا محمد هو انت سلفي؟؟ محمد: ايه السؤال الغريب ده ؟ اه سلفي وأبويا سلفي وأخويا سلفي وانت كمان سلفي و ... أحمد : لا وربنا ما انا سلفي .. اقسم بالله .. بص ياعم سيبك مني الله لا يسيئك محمد: مالك يا أحمد؟ أحمد : ماليش ياعم هو حد بقى يقدر يقول حاجة مضيقاه معاكم؟ (وهو بيبص لمحمد نظرات غريبة فيها خوف واشتباه وحذر شدشد منه) محمد: !! (مش فاهم) أحمد: إلا قولي .. هو انت كدة من زمان؟؟ محمد : كدة ازاي ؟ وكدة يعني ايه أصلا؟ أحمد : مش بتقول يابني انك سلفي؟ محمد : اه أحمد : لا حول ولا قوة إلا بالله محمد : هو انا قلتلك اني محصّب(مصاب بالحصبة)؟؟ أحمد : طيب هو انتو بتقطعوا الودان ليه؟ وليه مية النار ؟انتو معندكوش قلب؟ محمد : حبيبي يا ابو حميد .. شكلك تعبان أحمد : هو انت مسمعتش عن الناس اللي بيعملوا كدة؟ محمد: لا .. شكلهم ايه ؟؟؟ أحمد : ناس كدة لابسين قصير وعندهم دقن وبيصلوا في الجامع الخمس صلوات ودايما نضاف وريحتهم حلوة و .. محمد : هيستريا من الضحك أحمد : وبيقولوا انهم سلفين ياعم محمد: مبطلش ضحك أحمد : (مستغرب)بتضحك ليه؟ محمد : مش انت دكتور؟ احمد : ايوة محمد: هو ليه كل الدكاترة بينسوا المشرط جوة بطن العيان؟ أحمد: مش كلهم .. وكمان متعممش دي حصلت مرة او اتنين ومكانتش بقصد وخلاص عدت وساعتها الناس مصدقت ومرحمتناش ... محمد : ايوة هي دي أحمد: ؟؟ محمد: السلفين منهجهم زي الفل بس في ناس اتبعوه ومكانوش فاهمين قوي فغلطوا وصحوا غلطهم فالناس ماصدقت ولما لقوهم جامدين ومبيتهزوش قاموا قالوا حكاية الودان دي هههههههههههه .. والله ياد يا أحمد ودانك عجباني ماتجيب أدوق أحمد : لا ياعم خدلك سكة بعيد عني وفعلا ساب صاحبنا محمد صاحبه أحمد وشاف سكة تانية وفجأة وهو ماشي لقى صويت تابعونا في الحلقة القادمة |
|
|
#8 |
|
|
رد: حملة إيه يعني السلفية ؟؟ مين هم السلفين والسلفيات؟
الحلقة الثانية : ...بعد تفكير أخونا أحمد العبقري ده ولما لقاه صاحبنا محمد مخه متربس ومينفعش معاه كلمتين عالواقف كدة في الشارع وقام سابه ومشي وفجأة سمع صوت صريخ والناس اتلمت بابا فراح محمد باص لتحت كدة لقى طفل عمره بتاع 5 أو 6 سنين بيشاور على عمنا محمد وبيصرخ عا محمد : (بيتلفت حواليه ولاقي الناس بتجمع) مالك يا حبيبي؟ (بسمة ارتباك) الطفل : بابا الحق .. ده زي اللي قالوا عليه بيخطف العيال (تهمة جديدة لانج) هما قالوا عنده شعر في وشه كتير ولابس برمودة عليها جلابية قصيرة برضه (وهو بيتفحص بعنيه عمنا محمد) الحقني يابابا بسرعة بابا : ايه ده هو انت سلفي؟ محمد : (متسمر ومندهش وبيرد زي الآلة) اه بابا : وسايبينك ماشي كدة في الشارع وسط المواطنين الأبرياء (افتكر نفسه في مؤتمر صحفي) وذنبهم ايه الناس دي ( بيشاور عالناس الملمومين) حرام عليك محمد : (فاتح بقه ولا فاهم حاجة من اللي بتقال) بابا : وكمان شايفك وانت ماشي .. تقدر تقولي كنت بتمتم بايه (كان بيسبح) أكيد طبعا حاط سماعة بلتوث في ودانك وبتكلم صحابك علشان معاد الهجوم (اوبس .. فكره بحكاية الودان) محمد : ايه حكاية الودان النهاردة؟ بابا : لا يا باشا أبوس ايديك .. أنا عندي عيال عاوز أربيهم (شبه بيعيط ) محمد : (شاك في عقل الراجل) هو انتو بتهزروا ولا بجد؟؟ (وبيلف كدة قام كل الناس جريت في لحظة) بابا : (متسمر في مكانه + ابتسامة معناها : حبيبي انت مفضلش غيري ^_^) محمد : إنا لله وإنا اليه راجعون بابا : (بيكلم ابنه ) اجري ياد بسرعة ..وطار هو وابنه محمد ماشي ودماغه عمالة تكركب من كتر الأفكار اللي بتجري جوه وهو مش فاهمها خالص وصل الحاج محمد إلى عمارتهم .. وملقاش البواب اللي كان محمد طالب منه حجات قبل ما ينزل الصبح نده محمد عالبواب بصوت عالي مرة واتنين وأخيرا ظهر البواب وياريته ما ظهر محمد متنح من هول الصدمة وشاف عم البواب جاي ومن غير .... تبعونا الحلقة الجاية ان شاء الله |
|
|
#9 |
|
|
رد: حملة إيه يعني السلفية ؟؟ مين هم السلفين والسلفيات؟
{{ الحلقة الثالثة }} محمد وصل للعمارة ونده للبوا (عم ابراهيم) اللي كان أكثر حد بيحب يقعد معاه ويتكلم وبيبص محمد لقى عم إبراهيم جاي ومن غير دقنه ... محمد : ايه ده؟ عم ابراهيم .. ايه ده؟ عم ابراهيم : بص يا محمد ماهو لما توصل للودان يبقى لازم نضحي محمد : يا ربنا .. النهاردة يوم الودان ولا إيه؟؟ عم ابراهيم : وطي صوتك أحسن الناس تسمعك .. إلا قولي (وهو موطي صوته) هو لتر مية النار بقى بكام اليومين دول؟؟ محمد : (متغاظ) عم ابراهيم .. هو مش انت كنت زي كدة ولحيتك كانت منورة وشك وجلبابك النظيف ومع بعض على طول في الجامع وكتب وشرايط و.. عم ابراهيم : لا لا لا (وهو بيتلفت حواليه) أنا تبت والحمد لله محمد : (فاتح بقه مترين رأسي) متخلنيش أصوّت في وشك يا عم انت .. انا عاوز أفهم في ايه؟؟ عم ابراهيم : أنا احكيلك اللي سمعناه النهاردة في الجرايد .. محمد : سمعناه في الجرايد؟؟ كمل كمل عم ابراهيم : اه .. قالوا انه السلفين قطعوا ودن واحد في قنا وكمان بيجهزوا لحملة هيهجموا فيها على كل البنات المتبرجات في الشوارع بمية النار وكمان ياعم كسروا الأضرحة في قليوب والناس بتقول انهم شوية شوية هيخلوا الناس مينزلوش من البيوت بعد الساعة 5 و .. محمد: بس بس بس مين دول اللي هيعملوا كدة؟؟ عم ابراهيم : السلفين محمد : يا الله .. ( وسابه ومشي وهو شايط ) دخل محمد البيت لقى والدته قاعدة بتفرج على التلفيزيون ولما شافته قبضت عليه الوالدة: محمد .. تعالى هنا محمد : (الابتسامة منورة وشه) حاضر يا ست الكل (واخد ايدها وباسها) الوالدة: انت لازم تحلق دقنك وتسيبك من الناس اللي بتكلم معاهم في الجامع دول وبتخرج معاهم محمد : ليه ليه ليه بس كدة يا ست الحبايب مش انتي دايما بتقولي أنا مخلفتش غير محمد وعجبك قوي التزامي ده ؟ ولا كنتي بتقولي كدة بس عشان أنزلك الزبالة؟(وبيضحك وبيزغزغ الست الوالدة) الوالدة: بس ياد أنا باتكلم جد .. دول شوية شوية هيقولوا انكم سبب في زلزال يوم الجمعة محمد : (بيضحك) ومين جالّك يا اماي اننا ملناش ذنب؟ (بيتكلم بلهجة ساخرة وبيضحك) والدته : برضه بتهزر ؟ ماشي يا محمد لما نشوف آخرتها .. محمد : آخرتها باذن الله فل يا ست الكل وقام محمد ودخل أوضته وغيّر هدومه واترمى على السرير ودخل أخوه الصغيّر وجاي جري يرخم عليه كريم : حمو (وقام ناط على السرير وقرّب يكسره) محمد : حبيبي .. ازيك يا كوكو كريم : كويس .. دا أنا صحابي في المدرسة بيقولوا يابختي علشان عندي أخ زيك؟؟ محمد : ازاي؟؟ تابعونا الحلقة الجاية ان شاء الله |
|
|
#10 |
|
|
رد: حملة إيه يعني السلفية ؟؟ مين هم السلفين والسلفيات؟
جزاكم الله خيرا
|
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 70KB.