 |
  |
|
|
|
|
#1 |
|
:: كاتبة جديدة :: |
تجارب عجيبه مع الاستغفار
السلام عليكم ورحمة الله وبركاته
أخواتي الحوائيات الكريمات كما وعدتكن من قبل انو راح انزل لكم كل تجاربي مع الاستغفار والدعاء والصدقه ها أنا راح اوفي بوعودي لكم وراح اكتب كل ما اذكره وكل ما استجد معي مو عن شئ والله اعلم بنيتي ولكن من باب التشجيع والتحفيز والا انا وربي والذي نفسي بيده أن ثقتي بربي عجيبه وليس لها حدود وظني به دائما احسنُ الظن ورجائي دائما معلق به لا ينقطع ولا امل من دعائه حتى وانا على جنبي واذكر الادعيه لكي اكتب عند الله من الذاكرين والمعروفين عند الملا الاعلى لأن العبد كثير الذكر لله صوته معروف عند الملائكه ثم اذا سأل الله مسألة وكان في ضائقه قالت الملائكة صوت معروف من عبد معروف فأستجيبت دعوتة فوراً لذا اول نصيحه خلي لسانك دائما رطباً بذكرالله حتى يصبح صوتك معروف عند الملأ الاعلى وتستجاب دعوتك فوراً باذن الله ما اطيل عليكم اولا قبل سنه تقريباً نزلت موضوع بعنوان ""شوفوا تجاربي مع الاستغفار (عجيبه)"" وإتفاجأت من بعض الاخوات انها لا تعرف انو الاستغفار سبب من اسباب الرزق والانجاب وانزال المطر والقوه الجسميه وكثير بل الاغلبيه تقول انو لمحو السيئات فقط .. اقول لهن نعم اذا محيت السيئات خفت عن العبد الذنوب التي تكون حجاباً بينها وبين الاستجابه للدعاء فكل ما استغفرت كل ما سقطت ذنوبك وخف ميزان سيئاتك وبذلك تتقرب من ربها ويستجاب دعاءها وما تنوي به لذا اقول للأخوات الاتي يقولون ما يجوز الاستغفار بغرض دنيوي اسمعوا قول الحق جلا وعلا ""فقلت استغفروا ربكم انه كان غفارا *يرسل السماء عليكم مدرارا *ويمدكم بأموال وبنين ويجعل لكم جنات ويجعل لكم انهارا"" طيب هذه الاشياء المذكوره بالآيه الكريمه أليست اغراض دنيويه ؟؟ اللي اهي الاموال والاولاد والامطار والحدائق والخيرات ؟؟ اللي ابي اوصله وطبعا وانا ماشيه عليه وحقق لي بعد الله آمال كثيره هو اني استغفر بنيه محو الذنوب والهدف او الشئ اللي بالي .. ادري فيكم تبون التجارب اللي مريت فيها طبعا هذه الاشياء استجدت معي بعد موضوعي اللي نزلته السنه الماضيه وما راح اذكر الاشياء القديمه بل راح اذكر لكم الي صار معي الايام هذه اولا - اذا تتذكرون بموضوعي الاول كنت اقول بنهايته اني الآن قاعده استغفر بنيه الوظيفه وفعلا انا كنت مداومه على الاستغفار بنية الوظيفه وكان ايضا نفسي اكمل دراستي الجامعيه الحاصل انو انا داومت على الاستغفار مع الدعاء وطبعا طريقتي بالسبحه كل يوم مع انو الاصابع افضل لكن انا استمريت على السبحه عشان اضبط العدد وفعلا استغفر الين اوصل الميه وارجع اعيد الكره الين توصل الالف واكثر وعلى ذي الحال كل يوم واحيانا وانا اشتغل بالمطبخ استغفر بدون عدد الآن والله الذي لا اله الا هو اني الآن اني توظفت قبل 6 اشهر بوظيفه رسميه وحلوه ومديرتي بالعمل عسل ومع هذا كله قولوا ما شاء الله مرتاحه ومستانسه يارب لا تغير علي ثانيا- انا كانت نفسيتي تعبانه ومجموعي ما يدخلني الكليه ولا الجامعات وقالوا لازم كليه متوسطه او معهد علمي وطبعا المعهد والكليه المتوسطه لا يعترف فيها في الوقت الحالي وكلم اخوي واحد يعرفه بجامعه الامام وسجلني رغما عن مجموعي الضئيل والله مو من الواسطه لانو قد جبنا واسطات وكل شئ وما نفع الا بعد ما كنسلت الموضوع من البشر كلهم وبديت بعلاقتي مع الله ثم الاستغفار والله والله يا اخوات اني ادعي ربي ليل نهار واستغفر بنية اني اكمل دراستي ومع ذلك عندي امل بالله اقسم بالله العلي العظيم اني الآن ادرس مع الوظيفه انتساب يعني ربي رزقني بوظيفه مع اكمال الدراسه لا وبعد مديرتي سخرها ربي لي تقول اذا رحتي اختبار ماراح يحسب عليكي وابدت استعدادها لمساعدتي ثالثاً- كان نفسي من زمان احقق امنيه هي شوي شخصيه بس كنت ابي اموت لو ما حققتها والآن تحديدا بشهر صفر حققتها بالمداومه على الاستغفار كان نفسي اذكرها لكم لو ما كانت علامه مميزه لي هههههه يعني لو قلتها راح تكشف عن شخصيتي بس والله العظيم رب العرش العظيم اني كنت بموت عليها وما اقدر ابداً تحقيقها لكن قلت انا كل شئ كنت ابيه استغفر بنيه صادقه ويتحقق لي والهدف او الامنيه هذه راح احقق باذن الله عزوجل والحمد لله يمكن بس اشهر قليله وعملتها بكل سهوله وبسريه تامه ولا احد درى عنها حتى اهل البيت معي ما يدرون رابعاً- مع مداومتي على الاستغفار والصدقه وقيام الليل بنية التحسينات في عملي وحصلت بعد الزيادات اللي امر بها خادم الحرمين الشريفين حفظه الله ولا شملت اللي معي ومستغربين لانهم اقدم مني بس الله سبحانه رزاق كريم وما ينسى عبده ورزقي وكنت انوي جمله اهداف منها الشخصيه ومنها الاجتماعيه بمعنى اصلاح ما بيننا وبين بعض اقاربنا والله انو ربي يسر لي وزالت كل الخلافات وسوء الفهم اللي حاصل وبالعكس احس انو العلاقات الوديه زادت اكثر من قبل .. يارب لك الحمد والفضل والمنه نصيحه يابنات ويا زوجات ويا من حرمت من الاولاد اكثرو من الاستغفار والله والله مفعوله سحر وفوائده دنيويه واخرويه واللي تسأل عن طريقتي اولا استشعر معناه : واقول استغفر الله وانا انوي مغفره ذنبي اولا وتحقيق هدفي ثانيا واحسن الظن بالله يعني اتفاءل خير دائما ولو تأخر تحقيقه ما امل ابدا بل ازيد واكثر من لا حول ولا قوه الا بالله والاذكار بشكل عام نقطه هام ه جدا وبموضوعي والله والله العظيم يا اخوات انو كل ما تحقق لي شئ من آمالي انو ما انسى ربي بالعكس اتذكر فضله ومنته علي واول شئ اسويه اسجد سجود شكر واكثر من شكره وحمده وثناؤه سبحانه وتعالى واحاول انو دائما اتذكر يوم كنت ادعو ربي واستغفره بنية هذا الشئ اللي تحقق وكيف تحقق بفضل ربي من غير حول من ولا قوه ""ولأن شكرتم لأزينكم "" نقطه ثانيه بعد والله يا بنات دائما بيني وبين نفسي اقعد اقارن قبل وبعد مثلا اتذكر دائما اطلب من اهلي فلوس واستحي احيانا والآن لا اسحب من الصراف اللي ابي من غير ما احد يسألني وش صرفتي وين صرفتيه واقعد احمد ربي كثير واشكر وكل ما تحقق شئ اقعد اقارن قبل وبعد عشان اعرف فضل ربي علي واشكر ه سبحانه وتعالى والله فيه اشياء بس والله هذا اللي اتذكره الان والحين يا غاليات بقى راح استغفر وادعي ربي انو يرزقني بالصالح حسن الخلق والخلقه من يخافك فيني وكما اريده وان تكتبه لي عاجلا غير آجل يارب العالمين بقى دعواتكم لي منقول للفائده مواضيع ذات صلة |
|
|
#2 |
|
|
رد: تجارب عجيبه مع الاستغفار
اتمنى الكل يستفيد ولا ابي غير الدعاء
|
|
|
#3 |
|
|
رد: تجارب عجيبه مع الاستغفار
 بارك الله فيك تقبلي مروري اختك ام ورد |
|
|
#4 |
|
|
رد: تجارب عجيبه مع الاستغفار
جزاك الله خير وبارك فيك
|
|
|
#5 |
|
|
رد: تجارب عجيبه مع الاستغفار
الف شكر لمروركم العطر
|
