ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات قصة حقيقية مستشفى عرقة المسكون بالجن بالرياض يوجد هنا قصة حقيقية مستشفى عرقة المسكون بالجن بالرياض روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية

فساتين العيد


 
قديم   #1

أمل بعد ألم

:: كاتبة محترفة ::

الملف الشخصي
رقم العضوية: 159478
تاريخ التسجيـل: Mar 2011
مجموع المشاركات: 1,508 
رصيد النقاط : 0

Exclamation قصة حقيقية مستشفى عرقة المسكون بالجن بالرياض


قصة حقيقية مستشفى عرقة المسكون بالجن بالرياض

بسم الله الرحمن الرحيم

السلام عليكم ورحمة الله وبركاته




قصة شباب قاموا بزيارة لمستشفى عرقة المهجور



من باب الأثارة و والفضول بعد ان سمعوا عن قصة الجن بداخل المستشفى !!


اترككم مع احداث القصة على لسان احد الشباب ذكرها و تناقلتها بعض المواقع:






يقول الشاب :

سمعنا ان فيه مستشفى في عرقه مهجور ويقولون العيال انه مهجور من حرب الخليج جوه اخواننا الكويتين وجلسو فيه وبعدها معد احد دخله
ويقولون فيه جن انا بس سمعت جن قلت له جاينه جاينه


مالكم بالطويله قلنا طيب تدله قال ايه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى شكله احسن من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قرنا ان احنا نقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا ال محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا ل باب مكسور نصه دخلنا معه
والمكان من داخل مغبر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوي في الدور الثاني العيال خافو وكل واحد صفقته ام الركب
وماتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اها
روحو ولعد اشوفكم هنا مرتن ثانيه قلنا ايه طيب


بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جاين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورت
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا تغيرت وجيهنا
اجل وشذا اللي كلمنا !!


وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين


الجزء الثاني
والعودة مرة أخرى إلى المستشفى



المهم جينا مره ثانيه وكان عددنا حول ال 18 شخص <<<<< جمعنا كل الي نعرفهم
معنا كشافات عشان الليل ..
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للبا نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه ب وجهك <<< ومن قالك انهم بيدخلونه
المهم ماعلينا
رحنا ل ثلاجه الموتى
والله على ما اقوله شهيد فيه دريشه على الباب طليت انا واحد من اخوياي لقينا منور شوي وفيه ظل على الجدار ناس يمشون كثيرين وربي كثيرين
انا وخوي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احد


قالو خلاص بنرقى للدور الي بعده قلنا لا محنب جاين بنجلس هنا قالو طيب بكيفكم

قلنا هاه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح


المهم وجينا بنوخره طاح وانكسر والله الدور منور كلله شي غريب وفيه اثار رجول كأنها من شوي ماره المهم رحنا ودخلنا غرفه العمليات و ورب الي خلقكم اننا لقينا شاهي يطلع منه بخار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراخ اخويانا الثنين
وركضنا للدرج بنشوف وش فيهم شطفونا داعسين نازلين ل تحت والله وكلنا نلحقهم واحد من العيال يقراء ايه الكرسي
قعدنا نلحقهم طولنا واحنا نركض وراهم الين طلعنا
واحنا موب تعبانين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خوي الي الحين ما يتكلم انا مسكت به وبعد جهد جهيد فكيته منهم وصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جديده مرره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خوي انهم جو فيه الكويتين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي


بسم الله الرحمن الرحيم السلام عليكم ورحمة الله وبركاته قصة

شباب قاموا بزيارة لمستشفى عرقة المهجور من باب الأثارة و

والفضول بعد ان سمعوا عن قصة الجن بداخل المستشفى !!

اترككم مع احداث القصة على لسان احد الشباب ذكرها و


وهنا مقطعين فيديو للصور والاشياء اللي شافوها الشباب اثناء تجولهم بالمستشفى


https://youtu.be/X0ByP-NNOPo

https://youtu.be/l7N4Lg52sLg


يخوف

مواضيع ذات صلة
قصة بنت مضحكةومحرجة وفيها اكشن ه
قصة مريض بالمستشفى اتحداكي ما تضحكين
اختاري من واحد لعشره وشوفي ايش الناس قالوا عنك لما تمشين
رئيس وزراء باكستان يعيد الحظر على يوتيوب بعد ساعات من رفعه
معنى اسم الله الجبار والله يشرح صدرك
التحلي بالاخلاق في المستشفيات عند تواجدك في المستشفى سواء لزيارة مريض او لمراجعة طبيب نسأل الله السلامه وان يديم علينا الصحه والعافيه يجب علينا ان نتحلى بعض الاخلاق ومنها تجنب أن تفترض في ذهنك سوء تعامل موظفي الاستخدام فتزمجر عليهم
قالوا سعودي قلت نهرن بلا قياس
قالوا و قلنا .. قالوا وقلنا




التعديل الأخير تم بواسطة رذاذ انثى ; 06-04-2012 الساعة 01:47 PM. سبب آخر: عدلت الصور لانه ممنوع كتابة اسم منتدى اخر ع الصور
 
قديم   #2

حكايةإحساس


رد: قصة حقيقية.. مستشفى عرقة المسكون بالجن بالرياض


قصة حقيقية مستشفى عرقة المسكون بالجن بالرياض

مشكوره ياعسل شكله حلو غريبن محد اهتم فيه والله شي يحير

 
قديم   #3

أمل بعد ألم


Smile رد: قصة حقيقية.. مستشفى عرقة المسكون بالجن بالرياض


قصة حقيقية مستشفى عرقة المسكون بالجن بالرياض

اقتباس:
المشاركة الأصلية كتبت بواسطة ثلوج دافئة مشاهدة المشاركة
مشكوره ياعسل شكله حلو غريبن محد اهتم فيه والله شي يحير

 
قديم   #4

NoOoNoOo


رد: قصة حقيقية.. مستشفى عرقة المسكون بالجن بالرياض


قصة حقيقية مستشفى عرقة المسكون بالجن بالرياض


آختي سلمت يمنآك على مآ حملته لنآ
موضوع عآلي بذوقه ,,الرفيع
يعطيك ال ع آآفيه على مآطرحتي لنآآ يآآل غ لآآآ ,,
ولاتحرمينا من جديدك ,,,, لآعدمتي ,,,


 
قديم   #5

رذاذ انثى


رد: قصة حقيقية مستشفى عرقة المسكون بالجن بالرياض


قصة حقيقية مستشفى عرقة المسكون بالجن بالرياض

يسلمو حبيبتي بس يا ريت تاني مرة ما تحطي صور
عليها روابط لمنتديات اخرى انا عدلتلك عليهم بس رجاءا
لا تعيديها مرة اخرى وشكرا لك

 

أدوات الموضوع



الساعة الآن توقيت السعودية الرياض و الدمام و القصيم و جدة 02:30 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0