 |
  |
|
|
|
|
#1 |
|
:: كاتبة نشيطة :: |
كل قنواتنا العربية يتضح منها ان ما بقاش فيه ناس فاهمة لا حقيقة الإسلام
و لا أخلاقه و لا تعاليمه و ان كنا كلنا بنجتهد اليوم لنتقرب الى الله و نحاول أن نتعلم ديننا و نعلم حقيقته الا ان علماءنا (و الله أعلم ) فيه حاجات تانية شغلاهم و أياً كان ما يشغلهم فما يحدث فى فضائياتنا جد خطير ما ينفعش السكوت عليه اكتر من كدة يعنى مثلا: أول ما يبدأ رمضان تلاقى برامج التريقة على خلق الله تملأ القنوات العربية ليل و نهار ، سواء على تواضع حالهم المالى او الثقافى او العقلى ... و الحجة انهم يجيبوا فى آخر لقطة " نذيع ؟ " هما مش عارفين انه حتى لو رضيوا البسطاء دول من اذاعة حلقة كلها تريقة و سخرية منهم ان دة بيعلم اولادنا ان السخرية حلال و عادى اننا نسخر من الأقل علما أو فكرا أو مالا ... ؟ دة ربنا محرم ان نسخر من بعض فى آية واضحة و صريحة فى القرآن : يَآأَيُّهَا الَّذِينَ آمَنُوا لا يَسۡخَرۡ قَومٌ مِّن قَوۡمٍ عَسَى أَن يَكُونُوا خَيۡرًا مِّنۡهُمۡ وَلَا نِسَآءٌ مِّن نِّسَاءٍ عَسَى أَن يَكُنَّ خَيۡرًا مِّنۡهُنَّ وَلَا تَلۡمِزُوا أَنفُسَكُمۡ وَلَا تَنَابَزُوا بِالۡأَلۡقَابِ بِئۡسَ الاِسۡمُ الۡفُسُوقُ بَعۡدَ الۡإِيمَانِ وَمَن لَّمۡ يَتُبۡ فَأُوۡلَـٰٓئِكَ هُمُ الظَّالِمُونَ (الحجرات11) دة غير برامج المقالب اللى بدأت من اكتر من ربع قرن ببرنامج الكاميرا الخفية و السنة دى شكلها اقتصرت على الفنانين كل ممثل يستلم زمايله مقالب تحرق دمه و تعصبه بل و تروعه ..!! ليه ؟ هما فاكرين دى شطارة ؟ دول بيعلموا اولادنا ان مادام بيهزر يبقى يعمل ما بدى له لا غلط دة الرسول عليه الصلاة و السلام بيقول : لا تروعوا المسلم، فإن روعة المسلم ظلم عظيم الراوي:عامر بن ربيعة بن كعبالمحدث:السيوطي - المصدر:الجامع الصغير- الصفحة أو الرقم:9769 خلاصة حكم المحدث:صحيح الحاجات دى لو اترسخت فى نفوس ابناءنا هتخلق العداوة بينهم لما يكبروا و ما ننساش المثل اللى بيقول الطريق الى جهنم مفروش بالنوايا الحسنة دة غير بقى المصيبة الكبيرة : مسابقات الحج و العمرة بيضحكوا علينا و يقولوا لنا ان سعر المكالمة عادية أو فقط جنيه و نص و الواحد يطلب يلاقى كام دقيقة اعلان و يا إما تعرف تجاوب يا إما ماتعرفش فيفضل الواحد يجرب اكتر من مرة و يتابع طول الشهر و يتصل طول الشهر و بعد ما يغرم كل الفلوس دى يا اما يكسب يا اما لأ و طبعا ما بيحاولش المحاولات دى الا الغلابة اللى ما يقدروش يدفعوا فلوس حج أو عمرة و فلوس المكالمات دى بتكون (ربح) لشركات التليفونات و القائمين على هذه المسابقات الكلام دة هو القمار بعينه و لما قلنا كدة طلعوا بعض المشايخ بحجة : "اصل المسابقات دى بتخلى الواحد يبحث فى الدين و يتعلم " يتعلم ايه ؟ القمار ؟ هما ما يعرفوش ان الإسلام حرم اننا نشترى السمك قبل ما يصطاده الصياد ، أو الزرع قبل ما يتجنى من الأرض ؟ فما بالنا بمن يدفع النقود فى شئ هياخده او لأ حتى لو مليم واحد و حتى لو الإنسان فى منتهى الثراء ؟ ما هو دة القمار و لا يعنى ماحدش فاهم ؟ البيع و الشراء واضح فى الإسلام .. ماحدش يحط قرش الا فى بضاعة حاضرة ياخدها بعد كدة لو كسب عليها هدية فدى شئ و اللى بيحصل دة شئ آخر اسمه بالعربى قمـــــااااااار و القناة اللى عايزة تعمل مسابقة للحج و العمرة لله لازم تكون مجانية تماما بمعنى انها تتكفل بالمكالمات التليفونية و أى مليم بيتدفع فى المسابقات دى الغلابة اللى مش لاقيين ياكلوا أو يتعالجوا هم أولى به دة الحج و العمرة بالسلف محرم يا ناس نقوم نحج و نعتمر بالقمار ؟ و الله حسبنا الله و نعم الوكيل عن المسئولين عن كل ذلك دة غير بقى الإعلانات عن " الشيشة الرمضانية " و " الخيّم الرمضانية " و " السهرات الرمضانية" و حسبنا الله و نعم الوكيل فى التهريج اللى بيحصل دة كله لو نتكاتف يا مسلمات و نمتنع عن مشاهدة البرامج دى ، و المشاركة فى المسابقات دى و مشاهدة القنوات اللى بتعلن عن الشيشة و الخيّم .... هنحمى ديننا و ولادنا على مشايخنا ما يفضوا للأمور اللى بيحسبوها هينة دى و حسبنا الله و نعم الوكيل مواضيع ذات صلة |
|
|
#2 |
|
|
رد: بجد .. .. مش لازم نسكت اكتر من كدة ..
بارك الله فيك
أختي ليس الجميع هناك من رحم ربي وهناك الان وعي وهناك كثير من البرامج الاسلاميه وقنوات اسلاميه |
|
|
#3 |
|
|
رد: بجد .. .. مش لازم نسكت اكتر من كدة ..
 |
|
|
#4 |
|
|
رد: بجد .. .. مش لازم نسكت اكتر من كدة ..
|
|
|
#5 |
|
|
رد: بجد .. .. مش لازم نسكت اكتر من كدة ..
 |
بجد .. .. مش لازم نسكت اكتر من كدة ..